ԵԿԴ/0257/01/16
Ո Ր Ո Շ ՈՒ Մ

ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

07 դեկտեմբերի 2018թ. ք.Երևան

Երևան քաղաքի առաջին ատյանի ընդհանուր իրավասության դատարանը` նախագա-հությամբ` դատավոր Գ.Պողոսյանի, քարտուղարությամբ` Ն.Թումանյանի, մասնակցությամբ` մեղադրող Վ.Պողոսյանի, (այսուհետ նաև՝ Մեղադրող), տուժող Գ.Տերզիկյանի, ամբաստանյալ Դ.Պողոսյանի (այսուհետ նաև՝ Ամբաստանյալ), պաշտպան Լ.Սիմոնյանի (այսուհետ նաև՝ Պաշտպան), դատարանում` դռնբաց դատական նիստում, քննության առնելով «Էրեբունի-Երևանի հիմնադրման 2800-ամյակի և Հայաստանի առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մա-սին» 01.11.2018թ. ՀՀ օրենքի (այսուհետ նաև՝ Օրենք) կիրառմամբ ամբաստանյալ Դավիթ Հա-մայակի Պողոսյանի (ծնված 14.10.1989թ. ք.Երևանում, ազգությամբ հայ, ՌԴ քաղաքացի, ամուսնացած, խնամքին 2 անձ, բարձրագույն կրթությամբ, առողջ, աշխատում է «Ջակո Ավտո-դետ» ՍՊ ընկերությունում՝ որպես փոխտնօրեն, չդատված, բնակվում է` ք.Երևան, Դմիտրովի փողոց, տուն հ. 1/3) նկատմամբ քրեական հետապնդումը դադարեցնելու և թիվ ԵԿԴ/0257/01/16 քրեական գործի վարույթը կարճելու մասին Պաշտպանի միջնորդությունը,

