Գործ
ԵԿԴ/0322/01/15

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ


ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ

Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


,,09,, փետրվարի 2016թ. ք.Երևան


Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը
այսուհետև` դատարան/

Նախագահությամբ դատավոր Մ. Մակյանի

Քարտուղարությամբ Թ. Խաչատրյանի

Մասնակցությամբ՝

Մեղադրող Հ. Խաչատրյանի


դռնբաց դատական նիստերում, Երևան քաղաքում քննեց քրեական գործն ըստ մեղադրանքի`

Արթուր Կարապետի Մակարյանի` ծնված 05.06.1973թ.-ին ՀՀ-ում, ազգությամբ հայ, ՌԴ քաղաքացի,
միջնակարգ կրթությամբ, ամուսնալուծված, նախկինում դատված`

1/ 16.04.2010.-ին` Շիրակի մարզի ընդհանուր իրավասության դատարանի կողմից` ՀՀ քրեական օրենսգրքի 178-րդ հոդվածի 2-րդ մասի 3-րդ կետով, 177-րդ հոդվածի 2-րդ մասի 4-րդ կետով և 66.4-րդ հոդվածով` ազատազրկման 2 /երկու/ տարի 6 /վեց/ ամիս ժամկետով։ Պատժից ազատվել է 02.06.2011թ.-ին՝ համաներման ակտի հիմքով։

2/ 11.12.2013թ.-ին՝ Շիրակի մարզի ընդհանուր իրավասության դատարանի կողմից՝ ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 1-ին մասով, 266-րդ հոդվածի 4-րդ մասով և 66-րդ հոդվածով` ազատազրկման 5 /հինգ/ տարի ժամկետով և տուգանքի` 200.000 /երկու հարյուր հազար/ ՀՀ դրամի չափով։ 18.02.2014թ.-ին Շիրակի մարզի ընդհանուր իրավասության դատարանի որոշմամբ տուգանքը փոխարինվել է հանրային աշխատանքներով 1000 ժամ տևողությամբ։ Սույն գործով դատավճիռը կայացնելու պահին ունի պատժի չկրած մաս՝ 2 /երկու/ տարի 8 /ութ/ ամիս 5 /հինգ/ օր և հանրային աշխատանքներ՝ 1000 ժամ տևողությամբ։ Դատվածությունները մարված չեն։ Ներկայումս հանդիսանում է ՀՀ ԱՆ «Դատապարտյալների հիվանդանոց» ՔԿՀ-ի դատապարտյալ, մեղադրվում է ՀՀ քրեական օրենսգրքի 268-րդ հոդվածի 1-ին մասով, վերջինիս նկատմամբ խափանման միջոց ընտրված չէ։



1.Գործի դատավարական նախապատմությունը

Ըստ Երևան քաղաքի Կենտրոն և Նորք-Մարաշ վարչական շրջանների դատախազության կողմից դատարան ուղարկված քրեական գործի նյութերի՝

«2015 թվականի հոկտեմբերի 13-ին ժամը 12։35-ի սահմաններում ՀՀ ԱՆ «Դատապարտյալների հիվանդանոց» ՔԿ հիմնարկի դատապարտյալ Արթուր Կարապետի Մակարյանը հիմնարկի հերթապահ մասում ենթարկվել է անձնական խուզարկության, որի արդյունքում դատապարտյալի տաբատի հետևի ձախ գրպանից հայտնաբերվել է թվով 6 հատ ընդհանուր 0.03 գրամ քաշով «Հալոպերիդոլ» տեսակի հոգեմետ նյութ պարունակող թվով 6 հատ դեղահատեր։

Դեպքի առթիվ ՀՀ ԱՆ «Դատապարտյալների հիվանդանոց» ՔԿ հիմնարկում նախապատրաստված նյութերի հիման վրա ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնում 22.10.2015թ. ՀՀ քրեական օրենսգրքի 266-րդ հոդվածի 2-րդ մասի 3-րդ կետով և ՀՀ քրեական օրենսգրքի 268-րդ հոդվածի 1-ին մասով հարուցվել է թիվ 13830515 քրեական գործր և կատարվել նախաքննություն։

