Գործ ԵԿԴ/0302/01/17

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Երևան քաղաքի ընդհանուր իրավասության դատարանը առաջին ատյանի (այսուհետ` Դատարան)` հետևյալ կազմով,

նախագահությամբ դատավոր` Արշակ Վարդանյանի,

քարտուղարությամբ` Հասմիկ Ջանազյանի,
Արուսյակ Ոսկանյանի և
Զաբել Խաչատրյանի,

մասնակցությամբ`
մեղադրող` Հայկ Խաչատրյանի,
պաշտպան` Հովիկ Արսենյանի,


նույն դատարանում` դռնբաց դատական նիստերի կարգով քննեց և 2018թ. հուլիսի 11-ին ավար¬տեց քրեա¬կան գործն ըստ մե¬ղադ¬րանքի`
Գոռ Համլետի Գարսևանյանի` (ծնված 1992թ. ապրիլի 28-ին« Լոռու մարզի Ստեփանավան քաղա¬քում, ազ¬¬¬գութ¬յամբ հայ« ՀՀ քաղաքացի« թերի բարձրագույն կրթությամբ, ամուսնացած, նախկի¬նում չդա¬տապարտված, հաշ¬վառ¬ված է Ստեփանավան քաղաքի Իսահակյան փողոցի 4-րդ փակուղու 11-րդ տանը, փաստացի բնակվում է Երևանի Վրացական փողոցի 6-րդ շենքի 55-րդ բնակարանում, սույն գործով նրան մեղ¬սագրվում է ՀՀ քրեական օրենսգրքի 202-րդ հոդվածի 1-ին մասով նախա¬տես¬ված հան¬¬ցա¬¬վոր արարք¬ի կատարում, նախաքննության ընթաց¬քում որպես խա¬փանման միջոց է ընտրվել գրավ՝ 1.000.000 ՀՀ դրամի չափով, 2017թ. հուլիսի 3-ից մինչև 2017թ. սեպտեմբերի 15-ը գտնվել է ար¬գե¬լանքի տակ)։

Գործի դատավարական նախապատմությունը.
Թիվ 15195817 քրեական գործը հարուցվել է 2017թ. հուլիսի 3-ին ՀՀ քրեական օրենսգրքի 202-րդ հոդվածի 1-ին մասով նախատեսված հանցագործության հատ¬¬կա¬նիշ¬նե¬րով ՀՀ ոստիկա¬նութ¬յան Կենտ¬րո¬նական բաժնում` քաղ. Կարապետ Յանթարյանի հա¬ղորդման հիման վրա։
2017թ. հուլիսի 4-ից քրեական գործի նախաքննությունը կատարվել և ավարտվել է ՀՀ քննչական կո¬միտեի Երևան քաղաքի քննչական վարչության Կենտրոն և Նորք-Մարաշ վար¬չական շրջանների քննչա¬կան բաժ¬նում։
2017թ. հուլիսի 4-ին ձերբակալվել է 2017թ. հուլիսի 3-ին ՀՀ ոստիկանության Կենտ¬րո¬նական բաժին բերման ենթարկված Գոռ Գարսևանյանը։
2017թ. հուլիսի 6-ին Գոռ Գարսևանյանին մեղադրանք է առաջադրվել ՀՀ քրեական օրենսգրքի 202-րդ հոդվածի 1-ին մասով։
2017թ. հուլիսի 6-ին Երևանի Կենտրոն և Նորք-Մարաշ վարչական շրջանների ընդհանուր իրա¬վա¬սութ¬յան դատարանը, քննարկելով նախաքննական մարմնի միջնորդությունը, բավարարել է այն և մե¬ղադրյալ Գոռ Գարսևանյանի նկատմամբ երկու ամիս ժամկետով որպես խափանման միջոց է ընտ¬րել կալանավո¬րում, որի ժամկետը նույն Դատարանի որոշմամբ հետագայում երկարացվել է։
2017թ. սեպտեմբերի 14-ին ՀՀ վերաքննիչ քրեական դատարանը, մասնակիորեն բավարարելով պաշտ¬պան Հովիկ Արսենյանի վերաքննիչ բողոքը, մեղադրյալ Գոռ Գարսևանյանի նկատմամբ կիրառել է կալանավորման այլընտրանքային խափանման միջոց գրավ՝ գրավի չափ սահ¬մանելով 1.000.000 ՀՀ դրամի չափով։ 2017թ. սեպտեմբերի 15-ին վերոնշյալ գու¬մարը վճարվել է ՀՀ վերաքննիչ քրեական դատա¬րանի դեպոզիտային հաշվեհամարին, և Գ.Գարսևանյանն ար¬գելան¬քից ազատ է արձակվել։
2017թ. նոյեմբերի 10-ին ՀՀ քննչական կոմիտեի Երևանի Կենտրոն և Նորք-Մարաշ վարչական շրջանների քննչական բաժնի ավագ քննիչ Գ.Նահապետյանի կողմից որոշում է կայացվել Գոռ Գարսևանյանի անվամբ հաշվառված շարժական և անշարժ գույքերի վրա արգելանք դնելու մասին։
2017թ. նոյեմբերի 10-ին որոշում է կայացվել Գրիգոր Հարությունյանի նկատմամբ ՀՀ քրեական օրենսգրքի 202-րդ հոդվածի 1-ին մասով քրեական հետապնդում չիրականացնելու մասին՝ նրա արարքում այդ հոդվածով նախատեսված հան¬ցակազմի բացակայության հիմքով։
2017թ. նոյեմբերի 22-ին քրեական գործը Գոռ Համլետի Գարսևանյանի նկատմամբ ՀՀ քրեական օրենսգրքի 202-րդ հոդվածի 1-ին մասով հաստատված մեղադ¬րա¬կան եզրա¬կացութ¬յամբ ու¬ղարկ¬վել է Երևանի Կենտրոն և Նորք-Մարաշ վարչական շրջանների ընդհա¬նուր իրա¬վա¬սության (սույն դատական ակտի կայացման պահին` Երևան քաղաքի ընդհա¬նուր իրավասության) դատա¬րան, դատա¬րան մուտ¬քագրվել է 2017թ. նոյեմբերի 24-ին (նախագահողին փաս¬տացի հանձնվել է 2017թ. նոյեմբերի 27-ին), 2017թ. նոյեմբերի 27-ին ընդունվել է վա¬րույթ, ապա նշա¬նակվել դատական քննության։

Ապացույցների հետազոտում և գնահատում.
