ԵԿԴ/0045/01/16






Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը,


նախագահությամբ` դատավոր Մ. Մարտիրոսյանի,
քարտուղարությամբ` Ա. Հովհաննիսյանի,

մասնակցությամբ`
մեղադրող,
Երևան քաղաքի
դատախազության դատախազ Ա. Մնացականյանի,

հանրային պաշտպաններ Մ. Ֆարմանյանի,
Տ. Սարգսյանի,

տուժողներ` Ս. Խաչատրյանի,
Ա. Ասատրյանի,
Տ. Սողոմոնյանի,
Է. Աբգարյանի,
Ա. Ղումաշյանի,
Կ. Զիլֆյանի,
Ա. Շիբոյանի,
Ն. Պողոսյանի,
Գ. Պուտագեանի,
Ա. Գևորգյանի,
Մ. Կիրակոսյանի,
Ս. Յարմալոյանի,
Է. Ղուկասյանի,
Ռ. Արմենակյանի,
Ռ. Հակոբյանի,
Ս. Մարտիրոսյանի,
Դ. Կնյազյան,
Վ. Սեդրակյան,
Հ. Պարտիզպանյան,
Ա. Ներսեսյան,
Մ. Ամիրաղյան,
Ս. Եղիազարյան,
Գ. Հովհաննիսյան,
Վ. Ստեփանյան,
Մ. Շիշյան,


2016թ. դեկտեմբերի 14-ին Երևանում,


դռնբաց դատական նիստում, քննեց քրեական գործն ըստ մեղադրանքի

1. Սպարտակ Արսենի Դանիելյանի`
ծնված 1985թ. հունվարի 29-ին Կապան քաղաքում, հայ, Հայաստանի Հանրապետության /այսուհետ ՀՀ/ քաղաքացի, բարձրագույն կրթությամբ, ամուսնացած, խնամքին մինչև տասնչորս տարեկան մեկ երեխա, նախկինում դատված,
1. ԵԿԴ/0168/01/13 քրեական գործով, Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2014թ. նոյեմբերի 07-ի դատավճռով, 7 /յոթ/ դրվագներով` ՀՀ քրեական օրենսգրքի 178-րդ հոդվածի 3-րդ մասի 1-ին կետով, 1 /մեկ/ դրվագով` ՀՀ քրեական օրենսգրքի 176-րդ հոդվածի 3-րդ մասի 1-ին կետով, նույն օրենսգրքի 66-րդ հոդվածի 4-րդ մասի կիրառմամբ դատապարտվել է ազատազրկման 10 /տաս/ տարի ժամկետով` 40.000.000 /քառասուն միլիոն/ ՀՀ դրամի չափով գույքի բռնագրավմամբ, պատժի սկիզբը հաշվելով 2012թ. դեկտեմբերի 25-ից,
2. ԵԿԴ/0116/01/16 քրեական գործով, Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2016թ. հունիսի 13-ի դատավճռով, ՀՀ քրեական օրենսգրքի 355-րդ հոդվածի 1-ին մասով, նույն օրենսգրքի 67.1-րդ հոդվածի կիրառմամբ դատապարտվել է ազատազրկման 2 /երկու/ տարի ժամկետով, նույն օրենսգրքի 67-րդ հոդվածի կիրառմամբ այդ դատավճռով նշանակված պատժին մասնակիորեն գումարվել է ԵԿԴ/0168/01/13 քրեական գործով, Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2014թ. նոյեմբերի 07-ի դատավճռով նշանակված պատիժը և Ս. Դանիելյանի նկատմամբ վերջնական պատիժ է նշանակվել ազատազրկում` 11 /տասնմեկ/ տարի ժամկետով, գույքի բռնագրավմամբ 40.000.000 /քառասուն միլիոն/ ՀՀ դրամ գումարի չափով, պատժի սկիզբը հաշվելով 2012թ. դեկտեմբերի 25-ից, հաշվառված է և բնակվել է Երևան քաղաքի Հր. Քոչարի թիվ 9 շենքի թիվ 34 բնակարանում, մեղադրվում է 3 /երեք/ դրվագներով` ՀՀ քրեական օրենսգրքի 178-րդ հոդվածի 2-րդ մասի 1-ին կետով, 6 /վեց/ դրվագներով` ՀՀ քրեական օրենսգրքի 178-րդ հոդվածի 2-րդ մասի 2-րդ կետով, 16 /տասնվեց/ դրվագներով` ՀՀ քրեական օրենսգրքի 178-րդ հոդվածի 1-ին մասով,

Էդվարդ Վաղարշակի Հայրապետանի`
ծնված 1991թ. նոյեմբերի 25-ին Երևան քաղաքում, հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում դատված`
1. ԵԱՔԴ/0096/01/15 քրեական գործով, Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 2015թ. օգոստոսի 12-ի դատավճռով, 2 /երկու/ դրվագներով` ՀՀ քրեական օրենսգրքի 178-րդ հոդվածի 2-րդ մասի 1-ին և 2-րդ կետերով, 1 /մեկ/ դրվագով` ՀՀ քրեական օրենսգրքի 178-րդ հոդվածի 2-րդ մասի 1-ին կետով, նույն օրենսգրքի 66-րդ հոդվածի կիրառմամբ դատապարտվել է ազատազրկման 4 /չորս/ տարի ժամկետով, պատժի սկիզբը հաշվվել է 2015թ. մայիսի 02-ից,
2. ԵԿԴ/0211/01/15 քրեական գործով, Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2016թ. մարտի 03-ի դատավճռով, ՀՀ քրեական օրենսգրքի 178-րդ հոդվածի 2-րդ մասի 1-ին և 2-րդ կետերով, ՀՀ քրեական օրենսգրքի 178-րդ հոդվածի 2-րդ մասի 1-ին կետով, նույն օրենսգրքի 66-րդ 3-րդ և 6-րդ մասերի կիրառմամբ դատապարտվել է ազատազրկման 4 /չորս/ տարի 6 /վեց/ ամիս ժամկետով։ Այդ պատժում հաշվակցվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 2015թ. օգոստոսի 12-ի դատավճռով նշանակված պատժի կրած մասը` 10 /տաս/ ամիս 1 /մեկ/ օրը և պատժի կրման սկիզբը հաշվվել է 2015թ. մայիսի 02-ից, հաշվառված է եղել Երևան քաղաքի Բաշինջաղյան փողոցի թիվ 187 շենքի թիվ 29 բնակարանում, մեղադրվում է 3 /երեք/ դրվագներով` ՀՀ քրեական օրենսգրքի 178-րդ հոդվածի 2-րդ մասի 1-ին կետով։


Գործի դատավարական նախապատմությունը

2015թ. մարտի 24-ին ՀՀ քննչական կոմիտեի Երևան քաղաքի քննչական վարչության Երևան քաղաքի Արաբկիր վարչական շրջանի քննչական բաժնում ՀՀ քրեական օրենսգրքի 178-րդ հոդվածի 1-ին մասով հարուցված և 2015 թվականի հուլիսի 7-ին ՀՀ քննչական կոմիտեի Երևան քաղաքի քննչական վարչության քննիչի վարույթ ընդունված թիվ 14118215 քրեական գործի նյութերի համաձայն` Սպարտակ Արսենի Դանիելյանը, 2014 թվականի նոյեմբերի 7-ի դատավճռով դատապարտված լինելով ՀՀ քրեական օրենսգրքի 178-րդ հոդվածի 3-րդ մասի 1-ին կետով /7 դրվագ/, ՀՀ քրեական օրենսգրքի 176-րդ հոդվածի 3-րդ մասի 1-ին կետով և պատիժը կրելով ՀՀ ԱՆ «Նուբարաշեն» ՔԿ հիմնարկում, հիմնականում միայնակ, ինչպես նաև երեք դրվագներով` գործով ամբաստանյալ, ներկայումս «Նուբարաշեն» ՔԿ հիմնարկի դատապարտյալ Էդվարդ Վաղարշակի Հայրապետյանի հետ նախնական համաձայնությամբ, խմբով, թվով 25 քաղաքացիներից խարդախությամբ հափշտակել են զգալի և խոշոր չափերի գույք։
Ամբաստանյալներին վերագրվող, ՀՀ քրեական օրենսգրքի 178-րդ հոդվածի 1-ին մասով, ՀՀ քրեական օրենսգրքի 178-րդ հոդվածի 2-րդ մասի 1-ին կետով, ՀՀ քրեական օրենսգրքի 178-րդ հոդվածի 2-րդ մասի 2-րդ կետով հանցագործությունները կատարվել են 2015թ. մարտից օգոստոսն ընկած ժամանակահատվածում, որոնց վերաբերյալ հարուցվել են տարբեր քրեական գործեր և դրանք հետագայում միացվել են մեկ վարույթում։
1. Սպարտակ Արսենի Դանիելյանին 2016թ. փետրվարի 16-ին մեղադրանք է առաջադրվել 3 /երեք/ դրվագներով` ՀՀ քրեական օրենսգրքի 178-րդ հոդվածի 2-րդ մասի 1-ին կետով, 6 /վեց/ դրվագներով` ՀՀ քրեական օրենսգրքի 178-րդ հոդվածի 2-րդ մասի 2-րդ կետով, 16 /տասնվեց/ դրվագներով` ՀՀ քրեական օրենսգրքի 178-րդ հոդվածի 1-ին մասով հետևյալ արարքների համար, որ նա. «միայնակ, ինչպես նաև սույն գործով մեղադրյալ Էդվարդ Վաղարշակի Հայրապետյանի հետ նախնական համաձայնությամբ, խմբով մի շարք անձանցից խարդախությամբ հափշտակել է զգալի և խոշոր չափերի գույք։
Այսպես.
Դատապարտյալ Սպարտակ Դանիելյանը, գտնվելով ՀՀ ԱՆ «Նուբարաշեն» քրեակատարողական հիմնարկում, իր հանցավոր մտադրությունների իրագործումն ավելի դյուրին դարձնելու և այն բարեհաջող ավարտին հասցնելու նպատակով զգալի չափերով հափշտակություն կատարելու շուրջ նախնական համաձայնության է եկել մեղադրյալ Էդվարդ Հայրապետյանի հետ, մինչ հանցագործությունը սկսելը, միմյանց միջև կատարել են դերերի բաշխում, որից հետո հանցակիցներից յուրաքանչյուրն անմիջականորեն իրականացրել է հանցագործության օբյեկտիվ կողմի մաս կազմող գործողությունները։
Մասնավորապես, Սպարտակ Դանիելյանը, ծանոթանալով «List.am» ինտերնետային կայքում Մանուկ Կիրակոսյանի կողմից «Iphone 6+» տեսակի բջջային հեռախոսը վաճառելու վերաբերյալ տեղադրված հայտարարությանը, 2015 թվականի մարտի 6-ին իր կողմից օգտագործված բջջային հեռախոսահամարով զանգահարել է տուժող Մանուկ Կիրակոսյանին, վերջինիս ներկայացել Դավիթ Մինասյան մտացածին անուն-ազգանվամբ, հայտնել, որ հանդիսանում է «Դավմոբայլ» ընկերության տնօրենը և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել 450.000 ՀՀ դրամ արժողության «Iphone 6+» տեսակի բջջային հեռախոսը։ Ստանալով Մանուկ Կիրակոսյանի համաձայնությունը` Էդվարդ Հայրապետյանը ստանձնել է խմբի կազմում իր ունեցած անմիջական դերակատարումը և Երևան քաղաքի Սիսակյան փողոցում Մանուկ Կիրակոսյանի որդուց վերցրել է «Iphone 6+» տեսակի բջջային հեռախոսը և հափշտակել այն։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 1-ին կետով։
Բացի այդ, Սպարտակ Դանիելյանը, ծանոթանալով «List.am» ինտերնետային կայքում Միհրան Շիշյանի կողմից «Iphone 6» տեսակի բջջային հեռախոսը վաճառելու վերաբերյալ տեղադրված հայտարարությանը, 2015 թվականի մարտի 16-ին իր կողմից օգտագործված բջջային հեռախոսահամարով զանգահարել է Միհրան Շիշյանին, վերջինիս ներկայացել մտացածին Գևորգ անվամբ, հայտնել, որ զբաղվում է հեռախոսների առուվաճառքով և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել 365.000 ՀՀ դրամ արժողության «Iphone 6» մոդելի բջջային հեռախոսը։ Ստանալով Միհրան Շիշյանի համաձայնությունը` Էդվարդ Հայրապետյանը ստանձնել է խմբի կազմում իր ունեցած անմիջական դերակատարումը և Երևան քաղաքի Արաբկիր 21 փողոցի 1-ին շենքի բակում Միհրան Շիշյանից վերցրել է «Iphone 6» տեսակի բջջային հեռախոսը և հափշտակել այն։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 1-ին կետով։
Շարունակելով հանցավոր գործողությունները` Սպարտակ Դանիելյանը, ծանոթանալով «List.am» ինտերնետային կայքում Արսեն Ասատրյանի կողմից թվով 2 «LG G3SD724» մոդելի բջջային հեռախոսներ վաճառելու վերաբերյալ տեղադրված հայտարարությանը, 2015 թվականի մարտի 29-ին իր կողմից օգտագործված բջջային հեռախոսահամարով զանգահարել է Արսեն Ասատրյանին, վերջինիս ներկայացել Գևորգ Մանուկյան մտացածին անուն-ազգանվամբ, հայտնել, որ հանդիսանում է «Գև Էլեկտրոնիքս» ընկերության տնօրենը և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել ընդհանուր 318.000 ՀՀ դրամ արժողության թվով 2 «LG G3SD724» մոդելի բջջային հեռախոսները։ Ստանալով Արսեն Ասատրյանի համաձայնությունը` Էդվարդ Հայրապետյանը ստանձնել է խմբի կազմում իր ունեցած անմիջական դերակատարումը և Արմավիրի մարզի Փարաքար գյուղում Արսեն Ասատրյանից վերցրել է թվով 2 հատ «LG G3SD724» մոդելի բջջային հեռախոսները և հափշտակել այն։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 1-ին կետով։
Այնուհետև, Սպարտակ Դանիելյանը, ծանոթանալով «List.am» ինտերնետային կայքում Վաչե Ստեփանյանի կողմից «Macbook Pro ME 662LL/A» մոդելի դյուրակիր համակարգիչը վաճառելու վերաբերյալ տեղադրված հայտարարությանը, 2015 թվականի հունվարի 20-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Արթուր անվամբ և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել համակարգիչը։ Հանցավոր մտադրությունն իրականացնելու նպատակով` նույն օրը Կարեն Սողոմոնյանի միջոցով Դավթաշեն թաղամասում գտնվող «Երևան Սիթի» սուպերմարկետի մոտից խաբեությամբ Վաչե Ստեփանյանից հափշտակել է հիշյալ համակարգիչը` վերջինիս պատճառելով խոշոր չափերի` 670.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 2-րդ կետով։
Բացի այդ, Սպարտակ Դանիելյանը, ծանոթանալով «List.am» ինտերնետային կայքում Արման Գևորգյանի կողմից «Iphone 6» մոդելի բջջային հեռախոսներ վաճառելու վերաբերյալ տեղադրված հայտարարությանը, 2015 թվականի մարտի 31-ին իր կողմից օգտագործված բջջային հեռախոսահամարով զանգահարել է նրան, ներկայացել որպես հեռախոսների առուվաճառքով զբաղվող կազմակերպության տնօրեն և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել բջջային հեռախոսները։ Հանցավոր մտադրությունն իրականացնելու նպատակով` նույն օրը քննությամբ ինքնությունը չպարզված անձի միջոցով Երևան քաղաքի Մ.Խորենացի փողոցի 47/7 շենքի բակում խաբեությամբ Արման Գևորգյանից հափշտակել է թվով 2 հատ «Iphone 6» մոդելի բջջային հեռախոս` վերջինիս պատճառելով խոշոր չափերի` ընդհանուր 680.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 2-րդ կետով։
Դրանից հետո, Սպարտակ Դանիելյանը, ծանոթանալով «List.am» ինտերնետային կայքում Հայկ Պարտիզպանյանի կողմից «Iphone 6» մոդելի բջջային հեռախոսներ վաճառելու վերաբերյալ տեղադրված հայտարարությանը, 2015 թվականի ապրիլի 29-ին իր կողմից օգտագործված բջջային հեռախոսահամարով զանգահարել է նրան, ներկայացել որպես «Արտ Մոբայլ» խանութի տնօրեն և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել բջջային հեռախոսները։ Հանցավոր մտադրությունն իրականացնելու նպատակով` նույն օրը Աշոտ Մովսիսյանի միջոցով Երևան քաղաքի Իսահակյան փողոցում գտնվող «SAS» սուպերմարկետի մոտից խաբեությամբ Հայկ Պարտիզպանյանից հափշտակել է թվով 6 հատ «Iphone 6» մոդելի բջջային հեռախոս` վերջինիս պատճառելով խոշոր չափերի` ընդհանուր 2.070.340 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 2-րդ կետով։
Բացի այդ, Սպարտակ Դանիելյանը, ծանոթանալով «List.am» ինտերնետային կայքում Սարգիս Եղիազարյանի կողմից «LAUNCH X-431 5» և «LAUNCH X-431 4» դիագնոստիկ սարքերը վաճառելու վերաբերյալ տեղադրված հայտարարությանը, 2015 թվականի մայիսի 29-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Արթուր անվամբ և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել դիագնոստիկ սարքերը։ Հանցավոր մտադրությունն իրականացնելու նպատակով` նույն օրը Մուշեղ Սաֆարյանի միջոցով Ավան թաղամասում գտնվող «Երևան Սիթի» սուպերմարկետի մոտից խաբեությամբ Սարգիս Եղիազարյանից հափշտակել է հիշյալ դիագնոստիկ սարքերը` վերջինիս պատճառելով խոշոր չափերի` ընդհանուր 1.250.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 2-րդ կետով։
Շարունակելով հանցավոր գործողությունները` Սպարտակ Դանիելյանը, ծանոթանալով «List.am» ինտերնետային կայքում Դավիթ Կնյազյանի կողմից «Core I 7» մոդելի համակարգիչը վաճառելու վերաբերյալ տեղադրված հայտարարությանը, 2015թ. մայիսի 27-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Արթուր անվամբ, հայտնել, որ հանդիսանում է «Արտ Էլեկտրոնիքս» ընկերության տնօրենը և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել համակարգիչը։ Հանցավոր մտադրությունն իրականացնելու նպատակով` նույն օրը Երվանդ Ղամբարյանի միջոցով Երևան քաղաքի Արզումանյան փողոցի 19-րդ շենքի բակում խաբեությամբ Դավիթ Կնյազյանից հափշտակել է հիշյալ համակարգիչը` վերջինիս պատճառելով խոշոր չափերի` 1.700.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 2-րդ կետով։
Այնուհետև, Սպարտակ Դանիելյանը, ծանոթանալով «List.am» ինտերնետային կայքում Արսեն Ներսեսյանի կողմից «Falcon BLX-8» մոդելի ատամնաբուժական ռենտգեն ապարատը վաճառելու վերաբերյալ տեղադրված հայտարարությանը, 2015 թվականի հուլիսի 13-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին «Այ Էլեկտրոնիքս» խանութի տնօրեն և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել ռենտգեն ապարատը։ Հանցավոր մտադրությունն իրականացնելու նպատակով` նույն օրը Վահե Հարությունյանի միջոցով Երևան քաղաքի Մարգարյան 10/3 հասցեում խաբեությամբ Արսեն Ներսեսյանից հափշտակել է հիշյալ ռենտգեն ապարատը` վերջինիս պատճառելով խոշոր չափերի` 550.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 2-րդ կետով։
Բացի այդ, Սպարտակ Դանիելյանը, ծանոթանալով «List.am» ինտերնետային կայքում Սամվել Մարտիրոսյանի կողմից «Samsung Galaxy Note 3» մոդելի բջջային հեռախոսը վաճառելու վերաբերյալ տեղադրված հայտարարությանը, 2015 թվականի մարտի 6-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Դավիթ անվամբ, հայտնել, որ հանդիսանում է «Դավմոբայլ» ընկերության սեփականատերը և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել բջջային հեռախոսը։ Հանցավոր մտադրությունն իրականացնելու նպատակով` նույն օրը Հայկ Տերտերյանի միջոցով Երևան քաղաքի Կոմիտաս պողոտայի 60-րդ շենքի մոտ խաբեությամբ Սամվել Մարտիրոսյանից հափշտակել է հիշյալ բջջային հեռախոսը` վերջինիս պատճառելով զգալի չափերի` 165.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Շարունակելով հանցավոր գործողությունները` Սպարտակ Դանիելյանը, ծանոթանալով «List.am» ինտերնետային կայքում Ռոբերտ Հակոբյանի կողմից «Epson-1410Ս» մոդելի թվով 2 տպիչները վաճառելու վերաբերյալ տեղադրված հայտարարությանը, 2015 թվականի մարտի 26-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Գևորգ անվամբ և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ տպիչները։ Հանցավոր մտադրությունն իրականացնելու նպատակով` նույն օրը Սուրեն Վարդանյանի միջոցով Երևան քաղաքի Ադոնց փողոցի 13-րդ շենքի բակում խաբեությամբ Ռոբերտ Հակոբյանից հափշտակել է թվով 2 հատ տպիչներ` վերջինիս պատճառելով զգալի չափերի` 480.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Դրանից հետո` Սպարտակ Դանիելյանը, ծանոթանալով «List.am» ինտերնետային կայքում Ռուբեն Արմենակյանի կողմից «Sony Xperia Z2» մոդելի պլանշետը վաճառելու վերաբերյալ տեղադրված հայտարարությանը, 2015 թվականի ապրիլի 10-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Գևորգ անվամբ, հայտնել, որ հանդիսանում է «Գև Կոմպյուտերս» ընկերության տնօրենը և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ պլանշետը։ Հանցավոր մտադրությունն իրականացնելու նպատակով` նույն օրը Սոս Մանուկյանի միջոցով Երևան քաղաքի Հր.Քոչար փողոցում խաբեությամբ Ռուբեն Արմենակյանից հափշտակել է «Sony Xperia Z2» մոդելի պլանշետը` վերջինիս պատճառելով զգալի չափերի` 240.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Բացի այդ` Սպարտակ Դանիելյանը, ծանոթանալով «List.am» ինտերնետային կայքում Էլիզաբեթ Ղուկասյանի կողմից «Sony Xperia T2 ultra» մոդելի բջջային հեռախոսը վաճառելու վերաբերյալ տեղադրված հայտարարությանը, 2015 թվականի մարտի 7-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Դավիթ անվամբ, հայտնել, որ հանդիսանում է «Mobile centre» ընկերության տնօրենը և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ բջջային հեռախոսը։ Հանցավոր մտադրությունն իրականացնելու նպատակով` նույն օրը Սոս Մանուկյանի միջոցով Երևան քաղաքի Պ.Սևակ փողոցի 1/2 շենքի բակում խաբեությամբ Էլիզաբեթ Ղուկասյանից հափշտակել է «Sony Xperia T2 ultra» մոդելի բջջային հեռախոսը` վերջինիս պատճառելով զգալի չափերի` 239.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Այնուհետև` Սպարտակ Դանիելյանը, ծանոթանալով «List.am» ինտերնետային կայքում Գոռ Հովհաննիսյանի կողմից «Iphone 6+» մոդելի բջջային հեռախոսը վաճառելու վերաբերյալ տեղադրված հայտարարությանը, 2015 թվականի ապրիլի 13-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Գևորգ Մանուկյան անուն-ազգանվամբ, հայտնել, որ հանդիսանում է «Գև Էլեկտրոնիքս» ընկերության տնօրենը և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ բջջային հեռախոսը։ Հանցավոր մտադրությունն իրականացնելու նպատակով` նույն օրը Հովիկ Գևորգյանի միջոցով Երևան քաղաքի Մարգարյան փողոցում գործող «Կայզեր» սուպերմարկետի մոտից խաբեությամբ Գոռ Հովհաննիսյանից հափշտակել է «Iphone 6+» մոդելի բջջային հեռախոսը` վերջինիս պատճառելով զգալի չափերի` 500.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Շարունակելով հանցավոր գործողությունները` Սպարտակ Դանիելյանը, ծանոթանալով «List.am» ինտերնետային կայքում Սերգեյ Յարմալոյանի կողմից «Սամսունգ Սմարթ» մոդելի հեռուստացույցը վաճառելու վերաբերյալ տեղադրված հայտարարությանը, 2015 թվականի մարտի 12-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Գևորգ անվամբ, հայտնել, որ հանդիսանում է «Գևմոբայլ» ընկերության տնօրենը և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ հեռուստացույցը։ Հանցավոր մտադրությունն իրականացնելու նպատակով` նույն օրը Էդգար Յայլոլյանի միջոցով Աջափնյակ թաղամասից խաբեությամբ Սերգեյ Յարմալոյանից հափշտակել է հեռուստացույցը` վերջինիս պատճառելով զգալի չափերի` 410.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Բացի այդ, Սպարտակ Դանիելյանը, ծանոթանալով «List.am» ինտերնետային կայքում Գևորգ Պուտագեանի կողմից «Ipad Air2» մոդելի պլանշետ համակարգիչը վաճառելու վերաբերյալ տեղադրված հայտարարությանը, 2015 թվականի ապրիլի 7-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Գևորգ Մանուկյան անուն-ազգանվամբ և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ համակարգիչը։ Հանցավոր մտադրությունն իրականացնելու նպատակով` նույն օրը Արշակ Կոստանդյանի միջոցով Երևան քաղաքի Տիգրան Մեծ պողոտայի 31-րդ շենքի բակում խաբեությամբ Գևորգ Պուտագեանից հափշտակել է համակարգիչը` վերջինիս պատճառելով զգալի չափերի` 270.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Դրանից հետո Սպարտակ Դանիելյանը, ծանոթանալով «List.am» ինտերնետային կայքում Նելլի Պողոսյանի կողմից «Iphone 6» մոդելի բջջային հեռախոսը վաճառելու վերաբերյալ տեղադրված հայտարարությանը, 2015 թվականի ապրիլի 3-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Գևորգ անվամբ և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ հեռախոսը։ Հանցավոր մտադրությունն իրականացնելու նպատակով` նույն օրը քննությամբ ինքնությունը չպարզված անձի միջոցով Երևան քաղաքի Մաշտոցի պողոտայում խաբեությամբ Նելլի Պողոսյանից հափշտակել է «Iphone 6» մոդելի բջջային հեռախոսը` վերջինիս պատճառելով զգալի չափերի` 370.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Այնուհետև Սպարտակ Դանիելյանը, ծանոթանալով «List.am» ինտերնետային կայքում Ալինա Շիբոյանի կողմից «Iphone 5S» մոդելի բջջային հեռախոսը վաճառելու վերաբերյալ տեղադրված հայտարարությանը, 2015 թվականի մարտի 27-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Գևորգ անվամբ և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ հեռախոսը։ Հանցավոր մտադրությունն իրականացնելու նպատակով` նույն օրը Գևորգ Մաթևոսյանի միջոցով Երևան քաղաքի Սպենդիարյան 5 հասցեում խաբեությամբ Ալինա Շիբոյանից հափշտակել է «Iphone 5S» մոդելի բջջային հեռախոսը` վերջինիս պատճառելով զգալի չափերի` 250.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Բացի այդ, Սպարտակ Դանիելյանը, ծանոթանալով «List.am» ինտերնետային կայքում Կարեն Զիլֆյանի կողմից «Sony Xperia Z3 Dual» մոդելի բջջային հեռախոսը վաճառելու վերաբերյալ տեղադրված հայտարարությանը, 2015 թվականի ապրիլի 6-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Գևորգ անվամբ և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ հեռախոսը։ Հանցավոր մտադրությունն իրականացնելու նպատակով` նույն օրը քննությամբ ինքնությունը չպարզված անձի միջոցով Երևան քաղաքի Ե.Կողբացի-Պուշկին փողոցների խաչմերուկում խաբեությամբ Կարեն Զիլֆյանից հափշտակել է «Sony Xperia Z3 Dual» մոդելի բջջային հեռախոսը` վերջինիս պատճառելով զգալի չափերի` 220.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Շարունակելով հանցավոր գործողությունները` Սպարտակ Դանիելյանը, ծանոթանալով «List.am» ինտերնետային կայքում Արտյոմ Ղումաշյանի կողմից «Ipad» մոդելի պլանշետ համակարգիչը վաճառելու վերաբերյալ տեղադրված հայտարարությանը, 2015 թվականի ապրիլի 7-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Գևորգ անվամբ, հայտնել, որ հանդիսանում է էլեկտրոնիկայի խանութի սեփականատեր և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ համակարգիչը։ Հանցավոր մտադրությունն իրականացնելու նպատակով` նույն օրը Արշակ Կոստանդյանի միջոցով մետրոպոլիտենի «Շենգավիթ» կայարանի մոտ խաբեությամբ Արտյոմ Ղումաշյանից հափշտակել է համակարգիչը` վերջինիս պատճառելով զգալի չափերի` 165.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Դրանից հետո` Սպարտակ Դանիելյանը, ծանոթանալով «List.am» ինտերնետային կայքում Էրիկ Աբգարյանի կողմից «Samsung Galaxy Note 4» մոդելի բջջային հեռախոսը վաճառելու վերաբերյալ տեղադրված հայտարարությանը, 2015 թվականի մայիսի 16-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Արթուր անվամբ և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ հեռախոսը։ Հանցավոր մտադրությունն իրականացնելու նպատակով` նույն օրը Ռաֆայել Թուրվանդյանի միջոցով Երևան քաղաքի Սաֆարյան փողոցի 6-րդ շենքի բակում խաբեությամբ Էրիկ Աբգարյանից հափշտակել է «Samsung Galaxy Note 4» մոդելի բջջային հեռախոսը` վերջինիս պատճառելով զգալի չափերի` 320.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Այնուհետև Սպարտակ Դանիելյանը, ծանոթանալով «List.am» ինտերնետային կայքում Մարտին Ամիրաղյանի կողմից «Samsung Galaxy Alfa» մոդելի բջջային հեռախոսը վաճառելու վերաբերյալ տեղադրված հայտարարությանը, 2015 թվականի ապրիլի 11-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Գևորգ Մանուկյան անուն-ազգանվամբ և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ հեռախոսը։ Հանցավոր մտադրությունն իրականացնելու նպատակով` նույն օրը քննությամբ ինքնությունը չպարզված անձի միջոցով Երևան քաղաքի Աբովյան փողոցում գտնվող «Հ3» հեռուստաընկերության մոտ խաբեությամբ Մարտին Ամիրաղյանից հափշտակել է «Samsung Galaxy Alfa» մոդելի բջջային հեռախոսը` վերջինիս պատճառելով զգալի չափերի` 180.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Բացի այդ, Սպարտակ Դանիելյանը, ծանոթանալով «List.am» ինտերնետային կայքում Վահագն Սեդրակյանի կողմից «Մայկրոսոֆթ Սարֆեյս» մոդելի պլանշետ-համակարգիչը վաճառելու վերաբերյալ տեղադրված հայտարարությանը, 2015 թվականի մայիսի 1-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Արթուր Հակոբյան անուն-ազգանվամբ, հայտնել, որ հանդիսանում է «Արթ Էլեկտրոնիքս» ընկերության սեփականատերը և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ համակարգիչը։ Հանցավոր մտադրությունն իրականացնելու նպատակով` նույն օրը Սեդրակ Սիրականյանի միջոցով Երևան քաղաքի Թումանյան-Փարպեցի փողոցների խաչմերուկում խաբեությամբ Վահագն Սեդրակյանից հափշտակել է «Մայկրոսոֆթ Սարֆեյս» մոդելի պլանշետ-համակարգիչը` վերջինիս պատճառելով զգալի չափերի` 180.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Այնուհետև, Սպարտակ Դանիելյանը, ծանոթանալով «List.am» ինտերնետային կայքում Տանյա Սողոմոնյանի կողմից «Iphone 5S» մոդելի բջջային հեռախոսը վաճառելու վերաբերյալ տեղադրված հայտարարությանը, 2015 թվականի մայիսի 4-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Կարեն Մանուկյան անուն-ազգանվամբ, հայտնել, որ հանդիսանում է «Կարեն Էլեկտրոնիքս» ընկերության տնօրենը և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ հեռախոսը։ Հանցավոր մտադրությունն իրականացնելու նպատակով` նույն օրը Ռուբեն Կիրակոսյանի միջոցով Էջմիածին քաղաքից խաբեությամբ Տանյա Սողոմոնյանից հափշտակել է «Iphone 5S» մոդելի բջջային հեռախոսը` վերջինիս պատճառելով զգալի չափերի` 300.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Շարունակելով հանցավոր գործողությունները` Սպարտակ Դանիելյանը, ծանոթանալով «List.am» ինտերնետային կայքում Սուսաննա Խաչատրյանի կողմից «Iphone 6+» մոդելի բջջային հեռախոսը վաճառելու վերաբերյալ տեղադրված հայտարարությանը, 2015 թվականի հուլիսի 14-ին իր կողմից օգտագործված բջջային հեռախոսահամարով զանգահարել է նրան, ներկայացել մտացածին Արմեն Պետրոսյան անուն-ազգանվամբ, հայտնել, որ հանդիսանում է «Արմ Էլեկտրոնիքս» ընկերության տնօրենը և ցանկություն հայտնել գումարը բանկային փոխանցման եղանակով վճարելու սուտ խոստմամբ գնել հիշյալ հեռախոսը։ Հանցավոր մտադրությունն իրականացնելու նպատակով` նույն օրը Արայիկ Աթոյանի միջոցով Երևան քաղաքի Նոր Նորքի 4-րդ զ/ծ-ում գտնվող «Ծիածան» խանութի մոտից խաբեությամբ Սուսաննա Խաչատրյանից հափշտակել է «Iphone 6+» մոդելի բջջային հեռախոսը` վերջինիս պատճառելով զգալի չափերի` 390.000 ՀՀ դրամի գույքային վնաս։
Այսինքն` Սպարտակ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով։
Այսպիսով, Սպարտակ Արսենի Դանիելյանը կատարել է արարքներ, որոնք նախատեսված են ՀՀ քրեական օրենսգրքի 178-րդ հոդվածի 2-րդ մասի 1-ին կետով /3 դրվագ/, ՀՀ քրեական օրենսգրքի 178-րդ հոդվածի 2-րդ մասի 2-րդ կետով / 6 դրվագ/ և ՀՀ քրեական օրենսգրքի 178-րդ հոդվածի 1-ին մասով /16 դրվագ/։»։
2. Էդվարդ Վաղարշակի Հայրապետյանին 2016թ. փետրվարի 16-ին մեղադրանք է առաջադրվել 3 /երեք/ դրվագներով` ՀՀ քրեական օրենսգրքի 178-րդ հոդվածի 2-րդ մասի 1-ին կետով հետևյալ արարքների համար, որ նա. «ուրիշի գույքի զգալի չափերի հափշտակություն կատարելու շուրջ նախնական համաձայնության գալով գործով մեղադրյալ, ՀՀ ԱՆ «Նուբարաշեն» ՔԿ հիմնարկի դատապարտյալ Սպարտակ Արսենի Դանիելյանի հետ, խմբի կազմում կատարել է խարդախության երեք դեպք։
Այսպես.
Դատապարտյալ Սպարտակ Դանիելյանը, քրեակատարողական հիմնարկում պատիժ կրելու պատճառով զրկված լինելով հափշտակվող գույքն անձամբ վերցնելու և այն տնօրինելու հնարավորությունից, ծրագրավորած հանցագործությունն ավելի դյուրին և իրատեսական դարձնելու նպատակով նախնական համաձայնության է եկել գործով մեղադրյալ Էդվարդ Հայրապետյանի հետ զգալի չափերով հափշտակություն կատարելու շուրջ, մինչ հանցագործությունը սկսելը, միմյանց միջև կատարել են դերերի բաշխում, որից հետո հանցակիցներից յուրաքանչյուրն անմիջականորեն իրականացրել է հանցագործության օբյեկտիվ կողմի մաս կազմող գործողությունները։
Մասնավորապես, Սպարտակ Դանիելյանը, ծանոթանալով «List.am» ինտերնետային կայքում Մանուկ Կիրակոսյանի կողմից «Iphone 6+» տեսակի բջջային հեռախոսը վաճառելու վերաբերյալ տեղադրած հայտարարությանը, 2015 թվականի մարտի 6-ին իր կողմից օգտագործված բջջային հեռախոսահամարով զանգահարել է Մանուկ Կիրակոսյանին, վերջինիս ներկայացել Դավիթ Մինասյան մտացածին անուն-ազգանվամբ, հայտնել, որ հանդիսանում է «Դավմոբայլ» ընկերության տնօրենը և ցանկություն հայտնել գումարը բանկային փոխանցման եղանակով վճարելու պատրվակով գնել 450.000 ՀՀ դրամ արժողության «Iphone 6+» տեսակի բջջային հեռախոսը։ Ստանալով Մանուկ Կիրակոսյանի համաձայնությունը` Էդվարդ Հայրապետյանը ստանձնել է խմբի կազմում իր ունեցած անմիջական դերակատարումը և Երևան քաղաքի Սիսակյան փողոցում Մանուկ Կիրակոսյանի որդուց վերցրել է «Iphone 6+» տեսակի բջջային հեռախոսը։
Այսինքն` Էդվարդ Վաղարշակի Հայրապետյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 1-ին կետով։
Բացի այդ, Սպարտակ Դանիելյանը, ծանոթանալով «List.am» ինտերնետային կայքում Միհրան Շիշյանի կողմից «Iphone 6» տեսակի բջջային հեռախոսը վաճառելու վերաբերյալ տեղադրած հայտարարությանը, 2015 թվականի մարտի 16-ին իր կողմից օգտագործված բջջային հեռախոսահամարով զանգահարել է Միհրան Շիշյանին, վերջինիս ներկայացել մտացածին Գևորգ անվամբ, հայտնել, որ զբաղվում է հեռախոսների առուվաճառքով և ցանկություն հայտնել գումարը բանկային փոխանցման եղանակով վճարելու պատրվակով գնել 365.000 ՀՀ դրամ արժողության «Iphone 6» տեսակի բջջային հեռախոսը։ Ստանալով Միհրան Շիշյանի համաձայնությունը` Էդվարդ Հայրապետյանը ստանձնել է խմբի կազմում իր ունեցած անմիջական դերակատարումը և Երևան քաղաքի Արաբկիր 21 փողոցի 1-ին շենքի բակում Միհրան Շիշյանից վերցրել է «Iphone 6» տեսակի բջջային հեռախոսը։
Այսինքն` Էդվարդ Վաղարշակի Հայրապետյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 1-ին կետով։
Շարունակելով հանցավոր գործողությունները` Սպարտակ Դանիելյանը, ծանոթանալով «List.am» ինտերնետային կայքում Արսեն Ասատրյանի կողմից թվով 2 «LG G3SD724» մոդելի բջջային հեռախոսներ վաճառելու վերաբերյալ տեղադրած հայտարարությանը, 2015 թվականի մարտի 29-ին իր կողմից օգտագործված բջջային հեռախոսահամարով զանգահարել է Արսեն Ասատրյանին, վերջինիս ներկայացել Գևորգ Մանուկյան մտացածին անուն-ազգանվամբ, հայտնել, որ հանդիսանում է «Գև Էլեկտրոնիքս» ընկերության տնօրենը և ցանկություն հայտնել գումարը բանկային փոխանցման եղանակով վճարելու պատրվակով գնել ընդհանուր 318.000 ՀՀ դրամ արժողության թվով 2 «LG G3SD724» մոդելի բջջային հեռախոսները։ Ստանալով Արսեն Ասատրյանի համաձայնությունը` Էդվարդ Հայրապետյանը ստանձնել է խմբի կազմում իր ունեցած անմիջական դերակատարումը և Արմավիրի մարզի Փարաքար գյուղում Արսեն Ասատրյանից վերցրել է թվով 2 հատ «LG G3SD724» մոդելի բջջային հեռախոսները։
Այսինքն` Էդվարդ Վաղարշակի Հայրապետյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 1-ին կետով։
Այսպիսով, Էդվարդ վաղարշակի Հայրապետյանը կատարել է արարքներ, որոնք նախատեսված են ՀՀ քրեական օրենսգրքի 178-րդ հոդվածի 2-րդ մասի 1-ին կետով, ՀՀ քրեական օրենսգրքի 178-րդ հոդվածի 2-րդ մասի 1-ին կետով և ՀՀ քրեական օրենսգրքի 178-րդ հոդվածի 2-րդ մասի 1-ին կետով։»։
2016թ. մարտի 09-ին քրեական գործը մեղադրական եզրակացությամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան, 2016թ. մարտի 11-ին ընդունվել է դատարանի վարույթ, իսկ 2016թ. մարտի 25-ին որոշում է կայացվել քրեական գործի դատական քննությունը 2016թ. ապրիլի 05-ին, ժամը 15։00-ին նշանակելու մասին։

Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
Ամբաստանյալ Ս. Դանիելյանը 2015թ. մարտից 2015թ. օգոստոս ամիսը ներառյալ ժամանակահատվածում, ՀՀ ԱՆ «Նուբարաշեն» քրեակատարողական հիմնարկում /այսուհետ ՔԿՀ/ պատիժը կրելու ընթացքում, երեք դրվագներով` ամբաստանյալ Է. Հայրապետյանի հետ նախնական համաձայնությամբ, քսաներկու դրվագներով` միայնակ, տարբեր անձանցից հափշտակել են զգալի և խոշոր չափերի գույք հետևյալ հանգամանքներում.
Ամբաստանյալ Ս. Դանիելյանն իր կողմից ապօրինի օգտագործվող հեռախոսով զանգահարել է համացանցի «Լիստ էյէմ» /«List. am»/ կայքում տարբեր ապրանքների, մասնավորապես` բջջային հեռախոսների, համակարգիչների և այլ տեխնիկական սարքերի վաճառքի մասին հայտարարություններ տեղադրած անձանց, վերջիններիս ներկայացել մտացածին անուն-ազգանուններով, հայտնել, որ հանդիսանում է տարբեր ընկերությունների տնօրեն կամ սեփականատեր և ապրանքի գումարը անկանխիկ` բանկային հաշիվներով գումարի փոխանցում կատարելու եղանակով վճարելու պայմանով ցանկություն է հայտնել դրանք գնելու։
Իր վերոհիշյալ մտադրություններն ավելի դյուրին և իրատեսական դարձնելու, դրանք բարեհաջող ավարտին հասցնելու նպատակով, գտնվելով անազատության մեջ և զրկված լինելով հափշտակվող գույքն անձամբ վերցնելու հնարավորությունից` Ս. Դանիելյանը կրկին համացանցի «Լիստ էյէմ» /«List. am»/ կայքի միջոցով զանգահարել է ուղևորափոխադրումների (տաքսի) ծառայություններ մատուցելու վերաբերյալ հայտարարություններ տեղադրած անձանց, նրանց ներկայացել որպես տարբեր ընկերությունների տնօրեն և բարձր վարձատվությամբ աշխատելու կեղծ խոստում տալով` վերջիններիս առաջարկել է իր ընկերությունում աշխատել որպես առաքիչ, որից հետո, արդեն որպես տնօրեն` հանձնարարել է նրանց կատարել պատվերներ և ցուցումներ է տվել ապրանքները տարբեր քաղաքացիներից վերցնելու, դրանք տարբեր վաճառակետերում վաճառելու կամ այլ անձանց փոխանցելու վերաբերյալ։ Այդ անձինք տուժողներից վերցրել են հափշտակության առարկաները և Ս. Դանիելյանի ուղղորդմամբ դրանք վաճառել տարբեր վաճառակետերում կամ փոխանցել այլ անձանց։
Ս. Դանիելյանն իրեն վերագրվող արարքներից երեք դեպքով, ուրիշի գույքի հափշտակություն կատարելու շուրջ նախնական համաձայնության է եկել Է. Հայրապետյանի հետ, մինչև իրենց գործողությունները սկսելը` միմյանց միջև կատարել են դերաբաշխում, որից հետո նրանցից յուրաքանչյուրը գործով տուժողներին մոլորության մեջ գցելու, մտացածին փաստեր հաղորդելու և խաբեությամբ զգալի չափերի գույք հափշտակելու միասնական դիտավորությամբ, հանցակիցներից յուրաքանչյուրը մյուս հանցակցի գործողությունների գիտակացմամբ, հանցակցի գործողությունների լրացմամբ և համատեղ ուժերով ընդհանուր հանցավոր հետևանքի առաջացման ձգտմամբ, խմբով կատարել են զգալի չափերի հափշտակություններ հետևյալ հանգամանքներում.
Առաջին դրվագ`
Ս. Դանիելյանը ծանոթանալով Մանուկ Կիրակոսյանի կողմից «Այֆոն 6+» («Iphone 6+») մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը, 2015 թվականի մարտի 6-ին, իր կողմից օգտագործված բջջային հեռախոսահամարով զանգահարել է տուժող Մանուկ Կիրակոսյանին, վերջինիս ներկայացել է որպես «Դավմոբայլ» ընկերության տնօրեն Դավիթ Մինասյան և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել 450.000 ՀՀ դրամ արժողության «Այֆոն 6+» («Iphone 6+») մոդելի բջջային հեռախոսը։ Ստանալով Մանուկ Կիրակոսյանի համաձայնությունը` Է. Հայրապետյանը ստանձնել է խմբի կազմում իր ունեցած անմիջական դերակատարումը և Երևան քաղաքի Սիսակյան փողոցում Մանուկ Կիրակոսյանի որդուց վերցնելով «Այֆոն 6+» («Iphone 6+») մոդելի բջջային հեռախոսը` հափշտակել են այն։
Երկրորդ դրվագ`
Ս. Դանիելյանը ծանոթանալով Միհրան Շիշյանի կողմից «Այֆոն 6» («Iphone 6») մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը, 2015 թվականի մարտի 16-ին, իր կողմից օգտագործված բջջային հեռախոսահամարով զանգահարել է Միհրան Շիշյանին, վերջինիս ներկայացել որպես Գևորգ, նրան հայտնել է, որ զբաղվում է հեռախոսների առուվաճառքով և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել 365.000 ՀՀ դրամ արժողության «Այֆոն 6» («Iphone 6») մոդելի բջջային հեռախոսը։ Ստանալով Միհրան Շիշյանի համաձայնությունը` Էդվարդ Հայրապետյանը ստանձնել է խմբի կազմում իր ունեցած անմիջական դերակատարումը և Երևան քաղաքի Արաբկիր 21 փողոցի 1-ին շենքի բակում Միհրան Շիշյանից վերցնելով «Այֆոն 6» («Iphone 6») մոդելի բջջային հեռախոսը` հափշտակել են այն։
Երրորդ դրվագ`
Ս. Դանիելյանը ծանոթանալով Արսեն Ասատրյանի կողմից երկու հատ «ԷլՋի Ջի3ԷսԴի724» («LG G3SD724») մոդելի բջջային հեռախոսներ վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի մարտի 29-ին իր կողմից օգտագործված բջջային հեռախոսահամարով զանգահարել է Արսեն Ասատրյանին, վերջինիս ներկայացել է որպես «Գև Էլեկտրոնիքս» ընկերության տնօրեն Գևորգ Մանուկյան և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել ընդհանուր 318.000 ՀՀ դրամ արժողության երկու հատ «ԷլՋի Ջի3ԷսԴի724» («LG G3SD724») մոդելի բջջային հեռախոսները։ Ստանալով Արսեն Ասատրյանի համաձայնությունը` Էդվարդ Հայրապետյանը ստանձնել է խմբի կազմում իր ունեցած անմիջական դերակատարումը և ՀՀ Արմավիրի մարզի Փարաքար գյուղում Արսեն Ասատրյանից վերցնելով երկու հատ «ԷլՋի Ջի3ԷսԴի724» («LG G3SD724») մոդելի բջջային հեռախոսները` հափշտակել են դրանք։
Չորրորդ դրվագ`
Ս. Դանիելյանը ծանոթանալով Վաչե Ստեփանյանի կողմից «Մեքբուք Պռո Մի 662 ԷլԷլ/Էյ» («Macbook Pro ME 662LL/A») մոդելի դյուրակիր համակարգիչը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի հունվարի 20-ին իր կողմից օգտագործված բջջային հեռախոսահամարով զանգահարել է նրան, ներկայացել է որպես Արթուր և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել համակարգիչը։ Այդ մտադրությունն իրականացնելու նպատակով, Ս. Դանիելյանը նույն օրը, Կարեն Սողոմոնյանի միջոցով, Դավթաշեն թաղամասում գտնվող «Երևան Սիթի» հանրախանութի մոտից, խաբեությամբ Վաչե Ստեփանյանից հափշտակել է հիշյալ համակարգիչը` վերջինիս պատճառելով խոշոր չափերի` 670.000 ՀՀ դրամ գումարի գույքային վնաս։
Հինգերորդ դրվագ`
Ս. Դանիելյանը ծանոթանալով Արման Գևորգյանի կողմից «Այֆոն» («Iphone 6») մոդելի բջջային հեռախոսներ վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի մարտի 31-ին, իր կողմից օգտագործված բջջային հեռախոսահամարով զանգահարել է նրան, ներկայացել որպես հեռախոսների առուվաճառքով զբաղվող կազմակերպության տնօրեն և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել բջջային հեռախոսները։ Այդ մտադրությունն իրականացնելու նպատակով, Ս. Դանիելյանը նույն օրը, քննությամբ ինքնությունը չպարզված անձի միջոցով, Երևան քաղաքի Մ. Խորենացի փողոցի 47/7 շենքի բակում, խաբեությամբ, Արման Գևորգյանից հափշտակել է երկու հատ «Այֆոն 6» («Iphone 6») մոդելի բջջային հեռախոս` վերջինիս պատճառելով խոշոր չափերի` 680.000 ՀՀ դրամ ընդհանուր գումարի գույքային վնաս։
Վեցերորդ դրվագ`
Ս. Դանիելյանը ծանոթանալով Հայկ Պարտիզպանյանի կողմից «Այֆոն 6» («Iphone 6») մոդելի բջջային հեռախոսներ վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի ապրիլի 29-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես «Արտ Մոբայլ» խանութի տնօրեն և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել բջջային հեռախոսները։ Այդ մտադրությունն իրականացնելու նպատակով Ս. Դանիելյանը նույն օրը, Աշոտ Մովսիսյանի միջոցով, Երևան քաղաքի Իսահակյան փողոցում գտնվող «ՍԱՍ» («SAS») հանրախանութի մոտից, խաբեությամբ, Հայկ Պարտիզպանյանից հափշտակել է վեց հատ «Այֆոն» («Iphone 6») մոդելի բջջային հեռախոս` վերջինիս պատճառելով խոշոր չափերի` 2.070.340 ՀՀ դրամ ընդհանուր գումարի գույքային վնաս։
Յոթերորդ դրվագ`
Ս. Դանիելյանը ծանոթանալով Սարգիս Եղիազարյանի կողմից «Լանչ Իքս-431-5» («LAUNCH X-431 5») և «Լանչ Իքս-431 4» («LAUNCH X-431 4») դիագնոստիկ սարքերը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի մայիսի 29-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես Արթուր և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել դիագնոստիկ սարքերը։ Այդ մտադրությունն իրականացնելու նպատակով, նույն օրը, Ս. Դանիելյանը Մուշեղ Սաֆարյանի միջոցով, Ավան թաղամասում գտնվող «Երևան Սիթի» հանրախանութի մոտից, խաբեությամբ, Սարգիս Եղիազարյանից հափշտակել է հիշյալ դիագնոստիկ սարքերը` վերջինիս պատճառելով խոշոր չափերի` 1.250.000 ՀՀ դրամ ընդհանուր գումարի գույքային վնաս։
Ութերորդ դրվագ`
Ս. Դանիելյանը ծանոթանալով Դավիթ Կնյազյանի կողմից «Քոր Այ 7» («Core I 7») մոդելի համակարգիչը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015թ. մայիսի 27-ին, իր կողմից օգտագործված բջջային հեռախոսահամարով զանգահարել է նրան, ներկայացել որպես «Արտ Էլեկտրոնիքս» ընկերության տնօրեն Արթուր և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել համակարգիչը։ Այդ մտադրությունն իրականացնելու նպատակով, նույն օրը, Ս. Դանիելյանը Երվանդ Ղամբարյանի միջոցով, Երևան քաղաքի Արզումանյան փողոցի թիվ 19 շենքի բակում, խաբեությամբ, Դավիթ Կնյազյանից հափշտակել է հիշյալ համակարգիչը` վերջինիս պատճառելով խոշոր չափերի` 1.700.000 ՀՀ դրամ գումարի գույքային վնաս։
Իններորդ դրվագ`
Ս. Դանիելյանը ծանոթանալով Արսեն Ներսեսյանի կողմից «Ֆալկոն Բի Էլ Իքս-8» («Falcon BLX-8») մոդելի ատամնաբուժական ռենտգեն ապարատը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի հուլիսի 13-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես «Այ Էլեկտրոնիքս» խանութի տնօրեն և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել ռենտգեն ապարատը։ Այդ մտադրությունն իրականացնելու նպատակով, նույն օրը, Ս. Դանիելյանը Վահե Հարությունյանի միջոցով, Երևան քաղաքի Մարգարյան 10/3 հասցեում, խաբեությամբ, Արսեն Ներսեսյանից հափշտակել է հիշյալ ռենտգեն ապարատը` վերջինիս պատճառելով խոշոր չափերի` 550.000 ՀՀ դրամ գումարի գույքային վնաս։
Տասներորդ դրվագ`
Ս. Դանիելյանը ծանոթանալով Սամվել Մարտիրոսյանի կողմից «Սամսունգ Գալաքսի Նոթ 3» («Samsung Galaxy Note 3») մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի մարտի 6-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես «Դավմոբայլ» ընկերության սեփականատեր Դավիթ և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել բջջային հեռախոսը։ Այդ մտադրությունն իրականացնելու նպատակով, նույն օրը, Ս. Դանիելյանը Հայկ Տերտերյանի միջոցով, Երևան քաղաքի Կոմիտասի պողոտայի թիվ 60 շենքի մոտ, խաբեությամբ, Սամվել Մարտիրոսյանից հափշտակել է հիշյալ բջջային հեռախոսը` վերջինիս պատճառելով զգալի չափերի` 165.000 ՀՀ դրամ գումարի գույքային վնաս։
Տասնմեկերորդ դրվագ`
Ս. Դանիելյանը ծանոթանալով Ռոբերտ Հակոբյանի կողմից «Էփսոն-141ՕՈւ» («Epson-1410Ս») մոդելի 2 հատ տպիչները վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի մարտի 26-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես Գևորգ և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ տպիչները։ Այդ մտադրությունն իրականացնելու նպատակով, նույն օրը, Ս. Դանիելյանը Սուրեն Վարդանյանի միջոցով, Երևան քաղաքի Ադոնց փողոցի թիվ 13 շենքի բակում, խաբեությամբ, Ռոբերտ Հակոբյանից հափշտակել է 2 հատ տպիչներ` վերջինիս պատճառելով զգալի չափերի` 480.000 ՀՀ դրամի գույքային վնաս։
Տասներկուերորդ դրվագ`
Ս. Դանիելյանը ծանոթանալով Ռուբեն Արմենակյանի կողմից «Սոնի Էքսպերիա Զեթ 2» («Sony Xperia Z2») մոդելի պլանշետային համակարգիչը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի ապրիլի 10-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես «Գև Կոմպյուտերս» ընկերության տնօրեն Գևորգ և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ պլանշետը։ Այդ մտադրությունն իրականացնելու նպատակով, նույն օրը, Ս. Դանիելյանը Սոս Մանուկյանի միջոցով, Երևան քաղաքի Հր. Քոչար փողոցում, խաբեությամբ, Ռուբեն Արմենակյանից հափշտակել է «Սոնի Էքսպերիա Զեթ 2» («Sony Xperia Z2») մոդելի պլանշետային համակարգիչը` վերջինիս պատճառելով զգալի չափերի` 240.000 ՀՀ դրամ գումարի գույքային վնաս։
Տասներեքերորդ դրվագ`
Ս. Դանիելյանը ծանոթանալով Էլիզաբեթ Ղուկասյանի կողմից «Սոնի Էքսպերիա Տէ2 ուլտրա» («Sony Xperia T2 ultra») մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի մարտի 7-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես «Մոբայլ ցենտր» («Mobile centre») ընկերության տնօրեն Դավիթ և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ բջջային հեռախոսը։ Այդ մտադրությունն իրականացնելու նպատակով, նույն օրը, Ս. Դանիելյանը Սոս Մանուկյանի միջոցով, Երևան քաղաքի Պ. Սևակի փողոցի թիվ 1/2 շենքի բակում, խաբեությամբ, Էլիզաբեթ Ղուկասյանից հափշտակել է «Սոնի Էքսպերիա Տէ2 ուլտրա» («Sony Xperia T2 ultra») մոդելի բջջային հեռախոսը` վերջինիս պատճառելով զգալի չափերի` 239.000 ՀՀ դրամ գումարի գույքային վնաս։
Տասնչորսերորդ դրվագ`
Ս. Դանիելյանը ծանոթանալով Գոռ Հովհաննիսյանի կողմից «Այֆոն 6+» («Iphone 6+») մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի ապրիլի 13-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես «Գև Էլեկտրոնիքս» ընկերության տնօրեն Գևորգ Մանուկյան և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ բջջային հեռախոսը։ Այդ մտադրությունն իրականացնելու նպատակով, նույն օրը, Ս. Դանիելյանը Հովիկ Գևորգյանի միջոցով, Երևան քաղաքի Մարգարյան փողոցում գործող «Կայզեր» հանրախանութի մոտից, խաբեությամբ, Գոռ Հովհաննիսյանից հափշտակել է «Այֆոն 6+» («Iphone 6+») մոդելի բջջային հեռախոսը` վերջինիս պատճառելով զգալի չափերի` 500.000 ՀՀ դրամ գումարի գույքային վնաս։
Տասնհինգերորդ դրվագ`
Ս. Դանիելյանը, ծանոթանալով Սերգեյ Յարմալոյանի կողմից «Սամսունգ Սմարթ» («Samsung Smart») մոդելի հեռուստացույցը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի մարտի 12-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես «Գևմոբայլ» ընկերության տնօրեն Գևորգ և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ հեռուստացույցը։ Այդ մտադրությունն իրականացնելու նպատակով, նույն օրը, Ս. Դանիելյանն Էդգար Յայլոլյանի միջոցով, Աջափնյակ թաղամասից, խաբեությամբ, Սերգեյ Յարմալոյանից հափշտակել է հեռուստացույցը` վերջինիս պատճառելով զգալի չափերի` 410.000 ՀՀ դրամ գումարի գույքային վնաս։
Տասնվեցերորդ դրվագ`
Ս. Դանիելյանը ծանոթանալով Գևորգ Պուտագեանի կողմից «Այփադ Էյր2» («Ipad Air2») մոդելի պլանշետային համակարգիչը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի ապրիլի 7-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես Գևորգ Մանուկյան և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ համակարգիչը։ Այդ մտադրությունն իրականացնելու նպատակով, նույն օրը, Ս. Դանիելյանն Արշակ Կոստանդյանի միջոցով, Երևան քաղաքի Տիգրան Մեծի պողոտայի թիվ 31 շենքի բակում, խաբեությամբ, Գևորգ Պուտագեանից հափշտակել է համակարգիչը` վերջինիս պատճառելով զգալի չափերի` 270.000 ՀՀ դրամ գումարի գույքային վնաս։
Տասնյոթերորդ դրվագ`
Ս. Դանիելյանը ծանոթանալով Նելլի Պողոսյանի կողմից «Այֆոն 6» («Iphone 6») մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի ապրիլի 3-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես Գևորգ և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ հեռախոսը։ Այդ մտադրությունն իրականացնելու նպատակով, նույն օրը, Ս. Դանիելյանը, քննությամբ ինքնությունը չպարզված անձի միջոցով, Երևան քաղաքի Մաշտոցի պողոտայում, խաբեությամբ, Նելլի Պողոսյանից հափշտակել է «Այֆոն 6» («Iphone 6») մոդելի բջջային հեռախոսը` վերջինիս պատճառելով զգալի չափերի` 370.000 ՀՀ դրամ գումարի գույքային վնաս։
Տասնութերորդ դրվագ`
Ս. Դանիելյանը ծանոթանալով Ալինա Շիբոյանի կողմից «Այֆոն 5Էս» («Iphone 5S») մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի մարտի 27-ին, իր կողմից օգտագործված բջջային հեռախոսահամարով զանգահարել է նրան, ներկայացել որպես Գևորգ և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ հեռախոսը։ Այդ մտադրությունն իրականացնելու նպատակով, նույն օրը, Ս. Դանիելյանը Գևորգ Մաթևոսյանի միջոցով, Երևան քաղաքի Սպենդիարյան թիվ 5 հասցեում, խաբեությամբ, Ալինա Շիբոյանից հափշտակել է «Այֆոն 5Էս» («Iphone 5S») մոդելի բջջային հեռախոսը` վերջինիս պատճառելով զգալի չափերի` 250.000 ՀՀ դրամ գումարի գույքային վնաս։
Տասնիններորդ դրվագ`
Ս. Դանիելյանը ծանոթանալով Կարեն Զիլֆյանի կողմից «Սոնի Իքսպերիա Զեթ3 Դուալ» («Sony Xperia Z3 Dual») մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի ապրիլի 6-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես Գևորգ և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ հեռախոսը։ Այդ մտադրությունն իրականացնելու նպատակով, նույն օրը, Ս. Դանիելյանը քննությամբ ինքնությունը չպարզված անձի միջոցով, Երևան քաղաքի Ե. Կողբացի-Պուշկին փողոցների խաչմերուկում, խաբեությամբ, Կարեն Զիլֆյանից հափշտակել է «Սոնի Իքսպերիա Զեթ3 Դուալ» («Sony Xperia Z3 Dual») մոդելի բջջային հեռախոսը` վերջինիս պատճառելով զգալի չափերի` 220.000 ՀՀ դրամ գումարի գույքային վնաս։
Քսաներորդ դրվագ`
Ս. Դանիելյանը ծանոթանալով Արտյոմ Ղումաշյանի կողմից «Այփադ» («Ipad») մոդելի պլանշետային համակարգիչը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի ապրիլի 7-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես էլեկտրոնիկայի խանութի սեփականատեր Գևորգ և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ համակարգիչը։ Այդ մտադրությունն իրականացնելու նպատակով, նույն օրը, Ս. Դանիելյանն Արշակ Կոստանդյանի միջոցով մետրոպոլիտենի «Շենգավիթ» կայարանի մոտ, խաբեությամբ, Արտյոմ Ղումաշյանից հափշտակել է համակարգիչը` վերջինիս պատճառելով զգալի չափերի` 165.000 ՀՀ դրամ գումարի գույքային վնաս։
Քսանմեկերորդ դրվագ`
Ս. Դանիելյանը ծանոթանալով Էրիկ Աբգարյանի կողմից «Սամսունգ Գալաքսի Նոթ 4» («Samsung Galaxy Note 4») մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի մայիսի 16-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես Արթուր և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ հեռախոսը։ Այդ մտադրությունն իրականացնելու նպատակով, նույն օրը, Ս. Դանիելյանը Ռաֆայել Թուրվանդյանի միջոցով, Երևան քաղաքի Սաֆարյան փողոցի թիվ 6 շենքի բակում, խաբեությամբ, Էրիկ Աբգարյանից հափշտակել է «Սամսունգ Գալաքսի Նոթ 4» («Samsung Galaxy Note 4») մոդելի բջջային հեռախոսը` վերջինիս պատճառելով զգալի չափերի` 320.000 ՀՀ դրամ գումարի գույքային վնաս։
Քսաներկուերորդ դրվագ`
Ս. Դանիելյանը ծանոթանալով Մարտին Ամիրաղյանի կողմից «Սամսունգ Գալաքսի Ալֆա» («Samsung Galaxy Alfa») մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի ապրիլի 11-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես Գևորգ Մանուկյան և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ հեռախոսը։ Այդ մտադրությունն իրականացնելու նպատակով, նույն օրը, Ս. Դանիելյանը, քննությամբ ինքնությունը չպարզված անձի միջոցով, Երևան քաղաքի Աբովյան փողոցում գտնվող «Հ3» հեռուստաընկերության մոտ խաբեությամբ Մարտին Ամիրաղյանից հափշտակել է «Սամսունգ Գալաքսի Ալֆա» («Samsung Galaxy Alfa») մոդելի բջջային հեռախոսը` վերջինիս պատճառելով զգալի չափերի` 180.000 ՀՀ դրամ գումարի գույքային վնաս։
Քսաներեքերորդ դրվագ`
Ս. Դանիելյանը ծանոթանալով Վահագն Սեդրակյանի կողմից «Մայկրոսոֆթ Սարֆեյս» («Microsoft Surface») մոդելի պլանշետային համակարգիչը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի մայիսի 1-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես «Արթ Էլեկտրոնիքս» ընկերության սեփականատեր և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ համակարգիչը։ Այդ մտադրությունն իրականացնելու նպատակով, նույն օրը, Ս. Դանիելյանը Սեդրակ Սիրականյանի միջոցով, Երևան քաղաքի Թումանյան-Փարպեցի փողոցների խաչմերուկում, խաբեությամբ, Վահագն Սեդրակյանից հափշտակել է «Մայկրոսոֆթ Սարֆեյս» («Microsoft Surface») մոդելի պլանշետային համակարգիչը` վերջինիս պատճառելով զգալի չափերի` 180.000 ՀՀ դրամ գումարի գույքային վնաս։
Քսանչորսերորդ դրվագ`
Ս. Դանիելյանը ծանոթանալով Տանյա Սողոմոնյանի կողմից «Այֆոն 5էս» («Iphone 5S») մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի մայիսի 4-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես «Կարեն Էլեկտրոնիքս» ընկերության տնօրեն Կարեն Մանուկյան և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ հեռախոսը։ Հանցավոր մտադրությունն իրականացնելու նպատակով, նույն օրը, Ս. Դանիելյանը Ռուբեն Կիրակոսյանի միջոցով, Էջմիածին քաղաքից, խաբեությամբ, Տանյա Սողոմոնյանից հափշտակել է «Այֆոն 5էս» («Iphone 5S») մոդելի բջջային հեռախոսը` վերջինիս պատճառելով զգալի չափերի` 300.000 ՀՀ դրամ գումարի գույքային վնաս։
Քսանհինգերորդ դրվագ`
Ս. Դանիելյանը ծանոթանալով Սուսաննա Խաչատրյանի կողմից «Այֆոն 6+» («Iphone 6+») մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում տեղադրված հայտարարությանը` 2015 թվականի հուլիսի 14-ին, իր կողմից օգտագործված բջջային հեռախոսահամարով զանգահարել է նրան, ներկայացել է որպես «Արմ Էլեկտրոնիքս» ընկերության տնօրեն Արմեն Պետրոսյան և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հիշյալ հեռախոսը։ Այդ մտադրությունն իրականացնելու նպատակով, նույն օրը, Ս. Դանիելյանն Արայիկ Աթոյանի միջոցով, Երևան քաղաքի Նոր Նորքի 4-րդ զանգվածում գտնվող «Ծիածան» խանութի մոտից, խաբեությամբ, Սուսաննա Խաչատրյանից հափշտակել է «Այֆոն 6+» («Iphone 6+») մոդելի բջջային հեռախոսը` վերջինիս պատճառելով զգալի չափերի` 390.000 ՀՀ դրամ գումարի գույքային վնաս։

