ԵԿԴ/0018/01/16


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
10 մարտի 2016թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը՝

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ն.ԹՈՒՄԱՆՅԱՆԻ
մասնակցությամբ`
մեղադրող Մ.ՆԱԼԲԱՆԴՅԱՆԻ
ամբաստանյալ Ա.ՄԱՐԱԼՅԱՆԻ
պաշտպան Ս.ՄԱԴԱԹՅԱՆԻ

դատարանում` դռնբաց դատական նիստում, քննեց գործն ըստ մեղադրանքի Արմեն Բաղդասարի Մարալյանի` ծնված 19.02.1964թ. ք.Երևանում, ազգությամբ հայ, ՀՀ քաղաքա-ցի, ամուսնացած, խնամքին 2 անձ, բարձրագույն կրթությամբ, առողջ, չի աշխատում, չդատ-ված, բնակվում է` ք.Երևան, Գյուլբենկյան փողոց, 40-րդ շենք, բնակարան հ. 15, արգելանքի տակ չէ, մեղադրվում է ՀՀ քրեական օրենսգրքի 153-րդ հոդվածով։
Ամբաստանյալ Արմեն Մարալյանին ՀՀ քրեական օրենսգրքի 153-րդ հոդվածով մե-ղադրանք է առաջադրվել այն բանի համար, որ նա. «2015 թվականի դեկտեմբերի 06-ին կա-յացած ՀՀ սահմանադրական բարեփոխումների հանրաքվեի ժամանակ հանդիսանալով Երևան քաղաքի Տերյան փողոցի 42/1 հասցեում տեղակայված թիվ 10/23 ընտրատեղամասի հանձնաժողովի անդամ, իր լիազորությունների իրականացման ընթացքում գրանցամատ-յանի 36-րդ էջի 1657 և 1658 հերթական համարների դիմաց գրանցված Զարուհի Սարգիսի Մուրադյանի և վերջինիս որդու՝ Արա Հակոբի Ճաղարյանի փոխարեն վերջիներիս անվան դիմաց կեղծ տվյալներ լրացնելով, այն է՝ 1658 հերթական համարի դիմաց գոյություն չունե-ցող AF0908842 համարի անձնագրային տվյալներ և 1657 հերթական համարի դիմաց` AM 0892497 համարի անձնագրային տվյալներ լրացնելով և դրանց դիմաց անձամբ ստորա-գրե-լով, քննությամբ չպարզված հանգամանքներում քվեարկել է վերջիններիս փոխարեն»։
Ամբաստանյալ Ա.Մարալյանը` մինչև դատաքննությունն սկսվելը, միջնորդեց կիրառել արագացված դատական քննության կարգ ու հայտարարեց, որ միջնորդությունը ներկայաց-նում է կամավոր` իր պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մե-ղավոր է ճանաչում և գիտակցում է արագացված կարգով դատական քննություն անցկացնե-լու հետևանքները։
Դատարանի որոշմամբ ամբաստանյալի միջնորդությունը բավարարվել է և դատական քննությունն անցկացվել է արագացված կարգով, նկատի ունենալով նաև, որ մեղադրողը, թե-պետ արագացված կարգ կիրառելու դեմ առարկել էր մեղադրական եզրակացությունը հաս-տատելիս, սակայն դատարանի առաջարկությամբ փոխեց իր դիրքորոշումը և չառարկեց դրա դեմ։
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքն ու հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է և հաստատվում է քրեական գործով հավաք-ված ապացույցներով, գտնում է, որ ամբաստանյալ Ա.Մարալյանը կատարել է հանցանք` նախատեսված ՀՀ քրեական օրենսգրքի 153-րդ հոդվածով, որով և նա պետք է պատասխա-նատվության ենթարկվի։
Ամբաստանյալի նկատմամբ պատիժ նշանակելիս` պատժի տեսակն ու չափը որոշե-լիս, դատարանը հաշվի է առնում ինչպես նրա կատարած հանցագործության բնույթը, հան-րության համար վտանգավորության աստիճանը և հետևանքները, այնպես էլ արագացված կարգով անցկացված դատաքննության ընթացքում ուսումնասիրված` նրա անձը բնութագրող տվյալներն ու պատասխանատվությունը և պատիժը մեղմացնող ու ծանրացնող հանգա-մանքները։
