ԵԿԴ/0305/01/15

Ո Ր Ո Շ ՈՒ Մ

ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ԵՎ ՔՐԵԱԿԱՆ

ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ


,,01,, սեպտեմբերի 2016թ. ք. Երևան


Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը` նախագահությամբ դատավոր Մ.Մակյանի, խորհրդակցական սենյակում, քննության առնելով թիվ ԵԿԴ/0305/01/15 քրեական գործի նյութերն ըստ մեղադրանքի`

Ժորա Ռազմիկի Ալեքսանյանի` ծնված՝ 01.08.1954թ.
Արմավիրի մարզի Մարգարա գյուղում, ազգությամբ հայ, ՀՀ
քաղաքացի, բարձրագույն կրթությամբ, ամուսնացած,
չի աշխատել, հանդիսացել է 2-րդ կարգի հաշմանդամ,
նախկինում դատապարտված, դատվածությունը մարված,
հաշվառված է եղել` Արմավիրի մարզ, գ.Մարգարա,
հանդիսացել է՝ ՀՀԱՆ «Դատապարտյալների հիվանդանոց» ՔԿՀ
կալանավոր, մեղադրվել է՝ՀՀ քրեական օրենսգրքի 182-րդ
հոդվածի3-րդ մասի 2-րդ կետով, որպես խափանման միջոց է
ընտրված եղել չհեռանալու մասին ստորագրությունը,


Պ Ա Ր Զ Ե Ց

Ըստ ՀՀ Երևան քաղաքի դատախազության կողմից դատարան ուղարկված քրեական գործի նյութերի և մեղադրական եզրակացության`

«Ժորա Ռազմիկի Ալեքսանյանը մեղադրվում է նրանում, որ նա, գիտակցելով իր կողմից ներկայացվող պահանջի անօրինական լինելը, դիտավորությամբ Գագիկ Արտյուշայի Խաչիկյանին է ներկայացրել իր օգտին առանձնապես խոշոր չափերի գույքային բնույթի գործողություններ կատարելու պահանջ՝ այն զուգորդելով բռնություն գործադրելու սպառնալիքով։

Այսպես՝

2015 թվականի օգոստոսի 31-ին ժամը 11։30-ին ժորա Ալեքսանյանը, այցելելով Երևան քաղաքի Աբովյան փողոցի 31-րդ շենքի 1-ին բնակարանի կիսանկուղում գտնվող՝ Գագիկ Խաչիկյանի փաստաբանական գրասենյակ, վերջինիս է ներկայացրել առանձնապես խոշոր չափերի՝ 4.827.700 ՀՀ դրամին համարժեք 10.000 ԱՄՆ դոլարի պահանջ, որը զուգորդվել է Գագիկ Խաչիկյանի և նրա մերձավորների նկատմամբ բռնություն գործադրելու սպառնալիքով, որոնք դրսևորվել են «տղամարդկանց համար զենք կա, սիրուն աղջիկների համար՝ կիսլատա» բառակապակցություններով։
Ժորա Ալեքսանյանի կողմից հնչեցրած սպառնալիքներն ի կատար ածելու անխուսափելիությունըԳագիկԽաչիկյանիկողմիցընկալվելէիրատեսական, ինչի կապակցությամբոստիկանությունումտվելէհանցագործությանմասինհաղորդում»։

Դեպքի առթիվ ՀՀ քննչական կոմիտեի Երևան քաղաքի քննչական վարչության կողմից 2015 թվականի սեպտեմբերի 03-ին հարուցվել է քրեական գործ։

04.09.2015թ.-ին որոշում է կայացվել Ժորա Ռազմիկի Ալեքսանյանին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 182-րդ հոդվածի 3-րդ մասի 2-րդ կետով։ 05.09.2015թ.-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից կայացվել է որոշում, համաձյան որի՝Ժորա Ռազմիկի Ալեքսանյանի նկատմամբ որպես խափանման միջոց է ընտրվել կալանավորումը։