Քրեական գործի նախաքննության ընթացքում, հափշտակված առարկաներից հայտնաբերվել են ներքոհիշյալները.
«Լանչ Իքս-431-5» («LAUNCH X-431 5») և «Լանչ Իքս-431 4» («LAUNCH X-431 4») դիագնոստիկ սարքերը ճանաչվել են իրեղեն ապացույցներ և հանձնվել է Սարգիս Եղիազարյանի պատասխանատու պահպանությանը, 35294506-037836-1 գործարանային համարի «Սոնի Էքսպերիա Զեթ 2» («Sony Xperia Z2») մոդելի պլանշետային համակարգիչը ճանաչվել է իրեղեն ապացույց և հանձնվել է Ռոբերտ Աղասու Արմենակյանի պատասխանատու պահպանությանը, ատամնաբուժական ռենտգեն սարքը ճանաչվել է իրեղեն ապացուց և հանձնվել է Արսեն Գեղամի Ներսիսյանի պատասխանատու պահպանությանը, «Սոնի Իքսպերիա Զեթ3 Դուալ» («Sony Xperia Z3 Dual») մոդելի բջջային հեռախոսը ճանաչվել է իրեղեն ապացույց և հանձնվել է Կարեն Զորիկի Զիլֆյանի պատասխանտու պահպանությանը, «Այֆոն 6» («IPHONE 6») մոդելի բջջային հեռախոսը ճանաչվել է իրեղեն ապացույց և հանձնվել է Արման Ռուբենի Գևորգյանի պատասխանատու պահպանությանը, «Գալաքսի Նոթ 3» («Samsung Galaxy Note 3») բջջային հեռախոսը ճանաչվել է իրեղեն ապացույց և հանձնվել է Սամվել Մարտիրոսյանի պատասխանատու պահպանությանը։
/դատական նիստի արձանագրություն, հատոր 19, գ.թ. 264, 265, 274, հատոր 20, գ.թ. 248, 249, 250/

Ամբաստանյալների անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է, որ ամբաստանյալ Ս. Դանիելյանը նախկինում դատապարտվել է, խնամքին ունի մինչև տասնչորս տարեկան մեկ երեխա (Սոնա Սպարտակի Դանիելյան` ծնված 2011թ. ապրիլի 25-ին)։


Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.
Տուժող Մանուկ Մխիթարի Կիրակոսյանի ցուցմունքներով այն մասին, որ իրեն պատկանող «Iphone 6+» մոդելի հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի մարտի 6-ին հայտարարություն է տեղադրել։ Նույն օրը /043/ 23-36-36 և /041/ 74-44-44 հեռախոսահամարներից զանգահարել է մի անձ, ներկայացել է որպես Դավիթ Մինասյան, հայտնել է, որ հանդիսանում է «Դավմոբայլ» ընկերության տնօրենը և ցանկություն հայտնել 450.000 ՀՀ դրամով, բանկային հաշվի միջոցով գումարի փոխանցում կատարելու եղանակով գնել հեռախոսը։ Պայամանավորվածության համաձայն նույն օրը` ժամը 13։00-ի սահմաններում, իրենց տուն են այցելել Դավիթ Մինասյանի առաքիչները և տարել հեռախոսը, իսկ գումարը հաշվեհամարին չի փոխանցվել։
Էդո անունով ներկայացած առաքիչն իրեն ասել է, որ անձամբ ճանաչում է Դավիթ Մինասյանին, հավաստիացրել է, որ «Դավմոբայլ» ընկերությունը զբաղվում է հեռախոսների առուվաճառքով, խանութներ ունեն նաև «Փեթակ» տոնավաճառում և 3-րդ մասում։
/դատական նիստի արձանագրություն, հատոր 6, գ.թ. 64-67, հատոր 20, գ.թ. 15-16/
Տուժող Արսեն Գուրգենի Ասատրյանի ցուցմունքներով այն մասին, որ իրեն պատկանող 2 հատ «LG G3SD724» մոդելի բջջային հեռախոսները վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի մարտի 29-ին հայտարարություն է տեղադրել։ Նույն օրը /043/ 23-36-36 հեռախոսահամարից զանգահարել է մի անձ, ներկայացել է որպես Գևորգ Մանուկյան և հայտնել է, որ հանդիսանում է «Գև Էլեկտրոնիքս» խանութի տնօրենը։ Նա ցանկություն է հայտնել գնել հիշյալ հեռախոսները 318.000 ՀՀ դրամ ընդհանուր գումարով, բանկային հաշվի միջոցով գումարի փոխանցում կատարելու եղանակով։ Այնուհետև իր բանկային հաշվեհամարը «sms» հաղորդագրության միջոցով ուղարկել է նրան։ Դրանից հետո Սուրեն անունով ներկայացած Գևորգ Մանուկյանի առաքիչը, ով վարել է «Մերսեդես Բենց» մակնիշի 26 SO 726 պետհամարանիշի ավտոմեքենա, ՀՀ Արմավիրի մարզի Փարաքար գյուղից վերցրել է հեռախոսը, իսկ Գևորգն ասել է, թե գումարն արդեն փոխանցել է հաշվեհամարին։
/դատական նիստի արձանագրություն, հատոր 14, գ.թ. 31-32/
Տուժող Արման Ռուբենի Գևորգյանի ցուցմունքներով այն մասին, որ իրեն պատկանող «Iphone 6» մոդելի հեռախոսներ վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի մարտի 31-ին հայտարարություն է տեղադրել։ Նույն օրը, ժամը 11։00-ի սահմաններում, /043/ 23-36-36 հեռախոսահամարից զանգահարել է մի անձ, ներկայացել որպես հեռախոսների առուվաճառքով զբաղվող կազմակերպության տնօրեն, հետաքրքրվել է իր կողմից վաճառվող հեռախոսներով և ցանկություն հայտնել գնել դրանք` բանկային հաշվի միջոցով գումարի փոխանցում կատարելու եղանակով։ Այդ նպատակով իր բանկային հաշվեհամարը «sms» հաղորդագրության միջոցով ուղարկել է նրան։ Նույն օրը, ժամը 15։00-ի սահմաններում, նշված անձը կրկին զանգահարել է իրեն, հայտնել է, որ փոխանցումն արդեն կատարվել է Գևորգ Մանուկյան տվյալներով անձի անվամբ, ավելացրել է նաև, որ հեռախոսները վերցնելու նպատակով առաքիչն արդեն գտնվում է Երևան քաղաքի Խորենացի Նար-Դոս փողոցների խաչմերուկում, ուստի անհրաժեշտ է հեռախոսները փոխանցել նրան։ Հեռախոսները նշված առաքիչին փոխանցելուց որոշ ժամանակ անց զանգահարել է բանկ և պարզել, որ իր հաշվեհամարին որևէ գումարի փոխանցում չի կատարվել։ Առաքիչը նման է եղել Է. Հայրապետյանին։ Երկու հեռախոսների արժեքը կազմում է 680.000 ՀՀ դրամ։ Հեռախոսներից մեկը քննիչը հայտնաբերել է, մյուսը` քննիչի հայտնած տեղեկություններով ՃԵԿ-ի հետաքննիչի մոտ է։
/դատական նիստի արձանագրություն, հատոր 6, գ.թ.189-191/
Տուժող Սամվել Սեդրակի Մարտիրոսյանի ցուցմունքներով այն մասին, որ 359093059474249 նույնականացման համարով «Սամսունգ Գալաքսի Նոտ 3» մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում 2014 թվականի կեսերին հայտարարություն է տեղադրել։ 2015 թվականի մարտի 6-ին, ժամը 16։30-ի սահմաններում, իր /055/ 72-91-05 բջջային հեռախոսահամարին /043/ 23-36-36 հեռախոսահամարից զանգահարել է մի անձ, ներկայացել Դավիթ անվամբ, հայտնել է, որ հանդիսանում է «Դավմոբայլ» հեռախոսի խանութների ցանցի սեփականատերը և ցանկություն է հայտնել 210.000 ՀՀ դրամով գնել բջջային հեռախոսը։ Վերջինս միաժամանակ պարտավորվել է հեռախոսի գումարը վճարել բանկային հաշվի միջոցով փոխանցում կատարելու եղանակով, ինչի համար խնդրել է «sms» հաղորդագրության միջոցով ուղարկել որևէ բանկային հաշվեհամար, ինչն էլ իր կողմից կատարվել է։ Պայմանավորվածության համաձայն` 2015 թվականի մարտի 6-ին, ժամը 17։30-ի սահմաններում, Երևան քաղաքի Կոմիտաս պողոտայի թիվ 60 շենքի մոտ հանդիպել է Դավիթ անունով ներկայացածի կողմից ուղարկված անձին, ով եկել է «Մերսեդես Բենց» մակնիշի, 34 DR 518 պետհամարանիշի ավտոմեքենայով։ Դավիթի ասելով բջջային հեռախոսը փոխանցել է նրան, սակայն վերջինս հեռախոսի վաճառքի գումարը չի փոխանցել հաշվեհամարին։
/դատական նիստի արձանագրություն, հատոր 1, գ.թ. 21-23, 33/
Տուժող Ռոբերտ Աշոտի Հակոբյանի ցուցմունքներով այն մասին, որ «Epson-1410Ս» մոդելի թվով 2 տպիչները վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի մարտին հայտարարություն է տեղադրել։ 2015 թվականի մարտի 26-ին, ժամը 10։30-ի սահմաններում, իր /055/ 45-11-00 բջջային հեռախոսահամարին /043/ 23-36-36 հեռախոսահամարից զանգահարել է մի անձ, ներկայացել Գևորգ անվամբ և ցանկություն հայտնել 560.000 ՀՀ դրամով գնել տպիչները։ Վերջինս միաժամանակ պարտավորվել է տպիչների գումարը վճարել բանկային հաշվի միջոցով փոխանցում կատարելու եղանակով, ինչի համար խնդրել է «sms» հաղորդագրության միջոցով ուղարկել որևէ բանկային հաշվեհամար, ինչն էլ իր կողմից կատարվել է։ Դրանից հետո Գևորգ անունով ներկայացած անձը զանգահարել է իրեն, հայտնել, որ գումարը փոխանցել է «Procredit» բանկով և ավելացրել, որ կուղարկի իր առաքիչին, որպեսզի վերցնի տպիչները։ Պայմանավորվածության համաձայն, 2015 թվականի մարտի 26-ին, Երևան քաղաքի Ադոնցի փողոցի թիվ 13 շենքի մոտ իր եղբայր Արամ Հակոբյանը հանդիպել է Գևորգ անունով ներկայացած անձի կողմից ուղարկված առաքիչի հետ, ով եկել է «Opel Zafira» մակնիշի, 34 NA 386 պետհամարանիշի ավտոմեքենայով և տպիչները փոխանցել նրան, սակայն Գևորգ անունով ներկայացած անձը տպիչների վաճառքի գումարը` 560.000 ՀՀ դրամը, չի փոխանացել հաշվեհամարին։ Թեև համացանցի համապատասխան կայքում որպես տպիչների վաճառքի գին նշել է 560.000 ՀՀ դրամ, սակայն հանցագործությամբ իրեն պատճառվել է 480.000 ՀՀ դրամի գույքային վնաս։
/դատական նիստի արձանագրություն, հատոր 1, գ.թ. 238-239/
Տուժող Ռուբեն Աղասու Արմենակյանի ցուցմունքներով այն մասին, որ 352945060378361 նույնականացման համարով «Sony Xperia Z2» պլանշետը վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի հունվարին հայտարարություն է տեղադրել և որպես կոնտակտային հեռախոսահամար նշել է իր զարմիկ Կարեն Ներսիսյանի /091/ 02-06-00 հեռախոսահամարը։ 2015 թվականի ապրիլի 10-ին, ժամը 10։00-ի սահմաններում, Կարեն Ներսիսյանի նշված հեռախոսահամարին /091/ 66-15-68 հեռախոսահամարից զանգահարել է մի անձ, ներկայացել Գևորգ անվամբ, հայտնել, որ հանդիսանում է «Գև Կոմպյուտերս» ընկերության տնօրենը և ցանկություն հայտնել 240.000 ՀՀ դրամով, բանկային հաշվի միջոցով գումարի փոխանցում կատարելու եղանակով գնել պլանշետը։ Նույն օրը, ժամը 12։00-ի սահմաններում, Կարեն Ներսիսյանը Երևան քաղաքի Հր. Քոչար փողոցի սկզբնամասում հանդիպել է Գևորգի կողմից ուղարկված անձի` Սոս Մանուկյանի հետ և պլանշետը փոխանցել նրան, սակայն Գևորգ անունով ներկայացած անձը գումարը չի փոխանացել հաշվեհամարին, ինչի արդյունքում իրեն պատճառվել է զգալի չափի գույքային վնաս։
/դատական նիստի արձանագրություն, հատոր 2, գ.թ. 132-134/
Տուժող Էլիզաբեթ Էդուարդի Ղուկասյանի ցուցմունքներով այն մասին, որ «Sony Xperia T2 ultra» մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի մարտի 7-ին հայտարարություն է տեղադրել։ Նույն օրը, ժամը 16։25-ի սահմաններում, /043/ 23-36-36 հեռախոսահամարից իրեն է զանգահարել մի անձ, ներկայացել է որպես Դավիթ, հայտնել է, որ հանդիսանում է «mobile centre» ընկերության աշխատակից և ցանկություն հայտնել 239.000 ՀՀ դրամով, բանկային հաշվի միջոցով գումարի փոխանցում կատարելու եղանակով գնել հեռախոսը։ Դավիթ անունով ներկայացած անձը հայտնել է, որ գտնվում է Մեղրի քաղաքում և խնդրել է գումարը փոխանցելու համար իրեն ուղարկել բանկային հաշվեհամար։ Այդ նպատակով «sms» հաղորդագրության միջոցով նրան է ուղարկել իր ընկերուհի Արուս Քոչինյանի հաշվեհամարը, որից հետո նա կրկին զանգահարել է իրեն և հայտնել, որ գումարը փոխանցել է «No 016423755 Pro-credit online banking» համակարգով «Դավիթ Մինասյան» տվյալներով։ Նույն օրը, ժամը 18։00-ի սահմաններում, Դավիթ անունով ներկայացած անձի կողմից ուղարկված առաքիչը Երևան քաղաքի Պ. Սևակ փողոցի թիվ 1/2 շենքի բակից իրենից վերցրել է նշված հեռախոսը, սակայն Դավիթ անունով ներկայացած անձը գումարը չի փոխանացել հաշվեհամարին։ Հեռախոսի արժեքը կազմել է շուրջ 200.000 ՀՀ դրամ։ Առաքիչը ստացել է հեռախոսը, ասել է, որ ճանաչում է Դավիթին, իսկ նրան պատկանող հեռախոսների վաճառքի կետը գտնվում է Սասունցի Դավիթ կայարանում։
/դատական նիստի արձանագրություն, հատոր 4, գ.թ. 135-138, 140/
Տուժող Սերգեյ Ռոբերտի Յարմալոյանի ցուցմունքներով այն մասին, որ «Սամսունգ Սմարթ» մոդելի հեռուստացույցը վաճառելու վերաբերյալ իր կողմից համացանցի «Լիստ էյէմ» /«List. am»/ կայքում տեղադրած հայտարարության հիման վրա 2015 թվականի մարտի 12-ին /055/ 12-70-01 հեռախոսահամարից իրեն է զանգահարել մի անձ, ներկայացել է որպես է «Գևմոբայլ» Ա/Ձ-ի տնօրեն Գևորգ և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հեռուստացույցը, ինչի համար իրեն խնդրել է «sms» հաղորդագրության միջոցով ուղարկել իր բանկային հաշվեհամարը։ Նույն օրն իրենց բնակարան է այցելել Էդգար Յայլոյան տվյալներով մի անձ, ներկայացել որպես «Գևմոբայլ» ընկերության աշխատակից և «Մերսեդես Բենց» մակնիշի 34 LV 047 պետհամարանիշի տաքսի ավտոմեքենայով տարել հեռաուստացույցը, ակայն գումարը չի փոխանցվել իր հաշվեհամարին։ Հեռուստացույցի արժեքը կազմել է 410.000 ՀՀ դրամ։
/դատական նիստի արձանագրություն, հատոր 5, գ.թ. 217-219/
Տուժող Գէորգ Գարգուրի Պուտագեանի ցուցմունքներով այն մասին, որ իրեն պատկանող «Ipad Air2» մոդելի պլանշետ համակարգիչը վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի ապրիլի 7-ին հայտարարություն է տեղադրել։ Նույն օրը, ժամը 16.30-ի սահմաններում, /091/ 66-15-68 հեռախոսահամարից զանգահարել է մի անձ, ներկայացել է որպես Գևորգ Մանուկյան, հայտնել է, որ 3-րդ մասում հեռախոսների խանութ ունի և ցանկություն է հայտնել 270.000 ՀՀ դրամով, բանկային հաշվի միջոցով գումարի փոխանցում կատարելու եղանակով գնել նշված համակարգիչը։ Ավելացրել է նաև, որ երեկոյան ժամը 19։00-ի սահմաններում, իր առաքիչը կմոտենա և կվերցնի համակարգիչը։ Դրանից հետո, գումարը հաշվեհամարին փոխանցելու նպատակով, «sms» հաղորդագրության միջոցով, իր բանկային հաշվեհամարն ուղարկել է նրան։ Ժամը 17։24-ին Գևորգ Մանուկյանն իրեն տեղեկացրել է, որ գումարն արդեն փոխանցվել է։ Այնուհետև Գևորգի խնդրանքով մոտեցել է Տիգրան Մեծ պողոտայում գտնվող պիցցերիայի մոտ իրեն սպասող, «Նիսսան» մակնիշի, սպիտակ գույնի, 34 CU 093 պետհամարանիշի ավտոմեքենային և համակարգիչը փոխանցել է վարորդին, սակայն գումարը չի փոխանցվել հաշվեհամարին։
/դատական նիստի արձանագրություն, հատոր 7, գ.թ. 56-58/
Տուժող Նելլի Արմենի Պողոսյանի ցուցմունքներով այն մասին, որ իրեն պատկանող «Iphone 6» մոդելի բջջային հեռախոսը 370.000 ՀՀ դրամով վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի ապրիլի 2-ին հայտարարություն է տեղադրել։ 2015 թվականի ապրիլի 3-ին, ժամը 10։00-ի սահմաններում, /091/ 66-15-68 հեռախոսահամարից զանգահարել է մի անձ, ներկայացել է որպես Գևորգ, հետաքրքրվել հեռախոսով և ցանկություն հայտնել 370.000 ՀՀ դրամով, բանկային հաշվի միջոցով գումարի փոխանցում կատարելու եղանակով գնել այն։ Գումարը հաշվեհամարին փոխանցելու նպատակով «sms» հաղորդագրության միջոցով նրան է ուղարկել իր բանկային հաշվեհամարը, իսկ նույն օրը, ժամը 13։30-ի սահմաններում, Երևան քաղաքի Մաշտոցի պողոտայում գտնվող «Մալիբու» սրճարանի մոտ, Գևորգ անունով ներկայացած առաքիչին հանձնել է բջջային հեռախոսը։ Այնուհետև մի քանի անգամ ստուգելով հաշվեհամարը` պարզել է, որ գումարը չի փոխանցվել։
/դատական նիստի արձանագրություն, հատոր 9, գ.թ. 61-64/
Տուժող Ալինա Սարգսի Շիբոյանի ցուցմունքներով այն մասին, որ իրեն պատկանող «Iphone 5S» բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի մարտի 27-ին հայտարարություն է տեղադրել։ Նույն օրը, ժամը 15։00-ի սահմաններում, /041/ 74-44-44 հեռախոսահամարից զանգահարել է մի անձ, ներկայացել է որպես Գևորգ, հետաքրքրվել է հեռախոսով և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել այն, սակայն վաճառքի շուրջ պայմանավորվածություն ձեռք չեն բերել։ Նույն թվականի ապրիլի 6-ին իրեն կրկին զանգահարել է Գևորգը /091/ 66-15-68 հեռախոսահամարից և պայմանավորվել 250.000 ՀՀ դրամով գնել հեռախոսը։ Գումարը հաշվեհամարին փոխանցելու նպատակով իր բանկային հաշվեհամարը «sms» հաղորդագրության միջոցով ուղարկել է նրան, որից հետո Գևորգի առաքիչը «Օպել» մակնիշի ավտոմեքենայով եկել է Երևան քաղաքի Սպենդիարյան 5 հասցե, որտեղ նշված հեռախոսը փոխանցել է նրան։ Այնուհետև մի քանի անգամ ստուգելով հաշվեհամարը` պարզել է, որ փոխանցում չի կատարվել։
Ամբաստանյալ Է. Հայրապետյանը շատ նման է այն անձին, ում տվել է հեռախոսը։ Իր կողմից շահագործվող 055-35-35-12 հեռախոսահամարին որպես Գևորգ ներկայացած անձը զանգահարել է 091-66-15-68, 047-74-44-44 և 043-23-36-36 հեռախոսահամարներից։
/դատական նիստի արձանագրություն, հատոր 9, գ.թ. 70-73/
Տուժող Կարեն Զորիկի Զիլֆյանի ցուցմունքներով այն մասին, որ իրեն պատկանող «Sony Xperia Z3 Dual» մոդելի բջջային հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի ապրիլին հայտարարություն է տեղադրել։ 2015 թվականի ապրիլի 6-ին, ժամը 11։00-ի սահմաններում, /091/ 66-15-68 հեռախոսահամարից զանգահարել է մի անձ, ներկայացել է որպես Գևորգ, հետաքրքրվել է հեռախոսի պարամետրերից և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել այն, ինչին համաձայնվել է։ Նույն օրը, ժամը 13։00-ի սահմաններում, Գևորգը կրկին զանգահարել է իրեն, հայտնել է, որ հեռախոսի վաճառքի գումարը փոխանցել է հաշվեհամարին, որից հետո Երևան քաղաքի Կողբացի և Պուշկին փողոցների խաչմերուկում Գևորգի կողմից ուղարկված առաքիչին փոխանցել է հեռախոսը։ Վերջինս եկել է «Opel» մակնիշի կապույտ ավտոմեքենայով։ Այնուհետև մի քանի անգամ ստուգելով իր հաշվեհամարը` պարզել է, որ գումարը չի փոխանցվել։
/դատական նիստի արձանագրություն, հատոր 9, գ.թ. 87-88/
Տուժող Արտյոմ Գագիկի Խումաշյանի ցուցմունքներով այն մասին, որ իրեն պատկանող «Ipad» մոդելի պլանշետային համակարգիչը 165.000 ՀՀ դրամով վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի ապրիլի սկզբներին հայտարարություն է տեղադրել։ 2015 թվականի ապրիլի 7-ին, ժամը 17։00-ի սահմաններում, /091/ 66-15-68 հեռախոսահամարից իրեն է զանգահարել մի անձ, ներկայացել է որպես Գևորգ, հայտնել է, որ էլեկտրոնիկայի խանութ ունի և ցանկանում է բանկային հաշվի միջոցով գումարի փոխանցում կատարելու եղանակով գնել պլանշետային համակարգիչը, ինչին համաձայնվել է։ Նույն օրը, ժամը 18։00-ի սահմաններում, Գևորգը կրկին զանգահարել է իրեն, հայտնել է, որ հեռախոսի վաճառքի գումարը փոխանցել է հաշվեհամարին։ Դրանից հետո մետրոպոլիտենի «Շենգավիթ» կայարանի մոտ նշված պլանշետը փոխանցել է Գևորգի` «Nissan Note» մակնիշի 34 CU 093 պետհամարանիշի ավտոմեքենայով եկած առաքիչին։ Այնուհետև մի քանի անգամ ստուգելով հաշվեհամարը` պարզել է, որ գումարը չի փոխանցվել։
/դատական նիստի արձանագրություն, հատոր 9, գ.թ. 82-84/
Տուժող Էրիկ Դավիթի Աբգարյանի ցուցմունքներով այն մասին, որ իրեն պատկանող «Samsung Galaxy Note 4» մոդելի բջջային հեռախոսը 320.000 ՀՀ դրամով վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի մայիսի սկզբներին հայտարարություն է տեղադրել։ 2015 թվականի մայիսի 16-ին /098/ 62-58-25 հեռախոսահամարից իրեն է զանգահարել մի անձ, ներկայացել է որպես Արթուր, հետաքրքրվել է հեռախոսով և ցանկություն է հայտնել գնել այն` գումարը նույն օրը երեկոյան վճարելու պայմանով, ինչին համաձայնել է։ Դրանից երկու ժամ անց Արթուրը կրկին զանգահարել է իրեն, հայտնել է, որ իր առաքիչը «Nissan Teana» մակնիշի 34 ZF 007 պետհամարանիշի ավտոմեքենայով գտնվում է իրենց` Երևան քաղաքի Սաֆարյան փողոցի թիվ 6 շենքի բակում, ինչից հետո Արթուրի ուղարկած Դավիթ անունով առաքիչին հանձնել է հեռախոսը։ Այնուհետև Արթուր անունով ներկայացած անձը տարբեր պատճառաբանություններով չի վճարել գումարը, իսկ հետագայում անջատել է հեռախոսը։
/դատական նիստի արձանագրություն, հատոր 10, գ.թ. 172-174/
Տուժող Վահագն Վարուժանի Սեդրակյանի ցուցմունքներով այն մասին, որ իրեն պատկանող «Մայքրոսոֆթ Սարֆեյս» մոդելի պլանշետ-համակարգիչը վաճառելու վերաբերյալ համացանցի «Լիստ էյէմ» /«List. am»/ կայքում 2014 թվականի նոյեմբերից հայտարարություն է տեղադրել։ 2015 թվականի մայիսի 1-ին /043/ 05-93-67 հեռախոսահամարից իրեն է զանգահարել մի անձ, ներկայացել Արթուր Հակոբյան անուն-ազգանվամբ և հայտնել, որ հանդիսանում է «Արթ Էլեկտրոնիքս» խանութի սեփականատերը։ Վերջինս ցանկություն է հայտնել գնել հիշյալ պլանշետային համակարգիչը բանկային հաշվի միջոցով գումարի փոխանցում կատարելու եղանակով։ Այնուհետև «sms» հաղորդագրության միջոցով նրան է ուղարկել իր բանկային հաշվեհամարը։ Նույն օրը, ժամը 16։00-ի սահմաններում, Արթուրը կրկին զանգահարել է իրեն և հայտնել, որ առաքիչը Երևան քաղաքի Թումանյան և Փարպեցի փողոցների խաչմերուկում սպասում է իրեն, ինչի համար գնացել է նշված վայր, որտեղ իրեն է մոտեցել «Օպել» մակնիշի, 34 CO 726 պետհամարանիշի ավտոմեքենայով մի երիտասարդ, վերցրել համակարգիչը և հեռացել։ Դրանից հետո Արթուր Հակոբյան ներկայացած անձը խաբել է իրեն և գումարը չի փոխանցել հաշվեհամարին։
/դատական նիստի արձանագրություն, հատոր 13, գ.թ. 28-29/
Տուժող Տանյա Քրիստափորի Սողոմոնյանի ցուցմունքներով այն մասին, որ իրեն պատկանող «Iphone 5S» մոդելի բջջային հեռախոսը 300.000 ՀՀ դրամով վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի մայիսի 3-ին հայտարարություն է տեղադրել։ 2015 թվականի մայիսի 4-ին /043/ 05-93-67 հեռախոսահամարից իրեն զանգահարել մի անձ, ներկայացել է որպես Կարեն Մանուկյան և հայտնել, որ հանդիսանում է «Կարեն Էլեկտրոնիքս» խանութի տնօրենը։ Վերջինս ցանկություն է հայտնել գնել հիշյալ հեռախոսը` բանկային հաշվի միջոցով գումարի փոխանցում կատարելու եղանակով։ Այնուհետև «sms» հաղորդագրության միջոցով նրան է ուղարկել իր բանկային հաշվեհամարը։ Դրանից հետո «Օպել» մակնիշի 15 ՕՕ 873 պետհամարանիշի ավտոմեքենայով իր աշխատավայր է եկել առաքիչ Ռոբը և վերցրել հեռախոսը, իսկ Կարենն ասել է, թե գումարն արդեն փոխանցել է հաշվեհամարին։ Դրանից հետո Կարեն Մանուկյան ներկայացած անձը խաբել է իրեն և գումարը չի փոխանցել իր հաշվեհամարին։
/դատական նիստի արձանագրություն, հատոր 13, գ.թ. 180-181/
Տուժող Սուսաննա Խաչատուրի Խաչատրյանի ցուցմունքներով այն մասին, որ իրեն պատկանող «Iphone 6+» մոդելի բջջային հեռախոսը 390.000 ՀՀ դրամով վաճառելու վերաբերյալ համացանցի «List.am» կայքում 2015 թվականի հուլիսի 12-ին հայտարարություն է տեղադրել։ 2015 թվականի հուլիսի 14-ին, ժամը 12։00-ի սահմաններում, /055/ 46-53-21 հեռախոսահամարից մի անձ զանգահարել է իրեն, ներկայացել է որպես «Արմ Էլեկտրոնիքս» խանութի տնօրեն Արմեն Պետրոսյան և ցանկություն է հայտնել գնել հիշյալ հեռախոսը` բանկային հաշվի միջոցով գումարի փոխանցում կատարելու եղանակով։ Այնուհետև «sms» հաղորդագրության միջոցով նրան է ուղարկել ամուսնու բանկային հաշվեհամարը։ Նույն օրը, ժամը 13։00-ի սահմաններում, Արմեն Պետրոսյանի առաքիչ ներկայացած Վիգեն անունով անձը «Օպել Աստրա» մակնիշի 34 SR 530 պետհամարանիշի ավտոմեքենայով մոտեցել է Երևան քաղաքի Նոր Նորքի 4-րդ զանգվածում գտնվող «Ծիածան» խանութի մոտ և վերցրել հեռախոսը, իսկ Արմեն Պետրոսյանն ասել է, թե գումարն արդեն փոխանցել է հաշվեհամարին, սակայն ստուգելով այն` պարզել է, որ փոխանցում չի կատարվել։
/դատական նիստի արձանագրություն, հատոր 14, գ.թ. 151-153/
Տուժող Վաչե Ալբերտի Ստեփանյանի նախաքննական ցուցմունքով այն մասին, որ «Macbook Pro ME 662LL/A» մոդելի դյուրակիր համակարգիչը վաճառելու վերաբերյալ համացանցի «Լիստ էյէմ» /«List. am»/ կայքում 2014 թվականի սեպտեմբերին հայտարարություն է տեղադրել։ 2015 թվականի հունվարի 20-ին, ժամը 16։30-ի սահմաններում, /041/ 74-44-44 հեռախոսահամարից իրեն է զանգահարել մի անձ, ներկայացել Արթուր անվամբ և ցանկություն հայտնել 670.000 ՀՀ դրամին համարժեք 1.370 ԱՄՆ դոլարով, բանկային հաշվի միջոցով գումարի փոխանցում կատարելու եղանակով գնել այն, ինչի համար իրեն խնդրել է փոխանցել բանկային հաշվեհամար, որից հետո գումարը կփոխանցի հաշվեհամարին, իսկ նրա առաքիչը կվերցնի համակարգիչը։ Նույն օրը, ժամը 19։30-ի սահմաններում, իրեն է զանգահարել մի անձ, ներկայացել է որպես Կարեն Սողոմոնյան և Արթուրի առաքիչ` հայտնելով, որ «Շեվրոլե» մոդելի, 34 VA 284 պետհամարանիշի ավտոմեքենայով գտնվում է Դավթաշեն թաղամասում գործող «Երևան Սիթի» հանրախանութի մոտ, որտեղ նրան փոխանցել է նշված համակարգիչը։ Դրանից հետո զանգահարել է ոմն Արթուրին և տեղեկացել, որ արդեն գումարը փոխանցված է հաշվեհամարին և վերջինիցս «sms» հաղորդագրության միջոցով ստացել է գումարի փոխանցման անդորրագրի կտրոնը, սակայն ստուգելով հաշվեհամարը` հասկացել է, որ գումարը չի փոխանցվել։
