Գործ ԵԿԴ/0312/01/16


ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը (այսուհետ` Դատարան),

նախագահությամբ դատավոր` Արշակ Վարդանյանի«
քարտուղարությամբ` Դարինա Բեգլարյանի,

մասնակցությամբ`
մեղադրող` Աբգար Առաքելյանի,

տուժող` Քրիստինե Աստաբացյանի,

պաշտպաններ (հանրային)` Աննա Ջուվանովայի և
Սիրանուշ Հարությունյանի,


նույն դատարանում դռնբաց դատական նիստերի կարգով քննեց և 2017թ. մարտի 10-ին ավարտեց քրեական գործն ըստ մեղադրանքի Ավետիս Գրիգորի Դանիելյանի` (ծնված 1986թ. հունվարի 19-ին, Երևանում, ազգությամբ հայ, ՀՀ քաղաքացի« ամուսնալուծված, խնամքին` մինչև 14 տարեկան երեխան, միջնակարգ կրթությամբ, ֆիզիկապես վատառողջ, նախկինում չդատապարտված, հաշվառված և բնակվել է Երևանի Սարի թաղի 1-ին փողոցի 41-րդ տանը, սույն գործով մեղսագրվում է ՀՀ քրեական օրենսգրքի 177-րդ հոդվածի 2-րդ մասի 3-րդ մասով նախատեսված հանցավոր արարքի կատարում, որպես խափանման միջոց է ընտրվել կալանք, արգելանքի տակ է 2016թ. օգոստոսի 16-ից)։

1. Գործի դատավարական նախապատմությունը.
Թիվ 15130516 քրեական գործը հարուցվել է 2016թ. հուլիսի 13-ին ՀՀ քրեական օրենսգրքի 177-րդ հոդվածի 1-ին մասով, 177-րդ հոդվածի 2-րդ մասի 3-րդ կետով և 324-րդ հոդվածի 1-ին մասով նախա¬տեսված հանցագործության հատկանիշներով ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչա¬կան բաժնում` գործով տուժող Քրիստինե Աստաբացյանի հաղորդման կապակցությամբ նախապատրաստված նյութերի քննարկման արդյունքներով։
2016թ. օգոստոսի 12-ին նախաքննական մարմինը որոշում է կայացրել քրեական գործի վա¬րույթը կասեցնելու մասին` որպես մեղադրյալ ներգրավման ենթակա անձի ինքնությունը պարզված չլինե¬լու հիմքով։
2016թ. օգոստոսի 16-ին վերոնշյալ հանցանքը կատարելու կասկածանքով ՀՀ ոստիկանության Նոր Նորքի բաժին բերման է ենթարկվել Ավետիս Դանիելյանը, նույն օրը նախաքնական մարմնի կա¬յաց¬րած որոշմամբ քրեական գործի կասեցված վարույթը վերսկսվել է։
2016թ. օգոստոսի 16-ին Ավետիս Դանիելյանը ձերբակալվել է։
2016թ. օգոստոսի 18-ին Ավետիս Դանիելյանին մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով և 177-րդ հոդվածի 2-րդ մասի 3-րդ կետով։
2016թ. օգոստոսի 18-ի-ին Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը, բավարարելով նախաքննական մարմնի միջնորդությունը, մեղադրյալ Ավետիս Դանիելյանի նկատմամբ որպես խափանման միջոց է ընտրել կալանավորում, որի ժամկետը հետագայում երկարացվել է։
2016թ. օգոստոսի 25-ին նախաքննական մարմինը որոշում է կայացրել Ավետիս Դանիելյանի կողմից մարմնական վնասվածք ստանալու վերաբերյալ նախապատրաստված նյութերով քրեական գործ հարուցելը մերժելու մասին` հանցագործության դեպքի բացակայության հիմքով։
2016թ. նոյեմբերի 11-ին որոշում է կայացվել Ավետիս Դանիելյանին ՀՀ քրեական օրենսգրքի 177-րդ հոդվածի 1-ին մասով առաջադրված մեղադրանքը վերացնելու և ՀՀ քրեական օրենսգրքի 177-րդ հոդվածի 2-րդ մասի 3-րդ կետով կրկին մեղադրանք (վերջնական) առաջադրելու մասին։
