ԵԿԴ/0279/01/17

ՈՐՈՇՈւՄ
քրեական գործի վարույթը կարճելու և քրեական
հետապնդումը դադարեցնելու մասին

28.11.2018թ. ք.Երևան

Երևան քաղաքի ընդհանուր իրավասության դատարանը` դատավոր Արմեն Բեկթաշյանի, քրտուղարությամբ Անիկ Հակոբյանի, մեղադրող Լիաննա Մարկոսյանի, ամբաստանյալ Արտյոմ Ավետիսյանի և պաշտպան Հրանտ Անանյանի ուսումնասիրելով թիվ ԵԿԴ/0279/01/17 քրեական գործն ըստ մեղադրանքի Արտյոմ Վարդանի Ավետիսյանի /ծնված 11.12.1982 թվականին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, բնակվում է` Երևան քաղաքի Նոր Նորքի 9-րզ զ. Վիլնյուսի 5շ., 59-րդ բնակարանում/` ՀՀ քրեական օրենսգրքի 258-րդ հոդվածի 3-րդ մասի 2-րդ և 4-րդ կետերով
Պարզեց
2017 թվականի հուլիսի 31-ին ոստիկանության Կենտրոնական բաժնի հետաքննիչ Դ.Բաբայանի կողմից որոշում է կայացվել ՀՀ քրեական օրենսգրքի 258-րդ հոդվածի 3-րդ մասի 1-ին և 2-րդ կետերով թիբ 13861217 քրեական գործը հարուցելու մասին:
2017 թվականի հուլիսի 31-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք–Մարաշ վարչական շրջանի քննչական բաժնի ավագ քննիչ Հ.Համբարձումյանի կողմից որոշում է կայացվել թիվ 13861217 քրեական գործը վարույթ ընդունելու մասին:
2017 թվականի հուլիսի 31-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք–Մարաշ վարչական շրջանի քննչական բաժնի ավագ քննիչ Հ.Համբարձումյանի կողմից որոշում է կայացվել թիվ 13861217 քրեական գործով Լևոն Դավթյանին որպես տուժող ճանաչելու մասին:
2017 թվականի օգոստոսի 01-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք–Մարաշ վարչական շրջանի քննչական բաժնի ավագ քննիչ Հ.Համբարձումյանի կողմից որոշում է կայացվել թիվ 13861217 քրեական գործով Արմեն Ֆերոյանին որպես տուժողի ներկայացուցիչ ճանաչելու մասին:
2017 թվականի օգոստոսի 05-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք–Մարաշ վարչական շրջանի քննչական բաժնի ավագ քննիչ Հ.Համբարձումյանի կողմից որոշում է կայացվել թիվ 13861217 քրեական գործով Յուրի Կոլեսնիկին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին և 4-րդ կետերով:
2017 թվականի օգոստոսի 05-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք–Մարաշ վարչական շրջանի քննչական բաժնի ավագ քննիչ Հ.Համբարձումյանի կողմից որոշում է կայացվել թիվ 13861217 քրեական գործով Արտոյմ Ավետիսյանին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին, 2-րդ և 4-րդ կետով այն բանի համար, որ նա 2017 թվականի հուլիսի 21-ին, ժամը՝ 01։30-ի սահմաններում, Երևան քաղաքի Հյուսիսային պողոտա 5/1 հասցեում գործող <Իբիս Կենտրոն Երևան>> հյուրանոցի նախասրահում և ավտոկայանման հատվածում խմբի կազմում, Յուրի Պավլովիչ Կոլեսնիկի հետ, կատարել է բռնությամբ զուգորդված խուլիգանություն, որի ընթացքում Լևոն Դավիթի Դավթյանի առողջությանը դիտավորությամբ պատճառել է միջին ծանրության վնաս, ինչպես նաև դիմադրություն է ցույց տվել հասարակական կարգի պահպանության պարտականություն իրականացնող անձին՝ <<Իբիս Կենտրոն Երևան>> հյուրանոցի անվտանգության աշխատակից էդգար Կարապետյանին։
Այսպես.