Նախաքննությամբ հիմնավորված գործի փաստական հանգամանքները

Գործով մեղադրյալ, Շիրակի մարզի Շիրակ գյուղում ծնված Արթուր Կարապետի Մակարյանը 2013 թվականի դեկտեմբերի 11-ին Շիրակի մարզի ընդհանուր իրավասության դատարանի դատավճռով ՀՀ քրեական օրենսգրքի 266-րդ հոդվածի 1-ին մասով, ՀՀ քրեական օրենսգրքի 268-րդ հոդվածի 1-ին մասով և ՀՀ քրեական օրենսգրքի 266-րդ հոդվածի 4-րդ մասով դատապարտվել է 5 տարի ազատազրկման և տուգանքի՝ 200.000 ՀՀ դրամի չափով։ Վերջինս 2014 թվականի հունիսի 24-ից ընդունվել է ՀՀ ԱՆ «Դատապարտյալների հիվանդանոց» ՔԿ հիմնարկի ինֆեկցիոն բաժանմունք՝ «Միավ վարակ 1-ին կլինիկական փուլ, չափավոր իմունային անբավարարություն, քրոնիկական հեպատիտ «С», շագանակագեղձի գերաճ, ափիոնային թմրամոլություն» ախտորոշումով և շարունակում է պատիժր կրել հիշյալ քրեակատարողական հիմնարկում։

Արթուր Կարապետի Մակարյանը, պատժի կրման ընթացքում ՀՀ ԱՆ «Դատապարտյալների հիվանդանոց» ՔԿՀ-ում, առանց իրացնելու նպատակի, գործով չպարզված ժամանակահատվածում և հանգամանքներում, ապօրինի ձեռք է բերել և իր մոտ պահել զգալի չափի՝ ընդհանուր 0.03 գրամ քաշով «Հալոպերիդոլ» տեսակի հոգեմետ նյութ պարունակող թվով 6 հատ դեղահատեր, որն էլ 1 հոկտեմբերի 1З-ին ժամը 12։35-ին հայտնաբերվել է ՀՀ ԱՆ «Դատապարտյալների հիվանդանոց» ՔԿՀ-ի աշխատակիցների կողմից հիշյալ հիմնարկի հերթապահ մասում»։

Փաստի առթիվ ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի քննիչ Վ.Գ.Պողոսյանի կողմից 2015 թվականի հոկտեմբերի 22-ին հարուցվել է քրեական գործ։

2015 թվականի դեկտեմբերի 25-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի կողմից կայացվել է որոշում` Արթուր Կարաետի Մակարյանին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրեմսգրքի 268-րդ հոդվածի 1-ին մասով։

Քրեական գործը ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի աշխատակազմի գրասենյակ է ստացվել և մուտքագրվել 30.12.2015թ.-ին։



2. Ապացույցների հետազոտում և գնահատում

ՀՀ քրեական օրենսգրքի 268-րդ հոդվածի 1-ին մասով առաջադրված մեղադրանքում, դատարանում, ամբաստանյալ Արթուր Մակարյանն իրեն լիովին մեղավոր է ճանաչել և ցուցմունք է տվել այն մասին, որ 2015թ. հոկտեմբերի 13-ին քրեակատարողական հիմնարկի հերթապահ մասում ենթարկվել է անձնական խուզարկության, որի ժամանակ իր տաբատի ետևի գրպանից հայտնաբերվել է 6 հոգեմետ դեղահաբ։
Դատարանում հայտնել է, որ խուզարկությամբ հայտնաբերված դեղահաբերը գտել է քրեակատարողական հիմնարկի հարակից տարածքում գտնվող հոգեբուժարանի տարածքից։ Վերցնելով դրանք, պահել իր մոտ, սակայն, հետագայում մոռացել է դրանց մասին։
Պնդել է, որ դրանցից և ոչ մեկը երբևէ չի օգտագործել։ Միևնույն ժամանակ հայտարարել է, որ անկողծորեն զղջում է կատարածի համար։