Քրեականգործը Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան է ստացվել և մուտքագրվել 21.12.2015թ.-ին, որը 22.12.2015թ.-ին ընդունվել է դատարանի վարույթ։

Գործը դատարան ստացվելուց հետո մինչև քրեական գործի վարույթը կասեցնելու պահը նշանակվել են թվով չորս դատական նիստեր, որոնցից երեքը չեն կայացել ամբաստանյալի՝ դատարան չներկայանալու պատճառով։

Գործը դատարան ստացվելուց հետո, դատարան է մուտքագրվել դեռևս նախաքննության ընթացքում Ժ.Ալեքսանյանի նկատմամբ նշանակված դատաբժշկական փորձաքննության եզրակացությունն առ այն, որ՝

«…փորձաքննությանը ներկայացված բժշկական փաստաթղթերի, կատարված հետազոտությունների արդյունքների համաձայն՝ Ժ.Ալեքսանյանը տառապում է հետևյալ հիվանդություններով՝ «Աջ թոքի ծայրամասային C-r /քաղցկեղ/, T3N2M0 /3-րդ փուլ/, ռեգիոնար մետաստատիկ ախտահարումով։ Սրտի իշեմիկ հիվանդության հետինֆարկտային կարդիոսկլերոզ, վիճակ աորտոկորոնար շունտավորումից հետո, սրտային անբավարարության 2-3-րդ ֆունկցիոնալ դաս Շաքարային դիաբետ, 2-րդ տիպ, դիաբետիկ միկրո, մակրոանգիոպաթիա։ Համաձայն ներկայիս փորձաքննության ընթացքում «Վ.Ֆանարջյանի անվան ուռուցքաբանության ազգային կենտրոն» ՓԲԸ-ում կատարված մասնագիտական հետազոտությունների արդյունքների՝ Ժ.Ալեքսանյանի մոտ թոքի ուռուցքի մորֆոլոգիական /հյուսվածաբանական/ հետազոտությունը հնարավոր չէ կատարել` ելնելով հիվանդի ընդհանուր ծանր վիճակից։ Ինչպես նաև` նույն կլինիկայից տրվել է մասնագիտական եզրակացություն, ըստ որի` «Ելնելով հիվանդության բարձիթող և ընդհանուր առողջական ծանր վիճակից՝ մասնագիտացված բուժում /քիմիոթերապիա, ճառագայթային բուժում, վիրահատութիւն/ ցուցված չէ։ Որոշել վերը նշված հիվանդությունների առաջացման վաղեմությունը հնարավոր չէ։ Վերոգրյալ առողջական վիճակի վերաբերյալ հայտնաբերված տվյալները սույն հանձնաժողովին հիմք են տալիս եզրակացնելու, որ ժորա Ալեքսանյանի մոտ առկա ներկայիս հիվանդությունը ծանր է, որը ենթակա չէ բուժման՝ ելնելով հիվանդության զարգացման ծանրության աստիճանից և կարիք ունի միայն ախտանիշային բուժման։
Ուստի և ներկա առողջական վիճակով Ժորա Ալեքսանյանը չի կարող պահվել անազատության մեջ և կարիք ունի գտնվելու նեղ մասնագիտացված կլինիկայում, մշտական բժշկական հսկողության տակ ապահովելով ինտենսիվ կենսական ֆունկցիաների պահպանմանն ուղղված բուժական միջոցառումներ»»։

Նշված հանգամանքներից ելնելով, դատարանը վերացրել է ամբաստանյալ Ալեքսանյանի նկատմամբ ընտրված խափանման միջոց կալանավորումը և նրա նկատմամբ որպես խափանման միջոց է ընտրել չհեռանալու մասին ստորագրությունը։

