ԵԿԴ/0349/01/17






ՈՐՈՇՈՒՄ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՀԱՐՑԸ ՔՆՆՈՒԹՅԱՆ ԱՌՆԵԼՈՒ ՄԱՍԻՆ

26.09.2018թ. ք.Երևան

Երևան քաղաքի ընդհանուր իրավասության դատարանը` նախագահությամբ դատավոր Արմեն Բեկթաշյանի, քարտուղարությամբ Կարինե Կարապետյանի, մասնակցությամբ մեղադրող Նարեկ Խաչատրյանի, դռնբաց դատական նիստում քննելով քրեական գործն ըստ մեղադրանքի Էմմա Միխայիլի Նարինյանի (ծնված 1970 թվականի հունիսի 01-ին Երևան քաղաքում, ազգությամբ հայ, ՀՀ քաղաքացի, նախկինում չդատված, հաշվառված է Երևան քաղաքի Եղբայրության փողոցի 5-րդ շենքի 19-րդ բնակարանում)` ՀՀ քրեական օրենսգրքի 325-րդ հոդվածի 1-ին մասով ամբաստանյալ Էմմա Միխայիլի Նարինյանի կողմից ներկայացված միջնորդությունը` քրեական հետապնդումը դադարեցնելու վերաբերյալ`

Պ Ա Ր Զ Ե Ց

2017 թվականի սեպտեմբերի 13-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Ս.Նազարյանի կողմից որոշում է կայացվել թիվ 11103016 քրեական գործը վարույթ ընդունելու մասին։
2017 թվականի նոյեմբերի 02-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Շ.Գրիգորյանի կողմից որոշում է կայացվել թիվ 11103016 քրեական գործը վարույթ ընդունելու մասին։
2017 թվականի դեկտեմբերի 21-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Շ.Գրիգորյանի կողմից որոշում է կայացվել թիվ 11103016 քրեական գործի նյութերով Էմմա Նարինյանի կողմից ակնհայտ կեղծ փաստաթուղթ պատրաստելու օգտագործելու դեպքի առթիվ ՀՀ քրեական օրենսգրքի 325-րդ հոդվածի 1-ին մասով թիվ 13125417 քրեական գործը հարուցելու, այն առանձին վարույթում առանձնացնելու մասին։
2017 թվականի դեկտեմբերի 21-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Շ.Գրիգորյանի կողմից որոշում է կայացվել թիվ 13125417 քրեական գործը թիվ 11103016 քրեական գործին միացնելու մասին։
2017 թվականի դեկտեմբերի 25-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Շ.Գրիգորյանի կողմից որոշում է կայացվել թիվ 11103016 քրեական գործով Էմմա Նարինյանի անվամբ սեփականության իրավունքով ՀՀ տարածքում գրանցված անշարժ և շարժական գույքի վրա կալանք դնելու մասին։
2017 թվականի դեկտեմբերի 25-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Շ.Գրիգորյանի կողմից որոշում է կայացվել թիվ 11103016 քրեական գործով Հայկ Ղազարյանի կողմից ներկայացված տեղեկանքը, որպես իրեղեն ապացույց ճանաչելու մասին։
2017 թվականի դեկտեմբերի 25-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Շ.Գրիգորյանի կողմից որոշում է կայացվել թիվ 11103016 քրեական գործով Էմմա Նարինյանին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 325-րդ հոդվածի 1-ին մասով այն բանի համար, որ նա 2016 թվականի հունվար ամսին Մարիամ Ենոքի Մարտիրոսյանի անվամբ <<Արդշինբանկ>> ՓԲԸ-ի <<Շենգավիթ>> մասնաճյուղից 2.800.000 ՀՀ դրամ վարկ ձևակերպելու ու ստացված գումարը Հայկ Ղազարյանին փոխանցելու համար տպագիր և ձեռագիր եղանակով պատրաստել է իրավունք վերապահող, ակնհայտ կեղծ փաստաթուղթ հանդիսացող Մարիամ Մարտիրոսյան՝ <<Արման և Անահիտ>> ՍՊ ընկերությունում որպես մենեջեր աշխատելու և ամսեկան 400.000 ՀՀ դրամ աշխատավարձ ստանալու մասին տեղեկանքը, որը կնիքվել է իր կողմից <<Արման և Անահիտ>> ՍՊԸ-ի կնիքով ու 2016 թվականի մայիս ամսին օգտագործել է ակնհայտ կեղծ փաստաթուղթ հանդիսացող հիշյալ տեղեկանքը՝ այն ներկայացնելով Երևան քաղաքի Գարեգին Նժդեհի փողոցի 32 հասցեում գտնվող <<Արդշինբվանկ>> ՓԲԸ-ի <<Շենգավիթ>> մասնաճյուղ։
2017 թվականի դեկտեմբերի 25-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Շ.Գրիգորյանի կողմից որոշում է կայացվել Էմմա Նարինյանի նկատմամբ որպես խափանման միջոց ստորագրություն չհեռանալու մասին ընտրելու վերաբերյալ։
2017 թվականի դեկտեմբերի 28-ին թիվ 11103016 քրեական գործը մեղադրական եզրակացությունով ստացվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։
2017 թվականի դեկտեմբերի 29-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Ա.Բեկթաշյանի որոշմամբ Էմմա Նարինյանի վերաբերյալ ՀՀ քրեական օրենսգրքի 325-րդ հոդվածի 1-ին մասով թիվ ԵԿԴ/0349/01/17 քրեական գործն ընդունվել է վարույթ։

