ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆ

Կենտրոն և Նորք-Մարաշ վարչական ԵԿԴ/0014/01/17
շրջանների ընդհանուր իրավասության
առաջին ատյանի դատարանի դատավճիռը
կայացրած դատարանի կազմը
նախագահող դատավոր` Մ.Մարտիրոսյան

Ո Ր Ո Շ ՈՒ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

21 հուլիսի 2017թ. ք.Երևան

ՀՀ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ /այսուհետ նաև`
Վերաքննիչ դատարան/ ՀԵՏԵՎՅԱԼ ԿԱԶՄՈՎ`

ՆԱԽԱԳԱՀՈՂ ԴԱՏԱՎՈՐ` Մ.ՊԵՏՐՈՍՅԱՆ
ԴԱՏԱՎՈՐՆԵՐ` Կ.ՂԱԶԱՐՅԱՆ
Ս.ՀԱՄԲԱՐՁՈՒՄՅԱՆ

ՔԱՐՏՈՒՂԱՐՈՒԹՅԱՄԲ` Մ.ՄԵԼՔՈՆՅԱՆԻ
ՄԱՍՆԱԿՑՈՒԹՅԱՄԲ`
ՄԵՂԱԴՐՈՂ` Հ.ՊԵՏՐՈՍՅԱՆԻ
ՊԱՇՏՊԱՆ` Ա.ՂԱՐԱԳՅՈԶՅԱՆԻ
ԱՄԲԱՍՏԱՆՅԱԼ` Ա.ԱՌԱՔԵԼՅԱՆԻ

դռնբաց դատական նիստում ամբաստանյալ Ա.Առաքելյանի շահերի պաշտպան Ա.Ղարագյոզյանի վերաքննիչ բողոքի հիման վրա, վճռաբեկության կարգով քննության առնելով քրեական գործն ըստ մեղադրանքի Արման Ալբերտի Առաքելյանի` ՀՀ քրեական օրենսգրքի 225-րդ հոդվածի 2-րդ մասով,

Պ Ա Ր Զ Ե Ց

1.Գործի դատավարական նախապատմությունը և փաստական հանգամանքները.
2016 թվականի հուլիսի 21-ին, ՀՀ քննչական կոմիտեի Երևան քաղաքի քննչական վարչությունում, ՀՀ քրեական օրենսգրքի 225-րդ հոդվածի 2-րդ մասով հարուցվել է թիվ 59104716 քրեական գործը` Երևանի Խորենացու և Քրիստափորի փողոցների խաչմերուկում տեղի ունեցած զանգվածային անկարգություների դեպքի առթիվ։
2016 թվականի օգոստոսի 12-ին Արման Առաքելյանը ձերբակալվել է։
Նախաքննության մարմնի 2016 թվականի օգոստոսի 15-ի որոշմամբ Ա.Առաքելյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 225-րդ հոդվածի 2-րդ մասով:
2016 թվականի օգոստոսի 30-ին նախաքննության մարմինը որոշում է կայացրել Ա.Առաքելյանին առաջադրված մեղադրանքը լրացնելու մասին։
Նույն օրը Ա.Առաքելյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 225-րդ հոդվածի 2-րդ մասով այն բանի համար, որ <<նա` 2016թ. հուլիսի 20-ին Երևան քաղաքում տեղի ունեցած, հասարակական անվտանգությունը վտանգած բռնությամբ, ջարդերով, գույք ոչնչացնելով և վնասելով արտահայտված զանգվածային անկարգությունների ընթացքում բռնություն է գործադրել ոստիկանության աշխատակիցների նկատմամբ, որպիսի գործողություններն արտահայտվել են հետևյալում.
2016թ. հուլիսի 17-ին կազմակերված խմբի անդամները պետությանը որոշակի գործողություններ կատարելուն պարտադրելու նպատակով զինված հարձակում են գործել ՀՀ ոստիկանության Երևան քաղաքի վարչության պարեկապահակային գնդի վրա՝ զավթելով և պահելով այն։
Նույն պահից սկսած հիշյալ և հարակից տարածքներում իրավապահ մարմինները օրենքով սահմանված կարգով կազմակերպել և իրականացրել են հանցագործության բացահայտմանը, կանխմանը, ինչպես նաև պետության շահերի և քաղաքացիների անվտանգության ապահովմանն ուղղված հատուկ միջոցառումներ։
Նկարագրված միջոցառումների շրջանակներում ՀՀ ոստիկանության տարբեր ստորաբաժանումների ծառայողներ ժամանակավորապես սահմանափակել են տրանսպորտային միջոցների և քաղաքացիների երթեևկությունը Երևան քաղաքի Մովսես Խորենացու և Քրիստափորի փողոցների խաչմերուկից։
2016թ. հուլիսի 20-ին` ժամը 22-ի սահմաններում, նշված վայրում հավաքվել են բազմաթիվ անձինք, ովքեր փորձել են ներթափանցել հատուկ միջոցառումների իրականացման գոտի։
Հիշյալ վայրում ծառայություն իրականացնող ոստիկանության աշխատակիցները հավաքվածներին բազմիցս նախազգուշացրել են իրականացվող միջոցառումների և այդ վայր քաղաքացիների մուտքն արգելված լինելու մասին։
Չնայած դրան՝ մի խումբ անձանց հրահրմամբ սկսվել են զանգվածային անկարգություններ, որի ընթացքում դրա մասնակիցները չեն ենթարկվել նշված վայրում ծառայություն իրականացնող իշխանության ներկայացուցիչների՝ տարածքն ազատելու և առաջ շարժվելն արգելված լինելու օրինական պահանջներին, այլ վտանգելով հասարակական անվտագնությունը` բռնություն են գործադրել ՀՀ ոստիկանության աշխատակիցների նկատմամբ՝ ոտքերով, ձեռքերով, տարատեսակ առարկաներով հարվածներ են հասցրել, քարեր և այլ առարկաներ են նետել նրանց ուղղությամբ, ինչի հետևանքով նշված վայրում ծառայություն իրականացնող ոստիկանության 46 աշխատակիցներ ստացել են տարբեր աստիճանի մարմնական վնասվածքներ, վնասվել ու ոչնչացվել է ՀՀ ոստիկանությանը, Երևանի քաղաքապետարանին և տարբեր իրավաբանական անձանց պատկանող, ընդհանուր` 9.641.760 ՀՀ դրամ արժողությամբ գույքը։
Նկարագրված զանգվածային անկարգությունների ժամանակ դրա անմիջական մասնակից Արման Առաքելյանը բռնություն է գործադրել՝ առարկա նետել, ինչպես նաև՝ ձեռքերով և ոտքերով հարվածներ հասցրել ծառայողական պարտականությունները կատարող, իշխանության ներկայացուցիչ հանդիսացող ոստիկանության աշխատակիցներին>>։
2016 թվականի սեպտեմբերի 22-ին թիվ 69107716 քրեական գործը մեղադրական եզրակացությամբ ուղարկվել է Երևանի Էրեբունի և Նուբարաշեն վարչական շրջանների ընդհանուր իրավասության առաջին ատյանի դատարան /այսուհետ նաև` Դատարան/, 2016 թվականի սեպտեմբերի 24-ին ընդունվել է դատարանի վարույթ, իսկ 2016 թվականի հոկտեմբերի 04-ին Դատարանը որոշում է կայացրել քրեական գործն ըստ ընդդատության Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան ուղարկելու մասին /այսուհետ նաև` Դատարան/։
Երևանի Էրեբունի և Նուբարաշեն վարչական շրջանների ընդհանուր իրավասության առաջին ատյանի դատարանի աշխատակազմի ղեկավարի 2016թ. հոկտեմբերի 10-ի թիվ ԴԴ-16-23697/16 գրությամբ ԵԷԴ/0101/01/16 (69107716) քրեական գործն ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան, 2016թ. հոկտեմբերի 12-ին ընդունվել է դատարանի վարույթ, իսկ 2016 թվականի հոկտեմբերի 21-ին որոշում է կայացվել քրեական գործի դատական քննությունը 2016թ. նոյեմբերի 01-ին նշանակելու մասին։
Դատարանի 2017 թվականի ապրիլի 21-ի դատավճռով Արման Ալբերտի Առաքելյանը մեղավոր է ճանաչվել ՀՀ քրեական օրենսգրքի 225-րդ հոդվածի 2-րդ մասով և դատապարտվել է ազատազրկման` 3 /երեք/ տարի ժամկետով։
Խափանման միջոց կալանավորումը թողնվել է անփոփոխ` մինչև դատավճռի օրինական ուժի մեջ մտնելը։
Վճռվել է` դատավճռի օրինական ուժի մեջ մտնելուց հետո, իրեղեն ապացույց ճանաչված, Արման Առաքելյանի հագուստը վերադարձնել նրան, իսկ դեպքի վայրից հայտնաբերված իրերը` թողնել թիվ 59104716 քրեական գործով վարույթն իրականացնող մարմնի տնօրինմանը:
Դատարանի վերոնշյալ դատավճռի դեմ փոստին հանձնելու միջոցով 19.05.2017 թվականին վերաքննիչ բողոք է բերել ամբաստանյալ Ա.Առաքելյանի շահերի պաշտպան Ա.Ղարագյոզյանը:
Վերաքննիչ բողոքի կապակցությամբ գրավոր պատասխան չի ներկայացվել:
Թիվ ԵԿԴ/0014/01/17 քրեական գործը Վերաքննիչ դատարանի դատավոր Մ.Պետրոսյանին և կոլեգիալ կազմում ընդգրկված դատավորներին է հանձնվել 29.05.2017 թվականին, Վերաքննիչ դատարանի 02.06.2017 թվականի որոշմամբ` վերաքննիչ բողոքն ընդունվել է վարույթ, և քրեական գործն ըստ մեղադրանքի Արման Ալբերտի Առաքելյանի` ՀՀ քրեական օրենսգրքի 225-րդ հոդվածի 2-րդ մասով, նշանակվել է քննության` ՀՀ վճռաբեկ դատարանում գործերի քննության համար սահմանված կանոններով:

