Գործ ԵԿԴ/0239/01/17


ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,

քարտուղարությամբ` Դարինա Բեգլարյանի,
Հասմիկ Ջանազյանի և
Վլադիմիր Շահինյանի,
մասնակցությամբ`

մեղադրող՝ Գագիկ Մարգարյանի,
տուժող` Սամսոն Օհանյանի,
տուժողի ներկայացուցիչ` Վարդան Նիկողոսյանի,

պաշտպան` Գեորգի Մելիքյանի,

նույն Դատարանում դռնբաց դատական նիստերի կարգով քննեց և 2018թ. հունվարի 10-ին ավարտեց քրեական գործն ըստ մե¬ղադ¬րանքի`
Արտակ Ռուբիկի Սահակյանի` (ծնված 1979թ. մարտի 6-ին« Երևան քաղաքում, ազ¬¬¬գութ¬յամբ հայ« Հայաստանի Հանրապետության քաղա¬քացի«միջնակարգ կրթությամբ, ամուսնացած, խնամ¬քին` փոքրահասակ երկու երե¬խաները և 2-րդ խմբի հաշմանդամ հայրը, նախկինում չդատա¬պարտ¬¬¬ված, կատարում է մասնավոր ուղևորափոխադրումներ, հաշ¬վառ¬ված է Երևանի Մանանդյան 13-րդ շենքի 8-րդ բնակարանում, փաստացի բնակվում է Երևանի Արշակունյաց փողոցի 305-րդ տանը, սույն գործով մեղսագրվում է ՀՀ քրեական օրենսգրքի 112-րդ հոդվածի 1-ին մասով նախա¬տեսված հան¬ցա¬վոր արարքի կատարում, որպես խափանման միջոց է ընտրվել գրավ, 2017թ. մա¬յիսի 4-ից մինչև 2017թ. մայիսի 26-ը գտնվել է արգելանքի տակ)։

Գործի դատավարական նախապատմությունը.
Թիվ 13107617 քրեական գործը հարուցվել է 2017թ. մայիսի 3-ին ՀՀ քրեական օրենսգրքի 112-րդ հոդվածի 1-ին մասով նախատեսված հանցագործության հատկա¬նիշ¬նե¬րով ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջան¬ների քննչա¬կան բաժ¬նում` գործով տուժող Սամսոն Օհանյանի առողջությանը դիտավորությամբ ծանր վնաս պատճառելու դեպքի առթիվ։
2017թ. մայիսի 4-ին Արտակ Սահակյանը ձերբակալվել է։
2017թ. մայիսի 6-ին Արտակ Սահակյանին մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով։
2017թ. մայիսի 6-ին Երևանի Կենտրոն և Նորք-Մարաշ վարչական շրջանների ընդ¬հա¬նուր իրա¬վասության դատարանը, բավա¬րա¬րելով նա¬խաքննական մարմնի միջնորդությունը, մեղադրյալ Արտակ Սահակյանի նկատ¬մամբ երկու ամիս ժամկետով որպես խափանման միջոց է ընտրել կալա¬նավորում։
2017թ. մայիսի 26-ին ՀՀ վերաքննիչ քրեական դատարանը, բավարարելով պաշտ¬պա¬նական կողմի վերաքննիչ բողոքը, մեղադրյալ Արտակ Սահակյանի նկատմամբ որպես կալա¬նավորման այլընտրանքային խափանման միջոց է ընտրել գրավ` 500.000 ՀՀ դրամի չափով։
2017թ. մայիսի 26-ին մեղադրյալ Արտակ Սահակյանն ազատվել է արգելանքից։



2017թ. օգոստոսի 25-ին նախաքննական մարմինը որոշում է կայացրել Արտակ Սահակ¬յանին առաջադրված մեղադրանքը փոփոխելու և լրացնելու մասին, նրան նոր (վերջ¬նական) մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով։
2017թ. օգոստոսի 31-ին քրեական գործը Արտակ Ռուբիկի Սահակյանի նկատմամբ ՀՀ քրեական օրենսգրքի 112-րդ հոդվածի 1-ին մասով հաստատ¬ված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջան¬¬ների ընդհանուր իրա¬վա¬սութ¬յան դատա¬րան (նախագահողին փաստացի հանձնվել է 2017թ. սեպտեմբերի 4-ին), 2017թ. սեպ¬տեմբերի 4-ին ընդունվել է վա¬րույթ, ապա նշա¬նակվել դատա¬կան քննութ¬յան։

Ապացույցների հետազոտում և գնահատում.
Դատաքննությամբ հետազոտված ապացույցների գնահատման արդյունքներով Դա¬տա¬¬րանը հաս¬տատված հա¬մա¬րեց այն, որ Արտակ Ռուբիկի Սահակյանը 2017թ. մայիսի 3-ին` ժամը 20։30-ի սահմաններում Երևանի Աբովյան 38 հասցեում գործող «ՍԱՍ» սուպերմարկետի մոտա¬կայ¬քում վիճաբանել է Սամսոն Ազատի Օհանյանի հետ« որի ընթացքում սուր ծակող-կտրող գործիքով հարվածել և Ս.Օհանյանի առողջությանը դիտավո¬րութ¬յամբ պատճառել է կյանքի հա¬մար վտանգավոր ծանր մարմնական վնասվածք, որպիսի գործո¬ղություններն արտահայտվել են հետևյալում.