/տես` դատական նիստի արձանագրությունը/

Վկա Արման Սարգսյանը դատարանում ցուցմունք է տվել այն մասին, որ հանդիսանում է ՀՀ ԱՆ «Դատապարտյալների հիվանդանոց» ՔԿՀ-ի անվտանգության ապահովման պաժնի պետը։
2015թ.-ի հոկտեմբեր ամսին /օրը կոնկրետ չի հիշում/ օպերատիվ աշխատակիցներ Դավիթ Կիրակոսյանի Էրիկ Հակոբյանի և պատասխատանտու հերթափոխի հետ միասին գտնվել են հերթապահ մասում, երբ դատապարտյալ Արթուր Մակարյանին հրավիրել են հերթապահ մաս։ Վերջինիս ենթարկել են անձնական խուզարկության, որի ժամանակ տաբատի ետևի գրպանից հայտնաբերվել է թվով 6 հատ դեղահաբ և բջջային հեռախոս։ Արթուր Մակարյանը վերը նշված դեղահաբերի հետ կապված հայտարարել է, որ դեղահաբերը հանիսանում են «Հալոպելիդոլ» տեսակի, որը գտել է քրեակատարողական հիմնարկի տարածքից` շուրջ երկու ամիս առաջ։ Այդ կապակցությամբ հրավիրել են հետաքննիչ, փաթեթավորել դեղահաբերը և կազմել համապատասխան արձանագրություն։

/տես` դատական նիստի արձանագրությունը/

Վկա Դավիթ Կիրակոսյանը դատարանում ցուցմունք է տվել այն մասին, հանդիսանում է ՀՀ ԱՆ «Դատապարտյալների հիվանդանոց» ՔԿՀ-ի օպերատիվ բաժնի առաջատար մասնագետ։
2015թ.-ի հոկտեմբերի 13-ին դատապարտյալ Արթուր Մակարյանը լոկալ գոտուց հրավիրվել է քրեակատարողական հիմնարկի հերթապահ մաս, որտեղ իր հետ միասին գտվել են Արման Սարգսյանը և պատասխատանտու հերթափոխը։ Նախապես նախազգուշացվել է` արգելված իրերի առկայության պարագայում ներկայացնել իրենց, սակայն հայտնել է, որ չունի այդպիսիք։ Վերջինս ենթարկվել է անձնական խուզարկության, որի ժամանակ տաբատի ետևի գրպանից հայտնաբերվել է սպիտակ գույնի 6 հատ դեղահաբ, իսկ դիմացի գրպանից` 2 դեղահաբ։ Հայտնաբերված դեղահաբերի վերաբերյալ կազմվել է զեկուցագիր, դեղահաբերը փաթեթավորվել են, բացի այդ, կազմվել է համապատասխան արձանագրություն։
Արթուր Մակարյանը հայտարարել է, որ դեղահաբերը հանդիսանում են «Հալոպելիդոլ» տեսակի, որը գտել է քրեակատարողական հիմնարկի տարածքից։

/տես` դատական նիստի արձանագրությունը/

Բացի վերը շարադրվածից, ամբաստանյալ Արթուր Մակարյանի կողմից կատարված հանցանքը հիմնավորվել է նաև դատարանում հետազոտված հետևյալ ապացույցներով՝

