Գործ ԵԿԴ/0091/01/17


ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան )`

նախագահությամբ դատավոր` Արշակ Վարդանյանի«

քարտուղարությամբ` Դարինա Բեգլարյանի և
Հասմիկ Ջանազյանի,

մասնակցությամբ`

մեղադրող` Նարեկ Խաչատրյանի,

տուժողներ` Քարօլին Բաղումեանի և
Սամսոն Հովհաննիսյանի,

տուժողի ներկայացուցիչ` Գուրգեն Թորոսոյանի և
Կարեն Քալանթարյանի,

պաշտպան` Լևոն Օհանյանի և
Անուշ Մխիթարյանի,


նույն դատարանում` 2017թ. դեկտեմբերի 18-ին կայացած դռնբաց դատական նիստում, քննելով և ավար¬տելով քրեա¬կան գործն ըստ մե¬ղադ¬րանքի`
Սուսաննա Համլետի Հունանյանի` (ծնված 1973թ. հոկտեմբերի 24-ին, Երևան քաղաքում, ազ¬գությամբ հայուհի, ՀՀ քաղաքացի, բարձրագույն կրթությամբ, այրի, Երևանի Շենգավիթ վարչական շրջա¬¬նի ընդհանուր իրավա¬սութ¬յան դատարանի 2016թ. հուլիսի 1-ի դատավճռով ՀՀ քրեական օրենսգրքի 178-րդ հոդվածի 2-րդ մասի 2-րդ կետով /2 դրվագներով/, ՀՀ քրեական օրենսգրքի 66-րդ հոդվածի կիրառ¬մամբ դատապարտվել է տուգանքի` 800.000 ՀՀ դրամի չափով, պատիժը չկրած, խնամքին` կենսաթո¬շակառու ծնողները, հաշվառված է Երևանի Իսակովի փողոցի 42-րդ շենքի 4-րդ բնակարանում, փաս¬տացի բնակվում է Երևանի Արգիշտի փողոցի 11/4 շենքի 93-րդ բնակարանում, սույն գործով վերագրվել է ՀՀ քրեական օրենսգրքի 179-րդ հոդ¬վածի 2-րդ մասի 3-րդ կետով (2 դրվագներով) նախատեսված ա¬րարք¬ների կատարում, որպես խափանման միջոց է ընտրվել չհեռանալու վերա¬բերյալ ստորագրութ¬յուն)։

Գործի դատավարական նախապատմությունը.
2016թ. սեպտեմբերի 6-ին Երևան քաղաքի դատախազի որոշմամբ վերացվել է քաղ. Քարօլին Բաղումեանի հաղորդման հիման վրա նախապատրաստված նյութերով քրեական գործի հարուցումը մերժելու մասին ՀՀ ոստիկանության Շենգավիթի բաժնի հետաքննիչ Գ.Մանուկյանի 2016թ. օգոստոսի 12-ի որոշումը և ՀՀ քրեական օրենսգրքի 178-րդ հոդվածի 2-րդ մասի 2-րդ կետի հատ¬կանիշներով հա¬րուցվել է թիվ 63205416 քրեական գործը, որն ուղարկվել է Շենգավիթ վարչական շրջանի դատախա¬զություն` նախաքննության կատարումը ՀՀ քննչական կոմիտեի Շենգավիթ վարչական շրջանի քննչա¬կան բաժնին հանձնարարելու նպատակով։
2016թ. սեպտեմբերի 30-ին թիվ 63205416 քրեական գործն ըստ տարածքային ենթակայության ուղարկվել է Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժին։
2017թ. հունվարի 24-ին Սուսաննա Հունանյանի նկատմամբ որպես խափանման միջոց է կիրառվել չհե¬ռանալու վերաբերյալ ստորագրություն։
2017թ. հունվարի 31-ին Սուսաննա Հունանյանին թիվ 63205416 քրեական գործով մեղադրանք է առաջադրվել 179-րդ հոդ¬վածի 2-րդ մասի 3-րդ կետով։

2017թ. փետրվարի 17-ին թիվ 63205416 քրեական գործին է միացվել և նույն համարով համատեղ քննվել դեռևս 2017թ. հունվարի 2-ին ՀՀ քննչական կոմիտեի Մալաթիա-Սեբաստիա վարչական շրջանի քննչական բաժնում ՀՀ քրեական օրենսգրքի 178-րդ հոդ¬վածի 2-րդ մասի 2-րդ կետով հարուցված թիվ 16100317 քրեական գործը (տուժող Սամսոն Հովհաննիսյանի դրվագ)։
2017թ. փետրվարի 10-ին Սուսաննա Հունանյանին թիվ 16100317 քրեական գործով մեղադրանք է առաջադրվել 178-րդ հոդ¬վածի 2-րդ մասի 2-րդ կետով։
2017թ. մարտի 13-ին որոշում է կայացվել Սուսաննա Հունանյանին առաջադրված մեղադրանքը փոփոխելու և նրան ՀՀ քրեական օրենսգրքի 179-րդ հոդվածի 2-րդ մասի 3-րդ կետով և ՀՀ քրեական օրենսգրքի 178-րդ հոդվածի 2-րդ մասի 2-րդ կետով նոր մեղադրանք առաջադրելու մասին։
2017թ. մարտի 25-ին որոշում է կայացվել թիվ 63205416 քրեական գործով Սևակ Հունանյանի նկատմամբ ՀՀ քրեական օրենսգրքի 38-179-րդ հոդվածի 2-րդ մասի 3-րդ կետով և ՀՀ քրեական օրենսգրքի 38-178-րդ հոդվածի 2-րդ մասի 2-րդ կետով քրեական հետապնդում չիրականացնելու մասին` նրա արարքում այդ հոդվածներով նախատեսված հանցակազմի բացակայության հիմքով։
2017թ. մարտի 30-ին որոշում է կայացվել Սուսաննա Հունանյանին առաջադրված մեղադրանքը փոփոխելու մասին, նրան նոր մեղադրանք է առաջադրվել ՀՀ քրեական օրենսգրքի 179-րդ հոդ¬վածի 2-րդ մասի 3-րդ կետով (2 դրվագներով) նոր մեղադրանք առաջադրելու մասին։
2017թ. ապրիլի 7-ին թիվ 63205416 քրեական գործն ըստ մեղադրանքի Սուսաննա Համլետի Հունանյանի` ՀՀ քրեական օրենսգրքի 179-րդ հոդ¬վածի 2-րդ մասի 3-րդ կետով (2 դրվագներով) հաս¬տատ¬ված մեղադրական եզրակացությամբ ուղարկվել է Երևանի Կենտ¬րոն և Նորք-Մարաշ վարչական շրջանների ընդհանուր իրավասության դատարան, 2017թ. ապրիլի 12-ին փաստացի հանձնվել նախա¬գահող դատավորին, նույն օրն ընդունվել վարույթ, ապա նշանակվել դա¬տական քննության։