Այսպես, Ա.Սահակյանը վարձակալած «Օպել» մակնիշի 34 FR 119 հաշվառման համա¬րանիշի ավտոմեքենայով կատարել է մասնավոր ուղևորափոխադրումներ և հիմնա¬կանում կայա¬նել է Երևանի Աբովյան փողոցի 38 հասցեում գործող «ՍԱՍ» սուպերմարկետի մոտակայքում« որի ընթացքում ծանոթացել է նույն վայրում կայանող և նույն ծառայությունը մատուցող Սամսոն Օհանյանի և Էդուարդ Ավագյանի հետ։
2017թ. մայիսի 3-ին` ժամը 20։30-ի սահմաններում, Ա.Սահակյանն իր ավտոմեքենայի կայանման վերոնշյալ վայրում` «ՍԱՍ» սուպերմարկետի մոտակայքում« ավտոմեքենայի դիմացի ձախ դռան վրա առկա պահոցից վերցրել է շարժիչի այրման մոմերը և դանակը« մաքրել մոմերը։ Այդ ընթացքում նույն վայրում գտնվող Է.Ավագյանի և Ս.Օհանյանի միջև վիճաբանություն է սկսվել վերջինիս կողմից ավտոմեքենան անհաջող կայանելու, հաճախորդների սպասարկման հաջոր¬դա¬կանությունը խախտելու հարցի շուրջ« որին մի¬ջամտել է Ա.Սահակյանը։
Ս.Օհանյանը վիճաբանել է նաև Ա.Սահակյանի հետ« որի ընթացքում Ա.Սահակյանն իր ձեռքում եղած սուր ծակող-կտրող գործիքով մեկ անգամ հարվածել է Ս.Օհանյանի որովայնի շրջանին և դիտավորությամբ պատճառել ծանր մարմնական վնասվածք` որովայնի առաջային պատի կտրած-ծակած որովայնի խոռոչ թափանցող վերքի ձևով« որն ուղեկցվել է լյարդի ձախ բլթի վնասումով« արյունահոսությամբ և հեմոռագիկ շոկով, այսինքն` Արտակ Սահակյանը կատարել է հան¬ցավոր արարք, որը նախա¬տես¬ված է ՀՀ քրեական օրենսգրքի 112-րդ հոդվածի 1-ին մասով։
Ամբաստանյալ Արտակ Սահակյանն առաջադրված մեղադրանքի շուրջ Դատարանում հար¬ցաքննվե¬¬լիս իրեն մեղավոր ճանաչեց, թեև ընդունեց, որ ինքն է տուժողին դանակով հարվածել։ Նշեց, որ դեպքի օրը Արտակն և Էդուարդը վիճաբանել են, այն կանխելու նպատակով միջամտել է, սակայն տուժող Արտակը իր և Էդուարդի ծնողների հասցեին հնչեցրել է հայհոյանքներ։ Քանի որ մինչ վիճաբանությանը միջամտելը դանակով «սվեչա» էր մաքրում, դանակը ձեռքին էր, հայհո¬յանքները լսելուց զայրացել և անկախ իր կամքից մեկ անգամ դանակով հարվածել է տուժողին։ Այնուհետև ձեռքից դանակը ընկել է նշված վայրում կայանած ավտոմեքենաների տակ, այդ իսկ պատճառող ներկա գտնվողներն այն չեն նկատել։ Վիճաբանության ընթացքում տուժողը ընդհան¬րապես գետնին չի ընկել։ Լսելով իրենց գոռգոռոցները և հայհոյանքները` մոտեցել են ոստիկա¬նության աշխատակիցներ, որից հետո իրենք այդտեղից տուն են գնացել։ Էդուարդին հայտնել է, որ մեկ անգամ դանակահարել է տուժողին, վերջինս էլ իրեն նախատել է դրա համար։ Այնուհետև Էդուարդի հետ գնացել են ՀՀ ոստի¬կանության Կենտրոնական բաժին և հայտնել դեպքի վերա¬բերյալ։
Ամբաստանյալ Արտակ Սահակյանի պատճառաբանությունները հերքվել, իսկ տվյալ հոդվածով նրան առաջադրված մեղադրանքը հիմնավորվել է պատշաճ իրա¬վական ընթա¬¬ցա¬կարգերի շրջանակներում դա¬տաքննութ¬յամբ հետա¬զոտված հետևյալ ապացույց¬ների հա¬մադրման և գնահատ¬ման արդյունքներով.
Տուժող Սամսոն Օհանյանի ցուցմունքով. Վերջինս Դատարանում հայտնեց, որ ամ¬բաստանյալի հետ նախկինում ունեցել է ընկերական հարաբերություն։ Նշեց, որ դեպքից մոտավո¬րապես 3 ամիս առաջ ամբաստանյալ Արտակի հետ վիճաբանել էին, որից հետո իրենց հարաբե¬րությունները լարված էին, սակայն թշնամանքի չեն վերածվել։ Այդ վիճաբանությունից հետո մինչև դանակահարության դեպքը միմյանց հետ ընդհանրապես չեն խոսել, իսկ վկա Էդուարդ Ավագյանի հետ մինչև դանակահարության պահը ունեցել են լավ հարաբերություններ։
Նշեց, որ աշխատում է որպես տաքսու վարորդ և կայանում է «ՍԱՍ» սուպերմարկետի մոտ՝ իրենց տաքսի ծառայությանը հատկացված կայանատեղիում։ Դեպքի օրը հեռախոսազանգ է ստացել, որին պատասխանելու համար իր ավտոմեքենան շտապ կայանել է Էդուարդի ավտո¬մեքենայի մոտ` անհարմար դիրքով, սակայն այդտեղ կայանելով՝ չի խոչընդոտել Էդուարդի ավ¬տոմեքենան մուտք գործելուն, մանավանդ, որ այդ պահին գտնվում էին լավ հարաբերություն¬ների մեջ։ Էդուարդն անմիջապես սկսել է դժգոհություններ հայտնել մեքենան անհարմար դիրքով կայա¬նելու առնչությամբ, որի կապակցությամբ Էդուարդին հայհոյել է, վերջինս էլ պատասխան հայհոյանքներ է տվել։ Մոտեցել է Էդուարդին, բռունցքով հարվածել է նրան, որից հետո սկսել են միմյանց բռունցքներով