Գործ ԵԿԴ/0338/01/17

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Երևան քաղաքի ընդհանուր իրավա¬սության առաջին ատյանի դատարանը (այսուհետ` Դատարան),

նախագահությամբ դատավոր` Արշակ Վարդանյանի,

քարտուղարությամբ` Հասմիկ Ջանազյանի և
Արուսյակ Ոսկանյանի,
մասնակցությամբ`

մեղադրող՝ Նարեկ Խաչատրյանի,
տուժող` Մարգարիտա Խլղաթյանի,

պաշտպաններ` Գարիկ Գալիկյանի և
Լիլիթ Ներսեսյանի,

նույն Դատարանում դռնբաց դատական նիստերի կարգով քննեց և 2018թ. մայիսի 23-ին ավարտեց քրեական գործն ըստ մե¬ղադ¬րանքի`
Գագիկ Մնացականի Պողոսյանի` (ծնված 1953թ. դեկտեմբերի 5-ին« Երևան քա¬ղա¬¬քում, ազ¬¬¬գութ¬յամբ հայ« ՀՀ քաղաքացի« միջնակարգ կրթությամբ, ամուսնալուծված, նախկինում չդատա¬պարտ¬¬¬ված, հաշ¬վառված և բնակվում է Երևան քաղաքի Ավանի Իսահակյան թաղամասի 2/1 շենքի 27-րդ բնա¬կարանում, սույն գոր¬ծով մեղ¬սագրվում է ՀՀ քրեական օրենսգրքի 131-րդ հոդվածի 1-ին մասով և 117-րդ հոդվածով նախատեսված հանցագործությունների կա¬տա¬րում, որպես խա¬փանման միջոց է ընտրվել չհեռանալու մասին ստո¬րագրութ¬յուն)։

Գործի դատավարական նախապատմությունը.
2017թ. օգոստոսի 3-ին ՀՀ ոստիկանության Կենտրոնականի բաժնում ՀՀ քրեական օրենսգրքի 131-րդ հոդվածի 1-ին մասի հատկանիշներով հարուցվել է թիվ 13863517 քրեական գործը` գործով տուժող Մարգարիտա Խլղաթյանի հաղորդման հիման վրա։
2017թ. օգոստոսի 7-ից վերոնշյալ քրեական գործի նախաքննությունը շարունակվել և ավարտվել է ՀՀ քննչա¬կան կոմիտեի Երևանի Կենտրոն և Նորք-Մարաշ վարչական շրջանների քննչական բաժնում։
2017թ. սեպտեմբերի 24-ին Գագիկ Մնացականի Պողոսյանի նկատմամբ որպես խափանման միջոց է կիրառ¬վել չհեռանալու մասին ստորագրություն։
2017թ. հոկտեմբերի 2-ին Գագիկ Պողոսյանին մեղադրանք է առաջադրվել ՀՀ քրեական օրենսգրքի 117-րդ հոդվածով։
2017թ. նոյեմբերի 6-ին որոշում է կայացվել Գագիկ Պողոսյանին առաջադրված մեղադրանքը փոփոխելու և նրան ՀՀ քրեական օրենսգրքի 131-րդ հոդվածի 1-ին մասով և 117-րդ հոդվածով նոր մե¬ղադրանք առա¬ջադրելու մասին։
2017թ. դեկ¬տեմբերի 14-ին ՀՀ քննչական կոմիտեի Երևանի Կենտրոն և Նորք-Մարաշ վարչական շրջանների քննչական բաժնի քննիչ Հ.Հարությունյանը որոշում է կայացրել Գագիկ Պողոսյանի անվամբ հաշվառված շարժական և անշարժ գույքերի վրա կալանք դնելու մասին։
2017թ. դեկ¬տեմբերի 14-ին որոշում է կայացվել Վարդգես Օհանյանի նկատմամբ ՀՀ քրեական օրենսգրքի 131-րդ հոդվածի 2-րդ մասի 1-ին կետով, Աշոտ Ավետիսյանի նկատմամբ ՀՀ քրեական օրենսգրքի 38-131-րդ հոդվածի 2-րդ մասի 1-ին կետով և Ալիսա Կանայանի նկատմամբ ՀՀ քրեական օրենսգրքի 38-131-րդ հոդվածի 2-րդ մասի 1-ին կետով քրեական հետապնդում չիրականացնելու մասին՝ նրանց արարքներում հանցակազմի բացակայության հիմքով։
2017թ. դեկ¬տեմբերի 14-ին որոշում է կայացվել Գագիկ Պողոսյանի նկատմամբ ՀՀ քրեական օրենսգրքի 185-րդ հոդվածի 1-ին մասով քրեական հետապնդում չիրականացնելու մասին՝ դիմողի (տու¬ժող Մ.Խլղթյանի) բո¬ղոքի բացակայության հիմքով։

2017թ. դեկ¬տեմբերի 22-ին թիվ 13863517 քրեական գործը Գագիկ Մնացականի Պողոսյանի նկատ-մամբ ՀՀ քրեական օրենսգրքի 131-րդ հոդվածի 1-ին մասով և 117-րդ հոդվածով հաստատված մե¬ղադրական եզրա¬կացութ¬յամբ ու¬ղարկ¬¬վել է Երևանի Կենտրոն և Նորք-Մարաշ վար¬չական շրջանների (սույն դատա¬կան ակտի կայացման պահին` Երևան քաղաքի) ընդհանուր իրա¬վա¬սության դատա¬րան, դատարան մուտքագրվել է 2017թ. դեկ¬տեմբերի 25-ին, նախագահո¬ղին փաստա¬ցի հանձնվել է 2017թ. դեկ¬տեմբերի 26-ին, նույն օրն ընդունվել է վա¬րույթ, ապա նշա¬նակվել դատական քննության։


Ապացույցների հետազոտում և գնահատում.