Արտյոմ Վաղարշյանը, Գառնիկ Գրիգորյանը, Ռոմիկ Գևորգյանը, էդգար Գաբրիելյանը, Արտյոմ Ավետիսյանը և Յուրի Կոլեսնիկը 2017 թվականի հուլիսի 21-ին, ժամը՝ 01:30-ի սահմաններում թվով 2 ավտոմեքենաներով եկել են Երևան քաղաքի Հյուսիսային պողոտա 5/1 հասցեում գտնվող Իբիս հյուրանոց։ Արտյոմ Ավետիսյանը և Յուրի Կոլեսնիկը մնացել են հյուրանոցի բակային հատվածում՝ ավտոմեքենաների մոտ, իսկ նախ Գառնիկ Գրիգորյանը և Ռոմիկ Գևորգյանը, ապա՝ Արտյոմ Վաղարշյանը և էդգար Գաբրիելյանը ազատ սենյակի առկայությունը պարզելու նպատակով մտել են հյուրանոցի նախասրահ և մոտեցել ընդունարանի աշխատակից Լևոն Դավթյանին։ Մինչ Լևոն Դավթյանը համակարգչով ստուգել է ազատ սենյակ լինելու առկայության հանգամանքը՝ Արտյոմ Վաղարշյանը, Գառնիկ Գրիգորյանը, Ռոմիկ Գևորգյանը և էդգար Գաբրիելյանը դեպի օվկիանոս կամ դեպի ծով նայող սենյակ ամրագրելու վերաբերյալ արտահայտություններ են կատարել, նայելով Լ.Դավթյանի ուղղությամբ, ինչին ի պատասխան Լևոն Դավթյանը կատակելով հայտնել է, որ դեպի ծովը նայող սենյակ չունեն և առաջարկել է դեպի գետը նայող սենյակ։ Վերջինիս կատարած արտահայտությունն Ա.Վաղարշյանը ցավագին ընդունելով, վրդովվել է և սկսել վիճաբանել։ Նշված վիճաբանությանը միջամտել են Ռոմիկ Գևորգյանը և Գառնիկ Գրիգորյանը՝ փորձելով հանդարտեցնել վերջիններիս։ Ա.Դավթյանը հայտնել է, որ չի ցանկանում վիճաբանել հյուրանոցում, քանի որ ընդունարանում է մյուս աշխատակիցը՝ Քրիստինե Կիրակոսյանը։ Վաղարշյանը Լ.Դավթյւսնին հայտնել է, որ ցանկացած վայրում կարող է զրուցել նրա հետ և դուրս գալով հյուրանոցից՝ ընկերներին հորդորել է հեռանալ։ Լ.Դավթյւսնը վերջինիս խոսքերը ընկալելով իրեն դուրս հրավիրելու և պարզաբանելու առաջարկ և փորձել է դուրս գալ։ Այդ ընթացքում հյուրանոցի ընդունարանի աշխատակից Քրիտինե Կիրակոսյանի ահազանգով նախասրահ են եկել հյուրանոցի անվտանգության աշխատակիցներ Երվանդ էքմեքչյանը և էդգար Կարապետյանը։ Ա.Վաղարշյանը դուրս է եկել հյուրանոցից, իսկ վերջինիս ընկերներն հորդորել են Ա.Դավթյանին դուրս չգալ հյուրանոցից։ Արտյոմ Ավետիսյւսնը հյուրանոցի բակային հատվածում տեսնելով վրդովված վիճակում հյուրանոցից դուրս եկող Ա.Վաղարշյանին, ներս է մտել հյուրանոցի նախասրահ և առանց առիթի, կոպիտ կերպով խախտելով հասարակական կարգը, որը դրսևորվել է հասարակության նկատմամբ բացահայտ անհարգալից վերաբերմունք ցուցաբերելով, հասարակության և բարոյականության համընդհանուր նորմերի նկատմամբ դրսևորելով անթաքույց արհամարհանք և իր անձի ենթադրյալ առավելությունն ընդգծելով, առանց որևէ պարզաբանման, ձեռքերով 2 անգամ հարվածել է Լևոն Դավթյանի դեմքին։ Ծեծկռտուքը դադարեցնելու նպատակով միջամտել են նախասրահում գտնվող Դոմիկ Գևորգյանը, Գառնիկ Գրիգորյանը, ինչպես նաև հասարակական կարգի պահպանության պարտականությունն իրականացնող անձինք՝ հյուրանոցի անվտանգության աշխատակիցներ Երվանդ էքմեքչյանը և էդգար Կարապետյանը։ Վերջինս բռնելով Ավետիսյանի ձեռքերը փորձել է թույլ չտալ Ավետիսյանին շարունակել հանցավոր արարքի կատարումը, սակայն նա շարունակելով իր հանցավոր գործողություններն, իր անձի ենթադրյալ առավելությունն ընդգծելու ուղղությամբ և անթաքույց արհամարհանք դրսևորելով հասարակության նկատմամբ, գլխով, ապա ձեռքով հարված է հասցրել Է.Կարապետյանին, դրանով իսկ դիմադրություն ցույց տալով հասարակական կարգի խախտումը խափանող անձի նկատմամբ, ապա կրկին ծեծկռտուքի է բռնվել Ա.Դավթյանի հետ։ Հյուրանոցի բակային հատվածից տեսնելով հյուրանոցի ներսում տեղի ունեցող իրադարձությունները, Յուրի Կոլեսնիկը մտել է հյուրանոցի նախասրահ և առանց որևէ պատճառաբանության և առիթի, լրացնելով Ավետիսյանի գործողությունները, ձեռքով 1 անգամ հարվածել է Լ.Դավթյանի դեմքին։
Այնուհետև, Լ.Դավթյանին դուրս բերելով հյուրանոցից, Ա.Ավետիսյանը շարունակել է իր խուլիգանական գործողությունները, կրկին բռնություն է գործադրել Լ.Դավթյանի նկատմամբ՝ ձեռքով մեկ անգամ հարվածելով վերջինիս դեմքի շրջանին։
Այսպիսով, Ա.Ավետիսյւսնը, խմբի կազմում, շուրջ 3 րոպե տևած իր դիտավորյալ գործողություններով խաթարել է Իբիս հյուրանոցի աշխատակիցների բնականոն աշխատանքը, վերջիններիս մոտ առաջացրել տագնապի և վախի զգացում, դիմադրել հասարակական կարգի խախտումը խափանող անվտանգության աշխատակից էդգար Կարապետյանին, բռնություն գործադրել վերջինիս նկատմամբ և միջին ծանրության վնաս հասցրել Լևոն Դավթյանին՝ առողջությանը պատճառելով ձախ ստորին կոպի շրջանի արյունազեղման, աջից ստորին ծնոտի անկյան, ձախ հայմորյան ծոցի առաջնային և վերին պատերի կոտրվածքներ։
2017 թվականի օգոստոսի 05-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի կողմից կայացված որոշման համաձայն մեղադրյալ Արտյոմ Ավետիսյանի նկատմամբ որպես խափանման միջոց կիրառվել է կալանք, սակայն բավարարվելով պաշտպանի միջնորդությունը որպես կալանավորման այլընտրանքային խափանման միջոց է ընտրվել գրավ՝ 1.000.000 /մեկ միլիոն/ ՀՀ դրամ գումարի չափով:
2017 թվականի օգոստոսի 05-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք–Մարաշ վարչական շրջանի քննչական բաժնի ավագ քննիչ Հ.Համբարձումյանի կողմից որոշում է կայացվել թիվ 13861217 քրեական գործով Արտյոմ Ավետիսյանին կալանքից ազատելու մասին:
2017 թվականի օգոստոսի 11-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք–Մարաշ վարչական շրջանի քննչական բաժնի ավագ քննիչ Հ.Համբարձումյանի կողմից որոշում է կայացվել թիվ 13861217 քրեական գործով Էդգար Կարապետյանին որպես տուժող ճանաչելու մասին:
2017 թվականի հոկտեմբերի 06-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք–Մարաշ վարչական շրջանի քննչական բաժնի ավագ քննիչ Հ.Համբարձումյանի կողմից որոշում է կայացվել թիվ 13861217 քրեական գործով Արտյոմ Ավետիսյանը փոփոխելու և նրան կրկին մեղասդրանք ՀՀ քրեական օրենսգրքի 258-րդ հոդվածի 3-րդ մասի 2-րդ կետով և 4-րդ կետերով առաջադրելու մասին:
2017 թվականի հոկտեմբերի 06-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք–Մարաշ վարչական շրջանի քննչական բաժնի ավագ քննիչ Հ.Համբարձումյանի կողմից որոշում է կայացվել թիվ 13861217 քրեական գործով Արտյոմ Ավետիսյանին որպես մեղադրյալ ներգրավելու մասին և նրան մեղադրանք է առաջադրվել՝ ՀՀ քրեական օրենսգրքի 258-րդ հոդվածի 3-րդ մասի 2-րդ կետով և 4-րդ կետերով այն բանի համար, որ նա 2017 թվականի հուլիսի 21-ին, ժամը՝ 01։30-ի սահմաններում, Երևան քաղաքի Հյուսիսային պողոտա 5/1 հասցեում գործող <Իբիս Կենտրոն Երևան>> հյուրանոցի նախասրահում և ավտոկայանման հատվածում կատարել է բռնությամբ զուգորդված խուլիգանություն, որի ընթացքում Լևոն Դավիթի Դավթյանի առողջությանը դիտավորությամբ պատճառել է միջին ծանրության վնաս, ինչպես նաև դիմադրություն է ցույց տվել հասարակական կարգի խախտումը խափանող անձին՝ <<Իբիս Կենտրոն Երևան>> հյուրանոցի անվտանգության աշխատակից էդգար Կարապետյանին։
Այսպես.
Արտյոմ Վաղարշյանը, Գառնիկ Գրիգորյանը, Ռոմիկ Գևորգյանը, էդգար Գաբրիելյանը, Արտյոմ Ավետիսյանը և Յուրի Կոլեսնիկը 2017 թվականի հուլիսի 21-ին, ժամը՝ 01:30-ի սահմաններում թվով 2 ավտոմեքենաներով եկել են Երևան քաղաքի Հյուսիսային պողոտա 5/1 հասցեում գտնվող Իբիս հյուրանոց։ Արտյոմ Ավետիսյանը և Յուրի Կոլեսնիկը մնացել են հյուրանոցի բակային հատվածում՝ ավտոմեքենաների մոտ, իսկ նախ Գառնիկ Գրիգորյանը և Ռոմիկ Գևորգյանը, ապա՝ Արտյոմ Վաղարշյանը և էդգար Գաբրիելյանը ազատ սենյակի առկայությունը պարզելու նպատակով մտել են հյուրանոցի նախասրահ և մոտեցել ընդունարանի աշխատակից Լևոն Դավթյանին։ Մինչ Լևոն Դավթյանը համակարգչով ստուգել է ազատ սենյակ լինելու առկայության հանգամանքը՝ Արտյոմ Վաղարշյանը, Գառնիկ Գրիգորյանը, Ռոմիկ Գևորգյանը և էդգար Գաբրիելյանը դեպի օվկիանոս կամ դեպի ծով նայող սենյակ ամրագրելու վերաբերյալ արտահայտություններ են կատարել, նայելով Լ.Դավթյանի ուղղությամբ, ինչին ի պատասխան Լևոն Դավթյանը կատակելով հայտնել է, որ դեպի ծովը նայող սենյակ չունեն և առաջարկել է դեպի գետը նայող սենյակ։ Վերջինիս կատարած արտահայտությունն Ա.Վաղարշյանը ցավագին ընդունելով, վրդովվել է և սկսել վիճաբանել։ Նշված վիճաբանությանը միջամտել են Ռոմիկ Գևորգյանը և Գառնիկ Գրիգորյանը՝ փորձելով հանդարտեցնել վերջիններիս։ Լ.