ԵԿԴ/0099/01/16
Ո Ր Ո Շ ՈՒ Մ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

15 մարտի 2017թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան առաջին ատյանի դատարանը` նախագահությամբ դատավոր Գ.Պողոսյանի, քարտուղա-րությամբ` Ն.Թումանյանի, մասնակցությամբ` մեղադրող Վ.Ասատրյանի, տուժողներ Ա.Աղա-բաբյանի և Վ.Սիմոնյանի, պաշտպան Է.Աղաջանյանի, ամբաստանյալ Դ.Սիմոնյանի (ծնված 24.12.1988թ-ին ք.Երևանում, ազգությամբ հայ, ՀՀ քաղաքացի, ամուրի, իր հայտարարությամբ՝ մասնավոր կարգով աշխատում է որպես ավտոլվացող, թերի բարձրագույն կրթությամբ, խնամ-քին մեկ անձ և վատառողջ, Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 08.06.2016թ. դատավճռով ՀՀ քրեա-կան օրենսգրքի 176-րդ հոդվածի 1-ին մասով դատապարտվել է 400.000 ՀՀ դրամ տուգանքի, բնակվում է` ք.Երևան, Ագաթանգեղոս փողոց, 7-րդ շենք, բնակարան հ. 124, մեղադրվում է ՀՀ քրեական օրենսգրքի 137-րդ հոդվածի 1-ին մասով և 118-րդ հոդվածով նախատեսված 2 դրվա-գով կատարած հանցագործությունների համար) դատարանում` դռնբաց դատական նիստում, քննության առնելով թիվ ԵԿԴ/0099/01/16 քրեական գործի վարույթը կարճելու մասին ամբաս-տանյալ Դ.Սիմոնյանի միջնորդությունը,

