Գործ ԵԿԴ/0310/01/15



Ո Ր Ո Շ ՈՒ Մ
քրեական գործի վարույթը կարճելու և քրեական հետապնդումը
դադարեցնելու մասին

« 18 » մարտի 2016թ. ք. Երևան

Երևանի Կենտրոն և Նորք - Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Գևորգ Պողոսյանի և
Հռիփսիմե Ղազարյանի,
մասնակցությամբ`

մեղադրող` Տիգրան Ենոքյանի,

տուժող` Սուրեն Իսահակյանի,

պաշտպան` Կարապետ Աղաջանյանի,

նույն դատարանում` խորհրդակցական սենյակում, քննության առնելով քրեական գործն ըստ մեղադրանքի` Արսեն Դնեպրի Ավագյանի` (ծնված 1961թ. մարտի 10-ին, Երևան քաղա¬քում, ազ¬գութ¬յամբ հայ, ՀՀ քա¬ղաքացի, բարձրագույն կրթութ¬յամբ, ամուս¬նացած, խնամքին` երկու անձ, նախ¬կինում չդա¬տա¬պարտված, հաշվառված է Երևանի Սայաթ-Նովա 15Ա շենքի 5-րդ բնակա¬րանում, փաստացի բնակվում է Կոտայքի մարզի Ձորաղբյուր գյուղի Ազատության 3-րդ նրբանցքի 2-րդ տանը,) և
հաշվի առնելով Արսեն Ավագյանին առաջադրված մեղադրանքի փոփոխումից և մեղմա¬ցումից հետո տուժող Սուրեն Իսահակյանի բողոքի բացակայության կապակցությամբ քրեա¬կան գործի վա¬րույթը բացառող հանգա¬մանքի ի հայտ գալու փաս¬տը,

