ԵԿԴ/0334/01/16





ՈՐՈՇՈՒՄ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ ՄԻՋՆՈՐԴՈՒԹՅՈՒՆԸ ՔՆՆՈՒԹՅԱՆ ԱՌՆԵԼՈՒ ՄԱՍԻՆ


«10» մայիսի 2017թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը` նախագահող դատավոր Արմեն Բեկթաշյանի, քարտուղարությամբ Գեորգի Սարգսյանի մասնակցությամբ մեղադրող Մարտին Նալբանդյանի, տուժող Հասմիկ Մնացականյանի, ամբաստանյալ Գևորգ Սարգսյանի և պաշտպան Թամարա Բաղդասարյանի, դռնբաց դատական նիստում քննելով քրեական գործն ըստ մեղադրանքի Գևորգ Բաբկենի Սարգսյանի (ծնված 1983 թվականի հոկտեմբերի 05-ին Երևան քաղաքում, ագությամբ հայ, ՀՀ քաղաքացի, միջնակարգ կրթությամբ, խնամքին երկու անձ, չդատապարտված, հաշվառված է Երևան քաղաքի Նոր Նորք, 7-րդ զանգվածի 49-րդ շենքի 15-րդ բնակարանում)` ՀՀ քրեական օրենսգրքի 118-րդ հոդվածով, դռնբաց դատական նիստում քննության առնելով` թիվ ԵԿԴ/0334/01/16 քրեական գործի վարույթը կարճելու և քրեական հետապնդումը դադարեցնելու մասին տուժող Հասմիկ Մնացականյանի միջնորդությունը,