Պ Ա Ր Զ Ե Ց

Դավիթ Ռոբերտի Սիմոնյանին ՀՀ քրեական օրենսգրքի 137-րդ հոդվածի 1-ին մասով և 118-րդ հոդվածով նախատեսված 2 դրվագով կատարած հանցագործությունների համար մեղադրանք է առաջադրվել այն բանի համար, որ նա. «2015թ. դեկտեմբերի 12-ին՝ ժամը 21։30-ի սահմաններում, Երևան քաղաքի Ագաթանգեղոս 7-րդ շենքի 124-րդ բնակարանում ծեծի է են-թարկել Անահիտ Սերյոժայի Աղաբաբյանին և նրա հասցեին տվել սպանության սպառնալիք-ներ, ինչպես նաև, 2016 թվականի փետրվարի 21-ին՝ ժամը 17-ի սահմաններում, Երևան քաղաքի Ագաթանգեղոս 7-րդ շենքի 124-րդ բնակարանում ծեծի է ենթարկել Վերոնիկա Ռոբերտի Սիմոնյանին։
Այսպես՝
Դավիթ Ռոբերտի Սիմոնյանը, 2015 թվականի դեկտեմբերի 12-ին՝ ժամը 21։30-ի սահման-ներում, գտնվելով իրենց՝ Երևան քաղաքի Ագաթանգեղոս 7-րդ շենքի 124-րդ բնակարանում, իր մայր Անահիտ Սերյոժայի Աղաբաբյանից՝ բուքմեյքերական գրասենյակում խաղադրույք կա-տարելու համար, գումար է խնդրել, սակայն մերժում է ստացել, ինչից վրդովված՝ վիճաբանել է վերջինիս հետ, որի ընթացքում ձեռքերով և ոտքերով դիտավորությամբ հարվածներ է հասցրել Ա.Աղաբաբյանի մարմնի տարբեր մասերին՝ նրան պատճառելով առողջության թեթև վնասի հատկանիշներ չպարունակող մարմնական վնասվածք՝ աջ սրունքի շրջանի արյունազեղման ձևով, ինչպես նաև, Ա.Աղաբաբյանին տվել է սպանության սպառնալիքներ։
Բացի այդ, Դավիթ Ռոբերտի Սիմոնյանը 2016 թվականի փետրվարի 21-ին՝ ժամը 17-ի սահմաններում, Երևան քաղաքի Ագաթանգեղոս փողոցի 7-րդ շենքի 124-րդ բնակարանում վի-ճաբանել է քրոջ՝ Վերոնիկա Ռոբերտի Սիմոնյանի հետ, որի ընթացքում ձեռքերով շուրջ 20 ան-գամ հարվածներ է հասցրել Վ.Սիմոնյանի դեմքին և գլխին՝ պատճառելով առողջությանը թեթև վնասի հատկանիշներ չպարունակով մարմնական վնասվածքներ՝ աջ վերին կոպի, աջ այտային ստորին շրթունքի ձախ կեսի արյունազեղումների և սալջարդ մակերեսային վերքի ձևով»։
Դատաքննությամբ ամբաստանյալ Դ.Սիմոնյանը խնդրեց կարճել իր վերաբերյալ թիվ ԵԿԴ/0099/01/16 քրեական գործի վարույթը՝ հայտնելով, որ հաշտվել է տուժողներ Ա.Աղաբաբ-յանի և Վ.Սիմոնյանի հետ։
Տուժողները, չառարկելով ամբաստանյալի միջնորդությանը, միացան դրան և նույնպես խնդրեցին կարճել գործի վարույթը՝ բացատրելով, որ ամբաստանյալի հետ հաշտվել են և որևէ պահանջ չունեն նրանից։
Միաժամանակ, տուժողները հրաժարվցին թիվ ԵԿԴ/0099/01/16 քրեական գործով իրենց ներկայացրած քաղաքացիական հայցից։
Պաշտպանը նույնպես միացավ ամբաստանյալի միջնորդությանը, իսկ մեղադրողը չա-ռարկեց դրան՝ հիմք ընդունելով տուժողների և ամբաստանյալի հաշտությունն ու ելնելով ՀՀ քրեական դատավարության օրենսգրքի 183-րդ հոդվածի պահանջներից։
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համա-ձայն` քրեական գործ չի կարող հարուցվել և քրեական հետապնդում չի կարող իրականացվել« իսկ հարուցված քրեական գործի վարույթը ենթակա է կարճման« եթե նույն օրենսգրքով նախա-տեսված դեպքերում տուժողը հաշտվել է կասկածյալի կամ մեղադրյալի հետ։
ՀՀ քրեական դատավարության օրենսգրքի 183-րդ հոդվածի համաձայն` ՀՀ քրեական օրենսգրքի 118-րդ հոդվածով և 137-րդ հոդվածի 1-ին մասով նախատեսված հանցագործութ-յունների վերաբերյալ գործերը հարուցվում են ոչ այլ կերպ« քան տուժողի բողոքի հիման վրա« և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։
Դատարանը« քննության առնելով ամբաստանյալի միջնորդությունն ու նկատի ունենա-լով« որ նա և տուժողները հաշտվել են, գտնում է« որ ՀՀ քրեական դատավարության օրենսգրքի 35-րդ և 183-րդ հոդվածների համաձայն ամբաստանյալ Դ.Սիմոնյանի նկատմամբ պետք է դա-դարեցվի ՀՀ քրեական օրենսգրքի 118-րդ հոդվածով նախատեսված 2 դրվագով և 137-րդ հոդ-վածի 1-ին մասով կատարած հանցագործությունների համար քրեական հետապնդումն ու կարճ-վի թիվ ԵԿԴ/0099/01/16 քրեական գործի վարույթը։
Դատարանը նման հետևության է հանգում հաշվի առնելով նաև թիվ ԵԱՔԴ/0157/01/10 գործով 20.04.2012թ-ին կայացված որոշմամբ Վճռաբեկ դատարանի արտահայտած իրավական դիրքորոշումը։
Դատարանը, նկատի ունենալով, որ տուժողները հրաժարվեցին ներկայացված քաղա-քացիական հայցից և ընդունելով նրանց հրաժարումը, գտնում է, որ թիվ ԵԿԴ/0099/01/16 քրեա-կան գործով քաղաքացիական հայցով վարույթը պետք է կարճվի։
Դատարանը, քննության առնելով իրեղեն ապացույցի տնօրինման հարցը, գտնում է, որ որոշումն օրինական ուժի մեջ մտնելուց հետո իրեղեն ապացույց ճանաչված, մահակ հիշեցնող փայտի կտորը պետք է ոչնչացվի՝ որպես արժեք չներկայացնող հանցագործության գործիք։
Դատարանը, անդրադառնալով ամբաստանյալի նկատմամբ կիրառված խափանման մի-ջոցի հարցին, գտնում է, որ այն պետք է վերացվի։
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 35-րդ« 161-րդ, 183-րդ ու 313-րդ հոդվածներով` դատարանը

Ո Ր Ո Շ Ե Ց

Ամբաստանյալ Դավիթ Ռոբերտի Սիմոնյանի նկատմամբ դադարեցնել ՀՀ քրեական օրենսգրքի 118-րդ հոդվածով նախատեսված 2 դրվագով և 137-րդ հոդվածի 1-ին մասով կատարած հանցագործությունների համար քրեական հետապնդումն ու կարճել թիվ ԵԿԴ/0099/01/16 քրեական գործով վարույթը՝ նրա և տուժողների հաշտության հիմքով։
Թիվ ԵԿԴ/0099/01/16 քրեական գործով կարճել քաղաքացիական հայցով վարույթը։
Իրեղեն ապացույցը` մահականման փայտի կտորը, ոչնչացնել։
Ամբաստանյալ Դ.Սիմոնյանի նկատմամբ կիրառված խափանման միջոցը՝ չհեռանալու մասին ստորագրությունը, վերացնել։
Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