ԵԿԴ/0024/01/17


Ո Ր Ո Շ ՈՒ Մ

ՔՐԵԱԿԱՆ ՕՐԵՆՔՈՎ ԱՐԳԵԼՎԱԾ ԱՐԱՐՔ ԿԱՏԱՐԱԾ ԱՆՁԻ ՆԿԱՏՄԱՄԲ ԲԺՇԿԱԿԱՆ ԲՆՈւՅԹԻ ՀԱՐԿԱԴՐԱՆՔԻ ՄԻՋՈՑ ԿԻՐԱՌԵԼՈւ
ՄԱՍԻՆ

,,17,, հուլիսի 2017թ. ք. Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը
(այսուհետ` Դատարան)


Նախագահությամբ դատավոր Մ. ՄԱԿՅԱՆԻ

Քարտուղարությամբ՝ Թ. Խաչատրյանի

Մասնակցությամբ`

Դատախազ Ա. Արամյանի

Պաշտպան Վ. Խաչիկյանի

Օրինական ներկայացուցիչ Ա. Առուշանյան


դռնբաց դատական նիստում, քննության առնելով ՀՀ քրեական օրենսգրքի 38-201-րդ հոդվածի 3-րդ մասով նախատեսված արարքը անմեղսունակության վիճակում կատարած անձ Ռուբեն Գագիկի Առուշանյանի՝ /ծնված 21.05.1982թ-ին, Երևան քաղաքում, ազգությամբ հայ, ՀՀ քաղաքացի, ըստ իր հայտարարության՝ չամուսնացած, միջնակարգ կրթությամբ, նախկինում չդատված, ամուսնացած, աշխատել է «Ուլիս 2» ֆուտբոլային ակումբում՝ որպես մարզչի օգնական, բնակվել է` ք. Երևան Շևչենկո փողոցի 7-րդ շենքի 36-րդ բնակարանում, ներկայումս գտնվում է պահվում է ՀՀ ԱՆ «Նուբարաշեն» հոգեբուժական կենտրոն ՓԲԸ-ում/, նկատմամբ բժշկական բնույթի հարկադրանքի միջոցներ կիրառելու մասին հարցը`

Պ Ա Ր Զ Ե Ց

Անմեղսունակության վիճակում քրեական օրենքով արգելված արարք կատարած անձի նկատմամբ բժշկական բնույթի հարկադրական միջոներ կիրառելու վերաբերյալ քրեական գործը դատարան ուղարկելու որոշման համաձայն՝


«Ռուբեն Գագիկ Առուշանյանը, փաստացի իրականացնելով Հայաստանի Հանրապետության ֆուտբոլի առաջնության մասնակից «Ուլիս 2» ֆուտբոլային ակումբի մարզիչի օգնականի գործառույթները, օժանդակել է «Ուլիս» ֆուտբոլային ակումբի մարզիչ Գագիկ Սիմոնյանի, ֆուտբոլիստ Հայկ Հունանյանի, ինչպես նաև նշված ֆուտբոլային ակումբներում հանդես եկող մարզամրցումների այլ մասնակիցների կողմից որպես կաշառք առավելություններ և գումար պահանջելուն ու ստանալուն։
Այսպես.
Էդգար Պետրոսյանը, սպորտային իրադարձությունների վրա խաղադրույքներ կատարելու համար հաշվառված լինելով միջազգային բուքմեյքերական համացանցային տարբեր կայքերում, այդ թվում նաև՝ «Betfier.com» համացանցային կայքում, Հայաստանի Հանրապետության ֆուտբոլի առաջնության մասնակից հանդիսացող «Ուլիս» և «Ուլիս 2» ֆուտբոլային ակումբների մասնակցությամբ Հայաստանի ֆուտբոլային առաջնությունում կայանալիք հանդիպումների արդյունքների վրա ազդելու նպատակով, «Ուլիս 2» ակումբի ադմինիստրատոր Արա Ազարյանի և նույն ակումբի մարզիչի օգնականի գործառույթները փաստացի իրականացնող Ռուբեն Առուշանյանի միջոցով, 2015 թվականի հոկտեմբեր ամսին պայմանավորվածություն է ձեռք բերել «Ուլիս» ֆուտբոլային ակումբի մարզիչ Գագիկ Սիմոնյանի, նույն ակումբի ֆուտբոլիստ Հայկ Հունանյանի, ինչպես նաև հիշյալ ակումբներում հանդես եկող մարզամրցումների այլ մասնակիցների հետ՝ առանց վերջիններիցս գումար ստանալու, նախապես պայմանավորված խաղային իրադարձությունների վրա համացանցային կայքերում իր միջոցներով խաղադրույքներ կատարելու եղանակով նրանց առավելություններ տրամադրելու, ինչպես նաև դրա արդյունքում առաջացած գումարներով կաշառք տալու վերաբերյալ։

Իրականացնելով նախնական հանցավոր համաձայնության շրջանակներում ձեռք բերված պայմանավորվածությունները, «Ուլիս» ֆուտբոլային ակումբի մարզիչ Գագիկ Սիմոնյանը, ֆուտբոլիստ Հայկ Հունանյանը, ինչպես նաև հիշյալ ակումբներում հանդես եկող մարզամրցումների այլ մասնակիցներ, Հայաստանի Հանրապետության ֆուտբոլի բարձրագույն, ինչպես նաև առաջին խմբի 2015-2016 թվականի առաջնություններում 2015 կանի հոկտեմբերից նոյեմբերի 28-ն ընկած ժամանակահատվածում կայացած ֆուտբոլային հանդիպումներում ապահովել են խաղային իրադարձությունների նախապես որոշված ցանկալի ելքը, որի համար էդգար Պետրոսյանը տվել է, իսկ Գագիկ Սիմոնյանը, Հայկ Հունանյանն ու մարզամրցումների այլ մասնակիցներ Արա Ազարյանի և Ռուբեն Առուշանյանի օժանդակությամբ պահանջել ու ստացել են գույքային առավելություններ, ինչպես նաև 943.720 ՀՀ դրամին համարժեք 2000 ԱՄՆ դոլար կաշառք։ Էդգար Պետրոսյանի կողմից տրված կաշառքից Արա Ազարյանը 47.186 ՀՀ դրամին համարժեք ԱՄՆ դոլարը և 15.000 ՀՀ դրամը տվել է ֆուտբոլիստ Հայկ Հունանյանին՝ 2015 թվականի նոյեմբերի 28-ի՝ «Արարատ»-«Ուլիս» ֆուտբոլային հանդիպման արդյունքն ապահովելու դիմաց, իսկ մնացած գումարը տնօրինվել է հանցակիցների կողմից՝ առկա պայմանավորվածությունների համաձայն։

Բացի այդ, 2016 թվականի հունվարի 25-ին, Գագիկ Սիմոնյանը, կալանքի տակ գտնվելով ՀՀ արդարադատության նախարարության «Նուբարաշեն» քրեակատարողական հիմնարկում, կայացած հեռախոսազրույցի ընթացքում էդգար Պետրոսյանից պահանջել է հավելյալ գումար՝ Արա Ազարյանի միջոցով ձեռք բերված համաձայնությամբ իրականացված գործունեության արդյունքում գոյացած միջոցներից։ Մկրտչյանը, 2014 թվականի դեկտեմբերի 22-ին ժամը 17։00-ի սահմաններում, փորձել է կատարել ՀՀ Շիրակի մարզի Ոսկեհաս գյուղի մոտակայքում գտնվող «Ախուրիկ» զորամասի» սահմանապահ ուղեկալի հատվածով, շրջանցելով սահմանային անցակետերը, ոտքով ապօրինի հատել է Թուրքիայի հետ ՀՀ պահպանվող պետական սահմանը և անցնել Թուրքիայի տարածք, սակայն նրան չի հաջողվել նրա կամքից անկախ հանգամանքներով, քանի որ նշված վայրում բռնվել է ՀՀ-ում ՌԴ ԱԴԾ սահմանապահ ծառայողների կողմից»։

Դեպքի առթիվ 2016թ. դեկտեմբերի 21-ին ՀՀ ԿԱ ԱԱԾ քննչական վարչությանում ՀՀ քրեական օրենսգրքի 201-րդ հոդվածի 2-րդ և 3-րդ մասերի հատկանիշներով հարուցվել է թիվ 58218215 քրեական գործը։

2016 թվականի հունվարի 13-ին ՀՀ ԿԱ ԱԱԾ քննչական վարչության կողմից կայացվել է որոշում` Ռուբեն Գագիկի Առուշանյանին որպես մեղադրյալ ներգրավելու մասին, նրան մեղադրանք է առաջադրվել ՀՀ քրեական օրենսգրքի 201-րդ հոդվածի 1-ին մասով։

2016թ.-ի հունվարի 13-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից կայացվել է որոշում՝ Ռ.Առուշանյանի նկատմամբ կալանավորումը որպես խափանման միջոց ընտրելու մասին։

2016թ.-ի փետրվարի 10-ին ՀՀ ԿԱ ԱԱԾ քննչական վարչության կողմից կայացվել է որոշում` ամբուլատոր դատահոգեբուժական փորձաքննություն նշանակելու մասին։

Համաձայն՝ ամբուլատոր դատահոգեբուժական փորձագիտական հանձնաժողովի 18.02.2016թ.-ի թիվ 88/16 եզրակացության՝

«Ռուբեն Գագիկի Առուշանյանը տառապել և տառապում է՝ «Մանիակալ-դեպրեսիվ փսիխոզ, ընթացիկ մանիակալ էպիզոդ» խրոնիկական հոգեկան հիվանդությամբ։ Ըստ անամեստիկ տեղեկությունների և առկա բուժփաստաթղթերի՝ Ռուբեն Առուշանյանը «Մանիակալ-դեպրեսիվ փսիխոզ» խրոնիկական հոգեկան հիվանդությամբ տառապում է 2000 թվականից։ Սակայն հանցավոր արարքը կատարելու պահին վերը նշված հիվանդությունը չի գտնվել սրացման փուլում, արտահայտված չի եղել այն աստիճան, որպեսզի զրկեր նրան իր գործողությունների համար իրեն հաշիվ տալու և դրանք ղեկավարելու ունակությունից։ Ուստի Ռուբեն Գագիկի Առուշանյանին իրեն մեղսագրվող արարքի նկատմամբ հարկ է ճանաչել մեղսունակ։ Սակայն կալանավորումից հետո, ստեղծված դատաքննչական իրավիճակում, քրեակատարողական հիմնարկի պայմաններում նրա մոտ դիտվել է «Մանիակալ-դեպրեսիվ փսիխոզ» խրոնիկական հոգեկան հիվանդության սրացում և ներկայումս Ռուբեն Առուշանյանը գտնվում է վերը նշված խրոնիկական հոգեկան հիվանդության մանիակալ փուլում, որն արտահայտվում է գերակտիվության, գերագույն եռանդով, փոփոխական տրամադրությամբ, իր հնարավորությունների գերագնահատմամբ, սոցիալական գործունեության անհնարինությամբ,
շատախոսությամբ, մտքերի արագ հոսքով, գերլավատեսությամբ, մեծամոլական մտքերով, ինչը ներկա պահին թույլ չի տալիս նրան մասնակցել դատաքննչական գործողություններին։ Իր ներկա հոգեկան վիճակով Ռ.Առուշանյանը կարիք ունի հարկադրական բուժման ընդհանուր տիպի հոգեբուժական ստացիոնարի պայմաններում՝ մինչև վերը նշված մանիակալ սրացման փուլից դուրս գալը, որից հետո կարող է կանգնել դատի և քննության առջև»։

2016թ.-ի մարտի 24-ին ՀՀ ԿԱ ԱԱԾ քննչական վարչության կողմից կայացվել է որոշում` ստացիոնար դատահոգեբուժական փորձաքննություն նշանակելու մասին։

29.03.2016թ-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից կայացվել է որոշում, համաձայն որի՝ Ռ.Առուշանյանը 2 ամիս ժամանակով տեղավորվել է ՀՀ ԱՆ «Հոգեբուժական բժշկական կենտրոն» ՓԲԸ «Նուբարաշեն» հոգեբուժական կլինիկայի ստացիոնար դատահոգեբուժական բաժանմունք՝ ստացիոնար դատահոգեբուժական փորձաքննություն անցկացնելու նպատակով։

Համաձայն՝ ստացիոնար դատահոգեբուժական փորձաքննության 20.04.2016թ.-ի թիվ 30 եզրակացության՝

«Ռուբեն Առուշանյանը դեռևս 2000 թվականից տառապել և տառապում է «Ատիպիկ մանիակալ դեպրեսիվ փսիխոզ» հոգեկան հիվանդությամբ, ինչի մասին վկայում են բազմաթիվ հոսպիտալացումները՝ հոգեվիճակի սրացման հետ կապված։ Նշված հոգեկան հիվանդությունը փորձաքննվողի մոտ ունեցել է ձգձգվող-հարաճյուն ընթացք։ Ինչպես հետևում է թիվ 86/16 անբուլատոր ԴՀՓ բուժ եզրակացությունից և նրանում առկա գրառումներից, 2011 թվականից փորձաքննվողը դիսպանսեր չի հաճախել՝ ելնելով հարաբերական «լավ» վիճակից, սակայն սիստեմատիկ ստացել է պահպանողական բուժում և գտնվել է ոչ կայուն՝ դեղորայքային ռեմիսիայի /լավացման/ փուլում, նման վիճակում է գտնվել նաև արարքը կատարելուց՝ 2015 թվականի սեպտեմբեր-դեկտեմբեր ամիսներին ընկած ժամանակահատվածում, ուստի նա չէր կարող գիտակցել իր գործողոթյունների վտանգավորությունը և ղեկավարել դրանք։ Կալանավորումից հետո, ստեղծված դատաքննչական իրավիճակում, քրեակատարողական հիմնարկի պայմաններում, փորձաքննվողի մոտ դիտվել է վերը նշված հոգեկան հիվանդության սրացում և հանձնաժողովի կողմից այն գնահատվում է որպես «Մանիա փսիխոզի ախտանիշներով՝ ընթացիկ երկբևեռ աֆեկտիվ խանգարման էպիզոդ»։ Այդ մասին են վկայում ինչպես անամնեստիկ տեղեկությունները, այնպես էլ ներկա հետազոտման արդյունքները, որոնք թույլ են տվել նրա մոտ հայտնաբերել փոփոխական տրամադրություն՝ ագրեսիայի էլեմենտներով, գերակտիվություն, աննպատակ, անմիտ արարքներ, երբեմն ագրեսիվ, սանձարձակ գործողություններով, ինչպես նաև ինքնագերագնահատման, մեծամոլական, վերաբերման զառանցման մտքերը, գրգռվածություն ու կասկածամտություն, մտածողության և խոսքի արագություն, մտքերի հոսք ու թռիչք, ցրվածություն, քննադատության բացակայության հետ մեկ տեղ։ Հաշվի առնելով հիվանդության բնույթը, ձգձգվող-հարաճյուն ընթացքը, փորձագիտական հանձնաժողովը եզրակացնում է, որ Ռուբեն Գագիկի Առուշանյանն ինչպես իրավախախտումը կատարելիս, այնպես էլ ներկայումս չէր կարող և չի կարող գիտակցել իր գործողությունների վտանգավորությունը և ղեկավարել դրանք։ Ուստի, իրեն մեղսագրվող արարքի նկատմամբ Ռուբեն Գագիկի Առուշանյանին հարկ է ճանաչել մեղսունակ։ Իր ներկա հոգեվիճակում նա չի կարող մասնակցել դատաքննչական գոծողություններին։ Հաշվի առնելով, որ Ռուբեն Գագիկի Առուշանյանը հոգեվիճակից ելնելով, ըստ ցուցման ստացել է սիմպտոմատիկ բուժում, որի արդյունքում հասարակության համար սոցիալական վտանգավորությունը վերացել է, ուստի կարիք ունի մեկուսացման, հսկողության և հարկադիր բուժման ընդհանուր հսկողության հոգեբուժական բաժանմունքի պայմաններում՝ ըստ բնակավայրի»։

