Գործ ԵԿԴ/0057/01/16




ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան )`

նախագահությամբ դատավոր` Արշակ Վարդանյանի«

քարտուղարությամբ` Գևորգ Պողոսյանի և
Վլադիմիր Շահինյանի,
մասնակցությամբ`

մեղադրող` Տիգրան Պողոսյանի,

տուժող` Ցողիկ Հակոբջանյանի,

պաշտպան` Յուրիկ Խաչատրյանի,


նույն դատարանում` դռնբաց դատական նիստերում, քննեց և 2016թ. հուլիսի 21-ին ավարտեց քրեական գործն ըստ մե¬ղադ¬րանքի` Վահե Հակոբի Սիմոնյանի` (ծնված 1991թ. փետրվարի 10-ին« Գե¬ղար¬¬քունիքի մարզի Վարդենիս քաղաքում« ազ¬¬¬գութ¬յամբ հայ« ՀՀ քաղաքացի« սովորում է ՀՀ պետական ագրարային համալսարանի 6-րդ կուրսում, ամուրի, վատառողջ է, նախկինում չդա¬տա¬¬պարտ¬ված« հաշվառված և բնակվում է Վարդենիս քաղաքի Չարենցի 23-րդ տանը, սույն գոր¬ծով մեղսագրվում է ՀՀ քրեական օրենսգրքի 176-րդ հոդվածի 1-ին մասով նախատեսված հան¬¬ցավոր արարքի կատարում, որպես խա¬փանման միջոց է ընտրվել չհե¬ռա¬նալու մասին ստո¬րագրություն)։

1. Գործի դատավարական նախապատմությունը.
Թիվ 13817215 քրեական գործը հարուցվել է 2015թ. սեպտեմբերի 22-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վար¬չական շրջանների քննչական բաժնում գործով տուժող Ցողիկ Հակոբջանյանի հաղորդման հիման վրա ՀՀ քրեական օրենսգրքի 34-176-րդ հոդվածի 1-ին մասով։
2015թ. սեպտեմբերի 29-ին Վահե Սիմոնյանի նկատմամբ որպես խափանման միջոց է ընտրվել չհե¬ռանալու մասին ստորագրություն։
2015թ. հոկտեմբերի 5-ին Վահե Սիմոնյանին մեղադրանք է առաջադրվել ՀՀ քրեական օրենսգրքի 34-176-րդ հոդվածի 1-ին մասով։
2015թ. դեկտեմբերի 22-ին սույն քրեական գործի նյութերով ՀՀ քրեական օրենսգրքի 113-րդ հոդ¬վածի 2-րդ մասի 5-րդ կետով հարուցվել է թիվ 15809815 քրեական գործը` քաղ. Հովհաննես Հովհան¬նիս¬յա¬նի կողմից Վահե Սիմոնյանին առանձին դաժանությամբ միջին ծանրության մարմնական վնաս պատ¬¬¬¬¬¬ճառելու դեպքի առթիվ։
2016թ. մարտի 14-ին որոշում է կայացվել թիվ 15809815 քրեական գոր¬ծով Հովհաննես Հովհաննիս¬յանի արարքը ՀՀ քրեական օրենսգրքի 113-րդ հոդվածի 2-րդ մասի 5-րդ կետից ՀՀ քրեական օրենսգրքի 113-րդ հոդվածի 1-ին մասով վերաորակելու, տվյալ քրեական գործի վարույթը կարճելու և Հ.Հովհան¬նիսյանի նկատ¬մամբ քրեա¬կան հետապնդումը դադարեցնելու մասին՝ տուժող Վ.Սիմոնյանի հետ հաշտության հիմքով։
2016թ. մարտի 14-ին որոշում է կայացվել Վահե Սիմոնյանին առաջադրված մեղադրանքը փո¬փո¬խելու և նրան ՀՀ քրեական օրենսգրքի 176-րդ հոդվածի 1-ին մասով նոր (վերջնական) մե¬ղադրանք առա¬¬ջադրելու մասին։
2016թ. մարտի 18-ին քրեական գործը Վահե Հակոբի Սիմոնյանի նկատմամբ ՀՀ քրեա¬կան օրենսգրքի 176-րդ հոդվածի 1-ին մասով հաստատված մեղադրական եզրա¬կա¬ցութ¬յամբ ուղարկվել է Երևա¬¬նի Կենտրոն և Նորք-Մարաշ վարչական շրջանների ընդհանուր իրավա¬սության դատարան (մուտ¬քագրվել է 2016թ. մարտի 21-ին), 2016թ. մարտի 23-ին ընդունվել վարույթ, ապա նշանակվել դա¬տական քննության։

2. Ապացույցների հետազոտում և գնահատում.
Դատաքննությամբ հետազոտված ապացույցների գնահատման արդյունքներով Դա¬տա¬¬րանը հաս¬տատված հա¬մա¬րեց այն, որ Վահե Հակոբի Սիմոնյանը 2015թ. սեպտեմբերի 22-ին` ժամը 19։45-ից մինչև 20։00-ն ընկած ժամանահատվածում, Երևան քաղաքի Քաջազնունի փողոցի թիվ 3 հասցեի մոտ ուրիշի գույքի հափշտա¬կութ¬յուն կատարելու դիտավորությամբ մոտեցել է Ցողիկ Բարխուդարի Հակոբ¬ջանյանին, նրա պարանոցից քաշել-պոկելու եղանակով բացահայտ հափշտակել է 400.000 ՀՀ դրամ արժո¬ղությամբ ոսկյա շղթան, ապա` դիմել փախուստի, սա¬կայն դեպքի վայրից որոշակի հեռավո¬րությամբ` Երվանդ Քոչար փողոցի վրա գործող «Սաս» սուպերմարկետում, բռնվել և հանձնվել է ոստի¬կանության աշխա¬տակիցներին, այ¬սինքն` կատարել է հանցավոր արարք, որը նախա¬տեսված է ՀՀ քրեա¬կան օրենսգրքի 176-րդ հոդվածի 1-ին մասով։
Ամբաստանյալ Վահե Սիմոնյանն առաջադրված մեղադրանքում իրեն մեղավոր չճա¬նաչեց` պատճառաբանելով, որ Ցողիկ Հակոբջանյանի ոսկյա շղթան չի հափշտակել, հիշյալ դեպքի հետ որևէ առնչություն չունի, դեպքի պահին Երևանի Քաջազնունու փողոցում չի գտնվել։ Երևան էր եկել Վար¬դենիսից, իր մեքենայով, որը թողել էր մորաքրոջ տան բակում, քանի որ քաղաքում լավ չի վարում, այնուհետև առավոտվանից դուրս է եկել դեպի Կենտրոնի տարածք, համալսարանում վճարել է ուսման վարձը, որից հետո մոտ ժամը 15-ից 16-ի սահմաններում եկել Ռոսիայի տարածք։ Մինչև «ՍԱՍ» սուպեր¬մարկետ մտնելը գտնվել է Ռոսիա տարածքում գործող «Քուին բուրգերում», որից հետո ոտքով առաջացել է դեպի եկեղեցի, արդեն 18։45-ից 18։50-ի սահմաններում, երբ եկեղեցին փակվում է, հասցրել է մոմ վառել, հանդիպել է ծանոթ տղաների, ովքեր հոգեհանգստի էին գնում, ինքը եկեղեցու դիմացի հատվածից մի 20 մետր քայլել է ընկերների հետ, անցել է մյուս մայթը և հետ եկել «ՍԱՍ» սուպերմարկետ` առևտուր անելու։ Սուպերմար¬կետում գանձապահի մոտ խնդիր է առաջացել, քանի որ սուրճ էր գնել, որի արժեքը նշված էր 140 դրամ, սակայն գանձապահն այն հաշվել է 650 դրամով։ Աշխատակցի հետ միասին առաջացել է դեպի սուրճի տաղավարը, գանձապահին ցույց տվել սուրճի` այդտեղ փակցված իրական արժեքը և վերադարձել գանձապահի մոտ, դա տևել է ընդամենը 30-40 վայրկյան։ Պատրաստվում էր սուպերմարկետից դուրս գալ և գնալ մորաքրոջ` Երևանի Էրեբունի զանգվածում գտնվող բնակարան։ Այդ պահին սուպերմարկետ է մտել մինչ այդ իրեն անծանոթ Թելմանը և դիմելով իրեն՝ հարցրել, թե ինքն է արդյո՞ք վերջինիս քրոջ գույքը հափշտակել, սպառնացել է, որ իր «վիզը կկտրի»։ Այդ խոսքերից վախեցել և հետ է քաշվել, հերքել է այդ դեպքին իր առնչությունը, անգամ իրեն մոտեցած, մինչ այդ անծանոթ Հովհաննեսին առաջարկել է ստուգել իր գրպանները։ Նշեց, որ իրեն հարկադրաբար հանել են դուրս, ահավոր ծեծի են ենթարկել, որի հետևանքով վիրահատություն¬ներ է տարել, սակայն նրանց դեմ չի բողոքել, անգամ պաշտպան չի ցան¬կացել, քանի որ վստահ է եղել իր անմեղության մեջ և համոզված, որ իր նկատմամբ քրեական գործ չի հարուցվի։
