ԵԿԴ/0206/01/16





ՈՐՈՇՈՒՄ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՎԵՐԱԲԵՐՅԱԼ ՄԻՋՆՈՐԴՈՒԹՅՈՒՆԸ ՔՆՆՈՒԹՅԱՆ ԱՌՆԵԼՈՒ ՄԱՍԻՆ


«16» նոյեմբերի 2016թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը` նախագահող դատավոր Արմեն Բեկթաշյան, քարտուղարությամբ Գեորգի Սարգսյանի մասնակցությամբ մեղադրող Ռաֆայել Գևորգյանի, տուժող Արփինե Սարգսյանի, ամբաստանյալ Խորեն Մխիթարյանի և պաշտպան Սիրանուշ Հարությունյանի, դռնբաց դատական նիստում քննելով քրեական գործն ըստ մեղադրանքի Խորեն Էդուարդի Մխիթարյանի (ծնված 1990 թվականի հունիսի 06-ին Երևան քաղաքում, ագությամբ հայ, ՀՀ քաղաքացի, չամուսնացած, բարձրագույն կրթությամբ, նախկինում դատված, դատվածությունը չմարված, աշխատում է <<Կովկաս>> պանդոկում որպես խոհարար, բնակվում է ք. Երևան, Չարենցի 1-ին նրբ. 8-րդ տանը)` ՀՀ քրեական օրենսգրքի 118-րդ հոդվածով, դռնբաց դատական նիստում քննության առնելով` թիվ ԵԿԴ/0206/01/16 քրեական գործի վարույթը կարճելու և քրեական հետապնդումը դադարեցնելու մասին տուժող Արփինե Սարգսյանի միջնորդությունը,


ՊԱՐԶԵՑ

2016 թվականի հուլիսի 23-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի քննիչ Գ.Սիմոնյանի կողմից որոշում է կայացվել ՀՀ քրեական օրենսգրքի 118-րդ հոդվածով թիվ 15135016 քրեական գործը հարուցելու մասին:
2016 թվականի հուլիսի 23-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի քննիչ Գ.Սիմոնյանի կողմից որոշում է կայացվել թիվ 15135016 քրեական գործով Արփինե Սարգսյանին որպես տուժող ճանաչելու մասին:
2016 թվկանի հուլիսի 25-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի քննիչ Գ.Սիմոնյանի կողմից որոշում է կայացվել թիվ 15135016 քրեական գործով Էդուարդ Մխիթարյանի նկատմամբ որպես խափանման միջոց ստորագրություն չհեռանալու մասին ընտրելու վերաբերյալ:
2016 թվականի հուլիսի 25-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի քննիչ Գ.Սիմոնյանի կողմից որոշում է կայացվել թիվ 15135016 քրեական գործով Էդուարդ Մխիթարյանին որպես մեղադրյալ ներգրավելու մասին և նրան մեղադրանք է առաջադրվել` ՀՀ քրեական օրենսգրքի 118-րդ հոդվածով, այն բանի համար, որ նա 2016 թվականի հուլիսի 10-ին, ժամը 19:00-ի սահմաններում Երևան քաղաքի Խանջյան փողոցում տեղի ունեցած վիճաբանության ժամանակ ծեծի է ենթարկել Արփինե Անդրանիկի Սարգսյանին:
Այսպես.
Խորեն Էդուարդի Մխիթարյանը 2016 թվականի հուլիսի 10-ին, ժամը 19-ի սահմաններում Երևան քաղաքի Խանջյան փողոցում հանդիպելով Արփինե Անդրանիկի Սարգսյանին, վիճաբանել է վերջինիս հետ, ինչի ընթացքում ձեռքերով հարվածներ է հասցրել Ա.Սարգսյանի մարմնի տարբեր մասերին` պատճառելով առողջությանը թեթև վնասի հատկանիշներ չպարունակող մարմնական վնասվածքներ` ձախ ուսահոդի, ձախ արմնկահոդի, ձախ ծնկահոդի շրջանի քերծվածքների, ձախ սրունքի շրջանի արյունազեղման ձևով:
2016 թվականի օգոստոսի 01-ին Խորեն Մխիթարյանի վերաբերյալ թիվ 15135016 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի Դատարան, որտեղ քրեական գործին շնորհվել է ԵԿԴ/0206/01/16 համարը:
2016 թվականի նոյեմբերի 16-ի դատական նիստի ընթացքում տուժող Արփինե Սարգսյանի կողմից գրավոր դիմում է ներկայացվել դատարան այն մասին, որ <<հայտնում եմ, որ ես հաշտվել եմ Ձեր վարույթում գտնվող քրեական գործով ամբաստանյալ Խորեն Մխիթարյանի հետ, չեմ ցանկանում, որ նրա նկատմամբ քրեական հետապնդում իրականացվի, որևէ բողոք-պահանջ չունեմ>>:

Դատական քննության ժամանակ տուժող Արփինե Սարգսյանը պնդեց իր կողմից դատարան ներկայացված դիմումը:
Դատական քննության ժամանակ ամբաստանյալ Խորեն Մխիթարյանը հայտնեց, որ ինքը նույնպես հաշտվել է տուժող Արփինե Սարգսյանի հետ և գիտակցում է հաշտվելու հետևանքները:
Պաշտպան Սիրանուշ Հարությունյանը միացավ իր պաշտպանյալ Խորեն Մխիթարյանին:
Մեղադրող` Ռ.Գևորգյանը չառարկեց ներկայացված միջնորդության դեմ:
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ՀՀ քրեական դատավարության օրենսգրքով նախատեսված դեպքերում տուժողը հաշտվել է մեղադրյալի հետ:
ՀՀ քրեական դատավարության օրենսգրքի 183-րդ հոդվածի 1-ին մասի համաձայն` ՀՀ քրեական օրենսգրքի 118-րդ հոդվածով նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման: Հաշտությունը թույլատրվում է մինչև դատավճիռ կայացնելու համար դատարանի խորհրդակցական սենյակ հեռանալը:
Դատարանը, նկատի ունենալով, որ տուժող Արփինե Սարգսյանը և ամբաստանյալ Խորեն Մխիթարյանը հաշտվել են միմյանց հետ, գտնում է, որ թիվ ԵԿԴ/0206/01/16 քրեական գործի վարույթը պետք է կարճել և ամբաստանյալ Խորեն Մխիթարյանի նկատմամբ ՀՀ քրեական օրենսգրքի 118-րդ հոդվածով քրեական հետապնդումը պետք է դադարեցնել:
Դատարանը գտնում է, որ ամբաստանյալ Խորեն Մխիթարյանի նկատմամբ ընտրված խափանման միջոցը` չհեռանալու մասին ստորագրությունը, պետք է վերացնել` սույն որոշման օրինական ուժի մեջ մտնելու պահից:

Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ, 41-րդ, 183-րդ և 313-րդ հոդվածներով` Դատարանը


ՈՐՈՇԵՑ

Թիվ ԵԿԴ/0206/01/16 քրեական գործի վարույթը կարճել և Խորեն Էդուարդի Մխիթարյանի նկատմամբ ՀՀ քրեական օրենսգրքի 118-րդ հոդվածով քրեական հետապնդումը դադարեցնել` տուժող Արփինե Սարգսյանի կողմից ամբաստանյալ Խորեն Էդուարդի Մխիթարյանի հետ հաշտվելու հիմքով:
Ամբաստանյալ Խորեն Էդուարդի Մխիթարյանի նկատմամբ ընտրված խափանման միջոցը` չհեռանալու մասին ստորագրությունը, վերացնել որոշումը օրինական ուժի մեջ մտնելու պահից:
Սույն որոշումը կարող է բողոքարկվել Հայաստանի Հանրապետության վերաքննիչ քրեական դատարան` հրապարակման օրվանից մեկամսյա ժամկետում:


ԴԱՏԱՎՈՐ Ա.ԲԵԿԹԱՇՅԱՆ