Գործ ԵԿԴ/0320/01/16



ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը (այսուհետ` Դատարան )`

նախագահությամբ դատավոր` Արշակ Վարդանյանի,

քարտուղարությամբ` Վլադիմիր Շահինյանի և
Դարինա Բեգլարյանի,
մասնակցությամբ`

մեղադրող« Երևանի Կենտրոն և
Նորք-Մարաշ վարչական շրջանների
դատախազության դատախազ` Ռաֆայել Մանուկյանի,

տուժողներ` Նարինե Պալյանի,
Հասմիկ Մխիթարյանի,
Կարինե Մուդիրյանի,
Գայանե Նավասարդյանի և
Լիլիյա Գաբրիելյանի,

տուժող «Ռիթմ ֆարմ» ՍՊԸ ներկայացուցիչ` Վահրամ Գևորգյանի,
տուժող Կ.Մուդիրյանի ներկայացուցիչ` Ռուբեն Չիբուխչյանի,

պաշտպան (հանրային)` Արթուր Ալիխանյանի,


նույն դատարանում` դռնբաց դատական նիստերի կարգով քննեց և 2017թ. հունիսի 28-ին ավարտեց քրեական գործն ըստ մեղադրանքի`
Մարիամ Ռուբիկի Խաչատրյանի` (ծնված 1994թ. սեպտեմբերի 23-ին, Արարատի մարզի Վեդի քաղաքում, ազգությամբ հայուհի, ՀՀ քաղաքացի, միջնակարգ կրթությամբ, չամուսնացած, նախկինում դատապարտված` 1. Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. մարտի 18-ի դատավճռով ՀՀ քրեական օրենսգրքի 177-րդ հոդվածի 2-րդ մասի 4-րդ կետով՝ ազատազրկման 2 տարի ժամկետով, որը պայմանականորեն չի կիրառվել, սահմանվել է փորձաշրջան 2 տարի ժամկետով, 2. Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2012թ. դեկտեմբերի 5-ի դատավճռով ՀՀ քրեական օրենսգրքի 177-րդ հոդվածի 1-ին մասով /8 դրվագներով/, 177-րդ հոդվածի 2-րդ մասի 2-րդ կետով /4 դրվագներով/, 177-րդ հոդվածի 2-րդ մասի 2-րդ և 3-րդ կետերով, ՀՀ քրեական օրենսգրքի 66-րդ հոդվածի կիրառմամբ՝ ազատազրկման՝ 2 տարի 6 ամիս ժամկետով։ Նույն դատավճռով Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. մարտի 18-ի դատավճռով սահ¬մանված պայմանական դատապարտությունը վերացվել և ՀՀ քրեական օրենսգրքի 67-րդ հոդվածի կիրառմամբ նրա նկատմամբ վերջնական պատիժ է նշանակվել ազատազրկում՝ 3 տարի ժամկետով, պատժի կրման սկիզբը հաշվարկվել է 2012թ. փետրվարի 5-ից, պատժից ազատվել է` այն ամբողջությամբ կրելով, վերոնշյալ դատվածությունները չմարված, 3. Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2016թ. դեկտեմբերի 9-ի դատավճռով ՀՀ քրեական օրենսգրքի 176-րդ հոդվածի 1-ին մասով` ազատազրկման 5 ամիս ժամկետով, հաշվառված է Վեդի քաղաքի Գ.Գալստյան փողոցի 24 տանը, սույն գործով վերագրվել է ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով, ՀՀ քրեական օրենսգրքի 177-րդ հոդվածի 2-րդ մասի 2-րդ կետով և ՀՀ քրեական օրենսգրքի 177-րդ հոդվածի 1-ին մասով (4 դրվագներով) նախատեսված արարքների կատարում, որպես խափան¬ման միջոց է ընտրվել կալանավորում, փաստացի արգելանքի տակ է 2016թ. սեպտեմբերի 8-ից)։

Գործի դատավարական նախապատմությունը.
2016թ. օգոստոսի 24-ին ՀՀ քննչական կոմիտեի Կենտրոն և Նորք-Մարաշ վարչական շրջանների քննչական բաժնում ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերի հատ¬կանիշներով հարուցվել է թիվ 15148016 քրեական գործը` գործով տուժող Նարինե Պալյանի հաղորդման հիման վրա նախապատրաստված նյութերի քննարկման արդ¬յունք¬ներով։
2016թ. սեպտեմբերի 9-ին ձերբակալվել է դեռևս նախորդ օրը ՀՀ ոստիկանության Կենտրոնականի բաժին վերոնշյալ գողությունը կատարելու կասկածանքով բերման ենթարկված Մարիամ Խաչատրյանը։
2017թ. սեպտեմբերի 10-ին Մարիամ Խաչատրյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով։
2017թ. սեպտեմբերի 10-ին Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը, բավարարելով նախաքննական մարմնի միջնորդությունը, մեղադրյալ Մ.Խաչատրյանի նկատմամբ երկու ամսով որպես խափանման միջոց է ընտրել կալանավորում, որի ժամկետը հետագայում երկարացվել է։
2016թ. սեպտեմբերի 23-ին թիվ 15148016 քրեական գործին է միացվել և համատեղ քննվել դեռևս 2016թ. սեպտեմբերի 2-ին ՀՀ քննչական կոմիտեի Կենտրոն և Նորք-Մարաշ վարչական շրջանների քննչական բաժնում ՀՀ քրեական օրենսգրքի 177-րդ հոդվածի 1-ին մասով հարուցված թիվ 13802016 քրեական գործը (տուժող Հասմիկ Մխիթարյանի դրվագ)։
2016թ. սեպտեմբերի 24-ին թիվ 15148016 քրեական գործին է միացվել և համատեղ քննվել դեռևս 2016թ. մարտի 24-ին ՀՀ քննչական կոմիտեի Արաբկիր վարչական շրջանի քննչական բաժնում ՀՀ քրեա¬կան օրենսգրքի 177-րդ հոդվածի 2-րդ մասի 2-րդ կետով հարուցված թիվ 14116716 քրեական գործը (տուժող Կարինե Մուդիրյանի դրվագ)։
2016թ. հուլիսի 28-ին թիվ 14116716 քրեական գործին է միացվել և համատեղ քննվել դեռևս 2016թ. հունիսի 2-ին ՀՀ քննչական կոմիտեի Արաբկիր վարչական շրջանի քննչական բաժնում ՀՀ քրեական օրենսգրքի 177-րդ հոդվածի 1-ին մասով հարուցված թիվ 14132116 քրեական գործը (տուժող Գայանե Նավասարդյանի դրվագ)։
2016թ. օգոստոսի 1-ին թիվ 14116716 քրեական գործին է միացվել և համատեղ քննվել դեռևս 2016թ. ապրիլի 1-ին ՀՀ քննչական կոմիտեի Արաբկիր վարչական շրջանի քննչական բաժնում ՀՀ քրեական օրենսգրքի 177-րդ հոդվածի 1-ին մասով հարուցված թիվ 14118316 քրեական գործը (տուժող «Ռիթմ ֆարմ» ՍՊ ընկերության դրվագ)։
2016թ. օգոստոսի 25-ին թիվ 14116716 քրեական գործին է միացվել և համատեղ քննվել դեռևս 2016թ. ապրիլի 25-ին ՀՀ քննչական կոմիտեի Արաբկիր վարչական շրջանի քննչական բաժնում ՀՀ քրեական օրենսգրքի 177-րդ հոդվածի 1-ին մասով և 324-րդ հոդվածի 1-ին մասով հարուցված թիվ 14124616 քրեական գործը (տուժող Նելլի Գասպարյանի դրվագ)։
2016թ. սեպտեմբերի 1-ին Մ.Խաչատրյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 2-րդ կետով, 177-րդ հոդվածի 1-ին մասով, 177-րդ հոդվածի 1-ին մասով և 177-րդ հոդվածի 1-ին մասով։
2016թ. սեպտեմբերի 2-ին որոշում է կայացվել թիվ 14116716 քրեական գործի վարույթը կասեցնելու մասին` մինչ հետախուզվող Մ.Խաչատրյանի հայտնաբերումը։
2016թ. սեպտեմբերի 14-ին քրեական գործի կասեցված վարույթը վերսկսվել է` լրացուցիչ քննութ¬յուն կատարելու վերաբերյալ հսկող դատախազի ցուցումի հիման վրա։
2016թ. հոկտեմբերի 3-ին թիվ 15148016 քրեական գործին է միացվել և համատեղ քննվել դեռևս 2016թ. սեպտեմբերի 8-ին ՀՀ ոստիկանության Նոր Նորքի բաժնում ՀՀ քրեական օրենսգրքի 177-րդ հոդվածի 1-ին մասով հարուցված թիվ 17178916 քրեական գործը (տուժող Սեդա Տիտանյանի դրվագ)։
2016թ. հոկտեմբերի 14-ին թիվ 15148016 քրեական գործին է միացվել և համատեղ քննվել դեռևս 2016թ. սեպտեմբերի 6-ին ՀՀ քննչական կոմիտեի Մալաթիա-Սեբաստիա վարչական շրջանի քննչական բաժնում ՀՀ քրեական օրենսգրքի 177-րդ հոդվածի 1-ին մասով հարուցված թիվ 16137516 քրեական գործը (տուժող Լիլիյա Գաբրիելյանի դրվագ)։
2016թ. դեկտեմբերի 2-ին Մ.Խաչատրյանի նկատմամբ ՀՀ քրեական օրենսգրքի 177-րդ հոդ¬վածի 1-ին մասով քրեական հետապնդում չիրականացնելու մասին որոշում է կայացվել տուժող Սեդա Տիտանյանի հետ հաշտվելու հիմքով։
2016թ. դեկտեմբերի 2-ին Մ.Խաչատրյանի նկատմամբ ՀՀ քրեական օրենսգրքի 177-րդ հոդվածի 1-ին մասով քրեական հետապնդում չիրականացնելու մասին որոշում է կայացվել տուժող Նելլի Գաս¬պար¬յանի հետ հաշտվելու հիմքով, իսկ ՀՀ քրեական օրենսգրքի 324-րդ հոդվածի 1-ին մասով` այդ հոդվածով նախատեսված հանցակազմի բացակայության հիմքով։
2016թ. դեկտեմբերի 2-ին Մ.Խաչատրյանի նկատմամբ ՀՀ քրեական օրենսգրքի 177-րդ հոդվածի 1-ին մասով քրեական հետապնդում չիրականացնելու մասին որոշում է կայացվել տուժող Շուշանիկ Կիրակոսյանի հետ հաշտվելու հիմքով, իսկ ՀՀ քրեական օրենսգրքի 324-րդ հոդվածի 1-ին մասով` այդ հոդվածով նախատեսված հանցակազմի բացակայության հիմքով։
2016թ. դեկտեմբերի 2-ին Մ.Խաչատրյանին առաջադրված մեղադրանքը փոփոխվել և լրացվել է, նրան նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով, ՀՀ քրեական օրենսգրքի 177-րդ հոդվածի 2-րդ մասի 2-րդ կետով և ՀՀ քրեական օրենսգրքի 177-րդ հոդվածի 1-ին մասով (4 դրվագներով)։
2016թ. դեկտեմբերի 8-ին թիվ 15148016 քրեական գործն ըստ մեղադրանքի Մարիամ Ռուբիկի Խաչատրյանի` ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով, ՀՀ քրեական օրենսգրքի 177-րդ հոդվածի 2-րդ մասի 2-րդ կետով և ՀՀ քրեական օրենսգրքի 177-րդ հոդվածի 1-ին մասով (4 դրվագներով) հաստատված մեղադրական եզրակացությամբ ուղարկվել է Երևանի Կենտ¬րոն և Նորք-Մարաշ վարչական շրջանների ընդհանուր իրավասության դատարան, 2016թ. դեկ¬տեմբերի 13-ին փաստացի հանձնվել նախագահող դատավորին, նույն օրն ընդունվել վարույթ, ապա նշանակվել դա¬տական քննության։