Հարցերին պատասխանելիս նաև նշեց, որ հայրը, առանց իր գիտության, դեպքից մի քանի օր անց 500 ԱՄՆ դոլար գումար է տվել նրանց, որի մասին ինքը տեղեկացել է միայն 2-3 ամիս անց։ Հայրը պատ¬մել է, որ Ցողիկ Հակոբջանյանի բարեկամ, կոչումով գեներալ մի մարդ նրան ասել է, թե տե¬սագրութ¬յուններն են առկա, որտեղ երևում է, թե ինչպես է իբր ինքը կողոպուտ կատարում, ըստ էության, այդ կերպ հորը համոզել են, որ ինքն է այդ կողոպուտը կատարողը, հայրն էլ, որպես փոխհատուցում, նրանց է տվել վերոնշյալ գումարը։ Նշեց, որ հոր կողմից այդ գումարը տալու օրերին ծայրահեղ ծանր, համարյա անգիտակից վիճակում գտնվել է հիվանդանոցում։
Իրեն մարմնական վնասվածքներ պատճառած անձի՝ տուժողի որդի Հովհաննես Հովհաննիսյանի հետ հաշտության կապակցությամբ նշեց, որ ինքը վատառողջ էր, ինչ փաստաթուղթ ներկայացրել են, ստորագրել է, թեև այդ մասին նշել է ցուցմուն տալիս։ Նշեց, որ տուժողն իրեն զրպարտում է, Թելմանի ու Հովհաննեսի նկատմամբ քրեական գործ էին հարուցել, միգուցե նրանց վախեցրել են և այդ կարպ հարկադրել իր դեմ մեղադրող բնույթի ցուց¬¬մունքներ տալ, իսկ քրեական գործի վարույթը կարճելուց հետո, այդ թվում` Դատարանում` նրանք շա¬րու¬նակում են իրեն զրպարտել, քանի որ բացասաբար են տրամադրված իր անձի նկատմամբ։ Նշեց, որ Ցողիկին նկատել է արդեն գետնին ընկած վիճակում՝ իր գրպանները ստուգելու պահին։
Քննվող դեպքին որևէ առնչություն չունենալու վերաբերյալ գործով ամբաստանյալ Վահե Սիմոն¬յանի պատճառաբանություններն անհիմն են, հե¬տապնդում են քրեական պատասխանատվությունից ու պատժից խուսափելու նպատակ։ Վեր¬ջինիս պատճառաբանությունները հերքվել, իսկ առաջադրված մե¬ղադրանքում նրա մեղա¬վորութ¬յունը հաս¬տատվել է պատշաճ իրա¬վական ընթա¬ցա¬կարգերի շրջանակ¬նե¬րում դա¬տաքննութ¬յամբ հետա¬զոտված հետևյալ ապացույցների հա¬մադրման և գնահատ¬ման արդյունք¬ներով.
Տուժող Ցողիկ Բարխուդարի Հակոբջանյանի ցուցմունքով. Վերջինս Դատարանում հայտնեց, որ 2015թ. սեպտեմբերի 22-ին` ժամը 19։30-ի սահմաններում, դստեր` Հերմինե Հովհաննիսյանի և վերջինիս մանկահասակ թոռների հետ գնացել են Երևան քաղաքի Քաջազնունի փողոցում գտնվող «Նուշ» առևտրի սրահի շենք՝ իրենց ընտանիքի կնքահայր Ռաֆիկի հոր հոգեհանգստի արարողությանը մաս¬նակցելու։
Հոգեհանգստի արարողությանը մասնակցելուց հետո՝ ժամը 19։45-ի սահմաններում, Քաջազնունի փողոցով քայլել են դեպի Նար-Դոսի փողոց` տաքսի վարձակալելու և տուն վերադառնալու համար։ Քաջազնունի փողոցով քայլելու ընթացքում իր առջև հանկարծակի հայտնվել է անծանոթ մի երի¬տասարդ, ով պարանոցից քաշել-պոկել է իր ոսկյա շղթան և դիմել փախուստի` դեպի Երվանդ Քոչար փողոցի ուղղությամբ։ Բղավել և օգնություն է կանչել, որին այդ տարածքում գտնվող անծանոթ մարդիկ արձագանքելով՝ վազել են ոսկյա շղթան հափշտակած անձի հետևից։ Ինքը դեպքին անմիջապես նախորդող պահին, թոռների ձեռքերից բռնած, քայլում էր, զրկված էր նրան բռնելու հնարավորությունից։ Որոշ ժամանակ անց անծանոթ անձանցից լսելով, որ գողը բռնվել է՝ քայլել է դեպքի Երվանդ Քոչար փողոցում գտնվող «Սաս» սուպերմարկետի մոտ, որտեղ ոստիկանական ավտոմեքենայի մեջ տեսել է իր շղթան հափշտակած երիտասարդին և ճանաչել նրան։ Դրանից հետո իրեն հրավիրել են ոստիկանության Կենտրոնական բաժին, որտեղ էլ իմացել է, որ իր ոսկյա շղթան հափշտակած անձը հանդիսանում է Վահե Սիմոնյանը։
Հարցերին պատասխանելիս նաև հայտնեց, որ այդ երիտասարդը հանկարծակի հայտնվել իր դիմաց, որի հետևանքով է նրա դեմքն իր մոտ տպավորվել։ Մինչ այդ իրեն որևէ մեկը չի հետևել, իր շղթան հափշտակելուց և այդ երիտասարդի փախչելուց հետո չի նկատել, որ որևէ մեկը հետապնդեր նրան։ Արդեն «ՍԱՍ» սուպերմարկետի մոտ ոստիկանական մեքենայի մեջ նկատել և անմիջապես ճանաչել է այդ երիտասարդին, նա սպիտակ «մայկայով» էր, տաբատը սև չէր, ենթադրել է, որ ջինսի գույն ուներ։ Ոստիկանական մեքենայի մեջ նստած Վահեի դեմքն արյունոտված էր, սակայն այդ հանգամանքը չի խանգարել նրան ճանաչելուն։ Դեպքի հաջորդ օրը մասնակցել է դեպքի վայրի զննութ¬յանը։ Հնարավոր չէ, որ նախաքննության ընթացքում դեպքի վայրի զննության ընթացքում են պարզել շենքի հասցեն, առերեսման ժամանակ հիշել է, հնարավոր է թիվը սխալված լինի, բայց շենքը հենց իր մատնանշածն է։ Պնդեց, որ Վահեն է իրեն կողոպտած անձը, համոզված է, որ անմեղ անձի չի զրպար¬տում, նրա նկատմամբ որևէ, այդ թվում` նյութաիրավական պահանջ չունի, նախաքննության ընթացքում իրեն պատճառված մոտ 500 ԱՄՆ դոլարի վնասն ամբողջությամբ փոխհատուցվել է, խնդրեց հնարա¬վո¬րինս մեղմ պատժել նրան։
