ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆ
ԵԿԴ/0189/01/17
Երևանի Կենտրոն և Նորք-Մարաշ վարչական
շրջանների ընդհանուր իրավասության դատարանի
դատավճիռը կայացրած դատարանի կազմը
նախագահող դատավոր` Ա.Վարդանյան

ՈՐՈՇՈՒՄ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

27 փետրվարի 2018թ. ք.Երևան

ՀՀ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ /այսուհետ`
Վերաքննիչ դատարան/ հետևյալ կազմով`

ՆԱԽԱԳԱՀՈՂ ԴԱՏԱՎՈՐ` Ս.ՀԱՄԲԱՐՁՈՒՄՅԱՆ ԴԱՏԱՎՈՐՆԵՐ` Մ.ՊԱՊՈՅԱՆ
Մ.ՊԵՏՐՈՍՅԱՆ
Մ.Մելքոնյանի

մասնակցությամբ`
մեղադրող` Ա.Արամյանի
պաշտպաններ` Ա.Քալաշյանի
Վ.Կիրակոսյանի
ամբաստանյալներ` Ս.Բաբայանի
Ս.Գաբրիելյանի
Ա.Պողոսյանի

դռնբաց դատական նիստում ամբաստանյալ Ա.Պողոսյանի պաշտպան Վ.Կիրակոսյանի, ամբաստանյալ Ս.Բաբայանի պաշտպան Ա.Քալաշյանի և ամբաստանյալ Ս.Գաբրիելյանի վերաքննիչ բողոքների հիման վրա վերանայելով Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2017թ. նոյեմբերի 28-ի դատավճիռը քրեական գործով ըստ մեղադրանքի Սամվել Անդրանիկի Բաբայանի` ՀՀ քրեական օրենսգրքի 38-235-րդ հոդվածի 2-րդ մասով, 190-րդ հոդվածի 1-ին մասով, Սանասար Անդրանիկի Գաբրիելյանի` ՀՀ քրեական օրենսգրքի 235-րդ հոդվածի 2-րդ մասով, Արմեն Նշանի Պողոսյանի` ՀՀ քրեական օրենսգրքի 235-րդ հոդվածի 2-րդ մասով և մյուսների


Պ Ա Ր Զ Ե Ց

1. Գործի դատավարական նախապատմությունը.
1. 2014թ. հունիսի 9-ին ՀՀ ազգային անվտանգության ծառայության քննչական վարչությունում Հրաչյա Մայիլյանի նկատմամբ ՀՀ քրեական օրենսգրքի 215-րդ հոդվածի 1-ին մասի հատկանիշներով հարուցվել է թիվ 58207414 քրեական գործը, որի վարույթը 2015թ. սեպտեմբերի 19-ին կասեցվել է` որպես մեղադրյալ ներգրավման ենթակա անձի ինքնությունը պարզված չլինելու հիմքով։
2. 2016թ. սեպտեմբերի 20-ին ՀՀ ազգային անվտանգության ծառայության քննչական վարչությունում ՀՀ քրեական օրենսգրքի 202-րդ հոդվածի 2-րդ մասի 1-ին և 2-րդ կետերի հատկանիշներով հարուցվել է մեկ այլ, թիվ 58213816 քրեական գործը։
3. Նախաքննության մարմնի կողմից 2017թ. մարտի 20-ին որոշում է կայացվել թիվ 58207414 քրեական գործի վարույթը վերսկսելու մասին:
4. Թիվ 58207414 քրեական գործի նյութերով 2017թ. մարտի 22-ին ՀՀ կառավարությանն առընթեր ազգային անվտանգության ծառայության /այսուհետ՝ նաև ԱԱԾ/ քննչական վարչության ավագ քննիչ Դ.Թորոսյանի որոշմամբ հարուցվել է թիվ 58204317 քրեական գործը՝ ՀՀ քրեական օրենսգրքի 235-րդ հոդված 2-րդ մասի և 235.1-րդ հոդվածի 2-րդ մասի 1-ին կետի հատկանիշներով և նույն օրվա մեկ այլ որոշմամբ թիվ 58204317 քրեական գործն ընդունվել է վարույթ:
5. 22.03.2017թ. Ս.Գաբրիելյանը ձերբակալվել է:
6. 22.03.2017թ. Ա.Պողոսյանը ձերբակալվել է:
7. 22.03.2017թ. Ս.Բաբայանը ձերբակալվել է:
8. Նախաքննության մարմնի 2017թ. մարտի 24-ի որոշմամբ Ա.Պողոսյանը որպես մեղադրյալ է ներգրավվել ՀՀ քրեական օրենսգրքի 235-րդ հոդված 2-րդ մասով և 235.1-րդ հոդվածի 2-րդ մասի 1-ին կետով։
9. Նույն մարմնի 2017թ. մարտի 24-ի որոշմամբ միջնորդություն է հարուցվել Երևանի Կենտրոն և Նորք-Մարաշ վարչական շրջանների ընդհանուր իրավասության դատարան` մեղադրյալ Ա.Պողոսյանի նկատմամբ կալանավորումը որպես խափանման միջոց ընտրելու վերաբերյալ:
10. Նախաքննության մարմնի 2017թ. մարտի 24-ի որոշմամբ Ս.Գաբրիելյանը որպես մեղադրյալ է ներգրավվել ՀՀ քրեական օրենսգրքի 235-րդ հոդված 2-րդ մասով և 235.1-րդ հոդվածի 2-րդ մասի 1-ին կետով։
11. Նույն մարմնի 2017թ. մարտի 24-ի որոշմամբ միջնորդություն է հարուցվել Երևանի Կենտրոն և Նորք-Մարաշ վարչական շրջանների ընդհանուր իրավասության դատարան` մեղադրյալ Ս.Գաբրիելյանի նկատմամբ կալանավորումը որպես խափանման միջոց ընտրելու վերաբերյալ:
12. Նախաքննության մարմնի 2017թ. մարտի 24-ի որոշմամբ Ս.Բաբայանը որպես մեղադրյալ է ներգրավվել ՀՀ քրեական օրենսգրքի 235-րդ հոդված 2-րդ մասով և 235.1-րդ հոդվածի 2-րդ մասի 1-ին կետով։
13. Նույն մարմնի 2017թ. մարտի 24-ի որոշմամբ Ռոբերտ Աղվանյանը որպես մեղադրյալ է ներգրավվել ՀՀ քրեական օրենսգրքի 235-րդ հոդվածի 2-րդ մասով և 235.1-րդ հոդվածի 2-րդ մասի 1-ին կետով, նույն օրվա մեկ այլ որոշմամբ վերջինիս նկատմամբ հայտարարվել է հետախուզում։
14. Նույն մարմնի 2017թ. մարտի 24-ի որոշմամբ միջնորդություն է հարուցվել Երևանի Կենտրոն և Նորք-Մարաշ վարչական շրջանների ընդհանուր իրավասության դատարան` մեղադրյալ Ս.Բաբայանի նկատմամբ կալանավորումը որպես խափանման միջոց ընտրելու վերաբերյալ:
15. Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2017թ. մարտի 24-ի որոշմամբ մեղադրյալ Ս.Բաբայանի նկատմամբ որպես խափանման միջոց է ընտրվել կալանավորումը: Կալանքի սկիզբը հաշվվել է 2017թ. մարտի 22-ից, որը հետագայում երկարացվել է:
16. Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2017թ. մարտի 24-ի որոշմամբ մեղադրյալ Ս.Գաբրիելյանի նկատմամբ որպես խափանման միջոց է ընտրվել կալանավորումը: Կալանքի սկիզբը հաշվվել է 2017թ. մարտի 22-ից, որը հետագայում երկարացվել է:
17. Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2017թ. մարտի 24-ի որոշմամբ մեղադրյալ Ա.Պողոսյանի նկատմամբ որպես խափանման միջոց է ընտրվել կալանավորումը: Կալանքի սկիզբը հաշվվել է 2017թ. մարտի 22-ից, որը հետագայում երկարացվել է:
18. ՀՀ ԱԱԾ քննչական վարչության պետի տեղակալ Ա.Գրիգորյանի 25.03.2017թ. որոշմամբ թիվ 58204317 քրեական գործն ընդունվել է վարույթ:
19. 2017թ. մարտի 30-ին ՀՀ ԱԱԾ քննչական վարչությունում որոշում է կայացվել թիվ 58204317 և 58207414 քրեական գործերը մեկ վարույթում միացնելու և նախաքննությունը 58204317 համարով շարունակելու մասին։
20. Նախաքննության մարմնի 18.04.2017թ. որոշմամբ ՀՀ ԱԱԾ քննչական վարչությունում 20.09.2016թ. ՀՀ քրեական օրենսգրքի 202-րդ հոդվածի 1-ին մասի 1-ին և 2-րդ կետերով հարուցված թիվ 58213816 քրեական գործն ընդունվել է վարույթ, իսկ նույն օրվա մեկ այլ որոշմամբ թիվ 58213816 քրեական գործը միացվել է թիվ 58204317 քրեական գործին և նախաքննությունը շարունակվել է թիվ 58204317 քրեական գործի համարով:
21. Նախաքննության մարմնի 07.06.2017թ. որոշմամբ Ս.Բաբայանին ՀՀ քրեական 235.1-րդ հոդվածի 2-րդ մասի 1-ին կետով առաջադրված մեղադրանքը վերացվել է, այդ մասով քրեական հետապնդումը դադարեցվել է ՀՀ քրեական դատավարության օրենսգրքի 35-րդ հոդվածի 1-ին մասի 2-րդ կետով նախատեսված հիմքով և վերջինիս մեղադրանք է առաջադրվել ՀՀ քրեական օրենսգրքի 38-235-րդ հոդված 2-րդ մասով և 190-րդ հոդվածի 1-ին մասով։
22. Նախաքննության մարմնի 09.06.2017թ. որոշմամբ Ա.Պողոսյանին ՀՀ քրեական 235.1-րդ հոդվածի 2-րդ մասի 1-ին կետով առաջադրված մեղադրանքը վերացվել է, այդ մասով քրեական հետապնդումը դադարեցվել է ՀՀ քրեական դատավարության օրենսգրքի 35-րդ հոդվածի 1-ին մասի 2-րդ կետով նախատեսված հիմքով և վերջինիս մեղադրանք է առաջադրվել ՀՀ քրեական օրենսգրքի 235-րդ հոդված 2-րդ մասով։
23. Նախաքննության մարմնի 13.06.2017թ. որոշմամբ Ս.Գաբրիելյանին ՀՀ քրեական 235.1-րդ հոդվածի 2-րդ մասի 1-ին կետով առաջադրված մեղադրանքը վերացվել է, այդ մասով քրեական հետապնդումը դադարեցվել է ՀՀ քրեական դատավարության օրենսգրքի 35-րդ հոդվածի 1-ին մասի 2-րդ կետով նախատեսված հիմքով և վերջինիս մեղադրանք է առաջադրվել ՀՀ քրեական օրենսգրքի 235-րդ հոդված 2-րդ մասով։
24. 14.07.2017թ. Ս.Բաբայանի, Ս.Գաբրիելյանի, Ա.Պողոսյանի և մյուսների վերաբերյալ քրեական գործը մեղադրական եզրակացությամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավասության դատարան:
25. Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Ա.Վարդանյանի 2017թ. հուլիսի 17-ի որոշմամբ քրեական գործն ըստ մեղադրանքի Սամվել Անդրանիկի Բաբայանի` ՀՀ քրեական օրենսգրքի 38-235-րդ հոդվածի 2-րդ մասով, 190-րդ հոդվածի 1-ին մասով, Սանասար Անդրանիկի Գաբրիելյանի` ՀՀ քրեական օրենսգրքի 235-րդ հոդվածի 2-րդ մասով, Արմեն Նշանի Պողոսյանի` ՀՀ քրեական օրենսգրքի 235-րդ հոդվածի 2-րդ մասով և մյուսների ընդունվել է վարույթ, իսկ 21.07.2017թ. որոշմամբ քրեական գործը նշանակվել է դատական քննության:
26. Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2017թ. նոյեմբերի 28-ի դատավճռով Ա.Պողոսյանը մեղավոր է ճանաչվել ՀՀ քրեական օրենսգրքի 235-րդ հոդվածի 2-րդ մասով նախատեսված հանցագործության կատարման մեջ և նրա նկատմամբ նշանակվել է պատիժ` ազատազրկում` 2/երկու/ տարի ժամկետով։
Ա.Պողոսյանի նկատմամբ ընտրված խափանման միջոցը` կալանավորումը, թողնվել է անփոփոխ, պատժի կրման սկիզբը հաշվվել է նրան փաստացի արգելանքի վերցնելու օրվանից` 2017թ. մարտի 22-ից։
Ս.Գաբրիելյանը մեղավոր է ճանաչվել ՀՀ քրեական օրենսգրքի 235-րդ հոդվածի 2-րդ մասով նախատեսված հանցագործության կատարման մեջ և նրա նկատմամբ նշանակվել է պատիժ` ազատազրկում` 3/երեք/ տարի ժամկետով։
Ս.Գաբրիելյանի նկատմամբ ընտրված խափանման միջոցը` կալանավորումը, թողնվել է անփոփոխ, պատժի կրման սկիզբը հաշվվել է նրան փաստացի արգելանքի վերցնելու օրվանից` 2017թ. մարտի 22-ից։
Ս.Բաբայանը մեղավոր է ճանաչվել ՀՀ քրեական 38-235-րդ հոդվածի 2-րդ մասով և ՀՀ քրեական օրենսգրքի 190-րդ հոդվածի 1-ին մասով նախատեսված հանցագործությունների կատարման մեջ:
ՀՀ քրեական 38-235-րդ հոդվածի 2-րդ մասով դատապարտվել է ազատազրկման 3/երեք/ տարի ժամկետով, ՀՀ քրեական օրենսգրքի 190-րդ հոդվածի 1-ին մասով` ազատազրկման 3/երեք/ տարի 6/վեց/ ամիս ժամկետով։
ՀՀ քրեական օրենսգրքի 66-րդ հոդվածի կարգով, նշանակված պատիժները մասնակիորեն գումարելով, Ս.Բաբայանի նկատմամբ որպես վերջնական պատիժ է նշանակվել ազատազրկում` 6/վեց/ տարի ժամկետով։
Ս.Բաբայանի նկատմամբ ընտրված խափանման միջոցը` կալանավորումը, թողնվել է անփոփոխ, պատժի կրման սկիզբը հաշվվել է նրան փաստացի արգելանքի վերցնելու օրվանից` 2017թ. մարտի 22-ից։
Որպես դատական ծախս` Ս.Բաբայանից, Ս.Գաբրիելյանից և Ա.Պողոսյանից` հօգուտ ՀՀ ֆինանսների նախարարության /ՀՀ պետական բյուջեի/ որոշվել է համապարտությամբ բռնագանձել 339.000 /երեք հարյուր երեսունինը հազար/ ՀՀ դրամ գումար։
27. Ընդհանուր իրավասության դատարանի վերոնշյալ դատավճռի դեմ ՀՀ ԱՆ <<Երևան-Կենտրոն>> ՔԿՀ-ի վարչակազմին հանձնելու միջոցով 06.12.2017թ. վերաքննիչ բողոք է բերել ամբաստանյալ Ս.Գաբրիելյանը:
28. Նույն դատարանի վերոնշյալ դատավճռի դեմ 25.12.2017թ. վերաքննիչ բողոք է բերել նաև ամբաստանյալ Ս.Բաբայանի պաշտպան Ա.Քալաշյանը:
29. Նույն դատարանի վերոնշյալ դատավճռի դեմ 26.12.2017թ. վերաքննիչ բողոք է բերել նաև ամբաստանյալ Ա.Պողոսյանի պաշտպան Վ.Կիրակոսյանը:
30. ՀՀ Վերաքննիչ քրեական դատարանի 12.01.2018թ. որոշմամբ ամբաստանյալ Ա.Պողոսյանի պաշտպան Վ.Կիրակոսյանի, ամբաստանյալ Ս.Բաբայանի պաշտպան Ա.Քալաշյանի և ամբաստանյալ Ս.Գաբրիելյանի վերաքննիչ բողոքներն ընդունվել են Վերաքննիչ դատարանի վարույթ և քրեական գործն ըստ մեղադրանքի Սամվել Անդրանիկի Բաբայանի` ՀՀ քրեական օրենսգրքի 38-235-րդ հոդվածի 2-րդ մասով, 190-րդ հոդվածի 1-ին մասով, Սանասար Անդրանիկի Գաբրիելյանի` ՀՀ քրեական օրենսգրքի 235-րդ հոդվածի 2-րդ մասով, Արմեն Նշանի Պողոսյանի` ՀՀ քրեական օրենսգրքի 235-րդ հոդվածի 2-րդ մասով և մյուսների` Վերաքննիչ դատարանի դռնբաց դատական նիստում քննության է նշանակվել 2018թ. հունվարի 22-ին:
31. Առաջին ատյանի դատարանի դատավճռով դատապարտվել են նաև Կ.Քոչարյանը, Ա.Քոչարյանը, Ժ.Զաքարյանը և Դ.Հարությունյանը, որոնց մասով դատավճիռը չի բողոքարկվել:

2. Գործի փաստական հանգամանքները.
32. Ս.Բաբայանը մեղավոր է ճանաչվել և դատապարտվել է այն բանի համար, որ նա դրդել է մի խումբ անձանց՝ նախնական համաձայնությամբ ապօրինի կերպով ռազմամթերք հանդիսացող <<Իգլա>> տեսակի դյուրակիր զենիթահրթիռային համալիր ձեռք բերելուն, փոխադրելուն և պահելուն, ինչպես նաև փոխարկման արդյունքում ձեռք է բերել հանցավոր ճանապարհով ստացված գույք, որպիսի գործողությունները դրսևորվել են հետևյալում.
Սամվել Բաբայանը նյութապես շահագրգռելու եղանակով 2016թ. ամռանն իր վաղեմի ծանոթ՝ Վաղարշապատ քաղաքի բնակիչ Սանասար Անդրանիկի Գաբրիելյանին դրդել է համապատասխան կապեր ունեցող անձանց ներգրավելու միջոցով ապօրինի կերպով ձեռք բերել <<Իգլա>> տեսակի դյուրակիր զենիթահրթիռային համալիր՝ խոստանալով դրա դիմաց վճարել 50.000 ԱՄՆ դոլար։ Սանասար Գաբրիելյանը, տալով համաձայնությունը, հանցավոր մտադրությունն իրականացնելու համար դիմել է Վաղարշապատ քաղաքի բնակիչներ Արմեն Նշանի Պողոսյանին և Վրաստանում գործնական կապեր ունեցող Հրաչյա Սարգսի Մայիլյանին՝ խոստանալով տրամադրել նախապես պայմանավորված գումարը։ Ըստ ձեռք բերված նախնական համաձայնության, հանցավոր մտադրությունն իրագործելու համար Սանասար Գաբրիելյանը, Արմեն Պողոսյանը և Հրաչյա Մայիլյանը 2016թ. սեպտեմբերի 1-ին մեկնել են Վրաստան, որտեղ, օգտագործելով Մայիլյանի ծանոթությունները և կապերը, փորձել են գտնել իրենց հետաքրքրող ռազմամթերքը, այնուհետև ինչպես միասին, այնպես էլ իրարից առանձին, նույն նպատակով պարբերաբար՝ մի քանի անգամ մեկնել են Թբիլիսի, ինչպես նաև Ուկրաինայի Գոռլովկա քաղաք։
Վրաստան հերթական այցելության ժամանակ Արմեն Պողոսյանը և Հրաչյա Մայիլյանը 2017թ. փետրվարի 22-ին հանցավոր համաձայնության են եկել ՀՀ քաղաքացի, Վաղարշապատ քաղաքի բնակիչ, վերջին մի քանի տարիներին Վրաստանում բնակվող Ռոբերտ Երվանդի Աղվանյանի հետ, ով պատրաստակամություն է հայտնել 38.000 ԱՄՆ դոլարի դիմաց տրամադրել պահանջվող դյուրակիր զենիթահրթիռային համալիրը և 2017թ. մարտի 15-ին, Հայաստանի Հանրապետության տարածքում՝ ՀՀ Արմավիրի մարզի Հայթաղ գյուղում, Հրաչյա Մայիլյանին հնարավորություն է ընձեռել պլանշետային համակարգչով նկարահանել համալիրը՝ պատվիրատուին ցույց տալու համար, իսկ 2017թ. մարտի 17-ին 4.000 ԱՄՆ դոլար կանխավճարի դիմաց նույն գյուղում <<Իգլա>> տեսակի դյուրակիր զենիթահրթիռային համալիրի ռազմամթերք հանդիսացող արձակման խողովակը և <<9Մ39>> տեսակի, 03277 համարի հրթիռը փոխանցել է Մայիլյանին։ Իր հերթին, Հրաչյա Մայիլյանը նույն օրը ռազմամթերքը տեղափոխել և պահել ՀՀ Արմավիրի մարզի Վաղարշապատ քաղաքի Թամանյան փողոցի 24 հասցեով ավտոտնակում, որտեղ Սանասար Գաբրիելյանի ցուցումով՝ Արմեն Պողոսյանի հետ այն ևս մեկ անգամ լուսանկարել է՝ պատվիրատու Սամվել Բաբայանին ցույց տալու նպատակով։ Հաջորդ օրը՝ 2017թ. մարտի 18-ին, Սանասար Գաբրիելյանը Արմեն Պողոսյանից վերցրած պլանշետային համակարգչում առկա լուսանկարը ներկայացրել է Սամվել Բաբայանին, վերջինս հանձնարարել է չվնասվելու և նպատակային նշանակությամբ օգտագործելու պիտանելիությունը պահպանելու նպատակով ռազմամթերքը տեղավորել արկղի մեջ, տեղափոխել իր մատնանշած վայր՝ ԼՂՀ Մարտակերտի շրջանի Նարիշտար գյուղ, պահել հողի մեջ և լուսանկարել այդ վայրը։ Միաժամանակ, Սանասար Գաբրիելյանի խնդրանքին ի պատասխան` Սամվել Բաբայանը պարտավորվել է մի քանի օրվա ընթացքում հանձնել խոստացված գումարը՝ հանցակիցներին փոխանցելու համար։ Նույն խոստումը Սամվել Բաբայանը պնդել է Սանասար Գաբրիելյանին նաև հաջորդ օրը՝ 2017թ. փետրվարի 19-ին կայացած հանդիպման ժամանակ, սակայն Հրաչյա Մայիլյանը 2017թ. մարտի 22-ին <<Իգլա>> տեսակի դյուրակիր զենիթահրթիռային համալիրի արձակման խողովակը և <<9Մ39>> տեսակի, 03277 համարի հրթիռը հանձնել է ՀՀ ԱԱԾ աշխատակիցներին։ Տեղեկանալով Սանասար Գաբրիելյանի ձերբակալման մասին՝ Սամվել Բաբայանը միջոցներ է ձեռնարկել վերջինիս հանցակիցներին գտնելու՝ իրեղեն ապացույց հանդիսացող ռազմամթերքը թաքցնելու և դրա լուսանկարները ջնջելու ուղղությամբ, սակայն ձերբակալվել է։
Բացի դրանից, Սամվել Անդրանիկի Բաբայանը, իմանալով, որ Ռուսաստանում բնակվող իր մտերիմ Տիգրան Հովհաննիսյանի՝ քննությամբ դեռևս չպարզված ծանոթները հնարավորություն ունեն տրամադրելու ակնհայտ հանցավոր ճանապարհով ստացված՝ հափշտակված, ինկասացիոն կամ բանկոմատային անվտանգության նպատակով օգտավործվող հատուկ նյութով ներկոտված եվրոյի թղթադրամների խմբաքանակ՝ վճարելով դրա անվանական արժեքի 52 տոկոսը, մտադրվել է ձեռք բերել նշված գույքը, քիմիական մաքրման և վերամշակման եղանակով խեղաթյուրելով դրա հանցավոր ծագումն ու իրական բնույթը, որից հետո որպես հնամաշ թղթադրամներ Հայաստանի Հանրապետության տարածքում դնել օրինական շրջանառության մեջ։ Այդ նպատակով Սամվել Բաբայանը վերոհիշյալ Տիգրան Հովհաննիսյանի ծանոթներից փորձնական ձեռք է բերել 3 հատ 20 եվրո և 1 հատ 50 եվրո անվանական արժեքներով ներկոտված թղթադրամներ, որից հետո ձեռնամուխ է եղել դրանք քիմիական մաքրման ենթարկելու համար մասնագետ գտնելուն, ինչը հանձնարարել է իր ծանոթ՝ Երևանի բնակիչ Կարեն Քոչարյանին, տրամադրելով նշված 20 եվրո արժեքով թղթադրամներից մեկը։ Համաձայնելով իր կապերի միջոցով օժանդակել Սամվել Բաբայանի կողմից ձեռք բերվող ներկոտված թղթադրամների խմբաքանակը Ռուսաստանի Դաշնությունից Հայաստան տեղափոխելու գործում և խոստանալով հանցավոր ճանապարհով ձեռք բերված գույքը պարտակելու նպատակով գտնել մասնագետ՝ թղթադրամները քիմիական մաքրման ենթարկելու համար, վերջինս 2016թ. օգոստոս ամսին եղբոր՝ Անդրանիկ Քոչարյանի միջոցով դիմել է Բուժական գյուղի բնակիչ, քիմիայի ոլորտում համապատասխան գիտելիքներ ունեցող ժորա Զաքարյանին, իսկ վերջինս տրամադրված 20 եվրո անվանական արժեքով ներկոտված թղթադրամը քիմիական լուծույթով մաքրել և նույն անձանց միջոցով վերադարձրել է Սամվել Բաբայանին։
Համոզվելով ցանկալի արդյունքում, վերջինս 2016թ. օգոստոսի 24-ին Երևանից զանգահարել է Մոսկվայում բնակվող ընկերոջը՝ Մարատ Նալբանդյանին ու հանձնարարել ՌԴ քաղաքացի Վասիլի Մնացականյանից վերցնել 10.000 ԱՄՆ դոլար, որից 2.900 ԱՄՆ դոլարը փոխանցել Տիգրան Հովհաննիսյանի ծանոթներին՝ ներկոտված 5.000 եվրո գումար ձեռք բերելու համար, իսկ մնացած 7.000 ԱՄՆ դոլարը՝ բանկային փոխանցմամբ ուղարկել Երևան։ Մարատ Նալբանդյանի միջոցով Տիգրան Հովհաննիսյանի ծանոթներին փոխանցելով 2.900 ԱՄՆ դոլար, Սամվել Բաբայանը կատարված փոխարկման արդյունքում ձեռք է բերել ակնհայտ հանցավոր ճանապարհով ստացված՝ հափշտակված, ինկասացիոն կամ բանկոմատային անվտանգության նպատակով օգտագործվող հատուկ նյութով ներկոտված 100 հատ 50 եվրո անվանական արժեքով ներկոտված թղթադրամներ՝ քիմիական մաքրման և վերամշակման եղանակով դրանց հանցավոր ծագումն ու իրական բնույթը խեղաթյուրելու և որպես հնամաշ թղթադրամներ Հայաստանի Հանրապետության տարածքում օրինական շրջանառության մեջ մտցնելու նպատակով։
Այդ ընթացքում Սամվել Բաբայանը վերոհիշյալ Տիգրան Հովհաննիսյանի ծանոթներից մինչ այդ փորձնական ձեռք բերված մնացած 3 թղթադրամները 2017թ. սեպտեմբերի սկզբներին կրկին հանձնել է Կարեն Քոչարյանին՝ մաքրման ենթարկելու և մասնագետի հմտությունները վերստին ստուգելու նպատակով, իսկ վերջինս դրանք եղբոր՝ Անդրանիկ Քոչարյանի միջոցով փոխանցել է Ժորա Զաքարյանին։
Այնուհետև, ձեռք բերված ներկոտած թղթադրամների խմբաքանակը Հայաստան տեղափոխելու գործընթացը կազմակերպելու համար կրկին դիմել է Կարեն Քոչարյանին, ով ընկերոջ՝ Դավիթ Հարությունյանի և վերջինիս մտերիմ, Ռուսաստանից-Հայաստան երկկողմ ուղղություններով բեռների և ուղևորների փոխադրմամբ զբաղվող Գոռ Շակոյանի միջոցով ապահովել է <<SETRA>> մակնիշի 94VQ444 համարանիշի երթուղային ավտոբուսի վարորդ Արմեն Հակոբյանի կողմից խոշոր չափերով՝ 2.648.150 ՀՀ դրամին համարժեք 5.000 եվրո գումարի ՀՀ տեղափոխումը։ 2016թ. սեպտեմբերի 20-ին Երևան առաքված 5.000 եվրո ներկոտված թղթադրամները վարորդ Արմեն Հակոբյանից վերցրել է Գոռ Շակոյանը՝ Դավիթ Հարությունյանին փոխանցելու նպատակով, սակայն Գոռ Շակոյանի կողմից թվով 100 հատ 50 եվրո անվանական արժեքով ներկոտված թղթադրամների խմբաքանակը Դավիթ Հարությունյանին փոխանցելուց հետո վերջիններս բերման են ենթարկվել ՀՀ ԱԱԾ աշխատակիցների կողմից։
33. Ս.Գաբրիելյան մեղավոր է ճանաչվել և դատապարտվել է այն բանի համար, որ նա մի խումբ անձանց հետ՝ նախնական համաձայնությամբ ապօրինի կերպով ձեռք է բերել, փոխադրել և պահել ռազմամթերք հանդիսացող <<Իգլա>> տեսակի դյուրակիր զենիթահրթիռային համալիր, որպիսի գործողությունները դրսևորվել են հետևյալում.
ՀՀ քաղաքացի Սամվել Բաբայանը նյութապես շահագրգռելու եղանակով 2016թ. ամռանն իր վաղեմի ծանոթ՝ Վաղարշապատ քաղաքի բնակիչ Սանասար Անդրանիկի Գաբրիելյանին դրդել է համապատասխան կապեր ունեցող անձանց ներգրավելու միջոցով ապօրինի կերպով ձեռք բերել <<Իգլա>> տեսակի դյուրակիր զենիթահրթիռային համալիր՝ խոստանալով դրա դիմաց վճարել 50.000 ԱՄՆ դոլար։ Սանասար Գաբրիելյանը, տալով համաձայնությունը, հանցավոր մտադրությունն իրականացնելու համար դիմել է ընկերոջը՝ Վաղարշապատ քաղաքի բնակիչ Արմեն Նշանի Պողոսյանին, խոստանալով տրամադրել նախապես պայմանավորված գումարը։ Վերջինս, համաձայնելով մասնակցել այդ գործին, հանցավոր մտահղացումն իրագործելու համար այդ առաջարկով դիմել է իր ընկերոջը՝ Վրաստանում գործնական կապեր ունեցող Վաղարշապատ քաղաքի բնակիչ Հրաչյա Սարգսի Մայիլյանին՝ խոստացած գումարից հասանելիք բաժինը կիսելու պայմանով։ Ըստ ձեռք բերված նախնական համաձայնության, հանցավոր մտադրությունն իրագործելու համար Սանասար Գաբրիելյանը, Արմեն Պողոսյանը և Հրաչյա Մայիլյանը 2016թ. սեպտեմբերի 1-ին մեկնել են Վրաստան, որտեղ, օգտագործելով Մայիլյանի ծանոթությունները և կապերը, փորձել են գտնել իրենց հետաքրքրող ռազմամթերքը, այնուհետև ինչպես միասին, այնպես էլ իրարից առանձին, նույն նպատակով պարբերաբար՝ մի քանի անգամ մեկնել են Թբիլիսի, որի համար գումարները տրամադրել է Սանասար Գաբրիելւանը։ Վերջինիս ֆինանսավորմամբ՝ Արմեն Պողոսյանը Հրաչյա Մայիլյանի հետ մեկնել են նաև Ուկրաինայի Դոնեցկի մարզի Գոռլովկա քաղաք, հույս ունենալով մարտական գործողությունների գոտում բնակվող ծանոթների միջոցով գտնել իրենց հետաքրքրող ռազմամթերքը, սակայն ապարդյուն։
Վրաստան հերթական այցելության ժամանակ Արմեն Պողոսյանը և Հրաչյա Մայիլյանը 2017թ. փետրվարի 22-ին հանցավոր համաձայնության են եկել ՀՀ քաղաքացի, Վաղարշապատ քաղաքի բնակիչ, վերջին մի քանի տարիներին Վրաստանում բնակվող Ռոբերտ Երվանդի Աղվանյանի հետ, ով պատրաստակամություն է հայտնել 38.000 ԱՄՆ դոլարի դիմաց տրամադրել պահանջվող դյուրակիր զենիթահրթիռային համալիրը և 2017թ. մարտի 15-ին, Հայաստանի Հանրապետության տարածքում՝ ՀՀ Արմավիրի մարզի Հայթաղ գյուղում, Հրաչյա Մայիլյանին հնարավորություն է ընձեռել պլանշետային համակարգչով նկարահանել համալիրը՝ պատվիրատուին ցույց տալու համար, իսկ 2017թ. մարտի 17-ին 4.000 ԱՄՆ դոլար կանխավճարի դիմաց նույն գյուղում <<Իգլա>> տեսակի դյուրակիր զենիթահրթիռային համալիրի ռազմամթերք հանդիսացող արձակման խողովակը և <<9Մ39>> տեսակի, 03277 համարի հրթիռը փոխանցել է Մայիլյանին։ Իր հերթին, Հրաչյա Մայիլյանը նույն օրը ռազմամթերքը տեղափոխել և պահել ՀՀ Արմավիրի մարզի Վաղարշապատ քաղաքի Թամանյան փողոցի 24 հասցեով ավտոտնակում, որտեղ Սանասար Գաբրիելյանի ցուցումով՝ Արմեն Պողոսյանի հետ այն ևս մեկ անգամ լուսանկարել է՝ պատվիրատու Սամվել Բաբայանին ցույց տալու նպատակով։ Հաջորդ օրը՝ 2017թ. մարտի 18-ին, Սանասար Գաբրիելյանը Արմեն Պողոսյանից վերցրած պլանշետային համակարգչում առկա լուսանկարը ներկայացրել է Սամվել Բաբայանին, վերջինս հանձնարարել է չվնասվելու և նպատակային նշանակությամբ օգտագործելու պիտանելիությունը պահպանելու նպատակով ռազմամթերքը տեղավորել արկղի մեջ, տեղափոխել իր մատնանշած վայր՝ ԼՂՀ Մարտակերտի շրջանի Նարիշտար գյուղ, պահել հողի մեջ և լուսանկարել այդ վայրը։ Սանասար Գաբրիելյանը խնդրել է տրամադրել խոստացած գումարը, որին ի պատասխան Սամվել Բաբայանը պարտավորվել է մի քանի օրվա ընթացքում հանձնել խոստացված գումարը՝ հանցակիցներին փոխանցելու համար։ Նույն խոստումը Սամվել Բաբայանը պնդել է Սանասար Գաբրիելյանին նաև հաջորդ օրը՝ 2017թ. փետրվարի 19-ին կայացած հանդիպման ժամանակ, սակայն Հրաչյա Մայիլյանը 2017թ. մարտի 22-ին <<Իգլա>> տեսակի դյուրակիր զենիթահրթիռային համալիրի արձակման խողովակը և <<9Մ39>> տեսակի, 03277 համարի հրթիռը հանձնել է ՀՀ ԱԱԾ աշխատակիցներին։ Տեղեկանալով Սանասար Գաբրիելյանի ձերբակալման մասին՝ Սամվել Բաբայանը միջոցներ է ձեռնարկել վերջինիս հանցակիցներին գտնելու՝ իրեղեն ապացույց հանդիսացող ռազմամթերքը թաքցնելու և դրա լուսանկարները ջնջելու ուղղությամբ, սակայն ձերբակալվել է։
34. Ա.Պողոսյանը մեղավոր է ճանաչվել և դատապարտվել է այն բանի համար, որ նա մի խումբ անձանց հետ՝ նախնական համաձայնությամբ ապօրինի կերպով ձեռք է բերել, փոխադրել և պահել ռազմամթերք հանդիսացող <<Իգլա>> տեսակի դյուրակիր զենիթահրթիռային համալիր, որպիսի գործողությունները դրսևորվել են հետևյալում.
ՀՀ քաղաքացի Սամվել Բաբայանը նյութապես շահագրգռելու եղանակով 2016թ. ամռանն իր վաղեմի ծանոթ՝ Վաղարշապատ քաղաքի բնակիչ Սանասար Անդրանիկի Գաբրիելյանին դրդել է համապատասխան կապեր ունեցող անձանց ներգրավելու միջոցով ապօրինի կերպով ձեռք բերել <<Իգլա>> տեսակի դյուրակիր զենիթահրթիռային համալիր՝ խոստանալով դրա դիմաց վճարել 50.000 ԱՄՆ դոլար։ Սանասար Գաբրիելյանը տալով համաձայնությունը, հանցավոր մտադրությունն իրականացնելու համար դիմել է ընկերոջը՝ Վաղարշապատ քաղաքի բնակիչ Արմեն Նշանի Պողոսյանին, խոստանալով տրամադրել նախապես պայմանավորված գումարը։ Վերջինս, համաձայնելով մասնակցել այդ գործին, հանցավոր մտահղացումն իրագործելու համար այդ առաջարկով դիմել է իր ընկերոջը՝ Վրաստանում գործնական կապեր ունեցող Վաղարշապատ քաղաքի բնակիչ Հրաչյա Սարգսի Մայիլյանին՝ խոստացած գումարից հասանելիք բաժինը կիսելու պայմանով։ Ըստ ձեռք բերված նախնական համաձայնության, հանցավոր մտադրությունն իրագործելու համար Արմեն Պողոսյանը, Սանասար Գաբրիելյանը և Հրաչյա Մայիլյանը 2016թ. սեպտեմբերի 1-ին մեկնել են Վրաստան, որտեղ, օգտագործելով Մայիլյանի ծանոթությունները և կապերը, փորձել են գտնել իրենց հետաքրքրող ռազմամթերքը, այնուհետև ինչպես միասին, այնպես էլ իրարից առանձին, նույն նպատակով պարբերաբար՝ մի քանի անգամ մեկնել են Թբիլիսի։ Արմեն Պողոսյանի առաջարկությամբ՝ վերջինս Հրաչյա Մայիլյանի հետ մեկնել են նաև Ուկրաինայի Դոնեցկի մարզի Գոռլովկա քաղաք, հույս ունենալով մարտական գործողությունների գոտում բնակվող ծանոթների միջոցով գտնել իրենց հետաքրքրող ռազմամթերքը, սակայն ապարդյուն։
Վրաստան հերթական այցելության ժամանակ Արմեն Պողոսյանը և Հրաչյա Մայիլյանը 2017թ. փետրվարի 22-ին հանցավոր համաձայնության են եկել ՀՀ քաղաքացի, Վաղարշապատ քաղաքի բնակիչ, վերջին մի քանի տարիներին Վրաստանում բնակվող Ռոբերտ Երվանդի Աղվանյանի հետ, ով պատրաստակամություն է հայտնել 38.000 ԱՄՆ դոլարի դիմաց տրամադրել պահանջող դյուրակիր զենիթահրթիռային համալիրը և 2017թ. մարտի 15-ին, Հայաստանի Հանրապետության տարածքում՝ ՀՀ Արմավիրի մարզի Հայթաղ գյուղում, Հրաչյա Մայիլյանին հնարավորություն է ընձեռել պլանշետային համակարգչով նկարահանել համալիրը՝ պատվիրատուին ցույց տալու համար, իսկ 2017թ. մարտի 17-ին 4.000 ԱՄՆ դոլար կանխավճարի դիմաց նույն գյուղում <<Իգլա>> տեսակի դյուրակիր զենիթահրթիռային համալիրի ռազմամթերք հանդիսացող արձակման խողովակը և <<9Մ39>> տեսակի, 03277 համարի հրթիռը փոխանցել է Մայիլյանին։ Իր հերթին, Հրաչյա Մայիլյանը նույն օրը ռազմամթերքը տեղափոխել և պահել է ՀՀ Արմավիրի մարզի Վաղարշապատ քաղաքի Թամանյան փողոցի 24 հասցեով ավտոտնակում, որտեղ Սանասար Գաբրիելյանի ցուցումով՝ Արմեն Պողոսյանի հետ այն ևս մեկ անգամ լուսանկարել է՝ պատվիրատու Սամվել Բաբայանին ցույց տալու նպատակով։ Հաջորդ օրը՝ 2017թ. մարտի 18-ին, Սանասար Գաբրիելյանը Արմեն Պողոսյանից վերցրած պլանշետային համակարգչում առկա լուսանկարը ներկայացրել է Սամվել Բաբայանին, վերջինս հանձնարարել է չվնասվելու և նպատակային նշանակությամբ օգտագործելու պիտանելիությունը պահպանելու նպատակով ռազմամթերքը տեղավորել արկղի մեջ, տեղափոխել իր մատնանշած վայր՝ ԼՂՀ Մարտակերտի շրջանի Նարիշտար գյուղ, պահել հողի մեջ և լուսանկարել այդ վայրը։ Միաժամանակ, Սանասար Գաբրիելյանի խնդրանքին ի պատասխան` Սամվել Բաբայանը պարտավորվել է մի քանի օրվա ընթացքում հանձնել խոստացված գումարը՝ հանցակիցներին փոխանցելու համար։ Նույն խոստումը Սամվել Բաբայանը պնդել է Սանասար Գաբրիելյանին նաև հաջորդ օրը՝ 2017թ. փետրվարի 19-ին կայացած հանդիպման ժամանակ, սակայն Հրաչյա Մայիլյանը 2017թ. մարտի 22-ին <<Իգլա>> տեսակի դյուրակիր զենիթահրթիռային համալիրի արձակման խողովակը և <<9Մ39>> տեսակի, 03277 համարի հրթիռը հանձնել է ՀՀ ԱԱԾ աշխատակիցներին։ Տեղեկանալով Սանասար Գաբրիելյանի ձերբակալման մասին՝ Սամվել Բաբայանը միջոցներ է ձեռնարկել վերջինիս հանցակիցներին գտնելու՝ իրեղեն ապացույց հանդիսացող ռազմամթերքը թաքցնելու և դրա լուսանկարները ջնջելու ուղղությամբ, սակայն ձերբակալվել է։

3.Վերաքննիչ բողոքների հիմքերը, հիմնավորումները և պահանջը.
Վերաքննիչ բողոքները քննվում են հետևյալ հիմքերի և հիմնավորումների սահմաններում:
35. Ամբաստանյալ Ս.Գաբրիելյանն իր բերած վերաքննիչ բողոքում նշում է, որ իրեն առաջադրված մեղադրանքում մեղավոր չի ճանաչել, քանզի ՀՀ զինված ուժերին նվիրաբերելու համար ցանկացել է իր նյութական միջոցների հաշվին գնել զենք և ռազմամթերք: Իրեն առաջարկել են <<Իգլա>> տեսակի զենիթահրթիռային համակարգ, սակայն Սամվել Բաբայանի հետ խորհրդակցելով և ԶՀՀ-ի լուսանկարները պլանշետ-համակարգչով նրան ցուցադրելով` պարզել է, որ այն պիտանի չէ նպատակային օգտագործման համար, ավելին բացակայում են նաև նման ԶՀՀ-ի կոմպլեկտի մեջ մտնող արձակման մեխանիզմը և երկու հրթիռները, որի կապակցությամբ հրաժարվել է այն Արմեն Պողոսյանի և Հրաչյա Մայիլյանի միջոցով ձեռք բերելուց: Այսպիսով, կամովին հրաժարվել է իրեն վերագրված հանցանքը կատարելուց, ՀՀ քրեական օրենսգրքի 36-րդ հոդվածի 1-ին մասի համաձայն:
Սակայն դատարանը գտել է, թե իբր վերագրված արարքներում իրենց առնչությունը հերքող կամ դերակատարությունը նվազեցնող իրենց` ամբաստանյալների պատճառաբանություններն անհիմն են և մտացածին, հետապնդում են քրեական պատասխանատվությունից և պատժից խուսափելու նպատակ, հանցագործությունների դեպքերի առկայությունը, դրանց գործով իրենց` ամբաստանյալների առնչությունը հաստատվել է, իսկ իրենց` պաշտպանության կողմի պատճառաբանությունները հերքվել են պատշաճ իրավական ընթացակարգերի շրջանակներում` դատաքննությամբ հետազոտված ապացույցներով:
Սակայն, դատարանը, քննելով սույն գործը, պատշաճ ուշադրություն չի դարձրել իրենց հայտարարություններին և միջնորդություններին: Ոստի, բողոք բերած անձը գտնում է, որ դատարանի կողմից կոպտորեն խախտվել են ՀՀ քրեական դատավարության օրենսգրքի 105-րդ հոդվածի 5-րդ մասի, 107-րդ հոդվածի, 358-րդ հոդվածի 3-րդ և 4-րդ մասերի, 360-րդ հոդվածի 1-ին մասի, 365-րդ հոդվածի 2-րդ մասի պահանջները:
Դատարանն անդրադառնալով հեռախոսազրույցների գաղտնալսմանը, դատավճռի <<Դատարանի իրավական վերլուծություններ և դատողություններ>> մասում օբյեկտիվ և պատշաճ չի մեկնաբանել իր և գործով ամբաստանյալ Արմեն Պողոսյանի միջև տեղի ունեցած հեռախոսազրույցների գաղտնալսման արձանագրությունը: Մասնավորապես` 20.03.2017թ. ժամը 11:45-ին տեղի ունեցած հեռախոսազրույցի գաղտնալսմամբ ակնհայտ է դառնում, որ ինքը հրաժարվել է այդ ԶՀՀ-ն գնելուց:
Ինչպես նաև Ս.Գաբրիելյան և Ա.Պողոսյան` 20.03.2017թ. ժամը 11:55-ին տեղի ունեցած հեռախոսազրույցի գաղտնալսմամբ:
Վերոհիշյալ հեռախոսային խոսակցությունների գաղտնալսման արձանագրությունից ակնհայտ է դառնում, որ ինքը հրաժարվել է նշված զինատեսակի ձեռք բերման մտքից, գոհանալով, որ այլևս գործ չի ունենալու և չի էլ ցանկանում նրանց հետ որևէ կապ ունենալ: Դատարանը պատշաճ ուշադրություն չի դարձրել այդ հանգամանքի վրա և բոլորովին այլ կերպ` կամայականորեն է մեկնաբանել իր` նշված <<Իգլա>> տեսակի դյուրակիր ԶՀՀ-ի համար չվճարելու և այն ձեռք չբերելու իր մտադրությունը:
Այսպիսով, դատարանը գտել է, որ ինքը <<Իգլա>> տեսակի դյուրակիր ԶՀՀ-ի համար չվճարելու մասին իր մտադրությունը Ա.Պողոսյանին և Հ.Մայիլյանին հայտնել է այն ժամանակ, երբ իր և Ա.Պողոսյանի <<հանցավոր գործողությունների>> արդյունքում խմբի ենթադրյալ մյուս երկու անդամները` Ռոբերտ Աղվանյանը և Հրաչյա Մայիլյանը ձեռք էին բերել, փոխադրել և ՀՀ-ում պահում էին վերոնշյալ ռազմամթերքը, այսինքն, խմբի ենթադրյալ մյուս անդամները Ս.Գաբրիելյանի և Ա.Պողոսյանի գիտությամբ և համաձայնությամբ ռազմամթերք ձեռք բերելու նախնական հանցավոր դիտավորության շրջանակներում գործելով` ավարտել էին ապօրինաբար ռազմամթերք ձեռք բերելու, փոխադրելու և պահելու հետ կապված գործողությունները: Այսպիսով, տվյալ կոմպլեկտավորմամբ <<Իգլա>> տեսակի դյուարկիր ԶՀՀ-ի ձեռքբերման համար վճարելուց հրաժարվելու պահին ՀՀ քրեական օրենսգրքի 235-րդ հոդվածի 2-րդ մասով նախատեսված հանցագործությունն արդեն իսկ ավարտված էր:
Բողոք բերած անձը գտնում է, որ սույն եզրահանգումը օբյեկտիվ չէ, քանզի ՀՀ քրեական օրենսգրքի 36-րդ հոդվածի 1-ին մասից, նշված հոդվածի մեկնաբանությունից պարզ է դառնում, որ հանցագործությունից կամովին հրաժարվելը հնարավոր է միայն նախապատրաստության կամ հանցափորձի փուլերում, այսինքն, մինչև հանցագործության ավարտման պահը: Նախապատրաստության փուլում կամովին հրաժարումը, որպես կանոն, դրսևորվում է պասիվ վարքագծով, հանցագործությունից կամովին հրաժարումը կարող է իրականացվել նաև ակտիվ գործողությամբ` ձեռք բերված գործիքը կամ միջոցը ոչնչացնելով, իշխանության մարմիններին հանցանք կատարելու շուրջ հանցավոր համաձակնության մասին հայտնելով և այլն:
Հանցափորձի փուլում կամովին հրաժարումը հնարավոր է ինչպես չավարտված, այնպես էլ ավարտված հանցափորձի ժամանակ:
Այսինքն, դատարանը կողմնակալ վերաբերմունք է ցուցաբերել եզրահանգում կատարելիս, քանի որ նշված զինատեսակը ՀՀ բերելու մասին վկայող որևէ իրեղեն, էական ապացույց չի ներկայացվել, ինչը նշանակում է, որ ներկայացվող զինատեսակը կարող էր ՀՀ տարածքից հայթայթված լինել, այդ է վկայում նաև այն, որ ՀՀ քրեական օրենսգրքի 235.1-րդ հոդվածի 2-րդ մասի 1-ին կետով առաջադրված մեղադրանքը հանվել է:
Ինչպես նաև պատճառաբանությունը, թե Նարիշտար գյուղում պահելը նշված զինատեսակի, եղել է հանցագործությունը հետաձգելու փորձ, հիմնովին անհիմն և կողմնակալ եզրահանգում, քանզի իրական նպատակը հենց ՀՀ քրեական օրենսգրքի 36-րդ հոդվածի մեկնաբանության իմաստով կատարված գործողությունն է:
Այսպիսով, հանցագործության հանցակազմի սուբյեկտիվ կողմի իմաստով իր նպատակը եղել է նշված` Նարիշտար գյուղում պահելով` այդ զինատեսակը հանձնել որևէ սպայի, ով էլ այն կհանձնի ԼՂՀ ՊԲ զինանոց, իսկ հանցագործությունից կամովին հրաժարվելը եղել է վերջնական, կամովին, գիտակցումով, որ հնարավոր է մեղսագրվող արարքը հասցնել ավարտին:
36. Ելնելով վերը շարադրվածից, ղեկավարվելով ՀՀ քրեական դատավարության օրենսգրքի 376-րդ հոդվածի 1-ին մասով, բողոք բերած անձը Վերաքննիչ դատարանին խնդրում է վիճարկվող դատական ակտը բեկանել և ՀՀ քրեական օրենսգրքի 36-րդ հոդվածի 1-ին մասի կիրառմամբ իրեն ճանաչել անպարտ:

37. Ամբաստանյալ Ս.Բաբայանի պաշտպան Ա.Քալաշյանն իր բերած վերաքննիչ բողոքում գտնում է, որ դատարանի 28.11.2017թ. դատավճիռը Սամվել Բաբայանին ՀՀ քրեական օրենսգրքի 38-235-րդ հոդվածի 2-րդ մասով, 190-րդ հոդվածի 1-ին մասով առաջադրված մեղադրանքներում մեղավոր ճանաչելու մասով անհիմն է` հետևյալ պատճառաբանությամբ:
Տվյալ դեպքում, դատարանը, խախտելով իրավական նորմերի պահանջները, կայացրել է անօրինական և չհիմնավորված դատավճիռ: Մասնավորապես, դատարանի հետևությունները չեն համապատասխանում դատաքննությամբ հետազոտված ապացույցներին, դատարանի հետևություններն առաջադրված մեղադրանքներում Սամվել Բաբայանի մեղավորությունը հաստատված համարելու մասին պատճառաբանված չեն, իսկ եղած պատճառաբանությունները ենթադրական դատողություններ, ինչպես բողոք բերած անձի պաշտպանյալին մեղսագրվող հանցավոր արարքները, այնպես էլ վերջինիս կողմից դրանք կատարելը և դրանք կատարելու մեջ նրա մեղավորությունը դատաքննության արդյունքներով չեն հաստատվել, դատարանը, խախտելով անմեղության կանխավարկածի սկզբունքը` չփարատվող բազմաթիվ կասկածները չի մեկնաբանել իր պաշտպանյալի օգտին, դատավճռի հիմքում դրել է ապացույցներ, որոնք ոչնչով չեն հիմնավորում առաջադրված մեղադրանքները, դատարանը բացարձակորեն անտեսել է մեղսագրվող արարքների ապացուցված լինելու վերաբերյալ պաշտպանության կողմի փաստարկները և հիմնավորումները, բոլորովին չի հերքել դրանք:
Դատարանը հաստատված է համարել, որ մեղադրանքի հիմքում դրված և դատաքննությամբ հետազոտված ապացույցներով հիմնավորվել է Ս.Բաբայանի կողմից ՀՀ քրեական օրենսգրքի 38-235-րդ հոդվածի 2-րդ մասով նախատեսված հանցագործության կատարումը:
Դատարանը, դատավճռում արձանագրելով, որ Ս.Բաբայանը Սանասար Գաբրիելյանին և Արմեն Պողոսյանին դրդել է ապօրինի կերպով ձեռք բերել ԶՀՀ, այդ կերպ խախտելով ՀՀ քրեական դատավարության օրենսգրքի 309-րդ հոդվածի պահանջը, դուրս է եկել առաջադրված մեղադրանքի սահմաններից, քանի որ Ս.Բաբայանին նման մեղադրանք առաջադրված չի եղել, որ նա դրդել է նաև Արմեն Պողոսյանին:
Նշված մեղադրանքի հիմքում դրվել են Սամվել Բաբայանի, Սանասար Գաբրիելյանի, Արմեն Պողոսյանի ցուցմունքները, մեկ այլ գործով մեղադրյալ Հրաչյա Մայիլյանի, վկաներ Սուսաննա Հարությունյանի, Աշոտ Շուշանյանի, Ռուստամ Սադոյանի ցուցմունքները, գործով իրեղեն ապացույց ճանաչված <<Իգլա>> տեսակի դյուրակիր զենիթահրթիռային համալիրի արձակման խողովակը և հրթիռը, գործով ապացույց ճանաչված պլանշետային համակարգչի ֆայլերում առկա նկարները, որոնցում պատկերված են <<Իգլա>> տեսակի դյուրակիր զենիթահրթիռային համալիրի արձակման խողովակը և հրթիռը, Հրաչյա Մայիլյանի կողմից խողովակը և հրթիռն ինքնակամ ներկայացնելու մասին 22.03.2017թ. կազմված արձանագրությունը, գործով ապացույց ճանաչված Սանասար Գաբրիելյանի, Արմեն Պողոսյանի, Հրաչյա Մայիլյանի և Ռոբերտ Աղվանյանի սահմանահատումների պատմության վերաբերյալ արտատպվածքը ՍԷԿՏ համակարգից, գործով ապացույց ճանաչված` Սանասար Գաբրիելյանի, Արմեն Պողոսյանի, Հրաչյա Մայիլյանի և Սամվել Բաբայանի նկատմամբ իրականացված <<հեռախոսային խոսակցություների վերահսկում>> և ներքին դիտում օպերատիվ-հետախուզական միջոցառումների արդյունքները, դատաձգաբանական փորձաքննության 22.03.2017թ. եզրակացությունը, գործի հանգամանքները ճշտելու մասին 28.03.2017թ. արձանագրությունը:
Դատաքննությամբ հետազոտված վերոհիշյալ ապացույցներով չի հիմնավորվել Ս.Բաբայանի մեղքն իրեն մեղսագրված հանցավոր արարքում:
Սամվել Բաբայանն իր տված ցուցմունքներում պատասխանելով բոլոր առաջադրված հարցերին, տվել է պարզաբանումներ, հերքել է իր մասնակցությունը կատարված ենթադրյալ հանցագործությանը, և այս պարագայում բոլորովին անհասկանալի է, թե ինչպես կարելի է նրա ցուցմունքները համարել մեղադրանքը հիմնավորող ապացույցներից մեկը:
Մասնավորապես, Սամվել Բաբայանն այս դրվագով ցուցմունքներ է տվել, որ 18.03.2017թ. Սանասար Գաբրիելյանն իրեն հայտնել է, որ ինչ որ բան ունի, սակայն չի կարողացել հստակ բացատրել, թե ինչի մասին է խոսքը: Այդ պատճառով էլ ինքն առաջարկել է Սանասարին <<չխկացնել>>, այսինքն լուսանկարել և բերել այն իր մոտ, որպեսզի հասկանա, թե ինչի մասին է խոսքը: Հաջորդ օրը Սանասարը եկել է իր մոտ <<ՕՐՕ>> դաշինքի գրասենյակ, ցույց տվել պլանշետային համակարգչի մեջ առկա <<Իգլա>>-ի լուսանկարը: Նայելով այն, Սանասարին բացատրել է, որ դա ամբողջական չէ, բացակայում է կրակի արձակման մեխանիզմը, սնուցման բլոկը, պետք է լինի ևս 3 հատ հրթիռ, ուստի, այդ վիճակում այն իր նպատակային նշանակությանը ծառայեցնել հնարավոր չի: Այնուհետև Սանասարն իրեն հարցրել է, թե դա կարող է արդյոք բանակին պետք գալ, որին պատասխանել է, որ մի գուցե մի օր Արցախի պաշտպանության համար կարող է պետք լինի և նրան առաջարկել է ցանկության դեպքում այն տանել Արցախի Նարիշտար գյուղ, չվնասվելու համար դնել մի արկղի մեջ և պահել հողում, տեղը լուսանկարել, որպեսզի սպաները գան տանեն: Իրենց այդ զրույցից հետո թե Սանասարն ինչպես է վարվել, ինքը տեղյակ չի, ինչպես նաև տեղյակ չի, թե Սանասարը երբ, որտեղից կամ ումից, ինչ հանգամանքներում է ձեռք բերել այն, Սանասարի հետ դրա ձեռք բերման վերաբերյալ որևէ պայմանավորվածություն չի ունեցել, դրա ձեռք բերման համար որևէ գումար չի տվել և չի էլ պատրաստվել տալ, այդ <<Իգլա>>-ին ինքը միայն առնչվել է այնքանով, որ նայել է դրա լուսանկարը և իր կարծիքը հայտնել Սանոյին, թե դա այդ վիճակում ինչ է իրենից ներկայացնում:
Դատաքննության ժամանակ Սամվել Բաբայանը տվել է նույնաբովանդակ ցուցմունք:
Սանասար Գաբրիելյանը նախաքննական իր մի շարք ցուցմունքներում մշտապես պնդել է, որ բանակին որպես օգնություն ցուցաբերելու նպատակով <<Իգլա>> տեսակի զենք ձեռք բերելու մտահղացումն իրենն է եղել, այն պետք է ձեռք բերեր իր սեփական ֆինանսական միջոցներով, այլ ոչ թե Սամվել Բաբայանը պետք է վճարեր, այն ձեռք բերելու համար իր ու Սամվել Բաբայանի միջև նախապես ոչ մի պայմանավորվածություն չի եղել, Սամվել Բաբայանին նախապես չի հայտնել <<Իգլա>> ձեռք բերելու իր մտադրության մասին, պլանշետային համակարգչով արված <<Իգլաի>> լուսանկարը Սամվել Բաբայանին ցույց տալու նպատակը միայն այն է եղել, որ ինքը համոզվեր, թե այն իր նպատակային նշանակությանն օգտագործելու համար պիտանի է, թե ոչ, լուսանկարները Ս.Բաբայանին ցույց տալուց հետո համոզվելով, որ այն կոմպլեկտավորված չէ, Հ.Մայիլյանին ու Ա.Պողոսյանին հայտնել է, որ այն գնել չի ցանկանում:
Դատաքննության ժամանակ Սանասար Գաբրիելյանը տվել է նույնաբովանդակ ցուցմունք` հավելելով, որ բանակին օգնություն ցուցաբերելու համար զենք ձեռք բերելու մտադրությունն իր մոտ առաջացել է 2016թ. մայիսին: Ինքն իր այդ մտադրության մասին Ս.Բաբայանին չի հայտնել մինչև նրան լուսանկարները ցույց տալը, նրան չի հայտնել նաև, որ <<Իգլա>>-ի համար պետք է 50.000 ԱՄՆ դոլար վճարի: Լուսանկարները ցույց տալուց և համոզվելուց հետո, որ զենքի այդ մասերը հնարավոր չի օգտագործել իր նպատակային նշանակությանը համապատասխան, Ս.Բաբայանին չի հայտնել նաև, որ հրաժարվում է այդ զենքի մասերը գնելուց, քանի որ ինքն էր գումար վճարողը, ինքն էր որոշողը և Ս.Բաբայանը չէ որ պետք է ասեր, թե ինչ անի, ինքը 50.000 չէր պատրաստվում տալ զենքի ինչ որ մասեր գնելու համար: Նշել է նաև, որ Արմեն Պողոսյանն իր ներկայությամբ է ջնջել պլանշետի մեջ եղած Իգլաի մասերի լուսանկարները և այդ մասին ինքը Ս.Բաբայանին նույնպես չի ասել: Ինչ վերաբերում է Ս.Բաբայանից գումար ուզելուն, ապա դա այս գործին ընդհանրապես չի վերաբերում, գումարն ուզել է ընտրությունների աշխատանքները կազմակերպելու համար:
Արմեն Պողոսյանի նախաքննական ցուցմունքները վերաբերում են նրան, որ 2016թ. օգոստոսին Սանասար Գաբրիելյանն իրեն դիմել է <<Իգլա>> տեսակի զենք գտնելու հարցով: Ինքն էլ իր հերթին այդ հարցով դիմել է իր ընկեր Հրաչյա Մայիլյանին, իմանալով, որ նա Վրաստանում ծանոթություններ ունի և այդ զենքը միգուցե հնարավոր կլինի այնտեղից գտնել: Այնուհետև նկարագրել է, թե երբ, քանի անգամ, ում հետ են գնացել Վրաստան, ինչ գործողություններ են կատարել այդ զենքը գտնելու ուղղությամբ, երբ, ում միջոցով է ճարվել այն, նկարագրել է նաև զենքի այդ մասերը պլանշետով լուսանկարելու, պլանշետը Սանասար Գաբրիելյանին տալու, վերջինիս կողմից զենքի այդ մասերը գնելուց հրաժարվելու հանգամանքները: Իր ցուցմունքներում Արմեն Պողոսյանը հայտնել է իր այն ենթադրությունը, որ զենքի իրական պատվիրատուն եղել է Սամվել Բաբայանը, միաժամանակ նշելով, որ դա զուտ իր ենթադրությունն է, որը բխում է միայն նրանից, որ գիտեր Սանասար Գաբրիելյանի ու Սամվել Բաբայանի մտերիմ լինելու մասին:
Դատաքննության ընթացքում պատասխանելով հարցադրումներին, Արմեն Պողոսյանը հայտնել է, որ Սանասար Գաբրիելյանը զենք ձեռք բերելու մասին իրեն ասել է 2016թ. մայիսի 12-ին: Ասել է, որ ցանկանում է զենք ձեռք բերել բանակին տալու համար, վճարելու է ինքն իր միջոցներով, զենքի գինը 50.000 ԱՄՆ դոլար, առաջարկել է Հրաչյա Մայիլյանը, 2017թ. փետրվարի 22-ին, երբ Ռոբերտ Աղվանյանից իմացել են, որ նրա մոտ կա <<Իգլա>> տեսակի զենք, այդ մասին Սանասար Գաբրիելյանին ասել է դրա հաջորդ օրը, Վրաստանից ՀՀ վերադառնալուց հետո, պլանշետի մեջ եղած լուսանկարները ջնջել և ինքը Սանասարի ասելով, քանի որ վերջինս հրաժարվել է զենքի այդ մասերը գնելուց և այդ լուսանկարները պահելու իմաստը չկար: Նշել է նաև, որ նախաքննական ցուցմունքում գրված Ս.Բաբայանի վերաբերյալ իր ենթադրությունը սխալ է:
Արմեն Պողոսյանի ցուցմունքները նույնպես չեն կարող մեղադրանքը հիմնավորող ապացույց հանդիսանալ, քանի որ որևէ հավաստի տվյալ իրենց մեջ չեն պարունակում այն մասին, որ Սամվել Բաբայանն է դրդել Սանասար Գաբրիելյանին ապօրինի կերպով ձեռք բերել <<Իգլա>> տեսակի զենք: Պողոսյանի հայտնած այն տվյալները, թե ինչ գործողություններ են կատարել այդ զենքը փնտրելու ուղղությամբ, Սամվել Բաբայանին վերաբերելի չեն, իսկ այն տվյալները, որ իր կողմից Սանասար Գաբրիելյանին տված պլանշետը վերջինս տարել է Սամվել Բաբայանի մոտ, այդ մասին իրենց ցուցմունքները տվել են Սամվել Բաբայանն ու Սանասար Գաբրիելյանը, որոնք կրկնելու հարկ չկա: Ինչ վերաբերում է Ս.Բաբայանի պատվիրատու լինելու մասին ենթադրությանը, ապա անկախ նրանից, թե այդ մասով Ա.Պողոսյանի նախաքննական և դատաքննական ցուցմունքները դատարանը ոնց կգնահատի, բոլոր դեպքերում դա ենթադրություն է, որը չի կարող դրվել մեղադրանքի հիմքում:
Հրաչյա Մայիլյանի նախաքննական ցուցմունքները գրեթե նույնաբովանդակ են, ինչ որ Արմեն Պողոսյանինը և նույնպես Սամվել Բաբայանի մեղքը հիմնավորող որևէ տվյալ չեն պարունակում իրենց մեջ:
Վկա Սուսաննա Հարությունյանի ցուցմունքը քննարկվող հարցի վերաբերյալ բացարձակ որևէ կարևոր նշանակություն ունեցող տվյալ չի պարունակում, ուստի, բողոք բերած անձը հարկ չի համարում դրան անդրադառնալ:
Վկա Աշոտ Շուշանյանի ցուցմունքը վերաբերում է Սանասար Գաբրիելյանի ձերբակալվելուց հետո նրա և Սամվել Բաբայանի միջև տեղի ունեցած խոսակցությանը, որը ներքին դիտման արդյունքում գաղտնալսվել է: Այս խոսակցության ժամանակ ձեռք բերված տվյալները նախաքննության մարմինը մեկնաբանել է այնպես, որ տեղեկանալով Սանասար Գաբրիելյանի ձերբակալման մասին, Սամվել Բաբայանն իբր միջոցներ է ձեռնարկել վերջինիս հանցակիցներին գտնելու, իրեղեն ապացույց հանդիսացող ռազմամթերքը թաքցնելու և դրա լուսանկարները ջնջելու ուղղությամբ: Սամվել Բաբայանն իրոք Աշոտ Շուշանյանին ասել է, որ գտնի Սանասարի ընկերներին և ջնջել տա պլանշետում առկա <<Իգլա>>-ի լուսանկարները, սակայն դա ունեցել է այն միտումը, որ իր վրա ավելորդ և անհիմն կասկածներ չլինի:
Վկա Ռուստամ Սադոյանը ցուցմունք է տվել, որ Հրաչյա Մայիլյանի առաջարկով 2017թ. փետրվարին վերջինիս հետ մեկնել են Վրաստան ոչխարների խմբաքանակ փնտրելու համար: Թբիլիսիում իրենց միացել է Արմեն Պողոսյանը: Փետրվարի 22-ին հյուրանոցում Արմենը Հրաչյային ասել է, որ դուրսը նրան հարցնողներ կան: Ինքը, Հրաչյան, Արմենը և Հրաչյային փնտրող տղամարդիկ հյուրանոցի սրճարանում նստած զրուցել են, որի ընթացքում ծանոթացել է Ռոբերտ Աղվանյանի հետ: Վերջինս իրեն հարցրել է, թե իրենց ինչ է պետք, պատասխանել է, որ ոչխարների խմբաքանակ են փնտրում: Ռոբերտը վերցրել է իր հեռախոսահամարը: Նույն օրը Ռոբերտը զանգահարել է իրեն և խնդրել, որ ինքն ու Հրաչյան հանդիպեն իրեն: Ինքն ու Արմենը բարձրացել են հյուրանոցային համարը` Ռոբերտին հանդիպելու համար, իսկ Հրաչյան մնացել է ներքևում: Ռոբերտն իրեն առանձին ասել է, որ կարող է օգնել ձեռք բերելու ինքնաթիռ խոցող զենք: Այդ խոսակցության մասին ինքը պատմել է Հրաչյային: Որոշ ժամանակ անց Արմենը վերադարձել է Թբիլիսի, քանի որ ըստ նրա ասելու, մոռացել էր այնտեղից դեղ գնել:
Գործով ապացույց ճանաչված` Սանասար Գաբրիելյանի, Արմեն Պողոսյանի, Հրաչյա Մայիլյանի նկատմամբ իրականացված <<հեռախոսային խոսակցություների վերահսկում>> օպերատիվ-հետախուզական միջոցառումների արղյունքները վկայում են այն մասին, որ իրոք, Սանասար Գաբրիելյանի, Հրաչյա Մայիլյանի և Արմեն Պողոսյանի որոշ հեռախոսային խոսակցությունները վերաբերում են այդ զենքի ձեռք բերմանը:
Նշված ապացույցները մեղադրական եզրակացության մեջ ներառված այլ ապացույցների հետ մեկտեղ հաստատում են գործի համար նշանակություն ունեցող այն փաստերը, որ Սանասար Գաբրիելյանը մտադիր է եղել ձեռք բերելու <<Իգլա>> տեսակի զենիթահրթիռային համալիր, այդ մտադրությունն իրականացնելու համար դիմել է Արմեն Պողոսյանին, իսկ վերջինս էլ Հրաչյա Մայիլյանին, որ նրանք որոշակի գործողություններ են ձեռնարկել այդ զենքը փնտրելու ուղղությամբ, ոմն Ռոբերտ Աղվանյանի միջոցով գտել են այդ զենքի մասերը, 2017թ մարտի 15-ին այդ զենքի մասերը գտնվել են Հրաչյա Մայիլյանի մոտ, դրանք պլանշետային համակարգչով լուսանկարվել են, այդ լուսանկարները Սանասար Գաբրիելյանը ցույց է տվել Սամվել Բաբայանին, վերջինս Ս.Գաբրիելյանին ասել է, որ զենքը համալրված չէ, սակայն եթե ցանկանում է, կարող է դնել մի արկղի մեջ, տանել Արցախի Նարիշտար գյուղ, այնտեղ հողի մեջ պահել, որ Սանասար Գաբրիելյանն այդ խոսակցությունից հետո Հրաչյա Մայիլյանին և Արմեն Պողոսյանին տեղյակ է պահել այդ զենքի մասերը գնելուց հրաժարվելու իր մտադրության մասին, որ Հրաչյա Մայիլյանն արդեն տեղեկացված լինելով հանդերձ,՝ որ Սանասար Գաբրիելյանը չի գնելու այն, շարունակել է պահել իր մոտ, չի վերադարձրել և մարտի 22-ին ներկայացրել է ԱԱԾ-ին:
Մեղադրանքի հիմքում դրված և դատաքննությամբ հետազոտված ապացույցներն իրենց համակցության մեջ վերլուծելով, հստակ կարելի է հանգել հետևության, որ մեղադրանքի մեջ տեղ գտած այն ձևակերպումները, որ Սամվել Բաբայանն է Սանասար Գաբրիելյանին ապօրինի կերպով ռազմամթերք ձեռք բերելուն դրդել, դրդել է 2016թ. ամռանը, որ դրդել է համապատասխան կապեր ունեցող անձանց ներգրավելու միջոցով ապօրինի կերպով ձեռք բերել <<Իգլան>>, որ Սանասար Գաբրիելյանին դրդել է նյութապես շահագրգռելու եղանակով, որ խոստացել է այդ զենքը ձեռք բերելու համար վճարել 50.000 ԱՄՆ դոլար, չի հաստատվում, այսինքն մեղսագրված արարքի նկարագրված հատկանիշների առկայությունը որևէ փաստական տվյալով հիմնավորված չէ:
<<Մեղադրանք>> հասկացությունը ներառում է ինչպես արարքի քրեաիրավական որակումը, այնպես էլ քրեաիրավական որակման հիմքում ընկած փաստերը /նման իրավական դիրքորոշում է հայտնել ՀՀ Վճռաբեկ դատարանն իր 30.03.2007թ. թիվ ՎԲ-46/07 որոշմամբ/:
<<Մեղադրանքի ձևակերպում>> հասկացությունը նշանակում է՝
1/ գործով հաստատված, հանրության համար վտանգավոր և հակաիրավական փաստեր, որոնք համապատասխանում են կոնկրետ հանցակազմի հատկանիշներին,
2/ քրեական օրենքի կոնկրետ նորմը, որի հատկանիշներին համապատասխանում են մեղադրյալի գործողությունները կամ անգործությունը կազմող փաստերը:
Մեղադրանքի ձևակերպումը պետք է արտացոլի վերագրվող գործողությունների կամ անգործության բովանդակությունը, հետևաբար, պետք է ներառի հանցակազմի բոլոր պարտադիր հատկանիշները բնութագրող փաստական տվյալները: Փաստական տվյալների ներառումն անհրաժեշտ նախապայման է, որպեսզի մեղադրանքի մեջ նշվի այն քրեական օրենքը, որով նախատեսված են հանրության համար վտանգավոր, հակաիրավական և քրեորեն պատժելի արարքի հատկանիշները, այսինքն հանգեցնի մեղադրանքում ձևակերպված արարքին համապատասխան իրավաբանական գնահատական տալուն:
Մեղադրանքի ձևակերպման կարևորումը պայմանավորված է նրանով, որ համապատասխան դատավարական փաստաթղթերում դրա առկայությունը հնարավորություն է տալիս քրեական հետապնդման ենթարկվող անձին արդյունավետ իրականացնել իր պաշտպանության իրավունքը:
Մեղսագրված արարքի հատկանիշն առաջադրված մեղադրանքում նկարագրելու և դրա առկայությունը փաստական տվյալներով հիմնավորելու անհրաժեշտության, ինչպես նաև այդ պահանջը չպահպանելու արդյունքում ՀՀ քրեական դատավարության օրենսգրքի 309-րդ հոդվածի 1-ին մասի և 385-րդ հոդվածի խախտման վերաբերյալ հստակ դիրքորոշում է հայտնել Վճռաբեկ դատարանն իր 05.11.2010թ. թիվ ՏԴ/0115/01/09 որոշմամբ և 4Բ-46/07 30.03.2007թ. որոշմամբ:
Տվյալ դեպքում, առաջադրված մեղադրանքը պետք է հաստատվեր արարքի քրեաիրավական հիմքում ընկած և գործով ձեռք բերված որոշակի փաստերով, այնինչ, նշված մեղադրանքն ամբողջությամբ կառուցված է ենթադրությունների հիման վրա, մեղադրանքում նշված ձևակերպումները չեն բխում գործով ձեռք բերված նյութերից, հաստատված չեն գործով ձեռք բերված հավաստի, փոխկապակցված, բավարար ապացույցներով:
Ըստ առաջադրված մեղադրանքի, Սամվել Բաբայանը Սանասար Գաբրիելյանին ապօրինի կերպով ռազմամթերք ձեռք բերելուն դրդել է 2016թ. ամռանը: Ենթադրվում է, որ նման եզրահանգման նախաքննության մարմինը եկել է միայն Հրաչյա Մայիլյանի և Արմեն Պողոսյանի այն ցուցմունքների հիման վրա, որ Սանասար Գաբրիելյանն Արմեն Պողոսյանին այդ զենքը ձեռք բերելու հարցով դիմել է 2016թ. օգոստոսին: Գործում չկա որևէ տվյալ, թե Սամվել Բաբայանը Սանասար Գաբրիելյանին 2016թ. ամռանը կոնկրետ երբ, ինչ հանգամանքներում և հատկապես ինչի համար, ինչ նպատակով է դրդել: Եթե Սանասար Գաբրիելյանն Արմեն Պողոսյանին այդ զենքը ձեռք բերելու հարցով դիմել է, դա դեռ ամենևին չի նշանակում, որ Սամվել Բաբայանի դրդմամբ է կատարել:
Մեղադրանքում նշվել է նաև, որ Սամվել Բաբայանը Սանասար Գաբրիելյանին դրդել է համապատասխան կապեր ունեցող անձանց ներգրավելու միջոցով ապօրինի կերպով ձեռք բերել <<Իգլան>>: Մի խումբ անձանց ներգրավելու միջոցով ապօրինի կերպով զենք ձեռք բերելուն դրդելու հանգամանքը, ինչպես մեղադրանքի յուրաքանչյուր ձևակերպում, նույնպես պետք է հիմնավորված լիներ գործով ձեռք բերված հավաստի ապացույցներով, սակայն նման հետևության հանգելու համար կրկին հիմք է ծառայել միայն այն փաստը, որ Սանասար Գաբրիելյանն այդ զենքը գտնելու հարցով դիմել է Արմեն Պողոսյանին, վերջինս էլ այդ գործում ներգրավել է Հրաչյա Մայիլյանին, որը սակայն ամենևին չի նշանակում, որ Սամվել Բաբայանն է դրդել Սանասար Գաբրիելյանին այդ գործում ներգրավել այդ կամ որևէ այլ անձանց: Առավել ևս, որ գործով հաստատված է, որ Սամվել Բաբայանը և Արմեն Պողոսյանն ու Հրաչյա Մայիլյանը միմանց չեն ճանաչել: Բոլորովին անհասկանալի է, թե նշված հանգամանքը քրեական գործում առկա որ փաստական տվյալով է հիմնավորված:
Նշվել է, որ դրդել է նյութապես շահագրգռելու եղանակով: Նշված հանգամանքը հաստատված համարելու համար նախաքննության մարմինը հավաստի ապացույցներով պետք է պարզեր ու հիմավորեր, թե կոնկրետ ինչումն է արտահայտվել նյութապես շահագրգռելը, այսինքն նյութական ինչ օգուտ է խոստացել Սամվել Բաբայանը Սանասար Գաբրիելյանին: Դատարանն իր հերթին համարել է, որ դատաքննությամբ հաստատվել է, որ Սանասար Գաբրիելյանը նյութապես շահագրգռված է եղել Սամվել Բաբայանի կողմից և սա այն դեպքում, երբ Ս.Գաբրիելյանին նյութապես շահագրգռելու, նյութական օգուտ ստանալու ինչ որ խոստում տալու մասին որևէ տվյալ առկա չէ քրեական գործում և դատաքննության ընթացքում էլ նման որևէ տվյալ ձեռք չբերվեց: Ավելին, այս առումով առաջադրված մեղադրանքը նույնիսկ իրարամերժ ձևակերպումներ է պարունակում իր մեջ: Նշելով, որ Ս.Բաբայանը դրդել է Ս.Գաբրիելյանին ձեռք բերել <<Իգլա>> տեսակի դյուրակիր զենիթահրթիռային համալիր, քիչ հետո նշվում է` խոստանալով դրա դիմաց վճարել 50.000 ԱՄՆ դոլար: Այսինքն, մեղադրանքի նման ձևակերպումից ենթադրվում է, որ 50.000 ԱՄՆ դոլարը Սամվել Բաբայանն իբր խոստացել է տրամադրել որպես այդ զենքի համար վճարում, դրա գին, իսկ թե կոնկրետ ինչումն է արտահայտվել Սանասար Գաբրիելյանին նյութապես շահագրգռելը, ինչ նյութական օգուտ է նրան խոստացվել, նշված չէ, և ինչպես արդեն իսկ նշվեց, այդ մասին որևէ տվյալ առկա չէ քրեական գործում և չէր էլ կարող լինել, քանի որ նման բան գոյություն չի ունեցել:
Բացի այդ, մեղադրանքի ձևակերպումից հետևում է, որ Սամվել Բաբայանն իբր Սանասար Գաբրիելյանին 2016թ. ամռանը դրդել է ապօրինի կերպով ձեռք բերել զենք և հենց այդ ժամանակ է խոստացել դրա դիմաց վճարել 50.000 ԱՄՆ դոլար: Տրամաբանորեն հենց այդպես էլ պետք է լիներ: Սակայն, անտեսվել է այն փաստը, որ գործով հաստատված է, որ նշված զենքը ձեռք բերելու դեպքում դրա դիմաց 50.000 ԱՄՆ դոլար վճարելու առաջարկն արվել է Հրաչյա Մայիլյանի կողմից: Գործում չկա որևէ տվյալ, որ Սանասար Գաբրիելյանն այդ առաջարկը փոխանցել է Սամվել Բաբայանին և վերջինս էլ համաձայնել է դրան: Հակառակ պնդումը կարող է հանդիսանալ միմիայն ենթադրություն:
Ինչ վերաբերում է <<հեռախոսային խոսակցություների վերահսկում>> և ներքիև դիտում օպերատիվ-հետախուզական միջոցառումների արդյունքներիև, ապա բողոք բերած անձի կողմից միջնորդություն էր ներկայացվել հետազոտելու համար պահանջելու Հրաչյա Մայիլյանի հեռախոսային խոսակցությունների գաղտնալսումը թույլատրելու վերաբերյալ Կենտրոն և Նորք-Սարաշ վարչական շրջանների ընդհանուր իրավասության դատարանի որոշման հիմքում դրված նյութերը: Դատարանի 30.10.2017թ. որոշմամբ միջնորդությունը բավարարվել է: Նույն դատարանի նախագահի 06.11.2017թ. գրությամբ հայտնվել է, որ ինչ վերաբերում է պահանջված այլ տեղեկատվությանը, ապա դրանք չեն կարող տրամադրվել, քանի դեռ օրենքով սահմանված կարգով գաղտնազերծված չեն: Նման միջնորդություն ներկայացնելու իմաստը պայմանավորված է եղել հետևյալով.
Թիվ 58207414 քրեական գործը հարուցվել է 09.06.2014թ. Հրաչյա Մայիլյանի կողմից մաքսանենգություն կատարելու հատկանիշներով:
19.09.2015թ. քրեական գործը կասեցվել է որպես մեղադրյալ ներգրավելու անձը հայտնի չլինելու հիմքով:
01.27.2016թ. ՀՀ ԱԱԾ հակահետախուզության գլխավոր վարչության պետի կողմից միջնորդություն է ներկայացվել դատարան` Հ.Մայիլյանի կողմից օգտագործվող բջջային հեռախոսահամարներով իրականացվող խոսակցությունները գաղտնալսելը թույլատրելու համար: Միջնորդությունը հիմնավորվել է նրանով, որ տվյալներ են ստացվել այն մասին, որ Հրաչյա Մայիլյանը ներգրավված է կեղծ փաստաթղթերի պատրաստման և իրացման գործընթացում և առկա են ՀՀ քրեական օրենսգրքի 325-րդ և 178-րդ հոդվածի 3-րդ մասով նախատեսված հանցագործությունների հատկանիշներ: Դատարանի որոշմամբ նշված միջնորդությունը բավարարվել է:
Այստեղ տարակուսանքի տեղիք են տալիս մի շարք հարցեր.
Ինչի համար Հրաչյա Մայիլյանը քրեական գործի հարուցումից մոտ երեք տարի հետո հանկարծ սկսեց հետաքրքրել ԱԱԾ-ին:
Քրեական գործի հարուցումից երեք տարի անց այդ ինչ նոր տվյալներ են ստացվել Հրաչյա Մայիլյանի մասին, այն դեպքում, երբ այդ տվյալներն ի սկզբանե հայտնի են եղել / քրեական գործի վարույթը կասեցնելու մասին որոշման մեջ մանրամասն նկարագրվել է Հրաչյա Մայիլյանի կատարած գործողությունները/:
Եթե միջնորդության նպատակը եղել է Հրաչյա Մայիլյանի կողմից փաստաթղթերի կեղծումը բացահայտելը, ինչպես նշված է միջնորդության մեջ, ապա որն է եղել նրա հեռախոսազրույցները գաղտնալսելու անհրաժեշտությունն ու նպատակահարմարությունը, այն դեպքում, երբ Հրաչյա Մայիլյանի կողմից ենթադրյալ արարքը կատարվել է 2013թ-ին, այսինքն դեպքից չորս տարի հետո Հրաչյա Մայիլյանն այդ ինչ պետք է խոսեր հեռախոսով, որ քննությանը հետաքրքրող տվյալներ ստացվեր, ընդ որում, քրեական գործի վարույթն այդ ժամանակ կասեցված է եղել: Բացի այդ, եթե նրա հեռախոսազրույցները գաղտնալսելու անհրաժեշտություն կար, ինչի համար այն չի կատարվել գործի քննության ընթացքում, այլ կատարվել է չորս տարի անց:
Համաձայն Օպերատիվ-հետախուզական գործունեության մասին օրենքի 31-րդ հոդվածի 4-րդ մասի` հեռախոսային խոսակցությունների վերահսկումը կարելի է անցկացնել միայն այն դեպքում, երբ անձը, ում նկատմամբ դրանք պետք է իրականացվեն, կասկածվում է ծանր և առանձնապես ծանր հանցագործության կատարման մեջ և եթե կան հիմնավոր ապացույցներ, որ այլ եղանակով օպերատիվ հետախուզական միջոցառումն անցկացնող մարմնի կողմից սույն օրենքով իր վրա դրված խնդիրների իրականացման համար անհրաժեշտ տեղեկատվության ձեռքբերումն անհնարին է:
Նշված միջնորդության մեջ արձանագրվել է, որ առկա են ՀՀ քրեական օրենսգրքի 325-րդ և 178-րդ հոդվածի 3-րդ մասով նախատեսված հանցագործությունների հատկանիշներ: Հետագա քննության ընթացքում Հ.Մայիլյանի կողմից առանձնապես խոշոր չափերի խարդախություն կատարելու մասին որևէ տվյալ ձեռք չի բերվել և ի վերջո նրան մեղադրանք են առաջադրել ՀՀ քրեական օրենսգրքի 325-րդ հոդվածի 2-րդ մասով: Ուստի, անհասկանալի է, թե այդ ինչ տվյալների հիման վրա է որոշվել, որ Հ.Մայիլյանի արարքում առկա են նաև ՀՀ քրեական օրենսգրքի 178-րդ հոդվածի 3-րդ մասով նախատեսված հանցագործության հատկանիշներ:
Ակնհայտ է, որ ծանր հանցագործություն համարվող ՀՀ քրեական օրենսգրքի 178-րդ հոդվածի 3-րդ մասը միջնորդության մեջ մատնանշել են այն բանի համար, որպեսզի միջնորդությունն առերևույթ օրինական տեսք ունենա և դատարանն էլ այն բավարարելու հիմք ունենա:
Դատարանը մեխանիկորեն, առանց պատշաճ կարգով ստուգելու միջնորդության հիմնավորվածությունը, բավարարել է այն: Դատարանի որոշման մեջ տեղ են գտել այն նույն սխալները, որոնք նշված են եղել միջնորդության մեջ, օրինակ, Հ.Մայիլյանի փոխարեն գրվել է Միլյան, նշվել են քրեական դատավարության օրենսգրքի սխալ հոդվածներ, որոնք ոչ մի առնչություն չունեն միջնորդության հետ:
Հրաչյա Մայիլյանի հեռախոսային խոսակցությունների գաղտնալսման արդյունքում տվյալներ են ձեռք բերվել Սանասար Գաբրիելյանի և Արմեն Պողոսյանի վերաբերյալ:
Դատարանի 18.03.2017թ. որոշմամբ թույլատրվել է գաղանալսել Սանասար Գաբրիելյանի և Արմեն Պողոսյանի հեռախոսային խոսակցությունները:
Գործի վարույթը վերսկսվել է 20.03.2017թ.:
ԱԱԾ հակահետախուզության վարչության պետի կողմից ԱԱԾ քննչական վարչության պետին 21.03.2017թ. գրությամբ հայտնվում է, որ Հ.Մայիլյանի բնակարաններում և ավտոմեքենայում պահվում է կեղծ անձը հաստատող և մաքսային փաստաթղթեր և օրինական շրջանառությունից դուրս առարկաներ:
Նույն օրը միջնորդություն է ներկայացվել դատարան` Մայիլյանի բնակարաններում և ավտոմեքենայում խուզարկություն կատարելը թույլատրելու մասին: Դատարանի որոշմամբ այն բավարարվում է:
Այսինքն, Հրաչյա Մայիլյանի ենթադրյալ հանցավոր արարքից չորս տարի հետո գլխի են ընկնում, որ նրա բնակարանում և ավտոմեքենայում կարող են լինել կեղծ անձը հաստատող և մաքսային փաստաթղթեր և օրինական շրջանառությունից դուրս առարկաներ:
21.03.2017թ. Հ.Մայիլյանը բերման է ենթարկվել հացատնից: Նա ինքնակամ ներկայացրել է իր մոտ եղած պլանշետը: Որպես կասկածյալ իր ցուցմունքում առանց որևէ հարցադրման հայտնել է, որ <<Իգլա>> կա: Հաջորդ օրն արձանագրություն է կազմվել զենքը կամովին ներկայացնելու մասին:
22.03.2017թ. ԱԱԾ քննչական վարչություն են ուղարկվել Հրաչյա Մայիլյանի, Սանասար Գաբրիելյանի և Արմեն Պողոսյանի գաղտնալսված հեռախոսային խոսակցությունների արդյունքները:
Նույն օրը 22.03.2017թ. հարուցվել է թիվ 58209617 քրեական գործը:
Քանի որ օպերատիվ հետախուզական գործողությունները, այդ թվում հեռախոսային խոսակցությունների գաղտնալսումն անմիջականորեն միջամտում է մարդկանց անձնական կյանքին, հնարավոր չարաշահումներից խուսափելու համար օրենսդրությունը սահմանել է որոշակի երաշխիքներ, մասնավորապես, սահմանել է դրանք իրականացնելու համար դատական վերահսկողության կարգ, դատարան միջնորդություն ներկայացնելու կարգը և հիմքերը, միջնորդությանը կցվում են նյութեր, որոնք պետք է հիմնավորեն նման միջոցառման իրականացման անհրաժեշտությունը, թե ինչ բնույթի հանցագործությունների դեպքում կարող են ներկայացվել միջնորդություն: Օրենքով սահմանված կարգը պահպանելու դեպքում միայն նշված գործողությունների կատարումը կարող է համարվել օրինական, իսկ դրանց արդյունքում ձեռք բերված տվյալները` թույլատրելի ապացույցներ:
Միջնորդության մեջ նշված փաստարկները հաշվի առնելով, պաշտպանության կողմի մոտ առաջացրել էին ողջամիտ կասկածներ ինչպես հեռախոսային խոսակցությունները գաղտնալսելու միջնորդության հիմնավորվածության, այնպես էլ այն բավարարելու մասին դատարանի որոշման օրինականության առումով:
Կողմերի հավասարության և մրցակցության սկզբունքների նշանակությունը կայանում է նրանում, որ կողմերին պետք է տրվի հավասար հնարավորություն ծանոթանալու ներկայացված փաստարկներին, որ դատաքննության ընթացքում բոլոր ապացույցները ներկայացվեն մեղադրյալի ներկայությամբ: Ընդ որում, այդ սկզբունքներից որոշակի շեղումները չպետք է սահմանափակեն մեղադրյալի պաշտպանության իրավունքը:
Թեև դատարանը բավարարեց բողոք բերած անձի միջնորդությունը, սակայն պաշտպանության կողմն այդպես էլ հնարավորություն չունեցավ հետազոտելու գաղտնալսումներ իրականացնելու իրավական հիմք հանդիսացող նյութերին, այն պատճառով, որ դրանք դեռևս գաղտնազերծված չեն: Այսինքն, նման պարագայում ստացվում է, որ գաղտնալսումների արդյունքում ձեռք բերված տեղեկությունները, որոնք սույն դեպքում ակնհայտորեն վճռորոշ նշանակություն ունեն մեղադրանքի հիմքում րնկած ապացույցների ծավալի մեջ, ստացված են պաշտպանության կողմի համար չբացահայտված աղբյուրից:
Եվրոպական դատարանը նմանատիպ գործերով իր բազմաթիվ որոշումներում արտահայտել է իր հստակ այն դիրքորոշումը, որ տվյալ ապացույցի աղբյուրը չբացահայտելու անհրաժեշտությունը կարող է պայմանավորված լինել և իրավաչափ համարվել միայն այն դեպքում, երբ հանրային շահը գերակա է անձի պաշտպանության իրավունքի համեմատ և դրա հետ մեկտեղ, ապացույցի աղբյուրը բացահայտվելու դեպքում դրա ակնկալվող վտանգը պետք է լինի ռեալ, իրական: Այս առումով Եվրոպական դատարանն իր մի շարք որոշումներում առավել գերակա շահ է համարել այն դեպքերը, երբ ստացված ապացույցի աղբյուրի չբացահայտումն անհրաժեշտ է եղել պետության անվտանգությունն ապահովելու, տեռորիստական ակտերը և այլ առանձնապես վտանգավոր հանցագործությունները կանխելու կամ բացահայտելու համար:
Սույն դեպքում, Հրաչյա Մայիլյանի կողմից ինչ որ շրջադարձային փական վաճառելու համար փաստաթղթերի կեղծումն այնպիսի ռեալ վտանգ է իրենից ներկայացնում պետության անվտանգության համար, որ համարվել է գերակա շահ անձի պաշտպանության իրավունքի համեմատ: Բոլոր դեպքերում, մեղադրանքի կողմը նշված հանգամանքը հաստատող բացարձակապես ոչ մի հիմնավորում չի ներկայացրել:
Նշված փաստարկներից ելնելով, բողոք բերած անձը գտել է, որ որպես ապացույց մեղադրանքի հիմքում դրված Հրաչյա Մայիլյանի հեռախոսային խոսակցությունների գաղտնալսումները, ինչպես նաև դրա հիման վրա ձեռք բերված այլ ապացույցները Արմեն Պողոսյանի, Սանասար Գաբրիելյանի հեռախոսային խոսակցությունների գաղտնալսումները, ներքին դիտումների արդյունքում ձեռք բերված ապացույցները պետք է ճանաչել անթույլատրելի: Սակայն, դատարանը հանգել է այլ համոզման, գտնելով, որ. <<Գործի նյութերում առկա և դատաքննությամբ հետազոտվել են համապատասխան փաստաթղթեր, որոնք հաստատում են այն, որ վերոնշյալ ՕՀ միջոցառումներն իրականացվել են դատարանի թույլտվությամբ, ՀՀ քրեական օրենսգրքի 178-րդ հոդվածի 3-րդ մասի 1-ին կետով նախատեսված ծանր հանցանք կատարելու համար կասկածվող Հրաչյա Մայիլյանի նկատմամբ, հետևաբար չպարզված աղբյուրից կամ դատավարական կարգի խախտմամբ վերոնշյալ ապացույցները ձեռք բերելու վերաբերյալ պաշտպանական կողմի պնդումները փաստական հիմք չունեն, վերացական դատողություններ են, տվյալ ՕՀ միջոցառումներ իրականացրած հետաքննության մարմնի ղեկավարի ե համապատասխան աշխատակիցների գործողությունները պաշտպանական կողմը կարող էր այդ փաստաթղթերն իրենց հասու դաոնալու պահից վիճարկվել դատախազական հսկողության, ապա մինչդատական վարույթի նկատմամբ դատական վերահսկողության շրջանակներում, իսկ նշված ՕՀ միջոցառումների իրականացումը թույլատրած դատարանի որոշումները վերաքննության կարգով, քանի որ այդ OՀ միջոցառումների արդյունքներն անմիջականորեն վերաբերելի էին ինչպես Սամվել Բաբայանին, այնպես էլ սույն գործով մյուս ամբաստանյալներն /առնչվում էին նրանց շահերին/>>:
Նախ, բողոք բերած անձը հարկ է համարել նշել, որ քրեադատավարական օրենսդրությունը չի արգելում, որևէ սահմանափակում չի նախատեսում ներկայացնել միջնորդություն կամ անդրադառնալ որևէ ապացույցի թույլատրելիության հարցին դատաքննության ժամանակ, այն պարագայում, երբ դա չի կատարվել մինչդատական վարույթում, քանի որ, ըստ օրենսդրության տրամաբանության, դա կողմի իրավունքն է, թե ինչ մարտավարություն պետք է ընտրի: Բացի այդ, հետաքննության մարմնի գործողություները, ինչպես նաև OՀ միջոցառումների իրականացումը թույլատրած դատարանի որոշումները վիճարկելու հնարավորություն պաշտպանության կողմը չէր կարող ունենալ, քանի դեռ առկա չեն եղել միջնորդությունը հիմնավորող նյութերը, որոնց հետազոտումից հետո միայն պարզ կդառնար, թե դրանք վիճարկելու հիմքեր կան արդյոք, թե ոչ: Հենց այդ նպատակով է բողոք բերած անձի կողմից միջնորդություն արվել հետազոտելու համար պահանջել Հրաչյա Մայիլյանի հեռախոսային խոսակցությունների գաղտնալսումը թույլատրելու վերաբերյալ Կենտրոն և Նորք-Մարաշ վարչական շրջանների ընդհանուր իրավասության դատարանի որոշման հիմքում դրված նյութերը:
Եվ ի վերջո, եթե պաշտպանական կողմի պնդումները փաստական հիմք չունեն, վերացական դատողություններ են, ինչպես որակել է դատարանը, ապա ինչի համար է այդ նույն դատարանը բավարարել բողոք բերած անձի միջնորդությունը, ինչպես բացատրել այն հանգամանքը, որ դատարանը միջնորդության քննարկման ժամանակ գտել է, որ այն հիմնավոր է և բավարարել է այն, հետազոտելու համար պահանջել է Հրաչյա Մայիլյանի հեռախոսային խոսակցությունների գաղտնալսումը թույլատրելու վերաբերյալ Կենտրոն և Նորք-Մարաշ վարչական շրջանների ընդհանուր իրավասության դատարանի որոշման հիմքում դրված նյութերը, բայց երբ դրանք չեն ներկայացվել և պաշտպանության կողմը փաստացի հնարավորություն չի ունեցել դրանք հետազոտելու և ՕՀ միջոցառումների արդյունքում ձեռք բերված տվյալների թույլատրելիությունը ստուգելու, անհրաժեշտության դեպքում դրանք վիճարկելու, համարել է, որ պաշտպանական կողմի պնդումները փաստական հիմք չունեն, վերացական դատողություններ են:
Տվյալ դեպքում, պաշտպանության կողմին փաստացի հնարավորություն չի տրվել ծանոթանալու գաղտնալսումը թույլատրելու համար հիմք ծառայած նյութերին, որի օրինականությունը վերոհիշյալ փաստարկներով խիստ կասկածելի է, այդ իսկ պատճառով պաշտպանության կողմը զրկվել է գաղտնալսումների արդյունքում ստացված ապացույցների թույլատրելիությունը վիճարկելու հնարավորությունից, ընդ որում, ապացույցներ, որոնք ըստ առաջադրված մեղադրանքի և մեղադրական դատավճռի, վճռորոշ և առանցքային նշանակություն ունեն մեղադրանքը հաստատված համարելու համար, քանի որ, ըստ բոոքարկվող դատավճռի, որպես մեղքը հիմնավորող ապացույցներ, հիմնականում հղում է կատարվում դրանց վրա: Այլ կերպ ասած, նման տվյալները մեղադրանքի հիմքում դնելով, դատարանը թույլ է տվել անձի օրենքով երաշխավորված պաշտպանության իրավունքի էական խախտում, այն է՝ փաստացի զրկել է առաջադրված մեղադրանքի հիմքում դրված տվյալների թույլատրելիությունը ստուգելու և դրանք վիճարկելու հնարավորությունից: Նման կերպ ստացված ապացույցների օգտագործումը ե դրանք մեղադրական դատավճռի հիմքում դնելը Եվրոպական դատարանի հստակ դիրքորոշման համաձայն, համարվում է արդար դատաքննության և մրցակցության սկզբունքների խախտում:
Այս առումով անտեսելով պաշտպանական կողմի փաստարկները, դատարանը նշված ապացույցներն անհիմն կերպով դրել է մեղադրական դատավճռի հիմքում և համարելով, որ դրանց որոշակի հատվածներ հաստատում են Սամվել Բաբայանի կողմից ՀՀ քրեական օրենսգրի 38-235-րդ հոդվածի 2-րդ մասով նախատեսված գործողությունների կատարումը, կատարել է ենթադրական դատողություններ:
Նշված գործողությունների արդյունքում ձեռք բերված որոշակի տվյալները, որպես մեղադրանքում տեղ գտած հանգամանքները հաստատող ապացույցներ համարվելու համար, պետք է վերլուծության ենթարկվեին գործով ձեռք բերված այլ փաստերի հետ համադրմամբ: Այնինչ, նախաքննության մարմինը, դատարանն էլ իր հերթին այդ տվյալներն օգտագործել են առանձին վերցրած առանց մյուս փաստերի հետ համադրելու: Այսինքն գաղտնալսված խոսակցություններում առկա որոշակի բառեր, նախադասություններ կամայականորեն մեկնաբանվել և հիմք են ընդունվել որպես մեղադրանքը հիմնավորող ապացույցներ: Երբ գործում առկա փաստերը համադրում ենք գաղտնալսումներում առկա խոսակցությունների հետ, ապա ակնհայտ կերպով երևում է, որ մեղադրանքում նշված հետևությունները զուտ ենթադրություններ, կամայական մեկնաբանություններ են, որոնք հերքվում են հետևյալ փաստարկներով:
Մասնավորապես, Սանասար Գաբրիելյանի և Հրաչյա Մայիլյանի միջև 22.02.2017թ. տեղի ունեցած հեռախոսային խոսակցության գաղտնալսման հետևյալ հատվածը <<Ասեց 50.000, մարդիկ համաձայնեցին, ասեց, փող վեկալ, գնացի վեկալի, եթե մնա սաղ իմ վզին, ես Ժորիկի հետ ուրիշ խոսակցություն կանեմ>>, մեկնաբանվել է այնպես, որ այդ 50.000-ը ձեռք բերվելիք զենքի գումարն է, որ այդ 50.000-ը Սամվել Բաբայանի խոստացած գումարն է: Այդ մասին կոնկրետ հարցադրումներ են կատարվել հարցաքննությունների ժամանակ: Նշված խոսակցությունից ակնհայտ երևում է, որ այդ 50.000-ը 22.02.2017թ. դրությամբ Սանասար Գաբրիելյանն ինչ որ անձից կամ անձանցից արդեն իսկ ստացել է: Այնինչ, գործով հիմնավորվել է, որ Սամվել Բաբայանը Սանասար Գաբրիելյանին գումար չի տվել: Խոսակցության մեջ նշված այդ գումարի հետ Սամվել Բաբայանն ընդհանրապես որևէ կապ չունի, ուստի, նշված տվյալը չի կարող վերաբերելի լինել Սամվել Բաբայանին և համարվել որպես մեղադրանքը հիմնավորող ապացույցներից մեկը: Ընդ որում, Սանասար Գաբրիելյանն իր 21.04.2017թ. ցուցմունքում այդ հեռախոսային խոսակցության վերաբերյալ մանրամասն նշել է, թե ինչի մասին է խոսքը: Նախաքննության մարմինը որևէ ջանք չի գործադրել նրա ցուցմունքում նշված հանգամանքները ճշտելու ուղղությամբ: Բացի այդ, այն, որ խոսակցության մեջ նշված այդ 50.000-ը չի վերաբերում Իգլան ձեռք բերելուն, միանշանակ կերպով հաստատվում է Հրաչյա Մայիլյանի, Արմեն Պողոսյանի, Ռուստամ Սադոյանի ցուցմունքներով: Մասնավորապես, նշված անձանց ցուցմունքներով հաստատվում է, որ 2017թ. փետրվարի 22-ին Թբիլիսիում հանդիպել են Ռոբերտ Աղվանյանին, որը Ռուստամ Սադոյանին հայտնել է, որ <<Իգլա>> տեսակի զենք ունի: Նշված անձանց ցուցմունքների հիման վրա հենց մեղադրանքի մեջ նշված է, որ Հրաչյա Մայիլյանի, Արմեն Պողոսյանի և Ռոբերտ Աղվանյանի միջև հանցավոր համաձայնությունը ձեռք է բերվել 2017թ. փետրվարի 22-ին: Մեղադրանքի կողմը բոլորովին անտեսել է այն հանգամանքը, որ նույն այդ ցուցմունքներով հիմնավորվում է, որ այդ մասին Սանասար Գաբրիելյանին տեղեկացրել են փետրվարի 22-ից հետո, որից ակնաոու կերպով հետևում է, որ Հրաչյա Մայիլյանի և Սանասար Գաբրիելյանի միջև տեղի ունեցած նշված խոսակցությունում արծարծված 50.000-ը ուղղակի չի կարող վերաբերել զենք ձեռք բերելու համար այսպես ասած խոստացված գումարին, այն պարզ պատճառով, որ Սանասար Գաբրիելյանն այդ օրվա դրությամբ նույնիսկ չի էլ իմացել, որ Արմենին այդ զենքը գնելու առաջարկ է արվել:
2017թ. մարտի 18-ին և 19-իև ներքին դիտման արդյունքում ձեռք բերված Սամվել Բաբայանի և Սանասար Գաբրիելյանի խոսակցության այն հատվածը, որտեղ վերջինս Սամվել Բաբայանից գումար է ուզում, մեկնաբանվել է այն կերպ, որ Սամվել Բաբայանը խոստացել է մի քանի օրվա ընթացքում վճարել խոստացված գումարը հանցակիցևերիև փոխանցելու համար:
Նախ, գաղտնալսված զրույցում հիշատակվում է 45.000-ի, այլ ոչ թե 50.000-ի մասին: Բացի այդ, նշված զրույցից պարզ չէ, թե Սանասարն այդ գումարն ինչի համար է ուզում, իսկ նախաքննության մարմինը և դատարանը համառորեն հետևություն են արել, որ այդ գումարն ուզում է հանցակիցներին փոխանցելու համար: Դատաքննության ժամանակ Աանասար Գաբրիելյանը նշեց, որ գաղտնալսված խոսակցությունում հիշատակված գումարը վերաբերում է բոլորովին այլ բանի ընտրությունների աշխատանքները կազմակերպելու համար: Եվ վերջապես, ըստ մեղադրանքի, Սամվել Բաբայանը 50.000 ԱՄՆ դոլար պետք է վճարեր իր նպատակային նշանակության օգտագործման համար պիտանի <<Իգլա>>-ի համար, այլ ոչ թե այդ զենքի ինչ որ մասերի համար, այնինչ ցույց տրված լուսանկարներով պարզվել է, որ բացակայում է արձակման մեխանիզմը, սնուցման մարտկոցը, առանց որոնց դրանով կրակ արձակել հնարավոր չի: Եթե Սանասար Գաբրիելյանի կողմից ուզած գումարը վերաբերեր այդ զենքի մասերը գնելու համար հանցակիցներին փոխանցելուն, ապա բնականաբար, Սամվել Բաբայանի կողմից պետք է սակարկվեր նաև իր կողմից վճարվելիք գնի չափը: Նշված գաղտնալսումներում որևէ խոսակցություն չկա նաև այդ մասին:
Սամվել Բաբայանի մեղքը հիմնավորող ապացույց է համարվել նաև այն փաստը, որ Սանասար Գաբրիելյանը Հրաչյա Մայիլյանի կողմից ձեռք բերված <<Իգլաի>> մասերի պլանշետային համակարգչով արված նկարները ցույց է տվել Սամվել Բաբայանին:
Նշված հանգամանքը երբևէ չի հերքվել Սամվել Բաբայանի կողմից: Համաձայն Սանասար Գաբրիելյանի ցուցմունքների, դրա նպատակը եղել է այն, որ Սամվել Բաբայանից, որպես զենքի գիտակ, իմանա նրա կարծիքը և համոզվի դրա պիտանելիության հարցում:
18.03.2017թ. կատարված ներքին դիտման արդյունքում ձեռք բերված Սամվել Բաբայանի և Սանասար Գաբրիելյանի խոսակցության այն հատվածը, որտեղ Սամվել Բաբայանը Սանասար Գաբրիելյանին ասում է դիր մի արկղի մեջ, տար Նարիշտար գյուղ, թաղի հողի մեջ, մեկնաբանվել է այն կերպ, որ այդ զենքը ձեռք բերելու պատվիրատուն հանդիսացել է Սամվել Բաբայանը, որ Սամվել Բաբայանն է դրդել Սանասար Գաբրիելյանին ձեռք բերելու այն:
Սանասար Գաբրիելյանին նման բան ասելու հանգամանքը նույնպես երբևէ չի հերքվել Սամվել Բաբայանի կողմից:
Ի դեպ, խոսակցության նշված հատվածիև անդրադառնալով, դատարանը կատարել է հետևյալ դատողությունը.
<<Ընդ որում, այդ առաջարկը Սանասար Գաբրիելյանին կատարվում է այն պարագայում, երբ վերջինս ըստ խոսակցության բովանդակության /նաև Ս. Գաբրիելյանի ցուցմունքների/, դեռևս չէր կողմնորոշվել <<Իգլա>> տեսակի ԶՀՀ-ի դիմաց վճարելու հարցում>>:
Սրանով դատարանը փաստացի ընդունում է այն հանգամանքը, որ զենքի համար վճարումը պետք է կատարեր Սանասար Գաբրիելյանը, քանի որ հակառակ պարագայում վճարելու հարցում Ս. Գաբրիելյանը կողմնորոշվելու ոչինչ չուներ:
Գործով հաստատված է, որ լուսանկարները Սամվել Բաբայանին ցույց տալուց հետո հենց նույն օրը Սանասար Գաբրիելյանն Արմեն Պողոսյանին տեղեկացրել է, որ չի գնելու զենքի այդ մասերը: Դա հստակ ապացուցված է գաղտնալսումներով: Անվիճելի փաստ է նաև, որ Սանասար Գաբրիելյանը, իմանալով հանդերձ, որ այդ զենքի մասերը մարտի 17-ից գտնվում եև Հրաչյա Մայիլյանի մոտ, չի վերցրել դրանք, դրանք այդպես էլ մնացել եև Հրաչյա Մայիլյանի մոտ` մինչ նրա կողմից այն ԱԱԾ աշխատակիցներիև ներկայացնելը: Այստեղ արդեն տրամաբանական մի շարք հարցեր են առաջանում, որոնք վերոհիշյալ փաստարկների հետ մեկտեղ ողջամիտ կասկածի տակ եև դնում առաջադրված մեղադրանքի հիմնավորվածությունը:
Եթե զենքի պատվիրատուն հանդիսացել է Սամվել Բաբայանը, եթե նա պետք է վճարեր այդ զենքի գումարը, եթե Սանասար Գաբրիելյանի կողմից Սամվել Բաբայանից գումար ուզելը մեկնաբանվում է որպես այդ զենքի համար խոստացված գումար, ապա, հատկապես նյութապես շահագրգռված լինելու պարագայում, Սանասար Գաբրիելյանն ինչի համար է հրաժարվել այն ձեռք բերելուց, չէ որ այսպես ասած <<պատվիրատու>> Սամվել Բաբայանը նրան այդպիսի հրահանգ չի տվել: Սանասար Գաբրիելյանի և Սամվել Բաբայանի գաղտնալսված զրույցում որևէ տվյալ չկա, որ վերջինիս հրահանգով է Սանասարը հրաժարվել այն ձեռք բերելուց: Այն, որ Սանասար Գաբրիելյանն իր նախաձեռնությամբ է հրաժարվել այն ձեռք բերելուց, հակառակն ապացուցող ոչ մի փաստական տվյալ առկա չէ: Եթե Սանասար Գաբրիելյանը հրաժարվել է այդ զենքի մասերը ձեռք բերելուց, ինչի համար պետք է Սամվել Բաբայանից ուզեր այսպես ասած <<խոստացված գումարը>>: Որն է տրամաբանությունը, որ Սամվել Բաբայանը խոստանում է մի քանի օրից տրամադրել գումար, որից հետո Սանասար Գաբրիելյանը դուրս է գալիս նրա մոտից ու հեռախոսով Արմեն Պողոսյանին հայտնում, որ այլևս մտադիր չէ այդ զենքի մասերը գնելու: Նշված փաստարկներից միանշանակ կերպով հետևում է, որ Սամվել Բաբայանը բոլորովին առնչություն չունի այդ զենքի մասերը ձեռք բերելու հետ, դրա նախաձեռնությունը պատկանել է Սանասար Գաբրիելյանին, այն ձեռք բերելու ոչ մի պատվեր չի տվել, առավել ևս դրա համար ոչ մի գումար վճարելու խոստում չի տվել:
Սույն գործով ոչ մի տվյալ չկա այն մասին, որ Սամվել Բաբայանը որպես դրդիչ, իսկ Սանասար Գաբրիելյանը որպես կատարող փոխադարձաբար տեղեկացված են եղել իրենց գործողությունների մասին, որ գործել են համատեղ: Այնինչ, քրեական գործով ձեռք բերված փաստերն այլ բան են վկայում:
Սասնավորապես, Իգլաի մասերի լուսանկարները նայելուց և այն Նարիշտար գյուղ տանելու մասին խորհուրդ տալուց հետո Ս. Բաբայանը չի իմացել, թե Ս. Գաբրիելյանը կատարել է իր խորհուրդը, թե ոչ, նույնիսկ չի իմացել, որ այդ զենքի մասերը փաստացի չեն գտնվում Ս.Գաբրիելյանի մոտ: Դա ակնհայտորեն հաստատվում է Աշոտ Շուշանյանի և Սամվել Գաբրիելյանի միջև տեղի ունեցած խոսակցության գաղտնալսմամբ, որի ժամանակ վերջինս հարցնում է, թե Ս.Գաբրիելյանի հետ ուր էին գնում, նրանց մոտ բան եղել է, թե ոչ: Նույն այդ գաղտնալսմամբ հաստատվում է այն փաստը, որ Ս.Բաբայանը չի իմացել, որ պլանշետով արված լուսանկարները դրանից մի քանի օր առաջ Ս.Գաբրիելյանի պահանջով արդեն իսկ ջնջված են եղել: Նշված փաստերը վկայում են այն մասին, որ Ս.Բաբայանի և Ս.Գաբրիելյանի գործողություններում ոչ մի պայմանավորվածություն, փոխադարձ իրազեկվածություն չի եղել, հետևաբար համատեղ մասնակցություն դիտավորյալ հանցագործության կատարմանը չի եղել:
Վերոհիշյալ փաստարկները թույլ են տալիս միանշանակ կերպով հետևություն անելու, որ Սամվել Բաբայանին ՀՀ քրեական օրենսգրքի 38-235-րդ հոդվածի 2-րդ մասով առաջադրված մեղադրանքն անհիմն է, քանի որ <<Իգլա>> տեսակի զենք ձեռք բերելու նախաձեռնությունը պատկանել է Սանասար Գաբրիելյանին, նման մտադրությունը նրա մոտ արդեն իսկ առկա է եղել մինչ լուսանկարները Սամվել Բաբայանին ներկայացնելը: Դրանից առաջ Սամվել Բաբայանը տեղյակ չի եղել Սանասար Գաբրիելյանի նման մտադրության մասին, ողջ քրեական գործում չկա որևէ տվյալ, որը կհաստատեր հակառակը, տեղեկանալուց հետո էլ չի իմացել, թե այդ զենքի մասերը երբ, ումից, ինչ հանգամանքներում է ձեռք բերվել: Այլ կերպ ասած, Սամվել Բաբայանը չի կարող համարվել ապօրինի կերպով զինամթերք ձեռք բերելուն դրդիչ, այն դեպքում, երբ այն ձեռք բերելու մտադրությունը Սանասար Գաբրիելյանի մոտ վաղուց արդեն առկա է եղել:
Հատկանշական է այն փաստը, որ Սամվել Բաբայանին առաջադրելով նման մեղադրանք, ողջ նախաքննության ընթացքում այդպես էլ չի հաստատվել և մեղադրանքում չի ձևակերպվել, թե Սամվել Բաբայանն ինչի համար պետք է դրդած լիներ Սանասար Գաբրիելյանին, որն է եղել նման արարքին դրդելու շարժառիթը: Նշվածը չի պարզվել նաև դատաքննության ընթացքում:
Սամվել Բաբայանի կողմից Սանասար Գաբրիելյանին խորհուրդ տալը լուսանկարում պատկերված զենքի համալրված լինելու, ինչպես նաև զենքի մասերը Նարիշտար գյուղ տանելու վերաբերյալ, իր մեջ ՀՀ քրեական օրենսգրքի 38-235-րդ հոդվածի 2-րդ մասով նախատեսված հանցագործության հանցակազմի հատկանիշներ ակնհայտորեն չի պարունակում, այդ իսկ պատճառով էլ նախաքննության մարմինը 2017թ. մարտի 18-իև տեղի ունեցած այդ խոսակցությունը կապում է 2016թ. ամռանը Սանասար Գաբրիելյանի կողմից այդ զենքը փնտրելու ուղղությամբ կատարված գործողությունների հետ մեկնաբաևելով, որ իբր 2016թ. ամռանև է Սամվել Բաբայանը Սանասար Գաբրիելյանին դրդել ձեռք բերելու այդ զենքը, իսկ ինչպես արդեն նշել էի, 2016թ. ամռանը Ս.Բաբայանի կողմից Ս.Գաբրիելյանին դրդելու վերաբերյալ որևէ տվյալ չկա ողջ քրեական գործում:
Այս առումով հատկանշական է գործում առկա հետևյալ փաստաթուղթը. ԱԱԾ ՔՎ պետի կողմից ԱԱԾ քննչական վարչության պետին 28.04.2017թ. գրությամբ հայտնվել է, որ <<2016թ. հունիս ամսից մինչև ս/թ մարտի 22-ն ընկած ժամանակահատվածում ուսումնասիրվել են Սամվել Բաբայանի և Սանասար Գաբրիելյանի գաղտնալսումները, որոնց արդյունքում պարզվել է, որ վերջիններս պահպանել են ակտիվ երկկողմանի կապ: Զրուցակիցները հեռախոսազրույցներ են ունեցել հիմնականում ՌԴ-ից փայտանյութեր ձեռքբերելու և ՀՀ ներմուծելու վերաբերյալ: Միաժամանակ տեղեկացնում ենք նաև, որ մեր կողմից ստացված օպերատիվ տվյալների համաձայն, ի սկզբանե <<Իգլա>> տեսակի դյուրակիր զենիթահրթիռի ձեռքբերման նախաձեռնողը եղել է Ս.Բաբայանը>>:
Օպերատիվ տվյալներն ինքնին վերցրած չեն կարող ապացույց հանդիսանալ, դրանք ՀՀ քրեական դատավարության օրենսգրքի 104-րդ հոդվածի 2-րդ մասում թվարկված թույլատրելի ապացույցների մեջ ներառված չեն: Ողջ նախաքննության ընթացքում ձեռք չի բերվել որևէ տվյալ, որը կհաստատեր այդ օպերատիվ տվյալի համապատասխանությունն իրականությանը:
Նշված գրությամբ առավել ևս հստակորեն փաստվում է այն, որ Սամվել Բաբայանի կողմից Սանասար Գաբրիելյանին ապօրինի կերպով ռազմամթերք ձեռք բերելուն 2016թ. ամռանը դրդելու մեղադրանքում նշված հանգամանքը գործում առկա որևէ վերաբերելի և թույլատրելի ապացույցով հիմնավորված չէ, այն միայն կամայականորեն արված ենթադրություն է:
ՀՀ քրեական օրենսգրքի 190-րդ հոդվածի 1-ին մասով Սամվել Բաբայանին առաջադրված մեղադրանքը դատարանը նույնպես դատաքննությամբ հաստատված է համարել, որը ևս անհիմն է:
ՀՀ քրեական օրենսգրքի 190-րդ հոդվածի 1-ին մասով Սամվել Բաբայանին մեղադրանք է առաջադրվել այն բանի համար, որ նա իմանալով, որ Ռուսաստանում բնակվող իր մտերիմ Տիգրան Հովհաննիսյանի քննությամբ դեռևս չպարզված ծանոթները հնարավորություն ունեն տրամադրելու ակնհայտ հանցավոր ճանապարհով ստացված հափշտակված, ինկասացիոն կամ բանկոմատային անվտանգության նպատակով օգտագործվող հատուկ նյութով ներկոտված եվրոյի թղթադրամների խմբաքանակ վճարելով դրա անվանական արժեքի 52 տոկոսը, մտադրվել է ձեռք բերել նշված գույքը, քիմիական մաքրման և վերամշակման եղանակով խեղաթյուրելով դրա հանցավոր ծագումն ու իրական բնույթը, որից հետո որպես հնամաշ թղթադրամներ Հայաստանի Հանրապետության տարածքում դնել օրինական շրջանառության մեջ: Այդ նպատակով Սամվել Բաբայանը վերոհիշյալ Տիգրան Հովհաննիսյանի ծանոթներից փորձնական ձեռք է բերել 3 հատ 20 եվրո և 1 հատ 50 եվրո անվանական արժեքներով ներկոտված թղթադրամներ, որից հետո ձեռնամուխ է եղել դրանք քիմիական մաքրման ենթարկելու համար մասնագետ գտնելուն, ինչը հանձնարարել է իր ծանոթ, Երևանի բնակիչ Կարեն Քոչարյանին, տրամադրելով նշված 20 եվրո արժեքով թղթադրամներից մեկը: Համաձայնելով իր կապերի միջոցով օժանդակել Սամվել Բաբայանի կողմից ձեռք բերվող ներկոտված թղթադրամների խմբաքանակը Ռուսաստաևի Դաշնությունից Հայաստան տեղափոխելու գործում և խոստանալով հանցավոր ճանապարհով ձեռք բերված գույքը պարտակելու նպատակով գտնել մասնագետ թղթադրամները քիմիական մաքրման ենթարկելու համար, վերջինս 2016թ. օգոստոս ամսին եղբոր Անդրանիկ Քոչարյանի միջոցով դիմել է Բուժական գյուղի բնակիչ, քիմիայի ոլորտում համապատասխան գիտելիքներ ունեցող Ժորա Զաքարյանին, իսկ վերջինս տրամադրված 20 եվրո անվանական արժեքով ներկոտված թղթադրամը քիմիական լուծույթով մաքրել և նույն անձանց միջոցով վերադարձրել է Սամվել Բաբայանին:
Համոզվելով ցանկալի արդյունքում, վերջինս 2016թ. օգոստոսի 24-ին Երևանից զանգահարել է Մոսկվայում բնակվող ընկերոջը Մարատ Նալբանդյանին ու հանձնարարել ՌԴ քաղաքացի Վասիլի Մնացականյանից վերցնել 10.000 ԱՄՆ դոլար, որից 2.900 ԱՄՆ դոլարը փոխանցել Տիգրան Հովհաննիսյանի ծանոթներին ներկոտված 5.000 եվրո գումար ձեռք բերելու համար, իսկ մնացած 7.000 ԱՄՆ դոլարը բանկային փոխանցմամբ ուղարկել Երևան: Մարատ Նալբանդյանի միջոցով Տիգրան Հովհաննիսյանի ծանոթներին փոխանցելով 2.900 ԱՄՆ դոլար, Սամվել Բաբայանը կատարված փոխարկման արդյունքում ձեռք է բերել ակնհայտ հանցավոր ճանապարհով ստացված հափշտակված, ինկասացիոն կամ բանկոմատային անվտանգության նպատակով օգտագործվող հատուկ նյութով ներկոտված 100 հատ 50 եվրո անվանական արժեքով ներկոտված թղթադրամներ քիմիական մաքրման և վերամշակման եղանակով դրանց հանցավոր ծագումն ու իրական բնույթը խեղաթյուրելու և որպես հնամաշ թղթադրամներ ՀՀ-ի տարածքում օրինական շրջանառության մեջ մտցնելու նպատակով:
Այդ ընթացքում Սամվել Բաբայանը վերոհիշյալ Տիգրան Հովհաննիսյանի ծանոթներից մինչ այդ փորձնական ձեռք բերված մնացած 3 թղթադրամները 2017թ. սեպտեմբերի սկզբներին կրկին հանձնել է Կարեն Քոչարյանին մաքրման ենթարկելու և մասնագետի հմտությունները վերստին ստուգելու նպատակով, իսկ վերջինս դրանք եղբոր` Անդրանիկ Քոչարյանի միջոցով փոխանցել է Ժորա Զաքարյանին:
Այնուհետև, ձեռք բերված ներկոտված թղթադրամների խմբաքանակը Հայաստան տեղափոխելու գործընթացը կազմակերպելու համար կրկին դիմել է Կարեն Քոչարյանին, ով ընկերոջ Դավիթ Հարությունյանի և վերջինիս մտերիմ, Ռուսաստանից Հայաստան երկկողմ ուղղություններով բեռների և ուղևորների փոխադրմամբ զբաղվող Գոռ Շակոյանի միջոցով ապահովել է <<SETRA>> մակնիշի 94 VQ 444 համարանիշի երթուղային ավտոբուսի վարորդ Արմեն Հակոբյանի կողմից խոշոր չափերով 2.648.150 ՀՀ դրամին համարժեք 5.000 եվրո գումարի ՀՀ տեղափոխումը: 2016թ. սեպտեմբերի 20-ին Երևան առաքված 5.000 եվրո ներկոտված թղթադրամները վարորդ Արմեն Հակոբյանից վերցրել է Գոռ Շակոյանը Դավիթ Հարությունյանին փոխանցելու նպատակով, սակայն Գոռ Շակոյանի կողմից թվով 100 հատ 50 եվրո անվանական արժեքով ներկոտված թղթադրամների խմբաքանակը Դավիթ Հարությունյանին փոխանցելուց հետո վերջիններս բերման են ենթարկվել ՀՀ ԱԱԾ աշխատակիցներ կողմից:
Նշված մեղադրանքների հիմքում դրվել են Սամվել Բաբայանի, Կարեն և Անդրանիկ Քոչարյանների, Դավիթ Հարությունյանի, Ժորա Զաքարյանի ցուցմունքները, վկաներ Գոռ Շակոյանի, Արմեն Հակոբյանի, Համիկ Իխտիարյանի, Վրեժ Առաքելյանի ցուցմունքները, իրեղեն ապացույց ճանաչված 100 հատ 50 եվրոանոց թղթադրամները, իրեղեն ապացույց ճանաչված, Ժորա Զաքարյանի տան խուզարկությամբ հայտնաբերված 2 հատ 20 եվրո ե 1 հատ 50 եվրո թղթադրամները և քիմիական նյութերը, գործով ապացույց ճանաչված` Սամվել Բաբայանի նկատմամբ իրականացված <<հեռախոսային խոսակցություների վերահսկում>> օպերատիվ-հետախուզական միջոցառումների արդյունքները և դրանց զննման արձանագրությունը, փաթեթ ներկայացնելու մասին 20.09.2016թ. կազմված արձանագրությունը, գործի հանգամանքները ճշտելու մասին Կարեն Քոչարյանի մասնակցությամբ 07.07.2017թ. կազմված արձանագրությունը, ՀՀ ոստիկանության Ինտերպոլի ԱԿԲ-ից ստացված 27.01.2017թ., 02.02.2017թ., 17.03.2017թ., 03.04.2017թ. գրությունները, ՀՀ 4Բ-ի 16.06.2017թ. գրությունը, դատափաստաթղթաբանական փորձաքննության եզրակացությունը:
ՀՀ քրեական օրենսգրքի 190 հոդվածի 1-ին մասի համաձայն, հանցավոր ճանապարհով ստացված գույքի փոխարկումը /կոնվերտացումը/ կամ փոխանցումը /եթե հայտնի է, որ այդ գույքն ստացվել է հանցավոր գործունեության արդյունքում/, որը նպատակ է ունեցել թաքցնել կամ խեղաթյուրել այդ գույքի հանցավոր ծագումը կամ օժանդակել որևէ անձի, որպեսզի նա խուսափի իր կատարած հանցանքի համար պատասխանատվությունից, կամ գույքի իրական բնույթը, ծագման աղբյուրը, գտնվելու վայրը, տնօրինման եղանակը, տեղաշարժը, իրավունքները կամ պատկանելիությունը թաքցնելը կամ խեղաթյուրելը /եթե հայտնի է, որ այդ գույքն ստացվել է հանցավոր գործունեության արդյունքում/ կամ այդ գույքը ձեռք բերելը կամ տիրապետելը կամ օգտագործելը կամ տնօրինելը /եթե այդ գույքի ստացման պահին հայտնի էր, որ այն ստացվել է հանցավոր գործունեության արդյունքում/:
ՀՀ քրեական օրենսգրքի 190-րդ հոդվածի 5-րդ մասի համաձայն, սույն հոդվածի իմաստով հանցավոր ճանապարհով ստացված գույք է հանդիսանում ցանկացած գույքը, ներառյալ դրամական միջոցները, արժեթղթերը և գույքային իրավունքները, ինչպես նաև ՀՀ միջազգային պայմանագրերով նախատեսված դեպքերում քաղաքացիական իրավունքների այլ օբյեկտներ, որոնք ուղղակի կամ անուղղակի առաջացել կամ ստացվել են սույն օրենսգրքի 104-րդ, 112-113-րդ, 117-րդ, 122-րդ, 131-134-րդ, 166-րդ, 168-րդ, 175-224-րդ, 233-235-րդ, 238-րդ, 261-262-րդ, 266-270-րդ, 281-րդ, 284-րդ, 286֊ 289-րդ, 291-292-րդ, 295-րդ, 297-298-րդ, 308-313-րդ, 329-րդ, 352-րդ, 375-րդ, 383-րդ, 388-րդ և 389-րդ հոդվածներով նախատեսված հանցագործությունների կատարման արդյունքում:
ՀՀ քրեական օրենսգրքի 190-րդ հոդվածն ուղղակիորեն սահմանում է գույքի ստացման եղանակը հանցավոր ճանապարհով, այսինքն քրեական օրենքով արգելված արարքի կատարման արդյունքում: Ընդ որում, հոդվածի 5-րդ մասը սպառիչ թվարկում է այն հանցագործությունները, որոնց կատարման արդյունքում ստացված գույքը կամ գույքային իրավունքը կարող է հանդիսանալ փողերի լվացման հանցակազմի առարկա: Հետևաբար, արարքը կարող է որակվել ՀՀ քրեական օրենսգրքի 190-րդ հոդվածով միայն դրա 5-րդ մասով թվարկված հանցագործություններից որևէ մեկի առկայության դեպքում: Նախորդող հանցագործության բացակայությունը բացառում է հանցավոր ճանապարհով ստացված եկամուտների օրինականացման հանցակազմի գոյությունը, ուստի, մեղադրական դատավճիռ կայացնելիս դատարանը նախ պետք է հաստատված համարի նախորդող հանցագործության դեպքը, ինչպես նաև փողերի լվացման առարկա հանդիսացող գույքի նախորդող հանցագործության արդյունքում ձեռք բերված լինելու հանգամանքը:
Հանցավոր ճանապարհով ստացված եկամուտների օրինականացման համար անձին քրեական պատասխանատվության հարցը լուծելիս պետք է ապացուցվի, որ գույքը ստացվել է հանցավոր ճանապարհով և, որ անձը գիտակցել ու նախատեսել է դրա հանցավոր ճանապարհով ձեռք բերված լինելը:
Հանցավոր ճանապարհով ստացված եկամուտների օրինականացումն օբյեկտիվ կողմի որ եղանակով էլ որ կատարված լինի, ՀՀ քրեական օրենսգրքի 190-րդ հոդվածով որակելու հիմքում ընկած է այն նախապայմանը, որ գույքի հետ կապված գործողությունները կատարվում են գիտակցելով դրանց հանցավոր ճանապարհով ձեռք բերված լինելու հանգամանքը և հետապնդելով հատուկ նպատակ թաքցնել կամ քողարկել գույքի հանցավոր ծագումը կամ օժանդակել հանցակցին խուսափելու իրավական հետևանքներից: Նման դիրքորոշում արտահայտել է ՀՀ Վճռաբեկ դատարանն իր ԵԿԴ/0090/01/09 գործով 24.02.2011 որոշման մեջ:
Այս հանցագործությունը սուբյեկտիվ կողմից բնութագրվում է ուղղակի դիտավորությամբ, այսինքն հանցավորը գիտակցում է հանցավոր ճանապարհով ստացված եկամուտն իր կողմից օրինականացնելու փաստը և ցանկանում է դա: Այս հանցակազմի սուբյեկտիվ կողմի պարտադիր հատկանիշն իրենում պարունակում է հատուկ նպատակ հանցավոր ճանապարհով ստացված միջոցների իրական աղբյուրները քողարկել, թաքցնել և այդ միջոցներն օրինական շրջանառության մեջ ներգրավել:
Սույն գործով ապացուցված չէ, որ իրեղեն ապացույց հանդիսացող եվրո թղթադրամները ստացվել են ՀՀ քրեական օրենսգրքի 190-րդ հոդվածի 5-րդ մասով սահմանված հանցագործություններից որևէ մեկի կատարման արդյունքում: Ավելին, ապացուցված չէ, թե այդ թղթադրամներն ընդհանրապես հանցավոր ճանապարհով են ձեռք բերվել, թե ոչ: Այլ կերպ ասած, գործով ապացուցված չէ, որ իրեղեն ապացույց հանդիսացող եվրո թղթադրամները հանդիսանում են փողերի լվացման հանցակազմի առարկա: Այսպես.
Նախաքննության մարմինը որպես ապացույց ներկայացրել է Ինտերպոլի մի շարք գրություններ: Ինչ վերաբերում է ՀՀ ոստիկանության Ինտերպոլի ԱԿԲ-ից ստացված 02.02.2017թ., 17.03.2017թ. 03.04.2017թ. գրություններին, ապա դրանց բովանդակությունը կայանում է նրանում, որ թղթադրամների վրա առկա ներկն օգտագործվել է իտալական ինչ որ ընկերության համակարգերի կողմից, որ որպես նմուշ ներկայացված թղթադրամը ներկից քիմիական միջամտությամբ մաքրելու փորձ է կատարվել, որ կարմիր ներկն արտադրվել է շվեյցարական այսինչ ընկերության կողմից, որ խմբաքանակի ներկերը որ ընկերությունների կողմից են մատակարարվել և այլն: Նշված տեղեկություները հանցակազմը հավաստելու առումով ոչ մի տվյալ չեն պարունակում:
Մեղադրանքի կողմը որպես ապացույց ներկայացրել է նան ՀՀ ոստիկանության Ինտերպոլի ԱԿԲ-ից ստացված թիվ 9/A-245-CF1/208/139/16 27.01.2017թ. գրությունը: Մեղադրական եզրակացության մեջ այս գրության, որպես մեղքը հիմնավորող ապացույցի նշանակությունը կարևորվել է գրության մեջ առկա այն տեղեկատվությամբ, որ ըստ Իտալիայի իրավասու մարմինների հայտնածի, ներկայացված թղթադրամը գողացվել է պաշտպանիչ ներկանյութեր պարունակող բանկոմատից, թղթադրամը երեք տարբեր ուղղություններից ներկող կարմիր գույնը և դրա վրա առկա ներկի քանակը վկայում է այն մասին, որ դա բնորոշ է բանկոմատներում անվտանգության նպատակով տեղադրված ներկերին: Հատուկ ներկանյութերով ներկոտված թղթադրամների առկայությունը ցույց է տալիս, որ դրանք գողացվել են այս կամ այն եղանակով:
Դատարանի ուշադրությունը հրավիրվել է սույն հանգամանքի վրա, որ մեղադրական եզրակացության մեջ նշված գրության մեջ առկա որոշակի հատվածներ ներառված չեն: Մասնավորապես, նշված դրության մեջ առկա են նաև հետևալ տեղեկությունները.
<<Եվրոպոլից ստացված տեղեկատվության համաձայն, ՀՀ-ում հայտնաբերված գունավորված եվրո թղթադրամները մուտքագրվել են Եվրոպոլի համապատասխան տվյալների պահոց և ստուգումների արդյունքում որևէ համընկնում չի գրանցվել:
Ձեր նախորդ գրության մեջ ներկայացված հարցադրումներին Մալիկ Ալիբեկովիչից ստացվել են հետևյալ պատասխանները.
Այն փաստը, որ թղթադրամների վրա առկա են բանկոմատներում անվտանգության նպատակով կիրառվող ներկանյութեր, հաստատում է, որ բանկոմատները հանցագործների կողմից հարձակման են ենթարկվել: Նաև հնարավոր է, որ թղթադրամները ներկոտվեն բանկոմատների տեղափոխման ընթացքում առաջ եկած տեխնիկական կամ մարդկային գործոնի կողմից որևէ խնդիր առաջանալու դեպքում: Այս դեպքում թղթադրամները կարող են փոխանակվել Ազգային կենտրոնական բանկերում միայն իրավասու մարմինների կողմից որոշակի տոկոսային պահումով:
Երբեմն կոնտեյներները խնամքով չեն տեղադրվում բանկոմատների մեջ, ուստի հնարավոր է, որ դրանք սխալ գործարկվեն: Նման դեպքում ընկերություններին հնարավորություն է տրվում փոխանակել պատահաբար վնասված թղթադրամները>>:
Այսինքն, ապացույց համարվող այս գրությամբ փաստվում է, որ ՀՀ-ում հայտնաբերված գունավորված եվրո թղթադրամները մուտքագրվել են Եվրոպոլի համապատասխան տվյալների պահոց և ստուգումների արդյունքում որևէ համընկնում չի գրանցվել: Թղթադրամների ներկոտված լինելու վերաբերյալ գրության մեջ արտահայտվել է երեք կարծիք.
1/ Նշված թղթադրամները բանկոմատներից հափշտակվել են,
2/ դրանք ներկոտվել են բանկոմատների տեղափոխման ընթացքում առաջ եկած տեխնիկական կամ մարդկային գործոնի կողմից որևէ խնդիր առաջանալու պատճառով,
3/ երբեմն կոնտեյներները խնամքով չեն տեղադրվում բանկոմատների մեջ, ուստի հնարավոր է, որ դրանք սխալ գործարկվեն:
Ընդ որում, վերջին երկու դեպքերում հնարավորություն է տրվում փոխանակել այդ վնասված թղթադրամները: Մեղադրական եզրակացության մեջ այս գրությունը, որպես մեղքը հիմնավորող ապացույց, հիմք է ընդունվել միայն գրության մեջ առկա կարծիքներից առաջինը և խախտելով անմեղության կանխավարկածի սկզբունքը, լիովին անտեսվել է մյուս երկուսը:
Նշված գրությունը ստանալուց հետո նախաքննության մարմնի կողմից 04.02.2017թ. ՀՀ գլխավոր դատախազության միջոցով Ինտերպոլի գլխավոր քարտուղարությանը հարցում է արվել և ի թիվս մի շարք հարցերի, առաջադրվել են հետևյալ հարցերը.
<<Եթե թղթադրամները ներկոտվեին ցանկացած պատահական այլ հանգամանքներում, այդ թվում բանկոմատների տեղափոխման ընթացքում առաջ եկած տեխնիկական կամ մարդկային գործոնի կողմից որևէ խնդիր առաջանալու հետևանքով, այդ թղթադրամներն ինչպես պետք է տնօրինվեիև և արդյոք կարող էին հայտնվել պատահական անձանց մոտ մաքրելու և շրջանառության մեջ դնելու վերը նշված 100 հատ 50 և 2 հատ 20 եվրոյանոց թղթադրամներն ըստ համարների ստուգել հափշտակված գումարների տվյալների պահոցներով հափշտակման կոնկրետ ժամանակը, հանգամանքները և մյուս տվյալները պարզելու նպատակով:
Եթե հնարավոր կլինի պարզել, թե վերը նշված թղթադրամները երբ և որտեղից են հափշտակվել, ապա անհրաժեշտ է հայտնել, թե արդյոք այդ դեպքով քրեական գործ հարուցվել է, թե ոչ, եթե այո, ինչ հոդվածի հատկանիշներով և նախաքննությամբ ինչ է պարզվել>>:
Նշված հարցման պատասխանը քրեական գործում առկա չէ: Նշված հարցումը կարևորվում է նրանով, որ նշված հարցադրումներից ակնհայտորեն երևում է, որ նախաքննության մարմինն իր տրամադրության տակ չի ունեցել որևէ կոնկրետ ապացույց, թե հայտնաբերված թղթադրամները հափշտակվել են, թե ոչ, երբ ե ինչ հանգամանքներում են դրանք հայտնվել այլ անձանց մոտ: Այսինքն, այլ կերպ ասած, հստակ կարելի է հետևություն անել, որ քրեական գործով ապացուցված չէ, թե հայտնաբերված թղթադրամները ՀՀ քրեական օրենսգրքի 190-րդ հոդվածի իմաստով հանցավոր ճանապարհով ձեռք բերված գույք հանդիսանում են, թե ոչ: Ուստի, մեղադրանքներում տեղ գտած այն ձեակերպումը, որ ներկոտված եվրո թղթադրամներն ակնհայտ հանցավոր ճանապարհով են ստացված, Սամվել Բաբայանի մտերիմ Տիգրան Հովհաննիսյանի քննությամբ դեռես չպարզված ծանոթները հնարավորություն են ունեցել տրամադրելու ակնհայտ հանցավոր ճանապարհով ստացված հափշտակված, ինկասացիոն կամ բանկոմատային անվտանգության նպատակով օգտագործվող հատուկ նյութով ներկոտված եվրոյի թղթադրամների խմբաքանակ, անհիմն է, չի հաստատվել գործով ձեռք բերված որևէ տվյալով: Այս հանգամանքը հիմնավորող ապացույցների բացակայության պայմաններում ՀՀ քրեական օրենսգրքի 190-րդ հոդվածով նախատեսված հանցակազմն արդեն իսկ առկա չէ:
Նշված փաստարկները ներկայացվել են դատարանին, սակայն վերջինս անտեսել է դրանք և անհիմն կերպով հանգել հետևության, որ առկա է ՀՀ քրեական օրենսգրքի 190-րդ հոդվածի 1 -ին մասով նախատեսված հանցակազմ:
ՀՀ քրեական օրենսգրքի 190-րդ հոդվածով նախատեսված հանցակազմի առկայությունը հավաստելու համար, վերոհիշյալի հետ մեկտեղ, անհրաժեշտ է նաև հիմնավորել, որ անձը հստակ իմացել է, որ գույքը ստացվել է հանցավոր գործունեության արդյունքում:
Համաձայն ՀՀ քրեական դատավարության օրենսգրքի 107-րդ հոդվածի, միայն ապացույցների հիման վրա են հաստատվում դեպքր և հանգամանքները, կասկածյալի և մեղադրյալի առնչությունը դեպքին, հանցագործության քրեական օրենքով նախատեսված հատկանիշները, անձի մեղավորությունը քրեական օրենքով չթույլատրված արարքը կատարելու մեջ:
Տվյալ դեպքում, գործով պետք էր կասկածից դուրս ապացուցողական չափանիշների վրա հիմնված փաստական տվյալներով հիմնավորել, որ Սամվել Բաբայանը հստակ իրազեկ է եղել, որ իրեն ուղարկված գումարը ձեռք է բերվել հանցավոր գործունեության արդյունքում:
Սեղադրանքում տեղ գտած այն ձևակերպումը, որ Սամվել Բաբայանն իմացել է, որ Ռուսաստանում բնակվող իր մտերիմ Տիգրան Հովհաննիսյանի քննությամբ դեռևս չպարզված ծանոթները հնարավորություն ունեն տրամադրելու ակնհայտ հանցավոր ճանապարհով ստացված հափշտակված, ինկասացիոն կամ բանկոմատային անվտանգության նպատակով օգտագործվող հատուկ նյութով ներկոտված եվրոյի թղթադրամների խմբաքանակ, գործով ձեռք բերված որևէ տվյալով չի հաստատվել: Մասնավորապես, քննությամբ պարզված չի, թե Ս.Բաբայանը երբ, ինչպես, ում միջոցով, ինչ հանգամանքներում է իմացել, որ Տիգրան Հովհաննիսյանի ծանոթները նման հնարավորություն ունեն, ինչպես է իմացել այդ թղթադրամների ակնհայտ հանցավոր ճանապարհով ստացված լինելու մասին: Քննությամբ չի պարզվել նան, թե ովքեր են Տիգրան Հովհաննիսյանի այդ ծանոթները, իսկ քննությամբ չպարզված տվյալները մեղադրանքում ընդգրկելն իրավաչափ չէ, քանի որ ՀՀ քրեական դատավարության օրենսգրքի 105-րդ հոդվածի համաձայն, մեղադրանքի հիմքում չեն կարող դրվել և որպես ապացույց օգտագործվել անհայտ աղբյուրից ստացված կամ չբացահայտված նյութերը:
Այս դրվագով Սամվել Բաբայանն իր ցուցմունքներում հայտնել է, որ Մոսկվայում բնակվող իր ծանոթ Վասիլին իրեն գումար է պարտք եղել: Նա իրեն տեղեկացրել է, որ կարող է պարտքից 5.000 եվրո ուղարկել, նշելով նաև, որ դրանք ներկոտված են: Ինքն առաջարկել է այդ թղթադրամների նմուշն ուղարկել, որպեսզի հասկանա, թե ինչի մասին է խոսքը: Վասիլին ուղարկել է 20 և 50 եվրո 4 հատ թղթադրամներ, որոնք ներկոտված են եղել կարմրավուն ներկով: Ինքը պատկերացում չի ունեցել, թե դա ինչով է պայմանավորված եղել: Սկզբից միայն կասկածել է, որ այդ թղթադրամները կարող են կեղծ լինել, ուստի, Կարեն Քոչարյանին տալով այդ թղթադրամներից մեկը, խնդրել է այն տանել արտարժույթի փոխանակման ինչ որ կետ և ստուգել տալ դրա իսկությունը: Կարենը տեսնելով թղթադրամը, նույնպես չի իմացել, թե դրա վրայի կարմրավուն ներկն իրենից ինչ է ներկայացնում: Ստուգելուց հետո Կարենը հայտնել է, որ թղթադրամն իսկական է: Իմանալով, որ նշված թղթադրամները փոխանակելու դեպքում բանկերը կարող են մինչև 10 տոկոս պահում անել, որոշել է փորձել, թե հնարավոր է արդյոք թղթադրամների վրայից այդ անհայտ ծագումով ներկը մաքրել, թե ոչ, որպեսզի հնարավորինս ավելի քիչ տոկոս պահվի: Այդ նպատակով Կարենին խնդրել է գտնել քիմիայի ոլորտի մասնագետ: Երբ մի քանի օր անց Կարենր հայտնել է, որ իրենց գյուղում կա այդպիսի մեկը, նրան է տվել այդ թղթադրամներից մեկը, որպեսզի փորձի մաքրել այդ ներկը: Այդ մարդուն հաջողվել է ներկից մաքրել թղթադրամը: Համոզվելով, որ թղթադրամը կեղծ չէ և այն կարելի է գոնե որոշ չափով մաքրել ներկից, վասիլիին հայտնել է, որ ուղարկի իրեն պարտք եղած 5.000 եվրոն և Մոսկվայում բնակվող իր մտերիմ Մարատին խնդրել է, որպեսզի Վասիլիից վերցնի այդ գումարը և ավտոբուսով ուղարկի իրեն: Կարեն Քոչարյանին խնդրել է ծանոթ վարորդ գտնել այդ գումարը Հայաստան տեղափոխելու համար: Կարենից իմանալով այն մարդու հեռախոսահամարը, որը կարող է այդ հարցով օգնել, այն կարճ հաղորդագրությամբ ուղարկել է Մարատին և ասել, որ այդ անձի միջոցով գումարն ուղարկի: Ինքը Կարենին տեղեկացրել է, որ այն գումարը, որը պետք է Մոսկվայից ուղարկվի, ուղարկվում է որպես իրեն պարտք եղած գումարի մարում և ուղարկվելիք թղթադրամները նախկինում իր տեսած նմուշ թղթադրամի պես ներկոտված են և խնդրել է այդ մասին անպայման տեղեկացնի Մոսկվայում գտնվող այն մարդկանց, ովքեր պետք է զբաղվեն տեղափոխման հարցով, այդ թվում ավտոբուսի վարորդին:
Երբ տեսել է ուղարկված թղթադրամի նմուշը, կարծել է, որ ինչ որ բան կարող է թափված լինել դրա վրա, որևէ կասկած չի ունեցել, որ այդ մասին հարցնի Վասիլիին, միայն սկզբից կասկածել է, որ այն կարող է կեղծ լինել, բայց ստուգելուց հետո փարատվել է այդ կասկածը: Միայն քրեական գործի շրջանակներում է իմացել, թե այդ ներկոտված լինելն ինչով կարող է պայմանավորված լինել: Եթե նախապես դրա մասին պատկերացում ունենար, բնականաբար կհրաժարվեր իր պարտքը նման թղթադրամներով ստանալուց: Չի իմացել, թե Վասիլին որտեղից է ձեռք բերել այդ գումարը, իր համար էականը եղել է պարտքը ստանալը: Չի ցանկացել գումարը բանկերում փոխանակելու դեպքում բարձր տոկոսագումար կորցնել, այդ պատճառով էլ փորձել է մաքրել տալ ներկից այդ թղթադրամը: Եթե ներկից մաքրելը չհաջողվեր, ապա ստիպված կամ պետք է բարձր տոկոսագումար կորցներ բանկում փոխանակելիս կամ ընդհանրապես կհրաժարվեր այդ գումարը վերցնելուց: Թե հստակ ինչպես կվարվեր, չի կարող այժմ ասել, քանի որ Կարենի ծանոթին հաջողվել էր մաքրել թղթադրամը: Իր ցուցմունքներում Ս.Բաբայանը տվել է նան գաղտնալսված հեռախոսազրույցների վերաբերյալ իր բացատրությունները, հայտնելով, որ դրանց բովանդակությունը նախաքննության մարմնի կողմից սխալ է մեկնաբանվել:
Սամվել Բաբայանի ցուցմունքներում նշված հանգամանքները գործով հերքված չեն: Չեն հարցաքննվել Տիգրան Հովհաննիսյանը, Վասիլին, որոնք կարող էին հաստատել Ս.Բաբայանի ցուցմունքների հավաստիությունը:
Ս.Բաբայանը ոչ թե մտադրվել է ձեռք բերել հանցավոր ճանապարհով ստացված փողեր, այլ ցանկացել է ստանալ իրեն պարտք եղած գումարը: Գաղափար անգամ չունենալով, թե այդ թղթադրամներն ինչի հետևանքով կարող են ներկոտված լինել, սկզբում միայն կասկածել է, որ դրանք կարող են կեղծ լինել, այդ իսկ պատճառով էլ Կարեն Քոչարյանին տալով այդ թղթադրամներից մեկը, խնդրել է այն տանել արտարժույթի փոխանակման ինչ որ կետ և ստուգել տալ դրա իսկությունը: Նշված հանգամանքն ակնհայտ կերպով վկայում է այն մասին, որ Ս.Բաբայանը չի իմացել, թե այդ թղթադրամների ներկոտված լինելն ինչով կարող է պայմանավորված լինել, որովհետև հակառակ պարագայում, եթե ինչպես մեղադրանքում է նշված, հստակ իմացել է, թե այդ փողերն իրենցից ինչ են ներկայացնում, ինչի համար պետք է ստուգել տար այդ թղթադրամի իսկությունը: Ինչ վերաբերում է այդ ներկոտված թղթադրամները քիմիական մաքրման ենթարկելուն, ապա դրա նպատակը ոչ թե դրանց հանցավոր ծագումն ու իրական բնույթը խեղաթյուրելն է եղել, այլ բանկին համեմատաբար քիչ տոկոսներ վճարելը, որն ինքնին հանցագործություն չի: Բացի այդ, եթե իմացած լիներ թղթադրամների ներկոտված լինելու բուն էության մասին, ապա ինչի համար Կարեն Քոչարյանին պետք է հանձնարարեր անպայման տեղեկացնելու գումարի տեղափոխման հարցով զբաղվող անձանց, թե կոնկրետ ինչ են տեղափոխելու:
Կարեն Քոչարյանը ցուցմունքներ է տվել այն մասին, որ Սամվել Բաբայանն իրեն է տվել հնամաշ և ներկոտված 20 եվրոյանոց մի թղթադրամ և խնդրել այն տանել որևէ փոխանակման կետ` դրա իսկությունը ստուգելու համար: Ստուգելուց հետո` պարզել է, որ թղթադրամը կեղծ չէ, որի մասին հայտնել է Ս.Բաբայանին: Վերջինս իրեն հարցրել է, թե ինչպես կարելի է այդ թղթադրամը մաքրել ներկից: Ինքը հիշել է համագյուղացի Ժորային և եղբոր Անդրանիկ Քոչարյանի միջոցով նշված թղթադրամը փոխանցել է Ժորային, ով մաքրել է այդ թղթադրամը ներկից, որն էլ ինքը վերադարձրել է Ս.Բաբայանին: Որոշ ժամանակ անց Ս.Բաբայանն իրեն տվել է ևս 3 հատ նմանատիպ թղթադրամ Ժորային տալու և դրանք մաքրելու համար, որպիսի խնդրանքն ինքը կատարել է: Ս.Բաբայանն իրեն խնդրել է որևէ ծանոթ գտնել Մոսկվայից Երևան 5.000 եվրո գումար տեղափոխելու համար հայտնելով, որ այդ գումարն ուղարկում են որպես իրեն ունեցած պարտքի մարում: Այդ հարցով ինքը դիմել է Դավիթ Հարությունյանին: Վերջինս իրեն է տվել Մոսկվայում գտնվող դիսպետչերի հեռախոսահամարը, որն էլ ինքը փոխանցել է Ս.Բաբայանին: Տեղյակ է, որ Մոսկվայում այդ գումարը փոխանցելու էր Ս.Բաբայանի ընկերներից` Մարատը, ում հետ շփվել է միայն հեռախոսով, անձամբ չի ճանաչել: Բաբայանի ցուցումով ինքը Դավթին տեղեկացրել է, որ անպայման գումարը Մոսկվայից տեղափոխողներին հայտնի, որ թղթադրամները ներկոտված են: Ս.Բաբայանից տեղեկացել է նաև, որ գումարը Մոսկվայից բերելուց հետո դրանք Ժորայի միջոցով նույնպես պետք է ներկից մաքրման ենթարկվեին:
Անդրանիկ Քոչարյանը ցուցմունքներ է տվել այն մասին, որ իր եղբայրը՝ Կարեն Քոչարյանը իրեն է տվել 1 հատ 20 եվրոանոց ներկոտված թղթադրամ և հարցրել, թե կարող են արդյոք այդ թղթադրամը մաքրել ներկից: Ինքն այդ թղթադրամը ցույց է տվել իրենց համագյուղացի Ժորա Զաքարյանին, որը խոստացել է փորձել: Թղթադրամը Ժորայի կողմից մաքրելուց հետո այն վերադարձրել է եղբորը: Մի քանի օր անց Կարենը կրկին իրեն է տվել 2 հատ 20 և 1 հատ 50 եվրոյանոց ներկոտված թղթադրամներ նույն նպատակով, որոնք ինքը դարձյալ տվել է Ժորային: Վերջինիս պահանջով նրան է տվել նաև քիմիական լուծույթներ և 5.000 դրամ:
Կարեն Քոչարյանի գործողությունները կայացել են նրանում, որ Ս.Բաբայանի խնդրանքով թղթադրամներից մեկը տարել է արտարժույթի փոխանակման կետ՝ դրա իսկությունը ստուգելու համար, այնուհետև կրկին Ս.Բաբայանի խնդրանքով ներկոտված թղթադրամներից մեկը տվել է իր եղբորը՝ Անդրանիկ Քոչարյանին, որպեսզի վերջինս այն տա իրենց համագյուղացի Ժորա Զաքարյանին՝ թղթադրամի վրայի ներկը մաքրելը փորձելու համար, հետագայում տվել է նաև նման ևս 3 հատ թղթադրամ, դարձյալ Ս.Բաբայանի խնդրանքով Դավիթ Հարությունյանի միջոցով կազմակերպել է Մոսկվայից ավտոբուսով 5.000 եվրո գումարը Երևան տեղափոխելը:
Անդրանիկ Քոչարյանի գործողությունները կայացել են նրանում, որ կատարելով իր եղբոր՝ Կարեն Քոչարյանի խնդրանքը, վերջինիս կողմից տրված ներկոտված եվրո թղթադրամը փոխանցել է համագյուղացի Ժորա Զաքարյանին, որպեսզի վերջինս փորձի մաքրել դրա վրայի ներկը, այնուհետև նույն նպատակով Ժ.Զաքարյանին փոխանցել է նմանատիպ ևս 3 հատ թղթադրամներ:
Սույն դրվագով բոլոր մեղադրյալները, ինչպես նաև այս դրվագի հետ առնչություն ունեցած վկաները հայտնել են, որ անտեղյակ են եղել, թե ինչով է պայմանավորված այդ եվրո թղթադրամների ներկոտված լինելը, որ միայն քրեական գործի շրջանակներում են իմացել այդ մասին: Նախաքննության մարմինը գտել է, որ մեղադրյալները տեղյակ են եղել, այն էլ` հաստատապես:
Այս դրվագով քրեական գործը հարուցվել է 20.09.2016թ. ՀՀ քրեական օրենսգրքի 202-րդ հոդվածի 2-րդ մասով: Երբ լրատվական միջոցներով հայտարարել էին 5.000 եվրո թղթադրամների հայտնաբերումը, պաշտոնապես շրջանառվում էր <<կեղծ փողեր>> անվանումը: Սկզբնական շրջանում հարցաքննությունների ժամանակ հարցադրումների մեջ նույնպես կիրառվել է կեղծ փող բառակապակցությունը:
21.09.2016թ. նշանակվել է դատափաստաթղթաբանական փորձաքննություն, որում փորձագետին առաջադրվել են հետևյալ հարցերը. <<Ներկայացված թղթադրամները համապատասխանում են արդյոք դրանք թողարկող երկրի պետական ստանդարտներին, թե ոչ: Եթե թղթադրամները չեն համապատասխանում դրանք թողարկող երկրի պետական ստանդարտներին, ապա ինչ եղանակով են դրանք պատրաստվել՝ պատճենահանմամբ, տպարանային սարքով, համակարգչային տպիչով, թե այլ կերպ>>:
Փորձաքննության եզրակացությամբ հայտնվել է, որ <<ներկայացված թղթադրամներն իրենց պատրաստման եղանակով և հիմնական պաշտպանական հատկանիշներով համապատասխանում են 50 և 20 եվրոյանոցների պատրաստման եղանակին և հիմնական պաշտպանական հատկանիշներին, այսինքն հանդիսանում են Եվրոմիության կողմից թողարկված թղթադրամներ, որոնց մակերեսները պատված են մուգ կարմիր գույնի ներկանման նյութով: Այդ ներկանման նյութը կարող է հանդիսանալ ինկասացիոն կամ բանկոմատային անվտանգության նպատակներով օգտագործվող հատուկ ներկ, որն անթույլատրելի գործողություն կատարելու դեպքում վնասվում է, ներկոտելով թղթադրամները>>:
Նշված եզրակացությունից հետո է միայն նախաքննության մարմինը տեղեկացել, թե իրենից ինչ է ներկայացնում այդ թղթադրամների ներկոտված լինելը, որից հետո արդեն քննությունը տարվել է այդ ուղղությամբ:
Բացի այդ, ի պատասխան ԱԱԾ քննչական վարչության հարցմանը, ՀՀ ԿԲ-կողմից 22.09.2016թ. գրությամբ հայտնվել է, որ <<ՀՀ-ում ինկասացիայի նպատակով դեռևս չեն օգտագործվում հակահափշտակիչ գունավոր ներկի արտանետման հնարավորությունով կոնտեյներներ, ուստի ՀՀ-ում դրա հետ կապված կարգավորման անհրաժեշտություն դեռես չկա: Արտարժույթի համար վճարունակության և փոխանակման համար չափանիշներ են սահմանում միայն թողարկող երկրների ԿԲ-ները:
Եթե ազգային ԿԲ-ներ ներկայացվել են եվրո թղթադրամներ, որոնք նման կերպ վնասված են, թղթադրամները համարվում են անվճարունակ և չեն փոխանակվում և հանվում են շրջանառությունից: Եթե վնասված թթադրամներ ներկայացնողը պատասխանատու չէ դրանց վնասման /հափշտակման/ համար, վնասված թղթադրամները փոխանակվում են:
Ձեր նշված թղթադրամները նախկինում Ինտերպոլի ԱԿԲ-ից ստացված տեղեկությունների համաձայն` համընկնումներ չեն հայտնաբերվել: Այդ թղթադրամների վերաբերյալ որևէ ազդակ կամ հարցում օտարերկրյա մարմիններից չեն ստացվել>>:
Այս փաստերը վկայում են այն մասին, որ նույնիսկ ԱԱԾ-ը սկզբնական շրջանում չի իմացել, թե ինչով կարող է պայմանավորված լինել այդ թղթադրամների ներկոտված լինելը, իմացել է, որ դրանք կեղծ փողեր են: Հայաստանում գոյություն չեն ունեցել հակահափշտակիչ գունավոր ներկի արտանետման համակարգեր, ուստի, բնավ զարմանալի չէ, որ մարդիկ անտեղյակ են եղել այդ ներկի ծագման և նշանակության մասին: Նման պարագայում որքանով կարող է հիմնավոր համարել Սամվել Բաբայանի, Կարեն և Անդրանիկ Քոչարյանների մեղադրանքներում տեղ գտած այն ձևակերպումները, որ հաստատապես իմացել են այդ թղթադրամների հանցավոր ճանապարհով ստացված լինելու մասին, որքանով էին նրանք պարտավոր իմանալ, այն դեպքում, երբ նույնիսկ պետական իրավասու մարմիներն այդ մասին չեն իմացել կամ ընդհանրապես ինչով է հիմնավորվում, որ նրանք պետք է իմանային: Եթե նույնիսկ գործի քննությամբ չի հաջողվել պարզել, թե այդ թղթադրամները հանցավոր ճանապարհով են ստացվել, թե ոչ, ապա ինչպես կարելի է պնդել, որ իր պաշտպանյալը հաստատապես տեղյակ է եղել այդ մասին:
Որպես մեղադրանքը հիմնավորող ապացույցներ, վկայակոչվել են նաև վկաների ցուցմունքները:
Վկա Գոռ Շակոյանի ցուցմունքով հիմնավորվում է այն, որ Դավիթ Հարությունյանն իրեն խնդրել է օգնել ավտոբուսով Մոսկվայից Երևան տեղափոխել 5.000 եվրո գումար: Նա տեղեկացրել է իրեն, որ այդ թղթադրամների վրա լաքաներ կան: Ինքը Դավթից հավաստիանալով, որ կեղծ փողեր չեն, համաձայնել է այդ հարցում օգնել: Իր հերթին Մոսկվայում գտնվող դիսպետչեր Արոյին տեղեկացրել է, որ ուղարկվելիք թղթադրամների վրա ինչ որ լաքաներ կան: Գումարը Երևանում վարորդ Արմենից վերցրել է և տվել Դավթին:
Վկա Արմեն Հակոբյանը հայտնել է, որ Մոսկվայում Արոն իրեն հանձնել է փաթեթավորված ծրար Երևան տեղափոխելու համար: Երևան հասնելուց հետո ծրարը հանձնել է Գոռին:
Վկա Համիկ Իխտիարյանը ցուցմունք է տվել այն մասին, որ Դավիթ Հարությունյանը ցույց է տվել իրեն 20 եվրոյանոց մի հնամաշ և գունավորված թղթադրամ: Ինքն ուսումնասիրելով դա հայտնել է, որ իր կարծիքով դա կեղծ չէ, նրա ծանոթը կարող է դա փոխանակել միայն բանկում, որի համար կարող է 2-15 տոկոս պահեն: Հայտնել է նաև, որ փոխանակումից որևէ օգուտ ստանալ դժվար է ակնկալել: Հետագայում մամուլից է տեղեկացել, թե այդ թղթադրամի ներկոտված լինելն ինչով է այմանավորված:
Նույնաբովանդակ ցուցմունքներ տվել են վկաներ Վրեժ Առաքելյանը և Էդմոն Ղազարյանը:
Նշված անձանց ցուցմունքներով հիմնավորվում է ընդամենն այն, որ խնդրել են 5.000 եվրո ներկոտված թղթադրամներ Մոսկվայից ավտոբուսով Երևան տեղափոխելու համար, որը պաշտպանության կողմը երբևէ չի հերքել: Հիմնավորվում է նաև այն, որ Դավիթ Հարությունյանը դիմել է Համիկ Իխտիարյանին, Վրեժ Առաքելյանին և Էդմոն Ղազարյանին՝ հետաքրքրվելով, թե ինչ կարելի է անել, որ հնարավորինս քիչ տոկոս պահվի նման թղթադրամներ բանկերում փոխանակելու դեպքում:
Ինչպես նշված վկաների ցուցմունքներով, այնպես էլ մեղադրական եզրակացության մեջ ներառված այլ ապացույցներով չի հիմնավորվում բողոք բերած անձի պաշտպանյալին առաջադրված մեղադրանքը, մասնավորապես, որ հայտնաբերված ներկոտված եվրո թղթադրամները հանդիսանում եև ՀՀ քրեական օրենսգրքի 190-րդ հոդվածով նախատեսված հանցագործության առարկա, որ Սամվել Բաբայանը հաստատապես տեղյակ է եղել այդ թղթադրամների ակնհայտ հանցավոր ճանապարհով ստացված լինելու մասին և ցանկացել է քողարկել դրանց հանցավոր բնույթը:
38. Վերոգրյալի հիման վրա, բողոք բերած անձը Վերաքննիչ դատարանին խնդրում է վիճարկվող դատական ակտը Ս.Բաբայանին ՀՀ քրեական օրենսգրքի 38-235-րդ հոդվածի 2-րդ մասով և 190-րդ հոդվածի 1-ին մասով նախատեսված հանցագործությունները կատարելու համար մեղավոր ճանաչելու մասով բեկանել և կայացնել արդարացման դատական ակտ ՀՀ քրեական դատավարության օրենսգրքի 35-րդ հոդվածի 1-ին մասի 2-րդ կետի հիմքով` հանցակազմի բացակայության պատճառաբանությամբ:

39. Ամբաստանյալ Ա.Պողոսյանի պաշտպան Վ.Կիրակոսյան իր բերած վերաքննիչ բողոքում գտնում է, որ դատարանի կողմից թույլ են տրվել նյութական և դատավարական իրավունքի էական խախտուներ, որոնց արդյունքում կայացվել է ոչ արդարացի դատավճիռ: Դատարանի կողմից խախտվել են ՀՀ քրեական դատավարության օրենսգրքի 107-րդ, 358-րդ, 360-րդ հոդվածների պահանջները:
Սույն քրեական գրծով ամբաստանյալ Ա.Պողոսյանին մեղադրանք է առաջադրվել ՀՀ քրեական օրենսգրքի 235-րդ հոդվածի երկրորդ մասով նախատեսված հանցավոր արարքը կատարելու մեջ՝ այն է, մի խումբ անձանց կողմից նախնական համաձայնությամբ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխանցելը կամ կրելը:
ՀՀ քրեական օրենսգրքի 235-րդ հոդվածով նախատեսված հանցագործության անմիջական օբյեկտ են հանդիսանում նշված առարկաների և սարքավորումների անօրինական շրջանառությունից մարդու և հասարակության անվտանգության պաշտպանությանն ուղղված հասարակական հարաբերությունները:
ՀՀ քրեական օրենսգրքի 235-րդ հոդվածով նախատեսված հանցագործոււթյան օբյեկտիվ կողմը դրսևորվում է ապօրինի կերպով հրազեն, ռազմամթերք, պայթուցիկ նյութեր կամ սարքեր ձեռք բերելու, իրացնելու, պահելու, փոխանցելու կամ կրելու մեջ:
Հանցագործությունը կատարվում է միայն գործողությամբ:
Ընդ որում օրենսդիրը հստակ նշում է ձեռք բերել, պահել և մյուս հասկացությունները:
Ապօրինի կերպով ձեռք բերելը դրսևորվում է նշված առարկաների գնելը, նվեր ստանալը, փոխանակելը, պարտքի դիմաց ստանալը, գտնելը:
Իրացնել նշված առարկաները նշանակում է դրանք վաճառել, նվիրել, փոխանակել, պարտքի դիմաց տալ, տալ ժամանակավոր օգտագործման:
Ապօրինի պահելը դրսևորվում է դրանք որոշակի տարածքներում, գաղտնարաններում, ինչպես նաև այնպիսի վայրում պահելու մեջ, որոնք ապահովում են նշված առարկաների պահպանումը:
Հաշվի առնելով, որ ՀՀ քրեական օրենսգրքի 235-րդ հոդվածով նախատեսված հանցագործությունը կատարվում է միայն գործողությամբ, փորձենք պարզել Ա.Պողոսյանի կողմից կատարված գործողությունները:
Օգտվելով իր դատավարական իրավունքներից Ա.Պողոսյանը հրաժարվել է ցուցմունք տալուց, ինչի հիման վրա դատաքննության ընթացքում հրապարակվեցին ու հետազոտվեցին նախաքննության ընթացքում տրված ցուցմունքները:
Համաձայն ցուցմունքների` <<Իգլա>> տեսակի հրթիռ ձեռք բերելու համար իրեն դիմել է իր ընկեր Ս.Գաբրիելյանը, ասելով, որ այն նվիրաբերելու է Ղարաբաղին: Ինքը այդ հարցով դիմել է իր ծանոթ Հրաչյա Մայիլյանին, ով գործնական կապեր է ունեցել Վրաստանում:
2016թ. սեպտեմբերի 01-ին Ա.Պողոսյանը, Հ.Մայիլյանը և Ս.Գաբրիելյանը մեկնել են Վրաստան, սակայն այդ հարցով չեն զբաղվել և վերադարձել են Հայաստան: Հրթիռ ձեռք բերելու թեմային անդրադարձել են մի քանի ամիս անց՝ 2016թ. դեկտեմբերի վերջերին:
Վրաստանում հրթիռ ձեռք բերելու հետ կապված բոլոր գործողություններով զբաղվել է սույն քրեական գործի հետ առնչվող, մեկ այլ գործով մեղադրյալ Հրաչյա Մայիլյանը:
Հրաչյա Մայիլյանը դատարանում հարցաքննվելով որպես մեկ այլ գործով մեղադրյալ, հրաժարվել է ցուցմունք տալուց, ինչի հիման վրա հրապարակվեցին և հետազոտվեցին նախաքննության ընթացքում բերված բոլոր ցուցմունքները, որոնք նա պնդել է ամբողջությամբ:
Հետազոտված ապացույցներով հիմնավորվել է, որ գտնվելով Վրաստանում, Հ.Մայիլյանը անձամբ, առանց Ա.Պողոսյանի մասնակցության և իմացության հանդիպել է տարբեր անձանց, այդ թվում նաև Գոգա, Խվիչա, Օթարի անուններով անձանց:
2017թ. փետրվարի 16-ին Հ.Մայիլիլյանը ընկերոջ՝ Ռ.Սադոյանի հետ կրկին մեկնել են Վրաստան, Արմեն Պողոսյանը առանձին է մեկնել Ս.Գաբրիելյանի հետ: Հյուրանոցում Հ.Մայիլյանին հարցնողներ են եղել, որոնցից մեկը Ռոբերտ Աղվանյանն է: Այդ մասին իրենց ցուցմունքներում հայտնել են Ա.Պողոսյանը, Ռ.Սադոյանը, Հ.Մայիլյանը:
Ռ.Սադոյանի հետ առանձին զրույցի ժամանակ Ռ.Աղվանյանը ասել է, որ ուսին դնելու զենք կա:
Ռ.Սադոյանը այդ մասին հայտնել է Հ.Մայիլյանին:
Հ.Մայիլյանը իր հերթին այդ ամենի մասին հայտնելով Ա.Պողոսյանին, խորհուրդ է տվել զենք ձեռք բերելու հարցով դիմել Ռ.Աղվանյանին:
Հետագայում անձամբ Հ.Մայիլյանը, և ոչ թե Ա.Պողոսյանն է պայմանավորվածություններ ձեռք բերել Ռ.Աղվանյանի հետ:
Ա.Պողոսյանի կողմից որևէ առարկայական գործողություն չի կատարվել ուղղված հրթիռի ձեռքբերմանը, այն եղել է միայն խոսակցության մակարդակի: Հրթիռի գնման գինը նույնպես առաջարկվել է Հ.Մայիլյանի կողմից:
18.04.2017թ. նախաքննության ընթացքում տրված և դատարանում հետազոտված ցուցմունքում Հ.Մայիլյանը նշում է. <<Դեռևս 2016թ. օգոստոս-սեպտեմբեր ամսին, եթե չեմ սխալվում, նույնիսկ ես եմ ասել Ժորիկին, որ հրթիռը կարժենա 50.000 ԱՄՆ դոլար, Ժորիկն իմ ասածը փոխանցել է Սանոյին>>:
Հետագայում գնի հետ կապված բոլոր փոփոխությունները նույնպես ձեռք են բերվել Հ.Մայիլյանի կողմից և միջոցով: Արդեն ՀՀ տարածքում Հ.Մայիլյանը որպես վերջնական գին Ռ.Աղվանյանի հետ պայմանավորվել է 35.000 ԱՄՆ դոլար:
Ա.Պողոսյանի՝ դատարանում հրապարակված և հետազոտված ցուցմունքներով, ինչպես նաև գործով ձեռք բերված ապացույցներով հիմնավորվում է, որ մինչ հրթիռը ՀՀ տարածքում Ա.Պետրոսյանի կողմից 2017թ. մարտի 17-ին լուսանկարելը` Ա.Պողոսյանն արդեն իսկ կամովին հրաժարվել է ապօրինի կերպով զենք, ռազմամթերք ձեռք բերելուց, հեռախոսյաին խոսակցությունների ընթացքում տվել է անորոշ պատասխաններ, անջատել է այն, այդ մասին հայտնել է նաև Հ.Մայիլյանին:
Հ.Մայիլյանին և Ս.Գաբրիելյանի միջև 22.02.2017թ. ժամը 11:26-ը, Հ.Մայիլյանի և Ա.Պողոսյանի միջև 01.03.2017թ. ժամը 17:00-ին, Հ.Մայիլյանի և Ա.Պողոսյանի միջև 08.03.2017թ. ժամը 18:17-ին, Հ.Մայիլյանի և Ռ.Աղվանյանի միջև 14.03.2017թ. ժամը 12:49-ի, Հ.Մայիլյանի և Ռ.Աղվանյանի միջև 14.03.2017թ. ժամը 12:49, Հ.Մայիլյանի և Մ Գաբրիելյանի միջև 15.03.2017թ. ժ. 16.57-ը տեղի ունեցած հեռախոսազրույցների գաղտնալսումները ևս փաստում են, որ Ա.Պողոսյանը փետրվար ամսին հրաժարվել է հթրիռը ձեռք բերելուն ուղղված գործողություններ կատարելուց:
Դատարանի կողմից օբյեկտիվ, բազմակողմանի գնահատելու արդյունքում դատարանը պետք է եզրահանգեր, որ Ա.Պողոսյանը կամովին հրաժարվել է զենք ձեռք բերելուց և իր կատարած արարքը այլ հանցակազմ չի պարունակում:
Ս. Գաբրիելյանը ևս չի ցանկացել զբաղվել այդ հարցով և Ա.Պողոսյանին ասել է, որ հայտնի Հ.Մայիլիլյանին, որ ինքը հրաժարվում է հրթիռը ձեռք բերելուց և դրա համար վճարելուց, այն էլ փոխանցվել է Հ.Մայիլիլյանին:
2017թ. մարտի 24, 27-ին տված իր ցուցմունքներում Հ.Մայիլյանը հայտնում է.
<<Ժորիկն ասաց, որ Սանոն կտրականապես չի ուզում, ես Ժորիկին պատմեցի, որ Ռոբերտին խոստացել եմ, որ եթե նույնիսկ չվերցնենք, իրեն 1.000 դոլար տալու եմ: Ժորիկը ասաց, որ երկուսով կվճարենք, որ Ռոբերտին կանչեմ, խոսանք, թող վերցնի, տանի>>:
Ա.Պողոսյանը դեռևս փետրվարի 20-ից սկսած ամեն ինչ անում է, նույնիսկ պատրաստ է վճարելու Հ.Մայիլյանի՝ Ռ.Աղվանյանին խոստացած գումարը, միայն թե զենիթա-հրթիռային համալիրի արձակման խողովակը ետ վերադարձնեն նրանց, ումից որ Հ.Մայիլյանը այն վերցրել է: Ինչպես, ում միջոցով, ինչ ճանապարհով է զենիթահրթիռային համալիրի արձակման խողովակը հայտնվել ՀՀ տարածքում, այնուհետև Հ.Մայիլյանի կողմից տեղափոխվել և պահվել նրա ավտոտնակում, պարզ չէ: Գործում առկա չէ որևէ ապացույց, որ Մ. Պողոսյանը առնչություն է ունեցել նշված գործողությունների կատարմանը:
Սակայն Հ.Մայիլյանը շարունակում է հրթիռ ձեռք բերելուն ուղղված գործողությունները:
Ըստ գործով ձեռք բերված և հետազոտված ապացույցների, 2017թ. մարտի 17-ին հրթիռի մասը, արձակման խողովակը, ՀՀ տարածքում է:
ՀՀ տարածքում արդեն բոլոր գործողությունները՝ կապված հրթիռի արձակման խողովակը Հայթաղ գյուղից Հ.Մայիլյանենց տուն տանելը, այնուհետև իրենց տնից հանգուցյալ հորեղբոր ավտոտնակ տեղափոխելը և վերջապես 2017թ. մարտի 22-ին ՀՀ ԱԱԾ աշխատակիցներին ներկայացնելը կատարվել է միայն ու միայն Հ.Մայիլյանի կողմից: Ոչ՛ Ա.Պողոսյանը, ոչ՛ Ս.Գաբրիելյանը այդ մասին չեն իմացել և գործով ձեռք բերված ապացույցները միայն հաստատում են այդ փաստը:
Արձակման խողովակը իրենց տուն տեղափոխելուց հետո Հ.Մայիլյանը Ա.Պողոսյանին հայտնել է, որ հրթիռը իրենց տանն է, առաջարկել է գնալ ու լուսանկարել:
Ա.Պողոսյանը չնայած զարմացել է, որ հրթիռը ՀՀ-ում է, այնուամենայնիվ գնացել է, լուսանկարել է այն և հաջորդ օրը՝ մարտի 18-ին լուսանկարը փոխանցել է Ս.Գաբրիելյանին:
Դրանից հետո Ա.Պողոսյանի կողմից որևէ գործողություն չի կատարվել:
Ավելին, մարտի 21-ին, առավոտյան ժամը 10:00 սահմաններում, Ա.Պողոսյանը զանգահարել է Հ.Մայիլյանին և հանդիպել են Էջմիածին քաղաքում՝ Տիգրան Մեծ սրճարանում, որտեղ Պողոսյանը իր և Գաբրիելյանի անունից կրկին ասել է Հ.Մայիլյանին, որ հրթիռը թող տանեն, այն իրենց պետք չի, եթե չեն ետ տանում, իրենք պատրաստ են այդ մասին կամովին հանձնեն ՀՀ իրավապահ մարմիններին:
40. Ղեկավարվելով ՀՀ քրեական դատավարության օրենսգրքի 376-րդ, 376.1-րդ, 378-րդ, 379-րդ, 380.1-րդ, 381-րդ, 382-րդ հոդվածներով, բողոք բերած անձը Վերաքննիչ դատարանին խնդրում է վիճարկվող դատական ակտը Ա.Պողոսյանի մասով ամբողջությամբ բեկանել և կայացնել արդարացման որոշում:

4.Վերաքննիչ դատարանի պատճառաբանությունները և եզրահանգումը.
Վերաքննիչ դատարանը, վերաքննիչ բողոքների հիմքերի և հիմնավորումների սահմաններում վերանայելով առաջին ատյանի դատարանի դատավճիռը, հանգում է այն հետևության, որ վերաքննիչ բողոքները բավարարելու և ամբաստանյալներին արդարացնելու հիմքեր չկան` հետևյալ պատճառաբանությամբ:

I. Ամբաստանյալ Ս.Բաբայանին ՀՀ քրեական օրենսգրքի 38-325-րդ հոդվածի 2-րդ մասով, իսկ ամբաստանյալներ Ս.Գաբրիելյանին և Ա.Պողոսյանին ՀՀ քրեական օրենսգրքի 325-րդ հոդվածի 2-րդ մասով արդարացնելու մասով.
41. ՀՀ քրեական օրենսգրքի 38-րդ հոդվածի համաձայն`
<<1. Կատարողի հետ մեկտեղ հանցակիցներ են համարվում կազմակերպիչը, դրդիչը և օժանդակողը:
/…/
4. Դրդիչ է համարվում այն անձը, ով մեկ ուրիշ անձի դրդել է հանցանք կատարելու՝ համոզելու, նյութապես շահագրգռելու, սպառնալիքի միջոցով կամ այլ եղանակով>>:
ՀՀ քրեական օրենսգրքի 235-րդ հոդվածի 2-րդ մասով քրեական պատասխանատվություն է նախատեսվում ապօրինի կերպով հրազեն, բացի ողորկափող հրազենից և դրա փամփուշտներից, ռազմամթերք, ակոսափող հրազենի փամփուշտներ, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու համար, որոնք կատարվել են մի խումբ անձանց կողմից նախնական համաձայնությամբ:
42. Ամբաստանյալ Ս.Բաբայանը ՀՀ քրեական օրենսգրքի 38-235-րդ հոդվածի 2-րդ մասով, իրեն առաջադրված մեղադրանքում մեղավոր չի ճանաչել` պատճառաբանելով, որ նրան վերագրված ռազմամթերքի ձեռքբերմանը գործնականում որևէ առնչություն չի ունեցել, դրա ձեռքբերման համար Սանասար Գաբրիելյանին չի դիմել, նրան վճարելու խոստում չի տվել, իսկ իրեն պլանշետ-համակարգչով ցուցադրված <<Իգլա>> տեսակի դյուրակիր զենիթահրթիռային համակարգն անհրաժեշտ բաղադրամասերի բացակայության պատճառով նպատակային օգտագործման համար պիտանի չէ, որի մասին տեղեկացրել է Ս.Գաբրիելյանին։
43. Ամբաստանյալ Ս.Գաբրիելյանը ՀՀ քրեական օրենսգրքի 235-րդ հոդվածի 2-րդ մասով իրեն առաջադրված մեղադրանքում մեղավոր չի ճանաչել` պատճառաբանելով, որ ՀՀ զինված ուժերին նվիրաբերելու համար ցանկացել է իր նյութական միջոցների հաշվին գնել զենք և ռազմամթերք, առաջարկել են <<Իգլա>> տեսակի զենիթահրթիռային համակարգ, սակայն Սամվել Բաբայանի հետ խորհրդակցելով և ԶՀՀ-ի լուսանկարները պլանշետ-համակարգչով նրան ցուցադրելով` պարզել է, որ այն պիտանի չէ նպատակային օգտագործման համար, ավելին` բացակայում են նաև նման ԶՀՀ-ի կոմպլեկտի մեջ մտնող արձակման մեխանիզմը և ևս 2 հրթիռները, որի կապակցությամբ հրաժարվել է այն Արմեն Պողոսյանի և Հրաչյա Մայիլյանի միջոցով ձեռք բերելուց, այդ կերպ` կամովին հրաժարվել է իրեն վերագրված հանցանքը կատարելուց։
44. Ամբաստանյալ Ա.Պողոսյանը ՀՀ քրեական օրենսգրքի 235-րդ հոդվածի 2-րդ մասով իրեն առաջադրված մեղադրանքի շուրջ դատական քննության ընթացքում ներկայացրել է իրարամերժ դիրքորոշումներ, սակայն պնդել է նախաքննական խոստովանական ցուցմունքները՝ բացառությամբ ռազմամթերքի ձեռքբերմանը ամբաստանյալ Սամվել Բաբայանի առնչության վերաբերյալ` պատճառաբանելով, որ դատաքննության արդյունքներից, հատկապես՝ Ս.Բաբայանի և Ս.Գաբրիելյանի դատաքննական ցուցմունքներից համոզվեց, որ Ս.Բաբայանը ռազմամթերքի ձեռքբերմանը որևէ առնչություն չի ունեցել։
45. Վերաքննիչ դատարանը, քննության առնելով ամբաստանյալներ Ս.Բաբայանին, Ս.Գաբրիելյանին և Ա.Պողոսյանին արդարացնելու վերաբերյալ վերաքննիչ բողոքներում առկա պատճառաբանությունները, գտնում է, որ դրանք հիմնավորված չեն, ամբաստանյալ Ս.Բաբայանին ՀՀ քրեական օրենսգրքի 38-235-րդ հոդվածի 2-րդ մասով, իսկ ամբաստանյալներ Ս.Գաբրիելյանին և Ա.Պողոսյանին` ՀՀ քրեական օրենսգրքի 235-րդ հոդվածի 2-րդ մասով առաջադրված մեղադրանքները հաստատված են քրեական գործով ձեռք բերված և առաջին ատյանի դատարանի դատաքննության ընթացքում հետազոտված հետևյալ ապացույցներով:
Հրաչյա Մայիլյանին բերման ենթարկելու մասին արձանագրությամբ, որի համաձայն` <<ՀՀ քրեական օրենսգրքի 325-րդ հոդվածի 2-րդ մասով նախատեսված հանցագործություն կատարելու կասկածանքով 2017թ. մարտի 21-ին` ժամը 19.50-ին, ՀՀ ԱԱԾ վարչական շենքի բերման ենթարկվելուց հետո վերջինս վարույթն իրականացրած մարմնին է ներկայացրել <<SAMSUNG>> ապրանքանիշի, <<GT-P3100>> մոդելի և <<RF1C9601LNN>> սերիական համարի պլանշետ-համակարգիչը, որը ծրարվել և կնքվել է <<ՀՀ ԱԱԾ թիվ 20>> կնիքով>>։
Որպես ապացույց ճանաչված և գործին կցված առարկայի` Հրաչյա Մայիլյանի <<SAMSUNG>> ապրանքանիշի <<GT-P3100>> մոդելի <<RF1C9601LNN>> սերիական համարի պլանշետ-համակարգչի առկայությամբ և դատարանում այն զննելու արդյունքներով /արձանագրությամբ/։
Վարույթն իրականացրած մարմնին ինքնակամ ռազմամթերք ներկայացնելու /կամովին հանձնելու/ մասին արձանագրությամբ, որի համաձայն` <<2017թ. մարտի 21-ին ՀՀ ԱԱԾ վարչական շենքի բերման ենթարկված և մինչև ժամը 21.50-ը կասկածյալի կարգավիճակում հարցաքննված Հրաչյա Մայիլյանը 2017թ. մարտի 22-ին` ժամը 00.45-ից մինչև 01.30-ն ընկած ժամանակահատվածում նախաքննական մարմնին կամովին ներկայացրել է հանգուցյալ հորեղբորը պատկանող` Արմավիրի մարզի Վաղարշապատ քաղաքի Թամանյան 15ա հասցեում գտնվող ավտոտնակում պահած զենիթային հրթիռի 9Պ39 տեսակի արձակման խողովակը և դրա մեջ առկա 9Մ39 զենիթային հրթիռը։ Նշված առարկան փաթեթավորվել է պոլիէթիլենային թաղանթով և կպչուն ժապավենով, կնքվել <<ՀՀ ԱԱԾ թիվ 10>> կնիքով և վերցվել։ Զենքի ինքնակամ ներկայացումը տեսաձայնագրվել է <<Սոնի, ապրանքանիշի տեսախցիկով, դրա սկավառակը և լուսանկարչական հավելվածը կցվել են արձանագրությանը>>։
Իրեղեն ապացույց ճանաչված և գործին կցված առարկաների` 2017թ. մարտի 22-ին Հրաչյա Մայիլյանի ինքնակամ ներկայացրած <<Իգլա>> տեսակի դյուրակիր զենիթահրթիռային համալիրի 9Պ39 տեսակի արձակման խողովակի և ռազմամթերք հանդիսացող 9Մ39 տեսակի, 03277 համարի հրթիռի առկայությամբ և դատարանում դրանց զննման արդյունքներով /արձանագրությամբ/։
Դատաձգաբանական փորձաքննության 2017թ. մարտի 22-ի եզրակացությամբ և ՀՀ ԶՈւ ՀՕՊ զորքերի ԶՀԶ բաժնի պետ Ռ.Համբարձումյանի ստորագրությամբ հաստատված` 2017թ. մարտի 22-ի ստուգման ակտով, համաձայն որոնց` <<փորձաքննությանը ներկայացված դյուրակիր զենիթահրթիռային համալիրի արձակման խողովակը՝ զենիթային հրթիռով, հանդիսանում է ռազմամթերք, հրթիռը պիտանի է մարտական կիրառման համար, պատրաստվել է գործարանային պայմաններում, ԽՍՀՄ-ում՝ 1989 թվականին, որի վերաբերյալ առկա է համապատասխան գրառում` <<03-89-2>>, որտեղ <<03>>-ը՝ արտադրության խմբաքանակի համարն է, <<89>>-ը՝ արտադրության տարեթիվն է, իսկ <<2>>-ը՝ արտադրող գործարանի ծածկագիրն է։ <<Իգլա>> դյուրակիր զենիթահրթիռային համալիրը մարտական նշանակության ռազմամթերք է, նախատեսված է թռչող օդային նշանակետերի խոցման և ոչնչացման համար։ Զենիթային հրթիռի /արձակման խողովակի/ իրանի տրամաչափը 72մմ է, արձակման խողովակը 9Պ39 տեսակի է, որի մեջ առկա է 9Մ39 զենիթային հրթիռ՝ բեկորաֆուգասային մարտական մասով։ Դյուրակիր զենիթահրթիռային համալիրի 9Պ39 արձակման խողովակը 03277 գործարանային համարով է և 9Մ39 տիպի, 03277 գործարանային համարով զենիթային հրթիռը տեխնիկապես սարքին է և պիտանի է նպատակային օգտագործման համար 9Պ516-Մ արձակման մեխանիզմով և 9Բ238 տիպի վերգետնյա սնուցման բլոկով հագեցնելու դեպքում։ Փորձաքննության ավարտից հետո ներկայացված առարկաները վերադարձվել են փաթեթավորված կապույտ պոլիէթիլենային թաղանթի մեջ` կնքված ՀՀ ՊՆ 70839 զորամասի կնիքով և վավերացված որպես փորձագետ ճանաչված Ա.Հասրաթյանի և Ի.Գալստյանի ստորագրություններով>>։
Դատաձգաբանական փորձաքննության 2017թ. մարտի 22-ի եզրակացության շուրջ փորձագետ, ՀՀ ԶՈՒ հակաօդային պաշտպանության զորքերի վարչության տեխնիկական ապահովման բաժնի պետ Արթուր Հասրաթյանի ցուցմունքով, ով դատարանում վերահաստատել է, որ եզրակացության հետևությունները ճիշտ են, դրանք պնդում է։ Փորձագետը նաև հայտնել է, որ դյուրակիր զենիթահրթիռային համալիրի արձակման խողովակը և զենիթային հրթիռը հանդիսանում են ռազմամթերք, քանզի հրթիռը պարունակում է պայթուցիկ և պայթունավտանգ նյութեր։ Հայտնել է նաև, որ եթե այն լրահամալրված լիներ արձակման մեխանիզմով և վերգետնյա սնուցման մարտկոցով, կհանդիսանար զենիթահրթիռային համալիրի մեկ ամբողջական միավոր և պիտանի կլիներ ըստ նպատակային նշանակության օգտագործման՝ օդային թիրախներ խոցելու համար։ Ըստ փորձագետի ցուցմունքի՝ հրթիռը պիտանի է մարտական կիրառման համար և դրա նկատմամբ ֆիզիկական ազդեցությունը, հարվածը, հրդեհը և այն, կարող է հանգեցնել պայթյունի։ Պաշտպանական կողմի հարցադրումներին ի պատասխան՝ հայտնել է, որ ըստ արտադրող կազմակերպության՝ <<Իգլա>> դյուրակիր զենիթահրթիռային համալրի լրակազմությունը թե՛ նախկինում և թե՛ ներկայումս բաղկացած է արկղի մեջ առկա՝ երկու արձակման խողովակներից, յուրաքանչյուրը՝ մեկական հրթիռով, արձակման մեկ մեխանիզմից, որը լինում է առանձին արկղով և վերգետնյա սնուցման 2-ից 4 մարտկոցով /բլոկներով/, վերջիններիս քանակը կախված է կոմպլեկտավորումից։ Պաշտպանի հարցադրմանն ի պատասխան` նշել է նաև, որ լաբորատոր պայմաններում ստուգվել և պարզվել է, որ փորձաքննությանը ներկայացված 03277 գործարանային համարի զենիթային հրթիռը պիտանի է շահագործման համար։
Համակարգչատեխնիկական փորձաքննության 2017թ. մարտի 24-ի թիվ 17-0554/1 եզրակացությամբ, որի համաձայն` <<փորձաքննության արդյունքներով վերականգնվել է Հրաչյա Մայիլյանի <<SAMSUNG>> ապրանքանիշի <<GT-P3100>> մոդելի RF1C9601LNN սերիական համարի պլանշետ- համակարգչից ջնջած լուսանկարչական <<jpg, ձևատեսակի 19 ֆայլերը, որոնք ստեղծվել էին 2017թ. մարտի 15-ին` ժամը 20։19-ից մինչև 20։29-ն ընկած ժամանակահատվածում և մարտի 17-ին` ժամը 18։11-ից մինչև 18։13-ն ընկած ժամանակահատվածում, որոնց վրա պատկերված է <<Իգլա>> տեսակի զենիթահրթիռային համալիրի արձակման խողովակը և հրթիռը, մի մասը <<Ժառանգություն Համախմբում Հաղթանակ>> գրառումներով նախընտրական քարոզաթերթիկի ֆոնի վրա /գունավոր տպիչով տպագրված լուսանկարչական հավելվածը և լազերային սկավառակը կցվել է եզրակացությանը/։ Նույն եզրակացությամբ նաև փաստվել է, որ պլանշետային համակարգչի օրացույցի և ժամացույցի ընթացիկ ցուցմունքները համապատասխանում են իրականին>>։
Քննչական փորձարարություն կատարելու մասին արձանագրությամբ, համաձայն որի` <<2017թ. մարտի 28-ին կատարված այդ քննչական գործողության ընթացքում գործով մեղադրյալ Հրաչյա Մայիլյանը մատնացույց է արել ՀՀ Արմավիրի մարզի Հայթաղ գյուղի այն վայրերը, որտեղ 2017թ. մարտ 15-ին լուսանկարել է, իսկ մարտի 17-ին Ռոբերտ Աղվանյանից ձեռք է բերել ու իր կողմից շահագործվող ավտոտնակ/ այսինքն` կամովին ներկայացնելու վայր/ է տեղափոխել <<Իգլա>> տեսակի դյուրակիր զենիթահրթիռային համալիրը։ Փորձարարության արդյունքներով կազմվել և վերոնշյալ արձանագրության են կցվել` սխեմա և բջջային հեռախոսով կատարված լուսանկարահանման արդյունքները` լուսանկարչական հավելվածի տեսքով>>։
Ռազմամթերք հանդիսացող 9Մ39 տիպի 03278 գործարանային համարի զենիթային հրթիռը կամովին ներկայացնելու վերաբերյալ արձանագրությամբ, համաձայն որի` <<ՀՀ իրավապահների կողմից սույն գործից անջատված մասով հետախուզվող Վրաստանի Հանրապետության քրեակատարողական հիմնարկում պահվող, Ռոբերտ Աղվանյանը 2017թ. մայիսի 4-ին` ժամը 12.06-ից մինչև 15.55-ն ընկած ժամանակահատվածում նախաքննական մարմին կատարած հեռախոսազանգով տեղեկացրել է <<Իգլա>> տեսակի դյուրակիր զենիթահրթիռային համալիր ներկայացնելու մտադրության մասին և մատնանշել ՀՀ Արմավիրի մարզի Հայթաղ գյուղը, որտեղից վարույթն իրականացնող մարմինը հայտնաբերվել և վերցվել է <<Իգլա>> տեսակի դյուրակիր զենիթահրթիռային համալիրի արձակման խողովակը` առանց արձակման մեխանիզմի և մարտկոցի, խողովակում` ասեղանման պայթուցիչով հրթիռ, այդ կերպ Ռոբերտ Աղվանյանը կամովին հանձնել է ռազմամթերք հանդիսացող մեկ այլ <<Իգլաի>> տեսակի դյուրակիր ԶՀՀ-ի խողովակ և հրթիռ>>։
Որպես ապացույց ճանաչված և գործին կցված փաստաթղթերով` Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի որոշումների հիման վրա Հրաչյա Մայիլյանի, Սանասար Գաբրիելյանի, Արմեն Պողոսյանի և Սամվել Բաբայանի նկատմամբ ՀՀ ԱԱԾ օպերատիվ ստորաբաժանումների իրականացրած <<Հեռախոսային խոսակցությունների վերահսկում>> օպերատիվ-հետախուզական միջոցառումների արդյունքներով և դրանց զննման արձանագրությամբ, մասնավորապես՝
- Հրաչյա Մայիլյանի և Սանասար Գաբրիելյանի միջև 22.02.2017թ, ժամը 11։26-ին տեղի ունեցած հեռախոսազրույցի գաղտնալսմամբ, գրառված X-441-17 գրառմամբ լազերային սկավառակի վրա՝ 95-518-17-2017-02-22-11-26-18-37498504762-out-7700995579493300-0 անվանմամբ ձայնային ֆայլի տեսքով, հետևյալ բովանդակությամբ՝
<<Հրաչյա Մայիլյան՝ Ալյո։
Սանասար Գաբրիելյան՝ Այ, ախպեր ջան, բարլուս։
Հրաչյա Մայիլյան՝ Բարլուս, բարլուս։
Սանասար Գաբրիելյան՝ Ապեր ջան, էդ կորած արշավախումբը դառավ, խի՞ չեք հեռախոս վեկալում։
Հրաչյա Մայիլյան՝ Ախպեր ե՞րբ ա զանգել, հեսա նոր եկել ա, ես վեկալել եմ։ Էս վրացական համար ա գրում, գիտես չէ՞։
Սանասար Գաբրիելյան՝ Այ մարդ, ինչ համար ուզում ա գրի, էդ համար գրողի մերը …/հայհոյանք/, ես ասել եմ իմ համարը վրացերեն գրի՞, էն էլ երևի տեսաք վրացական համար, դրա համար վեկալիք, տենց ա՞, թե՞ չէ։
Հրաչյա Մայիլյան՝ Տո չէ հա, ես վեկալում եմ, իմին բան չկա։
Սանասար Գաբրիելյան՝ Այ ախպեր, սարքել ա աշխարհի վերջը։ Էս որ վրացական համար կա, զանգում էմ, վեկալ այ մարդ, ի՞նչ կա, պարոն Ժորա՝ զանգում եմ տներով-մներով։
Հրաչյա Մայիլյան՝ Հա, ասեց՝ խոսացել եմ։
Սանասար Գաբրիելյան՝ Ի՞նչ ա խոսացել, ցավդ տանեմ, ասա հերիք ա՝ սուտ ասես։
Հրաչյա Մայիլյան՝ Ասեց՝ խոսացել եմ հետը։
Սանասար Գաբրիելյան՝ Ասա՝ ինչ ես խոսացել, այ տուպոյ, էթում եմ հանդիպման, մարդիկ հարց են տալի, չեմ իմանում՝ ինչ պատասխան տամ, հիմա ասի՝ հեսա խաբար կանեմ, զանգում եմ, զանգում, կոտորվեցի երեկվանից զանգելով, չի վեկալում։
Հրաչյա Մայիլյան՝ Խաբար մինչև իրիկուն նոր կասի, չի կարա հիմա խաբար ասի, պտի մինչև իրիկուն էլ ոտդ կախ գցես։ Հիմա ես զանգում եմ Մառնաուլի, ինքը գնացել ա Թիֆլիս, դեղ կա, վեկալի, գա։ Դեղ պտի բերենք Երևան, գնաց վեկալի գա։ Հեսա մի ժամից ստեղ կլնի, կլնի ու շարժվում ենք, գալու ենք։ Արդեն մնում ա հեռախոսի խոսակցություն, էլ լռվելու բան չկա էլի։
Սանասար Գաբրիելյան՝ Այ ախպեր, ես էն օրն եմ ջոգել, որ հեռախոսի խոսակցություն ա մնում, որ թողեիք։ Արխային մնա, ես էդքան հո բան չեմ։
Հրաչյա Մայիլյան՝ Չէ, դե երեկ էլ ենք գնացել, մարդ ենք տեսել նորից ուրիշ տեղ, հեսա էլի հեռախոսի սպասողական սպասելու բան կա, բրատ, էդ ա։
Սանասար Գաբրիելյան՝ Բա ի՞նչ ես անում։
Հրաչյա Մայիլյան՝ Հեսա գալիս ենք 100 տոկոսանոց էսօր, ձև չկա էլ մնալու, համ փողերն ա պրծել, համ էլ մնալու ձև չկա։
Սանասար Գաբրիելյան՝ Բա ձեր մոտ փո՞ղ կար որ։
Հրաչյա Մայիլյան՝ Բա 1.250 դոլար փող էր էլե, 150-ն իմ մոտ էր, վոբշեմ չկա էլ, ոչ թե կրվել ենք, այլ չկա։
Սանասար Գաբրիելյան՝ Ապեր ջան, ես լրիվ ձեր ուղին նայում եմ, գիտես ես հեռվից չեմ նայու՞մ՝ ինչ եք անում, ես գիտեմ՝ ինչ եք անում։ Գալի՞ս եք, թե՞ չեք գալիս, կանկրետնո։
Հրաչյա Մայիլյան՝ Գալիս ենք, դու Կիրովականից ձեն-մեն ունե՞ս։
Սանասար Գաբրիելյան՝ Ես Կիրովականից ոչ մի ձեն էլ չեմ կարա հանեմ, քանի որ արդեն չգիտեմ մարդիկ փող են ուզելու, բան են անելու, զանգեմ բզբզեմ, ինչ ք…քի /անվայել արտահայտություն/ մեջ եմ ընկնելու։
Հրաչյա Մայիլյան՝ Պրոբլեմ չկա։
Սանասար Գաբրիելյան՝ Պահ, պրոբլեմ չկա։
Հրաչյա Մայիլյան՝ Հա, բա էլի որ չկա։
Սանասար Գաբրիելյան՝ Արա ցավդ տանեմ, երբ նաղդ կլնի, Կիրովականը նաղդ ա։
Հրաչյա Մայիլյան՝ Ասում եմ նաղդ ա, ախպեր։
Սանասար Գաբրիելյան՝ Լավ էլի, Հրաչ ջան։ Այ ախպեր, ես քեզ գիտես, ուրիշ ձևի տենում եմ՝ աշխարհ տեսած Սերոբն ես, հո դու էլ Ժորոն չես, կանկրետնո…
Հրաչյա Մայիլյան՝ Ախպերս, նայա, էդ փողը որ վեկալվե եկել ա ստեղ, էդ փողից ա վեկալվե եկել, նենց ա, որ ասում եմ կա, հո բան չի, նենց որ դու արխային կարաս բզբզաս։
Սանասար Գաբրիելյան՝ Հա, էդ փողից ա…
Հրաչյա Մայիլյան՝ Վրից քաշել ենք, որ եկել ենք էստեղ, հո մենք մեր տներից չենք վերցրե։
Սանասար Գաբրիելյան՝ Հա, վրից քաշվել ա, ես չգիտեմ՝ դուք ինչ եք անում, ինչ եք քաշում, ապեր, դա ես չգիտեմ։
Հրաչյա Մայիլյան՝ Ուզում եմ ասեմ՝ կա։
Սանասար Գաբրիելյան՝ Ինձ ոչ մեկ դրա համար բան չի ասել, կա, թե չկա, ես ի՞նչ գիտեմ։
Հրաչյա Մայիլյան՝ Էն, օրը որ դու ինձ հարցրիր, ասի՝ մենք բեհը իրանց զառանի տալիս ենք, թող ասենք, 2 օրում ա, 4 օրում ա, 5 օրում ա, 10 օրում են բերում, ինչքան ա, բեհ ենք տալիս։
Սանասար Գաբրիելյան՝ Էն մարդի հետ խոսացի, ասեց ախպեր, ես կարում եմ 100 լիտրով, ես քեզ տեղյակ եմ պահել։
Հրաչյա Մայիլյան՝ Հա, ասենք 100-ով մինչև ինչքա՞ն, 10 ռես ա բերում, 20 ռես ա բերում, ինչքա՞ն։
Սանասար Գաբրիելյան՝ Ախպեր, ասում ա՝ երբ տվիք էդ վախտ, 100-ով, ոչ ավել։
Հրաչյա Մայիլյան՝ Հասկացա, բայց ասենք սենց, իմանանք՝ մի ամսվա մեջ մեզ ինչքա՞ն կարա տա, էդքան բան։
Սանասար Գաբրիելյան՝ Ապեր, ես չեմ ուզում իրան զանգեմ, որովհետև զանգեմ, պտի էթամ, եթե ստաբիլ…
Հրաչյա Մայիլյան՝ Կասես, պետք ա, գամ մտնեմ ընդից թող տան, վեկալեմ, բերեմ հետս։
Սանասար Գաբրիելյան՝ Չեմ կարա, որտև ինքը մարդ չի ուզում ճանաչի։
Հրաչյա Մայիլյան՝ Դե վսյո, ավելի լավ, թող քո միջոցով ղրգի։
Սանասար Գաբրիելյան՝ Ինձ ա ճանաչում, ասում ա ես ուրիշ մարդկանց հետո գործ չունեմ։
Հրաչյա Մայիլյան՝ Դե վսյո, խոսա, արխային։
Սանասար Գաբրիելյան՝ Հլա եկեք բարով-խերով տեղ հասեք, ես մի տեղ էլ եմ արխային խոսացել, փող եմ վեկալել։
Հրաչյա Մայիլյան՝ Հա, հասկանալի ա։
Սանասար Գաբրիելյան՝ Տուպոյն ասեց՝ ախպեր, 50 հազար, մարդիկ համաձայնեցին, ասեց՝ փող վեկալ, գնացի վեկալի, եթե մնա սաղ իմ վզին, ես Ժորիկի հետ ուրիշ խոսակցություն կանեմ։
Հրաչյա Մայիլյան՝ Դե հիմա վիզ դրած…
Սանասար Գաբրիելյան՝ Դե վիզ դրած, ցավդ տանեմ, էդ մարդն ասում էր՝ 2 հատ կա, գնա, արխային, փողերը վեկալ։ Գնացել եմ, վեկալել եմ։
Հրաչյա Մայիլյան՝ Հիմա ընդեղից բան չեն ասել մեզի, որ չի լնում, սենց բան չկա։
Սանասար Գաբրիելյան՝ Ախպերս, արի հեռախոսով երկար-բարակ չանենք, նստենք, մի հատ ախպերավարի… հո թուրքի թալան չի՞, ես էթամ մարդկանց խաբեմ, անունը ի՞նչ դնեմ, ես տենց բաներ չունեմ, ախպերս։ Հիմա կանկրետնո, դա ա, դա ա, նետ ա նետ ա, ես էլ իմանամ՝ ինչ եմ անում։ Սխա՞լ եմ ասում, Հրաչ ջան։
Հրաչյա Մայիլյան՝ Չէ, չէ, պրոստա էդ ա, սիստեմն ա ք..ք /անվայել արտահայտություն/ սիստեմ, որ սենց սպասողական, սպասի, հա սպասի։ Թե չէ ուրիշ բան չկա, հեսա գա, մեկա շարժվում ենք, արդեն, ստեղ նստելու բան չկա։
Սանասար Գաբրիելյան՝ Էսօր կտենա՞նք, թե՞ էգուց։
Հրաչյա Մայիլյան՝ Էսօր։
Սանասար Գաբրիելյան՝ 7 անց կես հանդիպում ունեմ, իրավաբաններն են կանչել, պրծնեմ, սպասեմ քո զանգին։
Հրաչյա Մայիլյան՝ Լավ, ախպեր ջան>>։

- Հրաչյա Մայիլյանի և Արմեն Պողոսյանի միջև 28.02.2017թ, ժամը 17։21-ին տեղի ունեցած հեռախոսազրույցի գաղտնալսմամբ, գրառված X-442-17 գրառմամբ լազերային սկավառակի վրա՝ 95-597-17-2017-02-28-17-21-44-37493180736--out--094655885-0 անվանմամբ ձայնային ֆայլի տեսքով, հետևյալ բովանդակությամբ՝
<<Արմեն Պողոսյան՝ Ալո։
Հրաչյա Մայիլյան՝ Հա, ախպեր։
Արմեն Պողոսյան՝ Հա, ապեր, զանգեց էդի ինձի։
Հրաչյա Մայիլյան՝ Հա, ինձ էլ էր զանգել, նոր Ռուստամի հետ էի խոսում, զանգում ա, չեմ հասցրել խոսամ, ի՞նչ ա ասում։
Արմեն Պողոսյան՝ Հա, ուզում եմ ասեմ՝ էլ մի հարցրա, ասում ա՝ էթում ա Վրաստան, ասի հա, համարդ ուզեց, ասում ա՝ արի հանդիպենք, ասի գործ ունեմ, պրծնեմ, զանգեմ, բա՝ ինչքա՞ն վախտվա, ասի երևի մի ժամվա, բա՝ մի հատ հանդիպենք-խոսանք։
Հրաչյա Մայիլյան՝ Բա ի՞նչ ա ասում, բերել ա՞, թե՞ չի բերել։
Արմեն Պողոսյան՝ Ասի բերել ե՞ս, բա հա, արի խոսանք։
Հրաչյա Մայիլյան՝ Հա, էդ ա, ինձ ա զանգում, հեսա մի հատ զանգեմ տենամ՝ ինչ ա ասում։
Արմեն Պողոսյան՝ Ուզում եմ ասեմ՝ իրան չասես, որ հարցրել եմ, էլի։
Հրաչյա Մայիլյան՝ Չէ, չէ, ես իրան ասելու եմ՝ էթում եմ, գալիս ե՞ս, էդքան բան։
Արմեն Պողոսյան՝ Վսյո, եղավ>>։

- Հրաչյա Մայիլյանի և Արմեն Պողոսյանի միջև 01.03.2017թ, ժամը 17։00-ին տեղի ունեցած հեռախոսազրույցի գաղտնալսմամբ, գրառված X-441-17 գրառմամբ լազերային սկավառակի վրա՝ 95-518-17-2017-03-01-17-00-00-37494655885--in--995579493300-0 անվանմամբ ձայնային ֆայլի տեսքով, հետևյալ բովանդակությամբ՝
<<Հրաչյա Մայիլյան՝ Զանգեցի բանին, էն Ռամազին, վոբշեմ զանգել ա ընդեղ, ակազի-վայետսյա, էդ պիդ…ը /անվայել արտահայտություն/ ԱՏՍ են քանդում, սարերի մեջ են, ասում ա՝ հարցրի, ասի՝ էդ մարդիկ Հայաստանից եկել են, ի՞նչ անեն, եթե չի ըլնելու, ես իրան ասի՝ եթե չի լնում, ասեք՝ չի լնում, մենք մեր անելիքը հասկանանք, ասել էր, ասել էր՝ չէ, 100 տոկոսանոց ատբոյ մի տուր, պատալոկ 2-3 օրվա մեջ կասեմ։
Արմեն Պողոսյան՝ Հա։
Հրաչյա Մայիլյան՝ Ասել էր 2-3 օրվա մեջ կասեմ պատալոկ։ Որտև ասի՝ ասա՝ եթե չէ, մենք ատբոյ տանք, ընենց չլնի, հետո գան, ասեն մենք չարչարվել ենք, գնացել ենք, էս ենք արել, էն ենք արել, ֆլեշկեն վեկալե, եկել ենք բան, բա ատբոյ մի տուր 2 օր, պատալոկ 2 օր, մինչև շաբաթ-կիրակի, ասի լավ։
Արմեն Պողոսյան՝ Դուք հմի էսօր գալու ե՞ք, ապեր։
Հրաչյա Մայիլյան՝ Չէ, սրանք հմի վեցին ուզում են դուրս գան ըտեղից, կամ էլ թե չէ առավոտ վեցին, հեսա մի ժամից պարզ կլնի, գան ստեղ, մի երկու ժամ ա ստեղ, սրանցից պրծնեմ ու թափով գանք։
Արմեն Պողոսյան՝ Հա՞։
Հրաչյա Մայիլյան՝ Դու ըտե ի՞նչ նորություն ունես, եկա՞վ, գնացել եկել ա՞, թե՞ չի գնացել եկել։
Արմեն Պողոսյան՝ Չէ, գնացել ա, որ էթա, ասել են՝ էսօր մի արի, պահեստապետը ստեղ չի, վաղը առավոտ շուտ կամ մենք կվեկալենք, կամ կբերենք Երևան, կամ դու կգաս կտանես։ Ընդե լսի մի հատ ուրիշ բան ասեց, ասում ա՝ ընդեղ ուրեմն ըտեղի տեխնոլոգը որ կա, ըտեղ ինչ-որ բաներ կա, հատիկներ կա, ինչ-որ բան ես խառնում ա, դառնում ա մեր ուզածը, էդի եսիմ ինչ չորացրած վիճակ ա, ինչ ես խառնում, դառնում ա էդի։ Ասի՝ դրանից էլ թող բան անի, դասավորի բերենք, մի հատ հասկանանք ինչ ա, կարողա էդ չոր վիճակն ավելի ա մեզի ձեռ տալի, քան թե թաց։
Հրաչյա Մայիլյան՝ Հա։ Թող փորձի։
Արմեն Պողոսյան՝ Հիմա ես եկա հանդիպեցի, շատ լուրջ մարդ էր նորմալ, շատ կարգին մարդու հետ, ասում ա՝ պրոբլեմ չունես, որից ուզում ես՝ տալիս եմ, խնդիր չունես, 15 օր էլ օր ա ուզում, ինչ քանակություն ուզում ես։
Հրաչյա Մայիլյան՝ Հա, պրոստո հետաքրքիր ա՝ խի ա 15 օր ուզում էլի։
Արմեն Պողոսյան՝ Անգլիայից ա գալիս։
Հրաչյա Մայիլյան՝ Հա-ա-ա, էդի հնարավոր ա։
Արմեն Պողոսյան՝ Բայց ամենամաքուրը, էդի ա։
Հրաչյա Մայիլյան՝ Հա։
Արմեն Պողոսյան՝ Հիմա ինքը վաղը մեզի բան կանի, բան կքցի, դրա աբրազեցը մի 3 օրում էն ինչ սվյազ կա, որ 3 օրում բերում են է։
Հրաչյա Մայիլյան՝ Հա, Կարգո։
Արմեն Պողոսյան՝ Ըտենց մի հատ սվյազ ասեց, ասեց 100 գրամ կբերեն, վռազ կնայեք, ու վսյո քո ուզածը, ինչը թղթի վրա կգրես, եթե տենց բան կա, կբերեմ ես։ Ասենք էդի լավ ա, բայց հմի արդեն, սրանք ուրեմն եկել են Մեղրի, իրանց ավտոն թողել են, ուրիշ ավտոյով եկել են, մառախուղ բան ա եղել ճամփեքին։ Զանգել են…
Հրաչյա Մայիլյան՝ Ուշացել են։
Արմեն Պողոսյան՝ Հա, ասում ա՝ հեսա մինչև 5-6-ը կհասնեն, զանգել Գարիկի համարն էր ուզում, որ Գարիկին ասեն, Գարիկը տաքսով որպես տաքսի էլի, դրանց վեկալի գա։ Ասի՝ դե հիմա նայեք, եթե չեք գալիս, փող ղրգեք, փող չկա, /հայհոյանք/, հո չեմ առնելու։
Հրաչյա Մայիլյան՝ Հա։
Արմեն Պողոսյան՝ Ասեմ, հենց հմի բանկով ղրգի, ասի չէ, եթե մինչև առավոտ ստեղ եք ըլնելու, էլ պետք չի բանկով ղրգի, մինչև առավոտ յոլա կեթանք։
Հրաչյա Մայիլյան՝ Հա, բան չասի։
Արմեն Պողոսյան՝ Փողն էլ չելավ, ես էս իմ դվիժենին անեի, հլը չի էլե, էն մի հոգավորը զանգել ա, ասել ա՝ ասելու բան ունեմ, հմի էն բաները, որ մենք վեր ենք կալե, կարող ա՞ էդ դրա մոտա, էդի պտի տա իրա մոտից։ Հլա դու ինձի մի ժամից զանգա, ես հեսա բան եմ անում, զանգեմ մի հատ, տենամ՝ ինչ ա ըլնում՝ կզանգեմ։
Հրաչյա Մայիլյան՝ Իսկ դու այփադդ վեկալա՞ր։
Արմեն Պողոսյան՝ Չէ, հլը չեմ հասել Էջմիածին, էդի հա զանգում ա, ասում ա՝ արի տենանք, արի տենանք, չեմ կարում հմի։
Հրաչյա Մայիլյան՝ Չէ, տենալը, ասա՝ էլի եմ գալի այ տիրուդ…, սարքե՞լ ես այփադս, տալի՞ս ես, թե՞ չես տալիս։
Արմեն Պողոսյան՝ Ասում ա՝ հա, արի, կտենանք կխոսանք։
Հրաչյա Մայիլյան՝ Հա արի։ /Ծիծաղում է։/
Արմեն Պողոսյան՝ Հորս արև, տենց ա անում արա, չեմ կարում հասկանամ։
Հրաչյա Մայիլյան՝ Քու տեղը դաբլ-դուբլ անելով 200 դոլար կրվի։
Արմեն Պողոսյան՝ Կրի՞ր, թե կրվա՞ք։
Հրաչյա Մայիլյան՝ Կրվանք, անհաջողակ …
Արմեն Պողոսյան՝ Դուք կրում եք էլ՝ չեք անում, ո՞վ ա մեղավոր։
Հրաչյա Մայիլյան՝ Հեսա էթում ենք Օթարի ջանին ընգնենք մի 2-300 դոլար վեկալենք, մինչև էգուց էդ գ…ը /հայհոյանք/ գան հասնեն։ Մատանին կոխեմ լոմբարդ։
Ծիծաղում են։
Հրաչյա Մայիլյան՝ Դե կզանգվենք։
Արմեն Պողոսյան՝ Հա, ապեր, ես հենց բան անեմ, կզանգեմ քեզի։
Հրաչյա Մայիլյան՝ Դու հենց էդ այփադից մի բան իմանաս, մի հատ ծնգցրա էլի։
Արմեն Պողոսյան՝ Լավ, ապեր>>։

- Հրաչյա Մայիլյանի և Արմեն Պողոսյանի միջև 06.03.2017թ, ժամը 18։26-ին տեղի ունեցած հեռախոսազրույցի գաղտնալսմամբ, գրառված X-442-17 գրառմամբ լազերային սկավառակի վրա՝ 95-597-17-2017-03-06-18-26-57-37493180736--out--094655885-0 անվանմամբ ձայնային ֆայլի տեսքով, հետևյալ բովանդակությամբ՝
Արմեն Պողոսյան՝ Հա, ապեր։
Հրաչյա Մայիլյան՝ Ու՞ր եք հասել բա։
Արմեն Պողոսյան՝ Ստեփանակերտ նստած՝ կոֆե ենք խմում։
Հրաչյա Մայիլյան՝ Նոր ե՞ք հասել։
Արմեն Պողոսյան՝ Չէ, մի ժամ առաջ ենք հասել, մտել ենք մինիստրի մոտ, դուրս ենք եկել, խոսացել ենք, հմի մնում ա՝ էթանք նայենք։
Հրաչյա Մայիլյան՝ Էն Սանոյից խաբար չկա՞, չի զանգե՞լ, նմուշ վեկալել ա՞։
Արմեն Պողոսյան՝ Ապեր, չեմ զանգել, հեռախոսը որ թողել եմ մեքենայի մեջ, ինքը ինձի զանգել ա, բայց ոչ իրանից էլի մենակ, դու էլ ես զանգել։
Հրաչյա Մայիլյան՝ Ես զանգեցի Խիչայենց հետ խոսացի, ասում ա՝ երեկ սաղ օրը զանգել ենք, չենք կարացել կապնվենք, ասում ա էդ տղեն, որ գնացել էր ընդե, դրա կնիկն էլ էր եկել երեխու ծնունդին, էն էլ էր ընդե, փեսեն էլ ասում ա, Ռամազն էլ էր զանգում, կնիկն էլ, զանգում չէին միանում հետը։ Ասում ա՝ չենք կապնվել, զանգենք՝ կասենք։ Ասի՝ տենամ ինչ կա, նմուշ-մմուշը մի բան արել ա, ստե մի հատ ոռի բան ա, չգիտեմ արդեն։
Արմեն Պողոսյան՝ Չի լնում հա՞, Հրաչ։
Հրաչյա Մայիլյան՝ Դե չէ, Վրաստանից զանգել ա, հիմա էլ ընդեղից կապիկություն են անում, ասում են՝ անպայման պտի տեղը ունենաս ռեալիզացնելու, օգտագործման, էդ ով որ խոսք էր տվել իրա ֆիրմով բերի, ասում ա՝ ես բերեմ իմ ֆիրմով, ներմուծեցի ստեղ, ես էն կազմակերպությանը պտի ծախեմ, որ իրավունք ունի օգտագործելու։ Ասում ա՝ մտածեք ինչ եք բացում, նոր։ Վոբշեմ խիպիշ վիճակ ա։
Արմեն Պողոսյան՝ Չէ, էդի մի հատ ֆիրմա պտի գտնվի։ Լիցենզիա-միցենզիա հանվի։ Լավ, հեսա որ գամ, էդ հարցը կարգավորենք, ստեղից զանգեր կանեմ, տենամ՝ ինչ կարանք անենք։ Որ մի հատ պայմանագիր ունենա, որ ինքը առնում ա, ծախելու ա նրան, չէ՞։ Բայց կարա ինքը կորցնի, էլ չծախի նրան։
Հրաչյա Մայիլյան՝ Դե էդ կորցնողն ա պետք էլի։
Արմեն Պողոսյան՝ Հա, դե հիմա ընդե բաներ կա ճշտելու, եթե Վրաստանում վեկալեց, քանի՞ օր կարա պահի, որ կարենա դուրս գա Վրաստանից։
Հրաչյա Մայիլյան՝ Էդ չեմ իմանում։
Արմեն Պողոսյան՝ Էդի ուրեմն միանգամից շատ քանակություն պտի արվի, մի անգամ կարանք իրանով անենք, երկրորդ անգամ չենք կարա իրանով անենք։
Հրաչյա Մայիլյան՝ Դե ասի՝ տենանք, էսի էդ մի տոննան եթե շանս կար, գոնե արխային անեի։
Արմեն Պողոսյան՝ Չես էլ իմանում, վեկալես՝ ինչ անես։
Հրաչյա Մայիլյան՝ Հա, սաղ խառնվել ա իրար։ Հլը որ հետը խոսաս՝ մի հատ իմացի՝ տվել են իրան նմուշ, թե չեն տվել։
Արմեն Պողոսյան՝ Լավ, ապեր>>։

- Հրաչյա Մայիլյանի և Ռոբերտ Աղվանյանի միջև 06.03.2017թ, ժամը 22։54-ին տեղի ունեցած հեռախոսազրույցի գաղտնալսմամբ, գրառված X-442-17 գրառմամբ լազերային սկավառակի վրա՝ 95-597-17-2017-03-06-22-54-12-37493180736--out--094437177-0 անվանմամբ ձայնային ֆայլի տեսքով, հետևյալ բովանդակությամբ՝
<<Ռոբերտ Աղվանյան՝ Հա, ախպեր ջան։
Հրաչյա Մայիլյան՝ Ես ուզում եմ առավոտ յոթին էթամ, փեսուս ասեցի՝ գա առավոտ 6-7-ին էթամ, ի՞նչ կարծիքի ես, արժի՞ էթանք էն ԲՄՎ-ի մատորի հմար էլ միանգամից։
Ռոբերտ Աղվանյան՝ Խնդիր չեմ տենում։ Դու էթալու ես մնա՞ս, թե՞ էթալու ես հետ գաս։
Հրաչյա Մայիլյան՝ Չէ, էգուց չեմ կարա գամ, բայց մյուս օրը հետ եմ գալու պարտադիր։
Ռոբերտ Աղվանյան՝ Դու հիմի ի՞նչ ես անում։
Հրաչյա Մայիլյան՝ Եթե մենք կարանք ընդեղ հարց լուծենք, բան անենք, կարող ա լռվենք, զանգեմ փող բերեն։ Նայի ոնց ա, ինչը որ ես ուզում եմ, հիմա եթե ասենք թղթաբանությունը ընդեղ լուծեցի, էս մարդկանց պետք ա կանխավճար անեմ, որ ապրանքը զակազը տան, բարձեն կանտեր, իրանք ինձի պետք ա կանխավճար տան։ Իրանց հետ պայմանավորված ա։ Ես որ զանգեմ, ասեմ՝ վաղը չէ մյուս օրը կանխավճարն ուղարկեք, ուղարկում են, բեզ պրոբլեմ, հյուրանոցում նստած են, իսկ ԲՄՎ-ի մատորը պտի տենանք, վերջնականացնենք, հենց գան, զանգեմ Վլադիկավկազ, 5 ժամ հետո ստեղ են, գալիս են, քյաշ հարցերը լուծում են տեղում, առևտուր անում են, էթում են։ Էն էլ ըտենց վայրանտ ա։ Նենց չի, որ ասենք նրանք... սրանք ստեղ կանխավճարը տալիս են, որ ես զակազ տամ, իսկ նրանցը տենց բան չկա, նրանցը կանկրետնի ինձի ասում են՝ գնացել ես, տեսել ես, կարում ե՞ս էթաս մատորը տենաս, սվեչեք, մեչեք, պրովոդները վրեն ա, կոմպլեկտ ա, գալիս ես, փողը բերում տալիս ենք, մեր ավտոն տալիս ենք, գնում ես գցում ես էվակուատորի վրա, տալիս ես էվակուատորը մեզի ու վսյո, բայց աշխատելու-չաշխատելու պատասխանը դու ես տալու հա։ Էդի նենց չի, որ ---ի /չի հասկացվում/ վրա կարենան խոտ տան։ Ասի՝ եղավ, էդ էլ եմ նոր ճշտել, խոսացի, ասի՝ էթալու եմ, ուժի մեջ ա, երևի, ես էլ ըտեղից կգամ։
Ռոբերտ Աղվանյան՝ Դու չես քնում չէ՞ հլը։
Հրաչյա Մայիլյան՝ Չէ, չեմ քնում, հլը Երևան եմ։
Ռոբերտ Աղվանյան՝ Մի երկու բան կա, ճշտեմ, զանգեմ մի երկու ժամվա մեջ։
Հրաչյա Մայիլյան՝ Հա, խոսա, եթե դու գալու ես, ժամ պայմանավորվենք, եթե չէ, ես հելնեմ էթամ էլի։
Ռոբերտ Աղվանյան՝ Գալը գալու եմ, ճշտեմ, ասեմ քեզ, ախպերս>>։

- Հրաչյա Մայիլյանի և Ռոբերտ Աղվանյանի միջև 07.03.2017թ, ժամը 6։44-ին տեղի ունեցած հեռախոսազրույցի գաղտնալսմամբ, գրառված ` X-442-17 գրառմամբ լազերային սկավառակի վրա՝ 95-597-17-2017-03-07-06-44-36-37493180736--out--094437177-0 անվանմամբ ձայնային ֆայլի տեսքով, հետևյալ բովանդակությամբ՝
<<Ռոբերտ Աղվանյան՝ Հա, ախպեր։
Հրաչյա Մայիլյան՝ Բարլուս, ախպեր, հելել ե՞ս։
Ռոբերտ Աղվանյան՝ Հելնում եմ։
Հրաչյա Մայիլյան՝ Դե ես շարժվում եմ մանրից, դու հագի, եկա։
Ռոբերտ Աղվանյան՝ Լավ, ախպեր>>։

- Հրաչյա Մայիլյանի և Արմեն Պողոսյանի միջև 08.03.2017թ, ժամը 12։38-ին տեղի ունեցած հեռախոսազրույցի գաղտնալսմամբ, գրառված X -441-17 գրառմամբ լազերային սկավառակի վրա՝ 95-518-17-2017-03-08-12-38-13-995579493300--out--94655885-0 անվանմամբ ձայնային ֆայլի տեսքով, հետևյալ բովանդակությամբ՝
<<Հրաչյա Մայիլյան՝ Ապեր, բարլուս։
Արմեն Պողոսյան՝ Բարլուս, ախպեր, բարլուս։
Հրաչյա Մայիլյան՝ Ո՞նց ես։
Արմեն Պողոսյան՝ Ոչինչ, դու՞ ոնց ես։
Հրաչյա Մայիլյան՝ Ոչինչ։ Ե՞րբ ես եկել։
Արմեն Պողոսյան՝ Գիշերն եմ եկել։ Դու՞ ոնց ես։
Հրաչյա Մայիլյան՝ Ոչինչ էլի, … /հայհոյանք/ խաբելով ճլում են, չեմ իմանում հլը, ում որ պտի հանդիպենք, զանգում եմ չկա, գնացել ենք օֆիս չկա, հիմա Օթարին տարել եմ իջցրել եմ էդ օֆիսի մոտը, ով որ խոսք ա տվել, գործի չի գալի երեկվանից, դիրեկտորն ա ըտեղի, տարել, թողել եմ ըտեղ։ Էն տուֆտի հետ եմ, մատոռը կարում են էթանք նայենք, նկարենք, մենակ որ էն տակինը չկա, իջել են 38, էդ տակինն էլ ասում ա մեր մոտ կա, ասի էդ 38-ը չափանիշ չի։ Վոբշեմ Խիչայենց հետ եմ խոսացել, էդ տղեն հանդիպել ա, ասում ա, որ կա՝ 100 տոկոս կա, բայց մինչև վաղը, վաղը չէ մյուս օրը, էս եկու օրն էլ ժամանակ տվեք, բանն ա էվակուատորը չկա, որ բարձենք բերենք, էդ պրոբլեմն ա, թե չէ կա, մի կես ժամ առաջ խոսացի։
Արմեն Պողոսյան՝ Հա, ապեր, իսկ բանի վրա, չիպի վրա չեն կարում հանե՞ն, որ դու հետդ բերես։
Հրաչյա Մայիլյան՝ Չիպի վրա կարամ, հեսա զանգեմ ասեմ, ասեմ՝ եթե ջոգեք ուշ ա…
Արմեն Պողոսյան՝ Հա, ասա թող մի հատ բան անեն, եթե… ուշանալը հասկացանք, ասենք էվակուատորի խնդիր կա, տեղափոխելու խնդիր կա, հասկացանք։
Հրաչյա Մայիլյան՝ Հա, էվակուատորը, տեղափոխելը չկա, ասում ա, մնացածը ասում ա՝ ոչ իրանք ասել են չէ, ոչ էլ, քանդել են, հանել են, մատորը առանձին ծախում են, ավտոն խփած ա, իրանց պետք չի, իրանք ծախում են էդ մատորը, պրոստո էվակուատոր ա պետք, որ էժան նստի տեղափոխեն։
Արմեն Պողոսյան՝ Հա, մինչև էդ հարցը լուծելը…մենք հաստատ որ։
Հրաչյա Մայիլյան՝ Հմի լապեքը բռնում ա, չի բռնում, հեսա ես կասեմ, կնայեն։
Արմեն Պողոսյան՝ Հա, ցավդ տանեմ, դե նայա, տես՝ ինչ ես անում, ախպեր ջան, իրիկունը որ մենք իրար հետ…
Հրաչյա Մայիլյան՝ Իսկ էն Կիրովականից ձեն-ձուն չկա՞։
Արմեն Պողոսյան՝ Հենց հիմա Սանո ախպոր հետ նստած եմ, բարևում ա, ասում ա՝ քո թանկագին կարոտն ենք քաշում, ախպեր ջան։
Հրաչյա Մայիլյան՝ Արա, ազիզ, ստեղ 2 միլիոն ու կես դոլար փող էին բաժանում ընտրություններին, արա ասինք՝ վեկալենք, թողենք էթանք։
Արմեն Պողոսյան՝ Էդի լավ ա, ապեր իսկ դու վեկալա՞ր սրանցից փողը, եզդուն առավոտ զանգել եմ, քեզանից եմ հարցնում, նենց նեղացած էր, որ ես…
Հրաչյա Մայիլյան՝ Ասա գնա, … նենց ա մուտիտ արել, ես ստեղ ոչ մի բան չեմ իմանում, ասենք, վեկալելը ինձի մի վայրկյանի խնդիր ա, հարցեր կա, պրոստո հեսա մի հատ ջոգեմ, ոնց նայում եմ՝ էդ Կիրովականի թեման չի լնում չէ՞։
Արմեն Պողոսյան՝ Չէ, ըլնումա, ո՞վ ա ասում՝ չի ըլնում։
Հրաչյա Մայիլյան՝ Դե ու՞ր ա՝ ըլնում ա։
Արմեն Պողոսյան՝ Փողի ա սպասում էս մարդը։
Հրաչյա Մայիլյան՝ Ես հենց հիմա էս րոպեին զանգեմ, իրանք 4 ժամ հետո ստեղ են, ըտենց ագավորկով եկել եմ, 4 ժամ։
Արմեն Պողոսյան՝ Հմի դու դատարկ ես գնացել ըտե՞ղ, ապեր։
Հրաչյա Մայիլյան՝ Հա, ես Աբենց հետ եմ եկել…
Արմեն Պողոսյան՝ Էն 30-ն էլ չտվի՞ն։
Հրաչյա Մայիլյան՝ Չէ, չեմ վեկալե, իմ … /հայհոյանք/ պետք չի էդ 30-ը։ Այլազը զանգեց, ասում ա՝ զանգա ասա՝ ես քեզի, էլ Ռուստամ-մուստամ կապ չունի, թող վեր ընգնի իրա տեղը, ինքը իրանը կառնի, ոչ մի կապ չունի, …/հայհոյանք/ լակոտա էդի։
Արմեն Պողոսյան՝ Հասկացա։
Հրաչյա Մայիլյան՝ Հմի պրոստո էսա Օթարը մտելա օֆիսը, չկա էդ մարդը, հմի դրա հետ հանկարծ էսօր որ կապնվեմ, զանգում եմ՝ Էդգարը… 4-5 ժամ հետո իրանք ստե են։ Էդգարը վեկալում ա՝ գան։
Արմեն Պողոսյան՝ Ապեր, իսկ դու որ Սանոն, ասենք, սկսի էդ հարցը լուծելը, ասենք՝ էդ օրինակի, բանի, ամեն ինչի, հիմի փողի հարցը նորմալ կլնի՞, պրոստո ինքը ասում ա՝ ես հանկարծ մտավախություն չունենամ էլի…
Հրաչյա Մայիլյան՝ Բուկվալնո 4 ժամ, 4-5 ժամ։
Արմեն Պողոսյան՝ Հա։
Հրաչյա Մայիլյան՝ Ըտեղինը 4-5 ժամ չկա, իմ ըտեղ---, /չի հասկացվում/ հասա տե, տալիս եմ։
Արմեն Պողոսյան՝ Մի րոպե տամ՝ Սանոյի հետ խոսա, համ էլ կարոտդ առ։
Հեռախոսը փոխանցում է Սանասարին։
Սանասար Գաբրիելյան՝ Ալո։
Հրաչյա Մայիլյան՝ Բարլուս, ախպեր, ո՞նց ես։
Սանասար Գաբրիելյան՝ Բարև, ախպեր ջան։
Հրաչյա Մայիլյան՝ Ի՞նչ անեմ, փող էլ չկա ձեռս, մտնեմ քո տեղը մի երկու հատ էս ապարատների մաման … /հայհոյանք/։
Սանասար Գաբրիելյան՝ Ի՞նչ կա, ցավդ տանեմ։
Հրաչյա Մայիլյան՝ Ոչինչ էլի բրատ, ոնց որ էդ քո ասած հարցն էլ 2 տարբերակով ոնց որ չոտկի ըլնում ա, հեսա տենանք, էսօր-էգուցվա խնդիր ա, հեսա մի հատ ջոգենք՝ ինչ ա, հենց հմի ինձ ուզում են տանեն, ես իմ այփադով նկարեմ էլ, հեսա մի կես ժամից պարզ կլնի, իսկ էդ ըտեղի Կիրովականի հարցը ընդամենը ինձ պետք ա հասնեմ Հայաստան, եթե չէ, զանգեմ, տղես կեթա կվեկալի, մենակ մի շիշ էդ արաղից ըլնի, մի հատ մի բաժակ խմեն ու վսյո։ Միլիոն տոկոսով, ես եմ, իրանք չեն խոսք տվողը, ես եմ։
Սանասար Գաբրիելյան՝ Լավ, ապեր, լսի, հլը էն յան դիր, էդ մեր հարցը եթե ըլնում ա, ես քաղաքից էլ եմ վեկալում դա։
Հրաչյա Մայիլյան՝ Մեր հարցը 90 տոկոս հաշվի՝ արդեն լուծված ա, էսօրվա իրանց վիճակից։
Սանասար Գաբրիելյան՝ Էդ 3 ամիս ա՝ նույնն են ասում, ախպեր։
Հրաչյա Մայիլյան՝ Տո ինչ իրեք ամիս, 7 ամիս ա, սեպտեմբերի 2-ին ենք մենք ավարյա տվել։
Ծիծաղում են։
Հրաչյա Մայիլյան՝ Նենց որ կակռազ իրանց ասեցի, ասի 2-3 օր եք ասում, մի մոռացեք սեպտեմբերի 2-ին ենք մենք ավարյա տվել, էսի ըլնում ա 7-րդ ամսը, 6 ամիս լրացավ։
Սանասար Գաբրիելյան՝ Հա։
Հրաչյա Մայիլյան՝ Բա վեց ամիս ա՝ մենք զբաղվում ենք։ Մեկն ասում ա՝ 4 սվեչա ա, մեկն ասում ա 6 պորշինա, էս ա։ Կարևորը որ կա, հեսա տենանք՝ ինչ եմ անում։
Սանասար Գաբրիելյան՝ Ախպեր, եթե էդ բանն էլավ, ես 100 տոկոս վիզ եմ դնում էդ մոմենտը սարքեմ ստեղ։
Հրաչյա Մայիլյան՝ Երևանինը հա, հասկանալի ա, բայց դու մի հատ Կիրովականի ցեխն էլ էլի նայի էդ արաղի։
Սանասար Գաբրիելյան՝ Լավ, լավ։
Հրաչյա Մայիլյան՝ Էդի արխային, միլիարդ տոկոսով, էդ փողի-մողի խնդիրը չկա, էդի ես եմ քեզի ասում։ Ես եմ տեր, արխային։
Սանասար Գաբրիելյան՝ Լավ, ապերս։
Հրաչյա Մայիլյան՝ Դե տենամ՝ էդ Կիրովականը ե՞րբ խաբար կանես։
Սանասար Գաբրիելյան՝ Դե հեսա էդ Ժորոյի հետ կզանգենք, ապեր։
Հրաչյա Մայիլյան՝ Լավ, ախպեր ջան>>։

- Հրաչյա Մայիլյանի և Արմեն Պողոսյանի միջև 08.03.2017թ, ժամը 18։17-ին տեղի ունեցած հեռախոսազրույցի գաղտնալսմամբ, գրառված` X-441-17 գրառմամբ լազերային սկավառակի վրա՝ 95-518-17-2017-03-08-18-17-49-995579493300--out--94655885-0 անվանմամբ ձայնային ֆայլի տեսքով, հետևյալ բովանդակությամբ՝
<<Հրաչյա Մայիլյան՝ Ապեր, բարի օր։
Արմեն Պողոսյան՝ Բարիգուն ախպեր, ո՞նց ես։ Ոնց ա՞ ախպորս վիճակը։
Հրաչյա Մայիլյան՝ Խառը, դու ասա։
Արմեն Պողոսյան՝ Ներվայնացա՞ծ։
Հրաչյա Մայիլյան՝ Հա, 4 յանից խաբում են։
Արմեն Պողոսյան՝ Խաբում ե՞ն։
Հրաչյա Մայիլյան՝ Հա։ Դու ասա։
Արմեն Պողոսյան՝ Ես հլը չգիտեմ, ախպեր, մարտի ութ ենք անում։
Հրաչյա Մայիլյան՝ Շնորհավորի, Արսենն էլ ա՞ ըտեղ։
Արմեն Պողոսյան՝ Չէ, ապեր, Արսենը լքել ա մեզի, չեմ էլ թողելու գա։
Հրաչյա Մայիլյան՝ Ի՞նչ ա արել։
Արմեն Պողոսյան՝ Լքել ա մեզի, առավոտը գնացի Հրանտիկի մոտը բռնեցի, ապեր։
Հրաչյա Մայիլյան՝ Հա, գնացել էր Հրանտիկի մո՞տ։
Արմեն Պողոսյան՝ Հրանտիկի հետ գնաց Հոկտեմբերյան։
Հրաչյա Մայիլյան՝ Հա, էդի արդեն հասկանալի ա, պտի կանչեմ, լուրջ խոսամ հետը։
Արմեն Պողոսյան՝ Պրծնենք էս բանը, սաղ գալիս խառնում իրար, էթում են։ Ինչ կա՞ քո մոտ, ասում ես՝ խառն ա՞։
Հրաչյա Մայիլյան՝ Ես հենց հմի էթում եմ Բաթում։
Արմեն Պողոսյան՝ Դե մի հատ Ռեզոյին զանգա, հեսա ես զանգեմ, զգուշացնեմ, ասեմ՝ մեր ընգերը գալիս ա, մի հատ տես՝ ինչ ենք անում, ոնց ենք անում, ինչ մոմենտ ա, որ միանգամից թարգը տրվի, մի հատ հասկանանք։
Հրաչյա Մայիլյան՝ Մի հատ հլը նավսյակի զանգա, բայց խելքս չի կտրում, ես շատ գիտեմ։ Էդ Կիրովականի հարցը էսօր էլի ասում ա՝ փողը կա՞, փողը կա՞, ոնց որ դետսկի սադ ըլնի։
Արմեն Պողոսյան՝ Ախպեր, վախեցած ա։
Հրաչյա Մայիլյան՝ Էդի պրոստո որ ուզում ես իմանաս՝ մի քիչ իմ սխալն ա, որ ասում էր՝ ինչ էլավ, ասում էի՝ հեսա կվեկալի, հեսա սենց, հեսա իրիկունը, բան-ման, մտածում ա, որ կարողա էդ հարցը չլուծվի, դրա համար։ Էսօր ես իրան ասի, ախպեր ջան, էդ հարցը լուծա, ինձանից ուզա։ Ծիծաղաց, ասի՝ լուրջ եմ ասում։
Արմեն Պողոսյան՝ Դու 100 դրամը չես կարում բերես, այ ախպեր ջան, մենք չգիտենք՝ կա-չկա, դու հա կեթաս-կգաս, փողը-փողը, հավայի ոնց որ բան անի։
Հրաչյա Մայիլյան՝ Ասեց չէ, բան կանեմ, էդի հաստատ ասում եմ, որ Երևանից էլ կարամ վեկալեմ, ընդեից էլ կարամ։
Արմեն Պողոսյան՝ Ապեր, Երևանինը հասկացանք, Երևանին կապը տալիս ա, ասում ա՝ էնի պտի ըլնի, որ էնի ըլնի։ Էդի հասկցանք, էնի ըլնի, նոր էնի ըլնի։
Հրաչյա Մայիլյան՝ Չէ, էդ էլ չի ասում հմի, որ էնի ըլնի, էսի կլնի։ Էդ էլ չի ասում արդեն։ Էսօր ընձի ասեց, էսօր ընձի ասում ա՝ էդի ըլնի, որ էնի ըլնի, ասի՝ դե էդի ըլնել-չլնելը սենց ա, տարբերակները ասել են, տենանք՝ որն ենք, ոնց ենք անում, ասի՝ էդ 90 տոկոս ըլնում ա ստեղ, բայց Կիրովականինը գոնե խոդ տուր, ես հասկնամ, ընձի 4 ժամ ա պետք լուծում տալու համար, ընդե պրոստո էդ եզը …/անվայել արտահայտություն/ համը հանել ա, Այլազ-մայլազ, սաղ սարքել են սաղ շիլաշփոթ, հմի ես ոչ մի բան կոնկրետ չեմ իմանում, ոնց մտնեմ դրա տակ, հարցեր կան, կասեմ։
Արմեն Պողոսյան՝ Ապեր, ինքը ասեց՝ ես հաստատ էդի կտան կբերեմ, հիմա նայի ասեմ քեզի, էն տակինը որ չկա, դրա վրա չարժի աշխատել, էդի յեքա պատմություն ա։
Հրաչյա Մայիլյան՝ Հա, ես էդի էսօր ատբոյ տվի, ինձ ասում ա՝ կեթանք Երևան, ես կճարեմ, բան-ման, ասի չէ, արա, /անվայել արտահայտություն/ արա, 38 մանեթ ա գինը դրա, արա ասի՝ …դ սկի 10-ով էլ չարժի վեկալել, դու ինչ գիտես՝ տակինը որդուց պտի ճարես, բատարեն նստած ա, թազա բատարե ա պետք, ասի՝ այ քեզի բան։
Արմեն Պողոսյան՝ Հասկանալի ա։
Հրաչյա Մայիլյան՝ Հա, ես էդի ատբոյ տվի։
Արմեն Պողոսյան՝ Իսկ էն մեկը, որ ես ասեցի, ասի՝ ախպեր հարցը լուծած ա, պրոստո մենք սխալ արինք, որ քեզի դեմից բան արինք, ասի դու մտածի, որ էդի ոնց դզես, հա, բա ես հմի ո՞նց ասեմ, չեմ իմանում, չգիտեմ, ասի՝ ախպեր, հմի ես քեզ ասում եմ կանկրետնի, էդ հարցը լուծվող ա, պրոստո գնի խնդիրն ա։
Հրաչյա Մայիլյան՝ Ժամկետի խնդիրն ա։
Արմեն Պողոսյան՝ Համ էլ ժամկետի խնդիրն ա։ Հմի համ ժամկետի խնդիր կա, համ բանի խնդիր, երկու խնդիր կա, հիմա բան արա, թե թող գոնե մի հատ ոնց որ դու էս բերեցիր էդի, մի հատ տենց մի բան ըլնի, ոչինչ, ժամանակը հասկացանք։
Հրաչյա Մայիլյան՝ Հա, ես էդի իրանց արդեն ասել եմ, ասել եմ՝ գոնե դուք տվեք էդ ֆլեշկեն, հետո թող իրանք մինչև իրանց ավտոն դզեն-փչեն, մենք կհասցնենք, դուք ֆլեշկեն տվեք, որ կա մատոռը, մնացածը իրանք արդեն մինչև դզեն-փչեն, իրանց ավտոն, մի 5 օրա, 10 օր ա՝ ոչինչ, բայց էդի պտի ըլնի, որ մարդիկ հավատան, որ էդ ավտոյի վրա փող ծախսեն։
Արմեն Պողոսյան՝ Հա, որ սպասեն էլի, էլ չխեղդեն։
Հրաչյա Մայիլյան՝ Հա։ Էդի ասող ասել եմ, ասել են՝ կանենք, հիմա էթում եմ, իրան էլ վեկալեմ, գնում ենք Բաթում։
Արմեն Պողոսյան՝ Հիմա ես մենակ աշխատում եմ դրա վրա, իրան բան անեմ, որ ախպեր ջան, դու բեր, տենանք՝ ինչ ա, ոնց ա, նոր դալշե հասկանանք։
Հրաչյա Մայիլյան՝ Կիրովականինը եթե հիմա բերեց, ես 3 ժամ հետո հարց եմ լուծում, 4։ Մենակ թող Կիրովականինը էդ բանը բերի, հասցնի տեղ։
Արմեն Պողոսյան՝ Վսյո, եղավ։
Հրաչյա Մայիլյան՝ Էդ Անուշ լիմոնադ ա, ինչ ա՝ թող բերի հասցնի, համեմատենք, տենանք ստեղինն ա, թե …
Արմեն Պողոսյան՝ Հա տեխնոլոգիան տենանք, հասկանանք, ոնց ա սարքած, պրոբլեմ չկա։
Հրաչյա Մայիլյան՝ Լավ, դու կանտրոլ պահա, կզանգվենք>>։

- Հրաչյա Մայիլյանի և Ռոբերտ Աղվանյանի միջև 09.03.2017թ, ժամը 21։11-ին տեղի ունեցած հեռախոսազրույցի գաղտնալսմամբ, գրառված X-442-17գրառմամբ լազերային սկավառակի վրա՝ 95-597-17-2017-03-09-21-11-48-37493180736--in--995568629883-0 անվանմամբ ձայնային ֆայլի տեսքով, հետևյալ բովանդակությամբ՝
<<Հրաչյա Մայիլյան՝ Ալյո։
Ռոբերտ Աղվանյան՝ Էն որ ինձի ասիր 5 հատ տալիս են, էդի ռեալ ա՞, թե՞ օդ ա։
Հրաչյա Մայիլյան՝ Ռեալն ու օդը ո՞նց հասկանամ, հլը ասա։ Ինչ ասել են, էն էլ քեզի ասել եմ։
Ռոբերտ Աղվանյան՝ Հասկացա։ Հմի որ ստեղ մարդ կա, ասել են 40-ով 4 հատ ուզում են, լավ ա՞։
Հրաչյա Մայիլյան՝ Լավ ա՞, ո՞նց ես գտնում։
Ռոբերտ Աղվանյան՝ Ես չգիտեմ, ասիր ասում են՝ 35-ով կա։
Հրաչյա Մայիլյան՝ 35-ով մեզի են տալիս։
Ռոբերտ Աղվանյան՝ Հա, 4 հատ առնում են։
Հրաչյա Մայիլյան՝ Հմի էդ 5 հազարի հմար...
Ռոբերտ Աղվանյան՝ Դե, հմի չգիտեմ, դու ինձ ասել ես 35, ասել ես 4 հատ կա։
Հրաչյա Մայիլյան՝ 35-ով 5 հատ կա, էդի իրանց ասած գինն ա։
Ռոբերտ Աղվանյան՝ Դե հմի ես մարդ ասի, ասի 40, ասի 4 հատ կուզեք, ասեց սաղ ամեն ինչով ա՞, ինչ համարի ա, հա կամ չէ՞։
Հրաչյա Մայիլյան՝ Էդ որ եկա, վաղը չէ մյուս օրը, կխոսանք։ Հաստատ գալու եմ ես։
Ռոբերտ Աղվանյան՝ Հմի ստեղ մարդ կա, հետո էթալու ա, չեմ կարա հետո խոսամ։
Հրաչյա Մայիլյան՝ Էդ գնով ադնազնաչնի դրա տակ չեմ մտնի հետո, 2 դյույմանոց տրուբեն են էդ գին ասում։
Ռոբերտ Աղվանյան՝ Դու ինձ ասիր 4-5 հատ կա, փող չկա, ես էլ ասի՝ կպցնեմ, ուզում ես վեկալենք, 4 հատիկ կպցնենք, էն մեկը վեկալես, դրա մեջ փող կպցնենք, նրանցից էլ 5-5 հազար փող բռնենք։
Հրաչյա Մայիլյան՝ Լավ, տեղում կխոսանք, հեռախոսի չի։ Ըտեղ կլնենք, նոր կորոշենք։
Ռոբերտ Աղվանյան՝ Լավ, ախպերս>>։

- Հրաչյա Մայիլյանի և Ռոբերտ Աղվանյանի միջև 11.03.2017թ, ժամը 13։23-ին տեղի ունեցած հեռախոսազրույցի գաղտնալսմամբ, գրառված X-442-17, գրառմամբ լազերային սկավառակի վրա՝ 95-597-17-2017-03-11-13-23-02-37493180736--out--094437177-0 անվանմամբ ձայնային ֆայլի տեսքով, հետևյալ բովանդակությամբ՝
<<Ռոբերտ Աղվանյան՝ Բարլուս, ապեր։
Հրաչյա Մայիլյան՝ Պրիվետ։
Ռոբերտ Աղվանյան՝ Երեկ մեր ընգերոջը տեսա. կակրազ էդ թեմայից խոսում էինք, սպիրտի հետ կապված, ինձ բաներ էր հարցնում, ասի՝ զանգեմ խոսամ, 20 անգամ զանգի, չվեկալար։
Հրաչյա Մայիլյան՝ Երեկ հեռախոսն իրիկվանից մոտս չի եղել։
Ռոբերտ Աղվանյան՝ -ին /չի հասկացվում/ տեսել ե՞ս։
Հրաչյա Մայիլյան՝ Չէ, պայմանավորվել եմ, պտի տենամ։
Ռոբերտ Աղվանյան՝ Բա երեկ ինձ ասում էր, երեկ որ եկել էի, զանգել էր։
Հրաչյա Մայիլյան՝ Ի՞նչ ես անում բա։
Ռոբերտ Աղվանյան՝ Քաղաք եմ, Երևան։ Մարդ կա, մի հատ տենամ, երկու մոմենտ կա։ Էն Բրեմենին բզա, եզդի-մեզդի չունի՞, ղրգենք էթա։
Հրաչյա Մայիլյան՝ Հայաստանո՞վ։
Ռոբերտ Աղվանյան՝ Հա։
Հրաչյա Մայիլյան՝ Տենամ՝ կասեմ։
Ռոբերտ Աղվանյան՝ Ինքը մենակ պադկլյուչիտ անի, վսեվոլիշ։
Հրաչյա Մայիլյան՝ Էդ իրա բրեմեններից 3 հոգի տվին, տարա Մասկվա, հարամ եղավ, տենց ոնց-որ էլ բան չեն անում ինձ։
Ռոբերտ Աղվանյան՝ Բրեմեններից ոչ փողա պետք, ոչ բան, պրոստո ուբեդիտ ըլնեն, որ գարանտ եմ կայնելու։ Էթա մտնի, սաղ պատրաստ ա, տան ձեռը՝ փողերը տա։ Թող հստակ ըլնի՝ մի 200 մայեթ փող ըլնի։ 5-10 հոգի էթա։ Էն, որ դու ինձ ասիր, 5 հատ՝ էդ ավտոյի տարբերակը, ասիր կհարցնեմ, պրոստո հետաքրքիրա ՝ շա՞տ կա։
Հրաչյա Մայիլյան՝ Ապեր, իրանք 100 են ասում խալխը, մենք 40-ով ո՞նց կանենք։
Ռոբերտ Աղվանյան՝ Ապեր, չասի՞ր՝ եթե կա, մենք առաջարկենք, ես էլ 5 դաբավիտ արի, ասի 40-ով։
Հրաչյա Մայիլյան՝ Չէ, ապեր, հետա հելել եմ կանալի վրա, հեսա տենանք, էդ քո ասած վայրանտը, դրսով, մարդ եմ հեսա տենալու, տենամ կարող ա՞ դրանք ուզեն նորմալ ձևով։
Ռոբերտ Աղվանյան՝ Ոնց ջոգի՝ էդ դրսի հետ կապված մենակ էն ընգերնա, էն մնացածը ոչ խոսում են, ոչ էլ քննարկում են, նրանք կանալ ունեն, կռանը բերում են 40 հազարնոց, 200 հազար են ծախում։
Հրաչյա Մայիլյան՝ Լավ, պրծնես, զանգվենք, կտենանք։
Ռոբերտ Աղվանյան՝ Հմի էդ ընգերոջը էդ քո սպիրտի համար ասե՞մ։ Կարող ա բան պետք ըլնի ուղարկես, կարա՞ս ուղարկես։
Հրաչյա Մայիլյան՝ Շիշը՞։
Ռոբերտ Աղվանյան՝ Դե տոկոսային հարաբերություն բան։
Հրաչյա Մայիլյան՝ Շիշը կարամ բերեմ։
Ռոբերտ Աղվանյան՝ Ա դե, շիշը չէ, միջինն ա պետք, նկարը բեր, ախպերս։
Հրաչյա Մայիլյան՝ Լավ, հեսա էդ նմուշն էլ վեկալեմ, կզանգեմ, ախպեր>>։

- Հրաչյա Մայիլյանի և Ռոբերտ Աղվանյանի միջև 12.03.2017թ, ժամը 16։40-ին տեղի ունեցած հեռախոսազրույցի գաղտնալսմամբ, գրառված` X-442-17 գրառմամբ լազերային սկավառակի վրաՙ95-597-17-2017-03-12-16-40-39-37493180736--out--094437177-0 անվանմամբ ձայնային ֆայլի տեսքով, հետևյալ բովանդակությամբ՝
<<Հրաչյա Մայիլյան՝ Ալյո։
Ռոբերտ Աղվանյան՝ Ախպեր, ստացել ե՞ս նկարը, խոսացի՞ր։
Հրաչյա Մայիլյան՝ Մի ժամից կպրծնենք, կեթա, կնայի, կզանգի։ Եթե պետք ա՝ աբրազեցը մոտս ա։
Ռոբերտ Աղվանյան՝ Չէ, էդի պետք չի։ Բա ու՞ր ես։
Հրաչյա Մայիլյան՝ Էջմիածին եմ, եկա շտաբ Ժորիկենց։
Ռոբերտ Աղվանյան՝ Արա, հորս արև, քեզ գործ ես գտել։
Հրաչյա Մայիլյան՝ Ասի, տենանք որ շտաբը փող տան, սաղ շտաբերը ֆռում ենք, փող տվող շտաբ չես իմանու՞մ։ /Ծիծաղում է/ Ալիևն էլ փող տա, կվերցենք, բայց Սերժ Սարգսյանին կընտրենք։ Նենց որ, փող տվող ըլնի, դու ինձի ասա>>։

- Հրաչյա Մայիլյանի և Ռոբերտ Աղվանյանի միջև 13.03.2017թ, ժամը 11։09-ին տեղի ունեցած հեռախոսազրույցի գաղտնալսմամբ, գրառված X -442-17 գրառմամբ լազերային սկավառակի վրա՝ 95-597-17-2017-03-13-11-09-08-37493180736--in--094437177-0 անվանմամբ ձայնային ֆայլի տեսքով, հետևյալ բովանդակությամբ՝
<<Հրաչյա Մայիլյան՝ Ալյո։
Ռոբերտ Աղվանյան՝ Ո՞նց ես, եղբայր։
Հրաչյա Մայիլյան՝ Լավ, դու՞։
Ռոբերտ Աղվանյան՝ Նորմալ, էն մեր տված բաները մեր ընգերն ասում ա պարամետրերը լրիվ տարբեր բաներ են։ Ինչ-որ դուք ուզում եք, դրա մեջ չկա, որ հետո էդի իջացնենք, էդի ստանաք։ Էդ պարամետրերը չկան, կամ էլ կարանք սենց պայմանավորվենք, զանգեմ իրան...
Հրաչյա Մայիլյան՝ Չէ, եթե չկա մեջը, անիմաստ ա, եթե չկա՝ չի լնի։ Իրան ասա՝ կարող ա՞ ալիք ունենա սենց բան սարքելու։
Ռոբերտ Աղվանյան՝ Կարանք էթանք, ինքը ինֆո տա քեզ, ասեց՝ կգաս, կբացատրեմ, կասեմ։
Հրաչյա Մայիլյան՝ Ես Երևան եմ, դու Էջմիածի՞ն ես։
Ռոբերտ Աղվանյան՝ Հա։
Հրաչյա Մայիլյան՝ Գործ կա, պրծնեմ, գամ, կզանգեմ, կեթանք, կտենանք։
Ռոբերտ Աղվանյան՝ Խնդիր չկա։ Կբացատրի մանրակրկիտ։ Կգաս, կզանգես, կտենանք>>։

- Հրաչյա Մայիլյանի և Ռոբերտ Աղվանյանի միջև 14.03.2017թ, ժամը 12։49-ին տեղի ունեցած հեռախոսազրույցի գաղտնալսմամբ, գրառված` X -442-17 գրառմամբ լազերային սկավառակի վրա՝ 95-597-17-2017-03-14-12-49-29-37493180736--out--094437177-0 անվանմամբ ձայնային ֆայլի տեսքով, հետևյալ բովանդակությամբ՝
<<Հրաչյա Մայիլյան՝ Հա, ապեր ջան։
Ռոբերտ Աղվանյան՝ Հմի էթում ե՞ս դու։
Հրաչյա Մայիլյան՝ Ես չէ, դուրս չեմ գալու, էթալու եմ, բայց կարող ա 4-5-ին, մինչ՞ վեցը դուրս եմ գալու։
Ռոբերտ Աղվանյան՝ Երևանի կողմ էթալու ե՞ս։
Հրաչյա Մայիլյան՝ Հմի Երևան եմ։
Ռոբերտ Աղվանյան՝ Էջմիածին չե՞ս գալու, Երևանից ե՞ս գնալու։
Հրաչյա Մայիլյան՝ Չէ, հո բոմժ չեմ, Երևանից չեմ կարա գնամ, գամ Էջմիածնից շորերս վեկալեմ, վեշերս, ավտո։
Ռոբերտ Աղվանյան՝ Էջմիածին, բանի համար բան կար, պտի վեկալվեր երեկվա հետ կապված հարցը, բան կար՝ էթալ Երևանից վեկալելու։
Հրաչյա Մայիլյան՝ Ո՞ր հարցի, բիձու մոտ որ գնացի՞նք։
Ռոբերտ Աղվանյան՝ Հա։
Հրաչյա Մայիլյան՝ Իրա ասածը չի լնում, ախպեր։
Ռոբերտ Աղվանյան՝ Ապեր էն, ինչ որ քու գրածն էր, էդ մի գրածի չափման միավոր…
Հրաչյա Մայիլյան՝ Ես ասեցի չէ, ես դրանից ունեմ, ինձի դրանից տվել են…
Ռոբերտ Աղվանյան՝ Մի հատ հարց կրա՞մ տամ, մարդուն ասում են էսինչ մոդելի տելեվիզր, մոդելը գրել ես, կարանք կազմակերպենք էդ մոդելի, հիմի դու ուրիշ բան ես ուզում, ուրեմն ուրիշ բան, պտի ասես՝ էն մոդելի տելեվիզրը, որը քեզ պետք ա ընգեր։ Քու գրած տվածը էդ մոդելն ա, էդ մոդելը կլնի, եթե քեզ ուրիշ ա պետք, էդ ուրիշ հարց ա, բայց եթե քո գրած-տված մոդելն ա, էդ կարա ըլնի։ Կարանք կազմակերպենք։
Հրաչյա Մայիլյան՝ Հա, որը տվել եմ, էդի՞ ա։
Ռոբերտ Աղվանյան՝ Դե հմի էդ եմ ասում։ Կոնկրետ էդ կարա լինի, կարանք կազմակերպենք։
Հրաչյա Մայիլյան՝ Դե, ես էսօր պտի էթամ Թիֆլիս, կարող ա 7 օր, չգիտեմ, երբ հետ կգամ։
Ռոբերտ Աղվանյան՝ Ուզում ես՝ չկազմակերպենք, ախպեր։
Հրաչյա Մայիլյան՝ Չէ, դե կազմակերպելը, հո ես չեմ կարա դրա համար առնեմ, նստեմ ստեղ, ես պայմանավորվածություն կա, պտի էթամ Թուրքիա, խնդիր կա, գործ կա, պամիդոր պտի բերեմ ընդուց։
Ռոբերտ Աղվանյան՝ Բան չասի։
Հրաչյա Մայիլյան՝ Խառն եմ, եթե դու կարաս մի բան ստեղ անես, կամ անողին ասես՝ անի, հետո գանք տենանք, էդ ուրիշ խնդիր ա, ջոգում ես։
Ռոբերտ Աղվանյան՝ Կարանք անենք, կազմակերպենք, անենք։
Հրաչյա Մայիլյան՝ Երեկվա իրա ասածը չի լնում վոբշեմ, ասեմ իմանաս։
Ռոբերտ Աղվանյան՝ Ո՞ր ասածը։
Հրաչյա Մայիլյան՝ Որ ասեց՝ ուզում եք, ես տամ ձեզի։
Ռոբերտ Աղվանյան՝ Հա։
Հրաչյա Մայիլյան՝ Էդ չի լնում։
Ռոբերտ Աղվանյան՝ Խի՞։
Հրաչյա Մայիլյան՝ Դե չի լնում, դրանից իմ մոտ կա։
Ռոբերտ Աղվանյան՝ Ընկեր, դու բան ես ուզում, էդ քո գրածը, կարա ըլնի։ Հմի ես չգիտեմ՝ ինչ ես ասում, բայց կոնկրետ ինչ-որ գրել ես, գրածդ բանը, տելեվիզրի մարկեն կարա ըլնի, էդքան բան, իսկ եթե էդի չի լինի քո ուզածը, ուրեմն դու սխալ ես ասում, ինչ-որ կա, էդ էմ ասում։
Հրաչյա Մայիլյան՝ Լավ, մեկա իրար չենք հասկանում, երեկ իրեք ժամ էլ էդ մարդու հետ չկարեցանք հասկանանք։
Ռոբերտ Աղվանյան՝ Ընկեր, կարանք էդ թեման փակենք, քեզ ասում եմ՝ էդ մարդը հաստատ…
Հրաչյա Մայիլյան՝ Փագելու չի…
Ռոբերտ Աղվանյան՝ Ուրեմն, էդի կազմակերպեմ տամ, ուրիշ բան ա պետք՝ ճշտեք, ասեք։
Հրաչյա Մայիլյան՝ Ախպեր չէ, դե լավ էլի, դու էլ էն նույն մարդու պես ես ասում, ես ասում եմ չէ, ինչը կա, էդի ա, ինքը ասում ա՝ ուրիշ բան, է ուրիշ բան ա, հենա ուրիշ բան կգրենք, էս են ուզում։
Ռոբերտ Աղվանյան՝ Լավ, էդ ա, կկազմակերպվի։
Հրաչյա Մայիլյան՝ Հա, էդի ա, ուրիշ բան պետք չի։
Ռոբերտ Աղվանյան՝ Լավ, ի՞նչ ասեմ։
Հրաչյա Մայիլյան՝ Լավ, հետո կխոսանք>>։

- Հրաչյա Մայիլյանի և Ռոբերտ Աղվանյանի միջև 14.03.2017թ, ժամը 22։24-ին տեղի ունեցած հեռախոսազրույցի գաղտնալսմամբ, գրառված X -442-17 գրառմամբ լազերային սկավառակի վրա՝ 95-597-17-2017-03-14-22-24-07-37493180736--out--094437177-0 անվանմամբ ձայնային ֆայլի տեսքով, հետևյալ բովանդակությամբ՝
<<Հրաչյա Մայիլյան՝ Հա, էս երևում ա փողերը ---ից /չի հասկացվում/ վեկալար, կորար։
Ռոբերտ Աղվանյան՝ Զանգի չվեկալար, նայի հեռախոսիդ վրա։
Հրաչյա Մայիլյան՝ Ձև չկա, կաֆեն ենք, բայց...
Ռոբերտ Աղվանյան՝ 2-3 րոպե հետո հետ եմ զանգել։ Էսօր զբաղված ա՝ վաղը տենանք։
Հրաչյա Մայիլյան՝ … /Չի լսվում/։
Ռոբերտ Աղվանյան՝ Վաղը զանգեմ տենանք, ասի՝ զանգի։ Բա ի՞նչ ես անում։
Հրաչյա Մայիլյան՝ Կաֆեն եմ, Ժորիկի հետ նստած ենք։ Ի՞նչ ես անում։
Ռոբերտ Աղվանյան՝ Բան չէ, մի հատ Վարդիկի մոմենտը բան անենք, էնի նաղդ ունի, ես զանգեմ, էնի ինձնից ուխոդ ա ըլնում, ջոգելա փողն եմ ուզում երևի։
Հրաչյա Մայիլյան՝ Հա, էդի վաղը կզբաղվեմ, էսօր չեմ կարեցել, դրանով էգուց կզբաղվեմ։
Ռոբերտ Աղվանյան՝ Ի՞նչ ա, վաղն էթալու ե՞ս, թե՞ չէ։
Հրաչյա Մայիլյան՝ Տենանք, նստած՝ զանգի եմ սպասում, որ զանգն եկավ նորմալ, պտի էթացվի։
Ռոբերտ Աղվանյան՝ Մենակ ե՞ս էթում։
Հրաչյա Մայիլյան՝ Չէ։ Մի քանի հոգով, խառը։ Տենանք՝ ինչ դուրս կգա, օրը մի բան փոխում են։
Ռոբերտ Աղվանյան՝ Հմի վաղը, որ գնացել էինք Երևան, էդի կազմակերպելու համար, պտի էթացվի, մի երկու բան կա առնցվի, էլի, սահման չի հասել ինքը։
Հրաչյա Մայիլյան՝ Ժամանակ ըլնի, ժամանակի հետ ա կապված։ Առավոտ մի ռես սալյարկի հարց լուծեմ, էդ դվիժենիները անեմ, ժամկետ են ուզում, բան են ուզում, բան չեմ կարում ասեմ։
Ռոբերտ Աղվանյան՝ Դե ինչ ասեմ, նայի։
Հրաչյա Մայիլյան՝ Մի ժամ էլ սպասեմ, զանգեն, չզանգեն, պտի զանգեն, էթամ դրանց հետ հանդիպման, սպասում եմ դրանց զանգին։
Ռոբերտ Աղվանյան՝ Պարզ ա։
Հրաչյա Մայիլյան՝ Ոռին էն ա, որ ոչ մի բան առաջ չի էթում։
Ռոբերտ Աղվանյան՝ Դե, առանց փողի չի էթում, սաղ փողով ա։ Դե լավ վաղը տես ինչ ա, եթե բանա, ուզում ես՝ էթանք, էդի դզենք։ Վաղը առավոտ ինձի զանգա մինչև էթալդ, կարող ա էթանք։
Հրաչյա Մայիլյան՝ Հա, մինչև էդ կզանգեմ>>։