Ապացույցների հետազոտում և գնահատում.
Դատաքննությամբ հետազոտված ապացույցների գնահատման արդյունքներով Դա¬տա¬¬րանը հաս¬տատված հա¬մա¬րեց այն, որ Մարիամ Ռուբիկի Խաչատրյանը կատարել է վեց դրվագ գողություն¬ներ, մաս¬նավորապես՝
2016թ. մարտի 17-ին՝ ժամը 18։00-ից մինչև 19։00-ն ընկած ժամանակահատվածում գտնվելով Երևան քաղաքի Փափազյան 22ա հասցեում գտնվող «Աշխեն Կոշեցյան» ԱՁ-ին պատկա¬նող հագուստի խանութում՝ Մարիամ Խաչատրյանը Կարինե Մուդիրյանի պայուսակից գաղտնի հափշտակել է վեր¬ջինիս պատ¬կանող խոշոր չափերի, ընդհանուր` 566.000 ՀՀ դրամի գույքը՝ 5.000 ՀՀ դրամ արժո¬ղությամբ դրա¬մա¬պա¬նակը, 376.000 ՀՀ դրամ գումար, 181.920 ՀՀ դրամին համարժեք 379 ԱՄՆ դոլար գումար, 3.000 ՀՀ դրամ արժողությամբ «Նոկիա» և 3.000 արժողությամբ «ԶՏԵ» ապրանքանիշների լիցքավորող սար¬քերը, 4.000 ՀՀ դրամ գումարի պարունա¬կությամբ լիցքավորման քարտը, ինչպես նաև «Արդշին¬բանկ» ՓԲ ընկերության թողարկած բանկային «Նուռ» քարտը, այսինքն՝ Մարիամ Խա¬չատրյանը կատարել է հան¬ցավոր արարք, որը նախատեսված է ՀՀ քրեական օրենսգրքի 177-րդ հոդ¬վածի 2-րդ մասի 2-րդ կետով։
Բացի այդ, 2016թ. մարտի 17-ին՝ ժամը 19։46-ին, ուրիշի գույքի գաղտնի հափշտակություն կա¬տարելու դիտավորությամբ, գտնվելով Երևան քաղաքի Կոմիտաս 27 հասցեում գործող «Ռիթմ ֆարմ» ՍՊ ընկերությանը պատկանող դեղատանը և օգտվելով դեղատան աշխատակցուհի Պայծառ Բա¬լումյանի՝ իր պահանջով մանկական տակդիրներ բերելու նպատակով պահեստում գտնվելու հանգա¬մանքից` կիսաբաց դրամարկղից գաղտնի հափշտակել է զգալի չափերի՝ 85.000 ՀՀ դրամ գումար՝ «Ռիթմ ֆարմ» ՍՊ ընկերությանը պատճառելով գույքային վնաս, այսինքն` Մարիամ Խա¬չատրյանը կատարել է հանցավոր արարք, որը նախատեսված է ՀՀ քրեական օրենսգրքի 177-րդ հոդվածի 1-ին մասով։
Ավելին, 2016թ. մայիսի 26-ին՝ ժամը 16։30-ից 17։00-ն ընկած ժամանակահատվածում, ուրիշի գույքի գաղտնի հափշտակություն կատարելու դիտավորությամբ գտնվելով Երևան քաղաքի Կոմիտաս 60/2 հասցեում գտնվող Երևան սիթի» սուպերմարկետի 2-րդ հարկում տեղակայված «Գա¬յանե Նավասարդյան» ԱՁ-ին պատկանող հագուստի խանութում` անհատ ձեռնարկատեր և միաժա¬մա¬նակ նրան պատկանող հագուստի խանութում որպես վաճառողուհի աշխատող Գայանե Նավա¬սարդյա¬նի ուշադրությունը շեղելու նպատակով խնդրել է ցուցադրել տաբատներ և օգտվելով վերջինիս անու¬շադրությունից` պահարանի վրա գտնվող Գայանե Նավասարդյանի դրամապանակից գաղտնի հափշտա¬կել է զգալի չափերի հասնող՝ 230.000 ՀՀ դրամ գումար՝ պատճառելով գույքային վնաս, այ¬սինքն՝ Մարիամ Խաչատրյանը կատարել է հանցավոր արարք, որը նախատեսված է 177-րդ հոդվածի 1-ին մասով։
Այնուհետև, 2016թ. օգոստոսի 21-ին՝ ժամը 20։22-ին, ուրիշի գույքի գաղտնի հափշտակություն կատարելու դիտավորությամբ ապօրինի մուտք է գործել Երևան քաղաքի Աբովյան 32 հասցեում գտնվող «Էն Ընդ Էս Ֆեյշն» ՍՊ ընկերությանը պատկանող կանացի հագուստ-սրահում գտնվող և շինություն հանդիսացող տնօրեն Նարինե Պալյանի աշխատասենյակ, որտեղից գաղտնի հափշտակել է վերջինիս պատկանող դրամապանակը, դրանում առկա խոշոր չափի` 705.000 ՀՀ դրամ, 47.649 ՀՀ դրամին համարժեք 100 ԱՄՆ դոլար գումարները, բանկային երկու քարտերը՝ Նարինե Պալյանին պատճառելով գույ¬¬քային վնաս, այսինքն` կատարել է հանցավոր արարք, որը նախա¬տեսված է ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով։
Ապա, 2016թ. օգոստոսի 24-ին՝ ժամը 17։41-ին, ուրիշի գույքի գաղտնի հափշտակություն կա¬տարելու դիտավորությամբ գտնվելով Երևան քաղաքի Անդրանիկի փողոցի 141/3 հասցեում գործող «Հաֆ-Հաֆ» խանութում և օգտվելով խանութի աշխատակից Հասմիկ Մարտիրոսյանի կողմից այլ աշխատանքով զբաղված լինելու հանգամանքից` մոտեցել է խանութի աջ կողմում գտնվող աթոռին և գաղտնի հափշտակել դրա մոտ գտնվող` Լիլիյա Գաբրիելյանին պատկանող դրամապանակը, դրա¬նում առկա զգալի չափերի` 59.000 ՀՀ դրամ գումարը՝ վերջինիս պատճառելով գույքային վնաս, այ¬սինքն` կատարել է հանցավոր արարք, որը նախատեսված է 177-րդ հոդվածի 1-ին մասով։
Բացի այդ, ուրիշի գույքի գաղտնի հափշտակություն կատարելու դիտավորությամբ 2016թ. օգոստոսի 25-ին՝ ժամը 16։00-ի սահմաններում, գտնվելով Երևան քաղաքի Մաշտոցի պողոտայի թիվ 35 հասցեում գտնվող «Ղարաբաղ Կարպետ» գորգերի խանութի սրահում՝ գորգի վրա դրված պա¬յուսակից հափշտակել է Հասմիկ Մխիթարյանի դրամապանակը, դրանում առկա զգալի չափերի` 142.404 ՀՀ դրամին համարժեք 300 ԱՄՆ դոլար և 3.000 ՀՀ դրամ գումարները, բանկային վճարման քարտ՝ վերջինիս պատճառելով գույքային վնաս, այսինքն` կատարել է նաև հան¬ցավոր արարք, որը նախատեսված է ՀՀ քրեական օրենսգրքի 177-րդ հոդվածի 1-ին մասով։
Ամբաստանյալ Մարիամ Խաչատրյանը առաջադրված մեղադրանքի շուրջ Դատարանում հար¬ցաքննվե¬լիս ամբողջությամբ ընդունեց տուժողներ Հասմիկ Մխիթարյանի, Գայանե Նավասարդյանի և Լիլիյա Գաբրիելյանի և «Ռիթմ ֆարմ» ՍՊ ընկերության դրվագներով նրան առաջադրված մեղադ¬րանքը` նշելով, որ վերոնշյալ դրվագներով հարցաքննված անձինք Դատարանում տվել են ճիշտ ցուց¬մունքներ։ Մա¬սամբ վիճարկեց տուժող Նարինե Պալյանի դրվագով առաջադրված մեղադրանքը` պատ¬ճա¬ռա¬բանելով, որ իր հափշտակած գումարը կազմել է ընդամենը 200.000 ՀՀ դրամ, իսկ տուժող Կարինե Մուդիրյանի դրվագով առաջադրված մեղադրանքը վիճարկեց` պատճառաբանելով, որ հափշտակել է ընդամենը 10.000 ՀՀ դրամ և 7 ԱՄՆ դոլար գումարներ, ոչ ավելին։
Ամբաստանյալ Մարիամ Խաչատրյանի այդ պատճառաբանությունները անհիմն են և մտա¬ցածին, հետապնդում են վերոնշյալ երկու դրվագներով նրան առաջադրված մեղադրանքը մեղմելու, այդ կերպ արդարացի պատժից խուսափելու նպատակ։ Այդ պատճառաբանությունները Դատարանը հերքված և վերագրված գողությունների դրվագ¬ներով նրա մեղավորությունը ևս հաստատված է համա¬րում պատշաճ իրա¬վական ընթա¬ցա¬կարգերի շրջանակներում դա¬տաքննութ¬յամբ հետա¬զոտված հետևյալ ապացույցների հա¬մադրման և գնահատ¬ման արդյունքներով.