Դատաքննությամբ հետազոտված ապացույցների գնահատման արդյունքներով Դա¬տա¬¬րանը հաս¬տատված հա¬մա¬րեց այն, որ Գագիկ Մնացականի Պողոսյանը 2017թ. հուլիսի 23-ին` ժամը 22։30-ի սահմաններում« նախկին կնոջը` Մարգարիտա Խլղաթյանին հանդիպելու և ապակյա տարայով մեղր փո¬խանցելու առիթով ընկերոջ` Վարդգես Օհանյանի վարած «Գազել» մակնիշի 0051 Տ հաշվառման համարա¬նիշի ավտո¬մեքենայով ժամանել է Մ.Խալաթյանի վարձակալած բնակարանի բակ` Երևանի Բրյուսովի փո¬ղոցի 21-րդ շենքի հարակից տարածք, որից հետո վերոնշյալ ավտոմեքենայում գտնվող անձանց բարևելու պատրվակով« խաբեության և Մ.Խալաթյանի վստահությունը չարաշահելու միջո¬ցով առաջարկել է, որ քաղաքավարության կանոններից ելնելով` նա մոտենա նշված ավտոմե¬քենային« մտնի սրահ և պատշաճ կարգով բարևի նրանց« որից հետո, երբ Մ.Խլղաթյանն այդ նպատակով հայտնվել է նշված ավտոմեքե¬նա¬յի սրա¬հում« Գ.Պողոսյանը փակել է ավտոմեքենայի դուռը« Մ.Խլղաթյանի կյանքի ու առողջության համար ոչ վտան¬գավոր բռնություն գործադրելու միջոցով` սեղմելով ձեռքը և թույլ չտալով տեղից կանգնել« պահանջել է, որ Վ.Օհանյանն ավտոմեքենան վարի իր տան ուղղությամբ, այդ կերպ Մ.Խալաթյանի կամքին հակառակ նշված ավտոմեքենայով գաղտնի առևանգել է նրան, իսկ երբ հասել են Երևանի Ագա¬թանգեղոս 1 հասցեում գտնվող «Կրկեսի» մոտ, Մ.Խլղաթյանի հետ ծագած վիճաբա¬նության ընթացքում մեղրի պարունակությամբ 1 կգ ապակյա տարայով հարվածել է նրա գլխին« իսկ՝ ձեռքերով` մարմնի տարբեր հատվածներին՝ դիտավորությամբ պատճառելով առողջությանը թեթև վնաս՝ գլխի աջ քուն¬քա¬յին շրջանի սալջարդ վերք« աջ բազկի« աջ ազդրի« ձախ սրունքի և ձախ կրծքային մեծ մկանի արյունա¬զեղումների ձևով։ Նաև արյունահոսող վնասվածքներ պատճառելու պայմաններում Գ.Պողոսյանի հոր¬դորով Վ.Օհանյանը մեքենան վարել և Մ.Խլղաթյանին ու Գ.Պողոսյանին տեղա¬փոխել է Երևանի Ջրվեժ թաղամասի 6-րդ փողոցի 152 հասցեում գտնվող վերջինիս եղբոր տուն։
Այսպիսով, Գագիկ Պողոսյանը կատարել է հանցավոր ա¬րարքներ, որոնք նախատեսված են ՀՀ քրեական օրենսգրքի 131-րդ հոդվածի 1-ին մասով և 117-րդ հոդվածով։
Ամբաստանյալ Գագիկ Պողոսյանն առաջադրված մեղադրանքի շուրջ Դատարանում հար¬ցաքննվե¬լիս իրեն մեղավոր ճա¬նա¬չեց մասնակիորեն, ընդունեց մեղրի պարունակությամբ ապակյա տա¬րայով տուժողին հարվածելու և վնաս¬վածք պատճառելու փաստը, սակայն չընդունեց նրան առևանգելու վերաբեր¬յալ առաջադրված մեղադրանքը` նշելով, որ տուժողը կամովին է նստել ավտոմեքենա և ցան¬կություն հայտնել վերադառնալ համատեղ բնակության նախկին վայր` իր բնակարան։
Ամբաստանյալ Գ.Պողոսյանի վերոնշյալ պատճառաբանություններն անհիմն են, հետապնդում են ՀՀ քրեական օրենսգրքի` առավել խիստ պատասխանատվություն նախատեսող հոդվածով քրեական պա¬տասխանատվությունից խուսափելու նպատակ, հերքվել են դատաքննության ընթացքում հետազոտ¬ված և ստորև ներկայացվող ապացույցների բավարար ամբողջությամբ։
Իր իսկ ցուցմունքներով. Այսպես, Դատարանում հարցաքննվելիս ամբաստանյալ Գ.Պողոսյանը հայտնեց, որ տուժող Մարգարիտա Խլղաթյանի հետ ապրել են մոտ 28 տարի, ունեն մեկ դուստր։ Աշխատել է որպես շինարար, 2009թ. դստերը տվել է ուսման։ Հաճախակի նկատել է, որ իր դուստրը դասերով չի զբաղվում, որից իր մեջ կասկած է առաջացել։ Համալսարանի ռեկտորի տեղակալը զանգահարել է իր կնոջը և տեղեկացրել, որ իր դուստրը դասերի չի հաճախում։ Մի կիրակի օր իրեն է զանգահարել իր դստեր դասընկերուհին և ասել, որ Աստղիկին ասի, որ նա գնա պրակտիկայի։ Այդտեղից իր մոտ կասկած է առաջացել և հաջորդ օրը գնացել է համալսարան։ Այնտեղ իրեն հայտնել են, որ իր կնոջը տեղեկացրել էին իրենց դստեր բացակայությունների մասին, որի պատճառով 8 ամիս է իրենց դուստրը հեռացված է համալսարանից։ Այնուհետև իր դուստրը հայտնել է, որ ցանկանում է «ֆուրշետ սովորել», ինքն էլ չի ընդդիմացել դստեր ցանկությանը և նրան ընդունել է տվել այդտեղ։
Մի օր իր ընկեր Աշոտ Ավետիսյանի հետ որոշել են գնալ մի տեղ հաց ուտելու, որտեղից զանգահարել է իր կնոջը և հարցրել, թե ինչի կարիք ունեն։ Վերջինս պատասխանել է, որ ոչնչի կարիք չունեն և միաժամանակ հայտնել է, որ դստեր գլուխը հաճախակի ցավում է։ Ինքը նրա համար մեղր է գնել։ Գալուց տեսել է իր դստերը և ցանկացել մեղրը տալ նրան, սակայն վերջինս ամաչել է վերցնել և զանգահարել է մորը` ասելով, որ վերջինս բակ իջնի և մեղրը վերցնի։ Մինչև ինքը հասել է այնտեղ, Մարգարիտան արդեն այնտեղ է եղել։ Քանի որ մեքենան շատ մոտ է կանգնած եղել, ինքը Մարգարիտային առաջարկել է մոտենալ և նորմալ բարևել ավտոմեքենայի սրահում գտնվող անձանց։ Միասին հանգիստ մոտեցել են ավտոմեքենային, կնոջ ձեռքը բռնել է, նա բարձրացել է ավտոմեքենայի մեջ, որից հետո նստել են։ Որոշ ժամանակ միասին զրուցել են, իսկ երբ մեքենան շարժվել է, կինը ասել է, որ տան բանալին իր մոտ է և իրենց