- Հրաչյա Մայիլյանի և Արմեն Պողոսյանի միջև 15.03.2017թ, ժամը 0։39-ին տեղի ունեցած հեռախոսազրույցի գաղտնալսմամբ, գրառված X -442-17 գրառմամբ լազերային սկավառակի վրա՝ 95-597-17-2017-03-15-00-39-32-37493180736--out--094655885-0 անվանմամբ ձայնային ֆայլի տեսքով, հետևյալ բովանդակությամբ՝
<<Արմեն Պողոսյան՝ Ալո։
Հրաչյա Մայիլյան՝ Հը՞, ախպեր, հո չէի՞ր քնել։
Արմեն Պողոսյան՝ Չէ։
Հրաչյա Մայիլյան՝ Էն գիժը զանգեց, դրա հետ էի, չվեկալա, վոբշեմ ասի՝ ախպեր, ընգերս Վլադիկավկազից պտի գա, ավտոյի վրեն գազը տեղադրեք, էթա, ընենց չլնի, քշի գա հանկարծ, ընգնենք … /անվայել արտահայտություն/ մեջ, ասես՝ ձեռս շատ գործ կա, էս կա, էն կա։ Բա՝ ախպեր, հո լակոտ չենք։ Ասի՝ ավտոն բերում ա ինքը, իրա ձեռով կայնցնում ա գարաժդ, դու գազը տեղադրես, ինքը գա, կես ժամ հետո մի ժամ հետո, քշի էթա։ Բա պրոբլեմ չկա, թող գա։
Արմեն Պողոսյան՝ Ինձի զանգեց, ասի՝ ինքը հեռու ա, ասում ա՝ հեռու եմ, հետո կզանգեմ։
Հրաչյա Մայիլյան՝ Զանգեմ, ասեմ, վոբշեմ վաղը հինգից հետո կարանք ավտոն բերենք, գազը տեղադրենք վրեն։
Արմեն Պողոսյան՝ Հա, վյսո։
Հրաչյա Մայիլյան՝ Դե առավոտ մի հատ իրար տենանք, մի հատ մոմենտ կա, տենանք, կխոսանք։ Ես առավոտվանից պտի հելնեմ, պրոստո էս … /հայհոյանք/ սենց չզանգելը, էդի ասես Սանոյին, եթե վաղը ստացվում ա, սրան էլ նոր ասի, ասի՝ կարում ե՞նք բան ասենք, բա՝ եթե նորմալ բան, ասի՝ այ ընգեր, նորմալն ու աննորմալը /հայհոյանք/, մենք էդ մարդը գալիս ա ստե, պտի պատիվ տանք, հաց տանք, ջուր տանք, հետո էդ մարդուն պտի ուղեկցենք մինչև Լարս, ասի արդեն էդ մարդու վրա մի 500 դոլար պտի ծախսենք, որ էս մարդուն ընդունենք, նորից տանենք ճամփու դնենք, ասի՝ քու գազ տեղադրելը պտի արժենա 300 դոլար, մենք պտի 2 անգամ ավել ծախսենք, 600 ծախսենք, պիտի դրանք սաղ հաշվի առնես, որ էդ մարդուն պտի հասցնենք տամոժնի, էդ մարդն օրերից մի օր հյուր ա եկել, անելը սաղ մեր վրա ա, ստեղ պատիվ տուր, ընդեղ, ոնցա ըլնելու, դե ասում ա՝ լավ, թող գա, դնենք, քշի, տենա՝ լավն ա, մնացածը պայմանավորվելու վրա ա։
Արմեն Պողոսյան՝ Դե վսյո, ավելի լավ, տենց կամաց թուլացրա։
Հրաչյա Մայիլյան՝ Դե դրա համար եմ քեզի ասում, հլը մի հատ էլ դու մտածի մինչև առավոտ, ընենց ներվայնացած մանթո եմ, որ եզդու երեսից, ոնց-որ ուղեղս կախած ըլնի։ Աբեսն ասում էր՝ էսի ոնց որ սատանա ըլնի։ Զանգեմ իրան կասեմ, կասեմ՝ վաղը էդ քո ընկերոջ հետ պայմանավորվի, թող գա, գազը դնենք, տենանք՝ ինչ ենք անում։
Արմեն Պողոսյան՝ Եղավ, ապեր>>։

- Հրաչյա Մայիլյանի և Սանասար Գաբրիելյանի միջև 15.03.2017թ, ժամը 0։44-ին տեղի ունեցած հեռախոսազրույցի գաղտնալսմամբ, գրառված` X-442-17 գրառմամբ լազերային սկավառակի վրա՝ 95-597-17-2017-03-15-00-44-11-37493180736--out--098504762-0 անվանմամբ ձայնային ֆայլի տեսքով, հետևյալ բովանդակությամբ՝
<<Սանասար Գաբրիելյան՝ Հա, ախպերս։
Հրաչյա Մայիլյան՝ Հո չէի՞ր քնել։
Սանասար Գաբրիելյան՝ Արա, ես անքուն եմ։
Հրաչյա Մայիլյան՝ Ախպեր, վաղը հինգին էդ մատորը որ խփած ա, բոքսից ավտոն կհանեն, ժամը հինգին արդեն քո ավտոյի պերեդոկի ի՞նչն ենք փոխելու, ի՞նչ ենք անելու, փոխենք։
Սանասար Գաբրիելյան՝ Հասկացա, ժամը հինգին կարա՞նք բերենք։
Հրաչյա Մայիլյան՝ Հա, հինգից վեցը, մենակ շարավոները հետդ վեկալ։ Որ իրիկուն ա, էլ էսյան-էնյան չընկնենք։ Վռազ փոխեն, վերջացնենք, էթա։
Սանասար Գաբրիելյան՝ Լավ, ախպեր։
Հրաչյա Մայիլյան՝ Ընգերոջս բոքսը, էլի։
Սանասար Գաբրիելյան՝ Լավ, ապեր ջան>>։

- Հրաչյա Մայիլյանի և Արմեն Պողոսյանի միջև 15.03.2017թ, ժամը 15։10-ին տեղի ունեցած հեռախոսազրույցի գաղտնալսմամբ, գրառված X -442-17 գրառմամբ լազերային սկավառակի վրա՝ 95-597-17-2017-03-15-10-28-10-37493180736--in--094241353-0 անվանմամբ ձայնային ֆայլի տեսքով, հետևյալ բովանդակությամբ՝
<<Արմեն Պողոսյան՝ Ալո։
Հրաչյա Մայիլյան՝ Ալյո, հետս մարդ կար, դրա համար չէի վեկալում, եկել եմ Երևան, վոբշեմ դայաղ ա եղել՝ հարց չկա, տամ, ասի՝ արա, քցա իմ ավտոն էդ գազի բալոնը, տանեմ տեղադրեմ իմ ավտոյի վրա, կես ժամ, մի ժամ, տենամ՝ նորմա՞լ ա, բերեմ հարցերդ լուծեմ, հիմա ասում ա՝ հա, հարց չկա, բայց էսօր կլնի՞ ինձի բեհ տաս, արա ասում եմ՝ չտանե՞մ գազավիկը նայի՝ կարա՞ տեղադրի, չի՞ կարա տեղադրի, հմի վոբշեմ նոր եկել եմ մեր Արմենին եմ սպասում, գնացել ա 2 անգամ Ֆլեշի Բարսեղի մոտ, ըտեղ չի, սպասում եմ դրան տենամ, սալյարկեն վեկալեմ, գամ տենամ՝ ինչ եմ անում։ Էդ /հայհոյանք/ տղերքը չեն զանգել, ես էլ ինադու չեմ զանգում դրանց։ Ջոգեմ՝ ինչ պտի ըլնի։
Արմեն Պողոսյան՝ Մինչև հիմա որ չեն զանգել, ինձ թվում ա՝ արդեն փչացելա։
Հրաչյա Մայիլյան՝ Իրանք զանգելու բաներ ունեն, չեն կարա չզանգեն։ Բաներ կա, պտի զանգեն, էն ---ի /չի հասկացվում/ մոմենտով ա, էն ա, բայց էդ որ չեն զանգում, ես էլ չեմ ուզում, եթե զանգեցի, 100 տոկոս ես եմ սաղ փչացնելու, ավելի լավ ա՝ էս սալյարկի դվիժենին անեմ, էս մոմենտը հելնի, ընդեղից էլ Բաթումից վրա-վրա զանգում են՝ հելի, արի, վոբշեմ մի հատ լրիվ կինո ա դառել։ Մի հատ սրա մոմենտը եփեմ, ջոգեմ՝ ինչ եմ անում, տենց ճիշտ ա չէ՞, ոչ մի տեղ էթալը, բերի գցվի իմ ավտոն, տարվի գազավիկի մոտ, ավելի ճիշտ ա, Էջմիածնի մեջ ա էլի մի կմ-ը։
Արմեն Պողոսյան՝ Հա, Երևան չարժի տալ։
Հրաչյա Մայիլյան՝ Հա, էգուց-էլ օր չաշխատի, օրական քշի, գնա հասնի Երևան, էս ա, էն ա, ավելի լավ ա՝ ավտոն Երևանից բերեմ Էջմիածին, ընդեղ թող գազավիկը նայի՝ տեղադրում ա՝ տեղադրում ա, չէ, սիկտիր ըլնի, պրծնի։
Արմեն Պողոսյան՝ Հա։
Հրաչյա Մայիլյան՝ Դե հեսա թարմացնեմ՝ կզանգեմ։
Արմեն Պողոսյան՝ Դու մինչև հինգը կգա՞ս բայց։
Հրաչյա Մայիլյան՝ Հա, բա ի՞նչ պտի անեմ։
Արմեն Պողոսյան՝ Եղավ, ախպեր>>։

- Հրաչյա Մայիլյանի և Սանասար Գաբրիելյանի միջև 15.03.2017թ, ժամը 16։57-ին տեղի ունեցած հեռախոսազրույցի գաղտնալսմամբ, գրառված ՙՙХ-442-17՚՚ գրառմամբ լազերային սկավառակի վրա՝ 95-597-17-2017-03-15-16-57-15-37493180736--in--098504762-0 անվանմամբ ձայնային ֆայլի տեսքով, հետևյալ բովանդակությամբ՝
<<Սանասար Գաբրիելյան՝ Ես առավոտից զանգում եմ, դու խոսու՞մ ես, ի՞նչ ես անում՝ չգիտեմ, չես վեկալում։
Հրաչյա Մայիլյան՝ Ո՞նց ես, ի՞նչ կա, ու՞ր ես։
Սանասար Գաբրիելյան՝ Չիմացա՝ էթամ-մնամ, մի հատ հեռախոս վեկալեք։ Ինչ ասեմ՝ գալի՞ս են մարդիկ, չե՞ն գալիս մարդիկ։
Հրաչյա Մայիլյան՝ Դու ո՞րտե ես հիմա։
Սանասար Գաբրիելյան՝ Տունն եմ, որդե՞ եմ, ո՞ւր եմ կարում էթամ, Ժորիկի բերանը /հայհոյանք/։
Հրաչյա Մայիլյան՝ Հեսա հասնում եմ Ժորիկին, խոսամ, տենամ՝ ի՞նչ ա արել, առավոտից Երևան էի։
Սանասար Գաբրիելյան՝ Ոչ մի բան չի արել, նոր կռիվ արեցի հետը։
Հրաչյա Մայիլյան՝ Երեկ ասում էր՝ Աշոտից վեկալեմ, մինչև...
Սանասար Գաբրիելյան՝ Արա, սուտ ա ասում, մուտիտ ա անում, գժվցրեց, դրա ոչ մի խոսքին հավատալու չի։
Հրաչյա Մայիլյան՝ Մի րոպե, տենամ, զանգեմ քեզ։
Սանասար Գաբրիելյան՝ Ասում եմ՝ էդ մարդիկ գալու՞ են, չե՞ն գալու, ես ի՞նչ անեմ։
Հրաչյա Մայիլյան՝ Կարանք, հա, կարանք, էդի ստեղ ա, հեսա մի հատ տենանք, խոսանք, ընդե մի հատ տարբերակ կա էլի, հեսա մի հատ խոսանք, ոնց ենք անելու դալշե, նոր բան անենք։ Դու Վարդիկի համարը գտել ե՞ս։
Սանասար Գաբրիելյան՝ Հա։
Հրաչյա Մայիլյան՝ Էդ էլ ա պլյուս, պտի հավաքվենք խոսանք։
Սանասար Գաբրիելյան՝ Այ ցավդ տանեմ պլյուսը /հայհոյանք/, կերաք մեզ, ասա՝ ի՞նչ ա։
Հրաչյա Մայիլյան՝ Տենանք՝ իրա մոտինը կա՞, թե չկա։ Էսի արդեն եկել-հասել ա ստեղ։ Ստեղ ա, Էջմիածին ա։
Սանասար Գաբրիելյան՝ Իրա մոտինը չկա, ապեր։
Հրաչյա Մայիլյան՝ Բայց դու հարցրել ե՞ս խի։
Սանասար Գաբրիելյան՝ Այո։
Հրաչյա Մայիլյան՝ Հա-ա-ա, էդի լավ չի։
Սանասար Գաբրիելյան՝ Դե, գիտեմ։
Հրաչյա Մայիլյան՝ Էսի ստեղ ա, հիմա մի հատ տենայինք դրա համար, խոսայինք։
Սանասար Գաբրիելյան՝ Ի՞նչ ասեմ, ախպերս։
Հրաչյա Մայիլյան՝ Էսի հիմա նաղդ ստեղա, բայց էսի ասենք, հա, հարց չկա, հիմա էս ագառկեքի հետ ես ուրիշ բան եմ պայմանավորվել, ոնց որ սաղ խառնվում ա, էսօր /հայհոյանք/ գնացի սալյարկի հետևից, էս ծ...ող եզին ոչ զանգել եմ, ոչ էլ ուզում եմ զանգեմ, սաղ խաղի բանը փոխվելա, հմի սպասում եմ՝ իրանք զանգեն, իրանք էլ չեն զագում, ասի սալյարկեն վեկալեմ, էնքան ճլին, սրանք էլ ստեղ՝ բա ախպեր, արի բան ենք պայմանավորվել, իրանց հետ էի, խոսում էի՝ դու զանգիր։ Նայեմ ինչ ա՝ կզանգեմ>>։

- Հրաչյա Մայիլյանի և Արմեն Պողոսյանի միջև 15.03.2017թ, ժամը 18։56-ին տեղի ունեցած հեռախոսազրույցի գաղտնալսմամբ, գրառված X -442-17 գրառմամբ լազերային սկավառակի վրա՝ 95-597-17-2017-03-15-18-56-58-37493180736--out--094655885-0 անվանմամբ ձայնային ֆայլի տեսքով, հետևյալ բովանդակությամբ՝
<<Արմեն Պողոսյան՝ Հա, ապեր։
Հրաչյա Մայիլյան՝ Որ ասում եմ, դու ինձի չես լսում, ոչ էլ քո հետի գալստուկավորն ա ինձի լսում, կանչին Երևան, ասի՝ գտնվում եմ հեռու, կգամ 1-2 ժամից, բա ախպեր ջան, ես պետք ա թռնեմ, ասի՝ ցավդ տանեմ, ինչ անեմ, 100 կմի չափ հեռու եմ, 2 ժամից կլնեմ Երևան, բա սռոչնի արի, որ ես պտի էթամ։
Արմեն Պողոսյան՝ Ո՞վ ա մենակ զանգել։
Հրաչյա Մայիլյան՝ Բոյովը, եկածը Մասկվայի։ Հմի խաղի կանոնները լրիվ փոխվավ, 180 աստիճան, ասի՝ զանգեմ քեզի տեղյակ պահեմ։
Արմեն Պողոսյան՝ Դե, մենք հեսա հասնում ենք Երևան, լավ։
Հրաչյա Մայիլյան՝ Դաշտերը կանաչել ա, լավ կլնի, մի քիչ էլ դիմացի>>։

- Հրաչյա Մայիլյանի և Արմեն Պողոսյանի միջև 15.03.2017թ, ժամը 20։55-ին տեղի ունեցած հեռախոսազրույցի գաղտնալսմամբ, գրառված X -442-17 գրառմամբ լազերային սկավառակի վրա՝ 95-597-17-2017-03-15-20-55-38-37493180736--out--094655885-0 անվանմամբ ձայնային ֆայլի տեսքով, հետևյալ բովանդակությամբ՝
<<Արմեն Պողոսյան՝ Ալո։
Հրաչյա Մայիլյան՝ Հա, ախպեր, ի՞նչ գործի ես։
Արմեն Պողոսյան՝ Հեչ, դու՞։
Հրաչյա Մայիլյան՝ Հեչ, Էջմիածին եմ, դու ու՞ր ես, հեռու՞ ես։
Արմեն Պողոսյան՝ Չէ, ես էլ եմ Էջմիածին, որտե՞ղ գամ, Կիրովի շենքերն եմ։
Հրաչյա Մայիլյան՝ Ես ի՞նչ անեմ, էթամ Երևան, գամ, նոր տենա՞նք։
Արմեն Պողոսյան՝ Հա, ավելի լավ կլնի, գնա, արի, հո երկար չե՞ս մնա, ընդե որոշում կա, ժամը տասի վրա պտի տենանք, խոսանք անպայման սաղս իրար։
Հրաչյա Մայիլյան՝ Վոբշեմ, էդ մոմենտը լավ չելավ, որ ես գնացի, կարևորը ես բան արեցի, հագա կոշիկները, սաղ նորմալ, բայց դե մութ էր էլի, իրա վեկալածը դրեցի արեցի, ուղղակի լավ չի երևում, միլիարդ տոկոս ա, կառոչի, մնացածը հիմա արդեն ինքը պտի մի հատ որոշում կայացնի, մեր հասանելիքը՝ ոնց ա ըլնելու, նոր պրադալժենին ունենանք խոսալու, թե չէ, ասենք, էգուց որ կասի լավ կլնի, վատ կլնի, էդ իրա համար ա՝ լավ ու վատ։
Արմեն Պողոսյան՝ Դե, հիմա հլը կգաս կխոսանք, նոր բան կանենք, հեսա խոսանք իրար հետ, նոր։
Հրաչյա Մայիլյան՝ Ինքը կարող ա, ուզում եմ ասեմ, որ զանգի, դու առանձին իրա հետ կարաս նորմալ խոսաս, լրիվ յուղը վրեն, ոչ հագած էր։
Արմեն Պողոսյան՝ Տակը նայեցի՞ր, կրունկը որ հագնում ա, նայեցի՞ր, նորմալ ա՞։
Հրաչյա Մայիլյան՝ Հա, լրիվ, լրիվ։
Արմեն Պողոսյան՝ Բան չլնի, էլի, կարիչնվի չլնի, էնի սև։
Հրաչյա Մայիլյան՝ Չափից ավել նորմալ ա։
Արմեն Պողոսյան՝Հա՞, ստեղ մարդ ա գալու, բաներ ա փոխվել, չգիտեմ՝ ոնց ենք անելու, մի հատ արի, կխոսանք։ Գնում ես Երևա՞ն։
Հրաչյա Մայիլյան՝ Հա Երևանը կարևոր ա, հասկանամ՝ ի՞նչ ա, բա ախպեր՝ էս ու՞ր ես, չկաս, ասի՝ ե՞ս պտի զանգեմ, ուր եմ, ես իմ գործերով եմ, ո՞ւր եմ։ Բա ես պտի էթամ էսօր, մի հատ տենանք իրար, նոր էթանք, ասի՝ խնդիր չկա, կտենանք։
Արմեն Պողոսյան՝ Դե գնա, տես՝ ի՞նչ են ասում, ի՞նչ ենք անում։
Հրաչյա Մայիլյան՝ Հա, հասնեմ ընդե, հետ գամ։
Արմեն Պողոսյան՝ Լավ, դե տես ի՞նչ ա...
Հրաչյա Մայիլյան՝ Վսյո, էս պահը վսյո։
Արմեն Պողոսյան՝ Ապեր, արի, կխոսանք, բան ա փոխվել։
Հրաչյա Մայիլյան՝ Հա, ես ջոգում եմ՝ ի՞նչ ա փոխվել, ի՞նչ ա արել, ուզում եմ ասեմ՝ մինչև հանդիպելը, ինչ փոխվել, հիմա թազա կապիկություն, մինչև էդ մարդը էդի չտենա, էդի չի լնի, էդի տենալու հմար հիմա ես կարողա էգուց տանեմ փողը տամ, առնեմ բերեմ, հենց եկավ տեսավ, հիմա արդեն պտի հանի ոչ թե էսքան, այլ էսքան տա, ես արդեն ջոգում եմ՝ ինչ կապիկություն ա։
Արմեն Պողոսյան՝ Չէ, չէ, դրա մասին չի խոսքը։
Հրաչյա Մայիլյան՝ Դե կտենանք, կխոսանք լավ>>։

- Հրաչյա Մայիլյանի և Արմեն Պողոսյանի միջև 16.03.2017թ, ժամը 0։49-ին տեղի ունեցած հեռախոսազրույցի գաղտնալսմամբ, գրառված Х-442-17 գրառմամբ լազերային սկավառակի վրա՝ 95-597-17-2017-03-16-00-49-36-37493180736-out-094655885-0 անվանմամբ ձայնային ֆայլի տեսքով, հետևյալ բովանդակությամբ՝
Արմեն Պողոսյան՝ Ալո։
Հրաչյա Մայիլյան՝ Հը, ախպեր, ու՞ր ես բա։
Արմեն Պողոսյան՝ Տունն եմ։
Հրաչյա Մայիլյան՝ Էս հետա էդ … /հայհոյանք/ էլ էր դրանց մոտ, գնացին։
Արմեն Պողոսյան՝ Ձենը լսա, որ ընդեղ էր։
Հրաչյա Մայիլյան՝ Հա, ընդեղ էր, վոբշեմ եքա վեկալել-դնել, կառոչի, նենց դուրս եկավ, որ վաղը ժամը 12-ին Այլազի հետ հյուրանոցում, փողերը տվել են, Այլազի մոտ ա արդեն, վեկալել են, որ յանիմ Ռուստամը ախպեր ա մեզի, պտի իրեք տեղ ըլնի, ասի՝ էս պարտականությունները ես կանեմ, մնացածը պտի Ռուստամն անի, բա՝ դուք իրար հետ գնացեք, խոսացեք, էս … /հայհայանք/նն էլ, բա՝ Այլազ ջան, ես երկու օրով էթամ Թիֆլիս, երկու օրից կգամ, նոր որոշենք, Այլազն էլ ասեց՝ ախպեր, էգուց էթալու եմ ցերեկը, ցերեկվա ռեսով էթում եմ, ո՞նց էթաս Թիֆլիս գաս, նոր որոշենք, ասի՝ որ էթաս գաս, ի՞նչն ես որոշելու, ասա, քեզի ասեմ։ Ասա՝ ի՞նչ ունես որոշելու, ինձի ասա, ես սաղ ասեմ։ Վոբշեմ, եքա բան-ման, դրանցից էլ մեկին բերին, կանչին, եքա խոսակցություն, վոբշեմ, փողերը սաղ Այլազի մոտ ա արդեն, մի քանի մանեթ ասում ա՝ փող ա պակաս, կարողա, մի քիչ պոչ, մի 3.000 կամ 5.000 բան, թիվը չասեց, բա մինչև իրիկուն էն էլ կլնի, ինձի հարկավոր ա, որ դուք երկուսով բան չլնեք, յանիմ ուպրիկատներ են անում, որ յանիմ էգուց էլօր մեկը մյուսին դուշման չլնեն, էգուց մի հատ քաքի մեջ ընգնեն, ասեն՝ էնի նրան ա ծախել, էնի նրան ա ծախել, խոսակցություններն ու՞ր ա էթում, էլի, արդեն բ…ականա ֆռում։ Պրոստո /անվայել արտահայտություն/ էն ա, որ մնաց էլի փողը առավոտվա վրա, էգուցվա վրա, էս ա, էնի էլ, էն … /անվայել արտահայտություն/ տղեն դրանց մոտ նստած, վառվավ զանգելով, էլ բաց համարով, էլ փակ համարով՝ ի՞նչ արիր, ի՞նչ արիր։
Արմեն Պողոսյան՝ Հմի դու որտե՞ղ ես հասել։
Հրաչյա Մայիլյան՝ Գինու գործարանի մոտ հասա։
Արմեն Պողոսյան՝ Էջմիածնի՞։
Հրաչյա Մայիլյան՝ Հա։
Արմեն Պողոսյան՝ Դե կայնի, դուրս գամ, էլի։
Հրաչյա Մայիլյան՝ Հա, մի հատ հելի, Սանոն էլ էր նոր զանգում, հետա խոսում էի, երկրորդ գիծ զանգում էր, հելի մի հատ վռազ տենանք։
Արմեն Պողոսյան՝ Հա>>։

- Հրաչյա Մայիլյանի և Արմեն Պողոսյանի միջև 16.03.2017թ, ժամը 12։05-ին տեղի ունեցած հեռախոսազրույցի գաղտնալսմամբ, գրառված Х-442-17 գրառմամբ լազերային սկավառակի վրա՝ ՙ95-597-17-2017-03-16-12-05-52-37493180736--out--094655885-0 անվանմամբ ձայնային ֆայլի տեսքով, հետևյալ բովանդակությամբ՝
Արմեն Պողոսյան՝ Հա, ապեր։
Հրաչյա Մայիլյան՝ Ապեր, ուրեմն հելել ա ինքը, էթում ա, ճամփեն ա, ասում ա՝ զանգում-զանգում եմ, որ ժամադրվեմ, որդե հանդիպենք, անջատած ա, բայց էթում եմ, մի 15-20 րոպե ոտդ կախ գցա, ասի՝ ես էթում եմ Երևան, ստից, էթա՞մ, թե՞ լռվեմ ստե, բա մի 15-20 րոպե ոտդ կախ գցի։ Բայց --- /չի հասկացվում/, որտև Այլազենք նորից զանգին, ես դուրս եմ եկել, արդեն հասել եմ Մուսալեռ, թափով հասնեմ, Այլազենց ասի՝ 15 րոպեով եմ գալու, վերջնական սաղ ձեր որոշումները, էն … /հայհոյանք/ տղեն արդեն ընդե ա, երեկ ինձի ասում էր՝ իրար հետ էթանք, երեկ ես եմ բերել իրան տուն, էսօր արդեն ճխտել ա ընդե, դրանք իրար մեջ են բան անում, մեկ էլ բանից են զանգել՝ Վրաստանից, ասում ա՝ մինչև ռաստամոժկեն գին ասեք բիտումին, մինչև Վրաստանի սահման, Հայաստանի վերջը, ինչ գնով կարաք տաք, նաղդ հենց հմի ուզում են, մի հատ շուտ հաշվեք, տաք։
Արմեն Պողոսյան՝ Եղավ, ապեր>>։

- Հրաչյա Մայիլյանի և Ռոբերտ Աղվանյանի միջև 16.03.2017թ, ժամը 12։35-ին տեղի ունեցած հեռախոսազրույցի գաղտնալսմամբ, գրառված Х-442-17 գրառմամբ լազերային սկավառակի վրա՝ 95-597-17-2017-03-16-12-35-22-37493180736--in--094437177-0 անվանմամբ ձայնային ֆայլի տեսքով, հետևյալ բովանդակությամբ՝
Հրաչյա Մայիլյան՝ Հա, ախպեր։
Ռոբերտ Աղվանյան՝ Հա, ընգեր։
Հրաչյա Մայիլյան՝ Ինչ խաբար կա՞, հյուրանոցն եմ, ընգերոջս մոտ եմ։
Ռոբերտ Աղվանյան՝ Չէ, ընգեր, ասում ա, երբ որ 100 տոկոս կորոշեք, 5-ով մինգով՝ էդ տարբերակով չի լնի։
Հրաչյա Մայիլյան՝ Դե վսյո, ուրեմն ատբոյ տանք, ասենք՝ չեն վեկալում, մարդու հավայի կանչեցինք-բերեցինք։
Ռոբերտ Աղվանյան՝ Ախպեր, մարդը ասում ա՝ եթե 100 տոկոս ա, բերեք փողը տվեք, ինչ ուզում եք՝ արեք։
Հրաչյա Մայիլյան՝ Ի, մարդը չտենա՞, ախպեր։
Ռոբերտ Աղվանյան՝ Հա, տենա, ախպեր, հինգով համաձայն չի, ասում ա՝ տենա, փողը տա, վեկալի, էսքան բան։
Հրաչյա Մայիլյան՝ Չէ, լրիվը չի կարա տա, իրա մոտ հիմա էդքան չկա, իրա մոտ 5.000 փող կա, էսօր էդ 5.000-ը տալիս ա, թող վեկալի տանի դնի տունը, այ քեզ բան, հո չենք ասում՝ տա մեզի, 5.000 մանեթը թող վեկալի իրա ձեռը, չորսից 5 օրվա մեջ չի ստվացվում՝ 5.000 դոլարը՝ իրան։ Հլը էդ ընգերոջդ ասա՝ թող 300 դոլար քեզի պարտքով փող տա, հիմա նորից թազա սկսե՞նք։ Չի ստացվում, ատբոյ տանք, պրծնենք, էդա, չկա մարդու մոտը, ինքը պտի հասնի տեղ, 3 օրա տևում, էդ ա, ուզում ե՞ս՝ նստենք իրա ավտոն էթանք, պրոստո ես 100 հատ գործ ունեմ։ Իրան ասա, ասա՝ ախպեր ջան, մենակ գալ նայելու համար 5.000 մանեթ փող ա տալիս էդ մարդը, ախպեր, էլի թող մնա քու մոտը, մինչև իրեք օր օր ուզա, մի հատ խոսա, ասա, չէ՝ մարդուն ներողություն խնդրեմ, ասեմ գնա։
Ռոբերտ Աղվանյան՝ Ապեր, խնդիր չկա, մարդը հստակ հարց ա տալիս, ասում ա՝ երեկ եքա հողը տեսաք, չափերը բռնիք, ի՞նչ ա, ո՞նց ա, ախպերս, հիմա էլ երկրորդ անգա՞մ։
Հրաչյա Մայիլյան՝ Դու չտեսա՞ր էդ նկարները, հողի չափսերը, դու մի բան հասկացա՞ր ինչի։
Ռոբերտ Աղվանյան՝ Ապեր, հեսա զանգեմ, ասեմ՝ տան պրայեկտը ո՞նց ա, նկարած տուր։
Հրաչյա Մայիլյան՝ Ախպեր, տան պրայեկտը…
Ռոբերտ Աղվանյան՝ Չափերով արա, տուր, ասեմ, ախպերս, մանրակրկիտ։
Հրաչյա Մայիլյան՝ Լավ, լավ, ախպերս, հեսա ես երևի խոսամ, երևի տենց չի ստացվում, հաստատ մենք չենք կարա, ոնց որ հավատ չներշնչի։ Եթե մարդը մի հատ նայելու համար 5.000 փողա տալիս։
Ռոբերտ Աղվանյան՝ Ընգեր, էդ խնդիրը չի։
Հրաչյա Մայիլյան՝ Չէ, գիտե՞ս ինչ կա։
Ռոբերտ Աղվանյան՝ Նայելու համար կարա ոչ մեկ ոչ մի բան չտա, ախպեր։
Հրաչյա Մայիլյան՝ Չէ, եթե փող ա տալիս, ուրեմն առնում ա, չէ՞, էդ մարդը։ 3 օր ա ուզում, 3-4 օր, էդ 5 օրը ես եմ զապասով ասում, որտև սաղ էլ պահի տակ, մարդ ես, մի բան չի ստացվում, ես եմ իմ զապասն ասում։ 5.000 դոլարը էսօր ես քեզի քեշ տալիս եմ, վեկալ, հետ գնա դու։ Քու տրակտորը վեկալ, հետ գնա։
Ռոբերտ Աղվանյան՝ Լավ, ախպեր։
Հրաչյա Մայիլյան՝ Մի հատ ասա, մի 15 րոպեից հա ու չէ-ն ասեմ, ներողություն խնդրեմ, թողեն էթան։
Ռոբերտ Աղվանյան՝ Հա դե, նենց ես ասում, ոնց ո, խնդիր կստեղծեն, վեկալում էդ խնդիրը կոխում ես …/անվայել արտահայտություն/։
Հրաչյա Մայիլյան՝ Արա, այ ախպեր ջան, ես քեզ 50 բերան ասի, 500 կմ մարդը ճամփա ա գալիս, կարենալու ա տենա՞։ Ես եմ ներողությունը խնդրելու, դու չես խնդրելու, դու մի հատ իմացի։
Ռոբերտ Աղվանյան՝ Ընգեր, պետք չի ներողություն խնդրել, էդ իրա խնդիրն ա, որ ինքը չի կարում լուծի։
Հրաչյա Մայիլյան՝ Դե, ինքը իմ ընգերն ա…
Ռոբերտ Աղվանյան՝ Լավ, խոսամ, կասեմ>>։

- Հրաչյա Մայիլյանի և Արմեն Պողոսյանի միջև 16.03.2017թ, ժամը 17։46-ին տեղի ունեցած հեռախոսազրույցի գաղտնալսմամբ, գրառված Х-442-17 գրառմամբ լազերային սկավառակի վրա՝ 95-597-17-2017-03-16-17-46-59-37493180736-out-37494655885-0 անվանմամբ ձայնային ֆայլի տեսքով, հետևյալ բովանդակությամբ՝
<<Արմեն Պողոսյան՝ Հա, ապեր։
Հրաչյա Մայիլյան՝ Ախպեր, իջացրել եմ, մտել ա խոսալու, ինձի բա՝ ես ստեղ իջնեմ, դու գնա, 15 րոպեից զանգեմ քեզ, վոբշեմ ինչը կար, ես նույն ձևի սաղ իրա դեմը դրեցի, բա՝ որ ծայրահեղ դեպքում բան ըլնի, որ իրար հետ էթանք, որ էդ կոշիկները վեկալենք, դու կարում ե՞ս ընդե վեկալելուց էդ 5 մանեթը գոնե տաս։ Ասի՝ ախպեր, ո՞նց եմ կարում վեկալեմ, բա եկան, ասեցին թող 50 դոլարը տա, որ եկել ա Վլադիկավկազից, ասի՝ ախպեր պիտի էթամ, ասեմ, գա, նայի՝ ի՞նչ ա, չեմ կարա ասեմ, իմ մոտինն էլ ցիր ու ցան ա, չկա, որ ասեի տալիս եմ։ Հմի չեմ իմանում, իրան իջցրեցի, ես պտի էթամ էդ եզդիքին էլ տենամ, Երևան եմ բերել, բայց ասեց՝ մի 15-20 րոպե ոտդ կախ գցա, նոր գնա իրանց մոտ, ինքը չի իմանում՝ ու՞մ մոտ եմ էթում։ Հիմա մի հատ ջոգեմ՝ ինչ ա, ես դաբիտսա եմ էլել, ասել եմ՝ կառոչի, մեր ասած ձևով եթե ըլնում ա՝ ըլնում ա, չէ՝ /անվայել արտահայտություն/ եղի, թեման փակենք։ Գիտես ինչ, հնարավոր ա խնդրվել եմ, նենց բան եմ վիզ վեկալե, ասել եմ՝ արա, տերը ես եմ, կես ժամ հետո ես քեզի էդի նենց եմ լուծում, մնում ա՝ էդ մարդը հագնի, տենա՝ ոտով ըլնու՞մ ա, 50-ը տալիս ենք, էն 50-ն էլ ոտով ըլնի նոր, չլնի, վեկալենք՝ ու՞մ վրա ծախենք։ Սաղ ասել եմ, մի 15 րոպե, հենց նոր իջավ, հասել ենք տեղ, ես տեղավորվում եմ մի տեղ կայնեմ, սպասեմ իրա զանգին։
Արմեն Պողոսյան՝ Լավ, ախպեր>>։

- Սանասար Գաբրիելյանի և Սամվել Բաբայանի միջև 17.03.2017թ, ժամը 17։29-ին տեղի ունեցած հեռախոսազրույցի գաղտնալսմամբ, գրառված X-707-17 գրառմամբ լազերային սկավառակի վրա՝ 95-844-17-2017-03-17-17-29-39-37496999506-out-098191562-0 անվանմամբ ձայնային ֆայլի տեսքով, հետևյալ բովանդակությամբ՝
<<Սանասար Գաբրիելյան՝ Գեներալ ջան, բարև։
Սամվել Բաբայան՝ Բարի օր։
Սանասար Գաբրիելյան՝ Ո՞նց ես, ցավդ տանեմ։
Սամվել Բաբայան՝ Լավ, լավ։
Սանասար Գաբրիելյան՝ Ուրեմն, կես ժամով ո՞նց անենք ցավդ տանեմ, քեզ տենանք։
Սամվել Բաբայան՝ Եկ, տես։
Սանասար Գաբրիելյան՝ Չէ, ես չեմ ուզում գամ տենամ, ուզում եմ դու…
Սամվել Բաբայան՝ Լավ, լավ, ես կասեմ քեզ։
Սանասար Գաբրիելյան՝ Ցավդ տանեմ, շատ երկար չենք կարա ընդե սպասենք։
Սամվել Բաբայան՝ Քեզ ինչ ասում եմ՝ էդ լսի, լավ էլի։ Սանո։ Ես քեզ կասեմ։ Պետք չի սպասել ոչ մի բանի։
Սանասար Գաբրիելյան՝ Բա ի՞նչ անենք ցավդ տանեմ հիմա։
Սամվել Բաբայան՝ Կգաս վաղը իմ մոտ, կասեմ՝ ինչ անեք, հասկացա՞ր։ Կարա՞ս չխկացնես, բերես հետդ, ցույց տաս։
Սանասար Գաբրիելյան՝ Հա, հարց չկա, հարց չկա։
Սամվել Բաբայան՝ Լավ>>։

- Հրաչյա Մայիլյանի և Արմեն Պողոսյանի միջև 17.03.2017թ, ժամը 22։14-ին տեղի ունեցած հեռախոսազրույցի գաղտնալսմամբ, գրառված Х-442-17 գրառմամբ լազերային սկավառակի վրա՝ 95-597-17-2017-03-17-22-14-13-37493180736-out-094655885-0 անվանմամբ ձայնային ֆայլի տեսքով, հետևյալ բովանդակությամբ՝
<<Արմեն Պողոսյան՝ Հա, ապեր։ Ընդեից դուրս ա եկել, գնացել ա տուն, զանգեցի, խոսացի։ Էլ չգնացի տուն, էթամ՝ ի՞նչ անեմ։
Հրաչյա Մայիլյան՝ Վոբշեմ, էդ ձևով անենք, պրծնենք, չէ՞։
Արմեն Պողոսյան՝ Հա, ապեր, ոնց ասես, որոշես, նենց էլ անենք։
Հրաչյա Մայիլյան՝ Հա։
Արմեն Պողոսյան՝ Խոսացի՞ր մի բան հետները։
Հրաչյա Մայիլյան՝ Չէ, հլը չեմ բան արել, իրար հետ ենք, բայց տարբեր տեղ ենք, չլի, չլի, ասի յանիմ բան անեմ, իմանամ՝ ինչ ա, էն էլ ասի՝ կայնի, զանգեմ, տենամ՝ ինչա, չզանգիր։
Արմեն Պողոսյան՝ Դե, ես գիտեմ իրանց հետ ես, դրա համար չեմ զանգում։ Դրա համար, թե չէ…
Հրաչյա Մայիլյան՝ Լավ, ախպեր։
Արմեն Պողոսյան՝ Ուզում ե՞ս՝ հլը տես դրանց բերնի գյոլը ինչ ա, ոնց ա՝ որոշենք։
Հրաչյա Մայիլյան՝ Լավ։ Էն եզդուն չեմ կարում գտնեմ, չկա։
Արմեն Պողոսյան՝ Չի զանգի, գիտի ինչի հմար ես զանգում։ Բայց էսի ասում ա՝ ախպեր մի քանի ժամ բան մնաց…
Հրաչյա Մայիլյան՝ Լավ, ախպեր, հեսա կեթան, կզանգեմ>>։

- Հրաչյա Մայիլյանի և Արմեն Պողոսյանի միջև 18.03.2017թ, ժամը 10։55-ին տեղի ունեցած հեռախոսազրույցի գաղտնալսմամբ, գրառված Х-442-17 գրառմամբ լազերային սկավառակի վրա՝ 95-597-17-2017-03-18-10-55-49-37493180736--out--094655885-0 անվանմամբ ձայնային ֆայլի տեսքով, հետևյալ բովանդակությամբ՝
<<Արմեն Պողոսյան՝ Հա, ապեր։
Հրաչյա Մայիլյան՝ Ախպեր, ի՞նչ գործի ես։
Արմեն Պողոսյան՝ Ոչ մի գործի։ Սպասողական, արդեն բան ե՞ք, սահմանի բերան ե՞ք։
Հրաչյա Մայիլյան՝ Հա, իջա գազ լցեմ։ Ախպեր, վոբշեմ, երեկ արյուն տալով, եքա կռիվ-դավիով, 4 հազար դոլար տարել եմ փող եմ տվել, էսօր որ մինչև իրիկուն լրիվ փողը, վրոդի էթում ենք Թիֆլիս, էդ մարդն էլ ա գալիս Թիֆլիս, մինչև ժամը երկուսը իրան ասում ենք, փողը էսօ՞ր ենք լրիվ փակվում, թե մինչև վաղը իրիգուն, փողը տալիս ենք, հմի հա յա, հա յա, չէ ա, չէ ա, չէ ա, բայց մինչև չասի մեր փողը, դրա հասանելիքը ինչքան ա, ոչ մի բան հանկարծ չկապնվի, հետո չգա, ասի՝ խոսացել եմ, էս եմ արել։ Ինքը ուզում ա ուզի, ուզում ա՝ իրա հերն ուզի, ոչ մի նշանակություն չունի, … /հայհոյանք/ տամ էդ 4.000-ի գլխին ես, կկորցնեմ, բայց չեմ մտնի։ Կասի՝ նորմալ, իրան բան պետք չի, իմ ու քո հասանելիքը, 20 ա՞, ինչքա՞ն ա հասնում մարդ ա, ինքը ասում էր՝ ինչքան էն ա, էնքան էն ա, ինձի բան պետք չի, թող յանի 25-25 ա, չէ՝ ինքն էլ ա մեր հետ, թող մեր հետ ըլնի, ավելի լավ, թող ասի՝ մեզ ինչքան ա ընգնում, մենք ըստ դրա։ Եթե ինքը ասում ա՝ ինձի ոչ մի բան պետք չի, իմ ու քո հասանելիքը պտի ասի։
Արմեն Պողոսյան՝ Չէ, ապեր, մենք չենք համաձայնելու, որ տենց ասի, պետք չի մեզի տենց։
Հրաչյա Մայիլյան՝ Ինքը իրան վռոդի մաքրում ա, /հայհոյանք/… մաքրի, այո, էդ 50-ին՝ 25-25 ես տեր եմ, թող մաքրի իրան, մեկ ա մենք իրան ենք տալի, բայց մինչև թիվը չիմանանք, ոչ մի բան չկա անելու, էդ էլ մինչև երկուսը զանգի ասի, որտև պայմանավորվել ենք, էդ էլ ես հանել, տվել եմ՝ տարել ա արդեն։
Արմեն Պողոսյան՝ Շատ լավ ես արել։
Հրաչյա Մայիլյան՝ Լավ, ախպեր>>։

- Հրաչյա Մայիլյանի և Արմեն Պողոսյանի միջև 18.03.2017թ, ժամը 15։12-ին տեղի ունեցած հեռախոսազրույցի գաղտնալսմամբ, գրառված Х-441-17 գրառմամբ լազերային սկավառակի վրա՝ 95-518-17-2017-03-18-15-12-48-37494655885--in--995579493300-0 անվանմամբ ձայնային ֆայլի տեսքով, հետևյալ բովանդակությամբ՝
<<Արմեն Պողոսյան՝ Ալյո։
Հրաչյա Մայիլյան՝ Ապեր, ուրեմն բանը, 1.400 դոլար ավտոյի փողն ա, որ գա հասնի, չէ՝ 1.700 ա ըլնում, 500 էլ մինչև բանի սահմանը, 280 դոլար էլ էսօրվա գնով բիտումի գինն ա։
Արմեն Պողոսյան՝ Մեր փողը մեջը՞, թե՞ մենք պտի ավելացնենք։
Հրաչյա Մայիլյան՝ Չէ, ես էդի քեզ մաքուր չիստի եմ ասում, դու պտի ավելացնես։
Արմեն Պողոսյան՝ Առանց ռաստամոժկի՞։
Հրաչյա Մայիլյան՝ Առանց ռաստամոժկի, հա, մինչև Վրաստան։
Արմեն Պողոսյան՝ 280, տոեսծ ստեղ ասի՝ 300 դոլար էլի, երևի։
Հրաչյա Մայիլյան՝ Հա, հա տրանսպորտի հետ գործ չունենք, ռաստամոժկի հետ գործ չունենք։
Արմեն Պողոսյան՝ 300 դոլար, 1700 դոլար, բերենք թափենք Վրաստան, հետ գանք։
Հրաչյա Մայիլյան՝ Հա։
Արմեն Պողոսյան՝ Եղավ։
Հրաչյա Մայիլյան՝ Ըտուց ի՞նչ խաբար կա։
Արմեն Պողոսյան՝ Հլը խաբար չկա, ընդեղից առավոտը գնացինք, մենք եկանք, Էլիզի հետ, ինքը մնացել ա ընդե։ Սպասում եմ խաբարի։
Հրաչյա Մայիլյան՝ Հմի իջել ա, ասում ա՝ ասում էիր մինչև երկուսը կասեմ, հմի …/անվայել արտահայտություն/ մեջ ենք։
Արմեն Պողոսյան՝ Հմի, մենք ի՞նչ ենք բան անում, ասա բան անեմ, հմի ես սպասում եմ իրա զանգին, ինքը, տվել եմ իրա մոտ, ինքը մտել ա բանի մոտ, վոբշեմ, ես սպասում եմ պատասխանի։ Ուշանալը իմ սրտով էլ ա, ընենց ըլներ՝ շուտ կգար, բայց հմի ձգձգվում ա, ուշանում ա, ոնց որ ասած նորմալ ա, հմի մենակ մեր ժամանակ չունենալու հարցն ա, որ երկուսն եկավ-անցավ, այ էդա հարցը։
Հրաչյա Մայիլյան՝ Հենց էտա …/անվայել արտահայտություն/, ես երեկ իրանց հետ ժելեզնի պայմանավորվանք, ինքը պայմանավորվավ, 4.000 դոլար մաքուր փող եմ տվել, տարել ա, տվեցի, տարել ա, իրա ուզած տեղն եմ ասել՝ առ տար, ասեցի՝ երկուսը, մինչև պատալոկ՝ քարը տրաքի, իրեքը, հա ա, հա ա, չէ ա, ուրեմն լրիվ ատբոյ, էդ փողն էլ ձեզ։ Չհամաձայնան։ Երեկ ասի առեք էդ հազարը տամ, թող մնա, եթե չվեկալանք, էդի ձեզ, բայց եթե հանկարծ դաբրո էլավ, ուրեմն էդ հազարը հաշվարկ անենք, չհամաձայնան … /անվայել արտահայտությոն/ էդ սիստեմով։
Արմեն Պողոսյան՝ Բա ի՞նչ ասին իրանք։
Հրաչյա Մայիլյան՝ Իրանք ասին՝ ախպեր չէ, կամ լրիվ ես տալիս, թեմա չկա էլ շարունակելու էդ 1.000 մանեթը, կամ էլ թե չէ, էդ 5.000 մանեթը բեր թող մինչև ժամը իրեքը, ասա՝ հա ա, հա ա, չէ ա, ուրեմն մենք էլի թեմա չունենք իրար հետ։ Ոնց որ քյասար կորցնում ենք էլի, հասկանում ե՞ս։ Լավ, հեսա եկավ, հետո կխոսանք։
Արմեն Պողոսյան՝ Լավ>>։

- Սանասար Գաբրիելյանի և Արմեն Պողոսյանի միջև 19.03.2017թ, ժամը 5։05-ին տեղի ունեցած հեռախոսազրույցի գաղտնալսմամբ, գրառված X-451-17 գրառմամբ լազերային սկավառակի վրա՝ 95-882-17-2017-03-19-05-05-18-37498504762--in--094655885-0 անվանմամբ ձայնային ֆայլի տեսքով, հետևյալ բովանդակությամբ՝
<<Սանասար Գաբրիելյան՝ Էդ ախպորդ վրա ե՞ս անջտում, արա։
Արմեն Պողոսյան՝ Ալո։ Անջատվավ, անհասանելի ընգար։
Սանասար Գաբրիելյան՝ Ես հասա տուն։ Բա դու՞ որդե ես։
Արմեն Պողոսյան՝ Ես էլ դուրս եմ գալիս, հենց հիմա։
Սանասար Գաբրիելյան՝ Ապեր, առավոտ մի հատ խոսակցություն անենք, որ էթանք էն մեր առաջինի մոտ, ապեր ջան։
Արմեն Պողոսյան՝ Հա։
Սանասար Գաբրիելյան՝ Կլնի՞։
Արմեն Պողոսյան՝ Խի՞ չի լնի։ Չլնող բան կա՞։
Սանասար Գաբրիելյան՝ Ապեր, թե չլնող ա, /հայհոյանք/… ըլնեմ։
Արմեն Պողոսյան՝ Հա, բա, դե կեթանք առավոտը։
Սանասար Գաբրիելյան՝ Դե, բարի խաղարկություն։
Ծիծաղում են։
Սանասար Գաբրիելյան՝ Լավ, բարի գիշեր, ցավդ տանեմ>>։

- Սանասար Գաբրիելյանի և Արթուր Պետրոսյանի միջև 19.03.2017թ, ժամը 9։59-ին տեղի ունեցած հեռախոսազրույցի գաղտն/ալսմամբ, գրառված Х-442-17 գրառմամբ լազերային սկավառակի վրա՝ 95-880-17-2017-03-19-09-59-33-37498504762-out-097235001-0 անվանմամբ ձայնային ֆայլի տեսքով, հետևյալ բովանդակությամբ՝
<<Արթուր Պետրոսյան՝ Հեյ, ախպեր։
Սանասար Գաբրիելյան՝ Էն հուվ ասս։ Մի ջեբս թուղթ կա, հլը էդ թուղթը տուր, դեղին թուղթ /Դիմելով կողքինին/։ Արթուր, բարլուս։
Արթուր Պետրոսյան՝ Բարև։
Սանասար Գաբրիելյան՝ Ո՞նց ա ընգերս։
Արթուր Պետրոսյան՝ Ոչինչ, էլի։
Սանասար Գաբրիելյան՝ Բա խի՞ ես տենց տնքալով ասում;
Արթուր Պետրոսյան՝ Տնքալով չեմ ասում, ջիգյար ջան։
Սանասար Գաբրիելյան՝ Տնեցի՞ք ոնց են։
Արթուր Պետրոսյան՝ Նորմալ։
Սանասար Գաբրիելյան՝ Արթուր, էս շենը շտեղ ա՞, հեսա հիմա ասում եմ ախպորս։ Նարիշտար։
Արթուր Պետրոսյան՝ Նարիշտարը, ես ու դու քյացել ենք, չե՞ս հիշում։ Ասեմ էդ գյուղը, հիշու՞մ ես, էն որ մի անգամ պապիի գյուղում տեխնիկեքը բարձրացրինք, է, բուլդոզերը բանը, որ /1 բառ/ անտառը, էնդեղից մի քիչ ձախ ա, էլի,։ ընկնում ա, էն որ դուրս ես գալիս /1 բառ/ մաքրելու, ընդեղից ձախ ա ընկնում, էն մեր անտառից դեպի Վանքի յանը՝ Գանձասարի, Գանձասարի ու էդ սարերի արանքում ա, էլի։
Սանասար Գաբրիելյան՝ Հա-ա-ա։ Նարիշտարն ա։
Արթուր Պետրոսյան՝ Հա, հա Նարիշտար։
Սանասար Գաբրիելյան՝ Բնակիչ բան կա՞ հիմա ըտեղ։
Արթուր Պետրոսյան՝ Դե, անասուն պահողներ, բան, մի քանի հոգի, սար ա, էլի։
Սանասար Գաբրիելյան՝ Լավ։ Դե, միտդ պահի, Նարիշտար, էս թուղթը ճղում եմ։
Արթուր Պետրոսյան՝ Ըհըն։
Սանասար Գաբրիելյան՝ Ճղեցի։ Հեսա էս երկու օրը կգամ, քեզ տենամ, Արթուր։
Արթուր Պետրոսյան՝ Լավ։
Սանասար Գաբրիելյան՝ Հի՞նչ պիրիմ, Արթուր ջան, աղջիկ-բան պետք չի։
Արթուր Պետրոսյան՝ Յանի Հայաստան աղջիկ որտեղի՞ց։
Սանասար Գաբրիելյան՝ /Դիմում է կողքինին/ Ազիզ, լսու՞մ ես, ինչ ա ասում, ասում ա՝ Հայաստան աղջիկ որտեղի՞ց, ասում ա՝ ստեղ լիքն ա, պետք չի։ /Ծիծաղում են/։
Արթուր Պետրոսյան՝ Գործերդ լա՞վ ա, ախպերս։
Սանասար Գաբրիելյան՝ Նորմալ, նորմալ։ էսօր ըտեղանք ե՞ս լինելու, կարող ա՝ այսօր էլ գամ։
Արթուր Պետրոսյան՝ Հա, էսօր էլ, վաղն էլ, մյուս օրն էլ, արձակուրդ եմ 3 օր։
Սանասար Գաբրիելյան՝ Լավ, ախպերս>>։

- Հրաչյա Մայիլյանի և Սանասար Գաբրիելյանի միջև 19.03.2017թ, ժամը 13։00-ին տեղի ունեցած հեռախոսազրույցի գաղտնալսմամբ, գրառված Х-441-17 գրառմամբ լազերային սկավառակի վրա՝ 95-518-17-2017-03-19-13-00-09-995579493300--out--98504762-0 անվանմամբ ձայնային ֆայլի տեսքով, հետևյալ բովանդակությամբ՝
<<Հրաչյա Մայիլյան՝ Ալյո։
Սանասար Գաբրիելյան՝ Ալյո։
Հրաչյա Մայիլյան՝ Սանոյին էի ուզում։
Սանասար Գաբրիելյան՝ Սանոն ա։
Հրաչյա Մայիլյան՝ Բարլուս, ապեր, ձենդ փոխվել ա, չլնի՞ գիշերային սմեն եք էլե։
Սանասար Գաբրիելյան՝ Հա։
Հրաչյա Մայիլյան՝ Վառվա զանգելով՝ Ժորիկը գլուխոյ անջտե, ոնց-որ անջտված ըլնի։
Սանասար Գաբրիելյան՝ Ախպեր, առավոտն էլ հետը բան էի պայմանավորվել, գնացի, համ շտաբն ա փակ, համ ընդե ա փակ։
Հրաչյա Մայիլյան՝ Լրիվ խելքը քցել ա, հորս արև։
Սանասար Գաբրիելյան՝ Ի՞նչ անեմ, ցավդ տանեմ։
Հրաչյա Մայիլյան՝ Ի՞նչ կա-չկա։
Սանասար Գաբրիելյան՝ Ախպեր, ասում ա՝ դրանից իրեք հատ պտի ըլնի, արա ախպեր, ասում եմ՝ մթամ մեկը ճարել ենք, հմի էլ իրեք հատ պտի լնի, ասի տենց բան չի լնում, ցավդ տանեմ, իրեք հատը ո՞նց եմ ես ճարում։
Հրաչյա Մայիլյան՝ Հա։ Կոնկրետ ի՞նչ պտի անենք, դրանք ինձի կերել են արդեն, հինգ րոպեն մեկ զանգում են, Ժորիկն էլ ոնց որ անջտված ըլնի։
Սանասար Գաբրիելյան՝ Ախպեր, ես Ժորիկի հետևից գնացել եմ, ոչ ընդե կա, ոչ էլ ընդե, ոչ էլ շտաբում։ Ասա՝ ի՞նչ անեմ։
Հրաչյա Մայիլյան՝ Չեմ իմանում, Էլիզին էլ չես կարում գտնե՞ս։
Սանասար Գաբրիելյան՝ Էլիզն էլ խռովել ա, շտաբն ա փակել, ախպեր։
Հրաչյա Մայիլյան՝ Արա, էս ի՞նչ մարդ են արա, չեմ հասկանում սրանց։
Սանասար Գաբրիելյան՝ Ասա, եթե էթալու, գալու տեղ-մեղ կա, ես անեմ, ապե ջան։
Հրաչյա Մայիլյան՝ Չէ, էթալ-գալու բան չկա, էդ մարդկանց ես էն օրը իրան ասեցի գշերը 4 մանեթ ճարել եմ արյուն տալով, տարել եմ, տվել եմ, հիմա լրիվ կրակի մեջ եմ, հա ու չէ-ն պտի իմանայի, ստից լռվել եմ ստեղ, ինչ պետք էր, երեկ եկա արի։
Սանասար Գաբրիելյան՝ Ախպեր, մենք առավոտն ենք հա ու չէ-ն իմացել, ես ասել եմ բանին, բա դու իրա հետ չես խոսացե՞լ։
Հրաչյա Մայիլյան՝ Ես զանգել եմ, ասեց՝ ես զանգել եմ բանին, գնացել ա շտաբ, չի վեկալում համարները։
Սանասար Գաբրիելյան՝ Ո՞վ ա ասել՝ չի վեկալում համարները։
Հրաչյա Մայիլյան՝ Ինքը, ժամը երկուսն էր, իրեքն էր, ասում ա՝ հլը չեմ կարում կապնվեմ, ախպեր ասի՝ իրեքին եմ զանգել, որտև դրանց ասել էի մինչև երկուսը, ախպեր, հա յա՝ հա յա, չէ՝ վսյո, ձեզ ըլնի, փագում ենք խոսակցությունը, ժամը իրեքին, իրեք անց կես զանգել եմ, ասում եմ, ախպեր, մի հատ գնա էդ մարդուն տես, իմացի հա, ա, հա ա, չէ ա, չէ ա՝ ես իմ անելիքն իմանամ, ասում ա՝ չեմ կապնվել, որ կապնվեմ, կզանգեմ։
Սանասար Գաբրիելյան՝ Ախպեր, իմ հեռախոսը ոչ մի րոպե անհասանելի չի եղել, գիշերն էլ իրար հետ ենք եղել, այ ցավդ տանեմ։
Հրաչյա Մայիլյան՝ Հա, գիշերվանից ոչ մի հատ զանգել ա, ոչ մի հատ բան ա արել, եղավ, կարեցավ հագցնել, լավ ա արել, վսյո, հարց չկա։ Աստված իրա հետ։ Եթե տենց ճիշտ ա, եթե տենց հեռախոսը անջատելով գիտի լուրջ մարդկանց հետ լուրջ թեմայով … բերեց կոճկեց, ապրի, պրոբլեմ չկա, հալալ ըլնի։ Պրոստո հանկարծ տենաս, թող մի հատ զանգի, էլի։
Սանասար Գաբրիելյան՝ Ախպեր, ես հարցրեցի գումարի համար, ասում ա՝ գնացինք եզդու մոտ, գումարը չի եղել։
Հրաչյա Մայիլյան՝ Արա, ասա՝ գնա, բերանս չբացեմ, եղավ ախպեր, Աստված իրա հետ, ոչինչ, լավ, որ կապի մեջ ըլնի, թող մի հատ զանգի։
Սանասար Գաբրիելյան՝ Ի՞նչ անեմ, ասա, էթամ ո՞րդե՝ իրանց տու՞ն, ասա անեմ, Հրաչ ջան, նեղանալու չկա։
Հրաչյա Մայիլյան՝ Չեմ մանում, ախպեր, պտի գտնվի, մի հատ զանգի, մի հատ բան կա իրանից ճշտվի, սենց շշկռվել, մնացել եմ, չեմ իմանում՝ ինչ անեմ։
Սանասար Գաբրիելյան՝ Ախպեր, որ համարին որ զանգում եմ, տուպոյի նման անջտել ա, չգիտեմ, ախպեր։
Հրաչյա Մայիլյան՝ Չեմ իմանում։
Սանասար Գաբրիելյան՝ Աշոտի հետ էինք, գնացինք շտաբ, շտաբը փակ, գլուխոյ, եկել ենք հայաթով՝ ավտոն չկա։
Հրաչյա Մայիլյան՝ Էլիզի համարը որ զանգում ես, չկա՞։
Սանասար Գաբրիելյան՝ Չի վեկալում, ուզում ե՞ս մի հատ էլ Էլիզին զանգեմ։
Հրաչյա Մայիլյան՝ Հա, մի հատ էլ զանգի։
Սանասար Գաբրիելյան՝ Զանգեմ ասեմ՝ թող շուտ կապ տա Հրաչին, հա՞։
Հրաչյա Մայիլյան՝ Հա>>։

- Հրաչյա Մայիլյանի և Արմեն Պողոսյանի միջև 19.03.2017թ, ժամը 14։40-ին տեղի ունեցած հեռախոսազրույցի գաղտնալսմամբ, գրառված Х-441-17 գրառմամբ լազերային սկավառակի վրա՝ 95-518-17-2017-03-19-14-40-02-995579493300--out--94655885-0 անվանմամբ ձայնային ֆայլի տեսքով, հետևյալ բովանդակությամբ՝
<<Արմեն Պողոսյան՝ Ապեր։
Հրաչյա Մայիլյան՝ Ալյո։
Արմեն Պողոսյան՝ Հա, ապեր։
Հրաչյա Մայիլյան՝ Ո՞նց ես։
Արմեն Պողոսյան՝ Էշի պես։
Հրաչյա Մայիլյան՝ Հա, դե հելնում էթում եք, /հայհոյանք/, 100 հատ հարց կա, դրա վախտն ա՞, էս /հայհոյանք/ հետ ստե երեկ հագել ենք եքա, իրարից նեղանալ, ավտոյից իջավ գնաց։ Ընդեղից վայրկյանը մեկ զանգում են, սրան էլ մեղք դնելու չի, էդ տուֆտին էլ զանգում եմ, ասում ա՝ ես երեկ առավոտ Ժորիկին ասել եմ՝ ինչ պետք ա, բան-ման։ Ասի՝ մինչև ժամը իրեքը ես Ժորիկի հետ սաղ վախտ կապի մեջ եմ էլե, որտև էդ մարդկանց ասել էի՝ ես մինչև իրեքը պատասխան կտամ, ի՞նչն ես կապի մեջ էլել, մինչև իրեքը քո հետ չի կարեցե կապվի։ Ասի՝ դուք մեզի դրել եք բանի տեղ, նենց բանի տակ ես դրել, ասում ա՝ Ժորիկն ասեց՝ եզդուց գնացինք փող չվեկալանք. ով որ դրա համար 4.000 դոլար չի տվել, ալամ աշխարհը նրա մեր ու կնիկը /հայհոյաինք/, ասում ա՝ եզդին ասում ա՝ գնացինք։ Ասում եմ՝ արա, եզդին տունն ա, տունը չի, դու քո համար գնացիր, Սանո ջան, սաղ գիշեր վիզ եմ դրել, 4.000 ով որ չի տվել, ալամ աշխարհը…, խո ես լակոտ չեմ։ Ասում եմ՝ դու հասկանում ե՞ս, մեզի ինչի դեմ ես դայաղ արել։ Հիմա էլ ասում ա՝ ախպեր, գնացել եմ, ցույց եմ տվել, ասել են՝ իրա հետ մի հատ չի լնում, ասի ուրեմն իմ … …. /հայհոյանք/ տենց բան ասողը, զավադսկոն մի հատ ա ըլնում, եթե մի հատ մարդ կգտնես, որ ուբեդիտ կանի, որ մի հատի տեղը 2 հատ, իրեք հատ ա ըլնում, ուրեմն … ա, տենց բան գոյություն չունի։ Կանչել ենք, ախրանի պետի հետ էլ ենք խոսացել, էստեղ 2-3 մարդ էլ եմ տեսել էդ թեմաներով, մարդիկ ասում են, ախպեր հա, հենց ինքը մի հատ ա։ Պրոստո, ասենք, էն մեկի մեջը սերեբրո ա, պտի դրա հարցը բան անես մի հատ, որ ասենք՝ հանում ես սերեբրոյի հմար, կամ պտի էդ օգտագործածներից գտնենք, որտե որ ես ու դու էինք գնացել, ընդե, ըտուց ասում ա՝ կարաք, էդի որ մի հատ բան արիր, ասում ա, գցում ես մի յան, ոչ մեկի /անվայել արտահայտություն/ պետք չի, երկրորդ անգամ չես բան անում, մատորը որ խփեց, պտի հանես գցես մի յան, չես կարա ռեմոնտ անես։ Հիմա ինքը դրել ա, լոլո ա կարդում, ես դրա մերը … /հայհոյանք/, ասի՝ չեմ հասկանում։ Հա՝ հարց չկա, չէ, չէ, ապրես, հագցրիր, դու բան էիր ման գալիս, ուզում էիր, էն էլ հմի, կառոչի, ինքը մեր գլխին սարքեց, ես ըտենց եմ հասկանում, ու պրծանք էս թեման։ Ինձ ըտենց ա թվում, հմի ես սրա հետ թուր ու թվանք, հետ ա՝ եկել եմ, հյուրանոցի դեմն եմ։ Ասի՝ իջի, ախպեր, երկու բառով խոսանք, էթանք Հայաստան, տենանք, ոնց ենք անում, ես քեզի ճամփին կասեմ։ Հմի դրա համար առանձնացել եմ, էն վախտ ---ը /չի հասկացվում/ ավտոյի մեջ էր, չէի ուզում իրա հետ…
Արմեն Պողոսյան՝ Հա, հասկացա։ Հմի ինքը ասում ա՝ դրա հետ երկու հատ էլ պտի ըլնի։
Հրաչյա Մայիլյան՝ Տենց բան ասա, … /հայհոյանք/։
Արմեն Պողոսյան՝ Ես էլ ասի, ասում եմ՝ դու էն վախտ ասում էիր 2 հատ, մենք հարցուփորձ ենք անում՝ մի հատ։
Հրաչյա Մայիլյան՝ Ախպեր, ասա, գիրք գոյություն ունի, ինտերնետ գոյություն ունի, այ ցավդ տանեմ, ինտերնետը բաց ա, մեջը հատիկ-հատիկ գրում ա՝ ինչ ա ըլնում, ինչի հետ, ի՞նչ ես ստից հեքիաթ պատմում, արա։ Ոնց որ ասես՝ ավտո եմ առնում, 06 եմ առնում, հետը պտի երկու հատ զապաս ակ ըլնի, հո դու դեբիլ չե՞ս, արա։
Արմեն Պողոսյան՝ Դե ասեցի՝ ախպեր, չգիտեմ՝ ի՞նչ ես ասում, մենք ում հարցնում ենք՝ ասում են էդի…
Հրաչյա Մայիլյան՝ Ա, ում հարցնել չի, այ ցավդ տանեմ, եթե ինքը էդքան անգրագետ ա, թող մի հատ գրագետ մարդ ճարի, ինտերնետը բացի, հենց հմի նայի։
Արմեն Պողոսյան՝ Բան չասի, ապեր։ Դե երեկ քեֆը լավ էր, որ տեսա, բան չարեցի, խառը-խշտիկ, եսիմ ում հետ ծիծաղում, վոբշեմ, մենակ էդ հասցրի իմանայի, որ սենց ա, սենց ա։ Հմի ասեց՝ առավոտ մի հատ տենանք, մի քիչ խոսանք, ասի՝ տենանք, բայց ինքն էլ նայում եմ հեռախոսին, մեկ անց կես զանգել ա, հեսա զանգեմ։
Հրաչյա Մայիլյան՝ Ախպեր, ես իրան եմ զանգել, բա Էլիզը խռովել ա, օֆիսը փակել են, էսա, էն ա, սենց-նենց, ասում եմ՝ ախպեր, օֆիս են փակել, բացել, դու չես հասկանու՞մ՝ մեզի ինչի տակ ես բերել, եթե դու մտածում ես՝ մեր գլխին մի հատ բան սարքես, ընենց կսարքեմ, որ դու լրիվ կխելռես, էդ նույն նկարով ես քո բերանը նենց /հայհոյանք/, որ կիմանաս, հիմա դու կտենաս, վերջը ի՞նչ ա ըլնելու, ինձի կանկրետնի բան ասա։ Դու Հրանտիկի մոտ ոտդ ոտիդ գցած նստում ես, ընձի ուղարկում ես թրի բերան, էսի անելու բան ա՞, որ դու իմ գլխին սարքիր։ Հիմա եթե սարքոցի ա, դու սարքելը կտենաս, հեսա հասնեմ Հայաստան, /հայհոյանք/, հեսա պետք էլավ, մինչև կանցովկի մոտ էլ էթալու եմ էս բազարով, այ քեզի բան, հո տուն-տուն չենք խաղում, քեզի 50 բերան ասել ենք՝ ինչը ինչից հետո ա, գնա բեր, էթամ բերեմ, 4.000, ես ինչի՞ տեր եմ, էսքան հագած վիճակիս դու ինձի դնես հագցնես։ Իրա հեռախոսը միացրած ա, ինքն էլ ասեց՝ հեսա կզանգեմ Էլիզից կիմանամ՝ ուր ա, ինչ ա, գիշերը իրար հետ ենք եղել, ընդե ենք եղել, ասի, որ գիշերը ընդե եք եղել, մի հատ զանգեիք, ինձի ասեիք, ես իմանամ, ես սրան վեկալել-բերել եմ…
Արմեն Պողոսյան՝ Ապեր, ես չէի առաջինը, ես ժամը 12-ին գնացել եմ, հետս էլ բանն ա, Արսենն ա էլե։
Հրաչյա Մայիլյան՝ Հա, գիտեմ, Արսենին էլ զանգի, ասի՝ ապեր, մի հատ գտի, էս գյադի հետ թուր ու թվանքի մեջ եմ ստեղ, իրան չասի, էլի, որ թուր ու թվանքի մեջ եմ, ասի՝ պետք ա Ժորիկը զանգի, ես հասկանամ՝ գամ-չգամ, ասի՝ մի հատ գտի, էլի, բա՝ հեսա գտնեմ, ոչ խեր, ոչ խաբար։ Հմի, ախպեր, մի հատ իրան տես սռոչնի, մի հատ հասկանանք՝ էդի ոնց ա, իրան ասա՝ դու տենց կապիկություն մի արա, էդի մի հատի հետ մի հատ ա լինում, եթե տենց ա, դու իրան բացատրա, ասա՝ քո երեսից մենք 4 մանեթ տուժվում ենք, էն որ դու ասում էիր՝ ծախս ենք անում, էս ա, էն ա, քո երեսից դառել ենք թուր ու թվանք։ Մի հատ ջոգա՝ ինչ ա, կզանգվենք։
Արմեն Պողոսյան՝ Հա>>։

- Հրաչյա Մայիլյանի և Արմեն Պողոսյանի միջև 19.03.2017թ, ժամը 15։36-ին տեղի ունեցած հեռախոսազրույցի գաղտնալսմամբ, գրառված Х-441-17 գրառմամբ լազերային սկավառակի վրա՝ 95-518-17-2017-03-19-15-36-36-995579493300--out--94655885-0 անվանմամբ ձայնային ֆայլի տեսքով, հետևյալ բովանդակությամբ՝
Արմեն Պողոսյան՝ Հա, ապեր։
Հրաչյա Մայիլյան՝ Ալյո։
Արմեն Պողոսյան՝ Ասա, ապեր։
Հրաչյա Մայիլյան՝ Չես հանդիպե՞լ, հլը ախպեր։
Արմեն Պողոսյան՝ Չէ, հլը չեմ հանդիպել, տունը մարդ կա, հեսա դուրս գա, դուրս գամ։
Հրաչյա Մայիլյան՝ Մի հատ հանդիպի, էսի … /հայհոյանք/- թողեց, առանձնացել եմ, ասի՝ գամ, մի հատ խոսամ, ջոգենք՝ ինչ ենք անում, դե սրան ասել եմ յանի պտի Վլադիկավկազ իջնենք, բան։ Ճղում ա …. /անվայել արտահայտություն/, մի հատ որ հանդիպես, ասա՝ արա, բա ասում էիր գնացել եմ, ասել եմ, մարդիկ դրել են ապրանքի տակ, արդեն բերել են։ Բա ասա՝ ասում էիր տղա յա, բա ո՞նց ա ըլնում էդ տղությունը։ Էդ ի՞նչ մահանեք եք բռնում, մի հատ էդ սաղ կանկրետնի դիր դեմը, ես իմանամ՝ ինչ ա ըլնում։ Հմի ես սրան ասեմ՝ էթում ենք Հայաստան, կասի՝ ախպեր, բա ի՞նչ ա ըլնում, ո՞նց ա ըլնում։ Դրանից վերջնական շուտ իմացի, որ ես ասեմ կանկրետնի՝ ախպեր, չի լնում, ո՞նց ենք անում, ի՞նչ ենք անում՝ պրծնենք։
Արմեն Պողոսյան՝ Լավ, ցավդ տանեմ, հեսա դուրս են գալիս, տանեմ ճանապարհեմ։
Հրաչյա Մայիլյան՝ Հա էլի, մի հատ զանգի պայմանավորվի, թող գա էդ կաֆեն, մինչև գա, դու ջոգա՝ ի՞նչ ա, ո՞նց ա։
Արմեն Պողոսյան՝ Լավ, հեսա անեմ, Հրաչ ջան>>։

- Հրաչյա Մայիլյանի և Էդգար Մայիլյանի միջև 19.03.2017թ, ժամը 19։11-ին տեղի ունեցած հեռախոսազրույցի գաղտնալսմամբ, գրառված Х-441-17 գրառմամբ լազերային սկավառակի վրա՝ 95-518-17-2017-03-19-19-11-48-37477101515-in-995579493300-0 անվանմամբ ձայնային ֆայլի տեսքով, հետևյալ բովանդակությամբ՝
Էդգար։ Պա։
Հրաչյա Մայիլյան՝ Հա, Էդ։
Էդգար։ Ի՞նչ կա, ի՞նչ եք անում։
Հրաչյա Մայիլյան՝ Հեչ, սպասողական նստել ենք էլի, էս յան, էն յան։
Էդգար։ Չհելա՞ք հլը։
Հրաչյա Մայիլյան՝ Չէ, չենք հելե, հեսա Օթարը պտի գա ստե մի հատ, մի հատ էն մարդուն տենանք, նոր շարժվենք էլի, Խիչան էլ ասեց, որ բան ըլնի, պասիլկի պես սարքեմ դնեմ տաքսին, դիմավորեք, էն էլ չի զանգում, Թուրքիայից պտի գան։ Դու ի՞նչ արիր։
Էդգար։ Քնած էի, նոր հելա։
Հրաչյա Մայիլյան՝ Հա, տենց տրանզիտներով շատ մի ֆռա, մեկ էլ էդ ավտոյի մոմենտը հանկարծ բան չասեն, որ <<Օպելի>> համար, որ Աբեսն ասում էր, որտև էն Ժորիկի ու Սանոյի հետ բազար կա էդ <<Օպելի>> վրով, պտի փող տան իրանք, ջոգում ես, չեն ստացել էդ փողը, տենց բան չկա, Գարիկ-մարիկ՝ ով զանգեց, ասի 3.2-ով առել ենք, լավ, հեսա կզանգեմ, Էդ>>։

- Հրաչյա Մայիլյանի և Արմեն Պողոսյանի միջև 19.03.2017թ, ժամը 19։21-ին տեղի ունեցած հեռախոսազրույցի գաղտնալսմամբ, գրառված Х-441-17 գրառմամբ լազերային սկավառակի վրա՝ 95-518-17-2017-03-19-19-21-18-37494655885--in--995579493300-0 անվանմամբ ձայնային ֆայլի տեսքով, հետևյալ բովանդակությամբ՝
<<Արմեն Պողոսյան՝ Հա, ապեր։
Հրաչյա Մայիլյան՝ Հը՞ն, ի՞նչ արիր։
Արմեն Պողոսյան՝ Նոր խոսացի, Հար, գյուղ իջացրի իրան, վոբշեմ, ասում ա՝ էդի իրա ուզածը չի, էնի իրեք հատա, էնի նենց ա, վոբշեմ, ասա՝ թող գա, էդի չի լնի։ Ասում ա՝ ես իրան ասել եմ, որ չի լնի, ինքը զանգել ա ինձի։
Հրաչյա Մայիլյան՝ /Հայհոյանք/, չի ըլնին ո՞րն ա, դու իրան ասում ես՝ էն տղեն ա, որ ինքը գիտի, պերեվոզկա ենք արել, բերել ենք, հմի բերի, 100 անգամ, մինչև նկարը տանելը, այփադը, իրան ասել ենք, որ մի հատ ա, ինքն էլ գնացել, սաղ պատմել ա, ի՞նչ ստից հավեր ա տալիս։ Վոբշեմ, իրա լավը /հայհոյանք/, ես գիտեմ՝ ինքը ինչ էր ուզում արած լիներ, հեսա կգանք, էդի մի հատ մեծ ռազբորկի բազարա արդեն, էդի ես լրիվ ջոգեցի։ Եթե ինքը կարում ա հիմա բերի, դակազատ անի, որ էդի երեք հատ ա ըլնում, էդի իրան նվեր ենք տալիս, եթե չէ, իրա հարցերը պտի լուծվի, իրա հոր էշը չենք, որ ստից տրյուկներ անի։ Թող բերի մի հատ, էթանք լյուբոյ մասնագետի մոտ, թող ասի, եթե կլնի մեկը, որ ասի մի կոմպլեկտի հետ 3 հատ ա ըլնում, ուրեմն հարց չկա։ Հավայի սարքեց գլխներիս՝ չելած վախտը, սրա հետ էլ լրիվ թուր ու թվանք, չեմ էլ ջոգում՝ ո՞նց պտի անեմ, ի՞նչ պտի անեմ։
Արմեն Պողոսյան՝ Դու ե՞րբ ես ուզում գաս։
Հրաչյա Մայիլյան՝ Ես հեսա Խիչային եմ մի հատ էլ զանգել, մի հատ մոմենտ կա, էլ ոչ էլ նաստրայենի կա, ոչ էլ Բաթում եմ էթում, թողում եմ գամ։ Էլ ի՞նչ էթամ, ու՞ր էթամ, /հայհոյանք/՝ <<դու էդի բեր, ես էթում եմ Կիրովական,, խաբեբա լակոտ, կայնի գամ, տես հեսա ինչ բազար եմ դնելու վրեն, կանկրետնի հագցրեց, 4.000 դոլար ընչի տեր եմ, /հայհոյանք/։
Արմեն Պողոսյան՝ Արի, կխոսանք էլի, էսօր կգա՞ս>>։

- Սանասար Գաբրիելյանի և Արմեն Պողոսյանի միջև 20.03.2017թ, ժամը 11։51-ին տեղի ունեցած հեռախոսազրույցի գաղտնալսմամբ, գրառված X-452-17 գրառմամբ լազերային սկավառակի վրա՝ 95-880-17-2017-03-20-11-51-18-37494655885-out-098504762-0 անվանմամբ ձայնային ֆայլի տեսքով, հետևյալ բովանդակությամբ՝
<<Արմեն Պողոսյան՝ Ապեր, Հրաչը զանգեց։
Սանասար Գաբրիելյան՝ Արա, անպայմանա Էլիզը զանգի՞, որ վերցնես։
Արմեն Պողոսյան՝ Չէ, ախպեր, ասում եմ՝ Հրաչի հետ էի նոր, հեռախոսը ավտոյի մեջ էր։ Գալիս եմ, ու՞ր գամ, ապեր։
Սանասար Գաբրիելյան՝ Ես արդեն դուրս եկա։ Ի՞նչ անեմ, 3 ժամ զանգում եմ, չես պատասխանում։
Արմեն Պողոսյան՝ Ապեր, դե եկավ, համ պլանշետը տվի, համ էլ խոսում էինք, բանը թողել էի ավտոյի մեջ, իբր մոռացել էի, ասեմ, որ իմանաս։ Տենց, եկավ բանի մոտը, տվեցի, տենց խոսացի։ Հիմա դու գնացի՞ր արդեն։
Սանասար Գաբրիելյան՝ Հրաչի ուզածը ո՞րն ա, ես չեմ հասկանում։ Վերջը, սաղ գիշեր գլուխս տրաքցրի, այ տղա։
Արմեն Պողոսյան՝ Ապեր, լավ, հիմա էդ հեչ։ Հիմա դու գնում ես օֆիս, գաս էդ Կիրովականն էլ մի հատ իրար տուր, էլի։
Սանասար Գաբրիելյան՝ Ախպեր, լսի եթե ամեն ձեռ տալուց պիտի խաղ անե՞նք, հասկանու՞մ ես…
Արմեն Պողոսյան՝ Չէ, պիտի խաղ անենք, բա ոնց։ Եթե ձեռ ենք տվել…
Սանասար Գաբրիելյան՝ Չէ, լսի։ Էդ ձեր օրենքներով, էդ որ ցույց են տալիս՝ պիտի էսքան տանք, էնքան տանք, ես գործ չունեմ տենց խաղերից, արա, այ ախպեր։ Ես խաղի մեջ չեմ։
Արմեն Պողոսյան՝ Արա, այ ցավդ տանեմ, էդ ի՞նչ ես ասում, որ։ Էդ յանի ի՞նչ ասիր ինձ, Սանո ջան։
Սանասար Գաբրիելյան՝ Բա էդ ասեցի, բա էդ ա դառնում։ Բան ենք ցույց տալիս, պիտի--/չի հասկացվում/։ ժորա ջան, տենց գործ չի .../ծիծաղում է/
Արմեն Պողոսյան՝ Չէ, տենց չի, ախպեր։ Այ ախպեր, արա, տենց բան չկա, տենց մոմենտ չկա, այ քեզ բան։ Ուղղակի կտենա, ես կասեմ հլը ինչ մոմենտ ա, հլը էդի հետ չի գնացել, ուղղակի էդ ա հարցը։
Սանասար Գաբրիելյան՝ Ո՞վ չի գնացել։
Արմեն Պողոսյան՝ Բա հետ չի գնացել։ Հլը իրա մոտ ա, էդ ա հարցը։
Սանասար Գաբրիելյան՝ Իրա մոտն ա, թող հետ տա, ի՞նչ կա։
Արմեն Պողոսյան՝ Բա իրանք էլ ստեղ չեն, հետը տարել են բան, լավ՝ կտեսնենք, կխոսանք, էլի, Սանո ջան։ Մի քիչ էդ ա բանը, թե չէ ի՞նչ կա բան անելու։
Սանասար Գաբրիելյան՝ Արա հա, բայց ինչի՞ չէ։ Ինձ պատասխանի, մարդը սպասեց, ես իրան ասեցի, որ պետք չի։ էլ հետը տանում ա, էս ա լինում, այ էդ /1 բառ/ ոնց եմ զզվում, տրաքում… /հայհոյում է/։
Արմեն Պողոսյան՝ Հա, ես էլ եմ տենց բաներից տրաքում։ Հիմա ես էլ իրան ասեցի՝ ախպեր, կանչի տուր ձեռները, էն մեր պայմանավորված ախպեր, ամենավերջում էդ հազարն էլ տուր, մի հատ էլ պետք ա՞, ախպեր, ես զանգեմ ասեմ։ էլ ի՞նչ ասեմ ախպեր, էլ ոնց ասեմ էլ։ Ասի՝ սենց ա, ախպեր, վիճակը, հիմա սխալ ենք հասկացել, գիտես՝ ոնց ենք խոսում, կարանք սխալ հասկանանք։ Ի՞նչ կա դրա մեջ։
Սանասար Գաբրիելյան՝ Ժորա ջան, տենց բաներ չեն անում։ Մենք հասուն մարդիկ ենք, հո դուք գի՞ժ չեք, արա։ Արա, սա խելքը գլխի մարդու խոսակցություն ա, դրա համար էլ … /հայհոյում է/՝ ես լավ պրծա։ Հասկանու՞մ ես…/հայհոյում է/։
Արմեն Պողոսյան՝ Լավ, հլը գնա, արի։ Ոչ մի գործ չի ստացվում, ախպեր։ Հա, ապեր։ Լավ բան անենք, տեսնենք՝ ինչ անեք, դալշե մի բան անենք։
Սանասար Գաբրիելյան՝ Ուրեմն ոչ մի գործ չի կարելի անել, որովհետև շառլատանության, եսիմ մյուս-մյուս խաղեր չի լինում, արա>>։

- Սանասար Գաբրիելյանի և Արմեն Պողոսյանի միջև 20.03.2017թ. ժամը 11։55-ին տեղի ունեցած հեռախոսազրույցի գաղտնալսմամբ, գրառված X-452-17 գրառմամբ լազերային սկավառակի վրա՝ 95-880-17-2017-03-20-11-55-22-37498504762--out--094655885-0 անվանմամբ ձայնային ֆայլի տեսքով, հետևյալ բովանդակությամբ՝
Սանասար Գաբրիելյան՝ Խոսալով ընկա, շտաբը անցա /հայհոյանք/։ Ապեր, տես ինչումն ա հարցը՝ Ժորա, ես սիրում եմ մաքուր, պարզ։ Վաղն էլ գնամ էդ Կիրովականի գործը խոդ տամ, ապեր, վաղն էլ մի շառ, մի /անվայել արտահայտություն/, ես տենց կեղտոտ գործերի հետ գործ չունեմ, ախպոր նման։
Արմեն Պողոսյան՝ Չէ, ախպեր։ Ախպոր նման, էդ պիտի մի բան անենք։
Սանասար Գաբրիելյան՝ Մի բան անենք, որ ի՞նչ անենք խոդ տամ, խոդ տամ, որ /չի շարունակում/։ Ասի՝ ախպեր, սենց ասեցիր, նենց ասեցիր։
Արմեն Պողոսյան՝ Չէ, ապեր, տոչնի կպայմանավորվենք, կանենք, ի՞նչ ա եղել, այ քեզ բան։ Տենց բան չկա։
Սանասար Գաբրիելյան՝ Խնդալու գործ, արա/ծիծաղում է/։ Ասում ա՝ ախպեր, բանը տեսել ես՝ պիտի տաս։ Արյուն թափեցի, ասում ա, 4.000 դոլար փող եմ դրել։ Արուն թափեցի էդ գիշերով։ էդ ինչի ասելու բան ա՞։ Ես իրան նույն հարցը տալիս եմ, ասում եմ՝ ապեր, բա որ մարդը չուզեց, ասում ա՝ էդ քո գործը չի, թող մնա իմ մոտ։ Թող մնար, մնար, բա էդ, որ մնա քո մոտ, մեզ ինչի՞ ես ասում դրա համար։ Կարող ա՝ դու ուրիշ կլիենտ ունես, եսիմ ինչ ունես։
Արմեն Պողոսյան՝ Տե՞նց ա ասել, որ՝ թող մնա իմ մո՞տ։
Սանասար Գաբրիելյան՝ Ինչի՞ դու իմ մոտ նստած չէիր, արա ասի՝ թող մարդը գա տեսնի, կարող ա ասում ա՝ առ սաղ եմ տալիս, կարող ա ասում ա՝ ախպեր, դուրս չի գալիս։ էդ որ տալիս ես իրան, ասեցի, հիմա առանց նայել տամ իրան, անունը ի՞նչ դնեմ, ապեր։ Բա՝ թող մնա, ոչինչ, թող մնա իմ մոտ։
Արմեն Պողոսյան՝ Դե թող մնա, ի՞նչ ասեմ, ախպեր։ Ես էլ ասեցի, ասեցի՝ ախպեր ինչի՞ց բան արել, ինչի՞ չես բրդել բան-ման։ Բա՝ ես բան արեցի, որ իբր հեսա լրիվ, հեսա նենց բան սենց բաներ։ Ասի՝ բայց դու հլը չգիտեիր՝ լրիվ-լրիվ, ինչի՞ ես ասել լրիվ-մրիվ։
Սանասար Գաբրիելյան՝ Արա, լրիվ բա մարդը պիտի տեսնի, հո տավար չե՞ս, ասա, այ սևատավար։ Ես իմ ճիշտը պահել եմ, ախպեր, ես չգիտեմ։ Ով սխալ ա, թող/հայհոյում է/։ Նայի ինչ եմ ասում, ես սխալ բաներ չեմ սիրում, ես մաքուր ապրած մարդ իմ, ապեր ջան։ Հլը, փառք քեզ տեր աստված, որ տենց վերջաբան ունեցավ։ Խաբողի /հայհոյում է/։ Արա /անվայել արտահայտություն/ ձեր հետ գործ բռնելը։
Արմեն Պողոսյան՝ Դե լավ էլի, ինչի՞ ես ասում ձեր հետ բռնելը։ Ես էդ չեմ կարա հասկանամ, սաղ պարզ ա եղել, էդ ինչի՞ համար ես ասում ձեր հետ։
Սանասար Գաբրիելյան՝ Պարզ, տենց ա եղե՞լ։ Նախ ես Հրաչի հետ գործ չունեի՝ մեկ։
Արմեն Պողոսյան՝ Հա, բան չասի, ախպեր։
Սանասար Գաբրիելյան՝ Ամենակարևոր մոմենտը քեզ ասեմ։
Արմեն Պողոսյան՝ Լավ դե, կգաս, կխոսանք։
Սանասար Գաբրիելյան՝ Արա, ես խոսալու ի՞նչ ունեմ։ Արի տեսնենք մեր գործերը լինում ա, լինում ա։ Չի լինում /հայհոյում է/։ Ավելի լավ եղավ, էնքան ուրախ եմ, որ /չի շարունակում/։
Արմեն Պողոսյան՝ Հա, իմ սրտով էլ ա, ախպեր ջան։ Լրիվ։
Սանասար Գաբրիելյան՝ Որովհետև վաղը ուրիշ բազարներ էր դուրս գալու, դու գլխից չէիր տեսնում ինչ վրդովված՝ հո ես մենակ չեմ, բան։ Ես գործ եմ բերել, ասում եմ՝ ախպեր, կարում ե՞ք անեք չանեք, ասեք, չեք անում, չեք անում։ Ես մենակ իմ վրա չեմ վերցնում։ Լավ, /անվայել արտահայտություն/, ոչ խոսալու ունեմ, ոչ տալու, ոչ էլ առնելու։ Կիրովականի գործը խոդ տուր։
Արմեն Պողոսյան՝ Հա։
Սանասար Գաբրիելյան՝ էդ էլ գործ չունեմ։ Ասում ա, հա։
Արմեն Պողոսյան՝ Հա։ Դե լավ էլի, կգաս կխոսանք։ Մի բան արա էլի, լավ>>։

