ԵԿԴ/0321/01/15



Ո Ր Ո Շ ՈՒ Մ
քրեական գործի վարույթը կարճելու և քրեական հետապնդումը
դադարեցնելու մասին

«20» հունվարի 2016թ. ք.Երևան

Երևանի Կենտրոն և Նորք-Մարաշ վարչական շրջանների ընդհանուր իրավա¬սութ¬յան դատարանի դատավոր Ա.Ժ.Վարդանյանս, հետազոտելով 2016թ. հունվարի 8-ին վա¬րույթ ընդու¬նած քրեական գործն ըստ մեղադրանքի Գագիկ Հայրապետի Ստեփանյանի` ՀՀ քրեական օրենսգրքի 34-176-րդ հոդվածի 1-ին մասով,

Պ Ա Ր Զ Ե Ց Ի`

Քրեական գործի նյութերի համաձայն` 2015թ. օգոստոսի 17 -ին ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչա¬կան բաժնում ՀՀ քրեական օրենսգրքի 34-176-րդ հոդվածի 1-ին մասով հարուցվել է թիվ 12139115 քրեական գործը` Ալինա Արտակի Հայրապետյանից բացահայտ հափշտակության փորձ կատա¬րելու դեպ¬քի առթիվ։
2015թ. նոյեմբերի 22-ին նախաքննական վերոնշյալ մարմինը Գագիկ Ստեփանյանին ներգրավվել է որպես մեղադրյալ ՀՀ քրեական օրենսգրքի 34-176-րդ հոդվածի 1-ին մասով, և նրա նկատմամբ հայտարարել է հետախուզում, որպես խափանման միջոց է ընտրել չհեռանալու մասին ստորագրություն։
2015թ. նոյեմբերի 17-ին քրեական գործի վարույթը կասեցվել է` մինչև մեղադրյալ Գագիկ Ստեփանյանին հայտնաբերելը կամ ինքնակամ ներկայանալը։
2015թ. դեկտեմբերի 6-ին Գագիկ Ստեփանյանը հայտնաբերվել է, նույն օրը որոշում է կայացվել քրեական գործով կասեցված վարույթը վերսկսելու մասին։
2015թ. օգոստոսի 27-ին նախաքննական մարմինը որոշում է կայացրել որպես իրեղեն ապացույց ճանաչած «Սամսունգ Գալաքսի S3 GT-19300» մոդելի 356260/05/637165/1 գործարա¬նային համարի բջջային հեռախոսը գործով տուժող Ալինա Հայրապետյանին ի պահ հանձնելու մասին, որը նույն օրը համապատասխան արձանագրության կազմմամբ հանձնվել է վերջինիս։
Համաձայն Գագիկ Ստեփանյանին որպես մեղադրյալ ներգրավելու որոշման` վերջինիս մեղադրանք է առա¬ջադրվել այն բանի համար, որ նա, «2015թ. օգոստոսի 12-ին` ժամը 15։30-ի սահմաններում, Երևան քաղաքի «Այրարատ» կինոթատրոնի դիմացի կանգառում, բացահայտ հափշտակություն կատարելու դիտավորությամբ, մոտեցել է նշված վայրում կանգնած Ալինա Արտակի Հայրապետյանին և փորձել է վերջինիս ձեռքից բացահայտ հափշտակել «Սամսունգ Գալաքսի S3» մոդելի, 75.000 ՀՀ դրամ արժողությամբ բջջային հեռախոսը, սակայն իր կամքից անկախ հանգամանքներում հանցանքը ավարտին չի հասցրել, այն է` չի կարողացել Ալինա Հայրապետյանի ձեռքից վերցնել բջջային հեռախոսը և դիմել է փախուստի»։
2015թ. դեկտեմբերի 30-ին քրեական գործը Գագիկ Հայրապետի Ստեփանյանի նկատմամբ ՀՀ քրեական օրենսգրքի 34-176-րդ հոդվածի 1-ին մասով հաստատված մեղադրական եզրակացութ¬յամբ ու¬ղարկ¬վել է Երևանի Կենտրոն և Նորք-Մարաշ վարչական շրջանների ընդհա¬նուր իրավա¬սության դատա¬րան, 2016թ. հունվարի 8-ին ընդունվել վարչական նույն շրջանների դատարանի վարույթ (դատավոր Ա.Վարդանյան)։
2016թ. հունվարի 18-ին Երևանի Կենտրոն և Նորք-Մարաշ վարչական շրջանների ընդ¬հանուր իրավա¬սության դատարան է մուտքագրվել Երևանի Էրեբունի և Նուբարաշեն վարչական շրջանների դատախազության ավագ դատախազ, սույն գործով մեղադրական եզրակացությունը հաստատելու որոշում կայացրած Տիտալ Ուզոյանի թիվ 12139115 գրությունը, որին կից ներկա¬յացվել են մեղադրյալ Գագիկ Ստեփանյանի մահվան վկայականի պատճենը և նույն վարչական շրջանների քննչական բաժնի ավագ քննիչ Մ.Զադոյանի 2016թ. հունվարի 14-ի որոշումը` Գ.Ստեփանյանի հանկարծա¬մա¬հության փաստով քրեական գործի հարուցումը մերժելու մասին։
2016թ. հունվարի 6-ին տրված ԱԲ սերիայի 231277 համարի մահվան վկայականի պատ-ճենի համաձայն (հաստատված է սույն գործի նախաքննությունն ավարտած ՀՀ քննչական կոմի-տեի Էրեբունի և Նուբարաշեն վարչական շրջանների քննչական բաժնի ավագ քննիչ Մ.Զադոյանի ստո¬րագրությամբ և ՀՀ քննչական կոմիտեի 436 համարի կլոր կնիքով)` մեղադրյալ Գագիկ Ստեփանյանը 2016թ. հունվարի 4-ին մահացել է «Սուր կորոնար անբավարարություն, խիստ արտահայտված ընդհանուր աթերոսկլերոզ, կորոնարոսկլերոզ» ախտորոշմամբ։
