ԵԿԴ/0234/01/16
Ո Ր Ո Շ ՈՒ Մ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

17 մարտի 2017թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան առաջին ատյանի դատարանը` նախագահությամբ դատավոր Գ.Պողոսյանի, քարտուղա-րությամբ` Ն.Թումանյանի, մասնակցությամբ` մեղադրող Ն.Խաչատրյանի, պաշտպան Ա.Ղա-զարյանի, դատարանում` դռնբաց դատական նիստում, քննելով թիվ ԵԿԴ/0234/01/16 քրեական գործով ամբաստանյալ Հրաչ Արմենի Մկրտչյանի նկատմամբ ՀՀ քրեական օրենսգրքի 34-177-րդ հոդվածի 1-ին մասով ու 177-րդ հոդվածի 1-ին մասով նախատեսված 4 դրվագով կատարած հանցագործությունների վերաբերյալ քրեական գործի վարույթը կարճելու մասին մեղադրողի միջնորդությունը,
Պ Ա Ր Զ Ե Ց

Նախաքննության մարմնի կողմից Հ.Մկրտչյանին մեղադրանք է առաջադրվել ՀՀ քրեա-կան օրենսգրքի 34-177-րդ հոդվածի 1-ին մասով և 177-րդ հոդվածի 1-ին մասով նախատեսված 4 դրվագով կատարած հանցագործությունների համար։
Մեղադրողը, պատճառաբանելով, որ ամբաստանյալ Հ.Մկրտչյանը մահացել է, միջնոր-դեց այդ հիմքով նրա նկատմամբ դադարեցնել ՀՀ քրեական օրենսգրքի 34-177-րդ հոդվածի 1-ին մասով և 177-րդ հոդվածի 1-ին մասով նախատեսված 4 դրվագով կատարած հանցագործութ-յունների համար քրեական հետապնդումը և կարճել քրեական գործի վարույթը։
Միաժամանակ բացատրեց, որ Հ.Մկրտչյանի մահվան վերաբերյալ վկայական չկա, քանի որ ՔԿԱԳ աշխատակցի պարզաբանման համաձայն` այն տրամադրվում է միայն մահացածի հարազատների դիմումի հիման վրա, իսկ նշված դեպքում նման դիմում չի ներկայացվել ՔԿԱԳ։
Նշեց նաև, որ Հրաչ Արմենի Մկրտչյանը նույն ինքը Հրաչ Արմենի Բաղդասարյանն է, ով 2017թ. հունվարի 8-ին մահացել է շմոլ գազի թունավորումից։
Պաշտպանը, չառարկեց մեղադրողի միջնորդությանը և հաստատելով նրա հայտնած տե-ղեկությունները, միացավ միջնորդությանը։
ՀՀ քննչական կոմիտեի Արմավիրի մարզային քննչական վարչության 13.03.2017թ. հ. 51/9-896-17 գրությամբ ուղարկված դիակի դատաբժշկական փորձաքննության 26.01.2017թ. թիվ 5 եզրակացության համաձայն՝ Հ.Ա.Բաղդասարյանի մահը վրա է հասել ածխածնի մոնոքսիդով սուր թունավորման հետևանքով։
ՀՀ ոստիկանության Երևան քաղաքի վարչության Կենտրոնական բաժնի պետի 06.02. 2017թ. հ. 30/2140 գրության համաձայն՝ հանգուցյալ Հրաչ Արմենի Մկրտչյանը հանդիսանում է Հրաչ Արմենի Բաղդասարյանը, ով 08.01.2017թ-ին կնոջ և դստեր հետ մահացել են շմոլ գազից թունավորվելու հետևանքով։
Ամբաստանյալ Հ.Մկրտչյանի մոր՝ Աննա Գուրգենի Բաղդասարյանի բացատրության հա-մաձայն՝ Հ.Մկրտչյանն իր որդին է, ով մահացել է, և մինչ այդ նա ցանկացել է իր Բաղդասարյան ազգանունը փոխել Մկրտչյան ազգանվամբ, որը նրա հոր ազգանունն է։