փոխադարձաբար հարվածել։ Նշեց, որ Արտակին ուղղված ոչ մի արտա¬հայտություն չի արել, սակայն վերջինս, տեսնելով վիճաբանությունը, մոտեցել է իրեն և հայհոյանք հնչեցնելով՝ գրպանից հանել է դանակը և հարվածել։ Ինքն էլ ընկնելով գետնին՝ փորձել է դանակի հարվածներից պաշտպանվել։ Հետո նրանց են մոտեցել երկու քաղաքացիներ, ներկայացել որպես ոստիկան և կանխել վիճաբանության հետագա ընթացքը։ Ոստիկանների մոտենալու ընթացքում գետնից բարձրանալիս գետնին ընկնող առարկայի ձայն է լսել` թյուրիմացաբար կարծելով, թե իր ժամացույցն է ընկել, այն վերցնելու նպատակով կռացել է և տեսել է, որ իրականում դանակ է, որի վրա այդ պահին Էդուարդը դրել էր ոտքը՝ փորձելով թաքցնել։ Դրանից հասկացել է, որ վնասվածք ունի, ինչից հետո իր ինքնազգա¬ցողությունը սկսել է վատանալ։ Ամբաստանյալն ու Էդուարդը, ոստիկանների ուղեկցությամբ նստելով իրենց մեքենաները, հեռացել են, որից հետ ինքը ևս նստել է իր մեքենան և գնացել դեպի հիվանդանոց։
Վկա Էդուարդ Ավագյանի ցուցմունքներով հայտնված փաստական տվյալների արժևորման արդյունքներով. Վերջինս Դատարանում հայտնեց, որ ամ¬բաս¬տանյալ Արտակի հետ ունեն ընկերական հարաբերություններ, իսկ տուժող Սամսոնի հետ նախկինում են ընկերներ եղել։ Նշեց, որ 2017թ. մայիսի սկզբին` ժամը 20։00-ից 21։00-ի սահմաններում ամբաստանյալի հետ տաքսի վարելու նպատակով հաճախորդի են սպասել Երևանի Աբովյան փողոցում` «ՍԱՍ» սուպեր¬մարկետի դիմացի ավտոկայանատեղիում։ Ավտոմեքենայով նշված վայր է եկել տուժող Սամսոն Օհանյանը և կայանել իր ավտոմեքենային շատ մոտ, որով խոչընդոտել է իր ավտոմեքենան նստելուն։ Զգուշացրել է, որ ավտոմեքենան տեղափոխի, որ հաճախորդին տեղափոխելու նպա¬տակով կարողանա նստել իր մեքենան, սակայն տուժողը կատարել է «ավելորդ» արտահայ¬տություններ, որից հետո նրա կողմից հնչել են իր ծնողին ուղղված հայհոյանքներ։ Նշեց նաև, որ իր ծնողը մահացել է 2017թ. փետրվարի 2-ին, իսկ Արտակի ծնողը՝ 2017թ. հունվարի սկզբին, տուժողը մասնակցել էր այդ անձանց հուղարկավորությանը։ Այդ ընթացքում Արտակը մոտեցել է, որ հարթի ստեղծված իրավիճակը, սակայն միջամտությունից հետո Արտակի հասցեին տուժողը հնչեցրել է նաև նրա ծնողին ուղղված հայհոյանքներ։ Տուժողը բռունցքով հարվածել է իր դեմքին, որից հետո ինքն է հարվածել նրան, այնուհետև սկսել է պաշտպանվել։ Վիճաբանությունը շարու¬նակվել է իր, տուժողի և ամբաստանյալի միջև։ Այնուհետև եկել են քաղաքացիական հագուստով ոստիկանության աշխատակիցներ և կանխել վիճաբանությունը։ Վիճաբանության ավարտից հետո Արտակի հետ խոսակցությունից տեղեկացել է, որ նա վի¬ճա¬բանության ժամանակ տուժողին դանակահարել է, թեև դանակահարության պահն անձամբ չէր տեսել։
Վկա Վարդան Ստեփանյանի ցուցմունքով. Վերջինս Դատարանում հայտնեց, որ ամ¬բաս¬տանյալին և տուժողին ճանաչում է աշխատանքի վայրից, նրանց հետ գտնվում է նորմալ փոխ¬հարաբերությունների մեջ։ Նշեց, որ քննվող դեպքի օրը՝ երեկոյան, իր կնոջ հետ միասին գնումներ կատարելու նպատակով այցելել էին «ՍԱՍ» սուպերմարկետ, որտեղ էլ նկատել է Սամսոնի և Էդուարդի մաս¬նակցությամբ տեղի ունեցող վիճաբանությունը։ Մի քանի րոպե անց նրանց է մոտեցել Արտակը և մասնակցել վիճաբանությանը։ Վիճաբանության մասնակիցներից ոչ-ոքի ձեռքին դանակ կամ այլ առարկա չի տեսել։ Վիճաբանողները միմյանց հարվածել են ձեռքերով՝ միմյանց հայհոյանքներ ուղղելով։ Վիճաբանությունը տևել է մոտ երկու րոպե, որի ընթացքում գետ¬նին հայտնված վիճակում ոչ-ոքի չի նկատել։ Վիճաբանությունը կանխելու նպատակով մոտեցել են ոստիկա¬նության աշխատակիցները և դադարեցրել վիճաբանությունը։ Հետագա գործողություն¬ներին ականատես չի եղել, քանի որ իր կնոջ հետ միասին այդտեղից հեռացել են։
Վկա Արտուշ Գևորգյանի ցուցմունքով. Վերջինս Դատարանում հայտնեց, որ աշխատում է «ՍԱՍ» սուպերմարկետում` որպես ավտոհսկիչ, դեպքի պահին ևս եղել է աշխատավայրում։ Սու¬պեր¬¬մարկետի ետնամասից վերադառնալով՝ ականատես է եղել դիմացի ավտոկայանա¬տեղիում` Էդուար¬դի և Սամսոնի միջև ծագած վիճաբանությանը։ Մի քանի րոպե անց վիճաբանութ¬յանը միջամտելու նպատակով նրանց է մոտեցել որոշակի հեռավորության վրա գտնվող Արտակը, որի հասցեին Սամսոնը հնչեցրել է հայհոյանքներ, ենթադրում է, որ վիճաբանության պատճառը եղել է հայհոյանքներ հնչեցնելը։ Վիճաբանության մասնակիցներից ոչ-ոքի ձեռքին դանակ կամ այլ առարկա չի տեսել, գետնին հայտնված անձ՝ ևս։ Այնուհետև նրանց են մոտեցել քաղաքա¬ցիական հագուստով երկու անձ և ներկայանալով որպես ոստիկանության աշխատակիցներ՝ վիճաբա¬նությունը դադարեցրել են։
