Գործ ԵԿԴ/0152/01/17



Ո Ր Ո Շ ՈՒ Մ
քրեական գործի վարույթը կարճելու և քրեական հետապնդումը
դադարեցնելու մասին

«9» նոյեմբերի 2017թ. ք. Երևան

Երևանի Կենտրոն և Նորք - Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Դարինա Բեգլարյանի,

մասնակցությամբ`

մեղադրող, Երևանի Մալաթիա-Սեբաստիա
վարչական շրջանի դատախազության
դատախազ` Նարեկ Խաչատրյանի,

տուժող` Արթուր Վարդանյանի,

տուժողի ներկայացուցիչ` Արամայիս Ավետիսյանի,

պաշտպան` Արմեն Մուխսիկարոյանի,

նույն դատարանում` խորհրդակցական սենյակում, քննության առնելով քրեական գործն ըստ մեղադրանքի` Հայկ Ռոբերտի Սահակյանի` (ծնված 1973թ. փետրվարի 6-ին, Երևան քաղա¬քում« ազգությամբ հայ« ՀՀ քաղաքացի« միջնակարգ կրթությամբ, ամուսնացած« խնամքին` 5-ամյա դուստրը, չաշխատող կինը և կենսաթոշակառու մայրը, նախկինում չդատապարտված՝ հաշվառ¬ված է Երևանի Մամիկոնյանց 62-րդ շենքի 18-րդ բնակարանում, փաստացի բնակվում է Շերամի 85-րդ շենքի 9-րդ բնակարանում, սույն գործով վերագրվել է 178-րդ հոդվածի 1-ին մասով նախա¬տեսված արարքի կատարում, որ¬պես խա¬փան¬ման միջոց է ընտրվել չհեռանալու վերա¬բերյալ ստո¬րագրություն),
հաշվի առնելով քրեական գործի դա¬տական քննության ընթացքում գործի վարույթը բա¬ցառող հանգա¬մանքի ի հայտ գալու փաստը,