Դատաքննությամբ հետազոտված ապացույցների գնահատման արդյունքներով Դա¬տա¬¬րանը հաս¬տատված հա¬մա¬րեց այն, որ Գոռ Համլետի Գարսևանյանը 2017թ. հունիս ամսին իրացնելու նպատակով ձեռք է բերել 15 հատ 100 ԱՄՆ դոլար անվանական արժեքով կեղծ թղթադրամներ« որոնք 2017թ. հուլիսի 2-ին՝ ժամը 17։34-ից մինչև 23։44-ն ընկած ժամանակահատվածում «Վիվառո» ՍՊ ընկերության Երևանի Մաշտոցի պողոտայի 37 հասցեում գտնվող գրասենյակում իրացրել է՝ աշխատակից Կարապետ Յանթար¬յանի միջոցով մաս-մաս փոխանցելով իր 2093223 հաշվեհամարին և խաղադրույքներ կատարելով, այ¬սինքն՝ կատարել է հան¬ցավոր արարք, որը նախատեսված է ՀՀ քրեական օրենսգրքի 202-րդ հոդվածի 1-ին մասով։
Առաջադրված մեղադրանքի շուրջ Դատարանում հարցաքննվելիս ամբաստանյալ Գոռ Գարսևան¬յանը իրեն մեղավոր չճանաչեց, պնդեց նախաքննական ցուցմունքները` վերահաստատելով, թե խա¬ղադրույքների կատարելիս իբր չի իմացել, որ այդ գումար¬ները կեղծ են։ Այդ գումարները դեպքից մեկ օր առաջ պարտքով վերցրել էր Գրիգոր Հարությունյանից, Վրաստանի Հանրապետությունից ավտոպահես¬տա¬մա¬սեր բերելու նպատակով։ Ավտոպահեստամասը պետք է բերեր, հանձներ պատվիրատուին, իսկ այդ գումարը վերադարձներ Գրիգորին։ Պարտքով գումարը վերցնելիս չի մտածել, որ հնարավոր է կեղծ լինի։ Գործարքը չի ստացվել և պատվիրատուն հրաժարվել է ավտոպահեստամասը գնելուց, որի արդյունքում ինքը որոշել է խաղադրույք կատարել, քանի որ հաճախակի էր օգտվում այդ բուքմեյքերական գրասեն¬յակից։ Խաղադրույք կատարել և պարտվել է և երբ իրեն գումար է անհրաժեշտ եղել, կրկին զանգահարել է Գրիգորին՝ պարտքով գումար խնդրելու նպատակով։ Հանդիպել են, ինքը պատմել է եղելությունը, իսկ նա ասել է. «դրանք կեղտոտ գումարներ են, կգան քեզ կբռնեն, ինչի մեջ ես ընկել»։ Այդպես վիճաբանել են և միմյանց քաշքշել, որի ընթացքում նույնիսկ հարվածել է Գրիգորին։ Նա իրեն առաջարկել է Երկրից դուրս հանել, զգուշացրել, որ եթե իրեն բռնեն, դատվելու է։ Ինքը այդ ժամանակ ոստիկանություն չի դիմել, քանի որ կատարվածից շոկի մեջ է եղել, առավոտյան ոստիկանության կանչով ներկայացել է ոստիկանություն։
Հայտնեց, որ ինքը Գրիգորին չի զանգահարել և խնդրել, որ ծրար վերցնելու համար գնա հան¬դիպման, իր հեռախոսը գտնվում է ոստիկանությունում և ստուգված է, եթե նման բան լիներ կպարզեին, «Շահումյանի» արձանի մոտ՝ շատրվանների հետևում, Գրիգորը ինչ-որ անձից գումար չի վերցրել։
Առաջադրված հարցերին պատասխանելիս` նշեց, որ «Վիվառո» ՍՊ ընկերությունում խաղադրույք է կատարել ԱՄՆ դոլարով, քանի որ չի իմացել, որ դոլարով խաղադրույք չեն իրականացնում։ Այդ է եղել պատ¬ճառը, որ դոլարը նախապես ՀՀ դրամով չի փոխանակել։ Դրամարկղի աշխատակցի հետ խո¬սակցություն է ունեցել, որ իր տված ԱՄՆ դոլարները նա պահի և իր հաղթելուց հետո իրեն վերա¬դարձնի այդ դոլարները և միաժամանակ շահած գումարը, իսկ պարտվելու դեպքում իր տված ԱՄՆ դոլարները պետք է մնային դրամարկղում։ Պարտվելուց մեկ ժամ հետո զանգահարել է Գրիգորին՝ կրկին գումար վերցնելու նպատակով, սակայն Գրիգորը չգիտեր, որ այդ գումարները ինքը վերցնում է խա¬ղադրույք կա¬տարելու նպատակով։Նշեց նաև, որ 1.500 ԱՄՆ դոլար գումարը խաղադրույք է կատարել մաս-մաս և ամբողջ գումարը պարտվել է։
Ամբաստանյալ Գ.Գարսևանյանի պատճառաբանությունը` իրացրած թղթադրամների կեղծված լինելու վերաբերյալ նախապես տեղեկացված չլինելու վերաբերյալ, անհիմն է և մտացածին, հե¬տապնդում է քրեական պատասխանատվությունից և պատժի խուսափելու նպատակ, դրանք հերք¬վել, իսկ ամբաս¬տանյալին առաջադրված մեղադրանքը հիմնավորվել է պատշաճ իրավական ընթացա¬կար¬գերի շրջանակ¬ներում դատաքննությամբ հետազոտված հետևյալ ապացույցների համադրման և գնա¬հատման արդյունք¬ներով.
