ԵԿԴ/0139/01/17


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
19 հունիսի 2017թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ն.ԹՈՒՄԱՆՅԱՆԻ
մասնակցությամբ`
մեղադրող Կ.ՊԵՏՐՈՍՅԱՆԻ
ամբաստանյալ Հ.ՀԱՅՐԱՊԵՏՅԱՆԻ

դատարանում` դռնբաց դատական նիստում, քննեց գործն ըստ մեղադրանքի Հայրա-պետ Սամվելի Հայրապետյանի` ծնված 18.04.1998թ. ք.Աբովյանում, ազգությամբ հայ, ՀՀ քաղաքացի, ամուրի, իր հայտարարությամբ՝ զբաղվում է այգեգործությամբ, միջնակարգ կըր-թությամբ և խնամքին մեկ անձ, առողջ, չդատված, բնակվում է` ՀՀ Կոտայքի մարզ, գ.Պտղնի, 1-ին փողոց, 5-րդ նրբանցք, տուն հ. 17, արգելանքի տակ չէ, մեղադրվում է ՀՀ քրեական օ-րենսգրքի 235-րդ հոդվածի 4-ին մասով։

Գործի դատավարական նախապատմությունը.

Ոստիկանության Էրեբունու բաժնի հետաքննության բաժանմունքի ավագ տեսուչ Ն.Մեջ-լումյանը 18.04.2017թ. որոշմամբ ՀՀ քրեական օրենսգրքի 235-րդ հոդվածի 4-րդ մասով հարուցել է թիվ 12172317 քրեական գործը և այն ընդունել է իր վարույթ։
ՀՀ քննչական կոմիտեի Երևան քաղաքի քննչական վարչության Էրեբունի և Նուբա-րաշեն վարչական շրջանների քննչական բաժնի քննիչ Ա.Խաչատրյանը 21.04.2017թ. որոշ-մամբ 12172317 քրեական գործն ընդունել է իր վարույթ։
Քննիչի 11.05.2017թ. որոշմամբ որպես խափանման միջոց` Հ.Հայրապետյանի նկատ-մամբ ընտրվել է ստորագրություն՝ չհեռանալու մասին, իսկ 16.05.2017թ. որոշմամբ Հ.Հայրա-պետյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 235-րդ հոդվածի 4-րդ մասով։
Նախաքննության ընթացքում մեղադրյալ Հ.Հայրապետյանը հրաժարվել է պաշտպա-նից։
2017թ. մայիսի 24-ին թիվ 12172317 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան` ըստ էության քննելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության առաջին ատյանի դատարանի (դատավոր Գ.Պողոսյան) 2017թ. մայիսի 26-ի որոշ-մամբ Հայրապետ Սամվելի Հայրապետյանի վերաբերյալ ՀՀ քրեական օրենսգրքի 235-րդ հոդվածի 4-րդ մասով քրեական գործն ընդունվել է վարույթ, իսկ 2017թ. հունիսի 9-ի որոշմամբ նշանակվել է դատաքննության։
Ամբաստանյալ Հ.Հայրապետյանին ՀՀ քրեական օրենսգրքի 235-րդ հոդվածի 4-րդ մասով մեղադրանք է առաջադրվել այն բանի համար, որ նա. «ապօրինի կերպով կրել է ինք-նաշեն եղանակով պատրաստված հարվածող-փշրող սառը զենք հանդիսացող կռփազենքի նմանությամբ առարկա, որը 2017թ. ապրիլի 9-ին ՀՀ ոստիկանության Էրեբունու բաժնի աշ-խատակիցների կողմից հայտնաբերվել է նրա անձնական խուզարկության ժամանակ»։

Դատարանի կողմից հաստատված հանգամանքները.