դուստրը կգա և դուրսը կմնա։ Մինչդեռ նախքան այդ իր կինն իրեն ասել էր, թե իբր իրենց դուստրը տանն է և լոգանք է ընդունում։ Տեսնելով, որ իրեն խաբում է, զայրացել է և իր մոտ գտնվող մեղրի ապակյա տարայով հարվածել է նրա գլխին, որի արդյունքում նա վնասվածք է ստացել։ Այդ պահին այնքան զայրացած է եղել, որ չի նկատել, թե ինչ վնասվածք է կնոջը հասցրել։ Այդ հարվածից մեղրով լցված ապակյա տարան կոտրվել է։ Ինքը ղեկի մետ գտնվող Վարդգեսին ասել է, որ ավտոմեքենան վարի իր եղբոր` Ջրվեժ թաղամասում գտնվող տուն։ Քանի որ իր մոտ գումար չի եղել, ցանկացել է գնալ իր եղբոր տուն և նրանից պարտքով գումար վերցնել՝ կնոջը հիվանդանոց տանելու համար։ Ավտոմեքենայի սրահում գտնվելիս Աշոտն իրեն ասել է, որ կարող է 40.000 ՀՀ դրամ գումար տալ, քանի որ իր մոտ այդքան գումար է եղել։ Նշեց, որ եղբոր տանը գտնվելիս կնոջը մեկ անգամ էլ ապտակել է, քանի որ նա իր հետ բարձր էր խոսում։ Այնուհետև եղբոր տնից իր նախկին կնոջը տեղափոխել են հիվանդանոց։ Հայտնեց, որ զղջում է իր կնոջը հարվածելու համար և կատարածը պատճառաբանեց իր զայրացած լինելու հանգամանքով։
Նշեց, որ միջադեպից 10 օր առաջ էին կնոջ հետ բաժանվել, վերջինս և դուստրը բնակության այլ վայր էին տեղափոխվել ու թեև մշտապես ցանկացել է հաշ¬տության եզրեր գտնել նրա հետ, բայց նա դեմ է եղել։
Ամբաստանյալ Գագիկ Պողոսյանի վերոնշյալ ցուցմունքները ստուգվել և նրա մեղա¬վորությունը հաս¬տատ¬վել է պատ¬շաճ իրա¬վական ընթա¬ցա¬կարգերի շրջա¬նակներում դա¬տաքննությամբ հետա¬զոտ¬ված հետևյալ ապացույցների հա¬մադրման և գնահատման արդյունքներով.
Տուժող Մարգարիտա Խլղաթյանի ցուցմունքով. Վերջինս Դատարանում հայտնեց, որ ամբաս¬տանյալն իր նախկին ամուսինն է։ Դեպքի օրը իր դուստր Աստղիկ Խլղաթյանը զանգահարել է իր բջջային հեռախոսահամարին և ասել, որ իջնի բակ և Գագիկից վերցնի մեղրը, միաժամանակ շեշտել է, որ «Գազել» մակնիշի ավտոմեքենայի մեջ մարդիկ կան և ինքը վախենալու հիմքեր չունի։ Փակել է տան դուռը և իջել բակ՝ Գագիկից մեղրը վերցնելու։ Շենքի բակում նկատել է կայանված «Գազել» մակնիշի ավտոմեքենա։ Գագիկը իրեն սպասում էր շենքի մուտքի մոտ՝ մեղրով լի ապակյա տարան տոպրակի մեջ ձեռքին պահած։ Մոտեցել է նրան, որ ձեռքից վերցնի մեղրը, սակայն նա իր ձեռքից բռնելով և քաշելով տարել է ավտոմեքենայի մոտ և ասել, որ մեքենայի մեջ մարդիկ կան, ում ինքը պետք է բարևի։ Մեքենայի մոտ հասնելուց հետո բարևել է այդ անձանց։ Բարևելուց հետո Գագիկը, իր ձեռքից քաշելով, իրեն բարձրացրել է ավտոմեքենայի սրահ և ասել, որ այդպես չեն բարևում, պետք է ավելի ջերմ բարևել։ Բարձրանալով փորձել է նստել առաջին նստատեղին, սակայն նա իրեն հրելով տարել և նստեցրել է նախավերջին նստարանին՝ պատուհանի մոտ, նստել իր կողքին։ Այդ ժամանակ Գագիկը Վարդգեսին ասել է, որ նա ավտոմեքենան վարի, իսկ ինքը բղավել է` ասելով, որ իր դուստրը կգա և դրսում կմնա, քանի որ տան բանալին իր մոտ էր։ Ավտոմեքենան 20 մետր վարելուց հետո, երբ ինքը պահանջել է կանգնեցնել ավտոմեքենան, Վարդգեսը մի պահ ենթարկվել է, սակայն Գագիկի պահանջով շարունակել է վարել այն։ Գագիկը գոռալով Վարդգեսից պահանջել է, որ նա վարի ավտոմեքենան։ Ավտոմեքենայում գտնվելու ժամանակ փորձել է զանգահարել իր դստերը, սակայն Գագիկը իր ձեռքից վերցրել է բջջայինը և ավտոմեքենայի սրահի մեջ նետել և վնասել, որից հետո սրահում գտնվող Աշոտի կնոջն է խնդրել կապ հաստատել նրա հետ։ Այդ ամենից զայրանալով՝ հայտարարել է, որ բողոքելու է` դիմելով ոստիկա¬նություն։ Գագիկը, դրանից զայ¬րանալով, մեղրով լի ապակյա տարայով հարվածել է իր գլխին, որից հետո անընդհատ փորձել է նստատեղից վեր բարձրանալ, սակայն նա չի թողել և նստեցրել է։ Այդ ժամանակ ինքը չի զգացել, որ հարվածից գլխի բաց վնասվածք է ստացել, քանի որ «Գազելի» մեջ մութ էր։ Հագուստի թրջվելուց է զգացել է, որ գլխի հատվածում վնասվածք ունի և պահանջել է իրեն տանեն հիվանդանոց։ Վարդգեսը Գագիկին հարցրել է, թե ինչ անի, վերջինս պատասխանել է, որ ավտոմե¬քենան վարի դեպի եղբոր տուն, որը գտնվում էր Ջրվեժ գյուղում։ Այդպես գնացել են Ջրվեժ գյուղ՝ Գա¬գիկի եղբոր տուն, որտեղ ևս Գագիկն իրեն հարվածել է։ Գագիկի եղբոր կինը փոխել է իր զգես¬տը, մշա¬կել են վնասվածքը, որից հետո իրեն տարել են Ավանի հիվանդանոց, որտեղ կարել են իր գլխի վնաս¬վածքը և ինքը տուն է վերադարձել։