Դավթյանը հայտնել է, որ չի ցանկանում վիճաբանել հյուրանոցում, քանի որ ընդունարանում է մյուս աշխատակիցը՝ Քրիստինե Կիրակոսյանը։ Վաղարշյանը Լ.Դավթյանին հայտնել է, որ ցանկացած վայրում կարող է զրուցել նրա հետ և դուրս գալով հյուրանոցից՝ ընկերներին հորդորել է հեռանալ։ Լ.Դավթյւսնը վերջինիս խոսքերը ընկալելով իրեն դուրս հրավիրելու և պարզաբանելու առաջարկ և փորձել է դուրս գալ։ Այդ ընթացքում հյուրանոցի ընդունարանի աշխատակից Քրիտինե Կիրակոսյանի ահազանգով նախասրահ են եկել հյուրանոցի անվտանգության աշխատակիցներ Երվանդ էքմեքչյանը և էդգար Կարապետյանը։ Ա.Վաղարշյանը դուրս է եկել հյուրանոցից, իսկ վերջինիս ընկերներն հորդորել են Ա.Դավթյանին դուրս չգալ հյուրանոցից։ Արտյոմ Ավետիսյւսնը հյուրանոցի բակային հատվածում տեսնելով հյուրանոցից դուրս եկող Ա.Վաղարշյանին, ներս է մտել հյուրանոցի նախասրահ և կոպիտ կերպով խախտելով հասարակական կարգը, որը դրսևորվել է հասարակության նկատմամբ բացահայտ անհարգալից վերաբերմունք ցուցաբերելով, հասարակության և բարոյականության համընդհանուր նորմերի նկատմամբ դրսևորելով անթաքույց արհամարհանք առանց առիթի և որևէ պարզաբանման ձեռքերով 2 անգամ հարվածել է Լևոն Դավթյանի դեմքին։ Արտյոմ Ավետիսյանի հասարակական կարգը խախտող խուլիգանական գործունեությունները խափանելու նպատակով միջամտել են նախասրահում գտնվող հյուրանոցի անվտանգության աշխատակիցներ Երվանդ էքմեքչյանը և էդգար Կարապետյանը։ Վերջինս բռնելով Ավետիսյանի ձեռքերը փորձել է թույլ չտալ Ավետիսյանին շարունակել հանցավոր արարքի կատարումը, սակայն նա շարունակելով իր հանցավոր գործողություններն, իր անձի ենթադրյալ առավելությունն ընդգծելու ուղղությամբ և անթաքույց արհամարհանք դրսևորելով հասարակության նկատմամբ, գլխով, ապա ձեռքով հարված է հասցրել Է.Կարապետյանին, դրանով իսկ դիմադրություն ցույց տալով հասարակական կարգի խախտումը խափանող անձի նկատմամբ, ապա կրկին ծեծկռտուքի է բռնվել Ա.Դավթյանի հետ։
Այսպիսով, Ա.Ավետիսյանը, դիտավորյալ գործողություններով խաթարել է Իբիս հյուրանոցի աշխատակիցների բնականոն աշխատանքը, վերջիններիս մոտ առաջացրել տագնապի և վախի զգացում, դիմադրել հասարակական կարգի խախտումը խափանող անվտանգության աշխատակից էդգար Կարապետյանին, բռնություն գործադրել վերջինիս նկատմամբ և միջին ծանրության վնաս հասցրել Լևոն Դավթյանին՝ առողջությանը պատճառելով ձախ ստորին կոպի շրջանի արյունազեղման, աջից ստորին ծնոտի անկյան, ձախ հայմորյան ծոցի առաջնային և վերին պատերի կոտրվածքներ։