- Հրաչյա Մայիլյանի և Արմեն Պողոսյանի միջև 20.03.2017թ. ժամը 16։50-ին տեղի ունեցած հեռախոսազրույցի գաղտնալսմամբ, գրառված X-442-17 գրառմամբ լազերային սկավառակի վրա՝ 95-597-17-2017-03-20-16-50-01-37493180736--out--094655885-0 անվանմամբ ձայնային ֆայլի տեսքով, հետևյալ բովանդակությամբ՝
<<Արմեն Պողոսյան՝ Հա, ապեր։
Հրաչյա Մայիլյան՝ Ախպեր, էս շտաբը չե՞ս։
Արմեն Պողոսյան՝ Չէ, տունն եմ, Արմենի հետ։
Հրաչյա Մայիլյան՝ Ավտոն կայնած էր, Վահանին տեսա, ասեց չգիտեմ ուրա։ Ասի զանգեմ։
Արմեն Պողոսյան՝ Բա որտե՞ղ ես։
Հրաչյա Մայիլյան՝ Ես եկա էդ վուլկանիզացիան, հետևի ակը նստում ա, տենամ՝ ինչ են անում։
Արմեն Պողոսյան՝ Դե հեսա մի քիչ հետո շտաբը կլնեմ։ Գամ շտաբը, պրծի արի ընդե, ապեր։
Հրաչյա Մայիլյան՝ Լավ>>։

- Հրաչյա Մայիլյանի և Արմեն Պողոսյանի միջև 21.03.2017թ. ժամը 10։16-ին տեղի ունեցած հեռախոսազրույցի գաղտնալսմամբ, գրառված Х-442-17 գրառմամբ լազերային սկավառակի վրա՝ 95-597-17-2017-03-21-10-16-57-37493180736-in-094655885-0 անվանմամբ ձայնային ֆայլի տեսքով, հետևյալ բովանդակությամբ՝
Հրաչյա Մայիլյան՝ Ալյո։
Արմեն Պողոսյան՝ Բարլուս, ախպեր։
Հրաչյա Մայիլյան՝ Բարլուս, հելել ես։
Արմեն Պողոսյան՝ Կերած խմածդ անուշ, թոռնիկի ծնունդը շնորհավոր։ …
Կենցաղային զրույց։
Արմեն Պողոսյան՝ Ես եկել եմ Երևան, ուզում եմ հետ գամ, մի կես ժամ 40 րոպեից ըտեղ կլնեմ։ Դու ո՞րդե կլնես։
Հրաչյա Մայիլյան՝ Էջմիածնում եմ, էլի։ Էդ Աշտարակի թեման բան չենք անելու՞, էդ Կոստյան զանգեց։
Արմեն Պողոսյան՝ Հա, ապեր, հեսա գամ, զանգենք իսպանացիներին, տենանք՝ ի՞նչ ա, տալի՞ս են էդ ճամփեն սարքենք, թե չէ, հետո մի հատ էլ զանգեմ պարսիկներին։
Հրաչյա Մայիլյան՝ Բայց պարսիկները եթե պատրաստ են, ես մի հատ Կոստյայի հետ խոսամ։
Արմեն Պողոսյան՝ Պատրաստ են, պրոբլեմ չկա, պրոստո մի հատ գամ խոսանք, նոր։
Հրաչյա Մայիլյան՝ Լավ։
Արմեն Պողոսյան՝ Իմանանք՝ ինչ ունենք մեջը, նոր էթանք։
Հրաչյա Մայիլյան՝ Դե սպասեմ, արի, լավ>>։

- Հրաչյա Մայիլյանի և Ռոբերտ Աղվանյանի միջև 21.03.2017թ. ժամը 12։53-ին տեղի ունեցած հեռախոսազրույցի գաղտնալսմամբ, գրառված Х-443-17 գրառմամբ լազերային սկավառակի վրա՝ 95-598-17-2017-03-21-12-53-02-37443337735-out-995568629883-0 անվանմամբ ձայնային ֆայլի տեսքով, հետևյալ բովանդակությամբ՝
Ռոբերտ Աղվանյան՝ Հա, ախպեր։
Հրաչյա Մայիլյան՝ Ախպեր, ի՞նչ գործի ես, ի՞նչ ես անում։
Ռոբերտ Աղվանյան՝ Ոչ մի։ Ընգերներին տեսա, դրանք էին զանգում, կյանքս ուտում էին։
Հրաչյա Մայիլյան՝ Ապեր, էդի վոբշեմ նենց բացատրական աշխատանք ա տարել, որ էդ մատորը էդ խփած ավտոյի վրա չի լնի դնել, կոմպլեկտավորել, ձև չկա, ասում ա։
Ռոբերտ Աղվանյան՝ Ընգեր, զանգել եմ, մարդ կա, Սկայպով հետը խոսացել եմ, որ քեզ ասում էի որ կա, ասում ա՝ ապեր, մենք հանում ենք, տակինները սաղի դրանց վրա հագցնում ենք, էսքան բան։ Այսինքն, 100 տոկոս եմ ասում։
Հրաչյա Մայիլյան՝ Դե ախպեր հիմա…
Ռոբերտ Աղվանյան՝ Հիմի ես ասեմ՝ էդ մարդը կոնկրետ էդ գործով ա, ասում ա մենք հանում ենք, փոխում ենք, դնում ենք վրեն։
Հրաչյա Մայիլյան՝ Ախպեր, հմի որ նայում ա, ասում ա՝ սենց չի լնում, որ հանդիպենք, կխոսանք։ Դու կարում ե՞ս գաս։ Կարա՞ս էսօր գաս։
Ռոբերտ Աղվանյան՝ Չգիտեմ։ Հմի դու քո ասածն ասի՞ր, վերջացրի՞ր։ Էդ ընկերոջ հետ խոսացի, ասում ա՝ ով- որ որ ըտե բան ա անում, մեր մոտ որ կար, հիշում ե՞ս, որ քեզ ասի, ասում ա՝ սենց ա խնդիրը, ասի մի հատ մասնագիտական հարց եմ ուզում տամ։
Հրաչյա Մայիլյան՝ Ախպեր, էդի հեռախոսով չէ էլի, իրար կտենանք, կխոսանք։ Ես պտի 2 օրից ըտեղ ըլնեմ։ Նոր խոսացի, երկու օրից նոր պտի գամ, ո՞նց անենք, դու գա՞ս ստեղ։
Ռոբերտ Աղվանյան՝ Չգիտեմ, ո՞նց ես ուզում, անենք։
Հրաչյա Մայիլյան՝ Գալդ ճիշտ ա, գաս, ստեղ ջոգենք, տեսնենք՝ ի՞նչ ենք անում, էլի։ Ստեղ մոմենտներ կա, հեռախոսներս էլ պտի մի հատ փոխեմ, կգաս, կխոսանք վոբշեմ, կարող ա՞ էսօր երևաս։
Ռոբերտ Աղվանյան՝ Չգիտեմ, ընգեր, հլը մի հատ զանգեմ, ընգերոջս եմ ասում, զանգել եմ, պտի գա։
Հրաչյա Մայիլյան՝ Դե հլը մի հատ նայի ինչ ա, հետո կխոսանք։
Ռոբերտ Աղվանյան՝ Դե, էդ մարդն եկավ, խոսացինք, դվիժենի եմ արել, քեզ չեմ էլ ասել, փող էլ հանել, տվել եմ, ասել եմ՝ գնա բեր, ծախսի փող էլ եմ տվել, էն էլ եմ տվել իմ ջեբից։
Հրաչյա Մայիլյան՝ Եղավ, դե նայի՝ երբ ես գալիս, արի, կխոսանք>>։

Որպես ապացույց ճանաչված և գործին կցված` Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի որոշման հիման վրա Սամվել Բաբայանի նկատմամբ ՀՀ ԱԱԾ օպերատիվ ստորաբաժանումների իրականացրած <<Ներքին դիտում>> օպերատիվ-հետախուզական միջոցառման արդյունքներով և այդ կապակցությամբ կազմված արձանագրություններով, մասնավորապես՝
- Սամվել Բաբայանի և Սանասար Գաբրիելյանի միջև 18.03.2017թ. ժամը 11։29։56-ին տեղի ունեցած զրույցի ձայնագրությամբ, գրառված 18.03.2017 գրառմամբ լազերային սկավառակի վրա՝ 01b80017 անվանմամբ ձայնային ֆայլի տեսքով, հետևյալ բովանդակությամբ՝
<<Սամվել Բաբայան- Այ ցավդ տանեմ ես տենց կոնկրետացրել եմ, որ կանկրետնո մի հատ պրոմոխ չեթա, վտանգավոր ա---։ /չի հասկացվում/ Դրա համար էդքան բան արեցի։ /Դադար/ - Նայի։ Տես, սա վիստրելն ա։
Սանասար Գաբրիելյան-Գիտեմ։
Սամվել Բաբայան-Սրա տակ պիստալետն ա լինում, մտնում ա տակը, ցավդ տանեմ։ Սա երեք հատ ինքը պիտի քեզ տա, ոչ թե մի հատ։
Սանասար Գաբրիելյան- Երեք հատ, իրա կոմպլեկտի մեջ ինչ հասնում ա։ Ամենադժվար ցավը էս էր, որ կարողացանք հասնենք։
Սամվել Բաբայան- Խի՞։
Սանասար Գաբրիելյան- Որովհետև դժվար էր բերելը, դու գիտես, ցավդ տանեմ, էշ մերը …./հայհոյանք/ էն բանը սիդելնիկը ճղել ա եքա։
Սամվել Բաբայան- Գնա մի հատ յաշիկ զակազ տուր, որ հողի մեջ դնես, չփչանա։
Սանասար Գաբրիելյան- էսօր պիտի սիկտիր լինենք, սա ստից տանենք, գոնե, մեկ ա մաս-մաս չի անցնի, ցավդ տանեմ։ Մեզ էջմիածին պահելը ձեռ չի տալիս էլի։
Սամվել Բաբայան- Հիմի գյուղի անուն ասեմ, գրի։
Սանասար Գաբրիելյան- Ասա։
Սամվել Բաբայան- Նարիշտար/Դադար/
Սանասար Գաբրիելյան- Տուր ես գրեմ, էլի։
Սամվել Բաբայան- /Խոսում է շատ ցածր/Նարիշտար։ Նարիշտար գյուղին կպած ա, Մատաղիսը։ Առաջին գյուղն ա, Լաչինից որ անցնում ես Քյալբաջար, սարն ա։
Սանասար Գաբրիելյան- Հասկացա։
Սամվել Բաբայան- Այ ըտեղ, էդ անկյունի վրա Նարիշտար, մաքուր մտնելու ա, վերցնի, իջնի։ Ընդեղ քանդված տներ ա։ Փոս ես անում, դնում ես մեջը, յաշիկը մի լավ ---/չի հասկացվում/, ժեշտի վրա գցում ես մի քարի կտոր,--- մի հատ չխկցնես ---/չի հասկացվում/ թևավոր-թևավոր գնան վերցնեն։ Ամսի 25-24-ը գումարը քեզ կտա Լուսինեն։
Սանասար Գաբրիելյան- Էսօր շարժ անենք, ես ձև չունեմ։ Մարդիկ եկել են, ցավդ տանեմ։ Ռազբորկա են անում սաղ օրը։
Սամվել Բաբայան- 24-ից շուտ քեզ չեմ կարա տամ։ Քառսունհինգ հազար--- /չի լսվում/
Սանասար Գաբրիելյան- Գեներալ ջան, գոնե… իրեք օր էս կողմ, վզիս նստած են, ցավդ տանեմ։ Շարժ անես, գոնե էթամ գամ, մեռնեմ քեզ։

- Սամվել Բաբայանի և Սանասար Գաբրիելյանի միջև 19.03.2017թ. ժամը 11։00։56-ին տեղի ունեցած զրույցի ձայնագրությամբ, գրառված 19.03.2017 գրառմամբ լազերային սկավառակի վրա՝ 01b80016 անվանմամբ ձայնային ֆայլի տեսքով, հետևյալ բովանդակությամբ՝
<<Սանասար Գաբրիելյան- Կարելի ա, պարոն գեներալ։ Ո՞նց ես։
Սամվել Բաբայան- Ոչինչ։
Սանասար Գաբրիելյան- Հազում-մազում ես։
Սամվել Բաբայան- Հիվանդ եմ…
Սանասար Գաբրիելյան- Ասիր էգուց… /չի ավարտում/
Սամվել Բաբայան- /ընդհատելով/ Իրիկվա կողմը։ Մոսկվայից մարդ ա գալիս, էդ կեղտը բերում, գնում։ Իրիկվա կողմը կզանգեմ, կգաս, մի 10 մանեթը կտամ, կտաս իրանց, հանգիստ վեր ընկնեն։ Ամսի 24-ին էլ մնացածը կտամ, կգնաս։
Սանասար Գաբրիելյան- Եղավ, ցավդ տանեմ, հարց չկա։ Իրիկվա կողմ գամ ստե՞ղ, թե՞ զանգեմ։
Սամվել Բաբայան- Զանգի, եկ, էլի։ Բերած կլինեն, էլի։
Սանասար Գաբրիելյան- Լավ, ցավդ տանեմ։ Ուղղակի ես էդ 10-ի համար չեմ ասում է։ Ես մաշինի վրա եմ, գոնե մի 1000 տվեք, հասնեմ-տեղավորեմ, հետ գամ, էլի։
Սամվել Բաբայան- Կոպեկ չունեմ։ Քո արև։
Սանասար Գաբրիելյան- Ոնց կասես։ Իրիկվա յան կգամ։ /Սանասար Գաբրիելյանը դուրս է գալիս։/>>

- Սամվել Բաբայանի, Սուսսաննա Հարությունյանի ու Աշոտ Շուշանյանի միջև 22.03.2017թ, ժամը 12։01։29-ին տեղի ունեցած զրույցի ձայնագրությամբ, գրառված 22.03.2017 գրառմամբ լազերային սկավառակի վրա՝ 01b80018 անվանմամբ ձայնային ֆայլի տեսքով, հետևյալ բովանդակությամբ՝
<<Սուսաննա- Բարև ձեզ։
Սամվել Բաբայան- Բարև։
Սուսաննա- Ցավակցում եմ, կներես որ չեմ կարացել մասնակցել, զբաղված եմ եղել։ Նստի։ Աշոտը Գրիբոյեդովի մեր Սանոյի հարազատ ընկերն ա, մոտիկն ա, երեկ իրանց կանգնացրել են Սևանից գալուց։ Պատմի։
Աշոտ- Չէ, Սևանում էինք։ ԳԱԻ-ն կայնցրեց, կայնանք, բա դակումենտներդ, մեկ էլ Սանոն և ներկայացավ՝ ով ա, ինչա, տոմսը, պրավեն-բան սաղ հանեց տվեց իրան, բա ԱՊՊԱ չկա՞։ Ասեց՝ հա, չկա։ Վերջը, բա՝ արի։ Կապիտանն եկավ ավտոյի վրա, ես ավտոյից չիջա, ասի նենց անեմ հանկարծ ավտոյի մեջ բան-ման չքցեն էլի։ Ինքը ԳԱԻ-ի ավտոյի մեջ խոսաց մայորի հետ։ Մեկ էլ քրեականն եկավ։ Ես էլ նստած մեքենայի մեջ։ Բա խնդրում ենք, իջեք, քրեականից ենք։ Ասի՝ ուրախ եմ։ Ես էլ ուդոն հանի ցույց տվեցի, ասի՝ էս մարդն եմ։ Վերջը տենց։ Բա մեքենայից դուրս արի։ Ասի ինչի հմար, ինչ ա եղել, որ մեքենայից դուրս գամ։ Բա՝ դուրս արի, կասենք։ Դուրս եկա։ Մեկ էլ նորից զանգեց մի քանի տեղ, բա կարանք մեքենան ստուգենք։ Սանոն ասեց՝ ասեք ինչ ա եղել։ Բայց ասի հանկարծ բան-ման չքցեք մեջը։ Բա՝ չէ։ Վերջը սկսին ավտոն քանդել-մանդել բան, էթում են, խոսում, գալիս, էթում են խոսում, գալիս։ Ասի՝ սե՞նց եք հարգում կռված տղերքին։ Բա, հեսա կճանապարհենք։ Կհարգենք՝ կճանապարհենք։ Ասի, էս ա՞ ձեր հարգանքը։ Սանոն էլ մի երկու բառ …/չի ավարտում/։ Սկսան նորից ավտոյի մեջ մի 5-6 անգամ։ Էլի զանգին էս յան-էն յան։ Բա հինգ րոպեից կեթաք։ Նորից զանգին։ Հետո բա ախպեր, արձանագրություն կազմենք, գնացեք։ Արձանագրություն կազմեցին, հելանք եկանք, հոգնած էինք, դե գիշեր էր։ Իրան թողել եմ էջմիածնում, ես հելել, եկել եմ տուն։ Իրիկունը զանգեց, ասեցի՝ մեքենան բերե՞մ, բա՝ չէ, թող մնա, առավոտը կզանգեմ, կգաս։ Առավոտը հելնեմ, տենամ՝ զանգ չկա։ Գյուղի մեջը կանգնած եմ։ Մեկ էլ КГБ-ի ավարյոննի մեքենաներով՝ մի տասը մեքենա։
Սուսաննա- Բայց էջմիածնի՞նն էր։
Աշոտ- Կեսն էջմիածինն էր, կեսը՝ Երևան։ Գյուղի մեջը կանգնած էի արդեն։ Եկան, բա դու՞ ես Աշոտը։ Ասի՝ հա։ Բա, արի մոտիկ հլը։ Գնացի, բա՝ մեքենայիդ բանալիները տուր։ Ասի՝ ո՞վ ես, քեզ բանալիները տամ։ Բա՝ Սանոն ա ուզում։ Ասի՝ Սանոն ու՞ր ա, թող գա, ասի։ Վերջը։ Ասի չեմ տա մեքենայի բանալիները։ Վերջը, նայեցին ավտոյիս մեջ ---։ /չի հասկացվում։/ Բա՝ ինչ ա եղել, ինչ ա եղել-- /չի ավարտում։/
Uամվել Բաբայան- Սանոյին են բռնե՞լ։
Սուսաննա- Հա։ Ես երեկ տեսա իրան, խոսացի։ Կանչեցի, ասի՝ Սանո, ուր ես, չկայիր։ Ասեց էդ պատմությունը։ Ասեց՝ ինչ ես մտածում։ Ասի՝ մի քիչ ուշադիր եղի տունը, ավտոյի մեջ։
Աշոտ- Հինգ անգամ նայեցին։ Բա արի էս կողմ, կապոտը բացենք։ Ասի կապոտի հետ ի՞նչ գործ ունեք։
Uամվել Բաբայան- Կայնի, ու՞րդեից էիք գալիս։
Աշոտ- Սանոյի հե՞տգ Էթում էինք, առավոտ էր, առավոտն ա եղել երեկ։
Uամվել Բաբայան- Ու՞ր էիք էթում։
Աշոտ- Ասեց՝ գնանք Ղարաբաղ, գանք։
Uամվել Բաբայան- Սևանո՞վ։
Աշոտ- Հա, Քելբաջարով։
Uամվել Բաբայան- Մեքենայում բան /կամ մարդ/ չի՞ եղել։
Աշոտ- Չէ, երկուսով ենք եղել։
Uամվել Բաբայան- Բա իրա հետ հիմա կապ չկա՞։
Աշոտ- Չէ։
Սուսաննա- Հեռախոսը վեկալել են։
Uամվել Բաբայան- Չէ, դե պարզ ա, ինչի համար ա, ձեր միջիցա նավոդկա տվողը։
Սուսաննա- Ես էլ էդ ասեցիգ Ասեցի, ո՞վ ա իմացել՝ ուր եք գնում։ Ասեցի՝ ո՞վ ա իմացել, որ դու …
Uամվել Բաբայան /ընդհատելով/- Լավ, դու դուրս արի /Սուսաննան դուրս է գալիս։/
Աշոտ- Լսում եմ, պարոն գեներալ ջան։
Uամվել Բաբայան- Մեքենայում բան չի եղե՞լ Ղարաբաղ գնալուց։
Աշոտ- Չէ։
Uամվել Բաբայան- Դուք գնացել ե՞ք Վրաստան։
Աշոտ-Ես չեմ գնացել Վրաստան, տեղեկություն չունեմ։
Uամվել Բաբայան- Տոչնի՞։
Աշոտ- Ես Վրաստան չեմ գնացել։
Uամվել Բաբայան- Դու իրա ի՞նչն ես։
Աշոտ- Մտերիմ ընկերը, հարյուր տարվա։
Խոսում են շշուկով։
Աշոտ- … 5 հազար։ Բանի միջից /չի հասկացվում/։
Uամվել Բաբայան- …Էդ բանը չի բերե՞լ ստեղ։
Աշոտ- … Ինչը՞։ Չէ, էդ չգիտեմ։
Uամվել Բաբայան /խոսում է շշուկով, չի հասկացվում/- …. շուտ արեք, …էդ բանը շուտ պիտի սիկտիր արվի… շուտ էտ տղաներին ճարի, էդ բանը սիկտիր արեք /շարունակությունը չի լսվում։/
Աշոտ- Եղավ։ Գնացի, ցտեսություն>>։

- Սամվել Բաբայանի և քննությամբ դեռևս չպարզված տղամարդու միջև 22.03.2017թ, ժամը 12։11։56-ին տեղի ունեցած զրույցի ձայնագրությամբ, 22.03.2017 գրառմամբ լազերային սկավառակի վրա՝ 01b80018 և 01b80019 անվանմամբ ձայնային ֆայլի տեսքով, հետևյալ բովանդակությամբ՝
<<Տղամարդ- /շշուկով ինչ-որ բան է ասում/։
Սամվել Բաբայան- Ուզում են, բայց իմ կարծիքով, չեն կարանա։
Տղամարդը շարունակում է շշուկով խոսել։
Սամվել Բաբայան- Հլը ոչ մի բան, ինքը ոչինչ չունի, էլի։ Ոնց որ դե որ զենքը/՞/ պահեն, /2 բառ/ չլինի։
Տղամարդ- /Շշուկով/ Բա որ երգի՞։
Uամվել Բաբայան- /2 բառ/ բերել ա, ստեղ քցել ա, Լիդայից հարցրի, ես ու դու ենք խոսել, /մի քանի բառ/ վաբշե կապ չունեմ։ Ես իրան ճանաչում եմ տախտակ/՞/ ծախող, տախտակի հարցով։
Տղամարդ- Բա որ երգի՞։
Uամվել Բաբայան- Դե երգի, ասում եմ՝ դու տենց ես ասում, էս ձև, հարց չկա, եթե երգի էլ... Չի կարա երգի, ինքը իրա վրա պիտի երգի, դա հասկանում ա։
Տղամարդ- /Մի քանի բառ/Հո ասեղ չի։ Փոքր բան չի, ֆիքսած կլինեն։
Uամվել Բաբայան- Ո՞նց ֆիքսած կլինեն, որ ֆիքսած լինեն սաղ էլ կիմանան, չէ՞, /մի քանի բառ/, դրա համար ասի, տես ով որ գնացել ա Վրաստան, եկել, նրան շուտ տես, թե տենց բան կա, շուտ ս. արեք, դաժե ինքը զարմացավ/՞/։
Տղամարդ- Շուխուր բան պետք չի դնել, չէ՞։
Uամվել Բաբայան- Չէ, հլը ոչ մի բան չեն /1 բառ/, հիմա հարցնելու են՝ ասում են՝ չէ, տենց բան չկա։
Տղամարդ- Ինքն ա եղե՞լ։
Uամվել Բաբայան- Չէ, նա տեղյակ չէր, ասում ա՝ ուրիշ մարդ հարցրեց, /չի լսվում/, ասի էդ բանը կոխեք ոռներդ, ս. արեք, թե չէ տանելուց ձեզ են տանելու։
Տղամարդ- Ինքը իմացա՞վ ինչ /1բառ/, թե ՞ դուք կիմանաք։
Uամվել Բաբայան- Չէ, չիմացավ, ասեց՝ գիտեմ, որ բերել ա, բայց չգիտեի, որ բերել ա, ասի՝ չգիտեի՞ր նկարել ա, բերել։
Մի կին՝ Սուսաննան, ներս է մտնում։ Սամվել Բաբայանը դիմում է նրան։
Uամվել Բաբայան- Դու դրան ասա՝ ձեր հետևից նայելով գա։
Սուսաննա- Աշոտի՞ն, կասեմ։ էդ Սանոն մի քիչ բերանից թույլ ա, կասեմ, հեսա կզգուշացնեմ։
Որից հետո դիմում է տղամարդուն։
Uամվել Բաբայան- Դե մեր վրա չի կարա դուրս գա, 100 տոկոս ձև չունի։
Տղամարդ- Սա տեղյա՞կ էր։
Uամվել Բաբայան- Ոչ մեկ, ես ու դու ենք խոսել, ես քեզ մի քանի կոպեկ եմ տվել, գնացել ես, եկել ես, գնացել ես, եկել ես, ու դու ոչ անողն ես, ոչ էլ գիտես ոնց, ինչ, ինչ պիտի լինի էդ ապրանքը, ինքը ոչ մի բան ա, ինքը պիտի իրա բանը լինի, էլի, ինքը տռուբա ա մի հատ։ Դրանով չես էլ կարա դաժե /չի ավարտում/։ Հա հետո՞, բերել ա, ի՞նչ, դրանով ո՞նց ես կրակում։ /Մի քանի բառ/ Ուրիշ պատճառ են ճարել, դրան վերցրել են, մի հատ հասկանանք։
Տղամարդ- Ստեղ էլ /1բառ/ պետք չէր իրան։ էն օրը ես իրան տեսա ստեղ։
Uամվել Բաբայան- Դե, ինքը եկել ա ստեղ ոչ թե, եկել ա ընտրություններով ա զբաղվում։
Տղամարդ- /2 բառ/ բերելու ա, թե չէ, ձեր զգալով, էս տղեն, դրսի տղեն, բերելու ա, թե՞ չէ։
Uամվել Բաբայան- Գիտեմ, որ բերելու ա, բայց ինչքան ա բերելու տեսնենք։
Տղամարդ- էդքան ո՞նց ա բերելու։
Uամվել Բաբայան- Բերելու պրոբլեմ չունեն։
Տղամարդ- Բա ի՞նչ, չի հավատու՞մ, թե՞ չի վստահում։
Uամվել Բաբայան- Չէ, իրանց թվում ա, որ լավ գնում ենք, ասենք՝ սենց գնալու ենք, հավայի գալու ա, ասի՝ ախպեր էս ինչ որ արել եք, համարեք՝ ջուր ա լցրած, վսյո 7 տոկոս էլ չեք կարա։
Տղամարդ- 100 տոկոս, չի կարա, գարանտիա եմ տալիս։ 15 տոկոս չկողմնորոշված զանգված կա, դու առանց շուխուրի, /1 բառ/ աշխատանքի ո՞նց ես էդ զանգվածին վերցնում քո կողմը, չես կարա։ Դուք թերագնահատում եք PR-ի դերը, բայց տենց չի։
Uամվել Բաբայան- Ես թերագնահատե՞լ եմ, ես ասել եմ մի հատ նստեք, նայեք, տեսեք ինչ ա, եթե թերագնահատեմ, էդ բաներով չեմ զբաղվի։ Ասի՝ նայեք, տեսեք ինչ կարաք /1 բառ/, ինչ ա մնում, ինչ ա, որ ռեալ պիտի տաք, որ տաք, որ գործը գնա։
Տղամարդ- Սաղ տվել են, ու ասել են՝ որտեղ կա /1 բառ/ նյութ, բայց տողեր կա, որ ասել են՝ եթե կպնեք, լավ չի լինելու։ Կա ծախս, որ արդեն արված ա, /մի նախադասություն/ էդ ապրանքն էլ հանեն/՞/։
Uամվել Բաբայան- Չէ, չէ։
Տղամարդ- Երկրորդը, խայտառակ կանեն՝ էդ դատական պրոցեսներ…
Uամվել Բաբայան- Չէ, դե օրինակ Արաբոյի Մանվելը գնա ելույթ ունենա, փող ենք դնում դրա համար, /1 բառ/ նուժնո, էս մեկ, էն մեկ։
Տղամարդ- Մի հատ եթեր ա, էլի։
Uամվել Բաբայան- Չորս եթեր եք դրել, ի՞նչ մի հատ։
Տղամարդ- Չէ, փոխել ենք սաղ, դրել ենք Սեյրան, Րաֆֆի, չէ, դե ինչ-որ ձեն պիտի հավաքի չէ՞ էդ մարդը, էդքան փող ենք տվել։
Uամվել Բաբայան- Ո՞վ։
Տղամարդ- Մանվելը։
Uամվել Բաբայան- /ճպպացնում է/։
Տղամարդ- Բա եթե չի հավաքելու, ինչի՞ ենք փող դնում։
Uամվել Բաբայան- /չի պատասխանում/։
Տղամարդ- Մեկ էլ մի հատ էդ հարցը որ կարենանք տոնկի ձևով ճշտենք։
Uամվել Բաբայան- Կճշտեմ, կիմանամ։
Տղամարդ- Հասկանում եք, չէ՞ էդ ինչ ա նշանակում, ինքը հետույքը խաղացրեց, որ վերջում գնա իրա անվան տակ բան անի։ Չէ, ինչ եմ ուզում ասեմ՝ էս գրասենյակի բանի ծախսերը դնեն ընդեղ /չի ավարտում/։ Բա ո՞նց փակեմ էդ գրասենյակը, հիմա որ նստած ենք, արենդայի փող պիտի տանք, ամսի 1-ով հո՞ չենք պրծնում, մի ամիս էլ կոպիտ ասած, դաժե եթե փակվելու լինենք, լիկվիդացիոն ծախս …/1 բառ/։ Աշխատավարձ կա, բան կա, աշխատավարձ պիտի տանք, չենք պրծնի։
Սամվել Բաբայան- Ես ենթադրում եմ, նա ինձ էլ /1բառ/ անի։
Տղամարդ- էսի չէ՞։ Կարա, ինքն էլ ծակվում ա։
Uամվել Բաբայան- Ասենք՝ ծակվել ես, հետո՞։
Տղամարդ- Ես Ձեզ հիշու՞մ եք մի քանի օր առաջ ասեցի, ասի՝ նավոդկա են տալիս հոդվածներով, բանով, ձեր վրա նավոդկա ա գնում։
Uամվել Բաբայան- Դրանք եթե իրոք էդ բանն ա, իրանք պիտի սպասեն, հավաքես, բերես, այսինքն՝ քեզ բռնացնեն, էլի։ Մի հատ տռուբա ես բերել, /2բառ/, բռնել ես, ի՞նչ, դու ես բերել, /1 բառ/ կա, որ ասել են, ես եմ ասել, բայց չէ, հավայի բերել, տարել եք, դրել էդ /անվ. բառ/-ի մոտ, ի՞նչ։ Իրանք որ /անվ. բառ/ որ դուրս են եկել, ինչ ուզում ա լինի։ Էդ ի՞նչ ասնավանի ա։ Ասենք քեզ որ մեկը ծեծել ա, ասել ա՝ ասա, որ էդ ինքն ա ասել, դու էլ ասել ես։ Ուրիշ ո՞վ ա դակազատ անում, որ ասել ես։
Տղամարդ- Չէ, բայց աշխատանքներ տարվում են։
Uամվել Բաբայան- Վուա, ասում են՝ գիշեր-ցերեկ իմ վրա դրել աշխատում են, դու էլ ասում ես՝ տարվում ա։
Տղամարդ- Չէ, ես նավոդկով տեսա։
Uամվել Բաբայան- էդ ավելի շուտ բան են անում, իմ կարծիքով/չի ավարտ./։
Տղամարդ- Պուգա՞տ են անում։
Uամվել Բաբայան- Հա, յանի բան են բացահայտում։ Չէ, /2 բառ/ ընտրություններով ա, կողքին ծառայել եմ, բան։ Ուրիշ բան չի կարա ասի։
Տղամարդ- էս կնիկն էլ գիտե՞ր։
Uամվել Բաբայան- Չէ, որտեղի՞ց։
Տղամարդ- Բա, ասեց՝ հա, ջոկեցի։
Uամվել Բաբայան- Ասի, դե հետևից գալու են, նայեն։ Տո չէ, այ ախպեր, ինքը ո՞վ ա։ Չեն կարա պահեն, եթե ուրիշ գործ չբերեն վրեն, մի ժամ կպահեն, բաց կթողեն, եթե ուրիշ գործ չունեն։
Տղամարդ- Իսկ որ բացատրեցինք էդ գյադուն, հասկացա՞վ, թե՞ չէ։
Uամվել Բաբայան- Ասի՝ ինչ որ բան ա եղել, չէ՞, բան, ասեց՝ հա, դե նկարը ջնջել ենք, ասեց՝ նկարը ջնջել ենք, ասի՝ ես գիտեմ, որ էդ ապրանքը բերել ա ստեղ հասցրել, էդ ինչ որ նկարել են, գնա տես՝ որտեղ ա։
Տղամարդ- Ինքը ջոկե՞ց ինչի մասին ա խոսքը։
Uամվել Բաբայան- Բա ինքն ա ասում նկարը ջնջել եմ։ Ջնջել ես, գնա ջնջի, էդ ում հետ որ գնացել է, նրանց էլ չեն բռնել հլը։
Տղամարդ- Որ նորություն լինի, ձեր ասածը ամսի 24-ի՞ն է լինելու։
Uամվել Բաբայան- Հա։ Մինչև 24-ը պիտի բերես, իրան ասել եմ, որ չբերի թողում եմ գնամ տուն։
Տղամարդ- Բայց նաև ասեիք, որ էդ սաղ ձեր արածը զրո է դառնում։
Uամվել Բաբայան- Ասել եմ, ասել եմ էլ չգաս։ /1/ ստեղի վարիանտը պրծնում է։
Տղամարդ- 100 տոկոս, միլիոն տոկոս։ Իսկ եթե բերի էլ, դրանով ես կարծում եմ, որ քանի որ /1/ տա Աստված գոնե / չի ավ./։
Uամվել Բաբայան- Չէ, եթե բերի, շատ էլ կվերցնենք։
Տղամարդ- Ես տեսա ինչ վիճակ է, մարդ չունենք է, էդ է ցավը։ Տեղերում աշխատող, Սահակյան Տիգրանին էլ ոչ մի կոպեկ, Թալինում երեկ խայտառակություն է եղել, մարդ չի կարացել հավաքի, մեր գնացած մարդիկ են եղել։
Uամվել Բաբայան- Մարդ չի կարացել հավաքի՞։
Տղամարդ- Հա, ես պրոստը երեկ մոռացա զանգեի ձեզ ասեի, ես ինֆորմացիան ստանում եմ էլի տեղից, ասեցին մարդ չկա Թալինում,Արթիկում է հավաքվել, Մարալիկում ոչինչ, Գյումրին ամենալավն է։ Գյումրին եղածների մեջ ամենալավն է։
Uամվել Բաբայան- Խի Քյավառը վա՞տ էր։
Տղամարդ- Չէ, Գյումրին ավելի լավ է եղել։ Գյումրին գմբցրել ես, լավ -վատ համեմատության մեջ եմ ասում, կարար ավելի լավ լիներ, ուզում էինք Հախվերդյան Ռուբոյին տանենք այնտեղ, համերգ տանք միտինգից հետո, մի 5.000 մարդ կհավաքեինք էլի։
Uամվել Բաբայան- էդ ո՞վ է։
Տղամարդ- Դե էն երգիչ կա մի հատ, դրան սիրում են Լենինական։ Ձեռները փող չի եղել։
Uամվել Բաբայան- /1/ հետևը ճղում է։
Տղամարդ- Բարգավաճից հելավ մտավ։
Uամվել Բաբայան- Քյավառում / /1/։
Տղամարդ- Գողակա՞ն է գնացել։ Տիպը ես գործ տվող չեմ, ես իմ հարցերը կլուծեմ հա՞։
Uամվել Բաբայան- Երևի։
/Տղամարդը հեռախոսով է խոսում/։
Uամվել Բաբայան- Ի՞նչ կա։
Տղամարդ- Գնամ գրասենյակ էդ /1 շշուկով/։Եթե փողը/՞/ կլինի, ձեն հանեք։
Uամվել Բաբայան- Լավ։
Տղամարդ- Զգույշ եղեք>>։