Վկա Աստղիկ Խլղաթյանի ցուցմունքով. Վերջինս Դատարանում հայտնեց, որ ամբաստանյալը իր հայրն է, իսկ տուժողը` մայրը։ Հայտնեց, որ քննվող դեպքի օրը հայրը` Գագիկ Պողոսյանը եկել է իր աշխատավայր և ասել է, որ մեղր է բերել և ցանկացել է փոխանցել իրեն, որ ինքը տուն տանի։ Ինքն էլ պատասխանել է, որ չի կարող վերցնել և տուն տանել, քանի որ աշխատավայրում է։ Հետո նա առա¬ջարկել է, որ զանգահարի իր մայրիկին և հորդորի, որ վերջինս նրա հեռախոսազանգին պատաս¬խանի։ Ինքն էլ տեսնելով, որ իր հայրը եկել է «Գազել» մակնիշի ավտոմեքենայով, որի մեջ այլ անձինք կան, զանգահարել է մորը և ասել, որ իջնի և իր հայրիկից մեղրը վերցնի` նրան հավաստիացնելով, որ իր հայրը նրան չի վնասի, քանի որ ավտոմեքենայի մեջ մարդիկ կան։ Իր զանգահարելուց հետո հայրը հեռացել է, իսկ ինքը վերադարձել է իր աշխատավայր։ Հերթական հեռախոսազանգի ժամանակ լսել է իր մայրիկի բղավոցների ձայնը` Աստղ, գլուխս բացել ա։ Դրանից հետո ոչ ոք իր հեռախոսազանգին չի պատասխանել։ Իր հեռախոսազանգերին պատասխանել է միայն իր հորեղբոր որդին և հայտնել, որ իր մայրիկի գլուխը վնասվել է և նրան պետք է տեղափոխեն հիվանդանոց։ Հայտնել է նաև, որ Գագիկը չի թողնում, որ իր մայրիկին տեղափոխեն հիվանդանոց, սակայն նշել է, որ, միևնույնն է, նրան կտանի հիվանդանոց։ Իրեն հայտնել են, որ մայրիկին տեղափոխում են Մասիվի հիվանդանոց։ Իմանալով այդ մասին` գնացել է այդտեղ, սակայն իր մայրը այնտեղ չի եղել։ Կրկին զանգահարել է իր հորեղբոր որդուն, ումից տեղեկացել է, որ իր մայրիկին տեղափոխել են այլ հիվանդանոց։ Հասնելով այնտեղ՝ տեսել է, որ իր մոր գլուխը վիրակապված է։ Անձամբ չի տեսել տեղի ունեցած դեպքը, չի տեսել նաև վնասվածքը, հետո իր մայրիկից և հորեղբորորդուց է տեղեկացել, որ երբ մայրը իջել է Գագիկից մեղրը վերցնելու, հեռվից բարևել է ավտոմեքենայի մեջ նստած անձանց, Գագիկը նրան ասել է, որ այդպես չեն բարևում և հորդորել է մոտենալ նրանց ու ջերմ բարևել և այդպես նրան հրել է դեպի ավտոմեքենան։ Դրանից հետո Գագիկը Վարդգեսին ասել է, որ նա վարի ավտոմեքենան։ Ճանապարհին մայրը ասել է, որ իր դուստրը տան բանալի չունի, կգա և դուրսը կմնա և պահանջել է կանգնեցնել ավտոմեքենան։ Մայրն ասել է, որ նրան առևանգելու համար ոստիկանություն է դիմելու, այդ պահին Գագիկն ապակյա տարայով, որի մեջ եղել է մեղր, հարվածել է իր մայրիկի գլխին։ Ոչ ոք օգնություն ցույց չի տվել, միայն Վարդգեսն է շրջվել և ասել, թե ինչ անի, իսկ Գագիկը առաջարկել է վարել վերջինիս եղբոր տուն։ Այդպես գնացել են նրա եղբոր տուն, որտեղ Գագիկը կրկին հարվածել է իր մայրիկին, իսկ հորեղբոր որդին, դա տեսնելով, ասել է, թե ինչու ես նրանց տանը Մարգարիտային հարվածում։ Հայտնեց, որ իրենց ընտանիքում նախկինում ևս նմանատիպ վեճեր եղել են։
Վկա Վարդգես Օհանյանի ցուցմունքով. Վերջինս Դատարանում հայտնեց, որ ամբաստանյալի հետ աշխատել է, իսկ տուժողին ճանաչում է որպես ամբաստանյալի կին։ Դեպքի օրը Վարդավառի օրվա կապակցությամբ Գագիկ Պողոսյանի (այսուհետ նաև` Գագո) և Աշոտ Ավետիսյանի հետ գնացել են քաղաքից դուրս` նշելու։ Այնուհետև գնացել են Ոսկեվազ գյուղից վերցրել են Աշոտի կնոջը։ Ճանապարհին Գագոն առաջարկել է գնալ իր կնոջը վերցնել, որից հետո տուն գնալ։ Պռոշյան փողոցի մոտ Գագոյի պահանջով ավտոմեքենան կայանել է, որ նա զանգահարի։ Զանգահարելուց հետո նա ասել է, որ պետք է գնան և վերցնեն իր կնոջը` հայտարարելով, որ չի ցանկանում իր կնոջը այդ կարգա¬վիճակում թողնել։ Թե ինչ կարգավիճակի մասին էր խոսքը, Գագոն չի մանրամասնել։ Այդպես Գագիկը զանգահարել է կնոջը, դուրս եկել ավտոմեքենայից և կնոջ հետ եկել և միասին բարձրացել են ավտոմեքենայի մեջ։ Նրա կինը բոլորին բարևել և նստել է։ Գագիկն ասել է, որ ավտոմեքենան վարի դեպի տուն։ Ավտոմեքենայի ղեկի մոտ ինքն էր, քանի որ նրանցից միայն ինքը ալկոհոլ չէր օգտագործել։ Խանջյան փողոց հասնելու ժամանակ Գագիկի և վերջինիս կնոջ միջև վիճաբանություն է առաջացել, սակայն պատճառը չգիտի, քանի որ ավտոմեքենան է վարել և ուշադրությունն այլ ուղղությամբ է եղել։ Աղմուկի ձայներ լսելուց հետո ավտոմեքենան կայանել է, որ հասկանա, թե ինչ է կատարվում։ Այդ ժամանակ մութ է եղել և ոչինչ չի երևացել։ Տուժողի կողմից լսել է բղավոցներ՝ «վախ գլուխս»։ Այդ լսելով` կայանել է ավտոմեքենան, որ իմանա, թե ինչ է պատահել, իսկ Գագիկն ասել է, որ ոչինչ էլ չի եղել, եթե պետք լինի, կնոջը կտանի բժշկի և պահանջել է, որ մեքենան վարի և գնան տուն։ Լսել է նաև, թե ինչպես է Գագիկի կինը ասում, որ տան բանալին նրա մոտ է, դուստրը կգա և դուրսը կմնա։ Այդպես ինքը մեքենան վարել է դեպի Ջրվեժ գյուղ՝ Գագիկի եղբոր տուն, Գագիկին և նրա կնոջը իջեցրել է այդտեղ և գնացել տուն։ Հաջորդ օրը` առավոտյան, Աշոտը տեսել էր, որ մեղրի շիշը կոտրվել էր և մեղրը թափվել է ավտոմեքենայի մեջ, որի մասին Աշոտն է իրեն պատմել։