Ապացույցների հետազոտում և գնահատում.
Դատաքննությամբ հետազոտված ապացույցների գնահատման արդյունքներով Դա¬տա¬¬րանը հաս¬տատված հա¬մա¬րեց այն, որ Սուսաննա Համլետի Հունանյանը կատարել է իրեն վստահված խոշոր չափերի գույքի յուրա¬ցումներ, որպիսի գործողություններն արտահայտվել են հետևյալում.
Այսպես, Սուսաննա Հունանյանը Քարօլին Բաղումեանին պատկանող «Մերսեդես» մակնիշի 18 ՕՏ 804 հաշվառման համարանիշի ավտոմեքենայի գույքահարկը վերջինիս փոխարեն վճարելու նպա¬տակով 2015թ. օգոստոս ամսից մինչև 2015 թվականի հոկտեմբեր ամիսն ընկած ժամանակա¬հատ¬վածում նրանից մաս-մաս ստացել է ընդհանուր 1.340.000 ՀՀ դրամ գումար« սակայն իրեն վստահված հիշ¬յալ գումարից որպես գույքահարկ վճարել է ընդամենը 450.000 ՀՀ դրամը« իսկ մնացած խոշոր չա¬փերի հասնող 890.000 ՀՀ դրամ գումարը յուրացրել է, այսինքն` Ս.Հունանյանը կատարել է հանցավոր արարք, որը նախատեսված է ՀՀ քրեական օրենսգրքի 179-րդ հոդ¬վածի 2-րդ մասի 3-րդ կետով։
Բացի այդ, Սուսաննա Հունանյանն իր ծանոթ Սևակ Հովհաննիսյանի միջոցով հեռախո¬սազրույ¬ցով ծանոթացել է Սամսոն Հովհաննիսյանի հետ և վերջինիցս տեղեկանալով« որ նա հանդիսա¬նում է ԼՂՀ ՊԲ զինծառայող և ցանկանում է զորացրվել ՀՀ ԶՈՒ պահեստազոր« խոստացել է նրան օգնել և իր կապերն օգտագործելու միջոցով նրա զորացրման գործընթացը կազմակերպել։ Սուսաննա Հունան¬յանը Սամսոն Հովհաննիսյանին հայտնել է« որ վերջինս ժամկետից շուտ զորացրվելու դեպքում նրա կողմից կնքված պայմանագիրը վաղաժամկետ խզելու պատճառով պետք է վճարի պայմանագրով նախա¬տես¬ված տուգանքի չափը և նրանից պահանջել ու 2016թ. հուլիսի 18-ից մինչև 2016թ. օգոստոս ամիսն ընկած ժամանակահատվածում ստացել է 1.693.000 ՀՀ դրամ գումար՝ այն վճարելու պատրվա¬կով« սակայն Ս.Հունանյանն իրեն վստահված հիշյալ գումարից որևէ վճարում չի կատարել և Ս.Հովհան¬նիսյանից յուրաց¬մամբ հափշտակել է խոշոր չափերի՝ 1.693.000 ՀՀ դրամ գումարը« այսինքն` Սուսաննա Հունան¬յանը կատարել է նաև հանցավոր արարք, որը նախատեսված է ՀՀ քրեական օրենսգրքի 179-րդ հոդ¬վածի 2-րդ մասի 3-րդ կետով։
Ամբաստանյալ Սուսաննա Հունանյանը առաջադրված մեղադրանքի շուրջ Դատարանում հար¬ցաքննվե¬լիս հայտնեց, որ Քարօլին Բաղումեանին ճանաչել է ոմն Սրբուհի Մանուկյանի միջոցով, ով խնդրել է ծանոթացնել իրավաբանի` Սևակ Հովհաննիսյանի հետ։ Սևակ Հովհաննիսյանը իրեն զան¬գահարել և ասել է, որ Քարօլինը թաղապետարանում խնդիրներ ունի ավտոմեքենայի 1.600.000 ՀՀ դրամի չափով գույքահարկի վճարումներ կատարելու հետ կապված։ Ինքը մտել է թաղապետարան, խնդրել, որտեղ գույքահարկի հետ կապված որոշակի զիջումներ են արել։ Իր օգնության իմաստն այն էր, որ թաղապետարանում խնդրել է, որ հնարավորություն տան գույքահարկը մաս-մաս վճարել։ Հողի հարկի հետ կապված զիջում արվել է, ինչի մասին Քարօլինը իմացել է։ Հայտնեց, որ 3 անգամ վճարում անելուց հետո Քարօլինն այդ մասին հայտնել է Սևակ Հովհաննիսյանին, ով ասել է, որ նա գումարները իրենից հետ վերցնի։ Ինքը մաս-մաս սկսել է այդ գումարները վերադարձնել Քարօլինին։ 1-2 անգամ էլ չի կարողացել վերադարձնել, ինչից հետո Քարօլինը ոստիկանության բաժնում հաղորդում է տվել դրա վերաբերյալ։ Այդ ժամանակ ինքը Քարօլինին դեռևս պարտք էր մոտ 160.000-ից 170.000 ՀՀ դրամ գումար։ Գույքահարկը ամբողջությամբ չի մարել, քանի որ գումարային խնդիրներ ուներ և որոշել է Քարօլինից ստացած գումարների հաշվին նախ՝ լուծել իր խնդիրները, ապա՝ վճարել գույքահարկը։ Իր այդ մտադրության մասին Քարօլինին տեղյակ չի պահել։ Հայտնեց, որ տվյալ պահին Քարօլինին դեռևս պարտք է 170.000 ՀՀ դրամ։
Հայտնեց, որ Սամսոն Հովհաննիսյանի հետ ծանոթացել է Սևակ Հովհաննիսյանի միջոցով։ Սամ¬սոնի մայրը` Կարինեն, Սևակի միջոցով զանգահարել է իրեն և հայտնել, որ Սամսոնը, որպես սպա, ծա¬ռայում է ԼՂՀ ՊԲ-ում և ցանկանում է զորացրվել, սակայն նրա ազատման հրամանը չեն ստո¬րագրում։ Ինքը զանգահարել և զորամասում խնդրել է, քանի որ ունեցել է ծանոթ։ Այնուհետև հրամանը ստորագրել են և ուղարկել Երևան։ Պաշտպանության նախարարությունը որոշակի ժամկետում է ստորագրություն անում։ Իրեն ասել են, որ Սամսոնի ծառայած ժամանակահատվածից և մնացած հաշվարկներից ելնելով՝ վճարման ենթակա գումարը կազմում է մոտ 1.500.000-1.600.000 ՀՀ դրամ, բայց պետք է անցնի որոշակի ժամանակ, որ իրեն կանչեն և հաշվեհամար տան, որ վճարի այդ գումարը։ Ամեն օր Կարինեի և Սամսոնի հետ հեռախոսակապի մեջ է եղել։ Իրենց հարաբերությունները լավ են եղել։ Հետո Սևակը իրեն պատա¬հական ասել է, որ Կարինեն և Սամսոնը վրդովված են, կանչել են, որ նրան