2.Վերաքննիչ բողոքի հիմքերը, փաստարկներն ու պահանջը.
Բողոքի հեղինակը` պաշտպան Ա.Ղարագյոզյանը, բերված վերաքննիչ բողոքում նշել է, որ Դատարանը, գործի օրինական, հիմնավորված և արդարացի լուծման համար նշանակություն ունեցող ապացույցներն ու հանգամանքները բազմակողմանի, լրիվ, և օբյեկտիվ քննության չառնելով, դրսևորելով կողմնակալություն, ակնհայտորեն հանդես գալով մեղադրանքի կողմում, հիմնվելով ոչ թե դատական քննության ընթացքում գործի հանգամանքների հետազոտման արդյունքների դատաքննության ժամանակ հետազոտված հավաստի ապացույցների, այլ մեղադրանքի կազմում ներառված սուբյեկտիվ և անթույլատրելի ապացույցների և ենթադրությունների վրա, քրեական գործով ամբաստանյալ Ա.Առաքելյանի մեղավորության մասին չփաստարկված բոլոր կասկածներն անթույլատրելիորեն մեկնաբանելով մեղադրանքի օգտին, դատական վիճաբանությունների ընթացքում իր կողմից պաշտպանական ճառով քրեական գործով մեղադրանքի հիմքում դրված ապացույցների անթույլատրելիությունն ու ոչ վերաբերելիության հաստատելու միջնորդություններն անտեսելով, անգամ այդ մասին դատավճռում որևէ բառ չներառելով, դատավճռում տառացիորեն արտատպելով նախաքննության ընթացքում քրեական գործով տուժողների ոչ օբյեկտիվ, իրար հակասող ցուցմունքները, ըստ էության այդ վկաների և տուժողների կապն իր պաշտպանյալի հետ` կապ չունենալու հանագամանքով, խախտել է ՀՀ սահմանդրության 18-րդ, 19-րդ, ՀՀ քրեական դատավարության օրենսգրքի 7-րդ, 8-րդ, 17-րղ, 18-րդ, 23-րդ, 25-րդ, 105-րդ, 104-րդ, 107-րդ, 124-127-րդ, 360-րդ, 365-րդ, ՀՀ քրեական օրենսգրքի 3-րդ, հոդվածի, 8-րդ, 10-րդ հոդվածները, ՄԻԵԿ-ի 6-րդ հոդվածը, որոնք հանգեցրել են ՀՀ քրեական դատավարության օրենսգրքի 358-րդ հոդվածի պահանջների չհամապատասխանող, չհիմնավորված և չպատճառաբանված դատական ակտի կայացմանը։
Քրեադատավարական օրենքի վերը նշված խախտումների հետևանքով Դատարանը թույլ է տվել դատական սխալ` ՀՀ քրեական դատավարության օրենսգրքի 397-րդ հոդվածով նախատեսված քրեական օրենքի ոչ ճիշտ կիրառում, այսինքն` կիրառել է ՀՀ քրեական օրենսգրքի 225-րդ հոդվածի 2-րդ մասրը, քանի որ իր պաշտպանյալի գործողություններում բացակայում էր զանգվածային անկարգությունների մանսակցությունը, որոնք ենթակա էին կիրառման, ինչպես նաև ՀՀ քրեական դատավարության օրենսգրքի 398-րդ հոդվածով նախատեսված քրեադատավարական օրենքի էական խախտում, որպիսիք ազդել են գործի ելքի վրա և հանգեցրել ՀՀ քրեական դատավարության օրենսգրքի 358-րդ հոդվածի պահանջներին չհամապատասխանող` անօրինական, չհիմնավորված և չպատճառաբանված դատական ակտի կայացման։
Դատարանը գտել է, դատական քննությամբ հաստտաված հանգամանքներն հիմնավորվում է` հետևյալ ապացույցներով,
Տուժող ոստիկաններ` Սմբատ Գաբրիելյանի, Գուրգեն Ավետիսյանի, Նարեկ Թադևոսյանի ցուցմունքներով, ոստիկանության աշխատակից վկաներ` Արման Ասլանյանի, Վահան Հովհաննիսյանի, Ռաֆայել Մնացականյանի, Մանվել Բաղդասարյանի, Գուրգեն Մկրտչյանի ցուցմունքներով, և տուժողի առողջության պատճառված դատաբժշկական փորձաքննության եզրակացությունով, իբրև վերջիններս ստացել են մի շարք մարմնական վնասվածքներ:
Նշել է, որ Դատարանի վերը նշված ապացույցները որևէ կապ չունի իր պաշտպանյալի հետ, քանի որ քրեական գործով վերը նշված վկաները և տուժողնրից որևէ մեկը թե նախաքննության փուլում և թե դատարանում ցուցմունք տալու ժամանակ ոչ մեկը նրանցից չի մատնանշել, որ Արման Առաքելյանն իրենց նկատմամբ բռնություն գործադրի կամ հարվածներ հասցնի: Իսկ եթե քրեական գործով չի հիմնավորվել, որ տուժողներից որևէ մեկի նկատմամբ բռնություն է գործադրել, այդ իսկ պատճառով տրամաբանական չէր մեղադրանքի հիմքում հաստատված համարելու, որ տուժողների և վկաներին պատճառված վնաս պատճառել է Ա.Առաքելյանի կողմից:
Եվ վերաբերելի չէ, այն ապացույցները սույն քրեական գործի համար, քանի որ ուրիշների կատարած գործողությունների համար Արման Առաքելյանը չի կարող պատասխանատվության ենթարկվել։
Ըստ բողոքաբերի` Դատարանը խախտել է ՀՀ քրեական դատավարության օրենսգրքի 127-րդ հոդվածի պահանջները, համաձայն որի` յուրաքանչյուր ապացույց ենթակա է գնահատման` վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից։ Իսկ տուժողների առողջության պատճառված վնասի կապն իր պաշտպանյալի հետ որևէ կապ չունի, այսինքն` վերաբերելի ապացոյց և թույլատրելի ապացույց չի կարող համարվել վերը նշված անձանց ցուցմունքները և դատաբժշկական փորձաքննության եզրակացությունները։
Իսկ ինչ մնում է զանգվածային անկարգությունների կատարմանը քաղաքացիների կողմից, ոստիկանության աշխատակիցների ցուցմուքնները պարզապես հակասում են ՀՀ վճռաբեկ դատարանի Սոնյա Բալաբեկյանի վերաբերյալ գործով վճռաբեկ դատարանի 2005 թվականի հուլիսի 22-ի որոշմամբ արտահայտված դիրքորոշումը, համաձայն որի` <<գործի ելքով շահագրգռված անձի ցուցմունքները, առանց դրանք հաստատող օբյեկտիվ ապացույցների առկայության, բավարար չեն հանգելու այն հետնության, որ հանցագործության դեպքը տեղի է ունեցել։ Իսկ այդ դեպքում, որևէ օբյեկտիվ ապացույց չկա, որ Արման առաքելյանը բռնություն գործադրի կամ հարվածներ հասցնի քրեական գործով տուժող ճանաչված ոստիկաններին, կամ դեպքի վայրում ծառայություն իրականացնող ոստիկանության աշխատակիցների նկատմամբ։
Այսպես. Դատարանը դատավճռի իրավական վերլուծության մասում նշել է, որ վերլուծելով ամբաստանյալ Ա.Առաքելյանի առաջադրված մեղադրանքը, նրա տուժողների և վկաների ցուցմունքները և գործով ձեռք բերված մյուս ապացույցները, ներքին համոզմամբ՝ գտնում է, որ ամբաստանյալ Ա.Առաքելյանի կողմից մեղավորությամբ, զանգվածային անկարգությունների ժամանակ, որպես անկարգությունների մասնակից բռնություն գործադրելն ապացուցված է։
Դատարանի նշված փաստարկերը չհիմնավորված է, քանի որ Դատարանը դատական նիստի առաջին օրվանից հանդես չի եկել որպես օբյեկտիվ դատավոր, Դատարանն այնքան կանխակալ է եղել պաշտպանական կողմի նկատմամբ, որ թույլ է տվել այնպիսի արտահայտություն, որն անթույլատրելի է։
Թեպետ պաշտպանի միջնորդությունն անհիմն է, սակայն այն բավարարում է` դրանով Դատարանը բացահայտ ցույց է տվել իր կանխակալ վերաբերմունքը պաշտպանական կողմից նկատմամբ:
Հայտնել է, որ եթե անգամ Արման Առաքելյանը կատարած լիներ այն բոլոր գործողությունները, ապա նույնիսկ այդ դեպքում նրա արարքը չէր կարող որակվել ՀՀ քրեական օրենսգրքի 225-րդ հոդվածի 2-րդ մասով նախատեսված հանցագործություն։
Զանգվածային անկարգությունների բացակայության պայմաններում Ա.Առաքելյանը պազրապես չէր կարող մասնակցել դրան։ Եթե նույնիսկ վարույթն իրականացնող մարմինը գտնի, որ զանգվածային անկարգություններն այնուամենայնիվ տեղի են ունեցել, ապա պետք է ապացուցեր, թե կոնկրետ Ա.Առաքելյանն ինչ գործողություներ է կատարել, որը այդպես էլ վարույթն իրականացնող մարմինը չի կարողացել հիմնավորել, և Դատարանն էլ նույնը կրկնել է:
Այսպես. ըստ մեղադրական եզրակացության` Ա.Առաքելյանը բռնություն է գործադրել, առարկաներ է նետել, ինչպես նաև` ձեռքերով և ոտքերով հարվածներ է հասցրել ոստիկաններին։ Սակայն վերը նշվածը վարույթն իրականացնող մարմինը քրեական գործով չի ապացուցել, որ ամբաստանյալ Ա.Առաքելյանը որևէ մեկի ուղղությամբ առարկաներ նետած լինի, այսինքն` ի սկզբանե մեղադրանքի ձևակերպումը սխալ է եղել։
Զանգվածային անկարգության հասկացությունը, համաձայն որի` զանգվածային անկարգություն է համարվում բռնության, ջարդերով, հրկիզումներով, գույքը ոչնչացնելով կամ վնասելով, հրազեն պայթուցիք նյութեր կամ պայթուցիկ սարքեր գործադրելով կամ իշխանության ներկայացուցչի և զինված դիմադրություն ցույց տալով արտահայտված մեկից ավելի անձանց գործողությունները, որոնց հետևանքով վտանգվում է հասարակական անվտանգությունը։
Նշել է, որ զանգվածային անկարգություններն առկա են միայն այն դեպբում. երբ ի սկզբանե ուղեկցվում են բռնությամբ, ջարդերով, հրկիզումներով, գույքը ոչնչացնելով կամ վնասելով։
Այդ պատճառով որպես զանգվածային անկարզություններ չեն կարող որակվել ամբոխի այնպիսի գործողությունները, որոնք թեև խախտում են հասարակական կարգը, սակայն չեն ուղեկցվում նշված արարքներով: Այսինքն, եթե վերը նշված գործողությունները չի կատարվել քաղաքացիների կողմից, հարց է առաջանում, արդյոք քաղաքացիները դիտավորություն ունեցել են զանգվածային անկարգությունների մեջ մասնակցելու, այսինքն` մասնակցել այնպիսի գործողությունների, ինչպիսիք են` բռնություն, ջարդեր, հրկիզումներ, գույք ոչնչացնել, պայթուցիկ նյութեր կամ պայթուցիկ սարքեր ցործադրելով, կամ իշխանության ներկայացուցչին զինված դիմադրություն ցույց տալով։
Բռնությունը ենթադրում է քաղաքացիների նկատմամբ կամ իշխանության ներկայացուցիչների նկատմամբ ֆիզիակական կամ հոգեկան հարկադրանքի գործադրում։
Ջարդերը ենթադրում են գույքի /տրանսպորտային միջոցների, կապի, խանութների ոչնչացում կամ վնասում/։
Հրազեն, պայթուցիկ նյութեր կամ պայթուցիկ սարքեր գործադրելը ենթադրում է դրանց գործադրումը, ըստ նպատակային նշանակության` կյանքից զրկելու, առողջության վնաս պատճառելու և այլն: Հակառակ դեպքում` քննարկվող հատկանիշը բացակայում է:
Քննարկվող հանցագործության սուբյեկտիվ կողմը բնութագրվում է ուղղակի դիտավորությամբ: Բռնությունը, ջարդերը, իշխանության ներկայացուցչին զինված դիմադրություն ցույց տալը, և մյուս գործողությունները ենթադրվում է ուղղակի դիտավորությամբ։
Հետևաբար` վարույթն իրականացնող մարմինը բոլոր դեպքերում չի կարող որակել որպես զանգվածային անկարգության մեջ մասնակից Ա.Առաքելյանին, քանի դեռ վարույթն իրականացնող մարմինը չէր պարզել դեպքի ընթացբքում Ա.Առաքելյանի գործողությունների շաբրժառիթը, թե արդյոք նա ի սկզբանե պլանավորված եկել է զանգվածային անկարգության մանակցելու, թե ոչ։ Դրանից բացի` վարույթն իրականացնող մարմինը չի հիմնավորել, որ ամբաստանյալ Ա.Առաքելյանը եղել է զինված և զինված դիմադրություն կամ բռնություն է կիրառել ոստիկանության ներկայացուցչի նկատմամբ։
Նշել է, որ Դատարանը չի անդրադարձել վերը նշված հարցին, իրավական գնահատական չի տվել, թե արդյոք զանգվածային անկարգություններն առկա են եղել, թե ոչ
Քանի, որ զանգվածային անկարգությունը կատարվում է այն ժամանակ, երբ ամբոխը կիրառում է բռնություն, ջարդեր, հրկիզումներ, որն ըստ էության տեղի չի ունեցել 2016թ. հուլիսի 20-ին։ Հրկիզումները, գույքը ոչնչացնելը, կատարվել է ոստիկանության ներկայացուցիչների կողմից, քանի որ կիրառվել է հատուկ միջոց, որի հետևանքով վնասվածքներ են ստացել մի շարք քաղաքացիները, ստացել են այրվածքներ և այլ վնասվածքներ։ Ի դեպ հատուկ միջոց կիրառելուց առաջ ոստիկանությունը հավաքի մասնակիցներին առնվածր 3 անգամ պետք է նախազգուշացներ, որ կիրառելու են հատուկ միջոց և պետք է ժամանակ տրամադրեին, որ քաղաքացիները լքեին տարածքը, սակայն առանց զգուշացնելու և ժամանակ տրամադրելու ոստիկանությունը կիրառել է հատուկ միջոց, որի հետևանքով մի շարք քաղաքացիներ ստացել են մարմնական վնասվածքներ։
Ի վերջո այն ոստիկանները, որոնք սույն քրեական գործով ճանաչվել են տուժող, Դատարանում հարցաքննության ժամանակ, ցուցմունքներ են տվել այն մասին, որ չեն տեսել որ Ա.Աոաքելյանը որևէ ոստիկանի հարվածի կամ բռնություն գործադրի, իսկ պաշտպանական կողմի հարցին, 2016թ. հուլիսի 20-ին, երբ, որ հավաքի մասնակիցները հավաքվում էին, որդյոք իրենց ձեռքին արգելված իրեն` փայտեր, ձողեր քարեր տեսել են, թե ոչ։ Տուժող ոստիկանները պատասխանել են, որ հավաքի մասնակիցների ձեռքին չեն տեսել արգելված առարկաներ։
Այսինքն` սույն քրեական գործով տուժող ճանաչված անձիք իրենց ցուցմունքներով հերքել են, որ տեղի է ունեցել զանգվածային անկարգություն, քանի որ ի սկզբանե հավաքը կրել է խաղաղ բնույթ։ Այսինքն` խորենացի փողոցում հավաքված քաղաքացիներից ոչ մեկը իրար չեն ճանաչել, նախապես հանցավոր համագործակցության չեն եկել, որ գնալու են զանգվածային անկարգության մասնակցեն, նախապես արգելված առարկաներ ձեռք չեն բերել, այլ մանակցել են Խորենացու փողոցում խաղաղ հավաքին, այնտեղ են գտնվել <<Սասնա ծռերի>> խմբավորման անդամները, և քաղաքացիներ են հավաքվել, որ ոստիկանությունը չսպանեին ՊՊԾ գնդում գտնող անձանց։
Իսկ Դատարանը տուժողների ցուցմունքները մեկնաբանել է միակողմանի և տուժող ճանաչված անձանց ցուցմունքների միայն այն մասն է նշել դատավճռի մեջ, որն իրեն ձեռք էր տալիս ապօրինի դատավճիռը հիմնավորելու համար։
Արման Առաքելյանը դատաքննության ժամանակ իր ցուցմունքով հերքել է այն փաստը, որ տեղի է ունեցել զանգվածին անկարգություն։ Ցուցմունք տալով այն մասին, որ նա զբաղվում է բնակարանների վերանորգման աշխատանքով և այդ օրը տվյալ վայրից մոտավորապես 20-25 մետր հեռավորության վրա աշխատում էր, գործը ավարտել և ուզեցել է գնալ տուն, սակայն տեսնելով, որ քաղաքացիները հավաքվել են, հետաքրքրությունից ելնելով մոտեցել է հավաքի մասնակիցերին և կանգնել է քաղաքացիերի կողքին, որից մի քանի րոպե հետո ոստիկանների և քաղաքացիների միջև սկսկվել է բախում։ Բախման հիմնական պատճառը եղել է, որ քաղաքացիները ցանկանում էին հաց փոխանցեին ՊՊԾ գնդում գտնվող անձանց, իսկ ոստիկանները արգելելու են: Հավաքի մասանկիցերի միջև կային քաղաքացիական հագուստով ոստիկաններ, որոնք բախումներ էին հրարում քաղաքացիների և ոստիկանների միջև։ Երբ սկսկվել է բախում, Ա.Առաքելյանը ձեռքերը պարզել է վերև և հանգստացրել է, որ ոչ մի քաղաքացի չհարվածի ոստիկաններին, որի ընթացքում ոստիկանական շղթայի կողմից Ա.Առաքելյանի ուղղությամբ նետվել են շիշ ու մահակներով մի քանի հարված է ստացել, որից հետո նա փորձել է պաշտպանվել։ Արման Առաքելյանն իր ցուցմունքով հայտնել է, երբ նա գնացել է Խորենացի փողոց, հավաքը կրել է խաղաղ բնույթ և ոչ մի քաղաքացու ձեռքին չի եղել արգելված իրեր և այլ առարկաներ և հավաքը կրել է խաղաղ բնույթ։ Քաղաքացիների կողմից ոչ մի բռնության կոչեր չի հնչեցվել։
