ԵԿԴ/0284/01/17




ՈՐՈՇՈՒՄ

ԱՆՄԵՂՍՈՒՆԱԿ ՎԻՃԱԿՈՒՄ ՔՐԵԱԿԱՆ ՕՐԵՆՔՈՎ
ՉԹՈՒՅԼԱՏՐՎԱԾ ԱՐԱՐՔ ԿԱՏԱՐԱԾ ԱՆՁԻ ՆԿԱՏՄԱՄԲ ԲԺՇԿԱԿԱՆ
ԲՆՈՒՅԹԻ ՀԱՐԿԱԴՐԱԿԱՆ ՄԻՋՈՑ ԿԻՐԱՌԵԼՈՒ ՄԱՍԻՆ


«04ե դեկտեմբերի 2017թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)


Նախագահող դատավոր
դատական նիստերի քարտուղար


դատախազ
օրինական ներկայացուցիչ
պաշտպան
Արմեն Բեկթաշյանի
Անի Ավագյանի


Աբգար Առաքելյանի
Մարինա Մանուկյանի
Արկադյա Գևորգյանի
տուժող՝ Արմեն Պառավյանի

Դռնբաց դատական նիստում քննեց Գարուշ Վյաչեսլավի Մանուկյանի (ծնված 1983 թվականի հունվարի 09-ին Երևան քաղաքում, ազգությամբ հայ, ՀՀ քաղաքացի, չի աշխատում, թերի բարձրագույն կրթությամբ, նախկինում չդատապարտված, բնակվում է Երևան քաղաքի Երվանդ Քոչար փողոցի 21-րդ շենքի 3-րդ բնակարանում) նկատմամբ բժշկական բնույթի հարկադրական միջոց կիրառելու մասին գործը:
1. Գործի դատավարական նախապատմությունը.
2017 թվականի հունիսի 02-ին Ոստիկանության Կենտրոնական բաժնի հետաքննիչ Է.Պետրոսյանի կողմից որոշում է կայացվել ՀՀ քրեական օրենսգրքի 113-րդ հոդվածի 2-րդ մասի 6-րդ կետով թիվ 15182817 քրեական գործը հարուցելու մասին:
2017 թվականի հունիսի 06-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի քնիիչ Զ.Դադայանի կողմից որոշում է կայացվել թիվ 15182817 քրեական գործը վարույթ ընդունելու մասին:
2017 թվականի հունիսի 06-ին ՀՀ քննչական կոմիտեի Երևան քաղաքի քննչական վարության Կենտրոն և Նորք-Մարաշ վարչական շրջանների քննչական բաժնի քնիիչ Զ.Դադայանի կողմից որոշում է կայացվել թիվ 15182817 քրեական գործով Արմեն Պառավյանին որպես տուժող ճանաչելու մասին:
2017 թվականի հունիսի 08-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի քնիիչ Զ.Դադայանի կողմից որոշում է կայացվել թիվ 15182817 քրեական գործով Գարուշ Մանուկյանի նկատմամբ որպես խափանման միջոց ստորագրություն չհեռանալու մասին ընտրելու վերաբերյալ:
2017 թվականի հունիսի 14-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի քննիչ Զ.Դադայանի կողմից որոշում է կայացվել թիվ 15182817 քրեական գործով Գարուշ Մանուկյանին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 113-րդ հոդվածի 2-րդ մասի 6-րդ կետով այն բանի համար, որ նա 2017 թվականի մայիսի 18-ին, գտնվելով Երևան քաղաքի Հանրապետության 58-րդ հասցեումյ գործող Այֆիքս էլեկտրոնիկայի սպասարկման կենտրոնում դանակով հարվածել է Արմեն Պառավյանին և խուլիգանական դրդումներով նրա առողջությանը դիտավորությամբ պատճառել միջին ծանրության վնաս:
Այսպես.