2016թ. նոյեմբերի 23-ին որոշում է կայացվել թիվ 15130516 քրեական գործից ինքնությունը չպարզված անձի կողմից Քրիստինե Աստաբացյանին պատկանող զգալի չափերի` 75.000 ՀՀ դրամ ար¬ժո¬ղությամբ դրամապանակը, դրանում առկա գույքը (բացառությամբ «Ակբա կրեդիտ ագրիկոլ բանկի» քարտի) գաղտնի հափշտակելու վերաբերյալ թիվ 15130516/1 համարով մաս անջատելու վերա¬բերյալ։
2016թ. նոյեմբերի 29-ին քրեական գործը Ավետիս Գրիգորի Դանիելյանի նկատմամբ ՀՀ քրեա¬կան օրենսգրքի 177-րդ հոդվածի 2-րդ մասի 3-րդ կետով հաստատված մեղադրական եզրա¬կացութ¬յամբ ու¬ղարկ¬վել է Երևանի Կենտրոն և Նորք-Մարաշ վարչական շրջանների ընդհանուր իրա¬վասության դատա¬րան, 2016թ. նոյեմբերի 30-ին ընդունվել է վարույթ, ապա` նշանակվել դատական քննության։

2. Ապացույցների հետազոտում և գնահատում.
Դատաքննությամբ հետազոտված ապացույցների գնահատման արդյունքներով Դա¬տա¬¬րանը հաս¬տատված համարեց այն, որ Ավետիս Գրիգորի Դանիելյանը իր տրամադրության տակ հայտնված Քրիստինե Աստաբաց¬յանի «Ակբա կրեդիտ ագրիկոլ բանկի» քարտն օգտագործելու միջոցով 2016թ. հուլիսի 9-ին՝ ժամը 20։12-ին և 20։13-ին ապօրինի մուտք է գործել Երևան քաղաքի Խորենացի 33/3 հասցեում գտնվող, պահեստարան հանդի¬սացող բանկոմատ, որտեղից կանխիկացրել և գաղտնի հափշտակել է զգալի չափերի, ընդհանուր 17.000 ՀՀ դրամ գումար, այսինքն` կատարել է հան¬ցավոր արարք, որը նախա¬տես¬ված է ՀՀ քրեա¬կան օրենսգրքի 177-րդ հոդվածի 2-րդ մասի 3-րդ կետով։
Առաջադրված մեղադրանքում ամբաստանյալ Ավետիս Դանիելյանն իրեն ըստ էության լիովին մեղավոր ճանաչեց` ընդունելով տուժող Քրիստինե Աստաբացյանին պատկանող բանկային քարտի օգտագործմամբ վերոնշյալ գումարները կանխիկացնելու փաստը, նշեց, որ տվյալ քայլին դիմել է նյու¬թական կարիք ոչ բարվոք վիճակում գտնվելու պատճառով` չգիտակցելով, որ հանցանք է կա¬տարում։
Դատարանում օգտվելով դատավարական իր իրավունքից` հրաժարվեց ցուցմունք տալուց, իսկ հարցերին պատասխանելիս հայտնեց, որ 2016թ. հուլիսի 09-ին՝ ժամը 19։30-ի սահմաններում« դուրս է եկել Երևանի Սարի թաղ 1-ին փողոց 42/1 իր տնից և քայլել դեպի Երևանի կենտրոն« որտեղ՝ «Տաշիր» առևտրի կենտրոնի հարևանությամբ« նկատել է գետնին ընկած թղթեր, գտել է բանկային քարտ և այն օգտագործելու համար անհրաժեշտ կոդը։ Վերցնելով հիշյալ քարտը` մոտեցել է մոտակայքում գտնվող բանկոմատին և քարտը օգտագործելու միջոցով կանխիկացրել է ընդհանուր 17.000 ՀՀ դրամ, նախ` 10.000, ապա նաև` 7.000 ՀՀ դրամի չափով։ Հետագայում հեռուստացույցով« ապա նաև ՀՀ ոստիկա¬նության Կենտրոնականի բաժնում տեսել է իր կողմից բանկոմատից գումար կանխիկացնելու տե¬սանյութը և իր լուսանկարները։ Գումարը կանխիկացրել է, քանի որ առողջական խնդիրներ ունի և գումար էր անհրաժեշտ։ Հայտնեց, որ զղջում է կատարածի համար։
Ամբաստանյալ Ավետիս Դանիելյանի մեղավորությունը, նրա խոստովանական ցուցմունքից բացի, հիմնավորվել է վերոնշյալ ապացույցը դատաքննությամբ հետա¬զոտ¬ված հետևյալ ապացույց¬ների հետ համադրելու և գնա¬հատելու արդյունք¬¬ներով.
