ԵԿԴ/0203/01/18
Ո Ր Ո Շ ՈՒ Մ

ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

05 դեկտեմբերի 2018թ. ք.Երևան

Երևան քաղաքի առաջին ատյանի ընդհանուր իրավասության դատարանը` նախագա-հությամբ` դատավոր Գ.Պողոսյանի, քարտուղարությամբ` Ն.Թումանյանի, մասնակցությամբ` մեղադրող Ժ.Չիչոյանի (այսուհետ նաև՝ Մեղադրող), ամբաստանյալ Ս.Թովմասյանի (այսու-հետ նաև՝ Ամբաստանյալ), պաշտպան Ս.Հարությունյանի (այսուհետ նաև՝ Պաշտպան), տուժող Հ.Չանախչյանի, դատարանում` դռնբաց դատական նիստում, քննության առնելով «Էրեբունի-Երևանի հիմնադրման 2800-ամյակի և Հայաստանի առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մա-սինե 01.11.2018թ. ՀՀ օրենքի (այսուհետ նաև՝ Օրենք) կիրառմամբ Ս.Թովմասյանի նկատմամբ քրեական հետապնդումը դադարեցնելու և թիվ ԵԿԴ/0203/01/17 քրեական գործի վարույթը կար-ճելու մասին Պաշտպանի միջնորդությունը,