դատաքիմիական փորձաքննության թիվ 47771505 եզրակացությամբ, համաձայն որի՝ «փորձաքննությանը ներկայացված 6 հատ գործարանային արտադրության, յուրաքանչյուրը 0,145 գրամ քաշով դեղահատերը հանդիսանում են հոգեմետ նյութ պարունակող «Հալոպերիդըռ» տեսակի դեղեր, որոնցից յուրաքանչյուրը պարունակում է 0,005 գրամ քաշով «Հալոպերիդըռ» տեսակի հոգեմետ /հոգեներգործուն/ նյութ։ «Հալոպերիդոլ» տեսակի հոգեմետ /հոգեներգործուն/ նյութի ընդհանուր քաշը կազմում է 0,03 գրամ։

/տես` 1, գ.թ. 29-32, դատական նիստի արձանագրությունը/

Ապացույց ճանաչված այլ փաստաթուղթ հանդիսացող` ՀՀ ԱՆ «Դատապարտյալների Հիվանդանոց» ՔԿՀ-ի Օ/Բ առաջատար մասնագետ Դ.Կիրակոսյանի զեկուցագրով, Արթուր Կարապետի Մակարյանին 2015 թվականի հոկտեմբերի 13-ին ժամը 12։35-ին ՀՀ ԱՆ «Դատապարտյալների հիվանդանոց» ՔԿՀ-ի հերթապահ մասում հիմնարկի աշխատակիցների կողմից անձնական խուզարկության ենթարկելու և հայտնաբերված իրերը զննելու մասին արձանագրություններով՝ համաձայն որոնց՝ «վերջինիս անձնական խուզարկությամբ հայտնաբերվել են թվով 6 հատ «Հալոպերիդոլ» տեսակի հոգեմետ դեղահաբեր», ինչպես նաև ՀՀ ԱՆ «Դատապարտյալների հիվանդանոց» ՔԿՀ-ից ստացված 25.12.2015թ. թիվ 40/31-10-2743 գրությունով, համաձայն որի` «դատապարտյալ Արթուր Մակարյանը 16.02.2015թ.-ից ընդգրկված է «Մեթադոնային փոխարինող բուժման ծրագրում» և հոգեմետ դեղորայք չի ստանում։

/տես` գ.թ. 4-7, 120, դատական նիստի արձանագրությունը/

Իրեղեն պացույց ճանաչված և դատարանում զննված, փարձաքննության անցկացումից հետո առկա թվով 5 /հինգ/ հատ «Հալոպերիդոլ» տեսակի հոգեմետ նյութ պարունակող դեղահատերի առկայությամբ։

/տես` գ.թ. 139, դատական նիստի արձանագրությունը/

Դատարանում հետազոտվել է նաև ամբաստանյալ Արթուր Կարապետի Մակարյանի վերաբերյալ ՀՀ ինֆորմացիոն կենտրոնի կողմից տրված պահանջագիրը, ինչպես նաև նրա վերաբերյալ ՀՀ Շիրակի մարզի ընդհանուր իրավասության դատարանի կողմից 11.12.2013թ.-ին կայացված դատավճիռը։

/տես` գ.թ. 118-119, դատական նիստի արձանագրությունը/


3. Դատարանի իրավական վերլուծությունները

Այսպիով, դատարանը, ՀՀ քրեական դատավարության օրենսգրքի 127-րդ հոդվածի դրույթներին համապատասխան, հետազոտելով և գնահատելով ապացույցներն իրենց վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից` հիմնված ներքին համոզմամբ, ապացուցված է համարում այն, որ ամբաստանյալ Արթուր Կարապետի Մակարյանը պատժի կրման ընթացքում ՀՀ ԱՆ «Դատապարտյալների հիվանդանոց» ՔԿՀ-ում, առանց իրացնելու նպատակի, գործով չպարզված ժամանակահատվածում և հանգամանքներում, ապօրինի ձեռք է բերել և իր մոտ պահել զգալի չափի՝ ընդհանուր 0.03 գրամ քաշով «Հալոպերիդոլ» տեսակի հոգեմետ նյութ պարունակող թվով 6 հատ դեղահատեր, որն էլ 1 հոկտեմբերի 1З-ին ժամը 12։35-ին հայտնաբերվել է ՀՀ ԱՆ «Դատապարտյալների հիվանդանոց» ՔԿՀ-ի աշխատակիցների կողմից հիշյալ հիմնարկի հերթապահ մասում»։ Այլ կերպ, կատարել է հանցավոր արարք՝ նապատեսված ՀՀ քրեական օրենսգրքի 268-րդ հոդվածի 1-ին մասով, որի համար ենթակա է պատժի։