2018 թվականի սեպտեմբերի 26-ին նշանակված դատական նիստի ընթացքում ամբաստանյալ Էմմա Նարինյանի կողմից գրավոր միջնորդություն է ներկայացվել դատարան` իր նկատմամբ քրեական հետապնդումը դադարեցնելու` քրեական պատասխանատվության ենթարկելու վաղեմության ժամկետներն անցնելու հիմքով։
Ամբաստանյալ Էմմա Նարինյանը պնդեց միջնորդությունը և խնդրեց բավարարել այն։
Մեղադրող Նարեկ Խաչատրյանը չառարկեց ներկայացված միջնորդության դեմ։

Դատարանի իրավական վերլուծությունները.
ՀՀ քրեական դատավարության օրենսգրքի 35-րդ հոդվածի 1-ին մասի 6-րդ կետի համաձայն` «քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե անցել են վաղեմության ժամկետներըե, իսկ նույն հոդվածի 5-րդ մասը սահմանում է, որ «դատարանը, հայտնաբերելով քրեական հետապնդումը բացառող հանգամանքներ, լուծում է ամբաստանյալի նկատմամբ քրեական հետապնդումը դադարեցնելու հարցըե։
ՀՀ քրեական օրենսգրքի 75-րդ հոդվածի համաձայն`
1.Անձն ազատվում է քրեական պատասխանատվությունից, եթե հանցանքն ավարտված համարելու օրվանից անցել են հետևյալ ժամկետները.
1) երկու տարի` ոչ մեծ ծանրության հանցանքն ավարտված համարելու օրվանից.
2) հինգ տարի` միջին ծանրության հանցանքն ավարտված համարելու օրվանից.
3) տասը տարի` ծանր հանցանքն ավարտված համարելու օրվանից.
4) տասնհինգ տարի` առանձնապես ծանր հանցանքն ավարտված համարելու օրվանից։
2.Վաղեմության ժամկետը հաշվարկվում է հանցանքն ավարտված համարելու օրվանից մինչև դատավճռի օրինական ուժի մեջ մտնելու պահը։ Տևող հանցագործության դեպքում վաղեմության ժամկետը հաշվարկվում է արարքը դադարելու, իսկ շարունակվող հանցագործության դեպքում` վերջին արարքը կատարելու պահից։
3.Վաղեմության ժամկետի ընթացքն ընդհատվում է, եթե մինչև նշված ժամկետներն անցնելն անձը կատարում է միջին ծանրության, ծանր կամ առանձնապես ծանր նոր հանցանք։ Այս դեպքում վաղեմության ժամկետի հաշվարկն սկսվում է նոր հանցանքի ավարտված համարելու պահից։
4.Վաղեմության ժամկետի ընթացքը կասեցվում է, եթե անձը խուսափում է քննությունից կամ դատից։ Այս դեպքում վաղեմության ընթացքը վերսկսվում է անձին ձերբակալելու կամ մեղայականով նրա ներկայանալու պահից։ Ընդ որում, անձը չի կարող քրեական պատասխանատվության ենթարկվել, եթե ոչ մեծ ծանրության կամ միջին ծանրության հանցանքն ավարտված համարելու օրվանից անցել է տասը տարի, իսկ ծանր կամ առանձնապես ծանր հանցանքն ավարտված համարելու օրվանից՝ քսան տարի, և վաղեմության ժամկետի ընթացքն ընդհատված չի եղել նոր հանցագործությամբ։
Էմմա Նարինյանին մեղսագրվող արարքը դասվում է ոչ մեծ ծանրության հանցագործությունների շարքին։ Ըստ առաջադրված մեղադրանքի` Էմմա Նարինյանին մեղսագրվող` ՀՀ քրեական օրենսգրքի 325-րդ հոդվածի 1-ին մասով նախատեսված արարքն ավարտվել է 2016 թվականի մայիս ամսին, այսինքն հանցագործության ավարտման պահից անցել է 2 տարի ժամանակ, ինչպես նաև համաձայն ՀՀ ոստիկանութայն կենտրոնի կողմից տրված տեղեկանքի` այդ ընթացքում վաղեմության ժամկետի ընթացքն ընդատված չի եղել նոր հանցագործությամբ։
Նկատի ունենալով, որ Էմմա Նարինյանին մեղսագրվող ոչ մեծ ծանրության հանցագործությունն ավարտված համարելու օրվանից անցել է 2 տարի ժամանակ, Դատարանի տրամադրության տակ առկա չէ փաստական որևէ տվյալ այն մասին, որ քրեական պատասխանատվության ենթարկելու վաղեմության ժամկետների ընթացքն ընդհատվել է նրա կողմից միջին ծանրության, ծանր կամ առանձնապես ծանր նոր հանցանքի կատարմամբ, ինչպես նաև Էմմա Նարինյանը չի առարկում վաղեմության ժամկետներն անցնելու հիմքով իր վերաբերյալ քրեական գործի կարճման ու քրեական հետապնդման դադարեցման դեմ, ուստի դատարանը գտնում է, որ պետք է թիվ ԵԿԴ/0349/01/17 քրեական գործի վարույթը կարճել և Էմմա Նարինյանի նկատմամբ քրեական հետապնդումը դադարեցնել` քրեական պատասխանատվության ենթարկելու վաղեմության ժամկետը անցնելու հիմքով։
Դատարանը, նկատի ունենալով, որ վերը նշված հիմնավորմամբ սույն քրեական գործի վարույթը պետք է կարճել և Էմմա Նարինյանի նկատմամբ քրեական հետապնդումը դադարեցնել, գտնում է, որ նրա նկատմամբ խափանման միջոց կիրառելու անհրաժեշտությունը վերացել է, ուստի Էմմա Նարինյանի նկատմամբ ընտրված խափանման միջոցը` չհեռանալու մասին ստորագրությունը, պետք է վերացնել։
2017 թվականի դեկտեմբերի 25-ի ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Շ.Գրիգորյանի կողմից կայացված որոշմամբ Էմմա Նարինյանի անվամբ սեփականության իրավունքով ՀՀ տարածքում գրանցված անշարժ և շարժական գույքի վրա դրված կալանքը պետք է վերացնել։
2017 թվականի դեկտեմբերի 25-ի որոշմամբ իրեղեն ապացույց ճանաչված Հայկ Ղազարյանի կողմից ներկայացված տեղեկանքը, պետք է թողնել քրեական գործի նյութերին կցված դրա պահպանման ողջ ժամանակահատվածում։

Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ, 41-րդ, 151-րդ, 313-րդ և 379-րդ հոդվածներով` Դատարանը


Ո Ր Ո Շ Ե Ց

Թիվ ԵԿԴ/0349/01/17 քրեական գործի վարույթը կարճել և Էմմա Միխայիլի Նարինյանի նկատմամբ քրեական հետապնդումը դադարեցնել` քրեական պատասխանատվության ենթարկելու վաղեմության ժամկետներն անցնելու հիմքով։
Էմմա Միխայիլի Նարինյանի նկատմամբ ընտրված խափանման միջոցը` ստորագրություն չհեռանալու մասին վերացնել, որոշումը օրինական ուժ ստանալուց հետո։
2017 թվականի դեկտեմբերի 25-ի ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Շ.Գրիգորյանի կողմից կայացված որոշմամբ Էմմա Նարինյանի անվամբ սեփականության իրավունքով ՀՀ տարածքում գրանցված անշարժ և շարժական գույքի վրա դրված կալանքը ՝ վերացնել։
2017 թվականի դեկտեմբերի 25-ի որոշմամբ իրեղեն ապացույց ճանաչված Հայկ Ղազարյանի կողմից ներկայացված տեղեկանքը՝ թողնել քրեական գործի նյութերին կցված դրա պահպանման ողջ ժամանակահատվածում։
Դատական ծախսերի հարցը համարել լուծված։
Սույն որոշումը կարող է բողոքարկվել Հայաստանի Հանրապետության քրեական վերաքննիչ դատարան` հրապարակման պահից մեկամսյա ժամկետում։


ԴԱՏԱՎՈՐ Ա.ԲԵԿԹԱՇՅԱՆ