Վկա Կարապետ Յանթարյանի ցուցմունքով. Վերջինս Դատարանում հայտնեց, որ ամբաստան¬յալ Գոռ Գարսևանյանին ճանաչում է, ունեն նորմալ փոխհարաբերություններ։ Հայտնեց, որ աշխատել է «Վիվառո» ՍՊ ընկերությունում՝ որպես օպերատոր։ Դեպքի օրը` 2017թ. հունիս կամ հուլիս ամսվա սկզբներին ամբաստանյալի տված 15 հատ 100 ԱՄՆ դոլար անվանական արժեքով թղթադրամների գումարը մաս-մաս մուտք է արել բուքմեյքերական գրասենյակում գտնվող դեպոզիտ, սակայն միայն կեսգիշերին՝ ժամը 1։00-ի սահման¬ներում է պարզվել, որ այդ թղթադրամները կեղծ են։
Նշեց, որ այդ օրը` առավոտյան ժամը 12։00-ից 13։00-ի սահմաններում, Գոռը եկել է «Վիվառո» և ԱՄՆ դոլարով կատարել խաղադրույք։ Հաղթել է, որից հետո նա հաղթած գումարը մուտքագրել է դրա¬մարկղ, ինքն էլ տվել է նրա կողմից նախապես մուտքագրված ԱՄՆ դոլարով կատարված խաղադրույքի գումարը։ Դրա¬նից հետո՝ ժամը 16։00-ից 17։00-ի սահմաններում, նա եկել և կրկին ԱՄՆ դոլարով խաղադրույք է կատա¬րել, սակայն այդ անգամ պարտվել է։ Նախքան ամբաստանյալի պարտվելը նա իրեն ասել է, որ եթե հաղթի, իրենց դրամարկղ է փոխանցելու իր կատարած այդ խաղադրույքի գումարը, իսկ ինքը կվերա¬դարձնի նրան դոլարի տեսքով իրեն հանձնած այն գումարները, որոնցով նա խաղադրույք է կատարում, ինչին համաձայնել է` հաշվի առնելով, որ նա իրենց մշտական հաճախորդն էր, թեև իրենց մոտ խաղադրույքը կատարվում է միայն ՀՀ դրամով։ Նրա գնալուց հետո կես կամ մեկ ժամ անց՝ լուսադեմին, ինքը թղթադրամները նայելուց հետո իմացել է, որ դրանք կեղծ են։ Առավոտյան զանգահարել է ոստի¬կանություն, ովքեր պարզել են, որ այդ թղթադրամների սերիաները կեղծված են։
ՀՀ քրեական դատավարության օրենսգրքի 342-րդ հոդվածի կարգով հրապարկվեցին վկայի նախաքննական հակասական ցուցմունքները, համաձայն որոնց` վկան հայտնել էր, որ այդ օրը Գոռն առաջին անգամ «Վիվառո» էր եկել երեկոյան, բացի այդ, իր և Գոռի միջև պայմանավորվածություն է եղել, որ նա գալու է և հաղթելու դեպքում իրեն տված գումարները հետ է վերցնելու։ Գնալուց առաջ պայմանա¬վորվել էին, որ Գոռը գումարները թողնի իր մոտ` դրամարկղում և հետո «Վիվառոյի» մեկ այլ մասնաճյու¬ղում խաղադրույք կատարի։ Հաղթելու դեպքում գումարը պետք է փոխանցվեր իրենց հաշվին և Գոռը հետ էր վերցնելու դոլարանոցները։ Հայտնել է նաև, որ թղթադրամների սերիաների կեղծված լինելն ինքը նկա¬տել է մինչև ոստիկանների ժամանելը։
Համաձայն հրապարակված նախաքննական, այդ թվում` առերես ցուցմունքների՝ 2017թ. հունիսի 1-ից աշխատում է «Վիվառո» ՍՊ ընկերության Մաշտոցի 37 հասցեում գտնվող գրասենյակում։ 2017թ. հուլիսի 2-ին՝ ժամը 17։30-ին գրասենյակ է եկել Գոռը և, մոտենալով իրեն« ասել« որ ցանկանում է նրա հաշվին գումար փոխանցել։ Նա իրեն տվել է 2 հատ 100 ԱՄՆ դոլարանոց թղթադրամ և ինքը նրա հաշվե¬համարին է փոխանցել 95.000 ՀՀ դրամ գումար։ Մինչ խաղադրույքներ կատարելը Գոռն իրեն հայտնել է« որ հաղթելու դեպքում նույն թղթադրամները վերադարձնի նրան, ոչ ոքի չտա։ Նա այդ գումարով շահել և կանխիկացրել է 136.000 ՀՀ դրամ« այսինքն՝ նրան է վերադարձրել վերոնշյալ 200 ԱՄՆ դոլարը և ևս 41.000 ՀՀ դրամ շահումը։ Դրանից հետո Գոռը գնացել է, նույն օրը՝ ժամը 20։01-ին վերադարձել և իրեն տվել է 2 հատ 100 ԱՄՆ դոլար և 5 հատ 1.000 ՀՀ դրամ գումար« որի դիմաց ինքը նրա հաշվին է փոխանցել 100.000 ՀՀ դրամ։ Այնուհետև՝ ժամը 20։15-ից 20։19-ն ընկած ժամանակահատվածում Գոռը իրեն տվել է 3 հատ 100 ԱՄՆ դոլար« որի դիմաց փոխանցել է 88.000 ՀՀ դրամ և 52.000 ՀՀ դրամ։ Դրանից հետո՝ ժամը 20։41-ին տվել է ևս 5 հատ 100 ԱՄՆ դոլարանոց թղթադրամ« որի դիմաց փոխանցել է 240.000 ՀՀ դրամ« որից հետո 23։44-ին 500 ԱՄՆ դոլարի դիմաց փոխանցել է 240.000 ՀՀ դրամ։ Արդեն հուլիսի 3-ին՝ ժամը 01։00-ի սահմաններում Գոռը հեռացել է։ Նախքան գնալը Գոռն իրեն հարցրել է« թե հնարավոր է, որ իր կողմից տված դոլարները մնա դրամարկղում« որ ինքը «Վիվառոյի» մեկ այլ մաս¬նաճյուղում խաղալու ընթացքում կորցրած գումարը հետ բերի« համարժեք ՀՀ դրամ փոխանցի իրենց դրամարկղ և հետ վերցնի իր ընդհա¬նուր 1.500 ԱՄՆ դոլար արժողությամբ թղթադրամները« որ դրամները դոլարի վերածելուց չտուժի։ Ինքը համաձայնել է« այնուհետև՝ դրամարկղի գումարը հաշվելու ժամանակ մեկ անգամ էլ հաշվել է Գոռից ստացած 1.500 ԱՄՆ դոլար գումարը և նկատել է« որ թղթադրամների սերիական համարները հիմնա¬կանում կրկնվում են, իսկ թղթադրամների վրա առկա պատկերները աղա¬վաղված են« կասկածել է« որ դրանք կեղծ են և այդ մասի հայտնել է մենեջերին։ Հաջորդ օրը մենեջերի կողմից թղթադրամները տեսնելուց հետո ինքը զանգահարել է ոստիկանություն և հայտնել կատարվածի մասին։
Հրապարակված հակասական ցուցմունքների շուրջ առաջադրված հարցին ի պատասխան` վկա Կ.Յանթարյանը պնդեց իր նախաքննական ցուցմունքները։
