Գործ ԵԿԴ/0150/01/16

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը (այսուհետ` Դատարան )`

նախագահությամբ դատավոր` Արշակ Վարդանյանի,

քարտուղարությամբ` Դարինա Բեգլարյանի և Վլադիմիր Շահինյանի,
մասնակցությամբ`

մեղադրող` Մարտին Նալբանդյանի,

նույն Դատարանում` դռնբաց դատական նիստում, քննեց և 2017թ. փետրվարի 24-ին ավարտեց քրեական գործն ըստ մե¬ղադ¬րանքի`
Մանիկ Մարտիրոսի Մալխասյանի` (ծնված 1953թ. փետրվարի 1-ին, Լոռու մարզի Վանաձոր քաղաքում, ազգությամբ հայուհի, ՀՀ քաղաքացի, միջնակարգ մասնագիտական կրթությամբ, այրի, ֆիզիկապես վատառողջ, նախկինում չդատապարտված, մշտական բնակության վայր չունի, սույն գործով մեղսագրվում է ՀՀ քրեական օրենսգրքի 258-րդ հոդվածի 1-ին մասով նախատեսված հանցավոր արարքի կատարում, որպես խափանման միջոց է ընտրվել չհեռանալու մասին ստորագրություն)։

1. Գործի դատավարական նախապատմությունը.
Թիվ 62235415 քրեական գործը հարուցվել է 2015թ. դեկտեմբերի 23-ին ՀՀ հատուկ քննչական ծառայությունում` ՀՀ քրեական օրենսգրքի 258-րդ հոդվածի 1-ին մասով նախատեսված հանցագործության հատկանիշներով` խուլիգանության վերաբերյալ դեպքի առթիվ։
2016թ. ապրիլի 15-ին Մանիկ Մալխասյանին մեղադրանք է առաջադրվել ՀՀ քրեական օրենսգրքի 258-րդ հոդվածի 1-ին մասով։
2016թ. ապրիլի 15-ին Մանիկ Մալխասյանի նկատմամբ որպես խափանման միջոց է կիրառվել չհեռանալու մասին ստորագրություն։
2016թ. հունիսի 1-ին քրեական գործը Մանիկ Մարտիրոսի Մալխասյանի նկատմամբ ՀՀ քրեական օրենսգրքի 258-րդ հոդվածի 1-ին մասով հաստատված մեղադրական եզրակացությամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավասության դատարան (փաստացի ստացվել է 2016թ. հունիսի 3-ին), 2016թ. հունիսի 6-ին ընդունվել է վա¬րույթ, ապա նշանակվել դատական քննության։

2. Ապացույցների հետազոտում և գնահատում.
Դատաքննությամբ հետազոտված ապացույցների գնահատման արդյունքներով Դա¬տա¬¬րանը հաստատված համարեց այն, որ Մանիկ Մալխասյանը խուլիգանական մղումներից ելնելով, հասարակության և բարոյականության համընդհանուր նորմերի նկատմամբ դրսևորելով անթաքույց արհամարհանք, 2015թ. օգոստոսի 7-ի ժամը 20։00-ից մինչև 20։30-ն ընկած ժամանակահատվածում, շուրջ 30 րոպե տևողությամբ, հասարակական վայրում՝ Երևանի Մաշտոցի 31-րդ հասցեի դիմաց, ոստիկանության աշխատակիցների, անցորդների և քաղաքացիների ներկայությամբ, խուլիգանական բնույթի հայհոյանքներ է հնչեցրել ոստիկանության աշխատակիցների և քաղաքացիների հասցեներին՝ իր այդ գործողություններով դիտա¬վորությամբ կոպիտ կերպով խախտելով հասարակական կարգը, այսինքն՝ Մանիկ Մալխասյանը կատարել է հան¬ցավոր արարք, որը նախատեսված է ՀՀ քրեական օրենսգրքի 258-րդ հոդվածի 1-ին մասով։
Ամբաստանյալ Մանիկ Մալխասյանն առաջադրված մեղադրանքում իրեն մեղավոր չճա¬նա¬չեց, Դատարանում հայտնեց, որ թեև հայհոյանքներ տվել է, սա¬կայն միայն այն բանի հետո, երբ տեսել է, որ պարանով սեղմում են իր անչափահաս թոռան պարանոցը։ Նշեց նաև, որ իր դեմ վկայած անձինք իրեն զրպարտում են։
Ամբաստանյալ Մանիկ Մալխասյանի պատճառաբանություններն անհիմն են ու մտացածին, հետապնդում են քրեական պատասխանատվությունից ու պատժից խուսափելու նպատակ։ Վերջինիս պատճառաբանությունները հերքվել, իսկ առաջադրված մեղադրանքում նրա մեղավորությունը հաստատվել է պատշաճ իրա¬վական ընթացակարգերի շրջանակներում դա¬տաքննությամբ հետազոտված հետևյալ ապացույցների համադրման և գնահատման արդյունքներով.
