ԵԿԴ/0089/01/17
Ո Ր Ո Շ ՈՒ Մ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

13 նոյեմբերի 2017թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան առաջին ատյանի դատարանը` նախագահությամբ դատավոր Գ.Պողոսյանի, քարտուղա-րությամբ` Ն.Թումանյանի, մասնակցությամբ` մեղադրող Վ.Պողոսյանի, ամբաստանյալ Ա.Բոշ-յանի, պաշտպան Ա.Հակոբյանի, թարգմանիչ Գ.Մելիքյանի, դատարանում` դռնբաց դատական նիստում, քննության առնելով տուժող Վ.Ալավերդյանի միջնորդությունը,

Պ Ա Ր Զ Ե Ց

Արմեն Բենիկի Բոշյանին ՀՀ քրեական օրենսգրքի 118-րդ հոդվածով մեղադրանք է առա-ջադրվել այն բանի համար, որ նա. «2016 թվականի հոկտեմբրի 10-ին` ժամը 11։00-ի սահման-ներում, Երևան քաղաքի Կողբացի 75 հասցեում գործող «Հայաստանի խուլերի միավորում» հա-սարակական կազմակերպության վարչական շենքի դիմաց՝ խուլերի կողմից կազմակերպված բողոքի ակցիայի ընթացքում, մարմնական վնասվածքներ հասցնելու նպատակով աջ ձեռքի բը-ռունցքով մեկ անգամ հարվածել է նույն հասարակական կազմակերպությունում որպես օպերա-տոր աշխատող Վահե Սոսի Ալավերդյանի ճակատին, այնուհետև, դարձյալ բռունցքով հարվա-ծել է ձախ հոնքի հատվածին, որի հետևանքով վերջինս կորցրել է հավասարակշռությունը և վայր ընկել, իսկ այդ ընթացքում մեկ անգամ ոտքով հարվածել է Վ.Ալավերդյանի աջ ոտքի թա-թային հատվածին` դիտավորությամբ պատճառելով առողջության թեթև վնասի հատկանիշներ չպարունակող ճակատի շրջանի արյունազեղման, ձախ հոնքի, աջ արմնկային և սրունք-թաթա-յին հոդերի շրջանների քերծվածքների ձևով վնասվածքներ»։
Դատական քննության ընթացքում տուժող Վ.Ալավերդյանը 10.11.2017թ. դիմում է ներկա-յացրել դատարան և, հայտնելով, որ ինքն ամբաստանյալ Ա.Բոշյանից որևէ բողոք, պահանջ չունի, հաշտվել է նրա հետ և չի ցանկանում, որ նա քրեական պատասխանատվության ենթարկ-վի, խնդրել է կարճել քրեական գործի վարույթը և դատական նիստն անցկացնել իր բացակա-յությամբ, քանի որ բացակայելու է քաղաքից։
Միջնորդության քննության ընթացքում ամբաստանյալը հայտնեց, որ իրոք հաշտվել են տուժողի հետ և, ներկայացնելով գրավոր դիմում, չառարկեց տուժողի գրավոր միջնորդությանը, միացավ դրան և նույնպես խնդրեց կարճել գործի վարույթը։
Պաշտպանը չառարկեց միջնորդությանը։
Մեղադրողը նույնպես չառարկեց միջնորդությանը և գտավ, որ տուժողի հետ հաշտության հիմքով ամբաստանյալ Ա.Բոշյանի նկատմամբ պետք է դադարեցվի ՀՀ քրեական օրենսգրքի 118-րդ հոդվածով քրեական հետապնդումն ու կարճվի թիվ ԵԿԴ/0089/01/17 քրեական գործի վա-րույթը։
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համա-ձայն` քրեական գործ չի կարող հարուցվել և քրեական հետապնդում չի կարող իրականացվել« իսկ հարուցված քրեական գործի վարույթը ենթակա է կարճման« եթե նույն օրենսգրքով նախա-տեսված դեպքերում տուժողը հաշտվել է կասկածյալի կամ մեղադրյալի հետ« իսկ նույն օրենս-գրքի 183-րդ հոդվածի համաձայն` ՀՀ քրեական օրենսգրքի 118-րդ հոդվածով նախատեսված հանցագործության վերաբերյալ գործերը հարուցվում են ոչ այլ կերպ« քան տուժողի բողոքի հի-ման վրա« և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։
Դատարանը« քննության առնելով տուժողի միջնորդությունը, հաշվի առնելով կողմերի կարծիքներն ու նկատի ունենալով« որ տուժողն ու ամբաստանյալը հաշտվել են, գտնում է« որ ՀՀ քրեական դատավարության օրենսգրքի 35-րդ և 183-րդ հոդվածների համաձայն ամբաստանյալ Ա.Բոշյանի նկատմամբ պետք է դադարեցվի ՀՀ քրեական օրենսգրքի 118-րդ հոդվածով քրեա-կան հետապնդումն ու կարճվի թիվ ԵԿԴ/0089/01/17 քրեական գործի վարույթը։
Դատարանը նման հետևության է հանգում հաշվի առնելով նաև թիվ ԵԱՔԴ/0157/01/10 գործով 20.04.2012թ-ին կայացված որոշմամբ Վճռաբեկ դատարանի արտահայտած իրավական դիրքորոշումը։
Դատարանը, քննության առնելով խափանման միջոցի հարցը, գտնում է, որ սույն որո-շումն օրինական ուժի մեջ մտնելուց հետո ամբաստանյալ Ա.Բոշյանի նկատմամբ կիրառված խափանման միջոցը՝ չհեռանալու մասին ստորագրությունը, պետք է վերացվի։
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 35-րդ« 183-րդ ու 313-րդ հոդվածներով` դատարանը

Ո Ր Ո Շ Ե Ց

Ամբաստանյալ Արմեն Բենիկի Բոշյանի նկատմամբ դադարեցնել ՀՀ քրեական օրենս-գրքի 118-րդ հոդվածով քրեական հետապնդումն ու կարճել թիվ ԵԿԴ/0089/01/17 քրեական գործով վարույթը՝ նրա և տուժող Վ.Ալավերդյանի հաշտության հիմքով։
Որոշումն օրինական ուժի մեջ մտնելուց հետո ամբաստանյալ Ա.Բոշյանի նկատմամբ կի-րառված խափանման միջոցը՝ չհեռանալու մասին ստորագրությունը, վերացնել։
Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