ԵԿԴ/0248/01/17
Ո Ր Ո Շ ՈՒ Մ

ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

31 հունվարի 2019թ. ք.Երևան

Երևան քաղաքի առաջին ատյանի ընդհանուր իրավասության դատարանը` նախագա-հությամբ` դատավոր Գ.Պողոսյանի, քարտուղարությամբ` Ն.Թումանյանի, մասնակցությամբ` մեղադրող Ա.Մկրտչյանի, (այսուհետ նաև՝ Մեղադրող), ամբաստանյալ Մ.Մարգարյանի (այսու-հետ նաև՝ Ամբաստանյալ), պաշտպան Ռ.Բեջանյանի, դատարանում` դռնբաց դատական նիս-տում, քննության առնելով «Էրեբունի-Երևանի հիմնադրման 2800-ամյակի և Հայաստանի առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» 01.11.2018թ. ՀՀ օրենքի (այսուհետ նաև՝ Օրենք) համաձայն իր նկատմամբ քրեական հետապնդումը դադարեցնելու և թիվ ԵԿԴ/0248/01/17 քրե-ական գործի վարույթը կարճելու մասին ամբաստանյալ Մհեր Վարուժանի Մարգարյանի միջ-նորդությունը,
Պ Ա Ր Զ Ե Ց

Մհեր Վարուժանի Մարգարյանին ՀՀ քրեական օրենսգրքի 34-210-րդ հոդվածի 3-րդ մա-սով մեղադրանք է առաջադրվել այն բանի համար, որ նա. «2012թ. նոյեմբերի 22-ից հանդիսա-նալով անհատ ձեռնարկատեր և օրենսդրությամբ սահմանված կարգով որպես տնտեսվարող սուբյեկտ գործունեությունը ղեկավարելու և կազմակերպելու լիազորություն ունեցող պատաս-խանատու անձ, «Երևանի պահածոների գործարան» ՓԲ ընկերությունից վարձակալել է Երևան քաղաքի Արշակունյաց 15 հասցեում գտնվող «Սուրմալու» տոնավաճառի 1Դ տաղավարը և առևտրի օբյեկտ /փ.բ/ 11 պահեստային տարածքն ու զբաղվել տնտեսական ապրանքների, այդ թվում լվացող և մաքրող միջոցների մանրամեծածախ վաճառքով։ 2016թ. սեպտեմբեր ամսվա կե-սերին լվացքի փոշիներ իրացնելու նպատակով «Սուրմալու» տոնավաճառի տարածքից ան-հայտ անձանցից ձեռք է բերել տարբեր տեսակի լվացքի փոշիներ և նախնական պայմանավոր-վածության համաձայն 2016թ. սեպտեմբերի 27-ին՝ ժամը 13-ին, առևտրի օբյեկտ /փ.բ/ 11 պա-հեստային տարածքից ցանկացել է անհայտ անձին իրացնել ակցիզային դրոշմանիշերով և հսկիչ նշաններով դրոշմավորման ենթակա չդրոշմավորված թվով 42 հատ «Արիել» տեսակի 10-ը կիլոգրամանոց լվացքի փոշիներ, որոնց արժեքը վաճառողի մոտ նշված գներով կազմել է 182.700 ՀՀ դրամ, սակայն հանցագործությունն իր կամքից անկախ հանգամանքներով ավար-տին չի հասցրել, քանի որ ՀՀ ԿԱ ՊԵԿ օպերատիվ հետախուզության վարչության պետի թիվ 1431531 որոշման հիման վրա նույն վարչության 5-րդ բաժնի աշխատակիցների կողմից իրա-կանացված օպերատիվ-հետախուզական միջոցառումների արդյունքում այն կանխվել է»։
Դատաքննությամբ Ամբաստանյալը միջնորդեց կիրառել «Էրեբունի-Երևանի հիմնադըր-ման 2800-ամյակի և Հայաստանի առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» 01.11.2018թ. ՀՀ օրենքի 2-րդ հոդվածի 5-րդ մասի 4-րդ կետն ու իր նկատմամբ դադարեցնել ՀՀ քրեական օրենսգրքի 34-210-րդ հոդվածի 3-րդ մասով քրեական հետապնդումն ու կարճել թիվ ԵԿԴ/0248/01/17 քրեական գործի վարույթը։
Պաշտպանը միացավ Ամբաստանյալի միջնորդությանը, իսկ Մեղադրողը չառարկեց դրան։
Դատարանը, քննության առնելով Ամբաստանյալի միջնորդությունը, հաշվի առնելով կող-մերի կարծիքներն ու ուսումնասիրելով քրեական գործի նյութերը, գտնում է, որ միջնորդությունը պետք է բավարարվի` հետևյալ հիմնավորումներով և պատճառաբանություններով.
ՀՀ քրեական օրենսգրքի 82-րդ հոդվածի համաձայն` հանցանք կատարած անձն oրենս-դիր մարմնի կողմից ընդունվող համաներման ակտով կարող է ազատվել քրեական պատասխա-նատվությունից, ...։
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համա-ձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման մասին օրենք։
Նույն հոդվածի 5-րդ մասի համաձայն` դատարանը, հայտնաբերելով քրեական հետա-պընդումը բացառող հանգամանքներ, լուծում է ամբաստանյալի նկատմամբ քրեական հետա-պընդումը դադարեցնելու հարցը, իսկ 6-րդ մասի համաձայն` սույն հոդվածի առաջին մասի 6-րդ և 13-րդ կետերում նշված հիմքերով գործի վարույթի կարճում և քրեական հետապնդման դադա-րեցում չի թույլատրվում, եթե դրա դեմ առարկում է մեղադրյալը։ Այս դեպքում գործի վարույթը շարունակվում է սովորական կարգով։
Սույն հոդվածի առաջին մասի 13-րդ կետում նշված հիմքով գործի հարուցման մերժում, վարույթի կարճում և քրեական հետապնդման դադարեցում չի թույլատրվում, եթե չի հատուցվել կամ այլ կերպ չի հարթվել պատճառված վնասը, կամ առկա է վեճ հատուցման ենթակա վնասի կապակցությամբ։ Այս դեպքում ևս գործի վարույթը շարունակվում է սովորական կարգով։ Սույն պարբերությամբ նախատեսված կարգավորումը գործում է, եթե համաներման մասին օրենքով այլ բան նախատեսված չէ։
Օրենքի 2-րդ հոդվածի 5-րդ մասի 4-րդ կետով սահմանված է` քրեական գործի հարու-ցումը մերժել« հարուցված քրեական գործը կարճել« ինչպես նաև դադարեցնել քրեական հետա-պնդումը կամ չիրականացնել քրեական հետապնդում 2018թ. հոկտեմբերի 21-ը ներառյալ կա-տարած հանցագործությունների դեպքերով (բացառությամբ անմիջականորեն մարդու մահվան հանգեցրած դեպքերի« որոնցով առկա է տուժողի իրավահաջորդի առարկությունը)« որոնցով անձինք կարող են մեղադրվել կամ մեղադրվում են այնպիսի հանցագործություններ կատարելու մեջ« որոնց համար նախատեսված է միայն ազատությունից զրկելու հետ չկապված պատիժ։
Նույն հոդվածի 6-րդ մասի համաձայն՝ սույն հոդվածի 5-րդ մասը կիրառվում է Հայաս-տանի Հանրապետության քրեական դատավարության օրենսգրքի 35-րդ հոդվածի 6-րդ մասի դրույթների պահպանմամբ։
Ամբաստանյալ Մ.Մարգարյանի կատարած հանցանքի համար պատասխանատվություն սահմանող ՀՀ քրեական օրենսգրքի 34-210-րդ հոդվածի 3-րդ մասի սանկցիան նախատեսում է միայն ազատությունից զրկելու հետ չկապված պատիժ՝ տուգանք նվազագույն աշխատավարձի երեք հազարապատիկի չափով։
ՀՀ ոստիկանության ինֆորմացիոն կենտրոնի 25.01.2019թ-ի տեղեկանքի համաձայն` Ամ-բաստանյալը որևէ այլ հանցագործություն չի կատարել և չի դատապարտվել։
Քրեական գործով պատճառված վնաս կամ հատուցման ենթակա վնասի կապակցու-թյամբ վեճ առկա չէ։
Այսպիսով, հաշվի առնելով վերոգրյալներն ու նկատի ունենալով, որ սույն գործով առկա չեն Օրենքի կիրառման վերաբերյալ նույն օրենքով սահմանված սահմանափակումները, դատա-րանը հանգում է, եզրակացության, որ առկա է Ամբաստանյալի քրեական հետապնդումը բա-ցառող հանգամանք, վերջինիս միջնորդությունը բխում է Օրենքի 2-րդ հոդվածի 5-րդ մասի 4-րդ կետի պահանջներից, հետևաբար՝ նրա նկատմամբ ՀՀ քրեական օրենսգրքի 34-210-րդ հոդ-վածի 3-րդ մասով պետք է դադարեցվի քրեական հետապնդումն ու կարճվի նրա վերաբերյալ քրեական գործի վարույթը, իսկ կիրառված խափանման միջոցը` չհեռանալու մասին ստորա-գրությունը, վերացվի։
Քննության առնելով իրեղեն ապացույցի տնօրինման հարցը, դատարանը գտնում է, որ իրեղեն ապացույց ճանաչված 42 հատ 10 կիլոգրամանոց պոլիէթիլենային պարկերով «Արիել» տեսակի լվացքի փոշիները, պետք է թողնվի տնօրինելու սույն գործից անջատված թիվ 83152217/1 քրեական գործով։
Վերոգրյալների հիման վրա ու ղեկավարվելով ՀՀ քրեական դատավարության օրենս-գրքի 119-րդ, 312-րդ և 313-րդ հոդվածներով, դատարանը

