ԵԿԴ/0205/01/17
Ո Ր Ո Շ ՈՒ Մ
ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

04 ապրիլի 2018թ. Երևան

Երևան քաղաքի ընդհանուր իրավասության դատարանը` նախագահությամբ դատավոր Գ.Պողոսյանի, քարտուղարությամբ` Ն.Թումանյանի, մասնակցությամբ` մեղադրող Տ.Պողոս-յանի, տուժող Լ.Բարսեղյանի, ամբաստանյալ Մ.Միրզոյանի, պաշտպան Էդ.Աղաջանյանի, դա-տարանում` դռնբաց դատական նիստում, քննության առնելով Մարատ Մանուկի Միրզոյանի (ծնված 26.08.1981թ-ին ք.Երևանում, ազգությամբ հայ, ՀՀ քաղաքացի, իր հայտարարությամբ՝ փաստացի ամուսնացած և խնամքին երկու անձ, միջնակարգ կրթությամբ, չի աշխատում դատ-վածություն չունեցող, բնակվում է՝ Արմավիր մարզ, Ջանֆիդա գյուղ, 18-րդ փողոց, տուն հ. 8) վե-րաբերյալ ՀՀ քրեական օրենսգրքի 178-րդ հոդվածի 1-ին մասով թիվ ԵԿԴ/0205/01/17 քրեական գործի վարույթը կարճելու մասին տուժեղ Լ.Բարսեղյանի միջնորդությունը,

Պ Ա Ր Զ Ե Ց

Մարատ Մանուկի Միրզոյանին ՀՀ քրեական օրենսգրքի 178-րդ հոդվածի 1-ին մասով մե-ղադրանք է առաջադրվել այն բանի համար, որ նա. «Ուրիշի գույքի հափշտակություն կատա-րելու դիտավորությամբ 2017թ-ի փետրվարի կեսերին՝ քննությամբ չպարզված օրը« Լիանա Ալեք-սանդրի Բարսեղյանի վստահությունը չարաշահելու եղանակով՝ վերջինիս ամուսնուն՝ Կարեն Մնացականի Սարիբեկյանին գրավի դիմաց ազատ արձակելու պատրվակով Լ.Բարսեղյանից խաբեությամբ վերցրել է զգալի չափերի՝ 350.000 ՀՀ դրամ գումար« սակայն որևէ գործողություն չի կատարել՝ հափշտակելով նշված գումարը»։
Դատական քննության ընթացքում տուժող Լ.Բարսեղյանը, պատճառաբանելով, որ ամ-բաստանյալն ամբողջությամբ հատուցել է իրեն պատճառված վնասն ու հաշտվել է նրա հետ, խնդրեց կարճել ամբաստանյալի վերաբրեյալ քրեական գործի վարույթը։
Ամբաստանյալ Մ.Միրզոյանը միացավ տուժողի միջնորդությանը, իսկ պաշտպանն ու մե-ղադրողը չառարկեցին դրան։
Դատարանը, քննության առնելով տուժողի միջնորդությունն ու հաշվի առնելով կողմերի կարծիքները, գտնում է, որ միջնորդությունը պետք է բավարարվի` հետևյալ պատճառաբանութ-յուններով.
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համա-ձայն` քրեական գործ չի կարող հարուցվել և քրեական հետապնդում չի կարող իրականացվել« իսկ հարուցված քրեական գործի վարույթը ենթակա է կարճման« եթե նույն օրենսգրքով նախա-տեսված դեպքերում տուժողը հաշտվել է կասկածյալի կամ մեղադրյալի հետ« իսկ նույն օրենս-գրքի 183-րդ հոդվածի համաձայն` ՀՀ քրեական օրենսգրքի 178-րդ հոդվածի 1-ին մասով նա-խատեսված հանցագործության վերաբերյալ գործերը հարուցվում են ոչ այլ կերպ« քան տուժողի բողոքի հիման վրա« և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։
Դատարանը« քննության առնելով տուժող Լ.Բարսեղյանի միջնորդությունը, հաշվի առ-նելով կողմերի կարծիքներն ու նկատի ունենալով« որ տուժող Լ.Բարսեղյանը հաշտվել է ամբաս-տանյալի հետ, վերջինս հատուցել տուժողին պատճառած նյութական վնասը, գտնում է« որ ՀՀ քրեական դատավարության օրենսգրքի 35-րդ և 183-րդ հոդվածների համաձայն ամբաստանյալ Մ.Միրզոյանի նկատմամբ պետք է դադարեցվի ՀՀ քրեական օրենսգրքի 178-րդ հոդվածի 1-ին մասով քրեական հետապնդումը և կարճվի թիվ ԵԿԴ/0205/01/17 քրեական գործի վարույթը` տուժող Լ.Բարսեղյանի և նրա հաշտության հիմքով։
Դատարանը նման հետևության է հանգում հաշվի առնելով նաև թիվ ԵԱՔԴ/0157/01/10 գործով 20.04.2012թ-ին կայացված որոշմամբ Վճռաբեկ դատարանի արտահայտած իրավական դիրքորոշումը։
Դատարանը, նկատի ունենալով, որ թեև նախաքննության ընթացքում ամբաստան0յալի գույքի վրա կալանք դնելու մասին որոշում է կայացվել, սակայն փաստացի նման գույք չի հայտ-նաբերվել և կոնկրետ որևէ գույքի վրա կալանք չի դրվել, գտնում է, որ գույքի վրա դրված կա-լանքի վերացման հարց սույն որոշմամբ չի կարող քննարկվել։

Դատարանը, քննության առնելով խափանման միջոցի հարցը, գտնում է, որ սույն որո-շումն օրինական ուժի մեջ մտնելուց հետո ամբաստանյալ Մ.Միրզոյանի նկատմամբ կիրառված խափանման միջոցը՝ չհեռանալու մասին ստորագրությունը, պետք է վերացվի։
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 35-րդ« 183-րդ ու 313-րդ հոդվածներով` դատարանը

Ո Ր Ո Շ Ե Ց

Մարատ Մանուկի Միրզոյանի նկատմամբ դադարեցնել ՀՀ քրեական օրենսգրքի 178-րդ հոդվածի 1-ին մասով քրեական հետապնդումն ու կարճել նրա վերաբերյալ թիվ ԵԿԴ/0205/01/17 քրեական գործի վարույթը` նրա և տուժող Լիանա Բարսեղյանի հաշտության հիմքով։
Որոշումն օրինական ուժի մեջ մտնելուց հետո ամբաստանյալ Մ.Միրզոյանի նկատմամբ կիրառված խափանման միջոցը՝ չհեռանալու մասին ստորագրությունը, վերացնել։
Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