Դատարանը, քննության առնելով մեղադրողի միջնորդությունը, հաշվի առնելով պաշտ-պանի կարծիքը, հետազոտելով ամբաստանյալի ազգանվան և մահվան վերաբերյալ մեղադրողի ներկայացրած փաստաթղթերը, մասնավորապես` ՀՀ ոստիկանության Երևան քաղաքի վարչու-թյան Կենտրոնական բաժնի պետի 06.02.2017թ. գրությունն ու դրան կից փաստաթղթերը, Հ. Բաղդասարյանի մոր՝ Ա.Բաղդասարյանի բացատրությունը, դիակի դատաբժշկական փորձա-քննության 26.01.2017թ. թիվ 5 եզրակացությունը, փաստելով, որ ներկայացված փաստաթղթերով հաստատվում է, որ Հրաչ Արմենի Բաղդասարյանի անձնական կենսորոշիչ տվյալները համա-պատասխանում են ամբաստանյալ Հրաչ Արմենի Մկրտչյանի` քրեական գործի փաստաթղթե-րում նշված տվյալներին, այսինքն` Հրաչ Արմենի Բաղդասարյանը նույն ինքը Հրաչ Արմենի Մկրտչյանն է, ով մահացել է, գտնում է, որ մեղադրողի միջնորդությունը պետք է բավարարվի և ամբաստանյալ Հրաչ Արմենի Մկրտչյանի նկատմամբ պետք է դադարեցվի ՀՀ քրեական օրենս-գրքի 34-177-րդ հոդվածի 1-ին մասով և 177-րդ հոդվածի 1-ին մասով նախատեսված 4 դրվագով կատարած հանցագործությունների համար քրեական հետապնդումն ու կարճվի թիվ ԵԿԴ/0234/ 01/16 քրեական գործի վարույթը` Հրաչ Արմենի Մկրտչյանի մահվան հիմքով։
Նման եզրահանգման դատարանը գալիս է նաև հաշվի առնելով, որ թիվ ԵԿԴ/0234/01/16 քրեական գործի վարույթն անհրաժեշտ չէ ամբաստանյալ Հ.Մկրտչյանի իրավունքների վերա-կանգնման համար կամ ուրիշ անձանց նկատմամբ նոր ի հայտ եկած հանգամանքների կապակ-ցությամբ գործը վերսկսելու համար, նկատի ունենալով, որ նշված հանգամանքների վերաբերյալ տվյալներ ձեռք չեն բերվել և չեն ներկայացվել դատարանին։
ՀՀ քրեական դատավարության օրենսգրքի 35-րդ հոդվածի 1-ին մասի 10-րդ կետի հա-մաձայն` քրեական գործ չի կարող հարուցվել և քրեական հետապնդում չի կարող իրականաց-վել, իսկ հարուցված քրեական գործի վարույթը ենթակա է կարճման, եթե անձը մահացել է« բա-ցառությամբ այն դեպքերի« երբ գործի վարույթն անհրաժեշտ է մահացածի իրավունքների վերա-կանգնման համար կամ ուրիշ անձանց նկատմամբ նոր ի հայտ եկած հանգամանքների կա-պակցությամբ գործը վերսկսելու համար, իսկ նույն հոդվածի 5-րդ մասի համաձայն` դատարա-նը« հայտնաբերելով քրեական հետապնդումը բացառող հանգամանքներ« լուծում է ամբաստան-յալի նկատմամբ քրեական հետապնդումը դադարեցնելու հարցը։
Դատարանը նաև գտնում է, որ վերը նշված հիմքով ամբաստանյալ Հ.Մկրտչյանի նկատ-մամբ կիրառված խափանման միջոցը պետք է վերացվի։
Դատարանն արձանագրում է, որ տուժող կազմակերպության՝ «Ղ-Տելեկոմ» ՓԲ ընկերու-թյան ներկայացուցիչ Ա.Զուրաբյանի ընդդեմ Հ.Մկրտչյանի՝ հանցագործությամբ պատճառված վնասի բռնագանձման պահանջի մասին քաղաքացիական հայցն ընդունելու վերաբերյալ հարցը վերը նշված պատճառներով դատական նիստում չի քննարկվել և այն դատարանի կողմից չի ըն-դունվել, ինչը նշանակում է, որ «Ղ-Տելեկոմ» ՓԲ ընկերությունն իրավունք ունի ու կարող է նույն պահանջով քաղաքացիական հայց հարուցել քաղաքացիական դատավարության կարգով։
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 35-րդ և 313-րդ հոդվածներով` դատարանը

Ո Ր Ո Շ Ե Ց

Հրաչ Արմենի Մկրտչյանի նկատմամբ դադարեցնել ՀՀ քրեական օրենսգրքի 34-177-րդ հոդվածի 1-ին մասով և 177-րդ հոդվածի 1-ին մասով նախատեսված 4 դրվագով կատարած հան-ցագործությունների համար քրեական հետապնդումը և կարճել թիվ ԵԿԴ/0234/01/16 քրեական գործի վարույթը` նրա մահվան հիմքով։
Ամբաստանյալ Հ.Մկրտչյանի նկատմամբ կիրառված խափանման միջոցը վերացնել։
Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