Վկա Գրիգոր Հարությունյանի ցուցմունքով. Վերջինս Դատարանում հայտնեց, որ ամբաստանյալին ճանաչում է, սակայն հստակ չի հիշում, թե երբվանից։ Գոռը վաճառել է ավտոպահեստամասեր, որոնք ձեռք է բերել նույնիսկ Վրաստանի Հանրապետությունից։ Իրենց ծանոթությունից մոտ 1 ամիս հետո իր մեքե¬նայով Գոռ Գարսևանյանին տեղափոխել է Վրաստանի Հանրապետություն, մեկ օր մնացել են և վերադարձել։ Այդ ընթացքում նրանց միջև խոսակցություն է եղել, որի ընթացքում Գոռն իրենից պարտքով կամ տոկոսով գումար է խնդրել, սակայն ինքը գումար չի ունեցել, որ նրան տա։ Ինքը ականատես չի եղել, որ Գոռը այլ անձից 1.500 ԱՄՆ դոլար գումար վերցնի, իրենից ևս գումար չի վերցրել։ Մի անգամ Գոռի խնդրանքով Հանրապետության հրապարակի շատրվանների մոտ հանդիպել է մի անձի, ով իրեն ծրար է տվել՝ Գոռին փոխանցելու նպատակով։ Ինքը տեղյակ չի եղել ծրարի պարունակության մասին։ Դրանից հետո ևս չի իմացել, թե ինչ է եղել ծրարի մեջ։ Տեղյակ է, որ Գոռը խաղադրույք կատարելիս պարտվել է։ Այդ մասին իմացել է, երբ Գոռը զանգահարել է իրեն և ասել է, որ գումար է անհրաժեշտ, քանի որ պարտվել է։ Այդ ժամանակ չեն հանդիպել, միայն հեռախոսային խոսակցություն են ունեցել։ Դրանից հետո հանդիպել են լուսադեմին, որ կարողանա Գոռին ինչ-որ մի բանով օգտակար լինի։ Հանդիպել են Երևանի Կիլիկիա թաղամասում, որտեղ Գոռն ասել է, որ պարտվել է և իրենից պարտքով գումար խնդրել։ Ինքն առաջարկել է պատմել, թե ինչ է եղել։ Իրար հետ չեն վիճել, միայն Գոռին նախատել է նրա արարքի համար, թեև շատ մտերիմ չեն եղել։ Գոռը նրան ասել է, որ ցանկանում է մեքենան վաճառել` պատճառա¬բանելով, որ նրան գումար է անհրաժեշտ։ Այդ մասին ինքը քննիչի մոտ մանրամասն հայտնել է, թեև Դատարանում մանրամասները չի հիշում` պատճառաբանելով, որ վերոնշյալ դեպքից հետո ենթարկվել է ավ¬տովթա¬րի։ Ընդունեց, որ նախաքննական ցուցմունքները գրվել են իր բառերից, դրանք կարդացել և ստորագրել է, իսկ իրեն հարցաքննած քննիչի գործողություններից որևէ դժգոհություն չունի։
ՀՀ քրեական դատավարության օրենսգրքի 342-րդ հոդվածի կարգով հրապարկվեցին վկա Գ.Հա¬րություն¬յանի նա¬խաքննական հակասական ցուցմունքները, համաձայն որոնց՝ 2003 թվականից զբաղվում է ավտոմեքենաների վերանորոգմամբ։ Քանի որ գումարը չի բավականացրել« Էդիկ անունով տղայից օրա¬վարձով վերցրել է «Օպել Աստրա Ջի» մակնիշի ավտոմեքենա« այն վարել է որպես տաքսի։ 2017թ. հունիսի 10-ից 15-ն ընկած ժամանակահատվածում ծանոթացել է Գոռ Գարսևանյանի հետ։ Վերջինս իրեն հայտնել է« որ Վրաստանից ավտոպահեստամասեր է ներկրում և եթե ավտոպահեստամասեր պետք լինեն« դիմի նրան։ Այդ ժամանակ փոխանակվել են հեռախոսահամարներով։ Ծանոթանալու ժամանակ Գոռը հայտնել է, որ եթե պետք լինի, զանգահարելու է իրեն, որ նրա համար տաքսի ծառայություններ մատուցի« ինչպես նաև խնդրել է զննել նրա մեքենան և հայտնել առկա խնդիրների մասին« քանի որ ցանկանում էր այն վաճառել։ Ծանոթության հաջորդ օրը հանդիպել է Գոռին« ով իրեն ասել է« որ գնում է Վրաստան շարժիչ բերելու և պատճառաբանելով, որ վարորդական իրավունքի վկայականը կորցրել է` առաջարկել է միասին, նրա մեքենայով մեկնել Վրաստան« որի դիմաց պարտավորվել է իրեն վճարել 30.000 ՀՀ դրամ։ Նույն օրը՝ ցերեկը, Գոռին տարել է Ստեփանավան, ճանապարհին խոսել են տարբեր թեմաներից« որի ընթացքում Գոռը ասել է« որ տոկոսով փող է փնտրում։ Ինքը հայտնել է« որ նման ծանոթ չունի։ Ճանա¬պարհին Գոռը հետաքրքրվել է Ռուսաստանի կյանքից« հարցրել« թե գողության և կեղծ փողեր պատրաս¬տելու վերաբերյալ հանցագործություններով որքան է պատիժը։ Նրան խորհուրդ է տվել հեռու մնալ այդ կյանքից և մտածել ընտանիքի մասին։ Հասնելով Ստեփանավան քաղաք՝ Գոռը տեսել է երեխային, և կրկին վերադարձել են Երևան։ Քանի որ ինքը Կիլիկիայից պետք է գնար Կոմիտաս պողոտա՝ Գոռի մոտ, հունիսի 27-ին կամ 28-ին Գոռը զանգահարել է իրեն և ասել« որ Հանրապետության հրապարակին կից այգու շատրվանների մոտ նրա ծանոթից վերցնի 1.500 ԱՄՆ դոլար գումարը և նոր հանդիպի նրան։ Գնալով Հանրապետության հրապարակ՝ հանդիպել է մոտ 40-45 տարեկան տղամարդու հետ« ով ներկա¬յացել է որպես Արսեն կամ Արմեն« այնուհետև գրպանից ծալած վիճակում հանել է ԱՄՆ 100 դոլար անվա¬նական արժեքով թղթադրամներ« փոխանցել է իրեն« որոնք թվով 15 հատ էին։ Թղթադրամների արտաքին հատկանիշներին ուշադրություն չի դարձրել և դրել է գրպանը։ Այնուհետև գնացել է Կոմիտաս« հանդիպել Գոռին և, նստելով նրա մեքենան, 1.500 ԱՄՆ դոլար գումարը փոխանցել է Գոռին։ Մեկնել են Վրաստան, սակայն այնտեղ ոչինչ չհավանելով և չգնելով՝ վերադարձել են։ Մինչ այդ Գոռն իրեն ասել է« որ Թբիլիսի քաղաքի կայարանում իրեն մարդ կմոտենա։ Ինքը գնացել և հանդիպել է մոտ 35 տարեկան տղայի« նրանից վերցրել է ծրար և փակ վիճակում տվել Գոռին։ Այնուհետև Երևան վերադառնալու ճանապարհին հարցրել է« թե ծրարում ինչ է« իսկ Գոռը պատասխանել է« որ գումար է։ Ճանապարհին ինքը Գոռին ասել է« որ լավ է եղել« որ նա Վրաստանում ոչինչ չի գնել« դրա փոխարեն պարտքերը կմարի։ Գոռն ասել է« որ այդ փողերով պարտք չի վճարում« քանի որ դրանք «կեղտոտ»« այսինքն՝ կեղծ փողեր են« դրանք տալիս են իրեն« որ Վրաստանում դրանք իրացնի և նրան դրանից որոշակի գումար է մնում« ինչն էլ իրեն է առա¬ջարկել՝ ասելով« որ եթե ինքն էլ նրա նման նշված թղթադրամներից