Վկա, ՀՀ ոստիկանության Կենտրոնական բաժնի համայնքային ոստիկան Գոռ Վարազդատի Մանուկյանի ցուցմունքով. Վերջինս Դատարանում հայտնեց, որ 2015թ. օգոստոսի 7-ին` ժամը 20։30-ի սահմաններում, երբ գտնվել է ոստիկանության Կենտրոնական բաժնում իրեն է զանգահարել Երևան քաղաքի Մաշտոցի 31 շենքի բնակիչներից Հովհաննես Հարությունյանը և հայտնել է, որ Մաշտոցի 31-րդ շենքի դիմաց մուրացկանությամբ զբաղվող Մանիկ Մալխասյանը կրկին սկսել է խախտել հասարակա¬կան կարգը, որից հետո ինքն ավտոմեքենա չունենալու պատճառով խնդրել է գործընկերոջը՝ հա¬մայնքային ոստիկան Գեղամ Գևորգյանին, իրեն տեղափոխել Մաշտոցի 31 հասցե։ Հասնելով Մաշտոցի 31 հասցե` տեսել է, որ Մ.Մալխասյանը մայթեզրին նստած գոռում, հայհոյում, վիրավորական խոսքեր է հնչեցնում ինչպես հավաքված քաղաքացիների, այնպես էլ անցորդների հասցեին։ Այնտեղ է գտնվել նաև ՀՀ ոստիկանության Մաշտոցի բաժնի ոստիկան Արման Քոչարյանը, ում հասցեին Մ.Մալխասյանը նույնպես վիրավորական խոսքեր է հնչեցրել և հայհոյել։ Տեսնելով իրեն և Գ.Գևորգյանին, Մ.Մալխաս¬յանը սկսել է հայհոյանքներ հնչեցնել նաև իրենց հասցեին։ Մ.Մալխասյանին հանդարտեցնելուն ուղղված իրենց ջանքերն ապարդյուն են անցել, որից հետո հեռախոսազանգի միջոցով հիշյալ հասցե է կանչել պարեկային ոստիկանության աշխատակիցներին, այնուհետև` Մ.Մալխասյանին արդենիսկ կանչված պարեկային ավտոմեքենայով տեղափոխել են ոստիկանության Կենտրոնականի բաժին։ Մ.Մալխասյանի կողմից հնչեցրած հայհոյանքները, վիրավորական խոսքերը և գոռգոռոցները տևել են 20-ից 30 րոպե։
Վկա, նույն բաժնի համայնքային ոստիկան Գեղամ Գնելի Գևորգյանի ցուցմունքով. Վերջինս Դատարանում հայտնեց, 2015թ. օգոստոսի 7-ին` ժամը 20։30-ի սահմաններում, երբ գտնվել է ոստիկանության Կենտրոնականի բաժնում, իրեն է դիմել համայնքային ոստիկան Գոռ Մանուկյանը և խնդրել մեքենայով նրան տեղափոխել Երևանի Մաշտոցի 31 հասցե։ Չի մերժել Գ.Մանուկյանին և միա¬սին ուղևորվել են Մաշտոցի 31 հասցե։ Հասնելով հիշյալ հասցե` տեսել է, որ մուրացկանությամբ զբաղվող Մանիկ Մալխասյանը, մայթեզրին նստած, գոռգոռում, վիրավորական խոսքեր ու հայհոյանքներ է հնչեցնում ինչպես անցորդների, այնպես էլ հավաքված քաղաքացիների հասցեներին։ Տեսնելով իրեն և Գ.Մանուկյանին` Մ.Մալխասյանը սկսել է հայհոյել նաև իրենց, նրանց կողմից Մ.Մալխասյանին հանգստաց¬նելու բոլոր ջանքերն ապարդյուն են անցել, որից հետո Մ.Մալխասյանին պարեկային ավտոմեքենայով տեղափոխել են ոստիկանության Կենտրոնականի բաժին։ Մ.Մալխասյանի հնչեցրած հայհոյանքները, վիրավորական խոսքերը և գոռգոռոցները տևել են 20-ից 30 րոպե։