Իսկ այն, որ Արման Առաքելյանն իր վերջին խոսքի ժամանակ մեղքը ընդունել է և զղջացել է կատարածի համար, դա դեռ չի նշանակում, որ Դատարանը պետք է մեղադրական դատավճիռ կայացներ։ Դատարանը խորհրդակցական սենյակում պետք է քննարկեր այն հարցը, թե արդյոք ապացույցերը բավարարել են Արման Առաքելյանին մեղավոր ճանաչելու համար, թե ոչ:
Այսպես. նախաքննական մարմնի կողմից ամբաստանյալ Ա.Առաքելյանին մեղադրանք է առաջադրվել և մեղսագրվել այնպիսի արարքը, որը դրսևորում է հասարակական անվտանգությունը վտանգած բռնությամբ, ջարդերով, գույք ոչնչացնելով և վնասելով արտահայտված զանգվածային անկարգությունների ընթացքում ոչնչացնելով և վնասելով արտահայտված զանգվածային անկարգությունների ընթացքում ոստիկանության աշխատակիցների նկատմամբ բռնություն գործադրելը։
Սակայն անհասկանալի է և ակնառու չէ այն հանգամանքը, թե Դատարանը մեղադրանքի հիմքում կիրառելով տվյալ քրեաիրավական նորմը սույն քրեական գործում առկա որ փաստական հանգամանքների հետ է համադրվել և արդյոք Արման Առաքելյանի գործողությունները բխում են վերջինիս մեղսագրվող արարքի իրավական հիմքում դրված հանցակազմի բովանդանությունից։
Սույն քրեկան գործի փաստերից և Դատարանի կողմից մեջբերված քրեաիրավական նորմերի օբյեկտիվ համադրումից անհասկանալի է մնում, թե ինչով է դրսևորվել հասարակական անվտանգությունը վտանգված բռնությամբ, ջարդերով, գույքը ոչնչացնելով և վնասելով արտահայտված զանգվածային անկարգությունների ընթացքում ոստիկանության աշխատակիցների նկատմամբ բռնություն գրծադրելը։
Անհասկանալի է մնում այն հանգամանքը, որ ինչպես անհիմն կերպով նշում է նախաքննական մարմինը, որ ամբաստանյալ Ա.Առաքելյանին որոշակի գործողությունների հետևանքով տուժել են ոստիկանության աշխատակիցները, ապա ինչու նման պարագայում չի պարզաբանվել և կոնկրետացվել, թե ոստիկանության աշխատակիցներից կոնկրետ ովքեր են բռնության ենթարկվել և ինչու սույն քրեական գործի շրջանակներում չի պարզվել նրանց ինքնությունը, իսկ Դատարանն էլ ընդհանրապես իրավական գնահատական չի արժանացրել այս հարցին։
Ըստ բողոքաբերի` եթե նույնիսկ նախաքննական մարմնի կողմից անհիմն կերպով մեղադրանքի շրջանակներում նշել են այն օրեսդրական հիմքերը, որը ձևական է նշվել, իրականում հավաքի ժամանակ ջարդեր և հրկիզումներ տեղի չի ունեցել, ապա նման դեպքում էլ վերջինիս կողմից թույլ է տրվել իրավական անորոշակիրություն, այսինքն` պարզ չէ, թե կոնկրետ ինչումն է մեղսագրվում ամբաստանյալ Ա.Առաքելյանը, և չի երևում թե ինչ է ի նկատի ունեցել նախաքննական մարմինը մեղադրանքի հիմքում դնելով մի շարք օրենսդրական ձևակերպումներ:
Վերլուծելով վերը շարադրվածը` պաշտպանը հանգում է այն եզրակացության, որ իր պաշտպանյալին առաջադրվել է վերացական մեղադրանք, որում շարադրված են վերացական փաստական հանգամանքներ, ավելին` դրանց կատարումն իր պաշտպանյալի կողմից չի հիմնավորվել:
Ըստ բողոքաբերի` Դատարանը խախտել է ՀՀ քրեական դատավարության օրենսգրքի 17-րդ հոդվածի 3-րդ մասի պահանջը, հանդես է եկել որպես մեղադրանքի կողմ, իրականում արդարադատություն չի արականացել, միայն դատավճռում ցույց է տվել այն փաստերը, որոնք ըստ էության որևէ կապ չի ունեցել իր պաշտպանյալի հետ։
Այսպիսով, ըստ մեղադրանքի ձևակերպման` նկարագրված զանգվածային անկարգությունենրի ժամանակ դրա անմիջական մասնակից Ա.Առաքելյանը բռնություն է գործադրել` առարկա նետել, ինչպես նաև ձեռքերով և ոտքերով հարվածներ է հասցրել իրենց ծառայողական պարտականությունները կատարող, իշխանության ներկայացուցիչ հանդիսացող ոստիկանության աշխատակիցների վրա, ինչի հետևանքով վերջիիններս ստացել են տարբեր բնույթի աստիճանի մարմնակաև վնասվածքներ։
Նախաքննական մարմնի կողմից գործով որպես ապացույց է ճանաչվել և օգտագործվել լազերային սկավառակի վրա պարունակող տեսաձայնագրությունը, ինչպես նաև զննության արձանագրությունը, որոնց ուսումնասիրությունից երևում է, որ ամբաստանյալ Ա.Առաքելյանը <<տեսագրության 4-րդ վարկյանին ձեռքի առարկան նետում է ծառայություն իրականացնող ոստիկանության աշխատակցի վրա>>, սակայն Դատարանում զննելով այդ տեսաձայնագրությունը, այդպես էլ դատավարության մասնակիցներին պարզ չի դարձել, թե ինչ առարկայի մասին է խոսքը, քանի որ նման բան տեսանելի չէ տեսաձայնագրության մեջ։
Դատաքննության ժամանակ Ա.Առաքելյանը ցուցմունք է տվել այն մասին, որ ինքն անկարգություններ չի արել և չի մասնակցել:
Բողոքաբերը` համադրելով տեսաձայնագրությունը, իր պաշտպանյալի դատաքննության ցուցմունքը, փորձագետի եզրակացությունները, գտել է, որ ամբաստանյալ Ա.Առաքելյանը մեղադրվում է այնպիսի արարք կամ գործողության կատարման համար, որոնց կատարումը նրա կողմից չի կատարել, ինչի արդյունքում վերջինիս առաջադրված մեղադրանքի ձևակերպման մեջ ներառված են գործողություններ, որոնք նա չի կատարել և ներառված են թվով 46 ոստիկանության վնասվածք ստացած աշխատակից և պատճառված 9.641.760 ՀՀ դրամ արժողությամբ վնաս, որը նրա գործողությունների արդյունքում չէր կարող պատճառվել։
Այսպիսով, վերը նշված պատճառաբանությունների լույսի ներքո և քրեական գործի նյութերի ուսումնասիրությունից պետք է փաստել, որ ամբաստանյալ Ա.Առաքելյանի գործողություններում բացակայում է ՀՀ քրեական օրենսգրքի 225-րդ հոդվածի 2-րդ մասի հանցակազմի հատկանիշերը, քանի որ մինչև դատաքննության ավարտը չի պարզվել, թե ովքեր են այն հավանական տուժողը կամ տուժողները, որոնց նկատմամբ ենթադրյալ բռնություն է գործադրել իր պաշտպանյալը, չեն կատարվել համապատասխան քննչական և օպերատիվ հետախուզական գործողություններ` պարզելու և հայտնաբերելու ենթադրյալ տուժողներին:
Սակայն Դատարանն անուամենայնիվ հաշվի չառնելով վերը նշված հիմնավորումները, իր պաշտպանյալին մեղավոր է ճանաչել և դատապարտել 3 /երեք/ տարի ազատազրկման:
Այսպես. նախաքննություն իրականացնող մարմնի կողմից սույն քրեական գործի քննության շրջանակներում չի ներկայացվել որևէ ապացույց առ այն, որ իր պաշտպանյալի գործողությունների արդյունքում որևէ անձ տուժել է։ Ներկայացված մեղադրանքով անհնար է անձին ենթարկել քրեական պատասխանատվության այն դեպքում, երբ ոստիկանին հարվածելը քրեական հանցագործություն չի համարվում, քանի որ ըստ հետևանքի` այդ հարվածի արդյունքում ոչ մի ոստիկան մարմնական վնասվածք չի ստացել։
Սույն գործի փաստերը բողոքաբերին հիմք է տվել պնդելու, որ Ա.Առաքելյանի գործողություններից որևէ անձ չի տուժել:
Ա.Առաքելյանի վերաբերյալ քրեական գործի նյութերը վկայում են այն մասին, որ քրեական գործում ներգրավված որևէ տուժողի անմիջականորեն վնաս չի պատճառվել, որևէ մեկը չի մատնանշել և չէր էլ կարող մատնանշել, որ Ա.Առաքելյանի գործողությունների հետևանքով իրեն պատճառվել է վնաս։ Ա.Առաքելյանի ուղղակի գործողությունների արդյունքում չի վնասվել և չէր կարող վնասվել որևէ անձ, քանի որ այն իրականացնողը նպատակ չի ունեցել բռնություն գործադրելու կամ գույք ոչնչացնելու կամ վնասելու։
Քրեական գործում առկա ապացույցների վերաբերյալ պաշտպանական կողը հայտնում է, որ 30,08,2016թ. իրեղեն ապացույց ճանաչված Արման Առաքելյանի բնակության վայրից հայտնաբերված վերնաշապիկը որևէ առնչություն չի կարող ունենալ դեպքի և իր պաշտպանյալի հետ, քանի որ չկա համապատասխան ապացույց կամ փորձագետի եզրակացություն, որով կհիմնավորվեր, որ այդ վերնաշապիկը կարող է պատկանել իր պաշտպանյալին։
Ինչ վերաբերում է 30.08.2016թ. ապացույց ճանաչված ՀՀ ոստիկանության ՔԳՎ-ից ստացված տեսաձայնագրություն պարունակող լազերային կրիչին, նշել է, որ այն չի կարող թույլատրելի և վերաբերելի ապացույց համարվել, քանի որ չկա դրա վերաբերյալ համապատասխան դատահամակարգչային փորձաքննություն նշանակելու մասին որոշում և փորձագետի եզրակացություն։
Թեպետ տեսանյութը վարույթը իրականացնող մարմնին իբրև տրամադրել է ոստիկանւթյան ՔԳՎ-ի կողմից, սակայն անհայտ է ապացույց աղբյուրը, իսկ տեսանյութի վրա չկա նշված տարեթիվ, ամիս օր, այդ տեսանյութը դիտելով պաշտպանական կողմի համար, չարզ չի դարձել, թե դա որ օրվան են վերաբերում, քանի որ Խորենացի փողոցում տեղի է ունեցել բազմաթիվ զանգվածային միջոցառումներ, և վարույթն իրականացնող մարմինն էլ չի ապացուցել, թե դա որ օրվա և որ տարվա տեսանյութ է, ըստ էության վարույթն իրականացնող մարմինը չի ապացուցել, որ այդ տեսանյութը վերաբերվում է 2016թ. հուլիսի դեպքերին, ինչը նշանակում է, որ այն ձեռք է բերվել չբացահայտված աղբյուրից, սակայն Դատարանն այդպես էլ անթույլատրելի ապացույցը դրել է դատավճռրի հիմքում, որի արդյունքնում խախտվել է ՀՀ քրեական դատավարության օրենսգրքի 105-րդ հոդվածի 1-ին մասի 7-րդ կետի պահանջը:
Բողոքաբերի կարծիքով` Դատարանի դատավճիռը հակասում է ՀՀ քրեական օրենսգրքի 8-րդ հոդվածին, համաձայն որի` անձը ենթակա է քրեական պատասխանատվության միայն անձամբ իր կատարած արարաքի համար։ Արման Առաքելյանին փաստորեն վերագրվում է այնպիսի գործողություն, որն իր կողմից չի կատարվել, իսկ քրեական գործում չկա այնպիսի փաստական տվյալ կամ ապացույց, որ այդ ենթադրյալ տուժողների մարմնական վնասվածքները հասցված լինի իր պաշտպանյալի կողմից։
Դատարանը խախտել է Արման Առաքելյանի արդար դատաքննության իրավունքը, դատավճռում անդրադարձել է այնպիսի վկայի ցուցմունքին, որը համարվում է անթույլատրելի ապացույց։
Մասնավորապես էլմիրա Հովհաննիսյանը, իր վկայության ժամանակ, հայտնել է. որ իրեն ներկայացրած տեսագրության մեջ, ինքը ճանաչել է Արման Առաքելյանին։ Արմանի հագին կար սև կարճաթև շապիկ, նա ձեռքերով հարվածում էր ոստիկանության աշխատակիցներին, փորձում էր խլել ոստիկանության աշխատակցի վահանը։
Ինչպես նախաքննության փուլում, այնպես էլ դատաքննության փուլում պաշտպանական կողմին հնարավորություն չի ընձեռնվել, որպեսզի Արման Առաքելյանը միևնույն պայմաններով հարցաքննի իր դեմ ցուցմունք տված անձին, այս պարագայում Էլմիրա Հովհաննիսյանին, որն իր դեմ ցուցմունք էր տվել։ Այսինքն` Արման Առաքելյանը զրկված է եղել իր իրավունքից, այն է` առերես հարցեր տալու այն անձին, ով իր դեմ ցուցմունք է տվել։
Սակայն պաշապանական կողմը դատաքննությունը լրացնելու փուլում, միջնորդություն է ներկայացրել վերը նշված անձի ցուցմունքն անթույլաարելի ճանաչելու մասին, սակայն Դատարանն անհիմն ձևով մերժել է պաշտպանական կոմղի միջնորդությունը։
Թեպետ Արման Առաքելյանը նախաքննության փուլում ցուցմունք չի տվել, և օգտվելով իր դատավարական իրավունքից, հրաժարվել է ցուցմուևք տալ, այնուամենայնիվ նախաքննության փուլում վարույթն իրականացնող մարմինը պարտավոր է Արման Առաքելյանի և վկա էլմիրա Հովհաննիսյանի միջև անցկացներ առերեսում, ապահովելով մեղադրյալի հարցեր տալու իրավունքը։
Ըստ բողոքաբերի` խախտվել է Արման Առաքելյանի ՄԻԵԿ-ի 6-րդ հոդվածով երաշխավորված արդար դատաքննության իրավունքը` թե նախաքննության փուլում, եթե դատաքննության փուլում չի ապահովվել, որ Արման Առաքելյանը հակըննդեմ հարցման ենթարկի այն վկայի, ով իր դեմ մեղադրական ցուցմունք է տվել։
Նշել է, որ միակ ապացույց և ցումցմունքը սույն քրեական գործով դա վկա էլմիրա Հովհաննիսյան ցուցմունքն էր Արման Առաքելյանի դեմ:
էլմիրա Հովհաննիսյանն ի սկզբանե չի իմացել, թե ինչ դատավարական կարգավիճակով է կանչվում քննչական կոմիտե, և չի իմացել, թե որ գործով։ Իսկ ՀՀ քրեական դատավարությունում հստակ սահմանվում է վկայի հարցաքննության կանչելու կարգը, որը քննիչի կողմից չի պահպանվել, և անձը ՀՀ քննչական կոմիտե է կանչվել հեռախոսազանգով:
Նշել է, որ քննիչը կատարել է այնպիսի գործողություն, որը քրեական դատավարության օրենսգրքով նախատեսված չէ, այսինքն` գործողությունը կատարվել է քննչական գործողության կարգի էական խախտմամբ, որը համարվում է անթույլատրելի ապացույց։
Հիմք ընդունելով վերոգրյալ հանգամանքներն իրենց համակցությամբ, բողոքաբերը գտել է, որ դատաքննության արդյունքներով չի հիմնավորվել, որ ամբաստանյալ Ա.Առաքելյանը կատարել է հանցագործություն:
Ըստ բողոքաբերի` Դատարանն ամբաստանյալ Ա.Առաքելյանի նկատմամբ պատիժ նշանակելիս, փաստացի հաշվի չի առել վերջինիս անձը բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, մասնավորապես այն, որ ամբաստանյալ Ա.Առաքելյանը նախքան կալանավորվելն աշխատել է շինարար, նախկինում դատված չի եղել, ընդունել է մեղքը և զղջացել կատարած հանցանքի համար, հայր չունի, մայրը վատառողջ է:
Ըստ բողոքաբերի` սույ գործի շրջանակներում առկա են բոլոր երաշխիքները ամբաստանյալ Ա.Առաքելյանի նկատմամբ ՀՀ քրեական օրենսգրքի 70-րդ հոդվածի կիրառմամբ ազատազրկման ձևով նշանակված պատիժը պայմանականորեն չկիրառելու համար:
Դատարանը չի գնահատել Ա.Առաքելյանի սոցիալական էական նշանակություն ունեցող գատկանիշները, 7 ամսից ավել նրա կալանքի տակ գտնվելը, վերջինիս վարքը, հասարակության մեջ նրա իրականացրած գործունեությունը, ինչպես նաև նրա սոցիալ-բարոյահոգեբանական և քրեաիրավական բնութագրերը, որի արդյունքում էլ նշանակել է խիստ պատիժ:
Ելնելով վերոգրյալներից և ղեկավարվելով ՀՀ քրեական դատավարության օրենսգրքի 65-րդ, 70-րդ, 394-րդ, 395-րդ, 376-րդ, 380.1-րդ, 397-րդ, 399-րդ, ՄԻԵԿ-ի 6-րդ հոդվածներով` Վերաքննիչ դատարանին խնդրել է` Երևան քաղաքի Կենտրոն և Նորք Մարաշ վարչական շրջանների ընդհանուր իրավասության դատարանի 21.04.2017 թվականի դատավճիռը` Արման Առաքելյանի վերաբերյալ` բեկանել, վերջինիս ճանաչել և հռչակել անմեղ, իսկ դրա անհնարինության դեպքում ազատազրկման ձևով նշանակված պատիժը ՀՀ քրեական օրենսգրքի 70-րդ հոդվածի կիրառմամբ պայմանականորեն չկիրառել` սահմանելով փորձաշրջան:

3.Վերաքննիչ դատարանի պատճառաբանություններն ու եզրահանգումը.
Վերաքննիչ դատարանը` ստուգելով գործի փաստական հանգամանքների բացահայտման ու քրեական օրենքի կիրառման ճշտությունը, ինչպես նաև գործը քննելիս և լուծելիս քրեադատավարական օրենքի նորմերի պահպանումը, լսելով ամբաստանյալի և նրա շահերի պաշտպանի վերաքննիչ բողոքի հիմնավորումները, մեղադրողի պատասխան առարկությունները, ներկայացված վերաքննիչ բողոքի հիմքերի ու հիմնավորումների սահմաններում վերլուծելով քրեական գործի նյութերը, հանգում է այն հետևության, որ պաշտպան Ա.Ղարագյոզյանի վերաքննիչ բողոքը պետք է մերժել` հետևյալ պատճառաբանությամբ.
ՀՀ քրեական դատավարության օրենսգրքի 360-րդ հոդվածի համաձայն`
<<Դատավճիռ կայացնելիս դատարանը ներկայացված հաջորդականությամբ լուծում է հետևյալ հարցերը`
1) ապացուցված է արդյոք արարքը, որի կատարման մեջ մեղադրվում է ամբաստանյալը.
2) այդ արարքը համապատասխանում է արդյոք քրեական օրենսգրքի հատուկ մասի նորմերի հատկանիշներին.
3) ապացուցված է արդյոք ամբաստանյալի կողմից այդ արարքը կատարելը.
4) ապացուցված է արդյոք ամբաստանյալի մեղավորությունը տվյալ հանցանքը կատարելու մեջ և, եթե այո, ապա քրեական օրենսգրքի որ հոդվածով, մասով, կետով է նախատեսված այն.
5) ապացուցված է արդյոք ամբաստանյալի պատասխանատվությունը մեղմացնող կամ ծանրացնող հանգամանքների առկայությունը.
6) ենթակա է արդյոք պատժի ամբաստանյալն իր կատարած հանցանքի համար.
7) ինչ պատիժ պետք է նշանակվի ամբաստանյալի նկատմամբ.
8) ամբաստանյալն արդյոք պետք է կրի իր նկատմամբ նշանակված պատիժը.
(…)>>:
ՀՀ քրեական օրենսգրքի 358-րդ հոդվածի համաձայն`
<<1. Դատարանի դատավճիռը պետք է լինի օրինական և հիմնավորված:
2. Դատարանի դատավճիռն օրինական է, եթե այն կայացվել է Հայաստանի Հանրապետության Սահմանադրության, սույն օրենսգրքի և այն օրենքների պահանջների պահպանմամբ, որոնց նորմերը կիրառվում են տվյալ քրեական գործը լուծելիս:
3. Դատարանի դատավճիռը հիմնավորված է, եթե`
դրա հետևությունները հիմնված են միայն դատաքննության ժամանակ հետազոտված ապացույցների վրա.
այդ ապացույցները բավարար են մեղադրանքը գնահատելու համար.
դատարանի կողմից հաստատված ճանաչված հանգամանքները համապատասխանում են դատարանում հետազոտված ապացույցներին:
4. Դատարանի դատավճիռը պետք է լինի պատճառաբանված: Պատճառաբանման ենթակա են դատարանի կողմից դատավճռում շարադրվող բոլոր հետևությունները և որոշումները>>:
Նախաքննական մարմնի կողմից ամբաստանյալ Արման Ալբերտի Առաքելյանին մեղադրանք է առաջադրվել ՀՀ քրեական օրենսգրքի 225-րդ հոդվածի 2-րդ մասով այն բանի համար, որ <<նա` 2016թ. հուլիսի 20-ին Երևան քաղաքում տեղի ունեցած, հասարակական անվտանգությունը վտանգած բռնությամբ, ջարդերով, գույք ոչնչացնելով և վնասելով արտահայտված զանգվածային անկարգությունների ընթացքում բռնություն է գործադրել ոստիկանության աշխատակիցների նկատմամբ, որպիսի գործողություններն արտահայտվել են հետևյալում. 2016թ. հուլիսի 17-ին կազմակերված խմբի անդամները պետությանը որոշակի գործողություններ կատարելուն պարտադրելու նպատակով զինված հարձակում են գործել ՀՀ ոստիկանության Երևան քաղաքի վարչության պարեկապահակային գնդի վրա՝ զավթելով և պահելով այն։
Նույն պահից սկսած հիշյալ և հարակից տարածքներում իրավապահ մարմինները օրենքով սահմանված կարգով կազմակերպել և իրականացրել են հանցագործության բացահայտմանը, կանխմանը, ինչպես նաև պետության շահերի և քաղաքացիների անվտանգության ապահովմանն ուղղված հատուկ միջոցառումներ։
Նկարագրված միջոցառումների շրջանակներում ՀՀ ոստիկանության տարբեր ստորաբաժանումների ծառայողներ ժամանակավորապես սահմանափակել են տրանսպորտային միջոցների և քաղաքացիների երթեևկությունը Երևան քաղաքի Մովսես Խորենացու և Քրիստափորի փողոցների խաչմերուկից։
2016թ. հուլիսի 20-ին` ժամը 22-ի սահմաններում, նշված վայրում հավաքվել են բազմաթիվ անձինք, ովքեր փորձել են ներթափանցել հատուկ միջոցառումների իրականացման գոտի։
Հիշյալ վայրում ծառայություն իրականացնող ոստիկանության աշխատակիցները հավաքվածներին բազմիցս նախազգուշացրել են իրականացվող միջոցառումների և այդ վայր քաղաքացիների մուտքն արգելված լինելու մասին։
Չնայած դրան` մի խումբ անձանց հրահրմամբ սկսվել են զանգվածային անկարգություններ, որի ընթացքում դրա մասնակիցները չեն ենթարկվել նշված վայրում ծառայություն իրականացնող իշխանության ներկայացուցիչների՝ տարածքն ազատելու և առաջ շարժվելն արգելված լինելու օրինական պահանջներին, այլ վտանգելով հասարակական անվտագնությունը` բռնություն են գործադրել ՀՀ ոստիկանության աշխատակիցների նկատմամբ՝ ոտքերով, ձեռքերով, տարատեսակ առարկաներով հարվածներ են հասցրել, քարեր և այլ առարկաներ են նետել նրանց ուղղությամբ, ինչի հետևանքով նշված վայրում ծառայություն իրականացնող ոստիկանության 46 աշխատակիցներ ստացել են տարբեր աստիճանի մարմնական վնասվածքներ, վնասվել ու ոչնչացվել է ՀՀ ոստիկանությանը, Երևանի քաղաքապետարանին և տարբեր իրավաբանական անձանց պատկանող, ընդհանուր` 9.641.760 ՀՀ դրամ արժողությամբ գույքը։
Նկարագրված զանգվածային անկարգությունների ժամանակ դրա անմիջական մասնակից Արման Առաքելյանը բռնություն է գործադրել՝ առարկա նետել, ինչպես նաև՝ ձեռքերով և ոտքերով հարվածներ հասցրել ծառայողական պարտականությունները կատարող, իշխանության ներկայացուցիչ հանդիսացող ոստիկանության աշխատակիցներին>>:
Արման Ալբերտի Առաքելյանը ՀՀ քրեական օրենսգրքի 225-րդ հոդվածի 2-րդ մասով առաջադրված մեղադրանքում` նախաքննության ընթացքում որպես կասկածյալ հարցաքննվելիս, դիտելով Երևանի Խորենացու փողոցում կատարված զանգվածային անկարգությունների վերաբերյալ տեսաձայնագրությունը` հայտնել է, որ ներկայացված տեսագրությունում երևացող մոխրագույն օձիքով, սև կարճաթև վերնաշապիկով և մորուքով անձն ինքն է։
Որպես մեղադրյալ հարցաքննվելիս Արման Առաքելյանն իրեն մեղավոր չի ճանաչել և օգտվելով իր իրավունքից` հրաժարվել է ցուցմունքներ տալուց:
Առաջին ատյանի դատարանում ամբաստանյալ Արման Առաքելյանը ցուցմունքով հայտնել է, որ ինքը պատահաբար է հայտնվել դեպքի վայրում, զուտ հետաքրքրությունից դրդված: Ոստիկաններից ոմանք եղել են քաղաքացիական հագուստով, հիմնականում դրսևորել են ագրեսիվ վարքագիծ և կիրառել են հատուկ միջոցներ:
Ինքը քաղաքացիական հագուստով ոստիկաններից որևէ մեկին չի ճանաչել, սակայն ենթադրել է, որ նրանք ոստիկաններ են, քանի որ ըստ իրեն` ցուցարարների կողմից ներկայացվող պահանջների հետ կապ չունեին:
Իսկ թե ինչի համար է ժողովուրդը հարվածել ոստիկաններին` ինքը չգիտի:
Դատական քննության ընթացքում, դեպքի վերաբերյալ տեսաձայնագրության զննության ժամանակ հայտարարել է, որ տեսագրության մեջ երևացող ոստիկանների հետ ընդհարվող անձն ինքն է` կրկին շեշտելով, որ բախմանը մասնակից է դարձել ակամա, որևէ մեկին վնաս հասցնելու կամ բռնություն գործադրելու նպատակ չի ունեցել, ապա հայտնել է, որ առաջադրված մեղադրանքում իրեն լիովին մեղավոր է ճանաչում և զղջում է կատարածի համար։
Վերոգրյալից բացի` ամբաստանյալ Արման Առաքելյանի կատարած հանցանքը հիմնավորվել է նաև քրեական գործով ձեռք բերված ներքոհիշյալ հետևյալ ապացույցներով.
Տուժող Սմբատ Խորենի Գաբրիելյանի ցուցմունքներով այն մասին, որ 2014 թվականից, պայմանագրային հիմունքներով աշխատում է ՀՀ ոստիկանության զորքերի զորամասում որպես հրաձիգ։ Իր հիմնական իրավունքներն ու պարտականությունները կայանում են նրանում, որ ամեն օր Երևանի տարբեր հատվածներում, համաձայն նախապես կազմված գրաֆիկի` իրականացնում է հասարակական կարգի անվտանգության ապահովվում։ 2016թ. հուլիսի 20-ին, ժամը 19։00-ի սահմաններում, իրենց զորամասի 2-րդ գումարտակի 2-րդ վաշտի 2-րդ դասակի ոստիկանները գտնվել են Երևանի Մուրացան փողոցում և փակել այն, որպեսզի քաղաքացիները չմոտենան ՀՀ ոստիկանության ՊՊԾ գնդի հարակից տարածք։ Երևանի Խորենացու փողոցում իրականացվել է զանգվածային միջոցառում և իրենց դասակի 2-րդ մարտական խումբը ծառայություն է իրականացրել այնտեղ, որպեսզի միջոցառման մասնակիցները չկարողանան մուտք գործել հարակից տարածք։ Իրենք ծառայության են գնացել հատուկ միջոցներով` վահաններով, մահակներով և սաղավարտերով։ Նույն օրը, մոտավորապես ժամը 21։30-ի սահմաններում ՊՊԾ գնդի հարակից տարածքից լսվել են անկանոն պայթունի ձայներ, իսկ որոշ ժամանակ անց լսվել են նաև ոստիկանական հատուկ միջոցների պայթյունի ձայներ։ Հրահանգ է եղել, որ մոտակա տարածքում ծառայություն իրականացնող բոլոր աշխատակիցները տագնապով նստեն իրենց ավտոբուսը, որից հետո մեկնել են Խորենացու փողոց։ Երբ եկել են Խորենացու փողոց` տեսել է, որ խառնաշփոթ վիճակ է, ծուխ է, գետնին թափված են եղել քարեր և այլ իրեր։ Հասկացել է, որ տեղի է ունեցել բախում և իրենց տղաները կարողացել են կանխել այն։ Այդ պահին նկատել է, որ քաղաքացիների մի հատված իրենց հասցեին բարձրաձայն հայհոյանքներ տալով առաջ է գալիս դեպի ոստիկանական պատնեշը։ Նրանք միաժամանակ քարեր և այլ կոշտ իրեր են նետել իրենց ուղղությամբ։ Քանի որ խառնաշփոթ և լարված իրավիճակ է եղել` իրենք շտապել են կանգնել այն հատվածներում, որտեղ իրենց ուժերը նոսր են եղել։ Ինքը կանգնել է շենքի տակ գտնվող <<Ծիրան>> խանութի հատվածում։ Ոստիկանության պատնեշին մոտեցող անձինք անկառավարելի են եղել, գոռացել և հայհոյել են, քարեր ու կոշտ առարկաներ են նետել իրենց ուղղությամբ։ Նույն պահին, երբ ցանկացել է ձախ ոտքը առաջ դնել` ոտքի առաջ պայթել է 3 լիտր տարողությամբ տարա։ Այդ պայթյունն ու իր ոտքը դրա վրա դնելը ստացվել է միաժամանակ։ Զգացել է նավթի հոտ։ Այդ հոտն անմիջապես թափանցել է սաղավարտից ներս և ինքը ծխահարվել է, ինչի հետևանքով թուլություն է զգացել ու մի պահ նստել։ Իր վիճակի մասին մարտական խմբի հրամանատար Թորգոմ Պողոսյանը զեկուցել է ավագ Նարեկ Թադևոսյանին, ով իրեն տարել է մոտակայքում կայանված շտապ օգնության մեքենայի մոտ։ Այնտեղ իրեն ցուցաբերել են անհրաժեշտ բժշկական օգնություն և քանի որ ճնշումը բարձրացած է եղել` կատարել են ներարկում։ Իրեն ցանկացել են տանել հիվանդանոց, երբ նկատել է, որ նորից տեղի է ունենում հարձակում ոստիկանների վրա։ Ինքն առանց սաղավարտի և վահանի, միայն մահակով շտապել է գործընկերներին օգնության։ Երբ հասել է նրանց մոտ` այդ ժամանակ քաղաքացիների կողմից մեծ քար է նետվել իրենց ուղղությամբ, որը դիպել է իր աջ ոտքին` ծնկի ներքևի հատվածին։ Զգացել է ուժեղ ցավ և ստացել է վնասվածք։ Ոստիկանության աշխատակիցների օգնությամբ նստել է ծառայողական ավտոբուսը և գնացել են զորամաս, որտեղ բուժ. կետում ստացել է առաջնային բժշկական օգնություն։
Քարը նետվել է ամբոխի կողմից, իսկ ապակյա տարրան ո՞ր ուղղությունից է նետվել` չգիտի, քանի որ դրա պայթյունն ու քայլ դնելը ստացվել է միաժամանակ։ Ինքը չի տեսել, թե ովքեր են եղել նետողները և չգիտի, թե քաղաքացիների կողմից ոստիկաններին հարվածելու ժամանակ ովքեր են եղել այդ անձինք, քանի որ ինքն այդ պահին այդտեղ չի եղել և երբ ժամանել է` զանգվածային միջոցառման մասնակիցները հայհոյանքներ տալով, գոռալով, քարեր, ապակյա և այլ իրեր նետելով ոստիկանների ուղությամբ` հետ են քաշվել
Տուժող Գուրգեն Արթուրի Ավետիսյանի ցուցմունքներով այն մասին, որ 2015թ. օգոստոսից, պայմանագրային հիմունքներով ծառայության է անցել ՀՀ ոստիկանության զորքերի թիվ 1033 զորամասում որպես հրաձիգ։ 2016թ. հուլիսի 17-ին, մի խումբ զինված անձանց կողմից ՀՀ ոստիկանության ՊՊԾ գնդի գրավման հետ կապված իրենց զորամասն ուժեղացված ծառայություն է իրականացրել Երևանի Խորենացու և Քրիստափորի փողոցներում։ 2016թ. հուլիսի 20-ին, ժամը 16։00-ի սահմաններում, երբ ծառայություն են իրականացրել Երևանի Խորենացու փողոցում` իր հագին եղել է ծառայողական համազգեստ, սաղավարտ, մետաղյա պաշտպանիչ վահան և ռետինե մահակ։ Ինքը կանգնած է եղել առաջին շարքում։ Հրամանատարության կողմից իրենց հանձնարարվել է իրականացվող հակաահաբեկչության միջոցառումների շրջանակներում պահել փողոցը և թույլ չտալ այնտեղից քաղաքացիների կամ այլ անձանց մուտքը դեպի փողոց։ Ժամը 20։30-ից 21։00-ի սահմաններում, հավաքվել են քաղաքացիներ և սկսել զանգվածային միջոցառում։ Այդ ընթացքում զանգվածային միջոցառման մասնակիցները պահանջել են ոստիկանական շղթայից և շարքով կանգնած ոստիկաներից բացել փողոցը, որպեսզի սնունդ հասցնեն ՊՊԾ գնդում գտնվող զինված անձանց։ Ժամը 22։00-ի սահմաններում իրադրությունն ավելի է թեժացել, հավաքված ամբոխը մոտեցել է իրենց և պահանջել բացել շարքն ու թույլատրել մտնել փողոց։ Այդ ընթացքում ոստիկանության կողմից բազմիցս կոչեր են արվել զանգվածային միջոցառման մասնակիցներին հանգստանալ, հետ գնալ և պահպանել հասարակական կարգը։ Հավաքվածները չեն լսել իրենց հորդորներն ու կոչերը։ Նրանք ավելի են գազազել, ամբոխի միջից սկսել են հայհոյանքներ հնչեցնել իրենց հասցեին, այդ անձինք հարձակվել են իրենց վրա։ Ինքը կանգնած է եղել առաջին շարքում։ Հրահանգ է ստացել, բարձրացնել վահանը, պահել շարքը, թույլ չտալ զանգվածային միջոցառման մասնակիցներին ճեղքել իրենց շարքը և մուտք գործել փակված փողոց։ Ամբոխը մոտենալով իրենց շարքերին և չլսելով իրենց օրինական պահանջները` սկսել է զանգվածային անկարգությունները։ Ամբոխի միջից մի խումբ անձինք սկսել են ձեռքերով և ոտքերով հարվածել իրենց, քաշքշել իրենց վահանները` փորձելով վերցնել դրանք, նաև փորձել են շարքից հանել իրենց։ Նրանք սկսել են քարեր և տարբեր առարկաներ նետել իրենց վրա, իսկ իրենք կանգնած են եղել շարքում և պաշտպանվել են։ Իրենց վրա հարձակված քաղաքացիներին չեն հարվածել։ Ամբոխի կողմից անկարգություններն ու բռնությունները տևել են մոտ 30-40 րոպե։ Այդ ընթացքում ամբոխի միջից իրենց շարքի վրա հարձակված անձանցից մեկը, որը քաշքշել է իր վահանը` ձեռքերով և ոտքերով հարվածել է իրեն, բռունցքով հարվածներ է հասցրել ձախ ձեռքի արմունկի բազկի հատվածում, որի հետևանքով զգացել է ուժեղ ֆիզիկական ցավ։ Այլ հարվածներ չի ստացել, քանի որ պաշտպանվել է վահանով։ Տեսնելով, որ չեն դադարում զանգվածային անկարգությունները և բռնությունները` ոստիկանական ուժերն անկարգությունները դադարեցնելու համար սկսել են կիրառել հատուկ միջոցներ։ Ամբոխը սկսել է հետ նահանջել` շարունակելով քարեր և այլ առարկաներ նետել իրենց վրա, իսկ իրենք մահակներով հարվածելով վահաններին՝ առաջ են շարժվել։ Երբ ամբոխն արդեն հետ է նահանջել` ոստիկանության աշխատակիցները սկսել են զանգվածային միջոցառման մասնակիցներին բերման ենթարկել։
Զանգվածային անկարգությունների և բռնությունների ժամանակ իր ձախ թևին բռունցքով հասցված վնասի հետևանքով թևը կարմրել և այտուցվել է։ Շտապ օգնության աշխատակիցները շարքի մեջ կանգնած վիճակում թևը վիրակապել են, որից հետո շարունակել է իր ծառայությունը։ Զանգվածային անկարգություններ և բռնություններ կատարող անձանց արտաքինը չի կարող մտաբերել, քանի որ խառնաշփոթ իրավիճակ է եղել, ինքը պաշտպանվել է և դեմքը փակված է եղել պաշտպանիչ սաղավարտով։
Տուժող Նարեկ Շարայի Թադևոսյանի ցուցմունքներով այն մասին, որ 2011թ. փետրվարից ծառայում է ՀՀ ոստիկանության թիվ 1033 զորամասում որպես պայմանագրային զինծառայող և հանդիսանում է նույն զորամասի 2-րդ գումարտակի 2-րդ վաշտի ավագ։ 2016թ. հուլիսի 20-ին, ժամը 18։00-ի սահմաններում, ուժեղացված ծառայություն իրականացնելու նպատակով իր վաշտի հետ գտնվել է Երևանի Խորենացու փողոցում և տեղակայվել ՀՀ ոստիկանության ՊՊԾ գնդի մոտակայքում` թիվ 16 ավագ դպրոցի հարևանությամբ։ Հրահանգավորված են եղել չթույլատրել քաղաքացիներին մոտենալ ՊՊԾ գնդի տարածքին, քանի որ դա վտանգավոր է եղել։
Նույն օրը, ժամը 22։00-ի սահմաններում լսվել են պայթյունի ձայներ և իրենք հրահանգ են ստացել նստեով ավտոբուսները՝ շարժվել դեպի Մ. Խորենացու ու Քրիստափորի փողոցների խաչմերուկի ուղղությամբ։ Հասնելով «Ծիրան» խանութից դեպի «Ֆլեշ» ընկերության բենզալցակայան կենդանի պատ կազմած ոստիկաններին` ականատես են եղել զանգվածային անկարգությունների, մասնավորապես` այդտեղ հավաքված ժողովուրդը հարձակվել է կենդանի պատ կազմած ոստիկանների վրա, հայհոյել է վերջիններիս, ոտքերով և ձեռքերով հարվածել, քարեր, շշեր և այլ առարկաներ է նետել։ Ավտոբուսից իջնելուց հետո անմիջապես համալրել են կենդանի պատ կազմած ոստիկաների շարքերը, ինքը տեղակայվել է «Ծիրան» խանութի մոտակայքում` կենդանի պատ կազմած ոստիկաների հետնամասում։ Այդ ընթացքում ձախ ոտքի ծնկի շրջանում ստացել է մարմնական վնասվածք` իր բռունցքի չափով քարի հարվածի արդյունքում, որն իր ուղղությամբ է նետվել զանգվածային անկարգություններ կատարողների կողմից։ Իր ուղղությամբ քարը նետողին չի տեսել և չի կարող ասել, թե ով է քարով հարվածել իրեն, քանի որ խառնաշփոթ է եղել և զանգվածային անկարգությունների մասնակիցների կողմից անկանոն ձևով իրենց ուղղությամբ բազմաթիվ քարեր ու այլ առարկաներ են նետվել, ինչի արդյունքում մարմնական վնասվածքներ են ստացել նաև մի շարք այլ ոստիկաններ։ Իրենց հասցեին հայհոյանքներ հնչեցնողներին, իրենց հարվածողներին, քարեր, շշեր և այլ առարկաներ նետողներին չի կարող նկարագրել, քանի որ այդ խառնաշփոթի պահին չի ֆիքսել, թե ով ինչ գործողություն է կատարում։ Իրենց կողմ նետված առարկանները բազմաթիվ են եղել, այդ մասին են վկայել ոստիկանների վահաններին կպնող քարերի և այլ առարկաների ձայները։ Բացի այդ՝ գետնին ոտք դնելու տեղ չի եղել, քանի որ գետինը ծածկված է եղել իրենց կողմ նետված քարերով, շշերով և այլ առարկաներով։ Վնասվածք ստանալով՝ վայր է ընկել։ Ոտքն արնահոսել է։ Մեկ այլ ոստիկան օգնել է իրեն վեր կենալ։