տեսնեն ինչ-որ գումարային հարցերի համար։ Այդ ժամանակ ինքը Սամսոնի 400.000 ՀՀ դրամ գումարը արդեն վերադարձրել էր, քանի որ նա զանգահարել է իրեն և ասել, որ իր գումարները վերադարձնի, նշել, որ վճարումներն այլևս նա է կատարելու։ Սամսոնը զանգահարել և կոպիտ ձևով իրեն ասել է, որ ինքը Սևակի հետ այդ հարցին փաստաբանական ձևով է լուծում տալու։ Ինքը իր ծանոթներին դիմել է առանց նրանց գումար խոստա¬նալու։ Կարինեն իրեն ասել է, որ Սամսոնը ցանկանում է որպես շնորհակալություն իրեն 300 ԱՄՆ դոլար տալ նրանց օգնելու համար։ Ինքը Կարինեին հարցրել է, թե ինչու է Սևակին տեղեկացնում ամեն անգամ իրեն գումար տալիս, որին ի պատասխան՝ նա հայտնել է, որ իրենք նրա միջոցով են ծանոթացել, այդ իսկ պատճառով էլ նրան տեղյակ է պահում այդ մասին։ Պարտավորվեց վերադարձնել ինչպես Քարօլինի, այնպես էլ Սամսոնի գումարները, նշեց, որ ընդունում է վերոնշյալ անձանցից գումարներ վերցնելու փաստը։ Հստակեցրեց, որ ընդհանուր առմամբ Սամսոնից վերցրել է 1.693.000 ՀՀ դրամ գումար, այդ գումարները, առանց վերջինիս գիտության, օգտագործել է անձնական կարիքների համար, որից վերա¬դարձրել է 400.000 ՀՀ դրամ, այնուհետև՝ ևս 498.000 ՀՀ դրամ գումարները՝ պարտք մնալով 1.195.000 ՀՀ դրամ։
Ամբաստանյալ Սուսաննա Հունանյանի պատճառաբանությունները՝ գումարները որպես պարտք վերցնելու վերաբերյալ, անհիմն են և մտա¬ցածին, հետապնդում են քրեական պատասխա¬նատ¬վությունից և/կամ արդարացի պատժից խուսափելու նպատակ։ Այդ պատճառաբա¬նութ¬¬յուն¬ները հերք¬վել, իսկ նրա մեղավորությունը հաստատվել է պատշաճ իրա¬¬վական ընթա¬ցա¬կարգերի շրջանակ¬ներում դա¬տաքննութ¬յամբ հետա¬զոտված հետևյալ ապացույց¬ների հա¬մադրման և գնահատ¬ման արդ¬յունք¬ներով.
Տուժող Քարօլին Բաղումեանի ցուցմունքով. Վերջինս Դատարանում հայտնեց, որ Սուսաննայի հետ ծանոթացել է 2015թ. ընթացքում, փաստաբան Սևակ Հովհաննիսյանի միջոցով։ Նա Սուսաննային ներկայացրել է որպես իր քարտուղարուհի։ Քանի որ ծանուցում է ստացել այն մասին« որ պետք է վճարի իր՝ «Մերսեդես» մակնիշի 18 ՕՏ 804 հաշվառման համարանիշի ավտոմեքենայի 1.612.650 ՀՀ դրամ կազմող գույքահարկը« զանգահարել է Սևակ Հովհաննիսյանին« սակայն վերջինս հե¬ռա¬խո¬սազանգերին չի պատասխանել։ Քանի որ Սևակը ընտանեկան խնդիրներ է ունեցել, զան¬գահարել է Սուսաննայի բջջային հեռախոսահամարին և ներկայացրել է իր ավտոմեքենայի գույքահարկի հետ կապված խնդիրը։ Սուսաննան ասել է, որ կգնա թաղապետարան և կկարգավորի այդ խնդիրը։ Սուսաննան իրեն ասել է, եթե 3 ամսվա ընթացքում վճարեն, ապա խնդիր չի լինի։ 2015թ. սեպտեմբերի 9-ին կամ 10-ին Սուսան¬նային տվել է 500.000 ՀՀ դրամ, սեպտեմբերի 15-ին տվել է 300.000 ՀՀ դրամ, սեպտեմբերի 30-ին տվել է 200.000 ՀՀ դրամ, հոկտեմբերի 15-ին տվել է 200.000 ՀՀ դրամ և հոկտեմբերի 30-ին՝ ևս 140.000 ՀՀ դրամ, որ նա վճարի իր ավտոմեքենայի գույքահարկը։ Ընդհանուր Սուսաննային է տվել 1.340.000 ՀՀ դրամ գումար, որից, սակայն, Սուսաննան վճարել է միայն 450.000 ՀՀ դրամը։ Այնուհետև պայմանագիր է կնքել թաղապետարանի համապատասխան աշխատակցի հետ, որ վճարումներն անձամբ կատարի։ Տվյալ պահին Սուսաննան իրեն պարտք է 170.000 ՀՀ դրամ գումար։ Սուսաննա իրեն առանձին ներ¬կա¬յացել է որպես Սևակի օգնական և ասել, որ Սևակը նրան հանձնարարել է, որ վերջինս զբաղվի այդ հար¬ցով՝ պատճառաբանելով, թե իբր Սևակը ընտանեկան խնդիրներ ունի։ Երբ հետագայում Սևակին այդ մասին հայտնել է, նա զարմացել է։ 100 ԱՄՆ դոլար Սուսաննային վճարել է գործի դիմաց։ Նշեց, որ Սու¬սաննան առերեսման ժամանակ վերջինս ընդունել է, որ այդ գումարները իրենից վերցրել է և պար¬տավորվել է վերադարձնել։ Սուսաննային գումարներ փոխանցելիս գրավոր փաստաթուղթ չի վերցրել, Սուսաննան պարտավորվել է, որ իրեն կներկայացնի վճարման անդորրագրերը։ Խնդրեց ամբաստան¬յա¬լի նկատմամբ նշանակել հնարավորինս խիստ պատիժ։
Տուժող Սամսոն Հովհաննիսյանի ցուցմունքով. Վերջինս Դատարանում հայտնեց, որ Սուսաննայի հետ ծանոթացել է փաստաբան Սևակ Հովհաննիսյանի միջոցով։ Որպես սպա՝ 20 տարի ժամկետով պետք է ծառայեր ԼՂՀ-ում, իսկ պայմանագիրը շուտ խզելու դեպքում պետք է տուգանք վճարեր։ 2016թ. հուլիս ամսին զբաղվել է ԼՂՀ ՊԲ բանակից զորացրվելու հետ կապված հարցերով։ Նշված հարցով իր մայրը՝ Կարինե Սիմոնյանը« դիմել է նրա ծանոթ Սևակ Հովհաննիսյանին« ով երաշխավորել է« որ նշված հարցով իրենց կօգնի նրա ծանոթ Սուսաննա Հունանյանը և խոստացել է վերջինիս փոխանցել Կարինե Սիմոնյանի հեռախոսահամարը։ Դրանից հետո« երբ իր մայրը հեռախոսային խոսակցություն է ունեցել Սուսաննա Հունանյանի