Դեպքի վայրի զննության 2017թ. մայիսի 4-ի արձանագրությամբ« համաձայն որի` դեպքի վայր է հանդիսացել Երևանի Աբովյան 38 հասցեում գործող «ՍԱՍ» սուպերմարկետի մոտ գտնվող տաքսիների համար նախատեսված կայանման վայրը։ Զննության ընթացքում զննության մասնակից, գործով ամբաստանյալ Արտակ Սահակյանը մատնացույց է արել այն վայրերը« որտեղ իր ձեռքում գտնվող դանակով մեկ անգամ հարվածել է գործով տուժող Սամսոն Օհանյանի որո¬վայնին« ապա նետել ձեռքին եղած դանակը։
Դատաբժշկական փորձաքննության 2017թ. մայիսի 6-ի թիվ 0812/հ եզրակացությամբ« համաձայն որի՝ տուժող Սամսոն Օհանյանի մարմնական վնասվածքը` որովայնի առաջային պատի կտրած-ծակած որովայնի խոռոչ թափանցող վերքի ձևով« որն ուղեկցվել է լյարդի ձախ բլթի վնասմամբ« արյունահոսությամբ և հեմոռագիկ շոկով« պատճառվել է սուր ծակող-կտրող գործիքի ներգործությամբ« հնարավոր է փորձաքննվողի կողմից նշված ժամանակին և հանգամանքներում« որը տուժողի առողջությանը պատճառել է կյանքին վտանգ սպառնացող ծանր վնաս։
Դատահետքաբանական փորձաքննության 2017թ. օգոստոսի 17-ի թիվ 1065-17 եզրա¬կացությամբ, համաձայն որի` քննվող դեպքի պահին տուժող Ս.Օհանյանի կրած մայկաների վրա առկա կտորի վնասված-անջատված տեղամասերով վնասվածք¬ները պատռվածքներ են, կարող էին առաջանալ մեխանիկական ձգվածության« ուժի ներգոր¬ծության` քաշել-ձգելու հետևանքով։ Ս.Օհանյանի մայկաների վրա առկա միաժամանակ առաջացած հմ.1 և մայկայի վրա առկա հմ.2 վնասվածքները իրենց բնույթով ծակած-կտրած են, կարող էին առաջանալ մեկ սայրանի ծակող-կտրող շեղբ ունեցող գործիք/ներ/ի« հնարավոր է դանակ/ներ/ի շեղբի ներգործության արդյունք¬ում։ Տուժող Ս.Օհանյանի միաժամանակ առաջացած հմ.1 մեկական վնասվածքները և վեր¬ջինիս մարմնական վնասվածքների վերաբերյալ դատաբժշկական փորձաքննության թիվ 0812/հ եզրակացության մեջ նկարագրված որովայնի առաջնային պատի կտրած-ծակած վերքը իրենց տեղակայմամբ հիմնականում համընկնում են։
Իրեղեն ապացույց ճանաչված և Դատարանում պահվող` գործով տուժող Սամսոն Օհան¬յանի` դեպքի պահին կրած հագուստների առկայությամբ և դրանց զննության արդյունք¬ներով /արձանագրությամբ/։

Դատարանի իրավական վերլուծությունները և եզրահանգումը.
Գնահատելով դատաքննությամբ հետազոտված վերոնշյալ ապացույցները` Դատա¬¬րա¬նը հաս¬տատված համարեց այն, որ ամբաստանյալ Արտակ Սահակյանը մեղավորությամբ կատարել է հան¬ցա¬վոր արարք« որը համա¬պա¬տաս¬¬խանում է ՀՀ քրեական օրենսգրքի 112-րդ հոդվածի 1-ին մասով նախա¬տես¬ված հան¬ցա¬գործության հատ¬կանիշ¬ներին, հետևա¬բար` նա քրեա¬¬կան պա¬տաս¬¬խա¬նատ¬¬¬վության և պատժի ենթա¬¬կա է այդ հոդ¬վածի վերոնշյալ մասով։
Դատարանը փաստում է, որ գործով ամբաստանյալ Ա.Սահակյանը վերոնշյալ մարմ¬նական վնասվածքները տուժողին պատճառելիս գործել է անուղղակի դիտավորությամբ, ինչի մասին են վկայում`
1. տուժող Ս.Օհանյանի դատաքննական ցուցմունքը՝ այն մասին, որ Արտակ Սահակյանը, տեսնելով իր և Էդուարդի միջև ծագած վիճաբանությունը, մոտեցել է իրեն և սեռական բնույթի հայհոյանք հնչեցնելով՝ գրպանից հանել է դանակը և հարվածել իրեն։ Նախքան այդ Ա.Սահակ¬յանին չէր հայհոյել, նա ծեծկռտուքի մեջ ներգրավված չի եղել։
2. Դատաբժշկական փորձաքննության 2017թ. մայիսի 4-ի թիվ 0812/հ եզրակացությունը« համաձայն որի՝ գործով տուժող Սամսոն Օհանյանին պատճառվել է մարմնական վնասվածք որովայնի առաջային պատի կտրած-ծակած որովայնի խոռոչ թափանցող վերքի ձևով« որն ուղեկցվել է լյարդի ձախ բլթի վնասումով« արյունահոսությամբ և հեմոռագիկ շոկով։ Այդ վնաս¬վածքը պատճառվել է սուր ծակող-կտրող գործիքի ներգործությամբ« հարվածը թափանցել է որովայնի խոռոչ, որը տուժողի առողջությանը պատճառել է կյանքին վտանգ սպառնացող ծանր վնաս։