2016թ. հունիսի 1-ին Դատարանում լրացուցիչ ցուցմունք տալիս` տուժողը հայտնեց նաև, որ ինքը կո¬չումով գեներալ որևէ ազգական չունի, փոխհատուցման գումարը տրվել է որդուն, սակայն իրեն հայտնի չէ, թե ինչ հանգամանքներում և ում կողմից։
Վկա Հերմինե Գագիկի Հովհաննիսյանի ցուցմունքով. Վերջինս Դատարանում հայտնեց, որ 2015թ. սեպտեմբերի 22-ին` ժամը 19։30-ի սահմաններում, մոր՝ Ցողիկ Հակոբջանյանի և մանկա¬հասակ երկու երեխաների հետ գնացել է Երևանի Քաջազնունի փողոցում գտնվող «Նուշ» առևտրի սրահի շենք՝ իրենց ընտանիքի կնքահայր Ռաֆիկի հոր հոգեհանգստի արարողությանը մասնակցելու։ Ժամը 19։45-ի սահմաններում դուրս են եկել այնտեղից և Քաջազնունի փողոցով քայլել դեպի Նար-Դոսի փողոցի կողմը։ Քաջազնունի փողոցով քայլելու ընթացքում իրենց առջև հանկարծակի հայտնվել է անծանոթ մի երիտասարդ, որը մոտենալով մորը՝ Ցողիկ Հակոբջանյանին, հանկարծակի պարանոցից քաշել-պոկել է վերջինիս ոսկյա շղթան և դիմել փախուստի Երվանդ Քոչար փողոցի ուղղությամբ։ Բղավել են «գողացան-գողացան», որը այդ տարածքում գտնվող անծանոթ մարդիկ լսելով՝ վազել են ոսկյա շղթան հափշտակած անձի հետևից։ Որոշ ժամանակ անց անծանոթ անձանցից լսելով, որ գողը բռնվել է՝ քայլել է Երվանդ Քոչար փողոցում գտնվող «Սաս» սուպերմարկետի մոտ, որտեղ տեսել է եղբորը՝ Հովհաննես Հովհաննիսյանին և իրենց հարևան Թելմանին։ Եղբորը մատնացույց է արել սուպերմարկետում գտնվող երիտասարդին և հայտնել, որ նա է հափշտակել մոր շղթան։
Հարցերին պատասխանելիս մանրամասնեց, որ գիտի, որ Թելմանն է հետապնդել Վահեին, ինքը ֆիքսել էր Վահեի դեմքը և «ՍԱՍ» սուպերմարկետում նրան տեսնելով` առանց վարանելու ճանաչել և եղբորը՝ Հովհաննեսին հայտնել է, որ նա է իրենց մորը կողոպտել։ Նշեց, որ չի հիշում` Թելմանը Վահեին ևս մատնացույց արել է, թե` ոչ։ Վահեն սպորտային համազգեստով էր, սպիտակ «մայկայով» և կապույտ տաբատով, կողոպուտից հետո նման հագուստով այլ անձի չի նկատել, հիշում է, որ կողոպտողին «ՍԱՍ»-ում փնտրելիս հենց Վահեին էր փնտրում, նա տպավորվել էր թե՛ դեմքով, թե՛ հագուստով։ Մինչ հարձակումն ինքը Վահեին նկատել էր կարի արհեստանոցի ու խանութի միջև կանգնած վիճակում, ան¬գամ նկատել է նրա շարժը և հարձակման ընթացքը, որն անսպասելի էր, շղթան պոկելն ու նրա վազելը տևել է ակնթարթ։ Վահեն շրջվել ու վազելով դուրս է եկել գլխավոր փողոց` դեպի խաչմերուկ, բազմաթիվ մարդիկ էին հավաքված ու Վահեն հենց իր վազքով է ուշադրությունը գրավել։ Թելմանն իրենցից մոտ 15-20 մետր հեռավորությամբ էր կանգնած, Վահեն վազելու ընթացքում դիպչել է Թելմանի հարս Հաս¬միկին, որի գրկին նրա երեխան էր։ Խուճապ էր, ուստի չի հիշում, թե ինչ հանգամանքներում է իմացել, որ Վահեն «ՍԱՍ» սուպերմարկետում է։ Թելմանը փորձել է կանխել Հովհան¬նեսի մուտքը «ՍԱՍ» սու¬պեր¬մարկետ` ասելով` «հետո, հետո»։ Վահեին տեսել է դրամարկղի մոտ` վճարում կատարելուց։ Երբ իր եղբայրը նրան հարվածում էր, Վահեն ձեռքն անընդհատ տարել է գրպանները, ուստի կասկածելով, որ նա գրպանից ինչ-որ իր է հանում` վախեցել է, հնարավոր է այդ պատճառով է հարվածել նրան կամ բռնել նրա ձեռքից։
Պնդեց, որ համոզված է, որ Վահեն է կողոպտել մորը, համոզվածությունը կայանում է նրանում, որ ինքը Վահեին ճանաչել է դիմագծերից, հագուստից, արտաքին տվյալներից, եթե անգամ չնչին կաս¬կածներ ունենար, եղբորը չէր հայտնի ու պնդի, որ սուպերմարկետում գտնվող այդ երիտասարդն է իրենց մորը կողոպտել։ Չի կարող ասել, թե իր եղբայրը երբ է իջել շենքի բակ, սակայն իր գոռգոռոցներից հետո է նա մոտեցել իրենց։ Վահեի նկատմամբ որևէ տրամադրվածություն չունի, ոսկյա շղթան չի գտնվել։ Նշեց, որ շղթան դեպքին անմիջապես նախորդող պահին գտնվում էր մոր պարանոցին, բոլորի համար տեսանելի էր, հավանաբար` քաշելուց այն պոկվել է, քանի որ այն քաշելու հետևանքում մոր պարանոցը կարմրել էր։ Պնդեց, որ չի հիշում, թե ով է հայտնել, որ կողոպտչին «ՍԱՍ»-ում բռնել են։ Նշեց, որ եղբայրն իրեն մոտեցել է դեպքի վայրից մոտ 15-20 մետր հեռավորության վրա գտնվող «բուլկիների» խանութի մոտ, որից հետո նա վազել է «ՍԱՍ»-ի ուղղությամբ, իսկ ինքը հետևել է նրան։ Չի նկատել, թե Վահեն սուպերմարկետից ինչ էր գնել։ Վահեի հետ առերեսման ժամանակ պնդել է, որ նա է իր մորը կողոպտել։
Նշեց նաև, որ նախաքննության ընթացքում, խղճահարությունից դրդված, հայտնել է, որ ընդա¬մենը նմանեցնում է Վահեին, սակայն համոզված էր, որ հենց նա է կողոպտիչը։ Հետագայում դիրքո¬րոշումը փոխելու և Վահեի դեմ մեղադրող բնույթի հստակ ցուցմունքներ տալու հարցում իրեն որևէ մեկը չի հորդորել, տեղեկություն չունի, արդյոք սույն քրեական գործի նյութերով իր եղբոր նկատմամբ գործ հարուցվել է, թե` ոչ։