Տուժող Հասմիկ Մխիթարյանի դրվագ.
Տուժող Հասմիկ Կոլյայի Մխիթարյանի ցուցմունքով. Վերջինս Դատարանում հայտնեց, որ աշխատում է «Ղարաբաղ-Կարպետ» ՍՊ ընկերությունում՝ որպես արտադրության պետ։ Ընկերութ¬յանն է պատ¬կանում Երևան քաղաքի Մաշտոցի պողոտայի 35 հասցեում գործող խանութ-սրահը։ 2016թ. օգոստոսի 25-ին՝ ժամը 16։00-ին, հերթական անգամ այցելել է վերոնշյալ խանութ՝ ստուգումներ կատա¬րելու նպատակով։ Այդ ժամանակ խանութ է այցելել մի աղջիկ, ով ուսումնասիրելով պատից կախված պայուսակները՝ խնդրել է դրանք մոտեցնել նրան։ Պայուսակները զննելով` Մ.Խա¬չատրյանը հարցրել է, արդյոք կարող է դրա դիմաց վճարել բանկային քարտով, ինչին պատասխանել են, որ գումարն ընդունում են բացառապես կանխիկ եղանակով։ Մ.Խաչատրյանը մոտակա բանկոմատից գումար կանխիկաց¬նելու պատրվակով խանութից դուրս է եկել, սակայն այլևս չի վերադարձել։ Մոտ 30 րոպե անց զննել է պայուսակը, որը դրված էր գրասեղանի մոտ գտնվող գորգերի վրա և պարզել է, որ դրա մեջ գտնվող դրամապանակը, որի մեջ եղել են 300 ԱՄՆ դոլար և 3.000 ՀՀ դրամ գումարներ, բացակայում է։
Վկա Սվետլանա Երվանդի Ագիյանի ցուցմունքով. Վերջինս Դատարանում հայտնեց, որ աշխա¬տում է Երևան քաղաքի Մաշտոցի 35 հասցեում գործող «Ղարաբաղ Կարպետ» ՍՊ ընկերությանը պատկանող խանութ-սրահում՝ որպես վաճառողուհի։ 2016թ. օգոստոսի 25-ին եղել է աշխատանքի վայրում, երբ խանութ է մտել մի հաճախորդուհի, ով հետաքրքրվել է պատից կախված պայու¬սակներով։ Պայուսակներն ուսումնասիրելուց հետո հաճախորդուհին հարցրել է, թե արդյոք կարող է դրանց դիմաց վճարել բանկային քարտով, ինչին պատասխանել են, որ ապրանքները վաճառում են բացառապես կանխիկ եղանակով։ Վերջինս մոտակա բանկոմատից գումար կանխիկացնելու պատրվակով դուրս է եկել և այլևս չի վերադարձել։ Նրա դուրս գալուց մոտ 30 րոպե անց Հասմիկ Մխիթարյանը զննել է պայուսակը, որը դրված էր գրասեղանի մոտ գտնվող գորգերի վրա և տեսել է, որ բացակայում է դրա մեջ գտնվող նրա դրամապանակը, որի մեջ եղել է 300 ԱՄՆ դոլար և 3.000 ՀՀ դրամ գումարներ։ Հասկանալով, որ այդ հաճախորդուհին է գողացել է դրամապանակը՝ զանգահարել են ոստիկանություն։
Քննչական փորձարարություն կատարելու մասին արձանագրությամբ, համաձայն որի՝ գործով ամբաստանյալ Մ.Խաչատրյանը մատնացույց է արել Երևան քաղաքի Մաշտոցի 35 հասցեում գործող «Ղարաբաղ Կարպետ» ՍՊ ընկերությանը պատկանող խանութ-սրահը և հայտարարել, որ նշված խա¬նութից կատարել է գողություն։

Տուժող «Ռիթմ ֆարմ» ՍՊ ընկերության դրվագ.
Տուժող «Ռիթմ ֆարմ» ՍՊ ընկերության տնօրեն, որպես վկա հարցաքննված Սամվել Սաշայի Մկրտչյանի ցուցմունքով. Վերջինս Դատարանում հայտնեց, որ վերոնշյալ ընկերությանն է պատկանում Երևան քաղաքի Կոմիտաս 27 հասցեում գործող դեղատունը։ 2016թ. մարտի 17-ին իրեն է զանգահարել դեղատան աշխատակից Պայծառ Բալումյանը և հայտնել, որ դրամարկղից ողջ գումարը պակասում է` միաժամանակ խնդրելով դիտել դեղատնում տեղադրված տեսախցիկների տեսագրությունները։ Անմի¬ջապես դիտել է տեսագրությունները և տեսել, որ ժամը 19։00-ից մինչև 20։00-ն ընկած ժամանա¬կա¬հատվածում մի աղջիկ այցելում է դեղատուն և աշխատակցուհի Պայծառ Բալումյանից խնդրում տակդիրներ, ով էլ գնում է մանկական սրահ, այնուհետև՝ պահեստ։ Այդ ընթացքում այդ աղջիկը` ինչպես հետագայում է պարզվել` Մարիամ Խաչատրյանը, մոտենում է դրամարկղին, արագ վերցնում գումարը և հեռանում։ Հաջորդ օրը ծրագրի օգնությամբ պարզել են, որ այդ աղջկա կողմից հափշտակվել էր 85.000 ՀՀ դրամ գումար։
Վկա Պայծառ Էդուարդի Բալումյանի ցուցմունքով. Վերջինս Դատարանում հայտնեց, որ աշխա¬տում է «Ռիթմ ֆարմ» ՍՊ ընկերությունում՝ որպես դեղագետ։ 2016թ. մարտի 17-ին, երբ գտնվել է աշխատանքի վայրում` Երևան քաղաքի Կոմիտաս 27 հասցեում գործող դեղատունը, ժամը 19։40-ին, դեղատուն է այցելել մի աղջիկ, ով իրենից տակդիրներ է խնդրել։ Այդ նպատակով գնացել է պահեստ և տակդիրներ բերել։ Այդ հաճախորդը խնդրել է մանրել 10.000 ՀՀ դրամ, սակայն դրամարկղում մանր դրամ չլինելու պատճառով հայտնել է, որ չի կարող։ Այնուհետև այդ աղջիկը ինչ-որ մեկին դիմավորելու նպատակով դուրս է եկել դեղատնից և այլևս չի վերադարձել։ Ստուգելով դրամարկղը՝ պարզել է, որ գումար է պակասում և զանգահարելով տնօրեն Սամվելին՝ այդ մասին տեղեկացրել և խնդրել է դիտել դեղատնում տեղադրված տեսախցիկների տեսագրությունները։ Տնօրենը տեսագրությունները դիտե¬լուց հետո հայտնել է, որ խանութ այցելած աղջիկն է գողացել դրամարկղում առկա գումարը։ Ընդհանուր առմամբ այդ աղջիկը գողացել էր 85.000 ՀՀ դրամ գումարը։
Անձին լուսանկարով ճանաչման ներկայացնելու մասին արձանագրությամբ, համաձայն որի՝ գործով վկա Պ.Բալումյանը ճանաչել է ամբաստանյալ Մ.Խաչատրյանին և հայտարարել, որ վերջինս է հանդիսանում դեղատան դրամարկղից գումար հափշտակած անձը։
Լազերային կրիչը զննելու մասին արձանագրությամբ, համաձայն որի՝ դրան որպես մասնակից ներգրավված գործով ամբաստանյալ Մ.Խաչատրյանը հայտա¬րարել է, որ տեսագրությունում երևացող և դեղատան դրամարկղից գումար հափշտակող անձը հանդիսանում է ինքը։
Որպես ապացույց ճանաչված և գործին կցված փաստաթղթի` «Ռիթմ ֆարմ» ՍՊ ընկերությանը պատ¬կանող Երևան քաղաքի Կոմիտաս 27 հասցեում գտնվող դեղատան սրահի տեսագրությունները բովանդակող լազերային սկավա¬ռակի առկայությամբ։

Տուժող Գայանե Նավասարդյանի դրվագ.
Տուժող Գայանե Նավասարդյանի ցուցմունքով. Վերջինս Դատարանում հայտնեց, որ հանդի¬սա¬նում է «Գայանե Նավասարդյան» ԱՁ-ի տնօրենը։ ԱՁ-ին է պատկանում Երևան քաղաքի Կոմիտաս 60/2 հասցեում գտնվող, «Երևան սիթի» սուպերմարկետի 2-րդ հարկում գտնվող 117 համարի տա¬ղավարը, որտեղ վաճառվում է կանացի հագուստ։ 2016թ. մայիսի 26-ին՝ ժամը 16։30-ի սահմաններում, խանութ է այցելել մի աղջիկ, ով մոտեցել է ցուցադրման համար կախված ջինսե տաբատներին և սկսել է ուսումնասիրել դրանք։ Այնուհետև վերջինս ընտրել է ջինսե մի տաբատ, որի համապատասխան չափսը իր կողմից փնտրելու ընթացքում այդ աղջիկն աննկատ մոտեցել է խանութի ծայրամասում տեղադրված սեղանի կողային հատվածում գտնվող պահարանին, որի վրա դրված է եղել իր դրամապանակը։ Այնուհետև նրան է ցույց տվել տարբեր տեսակի տաբատներ, սակայն վերջինս ոչ մեկը չի հավանել և հեռացել է։ Հաջորդ հաճախորդին մանր վերա¬դարձնելու նպատակով բացել է պայուսակը և նկատել է, որ բացակայում է այնտեղ գտնվող 230.000 ՀՀ դրամ գումարը։ Հասկանալով, որ նախորդ հաճախորդ աղջիկն էր իր գումարը գողացել` դիմել է ոստիկանություն։
Անձին լուսանկարով ճանաչման ներկայացնելու մասին արձանագրությամբ, համաձայն որի՝ տուժող Գայանե Նավասարդյանը ճանաչել է գործով ամբաստանյալ Մ.Խաչատրյանին և հայտա¬րարել, որ վերջինս է գողացել իր գումարը։
Լազերային սկավառակը զննելու մասին արձանագրությամբ, համաձայն որի՝ դրան որպես մասնակից ներգրավված Գայանե Նավա¬սարդյանը հայտարարել է, որ տեսագրությունում երևացող աղջիկն է իր գույքը հափշտակել։
Որպես ապացույց ճանաչված և գործին կցված փաստաթղթի` «Գայանե Նավասարդյան» ԱՁ-ին պատկանող խանութ-սրահի տեսագրությունները պարունակող լազերային սկավառակի առկայութ¬յամբ։