3. Դատահետքաբանական փորձաքննության 2017թ. օգոստոսի 17-ի թիվ 1065-17 եզրա¬կացությունը, համաձայն որի` Ս.Օհանյանի մայկաների վրա առկա միաժամանակ առաջացած հմ.1 և մայկայի վրա առկա հմ.2 վնասվածքները իրենց բնույթով ծակած-կտրած են, կարող էին առաջանալ մեկ սայրանի ծակող-կտրող շեղբ ունեցող գործիք/ներ/ի« հնարավոր է դանակ/ներ/ի շեղբի ներգործության արդյունք¬ում։ Տուժող Ս.Օհանյանի միաժամանակ առաջացած հմ.1 մեկա¬կան վնասվածքները և վերջինիս մարմնական վնասվածքների վերաբերյալ դատաբժշկական փորձաքննության թիվ 0812/հ եզրակացության մեջ նկարագրված որովայնի առաջնային պատի կտրած-ծակած վերքը իրենց տեղակայությամբ հիմնականում համընկնում են։
Անդրադառնալով ամբաստանյալ Ա.Սահակյանի պատճառաբանությանը՝ դանակով հարված հասցնելուն նախորդող պահին տուժողի կողմից իրեն ևս հայհոյելու վերաբերյալ, Դա¬տա¬րանը փաստում է, որ այդ պատճառաբանությունը հերքվել է տուժողի դատաքննական ցուց¬մունքով, ընդ որում՝ տուժողը վերոնշյալ դիրքորոշումը պահպանել է նույնիսկ ամբաստանյալի կող¬մից նրան պատ¬ճառած վնասը /բուժման ծախսերը/ Դատարանում ամբողջությամբ փոխհա¬տու¬ցելուց հետո։ Ինչ վերաբերում է ամբաստանյալ Ա.Սահակյանի վերոնշյալ պատճառա¬բա¬նությունը Դատարանում հաստատած վկա Էդուարդ Ավագյանի ցուցմունքին, ապա վերջինս գործի ելքով հօգուտ ամբաստանյալի շա¬հագրգռված անձ է, որի մասին է վկայում ոչ միայն վերջին¬ներիս միջև առկա մտերմությունը, այլև քննվող դեպքն այդ վկայի և տուժողի միջև ծագելու, ապա տուժողի և ամբաստանյալի միջև տարածվելու փաստը, ճշմարտութ¬յունը հայտնելու առումով վկա Էդ.Ավագ¬յանի վերոնշյալ կաշկանդվածությունը։ Նշված դատողությունների լույսի ներքո Դատարանը դանակահարության դեպքին նախորդող իրադարձությունների մասով տրված ցուց¬մունքներից, ի հաշիվ ամբաստանյալ Ա.Սահակյանի և այլոց ցուցմունքների, առավել արժևորում է տուժող Ս.Օհան¬յանի ցուցմունքները, որոնք նաև համապատասխանում են դատաբժշկական և այլ փորձաքննությունների եզրակացություն¬ներին։ Նման արժևորումը կատարելիս Դատարանը հաշ¬վի է առնում համադրվող ապա¬ցույցների ոչ թե պարզ քանակական, այլ որակական կողմը։
Վերոնշյալ վերլուծությունների և դատողությունների լույսի ներքո Դատարանը փաստում է, որ ամբաս¬տան¬յալ Ա.Սահակյանը տուժող Ս.Օհանյանին մարմնական վնասվածք է պատճառել դիտավորությամբ, վերջինիս հետ Էդուարդ Ավագյանի հետ ծագած ծեծկռտուքի ընթացքում, այդ գործո¬ղության հետևան¬քով տուժող Ս.Օհանյանին պատ¬ճառել է վերջինիս կյանքի համար վտան¬գավոր ծանր վնաս¬, հետևա¬բար` նրա արարքը ՀՀ քրեական օրենսգրքի 112-րդ հոդվածի 1-ին մա¬սով որակված է ճիշտ, այդ կապակցությամբ պաշտ¬պանական ճա¬ռում ներկայացված փաս¬տարկ¬ներն ու վիճարկումներն անհիմն են։
Դատարանն արձանագրում է, որ ամբաստանյալ Ա.Սահակյանը գիտակցել է, որ իր հակաօրի¬նական գործո¬ղութ¬յամբ, այն է՝ սուր ծակող-կտրող գործիքով հար¬վա¬ծելով՝ մարմնական վնասվածք է պատ¬ճառում տուժողին, նախատեսել է իր այդ գործողութ¬յան հետևան¬քով տուժողին մարմնական վնասվածք պատճառելու հնարավորությունը, ու թեև ըստ իր, գործով ամբաս¬տանյալի և դեպքին ականատես վկաների ցուցմունքների՝ չի ցան¬կացել հատկապես ծանր մարմնական վնաս¬վածք պատճառել տուժողին (նման փաստական տվյալներ նախաքննությամբ և դա¬տաքննութ¬յամբ ձեռք չեն բերվել և հետազոտվել), սակայն գիտակցաբար թույլ է տվել այդ վնաս¬վածքի առաջացումը, այսինքն՝ տուժող Սամսոն Օհանյանին նրա կյանքի համար վտանգավոր ծանր մարմ¬նական վնաս պատճառելիս գործել է անուղղակի դիտավորութ¬յամբ։
Ամբաստանյալ Արտակ Սահակյանի նկատմամբ պատիժ նշանակելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬¬նել սոցիալական արդարությունը« ուղղել պատժի ենթարկված անձին« ինչպես նաև կանխել հան¬ցա¬¬գոր¬ծությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատա¬րած անձի նկատ¬մամբ կիրառվող պատիժը և քրեաիրավական ներ¬գոր¬ծութ¬յան այլ միջոց¬ները պետք է լինեն ար¬դարացի« համապա¬տասխանեն հանցանքի ծան¬րությանը« այն կա¬տա¬րելու հան¬գա¬մանք¬ներին« հան¬¬ցավորի անձնա¬¬վորությանը« անհրա¬ժեշտ և բավարար լինեն նրան ուղղելու և նոր հանցա¬գոր¬ծութ¬յուն¬ները կան¬խելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է« որ հանցա¬գոր¬ծութ¬յան համար մեղավոր ճանաչված