Դատաքննությամբ պարզվեց, որ ամբաստանյալ Հ.Հայրապետյանը 2017թ. ապրիլի սկզբին իրենց տան հարևանությամբ գտնվող այգում արճիճից պատրաստել է կռփազենքի նմանությամբ առարկա։
2017թ. ապրիլի 9-ին` ժամը 15-ի սահմաններում, Հ.Հայրապետյանը նշված կռփազենքը դնելով իր տաբատի ձախ գրպանում` գնացել է Երևան քաղաքի Տիգրան Մեծի պողոտայում գտնվող եկեղեցի, որից հետո` ժամը 17-ի սահմաններում, մոտեցել է Տիգրան Մեծի պողոտա-յում` «Այրարատ» տոնավաճառի հարևանությամբ գտնվող կանգառ, ցանկացել է մոտենալ վճարման տերմինալին` բջջային հեռախոսը լիցքավորելու նպատակով, սակայն տվյալ տա-րածքում ծառայություն իրականացնող ՀՀ ոստիկանության ՊՊԾ գնդի 1-ին վաշտի 2-րդ դա-սակի ոստիկաններ Նարեկ Բեգլարյանը և Ռազմիկ Էլբակյանը նկատելով Հ.Հայրապետյա-նի արտասովոր վարքը` մոտեցել են նրան և խնդրել են ներկայացնել անձը հաստատող փաս-տաթուղթ։ Հ.Հայրապետյանը հայտնել է, որ իր մոտ փաստաթղուղթ չկա, տաբատի գրպանից հանել է բջջային հեռախոսը, որի ընթացքում ոստիկանության աշխատակիցները նկատել են, որ նույն գրպանում երևում է կռփազենքի նմանությամբ առարկա, հարցրել են, թե այն ինչ է իրենից ներկայացնում, ինչին ի պատասխան` Հ.Հայրապետյանը գրպանից հանել է կռփա-զենքի նմանությամբ արծաթագույն մետաղյա առարկա` պարզաբանելով, որն այն ինքն է պատրաստել` ինքնապաշտպանության նպատակով։ Ոստիկանության աշխատակիցները խնդրել են տվյալ առարկան նույն կերպ տեղադրել գրպանում և Հ.Հայրապետյանին սառը զենք կրելու կասկածանքով բերման են ենթարկել ՀՀ ոստիակնության Էրեբունու բաժին, որ-տեղ վերջինիս անձնական խուզարկությամբ հայտնաբերվել է հարվածող-փշրող սառը զենք հանդիսացող կռփազենքի նմանությամբ արծաթագույն մետաղյա առարկան։

Ապացույցների հետազոտում և գնահատում.