Տուժող Լիլիյա Գաբրելյանի դրվագ.
Տուժող Լիլիյա Ալեքսանդրի Գաբրիելյանի ցուցմունքով. Վերջինս Դատարանում հայտնեց, որ հանդիսանում է «Հաֆ-Հաֆ» ՍՊ ընկերության տնօրենը։ Ընկերությանն է պատկանում Երևան քաղաքի Անդրանիկի փողոցի 141/3 հասցեում գտնվող կենդանիների սննդի և այլ պարագաների խանութ-սրահը։ 2016թ. օգոստոսի 24-ին՝ ժամը 11։00-ի սահմաններում, այցելել է վերոնշյալ խանութ, պայուսակը դրել խանութի աջ հատվածում գտնվող սեղանի կողքին դրված աթոռի տակ, որի վրա էլ դրել է դրամապա¬նակը՝ 59.000 ՀՀ դրամ գումարի պարունակությամբ։ Խանութում գտնվելու ժամանակ այնտեղ է այցելել մի աղջիկ։ Վերջինիս խանութ մտնելուց հետո գործերով դուրս է եկել, խանութում մնացել է վաճառողուհի Հասմիկ Մարտիրոսյանը։ Մեկ ժամ անց վերադարձել է խանութ, մոտեցել իր պայուսակին և նկատել, որ դրա վրա գտնվող դրամապանակը բացակայում է։ Դիտելով խանութում տե¬ղադրված տեսանկարա¬հանող սարքերի տեսագրությունները՝ պարզել են, որ օգտվելով աշխա¬տակցի անուշադրությունից` խանութ այցելած վերոնշյալ աղջիկն է գողացել իր դրամապա¬նակը։
Վկա Հասմիկ Աշոտի Մարտիրոսյանի ցուցմունքով. Վերջինս Դատարանում հայտնեց, որ աշ¬խատում է «Հաֆ-Հաֆ» ՍՊ ընկերությունում` որպես վաճառողուհի։ Ընկերությանն է պատկանում Երևան քաղաքի Անդրանիկի փողոցի 141/3 հասցեում գտնվող կենդանիների սննդի և այլ պարա¬գաների խանութ-սրահը։ 2016թ. օգոստոսի 24-ին եղել է աշխատանքի վայրում, երբ ժամը 11։00-ի սահմաններում խանութ է այցելել տնօրեն Լիլիյա Գաբրիելյանը և պայուսակը դրել խանութի աջ հատվածում գտնվող սեղանի կողքին դրված աթոռի տակ, որի վրա էլ դրել է դրամապանակը։ Ժամը 16։00-ի սահմաններում խանութ է այցելել մի հաճախորդուհի, ով խնդրել է կշռել շան կեր։ Այդ ընթացքում վերջինս մոտեցել է խանութում տեղադրված աթոռի կողքին առկա գնդակների կույտին, վերցրել դրանցից մեկը, ինչի պատ¬ճառով էլ դրանք թափվել են։ Այնուհետև այդ հաճախորդը հավաքել է գետնին թափված գնդակները, որից հետո հայտնել է, որ գումարը գտնվում է բանկային քարտի մեջ և դուրս է գալիս դրամ կանխի¬կացնելու։ Վերջինս դուրս է եկել խանութից, սակայն այդպես էլ չի վերադարձել։ Մեկ ժամ անց խանութ է վերադարձել Լիլիյան, ով մոտենալով իր պայուսակին՝ նկատել է, որ դրա վրայից բացակայում է իր դրամապանակը։ Այնուհետև դիտել են խանութում տեղադրված տեսանկարահանող սարքերի տե¬սագրությունները և պարզել, որ այդ աղջիկ հաճախորդն է Լիլիյա Գաբրիելյանի դրամապանակը գողացել։
Լազերային սկավառակը զննելու մասին արձանագրությամբ, համաձայն որի՝ գործով ամբաս¬տանյալ Մարիամ Խաչատրյանն է հափշտակում Լիլիյա Գաբրիելյանի դրամապանակը։
Որպես ապացույց ճանաչված և գործին կցված փաստաթղթի` «Հաֆ-Հաֆ» ՍՊ ընկերությանը պատկանող Երևան քաղաքի Անդրանիկի փողոցի 141/3 հասցեում գործող կենդանիների համար նա¬խատեսված սննդի և այլ պարագաների համար նախատեսված խանութ-սրահի տեսագրությունները պարունակող լազերային սկավառակի առկայությամբ։

Տուժող Կարինե Մուդիրյանի դրվագ.
Տուժող Կարինե Մուդիրյանի ցուցմունքով. Վերջինս Դատարանում հայտնեց, որ աշխատում է Երևանի Փափազյան 22 հասցեում գտնվող հագուստի խանութում` որպես վաճառողուհի, խանութը վարձակալել է իր մայրը, այն աշխատեցնում է քրոջ հետ։ Ամբաստանյալին ճանաչում է դեպքով պայմանավորված, նրան հանդիպել է միայն 2016թ. մարտի 17-ին, խանութում։ Այդ օրը ամբաստան¬յալն այցելել է իրենց խանութ և հագուստ է փորձել, ասում էր, որ ցանկանում է երեխայի համար հագուստ գնել, նշում, որ շուտով խանութ կգա մայրը։ Ասում էր նաև, որ խանութի կողքի մեկ այլ սրահում ևս ժամ է պայմանավորվել։ Խնդրել է նախընտրած հագուստը հանել խանութից և հետո վճարել` ասելով, որ ցանկանում է ամուսնուն ցույց տալ, ով իբր սպասում էր նրան ավտոմեքենայի մեջ։ Թույլ չեն տվել հագուստը տանել, առաջարկել են ամուսնուն կանչել խանութ։ Ամբաստանյալը բավականին երկար ժամանակ գտնվել է խանութում, իրեն զգում էր ազատ, չէր կաշկանդվում, նստել էր աթոռին, հագուստ¬ներ էր փորձում, սպասում էր, զանգեր և կարճ հաղորդագրություններ էր գրում, նույնիսկ ցուցադրել է 5-ամյա տղայի նկարներ` ասելով, որ դա իր մեկամյա որդու կնունքի նկարներն են։ Հետաքրքրվել է, թե արդյոք նա նյութապես ի վիճակի է այդքան հագուստ գնել, որին ի պատասխան` ամբաստանյալը բացել է դրամա¬պանակը, ցույց տվել գումարները` ասելով, որ աշխատում է ինչ-որ հիմնարկում` որպես գլխավոր հաշ¬վապահ։ Այդ ընթացքում խանութ է եկել իր ընկերուհին և վիճա¬կախաղի գումարն է բերել և տվել, ինչը տեղի է ունեցել ամբաստանյալի ներկայությամբ։ Ամբաստանյալը նստած էր իր աթոռին` սեղանի կողքին, սեղանի վրա դրված էին հագուստները և նրա դրամապանակը։ Իր «բարսետկան» կախված էր աթո¬ռից։ Ամբաստանյալը զանգեր է կատարել իբր նրա ամուսնուն, տեղեկացրել նրան, որ արագ վերադառ¬նալու է, այնուհետև արդեն իրենց տեղեկացրել է, որ բարձրանում է վերև, սակայն անպայման վերա¬դառնալու է, սակայն չի վերադարձել։ Արդեն տանը պարզել է, որ «բարսետկայից» բացակայում է դրամապանակը, որի մեջ էին` «Նոկիա» և «Սամսունգ» հեռախոսների 2 մարտկոցները, սոցիալական քարտը, «Երևան սիթիի» քարտը, «Արդշինբանկի» քարտը, «ԱրմենՏել» և «Վիվասելլ» ընկերությունների լիցքավորման քարտերը, ինչպես նաև 560.000 ՀՀ դրամ գումար, ձեռքի ծախսի գումարը, որի չափը հստակ չի հիշում, տարբեր այցեքար¬տեր։ Պնդեց, որ «բարսետկայում» հաստատ կար 560.000 ՀՀ դրամ գումար, քանի որ այդ օրը պետք է տան վարձը վճարեր, նաև այդ օրը բերել էին վիճակախաղի գումարը, որի մասին գրել էր իր մոտ` նշելով գումարը և բերողի անունը։ Նշեց, որ բնակվում է վարձով, բնակավարձը կազմում է ամսեկան 80.000 ՀՀ դրամ, իսկ խանութի վարձը ամսեկան 120.000 ՀՀ դրամ է, որը ինքը վճարում է ամսվա կեսին կամ ամսվա վերջում։ Դեպքի օրն ընկերուհիներից մեկն իրեն տվել էր 150.000 ՀՀ դրամ գումար, մեկ այլ ընկերուհին վճարել է ապառիկ կարգով գնած ապրանքի գումարը` 100.000 ՀՀ դրամի և 300 ԱՄՆ դոլարի չափով, դրամապանակում կային մանր անվանական արժեքով դոլարներ, սակայն քանակը չի հիշում։ Ընդհանուր առմամբ դրամապանակում կար 560.000 ՀՀ դրամ, այդ գումարի չափը պարզել է այդ օրը գումարները ստա¬նալու կապակցությամբ նոթատետրում կատարած գրանցումների հիման վրա։ Նա¬խաքննական ցուցմունքների հրապարակումից հետ` հայտնեց, որ դեպքի օրը շատ հուզված վիճակում էր, սակայն պնդեց, որ դրամապանակը «բարսետ¬կայում» էր, այլ ոչ թե տոպրակում։ Ինչ վերաբերվում է մանր դոլարներին, ապա հայտնեց, որ հնարավոր է դրամապանակում եղել է ընդհանուր 50 դոլարի կարգի մանր դոլար¬անոցներ, առավել հստակ չի հիշում։ Ի վերջո` ընդհանրացնելով գողության չափի վերաբերյալ ցուցմունքները` նշեց, որ հաշվի առնելով դրամապա¬նակում եղած գումարը, ինչպես նաև դրամապանակի արժեքը և երկու 500 ՀՀ դրամանոց լիցքավորման քարտերը` գողացված գույքի ընդ¬հանուր արժեքը կազմում է 566.000 ՀՀ դրամ։
Հանցագործության մասին հաղորդում ընդունելու վերաբերյալ թիվ 017172 արձանագրությամբ, համաձայն որի` 2016թ. մարտի 17-ին Կարինե Մուդիրյանը, ՀՀ ոստիկանության Արաբկիրի բաժնում նախազգուշացվելով սուտ մատնություն կատարելու համար քրեական պատասխանատվության մասին, հայտնել է, որ նույն օրը` ժամը 16.30-ի սահմաններում, անհայտ անձը հագուստի խանութում իր պա¬յուսակից գողացել է 5.000 ՀՀ դրամ արժողությամբ դրամապանակը, դրանում առկա 560.000 ՀՀ դրամ գումարը և բանկային քարտը։
Վկա Դիանա Մանվելի Մուդիրյանի` հրապարակված և հետազոտված նախաքննական ցուց¬մուն¬քով, համաձայն որի` հանդիսանում է «Աշխեն Կոշեցյան» ԱՁ-ի տնօրեն Աշխեն Կոշեցյանի դուստրը։ «Աշխեն Կոշեցյան» ԱՁ-ին է պատկանում Երևան քաղաքի Փափազյան 22Ա հասցեում գոր¬ծող հա¬գուստի խանութը, որտեղ աշխատում է` որպես վաճառողուհի։ Մոր՝ Աշխեն Կոշեցյանի բացա¬կա¬յության պատճառով քույրը՝ Կարինե Մուդիրյանն է ժամանակավորապես իրականացրել խանութի ղեկա¬վարումը։ 2016թ. մարտի 17-ին՝ ժամը 18։00-ի սահմաններում, իրենց խանութ է այցելել մի աղջիկ, ով փորձելու նպատակով խնդրել է նրան տրամադրել սպորտային հագուստներ, որոնք փորձելուց հետո հայտ¬նել է, որ իր մոտ ՀՀ դրամ առկա չէ։ Որոշ ժամանակ նստել է աթոռին, որի վրա կախված է եղել իր պայուսակը, դուրս է եկել խանութից՝ պատճառաբանելով, որ իր մայրը մոտենում և նրանից է գումար վերցնելու և վերադառնալու խանութ։ Դուրս գալուց հետո այդ աղջիկն այլևս չի վերադարձել։ Աշխա¬տանքային օրվա ավարտին փակել են խանութը և գնացել տուն։ Տուն ուղևորվելու ընթացքում իրեն է զանգահարել քույրը՝ Կարինե Մուդիրյանը և հայտնել, որ դրամապանակը, որի մեջ եղել է խոշոր գումար, գողացել են։
Անձին լուսանկարով ճանաչման ներկայացնելու մասին արձանագրությամբ, համաձայն որի՝ տուժող Կարինե Մուդիրյանը ճանաչել է մեղադրյալ Մ.Խաչատրյանին և հայտարարել, որ վերջինս է հանդիսանում իր գույքը գողացած անձը։