Վկա Հովհաննես Գագիկի Հովհաննիսյանի ցուցմունքով. Վերջինս Դատարանում հայտնեց, որ 2015թ. սեպտեմբերի 22-ին` ժամը 19։30-ի սահմաններում, երբ գտնվել է Երևան քաղաքի Քաջազնունի փողոցում գտնվող «Նուշ» առևտրի սրահի շենքում՝ իրենց ընտանիքի կնքահայր Ռաֆիկի հոր հոգեհանգստի արարողությանը, այնտեղ են եկել մայրը՝ Ցողիկ Հակոբջանյանը, քույրը՝ Հերմինե Հովհաննիսյանը և վերջինիս մանկահասակ երեխաները։ Վերջիններիս գնալուց հետո, երբ իջել է շենքի բակ, տեսել է մորը և քրոջը, ովքեր վախեցած ասել են, որ մի անծանոթ երիտասարդ հափշտակել է մոր ոսկյա շղթան։ Քույրն ասել է, որ հափշտակողին բռնել են և նա «ՍԱՍ» սուպերմարկետի մոտ է։ Հասել է այդտեղ, սուպերմարկետի մուտքի մոտ նկատել է Թելմանին, ով մատնացույց անելով դրամարկղի մոտ կանգնած մի տղայի՝ ասել է, որ այդ տղան է, առաջարկել է սպասել, որ նա դուրս գա, որ նրան բռնեն։ Հերմինեն նույնպես մոտեցել է իրենց, մատնացույց է արել նույն տղային, ով ձեռքերը գրպանից չէր հանում և տարօրինակ էր իրեն պահում։ Չի կարողացել իրեն զսպել, նրան ասել, որ դուրս գա, բռնել է ձեռքից, որ դուրս հանի։ Քանի որ ձեռքերը գրպանից չէր հանում, մտածել է, թե գրպանում դանակ ունի և պատրաստվում է իրեն հարվածել, բացի այդ, իրեն հայհոյում էր, ուստի մի քանի անգամ հարվածել է նրան։
Հարցերին պատասխանելիս նաև նշեց, որ Հերմինեն է իրեն ասել, որ ինչ-որ մեկն է նրան հայտնել, որ իրենց մոր շղթան կողոպտած անձը գտնվում է «ՍԱՍ»-ում։ Ըստ իր քրոջ պատմածի` մինչ հար¬ձակվելն այդ տղան ուշադիր զննել է իրենց, Հերմինեն ֆիքսել է նրա արտառոց նայելը։ Այդ տղան փախ¬չելուց դիպչել է Թելմանի հարսի ուսին ու քանի որ իր քույրն ու մայրը գոռացել են, որ շղթան տա¬րավ, Թելմանը վազել է նրա հետևից։ Պնդեց, որ Հերմինեն ֆիքսել էր այդ տղայի դեմքը և սուպերմարկետում մատնացույց արել հենց նրան։Նշեց նաև, որ մոր շղթան չի հայտնաբերվել։ 2015թ. հոկտեմբերին մոր շղթան հափշտակած Վահե Սիմոնյանի հայրը հանդիպել է իրեն և որպես վնասի փոխհատուցում` տվել 500 ԱՄՆ դոլար գումար, ներողություն է խնդրել` ասելով, որ թեև Վահեն չի ընդունում նման արարք կատարելը, սակայն ինքը վստահ չէ, որ որդին ճշմարտությունն է ասում, ուստի պատրաստ է փոխհատուցել։ Իրենք փոխհատուցման հարցով նրանց չեն դիմել, Վահեի հոր նախաձեռնությամբ է 500 ԱՄՆ դոլարի վնասը վերականգնվել։ Մայրն այդ շղթան մշտապես կրում էր, դեպքից հետո մորը տեսել է շենքի մուտքից մոտ 15-20 մետր հեռավորության վրա, նա վախեցած ու շփոթված էր, Հերմինեի ու վերջինիս երեխաների հետ էր։ Իր հարվածից Վահեն հայտնվել է գետնին, գրպաններն անհատական չի ստուգել, սակայն դրանցից կոպեկներ են թափվել, խանութի աշխատակիցն է փորձել իրենց բաժանել։ Վահեի ընկնելու հետո նրա մոտից ինք¬նակամ է հեռացել և ոչ թե հավաքված մարդկանց միջամտութ¬յամբ, այդ պահին ոստիկանության աշխա¬տակիցները ևս մոտեցել էին։
Պատճառված վնասի փոխհատուցում ստանալուց հետո ներել, խղճացել և չեն ցանկացել, որ Վահեն քրեական պատասխանատվության ենթարկվի, սակայն հետագայում իրենց վրա քրեական գործ են հարուցել, և այդ կերպ իրենց վրա ճնշում գործադրելով՝ հարկադրել են հետ կանգնել այդ մտքից և վերահաստատել սկզբնական, ճիշտ ցուցմունքները։
Իր համոզմամբ` ոստիկանների ժամանելուց հետո անգամ Վահեն փորձել է փախչել, եթե նա անմեղ էր, պետք է դիմեր ոստիկաններին՝ պատճառաբանելով, որ նրան անիմաստ ծեծում են։ Պնդեց, որ ի սկզբանե իր քույրն ու մայրն վստահ էին, որ Վահեն է եղել կողոպտիչը, ինքը ճանաչելով իր քրոջն ու մորը` չի կասկածում նրանց ասածների արժանահավատության վրա։
Վկա Թելման Անանիայի Դանիելյանի ցուցմունքով. Վերջինս Դատարանում հայտնեց, որ 2015թ. սեպտեմբեր վերջերին, օրը կոնկրետ չի հիշում, երեկոյան տուն վերադառնալու ճանապարհին, Երևան քաղաքի Քաջազնունի փողոցում գտնվող «Գեներալ» խանութի դիմացի մայթով անցնելիս, նկատել է մի անծանոթ երիտասարդի, ով, արագ վազելով, անցել է իր կողքով։ Դրանից անմիջապես հետո լսել է գոռոցի ձայներ՝ «բռնեք, տարավ, տարավ»։ Գոռացող անձի ձայնը իրեն ծանոթ է եղել, որը պատկանել է իրենց ընտանիքի մտերիմ Հերմինեին և նրա մայր Ցողիկին։ Լսելով բղավոցի ձայները՝ շրջվել է և վազել այդ տղայի հետևից։ Այդ տղան թեքվել է Քաջազնունի փողոցից դեպի ձախ և վազել Երվանդ Քոչար փողոցով՝ «Սաս» սուպերմարկետի ուղղությամբ։ Երբ հասել է Երվանդ Քոչար և Քաջազնունի փողոցների խաչմերուկի մոտ, թեքվել է ձախ, սակայն այդ տղան, ով վազելով անցել էր իր կողքով, դեպի «ՍԱՍ» սուպերմարկետ, տեսադաշտում չի երևացել։ Երվանդ Քոչար փողոց թեքվելու պահին տեսել է իրեն անծանոթ երկու անձանց, վերջիններիս հարցրել փոքրամարմին վազող երիտասարդ տեսել են, թե` ոչ, նրանք պատասխանել են, որ նման արտաքին տվյալներով մի անձ մտել է «ՍԱՍ» սուպերմարկետ։ Քայլել է դեպի «ՍԱՍ» սուպերմարկետ մոտ, կանգնել դռների մոտ և նայել սուպերմարկետի ներսը։ Նկատել է իր մեջ տպավորված և իր կողքով վազելով անցած տղային, ում նմանեցրել է արտաքին կազմվածքով, որը դրամարկղի մոտ գումար էր վճարում։ Մոտեցել է վերջինիս, հարցրել, թե նա է արդյոք հափշտակել քրոջ շղթան։ Վերջինս հերքել է իր առնչությունը կատարված հանցագործությանը ու հետ քայլել։ Վերադարձել է «ՍԱՍ»-ի մուտքի մոտ, որտեղ տեսել է Հովհաննեսին, ում ցույց է տվել գործով մեղադրյալ Վահե Սիմոնյանին և հայտնել, որ նա է մոր շղթան հափշտակողը։ Մուտքի մոտ Հովհաննեսին հայտնել է, որ այդ տղային հարցրել է՝ արդյոք նա է հափշտակել շղթան, վերջինս պատասխանել է, որ որևէ առնչություն չունի կողոպտելու հետ։Այդ պահին մոտեցել է նաև Հեր¬մինե Հովհաննիսյանը, ով տեսնելով նշված անձնավորությանը՝ հաս¬տատել է, որ վերջինս է հափշտա¬կել մոր ոսկյա շղթան։
