ԵԿԴ/0288/01/16





ՈՐՈՇՈՒՄ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՎԵՐԱԲԵՐՅԱԼ ՄԻՋՆՈՐԴՈՒԹՅՈՒՆԸ ՔՆՆՈՒԹՅԱՆ ԱՌՆԵԼՈՒ ՄԱՍԻՆ


«06» դեկտեմբերի 2016թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը` նախագահող դատավոր Արմեն Բեկթաշյանի, քարտուղարությամբ Գեորգի Սարգսյանի մասնակցությամբ մեղադրող Տիտալ Ուզոյանի, ամբաստանյալ Արմեն Հարությունյանի, տուժող Լուսինե Ռուբինյանի, դռնբաց դատական նիստում քննելով քրեական գործն ըստ մեղադրանքի Արմեն Հարությունյանի (ծնված 1991 թվականի հուլիսի 06-ին Երևան քաղաքում, ագությամբ հայ, ՀՀ քաղաքացի, ամուրի, միջնակարգ կրթությամբ, դատված դատվածությունը չմարված, չի աշխատում, հաշվառված է ք. Երևան, Նորագավիթ 1-ին փողոցի 8ա տանը)` ՀՀ քրեական օրենսգրքի 177-րդ հոդվածի 1-ին մասով, դռնբաց դատական նիստում քննության առնելով` թիվ ԵԿԴ/0288/01/16 քրեական գործի վարույթը կարճելու և քրեական հետապնդումը դադարեցնելու մասին տուժող Լուսինե Ռուբինյանի միջնորդությունը,