Տուժող Նարինե Պալյանի դրվագ.
Տուժող Նարինե Պալյանի ցուցմունքով. Վերջինս Դատարանում հայտնեց, որ 2016թ. օգոստոսի 21-ին` ժամը 20-ի ամբաստանյալը մտել է իր խանութ։ Այդ պահին խանութից դուրս էր գալիս տան համար գնումներ կատարելու։ Վերադարձել է մոտ 15 րոպե անց, ամբաստանյալը դեռևս խանութում էր, կանգնել և հայելու առջև հագուստ էր փորձում, ձեռքին կար վիրակապ, իրենց հայտնել է, թե իբր հղի է, վատառողջ է։ Խանութից վերադառնալուց հետո մտել է իր սենյակ, գնումները դրել այնտեղ, մոտ 10 րոպե մնացել այդ սենյակում, զբաղվել համակարգչով, հետո դուրս է եկել դեպի մեծ հյուրասենյակ և նստելով այնտեղ` զբաղվել է հեռախոսով։ Այդ ժամանակ խանութում ընդամենը մեկ հաճախորդ էր, որը մտել և դուրս եկել։ Որոշ ժամանակ աշխատողին զբաղեցնելուց հետո ամբաստանյալը պայուսակը դրել է խանութի բազմոցին, լայն բացեց այն և հանելով ու բացելով դրամապանակը` հետաքրքվել է, թե արդ¬յոք խանութում քարտով վաճառք կատարվում է, թե` ոչ։ Երբ նրան տեղեկացրել են, որ քարտով էլ են վա¬ճառք կատարում, նա հայտնել է, որ քարտը մեքենայի մեջ է, հիմա կգնա և կբերի, որ գնումների համար վճարի։ Դրանից հետո ամբաստանյալը, պայուսակը ձեռքին, հեռացել և այլևս խանութ չի վերադարձել։ Աշխատանքային ժամն ավարտվելուց հետո որոշել է հաշվարկ կատարել, ցանկացել է պայուսակից հանել դրամապանակը, սակայն այն պայուսակում չէր, սկսել է փնտրել այն սենյակներում և դարակներում, սակայն ոչ մի տեղ չի հայտնաբերել։ Նշեց, որ խանութում երկու հանդերձարան կա, զուգարան և իր սենյակը, նաև 3 ցուցասրահ։ Դրամապանակը պայուսակի մեջ էր, որը դրված էր իր սենյակում։ Ամեն տեղ փնտրելուց և դրամապանակը չգտնելուց հետո որոշել է նայել խանութի տե¬սախցիկների ձայ¬նագրությունները, որի արդյունքում պարզվել է, որ ամբաստանյալն է մտել էր սենյակ, կողքերը նայելով` բացել իր պայուսակը և պայուսակից վերցրել դրամապանակը։ Երբ ոստիկանությունը եկել և տե¬սախցիկների ձայնագրությունները զննել է, պարզվել է, որ իրականում ամբաստանյալը 2 անգամ է մտնում իր սենյակ, առաջին անգամ ուղղակի նայում և դուրս է գալիս, երկրորդ անգամ մտնում է սենյակ, պայուսակից հանում դրամապանակը, դնում գոտկատեղի հետևի մասում և դուրս է գալիս։ Դրամա¬պանակում եղել են` ավտոմեքենայի բանալիները, իր մայրիկի «ՎՏԲ» թոշակի քարտը, մեկ հատ 100 ԱՄՆ դոլարանոց, 1 կամ 2 հատ մեկ դոլարանոց, մանր կոպեկներ, մոտ 600.000 ՀՀ դրամ գումար։ Նշեց, որ թեև սկզբնական ցուցմունքում գողացված գումարի չափի վերաբերյալ այլ տվյալներ է ներկայացրել, սակայն հետագայում հաշվարկ անելուց և հստակեցնելուց հետո սկզբնական ցուցմունքը փոխել է։ Ընդհանուր առմամբ գողության հետևանքով իրեն պատճառվել է 705.000 ՀՀ դրամի գույքային վնաս, որում ներառված է նաև դրամապանակում գտնվող դոլարները։ Հայտնեց, որ իր սենյակ իրավունք ունեն մտնել իր աշխատողները, քանի որ ներսում ինքը տեղ է հատկացրել աշխատողների հանգստանալու և ուտելու համար, որևէ հաճախորդ իրավունք չուներ այդտեղ մտնել։ Երբ ինքը գնացել է խանութ, իր հետ վերցրել էր միայն դրամապանակը, պայուսակը բաց վիճակում մնացել էր սենյակի սեղանի վրա։ Խանութից վերադառնալուց հետո դրամապանակը դրել է պայուսակի մեջ, այն դարձյալ թողել է բաց վիճակում էր։ Հայտնեց, որ սկզբից սխալ է նշել գումարը, հետո հաշվարկ անելուց ճշգրիտ գումարը նշել է, նաև ամբաստանյալի հետ առերեսման ժամանակ է պնդել, որ դրամապանակում դոլարներ ևս եղել են։ 705.000 ՀՀ դրամի մեջ էր խանութի օրվա շահույթը, անձնական գումար, նաև գումար, որն ինքը պետք է վերածեր դոլարի և ուղարկեր ԱՄՆ-ում գտնվող իր որդուն։ Այդ օրը չէր կարողացել գործարքը կատարել և գումարը մնացել էր մոտը։ Հայտնեց, որ բավականին ժամանակ է անցել, հնարավոր է, որ ներկա դրությամբ որոշակի հանգամանքներ լավ չի հիշում, հնարավոր չնչին հակասությունները պայմանավոր¬ված են դեպքից բավականին ժամանակ անցնելու հանգա¬մանքով։
Հանցագործության մասին հաղորդում ընդունելու թիվ 012747 արձանագրությամբ, համաձայն որի` 2016թ. օգոստոսի 21-ին քաղ. Նարինե Պալյանը, ՀՀ ոստիկանության Կենտրոնականի բաժնում նախազգուշացվելով սուտ մատնություն կատարելու համար քրեական պատասխանատվության մասին, հայտնել է, որ նույն օրը` ժամը 20.10-ի սահմաններում անհայտ անձն իր աշխատասենյակում գտնվող սեղանի վրա դրված պայուսակից գողացել է մոտ 900.000 ՀՀ դրամ գումար, 100 ԱՄՆ դոլար, «Յունի¬բանկի» և «Հայէկոնոմբանկի» քարտերը։
Վկա Իսկուհի Հայրապետի Սաֆարյանի ցուցմունքով. Վերջինս Դատարանում հայտնեց, որ աշխատում է Երևան քաղաքի Աբովյան 32 հասցեում գործող «Էն ընդ Էս Ֆեյշն» ՍՊ ընկերությանը պատկանող կանացի հագուստի խանութ-սրահում՝ որպես վաճառողուհի։ 2016թ. օգոստոսի 21-ին եղել է աշխատանքի վերոնշյալ խանութ-սրահում։ Նույն օրը՝ ժամը 20։00-ի սահմաններում, խանութ է այցելել մի երիտասարդ աղջիկ, ով գնելու նպատակով ընտրել է հագուստ և այն փորձելու նպատակով գնացել է հանդերձարան։ Այնուհետև նշված աղջիկը, առանց որևէ բան գնելու, հեռացել է խանութից։ Նույն օրը` ժամը 20։55-ի սահմաններում հաշվարկ կատարելու նպատակով տնօրեն Նա¬րինե Պալյանը գնացել է իր աշխատասենյակ, հայտնել, որ դրամապանակը չկա։ Անմի¬ջապես դիտել են խանութում տեղադրված տեսանկարահանող սարքերի տեսագրությունները և պարզել են, որ խանութ եկած աղջիկը ժամը 20։22-ի սահմաններում մուտք է գործում տնօրենի աշխա¬տասենյակ և գաղտնի հափշտակում դրամապանակը՝ դրանում առկա իրերով։
Անձին ճանաչման ներկայացնելու մասին արձանագրությամբ, համաձայն որի՝ վկա Իսկուհի Սաֆարյանն իրեն ճանաչման ներկայացված անձանց շարքում ճանաչել է մեղադրյալ Մ.Խաչատրյա¬նին և հայտարարել, որ վերջինս է հանդիսանում Նարինե Պալյանի գույքը հափշտակած անձնավո¬րությունը։
Քննչական փորձարարություն կատարելու մասին արձանագրությամբ, համաձայն որի՝ գործով ամբաստանյալ Մ.Խաչատրյանը մատնացույց է արել Երևան քաղաքի Աբովյան 32 հասցեում գործող «Էն ընդ Էս Ֆեյշն» ՍՊ ընկերությանը պատկանող կանացի հագուստի խանութ-սրահը և հայտարարել, որ նշված խանութից կատարել է գողություն։
Լազերային սկավառակը զննության ենթարկելու մասին արձանագրությամբ, համաձայն որի՝ դրան որպես մասնակից ներգրավված գործով ամբաստանյալ Մ.Խաչատրյանը հայտարարել է, որ տեսագրությունում երևացող և դրամապանակը հափշտակող անձը հանդիսանում է ինքը։
Որպես ապացույց ճանաչված և գորին կցված փաստաթղթի` «Էն ընդ Էս Ֆեյշն» ՍՊ ընկերութ¬յանը պատ¬կանող կանացի հագուստի խանութ-սրահի տեսագրություն¬ները պարունակող լազերային սկավառակի առկայությամբ։