/դատական նիստի արձանագրություն, հատոր 5, գ.թ. 55-57/
Տուժող Միհրան Հովհաննեսի Շիշյանի նախաքննական ցուցմունքներով այն մասին, որ իր 356983067265824 նույնականացման համարով «Iphone 6» մոդելի բջջային հեռախոսը վաճառելու վերաբերյալ համացանցի «List.am» կայքում 2015 թվականի մարտի 15-ին հայտարարություն է տեղադրել։ Հաջորդ օրը` 2015 թվականի մարտի 16-ին, ժամը 10։00-ի սահմաններում, /055/ 12-70-01 հեռախոսահամարից իրեն է զանգահարել մի անձ, ներկայացել Գևորգ անվամբ, հայտնել, որ հանդիսանում է հեռախոսի խանութների ցանցի սեփականատեր և ցանկություն է հայտնել 360.000 ՀՀ դրամ գումարով գնել նշված բջջային հեռախոսը։ Վերջինս միաժամանակ պարտավորվել է հեռախոսի գումարը վճարել բանկային հաշվի միջոցով գումարի փոխանցում կատարելու եղանակով, ինչի համար խնդրել է «sms» հաղորդագրության միջոցով ուղարկել որևէ բանկային հաշվեհամար, ինչն էլ իր կողմից կատարվել է։ Դրանից մի քանի րոպե անց Գևորգ անունով ներկայացած անձը զանգահարել է իրեն և հայտնել, որ գումարը փոխանցել է «Procredit» բանկի «Online Banking» համակարգով և «sms» հաղորդագրության միջոցով փոխանցել անդորրագրի համարը։ Պայմանավորվածության համաձայն` նույն օրը, Արաբկիր 21 փողոցի թիվ 1 շենքի բակում հանդիպել է Գևորգ անունով ներակայացած անձի առաքիչին, ով եկել է «Opel Astra G» մակնիշի 33 LS 899 համարանիշի ավտոմեքենայով և նրան է փոխանցել բջջային հեռախոսը, սակայն Գևորգի կողմից հեռախոսի վաճառքի գումարը՝ 360.000 ՀՀ դրամը չի փոխանացել հաշվեհամարին։
Առաքիչ ներկայացած անձն օգտագործել է /094/ 02-02-58 հեռախոսահամարը։
/դատական նիստի արձանագրություն, հատոր 1, գ.թ. 144-146, հատոր 2, գ.թ. 62/
Տուժող Հայկ Հովհաննեսի Պարտիզպանյանի նախաքննական ցուցմունքով այն մասին, որ իրեն պատկանող «Iphone 6» մոդելի բջջային հեռախոսները վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի ապրիլին հայտարարություն է տեղադրել։ 2015 թվականի ապրիլի 29-ին, ժամը 13։00-ի սահմաններում, /093/ 15-27-84 հեռախոսահամարից իրեն է զանգահարել մի անձ, ներկայացել է որպես «Արտ Մոբայլ» խանութի տնօրեն, հայտնել է, որ անուն Արթուր է և ցանկություն է հայտնել յուրաքանչյուրը 780 ԱՄՆ դոլարով, բանկային փոխանցման միջոցով գնել 3 հատ «Iphone 6» մոդելի բջջային հեռախոսները։ Պայմանավորվածության համաձայն` նույն օրը, ժամը 15։30-ի սահմաններում, Երևան քաղաքի Բաղրամյան փողոցում գործող «SAS» հանրախանութի մոտ, հիշյալ հեռախոսները փոխանցել է Արթուրի կողմից ուղարկված անձին։ Այնուհետև, կրկին զանգահարել է Արթուրը և ցանկություն հայտնել նույն եղանակով գնել ևս 3 հատ «Iphone 6» մոդելի բջջային հեռախոս, ինչի համար նույն օրը, ժամը 20։30 սահմաններում, Երևան քաղաքի Իսահակյան փողոցում գործող «SAS» հանրախանութի մոտ, այդ հեռախոսները փոխանցել է Արթուրի կողմից ուղարկած անձին։ Դրանից հետո Արթուրը նշված բջջային հեռախոսների գումարը չի փոխանցել հաշվեհամարին և խաբեությամբ հափշտակել է դրանք։
/դատական նիստի արձանագրություն, հատոր 12, գ.թ.14-15/
Տուժող Դավիթ Հրաչյայի Կնյազյանի նախաքննական ցուցմունքով այն մասին, որ իրեն պատկանող «Core I 7» մոդելի համակարգիչն իր բաղկացուցիչ մասերով վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի մայիսին հայտարարություն է տեղադրել։ Նույն թվականի մայիսի 27-ին իր /099/ 02-01-08 հեռախոսահամարին /055/ 46-53-21 հեռախոսահամարից զանգահարել է մի անձ, ներկայացել է Արթուր անվամբ և հայտնել, որ հանդիսանում է «Արտ Էլեկտրոնիքս» ընկերության ներկայացուցիչը։ Վերջինս ցանկություն է հայտնել 1.700.000 ՀՀ դրամով, բանկային հաշվի միջոցով գումարի փոխանցում կատարելու եղանակով գնել հիշյալ համակարգիչը։ Այնուհետև «sms» հաղորդագրության միջոցով նրան է ուղարկել իր բանկային հաշվեհամարը։ Նույն օրը` ժամը 14։00-ի սահմաններում, «Մերսեդես Բենց» մակնիշի 34 ZC 741 համարանիշի ավտոմեքենայով Երևան քաղաքի Արզումանյան փողոցի թիվ 19 շենքի բակում Արթուրի առաքիչը վերցրել է համակարգիչը, իսկ Արթուրն ասել է, թե գումարն արդեն փոխանցել է հաշվեհամարին, սակայն ստուգելով հաշվեհամարը` պարզել է, որ փոխանցումը չի կատարվել։
/դատական նիստի արձանագրություն, հատոր 15, գ.թ. 32-34/
Տուժող Սարգիս Աշոտի Եղիազարյանի նախաքննական ցուցմունքով այն մասին, որ իրեն պատկանող «LAUNCH X-431 5» և «LAUNCH X-431 4» դիագնոստիկ սարքերը վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի մայիսի 20-ին հայտարարություն է տեղադրել։ 2015 թվականի մայիսի 29-ին, ժամը 13։00-ի սահմաններում, /055/ 46-53-21 հեռախոսահամարից իրեն է զանգահարել մի անձ, ներկայացել Կարեն անվամբ, հետաքրքրվել դիագնոստիկ սարքերի վերաբերյալ և ցանկություն հայտնել 1.250.000 ՀՀ դրամին համարժեք 3.000 ԱՄՆ դոլարով, բանկային հաշվի միջոցով գումարի փոխանցում կատարելու եղանակով գնել երկու սարքերը` ասելով, որ գումարը հաշվեհամարին կփոխանցվի նույն օրը ժամը 14։00-ից հետո։ Ավելացրել է նաև, որ ունի էլեկտրոնիկայի խանութ և իր վարորդը կմոտենա և կվերցնի սարքերը։ Գումարը հաշվեհամարին փոխանցելու նպատակով «sms» հաղորդագրության միջոցով նրան է ուղարկել իր բանկային հաշվեհամարը, իսկ նույն օրն Ավան թաղամասում գտնվող «Երևան Սիթի» հանրախանութի մոտ նշված սարքերը տվել է Կարենի վարորդին, ով եկել է «Nissan Teana» մակնիշի, սպիտակ ավտոմեքենայով։ Այնուհետև մի քանի անգամ ստուգելով իր հաշվեհամարը` պարզել է, որ որևէ գումար չի փոխանցվել։
/դատական նիստի արձանագրություն, հատոր 8, գ.թ. 27-30/
Տուժող Արսեն Գեղամի Ներսեսյանի նախաքննական ցուցմունքով այն մասին, որ իրեն պատկանող «Falcon BLX-8» մոդելի ատամնաբուժական ռենտգեն ապարատը 600.000 ՀՀ դրամով վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի հունիսին հայտարարություն է տեղադրել։ 2015 թվականի հուլիսի 13-ին, ժամը 11։40-ի սահմաններում, իր /091/ 56-12-42 հեռախոսահամարին /055/ 46-53-21 հեռախոսահամարից զանգահարել է մի անձ, ներկայացել է որպես «Այ Էլեկտրոնիքս» խանութի տնօրեն և հայտնել, որ ցանկանում է գնել հիշյալ ապարատը բանկային հաշվի միջոցով գումարի փոխանցում կատարելու եղանակով։ Այնուհետև իր բանկային հաշվեհամարը «sms» հաղորդագրության միջոցով ուղարկել է նրան, որից հետո Երևան քաղաքի Մարգարյան 10/3 հասցեում իրեն է մոտեցել «Շկոդա Օկտավիա» 24 OL 031 պետհամարանիշի ավտոմեքենայով մի երիտասարդ և ռենտգեն ապարատը պատվիրատուի ասելով փոխանցել է նրան, սակայն գումարը չի փոխանցվել իր հաշվեհամարին։
/դատական նիստի արձանագրություն, հատոր 11, գ.թ. 46-48/
Տուժող Գոռ Հենրիկի Հովհաննիսյանի նախաքննական ցուցմունքով այն մասին, որ «Iphone6+» հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում իր կողմից տեղադրված հայտարարության հիման վրա 2015 թվականի ապրիլի 13-ին /091/ 66-15-68 հեռախոսահամարից իրեն զանգահարել է մի անձ, ներկայացել է որպես «Գևէլեկտրոնիքս» ընկերության նախագահ Գևորգ Մանուկյան և ցանկություն է հայտնել 500.000 ՀՀ դրամով, բանկային հաշվի միջոցով գումարի փոխանցում կատարելու եղանակով գնել այն։ Դրա համար իրեն խնդրել է փոխանցել բանկային հաշվեհամար և ասել, որ գումարը կփոխանցի հաշվեհամարին, իսկ նրա առաքիչը կվերցնի հեռախոսը։ Նույն օրը Երևան քաղաքի Մարգարյան փողոցում գտնվող «Կայզեր» հանրախանութի մոտից նրա առաքիչ ներկայացած անձն իրենից վերցրել է հեռախոսը, սակայն գումարը չի փոխանցվել հաշվեհամարին։
/դատական նիստի արձանագրություն, հատոր 5, գ.թ. 177-178/
Տուժող Մարտին Տիգրանի Ամիրաղյանի նախաքննական ցուցմունքով այն մասին, որ իրեն պատկանող «Samsung Galaxy Alfa» մոդելի բջջային հեռախոսը 180.000 ՀՀ դրամով վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի ապրիլի 10-ին հայտարարություն է տեղադրել։ 2015 թվականի ապրիլի 11-ին /091/ 66-15-68 հեռախոսահամարից իրեն զանգահարել է մի անձ, ներկայացել է որպես Գևորգ Մանուկյան, հայտնել է, որ հեռախոսների խանութների ցանց ունի և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել հեռախոսը` պատճառաբանելով, որ գտնվում է Մեղրի քաղաքի սահմանային անցակետում և չի կարող կանխիկ վճարել գումարը, ինչին համաձայնել է։ Դրանից հետո Գևորգը կրկին զանգահարել է իրեն և հայտնել, որ մինչ փոխանցումը կկատարվի, իր առաքիչը կմոտենա և կվերցնի հեռախոսը։ Դրանից հետո գնացել է Երևան քաղաքի Աբովյան փողոցում գտնվող «Հ3» հեռուստաընկերության մոտ և հեռախոսը փոխանցել Գևորգի առաքիչին, ով եկել է «Nissan Teana» մակնիշի 34 VV 560 պետհամարանիշի ավտոմեքենայով։ Այնուհետև, Գևորգ անվամբ ներկայացած անձը տարբեր պատճառաբանություններով չի վճարել գումարը, իսկ հետագայում անջատել է հեռախոսը։
/դատական նիստի արձանագրություն, հատոր 10, գ.թ. 16-18/
Վկա Կարեն Մանուկի Կիրակոսյանի ցուցմունքներով այն մասին, որ 2015 թվականի մարտի 6-ին իր հայր Մանուկ Կիրակոսյանը զանգահարել է իրեն և հայտնել, որ իրենց տուն կգան երկու հոգի, կթողնեն անձնագիր և կվերցնեն «Iphone 6+» մոդելի բջջային հեռախոսը։ Դրանից հետո դուրս է եկել տնից և փողոցում իրեն են մոտեցել երկու երիտասարդ տղաներ, որոնց էլ փոխանցել է նշված հեռախոսը։ Այնուհետև հորից տեղեկացել է, որ այդ անձինք խաբեությամբ հափշտակել են հեռախոսը։
/դատական նիստի արձանագրություն, հատոր 20, գ.թ. 12-14/
Վկա Աշոտ Թովմասի Մովսիսյանի ցուցմունքներով այն մասին, որ փաստացի իր կողմից օգտագործվող «Մերսեդես Բենց» մակնիշի 34 CT 859 պետհամարանիշի ավտոմեքենայով տարբեր ծառայություններ մատուցելու վերաբերյալ համացանցի «Լիստ էյէմ» /«List. am»/ կայքում 2015 թվականի ապրիլին հայտարարություն է տեղադրել։ 2015 թվականի ապրիլի 29-ին, ժամը 13։00-ի սահմաններում, /093/ 15-27-84 հեռախոսահամարից Արթուր անունով մի անձ զանգահարել է իրեն, ներկայացել որպես «Արտ Մոբայլ» խանութի տնօրեն և հայտնել, որ գտնվում է քաղաքից դուրս, իսկ իր առաքիչները տեղում չեն, ինչի համար պատվիրել է մի քանի հեռախոսներ վերցնել մի վայրից և տեղափոխել իրենց կենտրոններ։ Այդ նպատակով, նույն օրը, ժամը 15։40-ի սահմաններում գնացել է Երևան քաղաքի Բաղրամյան փողոցում գործող «SAS» հանրախանութի մոտ, որտեղ իրեն է մոտեցել մի անձ և փոխանցել 3 հատ «Iphone 6» մոդելի բջջային հեռախոսներ։ Այնուհետև, Արթուրի պատվերով գնացել է հեռախոսի վաճառքի մի շարք կենտրոններ, որտեղ չեն համաձայնել գնել հեռախոսները, իսկ դրանից հետո կրկին Արթուրի պատվերով գնացել է Երևան քաղաքի Կորյուն-Տերյան փողոցների խաչմերուկ, որտեղ իրեն է մոտեցել մի տղա, վերցրել հեռախոսները և իրեն տվել 20.000 ՀՀ դրամ` որպես մատուցած ծառայությունների վճար։
/դատական նիստի արձանագրություն, հատոր 12, գ.թ. 32-35/
Վկա Մհեր Մանվելի Հակոբյանի ցուցմունքներով այն մասին, որ փաստացի իր կողմից օգտագործվող «Ֆոլքսվագեն Պասսատ» մակնիշի 71 DF 700 պետհամարանիշի ավտոմեքենայով վարորդ աշխատելու վերաբերյալ համացանցի «Լիստ էյէմ» /«List. am»/ կայքում 2015 թվականի ապրիլին հայտարարություն է տեղադրել։ 2015 թվականի ապրիլի վերջերին /093/15-27-84 հեռախոսահամարից մի անձ զանգահարել է իրեն, ներկայացել որպես ինչ-որ խանութի տնօրեն և հայտնել, որ իրենց վարորդները ծանրաբեռնված են, ինչի համար պատվիրել է մի քանի հեռախոսներ վերցնել մի վայրից և տեղափոխել իրենց կենտրոններ։ Այդ նպատակով, նույն օրը, երեկոյան, նշված ավտոմեքենայով գնացել է Երևան քաղաքի Իսահակյան փողոցում գործող «SAS» հանրախանութի մոտ, որտեղ իրեն են մոտեցել երկու անծանոթ երիտասարդներ, որոնցից մեկն իրեն է փոխանցել երեք հատ «Iphone 6» մոդելի բջջային հեռախոսներ։ Այնուհետև, պատվիրատուի ասելով գնացել է Երևան քաղաքի Մաշտոցի պողոտայում գտնվող թիվ 2 պոլիկնիլիկայի մոտ, որտեղ իրեն է մոտեցել մի անձ, վերցրել հեռախոսներից մեկը և իրեն փոխանցել 305.000 ՀՀ դրամ։ Դրանից հետո գնացել է Երևան քաղաքի Ամիրյան փողոցում գտնվող «Վիվառո» բուքմեյքերական կետ և հեռախոսը փոխանցել օպերատորներից մեկին, որից հետո պատվիրատուի պահանջով օպերատորին է տվել 285.000 ՀՀ դրամ, իսկ 20.000 ՀՀ դրամը պահել է իրեն` որպես մատուցած ծառայությունների վարձավճար։ Այնուհետև, գնացել է Դավթաշեն թաղամասում գտնվող հեռախոսների վաճառքի մի կետ, որտեղ աշխատակցին է փոխանցել երկու բջջային հեռախոսները, դրա դիմաց ստացել 600.000 ՀՀ դրամ, որից 150.000 ՀՀ դրամը պատվիրատույի պահանջով փոխանցել է պատահական տաքսի ավտոմեքենայի վարորդին, իսկ 445.000 ՀՀ դրամը տվել է Դավթաշեն թաղամասում գտնվող «Վիվառո» բուքմեյքերական կետի աշխատակցին` իրեն պահելով մնացած 5.000 ՀՀ դրամը` որպես վարձավճար։
/դատական նիստի արձանագրություն, հատոր 12, գ.թ. 44-47/
Վկա Արթուր Ալեքսանդրի Խալաթյանի ցուցմունքներով այն մասին, որ իրեն պատկանող «LAUNCH X-431» մոդելի դիագնոստիկ սարքի վաճառքի վերաբերյալ համացանցի «Լիստ էյէմ» /«List. am»/ կայքում 2015 թվականի հունվար-փետրվար ամիսներին հայտարարություն է տեղադրել։ 2015 թվականի մայիսի 29-ին, ժամը 14։50-ին, /055/ 46-53-21 հեռախոսահամարից մի անձ զանգահարել է իրեն և առաջարկել նույն դիագնոստիկ սարքից վաճառել 1.000 ԱՄՆ դոլարով։ Վերջինիս հետ պայմանավորվել են երկու դիագնոստիկ սարքերից մեկը վաճառել 700 ԱՄՆ դոլարով, իսկ մյուսը` 250.000 ՀՀ դրամով։ Նշված դիագնոստիկ սարքերը Երևանի Բաղրամյան պողոտայում գործող «Սաս» հանրախանութի մոտ և Հր. Քոչար փողոցում իրեն է հանձնել կանաչ գույնի «Ֆոլքսվագեն» մակնիշի ավտոմեքենայի մի վարորդ, ում էլ վճարել է դրանց արժեքը։
/դատական նիստի արձանագրություն, հատոր 8, գ.թ. 44-46/
Վկա Ղուկաս Գրիգորի Համբարձումյանի ցուցմունքներով այն մասին, որ իրեն պատկանող «Նիսսան Տիանա» մակնիշի 34 FM 221 պետհամարանիշի ավտոմեքենայով կատարում է ուղևորափոխադրումներ, ինչի վերաբերյալ համացանցի «Լիստ էյէմ» /«List. am»/ կայքում հայտարարություն է տեղադրել։ 2015թ. մայիսի 29-ին, ժամը 12։00-ի սահմաններում, /055/46-53-21 հեռախոսահամարից մի անձ զանգահարել է իրեն, ներկայացել է որպես Կարեն, հայտնել է, որ հանդիսանում է էլեկտրոնիկայի խանութի սեփականատեր և խնդրել է պատվեր ընդունել դեպի Ավան թաղամասի «Երևան Սիթի» հանրախանութ` պատճառաբանելով, որ իր խանութի առաքիչները զբաղված են։ Հասնելով նշված վայր` իրեն է մոտեցել «ԲՄՎ X5» մակնիշի ավտոմեքենա, որից իջել է մի անձ, հարցրել, թե ինքն է արդյոք Կարենի վարորդը և դրական պատասխան ստանալով` իրեն է փոխանցել երկու տուփ։ Այնուհետև Կարենն իրեն պատվիրել է տուփերը տանել Նորագավիթ թաղամաս։ Երբ հասել է «Բելաջո» ռեստորանի մոտ` Կարենը կրկին զանգահարել է իրեն և պատվիրել գնալ «Հաղթանակ» զբոսայգու կամարի մոտ և այնտեղ կայանող տաքսի ավտոմեքենաների վարորդներից մեկին փոխանցել հեռախոսը։ Հասնելով տեղ` մոտեցել է զբոսայգու մոտ կայանված տաքսի ավտոմեքենաների վարորդներին և նրանցից մեկին փոխանցել է հեռախոսը։ Նշված վարորդի և Կարենի հեռախոսազրույցից հետո վերջինիս պահանջով երկու տուփերն էլ փոխանցել է տաքսու վարորդին։ Ճանապարհին Կարենը զանգահարել և ասել է, որ գումար կտա, սակայն չի տվել։
/դատական նիստի արձանագրություն, հատոր 8, գ.թ. 66-70/
Վկա Գեղամ Սիմոնի Հովհաննիսյանի ցուցմունքներով այն մասին, որ համակարգիչ գնելու վերաբերյալ 2015 թվականի փետրվարից համացանցի «Լիստ էյէմ» /«List. am»/ կայքում հայտարարություն է տեղադրել։ 2015 թվականի մայիսի 20-ից 30-ն ընկած ժամանակահատվածում իր /094/ 51-51-93 հեռախոսահամարին զանգահարել է մի անձ, ներկայացել Արթուր անունով և առաջարկել «Core I 7» մոդելի համակարգիչ։ Վերջինիս հետ պայմանավորվել են, որ համակարգիչը տեսնելուց հետո միայն գնի շուրջ համաձայնության կգան, ինչի համար համակարգիչն Արթուրն ուղարկել է Երևան քաղաքի Բագրատունյանց 36 հասցեում գործող, իր ընկերոջ կողմից շահագործվող, համակարգիչների խանութ-սրահ։ Որոշ ժամանակ անց «Մերսեդես Բենց» մակնիշի ավտոմեքենայով նշված վայր է եկել մի անձ և բերել համակարգիչը։ Այն ստուգելուց հետո Արթուրի հետ համաձայնություն է ձեռք բերել համակարգիչը գնել 500.000 ՀՀ դրամով և նշված գումարը փոխանցել է ավտոմեքենայի վարորդին։ Դրանից որոշ ժամանակ անց համակարգիչը 640.000 ՀՀ դրամով վաճառել է այլ անձի։
/դատական նիստի արձանագրություն, հատոր 15, գ.թ. 101-104/
Վկա Հայկ Մայիսի Տերտերյանի ցուցմունքներով այն մասին, որ իրեն պատկանող «Մերսեդես Բենց C» մակնիշի, 34 DR 518 պետհամարանիշի ավտոմեքենայով կատարում է ուղևորափոխադրումներ։ 2015 թվականի մարտի 6-ին, ժամը 17։00-ի սահմաններում, երբ հիշյալ ավտոմեքենայով գտնվել է Երևանի Սարյան փողոցում գտնվող փոստի մոտակայքում` մի երիտասարդ մոտեցել է իրեն և պատվիրել է տաքսի ավտոմեքենան վարել դեպի Մ. Սարյանի արձանի մոտ, որից հետո այդ երիտասարդին հեռախոսազանգի միջոցով ինչ-որ մեկն ուղղորդել է երթևեկել դեպի Ազատության, այնուհետև Կոմիտասի պողոտա։ Վարելով ավտոմեքենան` պատվիրատուի պահանջով կանգ է առել Կոմիտաս պողոտայի վերջնամասում գտնվող «ՍԻ ՊԻ ԷՍ» բենզալցակայանի մոտ, որից հետո վերջինս իրենից հարցրել է ավտոմեքենայի համարանիշները և այն հաղորդել զրուցակցին։ Դրանից հետո դրսից ինչ որ մեկը ձեռքով կանչել է պատվիրատուին, իսկ վերջինս խնդրել է իրեն սպասել մինչ կվերադառնա, սակայն մի փոքր սպասելով և տեսնելով, որ նա չի վերադառնում՝ հեռացել է։
/դատական նիստի արձանագրություն, հատոր 1, գ.թ. 24-25/
Վկա Արամ Աշոտի Հակոբյանի ցուցմունքներով այն մասին, որ 2015 թվականի մարտի 26-ին, ժամը 10։50-ին, իր եղբայր Ռոբերտ Հակոբյանը զանգահարել է իրեն և հայտնել, որ տպիչները վաճառելու համար իրենց տուն է այցելելու ինչ-որ մեկը և ասել, որ տպիչները փոխանցի նրան։ Նույն օրը, ժամը 11։30-ի սահմաննրեում, իրենց բնակարան է այցելել Սուրեն անունով մի տղա և հայտնել, որ եկել է տպիչների ետևից։ Այնուհետև Սուրենի հետ միասին տպիչները դրել են սև գույնի «Opel Zafira» մակնիշի 34 NA 386 պետհամարանիշի ավտոմեքենայի մեջ, որից հետո Սուրենն ավտոմեքենայի վարորդի հետ միասին հեռացել են։
/դատական նիստի արձանագրություն, հատոր 1, գ.թ. 240-242, հատոր 2, գ.թ. 53-54/
Վկա Արմեն Սուրիկի Բարսեղյանի ցուցմունքներով այն մասին, որ շուրջ մեկ տարի «Opel Zafira» մակնիշի 34 NA 386 պետհամարանիշի ավտոմեքենայով զբաղվում է ուղևորափոխադրմամբ։ 2015 թվականի մարտի 26-ին, ժամը 11։00-ի սահմաններում, իր հետ կապ է հաստատել տաքսի ծառայության դիսպետչերը և հայտնել, որ պատվեր ընդունի Էջմիածին քաղաքի Կոմիտաս 25 հասցեով։ Ավտոմեքենան վարելով նշված հասցե` պատվիրատուն պատվիրել է մեկնել Երևան քաղաքի Ադոնց փողոցի թիվ 13 շենք։ Հասնելով նշված շենքի բակ` պատվիրատուն իջել է ավտոմեքենայից, մտել է շենք և շուրջ 5 րոպե անց վերադարձել է ևս մի տղայի հետ։ Նրանց ձեռքին եղել են երկու տուփ տպիչներ։ Դրանք տեղափոխելով ավտոմեքենայի մեջ` պատվիրատուն պատվիրել է գնալ Կենտրոն համայնք, որտեղ տպիչները փոխանցել է մի տղայի և միասին վերադարձել են Էջմիածին։
/դատական նիստի արձանագրություն, հատոր 1, գ.թ. 250-254/
Վկա Կարեն Գարիկի Ներսիսյանի ցուցմունքներով այն մասին, որ իր մորեղբայր Ռուբեն Արմենակյանի խնդրանքով, 352945060378361 նույնականացման համարի «Sony Xperia Z2» պլանշետային համակարգիչը 240.000 ՀՀ դրամով վաճառելու վերաբերյալ համացանցի «Լիստ էյէմ» /«List. am»/ կայքում 2015 թվականի ապրիլի 9-ին հայտարարություն է տեղադրել։ 2015 թվականի ապրիլի 10-ին /091/ 66-15-68 հեռախոսահամարով զանգահարել է մի անձ, ներկայացել է որպես Գևորգ, հայտնել է, որ հանդիսանում է «Գև Կոմպյուտերս» ընկերության տնօրենը և ցանկություն է հայտնել բանկային հաշվի միջոցով գումարի փոխանցում կատարելու եղանակով գնել պլանշետային համակարգիչը։ Այնուհետև կրկին զանգահարել է Գևորգը և հայտնել, որ գումարն արդեն փոխանցել է «Procredit» բանկի «Online Banking» համակարգով։ Պայմանավորվածության համաձայն` նույն օրը, ժամը 12։00-ի սահմաններում, Գևորգի ասելով Երևան քաղաքի Հր. Քոչար փողոցի սկզբնամասում պլանշետային համակարգիչը տվել է «Opel Astra » մակնիշի, 34 CN 418 պետհամարանիշի ավտոմեքենայի վարորդ Սոսին, սակայն Գևորգի կողմից փոխանցումը չի կատարվել։
/դատական նիստի արձանագրություն, հատոր 2, գ.թ. 135-137/
Վկա Սոս Հրաչյայի Մանուկյանի ցուցմունքներով այն մասին, որ պատվերով տաքսի ծառայություններ վարելու վերաբերյալ 2014 թվականի հունիսի 24-ին համացանցում հայտարարություն է տեղադրել։ 2015 թվականի ապրիլի 10-ին, ժամը 10։00-ին, իր 099-998-990 բջջային հեռախոսահամարին 091-66-15-68 հեռախոսահամարից մի անձ զանգահարել է իրեն, ներկայացել է որպես Գևորգ և հայտնել է, որ հանդիսանում է համակարգչային խանութների ցանցի սեփականատեր։ Վերջինս իրեն առաջարկել է ապրանքներ տանել մի վայրից մեկ այլ վայր, ինչի դիմաց իրեն կվճարի 20.000 ՀՀ դրամ։ Միաժամանակ Գևորգն իրեն խնդրել է ավտոմեքենայի վրայից հանել տաքսու տարբերանշանները, որպեսզի իր ընկերության հեղինակությունը չընկնի։ Դրանից հետո պատվիրել է գնալ Երևան քաղաքի Վրացական փողոցում գտնվող շենքերից մեկի բակ, որտեղ մի անձ իրեն փոխանցել է «Mini Ipad» մոդելի պլանշետային համակարգիչ։ Դրանից հետո Գևորգն իրեն պատվիրել է գնալ Երևան քաղաքի Կասյան փողոցում գտնվող հեռախոսների վաճառքի կետ, պլանշետային համակարգիչը փոխանցել է վաճառողին, սակայն վերջինս Գևորգի հետ հեռախոսով խոսելուց հետո հրաժարվել է գնել պլանշետային համակարգիչը։ Այնուհետև Գևորգն իրեն խնդրել է գնալ Երևան քաղաքի Հր. Քոչար փողոցի սկզբնամաս, որտեղ իրեն է մոտեցել մի տղա, փոխանցել «Sony Xperia Z2» մոդելի բջջային հեռախոսը և հեռացել է։