ՊԱՐԶԵՑ

2016 թվականի օգոստոսի 02-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Կ.Ավագյանի կողմից որոշում է կայացվել ՀՀ քրեական օրենսգրքի 176-րդ հոդվածի 1-ին մասով թիվ 12136916 քրեական գործը հարուցելու մասին:
2016 թվականի օգոստոսի 02-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Կ.Ավագյանի կողմից որոշում է կայացվել թիվ 12136916 քրեական գործով Լուսինե Ռուբինյանին որպես տուժող ճանաչելու մասին:
2016 թվականի սեպտեմբերի 29-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Կ.Ավագյանի կողմից որոշում է կայացվել թիվ 12136916 քրեական գործով Արմեն Հարությունյանին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով այն բանի համար, որ նա ուրիշի գույքը գաղտնի հափշտակելու դիտավորությամբ, 2016 թվականի հուլիսի 26-ին, ժամը 21:40-ի սահմաններում <<Այրարատ>> կինոթատրոնի տարածքով երթևեկող թիվ 37 երրթուղային տրանսպորտում գաղտնի հափշտակել է նույն տրանսպորտի ուղևորուհի Լուսինե Ռուբինյանի պայուսակում առկա դրամապանակը` 10.000 ՀՀ դրամ կանխիկ գումարի, թվով 2 բանկային քարտերի և լուսանկարների պարունակությամբ` Լ.Ռուբինյանին պատճառելով զգալի չափի ընդհանուր 20.000 ՀՀ դրամի գույքային վնաս:
2016 թվականի սեպտեմբերի 29-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Կ.Ավագյանի կողմից որոշում է կայացվել թիվ 12136916 քրեական գործով մեղադրյալ Արմեն Հարությունյանի նկատմամբ որպես խափանման միջոց ստորագրություն չհեռանալու մասին ընտրելու վերաբերյալ:
2016 թվականի սեպտեմբերի 29-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Կ.Ավագյանի կողմից որոշում է կայացվել թիվ 12136916 քրեական գործով մեղադրյալ Արմեն Հարությունյանի նկատմամբ հետախուզում հայտարարելու մասին:
2016 թվականի սեպտեմբերի 30-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Կ.Ավագյանի կողմից որոշում է կայացվել թիվ 12136916 քրեական գործով վարույթը կասեցնելու մասին` մեղադրյալի կողմից քննությունից թաքնվելու հիմքով:
2016 թվականի հոկտեմբերի 01-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Կ.Ավագյանի կողմից որոշում է կայացվել թիվ 12136916 քրեական գործով կասեցված վարույթը վերսկսելու մասին:
2016 թվականի նոյեմբերի 04-ին Արմեն Հարությունյանի վերաբերյալ թիվ 12136916 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի Դատարան, որտեղ քրեական գործին շնորհվել է ԵԿԴ/0288/01/16 համարը:
2016 թվականի դեկտեմբերի 06-ի դատական նիստի ընթացքում տուժող Լուսինե Ռուբինյանի կողմից գրավոր դիմում է ներկայացվել այն մասին, որ <<հայտնում եմ, որ ամբաստանյալի կողմից վնասը հատուցվել է և չեմ ցանկանում որպեսզի ամբաստանյալ` Արմեն Հարությունյանը ենթարկվի քրեական պատասխանատվության: Խնդրում եմ քրեական գործը կարճել>>:
Դատական քննության ժամանակ ամբաստանյալ Արմեն Հարությունյանը հայտնեց, որ ինքը նույնպես հաշտվել է տուժող Ռուբինյանի հետ և գիտակցում է հաշտվելու հետևանքները:
Մեղադրող` Տ.Ուզոյանը չառարկեց ներկայացված միջնորդության դեմ:
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ՀՀ քրեական դատավարության օրենսգրքով նախատեսված դեպքերում տուժողը հաշտվել է մեղադրյալի հետ:
ՀՀ քրեական դատավարության օրենսգրքի 183-րդ հոդվածի 1-ին մասի համաձայն` ՀՀ քրեական օրենսգրքի 177-րդ հոդվածի 1-ին մասով նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման: Հաշտությունը թույլատրվում է մինչև դատավճիռ կայացնելու համար դատարանի խորհրդակցական սենյակ հեռանալը:
Դատարանը, նկատի ունենալով, որ տուժող Լուսինե Ռուբինյանը և ամբաստանյալ Արմեն Հարությունյանը հաշտվել են միմյանց հետ, գտնում է, որ թիվ ԵԿԴ/0288/01/16 քրեական գործի վարույթը պետք է կարճել և ամբաստանյալ Արմեն Հարությունյանի նկատմամբ ՀՀ քրեական օրենսգրքի 177-րդ հոդվածի 1-ին մասով քրեական հետապնդումը պետք է դադարեցնել:
Դատարանը գտնում է, որ ամբաստանյալ Արմեն Հարությունյանի նկատմամբ ընտրված խափանման միջոցը` չհեռանալու մասին ստորագրությունը, պետք է վերացնել` մինչև սույն որոշման օրինական ուժի մեջ մտնելու պահից:

Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ, 41-րդ, 183-րդ և 313-րդ հոդվածներով` Դատարանը


ՈՐՈՇԵՑ

Թիվ ԵԿԴ/0288/01/16 քրեական գործի վարույթը կարճել և Արմեն Վյաչեսլավի Հարությունյանի նկատմամբ ՀՀ քրեական օրենսգրքի 177-րդ հոդվածի 1-ին մասով քրեական հետապնդումը դադարեցնել` տուժող Լուսինե Ռուբինյանի կողմից ամբաստանյալ Արմեն Վյաչեսլավի Հարությունյանի հետ հաշտվելու հիմքով:
Ամբաստանյալ Արմեն Հարությունյանի նկատմամբ ընտրված խափանման միջոցը` չհեռանալու մասին ստորագրությունը, վերացնել որոշումը օրինական ուժի մեջ մտնելու պահից:
Սույն որոշումը կարող է բողոքարկվել Հայաստանի Հանրապետության վերաքննիչ քրեական դատարան` հրապարակման օրվանից մեկամսյա ժամկետում:


ԴԱՏԱՎՈՐ Ա.ԲԵԿԹԱՇՅԱՆ