Վկա Աշոտ Ավետիսյանի ցուցմունքով. Վերջինս Դատարանում հայտնեց, որ ամբաստանյալի հետ գործընկերներ են, իսկ տուժողին ճանաչել է, երբ մի անգամ գնացել է Գագիկ Պողոսյանի տուն։ Իրեն հայտնի է, որ տուժող Մարգարիտա Խլղաթյանը Գագիկ Պողոսյանի կինն է։ Դեպքի օրը ինքը, Վարդգեսը և Գագիկը «Վարդավառի» օրվա կապակցությամբ որոշել էին գնալ մի տեղ հաց ուտելու։ Այնուհետև ինքը առաջարկել է գնալ իրենց գյուղ և այնտեղից վերցնել իր կնոջը։ Այդ ընթացքում Գագիկը ինչ-որ տեղից մեղր էր գնել։ Այդպես նրանք գնացել և վերցրել են իր կնոջը և վերադառնալիս Գագիկը առաջարկել է հանդիպել նրա դստերը` նրան մեղրը փոխանցելու համար։ Այդ ընթացքում ինքը հարբած է եղել և քնել է։ Հիշեց միայն այն պահը, երբ ավտոմեքենան կանգնել է և նստել է Գագիկի կինը։ Նշեց, որ իր կնոջ հետ ավտոմեքենայի առջևի մասում էր նստած։ Մի փոքր անց Գագիկի և վերջինիս կնոջ միջև վիճաբանության ձայներ է լսել և նրանց հորդորել է դադարեցնել վիճաբանությունը։ Նշեց, որ նրանց անձնական կյանքի վերաբերյալ մանրամասնություններն իրեն հայտնի չեն։
Վկա Ալիսա Կանայանի ցուցմունքով. Վերջինս Դատարանում հայտնեց« որ ամբաստանյալին և տուժողին առաջին անգամ տեսել է քննվող դեպքի օրը։ Այդ օրը մարզում էին, իր ամուսինը զանգահարել է իրեն և ասել է, որ չգա, նա կգա և իրեն հետ կբերի։ Երբ իր ամուսինը եկել է գյուղ, տեսել է, որ երեք հոգով են։ Նստել է մեքենան և գնացել են, այդ ընթացքում իր ամուսինը քնել է, քանի որ խմած էր։ Այդ մեքենան, որով քաղաք էին գնում, իրենց ավտոմեքենան է, սակայն իր ամուսինը չէր վարում, քանի որ նա հարբած ժամանակ ավտոմեքենա չի վարում։ Երբ հասել են «Ռոսիա» կինոթատրոնի մոտ, ավտո¬մեքենայում գտնվող երկու տղամարդկանցից մեկը՝ ամբաստանյալը, ասել է, որ գնան նրա կնոջը վերցնեն։ Այդպես գնացել են և ավտոմեքենայից Գագիկը իջել է, որին շենքի բակում սպասում էր մի կին ։ Այդ կնոջ հետ նստել են ավտոմեքենան, որին ամբաստանյալը ներկայացրել է որպես նրա կին։ 5 րոպե հետո տեսել է, որ ամբաստանյալը և նրա կինը վիճում են։ Այնուհետև նկատել է այդ կնոջ վրա արյան հետքեր և ամբաստանյալին ասել, եթե նրա կինն է, ինչի համար է նրան հարվածում, ով պատասխանել է, որ իր 30 տարվա կինն է։ Այդ տեսարանից իրեն վատ է զգացել, նույնիսկ դեղահաբեր է ընդունել, որ հանգստանա։ Այդ ընթացքում Գագիկը վարորդին ասել է, որ երթևեկի Ջրվեժում գյուղում գտնվող նրա եղբոր տուն։ Նշեց նաև, որ մեքենայի սրահում տուժողի ձեռքին տեսել է հեռախոս։
Վկա Մնացական Պողոսյանի ցուցմունքով. Վերջինս Դատարանում հայտնեց, որ սովորել է Երևանի պետական բժշկական համալսարանում, սակայն ուսումը մնացել է անավարտ։ Նշեց, որ ամբաս¬տանյալ Գագիկ Պողոսյանը իր հորեղբայրն է, իսկ տուժողը` վերջինիս կինը, նրանց հետ գտնվում է նորմալ փոխհարաբերությունների մեջ։ Դեպքը տեղի է ունեցել 2017թ. աշնանը, սակայն ամիսը և օրը չի հիշում։ Այդ օրը դռան զանգը տվել են, ինքը բացել է և ներս են մտել իր հորեղբայրը՝ կնոջ հետ միասին։ Հորեղբոր կինն էլ գտնվել է արյունոտ վիճակում։ Չգիտեր նախքան իրենց տուն գալը նրանք որտեղ են եղել։ Նրան լվացացրել են, որի ժամանակ Մարգարիտան չի ցանկացել լվացվել և այդ ժամանակ Գագիկը նրան հրել է` ասելով, եթե չես ուզում լվացվես, վեր ընկի։ Փոխել են հագուստները։ Տուժողի գլխի հատվածում առկա վնասվածքը տեսնելով` հասկացել է, որ նրան բժշկական միջամտութ¬յուն է անհրաժեշտ և որոշել են նրան տանել հիվանդանոց։ Նրանց հարցրել է, թե ինչ հանգամանքներում է տուժողը վնասվածք ստացել, սակայն ոչինչ չեն պատասխանել։ Ինքը չգիտեր` արդյոք նրանք միասին էին բնակվում, թե՝ ոչ։ Իրենց տանը տուժողի ձեռքին նկատել է հեռախոս, որի էկրանի հատվածը կոտրված էր, սակայն աշխատելիս է եղել, թե ոչ՝ չկարողացավ ասել, քանի որ չի տեսել։ Հիվանդանոցում գտնվելու ժամանակ իր հեռախոսով են զանգահարել հորեղբոր աղջկան` Աստղիկին և կատարվածի մասին նրան հայտնել։
Վկա Թեհմինա Պողոսյանի ցուցմունքով. Վերջինս Դատարանում հայտնեց, որ ամբաստանյալ Գագիկ Պողոսյանը իր ամուսնու հորեղբայրն է, իսկ տուժողը՝ նրա կինը։ Դեպքի տեղի է ունեցել «Վար¬դավառի» օրը։ Հայտնեց, որ ժամը 22։00-ից 23։00-ի սահմաններում լսել է դռան զանգի ձայնը, դուռը բացել են և տեսել իր ամուսնու հորեղբորը՝ կնոջ հետ միասին։ Տուժողի դեմքը ամբողջությամբ արյունոտ է եղել։ Օգնել է նրան լվացվել և փոխել արյունոտ հագուստները, որից հետո որոշել են, որ ավելի լավ կլինի նրան հիվանդանոց տեղափոխեն։ Տուժողը այդ ժամանակ հողաթափերով է եղել։ Կատարվածից շփոթված լինելու պատճառով դեպքի հանգամանքների մասին ոչինչ չի հարցրել, միայն տուժողին հարցրել է, թե ինչ է պատահել, նա էլ պատասխանել է, որ Գագիկն է խփել։ Հիվանդանոցում գտնվելու ժամանակահատվածում տուժողը աղջկան զանգահարելու նպատակով հեռախոս է փնտրել։ Ինքը հեռախոս չի ունեցել, որ նրան փոխանցի։ Վերհիշեց, որ տուժողը զանգահարել է դստերը, սակայն չի հիշում, թե ում հեռախոսով։ Նշեց, որ իր ամուսինը բժշկական կրթություն չունի և սովորել է պետական հումանիտար քոլեջում։ Իրենց տուն գալու նպատակը, ըստ իրեն, եղել է տուժողին բժշկական օգնություն ցուցաբերելը։
Ամբաստանյալ Գ.Պողոսյանի մեղավորությունը Դատարանը հաստատված համարեց վերոնշյալ ցուցմունքները ստորև ներկայացվող ապացույցների հետ համադրելու և գնահատելու արդյունքներով.