Պատիժ նշանակելիս դատարանը հաշվի է առնում ինչպես ամբաստանյալի կողմից կատարված հանցագործության բնույթն ու դրա հասարակական վտանգավորության աստիճանը, այնպես էլ նրա անձը բնութագրող, պատասխանատվությունը և պատիժը մեղմացնող և ծանրացնող հանգամանքները։

Որպես Արթուր Կարապետի Մակարյանի անձը բացասականորեն բնութագրող հանգամանք, դատարանը հաշվի է առնում այն, որ նա ՀՀ Ոստիկանության ինֆորմացիոն կենտրոնի հաշվառումներով անցնում է որպես նախկինում երկու անգամ դատապարտված և դատվածությունները չմարած անձ։

/տես` գ.թ. 118-119 դատական նիստի արձանագրությունը/

Դատարանը, ՀՀ քրեական օրենսգրքի 62-րդ հոդվածի 2-րդ մասի համաձայն` որպես ամբաստանյալ Արթուր Կարապետի Մակարյանի պատասխանատվությունը և պատիժը մեղմացնող հանգամանք է դիտում դատարանում խոստովանական ցուցմունքով հանդես գալը, ինչպես նաև՝ կատարած հանցանքի համար անկեղծորեն զղջալը։

/տես` դատական նիստի արձանագրությունը/

Միևնույն ժամանակ, հաշվի առնելով այն, որ սույն գործով քննվող հանրորեն վտանգավոր արարքը կատարելիս ամբաստանյալը համարվել է դատվածություն ունեցող անձ, և նախկինում կատարել է միչին ծանրության և ծանր հանցագործություններ, որոնց դատվածությունները մարված չեն, դատարանը, ՀՀ քրեական օրենսգրքի 22-րդ և 63-րդ հոդվածի 1-ին մասի 1-ին կետի համաձայն` որպես ամբաստանյալ Արթուր Կարապետի Մակարյանի պատասխանատվությունը և պատիժը ծանրացնող հանգամանք է դիտում հանցանքը կատարելու վտանգավոր ռեցիդիվը։

Ելնելով գործի հանգամանքներից, հիմք ընդունելով ՀՀ Քրեական օրենսգրքի 10-րդ հոդվածի 1-ին կետի դրույթը, համաձայն որի` «Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատաuխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար», ՀՀ քրեական օրենսգրքի 48-րդ հոդվածի 2-րդ կետի դրույթը, համաձայն որի` «Պատժի նպատակն է վերականգնել uոցիալական արդարությունը, ուղղել պատժի ենթարկված անձին, ինչպեu նաև կանխել հանցագործությունները» և ՀՀ քրեական օրենսգրքի 61-րդ հոդվածի 2-րդ մասը` համաձայն որի` «Պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով», դատարանը գտնում է, որ ամբաստանյալ Արթուր Կարապետի Մակարյանի կողմից կատարված արարքի համար նրա նկատմամբ պետք է պատիժ նշանակվի ազատազրկման ձևով՝ որպիսի պատիժը նա պետք է կրի։

Նշված եզրահանգմանը գալիս դատարանն արձանագրում է հետևյալը՝

ՀՀ քրեական օրենսգրքի 268-րդ հոդվածի 1-ին մասի համաձայն` «Առանց իրացնելու նպատակի զգալի չափերով թմրամիջոցներ կամ հոգեմետ (հոգեներգործուն) նյութեր ապօրինի պատրաստելը, վերամշակելը, ձեռք բերելը, պահելը, փոխադրելը կամ առաքելը՝ պատժվում է կալանքով՝ առավելագույնը երկու ամիս ժամկետով, կամ ազատազրկմամբ՝ առավելագույնը մեկ տարի ժամկետով։