2017 թվականի մայիսի 18-ին ժամը 19:30-ից մինչ ժամը 20:00-ի սահմաններում Գ.Մանուկյանը այցելել է Երևան քաղաքի հանրապետության 58-րդ հասցեում գործող Այֆիքս էլեկտրոնիկայի սպասարկման կենտրոնում աշխատող իր ընկերոջը՝ Արմեն Պառավյանին: Վերջինիս աշխատասենյակ մտնելիս Գ.Մանուկյանը դռան փոխարեն ներս է մտել սենյակի մուտքի մոտ կախված շերտավարագույրի միջոցով, ինչը առաջացրել է Ա.Պառավյանի ծիծաղը և վերջինս հարցրել է Գ.Մանուկյանին, թե նա ընկնում էր, թե ոչ: Ա.Պառավյանի հարցը և ծիծաղը ցավագին ընդունելով, Գ.Մանուկյանը մոտեցել է Ա.Պառվյանին և անհիմն, սեփական անձի առավելություններն ընդգծելու մոլուցքով, խուլիգանական դրդումներով մեկ անգամ ձախ ձեռքի բռունցքով հարվածել է Ա.Պառավյանի վզակոթի հատվածին, ապա իր մոտ եղած դանակով մեկ անգամ հարվածել է Ա.Պառավյանի որովայնի ձախ հատվածին՝ դիտավորությամբ նրա առողջությանը պատճառելով միջին ծանրության վնաս՝ առողջության տևական քայքայումով, որն արտահայտվել է որովայնի ձախ կողմմային մակերեսի շրջանի ծակած-կտրած, չթափանցող վերքի ձևով:
2017 թվականի հոկտեմբերի 30-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի քնիիչ Զ.Դադայանի որոշմամբ թիվ 15182817 քրեական գործով Գարուշ Մանուկյանի նկատմամբ հարուցվել է բժշկական բնույթի հարկադրական միջոցներ կիրառելու վարույթ և նույն օրը նրա նկատմամբ ընտրված խափանման միջոց ստորագրություն չհեռանալու մասին վերացվել է:
2017 թվականի հոկտեմբերի 30-ին ՀՀ քննչական կոմիտեի Երևան քաղաքի քննչական վարության Կենտրոն և Նորք-Մարաշ վարչական շրջանների քննչական բաժնի քնիիչ Զ.Դադայանի կողմից կայացված որոշմամբ թիվ 15182817 քրեական գործով Գարուշ Մանուկյանի օրինական ներկայացուցիչ է ճանաչվել Մարինա Մանուկյանը:
2017 թվականի հոկտեմբերի 30-ի Երևան քաղաքի Կենտրրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի որոշմամաբ Գարուշ Մանուկյանին, որպես անվտանգության միջոց տեղավորվել է Նորք հոգեբուժական կենտրոն ՓԲ ընկերություն:
2017 թվականի հոկտեմբերի 30-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի քնիիչ Զ.Դադայանի կողմից որոշում է կայացվել թիվ 15182817 քրեական գործով Մարինա Մանուկյանի անվամբ սեփականության իրավունքով ՀՀ տարածքում գրանցված անշարժ և շարժական գույքի վրա կալանք դնելու մասին:
2017 թվականի հոկտեմբերի 30-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի քնիիչ Զ.Դադայանի կողմից որոշում է կայացվել թիվ 15182817 քրեական գործով տուժող Արմեն Պառավյանի հագին եղած հագուստները իրեղեն ապացույց ճանաչելու մասին:
2017 թվականի նոյեմբերի 06-ին Գարուշ Վյաչեսլավի Մանուկյանի նկատմամբ բժշկական բնույթի հարկադրական միջոցներ կիրառելու համար գործն ստացվել է Դատարան, որին շնորհվել է ԵԿԴ/0284/01/17 համարը:
2. Ապացույցների հետազոտում և գնահատում.