2017 թվականի հոկտեմբերի 18-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք–Մարաշ վարչական շրջանի քննչական բաժնի ավագ քննիչ Հ.Համբարձումյանի կողմից որոշում է կայացվել թիվ 13861217 քրեական գործով դեպքի վայրը տեսանկարահանող սարքերի տեսագրությունների լազերային կրիչը որպես ապացույց ճանաչելու մասին:
2017 թվականի նոյեմբերի 01-ին թիվ 13861217 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան և շնորհվել է թիվ ԵԿԴ/0279/01/17 համարը:
2018 թվականի նոյեմբերի 28-ին կայացված դատարան նիստի ժամանակ ամբաստանյալ Արտյոմ Ավետիսյանը խնդրեց է իր նկատմամբ կիրառել համաներում:
Պաշտպան Հ.Անանյանը միացավ իր պաշտպանյալի միջնորդությանը և խնդրեց նրա նկատմամբ կիրառել համաներում:
2018 թվականի նոյեմբերի 28-ին դատարան է ստացվել տուժող Լ.Դավթյանի դիմումը, որով հայտնել է, որ վաղուց հաշտվել է թիվ ԵԿԴ/0279/01/17 քրեական գործով ամբաստանյալ Արտյոմ Ավետիսյանի հետ և նրա դեմ որևէ բողոք և պահանջ չունի:
Մեղադրող Լ.Մարկոսյանն չառարկոց ներկայացված միջնորդության դեմ:
Արտյոմ Ավետիսյանի վերաբերյալ ՀՀ ոստիկանության ինֆորմացիոն կենտրոնի պահանջագրի համաձայն առկա չէ փաստական որևէ տվյալ այն մասին, որ նա կատարել է նոր միջին ծանրության, ծանր կամ առանձնապես ծանր հանցանքներ կամ դատապարտվել է նոր միջին ծանրության, ծանր կամ առանձնապես ծանր հանցանքների կատարման համար:
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համաձայն` «քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման ակտ», իսկ նույն հոդվածի 5-րդ մասը սահմանում է, որ «դատարանը, հայտնաբերելով քրեական հետապնդումը բացառող հանգամանքներ, լուծում է ամբաստանյալի նկատմամբ քրեական հետապնդումը դադարեցնելու հարցը»:
««Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» ՀՀ Ազգային ժողովի 2018 թվականի նոյեմբերի 03-ի ՀՕ-414-Ն ՀՀ օրենքի 5-րդ մասի 2-րդ կետի համաձայն` սույն հոդվածի 2-րդ մասի 1-8-րդ կետերով նախատեսված անձինք կարող են մեղադրվել կամ մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ՝ ոչ ավելի, քան վեց տարի ժամկետով ազատազրկում:
ՀՀ քրեական օրենսգրքի 258-րդ հոդվածի 3-րդ մասի 2-րդ և 4-րդ կետերով սանկցիան որպես պատիժ նախատեսում է նաև ազատազրկում առավելագույնը հինգ տարի ժամկետով:
Թիվ 823 ծննդյան վկայականի համաձայն Արիաննա Արտյոմի Ավետիսյանը ծննվել է 09.07.2017 թվականին:
ՀՀ Ազգային ժողովի 2018 թվականի նոյեմբերի 03-ի ՀՕ-414-Ն ՀՀ օրենքի 10-րդ մասում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը: Մասնավորապես` 5-րդ կետում թվարկված են ՀՀ քրեական օրենսգրքի այն հոդվածները և հոդվածների մասերը, որոնցով նախատեսված արարքները կատարած անձանց նկատմամբ համաներումը կիրառելի չէ: Սակայն հարկ է նկատել, որ թվարկված հոդվածների և հոդվածների մասերի շարքից բացակայում ՀՀ քրեական օրենսգրքի 258-րդ հոդվածի 3-րդ մասի 2-րդ և 4-րդ կետերով նախատեսված արարքներ կատարած անձանց նկատմամբ համաներման կիրառումը սահմանափակված չէ:
Սույն քրեական գործի նյութերում բացակայում է նաև Համաներման ՀՀ օրենքի մեջ նշված այն սահմանափակումները, որոնք կարող են արգելք հանդիսանալ Արտյոմ Ավետիսյանի նկատմամբ Համաներման օրենքի կիրառման համար:
Դատարանը, հիմք ընդունելով վերը նշվածը և նկատի ունենալով, որ ամբաստանյալին առաջադրված մեղադրանքի սանկցիայով պատիժ է նախատեսում ազատազրկում առավելագույնը հինգ տարի ժամկետով, ինչպես նաև ամբաստանյալը ունի մինչև երեք տարեկան երեխա՝ 09.07.2017 թվականին ծնված Արիաննա Արտյոմի Ավետիսյանը, բացի այդ նա խնդրել է, որպեսզի իր նկատմամբ կիրառվի Համաներման օրենքը, գտնում է, որ Համաներման մասին ՀՀ օրենքի կիրառմամբ սույն քրեական գործի վարույթը պետք է կարճել և Արտյոմ Ավետիսյանի նկատմամբ քրեական հետապնդումը դադարեցնել:
ՀՀ քրեական դատավարության օրենսգրքի 151-րդ հոդվածի 2-րդ մասի համաձայն` խափանման միջոցը վերացվում է, երբ վերանում է դրա անհրաժեշտությունը:
Դատարանը, գտնում է, որ վերը նշված հիմնավորմամբ թիվ ԵԿԴ/0279/01/17 քրեական գործի վարույթը պետք է կարճել և Արտյոմ Ավետիսյանի նկատմամբ ՀՀ քրեական օրենսգրքի 258-րդ հոդվածի 3-րդ մասի 2-րդ և 4-րդ կետերով քրեական հետապնդումը դադարեցնել:
Որոշումը օրիանական ուժի մեջ մտնելուց հետո որպես գրավ վճարված 1.000.000 /մեկ միլիոն/ ՀՀ դրամ գումարը պետք է վերադարձնել գրավը վճարած անձին:
Որոշումը օրիանական ուժի մեջ մտնելուց հետո ապացույց ճանաչված դեպքի վայրը տեսանկարահանող սարքերի տեսագրությունների լազերային կրիչը, պետք է թողնել քրեական գործի նյութերին կցված դրա պահելու ամբողջ ժամանակաշրջանում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ, 151-րդ և 379-րդ հոդվածներով և հիմք ընդունելով «Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» ՀՀ Ազգային ժողովի 2018 թվականի նոյեմբերի 03-ի ՀՕ-414-Ն ՀՀ օրենքը` Դատարանը

Որոշեց

Թիվ ԵԿԴ/0279/01/17 քրեական գործի վարույթը կարճել և Արտյոմ Ավետիսյանի նկատմամբ քրեական հետապնդումը դադարեցնել` համաներման մասին ՀՀ օրենքի ընդունման հիմքով:
Որոշումը օրիանական ուժի մեջ մտնելուց հետո որպես գրավ վճարված 1.000.000 /մեկ միլիոն/ ՀՀ դրամ գումարը՝ վերադարձնել գրավը վճարած անձին:
Որոշումը օրիանական ուժի մեջ մտնելուց հետո ապացույց ճանաչված դեպքի վայրը տեսանկարահանող սարքերի տեսագրությունների լազերային կրիչը՝ թողնել քրեական գործի նյութերին կցված դրա պահելու ամբողջ ժամանակաշրջանում:
Որոշումը կարող է բողոքարկվել Հայաստանի Հանրապետության քրեական վերաքննիչ դատարան` հրապարակման օրվանից մեկամսյա ժամկետում:


¸²î²ìàð` ². ´ºÎ²ÞÚ²Ü