հետ, վերջինս խոստացել է նշված հարցով օգնել իրենց։ Երբ ինքը Սուսաննայի հետ խոսել է, նա ասել է, որ կարող է իր ծանոթների միջոցով կազմակերպել և իր ծառայությունների համար պահանջել է 300 ԱՄՆ դոլար գումար՝ նշելով, որ ծախսեր ունի կատարելու։ Իր մորաքույրը՝ Արմինե Սիմոնյանը, 2016թ. հունիսի վերջին կամ հուլիսի սկզբին առձեռն 300 ԱՄՆ դոլար տվել է Սուսաննա Հունանյանին։ Դրանից հետո 2016 թվականի հուլիսին ինքն է հանդիպել Սուսաննայի հետ, ով պահանջել է 1.500.000 ՀՀ դրամ գումար, որն իբր պետք է վճարի «կադրերում»։ Սուսաննայի հետ հանդիպել և 2016թ. հուլիս-օգոստոս ամիսներին «Կիլիկիա» ավտոկայանի մոտակայքում 700.000 ՀՀ դրամ, նույն ամսվա մեջ Կիևյան փողոցում` «Սաս» սուպերմարկետի դիմաց, 800.000 ՀՀ դրամ գումարներ է տվել Սուսաննային, այդ կապակցությամբ որևէ տացական նրանից չի վերցրել, քանի որ Սուսաննային վստահում էր։ Հետագայում «կադրերից» ճշտել է, որ Սուսաննային փոխանցված այդ գումարը չի վճարվել։ Այնուհետև այլ փաստաբանի ներգրավմամբ զբաղվել է իր զորացրման հարցով, ինչի համար ՀՀ Պաշտպանության նախարարությունում վճարել է 1.750.000 ՀՀ դրամ։ Սուսաննան ներկա պահին իրեն պարտք է 1.050.000 ՀՀ դրամ և 300 ԱՄՆ դոլար գումարներ։ Նշեց, որ Սուսաննան խոստացել էր իր հարցը կարգավորել մոտ 2-3 ամսվա ընթացքում։ Հստակեցրեց, որ ընդհանուր առմամբ իրենք Սուսաննային տվել են 1.693.000 ՀՀ դրամ։ Հայտնեց, որ Սուսաննան առերեսման ժամանակ ընդունել է, որ այդ գումարները վերցրել է և ծախսել սեփական կարիքների համար։
Վկա Սևակ Հովհաննիսյանի ցուցմունքով. Վերջինս Դատարանում հայտնեց, որ Սուսաննան հանդիսացել է իր վստահորդը, դատարանում ներկայացրել է նրա շահերը։ Ինքը փաստաբան չէ, սակայն կարողացել է նրա շահերը ներկայացնել, քանի որ այն ժամանակ փաստաբանի արտոնագրի առկայությունը պարտադիր չէր։ Իր վստահորդ Սուսաննա Հունանյանի հետ միասին իր ծանոթ Սրբուհու միջոցով ծանոթացել է Քարօլին Բաղումեանի հետ՝ նրան իրավաբանական բնույթի ծառայություններ մատուցելու նպատակով։ Նշված հանդիպումից հետո պայմանագիր է կնքվել իր և Քարօլին Բաղու¬մեանի միջև, որի հիման վրա քաղաքացիական գործի շրջանակներում վերջինիս իրավաբանական ծա¬ռա¬յություններ է մատուցել, սակայն գույքահարկի հետ կապված խնդրով չի զբաղվել։ Հետագայում` 2016թ. Քարօլին Բաղումեանն իրեն հայտնել է« որ Սուսաննա Հունանյանին մաս-մաս 1.340.000 ՀՀ դրամ գումար է տվել ավտոմեքենայի գույքահարկը վճարելու համար« սակայն վերջինս« նշված գումարից վճա¬րել է ընդամենը 450.000 ՀՀ դրամը« իսկ մնացած գումարը չի վճարել և չի էլ վերադարձնում։ Հայտնեց, որ իր հարցադրմանն ի պատասխան՝ Սուսաննան ընդունել է այդ գումարը վերցնելու փաստը, սակայն չի պատճառաբանել, թե ինչու չի վճարել։ Հայտնեց, որ 2 անգամ մեկնել է ՌԴ և հնարավոր է այդ ժամանակ է Քարօլինը դիմել Սուսաննային։ Իր իմանալով՝ ներկա պահին Սուսաննան չի վերադարձրել Քարօլինի 170.000 ՀՀ դրամ գումարը։
Հայտնեց նաև« որ 2008-2009թթ. ճանաչում է Սամսոնի մորը` Կարինե Սիմոնյանին։ Իրենց ընդհա¬նուր ծանոթը Կարինեին տվել էր իր հեռախոսահամարը և նա իրեն զանգահարել և խնդիրը ներ¬կա¬յացրել է՝ ասելով, որ տղային զորացրելու դիմումը չեն ընդունում կամ ուշացնում են։ Ինքը Սուսան¬նային ներկա¬յացրել է նշված խնդիրը, և նա ասել է, որ կարող է օգնել։ Դրանից հետո փոխանցել է հեռախո¬սահա¬մարները։ Կարինեն իրեն զանգահարել և ասել է, որ դիմումը վերցրել են։ Դրանից հետո ինքը Կարինեին զանգահարել և ասել է, որ որևէ բան անելիս իրեն տեղյակ պահի։ Մի քանի ամիս անց Կարինեն զանգահարել է, որից հետո հանդիպել են Երևանի Գարեգին Նժդեհ փողոցում գտնվող «Տա¬շիր պիցցա» սրճարանում, որտեղ Կարինեն ասել է, որ Սուսաննային մի քանի փուլով գումարներ են տվել։ Ինքը հարցրել է, թե ինչու Սուսաննային գումարներ տալիս իրեն չեն զանգահարել։ Սուսաննային տեղեկացրել է Կարինեի հետ զրույցի արդյունքների մասին, վերջինս ընդունել է գումարներ ստանալու փաստը, խոստացել հարցերը կարգավորել։
