Գործ թիվ ԵԿԴ/0033/01/16


Ո Ր Ո Շ ՈՒ Մ
քրեական գործի վարույթը կարճելու և քրեական հետապնդումը
դադարեցնելու մասին

«25» մարտի 2016թ. ք. Երևան

Երևանի Կենտրոն և Նորք - Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Գևորգ Պողոսյանի,

մասնակցությամբ`

մեղադրող, Երևանի Կենտրոն և
Նորք-Մարաշ վարչական շրջանների
դատախազության դատախազ` Վահե Ասատրյանի,


նույն դատարանում` խորհրդակցական սենյակում, քննության առնելով քրեական գործն ըստ մեղադրանքի`
1. Անուշ Նորայրի Աղաբաբյանի` (ծնված 1962թ. հունիսի 2-ին, Արագածի շրջանի Գեղադիր գյուղում, ազ¬գութ¬յամբ հայուհի, ՀՀ քա¬ղաքացի, միջնակարգ մասնագիտական կրթութ¬յամբ, այրի, խնամքին` 16 տարեկան որդին, չի աշխատում, նախ¬կինում չդատա¬պարտված, հաշվառված և բնակվում է Երևանի Գարեգին Նժդեհի փողոցի 10-րդ շենքի 2-րդ բնակարանում, սույն գործով վերագրվել է ՀՀ քրեական օրենսգրքի 117-րդ հոդվածով նախատեսված արարքի կատարում, որպես խափանման միջոց է ընտրվել չհեռանալու վերաբերյալ ստորագրություն) և
2. Լուիզա Աղասիի Օհանյանի` (ծնված 1941թ. հուլիսի 21-ին, Երևան քաղաքում, ազ¬գութ¬յամբ հայուհի, ՀՀ քա¬ղաքացի, բարձրագույն կրթութ¬յամբ, ամուսնացած, չի աշխատում, կեն¬սաթո¬շակառու, 3-րդ խմբի հաշմանդամ, նախ¬կինում չդատա¬պարտված, հաշվառված և բնակ¬վում է Երևանի Սոսեի փողոցի 18-րդ տանը, սույն գործով վերագրվել է ՀՀ քրեական օրենսգրքի 118-րդ հոդվածով նախատեսված արարքի կատարում, որպես խափանման միջոց է ընտրվել չհեռանալու վերաբերյալ ստորագրություն),
հաշվի առնելով քրեական գործի դա¬տական քննության ընթացքում գործի վարույթը բա¬ցառող հանգա¬մանքի ի հայտ գալու փաստը,