Տուժող Արմեն Պառավյանը ցուցմունք տվեց այն մասին, որ ճանաչում է Գարուշ Վյաչեսլավի Մանուկյանին գտնվում են նորմալ հարաբերությունների մեջ: Դեպքի հետ կապված հայտնեց, դեպքի օրը ինքը գտնվել է իր աշխատավայրում՝ Հանրապետության 58-րդ հասցեում գործող Այֆիքս բջջային հեռախոսների սպասարկման կետում: Նստած աշխատելու ժամանակ լսել է դռան փոխարեն սենյակի մուտքի մոտ ամրացված շերտավարագույրների ձայնը և թեքվելով նկատել է, որ շերտավարագույրի միջով ներս է մտնում Գարիկը և ինքը տեսնելով, որ նա խճճվել է շերտավարագույրի մեջ իր մոտ ծիծաղ է առաջացել և նրան ասել է՝ Գարիկ ջան ընկնում էիր: Այդ պահին Գարիկը մոտեցել և հարվածել է իրեն, սակայն ինքը տեղյակ է եղել, որ Գարուշը ունի առողջական խնդիրներ և այդ օրը նրա հայացքից նույնպես հասկացել է: Տեղեկացել է, որ նա հոգեկան հիվանդության դեմ բուժումներ է ստացել: Նա իրեն հարվածել է բռունցքով: Երբ ինքը կանգնել է նա իրեն դանակով հարվածել է և երբ ինքը ցավից գոռացել Գարիկը թողել և գնացել է: Իրեն որևէ խնդիր չեն ունեցել և այդ ամենի պատճառը եղել է միայն Գարիկի հիվանդությունը:Հայտնեց, որ Գարիկից բողոք-պահանջ չունի:
Վկա Հայկ Զաքարի Ասպատուրյանն նախաքննության ընթացքում ցուցմունք է տվել այն մասին, որ 2017 թվականի մայիսի 18-ին՝ ժամը 19:30-ից մինրև ժամը 20:00-ի սահմաններում, ինքը և Արմեն Պառավյանը գտնվել են աշխատավայրում։ Երբ նստած աշխատելիս է եղել, թիկունքից լսել է շերտավարագույրի ձայնը, որը տեղադրված է եղել դռան փոխարեն, Շրջվել է այդ ուղղությամբ, որպեսզի տեսնի, թե ով է ներս մտնում։ Այդ ժամանակ նկատել է Ա. Պառափանին, ով նստած է եղել իր տեղում, իսկ նրա դիմաց կանգնած է եղել Գ. Մանուկյանին։ Գ. Մանուկյանն սկսել է ձեռքով անկանոն շարժումներ անել, որից հետո Ա. Պառավյանը կանգնել է, իսկ Գ. Մանուկյանը դուրս է եկել սենյակից ու հեռացել։ Նկատել է, որ Ա. Պառափանր ձախ ձեռքով բռնել է ձախ կողքը և ցավից բղավել։ Մոտենալով վերջինիս՝ տեսել է, որ նրա ձախ կողքն արյունոտ է, որից հետո հարցրել է, թե արդյոք Գ. Մանուկյանը նրան դանակով է խփել, թե ոչ, ինչին Ա. Պառավյանը դրական պատասխան է տվել։ Հետո շորի կտոր են դրել Ա. Պառափանի կողին և նրան տեղափոխել հիվանդանոց։