Պ Ա Ր Զ Ե Ց

Դավիթ Համայակի Պողոսյանին ՀՀ քրեական օրենսգրքի 258-րդ հոդվածի 1-ին մասով և 316-րդ հոդվածի 1-ին մասվ մեղադրանք է առաջադրվել այն բանի համար, որ նա. «2015թ. ապրիլի 21-ին՝ ժամը 03։00-ի սահմաններում, գտնվելով Երևան քաղաքի Վարդանանց և Տպագ-րիչներ փողոցների խաչմերուկում գործող «Քրեյզի» գիշերային ակումբում և լինելով ալկոհո-լային հարբածության վիճակում, դիտավորությամբ կոպիտ կերպով խախտելով հասարակական կարգը և արտահայտելով բացահայտ անհարգալից վերաբերմունք ակումբում գտնվողների նկատմամբ` աղմկել և անհասցե սեռական բնույթի հայհոյանքներ է հնչեցրել, իսկ ձեռքին եղած շշով օղին լցրել է ակումբի պարուհի Մարիաննա Աշոտի Մնացականյանի վրա, որից հետո` ժա-մը 03։15-ի սահմաններում, նույն ակումբի նախասրահում ծառայողական պարտականություն-ները կատարելու հետ կապված առողջության համար ոչ վտանգավոր բռնություն է գործադրել իշխանության ներկայացուցիչ հանդիսացող, ՀՀ ոստիկանության ՊՊԾ գնդի 3-րդ հատուկ գու-մարտակի, 1-ին վաշտի, 1-ին դասակի ոստիկան, ոստիկանության ավագ սերժանտ Գոռ Մովսե-սի Տերզիկյանի նկատմամբ` վերջինիս առողջությանը պատճառելով առողջության թեթև վնասի հատկանիշներ չպարունակող մարմնական վնասվածքներ։
Այսպես.
2015թ. ապրիլի 21-ին՝ ժամը 03։00-ի սահմաններում, Դավիթ Հմայակի Պողոսյանը, գտնվելով Երևան քաղաքի Վարդանանց և Տպագրիչներ փողոցների խաչմերուկում գործող «Քրեյզի» գիշերային ակումբում և լինելով ալկոհոլային հարբածության վիճակում, դիտավորու-թյամբ կոպիտ կերպով խախտելով հասարակական կարգը և արտահայտելով բացահայտ ան-հարգալից վերաբերմունք ակումբում գտնվողների նկատմամբ` աղմկել և անհասցե սեռական բնույթի հայհոյանքներ է հնչեցրել, իսկ ձեռքին եղած շշով օղին լցրել է ակումբի պարուհի Մա-րիաննա Աշոտի Մնացականյանի վրա, որի ընթացքում` ժամը 03։15-ի սահմաններում, վերջինիս հակաօրինական վարքագիծը կանխելու նպատակով նրան է մոտեցել իշխանության ներկայա-ցուցիչ, ՀՀ ոստիկանության ՊՊԾ գնդի 3-րդ հատուկ գումարտակի, 1-ին վաշտի, 1-ին դասակի ոստիկան, ոստիկանության ավագ սերժանտ Գոռ Մովսեսի Տերզիկյանը, որը դիտողություն է արել Դավիթ Պողոսյանին, սակայն նա չի ենթարկվել հայհոյանքները դադարեցնելու ոստիկան Գոռ Տերզիկյանի օրինական պահանջին, որից հետո ակումբի նախասրահում վիճաբանել ու քաշքշել է ոստիկան Գոռ Տերզիկյանին, որի ընթացքում ծառայողական պարտականությունները կատարելու հետ կապված առողջության համար ոչ վտանգավոր բռնություն է գործադրել իշ-խանության ներկայացուցիչ հանդիսացող ոստիկան, ոստիկանության ավագ սերժանտ Գոռ Տերզիկյանի նկատմամբ` ոտքով և բռունցքով հարվածել է վերջինիս դեմքին` նրա առողջությանը պատճառելով աջ արմնկային, ծնկային հոդերի, ձախ նախաբազկի, դեմքի շրջանների քերծ-վածքների, արյունազեղումների, սալջարդ վերքի ձևով առողջության թեթև վնասի հատկանիշներ չպարունակող մարմնական վնասվածքներ»։
Դատաքննությամբ Պաշտպանը միջնորդեց Ամբաստանյալի նկատմամբ կիրառել «Էրե-բունի-Երևանի հիմնադրման 2800-ամյակի և Հայաստանի առաջին Հանրապետության անկա-խության հռչակման 100-ամյակի կապակցությամբ քրեական գործերով համաներում հայտա-րարելու մասին» 01.11.2018թ. ՀՀ օրենքը, նրա նկատմամբ դադարեցնել ՀՀ քրեական օրենսգրքի 258-րդ հոդվածի 1-ին մասով և 316-րդ հոդվածի 1-ին մասով քրեական հետապնդումը և կարճել թիվ ԵԿԴ/0257/01/16 քրեական գործի վարույթը։