Դեպքի վայրի զննության մասին 2017թ. հուլիսի 31-ի արձանագրությամբ« համաձայն որի՝ դեպքի վայր է հանդիսանում Երևանի Բրյուսովի 21-րդ շենքի դիմացի հատվածը։ Զննության մասնակից Մար¬գարիտա Խլղաթյանը մատնացույց է արել նշված շենքի մուտքի մոտ առկա ճանապարհը և հայտա¬րարել« որ 2017թ. հուլիսի 23-ին Գագիկ Պողոսյանը իրեն տարել է մոտ 5 մետր հեռավորության վրա կայանված մեքենան և իր կամքին հակառակ իրեն առևանգել։
Ավտոմեքենայի զննության մասին արձանագրությամբ« համաձայն որի՝ զննության ենթարկված «Գազել» մակնիշի 0051 Տ հաշվառման համարանիշի ավտոմեքենայի ուղևորների սրահում առկա են երկուական նստատեղերով 3 շարք նստարաններ և զննության մասնակից Աշոտ Ավետիսյանը հայտա¬րարել է« որ դեպքի ժամանակ ինքը և Ալիսա Կանայանը նստած են եղել առաջին« իսկ Գագիկ Պողոս¬յանը և Մարգարիտա Խլղաթյանը 3-րդ շարքերի նստատեղերին։
Դատաբժշկական փորձաքննության 2017թ. օգոստոսի 1-ի թիվ 1993 եզրակացությամբ, համաձայն որի՝ գործով տուժող Մարգարիտա Խլղաթյանի մարմնական վնասվածքները« ըստ բժշկական փաս¬տաթղթերի և օբյեկտիվ ուսումնասիրության տվյալների` գլխի աջ քունքագագաթային շրջանի սալջարդ վերքի« աջ բազկի« աջ ազդրի« ձախ սրունքի և ձախ կրծքային մեծ մկանի շրջանների արյունա¬զեղումների ձևով« պատճառվել են բութ առարկաներով« հնարավոր է քննվող դեպքի ժամանա¬կահատ¬վածում« որոնք իրենց համակ¬ցութ¬յամբ նրա առողջությանը պատճառել են թեթև վնաս՝ առողջության կարճատև քայքայմամբ` նկատի ունենալով վնասվածքի հետ անմիջական պատճառական կապի մեջ եղած հետևանքների տևողությունը ոչ պակաս 6 օրից« սակայն ոչ ավել, քան 21 օր։ Նշված մարմնական վնասվածքներից գլխի աջ քունքագագաթային շրջանի սալջարդ վերքը, առանձին վերցված, առողջութ¬յանը պատճառել է թեթև վնաս՝ առողջության կարճատև քայքայմամբ։ Մյուս վնասվածքները, ինչպես առանձին-առանձին« այնպես էլ միասին վերցված, առողջությանը թեթև վնասի հատկանիշներ չեն պարունակում։
Իրեղեն ապացույց ճանաչված և Աշոտ Ավետիսյանին ի պահ հանձնած «Գազել» մակնիշի 0051 Տ հաշվառման համարանիշի ավտոմեքենայի առկայությամբ։


Դատարանի իրավական վերլուծությունները և եզրահանգումը.
Գնահատելով դատաքննությամբ հետազոտված վերոնշյալ ապացույցները` Դատա¬¬րա¬նը հաս¬տատված համարեց այն, որ ամբաստանյալ Գագիկ Պողոսյանը մեղավորությամբ կատարել է հան¬ցա¬վոր ա¬րարք¬¬ներ« որոնք համա¬պա¬տաս¬¬խանում են ՀՀ քրեա¬կան օրենսգրքի 131-րդ հոդվածի 1-ին մասով և 117-րդ հոդվածով նախա¬տես¬ված հան¬ցա¬գործությունների հատ¬կանիշ¬ներին։ Վերջինս քրեա¬¬կան պա¬տաս¬¬խա¬նատ¬¬¬վության և պատժի ենթա¬¬կա է այդ հոդ¬վածներով։

Նշանակվող պատժի և լուծման ենթակա այլ հարցեր.