Տեսաձայնագրային փորձաքննության 2017թ. հունիսի 7-ի թիվ 31611706 եզրակացությամբ, որով նախ` վերծանվել են Դատարանի թույլտվությամբ իրականացված <<Ներքին դիտում>> օպերատիվ-հետախուզական միջոցառմամբ ֆիքսված` Սամվել Բաբայանի վերոնշյալ խոսակցությունները, բացի այդ` փաստվել է, որ հետազոտված ձայնագրություններում մոնտաժման հետքերը բացակայում են։
Վկա Սուսաննա Հարությունյանի ցուցմունքներով, ով դատարանում հայտնել է, իսկ հակասական նախաքննական ցուցմունքը հրապարակելուց հետո` պնդել է, որ <<ապրելով Վաղարշապատ քաղաքում` մոտ քսան տարի է, ինչ ճանաչում է Սանասար Գաբրիելյանին, 2017թ. մարտի սկզբին նրան տեսել է <<Համախմբում>> կուսակցության գրասենյակում` Երևան քաղաքում։ Համախմբում կուսակցության գրասենյակ գնացել է իր մտերիմ՝ պաշտպանության բանակի նախկին հրամանատար Սամվել Բաբայանի առաջարկով, ում հետ ծանոթ է եղել դեռևս 2005 թվականից, նրան կրկին հանդիպել է Հայաստան վերադառնալուց հետո։ Վերջինս առաջարկել է իրեն զբաղվել քաղաքականությամբ՝ խորհրդարանական ընտրություններին առաջադրել իր թեկնածությունը, ինքը պատասխանել է, որ առողջական խնդիրներ ունենալու պատճառով անմիջական ներգրավվածություն այդ գործընթացներին ունենալ չի կարող, սակայն հնարավորության սահմաններում փորձելու է օգնել նրա քաղաքական թիմին։ Նախընտրական շրջանում Էջմիածնում բացվել է <<ՕՐՕ>> կուսակցության նախընտրական շտաբը և ինքը հանդիսացել է դրա պետը։ Նշանակվելուց հետո ինքն ավելի հաճախ է սկսել շփվել Սամվել Բաբայանի և Սանասար Գաբրիելյանի հետ։ Սանասարը հանդիսացել է Էջմիածնի շրջանի պատասխանատուներից մեկը և նրա հետ հանդիպումներն ունեցել են աշխատանքային բնույթ, փորձել են միասին համակիրների շարքում ներգրավել նոր մարդկանց։ Սամվել Բաբայանի հետ հանդիպել են Երևանում՝ Վարդանանց փողոցում գտնվող <<ՕՐՕ>> կուսակցության գրասենյակում, քննարկել են կուսակցության նախընտրական քարոզչության հետ կապված կազմակերպչական հարցերը։
Վաղուց ճանաչել է նաև Էջմիածնի բնակիչ Արմեն Պողոսյանին, որին բոլորը դիմել են Ժորա անունով, նրա հետ անմիջական շփումներ չի ունեցել։ Ճանաչել է նաև Ժորայի կնոջը՝ Էլիզա Սողոմոնյանին, ով որպես <<ՕՐՕ>> կուսակցության պատգամավորի թեկնածու` առաջադրվել է Էջմիածնի տարածքից, ճանաչում է նաև Վաղարշապատ քաղաքի բնակիչ Հրաչյա Մայիլյանին։
2017թ. մարտի 7-ից մինչև 12-ն ընկած ժամանակահատվածում մեկ անգամ տեսել է Ժորային, երբ նա Սանասարի հետ եկել է իրենց շտաբ` քննարկելու կուսակցական հարցեր, մասնավորապես՝ քաղաքում շտաբերի միջև ընտրատեղամասերի բաշխման հարցը, նրանք ցանկացել են որոշ ընտրատեղամասերում անձամբ աշխատանք տանել, ինչին ինքը պատասխանել է, որ այդ հարցը պետք է բարձրացնեին ժողովի ժամանակ։ Ժորան իրեն պատասխանել է, որ այդ ժամանակ նրանք Հայաստանում չեն եղել և գործով Վրաստան են գնացել։ Իր կարծիքով Ժորան և Սանասարը մտերիմներ են, իսկ Սամվել Բաբայանի հետ կապ չեն ունեցել, քանի որ Ժորան <<ՕՐՕ>>-ի մյուս անդամների հետ կապ չի պահպանել։ Իր իմանալով` Ժորան, բացի վերը նշված անձանցից, կապ է ունեցել միայն Հրաչյա Մայիլյանի հետ, ում հետ մտերիմ է եղել։
Սանասարին ձերբակալել են 2017թ. մարտի 22-ի առավոտյան, այդ մասին իմացել է նրա փեսայից՝ Վարդանից, որից հետո զանգել է Սամվել Բաբայանին և տեղեկացրել, որ ազգային անվտանգության ծառայությունը ձերբակալել է Սանասարին, ինչին ի պատասխան Սամվել Բաբայանն ասել է, որ լավ են արել։ Սամվել Բաբայանի հետ խոսալուց հետո իրեն զանգել է Սանասարի փեսան՝ Վարդանը և ասել է, որ Սանասարի տղան՝ Անդրանիկը և ընկերը՝ Աշոտը, ցանկություն են հայտնել գնալ կուսակցության գրասենյակ և հանդիպել Սամվել Բաբայանի հետ։ Ինքը նրանց տվել է հասցեն և բացատրել է դրա գտնվելու վայրը` ավելացնելով, որ ինքը նույնպես գնալու է գրասենյակ և այնտեղ կհանդիպեն։ Գրասենյակ են եկել առանձին մեքենաներով, ինքը՝ րոպեներ առաջ, քան Աշոտը և Անդրանիկը։ Ժամը 13-ի սահմաններում Երևանի Վարդանանց 16 կամ 18 հասցեում գործող կուսակցության գրասենյակում հանդիպել է Սամվել Բաբայանին, ներկայացրել է իրավիճակը և հարցրել, թե ինչու՞ են ձերբակալել Սանասարին, ինչին Բաբայանը պատասխանել է, որ տեղյակ չէ, կպարզի։ Բաբայանի հետ խոսել է նրա աշխատասենյակում, մոտ 5 մետր հեռավորությունից։ Ինքը նրան ասել է, որ Սանասարի ընկերներից Աշոտը գրասենյակում է և ցանկություն է հայտնել նրան տեսնելու, քանի որ խոսելու ինչ-որ թեմա կար։ Ինքն Աշոտին հրավիրել է Սամվել Բաբայանի սենյակ, որտեղ գտնվել են ինքը, Սամվել Բաբայանը և Աշոտը։ Աշոտը պատմել է դրա նախորդ օրվա դեպքը, երբ Սանասարի մեքենան կանգնեցրել են Երևան-Սևան մայրուղում` պատճառաբանելով, որ մեքենան ապահովագրված չէ, տուգանել են 100.000 ՀՀ դրամի չափով, իսկ մեքենան խուզարկել։ Մեքենայի խուզարկության ժամանակ Աշոտը գտնվել է Սանասարի հետ։ Խոսակցության կեսից Սամվել Բաբայանն իրեն առաջարկել է դուրս գալ սենյակից։ Ինքը դուրս է եկել և գնացել է Էջմիածնի շտաբ, իսկ հետո շտաբում գտնվող աղջիկներից մեկը տեղեկացել է, որ Սամվել Բաբայանը նույնպես ձերբակալվել է։ Թե Սամվել Բաբայանի սենյակից դուրս գալուց հետո վերջինս և Աշոտը ի՞նչ են խոսել, տեղյակ չէ։
Հարցադրմանն ի պատասխան՝ վկա Ս.Հարությունյանը նշել է, որ իրեն հարցաքննած քննիչի գործողություններից որևէ դժգոհություն չունի, իր ցուցմունքները արձանագրվել են ճշգրիտ>>։
Հերթական հարցադրմանն ի պատասխան՝ վկան նշել է, որ <<Հրաչյա Մայիլյանը և Արմեն Պողոսյանը Սամվել Բաբայանին անձամբ չեն ճանաչել, Արմեն Պողոսյանը և Հրաչյա Մայիլյանը միմյանց ճանաչել են, իսկ Կարեն Քոչարյանը Սամվել Բաբայանի մտերիմն է>>։
Վկա Աշոտ Շուշանյանի դատաքննական և նախաքննական ցուցմունքների համադրման և գնահատման արդյունքներով արժևորված փաստական տվյալներով. Այսպես, վկան դատարանում տվել է նախաքննական ցուցմունքներին տրամագծորեն հակասող ցուցմունք՝ պատճառաբանելով, որ <<Սամվել Բաբայանի հետ վերջինիս գրասենյակում կայացած զրույցից անմիջապես առաջ Սուսաննա Հարությունյանը սեփական նախաձեռնությամբ սենյակից դուրս է եկել, իրենց զրույցին ներկա չի գտնվել, Բաբայանին, ում տեսնում էր առաջին անգամ, պատմել է ՃՈ Սևանի հենակետի մոտ իրեն և ընկերոջը՝ Սանասար Գաբրիելյանին կանգնեցնելու, վերջինիս վարած ավտոմեքենան զննելու մասին, իսկ Վրաստանի, այդ թվում՝ այդտեղից Հայաստան ինչ-որ առարկա բերելու, ավտոմեքենայի մեջ դրա գտնվելու վերաբերյալ որևէ հարցադրում կամ խոսակցություն չի եղել։ Զրույցի ժամանակ Ս.Բաբայանը խոսել է ինչ-որ պլանշետի մասին, առաջարկել է պլանշետի <<մեջինը>> ջնջել տալ, սակայն չհասկանալով, թե ինչի մասին է խոսքը՝ համաձայնել և հեռացել է։ Նշել է նաև, որ Բաբայանի ձայնը խզված էր, նա հիվանդ էր, պահեր կար, որ նրա խոսքը չէր հասկանում։ Նշել է նաև, որ տեղյակ չէր, թե Սևանում իրենց կանգնեցնելու ժամանակ Սանասարի մեքենայով ուր էին գնում, սակայն մեքենան Սանասարը վարում էր Սևանի ուղղությամբ>>։
Առաջին ատյանի դատարանում հրապարակվել և հետազոտվել են վկա Ա.Շուշանյանի նախաքննական ցուցմունքները, որոնց համաձայն` <<2017թ. մարտի 20-ին կամ 21-ին համագյուղացի ու վաղեմի ընկեր Սանասար Գաբրիելյանը զանգահարել և առաջարկել է մեքենայով գնալ Ղարաբաղ, ինքն էլ համաձայնել է։ Ճանապարհին՝ ճանապարհային ոստիկանության Սևանի պահակակետի մոտ, իրենց կանգնեցրել են պետավտոտեսուչները, պահանջել փաստաթղթեր, Սանասարը ցույց է տվել ազատամարտիկի վկայականն ու փաստաթղթերը։ Այնուհետև Սանասարը դուրս է եկել մեքենայից, նստել տեսուչների մեքենան, որոնք որոշ ժամանակ անց մոտեցել են նաև իրեն և պահանջել փաստաթղթերը, ցանկություն են հայտնել ստուգել մեքենան։ Ինքն իջել է մեքենայից, ստուգել են, վրդովմունք է հայտնել <<կռված տղերքի>> նկատմամբ նման վերաբերմունքից։ Դրանից հետո եկել են քրեական հետախուզության աշխատակիցները և ճանապարհային ոստիկանության բարձրաստիճան սպա, ով ցուցում է տվել Սանասարի անունով ակտ կազմել՝ ԱՊՊԱ կտրոն չունենալու համար։ Հետո իրենց բաց են թողել, վերադարձել են Էջմիածին, Սանասարին իջեցրել է, իսկ ինքը վերջինիս մեքենայով գնացել է գյուղ։ Հաջորդ օրը գյուղ են ժամանել ԱԱԾ աշխատակիցները, պահանջել են Սանասարի ավտոմեքենայի բանալիները, ինքը պատասխանել է, որ դրանք կտա միայն Սանասարին, ինչին պատասխանել են, որ նա ձերբակալվել է։ Ինքը տվել է բանալիները, որոշել է այդ մասին պատմել Սամվել Բաբայանին, սակայն քանի որ նրա հետ անձամբ ծանոթ չի եղել, դիմել է <<ՕՐՕ>> դաշինքի Էջմիածնի պատասխանատու Սուսաննա Հարությունյանին։ Գնացել են Երևանում գտնվող <<ՕՐՕ>> դաշինքի կենտրոնական շտաբ, մտել են Բաբայանի աշխատասենյակ։ Սուսաննան Բաբայանի մոտ իրեն ներկայացրել է որպես Սանասարի ընկեր, ինքը մանրամասն պատմել է նախորդ օրը տեղի ունեցածը։ Բաբայանն իրեն հարցրել է, թե որտեղից են վերադարձել, պատասխանել է, որ չէին վերադառնում, այլ գնում էին Ղարաբաղ՝ Քելբաջարով։ Բաբայանը հարցրել է, թե մեքենայում ինչ-որ բան եղե՞լ է, ինքը բացասական է պատասխանել։ Բաբայանը հետաքրքրվել է, թե ինքը Վրաստան գնացե՞լ է, թե` ոչ, տեղյակ էր, որ Սանասարը այնտեղից ինչ-որ հրթիռ պետք է բերեր։ Ինքը պատասխանել է, որ Վրաստան չի գնացել, հրթիռից էլ տեղյակ չէ։ Բաբայանն ասել է, որ շտապ պետք է գտնել Սանոյի ընկերներին և այդ հրթիռը կորցնել՝ վտանգից խուսափելու համար։ Չի առարկել, սակայն քանի որ ոչ-ոքի չի ճանաչել և այդ խնդրի հետ որևէ առնչություն չի ունեցել, որևէ քայլ չի ձեռնարկել, որոշել է հեռու մնալ>>։
Էական հակասությունների և դրանց պատճառի վերաբերյալ հարցադրումներին ի պատասխան՝ վկա Ա.Շուշանյանը հայտնել է, որ <<պնդում է դատաքննական ցուցմունքը, առավոտից մինչև երեկո, սոված-ծարավ, գտնվել է ԱԱԾ վարչական շենքում, նախաքննության ընթացքում նման ցուցմունք է տվել քննիչի պահանջով, ով տեղեկացրել է, որ միայն այդ դեպքում ինքը կարող է հեռանալ ԱԱԾ-ի վարչական շենքից, ինքը հիվանդ տղա է, հարցաքննության ժամանակ գլխի պրիստուպը բռնել էր, որի ազդեցության տակ է նման ցուցմունքներ գրել։ Դատարանում նաև նշել է, թե իբր ամբողջ ցուցմունքի բովանդակությունը գրել է քննիչի թելադրանքով, այնուհետև՝ նշել է, որ չի կարող անհատականացնել, թե ցուցմունքի կոնկրետ որ մասն է քննիչի թելադրանքով և որ մասն է կամովին գրել։ Ընդհանրացնելով ցուցմունքները՝ ի վերջո նշել է, որ քննիչի թելադրանքով է գրել հրթիռ բառը, քանի որ իր և Ս.Բաբայանի զրույցում նման բառ չի օգտագործվել, բացի այդ, քննիչին չէր հայտնել, որ Սանասարի հետ գնում էին Ղարաբաղ, մինչդեռ իր ցուցմունքում քննիչի թելադրմամբ գրել է նաև այդ մասին>>։
Իր և Ս.Բաբայանի միջև կայացած վերոնշյալ զրույցի՝ <<Ներքին դիտման>> արձանագրության բովանդակության հրապարակումից հետո առաջադրված հարցերին պատասխանելիս՝ նշել է, որ <<Բաբայանի հետ զրուցել է միայն այդ անգամ, հերքեց նրա հետ նման բովանդակությամբ զրույց ունենալու, մասնավորապես՝ իր և Սանասարի կողմից Քելբաջարով ԼՂՀ ուղևորվելու, Բաբայանի կողմից <<տրուբայի>> վերաբերյալ իրեն հարցադրում անելու հանգամանքները>>։
Պատշաճ իրավական ընթացակարգերի շրջանակներում դատաքննությամբ հետազոտված՝ վկա Ա.Շուշանյանի դատաքննական և նախաքննական հակասական ցուցմունքները միմյանց, ինչպես նաև այլ ապացույցների հետ համադրելու և գնահատելու արդյունքներով դատարանը, ի հաշիվ դատաքննականի, առավել արժևորել է նախաքննականը՝ հաշվի առնելով, որ դրանցում առկա փաստական տվյալների արժանահավատությունը հաստատվել է դատարանի թույլտվությամբ 2017թ. մարտի 22-ին իրականացված <<Ներքին դիտում>> ՕՀՄ արդյունքներով, մասամբ վկա Սուսաննա Հարությունյանի ցուցմունքով, ավելին՝ մեղադրողի ներկայացրած՝ ՀՀ ԱԱԾ վարչական շենքի անցագրի տվյալներով, որի համաձայն` վկա Աշոտ Շուշանյանի հարցաքննության օրը՝ 2017թ. մարտի 17-ին, վերջինս հարցաքննությունից րոպեներ առաջ՝ ժամը 16.18-ին մուտք է գործել ԱԱԾ վարչական շենք, ապա ժամը 19.29-ին հեռացել այնտեղից։
Վկա Ռուստամ Սադոյանի ցուցմունքներով, ով դատարանում հայտնել է, իսկ հակասական նախաքննական ցուցմունքները հրապարակելուց հետո պնդել է, որ <<Հրաչյա Մայիլյանի հետ մտերմացել են վերջին 3 տարիների ընթացքում։ Վերջինիս միջոցով ծանոթացել է Էջմիածնի բնակիչ Արմեն Պողոսյանի հետ, որին կենցաղում Ժորիկ են անվանել, սակայն մտերիմ չեն եղել։ Ինքը զբաղվել է հողագործությամբ և հիմնականում՝ անասնաբուծությամբ։ Հրաչյա Մայիլյանը, որպես գործարար, կապեր է ունեցել Վրաստանում։ 2017թ. փետրվար ամսին նա իրեն հայտնել է, որ իրանական գործընկերները ցանկություն են հայտնել գառների մեծ խմբաքանակ ձեռք բերել և տեղափոխել Իրան, նրան անհրաժեշտ է եղել իր խորհուրդը և մասնագիտական հմտությունները` գառների խմբաքանակ գտնելու համար։ Նա առաջարկել է միասին մեկնել Վրաստան և այնտեղ փորձել գտնել այդ խմբաքանակը, պարզել գները և քաշերը։ Հրաչյայի ասելով, այնտեղ նման գործով զբաղվող ծանոթներ է ունեցել, ինքը նույնպես ծանոթներ է ունեցել Վրաստանի եզդիների թվում։ Հրաչյայի ավտոմեքենայով, երկուսով 2017թ. փետրվարի 16-ին մեկնել են Վրաստան՝ Գոգավանի մաքսակետով, հասել են Թբիլիսի և հանգրվանել են Օրթաչալո թաղամասից դեպի վերև տանող փողոցներից մեկում գործող հյուրանոցում։ Նույն օրը երեկոյան Հրաչյայի հետևից եկել է Արմեն Պողոսյանը՝ Ժորիկը և նրանք միասին գնացել են ինչ-որ տեղ, հավանական է՝ խաղատուն։ Ինքը մնացել է հյուրանոցում։ Հաջորդ մի քանի օրը զբաղվել են գառների խմբաքանակ գտնելու գործով, Հրաչյայի հետ գնացել են իր ծանոթների մոտ, այնուհետև` Հրաչյայի ծանոթների մոտ։ Զբաղվել են այդ գործերով, երեկոյան գնացել են Թբիլիսի քաղաքի ավտոկայանի մոտ գտնվող խաղատուն, այնտեղ հանդիպել են Ժորիկին, հասկացել է, որ Սանասարը ներսն է։ Ինքը նրան չի տեսել, քնել է ավտոմեքենայի մեջ։
Վերադառնալու օրը՝ փետրվարի 22-ին առավոտյան հյուրանոցում զարթնելուց, Ժորիկը եկել և Հրաչյային ասել է, որ նրան դուրսը հարցնողներ կան։ Հրաչյան դուրս է եկել, հետո ինքն է դուրս եկել ու տեսել, որ Հրաչը հյուրանոցի սպասասրահի սրճարանում նստած զրուցել է ինչ-որ հայերի հետ, Ժորիկը հետն է եղել։ Մոտեցել է, այդ տղամարդկանցից մեկը հարցրել է, թե նրան չի՞ ճանաչում։ Ինքը չի մտաբերել, նա ասել է, որ անունը Ռոբերտ է, էջմիածնի նախկին քաղաքապետի որդին է։ Հարցրել է, թե իրենց ի՞նչ է պետք, ասել են, որ գառների խմբաքանակ են որոնում։ Նա վերցրել է իր հեռախոսահամարը, որոշ ժամանակ անց գնացել է, իսկ իրենք դուրս են եկել իրենց գործերով, հանդիպել են Հրաչյայի ծանոթին՝ վրացահայ Օթարին, ով օգնել է իրենց գառներ որոնելու գործում, տարբեր գյուղեր է տարել։ Որոշ ժամանակ անց Ռոբերտը զանգահարել և խնդրել է իրեն ու Հրաչյային գալ նրա հյուրանոց, հեռախոսով նկարագրել է գտնվելու վայրը։ Օթարն օգնել է գտնել հյուրանոցը, երբ հասել են այնտեղ,Հրաչյան և Օթարը մնացել են ներքևում, իսկ ինքն ու Ժորիկը բարձրացել են Ռոբերտի հյուրանոցային համարը՝ պարզելու, թե ինչու՞ է կանչել։ Սենյակում մի սլավոնական արտաքինով կին է եղել, սուրճ և միրգ են հյուրասիրել, երբ դուրս են եկել սենյակից, Ռոբերտն իր հետ առանձնացել և ասել է, որ եթե հանկարծ ծանոթ եզդիներն արտասահման մեկնելու ցանկություն կունենան, ապա ուղարկի նրա մոտ, նա կարող է դա կազմակերպել։ Բացի դրանից, ասել է, որ եթե քրդերից ոմանք կռվելու համար <<ուսի վրա դրվող,՝ ինքնաթիռ խոցող զենք ուզեն, կարող է օգնել նաև այդ հարցում։ Երբ բաժանվել է Ռոբերտից և իջել ներքև, մեքենայի մոտ Հրաչյային մի կողմ է կանչել և ասել, որ Ռոբերտը լրիվ ցնդել է, պատմել է այդ խոսակցության մասին։ Իր մտքով չի անցել, որ դա կարող էր ինչ-որ հետևանք ունենալ։ Երբ այդ օրը շարժվել են դեպի Հայաստան ու հասել են Մառնեուլի, Ժորիկն ասել է, որ ինչ-որ դեղ է մոռացել Թբիլիսիում գնել, վերցրել է Հրաչյայի մեքենան և վերադարձել։ Այդ ընթացքում ինքը հանդիպել է մի սպանդանոցի տիրոջ հետ և քննարկել է անասուն գնելու հարցերը։ Մի քանի ժամ հետո Ժորիկը վերադարձել է Մառնեուլի և դրանից հետ մեկնել են Հայաստան։ Դրանից ավել իրեն ոչինչ հայտնի չի եղել։ Ռոբերտն իրեն չի ասել, թե որտեղի՞ց էր այդ զենքը տրամադրելու, ի՞նչ գումարով և քանակությամբ։ Քանի որ դա իրեն հետաքրքիր չի եղել, այդ թեմայով չի հետաքրքրվել>>։
Ամբաստանյալ Արմեն Պողոսյանի ցուցմունքների ստուգման, այլ ապացույցների հետ համադրման և գնահատման արդյունքներով արժևորված փաստական տվյալներով. Այսպես, առաջադրված մեղադրանքի շուրջ դատարանում հարցաքննվելիս ամբաստանյալ Արմեն Պողոսյանը օգտվել է լռելու իրավունքից, որի կապակցությամբ ՀՀ քրեական դատավարության օրենսգրքի 337-րդ հոդվածի կարգով հրապարակվել և հետազոտվել են վերջինիս նախաքննական ցուցմունքները։
Վերոնշյալ ցուցմունքների համաձայն՝ <<<<Իգլա-3>> տեսակի հրթիռ ձեռք բերելու համար իրեն դիմել է ծանոթը՝ <<Զվարթնոց>> գյուղի բնակիչ Սանասար Գաբրիելյանը` ասելով, որ դա նվիրաբերելու է Ղարաբաղի բանակին։ Ինքն այդ հարցով դիմել է ծանոթին՝ Հրաչյա Մայիլյանին, ով գործնական կապեր է ունեցել Վրաստանում, ինքն այնտեղ կապեր չի ունեցել։
2016թ. սեպտեմբերի 1-ին ինքը, Հրաչյա Մայիլյանը և Սանասար Գաբրիելյանն այդ հարցով մեկնել են Թբիլիսի՝ Հրաչյա Մայիլյանի <<Օպել>> մակնիշի ավտոմեքենայով։ Հասել են Թբիլիսի երեկոյան, մնացել են <<Ռիչ>> հյուրանոցում, առավոտյան ինչ-որ երթուղային ավտոբուս բախվել է կայանատեղում թողնված Հրաչի ավտոմեքենային և ամբողջությամբ ջարդել։ Նա կանչել է փեսային, ում ավտոմեքենայով էլ նույն օրը վերադարձել են Էջմիածին, իրենց ուզած գործով չեն զբաղվել։ Այդպես այդ թեման սառեցվել է մինչև դեկտեմբերի վերջ, երբ Սանասարն ասել է, որ այն ուժի մեջ է, դրանով զբաղվելը մոռացության են մատնել։
Երբ Հրաչին հիշեցրել է այդ մասին, ինքը հարցրել է, թե կոնկրետ ի՞նչ գին հայտնել Սանասարին, Հրաչն իրեն ասել է, որ այդ հրթիռի արժեքը սև շուկայում մոտավորապես 50.000 ԱՄՆ դոլար է։ Ինքն այդ գինը փոխանցել է Սանասարին, ով պատրաստակամություն է հայտնել է տրամադրելու այդ գումարը։
2016թ. դեկտեմբերի վերջերին ինքն ու Հրաչը՝ վերջինիս որդու <<Միցուբիսի Պաջերո>> ավտոմեքենայով Գոգավանի մաքսակետով մեկնել են Վրաստան` այլ գործով, հասել են Մառնեուլի քաղաք, որտեղ Հրաչն իրեն մենակ է թողել և գնացել է ինչ-որ հանդիպման, վերադառնալուց հետո մեկնել են Թբիլիսի, այնուհետև Ռուսթավի քաղաք՝ բռնագրավված ապրանքների շուկա։ Հրաչը ցանկացել է մեծ վառարանի օդափոխիչ ճարել, բայց ապարդյուն։
Հաջորդ անգամ հրթիռի ձեռք բերման հարցով ինքը, Հրաչն ու Սանասարը մեկնել են Թբիլիսի 2016թ. դեկտեմբերի 30-ին՝ վերջինիս <<Նիսսան>> ավտոմեքենայով, Գոգավանի մաքսակետով։ Թբիլիսի քաղաքում բնակվել են ավտոկայանի դիմաց գտնվող հյուրանոցում՝ անվանումը չի տպավորվել իր հիշողության մեջ, <<Օրթաճալո>> թաղամասում՝ <<777>> խաղատան դիմաց։ Ցերեկը խաղատուն եկել է Հրաչի ծանոթ Օթարը՝ Մառնեուլի քաղաքից, նա արդեն տեղյակ է եղել <<Իգլա>> տեսակի հրթիռի իրենց որոնումների մասին, ասել է, որ նրա իմանալով, Վրաստանում այն արտադրում են, խոստացել է հետաքրքրվել։ Խոսակցությունը տեղի է ունեցել <<777>> խաղատան ավտոկանգառում, զրուցել են ինքը, Հրաչը և Օթարը, վերջինիս չեն ասել, թե ինչքան են մտադիր վճարել հրթիռի համար։ Թե որտեղից է Օթարն իմացել հրթիռ ձեռք բերելու իրենց մտադրության մասին, չի իմացել, իր կարծիքով նախորդ անգամ Վրաստան գալուց Հրաչն է հայտնել Մառնեուլի քաղաքում, երբ գնացել է ինչ-որ հանդիպման։
Նույն օրը` երեկոյան, ինքը, Հրաչը և Սանասարը իրենց հյուրանոցի հարևանությամբ ռեստորան են գնացել, այնտեղ է եկել Հրաչի ծանոթ Խվիչան՝ Վրաստանի Սենակի քաղաքից։ Սեղանի շուրջ Հրաչը Խվիչային հայտնել է <<Իգլա>> տեսակի հրթիռի որոնումների մասին, նա խոստացել է հետաքրքրվել Վրաստանում դրա ձեռք բերման հնարավորությամբ։ Հրաչը խնդրել է Սանասարին Խվիչային տալ 300 ԱՄՆ դոլար, Սանասարը տվել է այդ գումարը, որը Հրաչը փոխանցել է Խվիչային, թե ինչու՝ չի պարզաբանել։ Այդ օրը Սանասարը Թբիլիսի քաղաքի ավտոկայանի խաղատան մոտ տվել է նաև 1.000 ԱՄՆ դոլար, քանի որ նախաշեմին Նոր տարի է եղել, իրենք կիսել են այդ գումարը իրար մեջ։ Թե ումի՞ց է Սանասարը վերցրել այդ գումարը, հստակ չի իմացել։ Հաջորդ օրը մտել են խաղատուն, որից հետո վերադարձել են Էջմիածին։
2017թ. հունվարի կեսերին Հրաչը մեկնել է Թբիլիսի, մեկ օր անց ինքն ու Սանասարը որոշել են վերջինիս ավտոմեքենայով գնալ Վրաստան՝ Հրաչին տեսնելու և պարզելու, թե ի՞նչ նորություններ կան այդ գործից։ Բագրատաշենի մաքսակետով մուտք են գործել Վրաստան, հասել են Թբիլիսի քաղաք, որտեղ հանդիպել են Հրաչին։ Որևիցե կոնկրետ նորություններ իրենց գործից չեն եղել, մնացել են <<777>> խաղատան դիմաց գտնվող վերոհիշյալ հյուրանոցում, որից հետո երեքով վերադարձել են Էջմիածին՝ 2 ավտոմեքենաներով։
Հաջորդ անգամ ինքը, Հրաչն ու Սանասարը մեկնել են Թբիլիսի 2017թ. փետրվարի 2-ին՝ վերջինիս <<Նիսսան, ավտոմեքենայով, Բագրատաշենի մաքսակետով։ Թբիլիսի քաղաքում բնակվել են նույն հյուրանոցում՝ <<777>> խաղատան դիմաց։ Հրթիռի ձեռք բերման հարցով հանդիպումներ և քննարկումներ չեն եղել, գնացել են խաղատուն։
Այնուհետև ինքն ու Հրաչը որոշել են մեկնել Դոնեցկի մարզ, որտեղ Գորլովկա քաղաքում աշխատել են իր ծանոթները, հույս ունենալով, որ պատերազմող երկրում հնարավորություն կլինի ձեռք բերել նշված հրթիռը։ Սանասարին հայտնել են այդ մտադրության մասին, նա գնել է ավիատոմսերը և երկուսով ինքնաթիռով մեկնել են Ռոստով, այնուհետև անցել են Ուկրաինայի տարածք, սակայն իր ծանոթներն ասել են, որ դա անհնարին է, ամեն ինչ հաշվառված է։ Դրանից հետո տաքսի ավտոմեքենայով վերադարձել են Հայաստան, ճանապարհին՝ Մառնեուլի քաղաքում հանդիպել են Հրաչի ծանոթին՝ Օթարին, ով հայտնել է, որ նրա իմացած գործարանում միայն հակատանքային հրթիռներ են արտադրում, նույնիսկ հեռախոսի մեջ դրա լուսանկարն է ցույց տվել։ Պատասխանելով, որ դա իրենց ուզածը չէ, վերադարձել են Էջմիածին։
Հաջորդ անգամ ինքը, Հրաչն ու Սանասարը մեկնել են Թբիլիսի 2017թ. փետրվարի 16-ին, քանի որ Հրաչի ծանոթ, ազգությամբ եզդի Ռուստամն այնտեղ ցանկացել է էժան գներով ոչխարների խմբաքանակ գնել, մորթել և տեղափոխել Իրանի Իսլամական Հանրապետություն։ Հրաչն ու Ռուստամը մեկնել են Հրաչի որդու <<Միցուբիսի>> մակնիշի ավտոմեքենայով՝ Գոգավանի մաքսակետով, իսկ ինքն ու Սանասարը՝ վերջինիս <<Նիսսան>> ավտոմեքենայով Բագրատաշենի մաքսակետով։ Ինքը և Սանասարը որոշել են գնալ Թբիլիսի, հիմնականում, խաղատուն այցելելու նպատակով։ Մի քանի օր անց Սանասարն իր ավտոմեքենայով վերադարձել է Էջմիածին, իսկ ինքը մնացել է Հրաչի և Ռուստամի հետ։ Մնացել են <<Ռիչ>> հյուրանոցում, առավոտյան սպասասրահում իրեն մոտեցել են երկու տղամարդիկ և հայերեն հարցրել են, թե Հրաչն իր հե՞տ է, թե ոչ։ Ինքը զարմացել է, քանի որ արտաքինով անծանոթ են եղել և սկզբից նույնիսկ մտածել է, որ ազգությամբ թուրք են։ Այնուամենայնիվ գնացել և համարից կանչել է Հրաչին, ասելով, որ նրան հարցնողներ կան։ Երբ նստել են հյուրանոցի սրճարանում, տղամարդկանցից մեկն իրեն հարցրել է, թե նրան չի՞ հիշում, ինքը բացասական է պատասխանել։ Նա հիշեցրել է, որ Էջմիածնի նախկին քաղաքապետ Երվանդ Աղվանյանի որդին է՝ Ռոբերտը, դրանից հետո է միայն նրան մտաբերել։ Խոսակցության ընթացքում Ռոբերտն ասել է, որ բնակվում է Թբիլիսի քաղաքում, փոխանակվել է Ռուստամի հետ հեռախոսահամարներով։ Որոշ ժամանակ անց հրաժեշտ են տվել, որից հետո ինքը, Հրաչը և Ռուստամը գնացել են խաղատուն։ Ռուստամը ներս չի մտել, որոշ ժամանակ անց իրենց հայտնել է, որ զանգահարել է Ռոբերտը և խնդրել է գալ հանդիպման։ Երբ իրենք հարցրել են հանդիպման նպատակի մասին, Ռուստամն ասել է, որ, հավանաբար ոչխարների հարցով է զանգահարել։ Գնացել են Ռոբերտի նկարագրած հյուրանոցը` Թբիլիսի քաղաքի <<Սուրբ Գևորգ>> հայկական եկեղեցու մոտակայքում, ինքը և Ռուստամը բարձրացել են Ռոբերտի սենյակ, իսկ Հրաչը մնացել է ավտոմեքենայի մեջ։ Հյուրանոցի սրճարանում հանդիպել են Ռոբերտին և նրա կնոջը՝ սլավոնական արտաքինով, սուրճ են խմել, Ռոբերտն ու Ռուստամը մի պահ առանձնացել են, խոսալուց հետո հրաժեշտ են տվել և իրենք իջել են ներքև։ Նստելով ավտոմեքենան, մեկնել են Մառնեուլի՝ ոչխարների գործով։ Մառնեուլի քաղաքում Հրաչն իրեն առանձին ասել է, որ Ռոբերտն իրենց հետաքրքրող հրթիռի պահով ինչ-որ բան է ասել Ռուստամին, խորհուրդ է տվել մի պատրվակով, Ռուստամից թաքուն, մեկնել Թբիլիսի։ Ռուստամին խաբել է, թե իբր Թբիլիսի քաղաքում մոռացել է դեղ գնել, որից հետո մենակ՝ Հրաչի ավտոմեքենայով մեկնել է Թբիլիսի, մտել է հյուրանոց և հարցրել է Ռոբերտին։ Աշխատակցի հայտնած տվյալներով մտել է 101-րդ հյուրանոցային համարը, որտեղ հանդիպել է Ռոբերտին։ Նա մենակ է եղել, ինքը հարցրել է, թե Հրաչին ի՞նչ է ասել, նա պատասխանել է, որ կարող է օգնել <<Իգլա>> տեսակի հրթիռ ձեռք բերելու հարցում՝ 40.000 ԱՄՆ դոլարով, սակայն <<տակի մասը>> չկա։ Ռոբերտն ասել է, որ հրթիռը Վրաստանում է, 130 կիլոմետր հեռու, կարող են գնալ և այն տեսնել, թե կոնկրետ որտեղ՝ չի ասել։ Քանի որ հստակ պատասխան տալ չի կարողացել, հարցրել է, թե ե՞րբ է գալու Հայաստան, թողել է իր հեռախոսահամարը կապ պաշտպանելու համար։ Վերադարձել է Մառնեուլի, առանձին հայտնել է Հրաչին Ռոբերտի հետ խոսակցության մանրամասները։ Էջմիածին վերադառնալուց հետո ինքը հայտնել է Սանասարին, որ Վրաստանում կարելի է ձեռք բերել <<Իգլա>> տեսակի հրթիռ 40.000 ԱՄՆ դոլարով, սակայն դրա <<տակի մասը>> բացակայում է։ Նա ասել է, որ, հավանաբար, հրթիռը անպիտան է, հարցրել է, թե ի՞նչ են անելու առանց արձակման մեխանիզմի։ Ամեն դեպքում, խորհուրդ է տվել այդ հրթիռը լուսանկարահանել և լուսանկարն իրեն տրամադրել՝ հասկանալու համար, թե այն ի՞նչ է իրենից ներկայացնում։
Մի 3-4 օր անց Ռոբերտը զանգահարել է իրեն հայկական 094-437177 հեռախոսահամարից, պայմանավորվել են հանդիպել Էջմիածնի <<Բոյնի>> թաղամասում։ Հանդիպման ժամա-նակ ասել է, որ առանց <<տակի մասի>> հրթիռը պետք չէ, նա պատասխանել է, որ մի 20 օրվա ընթացքում այդ մասն էլ կճարի, դա խնդիր չէ, թեև մեջը, նրա ասելով, պարունակվել է մոտ 40 գրամ ոսկի։
Դրանից հետո Ռոբերտը մի քանի անգամ զանգահարել է իրեն նույն համարից, սակայն ինքը չի պատասխանել։
Դրանից հետո Ռոբերտին արդեն հանդիպել է մարտ ամսին` Էջմիածնի <<Տիգրան Մեծ, սրճարանում՝ Մաշտոցի փողոցում։ Սրճարանում հավաքված են եղել իր ծանոթները, Ռոբերտը եկել է Հրաչի հետ, ինքը նույնիսկ զարմացել է։ Որևիցե խոսակցություն հրթիռի մասին այդ ժամանակ չի եղել։
Ռոբերտին և Հրաչին <<Տիգրան Մեծ>> սրճարանում տեսնելուց հետո, մարտ ամսին Հրաչն իրեն զանգահարել է Վրաստանից, վրացական հեռախոսահամարով և հայտնել է, որ Ռոբերտի հետ է, Օթարին թողել է մի օֆիսի մոտ, որի տնօրենից պետք է հետաքրքրվեր Վրաստանում արտադրվող հրթիռների ձեռք բերման հնարավորությամբ։ Բացի դրանից, Հրաչը հայտնել, որ նույն հարցով դիմել է նաև Խվիչային և վերջինս խոստացել է տրամադրել <<Իգլա>> տեսակի հրթիռ՝ առանց <<տակի մասի>>, դրա համար Ռոբերտը գինն իջեցրել է մինչև 38,000։ Հրաչն ասել է, որ կարող է գնալ և լուսանկարահանել հրթիռը, խնդիրը միայն նրանում է, որ բերելու համար տրանսպորտային միջոց է պետք, հրթիռը տրամադրողը խոստացել է 1-2 օրվա ընթացքում այդ հարցը լուծել։ Դա իրեն հիմք է տվել մտածելու, որ Ռոբերտի նշած առանց <<տակի մասի>> հրթիռն ու Խվիչայի խոստացած հրթիռը փաստացի նույն հրթիռն է եղել։
Մի քանի օր անց Հրաչը վերադարձել է Վրաստանից, մի օր, երբ ինքն ու Սանասարը նստած են եղել Մաշտոցի փողոցի <<ՕՐՕ>> դաշինքի նախընտրական շտաբում, Հրաչը եկել է այնտեղ և իրենց հայտնել, որ կարող է գնալ և լուսանկարահանել հրթիռը։ Որպեսզի Սանասարը վստահ լինի, որ այդ լուսանկարը կեղծ չէ, նա վերջինիցս վերցրել է բանալիների <<բրելոկը>>, որ հրթիռի հետ լուսանկարի։ Դրանից հետո գնացել է, անջատելով հեռախոսը։ Հաջորդ օրն առավոտյան ինքն ու Սանասարը նստած են եղել սրճարանում, Հրաչը եկել և իր պլանշետի մեջ ցույց է տվել մթության մեջ կատարված հրթիռի անհաջող լուսանկար։ Սանասարն ասել է, որ նրան լուսանկարը պետք չէ, կարո՞ղ է այն անձամբ տեսնել, թեկուզ կարճ ժամանակով։ Հրաչը խոստացել է հետաքրքրվել։ Բաժանվելուց հետո Սանասարը զանգահարել և ասել է, որ հրթիռը բերել պետք չէ, ուղղակի պետք է այն լուսանկարահանել <<ՕՐՕ>> դաշինքի բացիկի հետ, համոզվելու համարի, որ լուսանկարը համացանցից չի ներբեռնվել։
Դրանից 2 օր անց՝ մարտի 17-ին Հրաչն իրեն ասել է, որ կարող են գնալ և հրթիռը լուսանկարահանել իրենց տանը։ Ինքը զարմացած հարցրել է, թե ինչու՞ է հրթիռը տուն բերել, նա պատասխանել է, որ դա արել է Սանասարի խնդրանքը կատարելու համար։ Հրթիռը դրված է եղել Հրաչի տան ավտոտնակում, ժամը 17-ի սահմաններում այն լուսանկարահանել են Հրաչի պլանշետով, զանգահարել և դրա մասին հայտնել են Սանասարին։ Նա խնդրել է սպասել, խոստանալով զանգահարել և ասել հետագա անելիքը, սակայն մինչև առավոտ այդպես էլ չի զանգահարել։ Հրաչը պետք է գնար Վրաստան, թե ինչու՝ չի ասել, պլանշետը թողել է իր մոտ։ Ուշ գիշերով Սանասարն իրեն զանգահարել և առաջարկել է հաջորդ օրը հանդիպել, զրուցել և միասին գնալ <<իրենց առաջինի>> մոտ։ Իր պատկերացմամբ, նա այդպես արտահայտվել է Սամվել Բաբայանի վերաբերյալ։ Սանասարն իրական պատվիրատուն չի եղել, գումար տվողը չի եղել, նրա մեջքին ինչ-որ մարդիկ են եղել, թե կոնկրետ ո՞վ՝ չի իմացել, այդ իրական պատվիրատուների հետ չի շփվել, խոսակցություն չի ունեցել։ Սանասարն այդ կապակցությամբ խոսակցություններում միշտ ասել է, որ պետք է համաձայնեցնի գումարն ինչ-որ մարդկանց հետ, լուսանկարը ցույց տա ինչ-որ մարդկանց, հետևաբար, իրական պատվիրատուն, իր հասկանալով, ինքը չի եղել։ Նրա ասելով, այդ հրթիռն անհրաժեշտ է եղել Ղարաբաղի համար, այլ մանրամասներ չի ճշտել։ Իր պատկերացմամբ, Սանասարն այդ հրթիռը որոնել է Սամվել Բաբայանին համար, իր այդ ենթադրությունը հիմնված է եղել նրանց մտերիմ կապերով, անձամբ Սամվել Բաբայանի հետ չի շփվել։ Հիմք է տվել դա ենթադրելու նաև այն հանգամանքը, որ երբ 2017թ. մարտի 17-ին Հրաչի հետ պլանշետով լուսանկարահանել են հրթիռը Հրաչի ավտոտնակում՝ Սանասարի կողմից պատվիրատուներին ցույց տալու և հավանություն ստանալու համար, ինքը լուսանկարով պլանշետը մարտի 18-ին փոխանցել է Սանասարին <<ՕՐՕ>> դաշինքի երևանյան գրասենյակի մոտ և նա իր կնոջ հետ մտել է ներս, իսկ երբ իր կինը մենակ դուրս է եկել, ապա ասել է, որ նախընտրական շտաբի համար այդպես էլ գումար չեն տվել՝ դրամարկղում գումարի բացակայության պատճառով, Սանասարը ներսն է մնացել, գրասենյակում գտնվել է նաև Սամվել Բաբայանը։ Ինքը շտաբ չի մտել, մնացել է ավտոմեքենայի մեջ։ Իր պատկերացմամբ, Սանասարը մտել է Սամվել Բաբայանի մոտ՝ գործարքի վերաբերյալ պատասխան ստանալու համար։ Երբ Հրաչյա Մայիլյանն այդ օրն իրեն զանգահարել է Վրաստանից նորություններ իմանալու, ինքը նրան ասել է, որ պլանշետը փոխանցել է Սանասարին և նա մտել է շտաբ, դեռևս չի դուրս եկել, ինչը, իր կարծիքով, նորմալ է, նորություններ առայժմ չկան։ Թե Հրաչյա Մայիլյանն իր խոսքերն ինչպես է հասկացել, մեկնաբանել չի կարող, սակայն, իր իմանալով, նա նույնպես իմացել է, որ հրթիռի իրական պատվիրատուն Սամվել Բաբայանն է եղել։
Ցերեկը Սանասարը զանգով իրեն հանդիպման է կանչել, Էջմիածնում հանդիպելուց տվել է պլանշետն ու ասել է, որ կոմպլեկտում պետք է երեք հատ հրթիռ լինի, ինքն էլ ջղայնանալով, ասել է, որ դա անլուրջ է, մեծ դժվարությամբ 1 հատն են ճարել, նրա ներկայությամբ ջնջել է հրթիռի լուսանկարները պլանշետից։ Սանասարը չի ասել, որ հրթիռն իրեն պետք չէ, ուղղակի ասել է, որ կոմպլեկտում պետք է 3 հատ լինի, իր կարծիքով, այդպես ցանկացել է սակարկել գինը։ Երբ Հրաչն իրեն զանգահարել է Վրաստանից կամ դեպի այնտեղ տանող ճանապարհից, ինքը հայտնել է այդ խոսակցության մասին, Հրաչը վրդովվել է, ասելով, որ նրան <<քաշել են,, որ այդ հրթիռի համար արդեն 4.000 ԱՄՆ դոլար տվել է, մնացածն էլ՝ 34.000 ԱՄՆ դոլարը սպասում են։ Նա շատ վրդովված է եղել։
Հրաչը Վրաստանից վերադարձել է մարտի 21-ի առավոտյան, նա շատ վրդովված է եղել, ասելով, որ տուժել է 4.000 ԱՄՆ դոլարի չափով։ Ինքը նրան հարցրել է, թե ի՞նչ է անելու, նա հստակ պատասխան չի տվել, ասելով, որ գնալու է Երևան, գալուց կխոսեն։ Հաջորդ օրն առավոտյան իրեն զանգահարել է Հրաչի որդին, խնդրել է հանդիպել, երբ հանդիպել են նրանց շենքի բակում, նա տեսել է բակ մտնող մի ավտոմեքենա և հայտնել է, որ դա ԱԱԾ աշխատակցին է պատկանում։ Ավտոմեքենան կանգ է առել իր կողքին, որից հետո իրեն ձերբակալել են։
Իրեն քննության ընթացքում ներկայացված հեռախոսազրույցների բոլոր գաղտնալսումներն իրոք իր հեռախոսազրույցներն են Հրաչյա Մայիլյանի և Սանասար Գաբրիելյանի հետ, 094-655885 հեռախոսահամարն իր կողմից է օգտագործվել, խոսակցությունների ժամանակ, զենքի մասին խոսելուց օգտագործել են <<մատոր>>, <<կոշիկներ>> խոսքերը, իսկ <<էվակուատոր>> ասելով` ի նկատի են ունեցել տրանսպորտային միջոցը, որով հրթիռը պետք է տեղափոխվեր Հայաստան։ Խոսակցությունների մեջ քողարկված զրուցել են <<Իգլա>> տեսակի հրթիռի ձեռք բերման վերաբերյալ և այդ գաղտնալսումները միայն ապացուցել են իր անկեղծությունը քննության ընթացքում>>։
Վերոնշյալ նախաքննական ցուցմունքների հրապարակումից հետո գործով ամբաստանյալ Ա.Պողոսյանը հայտարարել է, որ դրանք պնդում է, սակայն հրաժարվել է քննվող դեպքին Սամվել Բաբայանի առնչության վերաբերյալ տված ցուցմունքներից՝ նշելով, թե իբր դրանք իր անհիմն ենթադրությունների հետևանք են, որոնք դատաքննության ընթացքում հերքվեցին։ Նշել է, որ հրաժարվում է թե՛ Ս.Բաբայանի առնչության վերաբերյալ եզրահանգումից, թե՛ դրա հիմքում դրված փաստարկներից։
Սույն գործի մեղադրանքի հետ առնչվող, մեղադրյալի կարգավիճակով հարցաքննված Հրաչյա Մայիլյանի ցուցմունքներով, ով դատարանում օգտվել է լռելու իրավունքից, որի կապակցությամբ ՀՀ քրեական օրենսգրքի 337-րդ հոդվածի կարգով հրապարակվել են և հետազոտվել նրա նախաքննական ցուցմունքները։
Համաձայն այդ ցուցմունքների՝ <<2016թ. օգոստոս ամսվա վերջերին Էջմիածին քաղաքի բնակիչ Արմեն Պողոսյանը, ում կենցաղում Ժորիկ են անվանել, իմանալով Վրաստանում իր գործնական կապերի մասին, խոսակցության ընթացքում խնդրել է հետաքրքրվել այնտեղ <<Իգլա-3>> տեսակի զենք ձեռք բերելու հնարավորությամբ։ Չիմանալով <<Իգլա>> տեսակի զենքի նպատակային նշանակության մասին, այնուամենայնիվ խոստացել է հետաքրքրվել ու արդյունքների մասին տեղյակ պահել, որից հետո Ժորիկը թղթի վրա գրել է այդ զենքի անվանումը՝ հիշելու համար։ Այդ ժամանակ քննարկել են, թե ի՞նչ գումար պահանջել հրթիռի համար, իր հիշելով, ինքն է առաջարկել 50.000 ԱՄՆ դոլար գումարը։ Ինքը հետաքրքրվել է այդ զենքի ձեռք բերման նպատակով, Ժորիկը պատասխանել է, որ տանելու են Ղարաբաղ և հանձնելու են բանակին՝ պաշտոն ստանալու համար, թե ու՞մ էին պաշտոն տալու՝ չի ասել։ Ինքը մանրամասնություններով չի հետաքրքրվել, Ժորիկը միայն ասել է, որ դրա դիմաց խոշոր գումար են տալու։ Քանի որ անձնական գործերով Թբիլիսի հաճախակի է գնացել, խոսակցությունից մի քանի օր անց՝ սեպտեմբերի 1-ին գնացել է Թբիլիսի։ Ժորիկը ցանկություն է հայտնել ընկերոջ՝ <<Զվարթնոց>> գյուղի բնակիչ Սանասար Գաբրիելյանի՝ Սանոյի հետ իր մեքենայով գալ Թբիլիսի, ինչին ինքը համաձայնել է, քանի որ այդ պահին իր մոտ բավարար գումար չի եղել Թբիլիսիում ընթացիկ ծախսերի համար։ Իմանալով դրա մասին, Ժորիկն ասել է, որ նրա ընկեր Սանոն գումար ունի և կհոգա մնալու ծախսերը։ Երեքով մեկնել են Թբիլիսի, ընթրել ու քնել են։ Մեքենան կայանել է հյուրանոցի բակում, հաջորդ օրվա առավոտյան դրան բախվել է ինչ-որ մեքենա, այն ամբողջովին վնասվել է։ Քանի որ այն վարելն անհնար է եղել, զանգահարել է աղջկա ամուսնուն՝ Ալբերտ Միքայելյանին, ով անձնական մեքենայով եկել է Թբիլիսի և իրենց բերել է էջմիածին։ Էջմիածին վերադառնալուց հետո Ժորիկն ասել է, որ <<Իգլան>> իրականում պետք է եղել Սանոյին։ Մոտ 4-5 օր անց մեկնել է Թբիլիսի՝ վթարի գործով քննիչի կանչով ու գտնվելով Թբիլիսի քաղաքում, փորձել է հետաքրքրվել, թե Ժորիկի ասած զենքը որտեղից կարող է ձեռք բերել։ Այդ հարցով դիմել է ծանոթին՝ Վրաստանի քաղաքացի, Մառնեուլի քաղաքի բնակիչ Օթարի Խաչատուրյանին, սակայն վերջինս իրեն ասել է, որ Վրաստանում նման զենք չկա։ Վերադառնալով Էջմիածին, Ժորիկին ասել է, որ Վրաստանում նման զենք գտնելու հնարավորություն առայժմ չի ընձեռվել։ Դրանից հետո Ժորիկն իրեն մի քանի անգամ նորից դիմել է նույն թեմայով, ասելով, որ Սանասարը մինչև 50 հազար դոլար փող է տալու զենքի համար։ Դա ասել է, երբ Վրաստանում էին, Նոր տարվա նախաշեմին։ Գումարի մասին խոսակցությունն այդ ժամանակ է եղել, Սանասարի հետ այդ թեմայով առանձին չի խոսել, խոսակցությունը միշտ Ժորիկի հետ է եղել։ Վրաստանից կանչել է ընկերոջը՝ Սենակի քաղաքի բնակիչ Խվիչա Կոկայային, որը եկել է ավտոկայան, հացատանը նստել և խոսել են, ինքը՝ առանց Ժորիկի ու Սանոյի, Խվիչային թղթի վրա գրված զենքի անվանումն է փոխանցել և հարցրել է, թե կարող ե՞ն ճարել, Խվիչան խոստացել է հետաքրքրվել։ Ճաշելուց հետո, բաժանվելուց առաջ, Ժորիկին ասել է, որ Նոր տարվա նախաշեմին Խվիչայի ձեռքին փող չկա, առաջարկել է մի քիչ փող տալ, Սանոն Ժորիկի միջոցով Խվիչային փոխանցել է 300 դոլար, նշելով, որ դա Նոր տարվա նվերն է, տվել է ճանապարհածախսի համար, որ գնա և հետաքրքրվի։ Թբիլիսի քաղաքում՝ ավտոկայանի մոտ Սանասարը իրեն և Ժորիկին տվել է 1.000 ԱՄՆ դոլարը, որը կիսել են իրար մեջ, թե ումի՞ց է Սանասարը վերցրել այդ գումարը, չի իմացել։ Դրանից հետո վերադարձել են Հայաստան։
Որոշ ժամանակ անց Խվիչան իրեն հեռախոսազանգով հայտնել է, որ նման զենք ճարել անհնար է, ինքը հետաքրքրվել է այն Աբխազիայում գնելու հնարավորությամբ, նա էլ պատասխանել է, որ այնտեղ չեն կարող գնալ, խոստացել է ծանոթ լինելու դեպքում հետաքրքրվել։ Դրանից հետո Ժորիկը ու Սանասարը հասկացել են, որ հրթիռը Վրաստանում հնարավոր չէ ճարել, Ժորիկն առաջարկել է գնալ Ուկրաինա՝ նրա ծանոթների մոտ։ Գործից դուրս չմնալու համար ինքը որոշել է գնալ նրա հետ, ինքնաթիռով մեկնել են Ռոստով, այնտեղից մեքենայով գնացել են Ուկրաինայի Գորլովկա քաղաք, մի օր մնացել են այնտեղ։ Ժորիկի ծանոթներն ասել են, որ այնտեղ նման զենք ճարել անհնար է, որից հետո իրենք վերադարձել են Ռոստով, որտեղից տաքսիով՝ Հայաստան։
2017թ. փետրվարի 16-ին կամ 17-ին է նորից մեկնել է Վրաստան, ինքն ընկերոջ՝ Ռուստամի հետ է գնացել՝ անձնական գործերով, իսկ Ժորիկն առանձին է եկել Սանասարի հետ։ Հանգրվանելով ավտոկայանի դիմացը գտնվող հյուրանոցում, հաց են կերել ու քնել, որոշ ժամանակ անց Ժորիկն իրեն արթնացրել է, ասելով, որ Սանոն ցանկություն է հայտնել իրեն տեսնելու։ Ժամը 1-ի սահմաններում դուրս է եկել, տեսնելով, որ Սանոն չկա, Ժորիկի հետ գնացել են դիմացը գտնվող <<777>> խաղատուն, որտեղ Սանոն նստած խաղացել է։ Ինքն ու Ժորիկը նույնպես նստել են խաղալու, երբ իր փողը սպառվել է, վերադարձել են հյուրանոց, քնել են, իսկ Սանոն մնացել է խաղատանը։ Հաջորդ օրն էլ Սանոն մինչև լույս մնացել է այդտեղ։ Հաջորդ օրը նորից հանդիպել են, Սանոն հետաքրքրվել է նորություններից, ինքը պատասխանել է, որ Վրաստան եկել է իր գործերով, Սանոն հարցրել է, թե Ժորիկի ասած բանից ոչ մի նորություն չկա՞։ Ինքը պատասխանել է, որ այդ հարցով զբաղվել է, բայց դեռևս ապարդյուն։ Զրուցելուց հետո Սանասարը՝ Ժորիկից նեղված, մեքենայով գիշերը մենակ գնացել է Հայաստան, Ժորիկն առավոտյան եկել ու ասել է, որ Սանոն մեկնելուց ոչ հացի, ոչ էլ սիգարետի փող չի թողել։ Դրանից հետո հյուրանոցը փոխել են, խաղատան մոտից տեղափոխվել են այլ հյուրանոց։ Մի օր բաղնիքից դուրս գալուց Ռուստամն ու Ժորիկն իրեն ասել են, որ իրեն դրսում հարցնողներ կան։ Դուրս գալով, տեսել է ծանոթին՝ Հարութին ու մի տղամարդու։ Բարևելուց հետո այդ տղամարդը հիշեցրել է, որ 15-20 տարի առաջ են հանդիպել, իրենց տանը հաց են կիսել, դա Ռոբերտ Աղվանյանն է եղել՝ Էջմիածնի նախկին քաղաքապետ Երվանդ Աղվանյանի որդին։ Առաջարկել է հյուրանոցի առաջին հարկում թեյ կամ սուրճ խմել, Ռոբերտը զրույցի ընթացքում հետաքրքրվել է Վրաստան գալու նպատակով, պատասխանել է, որ եկել են գառ գտնելու։ Ռոբերտն ասել է, որ կինն այդտեղ դեսպանատանն է աշխատում, մի քիչ իր մասին է պատմել, հետո դուրս գալով, բաժանվել են։ Ռոբերտը հեռախոսահամարներով է փոխանակվել ընկերոջ՝ Ռուստամի հետ, իրենից հեռախոսահամար չի վերցրել, Ռուստամին ասել է, որ եթե հանկարծ եզդիները արտասահման մեկնելու ցանկություն ունենան` իր տուրիստական ընկերություն միջոցով ամեն հարց կարող են լուծել։ Հետո իրենք գնացել են ավտոկայանի խաղատուն, ինքն ու Ժորիկը մտել են սրահ, իսկ Ռուստամը մնացել է դրսում։ Որոշ ժամա-նակ անց Ռուստամը ներս է մտել և հայտնել, որ Ռոբերտն է զանգել ու կանչել հանդիպման, երբ ինքը հետաքրքրվել է դրա նպատակով, Ռուստամն ասել է, որ չգիտի, հնարավոր է՝ գառ-մառ է ճարել։ Զանգահարել են Ռոբերտին, ով բացատրելով իր հյուրանոցի գտնվելու վայրը` կանչել է հանդիպման։ Հասնելով այնտեղ, սկսել է կայանատեղի որոնել, Ռուստամն ու Ժորիկն իջել և գնացել են Ռոբերտին հանդիպելու։ Ինքը նույնիսկ չի հասցրել իջնել, նրանք վերադարձել են։ Ռուստամը հայտնել է, որ թեման դարձյալ վերաբերել է դեպի Եվրոպա ուղևորություններին, Ռոբերտն ասել է, որ լավ ընկերություններ կան, ինքը շատ բանով կարող է օգնել։ Դրանից հետո Ռուստամն իրեն առանձին ասել է, որ Ռոբերտն առաջարկել է զենք ծախել՝ <<ուսին դնելու>> զենքերից, նա էլ հրաժարվել է։ Ինչպես հետագայում է պարզվել, Ժորիկը խոսակցության այդ հատվածին չի մասնակցել, չի լսել։ Ռուստամը Ռոբերտին պատասխանել է, որ նրան դա հետաքրքիր չէ։ Հասնելով Մառնեուլի, Ժորիկին պատմել է Ռոբերտի և Ռուստամի այդ զրույցի մասին, պարզվել է, որ նա դա չի լսել։ Ժորիկին խորհուրդ տվել է գնալ ու հանդիպել Ռոբերտին, պարզել, թե կարո՞ղ է զենքի ձեռք բերման հարցում օգնել։ Որոշել են Ռուստամին չասել Ռոբերտի մոտ նոր հանդիպման գնալու մասին, խաբել, որ Ժորիկը մոռացել է Թբիլիսիում դեղ գնել՝ Երևան տանելու համար։ Այդ պատրվակով Ժորիկն իր ավտոմեքենայով վերադարձել է Թբիլիսի, իսկ ինքն ու Ռուստամը մնացել են Մառնեուլիում։ Վերադառնալուց հետո Ժորիկը պատմել է, որ հանդիպել ու խոսել են, Ռոբերտը խոստացել է զբաղվել այդ հարցով, որից հետո եկել են Հայաստան։
Ահագին ժամանակ անց Ժորիկն իրեն հայտնել է, որ Ռոբերտը Հայաստան է եկել ու հանդիպել են, Ռոբերտն ասել է, որ իրենց ուզած ապրանքը կա, Ժորիկն էլ տվել է <<այփադը>> լուսանկարելու ու ցույց տալու համար։ Ինքը մի քանի օրից Ժորիկից հետաքրքրվել է նորություններով, վերջինս պատասխանել է, որ հրթիռն իրականում գոյություն ունի, ըստ Ռոբերտի բերած լուսանկարների` ինչ-որ ավտոտնակում է, բայց դրանք անհաջող են ստացվել մթության պատճառով։ Քանի որ Ժորիկը մի քանի օր այդ մասին չի խոսացել, մտածելով, որ իրեն ուզում են շրջանցել այդ գործում, գնացել և հանդիպել է Ռոբերտին, ով սկզբից խուսափել է այդ թեմայի շուրջ զրուցելուց, չի ցանկացել պատմել, որ Ժորիկի համար հրթիռ է լուսանկարել։ Ինքը Ռոբերտին ասել է, որ այդ զենքն իրականում իրեն է պետք, Ռոբերտը զարմացած ասել է, որ Ժորիկի խոսքերից տանելու էին Ղարաբաղ և նվիրաբերելու էին բանակին։ Իր պնդումներից հետո Ռոբերտը խոստովանել է Ժորիկի հետ խոսակցության մասին, նշելով, որ զենքի վրա պակաս մասեր են եղել և ավելացնելով, որ դրանք կարելի է ճարել Վարդիկ անունով ազատամարտիկից։ Ռոբերտը հայտնել է, որ բացակայել են հրթիռի <<տակինը>> և մարտկոցը, բայց ինքը չի կարող Վարդիկին զանգահարել, քանի որ վերջինս նրան պարտք է և զանգելու դեպքում չի պատասխանի։ Ռոբերտի իմանալով՝ նա գտնվել է Եվրոպայում, ինքը Ժորիկից հարցրել է Վարդիկի մասին, վերջինս պատասխանել է, որ անունը լսել է, սակայն ծանոթ չի եղել։ Հարցրել են Սանոյին, պարզվել է, որ Վարդիկը նրա բարեկամն է՝ փեսայի եղբայրն է։ Մի երկու օրից Ժորիկն ասել է, որ Սանոն զանգահարել է Վարդիկին, ով Ռուսաստանում է եղել, Սանոյին հայտնել է, որ նման մասեր այժմ չունի։ Ինքը հայտնել է այդ մասին Ռոբերտին, ով կասկածի տակ է դրել Վարդիկի խոսքերը ու խնդրել է տալ վերջինիս հեռախոսահամարը՝ անձամբ զանգահարելու նպատակով։ Ինքը խոստացել է հեռախոսահամարն իմանալ, սակայն գործերի բերումով անհրաժեշտություն է առաջացել մեկնել Վրաստան։ Իմանալով այդ մասին, Ռոբերտը ցանկություն հայտնել է իր հետ գալու, մարտի 7-ին կամ 8-ին միասին են մեկնել, հասնելով Թբիլիսի, բաժանվել են, ինքը զբաղվել է անձնական գործերով, վերադառնալուց հանդիպել են, գնացել են ճաշելու։ Ռոբերտը առաջարկել է գնել հրթիռը <<կիսատ>> վիճակում, ինքը հետաքրքրվել է դրա առկայությամբ, Ռոբերտը դրական է պատասխանել։ Ինքը հրթիռը տեսնելու ու լուսանկարելու ցանկություն է հայտնել, Ռոբերտը պատասխանել է, որ խնդիր չկա, որպես հրթիռի արժեք նշել է 40.000 ԱՄՆ դոլար, սակայն պատրաստակամություն է հայտնել <<կիսատ>> վիճակում 38 հազարի դիմաց տրամադրել։ Ինքը պատասխանել է, որ հարցը գումարի մեջ չէ, հրթիռի անպիտան լինելու դեպքում կարող է չուզեն, այլ բան է, եթե կարողանան ճարել պակասող մասերը։ Ինքը զանգել է Ժորիկին, ով Սանոյի հետ նախընտրական շտաբում է եղել, հայտնել է, որ ապրանքը կա, իր կարծիքով Վրաստանում է, բայց բացակայող մասերը չեն ճարվում, հարցրել է, թե ինչ պատասխանել Ռոբերտին։ Հեռախոսազրույցից հետո գնացել է հարևանությամբ գտնվող հյուրանոցում հանգրվանած Ռոբերտի մոտ, վերջինիս հարցին, թե ի՞նչ են որոշել, պատասխանել է, որ պատվիրատուները <<կիսատ>> վիճակում ռազմամթերքը գնելուց կարծես հրաժարվել են։ Դրանից հետո վերադարձել են Հայաստան։
Հայաստանում Ռոբերտը հերթական հանդիպման ժամանակ հետաքրքրվել է, թե գնելու՞ են այդ հրթիռը, ինքն էլ վերջնական գինն է հարցրել։ Ռոբերտը որպես վերջնական գին նշել է 35.000 ԱՄՆ դոլար, ինքը դրա մասին հայտնել է Ժորիկին և խորհուրդ տվել է Սանոյին վերջնական որպես գին փոխանցել 40.000 ԱՄՆ դոլարը՝ յուրաքանչյուրի կողմից 2.500 ԱՄՆ դոլար վաստակելու նպատակով։ Թեև Ժորիկն նախկինում ասել էր, որ հրթիռի համար պատրաստ են վճարել 50.000 ԱՄՆ դոլար, ինքը, այնուամենայնիվ, խորհուրդ է տվել նշել 40.000 ԱՄՆ դոլար գինը, քանի որ ապրանքը <<կիսատ>> է եղել։ Ժորիկն ասել է, որ պակասող հատվածները պետք է նորմալ լուսանկարել՝ մասնագետին ցույց տալու համար։ Ինքը Ռոբերտին համոզել է հրթիռը <<պլանշետով>> նկարել, վերջինս ռազմամթերքի կոնկրետ գտնվելու վայրը չի հայտնել՝ նշելով միայն, որ այն հեռու չէ, մի 50 կմ ճանապարհ է պետք գնալ։ 2017թ. մարտի 15-ին՝ երեկոյան, Ռոբերտ Աղվանյանի հետ գնացել են <<Իգլա>> տեսակի հրթիռը լուսանկարահանելու, դրանից առաջ՝ ցերեկը Ռոբերտ Աղվանյանը խնդրել է իրեն ավտոմեքենայով տանել նրան Երևանի Հանրապետական հիվանդանոց՝ այնտեղ ինչ-որ մի աղջկա տեսնելու։ Մանրամասներով չի հետաքրքրվել, տարել է նրան այդ հիվանդանոց, որտեղ նա իջել և մոտ 1 ժամ բացակայել է։ Երբ դուրս է եկել, Ռոբերտը խնդրել է տանել Էջմիածին, նրան իջեցրել է <<Բոյնի>> թաղամասի մոտ և գնացել է տուն։ Երեկոյան զանգահարել է իրեն, պայմանավորվել են հանդիպել նույն վայրում և գնալ <<Իգլա>> տեսակի հրթիռը լուսանկարահանելու։ Իր ավտոմեքենայով, էջմիածնից դեպի Արմավիր տանող մայրուղով մի 3-4 կմ գնալուց հետո թեքվել են ձախ, բավականին երթևեկելուց հետո կանգնել են ու երկար սպասել։ Ինքն անհանգստություն է հայտնել, որ մթության պատճառով լուսանկարները նորմալ չեն լինի, Ռոբերտը խնդրել է համբերել, առանձնացել և հեռախոսով է խոսել, թե ում հետ՝ ինքը չի իմացել։ Ռոբերտ Աղվանյանը ճանապարհին հեռախոսով անընդհատ ինչ-որ մեկի հետ զրուցել է բջջային հեռախոսով, հայերեն լեզվով, իր հասկանալով, զրուցակիցը հեռախոսով ուղղորդել է իրենց ճանապարհը։ Մոտ 1 ժամ սպասելուց հետո, գնացել են Էջմիածնի շրջանի գյուղերից մեկը՝ իրեն դեղ, իսկ Ռոբերտին ծխախոտ գնելու։ Ռոբերտը կարծես ժամանակ է ձգել, ինքը դրանից նյարդայնացել ու ասել է, որ եթե գալու են, թող գան, եթե՝ ոչ, ապա առաջարկել է վերադառնալ։ Ռոբերտը նորից ինչ-որ մեկի հետ է հեռախոսով է զրուցել, որից հետո առաջարկել է շարժվել։ Արշալույս գյուղի ցուցանակից թեքվել են ավտոմեքենայով դեպի աջ և շարժվելով գյուղամիջյան ճանապարհով մոտ 600 մետր, հասել են մի գրատարի, ուր ճանապարհը ճյուղավորվել է դեպի աջ ու ձախ, կանգնել են ավտոմեքենաների կմախքների մոտ։ Ռոբերտն իջել է մեքենայից, քանի որ լրիվ մութ էր, ինքը դուրս չի եկել, 2-3 րոպե հետո Ռոբերտը վերադարձել և բերել է հրթիռը՝ ցելոֆանով և կպչուն ժապավենով փաթեթավորված վիճակում։ Մեքենայի դուռը բացելով՝ այն տեղադրել է սրահում և առաջարկել է բացել մեքենայի մեջ։ Ինքը սկզբից առարկել է մեքենայի մեջ բացելուն՝ պատճառաբանելով, որ ամեն ինչ կարող է պատահել։ Փորձել են փաթեթը բացել, սակայն այն կպչուն ժապավենով լավ կապված է եղել։ Ռոբերտն իրեն հարցրել է, թե դանակ ուն՞ի ավտոմեքենայի մեջ, ինքը բացասական է պատասխանել։ Լսելով դա, նա դուրս է եկել ավտոմեքենայից և նորից շարժվել է ճանապարհով դեպի աջ, մի քանի րոպեից վերադարձել է դանակը ձեռքին, որով բացել են փաթեթը։ Դանակն այդպես էլ մնացել է իր ավտոմեքենայում։ Քանի որ այդ պահին ինչ-որ գյուղացի է անցել՝ բահը ձեռքին, Ռոբերտի ցուցումով ավտոմեքենայով շարժվել են դեպի ձախ և անցնելով մոտ 200-300 մետր, կանգնել են մի ամայի տարածքում։ Հրթիռը հանել են ավտոմեքենայից և մթության մեջ լուսանկարահանել են իր պլանշետ-համակարգչով։ Մինչ այդ ինքը Սանոյից բանալիների կախազարդ էր վերցրել՝ լուսանկարելուց ապրանքի վրա դնելու համար՝ լուսանկարի հանդեպ վստահություն ներշնչելու նպատակով։ Բանալիների կախազարդը դնելով հրթիռի վրա, մթության մեջ լուսանկարել է, հետո նորից հրթիռը փաթաթել են ցելոֆանով, դրել են մեքենայի մեջ ու շարժվել։ Հասնելով ջրատարի մոտ նույն խաչմերուկին, Ռոբերտը հրթիռը հանել է սրահից, դուրս է եկել, մի քանի րոպե անց առանց դրա նստել է ավտոմեքենայի մեջ և գնացել են Էջմիածին։
Ինքը զանգել է Ժորիկին, կանչել է լուսանկարները նայելու, Ժորիկն ասել է, որ դրանք նորից չեն հաջողվել։ Մեկ օր անց Ժորիկն առաջարկել է հրթիռը նորից բերել ու լուսանկարել՝ նկարները մասնագետին ցույց տալու ու հասկանալու համար, թե ի՞նչն է պակաս և հնարավո՞ր է պակասորդը գտնել, թե ոչ։ Ինքը Ռոբերտին ասել է այդ մասին, վերջինս էլ պատասխանել է, որ առանց կանխավճարի ապրանքը չեն տա, թեկուզ նկարելու համար։ Ինքն ասել է, որ փող չունի, Ժորիկից հարցրել է, թե ինչքան է տևելու հրթիռը բերելն ու լուսանկարելը, նա ասել է՝ մի 2-3 ժամ։ Պայմանավորվել են բերելու համար, խոստացել է, որ իր մոտ հրթիռը չի մնալու։ Ռոբերտին համոզել է մի 3-4 ժամով հրթիռը բերել՝ խոստանալով տալ 5.000 դոլարի չափով <<բեհ>>՝ մինչև որոշում կայացնելը, իսկ հավանելու դեպքում տրամադրել ամբողջ գումարը։ Միաժամանակ նշել է, որ միանգամից ամբողջ փողը չեն կարող տալ, որովհետև ապրանքը տանելու են Վլադիկավկազ, գնորդի ձեռքին ընդամենը 5.000 ԱՄՆ դոլար է, իսկ մնացածը քարտի վրա է, պիտի գնա Վլադիկավկազ՝ այնտեղ փողը կանխիկացնելու համար։ Ասելով դա՝ Ռոբերտին խաբել է, որովհետև վերջինս դեմ է եղել հրթիռը Ղարաբաղ տանելուն՝ ասելով, որ այդ դեպքում բոլորն էլ բռնվելու են։ Ի վերջո` Ռոբերտին համոզել է այդ 5.000 ԱՄՆ դոլարի դիմաց ժամանակավոր հրթիռը վերցնել՝ գնոր-դին ցույց տալու համար, խոստացել է, որ հրաժարվելու դեպքում կտա 1.000 ԱՄՆ դոլար։ Ռոբերտը գնացել է հեռախոսով խորհրդակցելու, վերադառնալուց համաձայնել է։ 2017թ. մարտի 17-ին` ժամը 16-ի սահմաններում, առաջարկել է գնալ և բերել ապրանքը։ Նստել են իր ավտոմեքենան և գնացել են նույն գյուղը։ Ճանապարհին Ռոբերտին նույնպես ինչ-որ մեկը հեռախոսով ուղղորդել, հուշել է ճանապարհը։ Երբ հասել են Հայթաղ և Արշալույս գյուղի սահմանագծին, ինչ-որ մեկը՝ Արշալույս գյուղի ցուցանակին չհասած Ռոբերտին հեռախոսով ասել է, որ շարժվի դեպի ծուխը։ Ռոբերտը սկսել է փնտրել այն վայրը, որտեղից ծուխ է բարձրացել, խնդրել է իրեն օգնել։ Ի վերջո, Հայթաղ գյուղում կանգնելով մի կիսակառույց շենքի մոտ, Ռոբերտը իջել է, ուսումնասիրելով շրջակայքը, նորից զանգահարել է ինչ-որ մեկին, հետո խնդրել է իրեն իջնել ավտոմեքենայից։ Շենքի պարիսպի կողքով, արանքով մտել են կիսակառույց շենքի ներսը, ապրանքը վերցնելով, բերել ու տեղադրել են իր մեքենայի մեջ։ Այնուհետև եկել են Էջմիածին, իրենց տանը մարդ չի եղել, զանգել է Ժորիկին իմանալու, թե հրթիռն ու՞ր տանեն։ Մինչև Ժորիկի պատասխանը, Ռոբերտի հետ հրթիռը տեղավորել է իրենց բակում, Ռոբերտին առաջարկել է հեռանալ՝ հայտնելով, որ կանչելու է գնորդ օսեթին ապրանքը նայելու։ Դրանից հետո գնացել ու Ժորիկին հայտնել է, որ զենքն իրենց տանն է, առաջարկել է գալ և որոշել, թե ի՞նչ են անելու, ու՞ր են տանելու, ո՞ր մասնագետին են ցույց տալու։ Վերջինս պատասխանել է, որ ոչ մի մասնագետի ցույց տալ պետք չէ, առաջարկել է գնալ ու լուսանկարել՝ Սանոյին նկարը փոխանցելու համար։ Եկել են իրենց տուն, բակում լուսանկարել են հրթիռը, Ժորիկին ձեռքին <<ՕՐՕ>> դաշինքի բացիկ է եղել, դրել է հրթիռի վրա ու լուսանկարել։ Նկարելուց հետո Ժորիկից հետաքրքրվել է հետագա քայլերով, նա առաջարկել է համբերել՝ մինչև Սանոն տեսնի և լուսանկարը տանի մասնագետի մոտ։ Ապրանքը մնացել է իր ավտոտնակում, անցել է մի 2 ժամ։ Ռոբերտն անընդհատ զանգահարել և հարցրել է արդյունքների մասին։ Ընտանիքի անդամների վերադառնալուց առաջ, վախից հանել է հրթիռը տնից, պահել է մահացած հորեղբոր հարևանությամբ գտնվող տան ավտոտնակում է։ Ժորիկից հեռախոսազանգով հետաքրքրվել է, թե ի՞նչ են անելու, Ժորիկը զանգել է Սանոյին, առաջարկել է հանդիպել։ Ժորիկի հետ գնացել են <<Մուսալեռ>> ռեստորան, ուր տեսնելով Սանոյին, Ժորիկը հայտնել է ապրանքը բերելու և լուսանկարելու մասին։ Բայց <<այփադն>> այդ պահին արդեն Ժորիկի մոտ չի եղել, տանն է թողել։ Ինքը Սանոյին ասել է, որ հրթիռն իր տանը չի կարող պահել, նա պատասխանել է, որ տեղ չունի տանելու, առաջարկել է վերադարձնել, նշելով, որ հաջորդ օրը մասնագետը լուսանկարով կասի, հնարավո՞ր է արդյոք վերականգնել հրթիռը։ Ինքն ասել է, որ այդ մարդիկ մինչև որոշում կայացնելը փող են պահանջել՝ 5.000 ԱՄՆ դոլար։ Սանոն խնդրել է համբերել մի օր։ Ինքը ասել է, որ հրթիռի տերը չի կարող համբերել, պահանջել է 5.000 դոլարը, մտածելով, որ հյուրանոցում մարդ կա Օսեթիայից, որից ինքը պիտի 5.000 վերցնի։ Սանոն պատասխանել է, որ ոչնչով չի կարող օգնել, փող չի կարող տալ։ Ինքը բարկացած ասել է, որ իրեն փաստացի խաբել են և նեղացած դուրս է եկել, փորձել է ընկերներից փող ճարել՝ Ռոբերտի հարցերը կարգավորելու համար։ Ժորիկին հայտնել է Ռոբերտին տված խոստման մասին, որ նույնիսկ հրթիռը չվերցնելու դեպքում նրան 1.000 ԱՄՆ դոլար է տալու, Ժորիկն ասել է, որ դա երկուսով կվճարեն։ Ինքն արդեն Ռոբերտին ասել էր, որ հրթիռն օսեթներն են առնելու, հավանելու դեպքում փողը մինչև կիրակի բերելու են Կազբեկի ներքևը։ Փորձելով ժամանակ շահել` Ռոբերտին կանչել և ասել է, որ Վրաստան է գնալու որդու հետ, 5.000 դոլար է ճարել, դրանից 4.000-ը կարող է տալ նրան, իսկ 1.000 դոլարը պահել է իր մոտ։ Ռոբերտն ասել է, որ փողը պետք է տանի ինչ-որ մադկանց, ցանկություն հայտնել է իր հետ գալ Վրաստան։ Վերցնելով գումարը, գնացել է, իսկ վերադառնալուց ասել է, որ իր հետ Վրաստան գնալու ցանկության մասին, նշելով, որ վերջնական պատասխանն իմանալուց միանգամից կարող են գնալ փողը վերցնելու։ Մեկնել են Վրաստան, կիրակի օրը ավտոշուկայից որդու համար ավտոմեքենա է գնել և նա վերադարձել է Հայաստան, իսկ ինքը մնացել է Վրաստանում՝ Թբիլիսի քաղաքում։ Ռոբերտն անընդհատ հետաքրքրվել է վերջնական որոշմամբ, ինքն էլ անընդհատ զանգահարել է Ժորիկին, մի պահ կարողացել է միանալ, Ժորիկն հայտնել է, որ Սանոն Էլիզի՝ իր կնոջ հետ մտել է շտաբ և մնացել է այնտեղ, ոչինչ դեռևս չի որոշվել։ Թե ու՞մ պետք է շտաբում հրթիռի լուսանկարը ցույց տար, իրեն հայտնի չի եղել։ Դրանից հետո Ժորան հեռախոսներն անջատել է, մի շարք ապարդյուն զանգերից հետո ստիպված զանգել է Սանոյին, ասել է, որ իրեն արդեն <<խեղդում են>>։ Սանոն կիսավիրավորական հայտնել է, որ Ժորիկին արդեն ասել է, որ գործարքը ձախողվել է, կոմպլեկտը պետք է երեք հատ հրթիռից բաղկացած լինի, կիսատ ոչ մեկին պետք չէ։ Ինքը ջղայնացած ասել է, որ իրեն խաբել են, Հայաստան գալուց կպարզաբանեն այդ խնդիրը։ Նեղված Ռոբերտին ասել է, որ նորություններ չկան, իր կարծիքով, գործը չի լինելու, ինքը գնալու է Հայաստան, առաջարկել է միասին գնալ և իրենց տնից հրթիռը հանել։ Ռոբերտը հրաժարվել է գալուց, ասելով, որ գործեր ունի։ Ինքը վերադարձել է Հայաստան, հաջորդ օրը Ժորիկին կանչել և հարցրել է, թե ի՞նչ են <<սարքել>> իր գլխին։ Ժորիկը բերել է <<այփադը>> և ցույց տվել է, որ ջնջել է նկարները, հայտնել է, որ Սանոն հրթիռը վերցնելուց հրաժարվել է, քանի որ պակասող մասերը շատ են եղել։ Ժորան առաջարկել է Ռոբերտին կանչել և առաջարկել վերցնել հրթիռը և տանել։ Երբ Ռոբերտը զանգել է, նրան հայտնել է գործարքի ձախողման մասին, նա ջղայնացած ասել է, որ այդ պակասող մասերի համար արդեն փողեր է բաժանել։ Իր կարծիքով, դա հայտնել է իր տված 4.000 դոլարը չվերադարձնելու համար, քանի որ մինչ այդ ասել է, որ այդ գումարը թողել է Երևանում, առհասարակ գումար չունի։ Ինքը Ռոբերտին ասել է, որ 1000 դոլարը կարող է պահել, խնդրել է մնացածը բերել և ապրանքն էլ տանել։ Դրանից հետո, մի քանի ժամ չանցած, եկել են ազգային անվտանգության աշխատակիցները և իրեն բերման ենթարկել։
Ինքն ի սկզբանե իմացել է, որ Սանասարն իրական պատվիրատուն չի եղել, գումար տվողը չի եղել, նրա մեջքին ինչ-որ մարդիկ են եղել, թե կոնկրետ ո՞վ՝ չի իմացել, այդ իրական պատվիրատուների հետ չի շփվել, խոսակցություն չի ունեցել։ Սանասարն այդ կապակցությամբ խոսակցություններում միշտ ասել է, որ պետք է համաձայնեցնի գումարն ինչ-որ մարդկանց հետ, լուսանկարը ցույց տա ինչ-որ մարդկանց, մասնագետին՝ հավանություն ստանալու համար։ Նրա ասելով, այդ հրթիռն անհրաժեշտ է եղել Ղարաբաղի համար, այլ մանրամասներ չի ճշտել։
Իրեն քննության ընթացքում ներկայացված հեռախոսազրույցների բոլոր գաղտնալսումներն իրոք իր հեռախոսազրույցներն են, +00995579493300 և 093-180736 հեռախոսահամարն իր կողմից են օգտագործվել, խոսակցությունների ժամանակ, զենքի մասին խոսելուց օգտագործել են <<մատոր>>, <<կոշիկներ>> խոսքերը, իսկ <<էվակուատոր>> ասելով, ի նկատի են ունեցել տրանսպորտային միջոցը, որով հրթիռը պետք է տեղափոխվեր Հայաստան>>։
Վերոնշյալ ցուցմունքների հրապարակումից հետո մեղադրյալ Հր.Մայիլյանը հայտարարել է, որ դրանք պնդում է, իսկ մեղադրողի հարցադրումներին ի պատասխան՝ նշել է, որ վերոնշյալ ռազմամթերքը հայթայթելու առաջարկով իրեն դիմել էր Արմեն Պողոսյանը, ինքը հայթայթել է, այդ գործին ներգրավված են եղել նաև Սանասար Գաբրիելյանը, Ռոբերտ Աղվանյանը, իսկ թե վերջին անձը` մասնագետը, ով էր, ում պետք է ռազմամթերքը ցուցադրվեր, չգիտի։
Մեղադրողի այն հարցադրմանը, թե ինչու է Ս.Գաբրիելյանը հրաժարվել <<Իգլաի>> համար վճարելուց, մեղադրյալի կարգավիճակով հարցաքննվող Հրաչյա Մայիլյանը հայտնել է, որ Արմեն Պողոսյանը, նախապես խոսելով Սանասար Գաբրիելյանի հետ, իրեն փոխանցել է Գաբրիելյանի խոսքերն առ այն, որ <<Իգլան>> կիսատ է, հրթիռները պետք է երեքը լինեն, մեկ հրթիռով այդ ռազմամթերք նրան հարկավոր չէ, ինքն էլ իր հերթին զանգել և այդ մասին տեղեկացրել է Ռոբերտ Աղվանյանին։
Սամվել Բաբայանի հարցադրմանն ի պատասխան` Հրաչյա Մայիլյանը նշել է, որ իրեն բռնել են, դրա համար էլ <<Իգլան>> հանձնել է։ Վերոնշյալ հարցադրումներից հետո Հրաչյա Մայիլյանը հրաժարվել այլևս որևէ հարցի պատասխանելուց։
Ամբաստանյալ Սամվել Բաբայանի ցուցմունքների ստուգման, այլ ապացույցների հետ համադրման և գնահատման արդյունքներով արժևորված փաստական տվյալներով. Այսպես, ռազմամթերքի դրվագով առաջադրված մեղադրանքի շուրջ դատարանում հարցաքննվելիս իրեն մեղավոր չի ճանաչել, հայտնել է, որ հնգամյա բացակայությունից հետո Հայաստան է վերադարձել 2016թ. մայիսին և չէր կարող դեռևս այդ թվականի մարտ ամսից Սանասարին և այլոց դրդել ապօրինաբար ռազմամթերք ձեռք բերելուն, փոխադրելուն և պահելուն, այդ կապակցությամբ իրեն առաջադրված մեղադրանքն անհիմն է։
Հայտնել է, որ 2017թ. մարտի 17-ին իրեն է զանգահարել Սանասար Գաբրիելյանը և հայտնել, որ ինչ-որ բան ունի, որը ցանկանում է իրեն ցուցադրել։ Սանասարը չի կարողացել հեռախոսով հստակ բացատրել, թե դա ի՞նչ զենք է, ինքը հարցեր է տվել հասկանալու համար, սակայն ապարդյուն, որից հետո առաջարկել է <<չխկացնել>>, այսինքն՝ լուսանկարել և բերել լուսանկարը իր մոտ՝ տեսնելու համար։ Հաջորդ օրը` մարտի 18-ին՝ ժամը 12-ի սահմաններում Սանասարը եկել է իր մոտ՝ <<ՕՐՕ>> դաշինքի գրասենյակ, ցույց է տվել մի պլանշետ-համակարգիչ, որում առկա է եղել <<Իգլա>> տեսակի համակարգի լուսանկար՝ առանց կրակի արձակման մեխանիզմի։ Ինքը բացատրել է Սանասարին, թե դա ի՞նչ է իրենից ներկայացնում, որ դա ամբողջական չէ և այդ վիճակում նպատակային նշանակությամբ չի կարող օգտագործվել։ Դրանից հետո Սանասարն իրեն հարցրել է, թե արդյոք դա իրենց պետք գալու՞ է, թե` ոչ, ինքը պատասխանել է, որ միգուցե մի օր Արցախի պաշտպանության համար կարող է պետք գալ և օգտագործվել։ Նրան առաջարկել է դա տանել Արցախի Նարիշտար գյուղ և այնտեղ պահել։ Թե Սանասարը ինչպե՞ս է վարվել իր ասելուց հետո, տեղյակ չէ։ Ինքը Սանասարին ոչ թե հանձնարարել է, այլ խորհուրդ է տվել։ Թե ե՞րբ, ի՞նչ եղանակով, ու՞մ կողմից և որտեղի՞ց էր այդ ռազմամթերքը ձեռք բերվել, Սանասարին չի հարցրել, այդ <<Իգլան>> տեսել է միայն լուսանկարով։ Դրա ձեռքբերման հետ կապված ծախսերի և արժեքի վերաբերյալ տեղյակ չի եղել, դրա համար որևէ գումար չի տվել և չի էլ պատրաստվել տալ։
Հայտնել է, որ մտադրվել էր Սանասարի հետ Թիֆլիսից տախտակ բերելու գործ ունել, պլանշետ-համակարգչով նկարն իրեն ցույց տալու օրը՝ 2017թ. մարտի 18-ին՝ նա տախտակի գործի համար է կանխավճար խնդրել, գրասենյակի համար գումարներ էլ էին անհրաժեշտ, որ այդ աշխատանքները Սանասարը կազմակերպեր։ Սանասարը պլանշետով իրեն նկարներ է ցույց տվել, հարցրել, թե դա ինչ է, որին ի պատասխան, որպես մասնագետ, նրան պարզաբանել է, որ բացակայում է գլխավոր մասնիկը, որն աշխատեցնում է ամբողջ <<Իգլա>> ԶՀ համակարգը, նշել է, որ հրթիռները պետք է լինեին երեք հատ, բացակայում է նաև ատրճանակը, որի պայմաններում միայն այն կկազմեր մեկ կոմպլեքս։ Սանասարը հարցրել է, թե կարող է դա բանակին պետք գա, պատասխանել է, որ կարող է, սակայն նշել, որ այդ վիճակում չի կարելի պահել, կարելի է դնել մի արկղի մեջ, շորով փաթաթել, Սանասարին հայտնել է նաև այն պահելու վայրը՝ ԼՂՀ Նարիշտար գյուղը, տեղանք, որին Սանասարը ծանոթ էր դեռևս ծառայության ժամանակվանից, այնտեղ նաև բարեկամություն ուներ։ Սանասարին նաև զգուշացրել է, որ եթե դա նրա ձեռքին բռնեն, կարող են քրեական գործ հարուցել, խորհուրդ է տվել, որ նա այն նկարի, տա մի սպայի՝ <<թևավորի>>, որ վերջինս գա այն վերցնի և տանի։ Սանասարը լսել և հեռացել է։ Սանասարից չի հետաքրքրվել, թե որտեղից դա նրան, վերջինս իրեն ոչինչ չի հայտնել այն որպես նվեր բանակին նվիրաբերելու մտադրության մասին։ Դրանից հետո՝ արդեն քրեական գործի նյութերից է տեղեկացել, որ Սանասարը իր հետ հանդիպումից հետո զանգել և իրեն ցուցադրածը գնելուց հրաժարվելու մասին հայտնել է Արմեն Պողոսյանին՝ պատճառաբանելով, որ հրթիռները պետք է երեք հատ լինեն։ Իր հերթին Արմեն Պողոսյանը զանգել է մյուս անձին, փոխանցել Սանասարի դիրքորոշումը` վերոնշյալ առարկան գնելուց հրաժարվելու մասին։ Դրանից կարելի էր եզրակացնել, որ ինքը ոչ թե դրդել է <<Իգլան>> ձեռք բերելուն, այլ փաստացի կանխել է Սանասարի կողմից այն ձեռք բերելը։
2017թ. մարտի 19-ին Սանասարը, իր մոտ գրասենյակ գալով, գումար է խնդրել, նրան առաջարկել է այդ նպատակով հանդիպել Լուսինեին և վերցնել գումար։
2017թ. մարտի 22-ին Սանասարի ընկեր Աշոտը և Սուսաննայի հետ եկել են իր գրասենյակ, Աշոտը ներկայացել է որպես Սանասարի և՛ ընկեր, և՛ վարորդ, իրեն պատմել է Սևանում նրանց մեքենան կանգնեցնելու և ստուգելու մասին։ Նրան հարցրել է, թե ինչ են ստուգել, արդյոք մեքենայում բան չեն գտել, նրանց հետ ուրիշ մարդ եղել է, թե՝ ոչ, նրան լսելուց հետո Աշոտին նաև բացատրել է, որ երկու օր առաջ Սանասարն իր մոտ էր եկել մի պլանշետով, Աշոտից հետաքրքրվել է, թե նա արդյոք այդ պահին ևս Սանասարի հետ էր, թե`ոչ, այդ պլանշետի մասին գիտի, թե՝ ոչ, ապա առաջարկել է նրան շուտ գնալ և պլանշետում հիշեցված այդ նկարները ջնջել, որից հետո Աշոտը դուրս է եկել և հեռացել։
Մեղադրողի հարցին ի պատասխան՝ նշել է, որ Սանասարն իրեղեն ապացույց ճանաչված առարկան իրեն է ցուցադրել, քանի որ նախ՝ իրեն վստահել է` որպես մարտական ուղի անցած ընկերոջ, բացի այդ՝ ինքն եղել է ՊԲ հրամանատարը, եզակի մասնագետներից մեկն, ով <<Իգլա>> ԶՀՀ կոմպլեքսը, ոչ միայն տեսել, այլ անձամբ օգտագործել է, կարող է վստահաբար պնդել, որ դրա գործարանային արկղում տեղավորված այդ կոմպլեքսը բաղկացած է երեք հրթիռներից։
Նշել է նաև, որ Սանասարին տախտակի գործով ուղարկել էր Վրաստան, որ պայմանավորվեր այն ձեռք բերելու հարցով, նրան այդ նպատակով պետք է կանխավճար տար։ 45.000-ի խոսակցությունը վերաբերում է տախտակի գործի մասին, դրանից 10.000 ԱՄՆ դոլարի չափով կանխավճար պետք է տար, որ տախտակի գործը սկսվեր։ Ընդունեց, որ իր շահագործած բջջային հեռախոսահամարների բոլոր գաղտնալսումներում խոսում է ինքը, սակայն իր հեռախոսազրույցների բովանդակությունը մեղադրող կողմը սխալ է մեկնաբանել։
Ամբաստանյալ Սանասար Գաբրիելյանի ցուցմունքների ստուգման, այլ ապացույցների հետ համադրման և գնահատման արդյունքներով արժևորված փաստական տվյալներով. Այսպես, առաջադրված մեղադրանքի շուրջ դատարանում հարցաքննվելիս ամբաստանյալ Սանասար Գաբրիելյանն իրեն մեղավոր չի ճանաչել, հայտնել է, որ <<Իգլա>> տեսակի դյուրակիր զենքահրթիռային համակարգ ձեռք բերելու մտահղացումը իրենն էր, ցանկացել է այն ձեռք բերել բանակին նվիրելու նպատակով։ Այդ մտադրությունն իր մոտ առաջացել է 2016թ. մայիս-հունիս ամիսների ընթացքում։ Զենքը գտնելու հարցում օգնելու խնդրանքով դիմել է Արմեն Պողոսյանին՝ Ժորիկին։ Ապրիլյան պատերազմի ժամանակ, երբ գտնվում էր Սիբիրում, իրեն է զանգահարել գեներալ Գագիկ Մելքոնյանը, հայտնել, որ իր օգնության կարիքն ունեն։ Վերադարձել է իրենց գյուղ, հավաքել տղաներին՝ ԼՂՀ մեկնելու և դիրքերում հերթափոխն ընդունելու նպատակով։ Ամսի 24-ին իրենց տեղեկացրել են, որ այլևս իրենց աջակցության անհրաժեշտությունը չկա, մարտական դիրքերից իջել են, վերադարձել ՀՀ-ն։ Այդ ժամանակ Ժորիկը իրեն տեղեկացրել է, որ պարսիկներ են եկել ականազերծում կատարելու հարցով, խնդրել է իր աջակցությունը տվյալ գործողությունը իրականացնելու համար ԼՂՀ վարչապետից թույլտվություն ստանալու հարցում։ Զանգահարել և պայմանավորվել է վարչապետի հետ, այցելել են նրան, որտեղից դուրս գալով՝ անցել են իր գումարտակի մոտով։ Զրույցի ընթացքում Ժորիկին տեղեկացրել է, թե ժամանակին Բելառուսից ինչ քանակի զենքեր է տեղափոխել հայոց բանակի համար և հայտնել, որ եթե լավ վիճակում գտնվող զենք կամ զինամթերք լինի, իրեն տեղեկացնի, քանի որ տվյալ պահին ևս մտադրություն ունի գնել այն և նվիրաբերել իրենց բանակին։
2016թ. սեպտեմբերին Ժորիկը հայտնել է, որ Հրաչյա Մայիլյանը Վրաստանում զենքերի տեղ գիտի և վերջինիս ավտոմեքենայով ուղևորվել են Վրաստան։ Այնտեղ հասել են գիշերը, սակայն ինչ-որ մեկի առողջական վիճակի վատթարացման պատճառով զենք գնելը չի հաջողվել։ Դրանից հետո Հրաչյա Մայիլյանն իրեն հայտնել է, որ <<Իգլա>> տեսակի զենք են վաճառում և դեկտեմբերի 30-ին գնացել են այն գնելու։ Այդ ընթացքում Ժորիկի միջոցով, որպես պարտք, Հրաչյա Մայիլյանին տվել է 1.000 ԱՄՆ դոլար գումար՝ ամանորյա ծախսերի հետ կապված գնումներ կատարելու համար։
Արմեն Պողոսյանն իրեն հայտնել է, որ Հրաչյա Մայիլյանը 50.000 ԱՄՆ դոլարով վաճառվում է <<Իգլա>> տեսակի զենք, սակայն այդ կամ այլ զենք գնելու մտադրության մասին Սամվել Բաբայանին երբևէ չի հայտնել և զենք ձեռք բերելու պայմանավորվածություն նրա հետ չեն ունեցել։
2017թ. մարտի 12-ին Ա.Պողոսյանի հետ գտնվել են սրճարանում, երբ նրանց է միացել Հրաչյա Մայիլյանը և հայտնել, որ Վրաստանից զենք է բերել։ Արմեն Պողոսյանին առաջարկել է, որ այդ զենքը պլանշետով նկարվի և տրվի իրեն։ Այն հարցին, թե ինչու է լուսանկարների մեջ պատկերված խողովակի վրա դրված եղել <<ՕՐՕ>> դաշինքի լուսանկարը, պարզաբանեց, որ այդ լուսանկարը խողովակի վրա դնելու և լուսանկարելու գաղափարն իրենն էր, որով փորձել է հավաստիանալ, որ տվյալ զենքն իրականում առկա է։
Դրանից հետո, Սամվել Բաբայանի հետ նախապես համաձայնեցնելով այդ հարցը, պլանշետով վերոնշյալ <<Իգլա>> զենքի լուսանկարները ցուցադրել է նրան՝ ցանկանալով նրանից, որպես այդ հարցում մասնագետի, խորհուրդ ստանալ այդ զենքի աշխատունակության վերաբերյալ, ընդ որում՝ նման խնդրանքով դիմելն եղել է իր նախաձեռնությունը։ Ս.Բաբայանը, տեսնելով լուսանկարները, հայտնել է, որ դա զենք չէ, այլ <<լոմ>> է, այսինքն՝ օգտագործման համար ոչ պիտանի առարկա, պարզապես խողովակ է։ Բաբայանի հետ ունեցած այդ զրույցից ժամանակ վերջինս իրեն հայտնել է, որ նշված իրը դեն չնետի, այլ դնի արկղի մեջ և տա սպաներից որևէ մեկին՝ հետագայում ինչ-որ հարցում անհրաժեշտ լինելու պատճառաբանությամբ։ Այնուհետև, դուրս գալով Բաբայանի աշխատասենյակից և վերջինիցս տեղեկանալով, որ նշված ապրանքը, որպես զենք, չի կարող օգտագործվել, զանգահարել է Ժորիկին՝ հայտնելով, որ <<Իգլան>> պետք է բաղկացած լիներ երեք մասից։ Նշել է նաև, որ նախքան սույն քրեական գործ հարուցվելը չգիտեր, որ նշված զենքի մասերը գտնվում էին Հրաչյայի մոտ։
Այն հարցին, թե Սամվել Բաբայանի հետ գումար ստանալու կապակցությամբ հեռախոսային ինչ խոսակցություն է ունեցել, գործով ամբաստանյալ Ս.Գաբրիելյանը հայտնել է, որ Սիբիրում ուներ մեծ գործարաններ, իսկ Բաբայանը ունեցել է կազմակերպություն, Բաբայանին մատակարարել է տախտակ և այդ գումարային խոսակցությունը կապված էր նշված հանգամանքի հետ/թեև ամբաստանյալ Ս.Բաբայանը հիշատակում էր Ս.Գաբրիելյանի միջոցով Վրաստանից տախտակ ձեռք բերելու վերաբերյալ զրույց ունենալու մասին/։
Մինչդեռ, ՀՀ քրեական դատավարության օրենսգրքի 337-րդ հոդվածի կարգով հրապարկված և հետազոտված նախաքննական ցուցմունքների համաձայն՝ <<ՌԴ Կրասնոյարսկի մարզում զբաղվել է փայտամշակման գործով։ 2007 թվականից պարբերաբար մեկնել է Չունա և ամռան ամիսներին վերադարձել ՀՀ։ 1988 թվականից մինչև 2007 թվականը ծառայել է ՀՀ զինված ուժերում, զորացրվել է ՀՀ ՊՆ համակարգից փոխգնդապետի կոչումով և անցել թոշակի։ Մասնակցել է արցախյան պատերազմին, մարտական ընկերների թվում են եղել ինչպես ԼՂՀ և ՀՀ պաշտպանության նախկին նախարարները։ Երկար տարիներ օգտա-գործել է իր անվամբ գրանցված 098-504762 հեռախոսահամարը, այլ հեռախոսահամարներ չի օգտագործել։
2016թ. ապրիլյան պատերազմի ժամանակ անմիջապես վերադարձել է Հայաստան, մեկնել է ԼՂՀ՝ պաշտպանական մարտերին մասնակցելու և հանդիպել մարտական ընկերներին։ Եղել է դիրքերում, որից հետո ղեկավարության ցուցումով իջել է հենակետ։ Բանակին օգնելու համար որոշել է հայթայթել տարբեր տեսակի զենք և ռազմամթերք՝ ԼՂՀ տեղափոխելու համար։ Այդ հարցով դիմել է Արմեն Պողոսյանին, որին կենցաղում Ժորա են անվանել, ով պատրաստակամություն է հայտնել հնարավորության սահմաններում իրեն աջակցել։ Կոնկրետ զենքի կամ ռազմամթերքի անվանում չի տվել, սակայն առաջարկել է զբաղվել այդ հարցով։ Ռազմամթերքը ցանկացել է գնել իր անձնական միջոցներով, քանի որ ակնկալում էր ստանալ որոշակի ֆինանսական միջոցներ՝ գոյացած ՌԴ Մոսկվա քաղաքում իրեն պատկանող անասնապահական համալիրը վաճառելու արդյունքում։ Նշված գործընթացով զբաղվել են իր փաստաբանները, քանի որ վաճառքից ստացված գումարը, որը կազմել է մոտ 4.000.000 ԱՄՆ դոլար, այդպես էլ չի ստացել։ Ժորայի հետ ծանոթացել է մեկ տարի առաջ, նրա հետ պայմանավորվածություն է ունեցել ԼՂՀ-ում ականապատված տարածքները վնասազերծելու վերաբերյալ։ Ժորան ՀՀ հրավիրել է պարսիկ մասնագետների և ինքը վերջիններիս ուղեկցել է ԼՂՀ վարչապետի մոտ և ծանոթացրել նրանց։ Պարսիկ մասնագետները պատրաստակամություն են հայտնել մաքրել ականապատված տարածքները, որից հետո այնտեղ զբաղվել անասնապահությամբ, սակայն վերջնական որոշում չի կայացվել։
Դեռևս 2016թ. մայիսից մտադրվել է իր նյութական միջոցների հաշվին զենք և/կամ ռազմամթերք ձեռք բերել հայոց բանակին նվիրաբերելու համար, միգուցե այդ նպատակն իրագործելու համար ընտրել է սխալ ուղի և անլուրջ մարդկանց՝ Արմեն Պողոսյանին և Հրաչյա Մայիլյանին։ Ժորայի հետ ունեցած խոսակցությունների ժամանակ նրան ասել է, որ զենք և զինամթերք կարող են գտնել նաև Վրաստանում, վերջինս խոստացել է հետաքրքրվել և տեղեկացնել այդ մասին։ Ժորայի միջոցով սեպտեմբեր ամսին ծանոթացել է Վաղարշապատ քաղաքի բնակիչ Հրաչի /ըստ դատաքննության տվյալների՝ Հրաչյա Մայիլյանի/ հետ։ Հանդիպել են պատահական, Ժորան Հրաչին ներկայացրել է որպես ընկեր։ Խոսակցության ժամանակ Հրաչը հայտնել է Թբիլիսի մեկնելու մտադրության մասին և առաջարկել է միասին գնալ, որին համաձայնել են։ Թբիլիսի քաղաքում ինքն ու Ժորան առանձին են ժամանակ անցկացրել, իսկ Հրաչը զբաղվել է իր գործերով։ Դա եղել է 2016թ. սեպտեմբեր ամսին, որից հետո մի քանի անգամ Ժորայի և Հրաչի հետ միասին մեկնել են Թբիլիսի, որտեղ ինքն այցելել է խաղատուն, իսկ նրանք զբաղվել են անձնական գործերով։ Մի օր Ժորան իրեն տեղեկացրել է, որ Վրաստանի Ցխինվալի քաղաքում գտել է <<Իգլա>> տեսակի հրթիռ։ Ինքն ասել է, որ այդ հարցը պետք է համաձայնեցնի ՀՀ ՊՆ ղեկավարության հետ՝ այն մաքսային սահմանով տեղափոխելու համար, սակայն նշել է, ար կգնի այն կոմպլեկտի ամբողջական, այսինքն՝ 3 հատ հրթիռներից բաղկացած լինելու դեպքում։ Ժորան ասել է, որ լրացուցիչ կհայտնի այդ հանգամանքի մասին, իսկ ինքը տեղեկացրել է, որ պատրաստ է դրա համար վճարել 50.000 ԱՄՆ դոլար գումար՝ իմանալով հանդերձ, որ ամբողջական կոմպլեկտի արժեքը գերազանցում է 200.000 ԱՄՆ դոլարը։ Ժորային ասել է, որ իրեն հարկավոր է հրթիռի ամբողջական կոմպլեկտն իր արկղով, սակայն առաջարկել է դրանով չսահմանափակվել, քանի որ իրեն հետաքրքրել է նաև այլ զինամթերք։ Հայտնել է նաև, որ իր միջոցներով <<Իգլա>> տեսակի հրթիռ գնելու դեպքում այն նվիրելու է ՀՀ ՊՆ-ին՝ ղեկավարության թույլտվությամբ։ Դրանից հետո՝ 2017թ. մարտի 12-ին, Հրաչը, սրճարանում իրեն և Ժորային հանդիպելով, ասել է, որ կա <<Իգլա>> տեսակի հրթիռ՝ 50.000 ԱՄՆ դոլարով, ինքը պատասխանել է, որ անհրաժեշտ է այն տեսնել՝ պիտանելիության և ամբողջականության մեջ համոզվելու համար։ Որոշ ժամանակ անց, կոնկրետ օրը չի տպավորվել իր հիշողության մեջ, Ժորան իրեն բերել է պլանշետ և ցույց է տվել <<Իգլա>> տեսակի հրթիռի լուսանկարը։ <<ՕՐՕ>> դաշինքի նախընտրական բացիկն այդ նկարի մեջ դնելու առաջարկն իրենն էր, այդ կերպ փորձել է փորձել է հավաստիանալ, որ նկարն իսկական է և ոչ թե ներբեռնվել էր համացանցից։ Տեսնելով, որ ռազմամթերքն ամբողջական չէ, առանց արձակման մեխանիզմի է՝ Ժորային հայտնել է այդ մասին՝ նշելով, որ պատվիրել է 3 հատ հրթիռներից բաղկացած ամբողջական կոմպլեկտ և հրաժարվել է վճարել մեկ հրթիռի համար՝ պատճառաբանելով, որ դա չի կարող պիտանի լինել ՀՀ զինված ուժերին։ Սակայն վերջնականապես համոզվելու համար որոշել է լուսանկարը ցույց տալ իր մարտական ընկեր Սամվել Բաբայանին։ Ժորային հայտնել է, որ անհրաժեշտ է հրթիռի լուսանկարը, այն իրեն բերել են պլանշետով։ Հստակ օրը հիշողության մեջ չի տպավորվել, սակայն Ժորայի հետ գնացել են Սամվել Բաբայանի նախընտրական շտաբ, որը գտնվում էր Երևան քաղաքում, միայնակ հանդիպել է Սամվել Բաբայանին, ում, որպես մասնագետի, ցույց է տվել հրթիռի լուսանկարը։ Ժորային չի ասել, թե ու՞մ է լուսանկարը ցույց տալու։ Տեսնելով Արմեն Պողոսյանի կողմից բերած և իրեն հանձնած պլանշետային հեռախոսում <<Իգլա>> տեսակի զենիթահրթիռային համալիրի լուսանկարը՝ Բաբայանը բացատրել է դրա թերությունները, հայտնել է, որ այն պիտանի չէ և որևէ արժեք չի ներկայացնում, սակայն, այնուամենայնիվ, իրեն խորհուրդ է տվել տեղադրել այն արկղի մեջ, տանել և թաղել ԼՂՀ Նարիշտար գյուղում։ Դուրս գալով շտաբից՝ Ժորային ասել է, որ այդ հրթիռը իրեն այլևս չի հետաքրքրում և այդ հարցով իրեն այլևս չդիմի, այդ խոսքերը փոխանցի նաև Հրաչին։ Այդ ժամանակ Ժորան ասել է, որ Հրաչը ծախս է արել այդ հրթիռը գտնելուց և ինքը պետք է վճարի նրան 4.000 ԱՄՆ դոլար գումար, ինչին պատասխանել է, որ ապրանքն իր ուզածը չէ, դրա համար չի վճարելու։ Դրանից հետո Հրաչի հետ է հեռախոսազրույց ունեցել, որի ժամանակ վերջինս ասել է, որ գումար է ծախսել և պահանջել է 4.000 ԱՄՆ դոլարը, ինքը պատասխանել է, որ հրթիռը գնելու ցանկություն չունի, դա իրեն այլևս չի հետաքրքրում և նույնիսկ նրանց խորհուրդ է տվել դրանով չզբաղվել։ Անձամբ <<Իգլա>> տեսակի հրթիռը չի տեսել, սակայն Հրաչը տեղեկացրել է, որ այն Հայաստանում է և ցանկության դեպքում կարող է իրեն ցուցադրել։ Քանի որ լուսանկարով համոզվել է, որ այն ամբողջական չէ, ցանկություն չի ունեցել անձամբ տեսնելու։ Ինքը տեղյակ չէր, թե <<Իգլա>> տեսակի հրթիռը որտեղ է պահվել, իսկ ՀՀ զինված ուժերի համար հրթիռ ձեռք բերելու մտադրության մասին Սամվել Բաբայանին չի հայտնել, այն ցանկանում էր գնել իր ֆինանսական միջոցներով, հրթիռի համար Սամվել Բաբայանը չէր վճարելու, իսկ ներքին դիտման արդյունքներով իր և Ս.Բաբայանի միջև արձանագրված զրույցի ժամանակ նրանից գումար է խնդրել իրենց շտաբի աշխատանքները կազմակերպելու համար։ Միաժամանակ, Սամվել Բաբայանի խնդրանքը չմերժելու համար որոշել է ձևականորեն գնալ Նարիշտար գյուղ և այնտեղ լուսանկարվել` Բաբայանի համոզելու համար, որ նրա խնդրանքը կատարել է։ Դրա համար զանգահարել է ընկերոջը՝ Աշոտ Շուշանյանին և առաջարկել է Ղարաբաղ գնալ, նպատակը չի պարզաբանել, իսկ երբ 2017թ. մարտի 20-ին իր ավտոմեքենայով շարժվել են դեպի Ղարաբաղ՝ առանց այդ ռազմամթերքի, իրենց կանգնեցրել են ոստիկանության աշխատակիցները և ստուգել են ավտոմեքենան>>։
46. Վերաքննիչ դատարանում պաշտպանության կողմի միջնորդությամբ հարցաքննվեց մեկ այլ քրեական գործով մեղադրյալ Ռոբերտ Երվանդի Աղվանյանը, որը հրաժարվեց ցուցմունք տալուց, սակայն համաձայնեց պատասխանել հարցերին և հայտնեց, որ <<…դահլիճում նստածներից ճանաչում է միայն Պողոսյան Արմենին: <<Իգլա>> ձեռք բերելու հետ և այն հանձնելու հետ կապված հարցերը քննարկել է միայն Մայիլյան Հրաչի հետ, այդքանով է իր գործունեությունը ծավալվել: Զենիթահրթիռային համալիրը ձեռք բերելու հետ կապված հայտնել է, որ պատերազմի ժամանակ հայրը մեծ օգնություն է ցուցաբերել, այդ ժանակվանից մնացել է իր տանը` Էջմիածին քաղաքում:
Ինքը Հրաչ Մայիլյանին չի փնտրել, պատահական հանդիպել են, պատահական հանդիպելու ժամանակահատվածում հաց են կերել զրույց են արել, սա է եղել իրականությունը: Ինքը որևիցե մեկին չի փնտրել: Հանդիպման ժամանակ զենիթահրթիռային համալիրն առաջարկել է Ռուստամին: Մեկ շաբաթ հետո նորից այդ թեմային անդրադարձել են, հանդիպել և զրուցել են Հրաչ Մայիլյանի հետ: Զենիթահրթիռային համալիրը Վրաստանից Հայաստան չի բերվել: Դրանից հետո ինքը հանդիպել է Հրաչ Մայիլյանին և զենիթահրթիռային համալիրը տվել է նրան, թե դրանից հետո Հրաչ Մայիլյանն ինչ է արել` խնդրեց բոլոր հարցերն ուղղել իրեն: Դահիլիճում նստածներից ոչ Սամվել Բաբայանին է ճանաչում, ոչ էլ Սանասար Գաբրիելյանին, Արմեն Պողոսյանին էլ գիտի որպես էջմիածնեցի: Հայտնեց, որ Հրաչյա Մալիյանն իրեն տվել է 4.000 ԱՄՆ դոլլար: Ա.Պողոսյանի հետ եղել են ընկերներ և հանդիպել են Ռ.Սադոյանի հետ խոսելուց 2-3 օր հետո, որտեղ բոլորն էլ եղել են:
Ապրանքի արժեքի հետ կապված ամբաստանյալ Ս.Բաբայանի հարցին վերջինս պատասխանեց, որ արժեքը պայմանավորվել են 25.000 ԱՄՆ դոլարի չափով և մյուս հարցերը խնդրեց ճշտել Հրաչ Մայիլյանի հետ, իսկ այն հարցին թե այդ հրթիռը երբվանից է իր տանը գտնվում, պատասխանեց, որ մոտավորապես 2010 թվականից, որը հայտնաբերել է տունը վաճառելու ժամանակ:
Ամբաստանյալ Ս.Գաբրիելյանի այն հարցին, թե որևէ մեկի կողմից այդ զենքը գնելու վերաբերյալ առաջարկ եղել է կամ ինքն առաջարկել է այն, թե ոչ, և որտեղից են իմացել, որ նրա մոտ զենք կա և վաճառվում է, վկա Ռ.Աղվանյանը պատասխանեց, որ Ռուստամին է առաջարկել, որևէ մեկը իրեն չի խնդրել այն ճարել կամ բերել Վրաստանից, միայն հարցնելու ժամանակ հայտնել է, որ նման բան կա, մեկ հատն էլ քրեական գործի բացահայտումից հետո, իր մեղավորությունը հասկանալով` 2017 թվականին նվեր է տվել ՀՀ բանակին, որևիցե մեկի հետ որևէ հարց չունի և մնացած հարցերը խնդրեց ուղղել Հրաչ Մայիլյանին: Ամբաստանյալ Ս.Գաբրիելյանի այն հարցին, թե Հրաչ Մայիլյանը հայտնել է Ռ.Աղվանյանին, որ ինքը հրաժարվել է այն գնելուց, վկան պատասխանեց, որ Հրաչ Մայիլյանի հետ չի հասցրել խոսել, որովհետև ինքն այդ ժամանակ կալանավորված է եղել և որևիցե մեկի հետ շփում չի ունեցել: Մարտի 21-ին կամ 22-ին Հրաչ Մայիլյանը հեռախոսազրույցի ժամանակ հայտնել է, որ ուզում է գնալ Վրաստան և հայտնել է, որ զենքը չեն ուզում: Հրաչ Մայիլյանին ասել է, որ զենքը բերելու է Վրաստանից և բերել տվել է, որպեսզի գինը բարձր լինի և տեղյակ չէ ինչի համար են զենքն ուզել գնել իրենից, ուղղակի ասել են, որ պետք է Հայաստանից դուրս տանեն, այլապես ինքն այն չէր վաճառի: Հրաչյա Մայիլյանի հետ հրթիռը տեղափոխել են Արմավիրի մարզում գտնվող ինչ որ գյուղի տարածք, որի անունը չգիտի, այսինքն նրանց տուն` Հ.Մայիլյանի մեքենայով և բաժանվել են: Դա տեղի է ունեցել մոտավորապես 2017թ. մարտի 17-ին կամ 19-ին, կոնկրետ օրը չի հիշում և դրանից հետո գնացել է Վրաստան: Հրաչյա Մայիլյանը խոստացել է հետագայում այն վաճառելուց հետո մնացած գումարը տալ: Հրաչյա Մայիլյանն ասել է, որ տվյալ մարդիկ էլ այդ զենքն են ուզում, և այն հետագայում վաճառելուց հետո մնացած գումարը կտա, եթե չէ, զենքը հետ կվերադարձնի>>:
47. Ինչ վերաբերվում է ամբաստանյալ Ս.Բաբայանի պաշտպան Ա.Քալաշյանի վերաքննիչ բողոքի պնդմանը, թե <<…դատարանը, դատավճռում արձանագրելով, որ Ս.Բաբայանը Սանասար Գաբրիելյանին և Արմեն Պողոսյանին դրդել է ապօրինի կերպով ձեռք բերել ԶՀՀ, այդ կերպ խախտելով ՀՀ քրեական դատավարության օրենսգրքի 309-րդ հոդվածի պահանջը, դուրս է եկել առաջադրված մեղադրանքի սահմաններից, քանի որ Ս.Բաբայանին նման մեղադրանք առաջադրված չի եղել, որ նա դրդել է նաև Արմեն Պողոսյանին>>, ապա այն չի բխում կայացված դատական ակտի բովանդակությունից: Այսպես, դատավճռի <<Դատարանի եզրահանգումը>> բաժնում դատարանն արձանագրել է, որ <<…Սամվել Բաբայանը, նյութապես շահագրգռելու խոստում տալով, 2016 թվականի ամռանն իր վաղեմի ծանոթ և զինակից Վաղարշապատ քաղաքի բնակիչ Սանասար Գաբրիելյանին դրդել է համապատասխան կապեր ունեցող անձանց ներգրավելու միջոցով ապօրինի կերպով ձեռք բերել <<Իգլա>> տեսակի դյուրակիր զենիթահրթիռային համալիր՝ խոստանալով վճարել դրա դիմաց, ավելի ուշ համաձայնել դրա դիմաց պահանջված 50.000 ԱՄՆ դոլար գնի հետ>>: Ինչպես տեսնում ենք, դատարանը դատաքննության արդյունքներով չի եկել այն եզրահանգման, որ Ս.Բաբայանը Ա.Պողոսյանին անմիջականորեն դրդել է ապօրինի կերպով ձեռք բերել ԶՀՀ:
48. Քրեական գործով ձեռք բերված և առաջին ատյանի դատարանի դատաքննության ընթացքում հետազոտված ապացույցներից չեն բխում նաև պաշտպան Ա.Քալաշյանի վերաքննիչ բողոքի այն պնդումները, թե <<…Ս.Բաբայանին մեղսագրված արարքի նկարագրված հատկանիշների առկայությունը որևէ փաստական տվյալով հիմնավորված չէ>>, ինչպես նաև այն, որ <<…գործով ոչ մի տվյալ չկա այն մասին, որ Ս.Բաբայանը որպես դրդիչ, իսկ Ս.Գաբրիելյանը որպես կատարող փոխադարձաբար տեղեկացված են եղել իրենց գործողությունների մասին>>:
Մասնավորապես, Ս.Բաբայանին առաջադրված մեղադրանքը հաստատող մի շարք փաստական տվյալներ են պարունակում դատարանի թույլտվությամբ իրականացված օպերատիվ-հետախուզական միջոցառումների արդյունքները:
Այսպես, 2017թ. փետրվարի 22-ին` ժամը 11.26-ին Սանասար Գաբրիելյանի և Հրաչյա Մայիլյանի միջև կայացած զրույցի ժամանակ Ս.Գաբրիելյանը երկու անգամ նշում է, որ <<Իգլա>> դյուրակիր ԶՀՀ-ն ձեռք բերելու հարցով հանդիպման է գնում ինչ-որ մարդկանց, ովքեր նրան հարց են տալիս, սակայն չի կարողանում պատասխանել, նշում է նաև, որ Ժորայից /Արմեն Պողոսյանից/ տեղեկանալով դրա արժեքի` 50.000 հազարի մասին` <<մարդիկ>> համաձայնել են։ Նշվածից հետևում է, որ <<Իգլան>> ձեռք բերելու իրական նախաձեռնողը Սանասար Գաբրիելյանը չէ, այդ կապակցությամբ վերջինիս ցուցմունքներն անարժանահավատ են։
Ամբաստանյալ Սամվել Բաբայանի նկատմամբ իրականացված ներքին դիտման 2017թ. մարտի 18-ի արձանագրության /նաև ձայնագրառման/ համաձայն՝ պլանշետում առկա նկարները Սամվել Բաբայանի հետ ցուցադրելու և զուգահեռաբար նրա հետ ծավալված զրույցի ընթացքում Ս.Բաբայանը Ս.Գաբրիելյանին առաջարկում է պատվիրել արկղ, պլանշետ-համակարգչով նրան ցուցադրված առարկան թաղել հողի մեջ, որ չփչանա, ավելին` առաջարկում է այն տեղափոխել և պահել ԼՂՀ-ում` տալով Նարիշտար գյուղի անունը։ Ընդ որում, այդ առաջարկը Սանասար Գաբրիելյանին կատարվում է այն պարագայում, երբ վերջինս ըստ խոսակցության բովանդակության /նաև Ս.Գաբրիելյանի ցուցմունքների/, դեռևս չէր կողմնորոշվել <<Իգլա>> տեսակի դյուրակիր ԶՀՀ-ի դիմաց վճարելու հարցում։ Վերոնշյալից հետևում է, որ գործով ամբաստանյալներ Ս.Բաբայանի և Ս.Գաբրիելյանի պնդումն առ այն, որ վերոնշյալ ԶՀՀ-ն օգտագործման համար ոչ պիտանի էր, առնվազն անարժանահավատ է, քանի որ այդ պարագայում որևէ տրամաբանություն չկար այն փաթեթավորելու և հողի մեջ անվնաս վիճակում թաքցնելու հանձնարարություն կամ խորհուրդ տալու առումով։ Բացի այդ, ամբաստանյալ Ս.Բաբայանի կողմից <<Իգլա>> ԶՀՀ-ը որոշակի պայմաններում պահելու, դեռ ավելին` Նարիշտար գյուղ տեղափոխելու և հողի մեջ թաքցնելու վերաբերյալ Ս.Գաբրիելյանին առաջարկություն անելու կամ խորհուրդ տալու փաստն անուղղակիորեն, զրույցի ողջ բովանդակության համատեքստում` նաև ուղղակիորեն վկայում է դրա ձեռքբերման գործընթացին նաև նրա առնչության մասին։
Միայն <<Իգլա>> դյուրակիր ԶՀՀ-ի թեմայով Ս.Գաբրիելյանի և Ս.Բաբայանի միջև կայացած վերոնշյալ զրույցի ժամանակ և այդ զրույցի համատեքստում Ս.Բաբայանը Ս.Գաբրիելյանին տեղեկացնում է, որ Լուսինեն նրան գումար կտա ամսի 24-ին կամ 25-ին, սակայն Ս.Գաբրիելյանը, նշելով, որ մարդիկ եկել են, <<սաղ օրը ռազբորկա են անում>>, Ս.Բաբայանից խնդրում է գումարը տալ նույն օրը` նշելով, որ անձամբ նման հնարավորություն չունի։ Ի պատասխան` Ս.Բաբայանը շոշափում է 45.000 գումարի մասին խոսակցություն, պնդում, որ ամիս 24-ից շուտ Ս.Գաբրիելյանին գումար տալ չի կարող, ինչին վերջինս արձագանքում է՝ խնդրելով գումարը նրան փոխանցել Ս.Բաբայանի հիշատակած ժամկետից գոնե երեք օր շուտ, զրույցի ժամանակ նշում է նաև, որ <<վզին նստած են>>, անհրաժեշտ է շարժ անել, որ ինքը էթա ու գա, ընդ որում՝ այդ գնալն ու գալը համընկնում է Ս.Գաբրիելյանի կողմից իր ավտոմեքենայով ԼՂՀ Նարիշտար գյուղ ժամանակահատվածին։ Վերոնշյալից հետևում է, որ դյուրակիր ԶՀՀ-ի ձեռքբերման ֆինանսավորումն ի սկզբանե հանձն է առել Ս.Բաբայանը, հակառակը պնդող գործով ամբաստանյալներ Ս.Գաբրիելյանի և Ս.Բաբայանի ցուցմունքներն իրականությանը չեն համապատասխանում։ Ավելին, Ս.Գաբրիելյանի կողմից վերոնշյալ գումարը Վրաստանից տախտակ ձեռք բերելու համար Ս.Բաբայանից խնդրելու վերաբերյալ վերջինիս վարկածը չի հաստատվել ոչ միայն որևէ ՕՀ միջոցառումների` հեռախոսային զրույցի վերահսկման կամ ներքին դիտման արդյունքներով, այլև այն չի հաստատել նույնիսկ գործով ամբաստանյալ Ս.Գաբրիելյանը։
Ավելին, վերոնշյալ հանդիպմանը նախորդող օրը` 2017թ. մարտի 17-ի ժամը 17.29-ին, Սանասար Գաբրիելյանի և Սամվել Բաբայանի միջև կայացած խոսակցությունների վերահսկման արձանագրության համաձայն` Ս.Գաբրիելյանը զանգահարում և կես ժամով հանդիպում է խնդրում, Ս.Բաբայանին տեղեկացնում. <<Շատ երկար չենք կարա ընդե սպասենք>>, որին ի պատասխան Ս.Բաբայանը հայտնում է.<<Քեզ ինչ ասում եմ` էդ լսի, .... պետք չի սպասել ոչ մի բանի, կգաս վաղը իմ մոտ, կասեմ` ինչ անեք, հասկացա՞ր։ Կարաս չխկացնես, բերես հետդ ցույց տաս>>, որին Ս.Գաբրիելյանը համաձայնում է։ <<Կասեմ` ինչ անեք, հասկացա՞ր, պետք չի սպասել ոչ մի բանի>> արտահայտությունները ևս վկայում է այն մասին, որ ամբաստանյալ Ս.Բաբայանի գործողությունները չէին սահմանափակվում միայն Ս.Գաբրիելյանի խնդրանքով պլանշետ-համակարգչում առկա լուսանկարները տեսնելու և ռազմամթերքի՝ օգտագործման համար պիտանիության վերաբերյալ մասնագիտական կար-ծիք հայտնելու հանգամանքով։
2017թ. մարտի 19-ին` ժամը 05.05-ին Արմեն Պողոսյանի և Սանասար Գաբրիելյանի միջև կայացած հեռախոսային խոսակցությունների վերահսկման արձանագրության համաձայն՝ Գաբրիելյանը նախապես պայմանավորվում է Արմեն Պողոսյանի հետ առավոտյան հանդիպելու և զրուցելու՝ տեղեկացնելով, որ դրանից հետո է գնալու <<էն իրենց առաջինի,, ըստ դատաքննության արդյունքների` իր գրասենյակում գտնվող Սամվել Բաբայանի մոտ, որպիսի հանդիպումը նույն օրը՝ ավելի ուշ, կայանում է։
Ամբաստանյալ Սամվել Բաբայանի նկատմամբ իրականացված ներքին դիտման 2017թ. մարտի 19-ի արձանագրության /նաև ձայնագրառման/ համաձայն՝ Ս.Գաբրիելյանը պլանշետ-համակարգչով նկարները ցուցադրելու հաջորդ օրը Ս.Բաբայանի հետ նրա գրասենյակում կայացած զրույցի ընթացքում նրան հիշեցնում է խոստացված գումարի մասին, ինչին ի պատասխան՝ Ս.Բաբայանը տեղեկացնում է, որ նույն օրը` երեկոյան, Մոսկվայից մարդ է գալու և <<էդ կեղտը, բերելու>> երեկոյան կողմը կզանգի, որ Ս.Գաբրիելյանը գա և 10 մանեթը վերցնի, փոխանցի նրանց, որ հանգիստ վեր ընկնեն, պարտավորվում նույն անձանց համար նախատեսված գումարի մնացածը մասը Ս.Գաբրիելյանին փոխանցել ամսի 24-ին, նույն գրասենյակում։ Նույն զրույցի ընթացքում Ս.Գաբրիելյանը Ս.Բաբայանից գոնե 1.000-ի չափով գումար է խնդրում՝ նշելով, որ մեքենայով է, անհրաժեշտ է <<հասնել-տեղավորել և հետ գալ>>, սակայն լսելով Ս.Բաբայանի պատասխանը` <<կոպեկ չունեմ>>, համաձայնում և հեռանում է` պարտավորվելով վերադառնալ երեկոյան։ Ավելին, 2017թ. մարտի 20-ին իր ավտոմեքենայով Ս.Գաբրիելյանը ընկերոջ` Աշոտ Շուշանյանի ուղեկցությամբ ուղևորվում է ԼՂՀ, ճանապարհին՝ ՃՈ Սևանի հենակետի մոտ, նրա մեքենան կանգնեցնում և զննում են։
Սանասար Գաբրիելյանի և Արթուր Պետրոսյանի միջև 2017թ. մարտի 19-ին` ժամը 9:59-ին կայացած հեռախոսազրույցի վերահսկման արձանագրության համաձայն՝ Սանասար Գաբրիելյանը ԼՂՀ-ում գտնվող զրուցակցից ճշգրտում է Ս.Բաբայանի հայտնած Նարիշտար գյուղի տեղակայումը, այդտեղ բնակչության բացակայությունը և պարզելով, որ դա սար է, որտեղ անասուն են պահում՝ խնդրում է նրան այդ գյուղի անունը մտապահել` խոստանալով, որ առաջիկա երկու օրը գալու է Արթուր Պետրոսյանի մոտ։
Հրաչյա Մայիլյանի և Սանասար Գաբրիելյանի միջև 2017թ, մարտի 19-ին` ժամը 13։00-ին կայացած հեռախոսազրույցի վերահսկման արձանագրության համաձայն՝ Սանասար Գաբրիելյանը նրան տեղեկացնում է հետևյալը. <<Ախպեր, ասում ա՝ դրանից իրեք հատ պտի ըլնի, արա ախպեր, ասում եմ՝ մթամ մեկը ճարել ենք, հըմի էլ իրեք հատ պտի ըլնի, ասի տենց բան չի ըլնում, ցավդ տանեմ, իրեք հատը ո՞նց եմ ես ճարում, ..... ախպեր, մենք առավոտն ենք հա ու չէ-ն իմացել, ես ասել եմ Արմեն Պողոսյանին, բա դու իրա հետ չես խոսացե՞լ>>։
Սանասար Գաբրիելյանի և Արմեն Պողոսյանի միջև 2017թ, մարտի 20-ին` ժամը 11։55-ին կայացած հեռախոսազրույցի վերահսկման արձանագրության համաձայն՝ Սանասար Գաբրիելյանը, զրուցակցին պատմելով Հրաչյա Մայիլյանի հետ կայացած զրույցի մասին, հայտնում է հետևյալը. <<Խնդալու գործ, արա, ասում ա՝ ախպեր, բանը տեսել ես՝ պիտի տաս, արյուն թափեցի էդ գիշերով, 4.000 դոլար փող եմ դրել, էդ ինչի ասելու բան ա՞։ Ես իրան նույն հարցը տալիս եմ, ասում եմ՝ ապեր, բա որ մարդը չուզեց, ասում ա՝ էդ քո գործը չի, թող մնա իմ մոտ։ Թող մնար, մնար, բա էդ, որ մնա քո մոտ, մեզ ինչի՞ ես ասում դրա համար։ Կարող ա դու ուրիշ կլիենտ ունես, եսիմ ինչ ունես>>։
Հրաչյա Մայիլյանի և Ռոբերտ Աղվանյանի միջև 2017թ. մարտի 21-ին` ժամը 12։53-ին կայացած հեռախոսազրույցի վերահսկման արձանագրության համաձայն՝ Մայիլյանը հայտնում է հետևյալը. <<Ապեր, էդի ոբշըմ նենց բացատրական աշխատանք ա տարել, որ էդ մատորը էդ խփած ավտոյի վրա չի ըլնի դնել, կոմպլեկտավորել, ձև չկա, ասում ա>>, որին ի պատասխան Աղվանյանը հայտնում է. <<Ընգեր, զանգել եմ, մարդ կա, սկայպով հետը խոսացել եմ, որ քեզ ասում էի, որ կա, ասում ա՝ ապեր, մենք հանում ենք, տակինները սաղ դրանց վրա հագցնում ենք, էսքան բան, այսինքն, 100 տոկոս եմ ասում, էդ մարդը կոնկրետ էդ գործով ա, ասում ա մենք հանում ենք, փոխում ենք, դնում ենք վրեն>>։ Զրույցի գրեթե վերջում Հրաչյա Մայիլյանը Աղվանյանին առաջարկում է գալ Հայաստան, որ տեսնեն, թե ինչ են անելու։
Ամբաստանյալ Սամվել Բաբայանի նկատմամբ իրականացված ներքին դիտման 2017թ. մարտի 22-ի արձանագրության /նաև ձայնագրառման/ համաձայն՝ Ս.Բաբայանը մինչ այդ անծանոթ Աշոտ Շուշանյանի հետ կայացած զրույցի ժամանակ, նրանից պարզում է, որ նախորդ օրը` առավոտյան Աշոտը և Սանասար Գաբրիելյանը վերջինիս ավտոմեքենայով փորձել են մեկնել ԼՂՀ` Քելբաջարով, սակայն նրանց ՃՈ Սևանի պահակակետում ՃՈ աշխատակիցները կանգնեցրել են և Սանասարի մեքենան մի քանի անգամ <<քանդել են>>, որի հետո Ս.Բաբայանը, հավաստիանալով, որ Աշոտը Սանասարի 100 տարվա ընկերն է, հե-տաքրքրվում է նրանից, թե վերջինս արդյոք Ս.Գաբրիելյանի հետ Վրաստան չի գնացել, ինչ-որ բան այնտեղից չի բերել և բացասական պատասխան ստանալով՝ պահանջում է, որ համապատասխան տղաներին Աշոտը արագ <<ճարի>> և <<էդ բանից>> արագ ազատվեն, որին ի պատասխան Աշոտը համաձայնություն է տալիս և հեռանում։
Նույն արձանագրության /նաև ձայնագրառման/ համաձայն՝ Ս.Բաբայանը Աշոտի հետ զրույցի ավարտից մոտ 10 րոպե անց, նույն վայրում քննությամբ չպարզված անձի հետ զրույցի ընթացքում խոսելով ձերբակալված Սանասար Գաբրիելյանի մասին և խոսելով <<իր վրա երգելու>>, այսինքն` վերջինիս կողմից իր դեմ ցուցմունք տալու հավանականության մասին՝ հայտնում է, որ Ս.Գաբրիելյանը չի կարող դա անել, վերջինս հասկանում է, որ նրա վրա պետք է երգի, այսինքն՝ բացառապես ինքնախոստովանական ցուցմունք տա։ Նույն զրույցի ընթացքում Ս.Բաբայանը ընդունում է, որ հետաքրքրվել և պարզել է, որ նկարը ջնջվել է, տեղյակ է, որ էդ ապրանքը` <<Տրուբան>> բերել և տեղ են հասցրել, ավելին` հանձնարարել է գնալ և պարզել, թե նկարագրված այդ ապրանքը որտեղ է։ Աշոտ Շուշանյանի և ինքնությունը չպարզված անձի հետ միմյանց հաջորդած զրույցների և դրանց բովանդակության համադրման արդյունքներով փաստվում է, որ ամբաստանյալ Ս.Բաբայանի <<էդ բանից>> ազատվելու հանձնարարությունը վերաբերում է ոչ թե պլանշետ-համակարգչին, որում առկա լուսանկարները ջնջված լինելու մասին տեղեկություն Ս.Բաբայանը, ըստ քննությամբ չպարզված անձի հետ այդ պահին կայացած զրույցի բովանդակության, արդեն ուներ, այլ <<Իգլա>> տեսակի դյուրակիր ԶՀՀ-ից ազատվելու մասին, ավելին` տեղյակ էր նաև <<Իգլան>> Վրաստանից բերվելու և ՀՀ-ում գտնվելու մասին։
49. Անդրադառնալով պաշտպան Ա.Քալաշյանի` <<Ներքին դիտում>> և <<Հեռախոսային խոսակցությունների լսում և ձայնագրառում>> օպերատիվ-հետախուզական միջոցառումների արդյունքների` որպես ապացույց անթույլատրելիության և օգտագործման անհնարինության վերաբերյալ պնդումներին, ռազմամթերքը կամովին հանձնած և այդ հիմքով քրեական պատասխանատվությունից ազատված Հրաչյա Մայիլյանի նկատմամբ քրեական հետապնդում չիրականացնելու իրավաչափության վերաբերյալ վիճարկումներին` Վերաքննիչ դատարանն արձանագրում է, որ առաջին ատյանի դատարանը իրավացիորեն փաստել է, որ դրանց մի մասն անհիմն է, իսկ մյուս մասի քննարկումն ու լուծումը դուրս է գործն ըստ էության լուծող դատարանի լիազորությունների սահմաններից` նկատի ունենալով հետևյալը:
Գործի նյութերում առկա և դատաքննությամբ հետազոտվել են համապատասխան փաստաթղթեր, որոնք հաստատում են այն, որ վերոնշյալ ՕՀ միջոցառումներն իրականացվել են դատարանի թույլտվությամբ, ՀՀ քրեական օրենսգրքի 178-րդ հոդվածի 3-րդ մասի 1-ին կետով նախատեսված ծանր հանցանք կատարելու համար կասկածվող Հրաչյա Մայիլյանի նկատմամբ, հետևաբար` չպարզված աղբյուրից կամ դատավարական կարգի խախտմամբ վերոնշյալ ապացույցները ձեռք բերելու վերաբերյալ պաշտպանական կողմի պնդումները փաստական հիմք չունեն, վերացական դատողություններ են, տվյալ ՕՀ միջոցառումներ իրականացրած հետաքննության մարմնի ղեկավարի և համապատասխան աշխատակիցների գործողությունները պաշտպանական կողմը կարող էր այդ փաստաթղթերն իրենց հասու դառնալու պահից վիճարկվել դատախազական հսկողության, ապա մինչդատական վարույթի նկատմամբ դատական վերահսկողության շրջանակներում, իսկ նշված ՕՀ միջոցառումների իրականացումը թույլատրած դատարանի որոշումները` վերաքննության կարգով, քանի որ այդ ՕՀ միջոցառումների արդյունքներն անմիջականորեն վերաբերելի էին ինչպես Սամվել Բաբայանին, այնպես էլ սույն գործով մյուս ամբաստանյալներին /առնչվում էին նրանց շահերին/։
50. Ինչ վերաբերվում է Հ.Մայիլյանի նկատմամբ քրեական հետապնդում չիրականացնելու իրավաչափությանը, ապա նախաքննական մարմնի չվերացված որոշման առկայությունը` ռազմամթերքը կամովին հանձնած Հրաչյա Մայիլյանի նկատմամբ քրեական հետապնդում չիրականացնելու վերաբերյալ, ինչպես նաև ՀՀ քրեական դատավարության օրենսգրքի 309-րդ հոդվածի 1-ին մասով նախատեսված դրույթը սահմանափակում են գործն ըստ էության քննող դատարանի լիազորությունները` տվյալ որոշման իրավաչափությունը ստուգելու և պարզելու հարցում, հետևաբար` պաշտպանական կողմը, իրենց պաշտպանյալների իրավունքներին առնչվելու հանգամանքը բավարար հիմնավորելու պայմաններում, զրկված չէր նաև այդ որոշումը նրանց հասու դառնալու պահից սկսած դատախազական հսկո-ղության, ապա մինչդատական վարույթի նկատմամբ դատական վերահսկողության շրջանակներում վիճարկելու հնարավորությունից։
Այդ կապակցությամբ առաջին ատյանի դատարանը արձանագրել է միայն, որ <<Իգլա>> տեսակի ռազմամթերքն ենթադրաբար ոչ կամովին հանձնելու վերաբերյալ պաշտպանական կողմի վարկածը Հրաչյա Մայիլյանի` դատարանում հրապարակված և հետազոտված նախաքննական ցուցմունքներն անարժանահավատ և անթույլատրելի ճանաչելու բավարար և հիմնավոր փաստարկ չէ, քանի որ այդ վարկածը չի հաստատվել դատաքննությամբ հետազոտված թույլատրելի, վերաբերելի և հավաստի որևէ ապացույցով։ Ավելին, դատաքննությամբ, ի թիվս այլ ապացույցների, հետազոտվել են նաև Հրաչյա Մայիլյանին բերման ենթարկելու արձանագրությունը, համաձայն որի՝ վերջինս 2017թ. մարտի 21-ին ՀՀ ազգային անվտանգության ծառայության վարչական շենք է բերման ենթարկվել ոչ թե <<Իգլա>> տեսակի դյուրակիր ԶՀՀ ապօրինի շրջանառությամբ զբաղվելու, այլ ՀՀ քրեական օրենսգրքի 325-րդ հոդվածի 2-րդ մասով նախատեսված հանցանք կատարելու կասկածանքով և այդ կասկածանքի շուրջ հարցաքննվելիս է հայտնել կամովին ռազմամթերք հանձնելու իր մտադրության մասին, ի վերջո հանձնել այն։
51. Անդրադառնալով ամբաստանյալներ Ս.Գաբրիելյանի և Ա.Պողոսյանի նկատմամբ ՀՀ քրեական օրենսգրքի 36-րդ հոդվածի կիրառմամբ` որպես հանցագործության կատարումից կամովին հրաժարված անձանց արդարացման դատական ակտ կայացնելու վերաբերյալ վերաքննիչ բողոքների պատճառաբանություններին, Վերաքննիչ դատարանը հարկ է համարում ընդգծել հետևյալը:
Սույն գործի դատաքննության արդյունքներով դատարանը փաստել է, որ իրեղեն ապացույց ճանաչված ռազմամթերքը կամովին հանձնելու համար քրեական հետապնդումը դադարեցվել է բացառապես Հր.Մայիլյանի նկատմամբ, որի վերաբերյալ քրեական գործում առկա և դատաքննությամբ հետազոտվել են համապատասխան փաստաթղթեր /ռազմամթերքը կամովին հանձնելու արձանագրություն, Հր.Մայիլյանի՝ հրապարակված և հետազոտված նախաքննական ցուցմունքները, վերջինիս նկատմամբ քրեական հետապնդում չիրականացնելու մասին 2017թ. հունիսի 7-ի որոշումը/, որի պայմաններում դատարանն իրավասու չէ անդրադառնալ պաշտպանական կողմի վիճարկած՝ Հր.Մայիլյանի նկատմամբ քրեական հետապնդում չիրականացնելու որոշման իրավաչափությանը։ Այն գտնվում է սույն գործի դատական քննության սահմաններից դուրս, ավելին՝ իրավասու անձինք այն կարող էին վիճարկվել այլ, մինչդատական վարույթի նկատմամբ դատական վերահսկողության շրջանակներում։ Դատարանը արձանագրել է նաև, որ ռազմամթերքի կամովին հանձնումը տեղի է ունեցել խմբի կազմում գործած ամբաստանյալներ Սանասար Գաբրիելյանի, Արմեն Պողոսյանի և այլ անձի կամքից անկախ հանգամանքներով, առանց նրանց գիտության և համաձայնության, հետևաբար՝ ռազմամթերքի կամովին հանձնմամբ պայմանավորված իրավական հետևանքները վերջիններիս նկատմամբ կիրառելի չեն։
52. Դատարանն արձանագրել է նաև, որ ուղղակի դիտավորությամբ կատարվող հանցագործության հանցակազմի փուլերն են՝ հանցագործության նախապատրաստությունը, հանցափորձը և ավարտված հանցագործությունը։ Այն դեպքում, երբ հանցագործությունն ավարտվում է, հանցագործության նախապատրաստությունն ու հանցափորձի փուլերը կլանվում են վերջինիս կողմից և կորցնում են իրենց ինքնուրույն իրավաբանական նշանակությունը։
ՀՀ քրեական օրենսգրքի 34-րդ հոդվածի համաձայն` <<Հանցափորձ է համարվում ուղղակի դիտավորությամբ կատարված այն գործողությունը /անգործությունը/, որն անմիջականորեն ուղղված է հանցանք կատարելուն, եթե հանցագործությունն ավարտին չի հասցվել անձի կամքից անկախ հանգամանքներով>>։
ՀՀ քրեական օրենսգրքի 36-րդ հոդվածի համաձայն`
<<1. Հանցագործությունից կամովին հրաժարում է համարվում անձի կողմից հանցագործության նախապատրաստությունը կամ հանցափորձը կամ անմիջականորեն հանցանք կատարելուն ուղղված գործողությունը (անգործությունը) դադարեցնելը, եթե անձը գիտակցել է հանցագործությունն ավարտին հասցնելու հնարավորությունը:
2. Հանցագործությունն ավարտին հասցնելուց կամովին հրաժարված անձը ենթակա չէ քրեական պատասխանատվության, եթե նրա՝ փաստացի կատարած արարքն այլ հանցակազմ չի պարունակում:
3. Հանցագործության կազմակերպիչը, դրդիչը կամ օժանդակողը կամովին հրաժարվելու դեպքում ենթակա չէ քրեական պատասխանատվության, եթե նա, պետական մարմիններին հաղորդելով կամ ձեռնարկված այլ միջոցներով, կանխել է կատարողի կողմից հանցագործությունն ավարտին հասցնելը:
4. Եթե սույն հոդվածի երրորդ մասում նշված գործողությունները չեն հանգեցրել կատարողի հանցագործությունը կանխելուն, ապա ձեռնարկված միջոցները պատիժ նշանակելիս կարող են հաշվի առնվել որպես պատասխանատվությունը և պատիժը մեղմացնող հանգամանք>>։
ՀՀ քրեական օրենսգրքի 39-րդ հոդվածի համաձայն՝