Ինչպես նշվեց սույն դատավճռում, ամբաստանյալ Արթուր Կարապետի Մակարյանի արարքում որպես նրա պատասխանատվությունն ու պատիժը ծանրացնող հանգամանք է հանցանքը կատարելու վտանգավոր ռեցիդիվը և վերջինիս նկատմամբ պատիժ նշանակելիս դատարանը պետք է ըստ էության ղեկավարվի ՀՀ քրեական օրենսգրքի 67.1 հոդվածով, համաձայն որի`

«Հանցագործությունների վտանգավոր ռեցիդիվի համար նշանակված պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված առավելագույն պատժի երկու երրորդից»։

Այս առումով, նկատի ունենալով, որ ամբաստանյալ Արթուր Կարապետի Մակարյանի արարքում որպես ծանրացուցիչ հանգամանք առկա է հանցանքների կատարման վտանգավոր ռեցիդիվը, ուստի ՀՀ քրեական օրենսգրքի 67.1 հոդվածի կիրառմամբ դատարանը նրա նկատմամբ պետք է պատիժ նշանակի ոչ պակաս քան հոդվածի սանկցիայով նախատեսված ազատազրկման առավելագույն ժամկետի երկու երրորդը` այն է 8 /ամիս/ ժամկետով ազատազրկումը։

Շիրակի մարզի ընդհանուր իրավասության դատարանի 11.12.2013թ.-ի դատավճռով, ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 1-ին մասով, 266-րդ հոդվածի 4-րդ մասով և 66-րդ հոդվածի կիռառմամբ Ա.Մակարյանը դատապարտվել է ազատազրկման` 5 /հինգ/ տարի ժամկետով և տուգանքի` նվազագույն աշխատավարձի երկուհարյուրապատիկի` 200.000 /երկու հարյուր հազար/ դրամի չափով։ 18.02.2014թ. Շիրակի մարզի ընդհանուր իրավասության դատարանի որոշմամբ տուգանքը փոխարինվել է 1000 ժամ հանրային աշխատանքներով։

Ազատազրկման դատապարտվելուց հետո ամբաստանյալն իր նկատմամբ նշանակված պատիժը լրիվ չի կրել, կատարել է նոր հանցագործություն, ուստի սույն դատավճռով նշանակվելիք պատժին պետք է մասնակիորեն գումարել 11.12.2013թ..-ի ՇԴ/0129/01/13 դատավճռով նշանակված պատժի չկրած մասը, որը սույն դատավճիռը կայացնելու օրվա դրությամբ կազմում է 2 /երկու/ տարի 8 /ութ/ ամիս 5 /հինգ/ օր։

Ինչպես արդեն նշվեց, Արթուր Մակարյանը Շիրակի մարզի ընդհանուր իրավասության դատարանի 11.12.2013թ.-ի դատավճռով, ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 1-ին մասով, 266-րդ հոդվածի 4-րդ մասով և 66-րդ հոդվածի կիռառմամբ` դատապարտվել է ազատազրկման` 5 /հինգ/ տարի տարի ժամկետով և տուգանքի` նվազագույն աշխատավարձի երկուհարյուրապատիկի` 200.000 /երկու հարյուր հազար/ դրամի չափով՝ պատժի կրման սկիզբն է 15.10.2013թ-ը։

18.02.2014թ. Շիրակի մարզի ընդհանուր իրավասության դատարանի որոշմամբ տուգանքը փոխարինվել է 1000 ժամ հանրային աշխատանքներով։