Տուժող Քրիստինե Աշոտի Աստաբացյանի ցուցմունքով. Վերջինս Դատարանում հայտնեց, որ 2016թ. հուլիսի 9-ին՝ ժամը 19։30-ի սահմաններում« Երևանի Բաղրամյան պողոտայում նստել է թիվ 58 համարի երթուղայինը և ուղևորվել դեպի Թումանյան-Մաշտոց փողոցների խաչմերուկ։ Իջնելով երթու¬ղայինից` մի քանի րոպե անց, բջջային հեռախոսին ստացել է հաղորդագրություններ` այն մասին« որ նույն օրը՝ ժամը 20։12-ին, իր բանկային հաշվից կանխիկացվել է 10.000« իսկ ժամը 20։13-ին 7.000 ՀՀ դրամ գումար։ Ստուգել է պայուսակը և տեսել« որ իր դրամապանակը« դրանում առկա առարկաները, այդ թվում` «Ակբա կրեդիտ ագրիկոլ բանկի» իր քարտը` գաղտնաբառով հանդերձ« բացակայում է։ Նշեց, որ քարտի մեջ առկա էր ընդամենը 17.000 ՀՀ դրամ գումար, իսկ դրամապա¬նակում կային նաև տան բանալին, գումար, նույնականացման քարտ։ Նշեց նաև, որ երթուղայինի մեջ իր դրամապա¬նակի հափշտակությունը և այն կատարած անձնավորությանը չի նկատել։
Նշեց, որ Ավետիս Դանիելյանի դեմ քաղաքացիական հայց չի ներկայացնում, քանի որ վերջինիս հայրը դատաքննության ընթացքում ըստ էության վերականգնել է որդու գործողությունների հետևանքով իրեն պատճառված գույքին վնասը` Դատարանի դեպոզիտ հաշվին մուտքագրելով իրենից հափշտակ¬ված և իրեն վերադարձման ենթակա 17.000 ՀՀ դրամ գումար։ Խնդրեց ամբաստանյալի նկատմամբ նշանակել հնարավորինս մեղմ պատիժ։
Տեսասկավառակի զննություն կատարելու մասին 2016թ. օգոստոսի 10-ի արձանագրությամբ« հա¬մաձայն որի` գործով ամբաստանյալ Ա.Դանիելյանը 2016թ. հուլիսի 09-ին՝ ժամը 20։12-ին և 20։13-ին Երևանի Խորենացի 33/3 հասցեում գտնվող բանկոմատից կանխիկացնում է գումարներ։
Հեռախոսահամարների զննություն կատարելու մասին 2016թ. օգոստոսի 27-ի արձանագրությամբ, համաձայն որի` գործով ամբաստանյալ Ավետիս Դանիելյանի շահագործած 094-795517 հեռախոսահամարը քննվող դեպքի օրը` 2016թ. հուլիսի 09-ին՝ ժամը 20։02-ից մինչև 20։10-ն ընկած ժամանա¬կա¬հատվածում, սպա¬սարկվել է Երևանի Տիգրան Մեծի «Սիլ Հոթել» և Տիգրան Մեծի 31 հասցեներում տեղակայված ալեհավաք¬ներով։
Ստացիոնար դատահոգեբուժական փորձաքննության 2016թ. հոկտեմբերի 27-ի թիվ 102 եզրա¬կացությամբ, համաձայն որի` վերագրված արարքում Ավետիս Դանիելյանը ճանաչվել է մեղ¬սունակ, վերջինս իր հոգեվիճակով կարող է մասնակցել դատաքննչական գործողություններին։ Նրա մոտ առկա է «Անձի էմոցիոնալ անկայունության խանգարում»։
Ապացույց ճանաչված և քրեական գործին կցված փաստաթղթի` լազերային սկավառակների առկայությամբ, որոնք բովանդակում են գործով ամբաստանյալ Ա.Դանիելյանի կողմից 2016թ. հուլիսի 09-ի՝ ժամը 20։12-ին և 20։13-ին Երևան քաղաքի Խորենացի 33/3 հասցեում գտնվող բանկոմատից գումար կանխիկացնելու տեսաձայ¬նագրութ¬յունը և լուսանկարները։