Պ Ա Ր Զ Ե Ց`

Թիվ 15141714 քրեական գործն հարուցվել է 2014թ. օգոստոսի 29-ին` ՀՀ քրեական օրենսգրքի 112-րդ հոդվածի 1-ին մասի և 235-րդ հոդվածի 1-ին մասի հատկանիշներով ՀՀ ոստիկանության քննչական գլխավոր վարչության Կենտրոնականի բաժնում (ներկայիս ՀՀ քննչա¬կան կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջան¬ների քննչական բաժնում)` «Սուրբ Գր.Լուսավորիչ» բժշկական կենտրոնից ոստիկանության Կենտրոնականի բաժին ստացված ահազանգի հիման վրա` տուժող Սուրեն Իսահակյանին մարմնական հրազենային վնասվածք պատճառելու կապակցությամբ։
2014թ. օգոստոսի 30-ին ՀՀ ոստիկանության Կենտրոնականի բաժին ինքնակամ ներկայացել է Արսեն Ավագյանը։
2014թ. օգոստոսի 30-ին Արսեն Ավագյանը ձերբակալվել է։
2014թ. սեպտեմբերի 1-ին նրան մեղադ¬րանք է առաջադրվել ՀՀ քրեական օրենսգրքի 112-րդ հոդվածի 1-ին մասով։
Նույն օրը Երևանի Կենտրոն և Նորք-Մարաշ վարչական շրջանների ընդհանուր իրավա¬սութ¬յան դատարանը, քննարկելով նախաքննական մարմնի միջնորդությունը, բավարարել է այն և Արսեն Ավագյանի նկատմամբ որպես խափանման միջոց է ընտրել կալանավորումը։
2014թ. նոյեմբերի 11-ին նախաքննական մարմինը որոշում է կայացրել Արսեն Ավագյանին առաջադրված մեղադրանքը փոփոխելու և նրան ՀՀ քրեական օրենսգրքի 120-րդ հոդվածի 1-ին մասով նոր մեղադրանք առաջադրելու մասին։
2014թ. նոյեմբերի 11-ին Երևանի Կենտրոն և Նորք-Մարաշ վարչական շրջանների դատախազության դատախազ Ա.Հովհաննիսյանը որոշում է կայացրել Արսեն Ավագյանի նկատմամբ կալանավորումը վերանելու մասին։
2014թ. նոյեմբերի 25-ին նախաքննական մարմինը Արսեն Ավագյանի նկատմամբ որպես խափանման միջոց է ընտրել չհեռանալու մասին ստորագրություն։
2015թ. հունվարի 14-ին նախաքննական մարմինը Երևանի Կենտրոն և Նորք-Մարաշ վարչական շրջանների դատախազության դատախազ Տ.Ենոքյանի ցուցումի հիման վրա որոշում է կայացրել Արսեն Ավագյանին ՀՀ քրեական օրենսգրքի 120-րդ հոդվածի 1-ին առաջադրված մեղադրանքը փոփոխելու և նրան ՀՀ քրեական օրենսգրքի 112-րդ հոդվածի 1-ին մասով նոր մեղադրանք առաջադրելու մասին։
2015թ. դեկտեմբերի 25-ին սույն քրեական գործը Արսեն Դնեպրի Ավագյանի նկատ¬մամբ ՀՀ քրեա¬կան օրենսգրքի 112-րդ հոդվածի 1-ին մասով հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրա¬վա¬¬սութ¬յան դատա¬րան, 2015թ. դեկտեմբերի 28-ին ընդունվել է Դատարանի վարույթ, իսկ 2015թ. հունվարի 12-ին նշանակվել դատական քննության։
2016թ. մարտի 18-ին կայացած հերթական դատական նիստի ընթացքում` դա¬տաքննության ավարտական փուլում, մեղադրողը, օգտվելով ՀՀ քրեա¬կան դատա¬վա¬րա¬կան օրենսգրքի 309.1-րդ հոդ¬վածի 3-րդ մասով նախատես¬ված իր լիազորությունից, որո¬շում է կա¬յաց¬րել ամբաս¬տան¬յալ¬ Արսեն Ավագյանին առաջադրված մեղադրանքը փոփո¬խե¬լու և նրան ՀՀ քրեական օրենսգրքի 120-րդ հոդվածի 1-ին մասով նոր մե¬ղադրանք առա¬ջադրելու մասին։
Առաջադրված մեղադրանքի հետ ծանոթացած ամբաստանյալ Ա.Ավագյանն իրեն լիովին մեղա¬վոր ճանա¬չեց։
Նույն օրը կայացած դատական նիստին տուժող Սուրեն Իսահակյանը, իր իրավունքների վերաբերյալ պարզաբանում ստա¬նալուց հետո, հայտնեց, որ այլևս մասնավոր մեղադրանքի վերաբերյալ սույն գործի պայմաններում ամբաստանյալ Արսեն Ավագյանի դեմ (ինչպես ողջ մինչդա¬տական վարույթի ընթացքում) բողոք և պա¬հանջ չունի, չի ցանկանում, որ վերջինս են¬թարկվի քրեական պատասխա¬նատ¬վության։
Ամբաստանյալ Արսեն Ավագյանը հաստատեց, որ չի առար¬կում, որ իր նկատմամբ հարուց¬ված քրեական հետապնդումը դադարեցվի ոչ արդարացնող այդ հիմքով` տուժողի բողոքի բացակա¬յությամբ։
Մեղադրող Տիգրան Ենոքյանը չառարկեց քրեական գործի վարույթը կարճելու և ամբաս¬տանյալ Արսեն Ավագյանի նկատ¬մամբ քրեական հետապնդումը դադա¬րեց¬նելու դեմ։
Դատարանը, հաշվի առնելով տուժողի և ամբաստանյալի վե¬րոնշյալ դիր¬քո¬րոշումները, գտնում է, որ ի հայտ է եկել քրեական գործի վարույթը բացառող հանգամանք (հիմք), որի պայմաններում քրեական գործի վարույթն ենթակա է կարճման, իսկ ամբաստանյալ Արսեն Ավագյանի նկատմամբ հարուցված քրեա¬կան հետապնդումը` դադա¬րեցման, որպիսի հետևության հանգում է հետևյալ իրա¬վական վերլու¬ծութ¬յունների արդյունքներով.
ՀՀ քրեական դատավարական օրենսգրքի 33-րդ հոդվածի համաձայն` մասնավոր մե¬ղադ¬րան¬¬¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծութ¬յուն¬¬ների վերաբերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի …..(…) 120-րդ հոդվածի 1-ին մասով նախատեսված հանցագործությունների վերա¬բեր¬յալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի, մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է մինչև դատավճիռ կայացնելու համար դատարանի խորհրդակ¬ցա¬կան սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 4-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում բացակայում է դիմողի, տվյալ դեպքում` տուժողի բողոքը։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանք¬ներ, լուծում է ամբաստանյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։