Դատարանի իրավական վերլուծությունները և եզրահանգումը.
Գնահատելով դատաքննությամբ հետազոտված վերոնշյալ ապացույցները` Դատա¬¬րա¬նը հաս¬տատ¬ված համարեց այն, որ ամբաստանյալ Մարիամ Խաչատրյանը մեղավորությամբ կատարել է 6 դրվագ գողություններ, այսինքն` հան¬ցա¬վոր արարքներ« որոնք համա¬պա¬տաս¬¬խանում են ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով, ՀՀ քրեական օրենսգրքի 177-րդ հոդվածի 2-րդ մասի 2-րդ կետով և ՀՀ քրեական օրենսգրքի 177-րդ հոդվածի 1-ին մասով (4 դրվագներով) նախա¬տես¬ված հան¬ցա¬գործության հատ¬կանիշ¬ներին, հետևա¬բար` նա քրեա¬կան պա¬տաս¬¬խա¬նատ¬¬¬վության և պատժի ենթա¬¬կա է այդ հոդ¬վածների վերոնշյալ մա¬սերով և կետերով։

Նշանակվող պատժի և դատավճռով լուծման ենթակա այլ հարցեր.
Ամբաստանյալ Մարիամ Խաչատրյանի նկատմամբ նշանակվող պատժի տեսակը և չափը որո¬շելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬¬նել սոցիալական արդարությունը« ուղղել պատժի ենթարկված անձին« ինչպես նաև կանխել հան¬ցագործությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատա¬րած անձի նկատ¬մամբ կիրառվող պատիժը և քրեաիրավական ներ¬գոր¬ծութ¬յան այլ միջոց¬ները պետք է լինեն ար¬դարացի« համապա¬տասխանեն հանցանքի ծան¬րությանը« այն կա¬տա¬րելու հան¬գա¬մանք¬ներին« հան¬¬ցավորի անձ¬նավորությանը« անհրա¬ժեշտ և բավարար լինեն նրան ուղղելու և նոր հանցա¬գոր¬ծութ¬յուն¬ները կան¬խելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է« որ հանցա¬գոր¬ծութ¬յան համար մեղավոր ճանաչված անձի նկատմամբ նշանակվում է արդարացի պատիժ« իսկ նույն հոդ¬վածի 2-րդ մասի համաձայն՝ պատժի տեսակը և չափը որոշվում են հանցա¬գործության՝ հան¬րության համար վտանգա¬վո¬րության աստիճանով և բնույթով« հանցավորի անձը բնու¬թագրող տվյալներով« այդ թվում՝ պատաս¬խա¬նատ¬վությունը և պատիժը մեղմաց¬նող և/կամ ծանրացնող հան¬գա¬մանքներով։ ՀՀ քրեա¬կան օրենսգրքի 61-րդ հոդվածի 3-րդ մասի համա¬ձայն` հան¬ցագործության համար նախա¬տեսված պատիժ¬ներից առավել խիստը նշանակվում է, եթե նվազ խիստ տեսակը չի կարող ապա¬հովել պատժի նպատակ¬ները։
Օրենքի և դատարանի առջև հավասարության սկզբունքն ամրագրած ՀՀ քրեական դատավարա¬կան օրենսգրքի 8-րդ հոդվածի համաձայն՝ որոշակի փաստական հանգա¬մանք¬ներ ունեցող գոր¬ծով ՀՀ Վճռաբեկ դատարանի կամ Մարդու իրավունքների եվրոպա¬կան դատա¬րա¬նի դատական ակ¬տի հիմնա¬վո¬րումները« այդ թվում՝ օրենքի մեկնաբա¬նութ¬յուն¬ները« պարտադիր են դատարանի հա¬մար նույնանման փաստական հանգամանք¬ներով գործի քննության ժամա¬նակ։
ՀՀ Վճռաբեկ դատարանը« Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկ¬տեմ¬բերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մա¬սով նախատեսված նորմը« նշել է« որ այն Դատարանին օժտել է անձի պատասխա¬նատ¬վությունը մեղ¬մաց¬նող հանգամանքների կիրառման լայն հայեցողությամբ« քանի որ պա¬տիժ նշանակելիս Դա¬տա¬րանը կարող է հաշվի առնել նաև մեղմացնող այնպիսի հանգա¬մանք¬ներ« որոնք նույն հոդվածի առա¬ջին մասում նշված չեն։
Դատարանը, որպես ամբաստանյալ Մարիամ Խաչատրյանի անձը բնութագրող տվյալներ է գնա¬հատում` երիտասարդ լինելը(ծնվել է 1994թ. սեպտեմբերի 23-ին), սեռը, իսկ որպես պատաս¬խանատ¬վությունն ու պատիժը մեղմացնող հանգամանք` վե¬րագրված գողության 4 դրվագներով ամբողջությամբ, երկու դրվագներով` մասամբ մեղավոր ճանաչելն ու անկեղծորեն զղջալը, քննվող դեպքերի բոլոր հան¬գամանքների բացահայտմանն աջակցելը՝ հաշվի առնելով, որ կասկածյալի կարգավիճակով ինքնակամ մասնակցել է 2016թ. սեպտեմբերի 9-ին իրականացված քննչական փորձարարությանը։
Դատարանը ՀՀ քրեական օրենսգրքի 22-րդ հոդվածի 2-րդ մասի 1-ին կետի գործողության ուժով փաստում է, որ առկա է ամբաստանյալ Մարիամ Խաչատրյանի պատասխանատվությունն ու պա¬տիժը ծան¬րացնող հանգա¬մանք՝ հանցանք կատարելու վտանգավոր ռեցիդիվը` հաշվի առնելով, որ համաձայն ՀՀ ոստիկանության ինֆորմացիոն կենտրոն 2016թ. հոկտեմբերի 11-ին կատարված հարցման արդյունք¬ների, Երևանի Արաբկիր և Քանաքեռ-Զեյթուն վարչական շրջանների ընդհանուր իրավասութ¬յան դատա¬րանի 2012թ. դեկտեմբերի 5-ի դատավճռի` Մ.Խաչատրյանը դիտավորությամբ կատարած միջին ծան¬րության հան¬ցագործությունների կատարման համար չմարված (ընդհատված) դատվա¬ծություն¬¬ներ ունի նրա նկատմամբ կայացված առաջին երկու՝ Երևանի Կենտրոն և Նորք-Մարաշ վարչական շրջան¬ների ընդհանուր իրավասության դատարանի 2011թ. մարտի 18-ի, ինչպես նաև Երևանի Արաբկիր և Քանաքեռ-Զեյթուն վարչական շրջանների ընդհանուր իրավա¬սության դատարանի 2012թ. դեկտեմբերի 5-ի դատավճիռ¬ներով, որոնցով դատապարտվել է ազատազրկման։ Թեև Մ.Խաչատրյանը ՀՀ քրեական օրենսգրքի 176-րդ հոդվածի 1-ին մասով նախատեսված հանցաքն կատարելու համար 5 ամիս ժամկետով ազատազրկման է դատա¬պարտվել նաև ԵԱՔԴ/0142/01/15 գործով Երևանի Արաբկիր և Քանաքեռ-Զեյթուն վարչական շրջան¬¬ների ընդհանուր իրավա¬սության դատարանի 2016թ. դեկտեմբերի 9-ի դատավճռով, սակայն սույն գործով նրան վերագրված արարք¬ները կատարվել են նախքան այդ դատավճիռ կա¬յացնելը, այսինքն՝ ԵԱՔԴ/0142/01/15 դա¬տավճռով հաստատված արարքը կա¬տարելիս, ի տարբերություն սկզբնա¬կան երկու դա¬տավճիռներով հաստատված արարքների, գործով ամբաս¬տանյալ Մ.Խաչատրյանը դեռևս դատապարտ¬ված չէր, հետևաբար՝ այն (դրանով ծագած քրեա¬իրավական հարաբերությունը՝ դատվածությունը) նրա նկատ¬մամբ սույն գործով պատիժ նշա¬նակելիս հաշ¬վի առնվել չի կարող։
Ամբաստանյալի անձը բնու¬թագրող վե¬րոնշյալ տվյալները, պատասխանատվությունն ու պատիժը մեղմացնող և ծանրացնող հանգամանքները հաս¬տատված են գործով ձեռք բերված և դա¬տաքննութ¬յամբ հետա¬զոտված, թույլատ¬րե¬¬լիութ¬յան ու վերաբերելիության չափա¬նիշ¬ներին համա¬պա¬տաս¬խանող ապա¬ցույց¬¬ներով, ող¬ջամտո¬րեն մեղմացնում և բարձրացնում են ամբաստանյալի անձի հանրային վտան¬գավո¬րությունը։
Պատժի նպատակներն ապահովելու տեսանկյու¬նով անդրադառնալով ամբաս¬տան¬յալ¬ Մարիամ Խաչատրյանի նկատմամբ նշանակվող պատժի տե¬սակի ընտրությանը` Դատա¬րանը փաստում է, որ ՀՀ քրեական օրենսգրքի 177-րդ հոդվածի 1-ին և 2-րդ մասերով սահման¬ված հանցակազմերը նախատեսում է այլընտ¬րանքային պատժատե¬սակներ` տուգանք, կալանք կամ որոշակի ժամկետով ազատազրկում, հետևաբար` սույն գործով ամբաստանյալ Մարիամ Խաչատրյանի նկատմամբ պա¬տիժ նշանակելիս քննարկման ենթակա են` պատժատեսակի ընտրության, պատժաչափի, տվյալ հոդվածով նախա¬տեսված պատժից ավելի մեղմ պատժա¬չափ նշա¬նակելու (ՀՀ քրեական օրենսգրքի 64-րդ հոդ¬վածի կիրառում), հանցագործությունների համակցությամբ վերջնական պատիժ նշա¬նակելու, ՀՀ քրեական օրենսգրքի 66-րդ հոդվածի 6-րդ մասով վերջնական պատիժ նշանակելու, ազատազրկման ջևով վերջնական պատժի դատա¬պարտելու դեպքում` այն կրելու կամ չկրելու (ՀՀ քրեական օրենսգրքի 70-րդ հոդվածի կիրառում) հարցերը։