Այդ վիճակով շարունակել է ծառայությունը նշված վայրում։
Ոստիկանների կողմից հատուկ միջոցներ կիրառելուց հետո զանգվածային անկարգություններ իրականացնողները մի պահ հետ են քաշվել, սակայն չեն հանդարտվել և մինչև լուսաբաց շարունակել են կատարել անկարգություններ, որը դրսևորվել է իրենց հասցեին հնչեցվող հայհոյանքներով և կրկին տարբեր ուղղություններից իրենց վրա քարեր, շշեր և այլ առարկաներ նետելով։ Իր տվյալներով միևնույն ժամանակ զանգվածային անկարգություններ են կատարվել նաև Տիգրան Մեծի փողոցում, որը դրսևորվել է կրկին ոստիկաների ուղղությամբ տարբեր առարկաներ նետելով և նրանց հասցեին հնչեցված հայհոյանքներով։
Վկա, ՀՀ ոստիկանության կազմակերպված հանցավորության դեմ պայքարի /այսուհետ ԿՀԴՊ/ գլխավոր վարչության աշխատակից Արման Սեյրանի Ասլանյանի ցուցմունքներով այն մասին, որ 2016թ. հուլիսի 17-ին մի խումբ զինված անձանց կողմից ՀՀ ոստիկանության ՊՊԾ գնդի տարածքը զավթելու և պահելու դեպքի հետ կապված, նույն թվականի հուլիսի 20-ին, ժամը 12։00-ից ծառայություն են իրականացրել Երևանի Խորենացու և Քրիստափոր փողոցների խաչմերուկի հատվածում, քանի որ նշված տարածքը զավթած անձանց գործողությունների և կոչերի արդյունքում նշված փողոցների խաչմերուկում հավաքվել են քաղաքացիներ, ովքեր անհիմն ու անօրինական պահանջներ են ներկայացրել։
Ոստիկանությանը հրահանգված է եղել ցուցաբերել զսպվածություն, որևէ սադրիչ գործողության չարձագանքել։ 2016թ. հուլիսի 20-ին, ժամը 20։00-ի սահմաններում հավաքվածները սկսել են բարձրախոսներով անհիմն պահանջներ ներկայացնել, այդ թվում հայտնելով, որ սնունդ պետք է փոխանցեն գնդի տարածքը զավթած խմբի անդամներին։ Ոստիկանությունը հորդորել է հավաքվածներին պահպանել հանգստություն և անհիմն պահանջներ չներկայացնել։ Հավաքված քաղաքացիների դիմաց` Խորենացու և Քրիստափոր փողոցների խաչմերուկի հատվածում« ոստիկանության զորքերի ծառայողները շղթա են կազմել՝ փակելով դեպի գունդ տանող ճանապարհը։ Հնչող կոչերից և պահանջներից ակնհայտ է եղել, որ հավաքվածները ցանկացել են ճեղքել ոստիկանական շղթան, որպեսզի առաջանան ու սնունդ փոխանցելու պատրվակով ներթափանցեն գնդի տարածք։ Ժամը 22։00-ի սահմաններում, մոտավոր դիտարկմամբ, հավաքվածների թիվը հասել է շուրջ յոթ հարյուրի։ Ոստիկանական շղթայի դիմաց խմբված մասնակիցների մեջ դիտարկել են մի քաղաքացու` մոտ 40-45 տարեկան, ալեխառը, կարճ մազերով, մուգ մաշկով, բարձրահասակ, միջին կազմվածքի, սուր քթով, ագրեսիվ հայացքով, մազերը ճակատային հատվածում քիչ թափված, այսինքն` ճակատը բաց, կարմիր, կարճաթև շապիկով։ Վերջինս հայտարարել է, որ պետք է իրենց պահանջները կատարեն, ներսում հարազատ եղբայրն է՝ <<Միայնակ գայլ>> մականվամբ։ Այդ անձին պահել են տեադաշտում՝ հետագայում համապատասխան միջոցառումներ ձեռնարկելու համար։ Ամբոխը հանկարծակի հարձակվել է ոստիկանների կողմից կազմված շղթայի վրա, սկսել ոտքերով, ձեռքերով, տարբեր տեսակի կոշտ առարկաներով, քարերով հարվածել ոստիկաններին՝ միաժամանակ հնչեցնելով բռնության կիրառման կոչեր, ոստիկանության աշխատակիցների հասցեին ուղղված հայհոյանք։ Ոստիկանության զորքերի մի շարք աշխատակիցներից խլել են վահաններ և մահակներ։ Իրենց դիտարկած անձը ևս ոտքերով ու ձեռքերով հարվածներ է հասցրել ոստիկանական շղթայում կանգնած աշխատակիցներին։ Հավաքվածների գործողությունների արդյունքում մի շարք ոստիկանության աշխատակիցներ ստացել են տարբեր վնասվածքներ։ Նկարագրված գործողությունները դադարել են միայն ոստիկանության հատուկ գործողությունների իրականացման արդյունքում։ Հավաքվածներն այս ու այն կողմ փախչելով՝ շարունակել են ոստիկանների վրա տարբեր առարկաներ ու իրեր նետել« տալ հայհոյանքներ, Տիգրան Մեծ և Նար-Դոս փողոցների խաչմերուկի մոտակա տարածքներից պոկել են մայթեզրերին ամրացված նստարարները, դրանցով և աղբամաններով փակել են փողոցի երթևեկելի հատվածը, պոկել ու վնասել են տրանսպորտի կանգառների նշանները, դետալները, որոնցով ևս փակել են փողոցները։ Այդ ընթացքում նրանք կանգնել են աղբամանների վրա, շարունակել հավաքի մասնակիցներին կոչեր անել՝ բռնություն կիրառելու և ոստիկաններին դիմադրելու մասին։ Մի խումբ երիտասարդներ հանել են իրենց վերնազգեստները, կապել գլխներին և լկտի հայհոյանքներով բռնության կոչեր արել, քարեր նետել ոստիկանների վրա։ Իրացնելով վերը նշված անձի վերաբերյալ ձեռք բերած տվյալները` պարզել են, որ նա հանդիսանում է Արարատ Եզնիկի Խանդոյանը։ Դեպքի հաջորդ օրը տեղեկություն ստանալով, որ նա գտնվում է Երևանի <<Օպերա>>-ի տարածքի <<Մեղեդի>> սրճարանում` նրան բերման են ենթարկել ՀՀ ոստիկանության Երևան քաղաքի վարչության Քանաքեռ-Զեյթունի բաժին։
Վկա, ՀՀ ոստիկանության զորքերի 1033 զորամասի 2-րդ գումարտակի շտաբի պետ Վահան Մարտինի Հովհաննիսյանի ցուցմունքներով այն մասին, որ 2016թ. հուլիսի 17-ին տագնապով մեկնել է զորամաս և տեղեկացել մի խումբ անձանց կողմից ՀՀ ոստիկանության ՊՊԾ գունդը զավթելու մասին։ Զորամասի ծառայակիցները հանդերձավորվել են համապատասխան հանդերձանքով և 2016թ. հուլիսի 20-ից ուժեղացված ծառայություն են իրականացրել Երևանի Խորենացու փողոցի վրա գտնվող ՊՊԾ գնդի հարակից տարածքներում։ Նշված օրը` ժամը 21։30-ի սահմաններում, հրամանով տեղափոխվել են Խորենացու և Քրիստափոր փողոցների խաչմերուկ։ Այդտեղ կազմակերպված է եղել զանգվածային միջոցառում, որի մասնակիցների անվտանգությունն ապահովելու նպատակով ոստիկանության այլ աշխատակիցների կողմից նախապես կազմվել է շղթա՝ նրանց մուտքը ՊՊԾ գնդի տարածք արգելելու համար։ Հասնելով նշված վայր՝ իրենց գումարտակի ոստիկանները համալրել են այդ շղթայի շարքերը, իսկ ինքը կանգնել է քիչ հետ՝ ոստիկանների գործողությունները համակարգելու համար։ Այդ ժամանակ ոստիկանական պատնեշի դիմաց հավաքված մարդիկ տարբեր կոչեր են արել, հայհոյանքներ հնչեցրել ոստիկանների հասցեին, այնուհետև մոտեցել են ոստիկանության շղթային։ Ոստիկանությունը բազմաթիվ անգամ պահանջել է հետ գնալ հատուկ պահպանվող տարածքից և ենթարկվել իրենց օրինական պահանջներին, սակայն զանգվածային միջոցառման մասնակիցները չեն ենթարկվել ու շարունակել են մոտենալ շղթային։ Ժամը 22։00-ի սահմաններում զանգվածային միջոցառման մասնակիցները հայհոյելով և վանկարկումներով հարձակվել են ոստիկանության շղթայի վրա, փորձել են ամբողջ երկայնքով ճեղքել այն և շարժվել դեպի ՊՊԾ գունդ, որի ընթացքում ձեռքերով և ոտքերով հարվածներ են հասցրել ոստիկանության աշխատակիցներին, քարեր և տարատեսակ այլ առարկաներ են նետել ինչպես շղթայում կանգնած ծառայողների, այնպես էլ իրենց ուղղությամբ։ Ոստիկանությունը կրկին կոչեր է արել զանգվածային անկարգությունները դադարեցնելու վերաբերյալ, սակայն հավաքվածները չեն ենթարկվել և ավելի են ագրեսիվացել։ Զանգվածային անկարգությունը դադարեցնելու և հասարակական կարգը վերականգնելու նպատակով ոստիկանության աշխատակիցների կողմից կազմված շղթան հրամանով առաջ է շարժվել։ Այնուհետև կիրառվել են հատուկ միջոցներ, որի արդյունքում զանգվածային անկարգության մասնակիցները սկսել են հեռանալ հատուկ պահպանվող տարածքից, չնայած` շարունակել են հեռվից քարեր և տարատեսակ այլ առարկաներ նետել իրենց ուղղությամբ։ Դրանից հետո ոստիկանության այլ ստորաբաժանման աշխատակիցները սկսել են զանգվածային անկարգությունների մասնակիցներին բերման ենթարկել։ Նշված անկարգությունների մասնակիցների գործողությունների հետևանքով բազմաթիվ ոստիկաններ ստացել են տարբեր աստիճանի մարմնական վնասվածքներ։ Զանգվածային անկարգության մասնակիցներին չի ճանաչել։
Վկա, ՀՀ ոստիկանության զորքերի 1033 զորամասի ՀԿՊ 2-րդ գումարտակի հրամանատարի տեղակալ Ռաֆայել Միշայի Մնացականյանի ցուցմունքներով այն մասին, որ 2016թ. հուլիսի 17-ին տագնապով մեկնել է զորամաս և տեղեկացել, որ մի խումբ զինված անձինք զավթել են ՀՀ ոստիկանության ՊՊԾ գունդը։ Այդ պահից սկսած, զորամասի ծառայակիցներն ուժեղացված ծառայություն են իրականացել Երևանի Խորենացու փողոցի վրա գտնվող ՊՊԾ գնդի հարակից տարածքներում և այլ վայրերում։ Նույն օրը, ժամը 22։00-ի սահմաններում, տեղափոխվել են Խորենացու և Քրիստափոր փողոցների խաչմերուկ, որտեղ հավաքվել է մարդկանց բազմություն։ Վերջիններիս անվտանգությունն ապահովելու նպատակով ոստիկանության աշխատակիցներն արգելել են հավաքվածներին մոտենալ ՊՊԾ գնդին։ Իրենց գումարտակի ոստիկանները համալրել են կազմված շղթան։ Չնայած ոստիկանության ծառայողների կողմից արված բազմաթիվ նախազգուշացումներին` հավաքվածները չեն ենթարկվել իրենց օրինական պահանջներին, հետզհետե մոտեցել են շղթային, այդ ընթացքում հայհոյանքներ տալով՝ հարձակվել են ոստիկանության աշխատակիցների վրա՝ նպատակ ունենալով ճեղքել շղթան և շարժվել դեպի ՊՊԾ գունդ։ Միաժամանակ զանգվածային անկարգությունների մասնակիցները ձեռքերով և ոտքերով հարվածներ են հասցրել ոստիկանության աշխատակիցներին, քարեր և այլ առարկաներ են նետել նրանց վրա։ Զանգվածային անկարգությունները դադարեցնելու և հասարակական կարգը վերականգնելու նպատակով ոստիկանության աշխատակիցներն առաջ են շարժվել, այնուհետև կիրառել են հատուկ միջոցներ, որի արդյունքում զանգվածային անկարգությունների մասնակիցները սկսել են հեռանալ հատուկ պահպանվող տարածքից՝ շարունակելով հեռվից քարեր և տարատեսակ այլ առարկաներ նետել իրենց ուղղությամբ։ Դրանից հետո ոստիկանության այլ ստորաբաժանման աշխատակիցները զանգվածային անկարգությունների մասնակիցներին սկսել են բերման ենթարկել։
Վկա, ՀՀ ոստիկանության զորքերի 1033 զորամասի ՀԿՊ 2-րդ գումարտակի 1-ին վաշտի հրամանատար Սամվել Վաղինակի Բաղդասարյանի ցուցմունքներով այն մասին, որ մի խումբ անձանց կողմից ՀՀ ոստիկանության ՊՊԾ գունդը զավթելու կապակցությամբ 2016 թվականի հուլիսի 17-ից իրականացրել են ուժեղացված ծառայություն։ 2016 թվականի հուլիսի 20-ին ծառայություն են իրականացրել ՊՊԾ գնդի հարակից տարածքներում։ Նշված օրը՝ ժամը 22։00-ի սահմաններում, հրամանով տեղափոխվել են Խորենացու և Քրիստափոր փողոցների խաչմերուկ, որտեղ իրականացվող զանգվածային միջոցառման մասնակիցների անվտանգությունն ապահովելու նպատակով ոստիկանության այլ աշխատակիցների կողմից նախապես կազմվել է շղթա՝ հավաքված քաղաքացիների մուտքը հատուկ պահպանվող տարածք արգելելու և նրանց անվտանգությունն ապահովելու համար։ Հասնելով նշված վայր՝ իր վաշտի ծառայողներով կանգնել են շղթա կազմած ոստիկանների հետնամասում՝ անհրաժեշտության դեպքում նրանց շարքերը համալրելու համար։ Այդ ժամանակ ոստիկանական պատնեշի դիմաց իրականացվող զանգվածային միջոցառման ընթացքում մասնակիցները տարբեր կոչեր են արել, հայհոյանքներ հնչեցրել ոստիկանների հասցեին և մոտեցել ոստիկանության շղթային։ Ոստիկանությունը բազմաթիվ անգամ պահանջել է հետ գնալ հատուկ պահպանվող տարածքից և ենթարկվել իրենց օրինական պահանջներին, սակայն զանգվածային միջոցառման մասնակիցները չեն ենթարկվել, սկսել են ավելի մոտենալ, որից հետո հայհոյելով և վանկարկումներով հարձակվել են ոստիկանության շղթայի վրա, փորձել են ճեղքել շղթան և շարժվել դեպի ՊՊԾ գունդ։ Այդ ընթացքում միջոցառման մասնակիցները ձեռքերով և ոտքերով հարվածներ են հասցրել ոստիկանության աշխատակիցներին, քարեր և այլ առարկաներ են նետել ոստիկանների ուղղությամբ։ Անկարգությունը դադարեցնելու և հասարակական կարգը վերականգնելու նպատակով ոստիկանության աշխատակիցների կողմից կազմված շղթան առաջ է շարժվել, կիրառել են հատուկ միջոցներ, որի արդյունքում անկարգության մասնակիցները սկսել են հեռանալ հատուկ պահպանվող տարածքից, սակայն միաժամանակ շարունակել են հեռվից քարեր և տարատեսակ այլ առարկաներ նետել ոստիկանների ուղղությամբ։
Վկա, ՀՀ ոստիկանության զորքերի թիվ 1032 զորամասի հասարակական կարգի պահպանության 2-րդ գումարտակի հրամանատար Գուրգեն Վարդանի Մկրտչյանի ցուցմունքներով այն մասին, որ 2016թ. հուլիսի 17-ից զորամասի ծառայողներն ուժեղացված ծառայություն են իրականացրել ոստիկանության ՊՊԾ գնդի հարակից տարածքներում` կապված մի խումբ անձանց կողմից գունդը զավթելու հանգամանքի հետ։ Օրենքով սահմանված կարգով իրականացրել են հասարակական կարգի պահպանություն, քաղաքացիների անվտանգության ապահովմանն ուղղված միջոցառումներ, պահպանել են անվտանգության գոտի հայտարարված՝ ՊՊԾ գնդի հարակից տարածքը։
2016թ. հուլիսի 20-ին, ժամը 14։00-ից զորամասի ծառայողներով ծառայություն են իրականացրել Երևանի Խորենացու փողոցում՝ <<Ծիրան>> հանրախանութի դիմացի հատվածում, որտեղ ծառայողների կողմից կազմվել է շղթա` քաղաքացիների մուտքը հատուկ պահպանվող տարածք արգելելու նպատակով։ Այդ օրը, ինչպես և մյուս օրերին, զորամասի ծառայողների լրակազմում որպես հատուկ միջոցներ եղել են ռետինե մահակներ, վահան, որպես անհատական պաշտպանիչ միջոց կրել են պլաստմասե սաղավարտներ, <<Ռոբոկոպ>> կոչվող անհատական պաշտպանիչ արտահագուստ։ Նշված օրը, ժամը 19։00-ից Խորենացու փողոցում քաղաքացիների կողմից կազմակերպվել է զանգվածային միջոցառում, որի մասնակիցները սկսել են գոռգոռալ, ներկայացնել տարբեր պահանջներ, մասնավորապես՝ պահանջել են թույլատրել մոտենալ ՊՊԾ գնդին և միանալ գունդը զավթած խմբի անդամներին։ Նրանք փորձել են ներթափանցել հատուկ միջոցառումների իրականացման գոտի, սակայն ոստիկանները թույլ չեն տվել։ Ժամը 21։00-ի սահմաններում միջոցառման մասնակիցների մի մասը, որպես պատրվակ օգտագործելով գնդի տարածքը զավթած անձանց սննունդ հասցնելը՝ կրկին պահանջել են թույլատրել մոտենալ ՊՊԾ գնդին։ Ինքը, ինչպես նաև ոստիկանության այլ աշխատակիցներ հավաքվածներին բազմիցս նախազգուշացրել են անվտանգությունից ելնելով չմոտենալ ՊՊԾ գնդի տարածքին։ Վերջիններս չենթարկվելով՝ վերջնագիր են ներկայացրել և պահանջել մինչև ժամը 22։00-ը թույլ տալ սնունդ հասցնել զինված խմբի անդամներին։ Դրանից հետո հավաքվածներից ոմանք սկսել են զանգվածային անկարգությունները՝ քարեր, շշեր և այլ առարկաներ են նետել ոստիկանության աշխատակիցների ուղղությամբ, գոռգոռալով, հայհոյանքներ տալով հարձակվել են ոստիկանների վրա, սկսել են ոտքերով, ձեռքերով, փայտերով, մետաղյա անկյունակներով, ձողերով և տարբեր առարկաներով հարվածել շղթայի մեջ գտնվող ոստիկանության ծառայողներին, փորձել են քաշելով խլել ոստիկանների վահաններն ու սաղավարտները, նույնիսկ խլել են դրանցից մի քանիսը, որոնցով հարվածել են ոստիկաններին։ Իրենց ուղղությամբ նետված քարերը, շշերը և տարբեր առարկաները դիպել են ոստիկաններին։ Զանգվածային անկարգությունները կանխելու նպատակով ոստիկանության կողմից կիրառվել են հատուկ միջոցներ, որից հետո ոստիկանների վրա հարձակվողները որոշ չափով նահանջել են, սակայն նրանց մի մասը շարունակել է մոտ տարածությունից, իսկ մյուս մասն էլ՝ հեռվից, ոստիկանության աշխատակիցների վրա քարեր, շշեր, այլ առարկաներ նետել։ Նետված առարկաներից շատերն ընկել են ոստիկանների վրա և վնասվածքներ պատճառել նրանց։ Անկարգության մասնակիցների գործողությունները կանխելու համար իր ղեկավարած ստորաբաժանման ծառայակիցը հրամայել է բաժանվել երկու մասի և առաջ գնալ, որի ընթացքում զանգվածային անկարգությունների մասնակիցները շարունակել են քարեր, շշեր և այլ առարկաներ նետել ոստիկանության աշխատակիցների վրա, նրանց պատճառել մարմնական վնասվածքներ։ Երբ առաջ գնալուց հետո վերադարձել են իրենց նախկին դիրքեր՝ զանգվածային անկարգությունների մասնակիցները կրկին հավաքվել են Խորենացու փողոցում՝ իրենց դիմաց, աղբամաններ, այլ առարկաներ քարշ տալով և դրանք վնասելով՝ շարել են փողոցի լայնքով, դրանց հետևից շարունակել են քարեր և այլ առարկաներ նետել իրենց վրա։ Այդ ընթացքում ոստիկանության օպերատիվ ծառայողները զանգվածային անկարգությունների մասնակիցներին բերման են ենթարկել, իսկ իրենք շարունակել են ծառայությունը։
Վկա Էլմիրա Արսենի Հովհաննիսյանի նախաքննական ցուցմունքներով այն մասին, որ Գյումրի քաղաքի բնակիչ Արման Առաքելյանը 2016թ. հունվարից վարձակալական հիմունքներով բնակվել է իրեն պատկանող, Երևանի Ջրաշեն թաղամասի 1-ին փողոցի թիվ 320 տանը։ 2016թ. օգոստոսի 13-ին, քննիչի մոտ հարցաքննվելիս, համակարգչով դիտել է Երևանի Խորենացու փողոցում կատարված զանգվածային անկարգությունների վերաբերյալ տեսանյութը, ճանաչել է Ա.Առաքելյանին։ Վերջինս ագրեսիվ վարքագիծ դրսևորելով` ձեռքերով հարվածել է ոստիկանության աշխատակիցներին, փորձել է խլել նրանցից մեկի վահանը։ Ճանաչել է նաև տեսագրության մեջ Ա. Առաքելյանի հագին եղած հագուստը, որով նրան բազմիցս տեսել է առօրյայում։
Արտակ Աշոտի Բարսեղյանին դատաբժշկական փորձաքննության ենթարկելու մասին 2016թ. հուլիսի 27-ի թիվ 2091 եզրակացությամբ, որի համաձայն` <<Արտակ Բարսեղյանի մարմնական վնասվածքը աջ քունքա-գագաթային շրջանի փափուկ հյուսվածքների սալջարդի ձևով, պատճառվել է բութ առարկայի ներգործությամբ, հնարավոր է փորձաքննվողի կողմից նշված ժամանակին և հանգամանքներում, որն առողջության թեթև վնասի հատկանիշներ չի պարունակում։>>։