իրացնի« իրեն նույնպես դրա մի մասի չափով գումար կտրամադրվի։ Գոռի այդ առաջարկից հրաժարվել է։ 2017թ. հունիս ամսվա վերջին Գոռն իրեն ասել է« որ ցանկանում է մեքենան 1.500 ԱՄՆ դոլարով շտապ վաճառել« քանի որ նրան շտապ 1.000 ԱՄՆ դոլար գումար է անհրաժեշտ։ Ինքը զանգահարել է իր ծանոթներին, և նրանցից մեկը Գոռից 500.000 ՀՀ դրամով մեքենան գնել է« սակայն հետագայում անվանափոխություն չի կատարվել։ Մեքենան վաճա¬ռելու հաջորդ օրը հանդիպել է Գոռին« ով ասել է« որ գումար գտնի և գնան Վրաստան։ Ինքը հարցրել է« թե ստացած գումարն ինչ է արել« նա պատասխանել է« որ պարտքերն է մարել, այնուհետև Կենտրոն վարչական շրջանի տարածքում Գոռն ասել է« որ գումար պետք է վերցնի« և իջնելով մեքենայից` հեռացել է։ Ինքը տեղյակ չէ« թե Գոռն ումից էր վերցրել նշված 15 հատ կեղծ թղթադրամները« իրեն հայտնել է« որ պարտքերն է մարել« քանի որ երդվել է« որ խաղամոլությամբ այլևս չի զբաղվի։ Ինքը նախապես տեղյակ չի եղել« որ թղթադրամները կեղծ են եղել« այդ մասին տեղեկացել է հետագայում, Գոռից։
Հրապարակված հակասական ցուցմունքների հետ կապված հարցադրմանն ի պատաս¬խան՝ վկա Գ.Հարությունյանը պնդեց իր նախաքննական ցուցմունքը և հստակեցրեց, որ փողերը Ռուսաստանում իրացնելու վերաբերյալ խոսակցության ժամանակ Գոռին խորհուրդ է տվել ՌԴ-ում նման գործողութ¬յուններով զբաղվել։ Նշեց, որ կեղծ փողեր իրացնելու առաջարկով Գոռն իրեն չի դիմել, նման խոսակցութ¬յուն չի եղել։ Նշեց նաև, որ խոսակցությունը եղել է «կեղտոտ», ոչ թե կեղծ գումարների մասին, այն որ թղթադրամները եղել են կեղծ, տեղեկացել է քննիչից։
Ամբաստանյալին առաջադրված մեղադրանքը Դատարանը հաստատված համարեց վերոնշյալ ցուց¬¬մունքները ստորև թվարկվող ապացույցների հետ համադրելու, ստուգելու և գնահատելու արդյունք¬ներով.
Դեպքի վայրի զննության և թղթադրամներ ներկայացնելու մասին արձա¬նագրութ¬յուններով« հա¬մա¬ձայն որոնց՝ դեպքի վայր հանդիսացող Երևանի Մաշտոցի պողոտայի 37-րդ շենքի 1-ին հարկում գտնվող «Վիվառո» ՍՊ ընկերութ¬յան գրասենյակում քաղ. Կարապետ Գագիկի Յան¬թարյանը 2017թ. հուլիսի 3-ին ներկայացրել է 9 հատ «AB59504835R B2» սերիա-համարի« 4 հատ «FF95594731A F6» սերիա - համարի« 1 հատ «AA83904390R A1» սերիա-համարի և 1 հատ «FF73594731A» սերիա-համարի 100 ԱՄՆ դոլար ան¬վանական արժեքով թղթադրամներ` հայտարարելով« որ դրանք ընդունել է 2017թ. հուլիսի 2-ին` որպես դեպոզիտ գումար, որի հիման վրա լիցքավորել է գործով ամբաստանյալ Գոռ Համլետի Գարսևանյանի հաշվե¬համարը։
Դատափաստաթղթաբանական փորձաքննության 2017թ. հուլիսի 4-ի թիվ 17-1274 եզրակա¬ցութ¬յամբ, համաձայն որի` փորձաքննությանը ներկայացված՝ «AA83904390R» սերիա-համարի« «FF73594731A» սերիա-համարի« 4 հատ «FF95594731A» սերիա-համարի և 9 հատ «AB59504835R» սերիա-համարի 100 ԱՄՆ դոլար անվանական արժեքով թղթադրամները կատարված են հարթ տպագրական եղանակով և իրենց կատարման եղանակով« համապատասխան պաշտպանական հատկանիշների բացակայությամբ չեն համապատասխանում ստանդարտ թողարկման 100 ԱՄՆ դոլար անվանական արժեքով թղթադրամի կատարման եղանակին և պաշտպանական հատկանիշներին։
Դատափաստաթղթաբանական փորձաքննության 2018թ. մայիսի 22-ի թիվ 18-0134 Դ եզրակա¬ցութ¬յամբ, համաձայն որի` փորձաքննությանը ներկայացված՝ «AA83904390R» սերիա-համարի« «FF73594731A» սերիա-համարի« 4 հատ «FF95594731A» սերիա-համարի և 9 հատ «AB59504835R» սերիա-համարի 100 ԱՄՆ դոլար անվանական արժեքով թղթադրամները կատարված են հարթ տպագրա¬կան եղանակով և իրենց կատարման եղանակով« համապատասխան պաշտպանական հատկանիշների բացակայությամբ չեն համապատասխանում ստանդարտ թողարկման 100 ԱՄՆ դոլար անվանական արժեքով թղթադրամի կատարման եղանակին և պաշտպանական հատկանիշներին։
Փորձաքննությանը ներկայացված՝ 100 ԱՄՆ դոլար անվանական արժեքով թղթադրամների դիմերեսների և դարձերեսների պատկերների ընդհանուր տեսքը համապատասխանում է «100» դոլար անվանական արժեքով ԱՄՆ թղթադրամի ընդհանուր տեսքին։
Իրեղեն ապացույց ճանաչված և գործին կցված, 1 հատ «AA83904390R» սերիա-համարի« 1 հատ «FF73594731A» սերիա-համարի« 4 հատ «FF95594731A» սերիա-համարի և 9 հատ «AB59504835R» սերիա - համարի 100 ԱՄՆ դոլար անվանական արժեքով կեղծ թղթադրամների առկայությամբ, Դատարա¬նում դրանք զննելու արդյունք¬ներով (ար¬ձա¬նագրութ¬յամբ)։
Որպես ապացույց ճանաչված և գործին կցված փաստաթղթերի` «ՄՏՍ-Հայաստան» ՓԲ ընկե¬րությունից ստացված թիվ SU 698E/13.07.17 գրության« դրան կից լազերային սկավառակի վրա պա¬րու¬նակ¬վող վերծանումների, «ԱրմենՏել» ՓԲ ընկերությունից 2017թ. հուլիսի 14-ին ստացված թիվ 660e-signed.pdf և «Յուքոմ» ՍՊԸ-ից 2017թ. հուլիսի 18-ին ստացված գրութ¬յունների« դրանց կից լազերային սկավա¬ռակ¬ների առկայությամբ և դրանց զննության արձա¬նագրութ¬յուններով« համաձայն որոնց՝ մե¬ղադրյալ Գոռ Գարսևանյանի և վկա Գրիգոր Հարությունյանի միջև քննվող դեպքի ժամանակա¬հատվա¬ծում արձա¬նագրվել են բազմաթիվ հեռախոսազանգեր։

Դատարանի իրավական վերլուծությունները և եզրահանգումը.