ՊԱՐԶԵՑ


2016 թվականի նոյեմբերի 28-ին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Մ.Նալբանդյանի կողմից որոշում է կայացվել ՀՀ քրեական օրենսգրքի 118-րդ հոդվածով թիվ 13205016 քրեական գործը հարուցելու մասին:
2016 թվականի նոյեմբերի 28-ին ՀՀ ՔԿ Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Ն.Մովսիսյանի կողմից որոշում է կայացվել թիվ 13205016 քրեական գործը վարույթ ընդունելու մասին:
2016 թվականի նոյեմբերի 28-ին ՀՀ ՔԿ Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Ն.Մովսիսյանի կողմից որոշում է կայացվել թիվ 13205016 քրեական գործով Հասմիկ Մնացականյանին որպես տուժող ճանաչելու մասին:
2016 թվականի նոյեմբերի 28-ին ՀՀ ՔԿ Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Ն.Մովսիսյանի կողմից որոշում է կայացվել թիվ 13205016 քրեական գործով Գևորգ Բաբկենի Սարգսյանի նկատմամբ որպես խափանման միջոց ստորագրություն չհեռանալու մասին ընտրելու վերաբերյալ:
2016 թվականի դեկտեմբերի 01-ին ՀՀ ՔԿ Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Ն.Մովսիսյանի կողմից որոշում է կայացվել թիվ 13205016 քրեական գործով տուժող հասմիկ Մնացականյանի հագին եղած կապույտ գույնի կոճակներով վերնազգեստը իրեղեն ապացույց ճանաչելու մասին:
2016 թվականի դեկտեմբերի 03-ին ՀՀ ՔԿ Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Ն.Մովսիսյանի կողմից որոշում է կայացվել թիվ 13205016 քրեական գործով Գևորգ Բաբկենի Սարգսյանին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 118-րդ հոդվածով այն բանի համար, որ նա իր կնոջ Հասմիկ Մնացականյանի հետ համացանցի Ֆեյսբուք սոցիալական կայքում վերջինիս լուսանկարները ինչ որ անձի կողմից հավանություն տալու կապակցությամբ նրանց միջև ծագած վիճաբանության վերաբերյալ նրա հետ խոսելու պատրվակով 2016 թվականի նոյեմբերի 26-ին ժամը 15:30-ի սահմաններում, Երևան քաղաքի Տերյան փողոցի թիվ 68ա շենքի դիմաց հանդիպել է Հասմիկ Մնացականյանին, առաջարկել անցնել փողոցն ու խոսել և երբ Հասմիկ Մնացականյանը չի համաձայնվել, Գևորգ Սարգսյանը նրա ձեռքից բռնած քաշելով անցկացրել է փողոցը, վերջինիս նկատմամբ ուժ գործադրելով ցանկացել է նստեցնել իր ընկեր ոմն Ռոբերտին պատկանող ավտոմեքենան, որի ընթացքում փեռքերով հարվածներ է հասցրել Հասմիկ Մնացականյանի մարմնի տարբեր հատվածներին, կծել նրա ձախ թևը՝ վերջինիս պատճառելով առողջության թեթև վնասի հատկանիշներ չպարունակող՝ աջ բազկի ս/3-ի ներսային, ձախ բազկի մ/3-ի հետին մակերեսների արյունազեղումների ձևով մարմնական վնասվածքներ:
2016 թվականի դեկտեմբերի 03-ին ՀՀ ՔԿ Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի ավագ քննիչ Ն.Մովսիսյանի կողմից որոշում է կայացվել թիվ 13205016 քրեական գործով Գևորգ Բաբկենի Սարգսյանի նկատմամբ՝ ՀՀ քրեական օրենսգրքի 34-131-րդ հոդվածի 1-ին մասով նախատեսված հանցանքը կատարելու դրվագով քրեական հետապնդում չիրականացնելու մասին՝ հանցակազմի բացակայության հիմքով:
2016 թվականի դեկտեմբերի 26-ին Գ.Սարգսյանի վերաբերյալ թիվ 13205016 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի Դատարան, որտեղ քրեական գործին շնորհվել է ԵԿԴ/0334/01/16 համարը:
Տուժող Հ.Մնացականյանը 2017 թվականի մայիսի 10-ին Դատարանին ուղղված դիմումով հայտնել է, որ «Նկատի ունենալով, որ հաշտվել եմ Գևորգ Սարգսյանի հետ և նրա նկատմամբ բողոք չունեմ, խնդրում եմ կարճել քրեական գործի վարույթը հաշտության հիմքով»:
Ամբաստանյալ Գ.Սարգսյանը 2017 թվականի մայիսի 10-ին Դատարանին ուղղված դիմումով հայտնել է, որ «Հարգելի Դատարան հայտնում եմ Ձեզ, որ չեմ փոխել իմ դիրքորոշումը մեղավորության վերաբերյալ և ինձ մեղավոր չեմ ճանաչում, սակայն, քանի որ տուժողը հայտնեց, որ հաշտվում եմ, հայտնում եմ, որ չեմ առարկում, որպեսզի գործը կարճվի հաշտության հիմքով»:
2017 թվականի մայիսի 10-ին նշանակված դատական քննության ժամանակ տուժող Հասմիկ Մնացականյանը հայտնեց, որ հաշտվել է ամբաստանյալ Գևորգ Սարգսյանի հետ և խնդրեց քրեական գործի վարույթը կարճել և քրեական հետապնդումը դադարեցնել:
Դատական քննության ժամանակ ամբաստանյալ Գևորգ Սարգսյանը հայտնեց, որ ինքը նույնպես հաշտվել է տուժող Հասմիկ Մնացականյանի հետ և գիտակցում է հաշտվելու հետևանքները:
Մեղադրող` Մ.Նալբանդյանը չառարկեց ներկայացված միջնորդության դեմ:
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ՀՀ քրեական դատավարության օրենսգրքով նախատեսված դեպքերում տուժողը հաշտվել է մեղադրյալի հետ:
ՀՀ քրեական դատավարության օրենսգրքի 183-րդ հոդվածի 1-ին մասի համաձայն` ՀՀ քրեական օրենսգրքի 118-րդ հոդվածով նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման: Հաշտությունը թույլատրվում է մինչև դատավճիռ կայացնելու համար դատարանի խորհրդակցական սենյակ հեռանալը:
Դատարանը, նկատի ունենալով, որ տուժող Հասմիկ Մնացականյանը հաշտվել է ամբաստանյալ Գևորգ Սարգսյանի հետ, գտնում է, որ թիվ ԵԿԴ/0334/01/16 քրեական գործի վարույթը պետք է կարճել և ամբաստանյալ Գևորգ Սարգսյանի նկատմամբ ՀՀ քրեական օրենսգրքի 118-րդ հոդվածով քրեական հետապնդումը պետք է դադարեցնել:
Որոշումը օրինական ուժի մեջ մտնելուց հետո թիվ 13205016 քրեական գործով իրեղեն ապացույց ճանաչված՝ տուժող Հասմիկ Մնացականյանի հագին եղած կապույտ գույնի կոճակներով վերնազգեստը պետք է վերդարձնել տուժող Հասմիկ Մնացականյանին:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ, 41-րդ, 183-րդ և 313-րդ հոդվածներով` Դատարանը


ՈՐՈՇԵՑ

Թիվ ԵԿԴ/0334/01/16 քրեական գործի վարույթը կարճել և Գևորգ Սարգսյանի նկատմամբ ՀՀ քրեական օրենսգրքի 118-րդ հոդվածով քրեական հետապնդումը դադարեցնել` տուժող Հասմիկ Մնացականյանի կողմից ամբաստանյալ Գևորգ Սարգսյանի հետ հաշտվելու հիմքով:
Որոշումը օրինական ուժի մեջ մտնելուց հետո թիվ 13205016 քրեական գործով իրեղեն ապացույց ճանաչված՝ տուժող Հասմիկ Մնացականյանի հագին եղած կապույտ գույնի կոճակներով վերնազգեստը վերդարձնել տուժող Հասմիկ Մնացականյանին:
Սույն որոշումը կարող է բողոքարկվել Հայաստանի Հանրապետության վերաքննիչ քրեական դատարան` հրապարակման օրվանից մեկամսյա ժամկետում:


ԴԱՏԱՎՈՐ Ա.ԲԵԿԹԱՇՅԱՆ