Աղասի Ջահանի Կիրակոսյանին դատաբժշկական փորձաքննության ենթարկելու մասին 2016թ. օգոստոսի 05-ի թիվ 1589/հ եզրակացությամբ, որի համաձայն` <<Ա.Կիրակոսյանի մարմնական վնասվածքը` փոշտի արյունահավաքի, աջից մակամորձու գլխիկի պատռվածքի ձևով, պատճառվել է բութ առարկայով/ներով/, հնարավոր է նշված ժամկետում, որն առողջությանը պատճառել է միջին ծանրության վնաս, առողջության տևական քայքայումով, նկատի ունենալով վնասվածքների հետ պատճառական կապի մեջ գտնվող հետևանքների տևողությունը քսանմեկ օրից ավելի։ Վնասվածքները ստանալու պահին Ա. Կիրակոսյանը տարածության մեջ կարող էր գտնվել ցանկացած հնարավոր դիրքում` վնասվածքների շրջաններով ուղղված դեպի վնասող բութ առարկան/ները/>>։
Աղասի Ջահանի Կիրակոսյանին դատաբժշկական փորձաքննության ենթարկելու մասին 2016թ. օգոստոսի 17-ի թիվ 1912/հ եզրակացությամբ, որի համաձայն` <<Ա.Կիրակոսյանի մարմնական վնասվածքը ամորձապարկի փակ վնասվածքի ձևով, որը ուղեկցվել է ամորձապարկի հարաճուն արյունահավաքով, հետտրավմատիկ էպիդիդիմիտով աջից, աջ ամորձու սալջարդով, որը հետագայում առաջ է բերել ամորձու հեռացման, հետևանք են բութ, կոշտ առարկայի ներգործության, հնարավոր է նշված ժամկետին` 20.07.16թ., որը պատճառել է առողջությանը ծանր վնաս, ի նկատի ունենալով օրգանի կորուստը։>>։
Գեղամ Աղասու Մուրադյանին դատաբժշկական փորձաքննության ենթարկելու մասին 2016թ. օգոստոսի 13-ի թիվ 2477 եզրակացությամբ, որի համաձայն` <<Քաղ. Գ. Մուրադյանի ստացած մարմնական վնասվածքը որովայնի առաջնային պատի ձախից փափուկ հյուսվածքների սալջարդի ձևով պատճառվել է բութ առարկայի ներգործության հետևանքով, հնարավոր է նշված ժամանակին և հանգամանքներում, որը առողջության թեթև վնասի հատկանիշներ չի պարունակում։ Վնասվածքները ստանալու պահին Գ.Մուրադյանը կարող էր գտնվել բոլոր հնարավոր դիքերում, որոնք չէին խոչընդոտի վնասվածքների առաջացմանը։>>:
Երեմ Վազգենի Կիրակոսյանին դատաբժշկական փորձաքննության ենթարկելու մասին 2016թ. օգոստոսի 11-ի թիվ 2403 եզրակացությամբ, որի համաձայն` <<Ե.Կիրակոսյանի ստացած մարմնական վնասվածքները` ձախ դաստակի սալջարդի, ձախ նախաբազկի շրջանի քերծվածքի /այժմյան էպիթելացված տեղամաս/, ձախ նախաբազկի սալջարդ վերքերի /այժմյան սպիներ/, պատճառվել են բութ առարկաներով, հնարավոր է որոշման մեջ նշված ժամկետում և առողջության թեթև վնասի հատկանիշներ չեն պարունակում։ Ե.Կիրակոսյանը վնասվածքներ ստանալու պահին կարող էր գտնվել ցանկացած բոլոր հնարավոր դիքերում, որոնք չէին խոչընդոտի վերջիններիս առաջանալուն, այսինքն ձախ դաստակի, ձախ նախաբազկի շրջանով ուղղված է եղել դեպի վնասվածք պատճառող առարկան /գործիք/>>:
Մհեր Անդրանիկի Ավետիսյանին դատաբժշկական փորձաքննության ենթարկելու մասին 2016թ. օգոստոսի 11-ի թիվ 2398 եզրակացությամբ, որի համաձայն` <<Մ.Ավետիսյանի մարմնական վնասվածքը` աջ սրունքի շրջանի փափուկ հյուսվածքների սալջարդի ձևով, պատճառվել է բութ առարկայով, հնարավոր է նշված ժամկետում և հանգամանքներում, որն առողջության թեթև վնասի հատկանիշներ չի պարունակում։
Վնասվածքը ստանալու պահին Մ. Ավետիսյանը տարածության մեջ կարող էր գտնվել ցանկացած հնարավոր դիրքում` վնասվածքի շրջանով ուղղված դեպի վնասող առարկան։>>:
Սմբատ Խորենի Գաբրիելյանին դատաբժշկական փորձաքննության ենթարկելու մասին 2016թ. օգոստոսի 08-ի թիվ 2400 եզրակացությամբ, որի համաձայն` <<Սմբատ Գաբրիելյանի մարմնական վնասվածքը աջ ոտնաթաթի առաջին մասի շրջանի քերծվածքի` ներկայումս գունազրկված տեղամասի ձևով, պատճառվել է բութ առարկայի ներգործությամբ, հնարավոր է փորձաքննվողի կողմից նշված ժամանակին և հանգամանքներում, որն առողջության թեթև վնասի հատկանիշներ չի պարունակում։>>:
Նորայր Սարգսի Վիրաբյանին դատաբժշկական փորձաքննության ենթարկելու մասին 2016թ. օգոստոսի 11-ի թիվ 2393 եզրակացությամբ, որի համաձայն` <<Քաղ. Նորայր Սարգսի Վիրաբյանի մարմնական վնասվածքը, ըստ բժշկական փաստաթղթերի տվյալների` ձախ ուսահոդի շրջանի փափուկ հյուսվածքների սալջարդ ձևով, պատճառվել է` բութ առարկայով, հնարավոր է որոշմամբ նշված ժամկետում, չի բացառվում այդ թվում` որոշմամբ և տուժողի կողմից նշված հանգամանքներում, որը առողջությանը թեթև վնասի հատկանիշներ չի պարունակում։>>։
Լյուդվիգ Արսենի Ազիզբեկյանին դատաբժշկական փորձաքննության ենթարկելու մասին 2016թ. հուլիսի 29-ի թիվ 1585/հ եզրակացությամբ, որի համաձայն` <<Լ.Ազիզբեկյանի ստացած մարմնական վնասվածքը` աջ սրունքի վ/3-ի առաջա-ներսային մակերեսի շրջանի քերծվածքի ձևով, պատճառված է բութ առարկայի ազդեցությամբ, հնարավոր է գործի հանգամանքներում նշված ժամանակին, հանգամանքներում, որը առողջության թեթև վնասի հատկանիշներ չի պարունակում։ Լ.Ազիզբեկյանը վնասվածքը ստանալու պահին, աջ սրունքի առաջա-ներսային մակերեսով ուղղված է եղել դեպի վնասվածք պատճառող առարկան։>>:
Գրիգոր Ավետիսի Կոլյանին դատաբժշկական փորձաքննության ենթարկելու մասին 2016թ. օգոստոսի 04-ի թիվ 2109 եզրակացությամբ, որի համաձայն` <<Գ.Կոլյանի մարմնական վնասվածքները` պարանոցի շրջանի քերծվածքի, ձախ ուսահոդի շրջանի փափուկ հյուսվածքների սալջարդի ձևով, պատճառվել են` բութ առարկայով/ներով/, հնարավոր է նշված ժամկետում, որոնք առողջությանը թեթև վնաս պատճառող հատկանիշներ չեն պարունակում ինչպես միասին, այնպես էլ առանձին վերցրած։ Վնասվածքները ստանալու պահին Գ. Կոլյանը տարածության մեջ կարող էր գտնվել ցանկացած հնարավոր դիրքում` վնասվածքների շրջաններով ուղղված դեպի վնասող բութ առարկան/ները/։>>
Արա Բարսեղի Մարտիրոսյանին դատաբժշկական փորձաքննության ենթարկելու մասին 2016թ. օգոստոսի 04-ի թիվ 2105 եզրակացությամբ, որի համաձայն` <<Քաղ. Արա Բարսեղի Մարտիրոսյանի մարմնական վնասվածք, ըստ բժշկական փաստաթղթերի տվյալների` ձախ սրունք-թաթային հոդի շրջանի ջլակապային համակարգի գերձգվածության ձևով, պատճառվել է` բութ առարկայով/ներով/, հնարավոր է որոշմամբ նշված ժամկետում, որը առողջությանը թեթև վնասի հատկանիշներ չի պարունակում։>>:
Վաչիկ Գևորգի Սամսոնյանին դատաբժշկական փորձաքննության ենթարկելու մասին 2016թ. օգոստոսի 02-ի թիվ 1590/հ եզրակացությամբ, որի համաձայն` <<Վ.Սամսոնյանի ստացված մարմնական վնասվածքը` աջ գագաթա-ճակատային շրջանի սալջարդ վերքի ձևով, հասցվել է բութ առարկայով, հնարավոր է նշված ժամկետում, որը պատճառել է առողջությանը թեթև վնաս, առողջության կարճատև քայքայումով, նկատի ունենալով վնասվածքի հետ անմիջական պատճառական կապի մեջ գտնվող հետևանքների տևողությունը ոչ պակաս վեց օրից և ոչ ավելին քսանմեկ օրից։>>։
Արթուր Վարդանի Մուրադյանին դատաբժշկական փորձաքննության ենթարկելու մասին 2016թ. օգոստոսի 04-ի թիվ 2104 եզրակացությամբ, որի համաձայն` <<Ա.Մուրադյանի մարմնական վնասվածքները` աջ ծնկահոդի շրջանի քերծվածքների, աջ սրունքի վերին երրորդականի փափուկ հյուսվածքների սալջարդի ձևով, պատճառվել են` բութ առարկայով/ներով/, հնարավոր է նշված ժամկետում, որոնք առողջությանը թեթև վնաս պատճառող հատկանիշներ չեն պարունակում ինչպես միասին, այնպես էլ առանձին վերցրած։>>:
Սարգիս Հովսեփի Հովհաննիսյանին դատաբժշկական փորձաքննության ենթարկելու մասին 2016թ. օգոստոսի 11-ի թիվ 2435 եզրակացությամբ, որի համաձայն` <<Ս.Հովհաննիսյանի ստացած մարմնական վնասվածքը` աջ սրունքի շրջանի ապապինգմենտավորված տեղամասի, որը նախկինում եղած քերծվածքի ապաքինման արդյունք է, պատճառված է բութ առարկայի ազդեցությամբ, հնարավոր է գործի հանգամանքներում նշված ժամանակին, հանգամանքներում, որը առողջության թեթև վնասի հատկանիշներ չի պարունակում։ Ս. Հովհաննիսյանը վերը նշված վնասվածքը ստանալու պահին, իր աջ սրունքի առաջային մակերեսով ուղղված է եղել դեպի վնասվածք պատճառող բութ առարկան։>>:
Եղիշ Լևոնի Հակոբյանին դատաբժշկական փորձաքննության ենթարկելու մասին 2016թ. օգոստոսի 11-ի թիվ 2434 եզրակացությամբ, որի համաձայն` <<Ե.Հակոբյանի ստացած մարմնական վնասվածքները աջ ոտնաթաթի թիկնային և միջային մակերեսների արյունազեղումների ձևերով, պատճառվել են բութ առարկաների ներգործության հետևանքով, հնարավոր է նշված ժամանակահատվածում և տուժողի կողմից նշված հանգամանքներում, որոնք առողջության թեթև վնասի հատկանիշներ չեն պարունակում։
Վնասվածքները ստանալու պահին Ե.Հակոբյանը կարող էր գտնվել բոլոր հնարավոր դիրքերում, որոնք չէին խոչընդոտի վնասվածքների առաջացմանը։>>։
Արամ Գևորգի Ալոյանին դատաբժշկական փորձաքննության ենթարկելու մասին 2016թ. հուլիսի 29-ի թիվ 1566/հ եզրակացությամբ, որի համաձայն` <<Ա.Ալոյանի մարմնական վնասվածքը աջ սրունքի վերին երրորդականի առաջային մակերեսի քերծվածքի ձևով, հետևանք է բութ, կոշտ առարկայի ներգործության, հնարավոր է նշված ժամկետին, որը առողջության թեթև վնասի հատկանիշներ չի պարունակում։>>։
Արման Արամի Մարգարյանին դատաբժշկական փորձաքննության ենթարկելու մասին 2016թ. օգոստոսի 05-ի թիվ 1572/հ եզրակացությամբ, որի համաձայն` <<Ա.Մարգարյանի ստացած մարմնական վնասվածքը` աջից, ճակատի շրջանի քերծվածքի ձևով, պատճառված է բութ առարկայի ազդեցությամբ, հնարավոր է գործի հանգամանքներում նշված ժամանակին, հանգամանքներում, որը առողջության թեթև վնասի հատկանիշներ չի պարունակում։>>:
Արթուր Հովհաննեսի Խոջոյանին դատաբժշկական փորձաքննության ենթարկելու մասին 2016թ. օգոստոսի 05-ի թիվ 1567/հ եզրակացությամբ, որի համաձայն` <<Ա.Խոջոյանի ստացած մարմնական վնասվածքը` ձախ սրունքի շրջանի քերծվածքի ձևով, պատճառված է բութ առարկայի ազդեցությամբ, հնարավոր է գործի հանգամանքներում նշված ժամանակին, հանգամանքներում, որը առողջության թեթև վնասի հատկանիշներ չի պարունակում։>>:
Սմբատ Սուրենի Առաքելյանին դատաբժշկական փորձաքննության ենթարկելու մասին 2016թ. օգոստոսի 04-ի թիվ 1561/հ եզրակացությամբ, որի համաձայն` <<Ս.Առաքելյանի ստացած մարմնական վնասվածքները` աջ հոնքի շրջանի սալջարդ վերքի, աջից ստորկոպային շրջանի քերծվածքի ձևով, պատճառված են բութ առարկաների ազդեցությամբ, հնարավոր է գործի հանգամանքներում նշված ժամանակին, հանգամանքներում և պատճառվել է առողջությանը թեթև վնաս` առողջության կարճատև քայքյումով, նկատի ունենալով վնասվածքների հետ անմիջական պատճառական կապի մեջ եղած հետևանքների տևողությունը ոչ պակաս 6 օրց և ոչ ավել 21-օրից։>>։
Արմեն Գևորգի Գևորգյանին դատաբժշկական փորձաքննության ենթարկելու մասին 2016թ. օգոստոսի 10-ի թիվ 2395 եզրակացությամբ, որի համաձայն` <<Արմեն Գևորգի Գևորգյանի մարմնական վնասվածքը ըստ բժշկական փաստաթղթերի և օբյեկտիվ ուսումնասիրության տվյալների` ձախ ոտնաթաթի շրջանի արյունահավաքի նույն շրջանի քերծվածքի` ներկայիս ապապիգմենտավորված տեղամասի ձևով, պատճառվել են բութ առարկաներով, հնարավոր է որոշման մեջ նշված ժամկետին և հանգամանքերում, որոնք ինչպես առանձին-առանձին այնպես էլ իրենց համակցությամբ առողջությանը թեթև վնասի հատկանիշներ չեն պարունակում։>>։
Վալերի Յուրիկի Մկրտչյանին դատաբժշկական փորձաքննության ենթարկելու մասին 2016թ. օգոստոսի 04-ի թիվ 1578/հ եզրակացությամբ, որի համաձայն` <<Վ.Մկրտչյանի ստացած մարմնական վնասվածքները` աջ սրունքի ս/3-ի փափուկ հյուսվածքների, աջ սրունք-թաթային հոդի սալջարդերի ձևով, պատճառված են բութ առարկաների ազդեցությամբ, հնարավոր է գործի հանգամանքներում նշված ժամանակին, որոնք ինչպես միասին, այնպես էլ առանձին-առանձին վերցված, առողջության թեթև վնասի հատկանիշներ չեն պարունակում։ Կլինիկայում Վ.Մկրտչյանի մոտ ախտորոշվել` թունավորում արցունքաբեր գազով, սիմպտոմատիկ հիպերտոնիամ զույգ աչքերի կոնյուկտիվիտ, որը առողջության թեթև վնասի հատկանիշներ չի պաարունակում։>>։
Արսեն Արթուրի Խաչատրյանին դատաբժշկական փորձաքննության ենթարկելու մասին 2016թ. օգոստոսի 05-ի թիվ 1569/հ եզրակացությամբ, որի համաձայն` <<Ա.Խաչատրյանի ստացած մարմնական վնասվածքները` ձախից վերին շրթունքի սալջարդ վերքի, ստորին շրթունքի լորձաթաղանթի պատռվածքի ձևով, պատճառված են բութ առարկայի ազդեցությամբ, հնարավոր է գործի հանգամանքներում նշված ժամանակին, հանգամանքներում, որը առողջության թեթև վնասի հատկանիշներ չի պարունակում։>>։
Գարուշ Գուրգենի Բարսեղյանին դատաբժշկական փորձաքննության ենթարկելու մասին 2016թ. օգոստոսի 05-ի թիվ 1564/հ եզրակացությամբ, որի համաձայն` <<Գարուշ Գուրգենի Բարսեղյանի մարմնական վնասվածքը ըստ ներկայացված բժշկական փաստաթղթերի տվյալների` արմնկահոդի շրջանի փափուկ հյուսվածքների սալջարդի ձևով, պատճառվել են բութ առարկայով, հնարավոր է որոշմամբ և տուժողի կողմից նշված ժամկետում և հանգամանքներում, որը առողջությանը թեթև վնասի հատկանիշներ չի պարունակում։>>:
Բագրատ Ավետիքի Ավետիսյանին դատաբժշկական փորձաքննության ենթարկելու մասին 2016թ. օգոստոսի 12-ի թիվ 2436/հ եզրակացությամբ, որի համաձայն` <<Բ.Ավետիսյանի ստացված մարմնական վնասվածքը` ձախ սրունքի մ/3-ի առաջային մակերեսի ներկայիս գունազրկված տեղամասի, նախկինում եղած քերծվածքի ձևով, հասցվել է բութ առարկայով, հնարավոր է նշված ժամկետում, որը առողջության թեթև վնասի հատկանիշներ չի պարունակում։>>։
Արարատ Արշակի Քիշմիրյանին դատաբժշկական փորձաքննության ենթարկելու մասին 2016թ. օգոստոսի 12-ի թիվ 2437/հ եզրակացությամբ, որի համաձայն` <<Ա.Քիշմիրյանի ստացված մարմնական վնասվածքը` ձախ սրունքի մ/3-ի առաջային մակերեսի սալջարդ վերքի ձևով, հասցվել է բութ առարկայով, հնարավոր է նշված ժամկետում, չի բացառվում որոշման մեջ նկարագրված գործի հանգամանքներին, որը առողջության թեթև վնասի հատկանիշներ չի պարունակում։>>:
Արտյոմ Գրիգորի Բալսամյանին դատաբժշկական փորձաքննության ենթարկելու մասին 2016թ. օգոստոսի 12-ի թիվ 2433 եզրակացությամբ, որի համաձայն` <<Ա.Բարսամյանի ստացված մարմնական վնասվածքները` ձախ սրունքի վ/3-ի դրսային մակերեսի ներկայիս ապապիգմենտացված տեղամասերի, նախկինում եղած քերծվածքների ձևերով հասցվել են բութ առարկաներով, հնարավոր է նշված ժամկետում, որոնք առողջության թեթև վնասի հատկանիշներ չեն պարունակում։>>։
Արամայիս Նվերի Հարությունյանին դատաբժշկական փորձաքննության ենթարկելու մասին 2016թ. օգոստոսի 04-ի թիվ 1562/հ եզրակացությամբ, որի համաձայն` <<Ա.Հարությունյանի ստացված մարմնական վնասվածքները` զույգ սրունքների, սրունք-թաթային հոդերի սալջարդերի ձևով, պատճառված են բութ առարկաների ազդեցությամբ, հնարավոր է գործի հանգամանքներում նշված ժամանակին, որոնք ինչպես միասին, այնպես էլ առանձին-առանձին վերցված, առողջության թեթև վնասի հատկանիշներ չեն պարունակում։ Կլինիկայում Ա.Հարությունյանի մոտ ախտորոշվել` թունավորում արցունքաբեր գազով, զույգ աչքերի կոնյուկտիվիտ, որը առողջության թեթև վնասի հատկանիշներ չի պարունակում։>>:
Դավիթ Արթուրի Սարգսյանին դատաբժշկական փորձաքննության ենթարկելու մասին 2016թ. օգոստոսի 10-ի թիվ 2396 եզրակացությամբ, որի համաձայն` <<Դավիթ Արթուրի Սարգսյանի մարմնական վնասվածքը ըստ բժշկական փաստաթղթերի տվյալների` սրունք-թաթային հոդի շրջանի արյունահավաքի ձևով, պատճառվել է բութ առարկայով, հնարավոր է որոշման մեջ նշված ժամկետին և հանգամանքներում, որը առողջությանը թեթև վնասի հատկանիշներ չի պարունակում։>>։
Արսեն Վարդանի Ամիրյանին դատաբժշկական փորձաքննության ենթարկելու մասին 2016թ. օգոստոսի 04-ի թիվ 1579/հ եզրակացությամբ, որի համաձայն` <<Ա.Ամիրյանի ստացած մարմնական վնասվածքները` աջ սրունք-թաթային հոդի սալջարդի, ձախ սրունքի շրջանի քերծվածքի ձևով, պատճառված են աջ սրունք-թաթային հոդի սալջարդը բութ առարկայի, իսկ ձախ սրունքի շրջանի քերծվածքը պայթունի հետևանքով առաջացած բեկորի ազդեցությամբ, հնարավոր է գործի հանգամանքներում նշված ժամանակին, որոնք ինչպես միասին, այնպես էլ առանձին-առանձին վերցված առողջության թեթև վնասի հատկանիշներ չեն պարունակում։>>։
Դավիթ Կորյունի Սիմոնյանին դատաբժշկական փորձաքննության ենթարկելու մասին 2016թ. հուլիսի 29-ի թիվ 1607/հ եզրակացությամբ, որի համաձայն` <<Դ.Սիմոնյանի մոտ եղել է արցունքաբեր գազով թունավորում, զույգ աչքերի կունյուկտիվիտ զույգ նախաբազուկների և աջ սրունքի փափուկ հյուսվածքների սալջարդեր, որոնցից սալջարդերը հետևանք են բութ, կոշտ առարկաների ներգործության, գազով թունավորումը, գազի ընդհանուր ազդեցությամբ օրգանիզմի վրա, հնարավոր է նշված ժամկետին, որոնք առողջության թեթև վնասի հատկանիշներ չեն պարունակում։>>։
Արմեն Կամեդիկի Հովհաննիսյանին դատաբժշկական փորձաքննության ենթարկելու մասին 2016թ. հուլիսի 29-ի թիվ 1606/հ եզրակացությամբ, որի համաձայն` <<Ա.Հովհաննիսյանի մոտ եղել է գազով թունավորում և կրծքավանդակի աջ կեսի, կոնքի աջ կեսի, աջ կոնքազդրային և աջ ծնկահոդերի սալջարդեր, որոնցից սալջարդերը հետևանք են բութ, կոշտ առարկաների ներգործության, գազով թունավորումը, գազի ընդհանուր ազդեցությամբ օրգանիզմի վրա, հնարավոր է նշված ժամկետին, որոնք առողջության թեթև վնասի հատկանիշներ չեն պարունակում։>>։
