ԵԿԴ/0177/01/17
Ո Ր Ո Շ ՈՒ Մ

ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

06 դեկտեմբերի 2018թ. ք.Երևան

Երևան քաղաքի առաջին ատյանի ընդհանուր իրավասության դատարանը` նախագա-հությամբ` դատավոր Գ.Պողոսյանի, քարտուղարությամբ` Ն.Թումանյանի, մասնակցությամբ` մեղադրող Հ.Խաչատրյանի, (այսուհետ նաև՝ Մեղադրող), ամբաստանյալ Ս.Համբարձումյանի (այսուհետ նաև՝ Ամբաստանյալ), պաշտպան Ա.Կարապետյանի, դատարանում` դռնբաց դա-տական նիստում, քննության առնելով «Էրեբունի-Երևանի հիմնադրման 2800-ամյակի և Հայաս-տանի առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» 01.11.2018թ. ՀՀ օրենքի (այսուհետ նաև՝ Օրենք) կիրառմամբ ամբաստանյալ Սերգեյ Սեյրանի Համաբարձումյանի (ծնված 26.01.1987թ-ին ք.Երևանում, ազգությամբ հայ, ՀՀ քաղաքացի, ամուրի, իր հայտարարությամբ՝ խնամքին 2 անձ, միջնակարգ կրթությամբ, առողջ, աշխատում է «Տոմա» գեղեցկության սրա-հում՝ որպես վարսահարդար, նախկինում չդատված, բնակվում է՝ ք.Երևան, Բարբյուսի փողոց, հ. 13/1 տուն) նկատմամբ քրեական հետապնդումը դադարեցնելու և թիվ ԵԿԴ/0177/01/17 քրեական գործի վարույթը կարճելու մասին Պաշտպանի միջնորդությունը,

