Գործ թիվ ԵԿԴ/0292/01/17



Ո Ր Ո Շ ՈՒ Մ
քրեական գործի վարույթը կարճելու և քրեական հետապնդումը
դադարեցնելու մասին

«26» դեկտեմբերի 2017թ. ք. Երևան

Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,

քարտուղարությամբ` Դարինա Բեգլարյանի և
Հասմիկ Ջանազյանի,

մասնակցությամբ`

մեղադրող, Երևանի Կենտրոն և
Նորք-Մարաշ վարչական շրջանների
դատախազության ավագ դատախազ` Հայկ Խաչատրյանի,

տուժող` Սպարտակ Պետրոսյանի,

պաշտպան` Գարիկ Գալիկյանի,


նույն դատարանում` խորհրդակցական սենյակում, քննության առնելով քրեական գործն ըստ մեղադրանքի`
Գրիգոր Իլիկոյի Պետրոսյանի` (ծնված 1973թ. հունիսի 16-ին, Երևան քաղաքում, ազ¬գութ¬յամբ հայ, ՀՀ քա¬ղաքացի, միջնակարգ կրթութ¬յամբ, ամուսնացած, խնամքին` 15 տարեկան դուստրը, աշխատում է «Տիգրան Մեծ» հրատարակչությունում` որպես կազմարար, նախ¬կինում չդատա¬պարտված, հաշվառված է Երևանի Չեխովի փողոցի 48-րդ շենքի 20-րդ բնակարանում, փաստացի բնակվում է Երևանի Շևչենկոյի փողոցի 1-ին շենքի 20-րդ բնակարանում, սույն գործով վերագրվել է ՀՀ քրեական օրենսգրքի 185-րդ հոդվածի 1-ին մասով նախատեսված արարքի կա¬տարում, որպես խափանման միջոց է ընտրվել չհեռանալու վերաբերյալ ստորագրություն),
հաշվի առնելով քրեական գործի դա¬տական քննության ընթացքում գործի վարույթը բա¬ցառող հանգա¬մանքի ի հայտ գալու փաստը,