2016թ.-ի ապրիլի 22-ին ՀՀ ԿԱ ԱԱԾ քննչական վարչության կողմից կայացվել է որոշում` կրկնակի ստացիոնար հանձնաժողովային դատահոգեբուժական փորձաքննություն նշանակելու մասին։

Համաձայն կրկնակի ստացիոնար հանձնաժողովային դատահոգեբուժական փորձաքննության 24.05.2016թ.-ի թիվ 46 եզրակացության՝

«վերլուծելով քրեական գործի նյութերը, առկա բժշկական փաստաթղթերը և ներկա հետազոտման արդյունքները, փորձագիտական հանձնաժողովը եզրակացնում է, որ Ռուբեն Առուշանյանը դեռևս 2000 թվականից տառապել է «Ատիպիկ մանիակալ դեպրեսիվ փսիխոզ» հոգեկան հիվանդությամբ։ Ներկայումս նրա մոտ հայտնաբերվում է «երկբևեռ աֆեկտիվ խանգարում՝ փսիխոզով /մանյակալ դեպրեսիվ փսիխոզ/»։ Նշված հիվանդությունը հիվանդի մոտ կրում է անընդմեջ ընթացք, ռեմիսիաները՝ անկայուն են, դեղորայքային։ Հաշվի առնելով հիվանդության բնույթը, ձգձգվող-հարաճյուն ընթացքը, փորձագիտական հանձնաժողովը եզրակացնում է, որ Ռուբեն Գագիկի Առուշանյանը ինչպես իրավախախտումը կատարելիս, այնպես էլ ներկայումս չէր կարող և չի կարող գիտակցել իր գործողությունների վտանգավորությունը և ղեկավարել դրանք։ Իրեն մեղսագրվող արարքը կատարելու պահին 2015 թվականի սեպտեմբերից-դեկտեմբերն ընկած ժամանակահատվածում, այդ հիվանդությունը զրկել է նրան իր գործողությունների համար իրեն հաշիվ տալու և դրանք ղեկավարելու ընդունակությունից։ Ուստի, իրեն մեղսագրվող արարքի նկատմամբ Ռուբեն Գագիկի Առուշանյանին հարկ է ճանաչել անմեղսունակ։ Հաշվի առնելով, որ նախորդ փորձաքննության ժամանակ /մարտ-ապրիլ ամիսներին/ ստացած բուժման արդյունքում փորձաքննվողի սոցիալապես վտանգավորությունը իր անձի և հասարակության հանդեպ նվազել է, ուստի ներկայիս հոգեվիճակում նա կարիք ունի մեկուսացման և հարկադիր բուժման ընդհանուր հսկողության հոգեբուժական բաժանմունքի պայմաններում, ըստ բնակավայրի»։

2016 թվականի հունիսի 17-ին ՀՀ ԿԱ ԱԱԾ քննչական վարչության կողմից կայացվել է որոշում` քրեական գործով վարույթի մաս անջատելու և անմեղսունակ անձի նկատմամբ բժշկական բնույթի հարկադրական միջոցներ կիրառելու վարույթ հարուցելու մասին։

2016թ.-ի հունիսի 17-ին ՀՀ ԿԱ ԱԱԾ քննչական վարչության կողմից կայացվել է որոշում` Ռուբեն Գագիկի Առուշանյանի նկատմամբ կիրառված խափանման միջոց կալանավորումը վերացնելու մասին։

2016թ.-ի հունիսի 17-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից կայացվել է որոշում, համաձայն որի՝ Ռ.Առուշանյանի նկատմամբ որպես անվտանգության միջոց է կիրառվել հոգեբուժական հիվանդանոցում տեղավորելը։

07.02.2017թ.-ին ՀՀ ԳԴ ՀՀ ԱԱԾ մարմիններում քննվող, թմրամիջոցների ապօրինի շրջանառության հետ կապված և կիբեռհանցագործությունների գործերով վարչության ավագ դատախազ Ա.Արամյանի կողմից կայացվել է որոշում՝ անմեղսունակության վիճակում քրեական օրենքով արգելված արարք կատարած անձի նկատմամբ բժշկական բնույթի հարկադրական միջոցներ կիրառելու համար գործը դատարան ուղարկելու մասին։

Գործը՝ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի գրասենյակ է ստացվել և մուտքագրվել 09.02.2017թ.-ին և 10.02.2017թ-ին որոշում է կայացվել անմեղսունակության վիճակում քրեական օրենքով արգելված արարք կատարած անձի նկատմամբ բժշկական բնույթի հարկադրական միջոցներ կիրառելու վերաբերյալ գործը վարույթ ընդունելու մասին։

Թեև գործի դատական քննության ընթացքում Ռուբեն Առուշանյանը կատարած արարքի վերաբերյալ հրաժարվել է որևէ բան ասելուց, սակայն նրա կողմից անմեղսունակության վիճակում քրեական օրենքով արգելված արարք կատարելը հիմնավորվել է գործի դատաքննությամբ հետազոտված այն ապացույցներով, որոնք ներկայացվում են ստորև.

թիվ 58201417 քրեական գործով մեղադրյալ Արա Ազարյանը դատարանում ցուցմունք է տվել առ այն, որ ճանաչում է ամբաստանյալ Ռ.Առուշանյանին, վերջինիս հետ գտնվում է նորմալ հարաբերությունների մեջ։ Հայտնել է, որ օգտվելով մեղադրյալի դատավարական իրավունքներից, հրաժարվում է ցուցմունք տալուց և հարցերին պատասխանելուց։

ՀՀ քրեական դատավարության օրենսգրքի 337-րդ հոդվածի հիմքով հրապարակվել են մեղադրյալի նախաքննական ցուցմունքներն այն մասին, որ՝

« (...) 2007թ-ի դեկտեմբեր ամսից աշխատել է «Ուլիս Երևան 2» ֆուտբոլային ակումբում՝ որպես վարորդ։ Հետագայում, 2011 կամ 2012թ-ից աշխատել նույն ակումբում՝ որպես ադմինիստրատոր և ստացել 120.000 ՀՀ դրամ աշխատավարձ։ 2015թ.-ի հոկտեմբեր ամսից ճանաչում է Էդգար Պետրոսյանին, վերջինիս հետ ծանոթացել է Աշտարակ քաղաքի ֆուտբոլային մարզադաշտում։ Է.Պետրոսյանն իրեն ասել է, որ որդու՝ Դավիթի, ընկերն է և ցանկացել է զրուցել իր հետ։ Էդգարի հետ հանդիպման ժամանակ վերջինս իրեն առաջարկել գումար աշխատելու նպատակով միասին խաղադրույքներ կատարել ֆուտբոլային խաղերի վրա, սակայն ինքը մերժել է նրա առաջարկը։ Այնուհետև, մի քանի օր անց Էդգարը զանգահարել է իրեն և հետաքրքրվել կատարած առաջարկի մասին, ապա խնդրել է աջակցել նրան և չխանգարել։ Մի քանի օր անց համաձայնվել է Էդգարի առաջարկի հետ, այն պայմանով, որ ինքը ևս պետք է խաղադրույքներ կատարի։ Նախապես որևէ մեկի հետ չի պայմանավորվել ֆուտբոլային հանդիպումների արդյուքների վերաբերյալ և ներքին համոզմամբ կատարել է խաղադրույքներ։ Նշել է, որ 2015թ.-ի հոկտեմբեր ամսին Էդգարն իրեն տվել է 130 ԱՄՆ դոլար գումար, տեղեկացնելով, որ ֆուտբոլիստների գումարը նա անձամբ կփոխանցի նրանց։ 2015թ.-ի նոյեմբերի 28-ին տեղին է ունեցել «Արարատ-Երևան» «Ուլիս-Երևան» ֆուտբոլային հանդիպումը։ Այդ ժամանակ զանգահարել է Էդգարին, որպեսզի նա 2000-3000 ԱՄՆ դոլար խաղադրույք կատարի «Արարատ-Երևան» ֆուտբոլային ակումբի հաղթանակի վրա։ Էդգարը տեղեկացրել է, որ կարող է միայն 1000 ԱՄՆ դոլար խաղադրույք կատարել, ինչին համաձայնվել է։ Ֆուտբոլային հանդիպումն ավարտվել է «Արարատ-Երևան» ֆուտբոլային ակումբի հաղթանակով, իսկ կատարած խաղադրույքի արդյունքում վաստակել է 670 ԱՄՆ դոլար գումար։ Մի քանի օր անց Էդգարը եկել է իր բնակության վայր և տվել է 400 ԱՄՆ դոլար գումար։ Այդ գումարից 100 ԱՄՆ դոլարը և 15.000 ՀՀ դրամը վերցրել է իրեն, իսկ մնացած գումարը փոխանցել է «Ուլիս-Երևան 2» ֆուտբոլային ակումբի պաշտպան Հայկ Հունանյանին։
Ճանաչում է Վ.Հովհաննիսյանին, Ա.Ադամյանին, Ռ.Առուշանյանին, չգիտի, արդյոք նրանք խաղադրույքներ կատարել են, թե ոչ, երբևէ նրանց հետ ֆուտբոլային հանդիպումների ելքերի մասին պայմանավորվածություն չի ունեցել։ Ճանաչում է նաև «Ուլիս-Երևան 2» ֆուտբոլային ակումբի բոլոր ֆուտբոլիստներին, սակայն նրանց հետ երբևէ որևէ պայմանավորվածություն չի ունեցել ֆուտբոլային հանդիպումների ելքերի վրա ազդելու վերաբերյալ և նրանց երբևէ գումար չի տվել։
Նշել է նաև, որ Է.Պետրոսյանի հետ ծանոթությունից մի քանի օր անց զանգահարել է նրան և հայտնել, որ ցանկանում է խաղադրույք կատարել «Բանանց-Երևան» «Ուլիս-Երևան» ֆուտբոլային ակումբների հանդիպման արդյունքում «Ուլիս-Երևան» ֆուտբոլային ակումբի պարտության ելքի վրա։ Նշվածի կապացությամբ Էդգարը կատարել է 200 ԱՄՆ դոլար խադադրույք, խաղն ավարտվել է ի իգուտ իրեն, որից ստացել է 120 ԱՄՆ դոլար շահույթ (...)»։

Նախաքննական ցուցմունքների հրապարակումից հետո հայտնել է, որ հարաժարվում է հարցերին պատասխանելուց։

/տես` հատոր 1, գ.թ. 94-96, 114-116, հատոր 3 գ.թ 15-17, 134,
հատոր 6 գ.թ. 251, դատական նիստի արձանագրությունը/


Թիվ 58201417 քրեական գործով մեղադրյալ Էդգար Պետրոսյանը դատարանում հայտնել է, որ ճանաչում է ամբաստանյալ Ռ.Առուշանյանին, վերջինիս հետ գտնվում է նորմալ հարաբերությունների մեջ։ Հայտնել է, որ օգտվելով մեղադրյալի դատավարական իրավունքներից, հրաժարվում է ցուցմունք տալուց և հարցերին պատասխանելուց։

ՀՀ քրեական դատավարության օրենսգրքի 337-րդ հոդվածի հիմքով հրապարակվել են մեղադրյալի նախաքննական ցուցմունքներն այն մասին, որ՝