Ամբաստանյալը միացավ Պաշտպանի միջնորդությանը։
Մեղադրողը և տուժողը չառարկեցին Պաշտպանի միջնորդությանը։
Դատարանը, քննության առնելով Պաշտպանի միջնորդությունը, հաշվի առնելով կողմերի կարծիքներն ու ուսումնասիրելով քրեական գործի նյութերը, գտնում է, որ միջնորդությունը պետք է բավարարվի` հետևյալ հիմնավորումներով և պատճառաբանություններով.
ՀՀ քրեական օրենսգրքի 82-րդ հոդվածի համաձայն` հանցանք կատարած անձն oրենս-դիր մարմնի կողմից ընդունվող համաներման ակտով կարող է ազատվել քրեական պատասխա-նատվությունից, ...։
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համա-ձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման մասին օրենք։
Նույն հոդվածի 5-րդ մասի համաձայն` դատարանը, հայտնաբերելով քրեական հետա-պընդումը բացառող հանգամանքներ, լուծում է ամբաստանյալի նկատմամբ քրեական հետա-պընդումը դադարեցնելու հարցը, իսկ 6-րդ մասի համաձայն` սույն հոդվածի առաջին մասի 6-րդ և 13-րդ կետերում նշված հիմքերով գործի վարույթի կարճում և քրեական հետապնդման դադա-րեցում չի թույլատրվում, եթե դրա դեմ առարկում է մեղադրյալը։ Այս դեպքում գործի վարույթը շարունակվում է սովորական կարգով։
Սույն հոդվածի առաջին մասի 13-րդ կետում նշված հիմքով գործի հարուցման մերժում, վարույթի կարճում և քրեական հետապնդման դադարեցում չի թույլատրվում, եթե չի հատուցվել կամ այլ կերպ չի հարթվել պատճառված վնասը, կամ առկա է վեճ հատուցման ենթակա վնասի կապակցությամբ։ Այս դեպքում ևս գործի վարույթը շարունակվում է սովորական կարգով։ Սույն պարբերությամբ նախատեսված կարգավորումը գործում է, եթե համաներման մասին օրենքով այլ բան նախատեսված չէ։
Օրենքի 2-րդ հոդվածի 2-րդ մասի 4-րդ կետով սահմանված է համաներում հայտարարե-լով՝ պատժից ազատել առավելագույնը վեց տարի ժամկետով ազատազրկման դատապարտ-ված` սույն օրենքն ուժի մեջ մտնելու օրվա դրությամբ մինչև երեք տարեկան երեխա ունեցող անձանց։
Նույն օրենքի 2-րդ հոդվածի 5-րդ մասի 2-րդ կետով սահմանված է` քրեական գործի հարուցումը մերժել« հարուցված քրեական գործը կարճել« ինչպես նաև դադարեցնել քրեական հետապնդումը կամ չիրականացնել քրեական հետապնդում 2018թ. հոկտեմբերի 21-ը ներառյալ կատարած հանցագործությունների դեպքերով (բացառությամբ անմիջականորեն մարդու մահ-վան հանգեցրած դեպքերի« որոնցով առկա է տուժողի իրավահաջորդի առարկությունը)« որոն-ցով սույն հոդվածի 2-րդ մասի 1-8-րդ կետերով նախատեսված անձինք կարող են մեղադրվել կամ մեղադրվում են այնպիսի հանցագործություն կատարելու մեջ« որոնց համար նախատես-ված է պատիժ` ոչ ավելի« քան վեց տարի ժամկետով ազատազրկում։
Նույն հոդվածի 6-րդ մասի համաձայն՝ սույն հոդվածի 5-րդ մասը կիրառվում է Հայաս-տանի Հանրապետության քրեական դատավարության օրենսգրքի 35-րդ հոդվածի 6-րդ մասի դրույթների պահպանմամբ։
Օրենքի 4-րդ հոդվածի 5-րդ մասի համաձայն` հանցագործությունների և դատավճիռների համակցության դեպքերում համաներումը կիրառվում է վերջնական պատժի նկատմամբ՝ հան-ցագործությունների կամ դատավճիռների համակցության կանոններով այն սահմանելուց հետո։ Սույն օրենքի 2-րդ հոդվածի 5-րդ մասով նախատեսված կանոնները հանցագործությունների համակցության նկատմամբ կիրառվում են« եթե սույն օրենքի 2-րդ հոդվածի 5-րդ մասի 1-ին կե-տով նախատեսված դեպքերում մեղսագրվող արարքների համար նախատեսված առավելագույն պատիժների հանրագումարը չի գերազանցում չորս տարի ժամկետով ազատազրկումը« սույն օրենքի 2-րդ հոդվածի 5-րդ մասի 2-րդ կետով նախատեսված դեպքերում՝ վեց տարի ժամկետով ազատազրկումը« իսկ սույն օրենքի 2-րդ հոդվածի 5-րդ մասի 3-րդ կետով նախատեսված դեպքե-րում՝ վեց տարի ժամկետով ազատազրկումը։