<<1. Համակատարողները հանցագործության համար ենթակա են պատասխանատվության սույն օրենսգրքի Հատուկ մասի նույն հոդվածով:
2. Կազմակերպիչը, դրդիչը և օժանդակողը ենթակա են պատասխանատվության կատարված հանցանքը նախատեսող հոդվածով՝ հղում կատարելով սույն օրենսգրքի 38-րդ հոդվածին, բացառությամբ այն դեպքերի, երբ նրանք միաժամանակ եղել են հանցագործության համակատարողներ:
3. Սույն օրենսգրքի Հատուկ մասի հոդվածում նշված հանցագործության հատուկ սուբյեկտ չհամարվող անձը, ով մասնակցել է այդ հոդվածով նախատեսված հանցանքի կատարմանը, տվյալ հանցագործության համար կարող է պատասխանատվություն կրել միայն որպես կազմակերպիչ, դրդիչ կամ օժանդակող:
4. Կատարողի կողմից իրենից անկախ հանգամանքներով հանցագործությունն ավարտին չհասցնելու դեպքում մյուս հանցակիցները պատասխանատվություն են կրում հանցագործության նախապատրաստության կամ հանցափորձին հանցակցելու համար:
5. Եթե կազմակերպչի, դրդիչի կամ օժանդակողի գործողությունները չեն հաջողվում իրենցից անկախ հանգամանքներով, ապա այդ անձանց պատասխանատվությունը վրա է հասնում համապատասխան հանցագործության նախապատրաստության համար:
6. Հանցակիցները ենթակա են պատասխանատվության միայն հանցագործության այն ծանրացնող հանգամանքների համար, որոնք գիտակցվել են նրանց կողմից:
7. Հանցակիցներին պատասխանատվության ենթարկելիս հաշվի են առնվում հանցագործությանը նրանցից յուրաքանչյուրի մասնակցության բնույթը և աստիճանը>>։
Մեջբերված իրավական նորմերի մեկնաբանությունից ակնհայտ է, որ տվյալ իրադրությունում անձի կողմից հանցագործությունից կամովին հրաժարվելու կամ նրա կատարածը որպես հանցափորձ /դրդիչի դեպքում` նախապատրաստություն/ որակելու հարցը որոշվում է մեկ չափանիշով` արդյոք անձը գիտակցե՞լ է տվյալ իրադրությունում հանցանք ավարտին հասցնելու իր հնարավորությունը, թե` ոչ, այսինքն` էականն ու որոշիչն հանցանք կատարած անձի սուբյեկտիվ ընկալումն է. եթե անգամ օբյեկտիվորեն հնարավորություն չի եղել հանցագործությունն ավարտին հասցնել, սակայն անձը թյուրիմացաբար կարծել է, թե նման հնարավորություն ունի` դադարեցնելով հանցանքի կատարմանն ուղղված իր գործունեությունը, ապա հանցագործությունից կամովին հրաժարումն առկա է։
53. Ամբաստանյալներ Սանասար Գաբրիելյանին և Արմեն Պողոսյանին ՀՀ քրեական օրենսգրքի 235-րդ հոդվածի 2-րդ մասով մեղսագրվող հանցակազմը նյութական է, հանցանքն ավարտված է համարվում ռազմամթերքը ձեռք բերելու, պահելու և փոխադրելու արարքներից որևէ մեկը կատարելու պահից։
Ըստ ամբաստանյալներ Ս.Գաբրիելյանին և Ա.Պողոսյանին, նրանց հանցագործության դրդած Ս.Բաբայանին որպես մեղադրյալ ներգրավելու որոշումների՝ 50.000 ԱՄՆ դոլար ապօրինի կերպով <<Իգլա>> տեսակի դյուրակիր զենիթահրթիռային համալիր ձեռք բերելու վերաբերյալ տալով իր համաձայնությունը՝ Սանասար Գաբրիելյանը հանցավոր այդ մտադրությունն իրականացնելու համար դիմել է Վաղարշապատ քաղաքի բնակիչներ Արմեն Պողոսյանին և Հրաչյա Մայիլյանին, ով Վրաստանում գործնական կապեր է ունեցել՝ խոստանալով տրամադրել նախապես պայմանավորված գումարը։ Ձեռք բերված համաձայնության շրջանակներում հանցավոր մտադրությունն իրագործելու համար Սանասար Գաբրիելյանը, Արմեն Պողոսյանը և Հրաչյա Մայիլյանը 2016թ. սեպտեմբերի 1-ին մեկնել են Վրաստան, որտեղ, օգտագործելով Մայիլյանի ծանոթությունները և կապերը, փորձել են գտնել վերոնշյալ ռազմամթերքը, այնուհետև ինչպես միասին, այնպես էլ առանձին-առանձին, նույն նպատակով պարբերաբար մեկնել են Թբիլիսի, ինչպես նաև Ուկրաինայի Գորլովկա քաղաք։ Վրաստան հերթական այցելության ժամանակ՝ 2017թ. փետրվարի 22-ին, Արմեն Պողոսյանը և Հրաչյա Մայիլյանը նույն հարցով հանցավոր համաձայնություն են ձեռք բերել ՀՀ քաղաքացի, Վաղարշապատ քաղաքի բնակիչ, վերջին մի քանի տարիներին Վրաստանում բնակվող Ռոբերտ Աղվանյանի հետ, ով պատրաստակամություն է հայտնել 38.000 ԱՄՆ դոլար գումարով տրամադրել պահանջող դյուրակիր զենիթահրթիռային համալիրը, իսկ 2017թ. մարտի 15-ին արդեն ՀՀ Արմավիրի մարզի Հայթաղ գյուղում, Հրաչյա Մայիլյանին հնարավորություն է տվել վերջինիս <<Սամսունգ>> ապրանքանիշի պլանշետ-համակարգչի ֆոտոխցիկով նկարել այդ համալիրը՝ ձեռքբերման նախաձեռնող Սամվել Բաբայանին ցույց տալու համար, իսկ 2017թ. մարտի 17-ին Հր.Մայիլյանից 4.000 ԱՄՆ դոլար կանխավճար ստանալու դիմաց նույն գյուղում <<Իգլա>> տեսակի դյուրակիր զենիթահրթիռային համալիրի բաղկացուցիչ մաս կազմող, ռազմամթերք հանդիսացող արձակման խողովակը և 9Մ39 տեսակի 03277 համարի հրթիռը փոխանցել է Հր.Մայիլյանին՝ գումարի մնացած մասը պատվիրատուներից ստանալու պայմանով։ Իր հերթին, Հրաչյա Մայիլյանը նույն օրը ռազմամթերքը տեղափոխել և պահել ՀՀ Արմավիրի մարզի Վաղարշապատ քաղաքի Թամանյան փողոցի 24 հասցեում գտնվող ավտոտնակում, որտեղ Սանասար Գաբրիելյանի ցուցումով՝ Արմեն Պողոսյանի հետ նույն պլանշետ-համակարգչի ֆոտոխցիկով այն վերստին լուսանկարել են՝ լուսանկարները Սամվել Բաբայանին ցուցադրելու նպատակով։ Հաջորդ օրը՝ 2017թ. մարտի 18-ին, Սանասար Գաբրիելյանը Արմեն Պողոսյանից վերցրած պլանշետ-համակարգչում առկա լուսանկարները ցուցադրել է Սամվել Բաբայանին, ով հանձնարարել է սարքին պահելու և նպատակային նշանակությամբ օգտագործելու պիտանելիությունը պահպանելու համար այդ ռազմամթերքը տեղավորել արկղի մեջ, տեղափոխել ԼՂՀ Մարտակերտի շրջանի Նարիշտար գյուղ, պահել հողի մեջ՝ լուսանկարելով պահման վայրը։ Միաժամանակ, Սանասար Գաբրիելյանի խնդրանքին ի պատասխան՝ Սամվել Բաբայանը պարտավորվել է մի քանի օրվա ընթացքում նրան հանձնել խոստացված գումարը՝ վերոնշյալ ռազմամթերքի ձեռքբերմամբ և փոխադրմամբ զբաղված անձանց փոխանցելու համար։ Նույն խոստումը Սամվել Բաբայանը պնդել է Սանասար Գաբրիելյանի հետ նաև հաջորդ օրը՝ 2017թ. մարտի 19-ին կայացած հանդիպման ժամանակ, սակայն Հրաչյա Մայիլյանը 2017թ. մարտի 22-ին <<Իգլա>> տեսակի դյուրակիր զենիթահրթիռային համալիրի արձակման խողովակը և 9Մ39 տեսակի 03277 համարի հրթիռը կամովին հանձնել է ՀՀ ԱԱԾ աշխատակիցներին։ Տեղեկանալով հանցակցի՝ Սանասար Գաբրիելյանի ձերբակալման մասին՝ Սամվել Բաբայանը միջոցներ է ձեռնարկել Ս.Գաբրիելյանի հետ նախնական համաձայնության շրջանակներում վերոնշյալ ռազմամթերքը՝ <<Իգլա>> տեսակի դյուրակիր զենիթահրթիռային համալիրի արձակման խողովակը և 9Մ39 տեսակի 03277 համարի հրթիռը ձեռք բերած այլ անձանց գտնելու, այդ ռազմամթերքը թաքցնելու և պլանշետ-համակարգչով իրեն ցուցադրված լուսանկարները ջնջելու ուղղությամբ, սակայն Ս.Բաբայանը ևս ձերբակալվել է։
54. Առաջին ատյանի դատարանի դատաքննությամբ հաստատվել է, որ Սամվել Բաբայանի կողմից նյութապես շահագրգռվելու խոստում ստանալու պայմաններում Սանասար Գաբրիելյանն ապօրինի ռազմամթերք ձեռք բերելու, պահելու և փոխադրելու հարցով նախնական համաձայնություն է ձեռք բերել նախ՝ Արմեն Պողոսյանի, վերջինիս միջոցով՝ Հրաչյա Մայիլյանի, ապա՝ նաև Ռոբերտ Աղվանյանի հետ։ Ռոբերտ Աղվանյանը չպարզված աղբյուրից ենթադրաբար ձեռք է բերել և ՀՀ-ում պահել վերոնշյալ ռազմամթերքը և 4.000 ԱՄՆ դոլար կանխավճար ստանալով՝ այն, դարձյալ ՀՀ-ում, հանձնել է Հրաչյա Մայիլյանին։ Իր հերթին Հր.Մայիլյանը վերոնշյալ ռազմամթերքը, առանց վերոնշյալ խմբի մյուս անդամների՝ սույն գործով ամբաստանյալներ Արմեն Պողոսյանի և Սանասար Գաբրիելյանի գիտության և նախնական համաձայնության, կամովին հանձնել է ՀՀ ԱԱԾ աշխատակիցներին։
Վերոնշյալ իրավական վերլուծությունները սույն գործով հաստատված հանգամանքների վրա տարածելով՝ առաջին ատյանի դատարանը հիմնավորված կերպով եկել է այն հետևության, որ ամբաստանյալ Սանասար Գաբրիելյանը <<Իգլա>> տեսակի դյուրակիր ԶՀՀ-ի համար չվճարելու մասին իր մտադրությունը Արմեն Պողոսյանին և Հրաչյա Մայիլյանին հայտնել է այն ժամանակ, երբ նրա և Ա.Պողոսյանի հանցավոր գործողությունների արդյունքում խմբի ենթադրյալ մյուս երկու անդամները՝ Ռոբերտ Աղվանյանը և Հրաչյա Մայիլյանը ձեռք էին բերել, փոխադրել և ՀՀ-ում պահում էին վերոնշյալ ռազմամթերքը, այսինքն՝ խմբի ենթադրյալ մյուս անդամները Ս.Գաբրիելյանի և Ա.Պողոսյանի գիտությամբ և համաձայնությամբ, ռազմամթերք ձեռք բերելու նախնական հանցավոր դիտավորության շրջանակներում գործելով, ավարտել էին ապօրինաբար ռազմամթերք ձեռք բերելու, փոխադրելու և պահելու հետ կապված գործողությունները։ Այսպիսով, տվյալ կոմպլեկտավորմամբ <<Իգլա>> տեսակի դյուրակիր ԶՀՀ-ի ձեռքբերման համար վճարելուց հրաժարվելու պահին ՀՀ քրեական օրենսգրքի 235-րդ հոդվածի 2-րդ մասով նախատեսված հանցագործությունն արդեն իսկ ավարտված էր, այդ թվում՝ խմբի կազմում գործած ամբաստանյալներ Սանասար Գաբրիելյանի և Արմեն Պողոսյանի համար, որի պայմաններում նրանց փաստացի կատարած գործողությունները պարունակում են այդ հոդվածով նախատեսված ավարտված հանցագործության հատկանիշներ։ Ավելին, դատաքննությամբ հետազոտված ապացույցների համադրման և գնահատման արդյունքներով հաստատվել է, որ գործով ամբաստանյալ Ս.Գաբրիելյանը և Ա.Պողոսյանը <<Իգլա>> տեսակի ռազմամթերքի համար վճարելուց, այդ կերպ՝ ըստ պաշտպանական կողմի վարկածի՝ այն ձեռք բերելու հանցավոր մտադրությունից հրաժարվել են ոչ թե վերջնականապես, այլ միայն հետաձգել են դա, որի մասին են վկայում՝ իրեղեն ապացույց ճանաչված ռազմամթերքը ԼՂՀ Նարիշտար համայնքում թաքցնելու և անհրաժեշտ պայմաններում պահելու Ս.Բաբայանի և Ս.Գաբրիելյանի միջև կայացած զրույցը, միաժամանակ դրա բացակայող, սակայն բաղկացուցիչ մասերի որոնման ուղղությամբ քայլեր ձեռնարկելու մտադրության մասին խմբի անդամների` վերահսկված հեռախոսային զրույցները, ինչպես նաև մեկի փոխարեն երեք հրթիռներով կոմպլեկտավորված և այլ բաղկացուցիչ մասերով հագեցված <<Իգլա>> տեսակի դյուրակիր ԶՀՀ գնելու պատրաստակամության մասին Ա.Պողոսյանին, Հր.Մայիլյանին և Ռ.Աղվանյանին հայտնելու փաստը և այլն։

II. Ամբաստանյալ Ս.Բաբայանին ՀՀ քրեական օրենսգրքի 190-րդ հոդվածի 1-ին մասով արդարացնելու մասով.

55. ՀՀ քրեական օրենսգրքի 190-րդ հոդվածի 1-ին մասով քրեական պատասխանատվություն է նախատեսվում հանցավոր ճանապարհով ստացված գույքի փոխարկման /կոնվերտացման/ կամ փոխանցման համար /եթե հայտնի է, որ այդ գույքն ստացվել է հանցավոր գործունեության արդյունքում/, որը նպատակ է ունեցել թաքցնել կամ խեղաթյուրել այդ գույքի հանցավոր ծագումը կամ օժանդակել որևէ անձի, որպեսզի նա խուսափի իր կատարած հանցանքի համար պատասխանատվությունից, կամ գույքի իրական բնույթը, ծագման աղբյուրը, գտնվելու վայրը, տնօրինման եղանակը, տեղաշարժը, իրավունքները կամ պատկանելիությունը թաքցնելու կամ խեղաթյուրելու /եթե հայտնի է, որ այդ գույքն ստացվել է հանցավոր գործունեության արդյունքում/ կամ գույք ձեռք բերելու կամ տիրապետելու կամ օգտագործելու կամ տնօրինելու համար /եթե այդ գույքի ստացման պահին հայտնի էր, որ այն ստացվել է հանցավոր գործունեության արդյունքում/>>:
56. Ամբաստանյալ Ս.Բաբայանը առաջին ատյանի դատարանի դատաքննության ընթացքում ՀՀ քրեական օրենսգրքի 190-րդ հոդվածի 1-ին մասով առաջադրված մեղադրանքում իրեն մեղավոր չի ճանաչել, հակասելով մինչդատական վարույթի ընթացքում տված ցուցմունքին /հակասության մասով ցուցմունքը հրապարակվել և հետազոտվել է/ և պատճառաբանելով, թե <<…իբր պարտքի չափը հստակ չի հիշում, դատարանում հայտնել է, որ Մոսկվայում բնակվող ծանոթը՝ Վասիլին իրեն պարտք էր ոչ թե 17.000 ԱՄՆ դոլար, այլ 35.000 ԱՄՆ դոլար գումար, որը գլխավորապես վերադարձրել էր, այն էլ՝ նորմալ թղթադրամներով և իրեն պարտք մնացել 5.000 եվրոյի չափով։ Նա տեղեկացրել է, որ կարող է գումար փոխանցել, բայց այն ներկոտված է, ինքն առաջարկել է նմուշ ուղարկել՝ հասկանալու, թե ինչի մասին է խոսքը։ Վասիլին իրեն ուղարկել է 20 և 50 եվրո անվանական արժեքով 4 թղթադրամներ, որոնք ներկոտված են եղել կարմրավուն ներկով, պատկերացում չի ունեցել, թե դա ինչով էր պայմանավորված։ Իմանալով, որ նշված թղթադրամներն իրացնելու դեպքում բանկերը կարող են մինչև 20-ից 25 տոկոս պահել, ինչը բավականին մեծ գումար է կազմել, որոշել է փորձել` հնարավո՞ր է արդյոք այդ ներկից թղթադրամները մաքրել։ Թղթադրամները ներկից մաքրելու համար Կարեն Քոչարյանին խնդրել է գտնել որևէ մասնագետի, մի քանի օր անց Կարեն Քոչարյանը հայտնել է, որ իրենց գյուղում կա քիմիայի ոլորտի մասնագետ։ Դրանից հետո թղթադրամները տվել է Կարենին, որ փորձի դրանք ներկից մաքրել։ Այդ մասնագետի հետ ծանոթ չի եղել, վերջինիս հաջողվել է ներկից մաքրել թղթադրամներից մեկը և ինքը Կարենին խնդրել է այն տանել արտարժույթի փոխանակման կետ` ստուգելու թղթադրամի իսկությունը։ Ստուգելուց հետո Կարենը հայտնել է, որ այն իսկական է, իսկ թե որտե՞ղ է դա ստուգվել, չի հետաքրքրվել։ Կարենը թղթադրամը վերադարձրել է իրեն, իսկ թե ինքն այն ի՞նչ է արել, չի հիշում։ Համոզվելով թղթադրամի իսկության մեջ` կապվել է Վասիլիի հետ, որ նա ուղարկի իրեն պարտք եղած ողջ գումարը։ Իր խնդրանքով գումարը Վասիլիից վերցրել է իր ծանոթը՝ մոսկվայաբնակ, ծագումով Ղարաբաղից Մարատ Նալբանդյանը, ում առաջարկել է փողն ուղարկել Մոսկվա-Երևան երթուղային ավտոբուսով, սակայն, քանի որ Մարատը չի կարողացել ոմն Գարիկի միջոցով ուղարկել թղթադրամները, դրա համար էլ Կարեն Քոչարյանին խնդրել է Երևանից Մոսկվա գնացող ավտոբուսի ծանոթ վարորդ գտնել՝ գումարը Հայաստան տեղափոխելու համար։ Մի քանի օր անց Կարենն ասել է, որ իրենց հարևաններից ինչ-որ մեկը զբաղվել է ՌԴ-ից ուղևորների փոխադրմամբ։ Կարենը տվել է Մոսկվայում գտնվող այն մարդու հեռախոսահամարը, որը կարճ հաղորդագրությամբ ուղարկել է Մարատին և ասել, որ գումարն ուղարկի այդ անձի միջոցով։ Կարենի հարևանին, ինչպես նաև Մոսկվայում գտնվող վարորդին և նրա ղեկավարի հետ ծանոթ չի եղել, Կարենին զգուշացրել է, որ վարորդին տեղյակ պահեն, թե ինչ է փոխադրելու՝ հետագայում խնդիրներից խուսափելու համար։ Կարենին նախապես ասել է, որ այդ գումարը նույնպես ներկոտված է լինելու՝ ներկից մաքրելու համար նախկինում տված նմուշի պես, և այն իրեն ուղարկելու են որպես պարտքի մարում։ Երբ Կարենին ցույց է տվել այդ թղթադրամի նմուշը, վերջինս նույնպես չի հասկացել, թե դա ինչ ներկ է, պարզապես մտածել է, որ ինչ-որ բան է թափվել դրանց վրա, բայց կոնկրետ ինչ` չի իմացել և կասկած չի ունեցել, որ այդ մասին Վասիլիին հարցնի։ Միայն քրեական գործի շրջանակներում է տեղեկացել թղթադրամների վրա եղած ներկի նշանակության մասին, մինչ այդ դրա մասին պատկերացում չի ունեցել, նախապես իմանալու դեպքում, բնականաբար, կհրաժարվեր այդպիսի թղթադրամներ ընդունելուց և պարտքի գումարը նման թղթադրամներով ընդունելուց։ Չի իմացել նաև, թե Վասիլին որտեղից է ձեռք բերել այդ գումարը, իր համար էական էր ստանալ պարտքը։ Չի ցանկացել բանկերում կամ փոխանակման կետերում փոխարկման համար որևէ տոկոսագումար թողել, այդ պատճառով էլ փորձել է ներկը մաքրել։ Եթե պարզվեր դրա անհնարինությունը, ապա ստիպված՝ օգտագործելու նպատակով այն պետք է փոխանակեր բանկում կամ փոխանակման կետում, քանի որ դա ի վերջո իրեն պարտք եղած գումարն էր կամ էլ ընդհանրապես կհրաժարվեր այդ գումարը վերցնելուց։ Կարենի գտած մասնագետին հաջողվել է թղթադրամը մաքրել ներկից։ 2016թ. օգոստոսի 24-ին գաղտնալսված հեռախոսազրույցում հիշատակված 52 տոկոսը` 2.900 ԱՄՆ դոլարը չի վերաբերել 5.000 եվրոն ձեռք բերելուն, Տիգրանին ճանաչել է 1992 թվականից, մահապարտների ջոկատից, գործարք են արել և նախնական պայմանավորվածության համաձայն` գործարքից ստացված շահույթի 52 տոկոսը նրան էր տալու։ Այդքան գումարի չափով Տիգրանին պարտք է մնացել և Մարատին խնդրել է Տիգրանին փոխանցել, որ այդ գումարը տվել է որպես պարտքի մասնակի մարում, քանի որ Տիգրանին ավելի շատ գումար էր պարտք։ Խոսակցության մեջ հիշատակված 5.000 եվրոն վերաբերել է որպես Վասիլիի պարտքի մարում իրեն ուղարկվող գումարին, իսկ խոսակցության մնացած մասը` գործարք կատարելու, տոկոսների վերաբերյալ, վերաբերել է Տիգրանի հետ շինարարական ներկի հետ կապված բիզնեսին, որով զբաղվել են տևական ժամանակ։ Այդ բիզնեսով զբաղվելու արդյունքում ստացած շահույթից` 2016թ. մայիսից հետո թե փոխանցումներով, թե առձեռն ստացել է գումարներ և վճարումներ է կատարել բանկերում` մարելով իր պարտքերը։ Տիգրանի հետ կապը հիմնականում պահպանել է Մարատի միջոցով, օգտագործել է 007-9660181844 հեռախոսահամարը։ Հետագայում թղթադրամների այլ խմբաքանակներ Հայաստան բերելու նպատակ չի ունեցել։
Ընդունել է, որ իր շահագործած բջջային հեռախոսահամարների բոլոր գաղտնալսումներում խոսում է ինքը, սակայն իր հեռախոսազրույցների բովանդակությունը սխալ է մեկնաբանվել։
Հարցերին պատասխանելիս նշել է, որ ներկոտված թղթադրամների տեղափոխման և մաքրման հետ կախված իր խնդրանքները Կարեն Քոչարյանը կատարել է իր հետ մտերիմ լինելու պատճառով, ոչ թե նյութական օգուտ ստանալու ակնկալիքով>>։
57. Ամբաստանյալ Ս.Բաբայանին ՀՀ քրեական օրենսգրքի 190-րդ հոդվածի 1-ին մասով առաջադրված մեղադրանքը հաստատվում է քրեական գործով ձեռք բերված և դատաքննությամբ հետազոտված հետևյալ ապացույցներով:
Վկա Գոռ Շակոյանի դատաքննական և հրապարակված և հետազոտված նախաքննական ցուցմունքներով, համաձայն որոնց՝ <<վերջինիս հիմնադրած <<Գոռ Շակոյան>> Ա/Ձ-ն իրականացրել է Երևանից դեպի Մոսկվա քաղաք և հետադարձ ուղղություններով ուղևորափոխադրումներ և բեռնափոխադրումներ։ Դավիթ Հարությունյանի հետ ծանոթ է շուրջ 2 տարի, մտերիմ են։ 2016թ. սեպտեմբերի 16-ին Դավիթը զանգել և ասել է, որ ծանոթներից մեկի համար անհրաժեշտ է Մոսկվայից Հայաստան տեղափոխել 5.000 եվրո գումար, որին համաձայնել է։ Դավիթը զգուշացրել է, որ նշված գումարի վրա ինչ-որ <<լաքաներ>> կան, ինչին պատասխանել է, որ եթե փողը նորմալ է, այն կբերեն։ Դավիթը վստահեցրել է, որ դրանք նորմալ փողեր են, կեղծ չեն, իսկ թե ինչի հետևանքով են առաջացել այդ <<լաքաները>>, չի մանրամասնել։ Լսելով, որ դրանք կեղծ գումարներ չեն` մնացած հանգամանքներին այլևս ուշադրություն չի դարձրել։ Դավիթին է փոխանցել իրենց դիսպետչերներից Արայի` +79688588868 հեռախոսահամարը, որ ՌԴ-ում գտնվող Դավիթի ծանոթները կապվեն նրա հետ և հանձնեն գումարը՝ այն Հայաստան բերելու համար։ Դավիթին հայտնել է, որ մոտակա օրերին Հայաստան ավտոբուս է գալու և հասնելուց հետո ավտոբուսի վարորդից կվերցնի գումարը և կփոխանցի նրան։ Դավիթի ծանոթները նույն կամ հաջորդ օրը Արային են տվել նշված 5.000 եվրոն՝ փակված վիճակում։ Այդ ժամանակ էլ Արային հայտնել են դրանց վրա ինչ-որ <<լաքաների>> առկայության մասին` միաժամանակ նշելով, որ դա նորմալ փող է։ Արան նշված գումարը տվել է <<SETRA, ավտոբուսի վարորդ Արմենին՝ Հայաստան տեղափոխելու և իրեն հանձնելու համար։ 2016թ. սեպտեմբերի 20-ին ավտոբուսը հասել է Հայաստան, որից հետո ինքը վարորդ Արմենից վերցրել է փաթեթի մեջ առկա 5.000 եվրո գումարը, որն էլ այնուհետև փոխանցել է Դավիթին։ Փաթեթի պարունակությունը չի ուսումնասիրել, սակայն նույն օրը՝ որոշ ժամանակ անց, բերման է ենթարկվել ՀՀ ԱԱԾ>>։
Վկա Արմեն Հակոբյանի ցուցմունքներով, ով դատարանում հայտնել է, որ <<մոտ 2 տարի աշխատել է ուղևորափոխադրումներ իրականացնող ընկերությունում՝ որպես վարորդ, ընկերության ավտոբուսներով կատարել է ուղևորափոխադրումներ Երևան-Մոսկվա, Երևան-Ուֆա, Երևան-Ադլեր և հետադարձ ուղղություններով։ Հիմնականում շահագործել է ընկերությանը պատկանող <<Սետրա>> մակնիշի, 94 VQ 444 համարանիշի ավտոբուսը։ Ընկերությունն իր գործունեությունը ծավալել է Երևան քաղաքի Մարգարյան 23/6 հասցեում, երևանյան գրասենյակի դիսպետչեր հանդիսացել է Գոռ Շակոյանը, իսկ մոսկովյան գրասենյակինը՝ Արա Գրիգորյանը։ 2016թ. սեպտեմբերի 14-ին <<Սետրա>> մակնիշի, 94 VQQ 444 համարանիշի ավտոբուսով ուղևորներ են տեղափոխել Մոսկվա քաղաք, ավտոբուսը վարել են ինքն ու վարորդ Գենադի Զոհրաբյանը` ճանապարհին միմյանց փոխարինելով։ 2016թ. սեպտեմբերի 18-ին Մոսկվա քաղաքում դիսպետչեր Արան Հայաստան տեղափոխելու համար իրեն է փոխանցել սպիտակ ծրար` փաթեթավորված կպչուն ժապավենով, տեղեկացրել է, որ ծրարի մեջ ինչ-որ փաստաթղթեր են, մանրամասնություններ չի հայտնել, միայն նշել է, որ Երևանում իրենից այդ ծրարը կվերցնեն։ Այդ ծրարը դրել է բաճկոնի ծոցագրպանում և ուղևորվել Հայաստան։ Երևան հասնելուց հետո իրեն է մոտեցել դիսպետչեր Գոռը և հարցրել, թե որտեղ է Արայի տված ծրարը, որից հետո բաճկոնի գրպանից ծրարը հանել և փոխանցել է Գոռին։ Տեղեկություն չի ունեցել, թե ծրարում ինչ էր, ըստ Արայի խոսքերի` դրա մեջ ինչ-որ փաստաթղթեր էին, այն տեղափոխելու համար իրեն չեն վարձատրել>>։
Վկա Համիկ Իխտիարյանի ցուցմունքներով, ով դատարանում հայտնել է, իսկ հակասական նախաքննական ցուցմունքը հրապարակելուց հետո պնդել է, որ <<աշխատում է <<Փարվանա>> ՈՒՎԿ <<Արաքս>> մասնաճյուղում` որպես կառավարիչ։ Մանկուց ծանոթ է Դավիթ Հարությունյանին, վերջինս իր ընկերն է։ 2016թ. սեպտեմբերին, սովորականի պես, հանդիպել է Դավթին և որի ընթացքում վերջինս իրեն ցույց է տվել 20 եվրո արժեքով հնամաշ, գունավորված թղթադրամ` ասելով, որ այն տվել է նրա մտերիմներից մեկը։ Դավիթն այդ հարցով իրեն դիմել է` տեղյակ լինելով իր աշխատանքի բնույթից և մասնագիտական փորձի առկայությունից։ Ուսումնասիրելով Դավիթի ցուցադրած հնամաշ և գունավորված թղթադրամը` հայտնել է, որ իր կարծիքով այն կեղծ չէ, սակայն կոնկրետ իրենց վարկային կազմակերպությունում հնամաշ գումարներ չեն ընդունում, նման գումարներ վերցնում են բանկերը` թղթադրամի արժեքից պահելով որոշակի գումար՝ 2-ից 15 տոկոսի սահմաններում։ Դավթին ասել է, որ դրա համար չարժե դիմել նույնիսկ ծանոթների, քանի որ այն սահմանված կարգով կարող է բանկում փոխանակել։ Դավթին հայտնել է նաև, որ իրեն այդ թեման չի հետաքրքրում, խորհուրդ է տվել այդ թղթադրամը վերադարձնել ծանոթին, ով ցանկության դեպքում կարող է այն հանձնել բանկերում` նշելով, որ դրանից ինչ-որ օգուտ ստանալը դժվար կլինի։ Այդ խոսակցության ժամանակ նշված թղթադրամը վերադարձրել է Դավթին և այլ անձանց չի ցուցադրել։ Թե Դավիթը կոնկրետ ումի՞ց էր այդ թղթադրամը վերցրել, տեղյակ չէ։ Նշված թղթադրամը իրացնելու կամ բանկերում փոխանակելու վերաբերյալ որևէ պայմանավորվածություն Դավիթի հետ ձեռք չի բերել։
Դրանից հետո այդ թեմայի շուրջ Դավիթի հետ խոսակցություններ չեն եղել, շարունակել են սովորականի պես շփվել։ Որոշ ժամանակ անց իմացել է, որ այդ թղթադրամների առնչությամբ Դավթի նկատմամբ ԱԱԾ-ում գործ է քննվում, այլ մանրամասներին տեղեկացել է մամուլից։
Ընդունել է, որ 2016թ. սեպտեմբերի 20-ին` ժամը 17։50-ին իր 091-777660 հեռախոսահամարով զրուցել է Դավթի հետ, խոսակցությունը վերաբերել է 4.000-ից 5.000 եվրո ներկոտված թղթադրամներին։ Դավիթը ցանկացել է, որ ինքն ինչ-որ կերպ նրան օգնի, սակայն հրաժարվել է, քանի որ այդ թեման իրեն չէր հետաքրքրում, ուղղակի չի ցանկացել կոպիտ կերպով նրան մերժել, դրա համար էլ տվել է խուսափողական պատասխաններ>>։
Վկա Վրեժ Առաքելյանի ցուցմունքներով, ով դատարանում հայտնել է, որ <<Դավիթ Հարությունյանի հետ ծանոթացել է 2007 թվականին աշխատանքի բերումով, ընկերացել են։ 2016թ. սեպտեմբերին հանդիպել է Դավթին, ով խոսակցության ընթացքում ցույց է տվել մեկ հատ 20 եվրո արժեքով հնամաշ և թանաքոտված թղթադրամ։ Դավիթն ասել է, որ այն իսկական թղթադրամ է, կեղծ չէ և վերցրել է իր մտերիմներից մեկից։ Ընդհանուր խոսել են հնամաշ գումարները բանկեր հանձնելու և պահվող տոկոսի վերաբերյալ, ինքը հայտնել է, որ սովորաբար բանկերը հնամաշ գումար վերցնելուց պահում են միջինը 7-ից 8 տոկոսը։ Այդ խոսակցության ընթացքում Դավթին ասել է, որ խնդիր չկա, թղթադրամի տերը կարող է այն տանել բանկ և հանձնել, ինչին Դավիթը պատասխանել է, որ միգուցե այդ հնամաշ թղթադրամների հանձման դեպքում տոկոսների տարբերությունից հնարավոր լինի գումար վաստակել։ Դրանից հետո Դավիթը վերցրել է թղթադրամը, որը հետագայում այլևս չի տեսել։ Խոստացել է հետաքրքրվել փոխանակման տարբերակների վերաբերյալ, սակայն այդպես էլ ոչ ոքի չի դիմել` զբաղված լինելու պատճառով։ Տեղեկացել է, որ Դավիթը նշված թղթադրամի մասին հայտնել է նաև ընդհանուր ընկեր Էդմոնին, քանի որ վերջինս իրենից հետաքրքրվել է, թե ի՞նչ թղթադրամի մասին է խոսքը, արդյոք հնարավո՞ր է այն կեղծ լինի, ինչին պատասխանել է, որ նման կարծիքի չէ։ Դավիթի հետ ներկոտված թղթադրամներ գնելու, իրացնելու կամ բանկերում փոխանակելու վերաբերյալ որևէ պայմանավորվածություն չի ունեցել։ Դրանից մի քանի օր հետո արդեն հարազատներից իմացել է, որ Դավթի նկատմամբ թղթադրամների հետ կապված գործ է քննվում ԱԱԾ-ում։
Ընդունել է, որ 2016թ. սեպտեմբերի 20-ին` ժամը 17։45-ին իր հեռախոսահամարով զրուցել է Դավթի հետ, խոսակցության ընթացքում Դավիթն ասել է, որ 5.000 եվրո ներկոտված թղթադրամներ է բերելու Հայաստան և այդ կապակցությամբ ցանկություն է հայտնել զանգել Էդոյին, որին ճանաչում էր իր միջոցով։ Մինչ այդ Հայաստան 5.000 եվրո տեղափոխելու մասին իրեն չէր հայտնել>>։
Որպես ապացույց ճանաչված և գործին կցված փաստաթղթերի` Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի որոշումների հիման վրա Սամվել Բաբայանի նկատմամբ ՀՀ ԱԱԾ օպերատիվ ստորաբաժանումների իրականացրած <<Հեռախոսային խոսակցությունների վերահսկում>> օպերատիվ-հետախուզական միջոցառման արդյունքներով և դրանց զննման արձանագրությամբ, մասնավորապես՝

Սամվել Բաբայանի և Կարեն Քոչարյանի միջև 17.06.2016թ, ժամը 23։38-ին տեղի ունեցած հեռախոսազրույցի գաղտնալսմամբ, գրառված Х-874-16 գրառմամբ լազերային սկավառակի վրա՝ 95-1399-16--2016-06-17-23-38-20-37494390073-in-077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Կարեն Քոչարյան՝ Ալո, զբաղված եք պարոն Բաբայան։
Սամվել Բաբայան՝ Չէ։
Կարեն Քոչարյան՝ Ես էտա նոր բան արեցի պրծա, չէ բան ասում չէ, բայց ստեղ կարելի ա աշխատել։
Սամվել Բաբայան՝ Ինչ նկատի ունես։
Կարեն Քոչարյան՝ Տարբեր տեղեր էտի հենց էդ ձև մանրել, բան անել, 80 տոկոս /չի լսվում/։
Սամվել Բաբայան՝ Դե տես վաղը։
Կարեն Քոչարյան՝ Հա վաղը մի հատ կհանդիպեմ։
Սամվել Բաբայան՝ Բայց դե էն մի գծով էլ հանդիպի էլի, մաքրող։
Կարեն Քոչարյան՝ Էդ ձև բաների տակ իրանք չեն մտնում, բայց կարաս ըստեղ ընդեղ դիմես, ուղղակի բան անես, ինչ-որ մեկը չի վերցնի էլի, որ էդ ձև բան անեն, բայց ձև կա, տարբերակներ կան։
Սամվել Բաբայան՝ … բայց ինչ ի նկատի ունի, ինքը սաղ չի կարա վերցնի քիչ-քիչ թե, ոնց։ Անդոն ասեց ինքն էլ ա ինչ որ մեկին ճանաչում, բան արեք տեսեք, եթե։
Կարեն Քոչարյան՝ Մի երկու տեղ տեսնենք ինչ ա։
Սամվել Բաբայան՝ Որ պրոստո բան չանի էլի, կողքից քերեն, ստուգեն հետո նոր։
Կարեն Քոչարյան՝ Էտի, էն մաքրվածն էլ ինքը ուրիշ ձևի բան ա հետո իրան անում, հետո վաղը, որ հանդիպեմ կասեմ, դրանք սաղ էտի փորձած ունի։
Սամվել Բաբայան՝ Չէ չհասկացա։
Կարեն Քոչարյան՝ Մաքրվում ա չէ, էս անգամ հոտ ա ընկնում։
Սամվել Բաբայան՝ Չէ, չէ ես տեսել եմ, մաքրած էլ բան էլ։ Ք… ա ուտում։ Ես քեզ ինչ ասում եմ դու էտ լսի, վաաբշե ոչ մի բան, ինքը չի էլ կարա տաբերի, էդ անձը չի էլ կարա տարբերի, եթե բանը գտան, ասենք նյութը էլի, որով էդ վերև վերցնում ա իրան չվնասելով, ոչ մի բան էլ ոչ օդ, ոչ բան, բանկոմատներում էլ կարաս ուտացնես գնա, հասկացար։
Կարեն Քոչարյան՝ Հասկացա։
Սամվել Բաբայան՝ Իսկ տենց կեղտոտ որ բանկոմատի բերանն էս տալիս, շպրտում ա, կծում ա, կգաս կբացատրեմ, էլի։
Կարեն Քոչարյան՝ Եղավ, եղավ, մի հատ հանդիպեմ։
Սամվել Բաբայան՝ Լավ>>։

- Սամվել Բաբայանի և Արկադիի միջև 18.06.2016թ, ժամը 12։40-ին տեղի ունեցած հեռախոսազրույցի գաղտնալսմամբ, գրառված Х-874-16 գրառմամբ լազերային սկավառակի վրա՝ 95-1399-16--2016-06-18-12-40-03-37477000075--in--094390073-0 անվանմամբ ձայնային ֆայլի տեսքով, հետևյալ բովանդակությամբ՝
<<Կարեն Քոչարյան՝ Լսում եմ, պարոն Բաբայան, հիմա մի հատ ուրիշ էլ կա, ասում ա իմ մոտ եղել ա, լղոզվել ա, մխտռվել ա, բայց մի հատ մարդ կա վարպետն ա Հրազդանում ա, հիմա չգիտեմ գնամ, թե չգնամ, եթե 5-ին է կարող է չհասցնեմ։
Սամվել Բաբայան՝ 5 ժամում չե՞ս կարողանալու։
Կարեն Քոչարյան՝ Էդի ասեց երկուսին նոր ստեղ կլինի, թաղում-մաղում ուներ ինչ-որ։
Սամվել Բաբայան՝ Ես քեզ ասեցի, եթե ընդհանուր ա էլի անում, ասա իմաստ չունի։
Կարեն Քոչարյան՝ Չէ, ընդհանուր չի, ասում ա արել իրա մոտ ստացվել ա։
Սամվել Բաբայան՝ Դե ասա, եթե էս մեկը չոտկի անես, ուղարկենք հետ տիրոջը, որ արդեն…
Կարեն Քոչարյան՝ Ասում ա բեր, ես էս մի անկյունը անեմ։
Սամվել Բաբայան՝ Մի անկյունը չրէ, ասա լրիվ արա, եթե կարում ես, որ ուղարկենք էդ մարկդանց որ պաչկա-պաչկա բերել տանք, չգիտեմ ոնց էլի
Կարեն Քոչարյան՝ Դե, թեկուզ լրիվ անի, հիմա ես որ 2-ին էնտեղ լինեմ, կարող ա չհասցնեմ, մինչև էդ պրոցեսը լինի։
Սամվել Բաբայան՝ Չի անելու կողքիդ։
Կարեն Քոչարյան՝ Ասեց, անելու ա, հետ գնամ։
Սամվել Բաբայան՝ Տես, դե կփորձես կասես։
Կարեն Քոչարյան՝ Լավ, դե տեսնեմ՝ ինչ ա, ես հիմա ասեմ, գնում եմ։
Սամվել Բաբայան՝ Հա-հա գնա, դե էդ եթե էն կենդանին ա, որը որ կա, դա քո փրկությունն ա։
Կարեն Քոչարյան՝ Լավ, հեսա կպայմանավորվեմ։
Սամվել Բաբայան՝ Դու իրան ասա, որ դա մի գույն չի։
Կարեն Քոչարյան՝ Ես հասկացա, գիտեմ, Դուք ինձ ասել էիք։
Սամվել Բաբայան՝ Կարա նենց էլ լինի, նենց էլ լինի, մի քիչ շատ լղոզված լինի>>։

- Սամվել Բաբայանի և Արկադիի միջև 20.06.2016թ, ժամը 15։54-ին տեղի ունեցած հեռախոսազրույցի գաղտնալսմամբ, գրառված Х-874-16 գրառմամբ լազերային սկավառակի վրա՝ 95-1399-16--2016-06-20-15-54-46-37494390073--in--077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Կարեն Քոչարյան՝ Ամսի 28-29-ին նոր կլինի ստեղ։
Սամվել Բաբայան՝ Լավ, բա չասեցիր, իրանց, որ ուզում ա խոսի հետը։
Կարեն Քոչարյան՝ Ինչ։
Սամվել Բաբայան՝ Դրանց ասեցիր։
Կարեն Քոչարյան՝ Ես ուրիշ մարդով ճշտեցի, որը ասում ա եթե 28-ին պետք եղավ, կասեմ կպայմանավորվենք կգաք։ Բանկի աշխատողին չեմ ասել, իրա հետ մեկը կար շինարարություն ունի թե ինչ։
Սամվել Բաբայան՝ Լավ, դե մի արանքով էդի կբերես, կթողնես։
Կարեն Քոչարյան՝ Էդ վերև չտանենք, տանք, վախտը չի՞։
Սամվել Բաբայան՝ Չէ, կբերես կասեմ>>։

-Սամվել Բաբայանի և Մարատ Նալբանդյանի միջև 24.08.2016թ, ժամը 15։25-ին տեղի ունեցած հեռախոսազրույցի գաղտնալսմամբ, գրառված Х-894-16 գրառմամբ լազերային սկավառակի վրա՝ 95-2306-16-2016-08-24-15-25-16-79660181844--out--79099199858-0 անվանմամբ ձայնային ֆայլի տեսքով, հետևյալ բովանդակությամբ՝
<<Սամվել Բաբայան՝ Նայի, առաջին համարը, որ ուղարկել եմ, Վասյայի համարն ա, զանգ ես տալիս, գնում ես 10.000 դոլար ա, զանգես տալիս Տիկոյին, Տիկոյին համարը չունես։
Մարատ Նալբանդյան՝ Հա, չունեմ։
Սամվել Բաբայան՝ Հեսա դա էլ ՍՄՍ-ով կուղարկեմ, զանգ ես տալիս Տիկոյին, ասում ա` ումից պետք է գնես, տանում ես՝ 5.000 եվրո վերցնում ես, 52 տոկոսը դոլարով հաշված` 2900 դոլար, տանում ես տալիս՝ 5.000 եվրո վերցնում ես, դրա վրա 100 դոլար ես դնում, տալիս ես ավտոբուսի վարորդին, որպեսզի բերի Կարենին, համարը գիտես, տակի մնացածը ուղարկում ես Կարենին, փոխանցում ես` նրա անձնագրով, անուն-ազգանունով։
Մարատ Նալբանդյան՝ Ստացվում ա՝ 5.000 ու քանի՞սը պետք է դոլար սարքեմ։
Սամվել Բաբայան՝ Չէ, չէ, 5.000 եվրոն ես վերցնում, կեղտոտը։
Մարատ Նալբանդյան՝ Էդ Տիկոյին հիմա ինչքան պետք ա տամ 2 ու քանիսը։
Սամվել Բաբայան՝ Հեսա հստակ ասեմ` ինչքան պետք ա տաս, 1.12, 2912 դոլար պիտի տաս։
Մարատ Նալբանդյան՝ 2912, 12…
Սամվել Բաբայան՝ Տալիս ես, 5.000 վերցնում, դնում ծրարում, տալիս ես վարորդին, խոսում..
Մարատ Նալբանդյան՝ Դրան զանգում եմ, չի պատախանում։
Սամվել Բաբայան՝ Գարիկի միջոցով կարող ես կապնվել, դե տես ոնց ա` էտ 100 դոլարն էլ տուր վարորդին, ասա` թող էս ապրանքը տեղ հասցնենք, էն երկրորդ համարը` 077000075 համարը գրում ես, ասում ես` տանի էս համարով զանգի տա, տակի մնացածը <<Յունիստրիմով>> ուղարկի Կարենին` իրա անուն ազգանունով։
Մարատ Նալբանդյան՝ 7 հազար ա դառնում, հա։
Սամվել Բաբայան՝ Հա։ Դե դավայ, արագացրու։
Մարատ Նալբանդյան՝ Հեսա զանգեմ ասեմ, տեսնեմ` ինչ ա ասում։
Սամվել Բաբայան՝ Հենց նոր է խոսել իմ հետ, սկզբից ինքը պետք է բերեր, ես ուղարկեի քո վրա, որ ասել եմ տվյալներդ ուղարկի, հետո ասել ա՝ չեմ կարող գալ, էտա ասել եմ` Մարատը ըտեղա, թող Մարատ ուղարկեր։
Մարատ Նալբանդյան՝ Լավ։
Սամվել Բաբայան՝ Էդ Տիկոյին էլ որ տենաս, ինքն անընդհատ ինձնից փող ա ուզում, ասա` ես իմ գրպանից եմ դրել, ձեռքիս այդքան, հեսա Տիկոյի համարն ուղարկում եմ հենց հիմա։ Ցանկանալի է հիսունանոցներ վերցնես, էդ կեղտոտը հիսունանոցներ վերցու, էդ Տիկոյից չէ էլի, ընդեղ ասելու ա` ումից, ապրանքի 52 տոկոսն ա անում։ Դե եթե պետք լինի կապի մեջ կլինեն ….. Թիվը 2.9 անում>>։

-Կարեն Քոչարյանի և Անդրանիկ Քոչարյանի միջև 24.08.2016թ, ժամը 15։50-ին տեղի ունեցած հեռախոսազրույցի գաղտնալսմամբ, գրառված X-922-16 գրառմամբ լազերային սկավառակի վրա՝ 95-1989-16--2016-08-24-15-50-17-37477000075-out-094300018-0 անվանմամբ ձայնային ֆայլի տեսքով, հետևյալ բովանդակությամբ՝
<<Կարեն Խոչարյան՝ Պրծա՞ր դասդ, Պոնչ։
Անդրանիկ Քոչարյան՝ Շուտ եմ պրծել։
Կարեն Խոչարյան՝ Գնացիր պառկա՞ր։
Անդրանիկ Քոչարյան՝ Հա, ժամը վեցին ընդից հելա։
Կարեն Խոչարյան՝ Պոնչ, էն Ժորան գնացել ա՞, թե՞ չէ։
Անդրանիկ Քոչարյան՝ Չգիտեմ, Կարեն Քոչարյան՝
Կարեն Խոչարյան՝ Կարաս չէ՞ բայց իմանաս։
Անդրանիկ Քոչարյան՝ Հա, խի չէ։
Կարեն Խոչարյան՝ Դե իմանաս, արդեն գործ կա, պայմանավորվենք, քյալամները առնենք իրա։
Անդրանիկ Քոչարյան՝ Հա։
Կարեն Խոչարյան՝ Մի հատ իմացի՝ ստեղա, չէ, ինձ ասա։
Անդրանիկ Քոչարյան՝ Հա։
Կարեն Խոչարյան՝ Ես կասեմ՝ երբ կգամ, կպայմանավորվենք, էդքան բան>>։

- Սամվել Բաբայանի և Մարատ Նալբանդյանի միջև 24.08.2016թ, ժամը 19։14-ին տե-ղի ունեցած հեռախոսազրույցի գաղտնալսմամբ, գրառված Х-894-16 գրառմամբ լազերային սկավառակի վրա՝ 95-2306-16--2016-08-24-19-14-40-79660181844--in--79099199858-0 անվանմամբ ձայնային ֆայլի տեսքով, հետևյալ բովանդակությամբ՝
<<Սամվել Բաբայան՝ Ալո, հա Մարատ։
Մարատ Նալբանդյան՝ Կարում ե՞ս խոսես։ Դե, էդ տղեն զանգեց։
Սամվել Բաբայան՝ Կարում ե՞ս առաջինը հիսունանոցները վերցրու, 5 հազարը բերում ա, տալիս ես իրան էդ թիվը՝ ինչ որ ասել եմ, վսյո։
Մարատ Նալբանդյան՝ Էս որ նայեմ, կարող ա բան չհասկանամ, դրանք կարգի՞ն են լինելու։
Սամվել Բաբայան՝ Չէ, դե սպլաշնոյ չի, ասելա՝ մի 50 տոկոսը մաքուր ա։
Մարատ Նալբանդյան՝ Հա, խարաշո։
Սամվել Բաբայան՝ Վերջը վերցրու, էդքանը թող բերի, փողը տուր ու բան արա, ուղարկի։
Մարատ Նալբանդյան՝ Լավ>>։

- Սամվել Բաբայանի և Մարատ Նալբանդյանի միջև 24.08.2016թ, ժամը 21։11-ին տեղի ունեցած հեռախոսազրույցի գաղտնալսմամբ, գրառված Х-894-16 գրառմամբ լազերային սկավառակի վրա՝ 95-2306-16--2016-08-24-21-11-02-79660181844--out--79099199858-0 անվանմամբ ձայնային ֆայլի տեսքով, հետևյալ բովանդակությամբ՝
<<Մարատ Նալբանդյան՝ Դե, վերցրեցի։ Նոր պրծա, մի քիչ ջոկջկեցի, որովհետտև շատերի վրա շատ բաներ կար։
Սամվել Բաբայան՝ Դու դրանց հետ որ խոսում ես, որի վրա որ շատ ա, ասա՝ 45 տոկոսով։ Ջոգում ե՞ս, ինչ եմ ասում։
Մարատ Նալբանդյան՝ Հա-ա։ Սպասի ուզում ես՝ մի հատ զանգ տամ, խոսես իրանց հետ։
Սամվել Բաբայան՝ Ա, դու չե՞ս կարում խոսես, արա։
Մարատ Նալբանդյան՝ Չէ, կարում եմ խոսեմ, պրոստո պտի ջոկջկես, որտև ընդեղ կա, որ շատ ա…
Սամվել Բաբայան՝ Դու իրանց ասա՝ վախտին 52 եք ասել տոկոս, տենց էինք առնում, իսկ որը շատ ա ՝ 45 տոկոսով։ Տուր իրանց ասեմ, ասեմ՝ վերցնում ենք, բայց 45 տոկոս ենք տալու։
Մարատ Նալբանդյան՝ Հա։ Ջոկջկելու ա, տասը բերել ա, ասում ա՝ ջոկեք, վերցրեք։
Սամվել Բաբայան՝ Վերջը։ Նորմալ ա, տուր իրան, ես ասեմ, որ տոկոս իջեցրեք, 45-ով վերցնենք։
Մարատ Նալբանդյան՝ Դե սպասի, դուրս եկան, է, հեսա ձայն տամ։
Սամվել Բաբայան՝ Բա զանգեիր, է։ Էդ ի՞նչ ազգ են։
Մարատ Նալբանդյան՝ Հայեր են, լեննականցի-մեննականցի, սպասի ձեն տամ։ Մի հատ ռազվառոտ անեմ։
Սամվել Բաբայան՝ Դավայ>>։

- Սամվել Բաբայանի և Մարատ Նալբանդյանի միջև 24.08.2016թ, ժամը 21։15-ին տե-ղի ունեցած հեռախոսազրույցի գաղտնալսմամբ, գրառված Х-894-16 գրառմամբ լազերային սկավառակի վրա՝ 95-2306-16--2016-08-24-21-15-59-79660181844--in--79099199858-0 անվանմամբ ձայնային ֆայլի տեսքով, հետևյալ բովանդակությամբ՝
<<Սամվել Բաբայան՝ Ալո։
Մարատ Նալբանդյան՝ Դե ասեցի, կառոչե ասեց՝ լավ կլնի, հեսա տղորանց հետ խոսենք՝ կասենք։ Վերջը, էն մյուս անգամ… դե համարը ունեմ, բայց վաբշե ասել եմ ՝ 40, որտև շատ ա կեղտոտ։
Սամվել Բաբայան՝ Հա, էդ ա, բազար արա։ Կարաս գիտես ինչ խոսես՝ ասես, տես լավն ա, վատն ա, բոլորը 40-ով վերցնում ենք, էլ չենք ջոկում։
Մարատ Նալբանդյան՝ Դե ասեցի՝ ընդեղ ինչ կա.. ասեց՝ բա քանիսով, ասեցի՝ 40 էլի մոտ։ Բա ասում ա՝ հեսա տղերքի հետ պայմանավորվեմ, կասեմ։ Հեսա կզանգի։ Ես Գարիկի հետ խոսեցի, ասում ա՝ երեքշաբթիա եկել, չորեքշաբթի գնում ա։ Ասեցի՝ բա էլ չի գնում, ասեց՝ չէ, մնում ա մյուս շաբաթ։
Սամվել Բաբայան՝ Հա։
Մարատ Նալբանդյան՝ Մնաց մյուս շաբաթ ուղարկեմ ավտոբուսով։
Սամվել Բաբայան՝ Հա, խնդիր չկա։
Մարատ Նալբանդյան՝ Երեքշաբթի։
Սամվել Բաբայան՝ Հա դե։ Բա ինչ ա ասում՝ ընդհանրապես ավտոբուս չկա՞։
Մարատ Նալբանդյան՝ Դե, ասում ա՝ երեքշաբթի գալիս ա, չորեքշաբթի գնում։
Սամվել Բաբայան՝ Դե խոսի, տես՝ ի՞նչ ա ասում։ Հիսունանոցներ ե՞ս վերցրել։
Մարատ Նալբանդյան՝ Հա, լրիվ հիսունանոցներ ա, հա, ուզում էր 20-անոցներ էլ տար, ես չվերցրի։
Սամվել Բաբայան՝ Վերջը, իջացրու 40, բեր մի հատ տեսնենք, անենք՝ նորմալ ա, նորմալ չի, կապ չունի՝ մի սանտիմետր է ներկոտ, թե 100, մենակ թե ներկը մաքրվի, եթե կարողանա մաքրի, վերջ, թե ինչքանն ա մաքրում՝ կապ չունի։
Մարատ Նալբանդյան՝ Հա։
Սամվել Բաբայան՝ Հասկացա՞ր։ Բայց գինն իջեցրու, հատկապես էդ մակուլատուրան։ Բայց ճղած-բան չլինի, տես՝ փողի որակը նորմալ ա։
Մարատ Նալբանդյան՝ Դե ես ջոկել եմ, որը որ մաշած ա, զգում ես էլի, որը մաշած ա, ասել եմ՝ պետք չի։
Սամվել Բաբայան՝ Հա, էդ տեսակ թղթերը պետք չի, նույնիսկ էդքանի դեպքում, բայց ասում ա՝ ի՞նչ քանակ ունի։
Մարատ Նալբանդյան՝ Դե, գալուց խոսցնում էի, ասեց՝ մի 300 ունի։
Սամվել Բաբայան՝ Հա։
Մարատ Նալբանդյան՝ Չնայած դրանք կատուն կռասկա տվող են, կարող ա…
Սամվել Բաբայան՝ Հա, դե էն ժամանակ 100 էր ասում, հիմա 300 ա ասում, դու իրան ասա՝ արա, դուք դա մեկա ոչ մեկին չեք ծախելու, ամբողջը ես եմ վերցնելու, համ թիվը պայմանավորվենք, համ էլ ստաբիլ, նորմալ քանակ եթե ունեք, ասեք, որ խարաշո տանենք։ Ասա՝ եթե 20-50-անոց ես տալու, հետո ասես՝ 100-անոց ունեմ, ասեիր, էն էլ տանեի։ Բայց գիտեմ, որ մի քանի լիմոն ունեք, հո խաղ չե՞նք անում։
Մարատ Նալբանդյան՝ Լավ։
Սամվել Բաբայան՝ Դե բացատրի, որ ... /չի հասկացվում/, դավայ պայմանվորվենք էդ թիվը ու գործ անենք հանգիստ։
Մարատ Նալբանդյան՝ Դե ասում ա՝ մենք ոչ մեկի չենք թողում ջոկի, որ ես սկսեցի ջոկջկել, ասում ա ՝ <<.../հայհոյանք/>> ինչ ես ջոկում, արդեն ջոկած ա,։ Որտև խառն էր, էլի։ Վերջը, ասեց՝ դե լավ խարաշո, ասեց՝ կզանգենք, ասի՝ դե կզանգենք, որ լավ լինի՝ լավ պայմաններով կխոսենք։
Սամվել Բաբայան՝ Դե դա շուտ տանենք, տեսնենք՝ ոնց ա, էդ գումարը դնենք շրջանառության մեջ՝ ամեն անգամ, մի անգամ՝ 10 եվրոյանոցները, մի անգամ՝ 20 եվրոյանոցները։
Մարատ Նալբանդյան՝ Լավ։
Սամվել Բաբայան՝ Դե լավ, լավ կաց։ Էգուց փորձի ուղարկես։ Էն տախտակի հա՞րցն ինչ ես անում։
Շարունակոմ են զրուցել տախտակի թեմաներով>>։

- Սամվել Բաբայանի և Մարատ Նալբանդյանի միջև 30.08.2016թ, ժամը 13։17-ին տեղի ունեցած հեռախոսազրույցի գաղտնալսմամբ, գրառված Х-894-16 գրառմամբ լազերային սկավառակի վրա՝ 95-2306-16--2016-08-30-13-17-10-79660181844-out-79099199858-0 անվանմամբ ձայնային ֆայլի տեսքով, հետևյալ բովանդակությամբ՝
<<Սամվել Բաբայան՝ Ի՞նչ կա, ի՞նչ չկա, ի՞նչ ես արել։
Մարատ Նալբանդյան՝ Դե, հլը հեսա ուզում եմ գնամ դեպի ընդեղ տեսնեմ, որ ուղարկեմ, հեսա զանգ եմ Գարիկին, ասել է՝ երեքշաբթի գալու է, տանեմ ուղարկեմ։
/Որից հետո, Սամվելը հետաքրքրվում է, թե Մարատը տախտակների համար խոսե՞լ է <<այն>> տղաների հետ, թե ոչ։ Մարատը նշում է, որ առայժմ չի խոսել։ Սամվելը նշում է, որ ինքը խոսել է այդ տղաների հետ, նրանք պետք է երկուշաբթի օրը լուր տային։ Մարատը նշում է, որ մտադիր էր <<էս մեկը>> ուղարկել, որպեսզի վաղն էլ զբաղվեր այդ տախտակի հարցերով։ Սամվելը համաձայնում է՝ նշելով, որ լավ կանի, որ կազմակերպի ուղարկի և ավելացնում նաև, որ այնտեղ ռեալ է, խոսացած է, մնում է Մարատը զբաղվի ֆիրմայի ձևակերպումներով, որ ինքը կարողանա կազմակերպել այդ բոլոր հարցերը։ Մարատը խոստանում է ուղարկել և վաղն էլ գնալ Սոլնեչնոգորսկ>>։

- Սամվել Բաբայանի և Մարատ Նալբանդյանի միջև 30.08.2016թ, ժամը 14։17-ին տեղի ունեցած հեռախոսազրույցի գաղտնալսմամբ, գրառված Х-894-16 գրառմամբ լազերային սկավառակի վրա՝ 95-2306-16--2016-08-30-14-17-17-79660181844--in--79099199858-0 անվանմամբ ձայնային ֆայլի տեսքով, հետևյալ բովանդակությամբ՝
<<Մարատ Նալբանդյան՝ Դե զանգ եմ տվել, ասում է՝ ոչ մի ձևի չեմ կարում, վերջը, հիմա չեն զբաղվում, հիմա էլ տախտակ չկա, կարոչի տենց խոսեց։
Սամվել Բաբայան՝ էդ բալամը, հա՞։
Մարատ Նալբանդյան՝ Հա, ոնց որ իրանք մի ձև պետք է ճարեն, իրանք վիվոզ անեն, ոնց որ դուք, էլի, բայց էդ վիվոզ անողն էլ ասում է…։ Ասում եմ՝ լեննականցուն տար, ասում է՝ մենք դրանք չենք կարում, սենց բաներ էր ասում։ Դրա համար ասեց տախտակ չկա, մի երկու ամսից հետո ենք սկսելու գործը, մեզ խաբել են՝ սենց բաներ էր ասում, ասեցի՝ պարզ է։
Սամվել Բաբայան՝ Լավ է, ս...ր արա։ Լավ էդ թղթերով զբաղվի, հլը մի հատ տեսնենք, ուղարկի, գա, տեսնենք՝ ոնց է, տենց մեկը ճարել եմ, որ ձրի տա՝ պայմանավորվելու ենք 45-ով վերցնելու ես, 5-ն էլ քեզ՝ 50, ուղարկես, դե 200-ով պիտի բերեն քեզ տան, հիմա պիտի էսօր–էգուց խաբար անեն, սպասում եմ խաբարին, վրոդի նորմալ է։ Դա հլը մի հատ ուղարկի ստեղ, իրար ընկնենք՝ տեսնենք էդ ի՞նչ է։ Նմուշը արել եմ էլի, նմուշը արած է, մաքրվել է, տեսնենք՝ ոնց է, դալշե գործ անենք։ Տախտակն էլ դե ման արի, եսիմ, տես քո կանալները։
Մարատ Նալբանդյան՝ Չէ, էդ տախտակը ման գալը, հայերի հետ էդ գործը բռնելու չի, ես տենց հասկացա։
/Շարունակում են քննարկել տախտակի հետ կապված հարցերը, Սամվելը նշում է, որ մի մաքուր ֆիրմա է հարկավոր ճարել, որ հաշվարկեն, թե այդ ֆիրմայի գործընթացը բարձելու, ձևակերպելու՝ ինչքան է իրենց վրա նստում, որպեսզի հասկանան՝ ինչպես են տեղավորվում։ Մարատը նշում է, որ Գարիկի հետ կփորձի խոսել, կարծում է, որ նա կկարողանա այդ հարցերով զբաղվել։ Սամվելը նշում է, որ մի սուտասան էլ Գարիկն է Մարատը նշում է, որ խոսել է նաև դոկումենտները ուղարկելու համար/։
Մարատ Նալբանդյան՝ Խոսեցի։ Ասում եմ՝ դոկումենտները ուղարկեմ, ասում է՝ թող այստեղ, ես կտանեմ, կտամ, ասում եմ՝ դե կարամ ես տամ, էլի, ասում է՝ ապրանք չի՞, ասում եմ՝ ապրանք չի, դոկումենտներ է, դե ասում է՝ փողը թող, ես կտանեմ տամ, ասում եմ՝ դու ավտոբուսի համար ասա՝ ես կտանեմ, ես փողը կտամ, արխային կաց։
Սամվել Բաբայան՝ Ի՞նչ է ասում։
Մարատ Նալբանդյան՝ Դե ուզում է չերեզ իրան լինի էլի, ի՞նչ պիտի ասի։ Ասում եմ՝ դե տեսնեմ, հլը ժամանակ չունեմ, պրոստը ես կարող է ընդեղով անցնելուց լինեմ, թողեմ իրանց կգնամ, վերջը, փողը…
Սամվել Բաբայան՝ Դե, դու էն բալամին չե՞ս ճանաչում, վեր կաց գնա այնտեղ էլի։
Մարատ Նալբանդյան՝ Չէ հիմա ուրիշ է, փոխվել է, նրա համարը անջատված է։
Սամվել Բաբայան՝ Դե, վեր կաց գնա իրա մոտ, ասա, արա, հեսա սենց բան եմ վերցրել, էս բանն եմ ուղարկում, էգուց մի հատ քաք բացվեց՝ ասես՝ բերել եք ինձ քաքի մեջ գցել։
Մարատ Նալբանդյան՝ Դե վերջը։ Ես ինձանով եմ անում, ոնց որ կա՝ գնամ հետը խոսեմ, ասեմ։ Ասեցի՝ դե լավ, հեսա գամ, քեզ հետ խոսեմ։
Սամվել Բաբայան՝ Հա Էլի, խոսա, ասա՝ սենց հարց է, էգուց, հավայի մի բան լինի՝ ասես՝ բա բերեցիր ինձ քաքի մեջ գցեցիր, գործ չունես, ասա, դու ծանոթացրու, ես գնամ՝ իրա հետ խոսեմ, իրա հախը տամ, տանի-բերի էլի, ես իրանց հետ կապը պահեմ, կամ ասա՝ ուզում ե՞ս, քեզ տամ, դու տար, ասա՝ տար ուղարկի, իմ համար ի՞նչ տարբերություն կա։ Ասա՝ ամեն անգամ բերեմ քեզ տամ, տանես, հետը խոսա, ասա՝ մարդ է, գալիս է, հախը տալիս ենք՝ տանում է էլի, ձրի հո չե՞նք ասում տար։
Մարատ Նալբանդյան՝ Հեսա գնամ մոտը, տեսնեմ՝ ինչ է ասում։
Սամվել Բաբայան՝ էսօր 5 է, պրոբնի է, էգուց կարող է 50 դառնա, 100 դառնա, ամեն անգամ գալու եմ մո՞տդ։ Դե գնա, գնա արագացրու, դավայ, գործ արա, Մարատ։
Մարատ Նալբանդյան՝ Լավ>>։

- Սամվել Բաբայանի և Մարատ Նալբանդյանի միջև 30.08.2016թ, ժամը 18։43-ին տեղի ունեցած հեռախոսազրույցի գաղտնալսմամբ, գրառված Х-894-16 գրառմամբ լազերային սկավառակի վրա՝ 95-2306-16--2016-08-30-18-43-42-79660181844--out--79099199858-0 անվանմամբ ձայնային ֆայլի տեսքով, հետևյալ բովանդակությամբ՝
<<Սամվել Բաբայան՝ Տեսա՞ր։
Մարատ Նալբանդյան՝ Գնացի, հա, տեսա, հետը խոսեցի, ժամը 11-ին զանգել ասում է՝ ուշանում ենք, գիշերն է գալու ավտոբուսը, էգուց դուրս եմ գալու ամեն դեպքում։
Սամվել Բաբայան՝ Դե դու Կարենին որ տաս համարը, բանը վերցրու, որ Կարենին զանգես ասես էն համարը, որ ես քեզ տվել եմ։
Մարատ Նալբանդյան՝ Էն էգուց մեկ է՝ գնալու եմ դրա համար, զանգ եմ տալու, գիտեմ։
Սամվել Բաբայան՝ Հա, բայց իրան չե՞ս բացատրել…։ Կարենի համարը՝ 077000075 է, զանգում ես, ասում ես՝ հեսա, էս համարն է, իրա վրա հաղորդագրությունով ուղարկի էդ շոֆերի համարը, որ զանգի՝ գնա, վերցնի։ Կամ շոֆերին՝ էս համարը։
Մարատ Նալբանդյան՝ Շոֆերն ինքը զանգելու է։
Սամվել Բաբայան՝ Հա, դե տուր շոֆերին։
Մարատ Նալբանդյան՝ Որովհետև իրանք չգիտեն, ասել էին՝ 6-ին ստեղ էին լինելու, բայց 11-ին է ստեղ լինելու։
Սամվել Բաբայան՝ Հա, բայց էդ էշին բացատրե՞լ ես, որ ամեն անգամ չենք գալու-գնանք, ո՞նց ենք անում։
Մարատ Նալբանդյան՝ Ասել եմ։
Սամվել Բաբայան՝ Ի՞նչ է ասում։
Մարատ Նալբանդյան՝ Ասել է՝ եղավ, շատ լավ։ Դե ասեցի՝ էգուց կգաս, կզանգես, համ էլ էն տախտակի մոմենտն էլ, ասել եմ՝ կառոչի շոֆերի-բանի, վիվոզի մոմենտը ճարի, մնացածը քու գործը չի։ Տախտակը մենք կանենք, տեղը կա, պերեվոզկայի հարցը եթե կարու՞մ ես, ասեց՝ լավ կլինի, կճշտեմ։
Սամվել Բաբայան՝ Պերեվոզկան մենք կարում ենք անենք։
Մարատ Նալբանդյան՝ Ռազրեշենիան բա ո՞նց։
Սամվել Բաբայան՝ Հա, ռազրեշենիան ասա ֆիրման է, դոկումենտները։
Մարատ Նալբանդյան՝ Հա էլի, ֆիրման աֆորմիտ արվի, ասեց՝ լավ կիմանամ։ Վերջը էգուց նաղդի ղրկելու եմ, էսօր գիշերն է գալիս, էգուց դուրս է գալիս, միշտ տենց է, էդ մոմենտով արխային եղի, խոսենք։
Սամվել Բաբայան՝ Լավ, որ ուղարկես, ինձ էլ խաբար արա, որ արագացնենք, ահագին այդտեղ կուտակված է, որ տեսնենք ինչ է էլի, կարանանք գործ անենք>>։

- Սամվել Բաբայանի և Մարատ Նալբանդյանի միջև 01.09.2016թ, ժամը 15։53-ին տեղի ունեցած հեռախոսազրույցի գաղտնալսմամբ, գրառված Х-894-16 գրառմամբ լազերային սկավառակի վրա՝ 95-2306-16--2016-09-01-15-53-41-79660181844-out-79099199858-0 անվանմամբ ձայնային ֆայլի տեսքով, հետևյալ բովանդակությամբ՝
<<Սամվել Բաբայան՝ Ի՞նչ կա, ի՞նչ չկա քո մոտ։
Մարատ Նալբանդյան՝ Ոչ մի բան, տիշինա է։
Սամվել Բաբայան՝ Ուղարկեցի՞ր էդ բանը։
Մարատ Նալբանդյան՝ Հա, նա ուղարկել եմ։ ժամը իննին-տասին դուրս են եկել։
Սամվել Բաբայան՝ էսօ՞ր։
Մարատ Նալբանդյան՝ Չէ, երեկ են դուրս եկել ժամը տասին։
Սամվել Բաբայան՝ Իրիկունը էլի։
Մարատ Նալբանդյան՝ Հա գիշերը։ Ասում է՝ ուրբաթ շաբաթ ըտեղերք են։ Կամ եթե ուրբաթ…, զանգ են տվել /տալու/, Կարենն ու ինքը իրար զանգ են տվել /տալու/։
/Այնուհետև զրուցում են տախտակի թեմայից։/>>:

- Սամվել Բաբայանի և Մարատ Նալբանդյանի միջև 05.09.2016թ, ժամը 17։54-ին տե-ղի ունեցած հեռախոսազրույցի գաղտնալսմամբ, գրառված Х-894-16 գրառմամբ լազերային սկավառակի վրա՝ 95-2306-16--2016-09-05-17-54-47-79660181844--out--79099199858-0 անվանմամբ ձայնային ֆայլի տեսքով, հետևյալ բովանդակությամբ՝
<<Սամվել Բաբայան՝ Ավտոբուսիդ շոֆերին գտե՞լ ես։
Մարատ Նալբանդյան՝ Զանգ եմ տվել Գարիկին, ասում է՝ տիպը բռնել են, ինչ են արել, երկու օր սպասի, վերջը, տիպը չի կարում խոսա, պիտի գա, կարոչի հեքիաթներ է պատմում աչքիս։
Սամվել Բաբայան՝ Ո՞նց է հեքիաթներ պատմում։
Մարատ Նալբանդյան՝ Դե տիպը բռնել են, ես ինչ գիտեմ, տիպը ապրանքի կեսը խլել են։
Սամվել Բաբայան՝ Ի՞նչն են խլել։
Մարատ Նալբանդյան՝ Տիպը ապրանքի կեսը խլել են, ավտոբուսը կանգնացրել են տամոժնիայում, սենց բաներ է պատմում, չեմ հասկանում՝ ինչ է, ասում եմ՝ հիմա ի՞նչ է ասում։ Ասում է՝ էս երկու օրը գալու ենք, կգանք կխոսենք, տենց։ Սենց, վերջը, պատմություններ են պատմում աչքիս։
Սամվել Բաբայան՝ Հա, էդ յանի էն նույն մարդիկ ե՞ն, որոնց դուք բան եք տվել, բան եք վերցրել, թե՞։ Բա խի ձեռքին ի՞նչ է ատոմնի բոմբ է բերելուց եղել, որ խլել եք, ավտոբուսի շոֆերը ի՞նչ պիտի բռնեն, խլեն։
Մարատ Նալբանդյան՝ Նու, վերջը էլի, ասում եմ՝ ո՞նց յանի խլել են։ Ասում է՝ տիպը ապրանք են խլել։ Դե ասում եմ՝ Գարիկ ո՞նց կարա լինի, դե վերջը ասում է՝ էս երկու օրը սպասի, հեսա գալու են, ասել են՝ սպասի գանք, խոսենք, ասում եմ՝ ի՞նչ խոսելու բան կա, յա չէ է, յա հա է, վսյո, խոսելու ի՞նչ կա յանի։ Հիմա էգուց, մյուս օրը գալիս են, ինչ է, վերջը, սենց բաներ ասեց, ասեցի՝ լավ, հասկանալի է, ներվերիս ազդեց։ Աչքիս ինքն է մի գ.../ անվայել բառ/ արել։
Սամվել Բաբայան՝ Հա, բայց ի՞նչ գ... պիտի անի, փող տալ է՝ բռնել են, չեն բռնել, դա ի՞նչ։
Մարատ Նալբանդյան՝ Դե, ինչ իմանամ, չգիտեմ, չեմ հասկանում, հիմա էգուց … Զանգ եմ տվել, ասում է՝ չէ, զանգ եմ տվել իրան, ասում է՝ սպասի հեսա զանգեմ, ուտոչնիտ անեմ, հինգ րոպեից հետո զանգ է տվել, ասում է՝ ավտոբուսը կանգնացրել են, տամոժնիայում է, չի կարում խոսի, սենց բաներ էր ասում, էս երկու օրը տիպը գալու է, ասել է՝ կգամ, կխոսենք։ Չհասկացա՝ ինչ է ասում։ Այսինքն հասկացա, որ մի գ... են արել։
Սամվել Բաբայան՝ Արա, քու դարդից են գ… արե՞լ, թե՞ վաբշե ուրիշ գ.... է։ Ի՞նչ է ուզում ասի։
Մարատ Նալբանդյան՝ Դե, ես սենց եմ հասկանում, կամ փողի գլուխն են, չգիտեմ, կերել, ես տենց եմ հասկանում, դե չգիտեմ, էգուց մեկ է՝ ուզում եմ գնամ, ասեմ՝ ի՞նչ եք արել։ Սրանով-նրանով են էլի գցում, ես նենց գլուխ ընկա, որ ուզում են սրանով-նրանով գցեն, որ էդ փողը չկա։
Սամվել Բաբայան՝ Ո՞նց չկա, յանի։
Մարատ Նալբանդյան՝ Բա ի՞նչ իմանամ, ես տենց եմ հասկանում, ասում եմ՝ հիմա բա ու՞ր է, տիպը դե ապրանքի կեսը խլել են, ձեռքին չի եղել, յաշիկի մեջ է եղել, սենց բաներ էր ասում։ Արա, ասեցի, լավ էլի, ներվեր չունեմ, փողս հետ տուր ինձ, ո՞նց կարող է, ձեռքը պիտի լինի, փոքր կոնվերտ է, ո՞նց կարա յաշիկներում է, էս է, էն է, հասկացա որ …./հայհոյանք/ զրույց է անում։ Ի՞նչ անենք։
Սամվել Բաբայան՝ Դե ի՞նչ կարանք անենք, ճակատագիր է, էլի։
Մարատ Նալբանդյան՝ ճակատագիր չի, ոչ մի բան էլ չի եղել, ես նենց եմ հասկանում, որ /չի ավարտում/։
Սամվել Բաբայան՝ Ասա՝ ես փողը տվել եմ, փողս հետ տուր ինձ, չես կարացել տանես, լավ ես արել, ինձ հետ տուր։
Մարատ Նալբանդյան՝ Դա եմ ասել, ասել եմ կառոչի….
/Կապը կեսից ընդհատվում է/>>։

- Կարեն Քոչարյանի և Դավիթ Հարությունյանի միջև 11.09.2016թ, ժամը 20։27-ին տեղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-11-20-27-59-37477000075--in--093887770-0 անվանմամբ ձայնային ֆայլի տեսքով, հետևյալ բովանդակությամբ՝
<<Դավիթ Հարությունյան՝ Կար ջան, բայց հետդ մի քիչ խոսալու ունեմ, է'։
Կարեն Քոչարյան՝ է՜, խոսանք, ախպերս, էն ֆուռի հետ դու խոսւսցի՞ր։
Դավիթ Հարությունյան՝ Հա, բա, էդ եմ ասում, էլի, օբշի մի քիչ խոսալու կա, էլի, հետդ։ Ե՞րբ տենանք, էսօր կարա՞նք տենանք։
Կարեն Քոչարյան՝ Վաղն առավոտ, Դավ ջան, հիմա գործ ունեմ, գնում եմ հանդիպման, վաղն առավոտ։ Եթե շուտ պրծնեմ, կզանգեմ, եթե չէ, առավոտ։ .
Դավիթ Հարությունյան՝ Վսյո։ Դե, զանգի, ախպերս, հլը, որ քուչեքն եմ։
Կարեն Քոչարյան՝ Լավ>>։

- Կարեն Քոչարյանի և Անդրանիկ Քոչարյանի միջև 15.09.2016թ, ժամը 12։29-ին տեղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-15-12-29-54-37494300018-out-077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Անդրանիկ Քոչարյան՝ Կարեն, տեսա ես իրան։ Այ Անդո ջան, ասում ա, նենց ա, որ փորձում եմ, ասում ա՝ մի սուտկա ա էդ հեղուկների, բանի մեջ, ասում ա՝ ջուրը դառնում ա կարմիր, ալ արյուն, բայց բան չի անում։ Ասում ա՝ հլը պիտի բան անեմ, էլի։ Ասի՝ դե, նայի, լավ բան արա։ Ասում ա՝ հա։ Շատ գիտեմ։
Կարեն Քոչարյան՝ Ասա՝ տեմպ տուր։
Անդրանիկ Քոչարյան՝ Հա, հա։
Կարեն Քոչարյան՝ Հա, լավ>>։

- Կարեն Քոչարյանի և Դավիթ Հարությունյանի միջև 15.09.2016թ, ժամը 20։46-ին տե-ղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-15-20-46-13-37477000075-out-093887770-0 անվանմամբ ձայնային ֆայլի տեսքով, հետևյալ բովանդակությամբ՝
<<Դավիթ Հարությունյան՝ Դու ո՞ր կողմերն ես, հեռու ե՞ս։
Կարեն Քոչարյան՝ Հա, քաղաք եմ։
Դավիթ Հարությունյան՝ Հա։ Դե, խոսացի, ինքը Սադախլո ա, դե, ասում ա՝ ախպեր, պրոբլեմ չկա, ասում ա՝ ես կիրակի օրը կարամ օր ասեմ՝ կիրակի օրն ա, շաբաթ ինքը ստեղ ա լինելու, էլի, հիմա Սադախլո էր, էթում էր էն կողմ՝ հակառակ կողմ։
Կարեն Քոչարյան՝ Հա։
Դավիթ Հարությունյան՝ Ասեց շաբաթ օրը ստեղ եմ լինելու, բայց ասում ա՝ ինձ տարբերություն չկա, համարը կտամ, ընդեղ կասեմ, որ իմ անունին, ընդեղ էլ կզգուշացնի, թող տանի տա, ես ստեղ կվեկալեմ, կտամ ձեզ։
Կարեն Քոչարյան՝ Կլինի, մի խոսքով։
Դավիթ Հարությունյան՝ Հա դե, ասեց, ասում ա՝ կլինի, ախպեր, հիմի ուզում ե՞ս … շաբաթ օրն ասեց՝ ես հետ եմ գալու, հիմա էթում էր, նոր զանգեցի, էթում էր, ասում ա՝ արդեն հասա Սադախլո, շարունակելու էր, էլի։ Դե, ինքը օբշի ռեյսերը…։ Հետո իրանց լավը գիտես որն ա՞, ապեր, իրանք ավտոբուս չեն փոխում։
Կարեն Քոչարյան՝ Հը՞։
Դավիթ Հարությունյան՝ Իրանց մոտ Մոսկվան ու ստեղի ավտոբուսը նույնն ա, ջոգի՞ր, ախպեր, էտի համարյա քաղաքում ըտենց գիծ չկա։
Կարեն Քոչարյան՝ Լավ, Դավ ջան, էսօր շուտ պրծա՝ կտենամ, չէ՝ քեզ վաղը կտենամ մի հատ։
Դավիթ Հարությունյան՝ Լավ, ախպերս։ Լավ, բռատ ջան։
Կարեն Քոչարյան՝ Լավ։ Մերսի>>։

- Կարեն Քոչարյանի և Դավիթ Հարությունյանի միջև 15.09.2016թ, ժամը 20։01-ին տե-ղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-15-20-01-47-37493887770-in-077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Կարեն Քոչարյան՝ Դու հանդիպա՞ր։
Դավիթ Հարությունյան՝ Չէ, հեսա մի հատ ուզում եմ զանգեմ հիմա տենամ՝ ի՞նչ ա։
Կարեն Քոչարյան՝ Մի հատ զանգի, հասկանանք, էլի, մյուս ռեյսով տենանք /չ.շ./, հա, ախպերս, մի հատ, եթե բան ա՝ կոորդինատ-բան վերցնես, թեկուզ ուշոտ հանդիպենք, բան անենք։
Դավիթ Հարությունյան՝ Եղավ, հեսա քեզ զանգեմ, ախպերս։
Կարեն Քոչարյան՝ Դե, ինձ զանգի, ախպերս։
Դավիթ Հարությունյան՝ Հա>>։

- Կարեն Քոչարյանի և Անդրանիկ Քոչարյանի միջև 16.09.2016թ, ժամը 11։12-ին տեղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-16-11-12-16-37494300018-in-077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Կարեն Քոչարյան՝ Մի հատ հոպլոյի հետ ե՞րբ ես խոսալու։
Անդրանիկ Քոչարյան՝ Հեսա մի քիչ հետո։
Կարեն Քոչարյան՝ Ինձ էլ կզանգես, էլի։ Կարող ա ստացված լինի, չէ՞ էսօր արդեն։
Անդրանիկ Քոչարյան՝ Հա։
Կարեն Քոչարյան՝ Լավ, կզանգես>>։

- Կարեն Քոչարյանի և Դավիթ Հարությունյանի միջև 16.09.2016թ, ժամը 11։58-ին տեղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-16-11-58-46-37493887770-in-077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Կարեն Քոչարյան՝ Էն տղեն կարա՞ արդեն գնա էդ ապրանքը առնի, որ ուզում էր։
Դավիթ Հարությունյան՝ Հեսա զանգեմ, զանգեմ քեզ։
Կարեն Քոչարյան՝ Մի հատ զանգի, եթե բան ա՝ ասեմ, թող գնա, առնի։
Դավիթ Հարությունյան՝ …/1բառ կտրտվում է/, վեկալեմ, հա, ախպերս։ Հեսա զանգեմ, զանգեմ քեզ։
Կարեն Քոչարյան՝ Յոթ հարյուր դոլար իրան հետ ենք տալիս, չէ՞։
Դավիթ Հարությունյան՝ Մի րոպե ախպերս։ Հաա, էնտե՞ղ, պրյամո՞ էնտեղ։
Կարեն Քոչարյան՝ Հա։
Դավիթ Հարությունյան՝ Հաա, էդի պիտի իրան զանգեմ, ասեմ, ցավդ տանեմ։
Կարեն Քոչարյան՝ Զանգի, տես, եթե փողը կա, կարանք ձեռնարկենք։
Դավիթ Հարությունյան՝ Ես չէի իմանում, էլի, հա, ես չէի իմանում, դրա համար քեզ ասեցի, ախպեր, բան ա։ Վոբշեմ Մոսկվայում ա հիմա էդի։
Կարեն Քոչարյան՝ Հա, ախպերս։
Դավիթ Հարությունյան՝ Վսյո, լավ, հեսա սպասի քեզ զանգեմ, ես գիտեի…
Կարեն Քոչարյան՝ Էդ էլ կա, էն մյուսն էլ։ Տես՝ երբ կբերեն, եթե կբերեն՝ բերեն, ախպերս։
Դավիթ Հարությունյան՝ Ես գիտեի, թե մի հատ նմուշ գալու ա ստեղ նոր, էլի, դրա համար։
Կարեն Քոչարյան՝ ՉԷ, եթե պիտի նմուշը գա, ինքը տենա, ուրեմն նմուշը… տրանսպորտը գա, նոր։
Դավիթ Հարությունյան՝ Հա, ջոկի։ Հեսա սպասի, հենց հիմա զանգեմ։
Կարեն Քոչարյան՝ Եթե էդ ձև ա, ուրեմն ախպեր, մի զանգի։ Եթե պետք ա ինքը տեսնի։
Դավիթ Հարությունյան՝ՉԷ, մարդ ես, կարող ա ասում ա՝ լավ։ Դե, էդ եմ ասում, կարող ա մարդ ես, ասում ա…
Կարեն Քոչարյան՝ Դե, տես, տես ինչ ա, ինձ ասա։
Դավիթ Հարությունյան՝ Հեսա ես քեզ զանգեմ, ախպերս>>։