Վկա ՀՀ ոստիկանության Մաշտոցի բաժնին կից պահպանության բաժնի ոստիկան Արման Սամվելի Քոչարյանի ցուցմունքով. Վերջինս Դատարանում հայտնեց, որ 2015թ. օգոստոսի 7-ին, ծառայությունն ավարտելուց հետո, ժամը 20։30-ից մինչև 21։00-ն ընկած ժամանակահատվածում, Երևանի Մաշտոցի պողոտայով քայլելու ժամանակ, իրեն է մոտեցել մի անծանոթ քաղաքացի և խնդրել օգնել կարգի հրավիրել Մաշտոցի 31 հասցեի դիմաց մուրացկանությամբ զբաղվող կնոջը։ Մոտենալով հիշյալ հասցեին՝ տեսել է, որ նշված կինը մուրացկանությամբ զբաղվող Մանիկ Մալխասյանն է, ով, մայթեզրին նստած, բարձր գոռգոռացել, վիրավորական խոսքեր և հայհոյանքներ է հնչեցրել ինչպես անցորդների, այնպես էլ հավաքված քաղաքացիների հասցեին։ Անձամբ Մ.Մալխասյանին հանդարտեցնել չի կարո¬ղացել, վերջինս սկսել է հայհոյանքներ հնչեցնել նաև իր հասցեին, որից հետո զանգահարել է ոստիկա¬նության Կենտրոնականի բաժին։ Որոշ ժամանակ անց հիշյալ հասցե են եկել նույն բաժնի համայնքային ոստիկաններ Գոռ Մանուկյանը և Գեղամ Գևորգյանը, որոնց Մ.Մալխասյանը նույնպես սկսել է հայհոյել։ Տեսնելով, որ Մ.Մալխասյանին չի հաջողվում կարգի հրավիրել՝ Գ.Մանուկյանը զանգահարել է ոստիկանություն և կանչել ոստիկաններին։ Որոշ ժամանակ անց իրենց են մոտեցել ՀՀ ոստիկանության պարեկային ծառայության ոստիկաններ Վարդան Ավագյանը և Աշոտ Մանուկյանը, որից հետո Մ.Մալխաս¬յանին պարեկային ծառայության ավտոմեքենայով տեղափոխել են ոստիկանության Կենտրոնականի բաժին։ Մ.Մալխասյանի կողմից հնչեցրած հայհոյանքները, վիրավորական խոսքերը և գոռգոռոցները տևել են 30-ից 35 րոպե։
Վկա Մանուչար Ռաֆիկի Հակոբյանի ցուցմունքով. Վերջինս Դատարանում հայտնեց, որ Երևանի Մաշտոցի 31 հասցեի դիմաց զբաղվում է ծաղկավաճառությամբ։ Նույն պողոտայում մուրացկանությամբ զբաղվող Մանիկ Մալխասյանին ճանաչում է երկուսուկես տարի։ 2015թ. օգոստոսի 7-ին, ժամը 20։30-ից 21։00-ն ընկած ժամանակահատվածում, Մ.Մալխասյանն իրեն անհայտ պատճառով սկսել է հայհոյել, գոռգոռալ և վիրավորական խոսքեր հնչեցնել անցորդների, ապա նաև հավաքված քաղաքացիների և իր հասցեին, որի կապակցությամբ Մ.