Վկա Դավիթ Ալեքսանդրի Բաղդասարյանն նախաքննության ընթացքում ցուցմունք է տվել այն մասին, որ իր ընկերություն ունի "Այֆիքս" անվամբ էլեկտրոնիկայի սպասարկման կենտրոն, որը գործում է Երնան քաղաքի Հանրապետության 58 հասցեում։ Հիշյալ կենտրոնում, որպես վերանորոգող են աշխատում Հայկ Ասպատուրյանը և Արմեն Պառավյանը։ 2017 թվականի մայիսի 18-ին՝ ժամը 22:00-ի սահմաններում, գտնվել է տանը, երբ իրեն է զանգահարել Հ. Ասպատուրյանը և հայտնել, որ Ա. Պառափանի հետ միասին գտնվում է հիվանդանոցում։ Նաև հայտնել է, որ Ա. Պառափանի ընկերը՝ Գարուշ Մանուկյանը, մտել է սպասարկման կենտրոն և դանակով վնասվածք հասցրել Ա. Պառափանին։ Դրանից մոտ երկու օր անց ինքը հիվանդանոցում այցելել է Ա. Պառափանին և վերջինս իրեն պատմել է, որ Գ. Մանուկյանը մտել է սենյակ և առանց որևէ պատճառի դանակով հարվածել իր կողքին:
Վկա Վալենտինա Ռուբենի Այվազյանն նախաքննության ընթացքում ցուցմունք է տվել այն մասին, որ իրենց ընկերությունն ունի "Այֆիքս" անվամբ էլեկտրոնիկայի սպասարկման կենտրոն, որը գործում է Երևան քաղաքի Հանրապետության 58 հասցեում։ Նշված կենտրոնում բացի իրենից աշխատում են նաև Հայկ Ասպատուրյանը և Արմեն Պառափանր՝ ովքեր զբաղվում են վերանորոգման աշխատանքներով։ 2017 թվականի մայիսի 19-ին՝ ժամը 10:00-ի սահմաններում, եկել է աշխատանքի և հանդիպել Հ. Ասպատուրյանին։ Վերջինս իրեն ասել է, որ նախորդ օրն Ա. Պառափանի րնկերը՝ Գարուշ Մանուկյանր, մտել է իրենց սենյակ և դանակով հարվածել Ա. Պառավյանին։ Ինքը հարցրել է, թե արդյոք նրանց միջև կնոֆլիկտ է տեղի ունեցել, իսկ Հ. Ասպատուրւանը պատասխաևհլ է, որ որևէ կոնֆլիկտ կամ վիճաբանություն տեղի չի ունեցել և Գ. Մանուկյանը Ա. Պառափանին դանակով հստվածէլ է աոանց որևէ պատճառի։
Քրեական օրենքով արգելված արարք կատարած անձ` Գարուշ Վյաչեսլավի Մանուկյանը դեպքի հետ կապված հայտնեց, որ իր առողջական վիճակն է եղել պատճառը:
Գարուշ Վյաչեսլավի Մանուկյանի օրինական ներկայացուցիչ Մարինա Մանուկյանը հայտնեց, որ Գարուշ Վյաչեսլավի Մանուկյանը հանդիսանում է իր որդին և և նա պարբերաբար ստացել է բուժումներ: Հայտնեց, որ իր որդու հիվանդությունը ենթակա է բուժման:
Դատաբժշկական փորձաքննության թիվ 0978/հ եզրակացության, համաձայն քաղաքացի Ա.Պառավյանի մարմնական վնասվածքը՝ որովայնի ձախ կողմնային մակերեսի շրջանի ծակած-կտրած, չթափանցող վերքի ձևով, հասցվել է սուր կտրող-ծակող գործիքով, հնարավոր է՝ որոշման մեջ նշված ժամկետին և հանգամանքներում, որն առաջացրել է առողջության միջին ծանրության վնաս՝ առողջության տևական քայքայումով, նկատի ունենալով վնասվածքի հետ անմիջական պատճառական կապի մեջ եղած հետևանքների տևողությունը՝ 21-օրից ավելի:
Դատահետքաբանական և սառը զենքի համալիր փորձաքննության թիվ 2172 եզրակացության, համաձայն՝ փորձաքննությանը ներկայացված Արմեն Վալերի Պառավյանի հագուստներից՝ կարճաթև շապիկի հետևամասի գրեթե ստորին ձախ հատվածում առկա վնասվածքը /ստույգ տեղակայությունը, չափը և բնույթը տես հետազոտական մասում/ ծակած-կտրած է և կարող էր առաջանալ ինչպես փորձաքննությանը ներկայացված հմ.2 և հմ.3 դանակների շեղբի, այնպես էլ նմանատիպ՝ մեկ սայրանի ծակող-կտրող շեղբ ունեցող այլ գործիքի՝ հնարավոր է դանակի շեղբի մեկ ներգործության արդյունքում։
2. Փորձաքննությանը ներկայացված Արմեն Վալերի Պառավյանի հագուստներից՝ կարճաթև շապիկի հետնամասի գրեթե ստորին ձախ հատվածում առկա ծակած-կտրած բնույթի վնասվածքն իր տեղակայությունով հիմնականում համապատասխանում է վերջինիս դ/բ փորձագետի թիվ 0978/հ եզրակացության մեջ նշված որովայնի ձախ կողմնային մակերեսի շրջանին առկա ծակած-կտրած չթափանցող վերքի հետ։
3. Փորձաքննության ներկայացված հմ.1 ծալովի դանակը գործարանային արտադրության տնտեսակենցաղային նշանակության ծալովի եռառարկա գրպանի դանակ է, սառը զենք չի հանդիսանում։
Փորձաքննության ներկայացված հմ.2 ծալովի դանակը գործարանային արտադրության տնտեսակենցաղային նշանակության «Սկյուռիկ՚ կոչվող ծալովի գրպանի դանակ է, սառը զենք չի հանդիսանում։
Փորձաքննության ներկայացված սևեռվող շեղբով զսպանակային ծալովի տնտեսա-կենցաղային նշանակության հմ.3 դանակը գործարանային արտադրության է, սառը զենք չի հանդիսանում, տեխնիկապես անսարք է:
Իրեղեն ապացույց է ճանաչել՝ հանցավոր ոտնձգության օբյեկտ հանդիսացած տուժող Ա.Պառավյանի տաբատը և վերնազգեստը, որի վերաբերյալ կազմվել է զննության արձանագրությունով:
Դատահոգեբուժական ամբուլատոր փորձաքննության թիվ 308/17 եզրակացության համաձայն Գարուշ Վյաչեսլավի Մանուկյանը տառապել և տառապում է «Օրգանական շիզոֆրենանման խանգարում>> խրոնիկական հոգեկան հիվանդությամբ /Ւ06.2/։ Իրավախախտումը կատարել է զառանցական մեկնաբանումով, ուստի հաշիվ չի տվել իր կատարած գործողությունների համար և չի կարողացել ղեկավարել դրանք։ ՈԻստի Գարուշ Վյաչեսլավի Մանուկյանին իրեն մեղսագրվող արարքի նկատմամբ հարկ է ճանաչել անմեղսունակ։ Քանի որ իր ներկա հոգեկան վիճակով վտանգ է ներկայացնում իր և հանրության համար, կարիք ունի հարկադրական բուժման ընդհանուր հոսկողության հոգեբուժական բաժանմունքում։
3. Դատարանի իրավական վերլուծությունները.