« (...) 2014թ.-ի աշնանը Երևան քաղաքի Բաղրամյան 31 ա հասցեում իրականացրել է «Տոտո» բուքմեյքերի գործառույթներ, սակայն 2015թ.-ի սեպտեմբեր կամ հոկտեմբեր ամսին դադարեցրել է այդ գործունեությունը։ 2015թ-ի ընթացքում «Ուլիս Երևան» ֆուտբոլային ակումբի մարզիկների և մարզիչների կողմից իր միջոցով խաղադրույքներ են կատարվել։
Արա Ազարյանի հետ ծանոթացել է 2015թ.-ին Աշտարակ քաղաքի մարզադաշտում տեղի ունեցած «Ուլիս 2» խաղի ժամանակ։ Վերջինս հանդիսանում է ընկերոջ՝ Դավիթի, հայրը։ Ա.Ազարյանի հետ զրույցի ընթացքում իմացել է, որ նա հանդիսանում է «Ուլիս 2» ֆուտբոլային ակումբի վարորդը։ Հետագայում, երբ Դավիթի գրասենյակում հանդիպել է Արային, վերջինիս ասել է, որ ունի «Տոտո» բուքմեյքերական գրասենյակ։ Այդ ժամանակ Արան հարցրել է իրեն, թե արդյոք կարող է կատարել խաղադրույքներ, միաժամանակ տեղեկացրել է, որ նախօրոք տեղյակ է լինում «Ուլիս Երևան2» ֆուտբոլային ակումբի հանդիպումների արդյունքներից։ Վերջինս առաջարկել է իրեն խաղադրույքներ կատարել այդ ակումբի հանդիպումների ելքի վրա։ Պատասխանել է, որ նման խաղադրույք հնարավոր կլինի կատարել «Betfier.com» կայքով, որից հետո պայմանավորվել են վերջինիս առաջարկությամբ կատարել խաղադրույքներ։ Արա Ազարյանի հետ պայմանավորվել են խաղադրույքներ կատարել անձնական միջոցներով։ Մասնավորապես, Արա Ազարյանը խաղերից առաջ տեղեկացրել է, որ կարող է ազդել ինչպես ակումբի ֆուտբոլիստների, այնպես էլ մարզիչների վրա՝ նրա կողմից կատարած խաղադրույքներից գոյացած եկամուտներից նրանց մասնաբաժին տրամադրելով։ Ազարյանն ասել է նաև, որ խաղադրույքների դրական արդյունքների հասնելու համար ցանկալի ֆուտբոլիստներ են խաղադաշտում խաղալու։ Ա.Ազարյանը նախօրոք ֆուտբոլիստներին տեղեկացրել է, թե ինչ խաղադրույք է կատարելու և ուղղորդել վերջիններիս՝ դրական ելք ունենալու համար։ Շահումը ստանալուց հետո նա այդ գումարից մասնաբաժին պետք է հատկացներ այլ անձանց։ Ա.Ազարյանն իր միջոցով 3-4 անգամ խաղադրույքներ է կատարել՝ միջինը 1000-3000 ԱՄՆ դոլարի չափով և դրա դիմաց շահել է մոտ 3000-3500 ԱՄՆ դոլար գումար։
Նշել է, որ ինքն առաջին անգամ խաղադրույք է կատարել 28.11.2015թ.-ին «Արարատ» «Ուլիս» խաղի ելքի վրա՝ 1000 ԱՄՆ դոլար գումարի չափով։ Դրանից առաջացած 670 ԱՄՆ դոլար շահույթից 400 ԱՄՆ դոլարը վճարել է Արա Ազարյանին, 200 ԱՄՆ դոլարը պահել է իրեն։ Այդ ժամանակ Ա.Ազարյանն իրեն խնդրել է կատարել 2000-3000 ԱՄՆ դոլարի խաղադրույք, սակայն ասել է, որ կարող է կատարել միայն 1000 ԱՄՆ դոլարի խաղադրույք, ինչին համաձայնվել է։ Ա.Ազարյանն ասել է, որ ակումբի ֆուտբոլիստներին կուղղորդի հանդիպման ցանկալի արդյունքն ապահովելու համար, սակայն չի ասել, թե կոնկրետ ում։ Այդուամենայնիվ ասել է, որ ֆուտբոլային հանդիպումից առաջ պայմանավորվել է «Ուլիս Երևան2» ֆուտբոլային ակումբի ֆուտբոլիստներ Հ.Հունանյանի, Ա.Թությանի, Արթուրի և Կարենի հետ, որից հետո առաջարկել է նրանց յուրաքանչյուրի համար կատարել 1000 ԱՄՆ դոլարի խաղադրույք։ Վստահեցրել է, որ նրանք պայմանավորվել են, թե ինչպես է հանդիպումն ավարտվելու, թեև ինքը ներկա չի գտնվել այն պայմանավորվածությանը։
Երկրորդ անգամ խաղադրույք է կատարել «Բանանց» «Ուլիս» ֆուտբոլային հանդիպման վրա՝ 200 ԱՄՆ դոլար՝ «Ուլիս»-ի պարտության վրա և 200 ԱՄՆ դոլար կատարած խաղադրույքից ստացել է 120 ԱՄՆ դոլար շահույթ։
Երրորդ անգամ խաղադրույք է կատարել 08.11.2015թ.-ին «Ուլիս» «Փյունիկ» խաղի վրա՝ 200 ԱՄՆ դոլար, որ խաղում կլինի 2.5 գնդակից ավելի և հաղթել է, սակայն շահույթի գումարի քանակը չի մտաբերում, թե որքան է եղել։ Չորրոդ անգամ Արան կատարել է 200 ԱՄՆ դոլար խաղադրույք «Բանանց» «Ուլիս» գավաթային հանդիպման վրա, սակայն այդ խաղում Արան պարտվել է։
Ֆուտբոլային հանդիպումների ավարտից և շահույթը ստանալուց հետո զանգահարել է Ա.Ազարյանին և նրա հետ հանդիպել նրա բնակության վայրում։
2015թ.-ին Ա.Ազարյանն իրեն ծանոթացրել է Ռուբեն Առուշանյանի հետ։ Ռ.Առուշանյանի հետ հանդիպման ժամանակ վերջինս ասել է, որ դժգոհ է Ա.Ազարյանից, քանի որ վերջինս ստացած շահույթն արդար չի կիսում, ուստի խնդրել է շահույթը փոխանցել նրան, ինչին համաձայնվել է։ 2015թ.-ի նոյեմբերին Ռ.Առուշանյանին է փոխանցել խաղադրույքներից գոյացած 2000 ԱՄՆ դոլար գումարի շահույթը, որը չի ներառել 28.11.2015թ.-ին կայացած «Արարատ» «Ուլիս Երևան» խաղի ելքի վրա կատարած խաղադրույքի գոյացած շահույթի մասը։ Հավաստիացրել է, որ Ռ.Առուշանյանը նույնպես ֆուտբոլային հանդիպումների պայմանավորված լինելու մասին տեղյակ է եղել։ Արթուր Հակոբյանի և Կարեն Ավետիսյանի շփում չի ունեցել, նրանք իր մոտ խաղադրույքներ չեն կատարել։
Ա.Թութունյանն իր միջոցով ևս կատարել է խաղադրույք։ 2015թ.-ի նոյեմբեր ամսին նա զանգահարել է իրեն և խնդրել է կատարել խաղադրույք՝ 900 ԱՄՆ դոլարի չափով 28.11.2015թ.-ին կայացած «Արարատ» «Ուլիս Երևան» խաղի վրա առ այն, որ այդ խաղի առաջին խաղակեսում կլինի 1.5 գնդակից ավել գոլ։ Առաջին խաղակեսն ավարտվել է 2։0 հաշվով՝ ի օգուտ «Արարատի»։ Ընդհանուր խաղն ավարտվել է «Արարատի» հաղթանակով։ Ինքը կատարել 800 ԱՄՆ դոլարի խաղադրույք։ Դրանից հետո նա ևս մեկ անգամ խնդրել է խաղադրույք կատարել նույն խաղի վրա, որ առաջին խաղակեսում «Արարատ»-ն երկու գոլի տարբերությմաբ կհաղթի «Ուլիսին», կատարել խաղադրույք 200 ԱՄՆ դոլարի չափով, ինչին ևս համաձայնվել է։ Դրանից հետո Արմանը ևս մեկ անգամ խնդրել է իրեն կատարել 1000 ԱՄՆ դոլարի խաղադրույք առ այն, որ նշված խաղում կլինի 3.5 գնդակից ավել գոլ, որը, սակայն, չի կատարել։ Նշված երկոը խաղադրույքներից բացի Արմանի համար այլ խաղադրույք չի կատարել։
Ա.Ազարյանն իրեն հայտնել է, որ ֆուտբոլիստները տեղյակ են պայմանավորված խաղերի մասին։ 2016թ.-ին իրեն է զանգահարել Գագիկ Սիմոնյանը և ասել, որ Արմանը և Արան իր մոտից ինչ-որ բան ունեն ստանալու, նրա անունից ինչ-որ մարդ կգա դրա հետևից։ Դրանից հետո իրեն է զանգահարել Գ.Սիմոնյանի եղբայրը՝ Երվանդը, հայտնել, որ ցանկանում է հանդիպել իրեն և զրուցել։ Հանդիպման ժամանակ ասել է, որ գումար չունի Գագիկին փոխանցելու համար։ Երվանդին ասել է նաև, որպեսզի Գագիկին փոխանցի, որ Արմանի գումարների հետ ոչ ոք կապ չունի, քանի որ նա անձամբ է կատարել խաղադրույքներ (...)»։

Նախաքննական ցուցմունքների հրապարակումից հետո հայտնել է, որ հրաժարվում է հարցերին պատասխանել։

/տես` հատոր 1, գ.թ. 36-38, 85-88, 230-233, 243-247, հատոր 2 գ.թ 223-225,
հատոր 3 գ.թ15-17, հատոր 4 գ.թ. 92, հատոր 5, գ.թ. 193-197, 199-200,
210-211, 229-230, 242-243, հատոր 6, գ.թ. 266, դատական նիստի արձանագրությունը/

Թիվ 58201417 քրեական գործով մեղադրյալ Հայկ Հունանյանը դատարանում հայտնել է, որ ճանաչում է ամբաստանյալ Ռ.Առուշանյանին։

Օգտվելով մեղադրյալի դատավարական իրավունքներից, հրաժարվում է ցուցմունք տալուց և հարցերին պատասխանելուց։

ՀՀ քրեական դատավարության օրենսգրքի 337-րդ հոդվածի հիմքով հրապարակվել են մեղադրյալի նախաքննական ցուցմունքներն առ այն, որ՝

« (...) Հեռախոսազրույց է ունեցել մի քանի ֆուտբոլիստների հետ, վերջիններիս հետ խոսել է իրենց ֆուտբոլային հանդիպումների վերաբերյալ։ Պնդել է, որ որևէ մեկի հետ նախապես չի պայմանավորվել՝ վերը նշված հանդիպումների արդյունքների ելքերի վերաբերյալ։ Ավելին, որևէ տեսակի խաղադրույք չի կատարել։ 2015թ.-ի դեկտեմբեր ամսին իրեն է զանգահարել Արա Ազարյանը և խնդրել է հանդիպել։ Նույն օրը վերջինիս հետ հանդիպել է Երևան քաղաքի Սասունցի Դավթի արձանի մոտ։ Հանդիպման ժամանակ Ա.Ազարյանն իրեն է փոխանցել 100 ԱՄՆ դոլար և 15.00 ՀՀ դրամ գումար։ Չի հարցրել, թե դա ինչ գումար է հանդիսանում, քանի որ ինքը նրան մի քանի ամիս առաջ պարտքով տվել էր 100 ԱՄՆ դոլար գումար, ուստի կարծել է, որ այդ պարտքն է վերադարձնում։ Ինչ վերաբերում է 15.000 ՀՀ դրամին, այդ մասին ոչինչ չի կարող ասել։ Այլ գումար որևէ մեկից չի ստացել (...)»։

Նախաքննական ցուցմունքների հրապարակումից հետո հայտնել է, որ հրաժարվում է հարցերին պատասխանել։


/տես` հատոր 1, գ.թ. 44, 166-167, 185-186, հատոր 5 գ.թ 201,
հատոր 6 գ.թ 278
դատական նիստի արձանագրությունը/


Թիվ 58201417 քրեական գործով մեղադրյալ Գագիկ Սիմոնյանը դատարանում հայտնել է, որ ճանաչում է ամբաստանյալ Ռ.Առուշանյանին։
Ցուցմունք է տվել, որ 2014թ-ին աշխատել է «Ուլիս Երևան» ֆուտբոլային ակումբում՝ որպես մարզիչ, իսկ հետագայում՝ գլխավոր մարզիչ։ Որպես ակումբի նախագահ ճանաչել է Վալերի Օգանեսյանին։ Ճանաչում է Ա.Ազարյանին, Ռ.Առուշանյանին և Հ.Հունանյանին։ 28.11.2015թ.-ին կայացած «Արարատ Երևան» «Ուլիս Երևան» ֆուտբոլային ակումբի հանդիպմանը խաղադրույք չի կատարել։ Ավելին, որևէ անձի ցուցմում չի տվել խաղադրույք կատարելու վերաբերյալ։ Բացի Վ.Հովհաննիսյանից, տեղյակ չէ, արդյոք այլ անձինք խաղադրույքներ կատարել են, թե ոչ։ 28.11.2015թ.-ին Վ.Հովհաննիսյանը զանգահարել է իրեն և տեղեկություններ հարցրել այդ օրվա ֆուտբոլային ակումբի հանդիպումներից։ Քանի որ վերջինս հանդիսացել է ակումբի սեփականատերը, հայտնել է, որ «Արարատ Երևան» ֆուտբոլային ակումբն ուժեղ է։ 28.11.2015թ.-ին կայացած «Արարատ Երևան» «Ուլիս Երևան» ֆուտբոլային ակումբների հանդիպման ընթացքում Վ.Հովհաննիսյանը մի քանի անգամ զանգահարել է իրեն, սակայն իրեն որևէ ցուցում չի տվել։ Այդ օրը կայացած հանդիպման ժամանակ վերջինս ցանկություն է հայտնել, որ ակումբը բաց հարձակվողական խաղ խաղա, սակայն չգիտի, թե ինչ նպատակ է այն հետապնդել։

/տես՝ դատական նիստի արձանագրությունը/

Վկա Պապին Թևոսյանը դատարանում ցուցմունք է տվել այն մասին, որ ճանաչում է Ռ.Առուշանյանին, նախկինում գտնվել է աշխատանքային հարաբերությունների մեջ։
Հայտնել է, որ ինքը հանդիսացել է «Ուլիս» ֆուտբոլային ակումբի դարպասապահը։ Երբևէ պայմանավորված խաղ չի իրականացրել։ Լսել է, որ անձինք, ցանկացել են իրենց ակումբի վրա կատարել մեծ գումարների չափով խաղադրույքներ, մտածել է, որ ինքը ևս կարող է կատարել խաղադրույք։ 2015թ.-ին «Ուլիս Երևան» ֆուտբոլային ակումբի մարզիչն է եղել Գագիկ Սիմոնյանը, նրա օգնականն է եղել Արտյոմ Ադամյանը։ Ա.Ադամյանը համատեղ հանդիսացել է նաև «Ուլիս Երևան» ֆուտբոլային ակումբի գլխավոր մարզիչը։ Վերջինիս օգնականն է հանդիսացել Ռ.Առուշանյանը։ Այդ երկու ակումբների վարորդը եղել է Արա Ազարյանը։ Ինքը երբևէ խաղադրույք չի կատարել իրենց ակումբի խաղերի վրա։ Ճանաչում է Էդգար Պետրոսյանին, վերջինիս հետ ծանոթացել է նրա բուքմեյքերական գրասենյակում։ Է.Պետրոսյանի բուքմեյքերական գրասենյակում կատարել է խաղադրույքներ։
Մտաբերում է, որ խաղերից մեկի ժամանակ, Ա.Ազարյանը տեսնելով, որ իրենց թիմը պարտվում է, վրդովվել է, ասել, թե ինչ է կատարվում։ Այդ ժամանակ Ա.Ազարյանը հարցրել է իրեն, թե արդյոք ինքը կատարել է խաղադրույք, ինչին տվել է բացասական պատասխան։ Ա.Ազարյանն ասել է, որ ունի ծանոթ բուքմեյքեր, խաղադրույք կատարելիս կարող է նրա մոտ կատարել, սակայն ինքը հրաժարվել է։
Թեև ինքը երբեմն կատարել է խաղադրույքներ, սակայն Ա.Ազարյանին ասել է, որ ընդհանրապես չի կատարում, քանի որ չի ցանկացել, որ նա իմանար իր՝ խաղադրույք կատարելու մասին։ Ռ.Առուշանյանի հետ երբևէ պայմանավորվածություն չի ունեցել խաղադրույք կատարելու առումով։ Նա իրեն երբևէ չի առաջարկել խաղադրույք կատարել։