Երևանի Էրեբունի և Նուբարաշեն վարչական շրջանների քննչական բաժնի ավագ քննիչ Մ.Զադոյանի` քրեական գործի հարուցումը մերժելու մասին 2016թ. հունվարի 14-ի որոշման համաձայն` Գագիկ Ստեփանյանի հանկարծամահության փաստի առթիվ նախապատրաստված նյութերով քրեական գործի հարուցումը մերժվել է` հանցագործության դեպքի բացակայության հիմքով։
Սույն որոշումը կայացնելիս Դատարանը փաստում է, որ Գագիկ Ստեփանյանի վերաբերյալ Երևանի Կենտրոն և Նորք-Մարաշ վարչական շրջան¬ների ընդհանուր իրավասության դատարան մուտք եղած քրեական գործի տարածքային ընդդա¬տության հարցը (ըստ մեղադրանքի որոշման և մեղադրական եզրակացության) որոշված է ճիշտ։ Քրեական գործում բացա¬կայում է ինքնա¬բացարկ հայտնելու որևէ հիմք` անկողմնակալության կապակցությամբ ողջամիտ կաս¬կած հարու¬ցող փաստ կամ հանգա¬մանք։
Դատարանը, հաշվի առնելով սույն քրեական գործը Դատարան ուղարկելուց հետո մեղադրյալ Գագիկ Ստեփանյանի մահանալու փաստը, գտնում է, որ ի հայտ է եկել քրեական գործի վարույթը բացառող հանգամանք, որի պայմաններում գործի վարույթն ենթակա է կարճ¬ման, իսկ վերջինիս նկատմամբ հարուցված քրեական հետապնդումը` դա¬դա¬րեցման, որպիսի հետևութ¬յան հանգում է հետևյալ իրավական վերլու¬ծութ¬յունների և դատողությունների արդյունք¬ներով.
ՀՀ քրեական դատավարական օրենսգրքի 35-րդ հոդվածի 1-ին մասի 10-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույթն ենթակա է կարճման, եթե անձը մահացել է, բացառությամբ այն դեպքերի, երբ գործի վա¬րույ¬թն անհրաժեշտ է մահացածի իրավունքների վերականգնման համար (...)։
ՀՀ քրեական դատավարության օրենսգրքի 292-րդ հոդվածի համաձայն` «Քրեական գործն իր վարույթ ընդունած դատավորը հետազոտում է գործի նյութերը և քրեական գործը վարույթ ընդունելու պահից 15 օրվա ընթացքում կայացնում հետևյալ որոշումներից մեկը. (...)
2) քրեական գործի վարույթը կարճելու կամ քրեական հետապնդումը դադարեցնելու մա¬սին...»։
Նույն օրենսգրքի 294-րդ հոդվածի 1-ին մասի համաձայն` սույն օրենսգրքով նախա¬տես¬ված հիմքերի առկայության դեպքում, երբ դա հնարավոր է առանց դատաքննության, դատավորը պատճառաբանված որոշում է կայացնում քրեական գործով վարույթը կարճելու կամ քրեական հետապնդումը դադարեցնելու մասին։
Օրենքի վերոնշյալ մեկնաբանությունները սույն գործով պարզված փաստական հանգա¬մանքների վրա տարածելով` Դատարանն արձանագրում է, որ մինչև սույն որոշում կայացնելը մահացածի մերձավոր ազգականները (մեղադրյալ Գ.Ստեփանյանը նախաքննության ընթացքում իր պաշտպանությունն իրականացրել է անձամբ) քրեական գործի վարույթը շարունակելու և մահացած Գ.Ստե¬փանյանի ենթադրաբար խախտված իրավունքները վերականգնելու խնդրան¬քով Դատարան չեն դիմել։
ՀՀ քրեական դատավարության 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոցները, քրեա¬դատավարական հարկադրանքի այլ միջոցները վերացնելու մասին որոշում, ինչպես նաև որոշում է իրեղեն ապացույցների ճակատագրի հարցը։
Տվյալ հարցերին անդրադառնալով` Դատարանն արձանագրում է, որ գործով մեղադրյալ Գագիկ Ստեփանյանի գույքի վրա արգելանք չի կիրառվել, նրա դեմ տուժող Ալինա Հայրա¬պետյանի կողմից քաղաքացիական հայց չի ներկայացվել։
Դատարանը փաստում է, որ իրեղեն ապացույց ճանաչված և տուժող Ալինա Հայրապետյանին ի պահ հանձնված` «Սամսունգ Տ3 GT-19300» մոդելի 356260/05/637165/1 գործարանային համարի բջջային հեռախոսը սույն որոշումն օրինական ուժի մեջ մտնելուց հետո անհրաժեշտ է թողնել վերջինիս տնօրինությանը։
ՀՀ քրեական դատավարական օրենսգրքի 151-րդ հոդվածի 2-րդ մասի համաձայն` խա¬փան¬¬ման միջոցը վերացվում է, երբ վերանում է դրա անհրաժեշտությունը։ Դատարանը փաստում է, որ մեղադրյալ Գագիկ Ստեփանյանի մահվան հիմքով նրա վերաբերյալ քրեական գործի վարույթը կարճելու պարագայում մեղադրյալի նկատ¬մամբ ընտրված խափան¬ման միջոց չհեռանալու մասին ստորագրությունն ենթակա է անհապաղ վերացման։
Վերոգրյալների հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 10-րդ կետով, 41-րդ հոդվածի 2-րդ մասի 8-րդ կետով, 294-րդ հոդվածներով, ինչպես նաև 379-րդ հոդվածի 1-ին մասի 1-ին կետով,