Այդուհանդերձ, Ժ.Ալեքսանյանն առողջական խնդիրներից ելնելով նշանակված դատական նիստերին չի ներկայացել, որի վերաբերյալ վերջինիս եղբոր՝ Գարեգին Ալեքսանյանի, կողմից դատարանին պարբերաբար ներկայացվել են ամբաստանյալի առողջական վիճակի վերաբերյալ տեղեկանքներ։

Հաշվի առնելով, որ Ժ.Ալեքսանյանը ամբուլատոր բուժումը ստացել է տանը և գտնվել ՀՀ «Մարգարայի առողջության կենտրոն» ՀՈԱԿ հսկողության ներքո, դատարանը վերջինիս առողջական վիճակի վերաբերյալ տեղեկատվություն ստանալու նպատակով հարցում է կատարել նշված կենտրոն, որին ի պատասխան՝ 12.03.2016թ-ին ստացվել է հիշյալ բուժ. հիմնարկի գործադիր տնօրենի պատասխանն առայն, որ՝

«…Ելնելով հիվանդության պրոգրեսիվող ընթացքից Ժորա Ալեքսանյանի՝ դատարան ներկայանալու հնարավությունը գտնում եմ անհնար։

Ախտորոշումը։ Աջ թոքի պերեֆերիկ քաղցկեղ, քայքայումով (T3N2MO)։ ՍԻՀ, լարվածության ստենոկարդիա, ԱՇԱ III (NYHA) զարկերակային հիպերտենզիա։ Շաքարային դիաբետ II տիպ»։

14.03.2016թ-ին գործով մեղադրանքը պաշտպանող դատախազ Ա.Աբրահամյանը միջնորդել է կասեցնել քրեական գործի վարույթը, հաշվի առնելով, որ ամբաստանյալն առողջական վիճակից ելնելով չի կարողանում ներկայանալ դատարան։

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից կայացվել է որոշում, համաձայն որի՝քրեական գործով վարույթն ըստ մեղադրանքի՝ Ժորա Ռազմիկի Ալեքսանյանի՝ ՀՀ քրեական օրենսգրքի 182-րդ հոդվածի 3-րդ մասի 2-րդ կետով՝ կասեցվել է՝ մինչև նրա առողջանալը։

25.08.2016թ.-ինՀՀ «Մարգարայի առողջության կենտրոն» ՀՈԱԿ կողմից, Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան է ստացվել գրություն, համաձայն որի`Արմավիրի մարզի Մարգարա գյուղի բնակիչ Ժորա Ռազմիկի Ալեքսանյանը մահացել է։Բացի այդ, դատարան է ուղարկվել Ժորա Ռազմիկի Ալեքսանյանի մահվան ակտի վերաբերյալ թիվ ԱԲ 244308 գրանցման վկայականի պատճենը։ Համաձայն մահվան վկայականի` 02.05.2016թ.-ին գրանցվել է 01.08.1954թ.-ին ծնված, սույն քրեական գործով ամբաստանյալ Ժորա Ռազմիկի Ալեքսանյանի մահվան փաստը։ Որպես մահվան պատճառ է գրանցվել «սրտամկանի սուր տրանսմուրալ ինֆարկտ» ախտորոշմամբ հիվանդությունը։

24.08.2016թ.-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից կայացվել է որոշում՝ քրեական գործով վարույթը վերսկսելու մասին։

30.08.2016թ.-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան է ստացվել տուժող Գագիկ Խաչիկյանի դիմումը, որով վերջինս խնդրել է 31.08.2016թ-ին նշանակված դատական նիստն անցկացնել իր բացակայությամբ, նշելով, որ որևէ առարկություն կամ միջնորդություն չունի։