/տես` դատական նիստի արձանագրությունը/

Վկա Արման Թությանը դատարանում ցուցմունք է տվել այն մասին, որ ճանաչում է Ռ.Առուշանյանին, վերջինիս հետ գտնվում է աշխատանքային հարաբերությունների մեջ։
2007թ.-ին «Բանանց» ֆուտբոլային ակումբի տեղափոխվել է «Ուլիս 2» ֆուտբոլային ակումբ։ Ա.Ազարյանը հանդիսացել է ակումբի ադմինիստրատորը, Հ.Հունանյանը՝ ակումբի ֆուտբոլիստ, իսկ Ռ.Առուշանյանը՝ մարզչի օգնականը։ Տեղյակ է, որ կատարվել են խաղադրույքներ, սակայն չգիտի ում կողմից և ինչ չափով։ Եղել են դեպքեր, երբ ինքն իրենց ակումբի խաղերի վրա կատարել է խաղադրույքներ, սակայն ինքն այդ խաղերին մասնակցություն չի ունեցել։ Խաղադրույքներ կատարել է «Վիվառո» բուքմեյքերական ընկերությունում, կատարել է նաև Է.Պետրոսյանի՝ «Տոտո» բուքմեյքերական ընկերությունում։ Գումարը տվել է Է.Պետրոսյանին, եղել են դեպքեր, երբ նրա գրասենյակում կատարած խաղադրույքների արդյունքում ունեցել է շահույթ։
Պնդել է, որ իր մասնակցած խաղերին խաղադրույք չի կատարել։ Տեղյակ չի եղել Է.Պետրոսյանի և Ա.Ազարյանի առնչությանը՝ տեղի ունեցած խաղերի և խաղադրույքների վերաբերյալ։ «Արարատ» «Ուլիս» խաղի ժամանակ կատարել է 6-700 ԱՄՆ դոլար և շահութ է ստացել շուրջ 5-600 ԱՄՆ դոլար։ Տվյալ խաղադրույքի հետ կապված Ա.Ազարյանը որևէ առնչություն չի ունեցել։ Պայմանավորված ելքով խաղերի մասին լսել է, թեև այդ մասին տեղեկություններ չունի։ Ռ.Առուշանյանն իրեն երբևէ չի առաջարկել տալ գումար՝ լավ կամ վատ խաղալու համար։

Դատարանն արձանագրելով, որ տուժողի դատաքննական և նախաքննական ցուցմունքների միջև առկա են էական հակասություներ, որոշում է կայացրել հրապարակել նրա նախաքննական ցուցմունքները։

«..7-8 տարեկանից զբաղվել է ֆուտբոլով։ Խաղացել է «Էրեբունի» և «Բանանց» ֆուտբոլային ակումբներում, իսկ 2007թ.-ից՝ «Ուլիս Երևան 2» ֆուտբոլային ակումբում։ Հանդես է գալիս որպես կիսապաշտպան։ 2014թ.-ից ակումբի ղեկավար է հանդիսացել Վ.Հովհաննիսյանը։ «Ուլիս Երևան 2» ակումբի գլխավոր մարզիչն է Ա.Ադամյանը, իսկ նրա օգնականն է՝ Ռ.Առուշանյանը։ Ադմինիստրատորն է հանդիսացել Ա.Ազարյանը։ «Ուլիս Երևան» ակումբի գլխավոր մարզիչն է եղել Գ.Սիմոնյանը, օգնականը՝ Ա.Ադամյանը, ադմինիստրատորը՝ Բ.Բեգլարյանը։
28.11.2015թ.-ին տեղի է ունեցել «Արարատ» «Ուլիս Երևան» ֆուտբոլային հանդիպումը, որն ավարտվել է «Արարատի» հաղթանակով՝ 3։1 հաշվով։ Այդ խաղին խաղադաշտ է մտել 61-րդ րոպեին։ Իր հետ խաղադաշտ է մտել նաև ակումբի ֆուտբոլիստ Վիգենը։ Առաջին խաղակեսն ավարտվել է 2։0 հաշվով՝ ի օգուտ «Արարատ»-ի։ Տեսնելով, որ խաղն ավարտվելու է «Արարատ»-ի հաղթանակով, Ա.Ազարյանի հետ եկել են այդ եզրահանգման և որոշել է խաղադրույք կատարել։ Այդ նպատակով զանգահարել է Է.Պետրոսյանին և վերջինս իր համար կատարել է 900 ԱՄՆ դոլար խաղադրույք, որի արդյուքնում շահել է 684 ԱՄՆ դոլար գումար։ Նշվածի մասին իմացել են ինքը և Էդգարը։ Այդ խաղի վերաբերյալ ոչ մի ցուցում չի ստացել ինչպես մարզիչներից, այնպես էլ՝ ղեկավարությունից։ Այսինքն, խաղադրույք է կատարել 28.11.2015թ.-ին տեղի ունեցած «Արարատ»-«Ուլիս Երևան» ֆուտբոլային խաղի վրա, որն ավարտվել է «Արարատ»-ի հաղթանակով։ 28.11.2015թ.-ին հեռախոսային զրույց է ունեցել Հ.Հունանյանի հետ, հարցրել, թե նա ինչ կարծիք ունի այդ խաղի մասին, վերջինս ասել է, որ նա և Արթուրը ցանկանում են 400 ԱՄՆ խաղադրույք կատարել «Արարատ»-ի հաղթանակի վրա։ Իրենք ակումբի տղաներին չեն խնդրել վատ խաղալ կամ գոլ բաց թողնել, պարզապես տենելով «Արարատ»-ի մեկնարկային կազմը, հասկացել են, որ նրանք ուժեղ են։ Դրանից հետո զանգահարել է Էդգարին և կատարել խաղադրույք, որի արդյունքում շահել է։ Մինչ Էդգարին զանգելը, զանգահարել է Ա.Ազարյանին, հարցրել, արդյոք «Արարատ»-ը կհաղթի, վերջինս պատասխանել է, որ հնարավոր է։ Դրանից հետո առաջարկել է Արային նրա ծանոթ Էդգարի մոտ խաղադրույք կատարել, որից հետո Արան ասել է, որ 1000 դոլար խաղադրույք է կատարվել 3.5 գնդակից ավել լինելու վրա Էդգարի մոտ։ Էդգարի հետ ունեցած հեռախոսային զրույցի ընթացքում ասել է նրան, եթե Արան հարցնի, արդյոք ինքը կատարել է խաղադրույք, կարող է պատասխանել, որ կատարել է։ 30.11.2015թ.-ին կայացած «Արարատ2» և «Ուլիս 2» խաղին խաղադրույք չի կատարել, մասնակցել է տվյալ խաղին և պարտվել են 2։1 հաշվով։
Տեղյակ չէ, արդյոք ակումբի ղեկավարությունը, մարզիչները, աշխատակազմը և ֆուտոբլիստները պայմանավորված խաղեր անցկացրել են, թե ոչ, պարզապես զրույցների ժամանակ լսել է,որ կան խաղեր, ակումը վաճառել է»։

Նախաքննական ցուցմունքների հրապարակումից հետո վկան պնդել է, որ այն համապատասխանում է իրականությանը և ամբողջությամբ ճիշտ է։

/տես` հատոր 4-րդ, գ.թ. 43-49,
դատական նիստի արձանագրությունը/


Դատարան հրավիրված փորձագետ Ռուդոլֆ Սարգսյանը ցուցմունք է տվել այն մասին, որ աշխատում է «Նուբարաշեն հոգեբուժական» ՓԲԸ-ում՝ որպես առաջին բաժանմունքի վարիչ։
Հանդիսացել է Ռուբեն Առուշանյանի նկատմամբ 24.05.2016թ.-ին տեղի ունեցած դատահոգեբուժական փորձագիտական հանձնաժողովի նախագահը, մասնակցել է նաև եզրակացության կազմմանը։
Հայտնել է, որ փորձաքննության եզրակացության մեջ նշված՝ «փորձաքննվողի սոցիալապես վտանգավորությունն իր անձի և հասարակաության հանդեպ նվազել է» արտահայտությունը նշանակում է, որ եթե մինչ ստացիոնար փորձաքննության ընդունվելը փորձաքննվողը դեղորայքային բուժում չէր ընդունում կամ ընդունում էր ոչ ադեկվատային ձևով՝ այն ժամանակ իր հոգեկան վիճակով եղել է առավել վտանգավոր իր կամ շրջապատի հանդեպ։ Բուժման արդյունքում վտանգավորության աստիճանն արդեն նվազել է։ Շուրջ 1 տարուց ավելի է, ինչ Ռ.Առուշանյանը գտնվում է իրենց ՓԲԸ-ի 5-րդ բաժանմունքում՝ որպես փորձաքննվող և ստանում է համապատասխան բուժում։ Թեև ինքը չի հանդիսանում այդ բաժանմունքի կամ բաժնի վարիչ, սակայն պարբերաբար տեսակցել է Ռ.Առուշանյանին, տեղյակ է նրա հոգեկան վիճակի դինամիկային, բուժումներին։ Նշել է, որ Առուշանյանի մոտ նկատվում է բավականին լավ դինամիկա, ավելին, կես տարուց ավելի է, ինչ նկատվում է կայուն, դրական ռեմիսիայի վիճակ։ Դրական դինամիկայի դեպքում անձը հասարակության համար վտանգավորություն չի ներկայացնում, ինչն առկա է նաև Ռ.Առուշանյանի դեպքում։ «Ռեմիսիա» նշանակում է հոգեկան լավ վիճակ, որը հանդիսանում է բուժման հետևանք։
Ներկայումս գտնում է, որ Առուշանյանը պետք է անցնի դեղորայքային բուժման 6 ամսվա կուրս, որպեսզի կասկածի տակ չդրվի նրա առողջական վիճակի բարելավումը։
Ինչ վերաբերվում է Ռ.Առուշանյանի հետագա բուժման նպատակահարմարությանը, ապա, սահմանված կարգի համաձայն, արդեն դատարանի կողմից նշանակված հարկադիր բուժումը սկսելուց հետո միայն իրենց հաստատությունում կարող են գալ այն եզրակացության, որ Առուշանյանի առողջական վիճակը բավարար է՝ նրա հարկադիր բուժումը դադարեցնելու համար։ Այդ դեպքում պետք է անցկացվի փորձաքննություն և տրվի եզրակացություն՝ նրա հոգեկան առողջական վիճակի մասին։

/տես` դատական նիստի արձանագրությունը/

Բացի վերագրյալից, դատարանում հրապարակվել և հետազոտվել են նաև հետևյալ ապացույցներն ու գործին վերաբերելի փաստաթղթերը՝

17.03.2016թ.-ին ՀՀ ԿԱ ԱԱԾ քննչական վարչությունում որպես վկա հարցաքննվելիս Ղազար Հակոբջյանի տրված ցուցմունքն այն մասին, որ՝

« (...) 2011թ-ի դեկտեմբերի 1-ին հանդիսանում է ՀՖՖ մարզչական կրթության պատասխանատուն։
ՀՀ-ում գործող բուքմեյքերական ընկերությունները տեղական ֆուտբոլային հանդիպումների վրա խաղադրույքներ կամ չեն ընդունում, կամ ընդունում են խիստ սահմանափակ չափով։ Այդ իսկ պատճառով նման դեպքերում անձինք օգտվում են արտասահմանյան բուքմեյքերներից, որոնցից կարող են օգտվել վավերական անձնագիր կամ վարորդական իրավունք ունեցող անձինք։ Հաշվի առնելով այն, որ կասկածելի խաղադրույքի դեպքում արտասահմանյան կայքերն անմիջապես արգելափակում են օգտատերերին, վերջիններս, սովարաբար, իրենց տրամադրության տակ կարող է ունենալ և օգտագործել այլ անձանց փաստաթղթեր։ Մասնավորապես, կայքում գրանցվելուց հետո օգտատերը կարող է ներկայացնել դրամային համակարգի տվյալներ, որի միջոցով դուրս է բերում շահած գումարը։ Այդ տվյալները կարող են լինել մտացածին, քանի որ դրանք չեն վերահսկվում։ Խաղադրույք կատարող անձանց տվյալների գաղտնիությունն արտասահմանյան բուքմեյքերների կողմից պահպանվում է անգամ ակնհայտ պայմանավորված խաղի վրա խաղադրույք կատարելուց և մեծ գումար շահելուց հետո։ Շահած գումարը վերադարձվում է օգտատերին, սակայն, վերջինիս խաղադրույք կատարելու հնարավորությունը սահամանփակվում է։ Նման քաղաքականությունը պայմանավորված է նրանով, որ թեկուզ «փոքր» գումար կորցնելով, հնարավարություն է ընձեռնվում տեղեկանալու, թե որ երկրի, որ ֆուտբոլային ակումբի մասնակցությամբ իրադարձություններն են իրենցից վտանգ ներկայացնում։ «Betfier.com» կայքում գրանցվելու համար անհրաժեշտ է միայն վավերական անձնագիր։ Օգտատերը կարող է օգտագործել ցանկացած անձի տվյալներ և փաստաթղթեր։ Շահած գումարը դուրս է բերվում հետևյալ միջոցներով՝ առաջինը էլեկտրոնային դրամական համակարգի տվյալներ ներկայացնելով, երկրորդը՝ բանկային փոխանցման միջոցով։ Տվյալ պարագայում խաղադրույք կատարողի և բանկային հաշվի տիրոջ տվյալները պարտադիր պետք է համապատասխանեն միմյանց։ ՀՖՖ-ի միջոցով չեն կարող տրամադրվել այդ արտասահմանյան կայքերի միջոցով կատարված խաղադրույքների մասին տվյալներ, քանի որ դրանց իրենք չեն տիրապետում։
Տեղեկացված է որ 28.11.2015թ.-ին Երևանում կայացած «Արարատ-Երևան» «Ուլիս-Երևան» ֆուտբոլային հանդիպման խաղերի արդյունքը նախապես եղել է կանխորոշված (...)»։