Գնահատելով դատաքննությամբ հետազոտված վերոնշյալ ապացույցները` Դատա¬¬րա¬նը հաս¬տատված համարեց այն, որ ամբաստանյալ Գոռ Գարսևանյանը իրացրել է կեղծ փողեր, այսինքն` մեղավորությամբ կատարել է հանցա¬վոր արարք« որը համա¬պա¬տաս¬¬խա¬նում է ՀՀ քրեական օրենսգրքի 202-րդ հոդվածի 1-ին մասով նախա¬տես¬ված հան¬ցա¬գոր¬ծության հատ¬կանիշ¬ներին, հետևա¬բար` վեր¬ջինս քրեա¬¬կան պա¬տաս¬¬¬խա¬նատ¬¬¬վության և պատժի ենթա¬¬կա է այդ հոդվածի համապատաս¬խան մասով։

Նշանակվող պատժի և դատավճռով լուծման ենթակա այլ հարցեր.
Ամբաստանյալ Գոռ Գարսևանյանի նկատմամբ նշանակվող պատժի տեսակը և չափը որո¬շելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬¬նել սոցիալական արդարությունը« ուղղել պատժի ենթարկված անձին« ինչպես նաև կանխել հան¬ցա¬¬¬գոր¬¬ծութ¬յունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատա¬րած անձի նկատ¬մամբ կիրառվող պատիժը և քրեաիրավական ներ¬գոր¬ծութ¬յան այլ միջոց¬ները պետք է լինեն ար¬դարացի« համա¬պա¬տասխանեն հանցանքի ծան¬րությանը« այն կա¬տա¬րելու հան¬գա¬մանք¬ներին« հան¬¬ցավորի անձ¬նա¬¬¬վո¬րությանը« անհրա¬ժեշտ և բավարար լինեն նրան ուղղելու և նոր հանցա¬գոր¬ծութ¬յուն¬ները կան¬խելու համար։
ՀՀ քրեական օրենսգրքի 61-րդ հոդվածի 1-ին մասը սահմանում է« որ հանցա¬գոր¬ծութ¬յան համար մեղավոր ճանաչված անձի նկատմամբ նշանակվում է արդարացի պատիժ« իսկ նույն հոդ¬վածի 2-րդ մասի համաձայն՝ պատժի տեսակը և չափը որոշվում են հանցա¬գործության՝ հան¬րության համար վտան¬¬գա¬վո¬րության աստիճանով և բնույթով« հանցավորի անձը բնու¬թագրող տվյալներով« այդ թվում՝ պատաս¬խա¬նատ¬վությունը և պատիժը մեղմաց¬նող և/կամ ծանրացնող հան¬գա¬մանքներով։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վա¬րա¬կան օրենսգրքի 8-րդ հոդվածի համաձայն՝ որոշակի փաստական հանգա¬մանք¬ներ ունեցող գոր¬ծով ՀՀ Վճռաբեկ դատարանի կամ Մարդու իրավունքների եվրոպա¬կան դատա¬րա¬նի դատական ակ¬տի հիմ¬¬նա¬վո¬րումները« այդ թվում՝ օրենքի մեկնաբա¬նութ¬յուն¬ները« պարտադիր են դատարանի հա¬մար նույ¬¬¬¬նանման փաստական հանգամանք¬ներով գործի քննության ժամա¬նակ։
ՀՀ Վճռաբեկ դատարանը« Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկ¬տեմ¬բերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մա¬սով նա¬խա¬տես¬ված նորմը« նշել է« որ այն Դատարանին օժտել է անձի պատասխա¬նատ¬վությունը մեղ¬մաց¬նող հանգա¬մանքների կիրառման լայն հայեցողությամբ« քանի որ պա¬տիժ նշանակելիս Դա¬տա¬րանը կա¬րող է հաշվի առնել նաև մեղմացնող այնպիսի հանգա¬մանք¬ներ« որոնք նույն հոդվածի առա¬ջին մասում նշված չեն։
Դատարանը, որպես ամբաստանյալ Գոռ Գարսևանյանի անձը բնութագրող տվյալներ է գնա¬հատում՝ նախկինում դատապարտված չլինելը (ըստ ՀՀ ինֆորմացիոն կենտրոն 2017թ. հուլիսի 6-ին կատարված հարցման արդյունքների), երիտասարդ լինելը (համաձայն ՀՀ քաղաքացու AH 0636719 սերիա-համարի անձնագրի ծնվել է 1992թ.), ամուսնացած լինելը (համաձայն ԱԲ սերիայի 093969 համարի ամուսնության վկայականի պատճենի), իսկ որպես պատաս¬խանատ¬վութ¬յունն ու պատիժը մեղ¬մաց¬նող հանգամանքներ¬` խնամքին մինչև 14 տարեկան որդու` 2014թ. օգոստոսի 14-ին ծնված Համլետ Գոռի Գարսևանյանի առկայութ¬յունը (համաձայն` ԱԲ սերիայի 360244 համարի ծննդյան վկայա¬կանի պատ¬ճենի), բնակության և աշխատանքի վայրերում դրականորեն բնու¬թագրվելը (ըստ Երևանի Վրա¬ցական 6-րդ շենքի լիազորագրային կառավարիչ Ե.Անդրեասյանի, Երևանի «Ճարտար» համատիրության կառավարիչ Ն.Հակոբյանի և շենքի բնակիչների, «Ար-Պե» ՍՊ և «Կվադրատ» ՓԲ ընկերությունների տնօրեններ Վ.Ավագյանի և Մ.Սարգսյանի հաստատած բնութագրերի)։
Դատարանն ամբաստանյալ Գոռ Գարսևանյանի պատասխանատվությունը և պա¬տիժը ծան¬րաց¬¬նող հանգամանքներ չարձանագրեց։
Պատժի նպատակներն ապահովելու տեսանկյու¬նով անդրադառնալով ամբաս¬տանյալ Գոռ Գարսևանյանի նկատ¬¬մամբ պատժի նշանակման խնդրին` Դատա¬րանը փաս¬¬տում է, որ ՀՀ քրեա¬կան օրենսգրքի 202-րդ հոդվածի 1-ին մասով նախատեսված է պատիժ բացառապես ազա¬տազրկման ձևով՝ գույքի բռնագրավմամբ կամ առանց դրա, հետևաբար` սույն գործով քննարկ¬ման ենթակա են՝ պատժի չափի, տվյալ հոդվածով նա¬խա¬տեսված ազա¬տազրկման նվազագույն չափից ավելի ցածր պատիժ կամ ավելի մեղմ պատ¬ժա¬տե¬սակ նշա¬նակելու (ՀՀ քրեա¬կան օրենսգրքի 64-րդ հոդվածի կիրառում), որպես լրացուցիչ պատիժ` գույքի բռնագրավում նշանակելու կամ չնշանակելու, նշա¬նակվող հիմնական պատիժը կրելու կամ չկրելու (ՀՀ քրեական օրենսգրքի 70-րդ հոդ¬վածի կի¬րա¬ռում) հարցերը։