Որպես ամբաստանյալ Ա.Մարալյանի պատասխանատվությունն ու պատիժը մեղ-մացնող հանգամանքներ` դատարանը հաշվի է առնում, որ նա խոստովանել է կատարած հանցանքը, համաձայնվեց մեղադրանքի հետ, և որ նրա խնամքին են գտնվում երկու երե-խան, որոնցից մեկն անչափահաս է։
Որպես ամբաստանյալ Ա. Մարալյանի անձը բնութագրող տվյալներ՝ դատարանը հաշ-վի է առնում, որ նա բնութագրվում է դրական և նախկինում դատված չի եղել։
Ամբաստանյալի պատասխանատվությունը և պատիժը ծանրացնող հանգամանքներ դատական քննությամբ չարձանագրվեցին։
Դատարանը, հաշվի առնելով ամբաստանյալի անձը բնութագրող և պատասխանա-տըվությունն ու պատիժը մեղմացնող վերոգրյալ հանգամանքները, անձը բնութագրող տվյալ-ները, պատասխանատվությունն ու պատիժը ծանրացնող հանգամանքների բացակայությու-նը և ելնելով գործի փաստական տվյալների և հանգամանքների վերլուծության հիման վրա դատարանի մոտ ձևավորված նրա բարոյահոգեբանական ու քրեաիրավական բնութագրից, ՀՀ քրեական օրենսգրքի 10-րդ, 48-րդ և 61-րդ հոդվածներով սահմանված արդարության, պա-տասխանատվության անհատականացման ու պատիժ նշանակելու ընդհանուր սկզբունքնե-րից, հանգում է հետևության, որ նա պետք է դատապարտվի տուգանքի, ինչն անհրաժեշտ ու բավարար է նաև սոցիալական արդարությունը վերականգնելու և նրա կողմից նոր հանցա-գործությունների կատարումը կանխելու համար։
Քննության առնելով իրեղեն ապացույցի տնօրինման հարցը՝ դատարանը գտնում է, որ իրեղեն ապացույց ճանաչված փաստաթուղթը՝ ՀՀ սահմանադրական փոփոխությունների հանրաքվեին մասնակցելու իրավունք ունեցող անձանց ցուցակի Երևան համայնքի Կենտրոն վարչական տարածքի 10-րդ ընտրատարածքի թիվ 10/23 հանրաքվեի տեղամասի ընտրող-ների գրանցամատյանի 36-րդ էջը, որը թողնված է գրանցամատյանում, պետք է թողնել ՀՀ ԿԸՀ-ի համապատասխան արխիվի տնօրինությանը։
Դատարանը, քննության առնելով խափանման միջոցի հարցը, գտնում է, որ ամբաս-տանյալի նկատմամբ կիրառված խափանման միջոցը` չհեռանալու մասին ստորագրությու-նը, մինչև դատավճռի օրինական ուժի մեջ մտնելը պետք է թողնվի անփոփոխ։
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 119-րդ, 357-րդ, 359-րդ, 360-րդ ու 3753-րդ հոդվածներով` դատարանը

Վ Ճ Ռ Ե Ց

Արմեն Բաղդասարի Մարալյանին ճանաչել մեղավոր ՀՀ քրեական օրենսգրքի 153-րդ հոդվածով և դատապարտել 500.000 (հինգ հարյուր հազար) ՀՀ դրամ տուգանքի։
Իրեղեն ապացույցը՝ ՀՀ սահմանադրական փոփոխությունների հանրաքվեին մասնակցելու իրավունք ունեցող անձանց ցուցակի Երևան համայնքի Կենտրոն վարչական տարածքի 10-րդ ընտրատարածքի թիվ 10/23 հանրաքվեի տեղամասի ընտրողների գրանցամատյանում գտնվող 36-րդ էջը, թողնել ՀՀ ԿԸՀ-ի համապատասխան արխիվի տնօրինմանը։
Ա.Մարալյանի նկատմամբ ընտրված խափանման միջոցը թողնել անփոփոխ` մինչև դատավճռի օրինական ուժի մեջ մտնելը։
Դատավճիռը կարող է բողոքարկվել ՀՀ վերաքննիչ քրեական դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