Պ Ա Ր Զ Ե Ց`

Մասնավոր մեղադրանքի վերաբերյալ թիվ 15117316 քրեական գործը հարուցվել է 2016թ. հունիսի 9-ին` ՀՀ քրեական օրենսգրքի 178-րդ հոդվածի 2-րդ մասի 1-ին կետով ՀՀ քննչա¬կան կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջան¬ների քննչական բաժնում` տուժող Արթուր Վարդանյանի հաղորդման հի¬ման վրա նախա¬պատ¬րաստված նյութերի քննարկ¬ման արդյունքներով։
2016թ. դեկտեմբերի 21-ին որոշումներ են կայացվել Հ.Սահակյանին ՀՀ քրեական օրենսգրքի 178-րդ հոդվածի 1-ին մասով որպես մեղադրյալ ներգրավելու, նրա նկատմամբ որպես խա¬փանման միջոց չհեռանալու վերաբերյալ ստորագրություն ընտրելու և հետախուզում հայտա¬րարելու մասին։
2016թ. դեկտեմբերի 23-ին մեղադրյալ Հ.Սահակյանի գտնվելու վայրը չպարզված լինելու հիմքով քրեական գործով վարույթը կասեցվել է։
2017թ. փետրվարի 7-ին մեղադրյալ Հ.Սահակյանը հայտնաբերվել և ներկայացվել է քննութ¬յանը, որի հիմքով քրեական գործով վարույթը վերսկսվել և Հ.Սահակյանին մեղադրանք է առաջադրվել ՀՀ քրեական օրենսգրքի 178-րդ հոդվածի 1-ին մասով, նրա նկատմամբ ընտրված խափանման միջոցը թողնվել է անփոփոխ։
2017թ. հունիսի 12-ին սույն քրեական գործը Հայկ Ռոբերտի Սահակյանի նկատմամբ ՀՀ քրեական օրենսգրքի 178-րդ հոդվածի 1-ին մասով հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրա¬վա¬¬սութ¬յան դատա¬րան, 2017թ. հունիսի 14-ին ընդունվել է Դատարանի վարույթ, իսկ 2017թ. հունիսի 28-ին նշանակվել դատական քննության։
Համաձայն Հայկ Սահակյանին որպես մեղադրյալ ներգրավելու որոշման, ինչպես նաև մեղադրական եզրակացության` վերջինիս ՀՀ քրեական օրենսգրքի 178-րդ հոդվածի 1-ին մասով մեղադրանք է առա¬ջադրվել այն բանի համար, որ նա « 2016 թվականի մարտ ամսվա սկզբներին« խարդախությամբ Արթուր Թոռնիկի Վարդանյանից հափշտակել է զգալի չափի 100.000 ՀՀ դրամ գումար։
Այսպես« Հ.Սահակյանը տեղեկանալով« որ Ա.Վարդանյանը փնտրել է վարորդի աշխա¬տանք՝ ցանկացել է վերջինիցս խարդախությամբ հափշտակել գումար։ Իր հանցավոր նպատակն ի կատար ածելու համար« Երևան քաղաքի Մալաթիա-Սեբաստիա վարչական շրջանում գտնվող Զո¬րավար Անդրանիկի հուշարձանի մոտակայքում հանդիպել է Ա.Վարդանյանի հետ« ներկայացել« որպես «Ռուբին» թիկնապահական ակադեմիայի փոխնախագահ և նրան որպես վարորդ աշխա¬տանքի տեղավորելու պատրվակով« իբր անհրաժեշտ փաստաթղթերի ձևակերպման համար« իր ծանոթ Խաչատուր Ռուբիկի Կիրակոսյանի միջոցով Ա.Վարդանյանից վերցրել է 100.000 ՀՀ դրամ գումար և խարդախությամբ հափշտակել այն»։
2017թ. նոյեմբերի 9-ին կայացած դատական նիստի ընթացքում տուժողի ներկայացուցիչ Արամայիս Ավետիսյանը հայտնեց, որ գործով ամբաստանյալն ամբողջությամբ փոխհատուցել է տուժողին պատճառված գույքային վնասը, համապատասխան լիազորությամբ օժտված լինելով` խնդրեց Հ.Սահակյանի նկատմամբ հարուցված քրեական հետապնդումը դադարեցնել և քրեական գործի վա¬րույթը կարճել` պատճառաբանելով, որ նրա հետ տուժողը հաշտվել է, այլևս բողոք չունի և չի ցանկանում, որ նա ենթարկվի քրեական պատասխանատվության։
Ամբաստանյալ Հ.Սահակյանը հայտնեց, որ տուժողին պատճառված նյութական վնասը փոխ¬հատուցել է, նրա հետ հաշտվել է, չի առարկում, որ իր նկատմամբ հարուցված քրեական հե¬տապնդումը դադա¬րեցվի ոչ արդարացնող այդ հիմքով։
Դատարանը, հաշվի առնելով ամբաստանյալի և տուժողի վե¬րոնշյալ դիր¬քո¬րոշումները, փաստում է, որ ի հայտ է եկել քրեական գործի վարույթը բացառող հանգամանք (հիմք), որի պայ¬մաններում քրեական գործի վարույթն ենթակա է կարճման, իսկ ամբաստանյալ Հ.Սահակյանի նկատմամբ հարուցված քրեա¬կան հետապնդումը` դադա¬րեցման, որպիսի հետևութ¬յան հանգում է հետևյալ իրա¬վական վերլու¬ծութ¬յունների արդյունքներով.
ՀՀ քրեական դատավարական օրենսգրքի 33-րդ հոդվածի համաձայն` մասնավոր մե¬ղադրան¬¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծություն¬ների վերաբերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի (…) 178-րդ հոդվածի 1-ին մասով նախատեսված հանցա¬գործությունների վերաբերյալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի կամ մեղադրյալի կամ ամբաստանյալի հետ նրա հաշտվելու դեպքում են¬թակա են կարճման։ Հաշտությունը թույլատրվում է մինչև դատավճիռ կայացնելու համար դատա¬րանի խորհրդակ¬ցա¬կան սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում տուժողը հաշտվել է կասկածյալի կամ մեղադրյալի հետ։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանք¬ներ, լուծում է ամբաստանյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։
ՀՀ քրեական դատավարական օրենսգրքի 64-րդ հոդվածի 2-րդ մասի համաձայն` մե¬ղադրյալը, ում վերաբերյալ գործը նշանակված է դատական քննության, ձեռք է բերում ամբաս¬տան¬յալի կարգավիճակ, հետևաբար` ՀՀ քրեական դատավարական օրենսգրքի 35-րդ և 36-րդ հոդ¬վածների վերոնշյալ մեկ¬նաբանությունները վերաբերելի են նաև սույն գործով ամբաստանյալ Հ.Սահակյանին։
ՀՀ քրեական դատավարական օրենսգրքի 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոց¬ները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում` իրեղեն ապացույցների ճակատագրի վերաբերյալ։ Տվյալ հարցին անդրադառնալով` Դատարանն արձանագրում է, որ քրեական գործով իրեղեն ապացույցներ չկան, վնասի հատուց¬ման հարցը լուծվել է, ամբաստանյալի գույքի նկատմամբ արգելանք չի կիրառվել։
ՀՀ քրեական դատավարական օրենսգրքի 151-րդ հոդվածի 2-րդ մասի համաձայն` խա¬փան¬¬ման միջոցը վերացվում է, երբ վերանում է դրա անհրաժեշտությունը։ Դատարանը վե¬րոնշյալ տրա¬մաբանությամբ փաստում է, որ ամբաստանյալ Հայկ Սահակյանի նկատմամբ ընտրված խա¬փան¬ման միջոց չհեռանալու մասին ստորագրությունն ենթակա է անհապաղ վերացման։
Վերոգրյալի հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետով, 41-րդ հոդվածի 2-րդ մասի 8-րդ կետով, 183-րդ, 294-րդ և 313-րդ հոդվածներով, ինչպես նաև 379-րդ հոդվածի 1-ին մասի 1-ին կետով, Դատարանը

Ո Ր Ո Շ Ե Ց `

1. Հայկ Ռոբերտի Սահակյանի նկատմամբ ՀՀ քրեական օրենսգրքի 178-րդ հոդված¬ի 1-ին մասով հա¬րուցված քրեա¬կան հետապնդումը դադարեցնել, թիվ ԵԿԴ/0152/01/17 քրեական գործի վարույթը կարճել` վերջինիս հետ տուժող Արթուր Վարդանյանի հաշ¬տութ¬¬յան հիմ¬քով։
2. Հայկ Սահակյանի նկատմամբ որպես խափանման միջոց ընտրված չհեռա¬նալու մասին ստորագրությունն անհապաղ վերացնել։
3. Սույն որոշման օրինակներն հանձնել կողմերին` պարզաբանելով, որ այն կարող է բողո¬քարկ¬վել ՀՀ վերաքննիչ քրեական դատարան` ստացման օրվանից մեկամսյա ժամ¬կետում։



ԴԱՏԱՎՈՐ` Ա.ՎԱՐԴԱՆՅԱՆ