Մալխասյանին է մոտեցել ոստիկանության համազգեստով մի անձնավորություն, նրան կարգի հրավիրել, սակայն վերջինս նրան նույնպես հայհոյել է։ Որոշ ժամանակ անց Մաշտոցի 31 հասցե են եկել ոստիկանության Կենտրոնականի բաժնի համայնքային ոստիկաններ Գոռ Մանուկյանը և Գեղամ Գևորգյանը, սակայն Մ.Մալխասյանին հանդարտեցնելուն ուղղված նրանց ջանքերն անցել են ապարդյուն, Մ.Մալխասյանը սկսել է հայհոյել նաև ոստիկաններին։ Որոշ Ժամանակ անց Մ.Մալխասյանին պարեկային ավտոմեքենայով տեղափոխել են ոստիկանության Կենտրոնականի բաժին։ Մ.Մալխասյանի կողմից հնչեցրած հայհոյանքները, վիրավորական խոսքերը և գոռգոռոցները տևել են 15-ից 20 րոպե։
Վկա ՀՀ ոստիկանության Կենտրոնականի բաժնի ՊՊԾ գնդի 1-ին գումարտակի 2-րդ վաշտի 2-րդ դասակի ոստիկան Վարդան Խաչատուրի Ավագյանի ցուցմունքով. Վերջինս Դատարանում ցուցմունք տվեց այն մասին, որ 2015թ. օգոստոսի 7-ին իր գործընկեր Աշոտ Մանուկյանին ամրակցված ,Սամանդ» մակնիշի թիվ 0151 պարեկային ավտոմեքենայով ծառայություն են իրականացրել Կենտրոն վարչական տարածքում։ Հիշյալ օրը` մոտավորապես ժամը 20։00-ի սահմաններում, հրահանգ են ստացել վաշտի հրամանատարից մոտենալ Երևանի Մաշտոցի 31 հասցե, քանի որ համայնքային ոստիկաններին օգ¬նություն է անհրաժեշտ։ Հասնելով հիշյալ հասցե` տեսել է, որ կան հավաքված քաղաքացիներ և ոստիկա¬նության աշխատակիցներ, իսկ մայթեզրին նստած է մի տարեց կին։ Նրան պարեկային ավտոմեքե¬նայով համայնքային ոստի¬կաններ Գ.Մանուկյանի և Գ.Գևորգյանի ուղեկցությամբ տեղա¬փոխել է ոստիկա¬նության Կենտրոնականի բաժին։ Ճանապարհին իրեն հայտնի է դարձել, որ հիշյալ տարեց կինը հանդիսանում է մուրացկանությամբ զբաղվող, բոլորին հայտնի Մանիկ Մալխասյանը։ Հետագայում հա¬մայնքային ոստիկաններ Գ. Մանուկյանից և Գ.Գևորգյանից տեղեկացել է, որ Մ.Մալ¬խաս¬յանը շուրջ 20-ից 30 րոպե կոպիտ կերպով խախտել է հասարակական կարգը, գոռգոռացել, վիրավորական խոսքեր է հնչեցրել ինչպես ոստիկանության աշխատակիցների, այնպես էլ անցորդների ու այնտեղ հավաքված քաղաքացիների հասցեին։
Վկա, ՀՀ ոստիկանության Կենտրոնականի բաժնի ՊՊԾ գնդի 1-ին գումարտակի 2-րդ վաշտի 2-րդ դասակի ոստիկան Աշոտ Արամի Մանուկյանի` Դատարանում տված ըստ էության նույնաբովանդակ ցուց¬մունքով.