Արտակ Գևորգի Ալահվերդյանին դատաբժշկական փորձաքննության ենթարկելու մասին 2016թ. օգոստոսի 09-ի թիվ 2402 եզրակացությամբ, որի համաձայն` <<Ա.Ալահվերդյանի մարմնական վնասվածքը աջ սրունքի միջին երրորդականի դրսային մակերեսի քերծվածքի, ներկայումս էպիթելիզացիայի ենթարկված տեղամասի ձևով, հետևանք է բութ, կոշտ առարկայի ներգործության, հնարավոր է նշված ժամկետին, որը առողջության թեթև վնասի հատկանիշներ չի պարունակում։>>։
Նորիկ Ռուդիկի Անտոնյանին դատաբժշկական փորձաքննության ենթարկելու մասին 2016թ. օգոստոսի 10-ի թիվ 2391 եզրակացությամբ, որի համաձայն` <<Քաղ. Ն.Անտոնյանի մարմնական վնասվածքը, ըստ բժշկական փաստաթղթի տվյալների` ձախ ոտնաթաթի արյունահավաքի ձևով, հասցվել է` բութ, կոշտ առարկայով, չի բացառվում ինչպես` վայր ընկնելու, այնպես էլ` նման առարկայի ուղղակի ներգործությամբ, հնարավոր է` որոշման մեջ նշված ժամկետին, որն առողջության թեթև վնասի հատկանիշներ` չի պարունակում։ Նշված մարմնական վնասվածքն ստանալու պահին քաղ. Ն.Անտոնյանը, տարածության մեջ, կարող էր գտնվել` ցանկացած, նման վնասվածքի առաջացումը չբացառող` հնարավոր դիրքում։>>։
Մելիքսեթ Վրեժի Հարությունյանին դատաբժշկական փորձաքննության ենթարկելու մասին 2016թ. հուլիսի 29-ի թիվ 1596/հ եզրակացությամբ, որի համաձայն` <<Մելիքսեթ Հարությունյանի մարմնական վնասվածքները ձախ ազդրի ստորին-միջին երրորդականի շրջանի արյունազեղման, քերծվածքի և փափուկ հյուսվածքների սալջարդի ձևով, պատճառվել են բութ առարկայի /ների/ ներգործությամբ, հնարավոր է փորձաքննվողի կողմից նշված ժամանակին և հանգամանքներում, որոնք առողջության թեթև վնասի հատկանիշներ չեն պարունակում։ Մելիքսեթ Հարությունյանի մոտ ըստ բժշկական փաստաթղթերի տվյալների ախտորոշվել է արտածին գազային թունավորում, որը հնարավոր է առաջացած լինի փորձաքննվողի կողմից նշված ժամանակին և հանգամանքներում, որն առողջության թեթև վնասի հատկանիշներ չի պարունակում։>>։
Ալբերտ Սերոբի Համբարձումյանին դատաբժշկական փորձաքննության ենթարկելու մասին 2016թ. օգոստոսի 03-ի թիվ 2114/հ եզրակացությամբ, որի համաձայն` <<Ալբերտ Համբարձումյանի մարմնական վնասվածքը աջ սրունքի շրջանի փափուկ հյուսվածքների սալջարդի ձևով, պատճառվել է բութ առարկայի ներգործությամբ, հնարավոր է փորձաքննվողի կողմից նշված ժամանակին և հանգամանքներում, որն առողջության թեթև վնասի հատկանիշներ չի պարունակում։>>։
Կարեն Անդրանիկի Ղարիբյանին դատաբժշկական փորձաքննության ենթարկելու մասին 2016թ. օգոստոսի 10-ի թիվ 2392 եզրակացությամբ, որի համաձայն` <<Քաղ. Կ.Ղարիբյանի մարմնական վնասվածքները, ըստ բժշկական փաստաթղթի և օբյեկտիվ ուսումնասիրության տվյալների` աջ ոտնաթաթի շրջանի արյունահավաքի, քերծվածքի /ներկայումս` ապապիգմենտավորված տեղամաս/ ձևով, հասցվել են` բութ, կոշտ առարկայով /ներով/, չի բացառվում ինչպես` վայր ընկնելու, այնպես էլ` նմանատիպ առարկայի /ների/ ուղղակի ներգործությամբ, հնարավոր է` որոշման մեջ նշված ժամկետին, որոնք առողջության թեթև վնասի հատկանիշներ` չեն պարունակում։ Նշված մարմնական վնասվածքներն ստանալու պահին քաղ. Կ. Ղարիբյանը, տարածության մեջ, կարող էր գտնվել` ցանկացած, նման վնասվածքների առաջացումը չբացառող` հնարավոր դիրքում։>>։
Առաքել Սամվելի Սահակյանին դատաբժշկական փորձաքննության ենթարկելու մասին 2016թ. օգոստոսի 08-ի թիվ 1574/հ եզրակացությամբ, որի համաձայն` <<Քաղ. Առաքել Սամվելի Սահակյանի մարմնական վնասվածքը, ըստ բժշկական փաստաթղթերի տվյալների` ձախ ոլոքի միջին/վերին երրորդականի փակ կոտրվածքի ձևով, պատճառվել է` բութ առարկայով /ներով/, հնարավոր է որոշմամբ նշված ժամկետում, որը առողջությանը պատճառել է` ծանր վնաս, նկատի ունենալով ընդհանուր աշխատունակության մեկ երրորդից ավելի կայուն կորուստը։>>։
Նարեկ Շարայի Թադևոսյանին դատաբժշկական փորձաքննության ենթարկելու մասին 2016թ. օգոստոսի 08-ի թիվ 2399 եզրակացությամբ, որի համաձայն` <<Նարեկ Շարայի Թադևոսյանի մարմնական վնասվածքը ձախ սրունքի վերին երրորդականի դիմային մակերեսի քերծվածքի` ներկայումս գունազրկված տեղամասի ձևով, պատճառվել է բութ առարկայի ներգործությամբ, հնարավոր է փորձաքննվողի կողմից նշված ժամանակին և հանգամանքներում, որն առողջության թեթև վնասի հատկանիշներ չի պարունակում։>>։
Շալիկո Ռուդիկի Սահակյանին դատաբժշկական փորձաքննության ենթարկելու մասին 2016թ. օգոստոսի 11-ի թիվ 2431 եզրակացությամբ, որի համաձայն` <<Քաղ. Շ.Սահակյանի ստացած մարմնական վնասվածքը աջ սրունքի վ/3-ի առաջային մակերեսի քերծվածքի` ներկայումս մաշկի գունազրկված տեղամասի ձևով պատճառվել է բութ առարկայի ներգործության հետևանքով, հնարավոր է նշված ժամանակինև հանգամանքներում, որը առողջության թեթև վնասի հատկանիշներ չի պարունակում։ Վնասվածքները ստանալու պահին Շ.Սահակյանը կարող էր գտնվել բոլոր հնարավոր դիրքերում որոնք չէին խոչընդոտի վնասվածքների առաջացմանը։>>։
Գեղամ Արսենի Արսենյանին դատաբժշկական փորձաքննության ենթարկելու մասին 2016թ. օգոստոսի 01-ի թիվ 1597/հ եզրակացությամբ, որի համաձայն` <<Գեղամ Արսենյանի մարմնական վնասվածքները բաց գանգուղեղային վնասվածքի, ձախից ճակատային շրջանի սալջարդ վերքի ձախից ճակատոսկրի գծային կոտրվածքի` անցումով գանգի հիմ, ձախ ճակատային բլթի թեթև աստիճանի սալջարդի, պնևմոցեֆալիայի ձևով, պատճառվել են բութ առարկայի /ների/ ներգործությամբ, հնարավոր է փորձաքննվողի կողմից նշված ժամանակին և հանգամանքներում, որոնք առողջությանը պատճառել են ծանր վնաս, կյանքին վտանգ սպառնացող։>>։
Դատաապրանքագիտական և հետքաբանական փորձաքննության 2016թ. օգոստոսի 12-ի Հմ` 16-1980 եզրակացությամբ, որի համաձայն` «1. Փորձաքննության ներկայացված թվով 20 /քսան/ հատ սև գույնի մահակների և թվով 2 /երկու/ հատ թափանցիկ վահանների մակերեսներին առկա են շփման հետքեր և կոտրվածքներ, (մանրամասն տես «Հետքաբանական մաս» բաժնում), որոնք կարող էին առաջանալ համեմատաբար հարթ և սահմանափակ մակերեսների հետ փոխազդեցության մեջ մտնելու հետևանքով։
(…)>>։
Դատահետքաբանական և դատաապրանքագիտական փորձաքննության 2016թ. օգոստոսի 12-ի Հմ` 16-1995 եզրակացությամբ, որի համաձայն` <<1. Փորձաքննությանը ներկայացված Երևան քաղաքի Մովսես Խորենացու փողոցի 112 հասցեում գտնվող «Ֆլեշ» ՍՊ ընկերության բենզալցակայանի գովազդային վահանակի ծածկի վրա առկա ֆլեշ ապրանքային նշանի աշխատակիցների համար նախատեսված սրահի մուտքի դռան և բենզալցակայանի կանաչապատ տարածքին հարակից թվով 5 հատ լուսամփոփների վրա առկա են վնասվածքներ (մանրամասն տես «հետքաբանական մաս» բաժնում), որոնք իրենց բնույթով կոտրվածքներ, ճաքեր և շփման հետքեր են և կարող էին առաջանալ սահմանափակ մակերեսներ ունեցող կոշտ առարկաների հետ փոխազդեցության մեջ մտնելու հետևանքով։
(...)
2. Սույն համալիր փորձաքննության շրջանակներում նախաձեռնողի կողմից փորձաքննությանը առաջադրված «որքան է կազմում «Ֆլեշ» ՍՊ ընկերությանը պատճառված նյութական վնասը» հարցին, սույն փորձաքննությամբ, զուտ ապրանքագիտական տեսանկյունից, դիտվում է, որ 21.07.2016թ. դրությամբ պատճառված նյութական վնասի չափը դրամական արտահայտությամբ կարող է կազմել շուրջ 89120 /ութսունինը հազար հարյուր քսան/ ՀՀ դրամ, որը իր մեջ ներառում է նաև տեղափոխման, տեղադրման և չնախատեսված ծախսերը։ (…)>>։
Դատաապրանքագիտական և հետքաբանական փորձաքննության 2016թ. օգոստոսի 12-ի Հմ` 16-1996 եզրակացությամբ, որի համաձայն` <<1. Փորձաքննությանը ներկայացված <<Անի Պլաստ>> ՍՊ ընկերության մուտքի դռան աջակողմյան հատվածում տեղակայված անշարժ ապակյա հատվածի աջակողմյան մետաղական շրջանակի մակերեսային վնասվածքները առաջացել են սահմանափակ մակերես ունեցող կոշտ առարկաների հետ փոխազդեցության մեջ մտնելու հետևանքով /քար, բետոնե կտոր և նմանատիպ կոշտ առարկաներ։
(...)
2. Սույն համալիր փորձաքննության շրջանակներում զուտ ապրանքագիտական տեսանկյունից դիտվում է, որ, <<Անի պլաստ>> ՍՊԸ մուտքի դռանը պատճառված վնասը 2016թ. հուլիսի 21-ի դրությամբ կազմում է շուրջ 7800 /յոթ հազար ութ հարյուր/ ՀՀ դրամ (Մանրամասն տե'ս «Ապրանքագիտական հետազոտություն»)։>>։
Դատապայթյունատեխնիկական, դատաքիմիական և դատահետքաբանա-կան համալիր փորձաքննության 2016թ. օգոստոսի 12-ի թիվ 30941603 եզրակացությամբ, որի համաձայն` <<(...) 1.2.Ներկայացված «փաթեթ N7 դեպքի վայրից վերցված դատարկ շշեր» գրառմամբ արկղում առկա 8 հատ դատարկ շշերում նավթամթերքին կամ այլ դյուրավառ նյութերին բնորոշ հետքեր չհայտնաբերվեցին։
Փորձաքննությանը ներկայացված «փաթեթ N6 ապակյա և պոլիէթիլենային 8 շշերը, որոնցից 5-ը լցված է սուր նավթամթերքի հոտ ունեցող հեղուկով» գրառմամբ արկղում առկա N1, N6 և N8 ապակյա շշերում առկա հեղուկներն իրենցից ներկայացնում են բաց նավթամթերքի` բենզինի և յուղի խառնուրդ մոտ 4։1 հարաբերությամբ, N2 պոլիմերային շշում առկա են բաց նավթամթերքի հետքեր, N3 և N7 շշերումում առկա հեղուկը հանդիսանում է յուղ, N4 և N5 ապակյա շշերում առկա հեղուկը իրենից ներկայացնում է բաց նավթամթերք` բենզին։
Ներկայացված հագուստների վրա նավթամթերքին կամ այլ դյուրավառ նյութերին բնորոշ հետքեր չհայտնաբերվեցին։
(...)
3. Ներկայացված <<փաթեթ N6 ապակյա և պոլիէթիլենային 8 շշերը, որոնցից 5-ը լցված է սուր նավթամթերքի հոտ ունեցող հեղուկով>> գրառմամբ արկղում առկա հինգ ապակյա շշերի ձևից, չափային և կոնստրուկտիվ հատկանիշներից, դրանց մեջ առկա հեղուկի բաղադրությունից և քանակից, ինչպես նաև դրանց բաղադրիչների փոխհա-մագործակցության եղանակից /նկարագրությունը բերված է հետազոտական մասում/, կարելի է եզրակացնել, որ դրանք հանդիսանում են ինքնաշեն եղանակով պատ-րաստված հրկիզման միջոցներ /«Մոլոտովի կոկտեյլ»/, որը նախատեսված է օբյեկտների հրկիզման և կենդանի ուժի խոցման համար։ Հետազոտվող օբյեկտները պատրաստված են ձեռնահաս միջոցների` նավթամթերքով լցված շշերի և դրանց գլխային հատվածներում որպես ֆիտիլ հանդիսացող գուլպաների և ոլորված ստվարաթղթի կիրառմամբ։ Նշված հրկիզման միջոցները հրավտանգ են և պիտանի են նպատակային օգտագոծման համար։ Ներկայացված ինքնաշեն հրկիզման միջոցները գործադրելու համար անհրաժեշտ է վառել ֆիտիլը և դրանք նետել թիրախի վրա։
(...)>>։
Որպես այլ փաստաթուղթ ապացույց ճանաչված, ՀՀ ոստիկանության պետի տեղակալի N11/1697 գրությամբ, դրան կից ներկայացված երկու տեղեկանքներով և իննը լուսանկարներով, որոնց համաձայն` 2016թ. հուլիսի 20-ին տեղի ունեցած զանգվածային անկարգությունների ժամանակ, դրանց մասնակիցները վնասել ու ոչնչացրել են 8.559.000 ՀՀ դրամ ընդհանուր արժողությամբ 54 լրակազմ <<Ռոբոկոպ>> տեսակի պաշտպանական միջոցներ, 250.000 ՀՀ դրամ ընդհանուր արժողությամբ 10 մետաղական վահան, 22.500 ՀՀ դրամ արժողությամբ <<X-82>> տեսակի սաղավարտ, 156.000 ՀՀ դրամ ընդհանուր արժողությամբ 13 հակահրդեհային վերմակ-պատգարակ, 119.000 ՀՀ դրամ ընդհանուր արժողությամբ <<ՕՊ-1>> տեսակի 17 կրակմարիչ և 115.500 ՀՀ դրամ ընդհանուր արժողությամբ <<ՕՊ-2>> տեսակի 11 կրակմարիչ:
Բացի այդ, զանգվածային անկարգությունների մասնակիցները վնասել են 237.840 ՀՀ դրամ ընդհանուր արժողությամբ` Տիգրան Մեծի պողոտա և Նար-Դոս փողոցի խաչմերուկի հատվածի <<երթևեկությունն ուղիղ>>, Տիգրան Մեծի պողոտա և Խորենացի փողոցի, ինչպես նաև՝ Տիգրան Մեծի պողոտա և Քրիստափորի փողոցի խաչմերուկի <<ավտոբուսի և (կամ) տրոլեյբուսի կանգառի տեղ>> երթևեկության 3 նշաններ։
Որպես այլ փաստաթուղթ ապացույց ճանաչված` Երևանի քաղաքա-պետարանի աշխատակազմի իրավաբանական վարչության պետի 2016թ. օգոստոսի 12-ի N 07/45678Հ գրությամբ, որի համաձայն` 2016թ. հուլիսի 20-ին տեղի ունեցած զանգվածային անկարգությունների հետևանքով վնասվել և ոչնչացվել է Երևանի քաղաքապետարանին պատկանող՝ 85.000 ՀՀ դրամ ընդհանուր արժողությամբ գույք։
Որպես այլ փաստաթուղթ ապացույց ճանաչված` 2016թ. հուլիսի 20-ին Երևանի Խորենացու փողոցում կատարված զանգվածային անկարգությունների ընթացքում Արման Առաքելյանի գործողությունների տեսաձայնագրությունները կրող <<ԴիՎիԴի-Էռ 4.7 ԳԲ/120 մին. 16 ԻքսԴիջիտալ>> («DVD-R« 4.7 GB/120 min. 16 XDigital») գրառումներով լազերային սկավառակով, այդ սկավառակը զննության ենթարկելու մասին 2016թ. օգոստոսի 12-ի արձանագրությամբ, որոնց համաձայն` տեսագրված է փողոցի մի հատված, որտեղ կանգնած են շղթա կազմած ոստիկանության աշխատակիցները` վահաններով և սաղավարտներով, իսկ հակառակ կողմում մարդկանց բազմություն է։ Հնչում են հայհոյանքներ, աղմուկ է, իսկ առաջին շարքերում կանգնած մոտ երկու տասնյակ անձինք ձեռքերով ու ոտքերով հարվածում են շղթա կազմած ոստիկանության աշխատակիցներին։ Տեսագրության 4-րդ վայրկյանին ոստիկանների նկատմամբ բռնություն կիրառող անձանց մեջ երևում է Արման Առաքելյանը, ում հագին կա սև կարճաթև վերնաշապիկ, որի օձիքը բաց գույնի է` նման մոխրագույնի։ Երևում է, թե ինչպես է Արման Առաքելյանը ձեռքի առարկան նետում ծառայություն իրականացնող ոստիկանության աշխատակցի վրա, այնուհետև ձեռքերով ու ոտքերով բազմաթիվ հարվածներ է հասցնում ոստիկանության աշխատակիցներին, նրանց անհատական պաշտպանության միջոցներին` վահաններին, սաղավարտներին։
Որպես այլ փաստաթուղթ ապացույց ճանաչված` ՀՀ ոստիկանության ԿՀԴՊ գլխավոր վարչության պետի տեղակալի 2016թ. հուլիսի 22-ի թիվ 10/9-1-3016 և ՀՀ ոստիկանության Երևան քաղաքի վարչության պետի տեղակալի 2016թ. հուլիսի 21-ի թիվ 8/2-994 գրություններով վարույթն իրականացնող մարմնին ուղարկված լազերային սկավառակով, էլեկտրոնային կրիչով, դրանք զննելու մասին 2016թ. հուլիսի 26-ի արձանագրությամբ, որոնց համաձայն` առկա տեսաձայնագրություններում պատկերված է Երևանի Խորենացու և Քրիստափոր փողոցների հատման խաչմերուկի և դրան հարակից հատվածները, որտեղ բազմաթիվ անձինք հավաքված են փողոցի միջնամասում կայանված «ԶԻԼ» և «ԿԱՄԱԶ» մակնիշի բեռնատար ավտոմեքենաների առջև շարքով կանգնած ոստիկանական շղթայի դիմաց։ Lսվում են գոռգոռոցներ, ոստիկանական շղթայի առջև գտնվող բազմաթիվ անձինք իրար հրելով հարձակվում են ոստիկանական շղթայի վրա, հրում են ոստիկաններին, ձեռքերով, ոտքերով, տարբեր առարկաներով՝ մահակատիպ փայտի կտորներով, մետաղյա ձողերով հարվածում են ոստիկանների վահաններին, նրանց գլխին առկա սաղավարտներին, ինչպես նաև ոստիկանների մարմինների տարբեր մասերին, քարեր, շշեր, այլ առարկաներ են նետում ոստիկանների վրա, նրանց քաշում են դեպի իրենց, քաշում-խլում են որոշ ոստիկանների վահանները, այնուհետև՝ դրանցով հարվածում են ոստիկաններին, գոռգոռում և հայհոյում են։
Ոստիկանների կողմից հատուկ միջոցներ կիրառելուց հետո, այդ անձինք վազքով շարժվում են դեպի Երևանի Տիգրան Մեծ և Քրիստափոր փողոցների խաչմերուկ, որտեղ հավաքված քաղաքացիական անձինք փակել են խաչմերուկի բանուկ հատվածը, արգելափակել են երթևեկությունը և գոռգոռում են։ Տեսագրված է նաև քաղաքացիական անձանց կողմից փողոցի երթևեկելի մասում աղբամաններով արգելապատնեշ կառուցելու ընթացքը և արգելապատնեշը։
Զննության ընթացքում տեսաձայնագրությունները գրառվել են 2 /երկու/ լազերային սկավառակների վրա և կցվել արձանագրությանը։
<<Ֆլեշ>> ՍՊԸ-ի տնօրեն Լ.Սաղաթելյանի մասնակցությամբ տեղանքի զննություն կատարելու մասին 2016թ. հուլիսի 22-ի արձանագրությամբ, որի համաձայն` 2016թ. հուլիսի 20-ից 21-ի գիշերը տեղի ունեցած զանգվածային անկարգությունների ժամանակ դրա մասնակիցների կողմից վնասվել և կոտրվել են Խորենացու փողոցի 112 հասցեում գործող «Ֆլեշ» ՍՊԸ-ի բենզալցակայանի գովազդային վահանակը, ծածկի վրա առկա «Ֆլեշ» ապրանքային նշանը, աշխատակիցների համար նախատեսված սրահի մուտքի դուռը և բենզալցակայանի կանաչապատ տարածքին հարակից հինգ լուսամփոփները։
<<Անիպլաստ>> ՍՊԸ-ի տնօրեն Ռ.Պետրոսյանի մասնակցությամբ զննություն կատարելու մասին 2016թ. հուլիսի 22-ի արձանագրությամբ, որի համաձայն` 2016թ. հուլիսի 20-ի լույս 21-ի գիշերն ընկած ժամանակահատվածում կատարված զանգվածային անկարգությունների ժամանակ կոտրվել է «Անիպլաստ» ՍՊԸ-ի մուտքի դռան աջակողմյան հատվածի ապակու դրսի շերտը, որը վերանորոգվել է։
Դեպքի վայրի զննության 2016թ. հուլիսի 21-ի արձանագրությամբ, որի համաձայն` դեպքի վայր հանդիսացող Երևանի Խորենացու և Քրիստափոր փողոցների խաչմերուկի անկյունային մասում` Խորենացու փողոցի թիվ 12 հասցեում տեղակայված է «Ֆլեշ» բենզալցկայանը, որի` աշխատակիցների համար նախատեսված սենյակի մուտքի դռան ապակին կոտրված է և ամրացված կպչուն ժապավենով։ Կոտրված է նաև բենզալցակայանի ցուցատախտակի աջ հատվածը« որի մեջ առկա է քար։ Նշված խաչմերուկից 7 մետր հեռավորության վրա, ճանապարհի երթևեկելի հատվածում, մոտավորապես մեկ գծով, միմյանց կողքի, շուռ տրված վիճակում դասավորված են «Սանիտեք» ընկերության տարբերանշանով 6 հատ պլաստմասյա աղբամաններ, որոնցից 6 մետր հեռավորության վրա, դեպի խաչմերուկի ուղղությամբ, հետիոտնի համար նախատեսված գծանշանի վրա առկա է ևս մեկ նմանատիպ աղբաման։
Կոտրված է նաև Խորենացու փողոցի թիվ 47 բնակելի շենքի 1-ին հարկում գտնվող «Անի Պլաստ» ՍՊԸ-ի խանութի մուտքի դռան երկշերտ ապակիներից` արտաքինի ներքևի հատվածը` 20x45սմ չափերով« որը մյուս ուղղություններով ճաքճքված է։