Վերոգրյալ ապացույցների հիման վրա Դատարանը գալիս է այն եզրահանգման, որ Գարուշ Վյաչեսլավի Մանուկյանը «Օրգանական շիզոֆրենանման խանգարումե խրոնիկական հոգեկան հիվանդությամբ տառապելով, գտնվելով անմեղսունակ վիճակում 2017 թվականի մայիսի 18-ին ժամը 19:30-ից մինչը ժամը 20:00-ի սահմաններում այցելել է Երևան քաղաքի հանրապետության 58-րդ հասցեում գործող Այֆիքս էլեկտրոնիկայի սպասարկման կենտրոնում աշխատող իր ընկերոջը՝ Արմեն Պառավյանին: Վերջինիս աշխատասենյակ մտնելիս Գ.Մանուկյանը դռան փոխարեն ներս է մտել սենյակի մուտքի մոտ կախված շերտավարագույրի միջոցով, ինչը առաջացրել է Ա.Պառավյանի ծիծաղը և վերջինս հարցրել է Գ.Մանուկյանին, թե նա ընկնում էր, թե ոչ: Ա.Պառավյանի հարցը և ծիծաղը ցավագին ընդունելով, Գ.Մանուկյանը մոտեցել է Ա.Պառվյանին և անհիմն, սեփական անձի առավելություններն ընդգծելու մոլուցքով, խուլիգանական դրդումներով մեկ անգամ ձախ ձեռքի բռունցքով հարվածել է Ա.Պառավյանի վզակոթի հատվածին, ապա իր մոտ եղած դանակով մեկ անգամ հարվածել է Ա.Պառավյանի որովայնի ձախ հատվածին՝ դիտավորությամբ նրա առողջությանը պատճառելով միջին ծանրության վնաս՝ առողջության տևական քայքայումով, որն արտահայտվել է որովայնի ձախ կողմմային մակերեսի շրջանի ծակած-կտրած, չթափանցող վերքի ձևով, ինչը համապատասխանում է ՀՀ քրեական օրենսգրքի 113-րդ հոդվածի 2-րդ մասի 6-րդ կետի հատկանիշներին:
Քննարկելով հանցանքը կատարելու ժամանակ Գարուշ Վյաչեսլավի Մանուկյանի մեղսունակության հարցը` Դատարանը գտնում է, որ նա տառապել է «Օրգանական շիզոֆրեննման խանգարումե խրոնիկական հոգեկան հիվանդությամբ և վերը նշված արարքը կատարելիս գտնվել է անմեղսունակ վիճակում, ինչը նրան զրկել է իր գործողությունների վտանգավորությունը գիտակցելուց և դրանք ղեկավարելուց:
Այսպիսով`
-կատարվել է ՀՀ քրեական օրենսգրքով նախատեսված հանրորեն վտանգավոր արարք,
-հանրորեն վտանգավոր արարքը կատարել է Գարուշ Վյաչեսլավի Մանուկյանը,
- Գարուշ Վյաչեսլավի Մանուկյանն արարքը կատարել է անմեղսունակության վիճակում,
-դատական քննության պահին Գարուշ Վյաչեսլավի Մանուկյանը տառապում է «Օրգանական շիզոֆրենանման խանգարումե խրոնիկական հոգեկան հիվանդությամբ:
ՀՀ քրեական դատավարության օրենսգրքի 463-րդ հոդվածի 4-րդ կետի համաձայն` դատարանը պետք է լուծի նաև այն հարցը, թե անձը կարիք ունի արդյոք իր նկատմամբ բժշկական բնույթի հարկադրական միջոցներ կիրառելու և հատկապես ինչպիսի միջոցներ:
ՀՀ քրեական դատավարության օրենսգրքի 464-րդ հոդվածի 1-ին մասի համաձայն` անձի կողմից քրեական օրենքով չթույլատրված արարքն անմեղսունակության վիճակում կատարելն ապացուցված համարելով` դատարանը որոշում է կայացնում անձին քրեական պատասխանատվությունից և պատժից ազատելու ու նրա նկատմամբ բժշկական բնույթի հարկադրական միջոցներ կիրառելու մասին, իսկ նույն հոդվածի 2-րդ մասի համաձայն` եթե անձը հասարակության համար մեծ վտանգ չի ներկայացնում և կարիք չունի իր նկատմամբ բժշկական բնույթի հարկադրական միջոցների կիրառման, ապա դատարանը կայացնում է գործի վարույթը կարճելու և քրեական հետապնդումը դադարեցնելու մասին որոշում: Եթե արարքը կատարելու պահին անձը գտնվել է անմեղսունակության վիճակում, իսկ դատական քննության պահին առողջացել է, դատարանը նույնպես որոշում է կայացնում գործով վարույթը կարճելու և քրեական հետապնդումը դադարեցնելու մասին:
ՀՀ քրեական օրենսգրքի 97-րդ հոդվածի 1-ին մասի 1-ին կետի համաձայն` բժշկական բնույթի հարկադրական միջոցներ դատարանը կարող է նշանակել այն անձի նկատմամբ, ով հանցանքը կատարել է անմեղսունակության վիճակում:
ՀՀ քրեական օրենսգրքի 100-րդ հոդվածի 1-ին մասի համաձայն` հոգեբուժական կազմակերպությունների ընդհանուր հսկողության հոգեբուժական բաժանմունքում դատարանի որոշմամբ հարկադիր բուժում կարող է նշանակվել, եթե անձի հոգեկան խանգարման վիճակը պահանջում է բուժման, խնամքի և հսկողության այնպիսի պայմաններ, որոնք կարող են իրականացվել միայն հիվանդանոցային ձևով:
Դատարանը, նկատի ունենալով, որ Գարուշ Վյաչեսլավի Մանուկյանը տառապում է «Օրգանական շիզոֆրեննման խանգարումե խրոնիկական հոգեկան հիվանդությամբ և նրա հոգեկան խանգարման վիճակը պահանջում է բուժման, խնամքի և հսկողության այնպիսի պայմաններ, որոնք կարող են իրականացվել միայն հիվանդանոցային ձևով, գտնում է, որ նրան պետք է ազատել քրեական պատասխանատվությունից ու պատժից` նշանակելով հոգեբուժական կազմակերպությունների ընդհանուր հսկողության հոգեբուժական բաժանմունքում հարկադիր բուժում:
Դատարանը գտնում է, որ Գարուշ Վյաչեսլավի Մանուկյանի նկատմամբ կիրառված անվտանգության միջոցը` հոգեբուժական հիվանդանոցում տեղավորելը, պետք է թողնել անփոփոխ` մինչև որոշման օրինական ուժի մեջ մտնելը:
Որոշումը օրինական ուժի մեջ մտնելուց հետո 2017 թվականի հոկտեմբերի 31-ի որոշմամբ Մարիետա Մանուկյանի անվամբ սեփականության իրավունքով ՀՀ տարածքում գրանցված անշարժ և շարժական գույքի վրա դրված կալանքը պետք է վերացնել:
Որոշումը օրինական ուժի մեջ մտնելուց հետո իրեղեն ապացույց ճանաչված Արմեն Պառավյանի հագին եղած հագուստները՝ պետք է վերադարձնել Արմեն Պառավյանին:

Ելնելով վերոգրյալից և ղեկավարվելով ՀՀ քրեական դատավարության օրենսգրքի 379-րդ, 450-րդ, 457-րդ և 462-464-րդ հոդվածներով` Դատարանը

ՈՐՈՇԵՑ

Գարուշ Վյաչեսլավի Մանուկյանին ազատել քրեական պատասխանատվությունից և պատժից:
Գարուշ Վյաչեսլավի Մանուկյանի նկատմամբ նշանակել հոգեբուժական կազմակերպությունների ընդհանուր հսկողության հոգեբուժական բաժանմունքում հարկադիր բուժում:
Գարուշ Վյաչեսլավի Մանուկյանի նկատմամբ կիրառված անվտանգության միջոցը` հոգեբուժական հիվանդանոցում տեղավորելը, թողնել անփոփոխ` մինչև որոշման օրինական ուժի մեջ մտնելը:
Որոշումը օրինական ուժի մեջ մտնելուց հետո 2017 թվականի հոկտեմբերի 31-ի որոշմամբ Մարիետա Մանուկյանի անվամբ սեփականության իրավունքով ՀՀ տարածքում գրանցված անշարժ և շարժական գույքի վրա դրված կալանքը վերացնել:
Որոշումը օրինական ուժի մեջ մտնելուց հետո իրեղեն ապացույց ճանաչված Արմեն Պառավյանի հագին եղած հագուստները՝ վերադարձնել Արմեն Պառավյանին:
Որոշումը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում:

ԴԱՏԱՎՈՐ Ա.ԲԵԿԹԱՇՅԱՆ