/տես՝ դատական նիստի արձանագրությունը/


24.05.2016թ.-ին ՀՀ ԿԱ ԱԱԾ քննչական վարչությունում որպես վկա հարցաքննվելիս Տիգրան Դավթյանի տրված ցուցմունքն այն մասին, որ՝

« (...) 12 տարեկանից զբաղվում է ֆուտբոլով։ Նախապես խաղացել է «Բանանց» ֆուտբոլային ակումբում, սակայն զինվորական ուժերում ծառայելու ընթացքում տեղափոխվել է «Իմպուլս» ֆուտբոլային ակումբ։ Այնուհետև, 2013 թվականին տեղափոխվել է «Ուլիս-Երևան» ֆուտբոլային ակումբ, որտեղ խաղացել է որպես դարպասապահ։ «Ուլիս-Երևան» ակումբի գլխավոր մարզիչն է հանդիսացել Սուրեն Չախալյանը։ 2015 թվականի սեպտեմբերին Ս.Չախալյանին փոխարինել է Գագիկ Սիմոնյանը, իսկ մարզչի օգնականն է հանդիսացել Արտյոմ Ադամյանը, ով համարվել է նաև «Ուլիս-Երևան2» ակումբի գլխավոր մարզիչը։ «Ուլիս-Երևան2» ակումբի գլխավոր մարզչի օգնականը հանդիսացել է Ռուբեն Առուշանյանը, իսկ երկու ակումբների վարորդը եղել Արա Ազարյանը, ադմինիստրատորը՝ Բագրատը։ «Ուլիս-Երևան» և «Ուլիս-Երևան2» ակումբների սեփականատերն է հանդիսացել Վալերի Հովհաննիսյանը։ 2015-2016թ.-ի առաջնությունում «Ուլիս-Երևան» ակումբի կազմում մասնակցել է մեկ խաղի՝ 28.11.2015թ.-ի «Արարատ» «Ուլիս-Երևան» հանդիպմանը, որն ավարտվել է «Արարատ»-ի հաղթանակով՝ 3։1 հաշվով։ Խաղացել է 90 րոպե, սակայն ոչ ակումբների մարզիչներից, ոչ ղեկավարությունից, ոչ ակումբների անձնակազմերից, ոչ էլ երկու ակումբների ֆուտբոլիստներից չի ստացել որևէ ցուցում՝ նշված խաղի ելքի վրա ազդելու վերաբերյալ, ավելին, նշված խաղի վրա խաղադրույք չի կատարել։ Չի ճանաչում է Բաղրամյան պողոտայի վրա գտնվող «Տոտո» բուքմեյքերական գրասենյակի աշխատակից Էդգարին։ 29.11.2015թ-ին հեռախոսային խոսակցության ժամանակ Պապին Թևոսյանին հարցրել է, թե ով է լինելու 30.11.2015թ.-ին կայանալիք հանդիպմանը «Ուլիս-Երևան2» դարպասապահը, վերջինս պատասխանել է, որ հնարավոր է, որ դարպասապահ լինի Գոռը։ 30.11.2015թ-ի կայացած հեռախոսային խոսակցության ժամանակ Պապին Թևոսյանն ասել է, որ իմացել է, որ դարպասին լինելու է ակումբի երիտասարդներից անփորձ դարպասապահ Մուշեղը։ Պապինին ասել է, որ, հնարավոր է, այդ հանդիպման ելքի վրա Հայկ Հունանյանն ակումբի մյուս տղաների հետ նույնպես խաղադրույք կատարած լինեն (...)»։

/տես՝ դատական նիստի արձանագրությունը/

24.05.2016թ.-ին ՀՀ ԿԱ ԱԱԾ քննչական վարչությունում որպես վկա հարցաքննվելիս Գարիկ Բոշյանի տրված ցուցմունքն այն մասին, որ՝

« (...) Շուրջ 10 տարուց ավելի է, ինչ կատարում է խաղադրույքներ՝ տարբեր սպորտային իրադարձությունների վրա։ Ճանաչում է Երևան քաղաքի Բաղրամյան Պողոտային վրա գործող «Տոտո» բուքմեյքերական գրասենյակի սեփականատեր Էդգար Պետրոսյանին։ Վերջինս վարձակակել է իր ընկերոջը՝ Կարենին, պատկանող տարածքը։ Էդգար Պետրոսյանն իրեն խորհուրդ է տվել խաղադրույքներ կատարել «Ուլիս-Երևան» և «Ուլիս-Երևան2» ֆուտբոլային ակումբների հանդիպումների վրա, պատճառաբանելով, որ նրանք գոլառատ հանդիպումներ են անցկացնում, մասնավորապես՝ 2 գնդակից ավելի (...)»։

/տես՝ դատական նիստի արձանագրությունը/

Այլ փաստաթղթի կարգով ապացույց ճանաչված՝ Հայաստանի ֆուտբոլի ֆեդերացիայի 05.11.2015թ.-ի թիվ Ֆ/1 093 գրությունը, համաձայն որի՝

- 20.09.2014թ.-ին կայացած բարձրագույն խմբի 2014/15թթ. մրցաշրջանի «Շիրակ» «Ուլիս-Երևան» թիմերի հանդիպումն ավարտվել է 1։2 հաշվով։

- 20.10.2015թ.-ին կայացած ՀՀ առաջին խմբի 2015/16թթ. մրցաշրջանի «Ուլիս-Երևան2» «Գանձասար Կապան2» թիմերի հանդիպումն ավարտվել է 9։0 հաշվով։

- 25.10.2015թ.-ին կայացած ՀՀ բարձրագույն խմբի 2015/16թթ. մրցաշրջանի «Ուլիս-Երևան»- «Ալաշկերտ» թիմերի հանդիպումն ավարտվել է 0։3 հաշվով։

- 28.10.2015թ.-ին կայացած ՀՀ գավաթի 2015/16թթ. մրցաշրջանի «Ուլիս-Երևան»- «Բանանց» թիմերի հանդիպումն ավարտվել է 0։3 հաշվով։

- 01.11.2015թ.-ին կայացած ՀՀ առաջին խմբի 2015/16թթ. մրցաշրջանի «Միկա» «Ուլիս-Երևան» թիմերի հանդիպումն ավարտվել է 1։0 հաշվով։

Վերը նշված բոլոր հանդիպումների պայմանավորված լինելու վերաբերյալ ՈւԵՖԱ-ի կողմից կազմված զեկույցով, որում մանրամասն վերլուծության են ենթարկվել խաղերի ընթացքն ու դրա վրա կատարված խաղադրույքները, մասնավորապես՝

- 25.10.2015թ.–ին կայացած ՀՀ բարձրագույն խմբի 2015/16թթ. մրցաշրջանի «Ուլիս-Երևան»- «Ալաշկերտ» թիմերի հանդիպման վերաբերյալ առկա են վստահելի ցուցանիշներ առ այն, որ այնտեղ տեղի են ունեցել խաղադրույքային մանիպուլյացիաներ։ Նկատված միակողմանի խաղադրույքի կասկածն առ այն, որ ՖԱ «Ուլիս-Երևան» չպարտվի խաղում և կպարտվի նվազագույնն երեք գոլի տարբերությամբ և այն, որ կատարվել են կասկածելի խաղադրույքներ խաղում նվազագունն երեք գոլ խփելու իրադարձության վրա, չի կարող արդարացիորեն պատճառաբանվել որպես սովորական մարզական գործոն։ Պետք է նաև ընդգծել ՖԱ «Ուլիս-Երևան»-ի թույլ պաշտպանությունը, քանի որ նրանք թույլ են տվել մի քանի անհատական և թիմային սխալներ, որոնք հանգեցրել են դարպասի գրավման բազմաթիվ հնարավորություններ մրցակցի համար։ Միանշանակ, առկա են բավականաչափ ապացույցներ՝ եզրակացնելու, որ ՖԱ «Ուլիս-Երևան»-ը կեղծել է այս խաղի արդյունքը խաղադրույքներից ակնկալվող շահույթն ապահովելու համար։

- 20.10.2015թ.-ին կայացած ՀՀ առաջին խմբի 2015/16թթ. մրցաշրջանի «Ուլիս-Երևան2» -«Գանձասար Կապան2» թիմերի հանդիպման վերաբերյալ առկա են վստահելի ցուցանիշներ առ այն, որ այստեղ տեղի են ունցել խաղադրույքային մանիպուլյացիաներ։ Նկատված միակողմանի խաղադրույքի կասկածն առ այն, որ ՖԱ «Գանձասար Կապան 2»-ը կպարտվի հաշվի մեծ տարբերությամբ չի կարող արդարացիորեն պատճառաբանվել։ Ազնվության կասկածներ են նկատվել նաև «Գանձասար Կապան 2»-ի ոչ ստանդարտ գործողություններում։ Այսպես, խաղի հաշիվը համեմատական է այս խաղում թույլ պաշտպանությանը։ «Գանձասար Կապան 2»-ը պաշտպանվել է բավական թույլ կերպով իրենց տուգանային հրապարակի մատույցներում, ձախողել է մրցակցի խաղացողների վերահսկումն անկյունայինների ժամանակ, ինչը հանգեցրել է դարպասի գրավման բազմաթիվ հնարավորությունների, որոնցից շատերը վերածվել են դարպասի գրավման։ Միանշանակ, առկա են բավականաչափ ապացույցներ՝ եզրակացնելու, որ «Գանձասար Կապան 2»-ը կեղծել է այս խաղի արդյունքը՝ խաղադրուքներից ակնկալվող շահույթն ապահովելու համար (...)»։

/տես՝ հատոր 1, գ.թ. 11-13, հատոր 6, գ.թ. 291-301
դատական նիստի արձանագրությունը/

Այլ փաստաթղթի կարգով ապացույց ճանաչված փաստաթուղթը, համաձայն որի՝ «Վալերի Ստանիսլավի Օգանեսյանը համարվում է «Ուլիս» ՖԱ-ի նախագահը և թարգմանիչը, Գագիկ Ոոստոմի Սիմոնյանը՝ գլխավոր մարզիչը, Ռուբեն Գագիկի Առուշանյանը՝ «Ուլիս2»-ի գլխավոր մարզչի օգնականը, իսկ Արա Սահակի Ազարյանը՝ «Ուլիս2»-ի ադմինիստրատորը»։

/տես՝ հատոր 1, գ.թ. 80, հատոր 6, գ.թ. 291-301
դատական նիստի արձանագրությունը/

Այլ փաստաթղթի կարգով ապացույց ճանաչված՝ ՀՀ ԿԱ ԱԱԾ ՍԿՊ և ԱՊԳՎ-ից 29.01.2016թ.-ին ստացված՝ 29.01.2016թ.-ի թիվ 39-225 գրությունը, համաձայն որի՝ ««Տոտո» բուքմեյքերական գրասենյակի նախկին աշխատակից էդգար Պետրոսյանի նկատմամբ իրականացվող գաղտնալսման արդյունքում 2016 թվականի հունվարի 25-ին արձանագրվել է օբյեկտի և «Ուլիս» ֆուտբոլային ակումբի գլխավոր մարզիչ Գագիկ Սիմոնյանի /հեռ. 093-77-10-84/ հեռախոսազրույցը, որի ընթացքում Գ.Սիմոնյանը, ներկայանալով որպես «Ուլիսի Գագո», հայտնում է, որ Է.Պետրոսյանը պետք է «բան» տար «Ուլիս» ֆուտբոլային ակումբի ադմինիստրատոր Արա Ազարյանին և նույն ակումբի ֆուտբոլիստ Արման Թությանին և ավելացնում է, որ իր անունից կզանգահարեն՝ այն վերցնելու համար /չի մանրամասնում/։

Նույն օրը օբյեկտին զանգահարում է 094-57-48-48 հեռախոսահամարի /գրանցված Նելլի Մնացականի Հայրապետյանի անունով/ բաժանորդը, ներկայանալով Երվանդ անունով, հայտնում է, որ ինքը Գագիկի եղբայրն է և պետք է հանդիպի Է.Պետրոսյանի հետ։ Զրուցակիցները պայմանավորվում են հանդիպել 2016 թվականի հունվարի 26-ին»։

/տես՝ հատոր 1, գ.թ. 248, հատոր 6, գ.թ. 291-301
դատական նիստի արձանագրությունը/

Այլ փաստաթղթի կարգով ապացույց ճանաչված՝ Հայաստանի ֆուտբոլի ֆեդերացիայի 27.01.2016թ.-ի թիվ Ե16 Ֆ/2-04 գրությունը, համաձայն որի՝ «Ուլիս ՖԱ ՀԿ-ն հիմնադրվել է 2006 թվականի ապրիլի 4-ին։ 2014 թվականի հուլիսի 16-ից առ այսօր Ուլիս ՖԱ ՀԿ-ի նախագահ հանդիսանում Գենրիխ Ռուբենի Կազանջյանը։ Ակումբի հովանավորն է Վալերի Հովհաննիսյանը։ Միևնույն ժամանակ, Ուլիս ՖԱ ՀԿ-ն ստեղծել և տնօրինում է Ուլիս ՖԱ ՓԲԸ-ն, որի 100 տոկոս բաժնետեր 2015 թվականի սեպտեմբերի 3-ից հանդիսանում է Անուշավան Կարլոսի Սարգսյանը։ Ուլիս-2 ֆուտբոլային թիմը հանդիսանում է Ուլիս ՖԱ-ի երկրորդ թիմը։

Ուլիս ՖԱ-ն ունի մեծ թվով ֆինանսական ժամկետանց վճարումներ, այդ թվում՝ 1 աշխատավարձերի կտրվածքով։