Վկա Կարինե Սիմոնյանի ցուցմունքով. Վերջինս Դատարանում հայտնեց, որ իր որդին՝ Սամսոն Հովհաննիսյանը« հանդիսացել է ԼՂՀ ՊԲ սպա։ 2016թ. ապրիլյան պատերազմից հետո՝ հունիսի վերջե¬րին« իր որդուն տեղափոխել են կադրերի ռեզերվ՝ մինչ այլ զորամաս ծառայության տեղափոխելու համար։ Այդ ընթացքում իր որդին որոշել է այլևս ծառայությունը չշարունակել և զորացրվել։ Հուլիսի 11-ին իմացել են, որ կրկին ընտրության առաջ են կանգնեցրել՝ դիրքեր գնալու և ծառայությունն այդտեղ շարունակելու։ Նշված հարցին լուծում տալու համար զանգահարել է իր ընկերուհուն և նրան ասել, որ նա այդ խնդրով ծանոթին՝ Սևակ Հովհաննիսյանին դիմի։ Այնուհետև զանգահարել է Սևակին և ներկա¬յացրել իրավիճակը։ Սևակ Հովհաննիսյանն իրեն հայտնել է« որ նրա ծանոթներից մեկը կարող է այդ հարցում իրեն օգնել։ 2016թ. հուլիսի 18-ին՝ երեկոյան ժամը 17։00-ի սահմաններում« իրեն է զանգահարել մի կին« ով ներկայացել է Սուսաննա անունով և հայտնել« որ հանդիսանում է Սևակ Հովհաննիսյանի ծանոթը, նշել է, որ վերջինս է խնդրել« որ իրեն օգնի։ Սուսաննան խոստացել է օգնել իրենց, պայմա¬նա¬վորվել են« որ ինքը 300 ԱՄՆ դոլար փոխանցի Սուսաննա Հունանյանին իրենց գործով զբաղվելու ընթացքում կատարվելիք ծախսերի համար։ Քանի որ այդ ժամանակ ինքը և Սամսոն Հովհաննիսյանը գտնվել են ԼՂՀ-ում« խնդրել է Աշտարակ քաղաքում բնակվող իր քրոջը՝ Արմինե Սիմոնյանին Սուսաննա Հունանյանին փոխանցել 300 ԱՄՆ դոլար գումար« որից հետո Արմինե Սիմոնյանի հեռախոսահամարը փոխանցել է Սուսաննա Հունանյանին։ Հետո Սուսաննա Հունանյանն իրեն ասել է« որ Սամսոն Հովհան¬նիսյանը կարող է գնալ ՊԲ կադրերի բաժին և ներկայացնել զորացրման վերաբերյալ զեկուցագիրը։ Դրանից հետ Սամսոն Հովհաննիսյանը գնացել է կադրերի բաժին, որտեղ նրանից ընդունել են զո¬րացրման վերաբերյալ զեկուցագիրը և այդ հանգամանքն իրեն հավատ է ներշնչել։ Սևակին ասել է, որ 300 ԱՄՆ դոլար է տվել Սուսաննային, խոստացել, որ Հայաստան գալուց հետո նրան նույնպես շնորհա¬կալություն հայտնել։ Սևակը զանգահարել և ասել է, որ Սուսաննային գումար տալիս նրան տեղյակ պահի, որի մասին հայտնել է Սուսաննային։ Օգոստոսին՝ «Խաղողօրհնեքի» տոնին, Սուսաննան զան¬գա¬հարել և ասել է, որ այդ գործով զբաղվող մարդիկ նստած հաց են ուտում և լավ կլինի այդ հաշիվը ինքը փակի։ Դրա համար իրենք Սուսաննային տվել են 50.000 ՀՀ դրամ։ Մաս-մաս Սուսաննային տվել են 1.750.000 ՀՀ դրամ գումարներ։ Երբ սեպտեմբերին եկել է արձակուրդ, Սուսաննան եկել է իրենց տուն և հայտնել, որ այդ հարցը կլուծվի։ Հետո զանգահարել է Սևակին և հայտնել« որ Սուսաննա Հունանյանը չի կատարում իր խոստումները, որից վերջինս հան¬դիպում են Սևակին, ով ասում է, որ կօգնի իրենց, սակայն այդ օրվանից իր հեռախոսազանգերին այլևս չի պատասխանում։ Հետո Սուսաննան զանգա¬հարել և ասել է, որ Սևակին չանհանգստացնեն, քանի որ նրա ընտանիքում խնդիրներ են առաջանում։ Տղայի միջոցով իմացել է, որ նրա գործին որևէ ընթացք չի տրվել։ Դրանից հետո հասկացել են« որ խաբվել են և Սուսաննա Հունանյանից պահանջել են վերա¬դարձնել իրենց գումարները« սակայն վերջինս անհեթեթ պատճառաբանություններով ձգձգել է։ Դիմել է փաստաբանի և այս գործը սկսել են։ Սուսան¬նան իրենց մաս-մաս վերադարձրել է 250.000 ՀՀ դրամ, հետո միանվագ կրկին 250.000 ՀՀ դրամ, այսինքն` 500.000 ՀՀ դրամ և պարտք է մնացել 1.250.000 ՀՀ դրամ։ Պնդեց, որ գումարները Սուսաննային տալու ժամանակահատվածի վերաբերյալ նախաքննական ցուցմունքներն ավելի ճշգրիտ են, ընդհանուր առմամբ Սուսաննային այդ խնդրով տվել են 1.693.000 ՀՀ դրամ գումար։
Վկա Արմինե Սիմոնյանի ցուցմունքով. Վերջինս Դատարանում հայտնեց, որ 2016թ. հուլիսի 18-ին իրեն է զանգահարել ԼՂՀ-ում գտնվող իր քույրը՝ Կարինե Սիմոնյանը« ասել« որ իրեն կզանգահարի Սուսաննա անունով մի կին, ում անհրաժեշտ է փոխանցել 300 ԱՄՆ դոլար գումար։ Նույն օրը` մեկ ժամ¬վա ընթացքում, իրեն է զանգահարել մի կին« ներկայացել Սուսաննա անունով, ում հետ պայմա¬նավորվել և մոտ 30 րոպե անց հանդիպել են Աշտարակ քաղաքի ավտոկայանում« որի ընթացքում Սուսաննային է փոխանցել 300 ԱՄՆ դոլար գումարը։ Սուսաննան եկել է պետական համարանիշներով մեքենայով։ 2016թ. սեպտեմբեր ամսին Կարինե Սիմոնյանը եկել է Երևան և հանդիպման ժամանակ իրեն հայտնել է« որ նրա որդին Սամսոն Հովհաննիսյանը« ով այդ ժամանակ հանդիսանում էր ԼՂՀ ՊԲ-ի սպա« ցան¬կա¬նում է զորացրվել« իսկ Սուսաննա Հունանյանը իրենց օգնում է այդ փաստաթղթերի հարցերում։ Հայտ¬նեց, որ տվյալ խնդրով Կարինե Սիմոնյանը Սուսան¬նային փոխանցել է 1.500.000 ՀՀ դրամ գումար, որը վերջինս պետք է վճարի Սամսոն Հովհաննիսյանի զորացրման համար օրենքով սահմանված գու¬մարը։
«Ղ-Տելեկոմ» ՓԲ ընկերությունից ստացված մուտքային և ելքային հեռախոսազանգերի վեր¬ծանումների, դրանց տեղանշման տվյալների առկայությամբ և դրանց զննության արձա¬նագրությամբ« համաձայն որոնց՝ գործով ամբաստանյալ Սուսաննա Հունանյանի շահագործած 098-588585 հեռա¬խոսահամարից 2016թ. հուլիսի 18-ին` ժամը 20։14-ից մինչ 20։28-ն ընկած ժամանա¬կա¬հատ¬վածում կա¬տարված մուտքային և ելքային հե¬ռա¬խոսազանգերը սպասարկվել են Աշտարակ քաղա¬քում տեղա¬կայված ալեհավաքներով։