Հարցերին պատասխանելիս նաև հայտնեց, որ սկսվել է քաշքշոց Հովհաննեսի ու Վահեի միջև, այդ պահին իր հարս Հասմիկ Գևորգյանն է զանգահարել, որից հետո այդ վայրից հեռացել է։ Իր կողքով վազող տղայի դեմքը չի տեսել, մի ակնթարթ է իր կողքով վազելով անցել, պարզապես վիզուալ նմանեցրել է վազող տղայի և սուպերմարկետում նկատած տղայի արտաքին տվյալները։ Հերմինեին և Հովհաննեսին չի ասել, թե տեսել է հափշտակողին, ընդամենն ասել է, որ նմանեցրել է մի երիտասարդի, արդեն խա¬նութում Հերմինեն է պնդել և եղբորը վստահեցրել, որ հենց այդ տղան է կողոպուտ կատարողը։ «Օրիֆ¬լեյմ» կազմակերպության շենքից թեքվելուց հետո այդ տղային այլևս չի նկատել, մինչ «ՍԱՍ»-ին հաս¬նելը հագուստի խանութ չի մտել, նրան այդ խանութում չի փնտրել, քանի որ դրսից երևում էր, որ այդտեղ նման մարդ չկա։ Ինքը վազող տղային ընդառաջ է գնալիս եղել, այնուհետև գոռոցներից հետո շրջվել և գնացել է նրա ուղղությամբ։ Իր հարսին պատահական հանդիպել է նշված վայրում, նա մեջքով դեպի իրեն էր և որևէ բան չի տեսել։ Իրենց կանգնած տեղից մինչև Եր.Քոչար փողոցի խաչմերուկ հեռավո¬րութ¬յունը կլիներ մոտ 25-30 մետր։ Նշեց նաև, որ չի հիշում, թե գոռգոռոցի ձայները լսել էր վազող տղա¬յին նկա¬տելու պահին, թե մինչ այդ։
Նախաքննական հակասական ցուցմունքները հրապարակելուց հետո պնդեց, որ վազող տղային նկատելուց հարս Հասմիկին դեռ չէր հանդիպել, գոռգոռոցի ձայները լսել էր վազող տղայի` իր մոտով վազելուց հե¬տո, մի պահ վազել է, այնուհետև` արագ քայլելով է հասել «ՍԱՍ» սուպերմարկետ։ Թեև նա¬խաքննութ¬յան ընթացքում տված ցուցմունքներում նշված է, թե ինքը ճանապարհին անծանոթ անձանց է հարցրել, արդյոք վազող տղա տեսել են ու նրանք են հուշել, որ նա մտել է «ՍԱՍ» սուպերմարկետ, իրա¬կանում քննիչին հայտնել էր, որ թեև ցանկացել է այդ անձանց հարցնել, սակայն չի հարցրել, իր նախաձեռնությամբ է հասել սուբերմարկետի մոտ և փնտրել փախուստ կատարող անձին։
Որպես ապացույց ճանաչված և գործին կցված փաստաթղթերի առկայությամբ, մասնավորապես՝ 2015թ. սեպտեմբերի 29-ին «Սաս Գրուպ» ՍՊ ընկերությունից ստացված Ե.Քոչար փողոցում գործող սու¬պեր¬մարկետի պահպանության տեսանկարահանման համա¬կարգի տեսագրության լազերային սկավա¬ռակներով և դրանց զննության մասին կազմված արձա¬նագրություններով, համաձայն որոնց` 2015թ. սեպտեմբերի 22-ին` ժամը 19։54։01-ին Վահե Սիմոնյանը քայլելով մոտենում է «Սաս» սուպերմարկետի մուտքի դռներին և 19։54։04-ին մտնում է սուպեր¬մարկետ, իսկ ժամը 20։01-ին դրամարկղի մոտ վերջինիս է մոտենում Հովհաննես Հովհան¬նիսյանը, ով քաշելով Վ.Սիմոնյանի ձեռքից, դուրս է հանում սուպեր¬մար¬կետից, որտեղ նրանց են մոտենում Թելման Դանիելյանը և Հերմինե Հովհաննիսյանը։
Պաշտպանական կողմի միջնորդությամբ Դատարանում հրապարակվեց և հետազոտվեց վկա Հասմիկ Հենրիկի Գևորգյանի ցուցմունքը, համաձայն որի` 2015թ. սեպտեմբեր ամսվա վերջերին` երեկոյան ժամերի, երկամյա որդու հետ դուրս է եկել փողոց` զբոսնելու։ Հասնելով Քաջազնունի փողոցի մոտ գտնվող «Գեներալ» խանութի մոտ` նկատել է, որ խանութի դիմացի շենքում հոգեհանգստի արարողություն է, բազմություն է հավաքված։ Զանգել է ամուսնու հորը` Թելման Դանիելյանին, խնդրել է մոտենալ իրենց, իսկ երբ Թելմանը մոտեցել է, երեխային թողել է նրա մոտ` կոսմետիկայի խանութ մտնելու համար և մի քանի քայլ անելուց հետո լսել է բղավողներ` «գողացան, գողացան»։ Շրջվել է դեպի Թելմանը և երեխան, մոտեցել նրանց, իսկ Թելմանը, երեխային թողնելով իր մոտ, վազել է։ Բռնել է երեխային ձեռքը և նույն վայրում մոտ 20-30 րոպե սպասել է Թելմանին, ով վերադարձել և տեղեկացրել է, որ «ոստիկաններ են եկել»։ Նրանից հետաքրքրվել է, թե արդյոք գողություն կատարած տղային բռնել են, սակայն Թելմանը պատասխանել է, որ դա իր գործը չէ։ Նշել է նաև, որ իր ձեռքին որևէ անձ, այդ թվում` գողը, չի կպել, բղավոցները լսելու պահին երեխան արդեն իր մոտ չէր, այդ կապակցությամբ ցուցմունքներ տված Թելմանը և Հերմինե Հովհաննիսյանը սխալվել են։ Նշել է նաև, որ գողին կանգնած կամ վազելուց ինքը չի նկատել։
Դատարանում հրապարակվեցին և հետազոտվեցին նաև քննվող դեպքի և դրան նախորդած օրվա ըն¬թացքում գործով ամբաս¬տանյալ Վ.Սիմոնյանի շահագործած բջջային հեռախոսների վերծանում¬ները։ Այսպես, «Ղ-Տելեկոմ» ՓԲ ընկերությունից 2016թ. հունիսի 21-ին ստացված վերծանումների հա¬մաձայն` Վ.Սիմոնյանի շահագործած 077-932920 հեռախոսահամարը քննվող դեպքի օրը` 2015թ. սեպ¬տեմբերի 22-ին շահագործվել է ժամը 09։32-ից մինչև 18։41-ն ընկած ժամանակահատվածում, մինչդեռ քննվող դեպքը տեղի է ունեցել նույն օրը` ժամը 20-ի սահմաններում։ Վերոնշյալ վերծանումների հա¬մաձայն` Վ.Սիմոնյանի շահագործած այդ հեռախոսահամարից կատարված զանգերը 12։59-ից մինչև 17։50-ն ընկած ժամանակահատվածում սպասարկվել են Երևանի Տիգրան Մեծի պողոտայի 49 հասցեում տեղակայված ալեհավաքով։
«Արմենտել » ՓԲ ընկերությունից 2016թ. հուլիսի 1-ին ստացված նամակով պարզվել է, որ 2015թ. սեպտեմբերի 21-ից 22-ն ընկած ժամանակահատվածում Վ.Սիմոնյանի շահագործած 096-879687 հա¬մա¬րով մուտքային և ելքային զանգեր չեն կատարվել, կարճ հաղորդագրություններ չեն ուղարկ¬վել կամ ստացվել։


3. Դատարանի իրավական վերլուծությունները և եզրահանգումը.