Պ Ա Ր Զ Ե Ց

Սոնա Թովմասյանին ՀՀ քրեական օրենսգրքի 137-րդ հոդվածի 1-ին մասով և 118-րդ հոդ-վածով մեղադրանք է առաջադրվել այն բանի համար, որ նա. «2017թ. ապրիլի 24-ին` ժամը 09։20-ի սահմաններում, Երևան քաղաքի Չկալովի փողոցի թիվ 31 տան բակում կենցաղային հարցերի շուրջ վիճաբանել է նույն հասցեում բնակվող հարևան Հասմիկ Գուրգենի Չանախչյա-նի հետ, որի ընթացքում իրականացնելու իրական վտանգով զուգորդված սպանության սպառ-նալիքներ է տվել վերջինիս հասցեին, ապա բռնի գործողություններ կատարելով` ջուր է լցրել Հ.Չանախչյանի դեմքին, որից հետո վերջինիս մազերից քաշելով, մի քանի անգամ պոլիէթիլե-նային շշով հարվածներ է հասցրել նրա գլխի շրջանին, ձեռքով սեխմել է նրա պարանոցի հատ-վածը և ձախ բազկի շրջանի ու ձախ բազկի վերին երրորդականի ներսային մակերեսի, ձախ ճակատային թմբկության շրջանի արյունազեղումների, պարանոցի ձախ կեսի միջին երրորդա-կանի կողմնային մակերեսի, քթի ծայրի ճանկռվածքների ձևերով պատճառել է առողջությանը թեթև վնասի հատկանիշներ չպարունակող մարմնական վնասվածքներ և ֆիզիկական ցավե։
Պաշտպանը միջնորդեց Ամբաստանյալի նկատմամբ կիրառել «Էրեբունի-Երևանի հիմ-նադրման 2800-ամյակի և Հայաստանի առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասինե 01.11.2018թ. ՀՀ օրենքը, նրա նկատմամբ դադարեցնել ՀՀ քրեա-կան օրենսգրքի 137-րդ հոդվա-ծի 1-ին մասով և 118-րդ հոդվածով քրեական հետապնդումը և կարճել թիվ ԵԿԴ/0203/01/17 քրեական գործի վարույթը։
Ամբաստանյալը միացավ Պաշտպանի միջնորդությանը։
Մեղադրողը և տուժողը չառարկեցին Պաշտպանի միջնորդությանը։
Դատարանը, քննության առնելով Պաշտպանի միջնորդությունը, հաշվի առնելով կողմերի կարծիքներն ու ուսումնասիրելով քրեական գործի նյութերը, գտնում է, որ միջնորդությունը պետք է բավարարվի` հետևյալ հիմնավորումներով և պատճառաբանություններով.
ՀՀ քրեական օրենսգրքի 82-րդ հոդվածի համաձայն` հանցանք կատարած անձն oրենս-դիր մարմնի կողմից ընդունվող համաներման ակտով կարող է ազատվել քրեական պատասխա-նատվությունից, ...։
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համա-ձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման մասին օրենք։
Նույն հոդվածի 5-րդ մասի համաձայն` դատարանը, հայտնաբերելով քրեական հետա-պընդումը բացառող հանգամանքներ, լուծում է ամբաստանյալի նկատմամբ քրեական հետա-պընդումը դադարեցնելու հարցը, իսկ 6-րդ մասի համաձայն` սույն հոդվածի առաջին մասի 6-րդ և 13-րդ կետերում նշված հիմքերով գործի վարույթի կարճում և քրեական հետապնդման դադա-րեցում չի թույլատրվում, եթե դրա դեմ առարկում է մեղադրյալը։ Այս դեպքում գործի վարույթը շարունակվում է սովորական կարգով։
Սույն հոդվածի առաջին մասի 13-րդ կետում նշված հիմքով գործի հարուցման մերժում, վարույթի կարճում և քրեական հետապնդման դադարեցում չի թույլատրվում, եթե չի հատուցվել կամ այլ կերպ չի հարթվել պատճառված վնասը, կամ առկա է վեճ հատուցման ենթակա վնասի կապակցությամբ։ Այս դեպքում ևս գործի վարույթը շարունակվում է սովորական կարգով։ Սույն պարբերությամբ նախատեսված կարգավորումը գործում է, եթե համաներման մասին օրենքով այլ բան նախատեսված չէ։
Օրենքի 2-րդ հոդվածի 5-րդ մասի 1-ին կետով սահմանված է` քրեական գործի հարու-ցումը մերժել« հարուցված քրեական գործը կարճել« ինչպես նաև դադարեցնել քրեական հետա-պնդումը կամ չիրականացնել քրեական հետապնդում 2018թ. հոկտեմբերի 21-ը ներառյալ կա-տարած հանցագործությունների դեպքերով (բացառությամբ անմիջականորեն մարդու մահվան հանգեցրած դեպքերի« որոնցով առկա է տուժողի իրավահաջորդի առարկությունը)« որոնցով անձինք կարող են մեղադրվել կամ մեղադրվում են այնպիսի հանցագործութ-յուններ կատարելու մեջ« որոնց համար նախատեսված է պատիժ` ոչ ավելի« քան չորս տարի ժամկետով ազատա-զրկում։