ՀՀ քրեական օրենսգրքի 235-րդ հոդվածի 4-րդ մասով առաջադրված մեղադրանքում ամբաստանյալ Հ.Հայրապետյանն իրեն լիովին մեղավոր ճանաչեց, սակայն հրաժարվեց ցուցմունք տալ։
Ամբաստանյալ Հ.Հայրապետյանի դատաքննությամբ հետազոտված նախաքննական ցուցմունքի համաձայն՝ ինքը 2017թ. ապրիլ ամսին Կոտայքի մարզի Պտղնի գյուղի 1-ին փողոցի 5-րդ նրբանցքի 17-րդ տան հարևանությամբ արճիճից պատրաստել է կռփազեն-քի նմանությամբ առարկա` ինքնապաշտպանության համար օգտագործելու նպատակով, 09.04.2017թ.-ին` ժամը 15։00-ի սահմաններում, Երևան քաղաքի Տիգրան Մեծի պողոտա-յում գտնվող եկեղեցի գնալիս այն տեղադրել է տաբատի ձախ գրպանում։ Ժամը 17-ի սահմաններում գտնվել է Երևան քաղաքի Տիգրան Մեծի պողոտայում գտնվող «Այրա-րատ» տոնավաճառի հարևանությամբ, շտապելով մոտեցել է վճարման տերմինալին` հե-ռախոսը լիցքավորելու նպատակով, սակայն այդ պահին իրեն են մոտեցել ոստիկանութ-յան երկու աշխատակիցներ, հարցրել, թե ինչ է կրում տաբատի գրպանում, ինքը գրպա-նից հանելով ցույց է տվել կռփազենքը, հայտնելով, որ իր կողմից է պատրաստված, ինք-նապաշտպանության նպատակով է կրում, որից հետո իրեն բերման են ենթարկել ՀՀ ոս-տիկանության Էրեբունու բաժին, որտեղ իր անձնական խուզարկության ժամանակ հայտնաբերվել և առգրավվել է վերոնշյալ կռփազենքը։
Վկաներ, ՀՀ ոստիկանության ՊՊԾ գնդի 1-ին վաշտի 2-րդ դասակի ոստիկաններ Ռազմիկ Էլբակյանի և Նարեկ Բեգլարյանի նույնաբովանդակ ցուցմունքների համաձայն` 2017թ. ապրիլի 9-ին` ժամը 17-ի սահմաններում Երևան քաղաքի Տիգրան Մեծի պողո-տայի «Այրարատ» տոնավաճառի հարակից տարածքում ծառայություն իրականացնե-լիս նկատել են ամբաստանյալին, ում գրպանում գծագրվել է կռփազենքի նմանությմաբ առարկա։ Մոտեցել են նրան, և նա իրենց հարցին պատասխանելով, որ գրպանում իր կողմից պատրաստված կռփազենք է, ցուցադրել է այն։ Դրանից հետո, սառը զենք կրելու կասկածանքով նրան բերման են ենթարկել ՀՀ ոստիկանության Էրեբունու բաժին։
Վկա, ամբաստանյալի մայր Կարինե Գրիգորյանի ցուցմունքի համաձայն` ինքը որ-դուց տեղեկացել է, որ նրա 09.05.2017թ. Երևան քաղաքում եկեղեցի գնալիս տաբատի գըր-պանում կրել է արճիճից պատրաստած կռփազենք, որը հայտնաբերվել է ոստիկանության աշխատակիցների կողմից և ՀՀ ոստիկանության Էրեբունու բաժնում անձնական խուզարկու-թյան ընփացքում առգրավվել է։
Իր որդին որևիցե մեկին հարվածելու կամ կռվելու մտադրություն չի ունեցել։
«Անձնական խուզարկության ենթարկելու մասին» 09.04.2017թ. արձանագրության հա-մաձայն՝ Հայրապետ Սամվելի Հայրապետյանի տաբատի ձախ գրպանից հայտնաբերվել է մետաղյա կռփազենք։
Փորձաքննության 18.04.2017թ. հ. 847-17 եզրակացության համաձայն՝ փորձաքննու-թյանը ներկայացված արծաթագույն մետաղյա առարկան պատրաստված է ինքնաշեն եղա-նակով կռփազենքերի նմանողությամբ« հանդիսանում է հարվածող-փշրող սառը զենք։
«Իրեղեն ապացույց ճանաչելու մասին» 11.05.2017թ. որոշման համաձայն՝ թիվ 12172317 քրեական գործով Հ.Հայրապետյանի անձնական խուզարկությամբ հայտնաբեր-ված, սառը զենք հանդիսացող կռփազենքի նմանությամբ առարկան ճանաչվել է իրեղեն ապացույց։

Դատարանի վերլուծություն.