- Կարեն Քոչարյանի և Դավիթ Հարությունյանի միջև 16.09.2016թ, ժամը 12։10-ին տեղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-16-12-10-20-37493887770--out--077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Դավիթ Հարությունյան՝ Կար ջան, ասում ա՝ մի հատ նմուշից հետո մենք իրար հետ գործ կանենք։ Ասի՝ ուրեմն թող մեր տախտակները գա էս ռեյսը Երևան։
Կարեն Քոչարյան՝ Դե, մի հատ հլը տես էնի ոնց ենք կազմակերպում, հոպար։
Դավիթ Հարությունյան՝ Հենց հիմա զանգեմ ու զանգեմ քեզ, ախպեր ջան։
Կարեն Քոչարյան՝ Լավ, ախպեր ջան>>։

- Կարեն Քոչարյանի և Դավիթ Հարությունյանի միջև 16.09.2016թ, ժամը 12։13-ին տեղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-16-12-13-36-37493887770-out-077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Դավիթ Հարությունյան՝ Կար ջան, մի հատ համար ասեմ, գրի։
Կարեն Քոչարյան՝ Ասա։
Դավիթ Հարությունյան՝ 9688588868, անունը Արո ա։ Ում ա տալու' Գոռի՞ն, ստեղ։
Կարեն Քոչարյան՝ Ստեղ Գոռին։
Դավիթ Հարությունյան՝ Հա։ Ուրեմն ես էնտեղ ասել եմ Գոռին, ասի' ապեր, հինգ հազար խորանարդ մետր ա տախտակները, ասի՝ նորմալ, ասի՝ տեղը տեղին բարձեք, ասի՝ ոնց ա, ինչ ա։ Բայց ես քեզ մի հատ բան ասեմ, չեմ ասել, որ վրեն լաքեք-մաքեք կա, որովհետև էդ ոչ մեկին չի հետաքրքրում, չի էլ… պետք էլ չի հետաքրքրի, հասկացա՞ր։ Էդի ճիշտ ա, էլի, ապեր։
Կարեն Քոչարյան՝ Մի հատ ամեն դեպքում ես ասեմ, բանը, ով որ էդ պիլառաման/ըստ լսողության/ ունի, հանդիպի իրան, հա՞։
Դավիթ Հարությունյան՝ Ո՞վ ինչ ունի։
Կարեն Քոչարյան՝ Ով որ ունի էդ տախտակի էդ պիլառաման, մի հատ հանդիպի իրան։ Հա՞, ես ասե՞մ հանդիպի, թող մի հատ քննարկեն, եթե կլինի' կլինի, եթե չէ…
Դավիթ Հարությունյան՝ Ախպերս, քննարկելու բան չկա, ես ասել եմ՝ փակած կոնտեիներ ա էդ տախտակները, մարդը վարձը տալու ա, ու բերեք ստեղ։ Երբ ա ավտոն դուրս գալիս՝ կիրակի դուրս ա գալիս, ասեց՝ երեքշաբթի Երևան ա լինելու։ Ասում ա՝ տրեյլերը կոխած քշում ա։
Կարեն Քոչարյան՝ Արո, հա՞, Արոյին։
Դավիթ Հարությունյան՝ Արո, հա։ Ինձ թվում ա, էդ եմ ասում, ախպեր, մանրանալու բան կա՞, Կար ջան։ Եթե փակած տալու ա, էդ տախտակները փակած բերելու ա։ Թե հիմա տախտակի վրա, կոպիտ ասած լաք… ներկա ա թափել, կամ…
Կարեն Քոչարյան՝ ՉԷ, Դավ ջան, դե ճիշտը տեղյակ լինելն ա։ Չէ, ախպերս, չէ։ էդ ոստոտ-մոստոտ, հիմա կարող ա բերենք, չծախվի, ասենք մարդիկ մտածեն, կարող ա ասենք ուրիշ ապրանք են բարձում, կարող ա սիլիկոն են բարձում։
Դավիթ Հարությունյան՝ Եսիմ։ Ուզու՞մ ես կանգնի զանգեմ Գոռին ասեմ ես։ Սպասի հենց հիմա զանգեմ, Գոռոն էնտեղա պրոստո, դուրսն ա, սպասի հենց հիմա զանգեմ, ասեմ։ Ասեմ, որ տախտակներհ վրա լաքա կա։
Կարեն Քոչարյան՝ Հա, լավ։
Դավիթ Հարությունյան՝ Պե՞տք ա ասեմ որտեղից ա էդ լաքեն։/
Կարեն Քոչարյան՝ ՉԷ, չէ, շատ մի մանրացի, ուղղակի բան ա։
Դավիթ Հարությունյան՝ Հա, դե, էդ եմ ասում։ Լավ, վսյո, դե, սպասի զանգեմ, ասեմ>>։

- Կարեն Քոչարյանի և Դավիթ Հարությունյանի միջև 16.09.2016թ, ժամը 12։17-ին տեղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-16-12-17-59-37493887770--out--077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Դավիթ Հարությունյան՝ Ասեցի, ասի՝ ախպեր, սենց-սենց, դե, ասում ա՝ ախպեր… ասի՝ վոբշեմ սենց ա, ասում ա՝ հա, դե, ախպեր թող… ասում ա՝ էնտեղ էլ թող սվոբոդնի Արոյի հետ խոսան արդեն, ասում ա, որ խոսքի բան ա թափվել վրեն, էդքան բան, հիմա տախտակ ա։
Կարեն Քոչարյան՝ Լավ։ էնտեղ քո՞ անունից են մոտիկանալու։
Դավիթ Հարությունյան՝ Չէ, Գոռի, Գոռի, իմ անունը էնտեղ Արոն չգիտի։ Ես Արոյին չեմ էլ ճանաչում։
Կարեն Քոչարյան՝ Լավ, ախպերս։
Դավիթ Հարությունյան՝ Իրանք միշտ էնտեղ սենց ա… բայց վաղը թող զանգեն։
Կարեն Քոչարյան՝ Հա, կասեմ վաղը զանգի, մի հատ հանդիպի։
Դավիթ Հարությունյան՝ Ասա՝ թող վաղը օրվա երկրորդ կես զանգի, Արոյին ուզի, ասի՝ ապեր, Գոռը, որ քեզ ասել ա, էդքան բան, արդեն իրանք իրար հետ կկապնվեն։
Կարեն Քոչարյան՝ Եղավ, ախպեր ջան>>։

- Սամվել Բաբայանի և Մարատ Նալբանդյանի միջև 16.09.2016թ, ժամը 12։54-ին տեղի ունեցած հեռախոսազրույցի գաղտնալսմամբ, գրառված Х-894-16 գրառմամբ լազերային սկավառակի վրա՝ 95-2306-16-2016-09-16-12-54-34-79660181844-out-79099199858-0 անվանմամբ ձայ-նային ֆայլի տեսքով, հետևյալ բովանդակությամբ՝
<<Սամվել Բաբայան՝ Հեսա ես քեզ մի հատ համար եմ <<սմս, անում, անունն էլ Արո է, կկարանա՞ս, որ ասեմ գրես։
Մարատ Նալբանդյան՝ Հա։
Սամվել Բաբայան՝ 9688588868։ Արո է անունը Գոռի կողմից, ասա ես Գոռի կողմից եմ։
Մարատ Նալբանդյան՝ Լավ։
Սամվել Բաբայան՝ Դե էգուց, վաղը առավոտ զանգի, կիրակի օրը գալու, վաղը առավոտ զանգ տուր հանդիպի, էդ բանը ցույց տուր ինչը, որ տալիս ես իրան, կանվերտում դիր ցույց տուր, էդ բանն էլ տուր իրան, ինքը բերելու է։
Մարատ Նալբանդյան՝ Լավ։
Սամվել Բաբայան՝ Ոչ մեկի համարը, բան, կոնվերտի վրա չգրես։
Մարատ Նալբանդյան՝ Լավ։
Սամվել Բաբայան՝ Հլա տուր իրան, ինքը գիտի, իրա նաչալնիկին է բերելու տա։
Մարատ Նալբանդյան՝ Լավ։ Եղավ>>։

- Կարեն Քոչարյանի և Անդրանիկ Քոչարյանի միջև 16.09.2016թ, ժամը 19։10-ին տեղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-16-19-10-53-37494300018-out-077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Կարեն Քոչարյան՝ Ի՞նչ կա Էն մի կենդանուց։
Անդրանիկ Քոչարյան՝ Ասում ա՝ մի քիչ առաջ էլ բան արեց, ասում՝ ա նատրի օ հաշ /ըստ լսողության/, լաբորատորիաներում, Էդ պիտի ճարվի։
Կարեն Քոչարյան՝ Դե ճարի, ասա։
Անդրանիկ Քոչարյան՝ Ես շատ գիտեմ, ինձ ասում ա՝ եթե բան ա, մի հատ տես, ասում ա՝ Էդ լաբորատորիաներում ա լինում, կոնցենտրիրովանի /ըստ լսողության/
/Կապն ընդհատվում է/>>։

- Կարեն Քոչարյանի և Անդրանիկ Քոչարյանի միջև 16.09.2016թ, ժամը 19։24-ին տեղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-16-19-24-30-37494300018--in--077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Կարեն Քոչարյան՝ Դրան ասա, թող ճարի, ինչ որա ա՝ կտամ, բայց արագ իրար արի։
Անդրանիկ Քոչարյան՝ Հա։
Կարեն Քոչարյան՝ Խոսա Պոնչ, ականջի հետև մի գցի։ Խոսա, դե կխոսանք։
Անդրանիկ Քոչարյան՝ Լավ>>։

- Կարեն Քոչարյանի և Դավիթ Հարությունյանի միջև 17.09.2016թ, ժամը 11։19-ին տեղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-17-11-19-41-37494300018--in--077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Կարեն Քոչարյան՝ Խոսացել ե՞ս դրա հետ։
Անդրանիկ Քոչարյան՝ Հա։ Ասեցի, որ բան արա, ասում ա՝ դե բան արեք, ասի՝ հա, դե ինչ- որ պետք ա, բան արա, ասում էր՝ դու էլ հետաքրքրվի, լաբորատորիաները ... Կարող ա՞ Մերիենց մոտ լինի։
Կարեն Քոչարյան՝ Չգիտեմ, դժվար, հարցրեցի, չկար էդ ձևի բան։
Անդրանիկ Քոչարյան՝ Հլը մի հատ ապտեկա-մապտեկա էլ հարցրու, էլի։ Էդ նատրիի խիտն ա, նատրի о հաշ կանցենտրիրովանի, այսինքն խիտ։ Էդ, որ հարցնես, էդ կասեն։ Ես իրան ասել եմ, հետաքրքրվի, գտի, որտեղից ա, ինչ ա, նենց որ պրոբլեմ չկա։ էն էլ ասեց՝ հա, հարց չկա։ Ասի, կարող ա քաղաք մարդ-մուրդ ունենաս, մի հատ թող հարցնեն-մարցնեն, էդ մոմենտն ա։
Կարեն Քոչարյան՝ Լավ, եղավ։
Անդրանիկ Քոչարյան՝ Կարեն, Իշխանիկը բերել ա։
Կարեն Քոչարյան՝ Հա, կհանդիպեմ, կվերցնեմ։
Անդրանիկ Քոչարյան՝ Լավ>>։

- Սամվել Բաբայանի և Կարեն Քոչարյանի միջև 17.09.2016թ, ժամը 18։25-ին տեղի ունեցած հեռախոսազրույցի գաղտնալսմամբ, գրառված X-893-16 գրառմամբ լազերային սկավառակի վրա՝ 95-1782-16--2016-09-17-18-25-07-37493544444-in-077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Սամվել Բաբայան՝ Բիձեն ձեն չհանե՞ց հլա, արա։ Արա, էս /անվայել բառ/ տղան կերավ, էնքան զանգեց։
Կարեն Քոչարյան՝ Էն տղե՞ն։
Սամվել Բաբայան՝ Հա։ /Ծիծաղում է/։
Կարեն Քոչարյան՝ Ասեց՝ վերցրել եմ, հետ եմ գնում։
Սամվել Բաբայան՝ Դե, տես-տես, վաղը գոնե կպրծնի՞ էդ հիմարը։
Կարեն Քոչարյան՝ Վերցրել ա, հետ ա գնում, վաղը ինչ անի, չանի, եթե չէ, ես կհանդիպեմ իրան։
Սամվել Բաբայան՝ Հա էլի, մի հատ հասկանանք։
Կարեն Քոչարյան՝ Ընդեղ բանը, Մարատը հանդիպե՞ց։
Սամվել Բաբայան՝ Մարատը զանգել ա, խոսել ա, նա վաղվա վրա ժամ ա դրել։
Կարեն Քոչարյան՝ / Հա, վաղն ա դե դուրս գալու։
Սամվել Բաբայան՝ Հա էլի, վերցնելու ա, գա։
Կարեն Քոչարյան՝ Հա, լավ, դե, ես դրան ասեմ՝ երկուշաբթի ստեղ կլինեք։ էդ էլ էդ ձև կանեմ։
Սամվել Բաբայան՝ Հա, բիձին էլ բան արա, ասա՝ արա, վաղը գոնե պրծի, որ հասկանանք էս հետևից մի բան լինելու ա՞, թե՞… ։ Դա, որ երկու- երեք հատն ա /թեթև ծիծաղ/ սենց ա տևում…
Կարեն Քոչարյան՝ Չէ, հաստատ անելու ա, էտի հեչ, էտի խնդիր չի, հաստատ անելու ա, ոնց-որ հեշտ տարբերակի վրա ինչ-որ իլյուզիաներ ա արել էլի։
Սամվել Բաբայան՝ Հը։ Ավելի շուտ՝ էժան, չի ուզեցել բան ծախսի գ...-ը։
Կարեն Քոչարյան՝ Չէ, երևի, չգիտեմ։
Սամվել Բաբայան՝ Դե, եթե լավ բան ա եղել, խի՞ չի գնացել վախտին առել, անի։
Կարեն Քոչարյան՝ Չեմ կարա ասեմ։
Սամվել Բաբայան՝ Լավ։ Դե, տեսնենք, Աստված մեր հետ, տեսնենք։
Կարեն Քոչարյան՝ Լավ, ահա։
/Այնուհետև, Սամվելն ասում է, որ ինքն այժմ բանակցություններ է վարում տախտակի հարցով, հավելում է, որ փեսային, միգուցե, ուղարկի Նիժնի Նովգորոդ, որպեսզի այնտեղից բերեն, նշում է, որ Գնելին հանձնարարել է ՀՀ֊ում մի քանի տեղ հետաքրքրվել մեքենաների հարցով։ Բոլորը տոննայից են խոսում, ինքն էլ զարմանում է. <<Կարող ա՞ տախտակը տոննայով են ծախում,, հավելում է, որ ինքը երևի պետք է այնտեղ ավել գումար տա, 10 $- ով էլ չորացնեն, խոնավությունը 0,5 դարձնելու համար, որպեսզի կարողանան 22 տոննան 44-45 խորանարդ մետր բարձեն, խնդիրը քաշն է, ոչ թե տեղը։ Այդ տղան ամիսը երկու հազար խորանարդ մետր կտրում է, պետք է պարզել, թե չորացնելու դեպքում, ինչ գումար կուզեն։/>>:

- Սամվել Բաբայանի և Մարատ Նալբանդյանի միջև 18.09.2016թ, ժամը 15։38-ին տեղի ունեցած հեռախոսազրույցի գաղտնալսմամբ, գրառված Х-894-16 գրառմամբ լազերային սկավառակի վրա՝ 95-2306-16--2016-09-18-15-38-23-79660181844--out--79099199858-0 անվանմամբ ձայնային ֆայլի տեսքով, հետևյալ բովանդակությամբ՝
Սամվել Բաբայան՝ Ե՞րբ ես եկել, թե՞ հլը։
Մարատ Նալբանդյան՝ Հիմա գնում եմ տուն, գնամ, տանեմ տամ։
Սամվել Բաբայան՝ Հա տար տուր, դու դրա հետ երևի մշտական դրա հետ գործ անես։ Նորմալ դու խոսի։ Իրան պետք չի համար֊մամար, զիբիլ էլի։ Պրոստը տանես իրան, ու մշտական օպերատիվ, որ մենք գործ անենք, մյուսն էլ մի հատ էլ տեղ կա արդեն հարյուրանոցներ,երկու հարյուրանոցներ, հիսուն… վերջը նորմալ էլի։ 45 էլ ա ասել, մենք էսօր վաղը խաբար ենք անելու, տեսնենք՝ էդ չերեզ Տիկո դուրս կգա, հնարավորա ՝ դա էլ անես։ էն բալամներին էլ ասա՝ եթե չեք տալու, մենք կողմնորոշվենք։ էդ ա ասա մեր գինը։ Բազար արեք պրծեք։ Դա էլ գնա ուղարկի, որովհետև շուտ-շուտ ա պետք, դա գործ պտի անի։
Մարատ Նալբանդյան՝ Հա։
Սամվել Բաբայան՝ Դա տենց բան չի դառնա։ էս մեկը դե ես քեզ…
Մարատ Նալբանդյան՝ Բայց դա…
Սամվել Բաբայան՝ Տար նադյոժնիին հա, էդ մշտական, որ ստեղ գալիս են-գնում են, ըտեղ ինչքան եկող-գնացող կա՝ իրանց ենթակայության տակ են։
Մարատ Նալբանդյան՝ Հասկանալի ա։
Սամվել Բաբայան՝ Հասկացա՞ր։
Մարատ Նալբանդյան՝ Դե լավ դե։ Դե ընդեղ ասեց՝ չորսին արի։ Հիմա գնում եմ։
Սամվել Բաբայան՝ Դավայ, դավայ։ Արագացրու։
Մարատ Նալբանդյան՝ Մի կես ժամից
Սամվել Բաբայան՝ Որ ուղարկես՝ խաբար արա։
Մարատ Նալբանդյան՝ Լավ։
Սամվել Բաբայան՝ Դավայ։

- Սամվել Բաբայանի և Մարատ Նալբանդյանի միջև 18.09.2016թ, ժամը 16։16-ին տեղի ունեցած հեռախոսազրույցի գաղտնալսմամբ, գրառված Х-894-16 գրառմամբ լազերային սկավառակի վրա՝ 95-2306-16--2016-09-18-16-16-01-79660181844--in--79099199858-0 անվանմամբ ձայնային ֆայլի տեսքով, հետևյալ բովանդակությամբ՝
<<Մարատ Նալբանդյան՝ Դե սաղ նորմալ ա, տվել եմ։ Վերջ։
Սամվել Բաբայան՝ Հա, վսյո։ Լավ։
Մարատ Նալբանդյան՝ էդ էդ իրար հետ հաշիվն էր։ Լավ։
Սամվել Բաբայան՝ Լավ։ Դավայ։ Լավ կաց։ Ես կզանգեմ։
Մարատ Նալբանդյան՝ Դավայ>>։

- Կարեն Քոչարյանի և Անդրանիկ Քոչարյանի միջև 19.09.2016թ, ժամը 9։52-ին տեղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-19-09-52-28-37477000075-out-094300018-0 անվանմամբ ձայնային ֆայլի տեսքով, հետևյալ բովանդակությամբ՝
<<Կարեն Քոչարյան՝ Մի հատ մատորիստի հետ խոսա, էտի հեղուկ ա, թե՞ փոշին։ Էդ որ լցնում ա մատորի մեջ։
Անդրանիկ Քոչարյան՝ Հեղուկ։
Կարեն Քոչարյան՝ Հեղու՞կ։ Մի հատ զանգի, ինձ ասա։ Ճարել եմ, որ բան անեմ վերցնեմ։
Անդրանիկ Քոչարյան՝ Հեսա մի հատ զանգեմ, ասեմ հեղուկ թե ինչ, հա՞։
Կարեն Քոչարյան՝ Հեղուկ, թե փոշի։ Երկուսից ա լինում։ Ինչ-որ H2-ը հեղուկ ա, НЗ-ը փոշի ա, ինչ ա։
Անդրանիկ Քոչարյան՝ Հեսա կիմանամ, կասեմ>>։

- Կարեն Քոչարյանի և Անդրանիկ Քոչարյանի միջև 19.09.2016թ, ժամը 9։57-ին տեղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-19-09-57-38-37494300018--out--077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Անդրանիկ Քոչարյան՝ Կարեն, խոսացի։ Հեղուկը, կոնցենտրիրովաննի։
Կարեն Քոչարյան՝ Հա։ Բանը, ինչ էի ասում։ Հարսնիքից էի ասում։ Հլը չի եկել չէ՞ էտի, որ հրավիրի քեզ։
Անդրանիկ Քոչարյան՝ 20-ին պիտի գա։
Կարեն Քոչարյան՝ Վաղը, էլի։ 23-ին ժամը 6-ին, չէ՞։
Անդրանիկ Քոչարյան՝ Չգիտեմ ժամ-մամ։
/Ապա Պ-ն ասում է, որ շատ վիրավորված է, մինչև հատուկ հրավերք չստանա, չի մասնակցի հարսանիքին։ Այնուհետև./
Կարեն Քոչարյան՝ էտ էշը չէր ճարել, չէ՞, մատոռի հեղուկից։
Անդրանիկ Քոչարյան՝ Չէ, ասում ա Աբովյանի ճամփին եմ, Աբովյան եմ էթում։ Չէ։ Ասեց՝ չեմ ճարել։
Կարեն Քոչարյան՝ <<Գազելդ>> քանիսին ա գալի։
Անդրանիկ Քոչարյան՝ 11-ն անց կես ըտեղից հելնում ա։
Կարեն Քոչարյան՝ Մյուսը՞։
Անդրանիկ Քոչարյան՝ Մյուսը 5-ին ա հելնում։
Կարեն Քոչարյան՝ Ռաֆոն եկե՞լ ա։
Անդրանիկ Քոչարյան՝ Հա, եկել ա Ռաֆոն։
Կարեն Քոչարյան՝ Լավ, կասեմ քեզ։
Անդրանիկ Քոչարյան՝ Հա, տես ինչ ա։ Լավ>>։

- Կարեն Քոչարյանի և Անդրանիկ Քոչարյանի միջև 19.09.2016թ, ժամը 11։08-ին տեղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-19-11-08-40-37494300018--in--077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Կարեն Քոչարյան՝ Մի հատ անունը ասա, էլի էտ բանի։
Անդրանիկ Քոչարյան՝ NaOH։
Կարեն Քոչարյան՝ NaOH կանցետրովանի։ Լավ>>։

- Կարեն Քոչարյանի և Դավիթ Հարությունյանի միջև 19.09.2016թ, ժամը 12։00-ին տեղի ունեցած հեռախոսազրույցի գաղտնալսմամբ, գրառված Х-939-16 գրառմամբ լազերային սկավառակի վրա՝ 95-1989-16--2016-09-19-12-00-22-37493887770--in--077000075-0 անվանմամբ ձայնային ֆայլի տեսքով, հետևյալ բովանդակությամբ՝
<<Դավիթ Հարությունյան՝ Ասի՝ տենամ ի՞նչ ա արել, տարել, տվել ա՞ էդ տղեն։
Կարեն Քոչարյան՝ Հա, Դավ ջան, հեսա ես քեզ մի կես ժամից, մի ժամից զանգեմ։
Դավիթ Հարությունյան՝ Լավ, լավ։

- Դավիթ Հարությունյանի և Իխտիարյան Համիկի միջև 19.09.2016թ, ժամը 13։31-ին տեղի ունեցած հեռախոսազրույցի գաղտնալսմամբ, գրառված X-906-16 գրառմամբ լազերային սկավառակի վրա՝ 95-2134-16--2016-09-19-13-31-25-37491040800--in--091777660 անվանմամբ ձայնային ֆայլի տեսքով։
<<Համիկ Իխտիարյան՝ Խոսացի՞ր Արոյի հետ։
Դավիթ Հարությունյան՝ Ես խոսացի Արոյի հետ, ասեց՝ գործերով եմ լինելու։ Ասեց՝ խառն եմ, բան, տենց։ Ասի՝ դե իրիկուն կզանգվենք։ Կարճ խոսացի։
Համիկ Իխտիարյան՝ Առավոտը շուտ տենց 9-ի կողմերը հելել ա, հա՞, ինչքան հասկացա։
Դավիթ Հարությունյան՝ Խաբար չեմ, չհարցրեցի։
Համիկ Իխտիարյան՝ Հա, ինչ-որ շուտոտ հելել ա։
Դավիթ Հարությունյան՝ Դու ու՞ր ես, օֆի՞սն ես։
Համիկ Իխտիարյան՝ Օֆիսն եմ, Դավ ջան։
Դավիթ Հարությունյան՝ Դե, կգամ հեսա։ Հեսա Բելլային, էրեխուն իջացնում եմ Սայաթ-Նովա։ Հեսա կգամ մոտդ։
Համիկ Իխտիարյան՝ Դավ ջան, քեզ ինչքան պետք ա՝ վերցրա, դու մի բան արա։ Քեզ ինչքան պետք ա՝ վերցրա, մեռնեմ ջանիդ։
Դավիթ Հարությունյան՝ Լավ, հեսա կգամ, Համ ջան։ Ըտեղ ես չէ՞ լինելու, թե՞ տեղ ես էթալու>>։

- Գոռ Շակոյանի և Դավիթ Հարությունյանի միջև 20.09.2016թ, ժամը 17։43-ին տեղի ունեցած հեռախոսազրույցի գաղտնալսմամբ, գրառված Х-907-16 գրառմամբ լազերային սկավառակի վրա՝ 95-2136-16--2016-09-19-15-47-33-37499969299-out-096715055 անվանմամբ ձայնային ֆայլի տեսքով, հետևյալ բովանդակությամբ՝
<<Դավիթ Հարությունյան՝ Ի՞նչ կա, նորմալ ա՞ սաղ։
Գոռ Շակոյան՝ Հա, նորմալ։
Դավիթ Հարությունյան՝ Ախպեր, ե՞րբ կհասնեն։
Գոռ Շակոյան՝ Հենա ճամփին են, գալիս են, մի չորս- հինգ ժամից։
Դավիթ Հարությունյան՝ Հա, սահմանն անցել ե՞ն։
Գոռ Շակոյան՝ Հա։
Դավիթ Հարությունյան՝ Լավ, ցավդ տանեմ։ Ստեղ մեր մոտ ե՞ն, էլի, հայկականում ե՞ն։
Գոռ Շակոյան՝ Լավ, ախպերս>>։

- Վրեժ Առաքելյանի և Դավիթ Հարությունյանի միջև 20.09.2016թ, ժամը 17։45-ին տեղի ունեցած հեռախոսազրույցի գաղտնալսմամբ, գրառված Х-906-16 գրառմամբ լազերային սկավառակի վրա՝ 95-2134-16--2016-09-20-17-45-14-37491040800--out--099034007 անվանմամբ ձայնային ֆայլի տեսքով, հետևյալ բովանդակությամբ՝
<<Դավիթ Հարությունյան՝ Ու՞ր ես դու։
Վրեժ Առաքելյան՝ Ես հենց նոր մտա տուն։ Ասա՝ ի՞նչ ա պետք։
Դավիթ Հարությունյան՝ Ոչ մի բան։ Ի՞նչ ես անելու։
Վրեժ Առաքելյան՝ Ասա՝ ի՞նչ ա պետք, ասա։
Դավիթ Հարությունյան՝ Ախպերս, էն Էդոյին զանգեմ մի հատ, ասեմ՝ էն տախտակները 5.000 խորանարդ մետր գալիս ա, մի երկու ժամից մոտս կլինի։
Վրեժ Առաքելյան՝ Զանգի։
Դավիթ Հարությունյան՝ Հիմա, եթե ինքը վարյանտ ունի, տեղում ստեղ էդ 5.000-ն էլ առնել, թող առնեն, իրան բանը անենք, եթե նմուշ ա ուզում, բան, չգիտեմ, հա կտանք, բայց … Որովհետև 10.000 խորանարդ արդեն տվել են, մեկը կա, կպած առնում ա, ջոկի՞ր։
Վրեժ Առաքելյան՝ Հա՞։
Դավիթ Հարությունյան՝ Հա, մեկը կպած առնում ա։
Վրեժ Առաքելյան՝ Գոնե մեջը մի քյար տեսա՞ր։
Դավիթ Հարությունյան՝ Ո՞վ։
Վրեժ Առաքելյան՝ Դու։
Դավիթ Հարությունյան՝ Չէ, իմ կանալով չէ, իմ կանալս էս ա, հիմա գալիս ա էդ ավտոն, հեսա կհասնի Երևան։ Էն տաս խորանարդը…
Վրեժ Առաքելյան՝ Բա հիմա ու՞ր ես, Հալաբյան ե՞ս։
Դավիթ Հարությունյան՝ Հա։
Վրեժ Առաքելյան՝ Երկար ե՞ս մնալու։
Դավիթ Հարությունյան՝ Դե հլը, դու ինչքա՞ն ես մնալու տունը։
Վրեժ Առաքելյան՝ Ամենաշատը կես ժամ։
Դավիթ Հարությունյան՝ Լավ, դե հել, զանգի։
Վրեժ Առաքելյան՝ Մի հատ վռազ հաց ուտեմ ու գամ>>։

- Վրեժ Առաքելյանի և Դավիթ Հարությունյանի միջև 20.09.2016թ, ժամը 17։47-ին տեղի ունեցած հեռախոսազրույցի գաղտնալսմամբ, գրառված Х-905-16 գրառմամբ լազերային սկավառակի վրա՝ 95-2133-16--2016-09-20-17-47-37-37493887770--out--093855555 անվանմամբ ձայնային ֆայլի տեսքով, հետևյալ բովանդակությամբ՝
<<Դավիթ Հարությունյան՝ էդ ջան, էն բանը սահմանը անցել ա, տախտակները բերում ա էլի, տասը խորանարդը բան արինք, էն մյուսն ասեց՝ արդեն մեկը կա՝ վեկալում ա, հինգ խորանարդ կա, ասի՝ նավսյակի քեզ հարցնեմ, ճիշտ ա, նմուշ կտամ քեզ, հարցը էդ չի, պրոստո ասի, կարող ա՞ դու մոմենտ ունենաս, էդ հինգ խորանարդն է…
Էդմոն Ղազարյան՝ Դե հլը թող գա հասնի, տեղում նայենք, էն վախտ կջոկենք էլի, մի հատ թող գա հասնի։
Դավիթ Հարությունյան՝ Լավ, դե կգաս, որ սաղ ջոկես։
Էդմոն Ղազարյան՝ Դե որ գա՝ գամ, լա՞վ։ Դու որ ժամ լինի, զանգի գամ ախպերս>>։

-Կարեն Քոչարյանի և Դավիթ Հարությունյանի միջև 20.09.2016թ, ժամը 17։58-ին տեղի ունեցած հեռախոսազրույցի գաղտնալսմամբ, գրառված Х-905-16 գրառմամբ լազերային սկավառակի վրա՝ 95-2133-16--2016-09-20-17-58-46-37493887770--in--077000075 անվանմամբ ձայնային ֆայլի տեսքով, հետևյալ բովանդակությամբ՝
<<Դավիթ Հարությունյան՝ Ու՞ր ես։
Կարեն Քոչարյան՝ Դուրսը, դու ասա։
Դավիթ Հարությունյան՝ Ես էլ եմ դուրսը, հեռուներն ե՞ս։
Կարեն Քոչարյան՝ Թումանյան եմ, մի հատ հելնում եմ Արաբկիրի քաղմաս։
Դավիթ Հարությունյան՝ Ի՞նչ ա եղել, հո բա՞ն չի եղել։
Կարեն Քոչարյան՝ Չէ, չէ, մի հատ գործով ուղղակի հելնում եմ, մի հատ գործ կա։ Չէ, ախպերս, նորմալ ա։ Քո մոտ նորմալ ա՞։
Դավիթ Հարությունյան՝ Հա, նոր զանգեցի, անցել են, նորմալ ա սաղ, արդեն /1 բառ կտրտվում է/ ասեց՝ մի երեք-չորս ժամից կլինեն Երևան, ասեց՝ մինչև կանգնենք, հաց ուտենք, բան։
Կարեն Քոչարյան՝ Հա, Դավ ջան, հա ախպեր ջան։
Դավիթ Հարությունյան՝ Ասեց, որ ժամն էլ լինի, ես քեզ կզանգեմ։
Կարեն Քոչարյան՝ Եղավ ախպերս, ես քեզ տենամ բան ասեմ։ էդ քո մոտերը շներ- մներ կա կապած, էդ դրանք անտեր են, ոնց որ>>։

- Սամվել Բաբայանի և Մարատ Նալբանդյանի միջև 21.09.2016թ, ժամը 4։03-ին տեղի ունեցած հեռախոսազրույցի գաղտնալսմամբ, գրառված Х-894-16 գրառմամբ լազերային սկավառակի վրա՝ 95-2306-16-2016-09-21-04-03-58-79660181844--out--79099199858-0 անվանմամբ ձայնային ֆայլի տեսքով, հետևյալ բովանդակությամբ՝
<<Մարատ Նալբանդյան՝ Ալո։
Սամվել Բաբայան՝ Բարի իրիգուն։
Մարատ Նալբանդյան՝ Բարի իրիգուն։
Սամվել Բաբայան՝ Ա, էս ի՞նչ թղթեր ես ուղարկել, ավտոբուսը բռնեցին, էդ ղ…պա Սաշան քեզ կարող ա՞ ֆալշիվի թղթեր ա տվել։
Մարատ Նալբանդյան՝ Չգիտեմ։
Սամվել Բաբայան՝ Դու տեսել ե՞ս էդ ծրարի մեջինը։
Մարատ Նալբանդյան՝ Տեսել եմ։
Սամվել Բաբայան՝ Բա որ տեսել ես, ֆալշիվին ինչի՞ ես բան անում։ Ուշադիր ես չէ՞ լսում, ասում եմ՝ էդ Սաշան փողը պարտք ա արել, բերել ա քեզ տվել, դու ստուգել ե՞ս՝ ինչ փողա քեզ բերել տվել։ Ծրարով էլ տվել ես ավտոբոսի շոֆերին, բերել ա։
Մարատ Նալբանդյան՝ Չէ, ես տեսել եմ..
Սամվել Բաբայան՝ Լավ։ Դու պտի գլխի ընկնեիր՝ ինչ եմ ասում։ Հասկացա՞ր։ Էդ Սաշի համարը պահում ե՞ս, կա՞։ Սաշա ա, ինչ ա։
Մարատ Նալբանդյան՝ Հա։
Սամվել Բաբայան՝ Որ փողա էլի ինձ պարտք, բերել ա քեզ տվել։ Դե որ հանկարծ գան քեզ բռնեն՝ Սաշան բերել ա քեզ տվել, դու ծրարով տվել ես շոֆերին, բերել ա։ Ուրիշ բան չգիտես։
Մարատ Նալբանդյան՝ Հա։
Սամվել Բաբայան՝ Հասկացա՞ր։
Մարատ Նալբանդյան՝ Հա։
Սամվել Բաբայան՝ Լավ, դե ասի նախապես իմանաս, էդ ինչ որով որ խոսում ես, էդ համարը, շպրտի, ուրիշը գտի, դրանով զանգի։
Մարատ Նալբանդյան՝ Հա։
Սամվել Բաբայան՝ Վերջը։
Մարատ Նալբանդյան՝ Լավ>>։

Ամբաստանյալ Ժորա Զաքարյանի ցուցմունքներով, ով առաջադրված մեղադրանքի շուրջ դատարանում հարցաքննվելիս նախ՝ իրեն մասնակիորեն մեղավոր է ճանաչել, ապա` հրաժարվել է որևէ դիրքորոշում հայտնել։ Օգտվել է լռելու իրավունքից, որի հիմքով ՀՀ քրեական դատավարության օրենսգրքի 337-րդ հոդվածի կարգով հրապարակվել են և հետազոտվել նրա նախաքննական ցուցմունքները /տրվել են նաև պաշտպան Ա.Գրիգորյանի մասնակցությամբ/։
Համաձայն այդ ցուցմունքների` <<2016թ. օգոստոսի կեսերին իր համագյուղացի Անդրանիկ Քոչարյանն իրեն է տվել ներկված 20 եվրո արժեքով 1 հատ թղթադրամ և հարցրել, թե այն կարո՞ղ է մաքրել ներկից, ինքը խոստացել է փորձել։ Թղթադրամը մաքրելու համար օգտագործել է եղունգների մաքրման հեղուկ, ինչի արդյունքում այն բավականին մաքրվել է կարմիր ներկից, բայց հետքեր մնացել են։ Այդ թղթադրամը 3-4 օր անց փոխանցել է Անդրանիկին։ Որոշ ժամանակ անց Անդրանիկը տվել է ևս 2 հատ 20 եվրո արժեքով և մի հատ 50 եվրո արժեքով ներկված թղթադրամներ` դրանք մաքրելու նպատակով, ինչին համաձայնել է։ Դրանց մաքրման համար Անդրանիկից պահանջել է <<NaOH>> լուծույթ, որն էլ մի քանի օրից վերջինս տրամադրել է իրեն` մոտ 1 լիտրի չափով։ Դրանք մտադրվել է մաքրել` <<NaOH>> <<H2SO4>>, <<HCL>>, քիմիական լուծույթներով և հետո նորից <<NaOH>> լուծույթով, մյուս նյութերը մտադրվել է գնել Մալաթիայի տոնավաճառից։ Անդրանիկն իրեն թղթադրամների ձեռք բերման աղբյուրը չի պարզաբանել, սակայն ինքը հասկացել է, որ դրանք ինչ-որ հանցավոր ծագում ունեն։ Թղթադրամների մաքրման եղանակի և օգտագործվող միացությունների մասին Անդրանիկին ոչինչ չի հայտնել, մտածելով, որ նա կարող է հետագայում անձամբ իրականացնել մաքրումը։ Անդրանիկից վերցրել է 5.000 ՀՀ դրամ` մի քանի այլ լուծույթներ գնելու համար։ Թղթադրամները մաքրելու ընթացքում Անդրանիկն անընդհատ հետաքրքրվել է արդյունքներով` նշելով, որ նոր խմբաքանակ է գալու, սակայն դրա չափի վերաբերյալ ոչինչ չի հայտնել։ Այդ նոր խմբաքանակը մաքրելու համար ինքը նոր գումար էր ուզելու, իսկ մինչ թղթադրամը մաքրելու համար գումար չի պահանջել։ Անդրանիկի հետ կապ է պահպանել իր 093-065804 հեռախոսահամարից` զանգելով նրա 094-300018 հեռախոսահամարին։ Թե ինչպես էին օգտագործվելու իր կողմից մաքրված թղթադրամները, տեղյակ չի եղել։ Անդրանիկն իրեն ասել է, որ ներկված թղթադրամները նրան է տվել եղբայրը՝ Կարենը, ում հետ անձամբ մոտիկ չի եղել, սակայն տեղեկացել է, որ մաքրման համար իրեն տրամադրված թղթադրամները Կարենինը չէին, պատկանում էին այլ անձի, սակայն թե ում, տեղեկացված չի եղել>>։
Վերոնշյալ ցուցմունքների հրապարակումից հետո ամբաստանյալ Ժ.Զաքարյանը հայտարարել է, որ նախաքննական ցուցմունքները պնդում է, իսկ մեղադրողի հարցին ի պատասխան` հայտնել է, որ դատարանում հետազոտված իրեղեն ապացույցներից քիմիական նյութերն իրենն են, ուղղակի տարաներից մեկը, հավանաբար, փորձագետների կողմից փոխվել է։
Ամբաստանյալ Անդրանիկ Քոչարյանի ցուցմունքներով, ով առաջադրված մեղադրանքի շուրջ դատարանում հարցաքննվելիս դիրքորոշում չի հայտնել, օգտվել է լռելու իրավունքից, որի կապակցությամբ ՀՀ քրեական դատավարության օրենսգրքի 337-րդ հոդվածի կարգով հրապարկվել և հետազոտվել են վերջինիս նախաքննական ցուցմունքները /տրվել են նաև պաշտպան Ա.Քալաշյանի մասնակցությամբ/։
Այդ ցուցմունքների համաձայն՝ <<2016թ. օգոստոսի կեսերին եղբայրը՝ Կարեն Քոչարյանն իրենց տանը տվել է 1 հատ 20 եվրո արժեքով ներկոտված թղթադրամ և հարցրել է, կարո՞ղ են արդյոք այդ ներկը մաքրել թղթադրամի մակերեսից։ Այդ նպատակով նշված 20 եվրո արժեքով թղթադրամն ինքը ցույց է տվել իր համագյուղացի Ժորա Զաքարյանին, որին ճանաչել է նաև Կարենը և ում հետ երկար տարիներ աշխատել է դպրոցում, հաշվի առնելով քիմիայի ոլորտում վերջինիս գիտելիքները։ Այդ թղթադրամը թողել է Ժորայի մոտ, հաջորդ օրը վերցրել է արդեն մաքրված վիճակում և վերադարձրել է եղբորը։ Ժորայից թղթադրամը մաքրելու եղանակով չի հետաքրքրվել, մի քանի օր անց Կարենը փոխանցել է ևս երկու հատ 20 եվրո արժեքով և մեկ հատ 50 եվրո արժեքով թղթադրամներ՝ մակերեսից ներկը մաքրելու համար։ Այդ նպատակով դարձյալ դիմել է Ժորայինը, ում փոխանցել է եղբոր տված վերոհիշյալ թղթադրամները՝ ներկից մաքրելու համար։ Որոշ ժամանակ անց Ժորան ասել է, որ նշված 3 թղթադրամների մակերեսից ներկը մաքրել չի հաջողվել և մի քանի օր հետո այդ պատճառաբանությամբ պահանջել է 1 լիտրի չափով <<NaOH>>` հեղուկ վիճակում։ Այդ հարցով դիմել է Կարենին, ով 2016թ. սեպտեմբերի 19-ին ուղարկել է Ժորայի կողմից պահանջված հեղուկը` 4-5 լիտրի չափով։ Այդ հեղուկից Ժորային է տվել մոտ 1-1.5 լիտր։ Կարենն իրեն անընդհատ շտապեցրել է և ցանկացել է իմանալ արդյունքների մասին, քանի որ սպասել է նմանատիպ թղթադրամների նոր խմբաքանակը, սակայն կոնկրետ դրա քանակությունը և ստանալու ժամկետն իրեն չի հայտնել ասել։ Ժորային աշխատանքի համար գումար չի տվել, միայն խոստացել է, որ լավ կլինի։ Սեպտեմբերի կեսերին Ժորայի կնոջ` Նուշիկ Գալստյանի միջոցով նրան է փոխանցել 5.000 ՀՀ դրամ, նրա կողմից ինչ-որ նյութեր գնելու և ներկանյութը թղթադրամների մակերեսից մաքրելու համար։ Թղթադրամների մշակման գործընթացին ներկա չի եղել, ինչպես նաև չի իմացել, թե այդ թղթադրամները Կարենը որտեղից է ձեռք բերել և ում էր հանձնելու>>։
Նախաքննական ցուցմունքների հրապարակումից հետո ամբաստանյալ Ա.Քոչարյանը հայտարարել է, որ դրանք պնդում է, իսկ պաշտպանի հարցադրման ի պատասխան` նշել է, որ նախապես տեղյակ չէր, թե թղթադրամների վրա առկա ներկանյութը ինչ հանգամանքներում է առաջացել, որ դրանք առաջացել են հափշտակվելու հետևանքով, տեղեկացել է միայն նախաքննության ընթացքում։
Ամբաստանյալ Կարեն Քոչարյանի ցուցմունքներով, ով առաջադրված մեղադրանքի շուրջ դատարանում հարցաքննվելիս իրեն մեղավոր չի ճանաչել, օգտվել է լռելու իրավունքից, որի կապակցությամբ ՀՀ քրեական դատավարության օրենսգրքի 337-րդ հոդվածի կարգով հրապարկվել և հետազոտվել են վերջինիս նախաքննական ցուցմունքները /տրվել են նաև պաշտպան Ա.Գրիգորյանի մասնակցությամբ/։
Այդ ցուցմունքների համաձայն՝ <<իր մտերիմ Սամվել Բաբայանը 2016թ. օգոստոս ամսին որպես նմուշ տվել է մի փոքր ներկոտված և մաշված 20 եվրո անվանական արժեքով թղթադրամ և առաջարկել է տանել փոխանակման կետ` ստուգելու դրա իսկությունը։ Փոխանակման կետում ստուգել է թղթադրամը և պարզել, որ այն կեղծ չէ և բանկում հանձնելու դեպքում կպահվի գումարի 2 տոկոսը։ Այդ մասին տեղեկացրել է Սամվել Բաբայանին, ով հարցրել է, թե այդ պարագայում ինչպե՞ս կարող են թղթադրամը ներկից մաքրել։ Ինքը հիշել է իրենց համագյուղացի Ժորային և եղբոր` Անդրանիկ Քոչարյանի միջոցով նշված թղթադրամը փոխանցել է Ժորային, ով որոշակի գործողություններ կատարելուց հետո մաքրել է թղթադրամը և վերադարձրել իրեն, ինքն էլ՝ Սամվել Բաբայանին։ Մի որոշ ժամանակ անց Սամվել Բաբայանն իրեն է տվել ներկոտված ևս երեք թղթադրամ՝ Ժորայի կողմից մաքրելու համար։ Ինքը թղթադրամները փոխանցել է Ժորային, ով դրանք այդպես էլ չի վերադարձրել։ Միաժամանակ Սամվել Բաբայանն իրեն է դիմել Մոսկվա քաղաքից դեպի Երևան 5.000 եվրո գումար տեղափոխելու համար, ինչին համաձայնել է և այդ հարցով դիմել է իր ընկերներից Դավիթ Հարությունյանին, ում ընկերներից Գոռը զբաղվել է ուղևորափոխադրումներով։ Դավիթն իրեն է տվել Մոսկվայում գործող նրանց դիսպետչերի հեռախոսահամարը, որն ինքը փոխանցել է Սամվել Բաբայանին՝ կապ հաստատելու համար։ Իմացել է, որ Մոսկվայում այդ գումարը փոխանցելու էր Սամվել Բաբայանի ընկերներից Մարատը, ում անձամբ չի ճանաչել, բայց մի քանի անգամ շփվել է հեռախոսով, քանի որ 2016թ. օգոստոսի վերջին կամ սեպտեմբեր ամսվա սկզբներին նա երկու անգամ իր անունով մոտ 7.000 ԱՄՆ դոլար է փոխանցել՝ որպես Սամվել Բաբայանի պարտքի մարում, այդ գումարները ստացել և փոխանցել է Բաբայանին։
Դավթին խնդրել է նախապես Գոռին տեղյակ պահել, որ լաքոտված գումար են տեղա-փոխելու։ Դավիթը Գոռից պետք է վերցներ գումարը և տար իրեն, իսկ ինքն էլ այն փոխանցելու էր Սամվել Բաբայանին, նախապես պայմանավորվել էին այդ գումարը ևս քիմիական վերամշակման ենթարկելու վերաբերյալ, որն իրականացնելու էր Ժորա Զաքարյանը։
2016թ. սեպտեմբերի 16-ին` ժամը 12։15-ին իր կողմից օգտագործվող 077-000075 հեռախոսահամարից խոսել է Դավիթի հետ, խոսակցության սկզբում Դավիթը տվել է ՌԴ-ում կոնտակտային անձի համարը, որը հետո տվել է Սամվել Բաբայանին, որ Մոսկվայում այդ անձին փոխանցեին ներկոտված գումարը` վարորդի միջոցով ՀՀ տեղափոխելու համար։ <<Լաքա>> ասելով, ի նկատի են ունեցել թղթադրամների ներկոտված լինելը, իսկ երբ Դավիթը հարցրել է, թե արդյոք պե՞տք է ասել, որտեղից այդ լաքան, առաջարկել է չմանրամասնել, ապա՝ ասել է, որպեսզի վարորդին տեղյակ պահեն, որ ներկոտված գումարներ է փոխադրելու։ <<Մանրանալ>> ասելով, ի նկատի է ունեցել, որ կարիք չի եղել հայտնելու, թե ով է գումարը տալու և ում համար, վարորդին դա ասելն ավելորդ է համարել։
2016թ. օգոստոսի 24-ին` ժամը` 15։50-ին նույն հեռախոսահամարից խոսել է եղբոր` Անդրանիկ Քոչարյանի հետ, խոսակցությունը վերաբերել է սկզբում տրված 20 եվրո անվանական արժեքով ներկոտված թղթադրամին։ Եղբորից հետաքրքրվել է, թե արդյոք Ժորան մաքրե՞լ է այն, թե` ոչ։ Խոսակցության այն հատվածը, որտեղ օգտագործել է <<քյալամներ>> արտահայտությունը, վերաբերել է ձեռք բերվող նույնանման թղթադրամների խմբաքանակին։ Երբ Ժորան մաքրել է թղթադրամը, կոնկրետ թղթադրամների խմբաքանակի չափի վերաբերյալ դեռևս տեղեկություններ չի ունեցել։ Նույն կամ դրան հաջորդող օրը եղբայրն իրեն է փոխանցել Ժորայի կողմից մաքրված թղթադրամը, ինքն էլ իր հերթին փոխանցել է Սամվել Բաբայանին։
2016թ. սեպտեմբերի 17-ին` ժամը` 18։25-ին Սամվել Բաբայանը զանգահարել է 093-544444 հեռախոսահամարից և զրուցել իր հետ, խոսակցություն մի մասը վերաբերել է իր համագյուղացի Ժորա Զաքարյանի կողմից թղթադրամները մաքրելուն, նախատեսել են 5.000 եվրո արժեքով ներկոտված թղթադրամները մաքրելու համար դարձյալ փոխանցել Ժորա Զաքարյանին>>։
Վերոնշյալ ցուցմունքների հրապարակումից հետո ամբաստանյալ Կ.Քոչարյանը հայտարարել է, որ դրանք պնդում է։
Ամբաստանյալ Դավիթ Հարությունյանի ցուցմունքներով, ով առաջադրված մեղադրանքի շուրջ դատարանում հարցաքննվելիս հրաժարվել է դիրքորոշում հայտնել, օգտվել է լռելու իրավունքից, որի կապակցությամբ ՀՀ քրեական դատավարության օրենսգրքի 337-րդ հոդվածի կարգով հրապարակվել և հետազոտվել են վերջինիս նախաքննական ցուցմունքները։
Այդ ցուցմունքների համաձայն՝ <<իր հարևան Կարեն Քոչարյանին ճանաչել է վաղուց, մտերիմ են եղել։ Քննվող դեպքից մոտ քսան օր առաջ ավտոլվացման կետում հանդիպել է Կարեն Քոչարյանին և զրույցի ընթացքում վերջինս հայտնել է, որ որպես նմուշ ունի 20 եվրո արժեքով թղթադրամ՝ մակերեսին կարմիր բծերով։ Վերջինս հարցրել է, հնարավոր է արդյոք մաքրել թղթադրամից կարմիր բծերը, համոզվելով, որ թղթադրամի իսկության մեջ, առաջարկել է այն թողել իր մոտ պարզելու համար, թե ինչով կարող է օգնել։ Հետաքրքրության համար թղթադրամը ցույց է տվել իր ընկերներին, որոնք ասել են, որ առաջին անգամ են նման բանի հանդիպել, կարմիր բծերը հնարավոր չէ մաքրել, խորհուրդ են տվել թղթադրամը վերադարձնել։ Օրվա վերջ ներկոտված 20 եվրո արժեքով թղթադրամները վերադարձրել է Կարեն Քոչարյանին։
Այնուհետև Կարեն Քոչարյանը խնդրել է իրեն օգնել 5.000 եվրո գումարը Մոսկվայից Երևան տեղափոխելու հարցում, նշելով, որ այն բաղկացած է նախկինում տվածի 20 եվրո արժեքով թղթադրամի պես ներկոտված թղթադրամներից։ Համաձայնել է զուտ օգնելու համար, սակայն Կարեն Քոչարյանը խոստացել է գումարը բարեհաջող Դրան հասնելու դեպքում ինչ-որ շահույթ, նշելով, որ իրեն նույնպես լավ է լինելու։ Դրանից հետո դիմել է ՌԴ-ից Հայաստան ուղևորափոխադրումներով զբաղվող ընկերոջը` Գոռին, խնդրել է տալ իրենց ընկերության Մոսկվա քաղաքի գրասենյակի հեռախոսահամարը, հայտնելով, որ ներկոտված թղթադրամներ է տեղափոխվելու Հայաստան։ Դա արել է Կարենի ցուցումով, Գոռը տվել է Մոսկվայում իրենց դիսպետչերի հեռախոսահամարը, որն էլ փոխանցել է Կարենին։ Գոռի հետ պայմանավորվել է նաև հետագայում հնարավոր տեղափոխումների համար, ինչին Գոռը ասել է, որ մեկ անգամ բարեհաջող գործն անելուց հետո ապագան կորոշեն։ Դրանից հետո Կարենը կամ նրա ծանոթը կապվել են Մոսկվայի դիսպետչերի հետ, փոխանցել գումարը, որը բերվել է Հայաստան։ Ավտոբուսի Երևան հասնելուց հետո Գոռը զանգահարել և հայտնել է այդ մասին, ինքը գնացել Գոռի նշած վայր և ավտոբուսի մոտ հանդիպել վերջինիս հետ, ով վերցրել է գումարը և փոխանցել իրեն։ Այն տեղադրված է եղել սպիտակ թղթի մեջ, պարունակությունը չի երևացել։ Այն վերցնելուց հետո ցանկացել է զանգահարել Կարենին՝ փոխանցելու համար, սակայն չի կարողացել, քանի որ մոտեցել են ՀՀ ԱԱԾ աշխատակիցները և բերման ենթարկել։ Կարենն իրեն ասել է, որ դրանք <<կեղտոտ փողեր, են, ինչից հասկացել է, որ դրանք գողացված գումարներ են, թեև Կարենը գողացված լինելու մասին իրեն բան չի ասել։ Կարենն ինչ-որ ծանոթներ ուներ, ովքեր պետք է մաքրեին այդ ներկը՝ սովորական գումար դարձնելու համար։ Նշել է նաև, որ գործով ամբաստանյալներ Ժորա Զաքարյանի, Անդրանիկ Քոչարյանի և Սամվել Բաբայանի հետ ծանոթ չէ>>։
Վերոնշյալ ցուցմունքների հրապարակումից հետո ամբաստանյալ Դ.Հարությունյանը հայտարարել է, որ դրանք պնդում է, իսկ դատական քննության ավարտական փուլում` հայտարարել է, որ առաջադրված մեղադրանքում իրեն լիովին մեղավոր է ճանաչում։
Վկա Էդմոն Ղազարյանի՝ հրապարակված և հետազոտված նախաքննական ցուցմունքներով, համաձայն որոնց՝ <<այն մասին, որ Դավիթ Հարությունյանի հետ ծանոթացել է մոտ մեկ տարի առաջ, Վրեժ Առաքելյանի միջոցով։ Նրա հետ հանդիպել է հազվադեպ, եղել են սովորական շփումներ։ 2016թ. սեպտեմբերին Դավթի հետ խոսակցության ընթացքում վերջինս հայտնել է, որ մոտը ներկոտված թղթադրամ ունի և դիմելով իրեն` հետաքրքրվել է, թե կարո՞ղ են արդյոք իր ծանոթները բանկում այն փոխանակել` հնարավորինս ցածր տոկոսադրույքով։ Խոստացել է ճշտել և տեղեկացնել, սակայն գործնականում որևէ գործողություն այդ ուղղությամբ չի կատարել։ Դրանից հետո Դավթին չի տեսել, նրա հետ չի խոսել, լրացուցիչ որևէ պայմանավորվածություն նրա հետ չի ունեցել, նրա նշած թղթադրամը նույնիսկ չի տեսել։
Ընդունել է, որ 2016թ. սեպտեմբերի 20-ին` ժամը 17։47-ին հեռախոսով զրուցել է Դավթի հետ, խոսակցությունը վերաբերել է ներկոտված գումարին և չգիտի, թե ինչու՞ է վերջինս խոսակցության ընթացքում օգտագործել <<տախտակ>> բառը։ Քանի որ թղթադրամների պահով Դավթի հետ որևէ պայմանավորվածություն չի ունեցել, Դավթի առաջարկին պատասխանել է <<թող գա հասնի>>` նկատի ունենալով, որ նշված թղթադրամները տեսնելուց հետո, միգուցե այն հնարավոր լինի բանկում փոխանակել։ Նշված խոսակցության ընթացքում Դավիթն ասել է, որ իրեն նմուշ կտա, քանի որ մինչ այդ թղթադրամը չէր տեսել։ Խոսակցությունը զուտ տեղեկատվական բնույթ է ունեցել, Դավթի հետ թղթադրամներ գնելու մասին խոսք չի եղել և նրա հետ խոսել է միայն բանկերում նրան օգնելու թեմայով, որ փոխանակվող գումարը փոխանակվի ավելի քիչ տոկոսի պահմամբ։ Այլ պայմանավորվածություն Դավիթի հետ չի եղել>>։
Փաթեթ ներկայացնելու մասին արձանագրությամբ, համաձայն որի` <<գործով ամբաստանյալ Դավիթ Հարությունյանը 2016թ. սեպտեմբերի 20-ին <<Ֆոլսվագեն Ջետտա>> մակնիշի 35 OP 756 հաշվառման համարանիշի ավտոմեքենայի սրահից վարույթն իրականացրած մարմնին է ներկայացրել փաթեթ, որում առկա էին 50 եվրո անվանական արժեքով թվով 100 ներկոտված թղթադրամներ։ Դ.Հարությունյանը հայտարարել է, որ փաթեթը վերցրել է 2016թ. սեպտեմբերի 20-ին Երևանի Ֆուչիկի 1-ին նրբանցքի 4-րդ տան հարակից տարածքից` Գոռից, որն ուղարկել էր Մոսկվա քաղաքում բնակվող ծանոթներից Սարգիսը, որի հեռախոսահամարը և կոորդինատները չունի>>։
Իրեղեն ապացույց ճանաչված և գործին կցված` գործով ամբաստանյալ Դավիթ Հարությունյանի կողմից 2016թ. սեպտեմբերի 20-ին ներկայացված` ինկասացիոն կամ բանկոմատային անվտանգության նպատակով օգտագործվող հատուկ նյութով ներկված 50 եվրո անվանական արժեքով տարբեր սերիաների և համարների թվով 100 թղթադրամների առկայությամբ և դրանք դատարանում զննելու արդյունքներով /արձանագրությամբ/։
Իրեղեն ապացույց ճանաչված և գործին կցված՝ գործով ամբաստանյալ Ժորա Զաքարյանի տան խուզարկությամբ 2016թ. սեպտեմբերի 21-ին հայտնաբերված ինկասացիոն կամ բանկոմատային անվտանգության նպատակով օգտագործվող հատուկ նյութով ներկված 2 հատ 20 եվրո և մեկ հատ 50 եվրո անվանական արժեքներով թղթադրամների առկայությամբ և դրանք դատարանում զննելու արդյունքներով /արձանագրությամբ/։
Քննչական փորձարարություն կատարելու վերաբերյալ արձանագրությամբ, համաձայն որի` <<2017թ. հուլիսի 7-ին կատարված այդ քննչական գործողության ժամանակ գործով ամբաստանյալ Կարեն Քոչարյանը մատնացույց է արել Երևանի Կասյան 5 հասցեով գործող տարադրամի փոխանակման այն կետը` հայտարարելով, որ 2016թ. օգոստոսին այդ կետ է ստուգման համար ներկայացրել Սամվել Բաբայանից նախապես ստացած, ներկոտված 20 եվրո անվանական արժեքով թղթադրամը` հավաստիանալով դրա իսկության մեջ։ Քննչական փորձարարության կատարման ժամանակ կիրառվել է լուսանկարահանում բջջային հեռախոսով, լուսանկարչական հավելվածը կցվել է վերոնշյալ արձանագրությանը>>։
ՀՀ ոստիկանության Ինտերպոլի ազգային կենտրոնական բյուրոյի միջոցով կատարված հարցումների արդյունքներով ստացված գրություններով, մասնավորապես`
- 2017թ. հունվարի 27-ի №9/A-245-CF1/208/139/16 գրությամբ, համաձայն որի` <<ՀՀ-ում հայտնաբերված և ստուգման համար նրանց ներկայացված գունավորված եվրո թղթադրամների վրա առկա են Եվրոպական Կենտրոնական Բանկի 3 տարբեր նախագահների ստորագրությունները, հետևաբար` դրանք <<գողացվել են տարբեր ժամանակներում>>։ Իտալիայի իրավասու մարմիններին փոխանցված X սերիայի 09178737887 համարի 50 եվրո արժողությամբ թղթադրամի նախնական փորձաքննությամբ հաստատվել է, որ թղթադրամը գողացվել է պաշտպանիչ ներկանյութեր պարունակող բանկոմատից, թղթադրամի մակերեսի վրա առկա ներկանյութի բաշխվածությունից կարելի է պնդել, որ նշված թղթադրամը հորիզոնական դիրքով տեղադրված է եղել կոնտեյների մեջ։ Թղթադրամը երեք տարբեր ուղղություններից ներկող կարմիր գույնը և դրա վրա առկա ներկի քանակը վկայում է այն մասին, որ դա բնորոշ է բանկոմատներում անվտանգության նպատակով տեղադրված ներկերին։ Թղթադրամների վրա բանկոմատներում անվտանգության նպատակով կիրառվող ներկանյութերի առկայությունը փաստում է, որ այդ բանկոմատները հանցագործների կողմից հարձակման են ենթարկվել։ Եթե թղթադրամը պատահաբար է ներկոտվել, ապա այն շրջանառության մեջ դնելու միակ տարբերակը ֆինանսական հաստատության աշխատակիցների կամ ընկերությունների կողմից կատարվող <<ներքին գողությունն, է, որը հազվադեպ հանդիպող երևույթ է։ <<Հատուկ ներկանյութերով ներկոտված թղթադրամների առկայությունը ցույց է տալիս, որ դրանք գողացվել են այս կամ այն եղանակով>>>>։
- 2017թ. փետրվարի 2-ի թիվ 9/A-317-CF1/208/139/16 գրությամբ, որի համաձայն` <<վարույթն իրականացնող մարմնի կողմից <<Ինտերպոլ>>-ի գլխավոր քարտուղարություն փոխանցված 50 եվրո արժողությամբ X09178737887 թղթադրամը փոխանցվել է իտալական <<MIB>> ընկերությանը, որը հաստատել է, որ այդ թղթադրամի վրա առկա ներկն օգտագործվել է իրենց համակարգերի կողմից, ինչպես նաև նշել են, որ հիշյալ թղթադրամը ներկից քիմիական միջամտությամբ մաքրման փորձեր են արվել։ Միաժամանակ տեղեկացրել են, որ <<MIB>> ընկերության համակարգերում օգտագործված կարմիր ներկն արտադրվել է շվեյցարական
<<SICPA>> ընկերության կողմից>>։
- 2017թ. մարտի 17-ի թիվ 9/A-761-CF1/208/139/16 գրությամբ, որի համաձայն` <<իտալական <<MIB>> ընկերությունը հաստատել է, որ 50 եվրո արժողությամբ X09178737887 թղթադրամի փորձաքննության արդյունքում փորձագետների կողմից այդ թղթադրամի վրա հայտնաբերված հատկանիշները համապատասխանում են ներկանյութերի 2 տարբեր խմբաքանակների, հաճախորդներին են մատակարարվել տարբեր ժամանակահատվածում։ Առաջին խմբաքանակը՝ 2NS33012, 2010 թվականին իտալական <<MIB>> կողմից մատակարարվել է գերմանական <<NCR GmBH>> ընկերությանը, իսկ երկրորդը՝ 2NS33053-ը 2015 թվականին մատակարարվել է ֆրանսիական <<Credit Mutuel-Euro information>> ընկերությանը։ 2 տարբեր խմբաքանակները միևնույն թղթադրամի վրա, հավանաբար, հայտնվել են քիմիական մաքրող լուծույթի միջոցով մաքրման փորձի դեպքում>>։
- 2017թ. ապրիլի 3-ի թիվ 9/A-896-CF1/208/139/16 գրությամբ, որին կից ներկայացվել է շվեյցարական <<SICPA>> ընկերության կողմից 10 ներկոտված թղթադրամների հետազոտության վերաբերյալ հաշվետվությունը /ըստ էության փորձագիտական եզրակացությունը/, որի համաձայն` <<դրանց վրա առկա ներկի հետքերի ընդհանուր վիճակը, չափսը և բաշխվածությունը համապատասխանում են անվտանգության համար նախատեսված ներկանյութեր պարունակող թղթադրամների չեզոքացման համակարգերի գործարկման արդյունքում ներկոտված լինելուն։ Բոլոր թղթադրամների վրա առկա են <<SICPA>> կարմիր ներկանյութին հատուկ բաղադրատարրեր։ Բոլոր 10 թղթադրամների վրա առկա հետքերից կարելի է եզրակացնել, որ դրանք ներկված են նույն խմբաքանակի ներկանյութով։ Թիվ 2NS33053 խմբաքանակի ներկը 500 կգ ընդհանուր քաշով 2014թ. նոյեմբերին մատակարարվել է իտալական <<MIB>> ընկերությանը։ Բացի այդ, վերոնշյալ հետազոտությամբ մասնագետները եզրահանգել են, որ այդ թղթադրամները ներկոտվելուց հետո /փաստորեն` մինչև սույն գործով ամբաստանյալ Դավիթ Հարությունյանի տրամադրության տակ հայտնվելը/ քիմիական նյութի միջոցով ենթարկվել են մաքրման>>։
ՀՀ կենտրոնական բանկի ֆինանսական վերահսկողության վարչության պետ Հր.Սուվարյանի 2017թ. հունիսի 16-ի թիվ 13.06/001326-17 գրությամբ, համաձայն որի` <<ՀՀ-ում գործող բանկերը ֆիզիկական և իրավաբանական անձանց համար ՀՀ դրամով հնամաշ դրամանիշների փոխանակումը, սովորաբար, իրականացնում են անվճար, իսկ արտարժույթի դեպքում սահմանված սակագները տատանվում են 2-ից 5 տոկոսի միջակայքում>>։
Մասնագիտական հատուկ գիտելիքների տիրապետող, որպես փորձագետ ճանաչված Յուրի Ավետիսյանի կազմած դատափաստաթղթաբանական փորձաքննության 2016թ. սեպտեմբերի 21-ի եզրակացությամբ, համաձայն որի` <<փորձաքննությանը ներկայացված եվրո-թղթադրամներն իրենց պատրաստման եղանակով և հիմնական պաշտպանական հատկանիշներով համապատասխանում են եվրո թղթադրամների պատրաստման եղանակին և հիմնական պաշտպանական հատկանիշներին, այսինքն` հանդիսանում են Եվրոմիության կողմից թողարկված թղթադրամներ։ Ինչ վերաբերում է թղթադրամների վրա առկա մուգ կարմիր գույնի ներկանման նյութին, ապա այն կարող է հանդիսանալ ինկասացիոն կամ բանկոմատային անվտանգության նպատակներով օգտագործվող հատուկ ներկ, որն անթույլատրելի գործողություն կատարելու դեպքում վնասվում է` ներկոտելով թղթադրամները>>։
Բնակարանի խուզարկություն կատարելու արձանագրությամբ, համաձայն որի` <<2016թ. սեպտեմբերի 21-ին ժամը` 03.15-ից մինչև 05.20-ն ընկած ժամանակահատվածում գործով ամբաստանյալ Ժորա Զաքարյանի` Բուժական 4-րդ փողոցի 1-ին նրբանցքի 8 հասցեում գտնվող տանը կատարված այդ քննչական գործողության ընթացքում և արդյունքներով հայտնաբերվել և վերցվել են ներկոտված թղթադրամները քիմիական մաքրման ենթարկելու համար նախատեսված նյութեր>>։
Բնակարանի խուզարկություն կատարելու արձանագրությամբ, համաձայն որի` <<2016թ. սեպտեմբերի 21-ին ժամը` 03.15-ից մինչև 05.00-ն ընկած ժամանակահատվածում գործով ամբաստանյալ Անդրանիկ Քոչարյանի` Բուժական 1-ին փողոցի 20 հասցեում գտնվող տանը կատարված այդ քննչական գործողության ընթացքում և արդյունքներով հայտնաբերվել և վերցվել է նաև ներկոտված թղթադրամները քիմիական մաքրման ենթարկելու համար նախատեսված նյութ>>։
Քիմիական փորձաքննության 2016թ. նոյեմբերի 1-ի թիվ 58213816 եզրակացությամբ, համաձայն որի` <<ամբաստանյալներ Ժորա Զաքարյանի և Անդրանիկ Քոչարյանի առանձնատների խուզարկությամբ հայտնաբերված և փորձաքննությանը ներկայացված նյութերը պիտանի են նպատակային օգտագործման համար և հանդիսանում են` ա/ նատրիումի հիդրօքսիդի 52%-ոց լուծույթ, բ/ սպիտակեցնող և ախտահանող հեղուկ, որում ակտիվ քլորի զանգածային մասը կազմում է 60գ/լ, գ/ ջրի, ացետոնի և իզոպրոպիլ սպիրտի խառնուրդ` լաքուներկերի լուծիչ, դ/ ուայթ սպիրիտ` լաքուներկերի լուծիչ, ե/ ացետոնի և ջրի խառնուրդ>>։
Իրեղեն ապացույց ճանաչված և գործին կցված` գործով ամբաստանյալներ Ժորա Զաքարյանի և Անդրանիկ Քոչարյանի առանձնատներում կատարված խուզարկությամբ հայտնաբերված և վերցված ներկոտված թղթադրամները քիմիական մաքրման ենթարկելու համար նախատեսված վերոնշյալ նյութերի առկայությամբ և դրանք դատարանում զննելու արդյունքներով /արձանագրությամբ/։
58. Ինչ վերաբերվում է պաշտպան Ա.Քալաշյանի վերաքննիչ բողոքի այն պնդմանը, թե <<…սույն գործով ապացուցված չէ, որ իրեղեն ապացույց հանդիսացող եվրո թղթադրամները ստացվել են ՀՀ քրեական օրենսգրքի 190-րդ հոդվածի 5-րդ մասով սահմանված հանցագործություններից որևէ մեկի կատարման արդյունքում: Ավելին, ապացուցված չէ, թե այդ թղթադրամներն ընդհանրապես հանցավոր ճանապարհով են ձեռք բերվել, թե ոչ>>, ապա Վերաքննիչ դատարանն իր համաձայնությունն է հայտնում առաջին ատյանի դատարանի այն պնդմանը, որ քրեական հետապնդման մարմինները բավարար ապացուցողական զանգվածով հիմնավորել են իրեղեն ապացույց ճանաչված և դատարանում զննված 5.000 եվրո գումարի` նախապես հափշտակված լինելու փաստը, որի մասին են վկայում հետևյալ ապացույցները.
ՀՀ ոստիկանության Ինտերպոլի ազգային կենտրոնական բյուրոյի միջոցով կատարված հարցումների արդյունքներով ստացված գրությունները, համաձայն որոնց՝ ՀՀ-ում հայտնաբերված գունավորված եվրո թղթադրամների վրա առկա են Եվրոպական Կենտրոնական բանկի 3 տարբեր նախագահների ստորագրություններ, հետևաբար` դրանք <<գողացվել են տարբեր ժամանակներում>>։ Իտալիայի իրավասու մարմիններին փոխանցված X սերիայի 09178737887 համարի 50 եվրո արժողությամբ թղթադրամի նախնական փորձաքննությամբ հաստատվել է, որ թղթադրամը գողացվել է պաշտպանիչ ներկանյութեր պարունակող բանկոմատից, թղթադրամի մակերեսի վրա առկա ներկանյութի բաշխվածությունից կարելի է պնդել, որ նշված թղթադրամը հորիզոնական դիրքով տեղադրված է եղել կոնտեյների մեջ։ Թղթադրամը երեք տարբեր ուղղություններից ներկող կարմիր գույնը և դրա վրա առկա ներկի քանակը վկայում է այն մասին, որ դա բնորոշ է բանկոմատներում անվտանգության նպատակով տեղադրված ներկերին։ Թղթադրամների վրա բանկոմատներում անվտանգության նպատակով կիրառվող ներկանյութերի առկայությունը փաստում է, որ այդ բանկոմատները հանցագործների կողմից հարձակման են ենթարկվել։ Եթե թղթադրամը պատահաբար է ներկոտվել, ապա այն շրջանառության մեջ դնելու միակ տարբերակը ֆինանսական հաստատության աշխատակիցների կամ ընկերությունների կողմից կատարվող <<ներքին գողությունն>> է, որը հազվադեպ հանդիպող երևույթ է։ <<Հատուկ ներկանյութերով ներկոտված թղթադրամների առկայությունը ցույց է տալիս, որ դրանք գողացվել են այս կամ այն եղանակով>>։ Վարույթն իրականացնող մարմնի կողմից <<Ինտերպոլ>>-ի գլխավոր քարտուղարությանը փոխանցված 50 եվրո արժողությամբ X սերիայի 09178737887 համարի թղթադրամը փոխանցվել է իտալական <<MIB>> ընկերությանը, որը հաստատել է, որ այդ թղթադրամի վրա առկա ներկն օգտագործվել է իրենց համակարգերի կողմից, ինչպես նաև նշել են, որ հիշյալ թղթադրամը ներկից քիմիական միջամտությամբ մաքրման փորձեր են արվել։ Միաժամանակ տեղեկացրել են, որ <<MIB>> ընկերության համակարգերում օգտագործված կարմիր ներկն արտադրվել է շվեյցարական <<SICPA>> ընկերության կողմից։ Իտալական <<MIB>> ընկերությունը հաստատել է, որ 50 եվրո արժողությամբ X սերիայի 09178737887 համարի թղթադրամի փորձաքննության արդյունքում փորձագետների կողմից այդ թղթադրամի վրա հայտնաբերված հատկանիշները համապատասխանում են ներկանյութերի 2 տարբեր խմբաքանակների, հաճախորդներին են մատակարարվել տարբեր ժամանակահատվածում։ Առաջին խմբաքանակը՝ 2NS33012, 2010 թվականին իտալական <<MIB>> կողմից մատակարարվել է գերմանական <<NCR GmBH, ընկերությանը, իսկ երկրորդը՝ 2NS33053-ը 2015 թվականին մատակարարվել է ֆրանսիական <<Credit Mutuel-Euro information>> ընկերությանը։ 2 տարբեր խմբաքանակները միևնույն թղթադրամի վրա, հավանաբար, հայտնվել են քիմիական մաքրող լուծույթի միջոցով մաքրման փորձի դեպքում։ Բացի այդ, շվեյցարական <<SICPA>> ընկերության կողմից 10 ներկոտված թղթադրամների հետազոտության վերաբերյալ հաշվետվության /ըստ էության փորձագիտական եզրակացությունը/ համաձայն՝ դրանց վրա առկա ներկի հետքերի ընդհանուր վիճակը, չափսը և բաշխվածությունը համապատասխանում են անվտանգության համար նախատեսված ներկանյութեր պարունակող թղթադրամների չեզոքացման համակարգերի գործարկման արդյունքում ներկոտված լինելուն։ Բոլոր թղթադրամների վրա առկա են <<SICPA>> կարմիր ներկանյութին հատուկ բաղադրատարրեր։ Բոլոր 10 թղթադրամների վրա առկա հետքերից կարելի է եզրակացնել, որ դրանք ներկված են նույն խմբաքանակի ներկանյութով։ Թիվ 2NS33053 խմբաքանակի ներկը 500 կգ ընդհանուր քաշով 2014թ. նոյեմբերին մատակարարվել է իտալական <<MIB>> ընկերությանը։ Դեռ ավելին, վերոնշյալ հետազոտությամբ մասնագետները եզրահանգել են, որ այդ թղթադրամները ներկոտվելուց հետո քիմիական նյութի միջոցով արդեն իսկ որոշակիորեն ենթարկվել էին մաքրման, այսինքն՝ գործով ամբաստանյալ Սամվել Բաբայանին ուղարկված ներկված 5.000 եվրո գումարը չէր կարող ձեռք բերված լինել օրինական ճանապարհով/ բանկոմատի հետ կապված տեխնիկական անսարքություն, թյուրիմացություն և այլ/, այդ կապակցությամբ պաշտպանական կողմի վիճարկումներն անհիմն են։
Դատափաստաթղթաբանական փորձաքննության 2016թ. սեպտեմբերի 21-ի եզրակացությունը, համաձայն որի` փորձաքննությանը ներկայացված եվրո-թղթադրամներն իրենց պատրաստման եղանակով և հիմնական պաշտպանական հատկանիշներով համապատասխանում են եվրո թղթադրամների պատրաստման եղանակին և հիմնական պաշտպանական հատկանիշներին, այսինքն` հանդիսանում են Եվրոմիության կողմից թողարկված թղթադրամներ։ Ինչ վերաբերում է թղթադրամների վրա առկա մուգ կարմիր գույնի ներկանման նյութին, ապա այն կարող է հանդիսանալ ինկասացիոն կամ բանկոմատային անվտանգության նպատակներով օգտագործվող հատուկ ներկ, որն անթույլատրելի գործողություն կատարելու դեպքում վնասվում է` ներկոտելով թղթադրամները։
59. Այն, որ վերոնշյալ թղթադրամները ձեռք էին բերվել հանցավոր ճանապարհով, որի մասին տվյալ դրվագով ամբաստանվող բոլոր անձինք /այդ թվում Ս.Բաբայանը/ նախապես տեղեկացված էին, այսինքն՝ նրանցից յուրաքանչյուրին վերագրված հանցավոր գործողությունները կատարել են ուղղակի դիտավորությամբ, առաջին ատյանի դատարանը հաստատված է համարել ՀՀ ոստիկանության Ինտերպոլի ազգային կենտրոնական բյուրոյից ստացված վերոնշյալ գրությունների, գործով ամբաստանյալներ Ժորա Զաքարյանի, Դավիթ Հարությունյանի և Անդրանիկ Քոչարյանի նախաքննական ցուցմունքների, ամբաստանյալներ Սամվել Բաբայանի և այլ անձի, Սամվել Բաբայանի և Կարեն Քոչարյանի հեռախոսազրույցների բովանդակության հետ համադրելու, ստուգելու և գնահատելու արդյունքներով։ Ընդ որում, եթե <<Հեռախոսային խոսաակցությունների վերահսկում>> օպերատիվ-հետախուզական միջոցառումների արդյունքների /արձանագրությունների/ համաձայն՝ Սամվել Բաբայանը իր զրուցակից Մարատի Նալբանդյանի հետ դրա մասին խոսում է ուղղակի, առանց ծածկագրման, ապա ամբաստանյալ Կարեն Քոչարյանը հափշտակված այդ գումարի մասին խոսում է քողարկված եղանակով, այդ գումարը <<քյալամներ>> և այլն անվանելով, ինչը ևս վկայում է դրա հանցավոր ծագման մասին վերջինիս գիտակցելու և հեռախոսային զրույցների ժամանակ այդ գումարի մասին զգուշավորության կանոնների պահպանմամբ խոսելու մասին։
60. Առաջին ատյանի դատարանը հակիրճ անդրադարձել է նաև դատարանի թույլտվությամբ իրականացված ՕՀ միջոցառումների արդյունքներին, որոնք հաստատել են ամբաստանյալ Սամվել Բաբայանին ՀՀ քրեական օրենսգրքի 190-րդ հոդվածի 1-ին մասով վերագրված գործողությունները, բացահայտում դրանք հերքող ցուցմունքների և պատճառաբանությունների մտացածին բնույթն ու անարժանահավատությունը։
Այսպես, Կարեն Քոչարյանի հետ 2016թ. հունիսի 17-ին` ժամը 23.38-ին կայացած հեռախոսազրույցի ժամանակ ներկոտված եվրոները մաքրելու թեմայի շուրջ խոսելիս Սամվել Բաբայանը Կարենին պարզաբանում է, որ մաքրած եվրոներ նախկինում էլ տեսել է, եթե գտնվի այն նյութը, որով հնարավոր լինի, թղթադրամը չվնասելով, ներկը <<վերցնել>>, այսինքն` մաքրել, նույնիսկ բանկոմատներում էլ կարող է դա <<ուտացնել գնա>>, իսկ որ այդպես <<կեղտոտ բանկոմատի բերանը տաս, շպրտում ա, կծում ա>>, որից կարելի է եզրակացնել, որ թղթադրամների ներկոտման իրական հանգամանքի, այդ կերպ` հանցավոր ծագման, դրա մաքրման և իրացման հնարավորությունների մասին գործով ամբաստանյալ Ս.Բաբայանը նախապես տեղեկացված էր։
2016թ. հունիսի 18-ին` ժամը 12.40-ին Կարեն Քոչարյանի հետ հեռախոսազրույցի ժամանակ Սամվել Բաբայանը Կարենին խորհուրդ է տալիս, որ նա Հրազդանում գտնվող վարպետին առաջարկի փորձնական թղթադրամը մաքրել լրիվությամբ, ոչ թե միայն անկյունային հատվածը, նշում է նաև, որ եթե վարպետը կարողանա այն մաքրել, այն ինքը կուղարկի համապատասխան մարդկանց, ապա <<պաչկա-պաչկա>> դրանցից բերել կտա։ Նշվածով հերքվում է գործով ամբաստանյալ Ս.Բաբայանի այն վարկածը, թե իբր ներկոտված 5.000 եվրո գումարը նրան ուղարկել է որպես չվերադարձված պարտքի մնացորդ և որ նա տեղեկացված չէր այդ գումարի հափշտակված լինելու մասին։
2016թ. օգոստոսի 24-ին` ժամը 15.25-ին Մարատի Նալբանդյանի հետ միջազգային հեռախոսազանգի ժամանակ Սամվել Բաբայանը Մարատին տեղեկացնում է, որ նա 10.000 Վասիլիից վերցնի, ապա գնա Տիկոյի մոտ, ով կհուշի, թե <<կեղտոտ>> 5.000 եվրոն որտեղից վերցնի, հաշվարկում, ապա նշում է, որ այդ գումարի 52 տոկոսը` 2.912 եվրոն, Մարատը տանի և տա, <<կեղտոտ>> 5.000 եվրոն վերցնի, 50-անոցներով, դրա վրա դնի 100 ԱՄՆ դոլար գումար և փոխանցի ավտոբուսի վարորդին, որ վերջինս իր հերթին այդ <<կեղտոտ գումարը>> բերի և տա Կարենին, ըստ դատաքննության արդյունքների՝ Կարեն Քոչարյանին։ Նույն հեռախոսազրույցի ժամանակ Սամվել Բաբայանը Մարատին խնդրում է, որ նա Վասիլիից վերցրած այդ գումարի մնացած մասը, որն ըստ էության հանցագործության հետքեր իր վրա չէր կրում, <<Յունիստրիմ>> համակարգով ուղարկի Կարենի անվամբ` փոխանցմամբ։
2016թ. օգոստոսի 24-ին` ժամը 21.11-ին Մարատ Նալբանդյանի հետ կայացած միջազգային հեռախոսազրույցի ժամանակ Ս.Բաբայանը նրան առաջարկում է <<կեղտոտ>> թղթադրամները լեննականցի-մեննականցիներից գնելիս գինը սակարկել, որի վրա ներկը շատ է, առաջարկել անվանական արժեքի 45 տոկոսը։ Ս.Բաբայանը նաև նշում է, որ ժամանակին 52 տոկոսով է կեղտոտ թղթադրամները ձեռք բերել, սակայն եթե ներկանյութը շատ է, հորդորում է գինը սակարկել և իջեցնել մինչև 45 տոկոս։ Ս.Բաբայանը Մարատին նաև հորդորում է, որ վերջինս ուշադիր լինի, ճղած-մղած բան չվերցնի, ստուգի արդյո՞ք փողի որակը նորմալ է, հեռախոսազրույցի ժամանակ ընդգծում, որ <<մաշածը>> պետք չէ։ Բացի այդ, նույն հեռախոսազրույցի ժամանակ տեղեկանալով, որ նման <<կեղտոտ>> թղթադրամներ վաճառողներն ունեն այդ գումարներից մոտ <<300-ի, սահմաններում` Ս.Բաբայանը Մարատին առաջարկում է վաճառողին փոխանցել, որ ինքն է ողջ քանակությունը գնելու, միևնույն է, նրանք դա ոչ մեկին չեն ծախելու։ Նույն հեռախոսազրույցի ժամանակ Ս.Բաբայանը նշում է նաև, որ անհրաժեշտ է էդ գումարը դնել շրջանառության մեջ 10 եվրոյանոցներով, մեկ այլ անգամ` 20 եվրոյանոցներով, որից հետո միայն փոխում է խոսակցության թեման և հետաքրքրվում տախտակի հարցով։
2016թ. օգոստոսի 30-ին` ժամը 14.17-ին Մարատ Նալբանդյանի հետ կայացած միջազգային հեռախոսազրույցի ժամանակ Ս.Բաբայանը, Մարատին վերստին ուղարկելով <<կեղտոտ փող, վաճառող անձի մոտ, նրան հայտնում է հետևյալը. <<Էսօր հինգ է>> <<պրոբնի, է, էգուց կարող է 50 դառնա, 100 դառնա>>, ավելին, հորդորում է, որ Մարատը գնա-արագացնի, գործ անի։
2016թ. սեպտեմբերի 21-ին` ժամը 04.03-ին Մարատ Նալբանդյանի հետ կայացած միջազգային հեռախոսազանգի ժամանակ Ս.Բաբայանը Մարատին տեղեկացնում է, որ ավտոբուսը բռնել են, ապա հետաքրքրվում, թե էդ Սաշան նրան կարող ա՞ <<ֆալշիվի>> թղթեր ա տվել, ապա դեռևս Մարատի պատասխանը չլսած` հուշում է. <<Ուշադիր ես չէ՞ լսում, ասում եմ՝ էդ Սաշան փողը պարտք ա արել, բերել ա քեզ տվել, դու ստուգել ե՞ս՝ ինչ փող ա քեզ բերել տվել։ Ծրարով էլ տվել ես ավտոբոսի շոֆերին, բերել ա>>։ Երբ Մարատը պատասխանում է, որ ոչ, ինքը փողը տեսել է, Ս.Բաբայանը վերստին դիմում է նրան. <<Դու պտի գլխի ընկնեիր՝ ինչ եմ ասում, հասկացա՞ր։ Էդ Սաշի համարը պահում ե՞ս, կա՞։ Սաշա ա, ինչ ա։ Որ փող ա էլի ինձ պարտք, բերել ա քեզ տվել։ Դե որ հանկարծ գան քեզ բռնեն՝ Սաշան բերել ա քեզ տվել, դու ծրարով տվել ես շոֆերին, բերել ա։ Ուրիշ բան չգիտես, հասկացա՞ր>>։ Երբ Մարատն ի վերջո պատասխանում է, որ Ս.Բաբայանին հասկացավ, վերջինս նրան հորդորում է էդ ինչով որ խոսում է, էդ համարը, շպրտի, ուրիշը գտնի, դրանով զանգի։
61. Այսպիսով, Վերաքննիչ դատարանն ամբաստանյալ Ա.Պողոսյանի պաշտպան Վ.Կիրակոսյանի, ամբաստանյալ Ս.Բաբայանի պաշտպան Ա.Քալաշյանի և ամբաստանյալ Ս.Գաբրիելյանի վերաքննիչ բողոքների քննության արդյունքում հանգում է այն հետևության, որ բերված վերաքննիչ բողոքները բավարարելու և ամբաստանյալներին արդարացնելու հիմքեր չկան, նկատի ունենալով, որ դատարանը դատավճիռ կայացնելիս թույլ չի տվել նյութական և դատավարական իրավունքի այնպիսի խախտումներ, որոնք կարող էին հանգեցնել դատական սխալի:
Ելնելով վերոգրյալներից և ղեկավարվելով ՀՀ քրեական դատավարության օրենսգրքի 393-րդ և 394-րդ հոդվածներով, Վերաքննիչ քրեական դատարանը

Ո Ր Ո Շ Ե Ց

1. Ամբաստանյալ Ա.Պողոսյանի պաշտպան Վ.Կիրակոսյանի, ամբաստանյալ Ս.Բաբայանի պաշտպան Ա.Քալաշյանի և ամբաստանյալ Ս.Գաբրիելյանի վերաքննիչ բողոքները մերժել, իսկ Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2017թ. նոյեմբերի 28-ի դատավճիռը քրեական գործով ըստ մեղադրանքի Սամվել Անդրանիկի Բաբայանի` ՀՀ քրեական օրենսգրքի 38-235-րդ հոդվածի 2-րդ մասով, 190-րդ հոդվածի 1-ին մասով, Սանասար Անդրանիկի Գաբրիելյանի` ՀՀ քրեական օրենսգրքի 235-րդ հոդվածի 2-րդ մասով, Արմեն Նշանի Պողոսյանի` ՀՀ քրեական օրենսգրքի 235-րդ հոդվածի 2-րդ մասով և մյուսների` թողնել օրինական ուժի մեջ:
2. Սույն որոշման դեմ վճռաբեկ բողոք կարող է բերվել այն հրապարակելու օրվանից մեկամսյա ժամկետում` ՀՀ Վճռաբեկ դատարանի քրեական պալատին:

ՆԱԽԱԳԱՀՈՂ ԴԱՏԱՎՈՐ` Ս.ՀԱՄԲԱՐՁՈՒՄՅԱՆ

ԴԱՏԱՎՈՐՆԵՐ` Մ.ՊԱՊՈՅԱՆ

Մ.ՊԵՏՐՈՍՅԱՆ