Դատարանի իրավական վերլուծությունները և եզրահանգումը.
Գնահատելով դատաքննությամբ հետազոտված վերոնշյալ ապացույցները` Դատա¬¬րա¬նը հաս¬տատ¬ված համարեց այն, որ ամբաստանյալ Սուսաննա Հունանյանը հափշտակել է /յուրացրել է/ իրեն վստահված ուրիշների զգալի չափերով գույքը, այսինքն` մեղավորությամբ կատարել է հան¬ցա¬վոր ա¬րարք¬ներ« որոնք համա¬պա¬տաս¬¬խանում են ՀՀ քրեական օրենսգրքի 179-րդ հոդ¬վածի 2-րդ մասի 3-րդ կետով (2 դրվագներով) նախա¬տես¬ված հան¬ցա¬գործության հատ¬կանիշ¬ներին, հետևա¬բար` նա քրեա¬կան պա¬տաս¬¬խա¬նատ¬¬¬վության և պատ¬ժի ենթա¬¬կա է այդ հոդ¬վածի վերոնշյալ մա¬սով և կետով (2 դրվագներով)։

Նշանակվող պատժի և դատավճռով լուծման ենթակա այլ հարցեր.
Ամբաստանյալ Սուսաննա Հունանյանի նկատմամբ նշանակվող պատժի տեսակը և չափը որո¬շելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬¬նել սոցիալական արդարությունը« ուղղել պատժի ենթարկված անձին« ինչպես նաև կանխել հան¬ցա¬¬¬գոր¬¬ծութ¬յունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատա¬րած անձի նկատ¬մամբ կիրառվող պատիժը և քրեաիրավական ներ¬գոր¬ծութ¬յան այլ միջոց¬ները պետք է լինեն ար¬դարացի« համապա¬տասխանեն հանցանքի ծան¬րությանը« այն կա¬տա¬րելու հան¬գա¬մանք¬ներին« հան¬¬ցավորի անձ¬նա¬¬¬վորությանը« անհրա¬ժեշտ և բավարար լինեն նրան ուղղելու և նոր հանցա¬գոր¬ծութ¬յուն¬ները կան¬խելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է« որ հանցա¬գոր¬ծութ¬յան համար մեղավոր ճանաչված անձի նկատմամբ նշանակվում է արդարացի պատիժ« իսկ նույն հոդ¬վածի 2-րդ մասի համաձայն՝ պատժի տեսակը և չափը որոշվում են հանցա¬գործության՝ հան¬րության համար վտան¬¬գա¬վո¬րության աստիճանով և բնույթով« հանցավորի անձը բնու¬թագրող տվյալներով« այդ թվում՝ պատաս¬խա¬նատ¬վությունը և պատիժը մեղմաց¬նող և/կամ ծանրացնող հան¬գա¬մանքներով։ ՀՀ քրեա¬կան օրենսգրքի 61-րդ հոդվածի 3-րդ մասի համա¬ձայն` հան¬ցագործության համար նախա¬տեսված պատիժ¬ներից առավել խիստը նշանակվում է, եթե նվազ խիստ տեսակը չի կարող ապա¬հովել պատժի նպատակ¬ները։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վա¬րա¬կան օրենսգրքի 8-րդ հոդվածի համաձայն՝ որոշակի փաստական հանգա¬մանք¬ներ ունեցող գոր¬ծով ՀՀ Վճռաբեկ դատարանի կամ Մարդու իրավունքների եվրոպա¬կան դատա¬րա¬նի դատական ակ¬տի հիմ¬¬նա¬վո¬րումները« այդ թվում՝ օրենքի մեկնաբա¬նութ¬յուն¬ները« պարտադիր են դատարանի հա¬մար նույ¬¬¬¬նանման փաստական հանգամանք¬ներով գործի քննության ժամա¬նակ։
ՀՀ Վճռաբեկ դատարանը« Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկ¬տեմ¬բերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մա¬սով նախատեսված նորմը« նշել է« որ այն Դատարանին օժտել է անձի պատասխա¬նատ¬վությունը մեղ¬մաց¬նող հանգամանքների կիրառման լայն հայեցողությամբ« քանի որ պա¬տիժ նշանակելիս Դա¬տա¬րանը կարող է հաշվի առնել նաև մեղմացնող այնպիսի հանգա¬մանք¬ներ« որոնք նույն հոդվածի առա¬ջին մասում նշված չեն։
Դատարանը, որպես ամբաստանյալ Սուսաննա Հունանյանի անձը բնութագրող տվյալներ է գնա¬հատում` սեռը, իսկ որպես պատաս¬խանատ¬վությունն ու պատիժը մեղմացնող հանգամանք` խոստո¬վանական ցուցմունքներ տալն ու իրեն ըստ էության մեղավոր ճանաչելը, տուժողներին պատ¬ճառած գույքային վնասը մինչ¬դա¬¬տական և դատական վարույթների ընթացքում մասամբ, սակայն կամովին փոխհատուցելը։
Դատարանն ամբաստանյալ Սուսաննա Հունանյանի պատասխանատվությունը և պա¬տիժը ծան¬րաց¬¬նող հանգամանքներ չարձանագրեց։ Տվյալ հետևության հանգելիս Դատարանը հաշվի է առնում այն, որ թեև Ս.Հունանյանը ԵՇԴ/0047/01/16 գործով Երևանի Շեն¬գավիթ վարչական շրջանի ընդհանուր իրավա¬սության դատարանի 2016թ. հուլիսի 1-ի դատավճռով ՀՀ քրեական օրենսգրքի 178-րդ հոդվածի 2-րդ մասի 2-րդ կետով /2 դրվագ¬ներով/, ՀՀ քրեական օրենսգրքի 66-րդ հոդվածի կի¬րառ¬մամբ դատա¬պարտվել է 800.000 ՀՀ դրամ տուգանքի, սա¬կայն սույն գոր¬ծով նրան վերագրված արարք¬ները կա¬տարվել են նախքան այդ դատավճռի օրինական ուժի մեջ մտնե¬լը, հետևաբար՝ այդ դատավճռի օրի¬նական ուժի մեջ մտնելու փաստով ծագած քրեա¬իրավական հա¬րա¬բերությունները՝ դատվածութ¬յունը, հանցանքների ռեցիդիվը, նրա պատասխանատվությունն ու պա¬տիժը ծանրացնող հանգամանք չի կա¬րող դիտարկվել, նրա նկատ¬մամբ սույն գործով պա¬տիժ նշա¬նա¬կելիս հաշ¬վի չի կարող առնվել։
Տվյալ հարցի համատեքստում Դատարանը նաև արձանագրում է, որ ամբաստանյալ Ս.Հունան¬յանին սույն գործով վերագրված վերջին արարքը /շարունակական հանցագործությունը/, համաձայն նրան որպես մեղադրյալ ներգրավելու որոշման, ինչպես նաև մեղադրական եզրակացության եզրա¬փա¬կիչ մասի, սկսվել է 2016թ. հուլիսի 18-ին և շարունակվել մինչև 2016թ. օգոստոս ամիսը։ Ս.Հունանյանի նկատմամբ կայացված ԵՇԴ/0047/01/16 գործով Երևանի Շեն¬գավիթ վարչական շրջանի ընդհանուր իրավա¬սության դատարանի 2016թ. հուլիսի 1-ի դատավճիռը օրինական ուժի մեջ է մտել 2016թ. օգոս¬տոսի 2-ին, այսինքն՝ եթե սույն գործով վերագրված երկրորդ հափշտակությունը կատարվել է 2016թ. օգոս¬տոսի 2-ից մինչև օգոստոսի 31-ն ընկած ժամանակահատվածում, առկա է գործով ամբաստանյալ Ս.Հու¬նանյանի պատասխանատվությունն ու պատիժը ծանրացնող հանգամանքը՝ հանցանքների ռե¬ցիդիվը, ավելին, առաջ է գալիս նրա նկատմամբ այդ հանցանքի համար սույն գործով ՀՀ քրեական օրենսգրքի 67.1 հոդ¬վածի կարգով /հատուկ նորմով/ պատիժ նշանակելու անհրաժեշտություն։ Մինչդեռ, եթե յուրացման տվյալ դեպքն ավարտվել է 2016թ. օգոստոսի 1-ին, բացակայում է ինչպես վերոնշյալ պատաս¬խա¬նատվությունն ու պատիժը ծանրացնող հանգամանքը և կիրառման ենթակա են պատիժ նշա¬նակելու ընդհանուր կանոնները։
Դատարանը, ղեկավարվելով ՀՀ Սահմանադրության հոդվածով, փաստում է, որ գործով ամ¬բաստանյալ Ս.Հունանյանին որպես մեղադրյալ ներգրա¬վելու որոշման մեջ առկա վերոնշյալ անհստա¬¬կությունը /օգոստոս ամսվա օրվա վերաբերյալ նշման բացակայությունը/ պետք է կմեկ¬նաբանվի հօգուտ ամբաստանյալի, այսինքն՝ ամբաստանյալ Ս.Հունանյանի նկատմամբ պատիժ նշանակելիս որպես ելակետ ընդունվի այն, որ վերջինիս հանցանքն ավարտվել է 2016թ. օգոստոսի 1-ին, այսինքն՝ մինչև ԵՇԴ/0047/01/16 գործով կայացված դատավճռի օրինական ուժի մեջ մտնելը, հակառակ պարագայում կխախտվեն ամբաստանյալ Ս.Հունանյանի` ՀՀ Սահմանադրության երաշխավորված արդար դա¬տական քննության և արդյունավետ դատական պաշտպանության իրավունքները։