Գնահատելով դատաքննությամբ հետազոտված վերոնշյալ ապացույցները` Դատա¬¬րա¬նը հաս¬¬տատված համարեց այն, որ ամբաստանյալ Վահե Սիմոնյանը կատարել է ուրիշի զգալի չափերի գույքի բացահայտ հափշտակություն, այսինքն` հանցա¬վոր ա¬րարք« որը համա¬պա¬տաս¬¬խանում է ՀՀ քրեա¬կան օրենսգրքի 176-րդ հոդվածի 1-ին մասով նախա¬տես¬ված հան¬ցա¬գործության հատ¬կանիշ¬ներին, հետևա¬բար` վեր¬ջինս քրեա¬¬կան պա¬տաս¬¬խա¬նատ¬¬¬վութ¬յան և պատժի ենթա¬¬կա է այդ հոդվածի համապա¬տաս¬խան մա¬սով։
Վերագրված մեղադրանքում ամբաստանյալ Վ.Սիմոնյանի մեղավորության վերաբերյալ հետևութ¬յան Դատարանը հանգեց քննարկելով և լուծելով նրան անպարտ ճանաչելու վերաբեր¬յալ պաշտպա¬նական ճառում պաշտպանի ներկայացրած միջնորդությունը, հերքելով դրա հիմքում դրված պատճա¬ռա¬բա¬նութ¬յուն¬ները.
Այսպես, Դատարանը փաստում է, որ նախաքննական մարմինը գործնականում զրկված էր գործով ամբաս¬տանյալ Վ.Սիմոնյանին տուժող Ց.Հակոբջանյանի ճանաչման ներկայացնելու հնարավո¬րությու¬նից, քանի որ վերջինս դեպքից անմիջապես հետո մոտեցել և «ՍԱՍ» սուպերմարկետում կայան¬ված ոստիկանական ավտոմեքենայի մեջ նկատել է նրան կողոպտած, սակայն դեպքից հետո բռնված և ոստիկաններին հանձնված անձին` Վահե Ստեփանյանին։ Նշված վայրում գործով ամբաստանյալ Վ.Ստեփանյանին վերստին տեսնելու փաստը կասկածի տակ կդներ ճանաչման ներկայացնելու քննչա¬կան գործողությամբ ակնկալվող ապացուցողական նյութի արժանահավատությունը և օգտա¬գործման հնարավորությունը։
Իրոք, 2015թ. հոկտեմբերի 2-ին գործով ամբաստանյալ Վ.Սիմոնյանի հետ առերես հարցաքննվե¬լիս տուժող Ց.Հակոբջանյանը նշել է, որ նրանից կողոպուտ կատարած անձը նման է Վ.Սիմոնյանին`այդ կերպ հետքայլ կատարելով սկզբնական նախաքննական ցուցմունքներից, որոնցում միանշանակ կերպով պնդել էր, որ կողոպուտը կատարել է Վ.Սիմոնյանը։ Սակայն ինչպես Դատարանում, այնպես էլ նախաքննության ավարտական փուլում, այդ թվում` գործով ամբաստանյալ Վ.Սիմոնյանի հետ կատար¬ված երկրորդ առերեսման ժամանակ, վերջինս պնդել և վերահաստատել է, որ կողոպուտը կատարել է Վ.Սիմոնյանը` ներկայացնելով, որ հետքայլ կատարել էր խղճահարությունից դրդված։ Ինչ վերաբերում է վկա Հերմինե Հովհաննիսյանին, ապա վերջինս Դատարանում, ինչպես նաև նախաքննության ընթացքում պնդել է, որ կողոպուտը կատարել է դրանից քիչ անց «ՍԱՍ» սուպերմարկետում բռնված Վ.Սիմոնյանը, որի մասին հայտնել է եղբորը` Հովհաննես Հովհաննիսյանին, ինչը և պատճառ է հանդի¬սացել տվյալ վայրում Վ.Սիմոնյանին ծեծի ենթարկելու և առողջությանը միջին ծանրության մարմ¬նական վնաս պատ¬ճառելու, վերջիններս գրպանները ստուգելու համար։ Վկա Հ.Հովհաննիսյանը վերա¬հաս¬տատել է քրոջ վերոնշյալ ցուցմունքները` պնդելով, որ նա չի վարանել և «ՍԱՍ» սուպերմարկետում միանշանակորեն մատնացույց է արել Վ.Սիմոնյանին` որպես մոր նկատմամբ կողո¬պուտ կատարած անձի։
Դատարանը դատաքննությամբ հետազոտված ապացույցների համադրման և գնահատման արդյունքներով վերոնշյալ անձանց դատաքննական ցուցմունքներն ի հաշից գործով ամբաստանյալ Վ.Սիմոնյանի ցուցմունքների առավել արժևորելիս հաշվի է առնում նաև հետևյալը.