Պ Ա Ր Զ Ե Ց`

Մասնավոր մեղադրանքի վերաբերյալ թիվ 13831415 քրեական գործն հարուցվել է 2015թ. հոկտեմբերի 23-ին` ՀՀ քրեական օրենսգրքի 118-րդ հոդվածով մասի հատկանիշներով ՀՀ քննչա¬կան կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջան¬ների քննչական բաժնում` Լուիզա Օհանյանի և Անուշ Աղաբաբյանի հաղորդումների հի¬ման վրա նախա¬պատ¬րաստված նյութերի քննարկ¬ման արդյունքներով։
2015թ. փետրվարի 22-ին Անուշ Աղաբաբյանին մեղադրանք է առաջադրվել ՀՀ քրեական օրենսգրքի 117-րդ հոդվածով, իսկ Լուիզա Օհանյանին` ՀՀ քրեական օրենսգրքի 117-րդ հոդվա¬ծով։
Նույն օրը Անուշ Աղաբաբյանի և Լուիզա Օհանյանի նկատմամբ որպես խափանման միջոց է ընտրվել չհե¬ռանալու վերաբերյալ ստորագրություն։
2016թ. փետրվարի 29-ին սույն քրեական գործն Անուշ Նորայրի Աղաբաբյանի նկատմամբ ՀՀ քրեական օրենսգրքի 117-րդ հոդվածով, իսկ Լուիզա Աղասիի Օհանյանի նկատմամբ ՀՀ քրեական օրենսգրքի 118-րդ հոդվածով հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրա¬վա¬¬սութ¬յան դատա¬րան, 2016թ. մարտի 3-ին ընդունվել է Դատարանի վարույթ, իսկ 2016թ. մարտի 17-ին նշանակվել դատական քննության։
Համաձայն Անուշ Աղաբաբյանին որպես մեղադրյալ ներգրավելու որոշման, ինչպես նաև մեղադրական եզրակացության` վերջինիս ՀՀ քրեական օրենսգրքի 117-րդ հոդվածով մեղադրանք է առա¬ջադրվել այն բանի համար, որ նա «2015թ. հոկտեմբերի 10-ին` ժամը` 15։00-ի սահմաններում, Երևան քաղաքի «Հանրապետության Հրապարակում» կենցաղային հարցերի շուրջ ծագած վիճաբանության ընթացքում ձեռքերով, պայուսակով, բջջային հեռախոսով հարվածել է ծանոթ Լուիզա Օհանյանի դեմքին, հրելով գցել է գետնին և ոտքերով ու ձեռքերով հարվածել վերջինիս մարմնի տարբեր մասերին՝ Լուիզա Օհանյանին պատճառելով առողջության թեթև վնասի հատ¬կանիշներ պարունակող վնասվածքներ՝ դեմքի, պարանոցի, վերին վերջույթների քերծվածքի արյունազեղումների ձևով»։
Համաձայն Լուիզա Օհանյանին որպես մեղադրյալ ներգրավելու որոշման, ինչպես նաև մեղադրական եզրակացության` վերջինիս ՀՀ քրեական օրենսգրքի 118-րդ հոդվածով մեղադրանք է առա¬ջադրվել այն բանի համար, որ նա «2015թ. հոկտեմբերի 10-ին` ժամը` 15։00-ի սահմաննե¬րում, Երևան քաղաքի «Հանրապետության Հրապարակում» կենցաղային հարցերի շուրջ ծագած վիճա¬բա¬նության ընթացքում ծեծի է ենթարկել իր ծանոթ Անուշ Նորայրի Աղաբաբյանին, այն է` քաշել է մազերը, ձեռքերով ու ոտքերով հարվածել վերջինիս մարմնի տարբեր մասերին` Անուշ Աղա¬բաբ¬յանին պատճառելով առողջության թեթև վնասի հատկանիշներ չպարունակող վնաս¬վածքներ՝ աջ հոնքային, զույգ սրունքների շրջանների քերծվածքների, զույգ բազուկների, զույգ սրունքների շրջանների արյունազեղումների ձևով»։
Գործի դատական քննության ընթացքում ամբաստանյալներ Անուշ Աղաբաբ¬յանը և Լուիզա Օհանյանը հայտնեցին, որ յուրաքանչյուրին առաջադրված մեղադրանքի հետ համաձայն են, հաշտվել են միմյանց հետ, միմյանց դեմ բողոք և պահանջ չունեն և չեն ցանկանում, որ մյուս ամբաստանյալն ենթարկվի քրեական պատասխա¬նատ¬վության։ Ամբաստանյալները միաժամա¬նակ նշեցին, որ չեն առարկում, որ իրենց նկատմամբ հարուցված քրեական հետապնդումը դադա¬րեցվի ոչ արդարացնող այդ հիմքով։
Գործով մեղադրող Վահե Ստեփանյանը չառարկեց քրեական գործի վարույթը կարճելու և ամբաստանյալներ Անուշ Աղաբաբյանի և Լուիզա Օհանյանի նկատ¬մամբ և հետապնդումը հաշ¬տության հիմքով դադարեցնելու դեմ։