Ապրանքների վաճառքի շուրջ բոլոր պայմանավորվածությունները ձեռք է բերել Գևորգը հեռախոսակապի միջոցով, իսկ իրեն, մատուցած ծառայությունների դիմաց` ապրանքի վաճառքի գումարից վճարել է 20.000 ՀՀ դրամ, իսկ մնացած 350.000 ՀՀ դրամը Գևորգի ասելով հանձնել է Երևան քաղաքի Ամիրյան փողոցում գործող «Վիվառո» բուքմեյքերական կենտրոնի աշխատակցուհուն։
/դատական նիստի արձանագրություն, հատոր 2, գ.թ. 147-154/
Վկա Արմեն Դանիելի Բաբուջյանի ցուցմունքներով այն մասին, որ իրեն պատկանող «Մերսեդես Բենց» մակնիշի 34 LV 047 պետհամարանիշի ավտոմեքենայով կատարում է ուղևորափոխադրման աշխատանքներ, ինչի վերաբերյալ հայտարարություն է տեղադրել նաև համացանցի «Լիստ էյէմ» /«List. am»/ կայքում։ 2015 թվականի մարտի 12-ին, ժամը 15։00-ից 18։00-ն ընկած ժամանակահատվածում, երբ գտնվել է Կենտրոն համայնքում, իր ավտոմեքենան կանգնեցրել են 2 երիտասարդներ և պատվիրել գնալ դեպի Դավթաշեն։ Հասնելով Դավթաշեն 3-րդ թաղամասի եկեղեցու մոտ` երիտասարդներից մեկն իջել է ավտոմեքենայից և շուրջ 30 րոպե հետո վերադարձել։ Նրա ձեռքին եղել է տուփով հեռուստացույց։ Դրանից հետո նրանց պատվերով ավտոմեքենան վարել է կրկին Կենտրոն համայնք և երիտասարդներին իջեցրել Նալբանդյան-Թումանյան փողոցների խաչմերուկում, որից հետո տեղյակ չէ, թե նրանք ուր են գնացել։
/դատական նիստի արձանագրությւոն, հատոր 5, գ.թ. 235-237/
Վկա Արշակ Հարությունի Կոստանդյանի ցուցմունքներով այն մասին, որ սեփականության իրավունքով իրեն պատկանող «Նիսսան Նոթ» մակնիշի 34 CU 093 պետհամարանիշի ավտոմեքենայով երբեմն կատարել է ուղևորափոխադրումներ, ինչի վերաբերյալ հայտարարություն է տեղադրել նաև համացանցի «Լիստ էյէմ» /«List. am»/ կայքում։ Շուրջ մեկ տարի առաջ /091/ 66-15-68 հեռախոսահամարից մի անձ զանգահարել է իրեն, ներկայացել է որպես Գևորգ, հայտնել է, որ հանդիսանում է հեռախոսների առուվաճառքով զբաղվող ընկերության տնօրեն, առաքիչը գտնվում է Վրաստանում, իրեն առաքիչ է անհրաժեշտ և առաջարկել է երկու օրով փոխարինել նրան։ Այդ առաջարկն ընդունել է և երկու օր կատարել է Գևորգ ներկայացած անձի պատվերները, այն է` տարբեր խանութներ և անձանց հեռախոսներ և պլանշետներ է տեղափոխել և հանձնել։ Այդ անձը նախապես պայմանավորվածություն է ունեցել տարբեր անձանց հետ, որից հետո ինքը մոտեցել է նրանց, ովքեր տվել են պլանշետային համակարգիչներ։
Առաջին օրը Գևորգի պատվերով գնացել է երկու հասցեներով։ Առաջին պատվերը կատարելիս, Տիգրան Մեծի պողոտայում գտնվող «Պրիբոկ» խանութի մոտ իրեն է մոտեցել 25-30 տարեկան, սփյուռքահայ մի երիտասարդ և փոխանցել է տուփով «Ipad Air» պլանշետային համակարգիչը։ Այնուհետև գնացել է «Լունա Պարկ»-ի մոտ, որտեղ սպիտակ «Քեմրի» ավտոմեքենայով իրեն է մոտեցել մի տղա և տվել է պլանշետային համակարգիչ։ Դրանից հետո Կենտրոնի դատարանի շենքի հարևանությամբ գտնվող անցումի մոտ իրեն մոտեցել է մի տղա և վերցնելով պլանշետները` իրեն փոխանցել է Գևորգ ներկայացած անձի կողմից խոստացված գումարը, որը մոտավորապես կազմել է 20.000 ՀՀ դրամ։ Երկրորդ օրը, առավոտյան, Գևորգ ներկայացած անձը զանգահարել է իրեն և ասել, որ պետք է շտապ գնալ Ռոստովյան փողոց, իր կողմից նշված տնից պետք է վերցնել երկու համակարգիչներ։ Նա հայտնել է, որ այդ տանը տարեց մարդիկ են բնակվում և խնդրել է բարձրանալ ու տնից վերցնել համակարգիչները։ Նրա խնդրանքը չի մերժել։ Երբ գտնվել է այդ բնակարանում` իր ներկայությամբ Գևորգի և այդ անձանց միջև հեռախոսային խոսակցություն է տեղի ունեցել, որից հասկացել է, որ գումարի փոխանցումը չի կատարվել։ Դրանից հետո իրեն հանձնել են պլանշետները, որոնք վերցրել և Գևորգի ուղղորդմամբ տարել է Սարյանի փողոցի վրա գտնվող փոստ։ Այդտեղ դրանք հանձնել է Արթուր անունով անձի, սակայն վերջինս ստուգելով այդ համակարգիչները` հրաժարվել է դրանք վերցնելուց։ Դրանից հետո Գևորգի ուղղորդմամբ դրանք տարել է Շրջանային և հանձնել այդտեղի խանութներից մեկի աշխատակցին։ Վերջինս իրեն 175.000 ՀՀ դրամ գումար է տվել, որը Գևորգի պահանջով փոխանցել է նրա կողմից տրված «Վիվառո Սպորտ» բուքմեյքերական կենտրոնի ինչ որ հաշվեհամարի։ Այդ կտրոնները ներկայացրել է քննությանը։ «Սամսունգ» մոդելի պլանշետային համակարգիչը, որը չինական արտադրության է եղել և խանութում չեն վերցրել` մնացել է իր մոտ։ Այդ համակարգիչը Գևորգի պահանջով դրել է տաքսի ավտոմեքենա և ուղարկել։ Քանի որ կասկածներ է ունեցել` նկարել է այդ տաքսի ավտոմեքենայի պետհամարանիշները, որը հետագայում ներկայացրել է քննությանը։ Այնուհետև, նույն օրը երեկոյան Գևորգի պատվերով գնացել է մետրոպոլիտենի «Շենգավիթ» կայարանի մոտ, այդտեղից վերցրել է պլանշետային համակարգիչ, որը «Ռոսիա» տոնավաճառի գետնանցումում հանձնել է այդտեղի խանութի աշխատակցի։ Որքանով հիշում է` իր մատուցած ծառայությունների դիմաց այդ խանութի աշխատակիցն իրեն վճարել է 8.000 ՀՀ դրամ գումար։ Մի քանի օր անց Փառանձեմ անունով մի կին զանգահարել է իրեն, որից հասկացել է, որ այդ կինը նույնպես խաբվել է։
/դատական նիստի արձանագրություն, հատոր 7, գ.թ. 92-98, հատոր 9, գ.թ. 257-261/
Վկա Արտաշես Էդուարդի Խաչիկյանի ցուցմունքներով այն մասին, որ «Iphone 6» մոդելի բջջային հեռախոսը վաճառելու վերաբերյալ իր ընկերուհի Նելլի Պողոսյանը համացանցի «Լիստ էյէմ» /«List. am»/ կայքում 2015 թվականի ապրիլին հայտարարություն է տեղադրել։ Նշված հեռախոսը գնելու և դրա գումարը բանկային փոխանցմամբ վճարելու պայմանով, հեռախոսակապի միջոցով Նելլի Պողոսյանը պայմանավորվածություն է ձեռք բերել Գևորգ Մանուկյան տվյալներով ներկայացած անձի հետ, ով հետագայում գումարը չի փոխանցել` պատճառաբանելով, որ առաջացել են խնդիրներ։ Դրանից հետո ինքն անձամբ զանգահարել է ոմն Գևորգի /091/ 66-15-68 հեռախոսահամարին և զրուցել նրա հետ։ Վերջինս պարտավորվել է հաջորդ օրը փոխանցել գումարը, սակայն փոխանցումը չի կատարել` ասելով, որ հորեղբայրը մահացել է։ Հասկանալով, որ Գևորգ Մանուկյան ներկայացած անձը խաբել է Նելլի Պողոսյանին` վերջինիս առաջարկել է դիմել ոստիկանություն։
/դատական նիստի արձանագրություն, հատոր 9, գ.թ. 112-113/
Վկա Գևորգ Ավագի Մաթևոսյանի ցուցմունքներով այն մասին, որ իրեն պատկանող «Օպել Աստրա» մակնիշի, 34 PZ 377 պետհամարանիշի ավտոմեքենայով մատուցում է տաքսի ծառայություններ։ 2015 թվականի ապրիլի 6-ին, ժամը 12։00-ի սահմաններում, երբ գտնվել է Էջմիածին քաղաքի Մաշտոցի փողոցում` իրեն է մոտեցել անծանոթ մի երիտասարդ և պատվիրել գնալ Երևան քաղաք։ Հասնելով Երևան քաղաքի Սպենդիարյան փողոց` իջել է ավտոմեքենայից, առաջացել իրեն աննկատ ուղղությամբ և մի փոքր անց վերադառնալով` պատվիրել է գնալ Երևան քաղաքի Մաշտոց-Ամիրյան փողոցների խաչմերուկ, որտեղ էլ իջել է ավտոմեքենայից։
/դատական նիստի արձանագրություն, հատոր 9, գ.թ. 79-80/
Վկա Սեդրակ Վանիկի Սիրականյանի ցուցմունքներով այն մասին, որ իրեն պատկանող «Օպել Աստրա» մակնիշի 34 CO 726 պետհամարանիշի ավտոմեքենայով տաքսի ծառայություններ մատուցելու վերաբերյալ համացանցի «Լիստ էյէմ» /«List. am»/ կայքում հայտարարություն է տեղադրել։ 2015 թվականի մայիսի 1-ին իր բջջային /091/ 31-08-33 հեռախոսահամարին /043/ 05-93-67 հեռախոսահամարից զանգահարել է մի անձ և հայտնել, որ նրանց առաքիչները զբաղված են, ինչի համար խնդրել է պատվեր կատարել` դրա դիմաց խոստանալով վճարել 20.000 ՀՀ դրամ։ Դրանից հետո պատվիրատուի պահանջով գնացել է Երևան քաղաքի Թումանյան փողոցում գտնվող «SAS» հանրախանութի մոտ, որտեղ իրեն է մոտեցել մի տղամարդ և հանձնել տուփով պլանշետային համակարգիչ, որից հետո հեռացել է։ Այնուհետև, կրկին պատվիրատուի պահանջով կանգնեցրել է մի պատահական տաքսի ավտոմեքենա, հեռախոսը փոխանցել դրա վարորդին և ինչ-որ բան խոսելուց հետո պատվիրատուն հայտնել է, որ պլանշետային համակարգիչը փոխանցի վարորդին, իսկ ինքը կատարի ուրիշ պատվեր։
/դատական նիստի արձանագրություն, հատոր 13, գ.թ. 22-23/
Վկա Գեղամ Խաչիկի Բաբայանի ցուցմունքներով այն մասին, որ 2015 թվականի մայիսի 4-ին, երբ իրեն պատկանող «Օպել Վեկտրա» մակնիշի 34 FZ 612 պետհամարանիշի տաքսի ավտոմեքենայով գտնվել է Երևան քաղաքի Բաշինջաղյան փողոցում` իրեն է մոտեցել «Օպել» մակնիշի մի ավտոմեքենա, որի վարորդը ներկայացել է որպես Ռուբեն և հարցրել է, թե կարող է պատվեր կատարել բժշկական համալսարանի մոտ, ինչի համար կվճարի պատվիրատուն` իրենից խնդրելով բջջային հեռախոսահամարը։ Ստանալով դրական պատասխան` իրեն է տվել 1 հատ, տուփով բջջային հեռախոս, որից հետո ինքը շարժվել է դեպի բժշկական համալսարան։ Երբ հասել է Երևան քաղաքի Մոսկովյան-Բաղրամյան փողոցների խաչմերուկ` իրեն է զանգահարել իսկական պատվիրատուն և հայտնել, որ բժշկական համալսարանի մոտ իրեն կմոտենա մի անձ, կվճարի տաքսու գումարը և կվերցնի հեռախոսը։ Դրանից հետո հասել է նշված վայր, որտեղ իրեն է մոտեցել մի անծանոթ մարդ, վճարել 1.000 դրամ և վերցրել հեռախոսը։
/դատական նիստի արձանագրություն, հատոր 13, գ.թ. 190-191/
Վկա Արայիկ Կոլյայի Աթոյանի ցուցմունքներով այն մասին, որ փաստացի իր կողմից օգտագործվող «Օպել Աստրա» մակնիշի 34 SR 530 պետհամարանիշի ավտոմեքենայով մատուցում է տաքսի ծառայություններ։ 2015 թվականի հուլիսի 14-ին, ժամը 13։00-ի սահմաններում, երբ գտնվել է Նոր Նորքի 4-րդ զանգվածում` իրեն է մոտեցել 20-25 տարեկան մի տղա և պատվիրել ավտոմեքենան վարել դեպի «Ծիածան» հանրախանութ։ Հասնելով տեղ` պատվիրատուն իջել է ավտոմեքենայից, մոտեցել քիչ հեռու կանգնած երկու կանանց, նրանցից վերցրել մի տոպրակ և վերադարձել, սակայն չի հիշում, թե նրան ուր է տարել։
/դատական նիստի արձանագրություն, հատոր 14, գ.թ. 163-164/
Վկա Հովհաննես Սուրենի Եղիազարյանի նախաքննական ցուցմունքով այն մասին, որ 2015 թվականի մարտի 6-ին իր ծանոթ Էդվարդ Հայրապետյանը զանգահարել է իրեն և խնդրել է վերցնել անձնագիրը, իջնել ներքև, որպեսզի այն ինչ-որ մեկի մոտ թողնեն, վերցնեն «Iphone 6+» մոդելի բջջային հեռախոս և դրա գումարը մեկ ժամ անց վճարելուց հետո հետ վերցնեն անձնագիրը։ Դրանից հետո Է. Հայրապետյանի հետ գնացել են Մանուկ Կիրակոսյանի բնակարան, որտեղից վերցրել են նշված հեռախոսը և գնացել Սարյան փողոցում գտնվող փոստ, որտեղ Է. Հայրապետյանը վաճառել է հեռախոսը, իսկ ինքը միայնակ գնացել է տուն։ Ս. Դանիելյանին չի ճանաչում, անձնագիրը թողել է Է. Հայրապետյանի խնդրանքով, իսկ վերջինիցս տեղեկացել է, որ հեռախոսն անհրաժեշտ է Սպարտակին, ով դրա գումարը կվճարի մեկ ժամվա ընթացքում։ Է. Հայրապետյանը մինչ կալանավորվելն օգտագործել է /094/ 02-02-58 բջջային հեռախոսահամարը։
/դատական նիստի արձանագրություն, հատոր 6, գ.թ. 71-73/։
Վկա Ժորա Մխիթարի Ղազարյանի նախաքննական ցուցմունքով այն մասին, որ իրեն պատկանող «Մերսեդես Բենց» մակնիշի 26 SO 726 պետհամարանիշի ավտոմեքենայով մատուցել է տաքսի ծառայություններ։ 2015թ. մարտի վերջերին, երբ նշված ավտոմեքենայով գտնվել է Երևան քաղաքի Բաշինջաղյան փողոցում` իրեն է մոտեցել մի երիտասարդ տղա և պատվիրել ավտոմեքենան վարել դեպի Արգավանդ գյուղ։ Դրանից հետո գնացել են ՀՀ Արամավիրի մարզի Փարաքար գյուղ։ Նշված գյուղի տներից մեկի մոտ, պատվիրատուի պահանջով կանգ է առել, որտեղ նա իջել է ավտոմեքենայից, զրուցել մեկի այլ անձի հետ և զրուցակցից ինչ-որ բան վերցնելով` հետ է վերադարձել։ Դրանից հետո նրան տարել է Կենտրոն վարչական շրջան, որտեղ նա իջել է ավտոմեքենայից։
/դատական նիստի արձանագրություն, հատոր 14, գ.թ. 27-28/
Վկա Կարեն Վաչիկի Սողոմյանի նախաքննական ցուցմունքներով այն մասին, որ շուրջ հինգ ամիս ճանաչում է Սպարտակ Դանիելյանին, սակայն նրան երբևիցե չի տեսել։ Վերջինիս հետ ծանոթացել է իր մոր ընկերուհու որդի Արտակի միջոցով, ով Սպարտակ Դանիելյանի հետ պատիժ է կրել «Նուբարաշեն» ՔԿՀ-ում։ Վերջիններիս խնդրանքով հաճախակի սնունդ է տարել քրեակատարողական հիմնարկ և որպես տաքսու վարորդ ստացել է իր ծառայությունների վարձավճարը։ 2015թ. հունվարի 20-ի ժամը 15։30-ից մինչև 18։00-ն ընկած ժամանակահատվածում, /041/ 74-44-44 հեռախոսահամարից իրեն է զանգահարել Սպարտակը և խնդրել է գնալ Դավթաշեն թաղամասում գտնվող «Երևան Սիթի» հանրախանութի մոտ և մի տղայից վերցնել համակարգիչ, ինչն էլ կատարել է։ Դրանից հետո Սպարտակի պահանջով գնացել է Մաշտոցի պողոտայում գտնվող «Փակ շուկայի» մոտ, որտեղ համակարգիչը փոխանցել է իրեն անծանոթ մի անձի։
/դատական նիստի արձանագրություն, հատոր 5, գ.թ. 68, 77-78/
Վկա Մուշեղ Ռուբենի Սաֆարյանի նախաքննական ցուցմունքով այն մասին, որ շուրջ վեց տարի սեփականության իրավունքով իրեն պատկանող «Ֆոլքսվագեն Գոլֆ 3» մակնիշի 34 DS 495 պետհամարանիշի ավտոմեքենայով կատարում է ուղևորափոխադրումներ։ 2015թ. մայիսի 29-ի ժամը 12։00-ի սահմաններում, երբ գտնվել է Երևան քաղաքի Մաշտոցի պողոտայում` /098/32-01-10 հեռախոսահամարից իրեն է զանգահարել Արթուր անունով մի անձ և հայտնել, որ շուտով իրեն կմոտենա մեկ այլ տաքսի ավտոմեքենա և կհանձնի թվով երկու դիագնոստիկ սարքեր։ Սարքերը վերցնելուց հետո Արթուրն իրեն ասել է, որ դրանցից մեկը փոխանցի Բաղրամյան պողոտայում գտնվող «Սաս» հանրախանութի մոտ իրեն սպասող մի անձի և դրա դիմաց վերցնի 700 ԱՄՆ դոլար, ինչն էլ կատարել է։ Դրանից հետո Արթուրի ցուցումով նշված գումարը փոխանակել է ՀՀ դրամի և 60.000-ական դրամ գումարով վճարել է Արթուրի կողմից նշված «Վիվարո» բուքմեյքերական կենտրոնի հաշվեհամարին։ Մոտ երկու ժամ անց Արթուրի ցուցումով մյուս դիագնոստիկ սարքը տարել է Հր. Քոչար փողոցի փոքր կամրջի մոտ, հանձնել նույն մարդուն և դրա դիմաց վերցրել է 250.000 ՀՀ դրամ գումար, որից 10.000 դրամը վերցրել է որպես իր մատուցած ծառայությունների վճար, իսկ մնացածը` «Շիրակ» հանրախանութում գտնվող տերմինալի միջոցով փոխանցել է Արթուրի կողմից նշված «Վիվարո» բուքմեյքերական կենտրոնի հաշվեհամարին։
/դատական նիստի արձանագրություն, հատոր 8, գ.թ. 48-52/
Վկա Երվանդ Գուրգենի Ղամբարյանի նախաքննական ցուցմունքով այն մասին, որ փաստացի իր կողմից օգտագործվող «Մերսեդես Բենց» մակնիշի 34 ZC 741 պետհամարանիշի ավտոմեքենայով մատուցել է տաքսի ծառայություններ, ինչի մասին հայտարարություն է տեղադրել նաև համացանցի «Լիստ էյէմ» /«List. am»/ կայքում։ 2015 թվականի մայիսի 27-ին իր /041/ 01-44-48 հեռախոսահամարին /055/ 46-53-21 հեռախոսահամարից զանգահարել է մի անձ, ներկայացել Արթուր անունով և հայտնել, որ հանդիսանում է «Արտ Էլեկտրոնիքս» ընկերության տնօրենը։ Վերջինս իրեն առաջարկել է բարձր աշխատավարձով աշխատել ընկերությունում որպես առաքիչ։ Ստանալով համաձայնությունը` իրեն պատվիրել է գնալ Երևան քաղաքի Արզումանյան փողոցի թիվ 19 շենքի բակ և այդտեղից վերցնել համակարգիչ։ Հասնելով նշված վայր` շենքի բակ է իջել համակարգչի սեփականատեր Դավիթը։ Վերջինիս ներկայացել է որպես առաքիչ և համակարգիչն իր բաղկացուցիչ դետալներով տեղադրել են ավտոմեքենայի մեջ։ Դրանից հետո Արթուրն իրեն պատվիրել է գնալ 1-ին մաս, որտեղ նկուղային հարկում գործող համակարգիչների վերանորոգման սրահից դուրս են եկել երկու երիտասարդներ, համակարգիչը տեղափոխել են արհեստանոց, ստուգել այն, որից հետո հեռախոսակապի միջոցով Արթուրի հետ պայմանավորվել են համակարգչի գնի շուրջ և իրեն փոխանցել 500.000 ՀՀ դրամ։ Այնուհետև Արթուրն իրեն ասել է, որ նշված գումարից 20.000 ՀՀ դրամը վերցնի իրեն` որպես մատուցած ծառայության վճար, իսկ մնացած 480.000 ՀՀ դրամը փոխանցի համակարգիչների վերանորոգման սրահի հարևանությամբ գտնվող բուքմեյքերական կենտրոնի մոտ կանգնած դեղին վերնաշապիկով երիտասարդին, ինչն էլ կատարել է։
/դատական նիստի արձանագրություն, հատոր 15, գ.թ. 36-40/
Վկա Վահե Ռոմիկի Հարությունյանի նախաքննական ցուցմունքով այն մասին, որ 2015 թվականի հուլիսի 13-ի ժամը 12։00-ի սահմաններում, երբ սեփականության իրավունքով իրեն պատկանող «Շկոդա Օկտավիա» 24 OL 031 պետհամարանիշի ավտոմեքենայով գտնվել է Երևան քաղաքի Շինարարների փողոցի թիվ 15 հասցեում` իրեն է մոտեցել մի տաքսի ավտոմեքենա, որի վարորդն իրեն է փոխանցել բջջային հեռախոսը և խնդրել զրուցակցի կողմից պատվիրված երթուղիով շարժվել` պատճառաբանելով, որ զբաղված է։ Զրուցակիցն իրեն պատվիրել է գնալ Երևան քաղաքի Մարգարյան փողոցի թիվ 10/3 հասցեում գտնվող ստոմոտոլոգիական կենտրոն, որտեղ իրեն կփոխանցեն ռենտգեն ապարատ, որից հետո կասի, թե ինչ անի։ Շարժվելով նշված վայր` իրեն է մոտեցել մի երիտասարդ և փոխանցել արծաթագույն, մետաղյա մի ճամպրուկ։ Այնուհետև, զանգահարել է պատվիրատուի /055/46-53-21 հեռախոսահամարին, ով հայտնել է, որ ապարատը տանի 16-րդ թաղամասում գտնվող «Գևորգ Չաուշի նկարի» մոտ։ Երբ հասել է «Մալայանի» անվան հիվանդանոցի մոտ` կրկին իրեն է մոտեցել նույն տաքսի ավտոմեքենայի վարորդը, իրեն վճարել 3.000 ՀՀ դրամ և վերցրել ճամպրուկը։
/դատական նիստի արձանագրություն, հատոր 11, գ.թ. 53-55/
Վկա Լիանա Էդվարդի Գրիգորյանի նախաքննական ցուցմունքով այն մասին, որ շուրջ տաս տարի աշխատում է Երևան քաղաքի Ամիրյան 18/2 հասցեում գործող «Վիվառո» բուքմեյքերական կենտրոնում՝ որպես գանձապահ-օպերատոր։ 2015 թվականի ապրիլի 10-ի ժամը 13։00-ի սահմաններում, բուքմեյքերական կենտրոն է այցելել իրեն անծանոթ մի տղամարդ, խոսելու համար իրեն փոխանցել բջջային հեռախոսը և դրա հետ նաև 350.000 ՀՀ դրամ։ Վերցնելով հեռախոսը` զրուցակիցն իրեն ներկայացել է «Սպո» անվամբ և խնդրել է նշված գումարը փոխանցել «Վիվառո» կայքի նրա հաշվեհամարին։ Զրուցակցին ինքն անմիջապես հիշել է, քանի որ նախկինում հաճախ է հեռախոսով խոսել նրա հետ և հենց նրանից էլ տեղեկացել է, որ գտնվում է «գաղութում»։
Վերջին մեկ տարվա ընթացքում Սպարտակի անունից բուքմեյքերական կենտրոն են այցելել շուրջ 15-20 մարդիկ, բջջային հեռախոսը փոխանցել են իրեն և բոլոր դեպքերում խոսել է Սպարտակի հետ, նրա ասելով կատարել է խաղադրույքներ՝ դրանց գումարը վերցնելով նրա կողմից ուղարկված մարդկանցից, իսկ մինչև 2012 թվականը, խաղադրույքները կատարվել են անձամբ Սպարտակի կողմից։
/դատական նիստի արձանագրություն, հատոր 2, գ.թ. 226-229/
Վկա Հովիկ Արամի Գևորգյանի նախաքննական ցուցմունքով այն մասին, որ իրեն պատկանող «Մերսեդես Բենց» մակնիշի 34 ZA 788 պետհամարանիշի ավտոմեքենայով կատարել է մասնավոր ուղևորափոխադրման աշխատանքներ, ինչի վերաբերյալ հայտարարություն է տեղադրել նաև համացանցի «Լիստ էյէմ» /«List. am»/ կայքում։ 2015 թվականի ապրիլի 9-ին /091/ 66-15-68 հեռախոսահամարից իրեն է զանգահարել մի անձ, ներկայացել Գևորգ անվամբ և հայտնել, որ հանդիսանում է «Գևէլեկտրոնիքս» ընկերության տնօրենը։ Վերջինս իրեն առաջարկել է 20.000 ՀՀ դրամի դիմաց կատարել մի քանի պատվերներ, ինչին համաձայնել է։ Դրանից հետո Գևորգի պատվերով մի քանի ապրանքներ է մի տեղից մյուս տեղ տեղափոխել, իսկ 2015 թվականի ապրիլի 13-ին Երևան քաղաքի Մարգարյան փողոցում գտնվող «Կայզեր» հանրախանութի մոտից շուրջ 55 տարեկան մի անձից վերցրել է մի հեռախոս, Գևորգի ցուցումով կանգնեցրել է պատահական մի տաքսի ավտոմեքենա և հեռախոսը հանձնել դրա վարորդին։
/դատական նիստի արձանագրություն, հատոր 5, գ.թ. 179-180/
Վկա Տիգրան Գոռի Հովհաննիսյանի նախաքննական ցուցմունքով այն մասին, որ հանդիսանում է Գոռ Հովհաննիսյանի որդին։ 2015 թվականի ապրիլի 13-ին «Iphone6+» հեռախոսը վաճառելու վերաբերյալ համացանցի «Լիստ էյէմ» /«List. am»/ կայքում տեղադրած հայտարարության հիման վրա Գևորգ Մանուկյան անուն-ազգանվամբ ներկայացած մի անձ զանգահարել է հորը, ներկայացել է որպես «Գևէլեկտրոնիքս» ընկերության նախագահ և ցանկություն է հայտնել 500.000 ՀՀ դրամով բանկային փոխանցման միջոցով գնել հեռախոսը, սակայն գումարը չի փոխանցել հաշվեհամարին։
/դատական նիստի արձանագրություն, հատոր 5, գ.թ. 185-186/
Վկա Արթուր Էդուարդի Բաղդասարյանի նախաքննական ցուցմունքով այն մասին, որ 35616106148014 գործարանային համարով «Sony Xperia Z3 Dual» մոդելի բջջային հեռախոսը գնել է 2015թ. ապրիլի սկզբներին, Երևան քաղաքի Սարյան փողոցում գտնվող փոստից, պատահական վաճառողից։
/դատական նիստի արձանագրություն, հատոր 12, գ.թ. 309-311/
Վկա Ռաֆայել Ստեփանի Թուրվանդյանի նախաքննական ցուցմունքով այն մասին, որ սեփականության իրավունքով իրեն պատկանող «Nissan Teana» մակնիշի 34 ZF 007 համարանիշի ավտոմեքենայով երբեմն կատարում է ուղևորափոխադրումներ, ինչի վերաբերյալ հայտարարություն է տեղադրել համացանցի «Լիստ էյէմ» /«List. am»/ կայքում` նշելով, որ կաշխատի առաքիչ կամ անձնական վարորդ։ Հայտարարությունում, որպես կոնտակտային հեռախոսահամար, նշել է իր /093/ 03-10-50 և /055/ 03-03-89 հեռախոսահամարները։ 2015թ. մայիսի սկզբներին իր /093/ 03-10-50 հեռախոսահամարին /098/ 62-58-25 հեռախոսահամարից զանգահարել է մի անձ, ներկայացել Արթուր անվամբ և ցանկություն հայտնել օգտվել իր ծառայություններից` դրա դիմաց վճարելով 15.000 ՀՀ դրամ, սակայն վերջինիս պատասխանել է, որ իրեն այդ պահին հարմար չէ և զանգահարել է իր ընկեր Դավիթ Մուրադյանին` պարզելու, թե նրան հարմար է արդյոք պատվեր կատարել։ Ստանալով ընկերոջ համաձայնությունը` նրան է փոխանցել Արթուրի հեռախոսահամարը, որից հետո Դավիթը վերը նշված ավտոմեքենայով կատարել է պատվերը։