Ուլիս ՖԱ ՀԿ-ի իրավաբանական հասցեն է՝ ՀՀ, ք.Երևան, Ներքին Չարբախի 39։ Ուլիս ՖԱ ՓԲԸ-ի իրավաբանական հասցեն է՝ ՀՀ, ք.Երևան, Նալբանդյան փողոց 48/1։

Ըստ անձնակազմի տվյալներ փաստաթղթի՝ Գագիկ Ռոստոմի Սիմոնյանը 05.08.2015թ.-ից մինչև 05.08.2016թ.-ն ընկած ժամանակահատվածում՝ ըստ պայմանագրի, հանդիսացել է «Ուլիս» ՖԱ-ի գլխավոր մարզչի օգնականը, ինչպես նաև «Ուլիս-2» ՖԱ-ի գլխավոր մարզիչը։

Ըստ անձնակազմի տվյալներ փաստաթղթի՝ Արա Սահակի Ազարյանը 01.08.2015թ.-ից մինչև 05.08.2016թ.-ն ընկած ժամանակահատվածում՝ ըստ պայմանագրի, հանդիսացել է «Ուլիս» ՖԱ-ի ադմինիստրատորը։

Ըստ անձնակազմի տվյալներ փաստաթղթի՝ Ռուբեն Գագիկի Առուշանյանը 31.07.2013թ.-ից մինչև 01.07.2014թ.-ն ընկած ժամանակահատվածում՝ ըստ պայմանագրի, հանդիսացել է ՀՖՖ-ի մարզիչ, իսկ 12.10.2012թ.-ից՝ «Սիս-Կիլիկիա» ՖԱ-ի մարզիչ։

Ըստ անձնակազմի տվյալներ փաստաթղթի՝ Հայկ Վաչագանի Հունանյանը 19.07.2015թ-ից մինչև 29.07.2016թ.-ն ընկած ժամանակահատվածում՝ ըստ պայմանագրի, հանդիսացել է «Ուլիս» ՖԱ-ի ֆուտբոլիստ, իսկ ըստ հայտավորման «Ուլիս» ՖԱ-ի ֆուտբոլիստ է հանդիսացել 31.07.2015թ.–ից։

Ըստ Ուլիս ՖԱ անձնակազմի փաստաթղթի՝ Վալերի Ստանիսլավի Օգանեսյանը հանդիսացել է «Ուլիս» ՖԱ-ի թարգմանիչը և հովանավորը, Գագիկ Ռոստոմի Սիմոնյանը՝ «Ուլիս-2» ՖԱ-ի գլխավոր մարզիչը և «Ուլիս» ՖԱ-ի գլխավոր մարզչի ժամանակավոր պաշտոնակատարը, Ռուբեն Գագիկի Առուշանյանը՝ «Ուլիս-2» ՖԱ-ի մարզչի օգնականը, ով գրանցված չի եղել ՀՖՖ-ում, իսկ Արա Սահակի Ազարյանը՝ «Ուլիս2» ՖԱ-ի ադմինիստրատորը։

ՀՀ ֆուտբոլի բարձրագույն խմբի 2015-2016թթ. առաջնության «Արարատ» «Ուլիս» ֆուտբոլային հանդիպման թիվ ԲԽ15-16059 արձանագրության համաձայն, 28.11.2015թ.-ին կայացած «Արարատ» «Ուլիս» ֆուտբոլային հանդիպման, որն արտվել է «Արարատի» հաղթանակով՝ 3։1 հաշվով, 12-րդ րոպեին «Ուլիս» ՖԱ-ի Ֆուտբոլիստ Հայկ Հունանյանը դարձել է ինքնագոլի հեղինակ։

28.10.2015թ-ին կայացած «Ուլիս Երևան» «Բանանց» ֆուտբոլային հանդիպման վերաբերյալ կազմված ՈւԵՖԱ-ի եզրակացության համաձայն պարզվել է, որ ուղղակի հետազոտությունը ցույց է տալիս, որ առկա են վստահելի ցուցանիշներ առ այն, որ այստեղ տեղի են ունեցել խաղադրույքային մանիպուլյացիաներ։ Նկատված միակողմանի խաղադրույքի կասկածն առ այն, որ խաղի ընթացքում ընդհանուր առմամբ կփոխվի նվազագույնը երկու և երեք գոլ, չի կարող արդարացիորեն պատճառաբանվել որպես տրամաբանական մարզական գործոն։ Միանշանակ, առկա են բավականաչափ ապացույցներ՝ եզրակացնելու, որ այս խաղի արդյունքն ենթարկվել է մանիպուլյացիաների խաղադրույքներից ակնկալվող շահույթն ապահովելու համար։ Կապված խաղի ընթացքում տեղի ունեցած գործողությունների հետ, ՖԱ Ուլիս Երևանը պաշտպանվել է բավական թույլ կերպով, մասնավորապես՝ մրցակցի առաջին և երրորդ գոլերի ժամանակ։ Առաջին գոլի ժամանակ դարպասապահ Տիգրան Կանդիկյանը խախտել է կանոնները հարձակվողի նկատմամբ՝ հանգեցնելով տասնմեկմետրանոց հարված այն դեպքում, որ հարձակվողն այդ պահին շարժվում էր դարպասից հեռու։ Բացի այդ, ՖԱ Ուլիս Երևանն երրորդ գոլի ժամանակ պաշտպանվում էր անսովոր բարձր գծով, ինչը նրանց մրցակցին հստակ հնարավորություն ընձեռնեց զարգացնելու հաշվի մեջ առավելությունը։ Նման դրվագներն անհրաժեշտ է հիմք ընդունել՝ հաշվի առնելով, որ դրանք տեղի են ունեցել կասկածելի խաղադրույքների առկայությամբ, և որպես այդիպիսին, կարևոր է փաստաթղթայնացնել դրանք այս խաղի արդյունքի ազնվությունը վերլուծելիս։
20.10.2015թ.-ին կայացած «Ուլիս Երևան-2» «Գանձասար Կապան-2» ֆուտբոլային հանդիպման վերաբերյալ կազմված ՈւԵՖԱ-ի եզրակացության համաձայն պարզվել է, որ առկա են վստահելի ցուցանիշներ առ այն, որ այստեղ տեղի են ունեցել խաղադրույքային մանիպուլյացիաներ։ Նկատված միակողմանի խաղադրույքի կասկածն առ այն, որ ՖԱ Գանձասար Կապան 2-ը կպարտվի հաշվի մեծ տարբերությամբ չի կարող արդարացիորեն պատճառաբանվել։ Ազնվության կասկածներ են նկատվել նաև Գանձասար Կապան 2-ի ոչ ստանդարտ գործողություններում։ Այսպես, խաղի հաշիվը համեմատական է այս խաղում թույլ պաշտպանությանը։ Գանձասար Կապան 2-ը պաշտպանվել է բավական թույլ կերպով իրենց տուգանային հրապարակի մատույցներում, ձախողել է մրցակցի խաղացողների վերահսկումն անկյունայինների ժամանակ, ինչը հանգեցրել է դարպասի գրավման բազմաթիվ հնարավորությունների, որոնցից շատերը վերածվել են դարպասի գրավման։ Միանշանակ, առկա են բավականաչափ ապացույցներ՝ եզրակացնելու, որ Գանձասար Կապան 2-ը կեղծել է այս խաղի արդյունքը խաղադրուքներից ակնկալվող շահույթն ապահովելու համար։
25.10.2015թ.-ին կայացած «Ուլիս Երևան» «Ալաշկերտ» ֆուտբոլային հանդիպման վերաբերյալ կազմված ՈւԵՖԱ-ի եզրակացության համաձայն պարզվել է, որ առկա են վստահելի ցուցանիշներ առ այն, որ այնտեղ տեղի են ունեցել խաղադրույքային մանիպուլյացիաներ։ Նկատված միակողմանի խաղադրույքի կասկածն առ այն, որ ՖԱ Ուլիս Երևանը կպարտվի խաղում և կպարտվի նվազագույնը երեք զոլի տարբերությամբ և այն, որ կատարվել են կասկածելի խաղադրույքներ խաղում նվազագույնը երեք գոլ խփելու իրադարձության վրա, չի կարող արդարացիորեն պատճառաբանվել որպես սովորական մարզական գործոն։ Պետք է նաև ընդգծել ՖԱ Ուլիս Երևանի թույլ պաշտպանությունը, քանի որ նրանք թույլ են տվել մի քանի անհատական և թիմային սխալներ, որոնք հանգեցրել են դարպասի գրավման բազմաթիվ հնարավորությունների մրցակցի համար։ Միանշանակ, առկա են բավականաչափ ապացույցներ՝ եզրակացնելու, որ ՖԱ Ուլիս Երևանը կեղծել է այս խաղի արդյունքը խաղադրույքներից ակնկալվող շահույթն ապահովելու համար։

09.08.2015թ.-ին կայացած «Շիրակ» «Ուլիս Երևան» ֆուտբոլային հանդիպման վերաբերյալ կազմված ՈւԵՖԱ-ի եզրակացության համաձայն պարզվել է, որ խաղադրույքային ապացույցների համակարգված հետազոտությունը ցույց է տալիս, որ առկա են վստահելի ցուցանիշներ առ այն, որ այստեղ տեղի են ունեցել խաղադրույքային մանիպուլյացիաներ։ Նկատված միակողմանի խաղադրույքի կասկածն առ այն, որ ՖԱ Ուլիս Երևանը կպարտվի խաղում հաշվի մեջ առաջ անցնելով և մասնավորապես երկրորդ դյաղակեսում, չի կարող արդարացիորեն պատճառաբանվել որպես սովորական մարզական գործոն։ Ընդհանուր առմամբ, նման ոչ նորմալ խաղադրույքները ցույց են տալիս, որ այս խաղի արդյունքը մանիպուլացվել է խաղադրույքային շահույթ ապահովելու նպատակով։ Հարկ է նշել, որ այս թիմերի միջև նախորդ հանդիպումը 2014 թվականին նույնպես կասկածելի էր առնվել, երբ խաղի երկրորդ խաղակեսում նկատվել էին կասկածելի խաղադրույքներ։ Հետևաբար, նմանատիպ կասկածելի խաղադրույքների ի հայտ գալն այստեղ, ակնհայտորեն կասկածի տակ է դնում խաղի արդյունքի ազնվությունը»։

/տես՝ հատոր 1, գ.թ. 249-279, հատոր 2, գ.թ1-127,
հատոր 6, գ.թ. 291-301
դատական նիստի արձանագրությունը/


Այլ փաստաթղթի կարգով ապացույց ճանաչված՝ ՀՀ ԿԱ ԱԱԾ ՍԿՊ և ԱՊԳՎ-ից 02.02.2016թ.-ին ստացված՝ 01.02.2016թ.-ի թիվ 39/251 գրությունը, համաձայն որի՝ «Ուլիս-Երևան թիմի գլխավոր մարզիչ Գագիկ Ռոստոմի Սիմոնյանը, 2015 թվականի հունվարի 1-ից մինչև 2016 թվականի հունվարի 1-ն ընկած ժամանակհատվածում, օգտագործել է 091-30-80-01 բջջային հեռախոսահամարը, Ուլիս-Երևան թիմի ադմինիստրատոր Արա Սահակի Ազարյանն օգտագործել է 098-88-14-07 բջջային հեռախոսահամարը, Ուլիս-Երևան 2 թիմի գլխավոր մարզչի օգնական Ռուբեն Գագիկի Առուշանյանն օգտագործել է 077-44-99-45 բջջային հեռախոսահամարը, իսկ Ուլիս-Երևան թիմի պաշտպան Հայկ Հունանյանն օգտագործել է 098-10-17-62 բջջային հեռախոսահամարը»։

/տես՝ հատոր 2, գ.թ. 131, հատոր 6, գ.թ 291-301,
դատական նիստի արձանագրությունը/

Այլ փաստաթղթի կարգով ապացույց ճանաչված՝ ԿԱ ԱԱԾ քննչական վարչության կողմից կայացված՝ մուտքային և ելքային հեռախոսազանգերի վերծանումներ ստանալու թույլտվության վերաբերյալ միջնորդություն հարուցելու մասին 29.02.2016թ.-ի որոշման հիման վրա Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի կողմից կայացված՝ 31.03.2016թ.-ի որոշմամբ «Ղ-Տելեկոմ» ՓԲԸ-ից և «Բիլայն» ՓԲԸ-ից ստացված՝ Գագիկ Ռոստոմի Սիմոնյանի՝ 091-30-80-01, Ռուբեն Գագիկի Առուշանյանի՝ 077-44-99-45, Հայկ Վաչագանի Հունանյանի՝ 098-10-17-62 և Արա Սահակի Ազարյանի՝ 098-88-14-37 հեռախոսահամարների վերծանումները պարունակող լազերային երկու սկավառակները, որոնց զննությամբ հիմնավորվել է հեռախոսային կապ «Ուլիս» ՖԱ-ի գլխավոր մարզիչ Գագիկ Սիմոնյանի և ակումբի հովանավոր /սեփականատեր/ Վալերի Հովհաննիսյանի միջև; «Ուլիս-2» ՖԱ-ի գլխավոր մարզչի օգնական Ռուբեն Առուշանյանի և ակումբի ֆուտբոլիստներ Հայկ Հունանյանի, Արման Թությանի, Պապին Թևոսյանի, Վիգեն Ավետիսյանի, Կարեն Ավետիսյանի, Արթուր Հակոբյանի միջև; Ռուբեն Առուշանյանի և «Ուլիս-2» ՖԱ-ի ադմինիստրատոր Արա Ազարյանի միջև; Ռուբեն Առուշանյանի և բուքմեյքեր էդգար Պետրոսյանի միջև; «Ուլիս» ՖԱ-ի ֆուտբոլիստ Հայկ Հունանյանի և ակումբի մյուս ֆուտբոլիստներ Արման Թությանի, Գոռ Մարտիրոսյանի, Վիգեն Ավետիսյանի, Կարեն Ավետիսյանի, Արթուր Հակոբյանի միջև; Հայկ Հունանյանի և բուքմեյքեր էդգար Պետրոսյանի միջև»։

/տես՝ հատոր 2, գ.թ. 226-228, 231-232, հատոր 3, գ.թ 20-21, 64-65,
հատոր 6 գ.թ. 57-60, գ.թ. 94-123, 291-301,
դատական նիստի արձանագրությունը/