Դատարանը, հաշվի առնելով ամբաստանյալների վե¬րոնշյալ դիր¬քո¬րոշումները, գտնում է, որ ի հայտ է եկել քրեական գործի վարույթը բացառող հանգամանք (հիմք), որի պայմաններում քրեական գործի վարույթն ենթակա է կարճման, իսկ ամբաստանյալներ Անուշ Աղաբաբյանի և Լուիզա Օհանյանի նկատմամբ հարուցված քրեա¬կան հետապնդումը` դադա¬րեցման, որպիսի հետևութ¬յան հանգում է հետևյալ իրա¬վական վերլու¬ծութ¬յունների արդյունքներով.
ՀՀ քրեական դատավարական օրենսգրքի 33-րդ հոդվածի համաձայն` մասնավոր մե¬ղադրան¬¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծություն¬ների վերաբերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի (…) 117-րդ և 118-րդ հոդվածներով նախատեսված հանցա¬գործությունների վերաբերյալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի կամ մեղադրյալի կամ ամբաստանյալի հետ նրա հաշտվելու դեպքում են¬թակա են կարճման։ Հաշտությունը թույլատրվում է մինչև դատավճիռ կայացնելու համար դատա¬րանի խորհրդակ¬ցա¬կան սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում տուժողը հաշտվել է կասկածյալի կամ մեղադրյալի հետ։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանք¬ներ, լուծում է ամբաստանյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։
ՀՀ քրեական դատավարական օրենսգրքի 64-րդ հոդվածի 2-րդ մասի համաձայն` մե¬ղադրյալը, ում վերաբերյալ գործը նշանակված է դատական քննության, կոչվում է ամբաստանյալ, հետևաբար` ՀՀ քրեական դատավարական օրենսգրքի 35-րդ և 36-րդ հոդվածների վերոնշյալ մեկ¬նաբանությունները վերաբերելի են նաև սույն գործով ամբաստանյալի կարգավիճակ ունեցող Անուշ Աղաբաբյանին և Լուիզա Օհանյանին։
ՀՀ քրեական դատավարական օրենսգրքի 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոց¬ները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում` իրեղեն ապացույցների ճակատագրի վերաբերյալ։ Տվյալ հարցին անդրադառնալով` Դատարանն արձանագրում է, որ քրեական գործով իրեղեն ապացույցներ չկան, վնասի հատուց¬ման պահանջ չի ներկայացվել, ամբաստանյալների գույքի նկատմամբ արգելանք չի կիրառվել։
ՀՀ քրեական դատավարական օրենսգրքի 151-րդ հոդվածի 2-րդ մասի համաձայն` խա¬փան¬¬ման միջոցը վերացվում է, երբ վերանում է դրա անհրաժեշտությունը, հետևաբար` վե¬րոնշյալ տրա¬մաբանությամբ ամբաստանյալներ Անուշ Աղաբաբյանի և Լուիզա Օհանյանի նկատմամբ ընտրված խափան¬ման միջոց չհեռանալու մասին ստորագրությունն ենթակա է անհապաղ վերացման։
Վերոգրյալի հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետով, 41-րդ հոդվածի 2-րդ մասի 8-րդ կետով, 183-րդ, 294-րդ և 313-րդ հոդվածներով, ինչպես նաև 379-րդ հոդվածի 1-ին մասի 1-ին կետով, Դատարանը

Ո Ր Ո Շ Ե Ց `

1. Անուշ Նորայրի Աղաբաբյանի նկատմամբ ՀՀ քրեական օրենսգրքի 117-րդ հոդվածով և Լուիզա Աղասիի Օհանյանի նկատմամբ ՀՀ քրեական օրենսգրքի 118-րդ հոդվածով հարուցված քրեա¬կան հետապնդումը դադարեցնել, թիվ ԵԿԴ/0033/01/16 քրեական գործի վարույթը կարճել` վերջիններիս հաշտության հիմքով։
2. Անուշ Աղաբաբյանի և Լուիզա Օհանյանի նկատմամբ որպես խափանման միջոց ընտրված չհեռանալու մասին ստորագրությունն անհապաղ վերացնել։
3. Սույն որոշման օրինակներն հանձնել կողմերին` պարզաբանելով, որ այն կարող է բողոքարկվել ՀՀ վերաքննիչ քրեական դատարան` ստացման օրվանից մեկամսյա ժամկետում։



ԴԱՏԱՎՈՐ` Ա.ՎԱՐԴԱՆՅԱՆ