Ո Ր Ո Շ Ե Ց Ի `

1. Մեղադրյալ Գագիկ Հայրապետի Ստեփանյանի նկատմամբ (ծնված 1960թ. նոյեմբերի 19-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթութ¬յամբ, ամուրի, նախ¬կինում չդատապարտված, չի աշխա¬տել, հաշվառված և բնակ¬վել է Երևանի Սարի թաղ, 3-րդ շարքի 13-րդ տանը) ՀՀ քրեական օրենսգրքի 34-176-րդ հոդ¬վածի 1-ին մասով հարուցված քրեա¬կան հե¬տապնդումը դադարեցնել, թիվ ԵԿԴ/0321/01/15 քրեա¬¬կան գործի վարույթը կարճել` մեղադրյալ Գագիկ Ստեփանյանի մահվան հիմ¬քով։
2. Անհապաղ վերացնել Գագիկ Ստեփանյանի նկատմամբ որպես խափանման միջոց ընտրված չհեռանալու մասին ստորագրությունը։
3. Գործով իրեղեն ապացույց ճանաչված և տուժող Ալինա Հայրապետյանին ի պահ հանձնված «Սամսունգ Տ3 GT-19300» մոդելի 356260/05/637165/1 գործարանային համարի բջջա¬յին հեռախոսը թողնել նրա տնօրինությանը` սույն որոշումն օրինական ուժի մեջ մտնե¬լուց հետո։
4. Սույն որոշման օրինակները տրամադրել կողմերին` պարզաբանելով, որ այն կարող է բողո¬քարկ¬վել ՀՀ վերաքննիչ քրեական դատարան` ստացման պահից մեկամսյա ժամ¬կետում։



ԴԱՏԱՎՈՐ` Ա.ՎԱՐԴԱՆՅԱՆ