ԵԿԴ/0294/01/15



Որոշում
քրեական հետապնդումը դադարեցնելու և
քրեական գործով վարույթը կարճելու մասին

<<20>> հունվարի, 2016թ. ք. Երևան

Երևան քաղաքի Մալաթիա-Սեբաստիա վարչական շրջանի ընդհանուր իրավասության դատարանը (այսուհետև` Դատարան)՝
նախագահությամբ դատավոր Ռ.Պապոյանի,
քարտուղարությամբ Ի.Մուրադյանի,
մասնակցությամբ՝
մեղադրող Ս.Մովսիսյանի,
տուժողի ներկայացուցիչ Ե.Ջհանգիրյանի,

դռնբաց դատական նիստում, քրեական գործով` ըստ մեղադրանքի`
Աշոտ Ռուբիկի Ասատրյանի – ծնված 25.07.1978թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատում, նախկին դատվածությունը չմարված, հաշվառված է ք.Երևան, Անդրանիկի փող., 16 շենք, բն. 17 հասցեում, բնակվում է Արմավիրի մարզ, ք. Մեծամոր, 6-րդ շենք, բն. 27 հասցեում,
մեղադրվում է ՀՀ քրեական օրենսգրքի 177-րդ հոդվածի 1-ին մասով 2 (երկու) դրվագ տարբեր հանցագործությունների կատարման մեջ, խափանման միջոց է կիրառվել չհեռանալու մասին ստորագրությունը,