Հաշվի առնելով ամբաստանյալ Գոռ Գարսևանյանի անձը, նրան վերագրվող հանցագոր¬ծութ¬յան բնույթն ու վտանգա¬վորության աստիճանը (ծանր դիտավորյալ հանցագործութ¬յուն է)` Դա¬տա¬րանը փաս¬տում է, որ նրա նկատմամբ տվյալ հոդվածով նախատեսվածից ավելի մեղմ պատժաչափ կամ պատ¬ժատեսակ նշանակելու հիմքերը (ՀՀ քրեա¬կան օրենսգրքի 64-րդ հոդ¬վածի կիրառում) բա¬ցա¬¬կայում են։ Նրա նկատմամբ պատիժ կարող է նշա¬նակվել բացա¬ռապես ազատազրկման ձևով, որը կարող են նշա¬նակվել տվյալ հոդ¬վածով նախա¬տեսված պատժաչափերի սահման¬ներում։ Դա¬տա¬րանն ամբաստան¬յալ Գոռ Գարսևանյանի անձը դրականորեն բնութագրող տվյալները, պա¬տաս¬խա¬նատվութ¬յունը և պատիժը մեղ¬մացնող հանգա¬մանքները, պատասխա¬նատ¬վությունն ու պա¬տիժը ծանրացնող հանգա¬մանք¬ների բա¬ցակայությունը հաշվի է առնում նրա նկատմամբ պատժի չափը և այն ռեալ կրելու նպատա¬կահար¬մարութ¬յան հար¬ցը որոշելիս։
ՀՀ քրեական օրենսգրքի 70-րդ հոդվածի 1-ին մասի համաձայն` եթե դատարանը կա¬լանքի« ազատազրկման կամ կարգապահական գումարտակում պահելու ձևով պատիժ նշա¬նակելիս հան¬գում է հետևության« որ դատապարտյալի ուղղվելն հնարավոր է առանց պա¬տիժը կրելու« ապա կա¬րող է որո¬շում կայացնել այդ պատիժը պայմանականորեն չկիրառելու մասին։ Նույն հոդվածի 2-րդ մասի համա¬ձայն` պատիժը պայմանականորեն չկիրառելիս դատա¬րանը հաշվի է առնում հան¬ցավորի անձը բնութագրող տվյալները« պատաս¬խա¬նատվութ¬յունը և պատիժը մեղմացնող և ծան¬րացնող հանգա¬մանք¬ները։
ՀՀ քրեական օրենսգրքի վերոնշյալ դրույթների մեկնաբանությունից ակնհայտ է« որ պա¬տիժը պայմանականորեն չկիրառելու հետ կապված ինչպես հանցագործությունների տեսակ¬նե¬րի« հան¬ցա¬վոր արարքի վտանգավորության աստիճանի ու բնույթի« այնպես էլ անձանց շրջա¬նակի հետ կապ¬ված որևէ հա¬տուկ սահմանափակում օրենսդիրը չի նախատեսել« այսինքն` պատի¬ժը պայմանա¬կա¬նորեն չկի¬րա¬ռելու հիմք է համարվում դատարանի համոզ¬վածությունն առ այն« որ դատա¬պարտյալի ուղղվելը հնա¬րա¬վոր է առանց որոշակի պատժա¬տեսակները ռեալ կրե¬լու (նման մեկնաբանություն է արել նաև ՀՀ Վճռա¬բեկ դատա¬րանը Հասմիկ Պետրոսյանի վերա¬բերյալ թիվ ԱՐԱԴ/0050/01/08 քրեական գործով 2009թ. հունիսի 29-ին կայացրած որոշմամբ)։
Դատարանի այդ համոզվածությունը կարող է կայանալ պատասխանատվությունը և պա¬տիժը մեղմացնող« ՀՀ քրեական օրենսգրքի 62-րդ հոդվածով նախատեսված (ինչպես նաև չնախատես¬ված« բայց Դատարանի համոզմամբ այդ¬պիսին դիտարկվող) և 63-րդ հոդվածում սպառիչ թվարկ¬ված« պա¬տաս¬խանատվությունը և պատիժը ծանրացնող հանգամանքների գնա¬հատման արդյունք¬նե¬րով։
Հաշվի առնելով ամբաստանյալ Գոռ Գարսևանյանի անձը դրականորեն բնութագրող տվյալ¬¬ները և պատասխանատվությունն ու պատիժը մեղմացնող հանգամանքները, մասնավորապես` նախ¬¬կի¬նում դա¬տա¬¬պարտ¬ված չլինելը, խնամքին մինչև 14 տարեկան երեխայի առկայութ¬յունը, բնակության և աշխա¬տանքի վայրերում դրականորեն բնու¬թագրվելը, ինչպես նաև պատասխանատ¬վությունն ու պա¬տիժը ծան¬րաց¬նող հանգա¬մանք¬ների բացակայութ¬յունը` Դա¬տա¬¬րա¬նը հանգում է այն համոզվա¬ծութ¬յան« որ ամբաս¬տանյալ Գոռ Գարսևանյանի ուղղվե¬լը և նոր հան¬ցա¬գործությունների կանխումը հնա¬րավոր է նրա նկատ¬մամբ ազա¬տազրկում նշա¬նակելու« սա¬կայն այդ պատիժը պայմա¬նա¬կանորեն չկիրա¬ռելու և միաժամանակ ողջա¬միտ« տվյալ դեպքում՝ երկու տարի ժամ¬կետով փոր¬ձաշրջան սահմա¬նելու պայ¬ման¬ներում։ Դատա¬րանը գտնում է, որ հատ¬կապես այդ պատիժն է արդա¬րացի ու միա¬ժա¬¬մանակ անհրաժեշտ սոցիալական ար¬դա¬րությունը վե¬րականգնելու« ամբաս¬տան¬յալին ուղղելու և նոր հանցա¬գոր¬ծութ¬յուն¬ները կան¬խելու հա¬մար։
Անդրադառնալով Գոռ Գարսևանյանի նկատմամբ որպես կալանավորման այլընտրան¬քային տա¬րատեսակ ընտրված գրավի հարցին՝ Դատարանը փաստում է, որ մինչև դատավճռի օրինական ուժի մեջ մտնելն այն անհրաժեշտ է թողնել ան¬փոփոխ, իսկ գրավի գումարը՝ 1.000.000 (մեկ միլիոն) ՀՀ դրամը, որը 2017թ. սեպտեմբերի 15-ին մուտ¬քագրվել է ՀՀ վերաքննիչ քրեական դատարանի թիվ 900023292015 դեպոզիտային հաշվին, այդ խա¬փան¬ման միջոցի պայմանները չխախտելու պարա¬գա¬յում վերա¬դարձ¬նել այն վճարող անձին` սույն դա¬տավճիռն օրինա¬կան ուժի մեջ մտնե¬լուց հետո։