Ամբաստանյալ Դ.Պողոսյանի կատարած հանցանքների համար պատասխանատվութ-յուն սահմանող ՀՀ քրեական օրենսգրքի 258-րդ հոդվածի 1-ին մասի սանկցիան նախատեսում է տուգանք նվազագույն աշխատավարձի առավելագույնը հիսնապատիկի չափով կամ կալանք` մինչև մեկ ամիս ժամկետով, իսկ 316-րդ հոդվածի առաջին մասի սանկցիան` տուգանք նվազա-գույն աշխատավարձի երեքհարյուրապատիկից հինգհարյուրապատիկի չափով չափով, կամ կալանք` առավելագույնը մեկ ամիս ժամկետով, կամ ազատազրկում` առավելագույնը հինգ տա-րի ժամկետով։
Ծննդի մասին հ. ԲԱ035666 պետական վկայականի համաձայն` Դավիթ Համայակի Պո-ղոսյանի դուստրը` Լյուսի Դավիթի Պողոսյանը ծնվել է 2018թ. հոկտեմբերի 5-ին, այսինքն` ամբաստանյալն ունի մինչև երեք տարեկան երեխա։
ՀՀ ոստիկանության ինֆորմացիոն կենտրոնի 06.12.2018թ-ի տեղեկանքի համաձայն` Ամ-բաստանյալը որևէ այլ հանցագործություն չի կատարել և չի դատապարտվել։
Քրեական գործով պատճառված, սակայն չհատուցված կամ այլ կերպ չհարթված վնաս կամ հատուցման ենթակա վնասի կապակցությամբ վեճ առկա չէ։
Այսպիսով, հաշվի առնելով վերոգրյալներն ու նկատի ունենալով, որ Դատարանը գտնում է, որ սույն գործով առկա չեն Օրենքի կիրառման վերաբերյալ նույն օրենքով սահմանված սահ-մանափակումները, դատարանը հանգում է, եզրակացության, որ առկա է Ամբաստանյալի քրեա-կան հետապնդումը բացառող հանգամանք, վերջինիս Պաշտպանի միջնորդությունը բխում է Օրենքի 2-րդ հոդվածի 5-րդ մասի 1-ին կետի պահանջներից, հետևաբար՝ Ամբաստանյալի նկատմամբ ՀՀ քրեական օրենսգրքի 258-րդ հոդվածի 1-ին մասով և 316-րդ հոդվածի 1-ին մասով պետք է դադարեցվի քրեական հետապնդումն ու կարճվի նրա վերաբերյալ քրեական գործի վա-րույթը, իսկ կիրառված խափանման միջոցը` չհեռանալու մասին ստորագրությունը, վերացվի։
Քննության առնելով իրեղեն ապացույցի տնօրինման հարցը, դատարանը գտնում է, որ իրեղեն ապացույց ճանաչված ոստիկանական համազգեստի վերնազգեստը պետք է հանձնվի տուժող Գ.Տերզիկյանի տնօրինմանը։
Վերոգրյալների հիման վրա ու ղեկավարվելով ՀՀ քրեական դատավարության օրենսգրքի 119-րդ, 312-րդ և 313-րդ հոդվածներով, դատարանը

Ո Ր Ո Շ Ե Ց

«Էրեբունի-Երևանի հիմնադրման 2800-ամյակի և Հայաստանի առաջին Հանրապետու-թյան անկախության հռչակման 100-ամյակի կապակցությամբ քրեական գործերով համաներում հայտարարելու մասին» 01.11.2018թ. ՀՀ օրենքի 2-րդ հոդվածի 5-րդ մասի 2-րդ կետի կիրառ-մամբ Դավիթ Համայակի Պողոսյանի նկատմամբ դադարեցնել ՀՀ քրեական օրենսգրքի 258-րդ հոդվածի 1-ին մասով և 316-րդ հոդվածի 1-ին մասով քրեական հետապնդումն ու կարճել թիվ ԵԿԴ/0257/01/16 քրեական գործի վարույթը։
Իրեղեն ապացույցը` ոստիկանական համազգեստի վերնազգեստը, հանձնել տուժող Գ. Տերզիկյանի տնօրինմանը։
Դ.Պողոսյանի նկատմամբ կիրառված խափանման միջոցը` չհեռանալու մասին ստորագ-րությունը, վերացնել։
Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում։
ԴԱՏԱՎՈՐ` Գ.ՊՈՂՈՍՅԱՆ