Որպես ապացույց ճանաչված՝ 09.11.2016թ.-ին ՀՖՖ-ից ստացված 07.11.2016թ.-ի թիվ Ե/16-Ֆ/2-48 գրությանը կից DVD լազերային սկավառակը, որի զննությամբ պարզվել է, որ 2014-2015թթ. Հայաստանի ֆուտբոլի բարձրագույն խմբի Միկա-Ուլիս հանդիպման, որն ավարտվել էր Միկայի հաղթանակով 1։0 հաշվով, տեսաձայնագրության 00։08 վարկյանին՝ Ուլիս ակումբի ֆուտբոլիստը, ով այդ ժամանակ գտնվում է պաշտպանությունում, անիմաստ վայր է ընկնում, որից հետո բաց /ազատ/ պաշտպանության պատճառով՝ Միկայի ֆուտբոլիստները դառնում են գոլի հեղինակ; տեսաձայնագրության 00։17 վարկյանին՝ Ուլիսի պաշտպանների կանգնած դիրքում լինելու պատճառով՝ Միկայի ֆուտբոլիստները վտանգավոր գրոհ են կազմակերպում, սակայն, դարպասը չեն գրավում այդ գրոհի ժամանակ; տեսաձայնագրության 00։51 վարկյանին՝ Ուլիսի պաշտպանների թույլ պաշտպանության հետևանքով Միկայի ֆուտբոլիստները վտանգավոր գրոհ են կազմակերպում, սակայն այդ գրոհի ժամանակ դարպասը նույնպես չեն գրավում։

2014-2015թթ. Հայաստանի ֆուտբոլի բարձրագույն խմբի Ուլիս-Շիրակ հանդիպման, որն ավարտվել է Շիրակի հաղթանակով 2։3 հաշվով, տեսաձայնագրության 10։13 վարկյանին՝ Շիրակի ֆուտբոլիստը, իրացնելով անկյունային հարվածը, գնդակն ուղարկվում է Ուլիսի տուգանային հրապարակ, որի ժամանակ Ուլիսի դարպասահը գնդակը հեռացնելու փոխարեն, բռունցքով հարվածում է գնդակին, և գնդակը բարձրանալով վերև, նույն ուղղությամբ իջնում է ներքև, որի ժամանակ էլ Շիրակի ֆուտբոլիստը գլխով գրավում է Ուլիսի դարպասը, այսինքն, Ուլիսի դարպասապահի անիմաստ սխալի պատճառով նրանք գոլ են բաց թողնում; տեսաձայնագրության 00։33 վարկյանին՝ Շիրակի գրոհի ժամանակ Ուլիսի պաշտպանի անիմաստ վայր ընկնելու պատճառով, Շիրակը վտանգավոր գրոհ է կազմակերպում և գրավում է Ուլիսի դարպասը։ Նշված գրոհի ժամանակ, ըստ տեսանյութի, կարծիք է կազմվում, որ Ուլիսի մյուս պաշտպանները ցանկություն չունեն պաշտպանվելու; տեսաձայնագրության 01։06 վարկյանին՝ Շիրակի գրոհի ժամանակ Ուլիսի պաշտպանը գնդակի փոխարեն հարվածում է Շիրակի ֆուտբոլիստի ոտքին իր իսկ տուգանային հրապարակում, որի հետևանքով մրցավարը տասնմեկ մետրանոց հարված է նշանակում։

2014-2015թթ. Հայաստանի ֆուտբոլի բարձրագույն խմբի Ուլիս-Ալաշկերտ հանդիպման, որն ավարտվել է Ալաշկերտի հաղթանակով 0։3 հաշվով, տեսաձայնագրության 00։14 վարկյանին՝ Ուլիսի դարպասապահը տուգանային հրապարակից ազատ հարված իրացնելու ժամանակ, ոտքով գետնային փոխանցում է օտարում իր թիմի ֆուտբոլիստների ուղղությամբ, ովքեր չեն տեսնում դա, քանի որ մեքով են լինում դեպի իրենց դարպասը, ինչի հետևանքով գնդակը հայտնվում է Ալաշկերտի ֆուտբոլիստի մոտ, ով, հարվածելով դարպասի ուղղությամբ, դարպասը չի գրավում; տեսաձայնագրության 00։20 վարկյանին՝ Ալաշկերտի գրոհի ժամանակ Ուլիսի պաշտպանն անիմաստ վայր է ընկնում, ինչի հետևանքով Ալաշկերտը վտանգավոր հարված է իրացնում Ուլիսի դարպասին, սակայն չգրավելով դարպասը; տեսաձայնագրության 01։59 վարկյանին՝ Ալաշկերտի գրոհի ժամանակ Ուլիսի տուգանային հրապարակում Ուլիսի պաշտպանի մոտ է հայտնվում գնդակը, ով գնդակը հեռացնելու փոխարեն, այն հարվածում է իր ֆուտբոլիստին, ինչի հետևանքով, գնդակը հայտնվում է Ալաշկերտի ֆուտբոլիստների մոտ, ովքեր գոլի հեղինակ են դառնում։ Նշված գրոհի ժամանակ Ուլիսի դարպասապահը նույնպես անիմաստ դուրս է գալիս դարպասից դեպի Ալաշկերտի ֆուտբոլիստը, ինչի պատճառով նույնպես տեղի է ունենում գոլը; տեսաձայնագրության 02։43 վարկյանին՝ Ալաշկերտի անկյունային հարվածի ժամանակ Ուլիսի պաշտպանները չեն ցատկում գնդակի հետևից այն տուգանային հրապարակից հեռացնելու նպատակով, այլ ուղղակի կանգնած նայում են /պաշտպանությանը չի խաղում ինչպես կարգն է/, ինչի հետևանքով էլ Ալաշկերտի ֆուտբոլիստը գլխով հարվածում է դեպի դարպասը, ինչի ընթացքում, գնդակը դիպչելով մյուս Ալաշկերտի ֆուտբոլիստի գլխին, հայտնվում է Ուլիսի դարպասում; տեսաձայնագրության 04։24 վարկյանին՝ Ալաշկերտի գրոհի ժամանակ Ուլիսի պաշտպանն անիմաստ վայր է ընկնում, որից հետո վտանգավոր գրոհ է կազմակերպվում Ալաշկերտի կողմից, որի ընթացքում Ալաշկերտի ֆուտբոլիստը գնդակը փոխանցում է խաղընկերոջը, ով գտնվում է Ուլիսի տուգանային հրապարակում, և վերջինս, իր հերթին, հեշտությամբ խաբելով կանգնած պաշտպանին և դարպասապահին, դառնում է գոլի հեղինակ; տեսաձայնագրության 05։06 վարկյանին՝ Ալաշկերտի գրոհի ժամանակ Ալաշկերտի ֆուտբոլիստը փոխանցում է կատարում դեպի Ուլիսի տուգանային հրապարակ, որտեղ պաշտպաններն ուղղակի կանգնած հետևում են խաղին, ինչի հետևանքով Ալաշկերտի մյուս ֆուտբոլիստը հանգիստ հարվածում է դեպի Ուլիսի դարպասը, սակայն չի գրավում այն։
2014–2015թթ. Հայաստանի ֆուտբոլի բարձրագույն խմբի Ուլիս-Բանանց հանդիպման, որն ավարտվել է Բանանցի հաղթանակով 0։3 հաշվով, տեսաձայնագրության 01։46 վարկյանին՝ Բանանցի գրոհի ժամանակ Բանանցի երկու Ֆուտբոլիստներ դուրս են գալիս Ուլիսի մեկ պաշտպանի դիմաց, և մեկը մյուսին փոխանցելով գնդակը, դառնում են գոլի հեղինակ։ Այդ գրոհի ժամանակ Ուլիսի մյուս պաշտպաններն անհասկանալի պատճառներով իրենց տեղերում չեն գտնվում, և Բանանցի ֆուտբոլիստի արդեն հարվածելու պահին նոր հասնում են իրենց տուգանային հրապարակ։
2014-2015թթ. Հայաստանի ֆուտբոլի բարձրագույն խմբի Արարւստ-Ուլիս հանդիպման, որն ավարտվել է Արարատի հաղթանակով՝ 3։1 հաշվով, տեսաձայնագրության 01։17 վարկյանին՝ Արարատի գրոհի ժամանակ Արարատի ֆուտբոլիստը գնդակը փոխանցում է դեպի Ուլիսի տուգանային հրապարակ, որտեղ Ուլիսի պաշտպաններից Հայկ Հունանյանն ինքնագոլի հեղինակ է դառնում՝ գնդակն ուղղարկելով սեփական դարպասը; տեսաձայնագրության 02։04 վարկյանին՝ Արարատի ֆուտբոլիստը փոխանցում է կատարում սեփական կիսադաշտից դեպի Ուլիսի կիսադաշտ, որի ժամանակ, Ուլիսի պաշտպանների կանգնած դիրքում գտնվելու պատճառով, Արարատի ֆուտբոլիստը միայնակ առաջ է շարժվում և գնդակը փոխանցում է Ուլիսի տուգանային հրապարակ, որտեղ խաղընկերը գրավում է Ուլիսի դարպասը; տեսաձայնագրության 02։59 վարկյանին՝ Արարատի ֆուտբոլիստը մեծ հեշտությամբ Ուլիսի տուգանային հրապարակում անցնում է Ուլիսի ֆուտբոլիստին, որից հետո գնդակը փոխանցում է խաղընկերոջը, ով էլ, իր հերթին, գոլի հեղինակ է դառնում։ Այդ գրոհի ժամանակ Ուլիսի մյուս պաշտպանները և դարպասապահն ուղղակի կանգնած հետևում են, թե ինչ է տեղի ունենում»։


/տես՝ հատոր 6, գ.թ. 57-60, 136, 144-149, 291-301,
դատական նիստի արձանագրությունը/

Որպես ապացույց ճանաչված՝ Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 25.11.2015թ. որոշումներով իրականացված՝ ՀՀ քաղաքացի Գոռ Մարտիրոսյանի կողմից օգտագործվող՝ 055-11-11-02 հեռախոսահամարով, ՀՀ քաղաքացի էդգար Պետրոսյանի կողմից օգտագործվող՝ 077-40-47-24 հեռախոսահամարով, ՀՀ քաղաքացի Հայկ Հունանյանի կողմից օգտագործվող՝ 098-10-17-62 հեռախոսահամարով, ՀՀ քաղաքացի Գարիկ Բոշյանի կողմից օգտագործվող՝ 041-11-00-71 հեռախոսահամարով, «Ուլիս-Երևան» և «Ուլիս Երևան2» ֆուտբոլային ակումբների սեփականատեր, ՌԴ քաղաքացի Վալերի Հովհաննիսյանի կողմից օգտագործվող՝ 007-968-808-87-87 հեռախոսահամարով, և ՀՀ քաղաքացի Պապին Թևոսյանի կողմից օգտագործվող՝ 098-18-18-04 հեռախոսահամարով խոսակցությունների վերահսկում օպերատիվ-հետախուզական միջոցառման արդյունքում ստացված հեռախոսազրույցների գաղտնալսումների ձայնագրություններով համակարգչային վեց /6/ սկավառակները, որոնց զննությամբ պարզվել է, որ դրանցում առկա է տեղեկատվություն մեղադրյալներ՝ Արա Ազարյանի, Հայկ Հունանյանի, Գագիկ Սիմոնյանի, Ռուբեն Առուշանյանի և էդգար Պետրոսյանի կողմից առերևույթ հանցագործություններ կատարելու մասին»։

/տես՝ հատոր 1, գ.թ. 55-78, հատոր 3, գ.թ. 139-252,
հատոր 4 գ.թ. 1-41, հատոր 6, գ.թ. 291-301
դատական նիստի արձանագրությունը/

Որպես ապացույց ճանաչված՝ 13.06.2016թ.-ին ՀՀ ԿԱ ԱԱԾ ՍԿՊ և ԱՊԳՎ-ից ստացված, քրեական գործով մեղադրյալ էդգար Սամվելի Պետրոսյանի կողմից օգտագործվող՝ 077-40-47-24 և Վալերի Ստանիսլավի Հովհաննիսյանի կողմից օգտագործվող՝ 007-968-808-87-87 հեռախոսահամարների գաղտնալսման խոսակցությունների ձայնագրությունները պարունակող երկու լազերային սկավառակները, որոնց զննությամբ պարզվել է, որ դրանցում առկա է տեղեկատվություն մեղադրյալ էդգար Պետրոսյանի կողմից առերևույթ հանցագործություններ կատարելու մասին։

/տես՝ հատոր 5, գ.թ. 237-239, հատոր 6, գ.թ. 57-60,
89-93, 284-290, 291-301
դատական նիստի արձանագրությունը/

Ապացույց ճանաչված, լազերային սկավառակների 12.05.2016թ.-ի, 29.09.2016թ.-ի, 30.09.2016թ.-ի և 27.12.2016թ-ի զննության արձանագրությունները։

/Տես 1-ին հատոր գ.թ. 55-78, 2-րդ հատոր գ.թ. 226-228,
գ.թ. 231-232, գ.թ. 237-238, 3-րդ հատոր գ.թ. 20-21, գ.թ. 64-65, գ.թ. 139-252,
4-րդ հատոր գ.թ. 1-41, 5-րդ հատոր գ.թ. 237– 1239, 6֊րդ հատոր գ.թ. 57-60,
գ.թ. 89-93, գ.թ. 94-123, գ.թ. 136, գ.թ. 144-149, գ.թ. 284-290, ւ.թ. 291-301/

Այսպիսով, հաշվի առնելով վերը նշվածը, ինչպես նաև հիմք ընդունելով կրկնակի ստացիոնար հանձնաժողովային դատահոգեբուժական թիվ 46 եզրակացությունը, գործի քննությանը մասնակցող դատախազ Ա.Արամյանը կարծիք է հայտնել առ այն, որ Ռուբեն Առուշանյանը հանցանքը կատարել է անմեղսունակության վիճակում, սոցիալական բարձր վտանգ է ներկայացնում հասարակության, ինչպես նաև իր շրջապատի համար, կարիք ունի հարկադրական բուժման հատուկ հսկողության բաժանմունքի պայմաններում, ուստի գտնում է, որ նրա նկատմամբ պետք է կիրառել բժշկական բնույթի հարկադրանքի համապատասխան միջոց։