31.08.2016թ-ին կայացած դատական նիստի ժամանակ մեղադրանքը պաշտպանող դատախազ Ա.Գրիգորյանը, հիմք ընդունելով ՀՀ քրեական դատավարության օրենսգրքի 35-րդ հոդվածի 1-ին մասի 10-րդ կետը միջնորդել է ամբաստանյալ Ժորա Ռազմիկի Ալեքսանյանի վերաբերյալ ՀՀ քրեական օրենսգրքի 182-րդ հոդվածի 3-րդ մասի 2-րդ կետով հարուցված քրեական հետապնդումը դադարեցնել, իսկ քրեական գործի վարույթը կարճել։

Դատարանը, խորհրդակցական սենյակում քննության առնելով ներկայացված միջնորդությունը և ուսումնասիրելով քրեական գործի նյութերը,հանգում է այն հետևության, որ ամբաստանյալի նկատմամբ ՀՀ քրեական օրենսգրքի182-րդ հոդվածի 3-րդ մասի 2-րդ կետովհարուցված քրեական հետապնդումը դադարեցնելու և քրեական գործի վարույթը կարճելու մասին մեղադրողի միջնորդությունը հիմնավոր է և ենթակա բավարարման՝ հետևյալ պատճառաբանությամբ.

Դատարանը հաստատաված է համարում այն հանգամանքը, որ ամբաստանյալ Ժորա Ռազմիկի Ալեքսանյանը 2016 թվականի ապրիլի28-ին մահացել է, որի պատճառ է հանդիսացել «սրտամկանի սուր տրանսմուրալ ինֆարկտը»։
Նշված փաստը հիմնավորվել է Ժորա Ռազմիկի Ալեքսանյանի մահվան վերաբերյալ թիվ ԱԲ 244308 վկայականը և համապատասխան իրավասու մարմնի՝ ՀՀ «Մարգարայի առողջության կենտրոն» ՀՈԱԿ կողմից ուղարկված համապատասխան գրությունը։
Համաձայն ՀՀ քրեական դատավարության օրենսգրքի 35-րդ հոդվածի 1-ին մասի 10-րդ կետի`

«Քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե.

« (...)

10. անձը մահացել է...»։

Հաշվի առնելով վերը նշվածը, դատարանը փաստում է, որ ամբաստանյալ Ժորա Ռազմիկի Ալեքսանյանի նկատմամբ ՀՀ քրեական օրենսգրքի 182-րդ հոդվածի 3-րդ մասի 2-րդ կետով հարուցված քրեական հետապնդումը ենթակա է դադարեցման, իսկ քրեական գործի վարույթը` կարճման՝ վերը շարադրված հիմնավորումներով։

Միաժամանակ, ամբաստանյալի նլատմամբ ընտրված խափանման միջոցը՝ չհեռանալու մասին ստորագրությունը, ենթակա է վերացման։

Վերոգրյալի հիման վրա և ղեկավարվելով ՀՀ քրեական դատավարության օրենսգրքի35-րդ հոդվածի 1-ին մասի 10-րդ կետովև 313-րդ հոդվածներով, դատարանը


Ո Ր Ո Շ Ե Ց

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանում քննվող ԵԿԴ/0305/01/15 /նախաքննական համարը՝ 59103115/ քրեական գործով ամբաստանյալ Ժորա Ռազմիկի Ալեքսանյանի նկատմամբ ՀՀ քրեական օրենսգրքի 182-րդ հոդվածի 3-րդ մասի 2-րդ կետով հարուցված քրեական հետապնդումը դադարեցնել և քրեական գործի վարույթը կարճել` վերջինիս մահվան հիմքով։

Ամբաստանյալ Ժորա Ռազմիկի Ալեքսանյանի նկատմամբ ընտրված խափանման միջոցը՝ չհեռանալու մասին ստորագրությունը, վերացնել։

Որոշումը կարող է բողոքարկվել ՀՀ Վերաքննիչ քրեական դատարան` հրապարակվելու օրվանից հետո` մեկամսյա ժամկետում։





Դ Ա Տ Ա Վ Ո Ր Մ. Մ Ա Կ Յ Ա Ն