անձի նկատմամբ նշանակվում է արդարացի պատիժ« իսկ նույն հոդ¬վածի 2-րդ մասի համաձայն՝ պատժի տեսակը և չափը որոշվում են հանցա¬գործության՝ հան¬րության համար վտան¬¬գա¬վո¬րության աստիճանով և բնույթով« հանցավորի անձը բնու¬թագրող տվյալներով« այդ թվում՝ պատաս¬խա¬նատ¬վությունը և պատիժը մեղմաց¬նող և/կամ ծանրացնող հան¬գա¬մանքներով։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վա¬րա¬կան օրենսգրքի 8-րդ հոդվածի համաձայն՝ որոշակի փաստական հանգա¬մանք¬ներ ունեցող գոր¬ծով ՀՀ Վճռաբեկ դատարանի կամ Մարդու իրավունքների եվրոպա¬կան դատա¬րա¬նի դատա¬կան ակ¬տի հիմ¬նա¬վո¬րումները« այդ թվում՝ օրենքի մեկնաբա¬նութ¬յուն¬ները« պարտադիր են դատա¬րանի հա¬մար նույ¬¬նանման փաստական հանգամանք¬ներով գործի քննության ժամա¬նակ։
ՀՀ Վճռաբեկ դատարանը« Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկ¬տեմ¬¬բերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մա¬սով նախատեսված նորմը« նշել է« որ այն Դատարանին օժտել է անձի պատասխա¬նատ¬վութ¬յունը մեղ¬մաց¬¬նող հանգամանքների կիրառման լայն հայեցողությամբ« քանի որ պա¬տիժ նշանա¬կելիս Դա¬տա¬րանը կարող է հաշվի առնել նաև մեղմացնող այնպիսի հանգա¬մանք¬ներ« որոնք նույն հոդվածի առաջին մասում նշված չեն։
Դատարանը, որպես ամբաստանյալ Արտակ Սահակյանի անձը բնու¬թագրող տվյալներ է գնա¬հա¬տում՝ նախկինում դատապարտված չլինելը (ըստ ՀՀ ոստիկանության ինֆոր¬մացիոն կենտ¬¬րոն 2017թ. մայիսի 4-ին կատարված հարցման արդյունքների)« ամուսնացած լինելը (համաձայն ամուսնության ԱԱ սերիայի թիվ 015502 վկայականի պատճենի), երիտասարդ լինելը (համաձայն AK սերիայի 0642547 համարի ՀՀ քաղաքացու անձնագրի՝ ծնվել է 1979թ.), ֆիզիկապես վա¬տա¬ռողջ լինելը (ըստ «Էրեբունի» բժշկական կենտրոնից տրված փաստաթղթերի), իսկ որպես պա¬տաս¬¬խանատ¬վութ¬յունն ու պատիժը մեղ¬մացնող հանգամանքներ` խնամ¬քին 2003թ. օգոստոսի 7-ին ծնված Էլեն Արտակի Սահակյանի և 2005թ. հունիսի 17-ին ծնված Ռուբեն Արտակի Սահակյանի, 2-րդ խմբի հաշմանդամ հոր` Ռուբիկ Հայկազի Սահակյանի առկայությունը (համաձայն ԱԱ սերիայի 047118 համարի և ԱԱ սերիայի 400095 համարի ծննդյան, հայրության ճանաչման ԱԱ սերիայի 064370 համարի և կենսաթոշա¬կային ապահովագրության թիվ 68506 վկայականների պատճենների), բնակության վայրում դրա¬կանորեն բնութագրվելը (համաձայն Երևանի Արշա¬կուն¬յաց փողոցի բնակիչների կողմից հաս¬տատված բնութագրի), տուժողին պատճառված գույքային վնասը /բուժման ծախսերը/ մինչդա¬տական և դատական վարույթների ընթացքում կամովին փոխ¬հա¬տուցելը։
Դատարանը ամբաստանյալ Արտակ Սահակյանի պատասխանատվությունն ու պատիժը ծան¬րացնող հան¬գա¬մանք¬ չարձանագրեց։
Անդրադառնալով ամբաս¬տանյալ Արտակ Սահակյանի նկատ¬¬մամբ պատժի նշանակման խնդրին` Դատա¬րանը փաս¬¬տում է, որ ՀՀ քրեա¬կան օրենսգրքի 112-րդ հոդվածի 1-ին մասով նա¬խա¬տեսված է պատիժ բացառապես ազատազրկման ձևով, հետևաբար` սույն գործով քննարկման ենթակա են՝ ազատազրկման ձևով նշանակվող պատժի չափի, տվյալ հոդվածով նախատես¬վածից ավելի մեղմ պատժատեսակ կամ պատժաչափ նշա¬նակելու (ՀՀ քրեա¬կան օրենսգրքի 64-րդ հոդվածի կիրառում), ազատազրկման կամ կալանքի ձևով պատիժ նշա¬նակվող պատիժը կրելու կամ չկրելու (ՀՀ քրեական օրենսգրքի 70-րդ հոդ¬վածի կի¬րա¬ռում) հար¬ցերը։
Հաշվի առնելով ամբաստանյալ Արտակ Սահակյանի անձը, նրան վերագրվող հանցա¬գոր¬ծութ¬յան բնույթն ու հասարակական վտանգա¬վորության աստիճանը (անձի առողջության դեմ ուղղված ծանր հանցա¬գոր¬ծութ¬յուն է), ինչպես նաև ՀՀ քրեա¬կան օրենսգրքի 64-րդ հոդ¬վածի տեսանկյու¬նով բա¬ցառիկ հան¬գա¬մանք¬ների բա¬ցա¬¬կայութ¬յունը` Դա¬տա¬րանը փաստում է, որ վեր¬ջինիս նկատ¬մամբ պատիժ պետք է նշանակվի բացառապես ազա¬տազրկման ձևով և տվյալ հոդվածի պատժամասի սահմաններում։
Ամբաստանյալ Արտակ Սահակյանի նկատմամբ ազատազրկման ձևով նշանակվող պատժի կրման նպատակահար¬մա¬րութ¬յան հարցը քննարկելիս Դատարանը հաշվի է առնում ՀՀ քրեական օրենսգրքի 112-րդ հոդվածի 1-ին մասի հատկանիշներով ավարտված քրեական գործերով ՀՀ քրեական օրենսգրքի 70-րդ հոդվածի կի¬րառ¬ման իրավաչափության վերաբերյալ Վճռաբեկ դատարանի արտա¬հայ¬տած իրավական դիրքորոշումը.