պարզեց՝

1. Գործի դատավարական նախապատմությունը.
Անհայտ անձի կողմից <<Ծիրան>> սուպերմարկետից 46.000 ՀՀ դրամ արժողությամբ մեկ հատ <<Արարատ Նաիրի>> տեսակի կոնյակ գաղտնի հափշտակելու վերաբերյալ Եսայի Մարտիրոսի Ջհանգիրյանի հաղորդման կապակցությամբ նախապատրաստված նյութերով տնօրեն Գ.Այվազյանի բողոքի հիման վրա 2015 թվականի սեպտեմբերի 16-ին ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնի քննիչ Ա.Գրիգորյանը որոշում է կայացրել ՀՀ քրեական օրենսգրքի 177-րդ հոդվածի 1-ին մասով թիվ 16142815 քրեական գործը(այսուհետ նաև` քրեական գործ) հարուցելու և այն վարույթ ընդունելու մասին:(գ.թ. 13)
2015 թվականի սեպտեմբերի 16-ի որոշմամբ <<Ծիրան Մարկետ>> ՍՊ ընկերությունը քրեական գործով ճանաչվել է որպես տուժող:(գ.թ. 14)
2015 թվականի սեպտեմբերի 24-ի որոշմամբ քրեական գործով տուժողի ներկայացուցիչ է ճանաչվել Ե.Ջհանգիրյանը:(գ.թ. 16)
2015 թվականի հոկտեմբերի 2-ի որոշմամբ Աշոտ Ասատրյանի նկատմամբ խափանման միջոց է ընտրվել չհեռանալու մասին ստորագրությունը: (գ.թ. 33, 35)
Վարույթն իրականացնող մարմնի՝ 2015 թվականի հոկտեմբերի 9-ի որոշմամբ Աշոտ Ռուբենի Ասատրյանը քրեական գործով ներգրավվել է որպես մեղադրյալ, և նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով:(գ.թ. 64-65, 69)
2015 թվականի հոկտեմբերի 27-ին ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնի քննիչ Դ. Թադևոսյանը (այսուհետև քննիչ) որոշում է կայացրել քրեական գործը վարույթ ընդունելու մասին: (գ.թ. 74)
Անհայտ անձի կողմից <<Ծիրան>> սուպերմարկետից ընդհանուր 25000 ՀՀ դրամ արժողությամբ երկու շիշ <<Արարատ>> կոնյակ գաղտնի հափշտակելու վերաբերյալ Եսայի Մարտիրոսի Ջհանգիրյանի հաղորդման կապակցությամբ նախապատրաստված նյութերով վերջինիս բողոքի հիման վրա 2015 թվականի հոկտեմբերի 7-ին ՀՀ քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժնի քննիչ Ա.Մուրադյանը որոշում է կայացրել ՀՀ քրեական օրենսգրքի 177-րդ հոդվածի 1-ին մասով թիվ 10148615 քրեական գործը հարուցելու և այն վարույթ ընդունելու մասին:(գ.թ. 97)
2015 թվականի նոյեմբերի 9-ի որոշմամբ Աշոտ Ռուբենի Ասատրյանը թիվ 10148615 քրեական գործով ներգրավվել է որպես մեղադրյալ, և նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով:(գ.թ. 138, 142)
2015 թվականի նոյեմբերի 12-ին որոշում է կայացվել թիվ 10148615 քրեական գործն ըստ քննչական ենթակայության ուղարկելու մասին: (գ.թ. 152)
Քննիչի՝ 2015 թվականի նոյեմբերի 16-ի որոշմամբ թիվ 10148615 քրեական գործն ընդունվել է վարույթ, թիվ 10148615 և թիվ 16142815 քրեական գործերը միացվել են մեկ վարույթում, և գործի նախաքննությունը շարունակվել է 16142815 համարի քրեական գործով:(գ.թ. 92-93)
Վարույթն իրականացնող մարմնի` 2015 թվականի նոյեմբերի 20-ի որոշումներով Աշոտ Ասատրյանին առաջադրված մեղադրանքը փոխվել, լրացվել է, և վերջինս ներգրավվել է որպես մեղադրյալ ՀՀ քրեական օրենսգրքի 177-րդ հոդվածի 1-ին մասով` երկու դրվագով, այն արաքների համար, որ նա ուրիշի գույքի գաղտնի հափշտակություն կատարելու դիտավորությամբ 2015 թվականի փետրվարի 21-ին՝ ժամը 19:00-ի սահմաններում, Երևան քաղաքի Շինարարների փողոցի 25/29 հասցեում գտնվող <<Ծիրան>> ՍՊ ընկերությանը պատկանող հանրախանութի ցուցատախտակի վրայից գաղտնի հափշտակել է 6.664 ՀՀ դրամ արժողությամբ, 0.5լ տարողությամբ, 6 տարի հնեցման <<Անի>> տեսակի մեկ շիշ կոնյակ և 15.340 ՀՀ դրամ արժողությամբ, 0.7լ տարողությամբ, 10 տարի հնեցման <<Ախթամար>> տեսակի մեկ շիշ կոնյակ` <<Ծիրան>> ՍՊ ընկերությանը պատճառելով զգալի չափերի հասնող ընդհանուր 22.004 ՀՀ դրամի գույքային վնաս:
Բացի այդ, Աշոտ Ռուբիկի Ասատրյանը, 2015 թվականի մարտի 29-ին` ժամը 12:50-ի սահմաններում, ուրիշի գույքի գաղտնի հափշտակություն կատարելու դիտավորությամբ, <<Ծիրան մարկետ>> ՍՊ ընկերությանը պատկանող <<Ծիրան Մարկետ>> հանրախանութից վերցրել է 46.000 ՀՀ դրամ արժողությամբ <<Արարատ Նաիրի>> տեսակի մեկ շիշ կոնյակ, դրել բաճկոնի ծոցագրպանը և, դուրս գալով հանրախանութի տարածքից, այն գաղտնի հափշտակել է՝ ընկերությանը պատճառելով զգալի չափերի հասնող՝ 46.000 ՀՀ դրամի գույքային վնաս: (գ.թ. 156-157, 158-159, 162-163)
2015 թվականի դեկտեմբերի 8-ին Մալաթիա-Սեբաստիա վարչական շրջանի դատախազության դատախազ Ս.Մովսիսյանը որոշում է կայացրել մեղադրական եզրակացությունը հաստատելու մասին, և քրեական գործն` ըստ մեղադրանքի Աշոտ Ռուբիկի Ասատրյանի` երկու դրվագ ՀՀ քրեական օրենսգրքի 177-րդ հոդվածի 1-ին մասով և ՀՀ քրեական դատավարության օրենսգրքի 277-րդ հոդվածի կարգով գործն ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան(գ.թ. 190):