Վկա Էսմիրա Սուրենի Մինասյանի` Դատարանում հրապարակված և հետազոտված նա¬խաքննական ցուցմունքով՝ այն մասին, որ շուրջ երկու տարի է, ինչ ճանաչում է Մաշտոցի պողոտայում մուրացկանությամբ զբաղվող Մանիկ Մալխասյանին։ 2015թ. օգոստոսի 7-ին` ժամը 20։00-ից մինչև 21։00-ն ընկած ժամանակահատվածում, երբ ինքը գտնվել է Մաշտոցի պողոտայում գտնվող իր տանը, դրսից գոռգոռոցի և հայհոյանքների ձայներ է լսել, մոտենալով պատշգամբին` նկատել է, որ Մ.Մալ¬խասյանը մայթեզրին նստած գոռգոռում, վիրավորական խոսքեր ու հայհոյանքներ է հնչեցնում անցորդ¬ների, ապա` այնտեղ հավաքված քաղաքացիների և ոստիկանության աշխատակիցների հասցեին։ Մ.Մալխասյանի կողմից հնչեցրած հայհոյանքները, վիրավորական խոսքերը և գոռգոռոցները տևել են 25-ից 30 րոպե։

3. Դատարանի իրավական վերլուծությունները և եզրահանգումը.
Գնահատելով դատաքննությամբ հետազոտված վերոնշյալ ապացույցները` Դատա¬¬րա¬նը հաս¬տատված համարեց այն, որ ամբաստանյալ Մանիկ Մալխասյանը կատարել է խուլիգանություն, այն է՝ դիտավորությամբ կոպիտ կերպով խախտել է հասարակական կարգը, որն արտահայտվել է հասա¬րակության նկատմամբ բացահայտ անհարգալի վերաբերմունքով, այսինքն` հանցավոր արարք, որը համա¬պա¬տաս¬¬խանում է ՀՀ քրեա¬կան օրենսգրքի 258-րդ հոդվածի 1-ին մասով նախա¬տես¬ված հան¬ցա¬գործության հատ¬կանիշ¬ներին։
Ամ¬բաս¬տանյալը քրեա¬կան պա¬տաս¬¬խա¬նատ¬¬¬վության և պատժի ենթա¬¬կա է վե¬րոնշյալ հոդ¬վածի համապա¬տասխան մասով։

4. Նշանակվող պատժի և լուծման ենթակա այլ հարցեր.
Ամբաստանյալ Մանիկ Մալխասյանի նկատմամբ նշանակվող պատժի տեսակը և չափը որոշելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬¬նել սոցիալական արդարությունը, ուղղել պատժի ենթարկված անձին, ինչպես նաև կանխել հան¬ցա¬¬գոր¬ծությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատա¬րած անձի նկատ¬մամբ կիրառվող պատիժը և քրեաիրավական ներ¬գոր¬ծութ¬յան այլ միջոց¬ները պետք է լինեն ար¬դարացի, հա¬¬¬մա¬պա¬տասխանեն հանցանքի ծան¬րությանը, այն կա¬տա¬րելու հան¬գա¬մանք¬ներին, հան¬¬ցավորի անձ¬նա¬¬¬վորությանը, անհրա¬ժեշտ և բավարար լինեն նրան ուղղելու և նոր հանցա¬գոր¬ծութ¬յուն¬ները կան¬խելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցա¬գոր¬ծութ¬յան համար մեղավոր ճանաչված անձի նկատմամբ նշանակվում է արդարացի պատիժ, իսկ նույն հոդ¬վածի 2-րդ մա¬սի համաձայն՝ պատժի տեսակը և չափը որոշվում են հանցա¬գործության՝ հան¬րության համար վտան¬գա¬վո¬րության աստիճանով և բնույթով, հանցավորի անձը բնու¬թագրող տվյալներով, այդ թվում՝ պատաս¬խա¬նատ¬վությունը և պատիժը մեղմաց¬նող և/կամ ծանրացնող հան¬գա¬մանքներով։ ՀՀ քրեա¬կան օրենսգրքի 61-րդ հոդվածի 3-րդ մասի համա¬ձայն` հան¬ցագործության համար նախա¬տեսված պատիժ¬նե¬րից