Ամբաստանյալ Գագիկ Պողոսյանի նկատմամբ նշանակվող պատժի տեսակը և չափը որոշելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬¬նել սոցիալական արդարությունը« ուղղել պատժի ենթարկված անձին« ինչպես նաև կանխել հան¬ցա¬¬գոր¬ծությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատա¬րած անձի նկատ¬մամբ կիրառվող պատիժը և քրեաիրավական ներ¬գոր¬ծութ¬յան այլ միջոց¬ները պետք է լինեն ար¬դարացի« հա¬¬մա¬պա¬տասխանեն հանցանքի ծան¬րությանը« այն կա¬տա¬րելու հան¬գա¬մանք¬ներին« հան¬¬ցավորի անձ¬նա¬¬¬¬վորությանը« անհրա¬ժեշտ և բավարար լինեն նրան ուղղելու և նոր հանցա¬գոր¬ծութ¬յուն¬ները կան¬խելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է« որ հանցա¬գոր¬ծութ¬յան համար մեղավոր ճանաչված անձի նկատմամբ նշանակվում է արդարացի պատիժ« իսկ նույն հոդ¬վածի 2-րդ մա¬սի համաձայն՝ պատժի տեսակը և չափը որոշվում են հանցա¬գործության՝ հան¬րության համար վտան¬գա¬վո¬րության աստիճանով և բնույթով« հանցավորի անձը բնու¬թագրող տվյալներով« այդ թվում՝ պատաս¬խա¬նատ¬վությունը և պատիժը մեղմաց¬նող և/կամ ծանրացնող հան¬գա¬մանքներով։ Նույն հոդվածի 3-րդ մասի համա¬ձայն` հան¬ցագոր¬ծության համար նախա¬տեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վա¬րա¬կան օրենսգրքի 8-րդ հոդվածի համաձայն՝ որոշակի փաստական հանգա¬մանք¬ներ ունեցող գոր¬ծով ՀՀ Վճռաբեկ դատարանի կամ Մարդու իրավունքների եվրոպա¬կան դատա¬րա¬նի դատական ակ¬տի հիմ¬նա¬վո¬րումները« այդ թվում՝ օրենքի մեկնաբա¬նութ¬յուն¬ները« պարտադիր են դատարանի հա¬մար նույ¬նանման փաստական հանգամանք¬ներով գործի քննության ժամա¬նակ։
Վճռաբեկ դատարանը« Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկտեմ¬բերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մա¬սով նա¬խա¬տես¬ված նորմը« նշել է« որ այն Դատարանին օժտել է անձի պատասխա¬նատ¬վությունը մեղմաց¬նող հան¬գա¬մանքների կիրառման լայն հայեցողությամբ« քանի որ պա¬տիժ նշանակելիս Դա¬տա¬րանը կարող է հաշվի առնել նաև մեղմացնող այնպիսի հանգա¬մանք¬ներ« որոնք նույն հոդվածի առաջին մասում նշված չեն։
Դատարանը, որպես ամբաստանյալ Գագիկ Պողոսյանի անձը բնութագրող տվյալներ է գնա¬հա¬տում՝ նախկինում դատապարտված չլինելը (ըստ ՀՀ ինֆորմացիոն կենտրոն 2017թ. հոկտեմբերի 31-ին կա¬տարված հարցման արդյունքների), ՀՀ քրեական օրենսգրքի 117-րդ հոդվածով նախատեսված հան¬ցանքը կատարելու համար զղջալը, առևանգած տուժողի հետ կապը, մասնավորապես` նրա հետ տևա¬կան ժամանակ համատեղ կյանք վարելն ու ընդհանուր զավակի առկայությունը։
Դատարանն ամբաստանյալ Գագիկ Պողոսյանի պատասխանատվությունը և պա¬տիժը մեղմաց¬նող և ծանրաց¬նող հանգամանքներ չարձանագրեց։
Պատասխանատվությունն ու պատիժը մեղմացնող վերոնշյալ հան¬գամանքները, ամբաս¬տան¬յալ Գագիկ Պողոսյանի անձը բնու¬թագրող տվյալները հաս¬տատված են գործով ձեռք բեր¬ված և դա¬տաքննութ¬¬յամբ հետա¬զոտված, թույլատ¬րե¬¬լիութ¬յան ու վերաբերելիության չափանիշներին համա¬պա¬¬տաս¬խանող ապա¬ցույց¬¬ներով, ող¬ջամտո¬րեն մեղմացնում են նրա հանրային վտան¬գավո¬րությունը։
Պատժի նպատակներն ապահովելու տեսանկյու¬նով անդրադառնալով ամբաս¬տանյալ Գագիկ Պողոսյանի նկատ¬¬մամբ պատժի նշանակման խնդրին` Դատա¬րանը փաս¬¬տում է, որ ՀՀ քրեա¬կան օրենսգրքի 117-րդ հոդվածով նախատեսված են այլընտրանքային պատժատեսակներ՝ տու¬գանքի և կալան¬քի ձևով, իսկ ՀՀ քրեա¬կան օրենսգրքի 131-րդ հոդվածի 1-ին մասով՝ բացառապես որո¬շակի ժամ¬կետով ազատազրկման ձևով, հետևաբար` սույն գործով քննարկ¬ման ենթակա են՝ ՀՀ քրեա¬կան օրենսգրքի 117-րդ հոդվածով նշանակվող պատժի տեսակի, մեղսագրված երկու հոդվածներով նշանակ¬վող պատժի չափերի, ՀՀ քրեա¬կան օրենսգրքի 64-րդ հոդվածը կիրառելու, հան¬¬ցագոր¬ծությունների հա¬մակցությամբ վերջնական պատիժ նշանակելու, դրա չափի, ազատազրկման կամ նաև ազատազրկման ձևով վերջ¬նական պատիժ նշանակելու պարա¬գայում՝ նշա¬նակվող այդ վերջնական պատիժը կրելու կամ չկրելու (ՀՀ քրեական օրենսգրքի 70-րդ հոդ¬վածի կի¬րա¬ռում) հարցերը։
Անդրադառնալով ամբաս¬տանյալ Գագիկ Պողոսյանի նկատմամբ նշանակվող վերջնական պատ¬ժի տե¬սա¬կին և այն կրելու անհրաժեշտութ¬յան հարցին, հաշվի առնելով նրան վերագրվող հան¬ցա¬գոր¬ծութ¬յունների քա¬նակը, բնույթն ու վտանգա¬վորության աստիճանը (ոչ մեծ և միջին ծանրության դի¬տա¬վորյալ հան¬ցագործություններ են), նրա անձը բնութագրող տվյալները, տուժողի դիրքորոշումը, ՀՀ քրեա¬կան օրենսգրքի 64-րդ հոդ¬վածի տես¬անկյու¬նով բացառիկ հանգա¬մանք¬ների, ինչպես նաև ՀՀ քրեա¬կան օրենսգրքի 70-րդ հոդ¬վածով նախա¬տես¬ված` ազա¬տազրկման ձևով պատիժը պայմանականորեն չկիրա¬ռելու հիմ¬քերի բա¬ցա¬¬կա¬յութ¬յունը` Դատա¬րանը, ղեկա¬վարվելով ՀՀ քրեական օրենսգրքի 61-րդ հոդվածի 3-րդ մասի պա¬հանջով, հանգում է համոզման, որ ՀՀ քրեա¬կան օրենսգրքի 117-րդ հոդվածի սանկցիայով նախա¬տեսված հիմնական պատ¬ժատեսակ¬ներից ամբաս¬տանյալ Գագիկ Պողոսյանի նկատմամբ կարող է նշանակվել նաև նվազ խիստ պատ¬ժա¬տեսակը` տուգանքը, իսկ ՀՀ քրեա¬կան օրենսգրքի 131-րդ հոդվածի 1-ին մասով կարող է նշանակվել պատիժ որոշակի ժամկետով ազա¬տազրկման ձևով, որն ամ¬բաստանյալը պետք է կրի։