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը 2015 թվականի դեկտեմբերի 14-ին որոշում է կայացրել Աշոտ Ռուբիկի Ասատրյանի վերաբերյալ ՀՀ քրեական օրենսգրքի 177-րդ հոդվածի 1-ին մասով երկու դրվագով թիվ ԵԿԴ/0294/01/15 (16142815) գործն ըստ ընդդատության Երևան քաղաքի Մալաթիա-Սեբաստիա վարչական շրջանի ընդհանուր իրավասության դատարան ուղարկելու մասին (գ.թ. 193), այն Դատարանում մուտք է եղել 2015 թվականի դեկտեմբերի 25-ին և նույն օրն ընդունվել է վարույթ(գ.թ. 198, 200):
2016 թվականի հունվարի 11-ին Դատարանը որոշում է կայացրել քրեական գործը դատական քննության նշանակելու մասին: (գ.թ. )
2.Գործի համար էական նշանակություն ունեցող հանգամանքները.
<<Ծիրան մարկետ>> ՍՊ ընկերության տնօրեն Արման Գալստյանի կողմից տրված լիազորագրով Եսայի Ջհանգիրյանին թույլատրվել է հանդես գալ որպես ընկերության ներկայացուցիչ և թիվ ԵԿԴ/0294/01/15 (16142815) գործի շրջանակներում իրականացնել ՀՀ քրեական դատավարության 79-րդ հոդվածի 1-ին և 2-րդ մասով նախատեսված լիազորությունները, այդ թվում հաշտվել կասկածյալի կամ մեղադրյալի հետ, ստանալ լիազորողին հատկացված գույքը:
Քրեական գործի դատական քննության նախապատրաստական փուլում` 2016 թվականի հունվարի 20-ին տուժողի ներկայացուցիչ Եսայի Ջհանգիրյանը Դատարանին հայտնեց, որ ամբաստանյալ Արման Գալստյանը <<Ծիրան մարկետ>> ՍՊ ընկերությանը գողությամբ պատճառված վնասը վերականգնել է, հաշտվել է ամբաստանյալի հետ, նրա դեմ բողոք և պահանջ չունի:
Նույն ժամանակ մեղադրող Ս.Մովսիսյանը հայտնեց, որ տուժողի կողմից ամբաստանյալի հետ հաշտվելու պայմաններում սույն քրեական գործով վարույթը ենթակա է կարճման , իսկ ամբաստանյալի նկատմամբ քրեական հետապնդումը` դադարեցման:
Ամբաստանյալ Աշոտ Ասատրյանը հաստատեց իր կողմից հանցագործությամբ պատճառված վնասը վերականգնելու և տուժողի հետ հաշտվելու հանգամանքը:
3.Դատարանի իրավական վերլուծությունը և եզրահանգումը.
ՀՀ քրեական դատավարության օրենսգրքի 33-րդ հոդվածի համաձայն. << 1.կատարված հանցագործության ծանրությունից և բնույթից ելնելով` քրեական դատավարությունում հետապնդումն իրականացվում է հանրային և մասնավոր կարգով:
2.Մասնավոր հետապնդման գործեր են համարվում սույն օրենսգրքի 183 հոդվածով նախատեսված հանցագործությունների վերաբերյալ գործերը:
(...)>>:
ՀՀ քրեական դատավարության օրենսգրքի 183-րդ հոդվածի համաձայն. << Հայաստանի Հանրապետության քրեական օրենսգրքի (...) 177-րդ հոդվածի 1-ին մասով, (...) նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ հաշտվելու դեպքում ենթակա են կարճման: Հաշտությունը թույլատրվում է մինչև դատավճիռ կայացնելու համար դատարանի խորհրդակցական սենյակ հեռանալը>>:
ՀՀ քրեական օրենսգրքի 35-րդ հոդվածի համաձայն. <<1. (...) հարուցված քրեական գործի վարույթը ենթակա է կարճման, եթե`
(...)
5/ սույն օենսգրքով նախատեսված դեպքերում տուժողը հաշտվել է կասկածյալի կամ մեղադրյալի հետ:
(...)>>:
Տվյալ դեպքում տուժողի ներկայացուցիչ Եսայի Ջհանգիրյանի և ամբաստանյալ Աշոտ Ասատրյանի կողմից իրար հետ հաշտվելու փաստը Աշոտ Ասատրյանի նկատմամբ ՀՀ քրեական օրենսգրքի 177-րդ հոդվածի 1-ին մասով երկու դրվագով հարուցված քրեական հետապնդումը բացառող հանգամանք է և քրեական գործի վարույթը կարճելու հիմք:
Դատարանը գտնում է, որ քրեական հետապնդումը բացառող վերը նշված հիմքի առկայության պայմաններում քրեական գործի վարույթը անհրաժեշտ է կարճել և ամբաստանյալի նկատմամբ հարուցված քրեական հետապնդումը դադարեցնել, ինչպես նաև վերացնել ամբաստանյալ Աշոտ Ասատրյանի նկատմամբ կիրառված խափանման միջոցը` չհեռանալու մասին ստորագրությունը:
Դատարանը գտնում է նաև, որ քրեական գործով իրեղեն ապացույց ճանաչված և քրեական գործին կցված երկու հատ լազեռային սկավառակները պետք է պահել գործի հետ միասին՝ վերջինիս պահելու ամբողջ ժամանակամիջոցում:
3.Եզրափակիչ մաս.
Ելնելով վերոգրյալից, ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով և 313-րդ հոդվածի պահանջներով` Դատարանը

որոշեց՝

Ամբաստանյալ Աշոտ Ռուբիկի Ասատրյանի նկատմամբ ՀՀ քրեական օրենսգրքի 177-րդ հոդվածի 1-ին մասով 2 (երկու) դրվագով հարուցված քրեական հետապնդումը դադարեցնել տուժողի հետ հաշտվելու քրեադատավարական օրենսգրքով նախատեսված հիմքով, և քրեական գործով վարույթը կարճել:
Աշոտ Ռուբիկի Ասատրյանի նկատմամբ կիրառված խափանման միջոցը` չհեռանալու մասին ստորագրությունը, վերացնել:
Քրեական գործով իրեղեն ապացույց ճանաչված և քրեական գործին կցված երկու հատ լազեռային սկավառակները պահել գործի հետ միասին՝ վերջինիս պահելու ամբողջ ժամանակամիջոցում:
Որոշումը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:

Դատավոր ՝ Ռ. Լ. Պապոյան