Մեղադրողի կողմից ներկայացված նոր ապացույցի` տեսաձայնագրային և դա¬տադի¬մանկա¬րային փոր¬ձաքննության 2016թ. դեկտեմբերի 5-ի թիվ 33951606 եզրակացության հետևությամբ, հա¬մաձայն որի` բանկոմատից գումար կանխիկացնող անձի հետազոտելի թվով 14 լուսանկարներում արտացոլված պատկերները հնարա¬վորություն են տալիս վերադրման եղանակով դիմանկա¬րային նույնացմանն ուղղված համեմատական հետազոտություն կատարելու համար։

3. Դատարանի իրավական վերլուծությունները և եզրահանգումը.
Գնահատելով դատաքննությամբ հետազոտված վերոնշյալ ապացույցները` Դատա¬¬րա¬նը հաս¬տատված համարեց այն, որ ամբաստանյալ Ավետիս Դանիելյանը պահեստարան ապօրինի մուտք գործելով կատարել է ուրիշի զգալի չափի գույքի գողություն, այսինքն` հան¬ցա¬վոր արարք« որը համա¬պա¬տաս¬¬խանում է ՀՀ քրեական օրենսգրքի 177-րդ հոդվածի 2-րդ մասի 3-րդ կետով նախա¬տես¬ված հան¬ցա¬գործության հատ¬կանիշ¬ներին, հետևա¬բար` նա քրեա¬¬կան պա¬տաս¬¬խա¬նատ¬¬¬վության և պատժի ենթա¬¬կա է այդ հոդ¬վածի վերոնշյալ մասով և կետով։
Ամբաստանյալ Ավետիս Դանիելյանի նկատմամբ նշանակվող պատժի տեսակը և չափը որոշելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬¬նել սոցիալական արդարությունը« ուղղել պատժի ենթարկված անձին« ինչպես նաև կանխել հան¬ցա¬¬գոր¬ծությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատա¬րած անձի նկատ¬մամբ կիրառվող պատիժը և քրեաիրավական ներ¬գոր¬ծութ¬յան այլ միջոց¬ները պետք է լինեն ար¬դարացի« համապա¬տասխանեն հանցանքի ծան¬րությանը« այն կա¬տա¬րելու հան¬գա¬մանք¬ներին« հան¬¬ցավորի անձնա¬¬վորությանը« անհրա¬ժեշտ և բավարար լինեն նրան ուղղելու և նոր հանցա¬գոր¬ծութ¬յուն¬ները կան¬խելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է« որ հանցա¬գոր¬ծութ¬յան համար մեղավոր ճանաչված անձի նկատմամբ նշանակվում է արդարացի պատիժ« իսկ նույն հոդ¬վածի 2-րդ մասի համաձայն՝ պատժի տեսակը և չափը որոշվում են հանցա¬գործության՝ հան¬րության համար վտան¬¬գա¬վո¬րության աստիճանով և բնույթով« հանցավորի անձը բնու¬թագրող տվյալներով« այդ թվում՝ պատաս¬խա¬նատ¬վությունը և պատիժը մեղմաց¬նող և/կամ ծանրացնող հան¬գա¬մանքներով։ ՀՀ քրեա¬կան օրենսգրքի 61-րդ հոդվածի 3-րդ մասի համա¬ձայն` հան¬ցագործության համար նախա¬տեսված պատիժ¬ներից առավել խիստը նշանակվում է, եթե նվազ խիստ տեսակը չի կարող ապա¬հովել պատժի նպա¬տակ¬ները։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վա¬րա¬կան օրենսգրքի 8-րդ հոդվածի համաձայն՝ որոշակի փաստական հանգա¬մանք¬ներ ունեցող գոր¬ծով ՀՀ Վճռաբեկ դատարանի կամ Մարդու իրավունքների եվրոպա¬կան դատա¬րա¬նի դատական ակ¬տի հիմ¬նա¬վո¬րումները« այդ թվում՝ օրենքի մեկնաբա¬նութ¬յուն¬ները« պարտադիր են դատարանի հա¬մար նույ¬¬նանման փաստական հանգամանք¬ներով գործի քննության ժամա¬նակ։