Պատասխանատվությունն ու պատիժը մեղմացնող վերոնշյալ հան¬գամանքները, ամբաստանյալ Սուսաննա Հունանյանի անձը բնու¬թագրող տվյալ¬ները հաս¬տատված են գործով ձեռք բեր¬ված և դա¬տաքննութ¬յամբ հետա¬զոտված, թույլատ¬րե¬¬լիութ¬յան ու վերաբերելիության չափանիշներին համա¬պա¬¬տաս¬¬խանող ապա¬ցույց¬¬ներով, ող¬ջամտո¬րեն մեղմաց¬նում են նրա անձի հանրային վտան¬գավո¬րութ¬յունը։
Պատժի նպատակներն ապահովելու տեսանկյու¬նով անդրադառնալով ամբաս¬տան¬յալ¬ Սուսաննա Հունանյանի նկատմամբ նշանակվող պատժի տե¬սակի ընտրությանը` Դատա¬րանը փաստում է, որ ՀՀ քրեա¬կան օրենսգրքի 179-րդ հոդ¬վածի 2-րդ մասի 3-րդ կետով սահման¬ված հանցակազմը նախատե¬սում է այլընտ¬րանքային պատժատե¬սակներ` տուգանք կամ որոշակի ժամկետով ազատազրկում` որո¬շա¬կի պաշտոններ զբաղեցնելու կամ որոշակի գործունեությամբ զբաղվելու իրավուն¬քից զրկելով կամ առանց դրա, հետևաբար` սույն գործով ամբաստանյալ Սուսաննա Հունանյանի նկատմամբ պա¬տիժ նշանա¬կելիս քննարկման ենթակա են` պատժատեսակի ընտրության, պատժաչափի, տվյալ հոդվածով նախա¬տես¬ված պատժից ավելի մեղմ պատժա¬չափ նշա¬նակելու (ՀՀ քրեական օրենսգրքի 64-րդ հոդ¬վածի կիրառում), հանցագործությունների համակցությամբ վերջնական պատիժ նշա¬նակելու, ՀՀ քրեական օրենսգրքի 66-րդ հոդվածի 6-րդ մասով վերջնական պատիժ նշանակելու, նաև ազատազրկման ձևով վերջնական պատժի դատա¬պարտելու դեպքում` այն կրելու կամ չկրելու (ՀՀ քրեական օրենսգրքի 70-րդ հոդվածի կիրառում), որպես լրացուցիչ պատժատեսակ որոշակի պաշտոններ զբաղեցնելու կամ որո¬շակի գործունեությամբ զբաղվելու իրա¬վունքից զրկելը նշանակելու նպատակահարմարության հարցերը։
Հաշվի առնելով ամբաստանյալ Սուսաննա Հունանյանի անձը, կատարած հանցագոր¬ծութ¬յուն¬ների քանակը, բնույթն ու վտանգա¬վո¬րութ¬յան աստի¬ճանը (միջին ծան¬րության դիտավորյալ հան¬ցագոր¬ծություններ են), տուժողներին պատճառ¬ված վնասն ամբողջությամբ չհատուցելու հանգամանքը, Երևա¬նի Շենգավիթ վարչական շրջանի ընդհանուր իրավա¬սության դատարանի 2016թ. հուլիսի 1-ին կայացրած դա¬տավճռով նշանակված և չկրած պատիժը գումարելու անհրաժեշտությունը (համաձայն` ՀՀ ԱՆ պրո¬բացիայի պետական ծառայության 2017թ. ապրիլի 4-ի պատասխան գրության՝ տուգանքի վճարում առհասարակ չի կատարվել)՝ Դատարանը փաստում է, որ ՀՀ քրեական օրենսգրքի 179-րդ հոդվածի 2-րդ մասի 3-րդ կետով նախատեսված առավել մեղմ պատժա¬տեսակը՝ տուգանքն ամբաս¬տանյալ Ս.Հու¬նանյանի նկատմամբ նշանակելը նպա¬տակահարմար չէ, այն պատժի նպատակները չի ապահով¬վի։ Դատարանը փաստում է, որ ամբաս¬տանյալ Սուսաննա Հունանյանի նկատմամբ նշա¬նակվող պատիժ, այդ թվում՝ վերջնական պատիժ անհրաժեշտ է նշանակել բացառապես ազա¬տազրկման ձևով, որը նա պետք է կրի։
Դատարանը փաստում է, որ ամբաստանյալ Ս.Հունանյանի նկատմամբ լրացուցիչ պատիժ նշա¬նակելու անհրաժեշտությունը բացակայում է, քանի որ սույն գործով նրան վերագրված հանցագործութ¬յուն¬ները կատարելիս որևէ պաշտոն վերջինս չի զբաղեցրել, որևէ օրինական գործունեությամբ չի զբաղ¬վել։
Ամբաստանյալ Սուսաննա Հունանյանի կատարած յուրաքանչյուր հանցանքի համար պատիժ« իսկ հան¬¬ցանքների համակցությամբ վերջնական պատիժ սահմանելիս Դատարանը հաշվի է առնում նաև այն« որ սույն գործով ամբաստանյալին մեղսագրվում է ըստ բնույթի և հանրության համար վտան¬գա¬վո¬րության աստիճանի միջին ծանրության հան¬ցա¬գոր¬ծությունների կա¬տարում« հետևա¬բար` նրա նկատ¬մամբ պա¬տիժ պետք է նշանակվի ՀՀ քրեական օրենսգրքի 66-րդ հոդվածի 3-րդ մասով« որը կիրա¬ռելի է համարում նաև պատիժները մասնակիորեն գումա¬րելու կանոնը։
Դատարանն արձանագրում է, որ ամբաստանյալ Ս.Հունանյանի նկատմամբ սույն գործով նշա¬նակվող վերջնական պատժին ՀՀ քրեական օրենսգրքի 67-րդ հոդվածի կիրառմամբ պետք է լրիվ գու¬մար¬վի Երևանի Շենգավիթ վարչական շրջանի ընդհանուր իրավա¬սության դատարանի 2016թ. հուլիսի 1-ի դատավճռով նշանակված և չկրած/չվճարված/ 800.000 ՀՀ դրամ տուգանքը, քանի որ տվյալ հոդվածի կիրառման համար օրենսդիրը պարտադիր պայման է համարում առաջին գործով դատավճռի կայաց¬ման և ոչ թե դրա օրինական ուժի մեջ մտնելու փաստը։
Ամ¬բաստանյալ Ս.Հունանյանի անձը դրակա¬նորեն բնութագրող տվյալները և պատասխանատ¬վությունն ու պատիժը մեղմացնող հանգամանքները Դա¬տարանը հաշվի է առնում նրա նկատմամբ նշա¬նակվող պատիժները գումարելիս և ազա¬տազրկման ձևով նշանակվող վերջնական պատժի ժամկետը որոշելիս։
Դատարանն արձանագրում է, որ այդ պա¬տիժն է արդա¬րացի ու միա¬ժա¬¬մանակ անհրա¬ժեշտ ամբաս¬տան¬յալ Սուսաննա Հունանյանին ուղղելու, հնարա¬վոր նոր հանցա¬գոր¬ծությունները կան¬խելու, սոցիալական արդարությունը վերականգնելու հա¬մար։
Անդրադառնալով ամբաստանյալի նկատմամբ ընտրված խափանման միջոցի հար¬ցին` Դատա¬¬րանը փաստում է, որ սույն դատավճիռը կայացնելու պահին ամբաստանյալ Սուսաննա Հունանյանի նկատ¬մամբ որպես խա¬¬¬¬փան¬ման միջոց ընտրված չհեռանալու մասին ստո¬րագրությունը փո¬փո¬խելու կամ վերաց¬նելու հիմքերը բացա¬կա¬յում են, այն անհրաժեշտ է թողնել անփոփոխ` մինչև սույն դատավճիռն օրինական ուժի մեջ մտնելը, իսկ վերջինիս պատժի կրման սկիզբը` հաշվարկել նրան փաս¬տացի արգելանքի վերցնելու օր¬վա¬նից։
ՀՀ քրեական դատավարական օրենսգրքի 360-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների« դատական ծախ¬սե¬րի« գույքի նկատմամբ կիրառված (կիրառվելիք) արգելանքի« քաղա¬¬քա¬ցիական հայցի հարցերին« սա¬կայն Դատարանը« պարզելով« որ քրեական գործում բացակայում են իրեղեն ապա¬ցույցները, դատական ծախսերի վերաբերյալ տվյալները, փաստացի արգելանքի տակ որևէ գույք չի գտնվում, սահմա¬նա¬փակվում է այդ փաստերի ար¬ձանագրմամբ։
Դատարանը փաստում է, որ տուժող (քաղաքացիական հայցվոր) Սամսոն Հակոբի Հովհան¬նիս¬յանի ներկայացուցիչ Կարեն Քալանթարյանի և տուժող (քաղաքացիական հայցվոր) Քարօլին Մա¬միկոնի Բաղումեանի ներկայացրած քաղաքացիական հայցերը հիմնավոր են և ենթակա են բավարար¬ման, որպես հանցագոր¬ծութ¬յամբ տուժողներ Հովհաննիսյանին և Բաղումեանին անմիջա¬կանորեն պատ¬¬ճառված վնասի փոխհատուցում` քաղաքացիական պատասխանող Սուսաննա Համլետի Հունանյանից հօգուտ Սամսոն Հովհաննիսյանի անհրաժեշտ է բռնագանձել 795.000 (յոթ հարյուր իննսունհինգ հազար) ՀՀ դրամ, իսկ հօգուտ Քարօլին Բաղումեանի՝ 170.000 (հարյուր յոթա¬նասուն հազար) ՀՀ դրամ գումար¬ներ։
Գնահատելով և ամփոփելով դատաքննությամբ հետազոտված ապացույց¬ները, ղեկավարվելով ՀՀ քրեական դատավա¬րա¬կան օրենսգրքի 119-րդ, 357-360-րդ, 364-365-րդ, 367-րդ, 369-373-րդ հոդված¬ներով, Դատա¬րանը

