ԵԿԴ/0260/01/16
Ո Ր Ո Շ ՈՒ Մ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

26 ապրիլի 2017թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան առաջին ատյանի դատարանը` նախագահությամբ դատավոր Գ.Պողոսյանի, քարտուղա-րությամբ` Ն.Թումանյանի, մասնակցությամբ` մեղադրող Ռ.Գևորգյանի, տուժող Լ.Հովհաննիս-յանի, պաշտպան Լ.Գասպարյանի, ամբաստանյալ Լ.Բադալյանի (ծնված 05.05.1938թ-ին ք.Ե-րևանում, ազգությամբ հայ, ՀՀ քաղաքացի, այրի, իր հայտարարությամբ` միջնակարգ-մաս-նագիտական կրթությամբ և վատառողջ, չի աշխատում, չդատված, բնակվում է` ք.Երևան, Եր. Քոչարի փողոց, 21-րդ շենք, բնակարան հ. 33, մեղադրվում է ՀՀ քրեական օրենսգրքի 118-րդ հոդվածով) դատարանում` դռնբաց դատական նիստում, քննության առնելով թիվ ԵԿԴ/0260/01/ 16 քրեական գործի վարույթը կարճելու մասին ամբաստանյալ Լ.Բադալյանի միջնորդությունը,

Պ Ա Ր Զ Ե Ց

Լենա Գառնիկի Բադալյանին ՀՀ քրեական օրենսգրքի 118-րդ հոդվածով մեղադրանք է առաջադրվել այն բանի համար, որ նա. «2016թ-ի օգոստոսի 1-ին՝ ժամը 13։30-ի սահմաններում, Երևանի Երվանդ Քոչար փողոցի թիվ 21 շենքի մուտքի մոտ կենցաղային հարցերի շուրջ վիճա-բանել է նույն շենքի բնակիչ Լյուդմիլա Սարգսի Հովհաննիսյանի հետ« որի ընթացքում ձեռքերով ճանկռել« ապա գրիչի ծայրով հարվածներ է հասցրել նրա մարմնի տարբեր մասերին և ձախ բազկի միջին երրորդականի հետին մակերեսի« որովայնի ձախ կեսի առաջային պատի արյու-նազեղումների« որովայնի աջ և ձախ կեսերի առաջային պատի և աջ նախաբազկի ստորին եր-րորդականի առաջային մակերեսի ճանկռվածքի ձևերով դիտավորությամբ պատճառել է առող-ջության թեթև վնասի հատկանիշներ չպարունակող մարմնական վնասվածքներ և ֆիզիկական ցավ»։
Դատաքննությամբ ամբաստանյալ Լ.Բադալյանը խնդրեց կարճել իր վերաբերյալ թիվ ԵԿԴ/0260/01/16 քրեական գործի վարույթը՝ հայտնելով, որ հաշտվել է տուժող Լ.Հովհաննիսյա-նի հետ և խոստանում է նրան երբևիցե չանհանգստացնել։
Տուժողը չառարկեց ամբաստանյալի միջնորդությանը՝ բացատրելով, որ հաշտվել է նրա հետ։
Պաշտպանը միացավ ամբաստանյալի միջնորդությանը, իսկ մեղադրողը չառարկեց դրան։
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համա-ձայն` քրեական գործ չի կարող հարուցվել և քրեական հետապնդում չի կարող իրականացվել« իսկ հարուցված քրեական գործի վարույթը ենթակա է կարճման« եթե նույն օրենսգրքով նախա-տեսված դեպքերում տուժողը հաշտվել է կասկածյալի կամ մեղադրյալի հետ։
ՀՀ քրեական դատավարության օրենսգրքի 183-րդ հոդվածի համաձայն` ՀՀ քրեական օրենսգրքի 118-րդ հոդվածով նախատեսված հանցագործության վերաբերյալ գործերը հարուց-վում են ոչ այլ կերպ« քան տուժողի բողոքի հիման վրա« և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։
Դատարանը« քննության առնելով ամբաստանյալի միջնորդությունն ու նկատի ունենա-լով« որ նա և տուժող Լյուդմիլա Հովհաննիսյանը հաշտվել են, գտնում է« որ ՀՀ քրեական դատա-վարության օրենսգրքի 35-րդ և 183-րդ հոդվածների համաձայն ամբաստանյալ Լ.Բադալյանի նկատմամբ պետք է դադարեցվի ՀՀ քրեական օրենսգրքի 118-րդ հոդվածով քրեական հետա-պընդումն ու կարճվի թիվ ԵԿԴ/0260/01/16 քրեական գործի վարույթը։
Դատարանը նման հետևության է հանգում հաշվի առնելով նաև թիվ ԵԱՔԴ/0157/01/10 գործով 20.04.2012թ-ին կայացված որոշմամբ Վճռաբեկ դատարանի արտահայտած իրավական դիրքորոշումը։
Դատարանը, անդրադառնալով ամբաստանյալի նկատմամբ կիրառված խափանման մի-ջոցի հարցին, գտնում է, որ այն պետք է վերացվի։
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 35-րդ« 161-րդ, 183-րդ ու 313-րդ հոդվածներով` դատարանը

Ո Ր Ո Շ Ե Ց

Ամբաստանյալ Լենա Գառնիկի Բադալյանի նկատմամբ դադարեցնել ՀՀ քրեական օ-րենսգրքի 118-րդ հոդվածով քրեական հետապնդումն ու կարճել թիվ ԵԿԴ/0260/01/16 քրեական գործով վարույթը՝ նրա և տուժող Լյուդմիլա Հովհաննիսյանի հաշտության հիմքով։
Ամբաստանյալ Լ.Բադալյանի նկատմամբ կիրառված խափանման միջոցը՝ չհեռանալու մասին ստորագրությունը, վերացնել։
Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