Պ Ա Ր Զ Ե Ց`

Մասնավոր մեղադրանքի վերաբերյալ թիվ 13874017 քրեական գործը հարուցվել է 2017թ. օգոստոսի 25-ին` ՀՀ քրեական օրենսգրքի 185-րդ հոդվածի 1-ին մասի հատկանիշներով ՀՀ ոստիկանության Կենտրոնական բաժնում` Սպարտակ Պետրոսյանի հաղորդման հի¬ման վրա նա¬խա¬պատ¬րաստված նյութերի քննարկ¬ման արդյունքներով։
2017թ. հոկտեմբերի 19-ին Գրիգոր Պետրոսյանին մեղադրանք է առաջադրվել ՀՀ քրեական օրենսգրքի 185-րդ հոդվածի 1-ին մասով, նրա նկատմամբ որպես խափանման միջոց է ընտրվել չհե¬ռանալու վերաբերյալ ստորագրություն։
2017թ. նոյեմբերի 13-ին սույն քրեական գործը Գրիգոր Իլիկոյի Պետրոսյանի նկատմամբ ՀՀ քրեական օրենսգրքի 185-րդ հոդվածի 1-ին մասով հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրա¬վա¬¬սութ¬յան դատա¬րան, փաստացի մուտքագրվել է 2017թ. նոյեմբերի 15-ին, նախագահողին հանձնվել է 2017թ. նոյեմբերի 16-ին, նույն օրն ընդունվել է վարույթ, իսկ 2017թ. դեկտեմբերի 1-ին նշանակվել դատական քննության։
Համաձայն Գրիգոր Պետրոսյանին որպես մեղադրյալ ներգրավելու որոշման, ինչպես նաև մեղադրական եզրակացության` վերջինիս ՀՀ քրեական օրենսգրքի 185-րդ հոդվածի 1-ին մասով մեղադրանք է առա¬ջադրվել այն բանի համար, որ նա «2017թ. օգոստոսի 15-ին` ժամը 06։30-ի սահմաններում Երևանի Գրիգոր Լուսավորիչ փողոցում իրեն նկարահանելու պատճառով իր և Սպարտակ Պետրոսյանի միջև սկսված վիճաբանության ժամանակ կոտրելու միջոցով դիտավո¬րությամբ ոչնչացրել է Սպարտակ Վաղինակի Պետրոսյանին պատկանող զգալի չափի՝ 145.000 ՀՀ դրամ արժողությամբ «Այֆոն 6» ապրանքանիշի բջջային հեռախոսը»։
2017թ. դեկտեմբերի 26-ին կայացած դատական նիստի ընթացքում տուժող Սպարտակ Պետրոսյանը ներկայացրեց դիմում և հայտնեց, որ գործով ամբաստանյալն ամբողջությամբ փոխ¬հատուցել է իրեն պատճառված վնասը, խնդրեց Գ.Պետրոսյանի նկատմամբ հարուցված քրեա¬կան հետապնդումը դադարեցնել և քրեական գործի վա¬րույթը կարճել` պատճառաբանելով, որ նրա հետ հաշտվել է, այլևս բողոք չունի և չի ցանկանում, որ նա ենթարկվի քրեական պատաս¬խանատվության։
Ամբաստանյալ Գրիգոր Պետրոսյանը հայտնեց, որ տուժողին պատճառված նյութական վնասը փոխ¬հատուցել է, նրա հետ հաշտվել է, չի առարկում, որ իր նկատմամբ հարուցված քրեա¬կան հե¬տապնդումը դադա¬րեցվի ոչ արդարացնող այդ հիմքով։
Դատարանը, հաշվի առնելով ամբաստանյալի և տուժողի վե¬րոնշյալ դիր¬քո¬րոշումները, փաստում է, որ ի հայտ է եկել քրեական գործի վարույթը բացառող հանգամանք (հիմք), որի պայ¬մաններում քրեական գործի վարույթն ենթակա է կարճման, իսկ ամբաստանյալ Գ.Պետրոսյանի նկատմամբ հարուցված քրեա¬կան հետապնդումը` դադա¬րեցման, որպիսի հետևութ¬յան հանգում է հետևյալ իրա¬վական վերլու¬ծութ¬յունների արդյունքներով.
ՀՀ քրեական դատավարական օրենսգրքի 33-րդ հոդվածի համաձայն` մասնավոր մե¬ղադրան¬¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծություն¬ների վերաբերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի (…) 185-րդ հոդվածի 1-ին մասով նախատեսված հանցա¬գործությունների վերաբերյալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի կամ մեղադրյալի կամ ամբաստանյալի հետ նրա հաշտվելու դեպքում են¬թակա են կարճման։ Հաշտությունը թույլատրվում է մինչև դատավճիռ կայացնելու համար դատա¬րանի խորհրդակ¬ցա¬կան սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում տուժողը հաշտվել է կասկածյալի կամ մեղադրյալի հետ։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանք¬ներ, լուծում է ամբաստանյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։
ՀՀ քրեական դատավարական օրենսգրքի 64-րդ հոդվածի 2-րդ մասի համաձայն` մե¬ղադրյալը, ում վերաբերյալ գործը նշանակված է դատական քննության, ձեռք է բերում ամբաս¬տան¬յալի կարգավիճակ, հետևաբար` ՀՀ քրեական դատավարական օրենսգրքի 35-րդ և 36-րդ հոդ¬վածների վերոնշյալ մեկ¬նաբանությունները վերաբերելի են նաև սույն գործով ամբաստանյալ Գ.Պետրոսյանին։
ՀՀ քրեական դատավարական օրենսգրքի 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոց¬ները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում` իրեղեն ապացույցների ճակատագրի վերաբերյալ։ Տվյալ հարցին անդրադառնալով` Դատարանն արձանագրում է, որ քրեական գործով վնասի հատուց¬ման հարցը լուծվել է, ամբաստանյալի գույքի նկատմամբ արգելանք չի կիրառվել։
ՀՀ քրեական դատավարական օրենսգրքի 151-րդ հոդվածի 2-րդ մասի համաձայն` խա¬փան¬¬ման միջոցը վերացվում է, երբ վերանում է դրա անհրաժեշտությունը։ Դատարանը վե¬րոնշյալ տրա¬մաբանությամբ փաստում է, որ ամբաստանյալ Գրիգոր Պետրոսյանի նկատմամբ ընտրված խա¬փան¬ման միջոց չհեռանալու մասին ստորագրությունն ենթակա է անհապաղ վերացման։
Անդրադառնալով իրեղեն ապացույցի տնօրինման հարցին` Դատարանը փաստում է, որ Դատարանում պահվող «Այֆոն 6» ապրանքանիշի վնաս¬ված բջջային հեռախոսը պետք է վերա¬դարձնել սեփականատիրոջը` տուժող Սպարտակ Վաղինակի Պետրոսյանին` սույն որոշումն օրինական ուժի մեջ մտնելուց հետո։
Վերոգրյալի հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետով, 41-րդ հոդվածի 2-րդ մասի 8-րդ կետով, 183-րդ, 294-րդ և 313-րդ հոդվածներով, ինչպես նաև 379-րդ հոդվածի 1-ին մասի 1-ին կետով, Դատարանը

Ո Ր Ո Շ Ե Ց `

1. Գրիգոր Իլիկոյի Պետրոսյանի նկատմամբ ՀՀ քրեական օրենսգրքի 185-րդ հոդվածի 1-ին մասով հա¬րուցված քրեա¬կան հետապնդումը դադարեցնել, թիվ ԵԿԴ/0292/01/17 քրեական գործի վարույթը կարճել` նրա և տուժող Սպարտակ Վաղինակի Պետրոսյանի հաշտութ¬յան հիմ¬քով։
2. Գրիգոր Պետրոսյանի նկատմամբ որպես խափանման միջոց ընտրված չհեռա¬նալու մասին ստորագրությունն անհապաղ վերացնել։
3. Իրեղեն ապացույց ճանաչված և Դատարանում պահվող «Այֆոն 6» ապրանքանիշի վնաս¬ված բջջային հեռախոսը վերադարձնել սեփականատիրոջը` տուժող Սպարտակ Վաղինակի Պետրոսյանին` սույն որոշումն օրինական ուժի մեջ մտնելուց հետո։
4. Սույն որոշման օրինակներն հանձնել կողմերին` պարզաբանելով, որ այն կարող է բողո¬քարկ¬վել ՀՀ վերաքննիչ քրեական դատարան` ստացման օրվանից մեկամսյա ժամ¬կետում։



ԴԱՏԱՎՈՐ` Ա.ՎԱՐԴԱՆՅԱՆ