ՀՀ քրեական օրենսգրքի 68-րդ հոդվածի համաձայն`

«1. Հանցանքների համակցությամբ և դատավճիռների համակցությամբ պատիժները լրիվ կամ մասնակիորեն գումարելիս ազատազրկման մեկ օրվան համապատասխանում է՝

/…/

3) հանրային աշխատանքների երեք ժամը։

2. Տուգանքի, որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու, հատուկ կամ զինվորական կոչումից, կարգից, աստիճանից կամ որակավորման դասից զրկելու, ինչպես նաև գույքի բռնագրավման ձևով պատիժները կարգապահական գումարտակում պահելու, կալանքի, ազատազրկման հետ գումարելիս ի կատար են ածվում առանձին»։

Նման պարագայում, դատարանն արձանագրում է, որ ՀՀ քրեական օրենսգրքի 68-րդ հոդվածի կարգով 18.02.2014թ.-ին ՀՀ Շիրակի մարզի ընդհանուր իրավասության դատարանի որոշմամբ տուգանքի փոխարեն նշանակված 1000 ժամ հանրային աշխատանքները պետք է փոխարինվեն ազատազրկմամբ` դրանք ամբաստանյալի նկատմամբ ազատազրկման ձևով նշանակված և այս պահին չկրած պատժին գումարելու և նրա չկրած ընդհանուր պատժի չափը պարզելու նպատակով։ Ըստ որի՝ 1000 ժամ հանրային աշխատանքները ազատազրկմամբ փոխարինելիս այն հավասարազոր է 11 /տասնմեկ/ ամիս 1 /մեկ/ օրվան։

Փաստորեն, ՀՀ Շիրակի մարզի ընդհանուր իրավասության դատարանի 11.12.2013թ.-ի դատավճռով ամբաստանյալ Մակարյանի նկատմամբ նշանակված պատժը չկրած մասը կազմում է 3 /տարի/ 7 /յոթ/ ամիս 6 /վեց/ օր։

Բացի այդ, դատարանը փաստում է, որ ամբաստանյալ Արթուր Կարապետի Մակարյանի նկատմամբ պետք է պատիժ նշանակվի ՀՀ քրեական օրենսգրքի 67-րդ հոդվածի կանոններով, այն է`

«Եթե դատավճիռ կայացնելուց հետո, բայց մինչև պատժի լրիվ կրելը դատապարտյալը նոր հանցանք է կատարել, ապա դատարանը նոր դատավճռով նշանակված պատժին լրիվ կամ մասնակիորեն գումարում է նախորդ դատավճռով նշանակված պատժի չկրած մասը»։

Նույն հոդվածի 4-րդ մասի համաձայն`

« /…/ 4. Դատավճիռների համակցությամբ վերջնական պատիժը պետք է ավելի մեծ լինի ինչպես նոր հանցագործության համար նշանակված պատժից, այնպես էլ նախորդ դատավճռով նշանակված պատժի չկրած մասից /…/»։

Այլ խոսքով, ամբաստանյալի նկատմամբ սույն դատավճռով նշանակված ինն ամիս ժամկետով ազատազրկմանը պետք է մասնակիորեն գումարվի նրա կողմից չկրած պատիժը՝ 3 /տարի/ 7 /յոթ/ ամիս 6 /վեց/ օրը և վերջնական պատիժը չպետք է փոքր լինի այդ չափից։

Դատարանն արձանագրում է, որ ամբաստանյալ Արթուր Մակարյանը ներկայումս հանդիսանում է դատապարտյալ և նրա նկատմամբ որևէ խափանման միջոց նախաքննական մարմնի կողմից ընտրված չէ։

Լուծելով իրեղեն ապացույցների տնօրինման հարցը և ղեկավարվելով ՀՀ քրեական դատավարության օրենսգրքի 119-րդ հոդվածով` դատարանը գտնում է, գործով իրեղեն ապացույց ճանաչված՝ փորձաքննության անցկացումից հետո առկա, «Հալոպերիդոլ» տեսակի հոգեմետ նյութ պարունակող դեղահատերը պետք է վերադարձնել նախաքննական մարմնին՝ սույն քրեական գործից անջատված թիվ 13830515/1 քրեական գործին կցելու և օրենքով սահմանված կարգով հետագա ընթացքը լուծելու համար։