Պ Ա Ր Զ Ե Ց

Սերգեյ Սեյրանի Համբարձումյանին ՀՀ քրեական օրենսգրքի 268-րդ հոդվածի 2-րդ մասի 2-րդ կետով մեղադրանք էր առաջադրվել այն բանի համար, որ նա. «Քննությամբ չպարզված ժամանակ և հանգամանքներում, առանց իրացնելու նպատակի ապօրինի ձեռք է բերել և իր մոտ պահել խոշոր չափի` 0.0527 գրամ քաշով «մետամֆետամին» տեսակի թմրամիջոց, որը հայտ-նաբերվել է 29.04.2017թ.-ին ՀՀ ոստիկանության Երևան քաղաքի Կենտրոնական բաժնում կա-տարված անձնական խուզարկության ժամանակ` վերջինիս սպորտային տաբատի ձախ գրպա-նում պառլամենտ» ապրանքանիշի ծխախոտի տուփի մեջ` պոլիէթիլենային տոպրակով փա-թաթված»։
Դատաքննությամբ Մեղադրողը 24.08.2018թ. որոշմամբ ամբաստանյալ Սերգեյ Սեյրանի Համբարձումյանին նախկինում առաջադրված մեղադրանքը փոփոխեց և նույն արարքի համար նրան նոր մեղադրանք առաջադրեց ՀՀ քրեական օրենսգրքի 268-րդ հոդվածի 1-ին մասով։
Պաշտպանը միջնորդեց Ամբաստանյալի նկատմամբ կիրառել «Էրեբունի-Երևանի հիմ-նադրման 2800-ամյակի և Հայաստանի առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» 01.11.2018թ. ՀՀ օրենքը, նրա նկատմամբ դադարեցնել ՀՀ քրեական օրենսգրքի 268-րդ հոդվածի 1-ին մասով քրեական հետապնդումը և կարճել թիվ ԵԿԴ/0177/01/17 քրեական գործի վարույթը։
Ամբաստանյալը միացավ Պաշտպանի միջնորդությանը, իսկ Մեղադրողը չառարկեց դրան։
Դատարանը, քննության առնելով Պաշտպանի միջնորդությունը, հաշվի առնելով կողմերի կարծիքներն ու ուսումնասիրելով քրեական գործի նյութերը, գտնում է, որ միջնորդությունը պետք է բավարարվի` հետևյալ հիմնավորումներով և պատճառաբանություններով.
ՀՀ քրեական օրենսգրքի 82-րդ հոդվածի համաձայն` հանցանք կատարած անձն oրենս-դիր մարմնի կողմից ընդունվող համաներման ակտով կարող է ազատվել քրեական պատասխա-նատվությունից, ...։
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համա-ձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման մասին օրենք։
Նույն հոդվածի 5-րդ մասի համաձայն` դատարանը, հայտնաբերելով քրեական հետա-պընդումը բացառող հանգամանքներ, լուծում է ամբաստանյալի նկատմամբ քրեական հետա-պընդումը դադարեցնելու հարցը, իսկ 6-րդ մասի համաձայն` սույն հոդվածի առաջին մասի 6-րդ և 13-րդ կետերում նշված հիմքերով գործի վարույթի կարճում և քրեական հետապնդման դադա-րեցում չի թույլատրվում, եթե դրա դեմ առարկում է մեղադրյալը։ Այս դեպքում գործի վարույթը շարունակվում է սովորական կարգով։
Սույն հոդվածի առաջին մասի 13-րդ կետում նշված հիմքով գործի հարուցման մերժում, վարույթի կարճում և քրեական հետապնդման դադարեցում չի թույլատրվում, եթե չի հատուցվել կամ այլ կերպ չի հարթվել պատճառված վնասը, կամ առկա է վեճ հատուցման ենթակա վնասի կապակցությամբ։ Այս դեպքում ևս գործի վարույթը շարունակվում է սովորական կարգով։ Սույն պարբերությամբ նախատեսված կարգավորումը գործում է, եթե համաներման մասին օրենքով այլ բան նախատեսված չէ։
Օրենքի 2-րդ հոդվածի 5-րդ մասի 1-ին կետով սահմանված է` քրեական գործի հարու-ցումը մերժել« հարուցված քրեական գործը կարճել« ինչպես նաև դադարեցնել քրեական հետա-պնդումը կամ չիրականացնել քրեական հետապնդում 2018թ. հոկտեմբերի 21-ը ներառյալ կա-տարած հանցագործությունների դեպքերով (բացառությամբ անմիջականորեն մարդու մահվան հանգեցրած դեպքերի« որոնցով առկա է տուժողի իրավահաջորդի առարկությունը)« որոնցով անձինք կարող են մեղադրվել կամ մեղադրվում են այնպիսի հանցագործություններ կատարելու մեջ« որոնց համար նախատեսված է պատիժ` ոչ ավելի« քան չորս տարի ժամկետով ազատա-զրկում։
Նույն հոդվածի 6-րդ մասի համաձայն՝ սույն հոդվածի 5-րդ մասը կիրառվում է Հայաս-տանի Հանրապետության քրեական դատավարության օրենսգրքի 35-րդ հոդվածի 6-րդ մասի դրույթների պահպանմամբ։
Ամբաստանյալ Ս.Համբարձումյանի կատարած հանցանքի համար պատասխանատ-վություն սահմանող ՀՀ քրեական օրենսգրքի 268-րդ հոդվածի 1-ին մասի սանկցիան նախատե-սում է կալանք` առավելագույնը երկու ամիս ժամկետով, կամ ազատազրկում` առավելագույնը մեկ տարի ժամկետով։
ՀՀ ոստիկանության ինֆորմացիոն կենտրոնի 06.12.2018թ-ի տեղեկանքի համաձայն` Ամ-բաստանյալը որևէ այլ հանցագործություն չի կատարել և չի դատապարտվել։
Քրեական գործով պատճառված, սակայն չհատուցված կամ այլ կերպ չհարթված վնաս կամ հատուցման ենթակա վնասի կապակցությամբ վեճ առկա չէ։
Այսպիսով, հաշվի առնելով վերոգրյալներն ու նկատի ունենալով, որ Դատարանը գտնում է, որ սույն գործով առկա չեն Օրենքի կիրառման վերաբերյալ նույն օրենքով սահմանված սահ-մանափակումները, դատարանը հանգում է, եզրակացության, որ առկա է Ամբաստանյալի քրեա-կան հետապնդումը բացառող հանգամանք, վերջինիս Պաշտպանի միջնորդությունը բխում է Օրենքի 2-րդ հոդվածի 5-րդ մասի 1-ին կետի պահանջներից, հետևաբար՝ Ամբաստանյալի նկատմամբ ՀՀ քրեական օրենսգրքի 268-րդ հոդվածի 1-ին մասով պետք է դադարեցվի քրեական հետապնդումն ու կարճվի նրա վերաբերյալ քրեական գործի վարույթը, իսկ կիրառված խափան-ման միջոցը` չհեռանալու մասին ստորագրությունը, վերացվի։
Քննության առնելով իրեղեն ապացույցի տնօրինման հարցը, դատարանը գտնում է, որ իրեղեն ապացույց ճանաչված փորձաքննության կատարումից հետո մնացած «Մետամֆետա-մին» տեսակի թմրամիջոցը պետք է ոչնչացվի։
Վերոգրյալների հիման վրա ու ղեկավարվելով ՀՀ քրեական դատավարության օրենս-գրքի 119-րդ, 312-րդ և 313-րդ հոդվածներով, դատարանը

Ո Ր Ո Շ Ե Ց

«Էրեբունի-Երևանի հիմնադրման 2800-ամյակի և Հայաստանի առաջին Հանրապետու-թյան անկախության հռչակման 100-ամյակի կապակցությամբ քրեական գործերով համաներում հայտարարելու մասին» 01.11.2018թ. ՀՀ օրենքի 2-րդ հոդվածի 5-րդ մասի 1-ին կետի համաձայն՝ Սերգեյ Սեյրանի Համաբարձումյանի նկատմամբ դադարեցնել ՀՀ քրեական օրենսգրքի 268-րդ հոդվածի 1-ին մասով քրեական հետապնդումն ու կարճել թիվ ԵԿԴ/0177/01/17 քրեական գործի վարույթը։
Իրեղեն ապացույց` «Մետամֆետամին» տեսակի թմրամիջոցը ոչնչացնել։
Ս.Համբարձումյանի նկատմամբ կիրառված խափանման միջոցը` չհեռանալու մասին ստորագրությունը, վերացնել։
Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում։
ԴԱՏԱՎՈՐ` Գ.ՊՈՂՈՍՅԱՆ