ՀՀ Վճռաբեկ դատարանը« Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկ¬տեմ¬¬բերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մա¬սով նախատեսված նորմը« նշել է« որ այն Դատարանին օժտել է անձի պատասխա¬նատ¬վությունը մեղ¬մաց¬¬նող հանգամանքների կիրառման լայն հայեցողությամբ« քանի որ պա¬տիժ նշանակելիս Դա¬տա¬րանը կարող է հաշվի առնել նաև մեղմացնող այնպիսի հանգա¬մանք¬ներ« որոնք նույն հոդվածի առաջին մասում նշված չեն։
Դատարանը, որպես ամբաստանյալ Ավետիս Դանիելյանի անձը բնու¬թագրող տվյալներ է գնա¬հա¬տում՝ նախկինում դատապարտված չլինելը (համաձայն ՀՀ ոստիկանության ինֆորմացիոն կենտրոն 2016թ. օգոստոսի 16-ի դրությամբ կատարված հարցման արդյունքների)« երիտասարդ (համաձայն ՀՀ քաղա¬քա¬ցու BA սերիայի 1148568 համարի անձնագրային տվյալների` ծնվել է 1986թ.) և վատառողջ լինելը (ըստ ստացիոնար դատահոգեբուժական փորձաքննության թիվ 102 եզրակացության` նրա մոտ հայտնաբերվել է «անձի էմոցիոնալ անկայունության խանգարում», համաձայն «Նուբարաշեն» ՔԿՀ-ում բացված ամբաստանյալի թիվ 1208 ամբուլատոր քարտում կատարված գրառումների` ըստ 3D հետազոտության` ծնոտի ոսկրային հյուսվածքը քայքայված է), իսկ որպես պատաս¬խա¬¬նատվությունն ու պատիժը մեղմացնող հանգամանքներ` տուժողին պատճառված նյութական վնասը դատաքննության ընթացքում կամովին և ամբողջությամբ հատուցելը (ըստ 2017թ. հունվարի 16-ի թիվ 002198 /915365607/ վճարման անդոր¬րագրի), ըստ էության իրեն լիովին մեղավոր ճանաչելն ու անկեղծորեն զղջալը, խնամ¬քին մինչև 14 տարեկան երեխայի առկայությունը (համաձայն` Երևանի քրեական դատարանի 2008թ. դեկտեմբերի 5-ի թիվ ԵՔՐԴ0543/01/08 դատավճռի)։
Դատարանը ամբաստանյալ Ավետիս Դանիելյանի պատաս¬խա¬նատ¬վութ¬յունն ու պա¬տիժը ծան¬րացնող հանգամանքներ չարձանագրեց։
Անդրադառնալով ամբաս¬տանյալ Ավետիս Դանիելյանի նկատ¬¬մամբ պատժի նշանակման խնդրին` Դատա¬րանը փաս¬¬տում է, որ ՀՀ քրեական օրենսգրքի 177-րդ հոդվածի 2-րդ մասի 3-րդ կետով սահմանված հան¬ցա¬կազմը նախատեսում է այլընտրան¬քային պատժատե¬սակներ` տուգանք կամ որոշակի ժամկետով ազատազրկում, ուստի սույն գործի շրջանակներում քննարկման ենթակա են` ամբաս¬տանյալ Ավետիս Դանիելյանի նկատ¬մամբ նշանակ¬վող պատժի տեսակի ընտ¬րության, պատժա¬չափի, տվյալ հոդվածով նախատեսված պատժի նվազագույն չափից ավելի ցածր պատիժ նշա¬նակելու (ՀՀ քրեական օրենսգրքի 64-րդ հոդվածի կիրառում), ազա¬տազրկման ձևով նշանակվող պա¬տիժ նշանա¬կելու դեպքում` այդ պատիժը ռեալ կրելու կամ չկրելու (ՀՀ քրեական օրենսգրքի 70-րդ հոդվածի կի¬րա¬ռում) հարցերը։