Միաժամանակ, դատարանը գտնում է, որ Արթուր Կարապետի Մակարյանից հօգուտ ՀՀ պետական բյուջեի պետք է բռնագանձել 86.436 /ութսունվեց հազար չորս հարյուր երեսունվեց/ ՀՀ դրամ՝ որպես դատական ծախսեր։

4. Եզրափակիչ մաս

Ելնելով վերոգրյալից և ղեկավարվելով ՀՀ Քրեական դատավարաության օրենսգրքի 357-359, 360, 365, 369-373-րդ հոդվածներով, դատարանը

Վ Ճ Ռ Ե Ց

Արթուր Կարապետի Մակարյանին մեղավոր ճանաչել ՀՀ Քրեական օրենսգրքի 268-րդ հոդվածի 1-ին մասով նախատեսված հանցագործության կատարման մեջ և նրա նկատմամբ պատիժ նշանակել ազատազրկում՝ 9 /ինն/ ամիս ժամկետով։

Նշանակված պատժին՝ ՀՀ քրեական օրենսգրքի 67-րդ հոդվածի կարգով, դատավճիռների համակցությամբ մասնակիորեն գումարել՝ Արթուր Կարապետի Մակարյանի նկատմամբ ՀՀ Շիրակի մարզի ընդհանուր իրավասության դատարանի 11.12.2013թ.-ի դատավճռով նշանակված և սույն դատավճիռը կայացնելու պահին դեռևս չկրած ու միմյանց գումարված պատիժները՝ 2 /երկու/ տարի 8 /ութ/ ամիս 5 /հինգ/ օր ժամկետով ազատազրկումը և ՀՀ Շիրակի մարզի ընդհանուր իրավասության դատարանի 18.02.2014թ.-ի որոշմամբ տուգանքի փոխարեն նշանակված և սույն դատավճռով՝ ՀՀ քրեական օրենսգրքի 68-րդ հոդվածի կարգով, դատավճիռների համակցությամբ պատիժները գումարելու նպատակով 1000 ժամ հանրային աշխատանքները 11 /տասնմեկ/ ամիս 1 /մեկ/ օր ժամկետով փոխարինված ազատազրկումը՝ ընդհանուրը՝ 3 /երեք/ տարի 7 /յոթ/ ամիս 6 /վեց/ օր, և Արթուր Կարապետի Մակարյանի նկատմամբ վերջնական պատիժ նշանակել ազատազրկում` 4 /չորս/ տարի ժամկետով։

Արթուր Կարապետի Մակարյանի նկատմամբ նշանակված պատժի կրման սկիզբը հաշվել 2016թ. փետրվարի 09-ից։

Գործով իրեղեն ապացույց ճանաչված՝ փորձաքննության անցկացումից հետո առկա, «Հալոպերիդոլ» տեսակի հոգեմետ նյութ պարունակող դեղահատերը վերադարձնել նախաքննական մարմնին՝ սույն քրեական գործից անջատված թիվ 13830515/1 քրեական գործին կցելու և օրենքով սահմանված կարգով հետագա ընթացքը լուծելու համար։

Արթուր Կարապետի Մակարյանից հօգուտ ՀՀ պետական բյուջեի բռնագանձել 86.436 /ութսունվեց հազար չորս հարյուր երեսունվեց/ ՀՀ դրամ՝ որպես դատական ծախսեր։

Դատավճիռը կարող է բողոքարկվել ՀՀ Վերաքննիչ քրեական դատարան հրապարակվելու օրվանից հետո` մեկամսյա ժամկետում։



Դ Ա Տ Ա Վ Ո Ր Մ. Մ Ա Կ Յ Ա Ն