Վ Ճ Ռ Ե Ց ՝
Սուսաննա Համլետի Հունանյանին ճանաչել մեղավոր ՀՀ քրեական օրենսգրքի 179-րդ հոդ¬վածի 2-րդ մասի 3-րդ կետով (2 դրվագներով) նախատեսված հանցագործությունների կատար¬ման մեջ, նրա նկատ¬մամբ դրվագներից յուրաքանչյուրով նշանակել պատիժ` ազա¬տազրկում 2 (երկու) տարի ժամ¬կետով։
ՀՀ քրեական օրենսգրքի 66-րդ հոդվածի 3-րդ մասի կիրառմամբ` նշանակված պատիժները մաս¬նակիորեն գումարելով` Սուսաննա Հունանյանի նկատմամբ որպես վերջնական պատիժ նշա¬նա¬կել ազատազրկում` 2 (երկու ) տարի 6 (վեց) ամիս ժամկետով։
ՀՀ քրեական օրենսգրքի 67-րդ հոդվածի կիրառմամբ վերոնշյալ պատժին լրիվ գումարելով Երևանի Շենգավիթ վարչական շրջանի ընդհանուր իրավասության դատարանի 2016թ. հուլիսի 1-ի դատավճռով նշանակված և չկրած տուգանքը` Սուսաննա Համլետի Հունանյանի նկատմամբ որպես վերջնական պատիժ նշանակել ազատազրկում 2 (երկու) տարի 6 (վեց) ամիս ժամկետով և տուգանք նվա¬զա¬գույն աշխատավարձի ութհարյուրապատիկի` 800.000 (ութ հարյուր հազար) ՀՀ դրամի չափով։
Սուսաննա Հունանյանի նկատմամբ որպես խափանման միջոց ընտրված չհեռանալու վե¬րա¬¬բեր¬յալ ստորագրությունը թողնել անփոփոխ` մինչև սույն դատավճիռն օրինական ուժի մեջ մտնելը։
Տուժող (քաղաքացիական հայցվոր) Քարօլին Մամիկոնի Բաղումեանի ներկայացրած քաղա¬քա¬ցիական հայցը բավարարել, քաղաքացիական պատասխանող Սուսաննա Համլետի Հունանյանից հօգուտ նրա, որպես հանցա¬գոր¬ծությամբ անմիջականորեն պատճառված գույքային վնասի փոխհա¬տուցում, բռնագանձել 170.000 (հարյուր յոթանասուն հազար) ՀՀ դրամ գումար։
Տուժող (քաղաքացիական հայցվոր) Սամսոն Հակոբի Հովհաննիսյանի ներկայացուցիչ Կարեն Քալանթարյանի ներկայացրած քաղա¬քա¬ցիական հայցը բավարարել, քաղաքացիական պատաս¬խանող Սուսաննա Համլետի Հունանյանից հօգուտ նրա, որպես հանցագործությամբ անմիջա¬կա¬նորեն պատ¬ճառված գույքային վնասի փոխհատուցում, բռնագանձել 795.000 (յոթ հարյուր իննսունհինգ հազար) ՀՀ դրամ գումար։
Դատական ծախսերի հարցը համարել լուծված։
Դատավճիռը ստացման օրվանից մե¬կամսյա ժամկետում կարող է բողո¬քարկվել ՀՀ վե¬րաքննիչ քրեական դատարան։


ԴԱՏԱՎՈՐ՝ Ա.ՎԱՐԴԱՆՅԱՆ