Գործ թիվ ԵԿԴ/0350/01/17


Ո Ր Ո Շ ՈՒ Մ
քրեական գործի վարույթը կարճելու և քրեական հետապնդումը
դադարեցնելու մասին

«15» փետրվարի 2018թ. ք. Երևան

Երևան քաղաքի ընդհանուր իրավա¬սության դատարանը (այսուհետ` Դատարան)` հետևյալ կազմով,

նախագահությամբ դատավոր` Արշակ Վարդանյանի,
քարտուղարությամբ` Հասմիկ Ջանազյանի,

մասնակցությամբ`

մեղադրող, Երևանի Կենտրոն և
Նորք-Մարաշ վարչական շրջանների
դատախազության դատախազ` Սաթենիկ Անդրեասյանի,

տուժող` Հրաչյա Մուրադյանի,

նույն դատարանում` խորհրդակցական սենյակում, քննության առնելով քրեական գործն ըստ մեղադրանքի`
Հմայակ Բորիսի Ավետիսյանի` (ծնված 1989թ. մարտի 15-ին, Երևան քաղաքում, ազ¬գութ¬յամբ հայ, ՀՀ քա¬ղաքացի, ութամյա կրթութ¬յամբ, ամուրի, նախ¬կինում չդատա¬պարտված, հաշվառ¬ված է Երևանի Մյասնիկյան պողոտայի 14/9 տանը, սույն գործով վերագրվել է ՀՀ քրեական օրենսգրքի 177-րդ հոդվածի 1-ին մասով նախատեսված արարքի կա¬տարում, սույն գործով խա¬փան¬ման միջոց չի ընտրվել, սակայն նա ներկայումս մեկ այլ գործով հանդիսանում է ՀՀ ԱՆ «Նու¬բարաշեն» ՔԿՀ կալանավոր),
հաշվի առնելով քրեական գործի դա¬տական քննության ընթացքում գործի վարույթը բա¬ցառող հանգա¬մանքի ի հայտ գալու փաստը,