/դատական նիստի արձանագրություն, հատոր 10, գ.թ. 186-190/
Վկա Դավիթ Արմենի Մուրադյանի նախաքննական ցուցմունքով այն մասին, որ 2013 թվականի մայիսի սկզբներին իր ընկեր Ռաֆայել Թուրվանդյանը զանգահարել է իրեն և հայտնել, որ առաքիչի պատվեր կա, սակայն իրեն հարմար չէ և առաջարկել է իրեն կատարել պատվերը։ Ստանալով իր համաձայնությունը` փոխանցել է պատվիրատուի /098/ 62-58-25 հեռախոսահամարը։ Այնուհետև, ընկերոջ «Nissan Teana» մակնիշի 34 ZF 007 պետհամարանիշի ավտոմեքենայով պատվիրատուի պահանջով գնացել է Երևան քաղաքի Սաֆարյան փողոցում գտնվող շենքերից մեկի բակ, որտեղ իրեն է մոտեցել մի տղա, հարցրել, թե արդյոք Դավիթն է, որից հետո իրեն է փոխանցել տուփով «Samsung Galaxy Note 4» մոդելի բջջային հեռախոս։ Այնուհետև Արթուրի պատվերով գնացել է Երևան քաղաքի Աբովյան և Կորյուն փողոցների խաչմերուկի մոտ գտնվող գետնանցում, որտեղ վերջինիս բացատրելով մոտեցել է վաճառակետերից մեկին և հեռախոսը փոխանցել աշխատակցին, ով էլ իրեն վճարել է 15.000 ՀՀ դրամ և վերցրել հեռախոսը։
/դատական նիստի արձանագրություն, հատոր 10, գ.թ. 193-196/
Վկա Հենրիկ Տիգրանյանի նախաքննական ցուցմունքով այն մասին, որ 2015 թվականի ապրիլ կամ մայիս ամիսներին Երևան քաղաքի Սարյան փողոցում գտնվող փոստի աստիճանների մոտից, պատահական մի տղայից, 170.000 ՀՀ դրամով գնել է «Samsung Galaxy Alfa» մոդելի բջջային հեռախոս, որը նվիրել է կնոջը` Աննա Քարամյանին։Դրանից որոշ ժամանակ անց կնոջը զանգահարել են ոստիկանությունից և հայտնել, որ նրա կողմից օգտագործվող հեռախոսը հափշտակված է, ինչի համար կրկին գնացել է փոստ, նույն վայրում տեսել այն տղային, ումից գնել է հեռախոսը և այն հանձնել նրան` հետ վերցնելով իր գումարը։
/դատական նիստի արձանագրություն, հատոր 10, գ.թ. 143-144/
Վկա Ռուբեն Լևոնի Կիրակոսյանի նախաքննական ցուցմունքով այն մասին, որ իրեն պատկանող «Օպել Բ» մակնիշի 15 ՕՕ 873 պետհամարանիշի ավտոմեքենայով տաքսի ծառայություններ մատուցելու վերաբերյալ համացանցի «Լիստ էյէմ» /«List. am»/ կայքում հայտարարություն է տեղադրել։ 2015 թվականի մայիսի 3-ին իր բջջային /094/ 14-95-95 հեռախոսահամարին /043/ 05-93-67 հեռախոսահամարից զանգահարել է մի անձ, ներկայացել Կարեն Մանուկյան անուն-ազգանվամբ և հայտնել, որ հանդիսանում է «Կարեն Էլեկտրոնիքս» խանութի տնօրենը։ Վերջինս խնդրել է մի քանի ապրանքներ մի տեղից մի այլ տեղ առաքել` դրա դիմաց խոստանալով վճարել 20.000 ՀՀ դրամ, ինչին համաձայնել է։ Հաջորդ օրը` մայիսի 4-ին, Կարենը կրկին զանգահարել է իրեն և պատվիրել գնալ քաղաք Էջմիածին և վերցնել «Iphone 5S» մոդելի բջջային հեռախոս։ Այդ նպատակով շարժվել է դեպի Էջմիածին քաղաք, որտեղ իրեն է մոտեցել տարեց մի կին և տուփով հեռախոսը փոխանցել իրեն։ Դրանից հետո Կարենի պահանջով կանգնեցրել է մի պատահական տաքսի ավտոմեքենա, հեռախոսը փոխանցել դրա վարորդին և ինչ-որ բան խոսելուց հետո պատվիրատուն հայտնել է, որ հեռախոսը փոխանցի վարորդին, իսկ ինքը գնա Էրեբունի թաղամաս և կատարի այլ պատվեր։
/դատական նիստի արձանագրություն, հատոր 13, գ.թ. 193-194/
Վկա Նինել Սահակի Նազարյանի նախաքննական ցուցմունքով այն մասին, որ 2012 թվականին, երբ դեռևս Սպարտակ Դանիելյանը գտնվել է ազատության մեջ` ծանոթացել է վերջինիս հետ և մինչ օրս նրա հետ գտնվում է մտերիմ հարաբերությունների մեջ։ Երբ Ս. Դանիելյանը գտնվել է «Նուբարաշեն» ՔԿՀ-ում` մշտապես հեռախոսակապի մեջ է գտնվել նրա հետ, զրուցել են անձնական թեմաներով։ Վերջինս իրեն պարբերաբար զանգահարել է տարբեր հեռախոսահամարներով, որոնցից մտաբերում է մասնավորապես /091/ 66-15-68/, /043/ 23-36-36, /041/ 74-44-44, /055/ 46-53-21, /093/ 15-27-84, /043/ 05-93-67 հեռախոսահամարները։
/դատական նիստի արձանագրություն, հատոր 12, գ.թ. 326-328/
Վկա Ռուզաննա Բախշիի Հարությունյանի նախաքննական ցուցմունքներով այն մասին, որ հանդիսանում է Սպարտակ Արսենի Դանիելյանի կինը։ Ամուսինը 2012 թվականի դեկտեմբերին կալանավորվել է խարդախություններ կատարելու համար։ Նա պատիժը կրում է ՀՀ ԱՆ «Նուբարաշեն» ՔԿ հիմնարկում և այդտեղից իրեն զանգահարել է /041/ 74-44-44, /043/ 23-36-36, /091/ 66-15-68, /055/ 12-70-01 հեռախոսահամարներից։
/դատական նիստի արձանագրություն, հատոր 2, գ.թ. 64-67, հատոր 6, գ.թ. 95-96/։
Վկա Ռուզաննա Բախշիի Հարությունյանը դատարանում օգտվելով իր դատավարական իրավունքներից` հրաժարվեց ամուսնու` ամբաստանյալ Ս. Դանիելյանի վերաբերյալ ցուցմունք տալուց։
/դատական նիստի արձանագրություն/
Դատապրանքագիտական փորձաքննության 2015թ. հունիսի 29-ի թիվ 473-ԱՊ-15 եզրակացությամբ և դրան կից համակարգչային լուսանկարչական հավելվածով, որոնց համաձայն` «Փորձաքննությանը տրամադրված «LAUNCH» տեսակի «X.431 V» մոդելի դիագնոստիկ սարքի միջին շուկայական արժեքը 2015թ. մայիսի 29-ի դրությամբ գնահատվում է 800000 (ութ հարյուր հազար) ՀՀ դրամ։
Փորձաքննությանը տրամադրված «LAUNCH» տեսակի, «X.431 IV» մոդելի դիագնոստիկ սարքի միջին շուկայական արժեքը 2015թ. մայիսի 29-ի դրությամբ, այն ընդունելով աշխատունակ և պիտանի ապրանքային վիճակում` գնահատվում է 450000 (չորս հարյուր հիսուն հազար) ՀՀ դրամ։
/դատական նիստի արձանագրություն, հատոր 8, գ.թ. 58-62/
Դատաապրանքագիտական փորձաքննության 2015թ. օգոստոսի 21-ի թիվ 677-ԱՊ-15 եզրակացությամբ և դրան կից համակարգչային լուսանկարչական հավելվածով, որոնց համաձայն` «Փորձաքննությանը տրամադրված ատամնաբուժական ռենտգեն սարքի հավանական միջին շուկայական արժեքն` առկա ապրանքային վիճակի հաշվառմամբ, իր ճամպրուկի և համալրվող դետալների հետ միասին, գնահատվում է 550000 (հինգ հարյուր հիսուն հազար) ՀՀ դրամ։
/դատական նիստի արձանագրություն, հատոր 12, գ.թ. 331-332/
Դատաապրանքագիտական փորձաքննության 2015թ. դեկտեմբերի 08-ի թիվ 1012-ԱՊ-15 եզրակացությամբ և դրան կից համակարգչային լուսանկարչական հավելվածով, որոնց համաձայն` «Փորձաքննությանը տրամադրված «IPHONE 6» տեսակի «A1586» մոդելի բջջային հեռախոսի հավանական միջին շուկայական արժեքը, 2015թ. մարտի 31-ի դրությամբ առկա ապրանքային վիճակի հաշվառմամբ, գնահատվում է 220000 (երկու հարյուր քսան հազար) դրամ։
/դատական նիստի արձանագրություն, հատոր 19, գ.թ. 284-286/
Դատաապրանքագիտական փորձաքննության 2015թ. դեկտեմբերի 08-ի թիվ 1014-ԱՊ-15 եզրակացությամբ և դրան կից համակարգչային լուսանկարչական հավելվածով, որոնց համաձայն` «Փորձաքննությանը տրամադրված «Sony XPERIA» տեսակի «D6633» մոդելի բջջային հեռախոսի հավանական միջին շուկայական արժեքը, 2015թ. ապրիլի 06-ի դրությամբ, առկա ապրանքային վիճակի հաշվառմամբ, գնահատվում է 220000 (երկու հարյուր քսան հազար) դրամ։
/դատական նիստի արձանագրություն, հատոր 19, գ.թ. 288-290/
Դատաապրանքագիտական փորձաքննության 2015թ. դեկտեմբերի 09-ի թիվ 1013-ԱՊ-15 եզրակացությամբ և դրան կից համակարգչային լուսանկարչական հավելվածով, որոնց համաձայն` «Փորձաքննությանը տրամադրված «SAMSUNG» տեսակի «N9005» մոդելի բջջային հեռախոսի հավանական միջին շուկայական արժեքը, 2015թ. մարտի 06-ի դրությամբ, առկա ապրանքային վիճակի հաշվառմամբ, գնահատվում է 165000 (մեկ հարյուր վաթսունհինգ հազար) դրամ։
/դատական նիստի արձանագրություն, հատոր 19, գ.թ. 291-293/
«Անձին ճանաչման ներկայացնելու մասին» 2016թ. հունվարի 22-ի աձանագրությամբ և «անձին ճանաչման ներկայացնելու վերաբերյալ» նույն օրվա տեղեկանքով, որոնց համաձայն` տուժող Մանուկ Կիրակոսյանը ճանաչել է Էդվարդ Հայրապետյանին և հայտարարել, որ նա այն անձն է, ով իրեն ներկայացել է որպես Դավիթին պատկանող ընկերության աշխատակից և նա է պարտավորվել 1-2 օրվա ընթացքում իրեն վճարել հեռախոսի գումարը։
/դատական նիստի արձանագրություն, հատոր 20, գ.թ. 33-37
«Անձին ճանաչման ներկայացնելու մասին» 2016թ. հունվարի 22-ի աձանագրությամբ և «անձին ճանաչման ներկայացնելու վերաբերյալ» նույն օրվա տեղեկանքով, որոնց համաձայն` վկա Հովհաննես Եղիազարյանը ճանաչել է մեղադրյալ Էդվարդ Հայրապետյանին և հայտարարել, որ նրա հետ է գնացել Շինարարներ թաղամաս, որտեղ մի տղայի մոտ թողել են իր անձնագիրը և դրա դիմաց Էդվարդ Հայրապետյանը վերցրել է «Iphone 6+» տեսակի բջջային հեռախոս և վաճառել փոստում։
/դատական նիստի արձանագրություն, հատոր 20, գ.թ. 38-42/
«Անձին ճանաչման ներկայացնելու մասին» 2015թ. սեպտեմբերի 07-ի աձանագրությամբ, որի համաձայն` տուժող Արսեն Ասատրյանը ճանաչել է Էդվարդ Հայրապետյանին և հայտարարել, որ նա այն անձն է, ով իրենից վերցրել է երկու հատ «LG G3SD724» մոդելի բջջային հեռախոսները։
/դատական նիստի արձանագրություն, հատոր 14, գ.թ. 75-76/
«Անձին ճանաչման ներկայացնելու մասին» 2015թ. հոկտեմբերի 15-ի աձանագրությամբ, որի համաձայն` վկա Ժորա Ղազարյանը ճանաչել է Էդվարդ Հայրապետյանին և հայտարարել, որ նա այն անձն է, ով իրեն պատվիրել է տաքսի ավտոմեքենան վարել դեպի ՀՀ Արամավիրի մարզի Փարաքար գյուղ։
/դատական նիստի արձանագրություն, հատոր 14, գ.թ. 89-90/
Որպես այլ փաստաթուղթ` ապացույց ճանաչված, Սոս Մանուկյանի կողմից ներկայացված, թիվ 00077856 և 00077857 անդորրագրերով, դրանք զննելու մասին 2015թ. մայիսի 01-ի արձանագրությամբ, որոնց համաձայն` Սոս Մանուկյանը «Թելլ Սելլ» փակ բաժնետիրական ընկերության միջոցով Սպարտակ Դանիելյանի կողմից հայտնած հաշվեհամարին կատարել է 90.000 ՀՀ դրամ ընդհանուր գումարի վճարում։
/դատական նիստի արձանագրություն, հատոր 2, գ.թ. 97, 156-158/
«Ղ-Տելեկոմ» փակ բաժնետիրական ընկերության 2015թ. հունիսի 25-ի թիվ ՏՍ/3562/250615/3871 գրությամբ տրամադրված /098/ 32-01-10 բջջային հեռախոսահամարի վերծանումներով և այդ վերծանումները զննելու մասին 2015թ. հուլիսի 21-ի արձանագրությամբ, որոնց համաձայն` /098/ 32-01-10 բջջային հեռախոսահամարից վկա Մուշեղ Սաֆարյանի /094/ 17-30-41 հեռախոսահամարին 2015թ. մայիսի 1-ից մինչև նույն թվականի հունիսի 2-ն ընկած ժամանակահատվածում առկա են բազմաթիվ մուտքային և ելքային հեռախոսազանգեր և բոլոր հեռախոսազանգերի ժամանակ /098/ 32-01-10 հեռախոսահամարը սպասարկվել է Երևանի Էրեբունի Նոր Արեշ 45, Նուբարաշեն, Էրեբունի Մուշավան ալեհավաք կայանների կողմից։
/դատական նիստի արձանագրություն, հատոր 8, գ.թ. 96-116/
«Օրանժ Արմենիա» փակ բաժնետիրական ընկերության 2015թ. հուլիսի 17-ի գրությամբ տրամադրված /055/ 46-53-21 բջջային հեռախոսահամարի վերծանումները զննելու մասին 2015թ. հուլիսի 24-ի արձանագրությամբ, որի համաձայն` 2015թ. մայիսի 1-ից մինչև նույն թվականի հուլիսի 1-ն ընկած ժամանակահատվածում /055/ 46-53-21 բջջային հեռախոսահամարը սպասարկվել է Էրեբունի Նոր Արեշ 45 ալեհավաք կայանի կողմից։
/դատական նիստի արձանագրություն, հատոր 8, գ.թ. 117-120/
«Հեռախոսահամարների մուտքային և ելքային հեռախոսազանգերի վերծանումների զննություն կատարելու մասին» 2015թ. հուլիսի 31-ի արձանագրությամբ, որի համաձայն` 2015թ. մայիսի 27-ից մինչև նույն թվականի հունիսի 3-ն ընկած ժամանակահատվածում /055/ 46-53-21 հեռախոսահամարից ինը ելքային հեռախոսազանգ է կատարվել տուժող Դավիթ Կնյազյանի /099/02-01-08 հեռախոսահամարին և վերջինիս /099/ 02-01-08 հեռախոսահամարից չորս մուտքային հեռախոսազանգ է կատարվել /055/ 46-53-21 հեռախոսահամարին։
2015թ. մայիսի 27-ից մինչև նույն թվականի հունիսի 3-ն ընկած ժամանակահատվածում /055/ 46-53-21 հեռախոսահամարից տաս ելքային հեռախոսազանգ է կատարվել վկա Գեղամ Հովհաննիսյանի /094/ 51-51-93 հեռախոսահամարին և վերջինիս /094/ 51-51-93 հեռախոսահամարից տասներկու մուտքային հեռախոսազանգ է կատարվել /055/ 46-53-21 հեռախոսահամարին։
2015թ. մայիսի 27-ից մինչև նույն թվականի հունիսի 3-ն ընկած ժամանակահատվածում /055/46-53-21 հեռախոսահամարից կատարվել է շուրջ հիսուն հեռախոսազանգ վկա Երվանդ Ղամբարյանի /041/ 01-44-48 հեռախոսահամարին։
/դատական նիստի աձանագրություն, հատոր 15, գ.թ. 111-112/
Զննություն կատարելու մասին 2015թ. հունիսի 08-ի արձանագրությամբ, որի համաձայն` Սպարտակ Դանիելյանի մոտից «Նուբարաշեն» ՔԿՀ-ի աշխատակիցների կողմից հայտնաբերված 355448050308974 նույնականացման համարով բջջային հեռախոսի մեջ օգտագործվել է /043/ 23-36-36 հեռախոսահամարը, 355940044267357 նույնականացման համարով բջջային հեռախոսի մեջ օգտագործվել է /091/ 66-15-68 հեռախոսահամարը։
/դատական նիստի արձանագրություն, հատոր 3, գ.թ. 69-71/
Զննություն կատարելու մասին 2015թ. մայիսի 06-ի արձանագրությամբ, որի համաձայն` 2015թ. մարտի 26-ից մարտի 30-ն ընկած ժամանակահատվածում տուժող Ռոբերտ Հակոբյանի /055/45-11-00 և Կ. Սողոմոնյանի անվամբ գրանցված (Գևորգ անունով ներկայացած անձ) /043/23-36-36 բջջային հեռախոսահամարների միջև առկա են բազմաթիվ հեռախոսազանգեր, իսկ /043/23-36-36 բջջային հեռախոսահամարի բոլոր հեռախոսազանգերը սպասարկվել է ք.Երևան, Վերին Ջրաշեն, Հաղթանակ 64 ալեհավաք կայանի կողմից։
/դատական նիստի արձանագրություն, հատոր 2, գ.թ. 184-186/
Զննություն կատարելու մասին 2015թ. մայիսի 25-ի արձանագրությամբ, որի համաձայն` /091/ 66-15-68 և վկա Կարեն Ներսիսյանի /091/ 02-06-00 բջջային հեռախոսահամարների միջև 2015թ. ապրիլի 10-ից ապրիլի 13-ն ընկած ժամանակահատվածում առկա են վեց մուտքային և ելքային հեռախոսազանգեր, իսկ /091/ 66-15-68 բջջային հեռախոսահամարը բոլոր հեռախոսազանգերի ժամանակ սպասարկվել է ք.Երևան, Վերին Ջրաշեն, Հաղթանակ 64 ալեհավաք կայանի կողմից։
/դատական նիստի արձանագրություն, հատոր 2, գ.թ. 275-277/
Զննություն կատարելու մասին 2015թ. հունիսի 30-ի արձանագրությամբ, որի համաձայն` վկաներ Ռաֆայել Թուրվարդյանի /093/ 03-10-50, Դավիթ Մուրադյանի /094/ 73-62-73 և Արթուր անվամբ ներկայացած անձի /098/ 62-58-25 հեռախոսահամարների միջև առկա են բազմաթիվ հեռախոսազանգեր և բոլոր հեռախոսազանգերի ժամանակ /098/ 62-58-25 հեռախոսահամարը սպասարկվել է «Yerevan, Nubarashen, Arin Berd Reservoir/Yerevan» ալեհավաք կայանի կողմից։ Զննությամբ միաժամանակ պարզվել է, որ /098/ 62-58-25 հեռախոսահամարի հետ ելքային և մուտքային հեռախոսազանգերի մեջ գտնվող /098/ 30-30-31 հեռախոսահամարը գրանցված է Սպարտակ Արսենի Դանիելյանի անվամբ, որը քննությամբ ձեռք բերված տվյալներով շահագործում է նրա կին Ռուզաննա Հարությունյանը։
/դատական նիստի արձանագրություն, հատոր 10, գ.թ. 219-220/
Վերծանումները զննելու մասին 2015թ. օգոստոսի 13-ի արձանագրությամբ, որի համաձայն` /043/ 05-93-67 հեռախոսահամարի և տուժող Վահագն Սեդրակյանի կողմից օգտագործված /094/ 05-17-55 հեռախոսահամարի միջև առկա են բազմաթիվ ելքային և մուտքային հեռախոսազանգեր և բոլոր հեռախոսազանգերի ժամանակ /043/ 05-93-67 հեռախոսաահամարը սպասարկվել է Երևան քաղաքի Նոր Արեշ 45 ալեհավաք կայանի կողմից։
/դատական նիստի արձանագրություն, հատոր 13, գ.թ. 93/
Լազերային սկավառակի զննության մասին 2015թ. հոկտեմբերի 07-ի արձանագրությամբ, որի համաձայն` /055/ 46-53-21 հեռախոսահամարը 2015թ. հուլիսի 13-ից մինչև 2015թ. օգոստոսի 13-ը սպասարկվել է Էրեբունի, Նոր Արեշ, 45 փողոցի ալեհավաք կայանի կողմից։
/դատական նիստի արձանագրություն, հատոր 14, գ.թ. 186/
Ամբաստանյալ Ս. Դանիելյանը նախաքննության ընթացքում, առաջադրված մեղադրանքում իրեն իրեն մեղավոր չի ճանաչել և օգտվելով իր դատավարական իրավունքից հրաժարվել է ցուցմունք տալ, սակայն նախաքննության ընթացքում վերջինս տվել է խոստովանական ցուցմունքներ այն մասին, որ թեև հափշտակությունների կատարման օրերը և ամիսները ստույգ չի հիշում, սակայն 2015 թվականի սկզբներին քրեակատարողական հիմնարկում իր մոտ գտնվող բջջային հեռախոսների միջոցով այցելել է համացանցի «Լիստ էյէմ» /«List. am»/ կայք և ծանոթացել տարբեր ապրանքների, մասնավորապես` բջջային հեռախոսների և համակարգիչների վաճառքի վերաբերյալ տեղադրված հայտարարություններին, զանգահարել է վաճառողներին, վերջիններիս ներկայացել մտացածին անուն-ազգանուններով, հայտնել, որ հանդիսանում է տարբեր ընկերությունների տնօրեն, սեփականատեր և ցանկություն հայտնել հեռախոսի գումարը բանկային փոխանցմամբ վճարելու եղանակով գնել ապրանքները։ Այնուհետև կրկին համացանցի «Լիստ էյէմ» /«List. am»/ կայքի միջոցով ծանոթացել է վարորդ, առաքիչ աշխատելու վերաբերյալ հայտարարություններ տեղադրած անձանց հայտարարություններին, զանգահարել է նրանց, կրկին ներկայացել մտացածին անուն-ազգանուններով և առաջարկել իր ընկերություններում բարձր աշխատավարձով աշխատել որպես առաքիչ, վարորդ։ Ստանալով վերջիններիս համաձայնությունը` զանգահարել է տուժողներին, հայտնել, որ բանկային փոխանցումն արդեն կատարված է, «sms» հաղորդագրության միջոցով նրանց է ուղարկել իբրև թե վճարումն հավաստող անդորրագրի մտացածին թվեր, որից հետո պահանջել է գույքը փոխանցել իր առաքիչին։ Վերջիններս, ապրանքները վերցնելուց հետո, դրանք իր պահանջով տարել են հեռախոսի և համակարգչային տեխնիկայի տարբեր վաճառակետեր, հեռախոսի միջոցով պայմանավորվածություն է ձեռք բերել վաճառքի գնի շուրջ, ինչից հետո առաքիչ կամ վարորդ ներկայացած անձինք ապրանքները փոխանցել են գնորդին և վերցրել դրանց գումարները, որոնցով կատարել է խաղադրույքներ։ Շատ դեպքերում հափշտակված ապրանքների գնորդներին նույնպես գտել է համացանցի «Լիստ էյէմ» /«List. am»/ կայքի միջոցով, ովքեր տեղադրել են տարբեր ապրանքներ գնելու վերաբերյալ հայտարարություններ։ Վերջիններիս հետ անձամբ պայմանավորվել է գնի շուրջ, որից հետո տաքսու վարորդին ուղղորդել է որտեղ գնալ և ապրանքներն ում հանձնել։ Պատահել են նաև դեպքեր, երբ հեռախոսազանգի միջոցով խնդրել է իր հետ միևնույն խցում կալանքի տակ գտնվող անձանց ընկերներին վերցնել ապրանքը և տեղափոխել իր ասած վայր` վերջիններիս ասելով, թե դրանք իր ապրանքներն են։ Այդ եղանակով մի անձից, ում անունը չի հիշում, հափշտակել է «Սամսունգ Գալաքսի Նոտ 3» մոդելի բջջային հեռախոս, Քրիստինե և Միհրան անուններով անձանցից հափշտակել է «Այֆոն 6» մոդելի բջջային հեռախոսներ, Ռոբերտ անունով անձից` «Էպսոն» ֆիրմայի երկու հատ տպիչներ, Ռոբերտ անունով անձից` «Սոնի Իքսպերիա Զ» ֆիրմայի պլանշետային համակարգիչ, Վաչե անունով անձից` «Մաքբուք» մոդելի պլանշետային համակարգիչ, ինչպես նաև հափշտակել է «Սամսունգ Սմարթ» տեսակի հեռուստացույց, ում սեփականատիրոջ անունը չի հիշում։ Բացի այդ Աջափնյակ թաղամասից Մանուկ անունով անձից հափշտակել է «Այֆոն 6+» մոդելի պլանշետային համակարգիչ, Արման անունով անձից` երկու հատ «Այֆոն 6» տեսակի հեռախոսներ, Տիգրան Մեծ պողոտայում գտնվող պիցցերիայի մոտից, մի սփյուռքահայից հափշտակել է «Այփադ» տեսակի պլանշետային համակարգիչ, Ալինա Շիբոյանից` «Այֆոն 5Ս» մոդելի բջջային հեռախոս, Երևան քաղաքի Սաֆարյան փողոցից` Էրիկ անունով անձից հափշտակել է «Սամսունգ Նոթ 4» մոդելի բջջային հեռախոս, Մաշտոց-Ամիրյան փողոցների խաչմերուկում` Նելլի անունով անձից հափշտակել է «Այֆոն 6», մոդելի բջջային հեռախոս, Կողբացի 1-ին շենքի մոտից` Կարեն անունով անձից հափշտակել է «Սոնի Իքսպերիա» մոդելի բջջային հեռախոսներ, մետրոպոլիտենի «Շենգավիթ» կայարանի մոտից` Արտյոմ անունով անձից հափշտակել է «Այփադ» մոդելի պլանշետային համակարգիչ, «Հ3» հեռուստաընկերության մոտից` Մարտին անունով անձից հափշտակել է «Սամսունգ Գալաքսի Ալֆա» տեսակի բջջային հեռախոս, Սարգիս անունով անձից` ավտոմեքենայի դիագնոստիկ սարքեր։
«Նուբարաշեն» ՔԿՀ-ում գտնվելու ընթացքում օգտագործել է /091/ 66-15-68/, /043/ 23-36-36, /041/ 74-44-44, /055/ 12-70-01, /055/ 46-53-21, /093/ 15-27-84, /043/ 05-93-67 հեռախոսահամարները, որոնց միջոցով էլ կատարել է իրեն մեղսագրվող արարքները։
/դատական նիստի արձանագրություն, հատոր 5, գ.թ. 27, հատոր 7, գ.թ. 221-223, 237-239, հատոր 11, գ.թ. 46, 204-205, հատոր 19, գ.թ. 222, հատոր 20, գ.թ. 22-24, 51-52, 204, 225/
Դատարանում ամբաստանյալ Ս. Դանիելյանն իրեն մասնակի մեղավոր է ճանաչել, ընդունել է տուժող Մ. Կիրակոսյանից, Մ. Շիշյանից, Ա. Ասատրյանից, Ս. Մարտիրոսյանից, Է. Ղուկասյանից, Ա. Շիբոյանից` խարդախությամբ բջջային հեռախոսները, Գ. Պուտագեանից` պլանշետային համակարգիչը և Ռ. Հակոբյանից` երկու տպիչները հափշտակելու վերաբերյալ իրեն վերագրվող արարքները, չի ընդունել իրեն վերագրվող, Վ. Ստեփանյանից խարդախությամբ համակարգիչը հափշտակելու հանգամանքը` պատճառաբանելով, որ դրա գումարը տվել է։
Ամբաստանյալ Է. Հայրապետյանին վերագրվող դրվագներով արարքներն ընդունում է ամբողջությամբ, դրանք ինքն է կատարել։ Է. Հայրապետյանը չի իմացել իր մտադրությունների և գործողությունների մասին։
Քննիչի մոտ ընդունել է մեղքը, քանի որ նա իրեն համոզել է, որ մի քանի դրվագ ավել կամ պակաս լինելը որևէ նշանակություն չունի։
Իրեն առաջադրված մեղադրանքում մնացած մասով մեղավոր չի ճանաչում, դրանց հետ ինքը որևէ առնչություն չի ունեցել։ Ատամնաբուժական ռենտգեն ապարատի հափշտակության վերաբերյալ դրվագն ընդունել է այն պատճառով, որպեսզի դրա կատարման համար իր ծանոթը քրեական պատասխանատվության չենթարկվի։ Այդ դրվագով տեղյակ է նաև, որ ռենտգեն ապարատը վերադարձվել է տիրոջը։
/դատական նիստի արձանագրություն/
Նախաքննության և դատական քննության ընթացում ամբաստանյալ Է. Հայրապետյանն առաջադրված մեղադրանքում իրեն մեղավոր չի ճանաչել և օգտվելով իր դատավարական իրավունքներից` հրաժարվել է ցուցմունքներ տալուց։
/դատական նիստի արձանագրություն, հատոր 20, գ.թ. 2, 25, 213/