առավել խիստը նշանակվում է, եթե նվազ խիստ տեսակը չի կարող ապա¬հովել պատժի նպատակ¬ները։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վա¬րա¬կան օրենսգրքի 8-րդ հոդվածի համաձայն՝ որոշակի փաստական հանգա¬մանք¬ներ ունեցող գոր¬ծով ՀՀ Վճռաբեկ դատարանի կամ Մարդու իրավունքների եվրոպա¬կան դատա¬րա¬նի դատական ակ¬տի հիմ¬նա¬վո¬րումները, այդ թվում՝ օրենքի մեկնաբա¬նութ¬յուն¬ները, պարտադիր են դատարանի հա¬մար նույ¬նանման փաստական հանգամանք¬ներով գործի քննության ժամա¬նակ։
Վճռաբեկ դատարանը, Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկտեմ¬բերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մա¬սով նա¬խա¬տես¬ված նորմը, նշել է, որ այն Դատարանին օժտել է անձի պատասխա¬նատ¬վությունը մեղմաց¬նող հան¬գա¬մանքների կիրառման լայն հայեցողությամբ, քանի որ պա¬տիժ նշանակելիս Դա¬տա¬րանը կարող է հաշվի առնել նաև մեղմացնող այնպիսի հանգա¬մանք¬ներ, որոնք նույն հոդվածի առաջին մասում նշված չեն։
Դատարանը որպես ամբաստանյալ Մանիկ Մալխասյանի անձը բնութագրող տվյալներ է գնահա¬տում` նախկինում դատապարտված չլինելը (ըստ ՀՀ ոստիկանության ինֆոր¬մացիոն կենտրոն 2016թ. ապրիլի 6-ին կատարված հարցման արդյունքների), սեռը, այրի լինելը, տարիքը, բնակության վայր չունենալը, նյութապես ծայրահեղ անապահով խավի ներկայացուցիչ լինելը և իր գոյատևման միջոցներն ի հաշիվ մուրացկանության հայթայթելը, ֆիզիկապես վատառողջ լինելը։
Դատարանը ամբաստանյալ Մանիկ Մալխասյանի պատասխանատվությունն ու պա¬տիժը մեղ¬մացնող և ծանրացնող հանգամանքներ չարձանագրեց։
Ամբաստանյալ Մանիկ Մալխասյանի անձը բնութագրող վերոնշյալ տվյալները հաս¬¬¬տատվել են գոր¬ծով ձեռք բերված և դա¬տաքննութ¬յամբ հետա¬զոտված, թույլատ¬րե¬¬լիութ¬յան ու վերա¬բե¬րելիության չա¬փա¬նիշներին համապա¬տաս¬խա¬նող ապացույց¬ներով և ող¬ջամտո¬րեն նվազեցնում նրա անձի և կատարածի հանրային վտան¬գավո¬րութ¬յունը։
Պատժի նպատակներն ապահովելու տեսանկյու¬նով անդրադառնալով ամբաս¬տանյալ Մանիկ Մալ¬խասյանի նկատ¬¬մամբ պատժի նշանակման խնդրին` Դատա¬րանը փաս¬¬տում է, որ վերջինիս մեղ¬սագրվող ՀՀ քրեա¬կան օրենսգրքի 258-րդ հոդվածի 1-ին մասով նախատեսված է այլընտ¬րան¬քային պատժատեսակներ` տու¬գանքի և կալանքի ձևով, հետևաբար` սույն գործով նրա նկատմամբ քննարկման ենթակա են՝ պատ¬ժատեսակի ընտրության, նշանակվող պատժի չափի, տվյալ հոդվածով նախատես¬ված պատժից ավելի մեղմ պատիժ նշա¬նակելու (ՀՀ քրեա¬կան օրենսգրքի 64-րդ հոդվածի կիրառում), նշա¬նակվող պատիժը կրելու կամ չկրելու (ՀՀ քրեական օրենսգրքի 70-րդ հոդ¬վածի կի¬րա¬ռում) հարցերը։