Այսպես, Վանյա Բեգյանի վերաբերյալ 2013թ. հոկտեմբերի 18-ի թիվ ՏԴ/0018/01/13, ինչ¬պես նաև Գարեգին Մուրադյանի վերաբերյալ 2013թ. նոյեմբերի 28-ի թիվ ՇԴ/0032/01/13 որոշում¬ներով ՀՀ վճռաբեկ Դատարանը այն իրավական դիրքորոշումն է արտահայտել, որ պա¬տիժը պայ¬մանականորեն չկիրառելու հարցի լուծման ժամանակ դատարանը, ի թիվս այլ հան¬գամանքների, պետք է հաշվի առնի կատարված արարքի հանրային վտանգավորության աստիճանը և բնույթը, հանցագործության կատար¬ման եղանակը (...)։
Տվյալ պարագայում ամբաստանյալ Ա.Սահակյանի անձը դրականորեն բնութագրող հատ¬կանիշ¬ները, պատաս¬խա¬նատվությունն ու պատիժը մեղմացնող հանգամանքների առկայությունը և պատաս¬խա¬նատ¬վությունն ու պատիժը ծանրացնող հանգամանք¬ների բացակայությունն ինքնին որոշակիորեն նվազեց¬նում են ամբաստանյալ Ա.Սահակյանի անձի և կատարածի հանրության համար վտանգա¬վորության աստիճանը, և Դա¬¬տարանը դրանք հաշվի է առնում նրա նկատ¬¬մամբ ազա¬տազրկման ձևով նշանակվող պատժի չափը որոշելիս։ Այնուամենայնիվ, կատարված արարքի հանրային վտանգավորության աստի¬ճանի և բնույթի, գործադրած գործիքի համադրութ¬յամբ Դա¬տա¬րանը նաև փաստում է, որ ամբաստանյալի նկատ¬մամբ նշանակված ազա¬տազրկման ձևով նշա¬նակվող պատիժը պայմանակա¬նորեն չկիրառելու հիմքերը բացակայում են։
Վերոնշյալ պատիժն ամբաստանյալ Ա.Սահակյանը պետք է կրի, այն արդարացի և անհրա¬¬ժեշտ է սոցիալական արդարությունը վերա¬կանգնելու, ամբաս¬տանյալ Ա.Սահակյանին ուղ¬ղելու, նրա կողմից նոր հան¬ցագոր¬ծությունների կատարումը կան¬խելու համար։
Անդրադառնալով Արտակ Սահակյանի նկատմամբ որպես կալանավորման այլընտրան¬քային տա¬րատեսակ ընտրված գրավի հարցին՝ Դատարանը փաստում է, որ այն անհրաժեշտ է թողնել ան¬փոփոխ՝ մինչև դատավճռի օրինական ուժի մեջ մտնելը, իսկ գրավի գումարը՝ 500.000 (հինգ հարյուր հազար) ՀՀ դրամը, որը 2017թ. դեռևս մայիսի 26-ի թիվ 153 անդոր¬րագրով մուտ¬քագրվել է ՀՀ վերաքննիչ քրեական դատարանի թիվ 900023292015 դեպոզի¬տային հաշվին, վերա¬դարձ¬նել վճարող Գոռ Գեղամի Ալիխանյանին` սույն դատավճիռն օրինա¬կան ուժի մեջ մտնե¬լուց հետո։
Հաշվի առնելով, որ սույն դատական ակտը կայացնելու պահին գործով ամբաստանյալ Արտակ Սահակյանը գտնվում է ազատության մեջ, Դատարանը նրան արգելանքի վերցնելը պայմանավորել է կայացրած դատական ակտն օրինական ուժի մեջ մտնելու փաստով, սակայն ամբաստանյալ Ա.Սահակյանը մինչ այդ տևական ժամանակահատվածում (2017թ. մայիսի 4-ից մինչև 2017թ. մայիսի 26-ը) գտնվել է արգելանքի տակ՝ Դատա¬րանը, ղեկավարվելով ՀՀ քրեա¬կան օրենսգրքի 69-րդ հոդվածի պա¬հանջով, նշանակվող պատժի ժամկետին հաշ¬վակցում է կա¬լանքի տակ նրա գտնվելու 22 օրը։
ՀՀ քրեական դատավարական օրենսգրքի 360-րդ հոդվածի 1-ին մասի համաձայն` դա¬տավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների« դա¬տական ծախ¬սե¬րի« գույքի նկատմամբ կիրառված (կիրառվելիք) արգելանքի« քաղա¬¬քա¬ցիական հայ¬ցի հարցերին։
Անդրադառնալով տուժող Սամսոն Օհանյանին հանցա¬գոր¬ծությամբ պատճառված վնասի (բուժման ծախսերի) փոխ¬հատուցման խնդրին՝ Դատարանն այդ հարցը համարում է լուծված` այն կամովին հատուցվելու և տուժողի կողմից ամբաստանյալ Արտակ Սահակյանի դեմ նյութա¬իրավական պահանջ ներկա¬յացնելուց հրա¬ժարվելու պատճառաբանությամբ։