Հաշվի առնելով, որ ամբաստանյալ Գ.Գարսևանյանը որոշակի ժամանակահատվածում գտնվել է արգելանքի տակ՝ Դատա¬րանը, ղեկա¬վար¬վե¬լով ՀՀ քրեա¬կան օրենսգրքի 69-րդ հոդվածի պա¬հանջով, նշանակվող պատժի ժամկետին հաշ¬վակցում է 2017թ. հուլիսի 3-ից մինչև 2017թ. սեպտեմբերի 15-ն անազատության մեջ գտնվելու ժամանակահատվածը։
ՀՀ քրեական դատավարական օրենսգրքի 360-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների« դատական ծախ¬սե¬րի« գույքի նկատմամբ կիրառված (կիրառվելիք) արգելանքի« քաղա¬¬քա¬ցիական հայցի հարցերին։ Դատա¬րանն արձանագրում է« որ Գոռ Գարսևանյանի դեմ քաղաքացիական հայց չի ներկայացվել։
Դատարանն արձանագրում է նաև, որ որպես դատական ծախս` Գոռ Համլետի Գարսևանյանից հօգուտ ՀՀ ֆինանսների նախա¬րա¬րության (ՀՀ պետական բյուջեի) անհրաժեշտ է բռնագանձել 546.600 (հինգ հարյուր քառասունվեց հազար վեց հարյուր) ՀՀ դրամ գումար (2017թ. հուլիսի 4-ի և 2018թ. մայիսի 22-ի դատափաստաթղթաբանական փորձաքննություններ)։
Անդրադառնալով Գոռ Գարսևանյանի անվամբ հաշվառված շարժական և անշարժ գույքերի վրա ՀՀ քննչական կոմիտեի Երևանի Կենտրոն և Նորք-Մարաշ վարչական շրջանների քննչա¬կան բաժնի ավագ քննիչ Գ.Նահապետյանի որոշմամբ դրված հնարավոր արգելանքներին` Դատարանը փաստում է, որ դրանք անհրաժեշտ է պահպանել մինչև վերոնշյալ դատա¬կան ծախսի լրիվ բռնա¬գանցումը կամ կամովին վճա¬րելը։
Անդրադառնալով իրեղեն ապացույցների տնօրինման խնդրին՝ Դատարանը փաստում է, որ իրեղեն ապացույց ճանաչված և Դատարանում պահվող 100 ԱՄՆ դոլար անվանական ար¬ժեքով «AA83904390R», «FF73594731A», «FF95594731A» և «AB59504835R» սերիա-համարի 15 հատ կեղծ թղթադրամներն անհրաժեշտ է ոչնչացնել` սույն դատավճիռն օրինական ուժի մեջ մտնե¬լուց հետո։
Գնահատելով և ամփոփելով դատաքննությամբ հետազոտված ապացույց¬ները, ղեկավար¬վե¬լով ՀՀ քրեական դատավա¬րա¬կան օրենսգրքի 119-րդ, 357-360-րդ, 364-365-րդ, 369-373-րդ հոդված¬ներով, Դատա¬րանը
Վ Ճ Ռ Ե Ց ՝

Գոռ Համլետի Գարսևանյանին ճանաչել մեղավոր ՀՀ քրեական օրենսգրքի 202-րդ հոդվածի 1-ին մասով նախատեսված հանցագոր¬ծության կա¬տար¬ման մեջ, նրա նկատ¬մամբ նշանա¬կել պատիժ՝ ազա¬տազրկում՝ 3 (երեք) տարի ժամկետով` առանց գույքի բռնագրավման։
Պատժի նշված ժամկետին հաշվակցելով մինչդատական վարույթի ընթացքում` 2017թ. հուլիսի 3-ից մինչև 2017թ. սեպտեմբերի 15-ն անազատության մեջ գտնվելու ժամանակահատվածը՝ Գոռ Գարսևանյանի նկատմամբ նշանակված և չկրած պատիժը` 2 (երկու) տարի 9 (ինը) ամիս 18 (տասնութ) օր ժամ¬կետով ազա¬տազրկումը ՀՀ քրեա¬կան օրենսգրքի 70-րդ հոդվածի համաձայն պայմանականորեն չկի¬րառել՝ սահ¬մանելով փորձաշրջան 2 (երկու) տարի ժամկետով։
Գոռ Գարսևանյանի վարքագծի նկատմամբ վերահսկողությունը հանձ¬նարա¬րել ՀՀ ԱՆ պրո¬բացիայի պետա¬կան ծառայության համապա¬տաս¬¬խան ստո¬րաբա¬ժան¬մանը։
Գոռ Գարսևանյանի նկատմամբ որպես խա¬փան¬ման միջոց ընտրված գրավը վե¬րաց¬նել և գրավի գու¬մարը` 1.000.000 (մեկ միլիոն) ՀՀ դրամը, որը 2017թ. սեպտեմբերի 15-ին մուտ¬քագրվել է ՀՀ վերաքննիչ քրեական դատարանի թիվ 900023292015 դեպոզի¬տային հաշվին, այդ խափանման մի¬ջոցի պայմանները չխախտելու պարա¬գա¬յում վերա¬դարձ¬նել այն վճարող անձին` Համլետ Ժորժիկի Գարսևանյանին` սույն դա¬տավճիռն օրինա¬կան ուժի մեջ մտնե¬լուց հետո։
Իրեղեն ապացույց ճանաչված և Դատարանում պահվող 100 ԱՄՆ դոլար անվանական ար¬ժեքով «AA83904390R», «FF73594731A», «FF95594731A» և «AB59504835R» սերիա-համարի 15 հատ կեղծ թղթադրամները ոչնչացնել` սույն դատավճիռն օրինական ուժի մեջ մտնե¬լուց հետո։
Որպես դատական ծախս` Գոռ Համլետի Գարսևանյանից հօգուտ ՀՀ ֆինանսների նախարա¬րութ¬յան (ՀՀ պետական բյուջեի) բռնագանձել 546.600 (հինգ հարյուր քառասունվեց հազար վեց հարյուր) ՀՀ դրամ գումար։
Գոռ Համլետի Գարսևանյանի անվամբ հաշվառված շարժական և անշարժ գույքերի վրա ՀՀ քննչական կոմիտեի Երևանի Կենտրոն և Նորք-Մարաշ վարչական շրջանների քննչական բաժնի ավագ քննիչ Գ.Նահապետյանի 2017թ. նոյեմբերի 10-ի որոշմամբ դրված հնարավոր արգելանքները պահպանել` մինչև վերոնշյալ դատա¬կան ծախսի լրիվ բռնագանձումը։
Դատավճիռը ստացման օրվանից մե¬կամսյա ժամկետում կարող է բողո¬քարկվել ՀՀ վե¬րաքննիչ քրեական դատարան։


ԴԱՏԱՎՈՐ՝ Ա.Ժ.ՎԱՐԴԱՆՅԱՆ