Ամբաստանյալ Գ.Պողոսյանի նկատմամբ հանցագործությունների համակցութ¬յամբ պատիժ նշա¬¬¬նակելիս Դատարանն հաշվի է առնում այն, որ վերջինս կատարել է ըստ բնույթի և հանրության հա¬մար վտանգավորության աստիճանի` ոչ մեծ և միջին ծանրության հան¬ցագոր¬ծություններ, հետևա¬բար` նրա նկատ¬¬մամբ պա¬տիժ պետք է նշանակվի ՀՀ քրեա¬կան օրենսգրքի 66-րդ հոդվածի 3-րդ մասով, որը կի¬րառելի է համարում նաև պատիժները լրիվ գումա¬րելու կա¬նոնը։
Վերոնշյալ պատիժն է արդա¬րացի և անհրաժեշտ ամբաստանյալ Գ.Պողոսյանին ուղղելու, նոր հան¬ցագոր¬ծութ¬յունների կատա¬րումը կանխելու և սոցիալական արդարությունը վերա¬¬¬կանգ¬նելու համար։
Դատարանը գտնում է նաև, որ սույն դատավճիռը կայացնելու պահին ամբաստանյալ Գագիկ Պողոսյանի նկատմամբ որպես խա¬¬¬¬փան¬ման միջոց ընտրված չհեռանալու մասին ստո¬րագրությունը փո¬փո¬խելու կամ վերաց¬նելու հիմքերը բացա¬կա¬յում են, այն անհրաժեշտ է թողնել անփոփոխ` մինչև սույն դատավճիռն օրինական ուժի մեջ մտնելը, իսկ վերջինիս պատժի կրման սկիզբը` հաշվարկել նրան փաս¬տացի արգելանքի վերցնելու օր¬վա¬նից։
ՀՀ քրեական դատավարական օրենսգրքի 360-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների« դատական ծախ¬սե¬րի« գույքի նկատմամբ կիրառված (կիրառվելիք) արգելանքի« քաղա¬¬քա¬ցիական հայցի հարցերին« սա¬կայն Դատարանը« պարզելով« որ ամբաստանյալ Գ.Պողոսյանի դեմ քաղաքացիական հայց չի ներկա¬յացվել, սույն քրեա¬կան գործում բացակա¬յում են դա¬տական ծախսերի վե¬րա¬բերյալ ապացույցները, սահմա¬նա¬փակվում է այդ փաստերի ար¬ձանագրմամբ։
Անդրադառնալով Գագիկ Պողոսյանի անվամբ հաշվառված շարժական և անշարժ գույքերի վրա ՀՀ քննչական կոմիտեի Երևանի Կենտրոն և Նորք-Մարաշ վարչական շրջանների քննչա¬կան բաժնի քննիչ Հ.Հարությունյանի 2017թ. դեկ¬տեմբերի 14-ի որոշմամբ դրված հնարավոր արգելանքներին` Դա¬տա¬րանը փաստում է, որ դրանք անհրաժեշտ է վերացնել` սույն դատավճիռն օրինական ուժի մեջ մտնելուց հետո։
Անդրադառնալով իրեղեն ապացույցների տնօրինման խնդրին՝ Դատարանը փաստում է, որ գոր¬ծով իրեղեն ապացույց ճանաչված և քաղ. Աշոտ Վոլոդյայի Ավետիսյանին ի պահ հանձնված «Գազել» մակնիշի 0051 Տ հաշվառման համարանիշի ավտոմեքենան անհրա¬ժեշտ է թողնել նրա տնօրինությանը` սույն դատավճիռն օրինական ուժի մեջ մտնելուց հետո։
Գնահատելով և ամփոփելով դատաքննությամբ հետազոտված ապացույց¬ները, ղեկավար¬վելով ՀՀ քրեական դատավա¬րա¬կան օրենսգրքի 119-րդ, 357-360-րդ, 364-365-րդ, 369-373-րդ հոդված¬ներով, Դա¬տա¬¬րանը
Վ Ճ Ռ Ե Ց ՝

Գագիկ Մնացականի Պողոսյանին ճանաչել մեղավոր ՀՀ քրեական օրենսգրքի 131-րդ հոդ¬վածի 1-ին մասով և 117-րդ հոդվածով նախատեսված հանցա¬գործությունների կատարման մեջ, նրա նկատմամբ նշա¬¬նակել պատիժ`
ՀՀ քրեական օրենսգրքի 131-րդ հոդ¬վածի 1-ին մասով` ազատազրկում 2 (երկու) տարի ժամկետով,
ՀՀ քրեական օրենսգրքի 117-րդ հոդվածով` տուգանք նվազագույն աշխատավարձի հիսնա¬պատկի` 50.000 (հիսուն հազար) ՀՀ դրամի չափով։
ՀՀ քրեական օրենսգրքի 66-րդ հոդվածի 3-րդ մասի կիրառմամբ` նշանակված պատիժները լրիվ գումարելով` Գագիկ Պողոսյանի նկատմամբ որպես վերջնական պատիժ նշանակել` ազա¬տազրկում 2 (երկու) տարի ժամկետով և տուգանք նվազագույն աշխատավարձի հիսնապատկի` 50.000 (հիսուն հա¬զար) ՀՀ դրամի չափով։
Գագիկ Պողոսյանի նկատմամբ որպես խափանման միջոց ընտրված չհեռանալու մասին ստո¬րագրությունը թողնել անփոփոխ մինչև սույն դատավճիռն օրինական ուժի մեջ մտնելը, պատ¬ժի կրման սկիզբը հաշվել նրան փաստացի արգելանքի վերցնելու օրվանից։
Իրեղեն ապացույց ճանաչված և քաղ. Աշոտ Վոլոդյայի Ավետիսյանին ի պահ հանձնված «Գա¬զել» մակնիշի 0051 Տ հաշվառման համարանիշի ավտոմեքենան թողնել նրա տնօրինությանը` սույն դա¬տավճիռն օրինական ուժի մեջ մտնե¬լուց հետո։
Դատական ծախերի հարցն համարել լուծված, իսկ ՀՀ քննչական կոմիտեի Կենտրոն և Նորք-Մարաշ վարչական շրջանների քննչական բաժնի քննիչ Հ.Հարությունյանի 2017թ. դեկ¬տեմբերի 14-ի որոշմամբ Գագիկ Մնացականի Պողոսյանի անվամբ հաշվառված շարժական և անշարժ գույքերի վրա դրված հնարավոր արգե¬լանք¬ները վերացնել` սույն դատավճիռն օրինական ուժի մեջ մտնելուց հետո։
Դատավճիռը ստացման օրվանից մե¬կամսյա ժամկետում բողո¬քարկվել ՀՀ վերաքննիչ քրեական դատարան։


ԴԱՏԱՎՈՐ՝ Ա.Ժ.ՎԱՐԴԱՆՅԱՆ