Անդրադառնալով Դատարանում պահվող իրեղեն ապացույցի տնօրինման խնդրին` Դատարանը փաստում է, որ քննվող դեպքի պահին տուժող Սամսոն Օհանյանի կրած հա¬գուստ¬ներն անհրաժեշտ է վերադարձնել վերջինիս` սույն դա¬տավճիռն օրինական ուժի մեջ մտնե¬լուց հետո։
Անդրադառնալով դատական ծախսերի խնդրին` Դատարանը փաստում է, որ սույն գործի մինչ¬դատական վարույթի ընթաց¬քում ՀՀ պետական բյուջեի միջոցների հաշվին կատար¬ված դատաբժշկա¬կան փորձաքննության 8.000 ՀՀ դրամ գումարը, որպես դատական ծախս, անհրա¬ժեշտ է բռնագանձել գործով ամբաստանյալ Արտակ Սահակյանից հօգուտ ՀՀ ֆինանսների նախարարության / ՀՀ պե¬տա¬¬կան բյուջեի/։
Անդրադառնալով գործով ամբաստանյալ Արտակ Սահակյանի անվամբ սեփականության իրավունքով հաշվառված շարժական և ան¬շարժ գույ¬¬քերի վրա ՀՀ քննչական կոմիտեի Կենտրոն և Նորք-Մարաշ վարչական շրջանների քննչական բաժնի ավագ քննիչ Գ.Հայրապետյանի 2017թ. օգոստոսի 25-ի որոշումներով դրված հնարավոր արգելանքներին` Դատարանը փաստում է, որ դրանք անհրաժեշտ է պահպանել մինչև դատական ծախսի բռնագանձումը։
Գնահատելով մեղադրանքի հիմքում դրված ապացույց¬ները, ղեկավարվելով ՀՀ քրեական դատավա¬րա¬կան օրենսգրքի 119-րդ, 357-360-րդ, 364-365-րդ, 369-373-րդ հոդված¬ներով, Դատա¬րանը
Վ Ճ Ռ Ե Ց ՝

Արտակ Ռուբիկի Սահակյանին ճանաչել մեղավոր ՀՀ քրեական օրենսգրքի 112-րդ հոդ¬վածի 1-ին մասով նախատեսված հանցա¬գործության կատարման մեջ, նրա նկատմամբ նշա¬¬նակել պատիժ` ազատազրկում 3 (երեք) տարի ժամկետով։
Պատժի նշված ժամկետին հաշվակցելով նախաքննության ընթացքում` 2017թ. մայիսի 4-ից մինչև 2017թ. մայիսի 26-ն անազատության մեջ գտնվելու ժամանակահատվածը՝ Արտակ Սա¬հակ¬յա¬նին թողնել կրելու ազատազրկում 2 (երկու) տարի 11 (տասնմեկ) ամիս 8 (ութ) օր ժամ¬կետով։
Արտակ Սահակյանի պատժի կրման սկիզբը հաշվել նրան փաստացի արգելանքի վերց¬նելու պահից, նրա նկատմամբ որպես խա¬փան¬ման միջոց ընտրված գրավը վե¬րաց¬նել և գրա¬վի գումարը` 500.000 (հինգ հարյուր հազար) ՀՀ դրամը, որը 2017թ. մայիսի 26-ի թիվ 153 անդոր¬րագրով մուտ¬քագրվել է ՀՀ վերաքննիչ քրեական դատարանի թիվ 900023292015 դեպոզի¬տային հաշվին, վերադարձնել վճարող Գոռ Գեղամի Ալիխանյանին` սույն դատավճիռն օրինա¬կան ուժի մեջ մտնե¬լուց հետո։
Տուժող Սամսոն Օհանյանին հանցագործությամբ պատճառված վնասի հատուցման հարցը համարել լուծված։
Իրեղեն ապացույց ճանաչված և Դատարանում պահվող հագուստները վերադարձնել դրանց սեփականատիրոջը` տուժող Սամսոն Օհանյանին` սույն դա¬տավճիռն օրինական ուժի մեջ մտնե¬լուց հետո։
Որպես դատական ծախս` Արտակ Ռուբիկի Սահակյանից հօգուտ ՀՀ ֆինանսների նա¬խա¬¬րարության (ՀՀ պետական բյուջեի) բռնագանձել 8.000 (ութ հազար) ՀՀ դրամ գումար։
ՀՀ քննչական կոմիտեի Կենտրոն և Նորք-Մարաշ վարչական շրջանների քննչական բաժնի ավագ քննիչ Գ.Հայրապետյանի 2017թ. օգոստոսի 25-ի որոշումներով Արտակ Ռուբիկի Սահակյանի անվամբ հաշվառված շարժական և անշարժ գույքերի վրա դրված հնարավոր արգե¬լանք¬ները պահպանել մինչև դատական ծախսի բռնագանձումը։
Դատավճիռը ստացման օրվանից մե¬կամսյա ժամկետում բողո¬քարկվել ՀՀ վերաքննիչ քրեական դատարան։


ԴԱՏԱՎՈՐ՝ Ա.Ժ.ՎԱՐԴԱՆՅԱՆ