Պ Ա Ր Զ Ե Ց`

Մասնավոր մեղադրանքի վերաբերյալ թիվ 15853817 քրեական գործը հարուցվել է 2017թ. հոկտեմբերի 18-ին` ՀՀ քրեական օրենսգրքի 177-րդ հոդվածի 1-ին մասի հատկանիշներով ՀՀ ոստիկանության Կենտրոնական բաժնում` քաղ. Հրաչյա Մուրադյանի հաղորդման առթիվ։
2017թ. հոկտեմբերի 20-ին քրեական գործը նախաքննություն կատարելու համար ուղարկ¬վել է ՀՀ քննչական կոմիտեի Երևանի Կենտրոն և Նորք-Մարաշ վարչական շրջանների քննչական բաժին։
2017թ. դեկտեմբերի 20-ին Հմայակ Ավետիսյանին մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով։
2017թ. դեկտեմբերի 27-ին սույն քրեական գործը Հմայակ Բորիսի Ավետիսյանի նկատմամբ ՀՀ քրեական օրենսգրքի 177-րդ հոդվածի 1-ին մասով հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրա¬վա¬¬սութ¬յան (սույն դատական ակտի կայացման պահին` Երևան քաղաքի ընդհանուր իրավասության) դատա¬րան, փաստացի մուտքագրվել է 2017թ. դեկտեմբերի 28-ին, նախագահողին հանձնվել է 2017թ. դեկտեմբերի 29-ին, նույն օրն ընդունվել է վարույթ, իսկ 2018թ. հունվարի 15-ին նշանակվել դատական քննության։
Համաձայն Հմայակ Ավետիսյանին որպես մեղադրյալ ներգրավելու որոշման, ինչպես նաև մեղադրական եզրակացության` վերջինիս ՀՀ քրեական օրենսգրքի 177-րդ հոդվածի 1-ին մասով մեղադրանք է առա¬ջադրվել այն բանի համար, որ նա «2017թ. հոկտեմբերի 8-ին՝ ժամը 15։00-ից մինչև 16։00-ն ընկած ժամանակահատվածում հյուրընկալվելով Հրաչյա Ժորայի Մուրադյանի՝ Երևան քաղաքի Մյասնիկյան պողոտայի 14/4 տանը« տեղում ծագած դիտավորությամբ ննջա¬սենյակից գաղտնի հափշտակել է վերջինիս պատկանող ընդհանուր զգալի չափի՝ 330.000 ՀՀ դրամ արժողության «Այֆոն 6Ս» և «Նյու Քալ» ապրանքանիշի բջջային հեռախոսները։
2018թ. փետրվարի 15-ին կայացած դատական նիստի ընթացքում տուժող Հրաչյա Մուրադ¬յանը հայտնեց, որ թեև գործով ամբաստանյալը չի փոխ¬հատուցել իրեն պատճառված վնասը, սակայն նրա հետ հաշտվել է, այլևս բողոք չունի և չի ցանկանում, որ նա ենթարկվի քրեական պա¬տաս¬խանատվության։
Ամբաստանյալ Հմայակ Ավետիսյանը հայտնեց, որ տուժողի հետ հաշտվել է, չի առարկում, որ իր նկատմամբ հարուցված քրեա¬կան հե¬տապնդումը դադա¬րեցվի ոչ արդարացնող այդ հիմքով։
Դատարանը, հաշվի առնելով ամբաստանյալի և տուժողի վե¬րոնշյալ դիր¬քո¬րոշումները, փաստում է, որ ի հայտ է եկել քրեական գործի վարույթը բացառող հանգամանք (հիմք), որի պայ¬մաններում քրեական գործի վարույթն ենթակա է կարճման, իսկ ամբաստանյալ Հմայակ Ավետիս¬յանի նկատմամբ հարուցված քրեա¬կան հետապնդումը` դադա¬րեցման, որպիսի հետևութ¬յան հանգում է հետևյալ իրա¬վական վերլու¬ծութ¬յունների արդյունքներով.
ՀՀ քրեական դատավարական օրենսգրքի 33-րդ հոդվածի համաձայն` մասնավոր մե¬ղադրան¬¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծություն¬ների վերաբերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի (…) 177-րդ հոդվածի 1-ին մասով նախատեսված հանցա¬գործությունների վերաբերյալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի կամ մեղադրյալի կամ ամբաստանյալի հետ նրա հաշտվելու դեպքում են¬թակա են կարճման։ Հաշտությունը թույլատրվում է մինչև դատավճիռ կայացնելու համար դատա¬րանի խորհրդակ¬ցա¬կան սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում տուժողը հաշտվել է կասկածյալի կամ մեղադրյալի հետ։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանք¬ներ, լուծում է ամբաստանյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։
ՀՀ քրեական դատավարական օրենսգրքի 64-րդ հոդվածի 2-րդ մասի համաձայն` մե¬ղադրյալը, ում վերաբերյալ գործը նշանակված է դատական քննության, ձեռք է բերում ամբաս¬տան¬յալի կարգավիճակ, հետևաբար` ՀՀ քրեական դատավարական օրենսգրքի 35-րդ և 36-րդ հոդ¬վածների վերոնշյալ մեկ¬նաբանությունները վերաբերելի են նաև սույն գործով ամբաստանյալ Հ.Ավետիսյանին։
ՀՀ քրեական դատավարական օրենսգրքի 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոց¬ները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում` իրեղեն ապացույցների ճակատագրի վերաբերյալ։ Տվյալ հարցին անդրադառնալով` Դատարանն արձանագրում է, որ քրեական գործով իրեղեն ապացույցներ չկան, ամբաստանյալի գույքի նկատմամբ արգելանք չի կիրառվել, Հ.Ավետիսյանի նկատմամբ սույն քրեական գործով խափանման միջոց չի ընտրվել։
Վերոգրյալի հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետով, 41-րդ հոդվածի 2-րդ մասի 8-րդ կետով, 183-րդ, 294-րդ և 313-րդ հոդվածներով, ինչպես նաև 379-րդ հոդվածի 1-ին մասի 1-ին կետով, Դատարանը

Ո Ր Ո Շ Ե Ց `

1. Հմայակ Բորիսի Ավետիսյանի նկատմամբ ՀՀ քրեական օրենսգրքի 177-րդ հոդվածի 1-ին մասով հա¬րուցված քրեա¬կան հետապնդումը դադարեցնել, թիվ ԵԿԴ/0350/01/17 քրեական գործի վարույթը կարճել` նրա և տուժող Հրաչյա Ժորայի Մուրադյանի հաշտութ¬յան հիմ¬քով։
2. Սույն որոշման օրինակներն հանձնել կողմերին` պարզաբանելով, որ այն կարող է բողո¬քարկ¬վել ՀՀ վերաքննիչ քրեական դատարան` ստացման օրվանից մեկամսյա ժամ¬կետում։


ԴԱՏԱՎՈՐ` Ա.ՎԱՐԴԱՆՅԱՆ