Իրեն միջին ծանրության մարմնական վնասվածներ պատճառած անձանց, այդ թվում` Հ.Հովհան¬նիս¬յանի նկատմամբ քրեական հետապնդում չիրականացնելու խնդրանքով մեղադրյալ Վ.Սիմոնյանը նախաքննական մարմնին դիմել էր դեռևս 2015թ. հոկտեմբերի 17-ին` պատճառաբանելով, որ որևէ անձի դեմ բողոք չունի։ Հ.Հովհաննիսյանը նույն օրը` ընդամենը երկու ժամ անց, համաձայնել է ոչ արդարաց¬նող այդ հիմքով իր նկատմամբ քրեական հետապնդումը դադարեցնելու հետ։ Որդու` Հ.Հովհաննիսյանի էական շահերն շոշափող հատկապես վերոնշյալ գործողություններին է նախոր¬դել գործով ամբաստանյալ Վ.Սիմոնյանի հետ 2015թ. հոկտեմ¬բերի 2-ին իրականացված առերեսման ընթացքում տուժող Ցողիկ Հակոբջանյանի հետքայլը սկզբնա¬կան նախաքննական ցուցմունքից։
Թեև նախաքննական մարմինը թիվ 15809815 քրեական գործի վարույթը կարճելու և Հովհաննես Հովհաննիսյանի նկատմամբ ՀՀ քրեական օրենսգրքի 113-րդ հոդվածի 1-ին մասով քրեա¬կան հետապնդումը դադարեցնելու մասին որոշում կայացրել է դեռևս 2016թ. մարտի 14-ին, սակայն տուժող Ց.Հակոբջանյանը գործով ամբաստանյալ Վ.Սիմոնյանին հանցագործության կատարման մեջ մերկաց¬նող բնույթի ցուցմունքները պնդել է ինչպես Դատարանում, այնպես էլ մինչդատական վարույթի ավարտական փուլում, երբ վերոնշյալ որոշումն ստացել էր օրինական ուժ, անցել են քրեական հետապնդման մարմինների կողմից այն վերացնելու ժամկետները։ Նույն փաստարկով և պատճա¬ռաբանությամբ Դատարանն արձանագրում է, որ թույլատրելի են նաև վկաներ Հերմինե և Հովհաննես Հովհաննիսյանի դատաքննական ցուցմունքները, իսկ Հովհաննես Հովհաննիսյանի նկատմամբ քրեական գործ հարու¬ցելու փաստով վերջինիս մերձավոր ազգականներից ենթադրաբար ցանկալի ցուցմունքներ ստանալու, այլ կերպ ասած` «կորզելու» վերաբերյալ պաշտպանական կողմի վարկածն անհիմն է և չփաս¬տարկված, դրա հիմքում դրված ապացույցներն ու դրանցով հաստատված փաստերը` յուրովի մեկնա¬բանելու հետևանք։
Նշված հետևության հանգելիս Դատարանը հաշվի է առնում նաև քննվող դեպքից գրեթե անմի¬ջապես անց` «ՍԱՍ» սուպերմարկետի մոտ գործով ամբաստանյալ Վ.Սիմոնյանի դրսևորած (հետհան¬ցավոր) վարքագիծը, մասնավորապես` այն, որ վերջինս փորձել է փախուստի դիմել նրան մինչ այդ ծեծի ենթարկող Հ.Հովհան¬նիսյանի գործողությունները նույնիսկ փաստացի դադարեցնելուց հետո, երբ տվյալ վայրում արդեն գտնվում էին ոստիկաններ, որպիսի պայմաններում կողոպուտին առնչություն չունեցող, սակայն այդ շարժա¬ռիթով ծեծի ենթարկված և տուժած անձը չպետք է փախուստի փորձ կատարեր Հ.Հովհաննիսյանից, առավել ևս` ոստիկաններից։
Նախաքննական մարմնի կողմից դեպքի վայրի հասցեն ճիշտ չնշելու վերաբերյալ պաշտպանի պնդումն անհիմն է, քանի որ դեպքի վայրը զննվել է տուժող Ց.Հակոբջանյանի մասնակցությամբ և ճշգրտորեն արտացոլվել վերոնշյալ քննչական գործողության արձանագրությունում։
Դատարանը նաև արձանագրում է, որ հափշտակված շղթան քննվող դեպքի վայրից մինչև «ՍԱՍ» սուպերմարկետ ընկած տարածքում, վերոնշյալ սուպերմարկետում, ինչպես նաև գործով ամբաստանյալ Վ.Սիմոնյանի մոտ և նրա անձնական խուզարկությամբ չհայտնաբերելը նրա մեղավորությունը հերքող բավարար փաստարկ չէ, վերջինիս մեղավորությունը Դատարանը հաստատված է համարում դա¬տաքննությամբ հետազոտված բոլոր ապացույցների համադրման և գնահատման արդյունքներով։
Դատարանը ամբաստանյալ Վահե Սիմոնյանի նկատմամբ նշանակվող պատժի տե¬սակը և չափը որոշելիս հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬¬¬նել սոցիալական արդարությունը« ուղղել պատժի ենթարկված անձին« ինչպես նաև կանխել հան¬ցա¬¬¬գոր¬¬ծությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատա¬րած անձի նկատ¬մամբ կիրառվող պատիժը և քրեաիրավական ներ¬գոր¬ծութ¬յան այլ միջոց¬ները պետք է լինեն ար¬դարացի« համապա¬տասխանեն հանցանքի ծան¬րությանը« այն կա¬տա¬րելու հան¬գա¬մանք¬ներին« հան¬¬ցավորի անձնա¬¬վորությանը« անհրա¬ժեշտ և բավարար լինեն նրան ուղղելու և նոր հանցա¬գոր¬ծութ¬յուն¬ները կան¬խելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է« որ հանցա¬գոր¬ծութ¬յան համար մեղավոր ճանաչված անձի նկատմամբ նշանակվում է արդարացի պատիժ« իսկ նույն հոդ¬վածի 2-րդ մասի համաձայն՝ պատժի տեսակը և չափը որոշվում են հանցա¬գործության՝ հան¬րության համար վտան¬գա¬վո¬րության աստիճանով և բնույթով« հանցավորի անձը բնու¬թագրող տվյալներով« այդ թվում՝ պատաս¬խա¬¬նատ¬վությունը և պատիժը մեղմաց¬նող և/կամ ծանրացնող հան¬գա¬մանքներով։ ՀՀ քրեա¬կան օրենսգրքի 61-րդ հոդվածի 3-րդ մասի համա¬ձայն` հան¬ցագործության համար նախա¬տեսված պատիժ¬ներից առավել խիստը նշանակվում է, եթե նվազ խիստ տեսակը չի կարող ապա¬հովել պատժի նպատակ¬ները։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վա¬րա¬կան օրենսգրքի 8-րդ հոդվածի համաձայն՝ որոշակի փաստական հանգա¬մանք¬ներ ունեցող գոր¬ծով ՀՀ Վճռաբեկ դատարանի կամ Մարդու իրավունքների եվրոպա¬կան դատա¬րա¬նի դատական ակ¬տի հիմ¬նա¬վո¬րումները« այդ թվում՝ օրենքի մեկնաբա¬նութ¬յուն¬ները« պարտադիր են դատարանի հա¬մար նույ¬¬¬նանման փաստական հանգամանք¬ներով գործի քննության ժամա¬նակ։