Հաշվի առնելով ամբաստանյալ Մարիամ Խաչատրյանի անձը, կատարած հանցագոր¬ծութ¬յունների քանակը, բնույթն ու վտանգա¬վո¬րութ¬յան աստի¬ճանը ( ոչ մեծ և միջին ծան¬րության դիտավորյալ հան¬ցագործություններ են), տուժողներին պատճառ¬ված վնասն առհասարակ չհատուցելու և այդ ուղ¬ղությամբ որևէ միջոց չձեռնարկելու հանգամանքը, հանցագործությունների վտանգավոր ռեցիդիվի առկայությունը, ՀՀ քրեական օրենսգրքի 66-րդ հոդվածի նաև 6-րդ հոդվածի կիրառմամբ վերջնական պատիժ նշանակելու անհրաժեշտությունը, հանգում է այն համոզվածության, որ ՀՀ քրեական օրենսգրքի 61-րդ հոդվածի 3-րդ մասով նախատեսված կա¬նոնի կիրառմամբ առավել մեղմ պատժա¬տեսակներն ամբաստանյալ Մ.Խաչատրյանի նկատմամբ նշանակվել չեն կարող։ Ամբաստանյալ Մարիամ Խաչատրյանի նկատ¬մամբ վերագրված յուրաքանչյուր արարքի համար ՀՀ քրեական օրենսգրքի 67.1 հոդվածի գործողության ու¬ժով կարող է նշանակել առավել խիստ պատժա¬տեսակը` ազա¬տազրկումը, որը ՀՀ քրեական օրենսգրքի 67.1 հոդվածի 2-րդ մասի համա¬ձայն՝ չի կարող պակաս լինել ՀՀ քրեական օրենսգրքի 177-րդ հոդվածի 2-րդ մասով պատիժ նշանակելիս 3 տարի 4 ամսից, իսկ նույն հոդվածի 1-ին մասով պատիժ նշանակելիս` 1 տարի 4 ամսից։ Դատարանը նաև փաստում է, որ ամբաստանյալ Մ.Խաչատրյանին սույն գործով վերագրված հանցագործությունների համակցությամբ, ինչպես նաև ՀՀ քրեական օրենսգրքի 66-րդ հոդվածի 6-րդ մասի կիրառմամբ նշա¬նակվող վերջնական պատիժը ևս կարող է լինել բացառապես ազատազրկման ձևով, որը նա պետք է կրի։
Ամ¬բաստանյալ Մ.Խաչատրյանի անձը դրակա¬նորեն բնութագրող տվյալները և պատասխանատ¬վությունն ու պատիժը մեղմացնող հանգամանքը Դա¬տարանը հաշվի է առնում նրա նկատմամբ նշա¬նակվող պատիժները գումարելիս և ազա¬տազրկման ձևով նշանակվող վերջնական պատժի ժամկետը որոշելիս։
Ամբաստանյալ Մարիամ Խաչատրյանի կատարած յուրաքանչյուր հանցանքի համար պատիժ« իսկ հան¬¬ցանքների համակցությամբ վերջնական պատիժ սահմանելիս Դատարանը հաշվի է առնում նաև այն« որ սույն գործով ամբաստանյալին մեղսագրվում է ըստ բնույթի և հանրության համար վտանգա¬վո¬րության աստիճանի ոչ մեծ և միջին ծանրության հան¬ցա¬գոր¬ծությունների կա¬տարում« հետևա¬բար` նրա նկատ¬մամբ պա¬տիժ պետք է նշանակվի ՀՀ քրեական օրենսգրքի 66-րդ հոդվածի 3-րդ մասով« որը կիրառելի է համարում նաև պատիժները լրիվ կամ մասնակիորեն գումա¬րելու կանոնները։
Ամբաստանյալ Մարիամ Խաչատրյանի նկատմամբ վերջնական պատիժ նշանակելիս Դատա¬րանը հաշվի է առ¬նում նաև այն, որ վերջինս սույն գործով նրան վերագրված արարքներից վերջինը կատա¬րել է 2016թ. օգոստոսի 24-ին, այսինքն՝ մինչև թիվ ԵԱՔԴ/0142/01/15 գործով Երևանի Արաբկիր և Քանաքեռ-Զեյթուն վարչական շրջան¬¬ների ընդհանուր իրավա¬սության դատարանի կողմից 2016թ. դեկտեմբերի 9-ին դատավճիռ կայացնելը։ Դատա¬րանը նաև փաստում է, որ նման պայմաններում ամբաստանյալ Մարիամ Խաչատրյանի նկատմամբ սույն գործով վերջնական պատիժ պետք է նշա¬նակել ՀՀ քրեա¬կան օրենսգրքի 66-րդ հոդ¬վածի 6-րդ մասի կիրառմամբ, հանցագործութ¬յունների համակ¬ցութ¬յամբ` սույն գործով վերագրված հանցագործությունների համակցությամբ նշանակ¬ված վերջնա¬կան պատժին լրիվ գումարելով նախորդ դատական ակտով` թիվ ԵԱՔԴ/0142/01/15 գործով Երևանի Արաբ¬կիր և Քանաքեռ-Զեյթուն վարչական շրջան¬¬ների ընդհանուր իրավա¬սության դատարանի 2016թ. դեկ¬տեմբերի 9-ին դատավճռով նշանակված պատիժը՝ 5 (հինգ) ամիս ժամկետով ազա¬տազրկումը։
Սկզբնական երկու դատավճիռների կայացմամբ պայմանավորված չմարված կամ չվերացված (ընդհատված) դատ¬վածություն¬ների առկայության պայ¬մաններում սույն գործով վերագրված նոր հանցանքներ կա¬տարելը, Դատա¬րանի համոզմամբ, վկայում է ամբաստանյալ Մ.Խաչատրյանի անձի դեռևս պահպանվող հասարակական բարձր վտանգա¬վո¬րութ¬յան, նույնիսկ իրավապահների և դատա¬րանների տեսա¬դաշտում հայտնվելու պարագայում հա¬կաօրի¬նական վարքագծի շարունակական բնույթի մասին, ինչը նրա նկատմամբ երկու դա¬տավճիռ¬ներով, սակայն հան¬ցանքների համակ¬ցությամբ նշանակվող վերջնական պատիժը կրելու հիմնավոր և բավարար ¬փաստարկ է։
Դատարանն արձանագրում է, որ այդ պա¬տիժն է արդա¬րացի ու միաժամանակ անհրա¬ժեշտ ամբաս¬տան¬յալ Մարիամ Խաչատրյա¬նին ուղղելու, հնարա¬վոր նոր հանցա¬գոր¬ծությունները կան¬խելու, սոցիալական արդարությունը վերականգնելու հա¬մար։
Քննարկելով ամբաստանյալ Մարիամ Խաչատրյանի նկատ¬մամբ ընտրված խափանման մի¬ջոց կալա¬նավորման հարցը` Դատարանը փաստում է, որ այն վերացնելու կամ փո¬փո¬խելու հիմ¬քերը բացակայում են` պայմա¬նա¬վորված նրան իրական պատժի` ազա¬տազրկման դա¬տապարտելու և դատավճռի կատարումն ապահովելու անհրաժեշ¬տութ¬յամբ։ Միաժա¬մա¬նակ անդրադառնալով ամբաստանյալի պատժի կրման սկիզբը հաշ¬վարկելու և անազա¬տության մեջ գտնվելու ժամկետն հաշվակցելու հար¬ցերին` Դատա¬րանը փաստում է, որ ամբաստանյալ Մ.Խաչատրյանի պատ¬ժի կրման սկիզբն անհրա¬ժեշտ է հաշ¬վար¬կել սույն գործով նրան փաս¬տացի անազատության մեջ վերցնելու /բերման ենթարկելու/ օրվանից՝ 2016թ. սեպտեմբերի 8-ից, որի դեպքում նրան կալանքի տակ պահելու ժամկետը լրացուցիչ հաշ¬վակցե¬լու անհրա¬ժեշտությունը վերանում է, քանի որ հաշվակցման ենթակա ժամկետը, առանց ընդհատման, ընդգրկում և ընդգրկելու է 2016թ. սեպտեմբերի 8-ից մինչև սույն դա¬տավճիռն օրինական ուժի մեջ մտնելն ըն¬կած ողջ ժամանա¬կա¬¬հատ¬վածը։ Դատարանը նաև արձա¬նագրում է, որ ԵԱՔԴ/0142/01/15 գործով Երևանի Արաբկիր և Քանաքեռ-Զեյթուն վարչական շրջան¬¬ների ընդհանուր իրավա¬սության դատարանի 2016թ. դեկտեմբերի 9-ին դատավճռով Մ.Խա¬չատրյա¬նի նկատմամբ խա¬փան¬ման միջոց ընտրված չէր, սակայն պատժի կրման սկիզբը տվյալ գործով հաշվարկվել է ոչ թե դատավճռի հրապարակման կամ Մ.Խաչատրյանին այդ գործով փաստացի արգելանքի վերցնելու օրվանից, այլ 2016թ. սեպտեմբերի 8-ից, այսինքն՝ սույն գործով նրան արգելանքի վերցնելու օրվանից։ Նման պայմաններում ամբաստանյալ Մ.Խաչատրյանի պատժի կրման սկիզբն 2016թ. սեպտեմբերի 8-ից հաշվար¬կելը նախ` բխում է գործով ամբաստանյալի շահերից /հետագայում ծագող քրակա¬տարո¬ղական և քրեաիրավա¬կան հարաբերությունների համատեքստում/, բացի այդ` բացառում է տվյալ հարցի շուրջ վերոնշյալ երկու դատավճիռների տարաբնույթ մեկնաբա¬նության նույնիսկ չնչին հնարա¬վորությունը։
ՀՀ քրեական դատավարական օրենսգրքի 360-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների« դատական ծախ¬սե¬րի« գույքի նկատմամբ կիրառված (կիրառվելիք) արգելանքի« քաղաքա¬ցիական հայցի հարցերին« սա¬կայն Դատարանը« պարզելով« որ քրեական գործում բացակայում են դատական ծախսերի վերաբերյալ տվյալները, փաստացի արգելանքի տակ որևէ գույք չի գտնվում, սահմա¬նա¬փակվում է այդ փաստերի արձանագրմամբ։
Դատարանը նաև արձանագրում է, որ տուժողներ Նարինե Գևորգի Պալյանը, Հասմիկ Կոլյայի Մխիթարյանը, Գայանե Ռաֆիկի Նավա¬սարդյանը և Լիլիյա Ալեքսանդրի Գաբրիելյանը, տուժող «Ռիթմ ֆարմ» ՍՊ ընկերության ներկայացուցիչ Վահրամ Ժորայի Գևորգյանը հանրային տիրույթում քննելու և լուծելու նպատակով քաղաքացիական հայց չեն ներկայացրել, հետևաբար` նրանց անհրաժեշտ է պարզաբանել հանցա¬գոր¬ծությամբ անմիջա¬կանորեն պատճառված վնասի փոխ¬հատուցման պահանջով քաղա¬քացիա¬դատա¬վարական կարգով դա¬տա¬րան դիմելու և գործով ամբաստանյալ Մ.Խաչատրյանից հատուցում ստանալու իրավունքը։
Դատարանը փաստում է, որ տուժող (քաղաքացիական հայցվոր) Կարինե Մանվելի Մուդիրյանի ներկայացուցիչ Ռուբեն Չի¬բուխչյանի ներկայացրած քաղաքացիական հայցը հիմնավոր է, ենթակա է լրիվ բավարարման, իսկ քաղաքացիական պատասխանող Մարիամ Խաչատրյանի առարկությունները` մերժման. որպես հանցագործությամբ տուժող Մուդիրյանին անմիջա¬կանորեն պատճառված վնասի փոխհատուցում` քաղաքացիական պատասխանող Մարիամ Ռուբիկի Խաչատրյանից հօգուտ նրա անհրաժեշտ է բռնագանձել 560.000 (հինգ հարյուր վաթսուն հազար) ՀՀ դրամ գումար։
Անդրադառնալով իրեղեն ապացույցների տնօրինման խնդրին՝ Դատարանը փաստում է, որ իրեղեն ապացույց ճանաչված և տուժող Գայանե Նավասարդյանին ի պահ հանձնված վերջինիս դրամապանակն անհրաժեշտ է թողնել նրա տնօրինությանը` սույն դատավճիռն օրինական ուժի մեջ մտնելուց հետո։
Գնահատելով և ամփոփելով դատաքննությամբ հետազոտված ապացույցները, ղեկավարվելով ՀՀ քրեական դատավարական օրենսգրքի 119-րդ, 357-360-րդ, 364-365-րդ, 367-րդ, 369-373-րդ հոդվածներով, Դատարանը