ՀՀ քրեական օրենսգրքի 97-րդ հոդվածի համաձայն`

« 1. Բժշկական բնույթի հարկադրանքի միջոցներ դատարանը կարող է նշանակել այն անձի նկատմամբ՝
1) ով սույն օրենսգրքի Հատուկ մասի հոդվածով նախատեսված արարքը կատարել է անմեղսունակության վիճակում.
2) ում մոտ հանցանքը կատարելուց հետո առաջացել է պատժի նշանակումը կամ կատարումն անհնար դարձնող հոգեկան խանգարում.
3) ով հանցանք է կատարել սահմանափակ մեղսունակության վիճակում.
4) ով հանցանք է կատարել և ճանաչվել է ալկոհոլամոլությունից կամ թմրամոլությունից բուժման կարիք ունեցող։
2. Բժշկական բնույթի հարկադրանքի միջոցները սույն հոդվածի առաջին մասում նշված անձանց նկատմամբ նշանակվում են միայն այն դեպքերում, երբ հոգեկան խանգարումները կապված են այդ անձանց կողմից այլ էական վնաս պատճառելու հնարավորության կամ իր կամ այլ անձանց համար վտանգավորության հետ։
3. Բժշկական բնույթի հարկադրանքի միջոցների կիրառման կարգը սահմանվում է օրենքով։
4. Դատարանը կարող է սույն հոդվածի առաջին մասում նշված և իրենց հոգեկան վիճակով վտանգավորություն չներկայացնող անձանց վերաբերյալ անհրաժեշտ նյութերը հանձնել առողջապահության մարմիններ՝ այդ անձանց բուժելու կամ նրանց հոգեբուժական կազմակերպություն ուղարկելու հարցը լուծելու համար»։

ՀՀ քրեական օրենսգրքի 98-րդ հոդվածի համաձայն`

«1. Բժշկական բնույթի հարկադրանքի միջոցներ են՝

1) հոգեբույժի մոտ արտահիվանդանոցային հսկողությունը և հարկադիր բուժումը.
2) հոգեբուժական կազմակերպությունների ընդհանուր հսկողության հոգեբուժական բաժանմունքում հարկադիր բուժումը.
3) հոգեբուժական հիվանդանոցի հատուկ տիպի հոգեբուժական բաժանմունքում հարկադիր բուժումը։
2. Մեղսունակությունը չբացառող հոգեկան խանգարման վիճակում կատարված հանցանքի համար դատապարտված, բայց ալկոհոլամոլությունից, թմրամոլությունից կամ թունամոլությունից կամ մեղսունակությունը չբացառող հոգեկան խանգարումներից բուժման կարիք ունեցող անձանց նկատմամբ դատարանը պատժի հետ մեկտեղ կարող է նշանակել հոգեբույժի մոտ արտահիվանդանոցային հսկողություն և հարկադիր բուժում»։

ՀՀ քրեական օրենսգրքի 100-րդ հոդվածի համաձայն`

«1. Հոգեբուժական կազմակերպությունների ընդհանուր հսկողության հոգեբուժական բաժանմունքում դատարանի որոշմամբ հարկադիր բուժում կարող է նշանակվել, եթե անձի հոգեկան խանգարման վիճակը պահանջում է բուժման, խնամքի և հսկողության այնպիսի պայմաններ, որոնք կարող են իրականացվել միայն հիվանդանոցային ձևով։
2. Հոգեբուժական հիվանդանոցի հատուկ տիպի հոգեբուժական բաժանմունքում դատարանի որոշմամբ հարկադիր բուժում կարող է նշանակվել այն անձի նկատմամբ, որը հոգեկան վիճակով վտանգավոր է իր և այլ անձանց համար և պահանջում է մշտական հսկողություն»։


ՀՀ քրեական օրենսգրքի 101-րդ հոդվածի 1-ին մասի համաձայն`

«1. Բժշկական բնույթի հարկադրանքի միջոց նշանակելիս դատարանը հաշվի է առնում անձի հոգեկան հիվանդությունը, նրա կատարած արարքի բնույթն ու հանրության համար վտանգավորության աստիճանը»։

ՀՀ քրեական դատավարության օրենսգրքի 463-րդ հոդվածի 4-րդ կետի համաձայն`

« Գործով որոշում կայացնելիս դատարանը պետք է լուծի հետևյալ հարցերը`

/.../
4) անձը կարիք ունի արդյոք իր նկատմամբ բժշկական բնույթի հարկադրական միջոցներ կիրառելու և հատկապես ինչպիսի միջոցներ»։

ՀՀ քրեական դատավարության օրենսգրքի 464-րդ հոդվածի 1-ին մասի համաձայն`

«1. Անձի կողմից քրեական օրենքով չթույլատրված արարքն անմեղսունակության վիճակում կատարելն ապացուցված համարելով` դատարանը որոշում է կայացնում անձին քրեական պատասխանատվությունից և պատժից ազատելու ու նրա նկատմամբ բժշկական բնույթի հարկադրական միջոցներ կիրառելու մասին։
2. Եթե անձը հասարակության համար մեծ վտանգ չի ներկայացնում և կարիք չունի իր նկատմամբ բժշկական բնույթի հարկադրական միջոցների կիրառման, դատարանը կայացնում է գործով վարույթը կարճելու և քրեական հետապնդումը դադարեցնելու մասին որոշում։ Եթե արարքը կատարելու պահին անձը գտնվել է անմեղսունակության վիճակում, իսկ դատական քննության պահին առողջացել է, դատարանը նույնպես որոշում է կայացնում գործով վարույթը կարճելու և քրեական հետապնդումը դադարեցնելու մասին»։

Դատարանը, նկատի ունենալով, որ Ռուբեն Գագիկի Առուշանյանը տառապում է «Ատիպիկ մանիակալ դեպրեսիվ փսիխոզ» հոգեկան հիվանդությամբ և նրա մոտ հայտնաբերվել է «երկբևեռ աֆեկտիվ խանգարում՝ փսիխոզով /մանյակալ դեպրեսիվ փսիխոզ/» հիվանդություն ու նրա հոգեկան խանգարման վիճակը պահանջում է բուժման, խնամքի և հսկողության այնպիսի պայմաններ, որոնք կարող են իրականացվել միայն հիվանդանոցային ձևով, գտնում է, որ նրան պետք է ազատել քրեական պատասխանատվությունից ու պատժից` նշանակելով հոգեբուժական կազմակերպությունների ընդհանուր հսկողության հոգեբուժական բաժանմունքում հարկադիր բուժում։

Ինչ վերաբերվում է պաշտպանական կողմի արտահայտած այն մտահոգությանը, որ չի բացառվում, որ Ռ.Առուշանյանը, երկարատև բուժման արդյունքում ներկայումս բուժվել է, նրա անձի վտանգավորության աստիճանը նվազել ու վերջինս այլևս վտանգ չի ներկայացնում հասարակության համար, ապա դատարանը հարկ է համարում ընդգծել, որ դեռևս 24.05.2016թ.-ին տրված կրկնակի ստացիոնար հանձնաժողովային դատահոգեբուժական թիվ 46 եզրակացությամբ արձանագրվել է, որ՝ «.... Ռուբեն Գագիկի Առուշանյանը՝ ինչպես իրավախախտումը կատարելիս, այնպես էլ ներկայումս չէր կարող և չի կարող գիտակցել իր գործողությունների վտանգավորությունը և ղեկավարել դրանք։ Իրեն մեղսագրվող արարքը կատարելու պահին 2015 թվականի սեպտեմբերից-դեկտեմբերն ընկած ժամանակահատվածում, այդ հիվանդությունը զրկել է նրան իր գործողությունների համար իրեն հաշիվ տալու և դրանք ղեկավարելու ընդունակությունից։ Ուստի, իրեն մեղսագրվող արարքի նկատմամբ Ռուբեն Գագիկի Առուշանյանին հարկ է ճանաչել անմեղսունակ։
...Հաշվի առնելով, որ նախորդ փորձաքննության ժամանակ /մարտ-ապրիլ ամիսներին/ ստացած բուժման արդյունքում փորձաքննվողի սոցիալապես վտանգավորությունը իր անձի և հասարակության հանդեպ նվազել է, ուստի ներկայիս հոգեվիճակում նա կարիք ունի մեկուսացման և հարկադիր բուժման ընդհանուր հսկողության հոգեբուժական բաժանմունքի պայմաններում, ըստ բնակավայրի...»։

Ասվածից հետևում է, որ դեռևս այդ եզրակացությամբ փորձագետներն արձանագրել են, որ որոշակի ժամանակահատվածում իրականացված բուժման արդյունքում Ռ.Առուշանյանի սոցիալապես վտանգավորությունն իր անձի և հասարակության հանդեպ նվազել է, սակայն, այդուամենայնիվ, գտել են, որ նրա նկատմամբ պետք է նշանակվի հարկադիր բուժում։

Այլ, խոսքով, դատարանը գտնում է, որ փորձագետի այն հայտարարությունը, որ այս ժամանակահատվածում ևս նվազել է Առուշանյանի՝ անձի հասարակական վտանգավորությունը և նա կարող է բուժումը շարունակել նաև տանը, չի կարող հիմք հանդիսանալ վերջինիս նկատմամբ դատական քննության այս պահին նոր փորձաքննություն նշանակելու և նրան հարկադիր բուժումից ազատելու համար, քանի որ, ինչպես նշեց նույն փորձագետը, այդ հարցին վերջնական լուծում կարող է տրվել միայն դատարանի կողմից հարկադիր բուժում նշանակելուց, համապատասխան հարկադիր բուժման կուրսն ավարտելուց և նոր փորձաքննություն անցկացնելուց հետո միայն։
Ավելին, դատարանն արձանագրում է, որ գործի քննությամբ ձեռք բերված որևէ ապացույցով չհիմնավորվեց, որ Ռ Առուշանյանի՝ անձի վտանգավորությունը հասարակության հանդեպ, ի սպառ վերացել է։

Այսպիսով, գնահատելով քրեական օրենքով արգելված արաք կատարած անձի նկատմամբ հարուցված վարույթի քննությամբ և դատաքննությամբ ստուգված ապացույցները, դատարանը գտնում է, որ Ռուբեն Գագիկի Առուշանյանը կատարել է ՀՀ քրեական օրենսգրքի 38-201-րդ հոդվածի 3-րդ մասով նախատեսված հանրության համար վտանգավոր արարքը։

Դատարանն արձանագրում է, որ Ռուբեն Գագիկի Առուշանյանի կողմից ՀՀ քրեական օրենսգրքի 38-201-րդ հոդվածի 3-րդ մասով նախատեսված հանրության համար վտանգավոր արարքը կատարելն ապացուցված է, սակայն վերը նշված արարքը կատարելիս Ռուբեն Գագիկի Առուշանյանը գտնվել ու գտնվում է անմեղսունակության վիճակում, որը զրկել է նրան իր գործողությունների վտանգավորությունը գիտակցելու և այդ գործողությունները ղեկավարելու հնարավորությունից։

ՀՀ քրեական օրենսգրքի 25-րդ հոդվածի համաձայն

« 1. Քրեական պատասխանատվության ենթակա չէ այն անձը, ով հանրության համար վտանգավոր արարք կատարելու պահին գտնվել է անմեղսունակության վիճակում, այսինքն՝ քրոնիկ հոգեկան հիվանդության, հոգեկան գործունեության ժամանակավոր խանգարման, տկարամտության կամ հոգեկան այլ հիվանդագին վիճակի հետևանքով չէր կարող գիտակցել իր գործողության (անգործության) վտանգավորությունը կամ ղեկավարել դա։

2. Հանրության համար վտանգավոր արարքն անմեղսունակության վիճակում կատարած անձի նկատմամբ դատարանը կարող է նշանակել բժշկական բնույթի հարկադրանքի միջոցներ։

3. Պատժի ենթակա չէ նաև այն անձը, ով հանցանքը կատարել է մեղսունակության վիճակում, սակայն մինչև դատարանի կողմից դատավճիռ կայացնելը հիվանդացել է հոգեկան հիվանդությամբ, որը զրկել է նրան իր գործողության (անգործության) փաստացի բնույթն ու նշանակությունը գիտակցելու կամ դա ղեկավարելու հնարավորությունից։ Այդպիսի անձի նկատմամբ դատարանի նշանակմամբ կարող են կիրառվել բժշկական բնույթի հարկադրանքի միջոցներ, իսկ առողջանալուց հետո նա կարող է ենթարկվել պատժի»։

Դատարանը հաշվի առնելով այն հանգամանքը, որ քրեական պատասխանատվության ենթակա չէ այն անձը, ով հանրության համար վտանգավոր արարք կատարելու պահին գտնվել է անմեղսունակության վիճակում, գտնում է, որ Ռուբեն Գագիկի Առուշանյանին պետք է ազատել քրեական պատասխանատվությունից ու պատժից և նրա նկատմամբ պետք է կիրառել բժշկական բնույթի հարկադրական միջոց։

Հաշվի առնելով Ռուբեն Գագիկի Առուշանյանի հոգեկան հիվանդությունը, նրա կատարած արարքի բնույթն ու վտանգավորության աստիճանը, ինչպես նաև հիմք ընդունելով կրկնակի ստացիոնար հանձնաժողովային դատահոգեբուժական թիվ 46 եզրակացությունը, դատարանը գտնում է, որ Ռուբեն Գագիկի Առուշանյանի նկատմամբ պետք է նշանակել բժշկական բնույթի հարկադրանքի միջոց` հարկադրական բուժման ընդհանուր հսկողության հոգեբուժական բաժանմունքի պայմաններում։


Վերոգրյալի հիման վրա և ղեկավարվելով ՀՀ Քրեական օրենսգրքի 97-98, 100-101-րդ հոդվածներով և ՀՀ քրեական դատավարության օրենսգրքի 462, 463 և 464-րդ հոդվածներով, դատարանը`


Ո Ր Ո Շ Ե Ց

Ռուբեն Գագիկի Առուշանյանին ազատել ՀՀ քրեական օրենսգրքի 38-201-րդ հոդվածի 3-րդ մասով նախատեսված քրեական պատասխանատվությունից և պատժից։

Ռուբեն Գագիկի Առուշանյանի նկատմամբ նշանակել բժշկական բնույթի հարկադրական միջոց՝ հարկադիր բուժում ընդհանուր հսկողության հոգեբուժական բաժանմունքի պայմաններում՝ ըստ բնակավայրի։

Որոշումը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում։


Դ Ա Տ Ա Վ Ո Ր Մ. Մ Ա Կ Յ Ա Ն