ՀՀ Վճռաբեկ դատարանը« Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկ¬տեմ¬բերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մա¬սով նա¬խա¬տեսված նորմը« նշել է« որ այն Դատարանին օժտել է անձի պատասխա¬նատ¬վությունը մեղ¬մաց¬նող հան¬¬գամանքների կիրառման լայն հայեցողությամբ« քանի որ պա¬տիժ նշանակելիս Դա¬տա¬րանը կարող է հաշվի առնել նաև մեղմացնող այնպիսի հանգա¬մանք¬ներ« որոնք նույն հոդվածի առա¬ջին մասում նշված չեն։
Դատարանը, որպես ամբաստանյալ Վահե Սիմոնյանի անձը բնու¬թագրող տվյալներ է գնա¬հա¬տում` նախկինում դատապարտված չլինելը (ըստ ՀՀ ոստիկանության ինֆոր¬մացիոն կենտրոն 2015թ. հոկտեմբերի 2-ին կատարված հարցման արդյունքների)« երիտասարդ լինելը (համաձայն AH սերիայի 0407078 համարի անձնագրի` ծնվել է 1991թ.), վատառողջ լինելը (համաձայն` 2012թ. մայիսի 14-ի էպիկրի¬զի` ախտորոշվել է «Պարբերական հիվանդություն»), իսկ որպես պատասխանատ¬վութ¬յունն ու պա¬տի¬ժը մեղ¬մացնող հանգամանքներ` ԵԿՄ անդամ հանդիսանալու և 2016թ. ապրիլի 7-ից մինչև 28-ն ընկած ժամա¬նա¬կա¬հատվածում ԼՂՀ առաջնագծում կամավորության սկզբունքով ծառայություն կատա¬րելու փաս¬¬տը (համաձայն` ՀՀ երկրապահ կամավո¬րականների միության Վարդենիսի տարածքային բաժան¬մունքի նախագահ Զ.Ավեդյանի` 2016թ. մա¬յիսի 6-ին հաստատած թիվ 4151 տեղեկանքի), դեռևս մինչդա¬տական վարույթի ընթացքում կամովին և ամբողջութ¬յամբ տուժողին պատ¬ճառած վնասը փոխհա¬տու¬ցելը, կողոպուտ կատարելու կապակցությամբ, դրանից գրեթե անմի¬ջապես անց տուժողի որդի Հովհաննես Հովհաննիսյանի կողմից ծեծի ենթարկվելն ու միջին ծանրության մարմնական վնաս¬վածքներ ստանալը։
Վերոնշյալ տվյալներն հաստատվել են քրեական գործի նյութերում առկա փաս¬¬տա¬կան տվյալ¬¬ներով« իրական են« նվազեցնում ամբաս¬տանյալ Վ.Սիմոնյանի անձի հան¬րային վտան¬¬գա¬վո¬րութ¬յունը։
Դատարանը ամբաստանյալ Վ.Սիմոնյանի պատասխանատվությունն ու պատիժը ծանրացնող հան¬գամանք չարձանագրեց։
Պատժի նպատակներն ապահովելու տեսանկյու¬նով անդրադառնալով ամբաս¬տանյալ Վահե Սիմոնյանի նկատ¬¬մամբ պատժի նշանակման խնդրին` Դատա¬րանը փաս¬¬տում է, որ հաշվի առ¬նե¬լով վերջինիս անձը և նրա պատասխանատվությունն ու պատիժը մեղմացնող հանգամանքները, մաս¬նավո¬րա¬պես` նախկինում դատապարտված չլինելը, տարիքը, վատառողջությունը, նրան մեղ¬սագրվող հան¬ցավոր արար¬քի բնույթը և վտան¬գա¬վորության ոչ բարձր աստիճանը (միջին ծանրության հանցա¬գոր¬ծություն է), տուժողին պատ¬ճառված վնասը դեռևս մինչդատական վարույթում կամովին և ամբող¬ջությամբ փոխհատուցելը, ինչ¬պես նաև ղեկա¬վարվելով ՀՀ քրեական օրենսգրքի 61-րդ հոդվածի 3-րդ մասի պա¬հանջով, հանգում է համոզման, որ ՀՀ քրեական օրենսգրքի 176-րդ հոդվածի 1-ին մասի սանկցիայով նա¬խա¬¬տեսված տու¬գանք, կա¬լանք կամ որոշակի ժամկետով ազատազրկում պատժա¬տեսակ¬ներից ամբաստանյալ Վահե Սիմոնյանի նկատմամբ կարող է նշանակվել նաև նվազ խիստ պատ¬ժատե¬սակը` տուգանքը։ Տուգանքի չափը որոշելիս և այն տվյալ հոդվածով նախատեսված տուգանքի առավելագույն չափով սահմանելիս Դատարանը հաշվի է առնում այն, որ կողո¬պու¬տը կա¬տարվել է փոքրահասակ երեխաների հետ գտնվող տուժողի նկատմամբ, ինչը բարձրացնում է ամբաս¬տանյալ Վ.Սիմոնյանի անձի հանրային վտանգավորությունը։
Ամբաստանյալ Վահե Սիմոնյանի նկատմամբ որպես խա¬¬¬փանման միջոց ընտրված չհե¬ռա¬նալու մասին ստորագրության հարցը քննարկելիս` Դատա¬րանը գտնում է« որ այն անհրա¬ժեշտ է թողնել ան¬փոփոխ` մինչև սույն դատավճիռն օրի¬նական ուժի մեջ մտնելը։
ՀՀ քրեական դատավարական օրենսգրքի 360-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների« դատական ծախ¬սե¬րի« գույքի նկատմամբ կիրառված (կիրառվելիք) արգելանքի« քաղա¬¬քա¬ցիական հայցի հարցերին« սա¬կայն Դատարանը« պարզելով« որ սույն քրեական գործով Վահե Սիմոնյանի գույքի նկատմամբ արգե¬լանք չի կիրառվել« քրեական գործում բացակայում է դա¬տական ծախսերի վերաբերյալ որևէ ապացույց, իրեղեն ապացույցներ չկան` սահմա¬նա¬փակվում է այդ փաստերի արձա¬նագրմամբ։
Անդրադառնալով տուժող Վահե Ստեփանյանին հանցագործությամբ պատճառված վնասի փոխ¬հատուցման հարցին՝ Դատարանը գտնում է, որ պատճառված վնասի հատուցման հարցը պետք է հա¬մարել լուծված` դեռևս մինչդատական վարույթի ընթացքում գործով ամբաստանյալի հոր միջոցով այն ամբողջությամբ փոխ¬հա¬տուցվելու պատ¬ճա¬ռա¬բանութ¬յամբ։
Գնահատելով և ամփոփելով դատաքննությամբ հետազոտված ապացույց¬ները, ղեկավարվելով ՀՀ քրեա¬կան դա¬տա¬վա¬¬րա¬կան օրենսգրքի 357-360-րդ, 364-365-րդ, 367-րդ, 369-373-րդ հոդ¬ված¬ներով, Դա¬տա¬րանը
Վ Ճ Ռ Ե Ց ՝

Վահե Հակոբի Սիմոնյանին ճանաչել մեղավոր ՀՀ քրեական օրենսգրքի 176-րդ հոդ¬վածի 1-ին մա¬սով նախատեսված հանցա¬գործության կատարման մեջ, նրա նկատ¬¬մամբ նշանակել պատիժ` տու¬գանք նվազագույն աշխատավարձի վեցհարյուրապատիկի` 600.000 (վեց հարյուր հա¬զար) ՀՀ դրամի չափով։
Վահե Սիմոնյանի նկատմամբ որպես խա¬փանման միջոց ընտրված չհեռանալու մասին ստո¬րագրությունը, թողնել անփոփոխ` մինչև սույն դատավճիռն օրինա¬կան ուժի մեջ մտնելը։
Տուժող Ցողիկ Հակոբջանյանին հանցագործությամբ անմիջականորեն պատ¬ճառված վնասի փոխ¬հա¬տուցման հարցն համարել լուծված` դեռևս մինչդատական վարույթի ընթացքում այն ամբողջությամբ փոխ¬հա¬տուցվելու պատճա¬ռա¬բանութ¬յամբ։
Դատական ծախսերի հարցն համարել լուծված։
Դատավճիռը ստացման օրվանից մե¬կամսյա ժամկետում կարող է բողո¬քարկվել ՀՀ վե¬րաքննիչ քրեական դատարան։


ԴԱՏԱՎՈՐ՝ Ա.ՎԱՐԴԱՆՅԱՆ