Զննությամբ Խորենացու և Քրիստափոր փողոցների խաչմերուկի և դրան հարակից տարածքների տարբեր մասերում հայտնաբերվել են անկանոն ձևով թափթփված տարբեր չափերի քարեր, փայտյա մահակներ, մետաղյա ձողեր, պլաստմասայից և ապակուց շշեր։
Խորենացու փողոցի 110/3 հասցեի տան մուտքի դարպասից դեպի աջ գտնվող էլեկտրական սնուցման կայանի և նշված տան ցանկապատի միջև գտնվող հատվածից հայտնաբերվել և վերցվել են 4 հատ «ԼՈՈՒԵՆԲՌԱՈՒ» («LOWENBRAU») ապրանքանիշի պիտակով ապակյա շշեր« որոնք կիսով չափ լցված են եղել սուր հոտ ունեցող հեղուկով։ 3-ի մեջ խցկված են եղել մուգ կիսագուլպաներ« իսկ 1-ի մեջ՝ ստվարաթուղթ։ Նշված հատվածում հայտնաբերվել և այդտեղից վերցվել է նաև «Կիլիկիա» գարեջրի ապակյա 1 շիշ, որը կիսով չափ լցված է եղել հեղուկով, պլաստմասե 3 տարաներ« որոնցից 2-ը նույնպես լցված են եղել հեղուկով։
Դեպքի վայրի զննության 2016թ. հուլիսի 21-ի արձանագրությամբ, որի համաձայն` դեպքի վայր հանդիսացող Երևանի Տիգրան Մեծի պողոտայի թիվ 51 շենքի դիմաց՝ մայթին առկա է շրջված նստարան, որի կողքին մետաղյա դույլ, փայտյա արկղ, մետաղյա տակառ և աղբի մնացորդներ։ Նույն հատվածում՝ հետիոտների համար նախատեսված լուսամփոփի կողքին առկա է մետաղյա ոտնակներով շրջված վիճակում աթոռ, իսկ լուսացույցի տակ՝ աղբամանի իրան։ Լուսացույցի կողքին գտնվող հաստաբուն ծառի և լուսացույցի միջնամասում առկա է փայտի կտոր, իսկ լուսացույցի դիմաց՝ փողոցի երթևեկելի հատվածում, հետիոտնային անցումի վրա՝ մեծ չափերով քարի կտոր։
Տիգրան Մեծ պողոտայում, «Տիտան» բենզալցակայանի դիմաց գտնվող հետիոտնային անցումի վրա և պողոտայի երթևեկելի հատվածում առկա են փայտի կտորներ, ռետինե անվադողեր, ճաղավանդակներ, որոնց առկայությամբ փակված է պողոտայի երթևեկելի հատվածը։ Նույն հատվածում՝ պողոտայի երթևեկելի մասում առկա են նստարաններ, մետաղյա ինքնաշեն նստարան, ծառի ճյուղ։ Տիգրան Մեծի պողոտայի վրա, գրեթե ամբողջ երկայնքով՝ երթևեկելի մասում և մայթեզրերին անկանոն թափված են տարբեր չափերի քարի կտորներ, աղբի մնացորդներ։
Դեպքի վայրի զննությամբ հայտնաբերված և առգրավված իրերով ու առարկաներով, դրանք զննելու մասին 2016թ. հուլիսի 22-ի արձանագրությամբ, որոնց համաձայն` դեպքի վայրի զննության ժամանակ վերցվել են թվով 4 «ԼՈՈՒԵՆԲՌԱՈՒ» («LOWENBRAU») ապրանքանիշի պիտակով ապակյա 0.5լ շշեր, որոնցից 2-ում ամբողջ տարողությամբ, 3-րդում մոտ 90% տարողությամբ լցված են սուր, նավթամթերքի հոտ ունեցող հեղուկ, իսկ 4-րդ շիշը՝ դատարկ։ Բացի այդ վերցվել են նաև «Կիլիկիա» ապրանքանիշով գարեջրի ապակյա շիշ, որի մեջ առկա է մոտ 80% տարողությամբ սուր, նավթամթերքի հոտ ունեցող հեղուկ։ Նշված 5 շշերից 4-ի մեջ կիսով չափ ներս են մտցված կիսագուլպաներ, իսկ 5-րդ շշի մեջ՝ ստվարաթղթի կտոր։ Վերցվել են նաև 3 պոլիէթիլենային շշեր, 2-ը 1.5 լիտր տարողության, 3-րդը 0.5լ տարողության։ 1-ին 1.5 լիտրանոց պոլիէթիլենային շիշը «Լիբերթի թարխուն» պիտակով, դատարկ, սուր նավթամթերքի հոտով, 2-րդ 1.5 լ տարողության շշում առկա է մոտ 20% տարողության սուր, նավթամթերքի հոտ ունեցող հեղուկ, իսկ 0.5լ տարողության պոլիէթիլենային «ՊԵՊՍԻ» («PEPSI») ապրանքանիշով շշում առկա է մոտ 30% տարողության շարժիչի յուղին նմանվող հեղուկ զանգված։ Վերցվել են նաև թվով 5 «Կիլիկիա» ապրանքանիշի պիտակով ապակյա 0.5լ տարողության դատարկ շշեր, 1 հատ «Միլլեր» ապրանքանիշի պիտակով ապակյա 0.53 տարողության դատարկ շիշ, 1 հատ 1լ տարողության պոլիէթիլենային դատարկ շիշ և 1 հատ 0.7 լ տարողության «Արարատ 5 աստղ, ապրանքանիշի պիտակով ապակյա դատարկ շիշ։
Դեպքի վայրից նաև վերցվել են 8 փայտեր։ Դրանցից 2-ը դռան շրջանակի կմախքի մասեր են հանդիսանում, սպիտակ ներկով ներկված, ծայրերը սղոցված, որոնք ունեն 62.5x7սմ և 61x7սմ չափեր։ 3-րդ փայտն իրենից ներկայացնում է 45սմ երկարության աթոռի կոտրված ոտք 3սմ տրամագծով։ 4-րդ և 5-րդ փայտերն իրենցից ներկայացնում են հարթ մակերեսով փայտեր 62x4սմ և 77x5սմ չափերի։ Մյուս 3 փայտերն իրենցից ներկայացնում են ծառի չորացած ճյուղի կտորներ, 1-ինը` 66սմ երկարության 2սմ տրամագծով, 2-րդը` 61 սմ երկարության 3 սմ տրամագծով, իսկ 3-րդ փայտը՝ 74սմ երկարության և 2սմ տրամագծով։
Դեպքի վայրից վերցվել են ևս 5 փայտեր, որոնցից 1-ը դռան շրջանակի կմախքի մաս է հանդիսանում, ծայրերը սղոցված, ունի 106սմ երկարություն, 5 սմ հաստություն։ 2-րդ և 3-րդ փայտերն իրենից ներկայացնում են 68սմ երկարության աթոռի կոտրված ոտք 3.5սմ տրամագծով, իսկ մյուսը՝ 71սմ երկարության և 3սմ տրամագծով։ 4-րդ և 5-րդ փայտերն իրենցից ներկայացնում են ծառի չորացած ճյուղերի կտորներ՝ 1-ինը՝ 84սմ երկարության 3.5սմ տրամագծով, 2-րդը՝ 97 սմ երկարության 3 սմ տրամագծով։
Վերցվել են նաև մետաղյա խողովակի և անկյունակի 9 կտորներներ։ Անկյունակները 2-ն են, 1-ինը՝ 1մ երկարության, 4.5սմ լայնության, իսկ 2-րդը՝ 111 սմ երկարության, 5սմ լայնության։ Մետաղյա խողովակները 6 հատ են՝ 1-ինը՝ 76սմ երկարության, 2սմ տրամագծով, 2-րդը՝ 84 սմ երկարության, 2սմ տրամագծով, 3-րդը՝ 71սմ երկարության, 2սմ տրամագծով, 4-րդը՝ 50սմ երկարության, 3սմ տրամագծով, 5-րդը՝ 100սմ երկարության, 2սմ տրամագծով և 6-րդը՝ 63.5սմ երկարության, 2սմ տրամագծով և 1 հատ 63սմ երկրարության ամրալար։
Ա.Առաքելյանի ժամանակավոր բնակության վայրում` Երևանի Ջրաշեն թաղամասի 1-ին փողոցի թիվ 30 տանը 2016թ. օգոստոսի 13-ին կատարված խուզարկությամբ առգրավված, նախաքննության մարմնի 2016թ. օգոստոսի 30-ի որոշմամբ իրեղեն ապացույց ճանաչված, Ա.Առաքելյանին պատկանող կարճաթև շապիկով և <<Զննություն կատարելու մասին>> 2016թ. օգոստոսի 30-ի արձանագրությամբ, որոնց համաձայն` ՀՀ քննչական կոմիտեի ՀԿԳ քննության գլխավոր վարչությունում զննվել է Ա.Առաքելյանի ժամանակավոր բնակության վայրից առգրավված, 2016թ. հուլիսի 20-ին նրա հագին եղած տաբատը և պարզվել է, որ նրան պատկանող կարճաթև շապիկը կտորից է, օձիքն ու թևերի եզրամասերը մոխրագույն են, իսկ մյուս հատվածը` սև։
Այսպիսով, Վերաքննիչ դատարանը` վերլուծության ու գնահատության ենթարկելով քրեական գործով ձեռք բերված, գործի դատաքննության ընթացքում հետազոտված և սույն որոշման մեջ շարադրված ապացույցներն իրենց համակցությամբ, հանգում է այն հետևության, որ Դատարանն ամբաստանյալ Արման Ալբերտի Առաքելյանին ՀՀ քրեական օրենսգրքի 225-րդ հոդվածի 2-րդ մասով վերագրվող արարքի որակման առումով հիմնավոր հետևության հանգելու համար, անհրաժեշտ և բավարար վերլուծության ու գնահատության է ենթարկել գործի լուծման համար անհրաժեշտ բացահայտման ենթակա հանգամանքներն ամբողջությամբ, որի արդյունքում ամբաստանյալի հանցավոր արարքին տրվել է ճիշտ քրեաիրավական գնահատական և կիրառվել է քրեական իրավունքի այն նորմը, որը ենթակա է եղել կիրառման, ուստի քրեական գործի շրջանակներում ամբաստանյալ Արման Առաքելյանի նկատմամբ արդարացման դատական ակտ կայացնելու հիմքեր չկան:
Քննության առնելով պաշտպանի վերաքննիչ բողոքի փաստարկներն այն մասին, որ վկա Էլմիրա Հովհաննիսյանի նախաքննական ցուցմունքը պետք է ճանաչել անթույլատրելի ապացույց, քանի որ ամբաստանյալ Արման Առաքելյանը զրկված է եղել իր հակընդդեմ հարցման իրավունքից, ապա Վերաքննիչ դատարանն արձանագրում է, որ բերված փաստարկն անհիմն է, այն չի բխում քրեական գործի նյութերից` նկատի ունենալով հետևյալը.
ՀՀ վճռաբեկ դատարանը Հարություն Սարգսյանի վերաբերյալ գործով 27.02.2015 թվականի թիվ ՇԴ/0172/01/12 նախադեպային որոշմամբ արտահայտել է հետևյալ իրավական դիրքորոշումը. <<(...) հակընդդեմ հարցման իրավունքով չապահովված ապացույցը չի կարող դրվել անձի մեղադրական դատավճռի հիմքում: Միևնույն ժամանակ այս արգելքը բացարձակ բնույթ չի կրում, մասնավորապես` հակընդդեմ հարցման իրավունքով չապահովված վկայի ցուցմունքը մեղադրական դատավճռի հիմքում դնելն արդար դատաքննության իրավունքի խախտման չի հանգեցնի, եթե վկայի բացակայությունը եղել է արդարացված, և եթե այդ ապացույցը վճռական կշիռ չի ունեցել անձի մեղքը հաստատող ապացույցների զանգվածում: (...)>>:
Քրեական գործի նյութերի ուսումնասիրությունից երևում է, որ Դատարանը ձեռնարկել է բոլոր անհրաժեշտ միջոցները` վկա Էլմիրա Հովհաննիսյանին դատարան հրավիրելու և ցուցմունքներ տալու համար:
Մասնավորապես Դատարանի կողմից 01.11.2016 /հատոր 9, գ.թ. 2/, 15.12.2016 /հատոր 10, գ.թ. 115/, 28.12.2016, 14.02.2017 /հատոր 11, գ.թ. 33, 100/ թվականներին վկա Էլմիրա Հովհաննիսյանի բնակության հասցեին ծանուցագրեր են ուղարկվել` Դատարան ներկայանալու համար, սակայն վերջինս պատշաճ կերպով ծանուցված լինելով դատական նիստի տեղի, օրվա և ժամի մասին, չի ներկայացել, որից հետո` Դատարանը 2017 թվականի փետրվարի 14-ին որոշում է կայացրել Էլմիրա Հովհաննիսյանին բերման ենթարկելու մասին, սակայն ձեռնարկված միջոցառումների արդյունքում օբյեկտիվորեն հնարավոր չի եղել վերջինիս ներկայությունն ապահովել դատաքննության ընթացքում այն պատճառաբանությամբ, որ <<Երևան քաղաքի Ջրաշեն 1 փող. 30 տան դուռը փակ է, իսկ Էլմիրա Արսենի Հովհաննիսյանի գտնվելու վայրի մասին տեղեկություններ չկան>>, ինչը վկայում է այն մասին, որ հակընդդեմ հարցման իրավունքով չապահովված վերջինիս նախաքննական ցուցմունքը մեղադրական դատավճռի հիմքում դնելն արդար դատաքննության իրավունքի խախտման չի հանգեցրել:
Բացի այդ` Վերաքննիչ դատարանն արձանագրում է, որ վկա Էլմիրա Հովհաննիսյանի նախաքննական ցուցմունքը թեև վճռական կշիռ է ունեցել ամբաստանյալ Արման Առաքելյանի մեղքը հաստատող ապացույցների զանգվածում, սակայն այն ապացույցների զանգվածում միակ և վճռորոշ ապացույցը չէ:
Վերաքննիչ դատարանը` քննության առնելով պաշտպան Ա.Ղարագյոզյանի վերաքննիչ բողոքի փաստարկներն ու պահանջը` ամբաստանյալ Արման Առաքելյանի նկատմամբ ազատազրկման ձևով նշանակված պատիժը ՀՀ քրեական օրենսգրքի 70-րդ հոդվածի կիրառմամբ պայմանականորեն չկիրառելու վերաբերյալ, գտնում է, որ վերաքննիչ բողոքն այդ մասով ևս պետք է մերժել` նկատի ունենալով հետևյալը.
Պատիժը պայմանականորեն չկիրառելն ամրագրած ՀՀ քրեական օրենսգրքի 70-րդ հոդվածի համաձայն` եթե դատարանը կալանքի, ազատազրկման կամ կարգապահական գումարտակում պահելու ձևով պատիժ նշանակելով հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին:
Այսինքն` դատարանը կայացնելով մեղադրական դատավճիռ, ամբաստանյալի նկատմամբ նշանակում է քրեական օրենսգրքի 70-րդ հոդվածում թվարկված պատժատեսակներից /կալանք, ազատազրկում կամ կարգապահական գումարտակում պահելը/ որևէ մեկը` սահմանելով դրա չափը, այնուհետև համոզված լինելով, որ դատապարտյալի ուղղվելը հանրավոր է առանց նշանակված պատիժը փաստացի կրելու որոշում է դատապարտյալի վրա որոշակի պարտականություններ դնելով նշանակված պատիժը պայմանականորեն չկիրառել:
Նույն հոդվածի 2-րդ մասը սահմանում է, որ պատիժը պայմանականորեն չկիրառելիս դատարանը հաշվի է առնում հանցավորի անձը բնութագրող տվյալները, պատիժն ու պատասխանատվությունը մեղմացնող ու ծանրացնող հանգամանքները և չնայած պատիժը պայմանականորեն չկիրառելու հետ կապված ՀՀ քրեական օրենսգիրքը ինչպես հանցագործությունների տեսակների, հանցավոր արարքի վտանգավորության աստիճանի ու բնույթի, այնպես էլ անձանց շրջանակի հետ կապված հատուկ սահմանափակում չի նախատեսել, սակայն դատարանը պարտավոր է, ղեկավարվելով ՀՀ քրեական օրենգրքի 61-րդ հոդվածով նախատեսված պատիժ նշանակելու ընդհանուր սկզբունքներով, հաշվի առնել նաև հանցագործության հանրության համար վտանգավորության աստիճանը և բնույթը:
Պատիժը պայմանականորեն չկիրառելու համար կարևոր նշանակություն ունեն հանցագործության կատարման հանգամանքները, եղանակը, գործիքներն ու միջոցները, մեղքի ձևը, հանցավորի կողմից այդ հանցագործության հանրորեն վտանգավոր հետևանքները նախատեսելու բնույթն ու աստիճանը:
ՀՀ վճռաբեկ դատարանը, կատարելով իրավունքի զարգացմանը նպաստելու և օրենքի միատեսակ կիրառումն ապահովելու իր սահմանադրական գործառույթը, նշանակված պատիժը կրելու նպատակահարմարության հարցը լուծելու ընթացքում դատարանի կողմից հաշվի առնվող հանգամանքներին անդրադարձել է թիվ ՎԲ-50/07, ՎԲ-139/07, ՎԲ-195/07, ՎԲ-192/07, ՎԲ-201/07, ՎԲ-01/08, ԵԿԴ/0034/01/08, ԱՎԴ2/0059/01/08, ՀՅՔՐԴ3/0109/01/08, ԵՔՐԴ/0571/01/08, ԱՎԴ/0100/01/08, ԱՐԴ/0117/01/08, ԱՐԱԴ/0050/01/08, ԵԱՔԴ/0078/01/09, ԼԴ2/0019/01/09, ՍԴ/0226/01/09, ԵԱՔԴ/0120/01/09, ԵԷԴ/0138/01/09, ՍԴ/0085/01/10, ԵԿԴ/0126/01/10, ԵԱՆԴ/0091/01/09, ԵԷԴ/0201/01/11, ԵԱԴԴ/0034/01/12, ԼԴ/0093/01/12, ինչպես նաև մի շարք այլ գործերով կայացված նախադեպային որոշումներում:
Վերոնշյալ որոշումներում ՀՀ վճռաբեկ դատարանի կողմից ձևավորված կայուն նախադեպային իրավունքի համաձայն` պատիժը կարող է պայմանականորեն չկիրառվել, եթե առկա է դատարանի համոզվածությունը, վստահությունը, որ ամբաստանյալի ուղղումը հնարավոր է առանց իրական պատիժ կրելու։ Դատարանը նման հետևության հանգում է միայն օբյեկտիվ գոյություն ունեցող տվյալների վերլուծության հիման վրա, որոնք բնութագրում են արարքը, հանցավորի անձը և վկայում են պատիժը պայմանականորեն չկիրառելու հիմքերի առկայության մասին։
ՀՀ քրեական օրենսգրքի ընդհանուր մասի վերը թվարկված դրույթների բովանդակային վերլուծության և ՀՀ վճռաբեկ դատարանի նախադեպային որոշումներում արտահայտված իրավական դիրքորոշումների համատեքստում ուսումնասիրելով քրեական գործի նյութերը` ակնհայտ է դառնում, որ ՀՀ քրեական օրենսգրքի 225-րդ հոդվածի 2-րդ մասով մեղադրվող ամբաստանյալ Արման Առաքելյանի նկատմամբ ազատազրկման ձևով պատիժ նշանակելու և նշանակված պատիժը պայմանականորեն չկիրառելու հարցերը քննելիս, Դատարանը ղեկավարվել է ՀՀ քրեական օրենսգրքի 61-րդ հոդվածով սահմանված պատիժ նշանակելու ընդհանուր սկզբունքներով, բավարար չափով ստուգման ու բազմակողմանի գնահատման է ենթարկել ամբաստանյալի կողմից կատարած հանցանքի` հանրության համար վտանգավորության աստիճանն ու բնույթը, հանցագործության կատարման եղանակը, հանցավոր մտադրության իրականացման աստիճանը, հանցագործությունը կատարելուց հետո նրա դրսևորած վարքագիծը, խախտված հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը, ամբաստանյալի անձը բնութագրող տվյալները, այդ թվում` պատասխանատվությունն ու պատիժը մեղմացնող կամ ծանրացնող հանգամանքները, մասնավորապես այն, որ ամբաստանյալ Ա.Առաքելյանը նախկինում դատապարտված չի եղել, և չարձանագրելով ամբաստանյալ Ա.Առաքելյանի պատասխանատվությունը և պատիժը մեղմացնող և ծանրացնող հանգամանքներ, վերջինիս նկատմամբ նշանակել է ազատազրկման ձևով ռեալ պատիժ` հանգելով ճիշտ հետևության այն մասին, որ նշանակված պատիժն ամբաստանյալ Ա.Առաքելյանը պետք է կրի, քանի որ դրան խոչընդոտող հանգամանքներ առկա չեն, պատժի կրումից նրան ազատելու վերաբերյալ բավարար հիմնավորումներ դատարանին չեն ներկայացվել:
Վերաքննիչ դատարանը նման հետևության հանգելիս` հաշվի է առնում նաև ամբաստանյալ կատարված հանցագործությանն Արման Առաքելյանի փաստացի մասնակցության բնույթն ու աստիճանը, մասնավորապես այն, որ վերջինս ոչ միայն չի ենթարկվել ծառայություն իրականացնող իշխանության ներկայացուցիչների` տարածքն ազատելու և ազատ շարժվելն արգելված լինելու օրինական պահանջներին, այլ, վտանգելով հասարակական անվտանգությունը, բռնություն է գործադրել` առարկա նետել, ինչպես նաև` ձեռքերով և ոտքերով հարվածներ է հասցրել ծառայողական պարտականությունները կատարող, իշխանության ներկայացուցիչ հանդիսացող ոստիկանության աշխատակիցներին, ինչը վկայում է ամբաստանյալ Ա.Առաքելյանի և նրա կատարած հանցանքի` առավել բարձր վտանգավորության աստիճանի մասին:
Այսպիսով, Վերաքննիչ դատարանն արձանագրում է, որ քրեական գործի նախաքննության ընթացքում ձեռք բերված բոլոր ապացույցները հանգամանորեն հետազոտվել և օբյեկտիվ գնահատման են ենթարկվել դատաքննության ընթացքում և եզրակացությունները կառուցվել են միայն ապացույցների համալիր գնահատականի հիման վրա, քրեական գործի քննության նախորդ փուլում թույլ չեն տրվել նյութական և դատավարական իրավունքի նորմերի այնպիսի խախտումներ, որոնք հանգեցրել են դատական սխալի, հետևաբար` պաշտպան Ա.Ղարագյոզյանի վերաքննիչ բողոքը բավարարելու, այն է` Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2017 թվականի ապրիլի 21-ի դատավճիռը բեկանելու կամ փոփոխելու, ամբաստանյալ Արման Առաքելյանին ՀՀ քրեական օրենսգրքի 225-րդ հոդվածի 2-րդ մասով առաջադրված մեղադրանքում արդարացնելու կամ ազատազրկման ձևով նշանակված պատիժը ՀՀ քրեական օրենսգրքի 70-րդ հոդվածի կիրառմամբ պայմանականորեն չկիրառելու անհրաժեշտ ու բավարար հիմքեր համար:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394-րդ, 402-րդ հոդվածներով` Վերաքննիչ դատարանը

Ո Ր Ո Շ Ե Ց

Պաշտպանի վերաքննիչ բողոքը մերժել:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2017 թվականի ապրիլի 21-ի դատավճիռը` Արման Ալբերտի Առաքելյանի վերաբերյալ` ՀՀ քրեական օրենսգրքի 225-րդ հոդվածի 2-րդ մասով, թողնել օրինական ուժի մեջ:
Որոշումը կարող է բողոքարկվել ՀՀ վճռաբեկ դատարան` հրապարակման պահից մեկամսյա ժամկետում:


ՆԱԽԱԳԱՀՈՂ ԴԱՏԱՎՈՐ` Մ.ՊԵՏՐՈՍՅԱՆ


ԴԱՏԱՎՈՐՆԵՐ` Կ.ՂԱԶԱՐՅԱՆ


Ս.ՀԱՄԲԱՐՁՈՒՄՅԱՆ