ՀՀ քրեական դատավարական օրենսգրքի 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոց¬ները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում` իրեղեն ապացույցների ճակատագրի վերաբերյալ։ Տվյալ հարցերին անդրադառ¬նալով` Դատարանն արձանագրում է, որ գործով ամբաս¬տանյալի գույքի վրա արգելանք կիրա¬ռելու որոշում չի կայացվել։
Դատարանը, ղեկավարվելով ՀՀ քրեական դատավարության օրենսգրքի 119-րդ հոդվածի 1-ին մասի 1-ին կետով պահանջով, արձանագրում է, որ քրեական գործով իրեղեն ապացույց ճանաչված և ՀՀ ոստիկանության փորձաքրեագիտական վարչությունում պահվող` ենթադրյալ հանցագործության գործիք հանդիսացած «BEREETTA 92FS» մոդելի 9մմ տրամաչափի «BER 237755 Z» համարի ակոսափող ատրճանակը և պահունակը, քաղաքացիական շրջանառություն հանված թվով 11 փամփուշտներն անհրաժեշտ է բռնագրավել հօգուտ պետության։ Դատարանում պահվող` նույն ատրճանակից կրակված և տուժող Ս. Իսահակյանի ոտքից վիրահատությամբ դուրս բերված գնդակն անհրաժեշտ է ոչնչացնել, իսկ Դատարանում պահվող` դեպքի օրը տուժող Ս.Իսահակյանի կրած անդրավարտիքն ենթակա վերադարձման վերջինիս` սույն դատական ակտն օրինական ուժի մեջ մտնելուց հետո։
ՀՀ քրեական դատավարական օրենսգրքի 151-րդ հոդվածի 2-րդ մասի համաձայն` խա¬փան¬¬ման միջոցը վերացվում է, երբ վերանում է դրա անհրաժեշտությունը։ Դատարանը փաստում է, որ քրեական գործի վարույթը կարճելու պարագայում ամբաստանյալ Արսեն Ավագյանի նկատմամբ ընտրված խափան¬ման միջոց չհեռանալու մասին ստորագրությունն ենթակա է անհապաղ վերացման։
Վերոգրյալի հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 4-րդ կետով, 41-րդ հոդվածի 2-րդ մասի 8-րդ կետով, 183-րդ, 294-րդ և 313-րդ հոդվածներով, ինչպես նաև 379-րդ հոդվածի 1-ին մասի 1-ին կետով, Դատարանը

Ո Ր Ո Շ Ե Ց `

1. Արսեն Դնեպրի Ավագյանի նկատմամբ ՀՀ քրեական օրենսգրքի 120-րդ հոդվածի 1-ին մասով հա¬րուցված քրեա¬կան հետապնդումը դադարեցնել, ԵԿԴ/0310/01/15 քրեական գործի վա¬րույթը կարճել` տուժող Սուրեն Իսահակյանի բողոքի բացակայության հիմ¬քով։
2. Արսեն Ավագյանի նկատմամբ որպես խափանման միջոց ընտրված չհեռա¬նալու մասին ստորագրությունն անհապաղ վերացնել։
3. Քրեական գործով իրեղեն ապացույց ճանաչված և ՀՀ ոստիկանության փոր¬ձաքրեագիտական վարչությունում պահվող` «BEREETTA 92FS» մոդելի 9մմ տրամաչափի «BER 237755 Z» համարի ակոսափող ատրճանակը և ատրճանակի պահունակում առկա թվով 11 փամփուշտները բռնագրավել, Դատարանում պահվող` նույն ատրճանակից կրակված և տուժող Ս. Իսահակյանի ոտքից վիրահատությամբ դուրս բերված գնդակը ոչնչացնել, իսկ դեպքի օրը տուժող Ս. Իսահակյանի կրած անդրավարտիքը վերադարձնել վերջինիս` սույն դատական ակտն օրինա¬կան ուժի մեջ մտնելուց հետո։
4. Սույն որոշման օրինակներն հանձնել կողմերին` պարզաբանելով, որ այն կարող է բողո¬քարկ¬վել ՀՀ վերաքննիչ քրեական դատարան` ստացման պահից մեկամսյա ժամ¬կետում։


ԴԱՏԱՎՈՐ` Ա.ՎԱՐԴԱՆՅԱՆ