Դատարանը, հաշվի առնելով ամբաստանյալ Ավետիս Դանիելյանի անձը, նրա պատասխա¬նատվությունն ու պատիժը մեղմացնող հանգամանքները, հատկապես` կատարած արարքի բնույթն ու վտանգավորության աստի¬ճանը (միջին ծանրության հանցագործություն է), նախկինում դատապարտ¬ված չլինելը, ֆիզիկապես վատառողջ լինելը, խոստովանական ցուցմունքներ տալն ու անկեղծորեն զղջալը, տուժողին հանցագոր¬ծությամբ անմիջականորեն պատճառված վնասը դատաքննության ընթացքում կամովին և ամբող¬ջութ¬յամբ հատուցելը (ըստ 2017թ. հունվարի 17-ի թիվ 002197 վճարման անդոր¬րագրի), տուժողի դիրքորո¬շումը` ամբաստանյալի նկատմամբ մեղմ պատիժ նշանակելու առումով, հանգամանքը, պատաս¬խանատ¬վությունն ու պա¬տիժը ծան¬րաց¬նող հանգամանքների բացակայությունը, սույն գործի քննության ընթացքում տևական ժամանակ անազատության մեջ գտնվելը, ինչ¬պես նաև ղեկա¬վարվելով ՀՀ քրեական օրենսգրքի 61-րդ հոդվածի 3-րդ մասի պա¬հանջով, հանգում է համոզման, որ ՀՀ քրեական օրենսգրքի 177-րդ հոդվածի 2-րդ մասի սանկցիայով նախա¬տեսված հիմ¬նական պատ¬ժատեսակներից ամբաս¬տանյալ Ավետիս Դանիելյանի նկատմամբ կարող է նշանակվել նաև նվազ խիստ պատժատեսակը` տուգանքը։ Վերոնշյալ պատիժն արդա¬րացի ու միա¬ժա¬¬մանակ անհրա¬ժեշտ է ամբաստանյալ Ավետիս Դանիելյանի ուղղելու և հնա¬րավոր նոր հանցա¬գոր¬ծութ¬յունները կան¬խելու, սոցիալական արդարությունը վերականգնելու համար։
Ամբաստանյալ Ավետիս Դանիելյանի նկատմամբ նշանակվող պատժի` տուգանքի չափը որոշելիս Դա¬տա¬րանը հաշվի է առնում այն, որ վերջինս 2016թ. օգոստոսի 16-ից մինչև 2017թ. մարտի 10-ն ընկած ժամանակահատվածում, շուրջ յոթ ամիս գտնվել է կալանքի տակ, ուստի Դա¬տա¬րանը, ղեկա¬վարվելով ՀՀ քրեական օրենսգրքի 69-րդ հոդվածի 5-րդ մասի պահանջով, նրա նկատմամբ նշանակվող տուգանքի չափը ողջամտորեն նվազեցնում (մեղմացնում) է։
Քննարկելով ամբաստանյալ Ավետիս Դանիելյանի նկատ¬մամբ ընտրված խափանման միջոց կալա¬նա¬վորումը պահպանելու հարցը` Դատարանը, ղեկավարվելով ՀՀ քրեական դատավարության օրենսգրքի 374-րդ հոդվածով, փաստում է, որ այդ խափանման միջոցն անհրաժեշտ է վերացնել և դա¬տական նիստերի դահլիճում նրան կալանքից անհապաղ ազատ արձակել` պայմանավորված ամբաստանյալ Ավետիս Դանիելյանին անազատության հետ չկապված պատժի` տուգանքի դատապարտելու հանգամանքով։
ՀՀ քրեական օրենսգրքի 360-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների« դատական ծախ¬սե¬րի« գույքի նկատմամբ կիրառված (կիրառվելիք) արգելանքի« քաղաքացիական հայցի հարցերին« սակայն Դատարանը« պարզելով« որ սույն քրեական գործով ամբաստանյալ Ավետիս Դանիելյանի գույքի վրա արգե¬լանք չի կիրառվել« քրեական գործում բացակայում են իրեղեն ապացույցների և դատական ծախսերի վերաբերյալ տվյալները, սահ¬մանափակվում է այդ փաստերի արձանագրմամբ։