Դատարանի իրավական վերլուծությունները

Վերլուծելով ամբաստանյալների, տուժողների և վկաների ցուցմունքները, համադրելով դրանք քրեական գործի նախաքննությամբ և դատական քննությամբ ձեռք բերված և հետազոտված ապացույցների հետ, գնահատելով դրանք վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ` դատարանը գտնում է հետևյալը.
Ամբաստանյալ Ս. Դանիելյանի ցուցմունքները` խարդախությամբ տուժողներ Մ. Կիրակոսյանից, Մ. Շիշյանից, Ա. Ասատրյանից բջջային հեռախոսները հափշտակելու մտադրության մասին Է. Հայրապետյանի հետ նախնական համաձայնություն չունենալու, Է. Հայրապետյանին վերագրվող արարքների կատարման մեջ նրա մասնակցությունը հերքելու, ինչպես նաև տուժողներ Վ. Ստեփանյանից, Ա. Գևորգյանից, Հ. Պարտիզպանյանից, Ս. Եղիազարյանից, Դ. Կնյազյանից. Ա. Ներսեսյանից, Ռ. Արմենակյանից, Գ. Հովհաննիսյանից, Ս. Յարմալոյանից, Ն. Պողոսյանից, Կ. Զիլֆյանից, Ա. Ղումաշյանից, Է. Աբգարյանից, Մ. Ամիրաղյանից, Վ. Սեդրակյանից, Տ. Սողոմոնյանից և Ս. Խաչատրյանից խարդախությամբ գույք չհափշտակելու վերաբերյալ` իրականությանը չեն համապատասխանում, արժանահավատ չեն, քրեական պատասխանատվությունից և պատժից խուսափելու, Է. Հայրապետյանին քրեական պատասխանատվությունից և պատժից խուսափելու հարցում օգնելու նպատակներ են հետապնդում և հերքվում են վերոհիշյալ ապացույցներով։
Այդ վերլուծությունների արդյունքում դատարանը գտնում է նաև, որ ամբաստանյալ Ս. Դանիելյանի կողմից, նրա մեղավորությամբ, նրան վերագրվող, առաջինից երրորդ դրվագները ներառյալ, երեք դրվագներից յուրաքանչյուրով, մի խումբ անձանց կողմից նախնական համաձայնությամբ խարդախություն կատարելն ապացուցված է, նրա այդ արարքներից յուրաքանչյուրը ճիշտ է որակված և համապատասխանում է ՀՀ քրեական օրենսգրքի 178-րդ հոդվածի 2-րդ մասի 1-ին կետով նախատեսված հանցագործության հատկանիշներին։
Ապացուցված է նաև ամբաստանյալ Ս. Դանիելյանի կողմից, նրա մեղավորությամբ, նրան վերագրվող, չորրորդից իններորդ դրվագները ներառյալ ներկայացված վեց դրվագներից յուրաքանչյուրով, խոշոր չափերով խարդախություն կատարելը, նրա այդ արարքներից յուրաքանչյուրը ճիշտ է որակված և համապատասխանում է ՀՀ քրեական օրենսգրքի 178-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ապացուցված է նաև ամբաստանյալ Ս. Դանիելյանի կողմից, նրա մեղավորությամբ, նրան վերագրվող, տասներորդից քսանհինգերորդ դրվագները ներառյալ ներկայացված տասնվեց դրվագներից յուրաքանչյուրով խարդախություն կատարելը, նրա այդ արարքներից յուրաքանչյուրը նույնպես ճիշտ է որակված և համապատասխանում է ՀՀ քրեական օրենսգրքի 178-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Է. Հայրապետյանի կողմից, նրա մեղավորությամբ, նրան վերագրվող, առաջինից երրորդ դրվագները ներառյալ ներկայացված երեք դրվագներից յուրաքանչյուրով, մի խումբ անձանց կողմից նախնական համաձայնությամբ խարդախություն կատարելը, նրա այդ արարքներից յուրաքանչյուրը ճիշտ է որակված և համապատասխանում է ՀՀ քրեական օրենսգրքի 178-րդ հոդվածի 2-րդ մասի 1-ին կետով նախատեսված հանցագործության հատկանիշներին։
Քննելով ամբաստանյալներից յուրաքանչյուրի նկատմամբ պատիժ նշանակելու հարցը` դատարանը գտնում է հետևյալը.
ՀՀ քրեական օրենսգրքի 22-րդ հոդվածի համաձայն`
«1. Հանցագործությունների ռեցիդիվ է համարվում դիտավորությամբ հանցանք կատարելն այն անձի կողմից, ով դատվածություն ունի նախկինում դիտավորությամբ կատարված հանցանքի համար։
2. Հանցագործությունների ռեցիդիվը վտանգավոր է համարվում՝
1) դիտավորությամբ հանցանք կատարելու դեպքում, եթե անձը նախկինում երկու անգամից ոչ պակաս ազատազրկման է դատապարտվել դիտավորյալ հանցագործության համար.
(…)»։
Նույն օրենսգրքի 67.1 հոդվածի համաձայն`
«1. Հանցագործությունների ռեցիդիվի, վտանգավոր և առանձնապես վտանգավոր ռեցիդիվի դեպքում պատիժ նշանակելիս հաշվի են առնվում կատարված հանցագործությունների քանակը, բնույթը և ծանրությունը, այն հանգամանքները, որոնց հետևանքով նախկին պատիժը բավարար չի եղել մեղավորի ուղղման համար, ինչպես նաև նոր հանցագործության բնույթը, ծանրությունը և հետևանքները։
2. Հանցագործությունների ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի կեսից։
(…)»։
Ամբաստանյալ Ս. Դանիելյանն իրեն մեղսագրվող, ոչ մեծ և միջին ծանրության հանցագործությունները դիտավորությամբ կատարել է` նախկինում մեկ անգամ ազատազրկման դատապարտված լինելով դիտավորյալ հանցագործությունների համար, այսինքն` յուրաքանչյուր դրվագով պատիժ նշանակելիս առկա է հանցագործությունների ռեցիդիվ։
ՀՀ վճռաբեկ դատարանը Կարեն Տիգրանի Հարությունյանի վերաբերյալ ՎԲ-201/07 քրեական գործով վերլուծելով ՀՀ քրեական օրենսգրքի Ընդհանուր մասի մի շարք դրույթներ, մասնավորապես` ՀՀ քրեական օրենսգրքի 10-րդ, 48-րդ և 61-րդ հոդվածները` 2007 թվականի նոյեմբերի 30-ին կայացված որոշմամբ արտահայտել է հետևյալ իրավական դիրքորոշումները.
«4. (…) ՀՀ քրեական օրենսգրքի 48-րդ հոդվածի 2-րդ մասի համաձայն` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։ Սոցիալական արդարությունը վերականգնելու նպատակը բխում է արդարության և պատասխանատվության անհատականացման սկզբունքն ամրագրած ՀՀ քրեական օրենսգրքի 10-րդ հոդվածի բովանդակությունից։ Այն սահմանում է, որ հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի, համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար։ Սոցիալական արդարության վերականգնումը հնարավոր է, եթե հանցանք կատարած անձի նկատմամբ նշանակվի այնպիսի պատիժ, որն անհրաժեշտ ու բավարար է նրան ուղղելու և նոր հանցագործությունները կանխելու համար։
Պատիժ նշանակելու արդարության սկզբունքը դրսևորվում է օրենքով նախատեսված մի շարք պահանջներով։ ՀՀ քրեական օրենսգրքի 61-րդ հոդվածի 1-ին մասը սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ։ Նույն հոդվածի 3-րդ մասի համաձայն՝ պատժի տեսակը և չափը որոշվում է հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով։ Պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձին բնութագրող բոլոր տվյալները և քրեական օրենքով նախատեսված պահանջներից ելնելով, հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ և բավարար է այդ անձին ուղղելու և նրա կողմից նոր հանցանքի կատարումը կանխելու համար։ (…)»։
ՀՀ քրեական օրենսգրքի 178-րդ հոդվածի 1-ին մասի սանկցիան այլընտրանքային է` պատիժ է նախատեսում տուգանքի, կալանքի և ազատազրկման ձևով։
ՀՀ քրեական օրենսգրքի 178-րդ հոդվածի 2-րդ մասի սանկցիան այլընտրանքային է` պատիժ է նախատեսում տուգանքի և ազատազրկման ձևով։
Պատժի տեսակների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ. Մադաթյանի վերաբերյալ ԵՇԴ/0029/01/08 քրեական գործով 2009թ. փետրվարի 17-ի որոշման մեջ, որտեղ արտահայտել է հետևյալ իրավական դիրքորոշումները.
«13. (…) այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա։
14. Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ։
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը։
15. Արարքի հանրային վտանգավորության բնույթի որոշման հարցում Վճռաբեկ դատարանը կարևորում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը։ Վճռաբեկ դատարանը գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը։ (…)»։
ՀՀ վճռաբեկ դատարանն Արարատ Ավագի Ավագյանի և Վահան Սերյոժայի Սահակյանի վերաբերյալ ԵԿԴ/0252/01/13 քրեական գործով 2014թ. հոկտեմբերի 31-ի որոշման մեջ արտահայտել է նաև հետևյալ իրավական դիրքորոշումը.
«(…) նշանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության հանրային վտանգավորության աստիճանին և բնույթին (…)։
Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա (…)
Նշված նորմի վերլուծության հիման վրա դատարանն արձանագրում է, որ տվյալ հանցագործության վերաբերյալ գործերով պատժի անհատականացման սկզբունքի տեսանկյունից արարքի հանրային վտանգավորությունը որոշելիս դատարանը, ի թիվս այլնի, պետք է հաշվի առնի. (…)
դրա չափը (…),
արարքի կատարման նպատակն ու շարժառիթը (…)։
Վկայակոչված հանգամանքները, այլ հանգամանքների հետ համակցությամբ ազդում են արարքի հանրային վտանգավորության վրա և պետք է իրենց համապատասխան գնահատականը ստանան յուրաքանչյուր գործով պատիժ նշանակելիս։
Պատժի անհատականացման սկզբունքի բովանդակության հիմնական մասն է կազմում նաև հանցավորի անձը բնութագրող տվյալների գնահատումը, որոնք իրենց ամբողջության մեջ հնարավորություն են տալիս անձին դիտել ոչ միայն որպես հանցանք կատարող, որը պետք է պատասխանատվություն կրի, այլ նաև որպես կոնկրետ անձ՝ իր անհատական հատկանիշներով։ Ընդ որում՝ անձի այն հատկանիշները, որոնք գտնվում են հանցակազմից դուրս, նշանակություն են ունենում դատարանի կողմից պատժի տեսակը և չափը որոշելիս։ Որպես հանցավորի անձը բնութագրող հատկանիշներ` գնահատվում են նրա սոցիալ-հոգեբանական, սոցիալ-ժողովրդագրական հատկությունները՝ վարքագիծն ընտանիքում և կենցաղում, աշխատանքի նկատմամբ ունեցած վերաբերմունքը, կրթությունը, առողջական վիճակը, տարիքը, ծառայությունը պետության և հասարակության առջև և այլն (…)»։
Ամբաստանյալ Ս. Դանիելյանի նկատմամբ, նրա կատարած հանցագործությունների համար պատիժ նշանակելիս` դատարանը հաշվի է առնում վերոհիշյալ իրավական ակտերում և նախադեպային որոշումներում արտահայտված իրավական դիրքորոշումները, ամբաստանյալ Ս. Դանիելյանի անձը, նրա կողմից ոչ մեծ և միջին ծանրության հանցագործություններ դիտավորությամբ կատարած լինելը և դրանց` հանրության համար վտանգավորության աստիճանը, այն, որ ամբաստանյալին մեղսագրված, վեցերորդ դրվագով, խարդախությամբ ուրիշի գույքի հափշտակության խոշոր չափն առավել մոտ է տվյալ հանցագործության համար ՀՀ քրեական օրենսգրքով նախատեսված` խոշոր չափի առավելագույն սահմանաչափ հանդիսացող երեք միլիոն ՀՀ դրամին, իսկ տասնմեկերորդ, տասնչորսերորդ, տասնհինգերորդ, տասնվեցերորդ, տասնյոթերորդ, քսանմեկերորդ, քսանչորսերորդ, քսանհինգերորդ դրվագներով, խարդախությամբ ուրիշի գույքի հափշտակության զգալի չափերն առավել մոտ են տվյալ հանցագործության համար ՀՀ քրեական օրենսգրքով նախատեսված` զգալի չափի առավելագույն սահմանաչափ հանդիսացող հինգ հարյուր հազար ՀՀ դրամին։
Դատարանը հաշվի է առնում նաև յուրաքանչյուր հանցագործության կատարման եղանակը, հանցավոր մտադրության իրականացման աստիճանը, հանցագործություն կատարելուց հետո հանցավորի դրսևորած վարքագիծը, խախտված հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը։
Ամբաստանյալ Ս. Դանիելյանի կատարած յուրաքանչյուր հանցագործության համար պատիժ նշանակելիս` որպես նրա պատասխանատվությունը և պատիժը ծանրացնող հանգամանք դատարանը հաշվի է առնում հանցագործությունների ռեցիդիվը, իսկ որպես ամբաստանյալի պատասխանատվությունը և պատիժը մեղմացնող հանգամանք դատարանը յուրաքանչյուր դրվագով հաշվի է առնում նրա խնամքին մինչև տասնչորս տարեկան մեկ երեխայի` 2011թ. ապրիլի 25-ին ծնված Սոնա Սպարտակի Դանիելյանի առկայությունը։
Վերոգրյալը հաշվի առնելով` դատարանը գտնում է, որ ՀՀ քրեական օրենսգրքի 178-րդ հոդվածի 1-ին մասով, ՀՀ քրեական օրենսգրքի 178-րդ հոդվածի 2-րդ մասի 1-ին կետով և ՀՀ քրեական օրենսգրքի 2-րդ մասի 2-րդ կետով նախատեսված հանցագործությունների կատարման համար ամբաստանյալ Ս. Դանիելյանը ենթակա է պատժի ազատազրկման ձևով, որը չի կարող նվազ լինել այդ արարքներից յուրաքանչյուրի համար նախատեսված առավելագույն պատժի կեսից։
ՀՀ քրեական օրենսգրքի 66-րդ հոդվածի համաձայն`
«1. Հանցանքների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով։
(...)
3. Եթե հանցանքների համակցությունն ընդգրկում է միայն միջին ծանրության կամ միջին ծանրության և ոչ մեծ ծանրության հանցանքներ, ապա վերջնական պատիժը նշանակվում է պատիժները լրիվ կամ մասնակիորեն գումարելու միջոցով։ Ընդ որում, ազատազրկման ձևով վերջնական պատիժը չի կարող գերազանցել տասը տարին։
(…)
6. Պատիժը նշանակվում է սույն հոդվածի կանոններով, եթե դատավճիռ կայացնելուց հետո պարզվի, որ դատապարտյալը մեղավոր է նաև մեկ այլ հանցանքի համար, որը նա կատարել է նախքան առաջին գործով դատավճիռ կայացնելը։ Այս դեպքում վերջնական պատժի ժամկետին հաշվակցվում է առաջին դատավճռով նշանակված պատժի կրած մասը։»։
Նույն օրենսգրքի 69-րդ հոդվածի համաձայն`
«1. (…) ազատազրկման ժամկետները հաշվարկվում են ամիսներով և տարիներով։ Հանրային աշխատանքների ժամկետը հաշվարկվում է ժամերով։ Կալանքի ժամկետը հաշվվում է օրերով և ամիսներով։
2. Սույն հոդվածի առաջին մասում նշված պատիժները փոխարինելիս կամ գումարելիս, ինչպես նաև պատիժը հաշվակցելիս ժամկետները կարող են հաշվարկվել օրերով։
(…)»։
Հանցանքների համակցությամբ պատիժ նշանակելու իրավաչափության վերաբերյալ ՀՀ վճռաբեկ դատարանն իրավական դիրքորոշում է արտահայտել Էդուարդ Աշոտի Ներսիսյանի վերաբերյալ ԵԷԴ/0124/01/09 քրեական գործով 2010թ. օգոստոսի 27-ի որոշմամբ, որի համաձայն` «(…) ՀՀ քրեական օրենսգրքի Ընդհանուր մասը, ի թիվս պատիժ նշանակելու այլ կանոնների, ամրագրում է նաև հանցագործությունների համակցությամբ պատիժ նշանակելու վերաբերյալ կանոններ, որոնց համաձայն՝ յուրաքանչյուր հանցագործության համար առանձին պատիժ նշանակելով` դատարանը վերջնական պատիժը որոշում է`
1. նվազ խիստ պատիժն ավելի խիստ պատժով կլանելու միջոցով,
2. նշանակված պատիժները լրիվ կամ մասնակիորեն գումարելու միջոցով։
Իսկ այն դեպքում, երբ դատավճիռ կայացնելուց հետո պարզվում է, որ դատապարտյալը մեղավոր է նաև մեկ այլ հանցանքի համար, որը նա կատարել է նախքան առաջին գործով դատավճիռ կայացնելը, ապա պատժի ժամկետում հաշվակցվում է առաջին դատավճռով նշանակված պատժի կրած մասը։
17. Այսպիսով, ՀՀ քրեական օրենսգրքի 66-րդ հոդվածի 6-րդ մասի կիրառմամբ պատիժ նշանակելու համար անհրաժեշտ կանոններն են.
1. քրեական օրենսգրքի տարբեր հոդվածներով կամ նույն հոդվածի տարբեր մասերով նախատեսված երկու կամ ավելի հանցանք կատարելը, որոնցից ոչ մեկի համար անձը դատապարտված չի եղել,
2. անձը պետք է մեղավոր ճանաչվի այնպիսի հանցանքի համար, որը նա կատարել է նախքան առաջին գործով դատավճիռ կայացնելը,
3. հանցանքների համակցությամբ, յուրաքանչյուր հանցագործության համար առանձին պատիժ նշանակելով՝ դատարանը վերջնական պատիժ պետք է նշանակի նվազ խիստ պատիժն ավելի խիստ պատժով կլանելու կամ նշանակված պատիժները լրիվ կամ մասնակիորեն գումարելու միջոցով,
4. վերջնական պատժի ժամկետին պետք է հաշվակցվի առաջին դատավճռով նշանակված պատժի կրած մասը։
18. Ընդ որում, ՀՀ քրեական օրենսգրքի 66-րդ հոդվածի 6-րդ մասի կանոններով առաջին դատավճռով նշանակված պատժի կրած մասը վերջնական պատժի ժամկետին հաշվակցումը կարող է իրականացվել երկու եղանակով՝
1. դատարանը, վերջնական պատիժ նշանակելով, նշանակված պատժից հանում է առաջին դատավճռով նշանակված պատժի կրած մասը՝ պատժի սկիզբը հաշվելով այդ դատավճիռը կայացնելու օրվանից,
2. դատարանը, վերջնական պատիժ նշանակելով, հաշվակցում է առաջին դատավճռով նշանակված պատժի կրած մասը՝ պատժի սկիզբը հաշվելով առաջին դատավճռով սահմանված ժամկետից։
Թեև նշված երկու եղանակներից ցանկացածի ընտրության դեպքում նշանակված պատժի ժամկետները լրանալու առումով հետևանքները նույնն են` պատժի ժամկետները լրանալու օրերը համընկնում են, այնուհանդերձ, Վճռաբեկ դատարանը գտնում է, որ պատժի կրած մասը վերջնական պատժի ժամկետին հաշվակցելու եղանակի ընտրությունը կարևորվում է նաև նրանով, որ կախված եղանակի ընտրությունից, կարող են վրա հասնել դատապարտյալի համար անբարենպաստ և նրա վիճակը վատթարացնող այլ իրավական հետևանքներ։ Մասնավորապես, այն դեպքերում, երբ ՀՀ քրեական օրենսգրքի 66-րդ հոդվածի 6-րդ մասի կանոնները կիրառվում են այնպիսի անձի նկատմամբ, ով առաջին գործով կայացված դատավճռից հետո անընդմեջ գտնվում է անազատության մեջ, ապա վերը նշված երկու եղանակներից առաջինի կիրառման դեպքում դատապարտյալի` պայմանական վաղաժամկետ ազատվելու իրավունքը ծագում է ավելի ուշ, քան այն դեպքում, երբ երկրորդ կանոնի կիրառմամբ նրա նկատմամբ նշանակված պատժի ժամկետի սկիզբը հաշվվում է առաջին դատավճռով սահմանված ժամկետից։ (…)»։
Հաշվի առնելով, որ սույն գործով Ս. Դանիելյանին մեղսագրված հանցավոր արարքների համակցությունն ընդգրկում է ոչ մեծ և միջին ծանրության հանցանքներ` դատարանը գտնում է, որ ՀՀ քրեական օրենսգրքի 66-րդ հոդվածի 3-րդ մասի կիրառմամբ, Ս. Դանիելյանի նկատմամբ, վեցերորդ դրվագով` ՀՀ քրեական օրենսգրքի 178-րդ հոդվածի 2-րդ մասի 2-րդ կետով նշանակված պատժին մասնակիորեն գումարման են ենթակա մնացած քսանչորս դրվագներից յուրաքանչյուրով նախատեսված արարքի համար նշանակվող պատիժները։
Հաշվի առնելով նաև, որ ամբաստանյալ Ս. Դանիելյանի կողմից նոր հանցանքներ են կատարվել ԵԿԴ/0168/01/13 քրեական գործով, Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2014թ. նոյեմբերի 07-ի դատավճիռը կայացնելուց հետո, բայց մինչև դրանով նշանակված պատժի լրիվ կրելը և նա սույն գործով մեղսագրված հանցավոր արարքները կատարել է նախքան առաջին` ԵԿԴ/0116/01/16 քրեական գործով Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2016թ. հունիսի 13-ի դատավճռով դատապարտվելը` 2015թ. մարտից օգոստոսն ընկած ժամանակահատվածում, դատարանը գտնում է, որ ՀՀ քրեական օրենսգրքի 66-րդ հոդվածի 3-րդ և 6-րդ մասերի կիրառմամբ, սույն գործով ամբաստանյալ Ս. Դանիելյանի նկատմամբ նշանակված պատժին պետք է հաշվակցվի առաջին դատավճռով նշանակված պատժի կրած մասը` պատժի սկիզբը հաշվելով առաջին դատավճռով սահմանված ժամկետից, ընդ որում մասնակիորեն գումարման է ենթակա ԵԿԴ/0116/01/16 քրեական գործով Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի կողմից 2016թ. հունիսի 13-ին կայացված, օրինական ուժի մեջ մտած դատավճռով նշանակված պատժի չկրած մասը։
Միաժամանակ դատարանը գտնում է, որ նշանակված պատիժն ամբաստանյալ Ս. Դանիելյանը պետք է կրի, քանի որ դրան խոչընդոտող հանգամանքներ առկա չեն, պատժի կրումից նրան ազատելու վերաբերյալ բավարար հիմնավորումներ դատարանին չեն ներկայացվել։
Ամբաստանյալ Է. Հայրապետյանի նկատմամբ, նրա կատարած յուրաքանչյուր հանցագործության համար պատիժ նշանակելիս` դատարանը հաշվի է առնում վերոհիշյալ իրավական ակտերում և նախադեպային որոշումներում արտահայտված իրավական դիրքորոշումները, ամբաստանյալ Է. Հայրապետյանի անձը և նրա կողմից միջին ծանրության հանցագործություններ կատարած լինելը։
Դատարանը հաշվի է առնում նաև հանցագործության կատարման եղանակը, հանցավոր մտադրության իրականացման աստիճանը, հանցագործություն կատարելուց հետո հանցավորի դրսևորած վարքագիծը, խախտված հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը։
Ամբաստանյալ Է. Հայրապետյանի պատասխանատվությունը և պատիժը ծանրացնող կամ մեղմացնող որևէ հանգամանք դատարանը չի արձանագրում։
Վերոգրյալը հաշվի առնելով` դատարանը գտնում է, որ ՀՀ քրեական օրենսգրքի 178-րդ հոդվածի 2-րդ մասի 1-ին կետով նախատեսված յուրաքանչյուր հանցագործության կատարման համար ամբաստանյալ Է. Հայրապետյանը ենթակա է պատժի ազատազրկման ձևով, քանի որ այդ պատիժն է անհրաժեշտ և բավարար Է. Հայրապետյանին ուղղելու և նրա կողմից նոր հանցանքի կատարումը կանխելու համար և դրա միջոցով հնարավոր կլինի ապահովել ՀՀ քրեական օրենսգրքի 48-րդ հոդվածով նախատեսված պատժի նպատակները։ Պատժի նվազ խիստ տեսակ տուգանքը որպես պատիժ նշանակվել չի կարող, քանի որ այն չի կարող ապահովել պատժի նպատակները։
Հաշվի առնելով, որ սույն գործով Է. Հայրապետյանին մեղսագրված հանցավոր արարքների համակցությունն ընդգրկում է միջին ծանրության հանցանքներ` դատարանը գտնում է, որ ՀՀ քրեական օրենսգրքի 66-րդ հոդվածի 3-րդ մասի կիրառմամբ, Է. Հայրապետյանի նկատմամբ, առաջին դրվագով` ՀՀ քրեական օրենսգրքի 178-րդ հոդվածի 2-րդ մասի 2-րդ կետով նշանակված պատժին մասնակիորեն գումարման են ենթակա երկրորդ և երրորդ դրվագներից յուրաքանչյուրով նախատեսված արարքի համար նշանակվող պատիժները։
Հաշվի առնելով նաև, որ ամբաստանյալ Է. Հայրապետյանը սույն գործով մեղսագրված հանցավոր արարքները կատարել է նախքան ԵԱՔԴ/0096/01/15 քրեական գործով Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 2015թ. օգոստոսի 12-ի և ԵԿԴ/0211/01/15 քրեական գործերով Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2016թ. մարտի 03-ի դատավճիռներով դատապարտվելը` 2015թ. մարտ ամսին, դատարանը գտնում է, որ ՀՀ քրեական օրենսգրքի 66-րդ հոդվածի 6-րդ մասի կիրառմամբ, սույն գործով ամբաստանյալ Է. Հայրապետյանի նկատմամբ նշանակված պատժին պետք է հաշվակցվի առաջին դատավճռով նշանակված պատժի կրած մասը` պատժի սկիզբը հաշվելով առաջին դատավճռով սահմանված ժամկետից, ընդ որում մասնակիորեն գումարման է ենթակա ԵԿԴ/0211/01/15 քրեական գործով Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի կողմից 2016թ. մարտի 03-ին կայացված, օրինական ուժի մեջ մտած դատավճռով նշանակված պատժի չկրած մասը։
Միաժամանակ դատարանը գտնում է, որ նշանակված պատիժն ամբաստանյալ Է. Հայրապետյանը պետք է կրի, քանի որ դրան խոչընդոտող հանգամանքներ առկա չեն, պատժի կրումից նրան ազատելու վերաբերյալ բավարար հիմնավորումներ դատարանին չեն ներկայացվել։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննելով գույքի վրա դրված կալանքի հարցը` դատարանը գտնում է, որ ամբաստանյալ Սպարտակ Արսենի Դանիելյանի անշարժ գույքի վրա նախաքննության մարմնի 2015թ. սեպտեմբերի 10-ի որոշմամբ դրված կալանքը պետք է թողնել անփոփոխ` մինչև դատավճռի կատարումը։
Քննելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, նախաքննության մարմնի 2015թ. դեկտեմբերի 03-ի որոշումներով իրեղեն ապացույցներ ճանաչված, Սարգիս Եղիազարյանին ի պահ հանձնված «Լանչ Իքս-431-5» («LAUNCH X-431 5») և «Լանչ Իքս-431 4» («LAUNCH X-431 4») դիագնոստիկ սարքերը պետք է թողնել տուժող Սարգիս Եղիազարյանի տնօրինմանը։
Նախաքննության մարմնի նույն օրվա որոշմամբ իրեղեն ապացույց ճանաչված, դատարանի 2016թ. ապրիլի 19-ի որոշմամբ Ռոբերտ Աղասու Արմենակյանին ի պահ հանձնված, 35294506-037836-1 գործարանային համարի «Սոնի Էքսպերիա Զեթ 2» («Sony Xperia Z2») մոդելի պլանշետային համակարգիչը պետք է թողնել տուժող Ռոբերտ Արմենակյանի տնօրինմանը։
Նախաքննության մարմնի 2015թ. դեկտեմբերի 10-ի որոշմամբ իրեղեն ապացույց ճանաչված, Արսեն Գեղամի Ներսիսյանին ի պահ հանձնված ատամնաբուժական ռենտգեն սարքը պետք է թողնել տուժող Արսեն Ներսիսյանի տնօրինմանը։
Նախաքննության մարմնի 2016թ. փետրվարի 23-ի որոշումներով իրեղեն ապացույցներ ճանաչված, դատարանի որոշումներով ի պահ հանձնված, «Սոնի Իքսպերիա Զեթ3 Դուալ» («Sony Xperia Z3 Dual») մոդելի բջջային հեռախոսը պետք է թողնել տուժող Կարեն Զիլֆյանի տնօրինմանը, «Այֆոն 6» («IPHONE 6») մոդելի բջջային հեռախոսը պետք է թողնել տուժող Արման Ռուբենի Գևորգյանի տնօրինմանը, «Գալաքսի Նոթ 3» բջջային հեռախոսը պետք է թողնել տուժող Սամվել Մարտիրոսյանի տնօրինմանը։
Քննելով խափանման միջոցի հարցը` դատարանը գտնում է հետևյալը.
Սույն քրեական գործով ամբաստանյալներ Ս. Դանիելյանի և Է. Հայրապետյանի նկատմամբ խափանման միջոց ընտրված չի եղել։ Քրեական գործի դատական քննության ընթացքում ամբաստանյալ Ս. Դանիելյանի նկատմամբ որպես խափանման միջոց ընտրվել է կալանավորումը և հայտարարվել է նրա հետախուզումը, սակայն նրա վերաբերյալ ԵԿԴ/0116/01/16 քրեական գործով Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի կողմից 2016թ. հունիսի 13-ին կայացված և օրինական ուժի մեջ մտած դատավճռով դատարանը քննել և լուծել է Ս. Դանիելյանի նկատմամբ ընտրված խափանման միջոցի հարցը։ Բացի այդ, նշված գործով դատարանը դատավճիռների համակցությամբ վերջնական պատիժ նշանակելիս և այն մասնակիորեն գումարելիս հաշվի է առել այն հանգամանքը, որ Ս. Դանիելյանը 2016թ. ապրիլի 5-ից մինչև նույն թվականի ապրիլի 29-ը գտնվել է հետախուզման մեջ` արձանագրելով, որ Ս. Դանիելյանը ԵԿԴ/0168/01/13 քրեական գործով 2014թ. նոյեմբերի 7-ի դատավճռով նշանակված պատժից 24 օրը փաստացի չի կրել։
Հաշվի առնելով, որ այլ հանցագործություններ կատարած լինելու պատճառով ամբաստանյալներ Ս. Դանիելյանը և Է. Հայրապետյանը շարունակում են ազատազրկման ձևով պատիժ կրել, ունեն պատժի չկրած մաս` դատարանը գտնում է, որ ամբաստանյալներից յուրաքանչյուրի կողմից քրեական պատասխանատվությունից և նշանակված պատիժը կրելուց խուսափելու հավանականությունը ցածր է, ուստի նրանց նկատմամբ խափանման միջոց ընտրելու հիմքեր առկա չեն։
Դատական ծախսերի վերաբերյալ տեղեկություններ դատարանին չեն ներկայացվել։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 232-238-րդ, 357-360-րդ, 364-րդ, 365-րդ և 369-373-րդ հոդվածներով` դատարանը

Վ Ճ Ռ Ե Ց

1. Ամբաստանյալ Սպարտակ Արսենի Դանիելյանին մեղավոր ճանաչել 3 /երեք/ դրվագներով` ՀՀ քրեական օրենսգրքի 178-րդ հոդվածի 2-րդ մասի 1-ին կետով, 6 /վեց/ դրվագներով` ՀՀ քրեական օրենսգրքի 178-րդ հոդվածի 2-րդ մասի 2-րդ կետով, 16 /տասնվեց/ դրվագներով` ՀՀ քրեական օրենսգրքի 178-րդ հոդվածի 1-ին մասով նախատեսված հանցանքներում և դատապարտել.
Առաջին դրվագով` ՀՀ քրեական օրենսգրքի 178-րդ հոդվածի 2-րդ մասի 1-ին կետով` ազատազրկման 2 /երկու/ տարի 6 /վեց/ ամիս ժամկետով։
Երկրորդ դրվագով` ՀՀ քրեական օրենսգրքի 178-րդ հոդվածի 2-րդ մասի 1-ին կետով` ազատազրկման 2 /երկու/ տարի 6 /վեց/ ամիս ժամկետով։
Երրորդ դրվագով` ՀՀ քրեական օրենսգրքի 178-րդ հոդվածի 2-րդ մասի 1-ին կետով` ազատազրկման 2 /երկու/ տարի 6 /վեց/ ամիս ժամկետով։
Չորրորդ դրվագով` ՀՀ քրեական օրենսգրքի 178-րդ հոդվածի 2-րդ մասի 2-րդ կետով` ազատազրկման 2 /երկու/ տարի 6 /վեց/ ամիս ժամկետով։
Հինգերորդ դրվագով` ՀՀ քրեական օրենսգրքի 178-րդ հոդվածի 2-րդ մասի 2-րդ կետով` ազատազրկման 2 /երկու/ տարի 6 /վեց/ ամիս ժամկետով։
Վեցերորդ դրվագով` ՀՀ քրեական օրենսգրքի 178-րդ հոդվածի 2-րդ մասի 2-րդ կետով` ազատազրկման 3 /երեք/ տարի ժամկետով։
Յոթերորդ դրվագով` ՀՀ քրեական օրենսգրքի 178-րդ հոդվածի 2-րդ մասի 2-րդ կետով` ազատազրկման 2 /երկու/ տարի 6 /վեց/ ամիս ժամկետով։
Ութերորդ դրվագով` ՀՀ քրեական օրենսգրքի 178-րդ հոդվածի 2-րդ մասի 2-րդ կետով` ազատազրկման 3 /երեք/ տարի ժամկետով։
Իններորդ դրվագով` ՀՀ քրեական օրենսգրքի 178-րդ հոդվածի 2-րդ մասի 2-րդ կետով` ազատազրկման 2 /երկու/ տարի 6 /վեց/ ամիս ժամկետով։
Տասներորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի ժամկետով։
Տասնմեկերորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի 6 /վեց/ ամիս ժամկետով։
Տասներկուերորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի ժամկետով։
Տասներեքերորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի ժամկետով։
Տասնչորսերորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի 6 /վեց/ ամիս ժամկետով։
Տասնհինգերորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի 6 /վեց/ ամիս ժամկետով։
Տասնվեցերորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի 6 /վեց/ ամիս ժամկետով։
Տասնյոթերորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի 6 /վեց/ ամիս ժամկետով։
Տասնութերորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի ժամկետով։
Տասնիններորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի ժամկետով։
Քսաներորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի ժամկետով։
Քսանմեկերորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի 6 /վեց/ ամիս ժամկետով։
Քսաներկուերորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի ժամկետով։
Քսաներեքերորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի ժամկետով։
Քսանչորսերորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի 6 /վեց/ ամիս ժամկետով։
Քսանհինգերորդ դրվագով` ՀՀ քրեական օրենսգրքի 178-րդ հոդվածի 1-ին մասով` ազատազրկման 1 /մեկ/ տարի 6 /վեց/ ամիս ժամկետով։
ՀՀ քրեական օրենսգրքի 66-րդ հոդվածի 3-րդ մասի կիրառմամբ, հանցանքների համակցությամբ նշանակված պատիժները մասնակիորեն գումարելու միջոցով, վեցերորդ դրվագով որպես պատիժ նշանակված` 3 /երեք/ տարի ժամկետով ազատազրկմանը գումարելով մնացած քսանչորս դրվագներից յուրաքանչյուրով նշանակված պատժից` ազատազրկում 3 /երեք/-ական ամիս ժամկետով, ամբաստանյալ Սպարտակ Դանիելյանի նկատմամբ վերջնական պատիժ նշանակել ազատազրկում` 9 /ինը/ տարի ժամկետով։
ՀՀ քրեական օրենսգրքի 66-րդ հոդվածի 3-րդ և 6-րդ մասերի կիրառմամբ, սույն դատավճռով նշանակված պատժին մասնակիորեն գումարել ԵԿԴ/0116/01/16 քրեական գործով Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի կողմից 2016թ. հունիսի 13-ին կայացված և օրինական ուժի մեջ մտած դատավճռով նշանակված պատժից` 9 /ինը/ տարի ժամկետով ազատազրկումը և գույքի բռնագրավումը` 40.000.000 /քառասուն միլիոն/ ՀՀ դրամ գումարի չափով և Սպարտակ Դանիելյանի նկատմամբ վերջնական պատիժ նշանակել` ազատազրկում 18 /տասնութ/ տարի ժամկետով` գույքի բռնագրավմամբ 40.000.000 /քառասուն միլիոն/ ՀՀ դրամ գումարի չափով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը` առաջին դատավճռով նշանակված պատժի կրած մասի հաշվակցմամբ հաշվելով 2012թ. դեկտեմբերի 25-ից։
2. Ամբաստանյալ Էդվարդ Վաղարշակի Հայրապետյանին մեղավոր ճանաչել 3 /երեք/ դրվագներով` ՀՀ քրեական օրենսգրքի 178-րդ հոդվածի 2-րդ մասի 1-ին կետով նախատեսված հանցանքներում և դատապարտել.
Առաջին դրվագով` ՀՀ քրեական օրենսգրքի 178-րդ հոդվածի 2-րդ մասի 1-ին կետով` ազատազրկման 2 /երկու/ տարի ժամկետով։
Երկրորդ դրվագով` ՀՀ քրեական օրենսգրքի 178-րդ հոդվածի 2-րդ մասի 1-ին կետով` ազատազրկման 2 /երկու/ տարի ժամկետով։
Երրորդ դրվագով` ՀՀ քրեական օրենսգրքի 178-րդ հոդվածի 2-րդ մասի 1-ին կետով` ազատազրկման 2 /երկու/ տարի ժամկետով։
ՀՀ քրեական օրենսգրքի 66-րդ հոդվածի 3-րդ մասով նախատեսված` պատիժների մասնակի գումարման սկզբունքի կիրառմամբ, առաջին դրվագով նշանակված պատժին` /երկու/ տարի ժամկետով ազատազրկմանը գումարելով երկրորդ և երրորդ դրվագներից յուրաքանչյուրի համար նշանակված պատժից ազատազրկում 1 /մեկ/ տարի ժամկետով և ամբաստանյալ Էդվարդ Վաղարշակի Հայրապետյանի նկատմամբ պատիժ նշանակել ազատազրկում` 4 /չորս/ տարի ժամկետով։
ՀՀ քրեական օրենսգրքի 66-րդ հոդվածի 6-րդ մասի կիրառմամբ սույն դատավճռով նշանակված պատժին մասնակիորեն գումարել ԵԿԴ/0211/01/15 քրեական գործով, Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից 2016թ. մարտի 03-ին կայացված, օրինական ուժի մեջ մտած դատավճռով նշանակված պատժից` 4 /չորս/ տարի 6 /վեց/ ամիս ժամկետով ազատազրկումից 3 /երեք/ տարի ժամկետով ազատազրկումը և Էդվարդ Վաղարշակի Հայրապետյանի նկատմամբ վերջնական պատիժ նշանակել` ազատազրկում 7 /յոթ/ տարի ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը` առաջին դատավճռով նշանակված պատժի կրած մասի հաշվակցմամբ հաշվելով 2015թ. մայիսի 02-ից։
Դատավճռի օրինական ուժի մեջ մտնելուց հետո, նախաքննության մարմնի 2015թ. դեկտեմբերի 03-ի որոշումներով իրեղեն ապացույցներ ճանաչված, Սարգիս Եղիազարյանին ի պահ հանձնված «Լանչ Իքս-431-5» («LAUNCH X-431 5») և «Լանչ Իքս-431 4» («LAUNCH X-431 4») դիագնոստիկ սարքերը թողնել տուժող Սարգիս Եղիազարյանի տնօրինմանը։
Նախաքննության մարմնի նույն օրվա որոշմամբ իրեղեն ապացույց ճանաչված, դատարանի 2016թ. ապրիլի 19-ի որոշմամբ Ռոբերտ Աղասու Արմենակյանին ի պահ հանձնված, 35294506-037836-1 գործարանային համարի «Սոնի Էքսպերիա Զեթ 2» («Sony Xperia Z2») մոդելի պլանշետային համակարգիչը թողնել տուժող Ռոբերտ Արմենակյանի տնօրինմանը։
Նախաքննության մարմնի 2015թ. դեկտեմբերի 10-ի որոշմամբ իրեղեն ապացույց ճանաչված, Արսեն Գեղամի Ներսիսյանին ի պահ հանձնված ատամնաբուժական ռենտգեն սարքը թողնել տուժող Արսեն Ներսիսյանի տնօրինմանը։
Նախաքննության մարմնի 2016թ. փետրվարի 23-ի որոշումներով իրեղեն ապացույցներ ճանաչված, դատարանի որոշումներով ի պահ հանձնված, «Սոնի Իքսպերիա Զեթ3 Դուալ» («Sony Xperia Z3 Dual») մոդելի բջջային հեռախոսը թողնել տուժող Կարեն Զիլֆյանի տնօրինմանը, «Այֆոն 6» («IPHONE 6») մոդելի բջջային հեռախոսը թողնել տուժող Արման Ռուբենի Գևորգյանի տնօրինմանը, «Գալաքսի Նոթ 3» բջջային հեռախոսը թողնել տուժող Սամվել Մարտիրոսյանի տնօրինմանը։
Ամբաստանյալ Սպարտակ Արսենի Դանիելյանի անշարժ գույքի վրա նախաքննության մարմնի 2015թ. սեպտեմբերի 10-ի որոշմամբ դրված կալանքը թողնել անփոփոխ` մինչև դատավճռի կատարումը։
Դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում։


ԴԱՏԱՎՈՐ Մ. ՄԱՐՏԻՐՈՍՅԱՆ