Դատարանը, հաշվի առ¬նե¬լով ամբաստանյալ Մանիկ Մալխասյանի անձը բնութագրող տվյալ¬ները, կատարած արարքի բնույթն ու վտանգավորության աստի¬ճանը (ոչ մեծ ծան¬րության հանցագոր¬ծություն է), պատաս¬խանատ¬վությունն ու պա¬տիժը ծան¬րաց¬նող հանգա¬մանք¬ների, ինչպես նաև տվյալ հոդվածով նախա¬տեսված պատժի նվազագույն չափից ավելի մեղմ պատիժ կամ ավելի մեղմ պատժա¬տեսակ նշա¬նակելու հիմքերի (ՀՀ քրեական օրենսգրքի 64-րդ հոդվածի կիրառում) բացակայությունը, ղեկա¬վարվելով ՀՀ քրեական օրենսգրքի 61-րդ հոդվածի 3-րդ մասի պա¬հանջով, հանգում է համոզման, որ ՀՀ քրեական օրենսգրքի 258-րդ հոդվածի 1-ին մասի սանկցիայով նա¬խա¬տեսված այլընտրանքային պատ¬¬ժատե¬սակ¬ներից առավել խիստը՝ կալանքը նշանակելը նպատակահար¬մար չէ, չի ծառայի պատժի նպա¬տակ¬ներին։ Ամբաս¬տանյալ Մանիկ Մալխասյանի նկատմամբ կարող է նշա¬նակվել նաև նվազ խիստ պատ¬ժա¬տեսակը` տուգանքը, ընդ որում՝ Դատարանի համոզմամբ տուգանքի նվազագույն չափով պա¬տիժ նշանակելը ևս կապահովի պատժի նպատակ¬ները։
Վերոնշյալ պատիժն է արդարացի ու միաժամանակ անհրաժեշտ ամբաստանյալ Մանիկ Մալ¬խասյանին ուղղելու և հնարավոր նոր հանցագործությունները կանխելու, սոցիալական արդարությունը վերականգնելու համար։
Դատարանը գտնում է, որ սույն դատավճիռը կայացնելու պահին ամբաստանյալ Մանիկ Մալխասյանի նկատմամբ որպես խափանման միջոց ընտրված չհեռանալու մասին ստո¬րագրությունը փոփո¬խելու կամ վերացնելու հիմքերը բացակայում են, այն անհրաժեշտ է թողնել անփոփոխ` մինչև սույն դատավճիռն օրինական ուժի մեջ մտնելը։
ՀՀ քրեական դատավարական օրենսգրքի 360-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների, դատական ծախսերի, գույքի նկատմամբ կիրառված (կիրառվելիք) արգելանքի, քաղաքացիական հայցի հարցերին։
Դատարանը, պարզելով, որ ամբաստանյալի գույքի վրա արգելանք մինչդատական և դատական վարույթների ընթացքում չի կիրառվել, նրա դեմ քաղաքացիական հայց չի ներկայացվել, բացակայում են իրեղեն ապացույցների և դատական ծախսերի վերաբերյալ ապացույցները, սահմանափակվում է այդ փաստերի արձանագրմամբ։
Գնահատելով և ամփոփելով դատաքննությամբ հետազոտված ապացույցները, ղեկավարվելով ՀՀ քրեական դատավարական օրենսգրքի 357-360-րդ, 364-365-րդ, 369-373-րդ հոդվածներով, Դատարանը

Վ Ճ Ռ Ե Ց ՝
Մանիկ Մարտիրոսի Մալխասյանին ճանաչել մեղավոր ՀՀ քրեական օրենսգրքի 258-րդ հոդվածի 1-ին մասով նախատեսված հանցագործության կատարման մեջ, նրա նկատմամբ նշանակել պատիժ` տուգանք նվազագույն աշխատավարձի երեսունապատիկի` 30.000 ( երեսուն հազար) ՀՀ դրամի չափով։
Մանիկ Մալխասյանի նկատմամբ որպես խափանման միջոց ընտրված չհեռանալու վերաբերյալ ստորագրությունը թողնել անփոփոխ` մինչև սույն դատավճիռն օրինական ուժի մեջ մտնելը։
Դատական ծախսերի հարցը համարել լուծված։
Դատավճիռը ստացման օրվանից մեկամսյա ժամկետում կարող է բողոքարկվել ՀՀ վերաքննիչ քրեական դատարան։


ԴԱՏԱՎՈՐ՝ Ա.ՎԱՐԴԱՆՅԱՆ