Նույն հոդվածի 6-րդ մասի համաձայն՝ սույն հոդվածի 5-րդ մասը կիրառվում է Հայաս-տանի Հանրապետության քրեական դատավարության օրենսգրքի 35-րդ հոդվածի 6-րդ մասի դրույթների պահպանմամբ։
Օրենքի 4-րդ հոդվածի 5-րդ մասի համաձայն` հանցագործությունների և դատավճիռների համակցության դեպքերում համաներումը կիրառվում է վերջնական պատժի նկատմամբ՝ հան-ցագործությունների կամ դատավճիռների համակցության կանոններով այն սահմանելուց հետո։ Սույն օրենքի 2-րդ հոդվածի 5-րդ մասով նախատեսված կանոնները հանցագործությունների համակցության նկատմամբ կիրառվում են« եթե սույն օրենքի 2-րդ հոդվածի 5-րդ մասի 1-ին կե-տով նախատեսված դեպքերում մեղսագրվող արարքների համար նախատեսված առավելագույն պատիժների հանրագումարը չի գերազանցում չորս տարի ժամկետով ազատազրկումը« սույն օրենքի 2-րդ հոդվածի 5-րդ մասի 2-րդ կետով նախատեսված դեպքերում՝ վեց տարի ժամկետով ազատազրկումը« իսկ սույն օրենքի 2-րդ հոդվածի 5-րդ մասի 3-րդ կետով նախատեսված դեպքե-րում՝ վեց տարի ժամկետով ազատազրկումը։
Ամբաստանյալ Ս.Թովմասյանի կատարած հանցանքների համար պատասխանատվութ-յուն սահմանող ՀՀ քրեական օրենսգրքի 118-րդ հոդվածի սանկցիան նախատեսում է տուգանք նվազագույն աշխատավարձի երեքհարյուրապատիկից հինգհարյուրապատիկի չափով կամ ազատազրկում վեց ամսից մեկ տարի ժամկետով, իսկ 137-րդ հոդվածի առաջին մասի սանկ-ցիան` տուգանք նվազագույն աշխատավարձի հիսնապատիկից հարյուրհիսնաապատիկի չա-փով, կամ կալանք` առավելագույնը երկու ամիս ժամկետով, կամ ազատազրկում` առավելա-գույնը երկու տարի ժամկետով։
ՀՀ ոստիկանության ինֆորմացիոն կենտրոնի 04.12.2018թ-ի տեղեկանքի համաձայն` Ամ-բաստանյալը որևէ այլ հանցագործություն չի կատարել և չի դատապարտվել։
Քրեական գործով պատճառված, սակայն չհատուցված կամ այլ կերպ չհարթված վնաս կամ հատուցման ենթակա վնասի կապակցությամբ վեճ առկա չէ։
Այսպիսով, հաշվի առնելով վերոգրյալներն ու նկատի ունենալով, որ Դատարանը գտնում է, որ սույն գործով առկա չեն Օրենքի կիրառման վերաբերյալ նույն օրենքով սահմանված սահ-մանափակումները, դատարանը հանգում է, եզրակացության, որ առկա է Ամբաստանյալի քրեա-կան հետապնդումը բացառող հանգամանք, վերջինիս Պաշտպանի միջնորդությունը բխում է Օրենքի 2-րդ հոդվածի 5-րդ մասի 1-ին կետի պահանջներից, հետևաբար՝ Ամբաստանյալի նկատմամբ ՀՀ քրեական օրենսգրքի 137-րդ հոդվածի 1-ին մասով և 118-րդ հոդվածով պետք է դադարեցվի քրեական հետապնդումն ու կարճվի նրա վերաբերյալ քրեական գործի վարույթը, իսկ կիրառված խափանման միջոցը` չհեռանալու մասին ստորագրությունը, վերացվի։
Վերոգրյալների հիման վրա ու ղեկավարվելով ՀՀ քրեական դատավարության օրենսգրքի 312-րդ և 313-րդ հոդվածներով, դատարանը

Ո Ր Ո Շ Ե Ց

«Էրեբունի-Երևանի հիմնադրման 2800-ամյակի և Հայաստանի առաջին Հանրապետու-թյան անկախության հռչակման 100-ամյակի կապակցությամբ քրեական գործերով համաներում հայտարարելու մասինե 01.11.2018թ. ՀՀ օրենքի 2-րդ հոդվածի 5-րդ մասի 1-ին կետի կիրառ-մամբ Սոնա Գառնիկի Թովմասյանի նկատմամբ դադարեցնել ՀՀ քրեական օրենսգրքի 118-րդ հոդվածով և 137-րդ հոդվածի 1-ին մասով քրեական հետապնդումն ու կարճել թիվ ԵԿԴ/0203 /01/17 քրեական գործի վարույթը։
Ս.Թովմասյանի նկատմամբ կիրառված խափանման միջոցը` չհեռանալու մասին ստորագրությունը, վերացնել։
Որոշումը կարող է բողոքարկվել ՀՀ քրեական վերաքննիչ դատարան` հրապարակվելու օրվանից հետո մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