Ո Ր Ո Շ Ե Ց

«Էրեբունի-Երևանի հիմնադրման 2800-ամյակի և Հայաստանի առաջին Հանրապետու-թյան անկախության հռչակման 100-ամյակի կապակցությամբ քրեական գործերով համաներում հայտարարելու մասին» 01.11.2018թ. ՀՀ օրենքի 2-րդ հոդվածի 5-րդ մասի 4-րդ կետի համաձայն՝ Մհեր Վարուժանի Մարգարյանի նկատմամբ դադարեցնել ՀՀ քրեական օրենսգրքի 34-210-րդ հոդվածի 3-րդ մասով քրեական հետապնդումն ու կարճել թիվ ԵԿԴ/0248/01/17 քրեական գործի վարույթը։
Իրեղեն ապացույցը` 42 հատ 10 կիլոգրամանոց պոլիէթիլենային պարկերով «Արիել» տե-սակի լվացքի փոշիները, թողնել տնօրինելու սույն գործից անջատված թիվ 83152217/1 քրեական գործով։
Մ.Մարգարյանի նկատմամբ կիրառված խափանման միջոցը` չհեռանալու մասին ստո-րագրությունը, վերացնել։
Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում։
ԴԱՏԱՎՈՐ` Գ.ՊՈՂՈՍՅԱՆ