Վ Ճ Ռ Ե Ց ՝

Մարիամ Ռուբիկի Խաչատրյանին ճանաչել մեղավոր ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով, ՀՀ քրեական օրենսգրքի 177-րդ հոդվածի 2-րդ մասի 2-րդ կետով և ՀՀ քրեական օրենսգրքի 177-րդ հոդվածի 1-ին մասով (4 դրվագներով) նախատեսված հանցագործությունների կատարման մեջ, նրա նկատմամբ ՀՀ քրեական օրենսգրքի 67.1 հոդվածի կիրառմամբ նշա¬նակել պատիժ`
ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով` ազատազրկում 3 (երեք) տարի 6 (վեց) ամիս ժամկետով,
ՀՀ քրեական օրենսգրքի 177-րդ հոդվածի 2-րդ մասի 2-րդ կետով` ազատազրկում 3 (երեք) տարի 4 (չորս) ամիս ժամկետով,
ՀՀ քրեական օրենսգրքի 177-րդ հոդվածի 1-ին մասով, 4 (չորս) դրվագներից յուրաքանչյուրով` ազատազրկում 1 (մեկ) տարի 4 (չորս) ամիս ժամկետով։
ՀՀ քրեական օրենսգրքի 66-րդ հոդվածի 3-րդ մասի կիրառմամբ` վերոնշյալ պատիժները մասնակիորեն գումարել և Մարիամ Ռուբիկի Խաչատրյանի նկատմամբ սույն գործով որպես վերջնական պատիժ նշանակել ազատազրկում` 6 (վեց) տարի ժամկետով։
ՀՀ քրեական օրենսգրքի 66-րդ հոդվածի 6-րդ մասի համաձայն՝ սույն գործով նշանակված վերջնական պատժին լրիվ գումարելով ԵԱՔԴ/0142/01/15 գործով Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2016թ. դեկտեմբերի 9-ի դատավճռով նշանակված և չկրած 5 (ամիս) ժամկետով ազատազրկումը՝ Մարիամ Ռուբիկի Խաչատրյանի նկատմամբ որպես վերջնական պատիժ նշանակել ազատազրկում` 6 (վեց) տարի 5 (հինգ) ամիս ժամկետով։
Մարիամ Խաչատրյանի պատժի կրման սկիզբն հաշվել նրան փաստացի արգելանքի վերցնելու օրվանից` 2016թ. սեպտեմբերի 8-ից, նրա նկատմամբ որպես խափանման միջոց ընտրված կալանավորումը թողնել անփոփոխ` մինչև սույն դատավճիռն օրինական ուժի մեջ մտնելը։
Տուժողներ Նարինե Գևորգի Պալյանին, Հասմիկ Կոլյայի Մխիթարյանին, Գայանե Ռաֆիկի Նավասարդյանին և Լիլիյա Ալեքսանդրի Գաբրիելյանին, տուժող «Ռիթմ ֆարմ» ՍՊ ընկերության ներկայացուցիչ Վահրամ Ժորայի Գևորգյանին պարզաբանել հանցագործությամբ նրանցից յուրա¬քանչյուրին պատճառված վնասի հատուցման պահանջով քաղաքացիադատավարական կարգով դատարան դիմելու իրավունքը։
Տուժող (քաղաքացիական հայցվոր) Կարինե Մանվելի Մուդիրյանի ներկայացուցիչ Ռուբեն Չիբուխչյանի ներկայացրած քաղաքացիական հայցն ամբողջությամբ բավարարել, որպես հանցագործությամբ տուժող Մուդիրյանին անմիջականորեն պատճառված վնասի փոխհատուցում` քաղաքացիական պատասխանող Մարիամ Ռուբիկի Խաչատրյանից հօգուտ նրա բռնագանձել 560.000 (հինգ հարյուր վաթսուն հազար) ՀՀ դրամ գումար։
Իրեղեն ապացույց ճանաչված և տուժող Գայանե Նավասարդյանին ի պահ հանձնված վերջինիս դրամապանակը թողնել նրա տնօրինությանը` սույն դատավճիռն օրինական ուժի մեջ մտնելուց հետո։
Դատական ծախսերի հատուցման հարցն համարել լուծված։
Դատավճիռը ստացման օրվանից մեկամսյա ժամկետում կարող է բողոքարկվել ՀՀ վերաքննիչ քրեական դատարան։


ԴԱՏԱՎՈՐ՝ Ա.Ժ.ՎԱՐԴԱՆՅԱՆ