Դատարանը փաստում է, որ սույն դատավճիռն օրինական ուժի մեջ մտնելուց հետո` 2017թ. հունվարի 16-ի թիվ 002198 /915365607/ վճարման անդորրագրով Գրիգոր Ավետիսի Դանիելյանի անվամբ Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի` Երևանի թիվ 1 գանձապետական բաժանմունքի 900013298014 դեպոզիտային հաշվին մուտքագրված 17.000 (տասնյոթ հազար) ՀՀ դրամ գումարն անհրաժեշտ է ուղղել տուժող Քրիստինե Աշոտի Աստաբացյանին պատճառված վնասի փոխհատուցմանը, այդ կերպ տուժողին հանցագործությամբ անմի¬ջականորեն պատճառված վնասի հատուց¬ման հարցը համարում է լուծված` այն ամբողջությամբ փոխհատուցվելու պատճառաբանությամբ։
Գնահատելով և ամփոփելով դատաքննությամբ հետազոտված ապացույցները, ղեկավարվելով ՀՀ քրեական դատավարական օրենսգրքի 357-360-րդ, 364-365-րդ, 369-373-րդ հոդվածներով, Դատարանը
Վ Ճ Ռ Ե Ց՝

Ավետիս Գրիգորի Դանիելյանին ճանաչել մեղավոր ՀՀ քրեական օրենսգրքի 177-րդ հոդվածի 2-րդ մասի 3-րդ կետով նախատեսված հանցագործության կատարման մեջ, նրա նկատմամբ նշանակել պատիժ՝ տուգանք` նվազագույն աշխատավարձի ութհարյուրապատիկի` 800.000 (ութ հարյուր հազար) ՀՀ դրամի չափով։
ՀՀ քրեական օրենսգրքի 69-րդ հոդվածի 5-րդ մասի կիրառմամբ Ավետիս Գրիգորի Դանիելյանի նկատմամբ նշանակված պատիժը մեղմացնել և որպես վերջնական պատիժ նշանակել տուգանք` նվազագույն աշխատավարձի վեցհարյուրապատիկի` 600.000 (վեց հարյուր հազար) ՀՀ դրամի չափով։
Ավետիս Դանիելյանի նկատմամբ որպես խափանման միջոց ընտրված կալանավորումը վերացնել և նրան դատական նիստերի դահլիճում կալանքից անհապաղ ազատ արձակել։
Սույն դատավճիռն օրինական ուժի մեջ մտնելուց հետո` 2017թ. հունվարի 16-ի թիվ 002198 /915365607/ վճարման անդորրագրով Գրիգոր Ավետիսի Դանիելյանի անվամբ Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի` Երևանի թիվ 1 գանձապետական բաժանմունքի 900013298014 դեպոզիտային հաշվին մուտքագրված 17.000 (տասնյոթ հազար) ՀՀ դրամ գումարն ուղղել տուժող Քրիստինե Աշոտի Աստաբացյանին պատճառված վնասի փոխհատուցմանը, այդ կերպ տուժողին հանցագործությամբ անմիջականորեն պատճառված վնասի հատուցման հարցը համարել լուծված` այն ամբողջությամբ փոխհատուցվելու պատճառաբանությամբ։
Դատական ծախսերի հարցն համարել լուծված։
Դատավճիռը ստացման օրվանից մեկամսյա ժամկետում կարող է բողոքարկվել ՀՀ վերաքննիչ քրեական դատարան` բացառությամբ գործի փաստական հանգամանքների վերաբերյալ Դատարանի հետևությունների։


ԴԱՏԱՎՈՐ՝ Ա.ՎԱՐԴԱՆՅԱՆ