Դատարանը, վերլուծելով ամբաստանյալին առաջադրված մեղադրանքն ու համակ-ցության մեջ գնահատելով դատաքննությամբ հետազոտված ապացույցները, գործի հանգա-մանքների բազմակողմանի, լրիվ և օբյեկտիվ հետազոտման վրա ձևավորված համոզմամբ հանգում է հետևության, որ ամբաստանյալի կատարած արարքին տրվել է ճիշտ քրեաիրա-վական գնահատական, քրեական գործի ապացույցները ձեռք են բերվել քրեադատավա-րական օրենքի պահանջների պահպանմամբ, և սույն քրեական գործին վերաբերվող փոխ-կապակցված հավաստի ապացույցների բավարար ամբողջությամբ հաստատվում է, որ ամ-բաստանյալն ապօրինի կերպով կրել է սառը զենք, այսինքն` կատարել է հանցագործութ-յուն` նախատեսված ՀՀ քրեական օրենսգրքի 235-րդ հոդվածի 4-րդ մասով, որով և պետք է պատասխանատվության ենթարկվի։
Ամբաստանյալի նկատմամբ պատիժ նշանակելիս` պատժի տեսակն ու չափը որոշե-լիս, դատարանը հաշվի է առնում ինչպես նրա կատարած հանցագործության բնույթն ու հանրության համար վտանգավորության աստիճանը, այնպես էլ նրա անձը բնութագրող տվյալներն ու պատասխանատվությունը և պատիժը մեղմացնող ու ծանրացնող հանգա-մանքները։
Որպես ամբաստանյալի պատասխանատվությունն ու պատիժը մեղմացնող հանգա-մանքներ` դատարանը հաշվի է առնում, որ նա խոստովանել է կատարած հանցանքը և հա-մաձայնվեց մեղադրանքի հետ։
Որպես ամբաստանյալ Հ.Հայրապետյանի անձը բնութագրող տվյալ՝ դատարանը հաշվի է առնում, որ նա երիտասարդ է և առաջին անգամ է դատապարտվում։
Դատաքննությամբ ամբաստանյալի պատասխանատվությունն ու պատիժը ծանրաց-նող հանգամանքներ չարձանագրվեցին։
Դատարանը, հաշվի առնելով ամբաստանյալի անձը, նրա պատասխանատվությունն ու պատիժը մեղմացնող վերոգրյալ հանգամանքները, պատասխանատվությունն ու պատիժը ծանրացնող հանգամանքների բացակայությունը, ելնելով գործի փաստական տվյալների և հանգամանքների վերլուծության հիման վրա դատարանի մոտ ձևավորված նրա բարոյահո-գեբանական ու քրեաիրավական բնութագրից և ՀՀ քրեական օրենսգրքի 10-րդ, 48-րդ ու 61-րդ հոդվածներով սահմանված՝ արդարության, պատասխանատվության անհատականաց-ման և պատիժ նշանակելու ընդհանուր սկզբունքներից, հանգում է հետևության, որ սոցիա-լական արդարությունը վերականգնելու և ամբաստանյալի կողմից նոր հանցագործություն-ների կատարումը կանխելու համար նա պետք է դատապարտվի տուգանքի, նկատի ունե-նալով, որ նրա ուղղվելը հնարավոր է առանց նրան հասարակությունից մեկուսացնելու, և որ նշված պատիժը կարող է ապահովել պատժի նպատակները։
Քննության առնելով իրեղեն ապացույցի տնօրինման հարցը, դատարանը գտնում է, որ իրեղեն ապացույց ճանաչված կռփազենքը պետք է ոչնչացվի՝ որպես արժեք չներկայաց-նող հանցագործության գործիք։
Քննության առնելով ամբաստանյալի նկատմամբ ընտրված խափանման միջոցի հարցը` դատարանը գտնում է, որ նրա նկատմամբ ընտրված խափանման միջոցը` չհեռա-նալու մասին ստորագրությունը, մինչև դատավճռի օրինական ուժի մեջ մտնելը պետք է թող-նըվի անփոփոխ։
Վերոգրյալների հիման վրա ու ղեկավարվելով ՀՀ քրեական դատավարության օրենս-գրքի 119-րդ, 357-360-րդ, 365-րդ և 369-372-րդ հոդվածներով` դատարանը

Վ Ճ Ռ Ե Ց

Հայրապետ Սամվելի Հայրապետյանին ճանաչել մեղավոր ՀՀ քրեական օրենսգրքի 235-րդ հոդվածի 4-րդ մասով և դատապարտել 200.000 (երկու հարյուր հազար) ՀՀ դրամ տուգանքի։
Իրեղեն ապացույց ճանաչված կռփազենքը ոչնչացնել։
Հ.Հայրապետյանի նկատմամբ կիրառված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը։
Դատավճիռը կարող է բողոքարկվել ՀՀ վերաքննիչ քրեական դատարան` դրա պատ-ճենն ստանալու պահից` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