ԵԿԴ/0273/01/15





ՈՐՈՇՈՒՄ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՎԵՐԱԲԵՐՅԱԼ ՄԻՋՆՈՐԴՈՒԹՅՈՒՆԸ ՔՆՆՈՒԹՅԱՆ ԱՌՆԵԼՈՒ ՄԱՍԻՆ


«24» դեկտեմբերի 2015թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը` նախագահող դատավոր Արմեն Բեկթաշյան, քարտուղարությամբ Գեորգի Սարգսյանի մասնակցությամբ մեղադրող Նարեկ Խաչատրյանի, ամբաստանյալ Մանուկ Եղիազարյանի, տուժող Թամարա Պետրոսյանի, դռնբաց դատական նիստում քննելով քրեական գործն ըստ մեղադրանքի Մանուկ Եղիազարյանի (ծնված 1983 թվականի մայիսի 16-ին Արմավիրի մարզի Էջմիածին քաղաքում, ագությամբ հայ, ՀՀ քաղաքացի, փաստացի ամուսնացած, խնամքին երկու անձ, միջնակարգ կրթությամբ, նախկինում չդատված, չի աշխատում, հաշվառված և բնակվում է Արմավիրի մարզի Էջմիածին քաղաքի, Շոլոխովի փողոցի 15-րդ տանտ)` ՀՀ քրեական օրենսգրքի 185-րդ հոդվածի 1-ին մասով, դռնբաց դատական նիստում քննության առնելով` թիվ ԵԿԴ/0273/01/15 քրեական գործի վարույթը կարճելու և քրեական հետապնդումը դադարեցնելու մասին տուժող Թամարա Պետրոսյանի միջնորդությունը,



ՊԱՐԶԵՑ

2015 թվականի հոկտեմբերի 02-ին ՀՀ քննչական կոմիտեի Երևան քաղաքի քննչական վարչության Կենտորն և Նորք-Մարաշ վարչական շրջանների քննչական բաժնի ավագ քննիչ Հ.Մանուկյանի կողմից որոշում է կայացվել ՀՀ քրեական օրենսգրքի 185-րդ հոդվածի 1-ին մասով թիվ 13821715 քրեական գործը հարուցելու մասին:
2015 թվականի հոկտեմբերի 04-ին ՀՀ քննչական կոմիտեի Երևան քաղաքի քննչական վարչության Կենտորն և Նորք-Մարաշ վարչական շրջանների քննչական բաժնի ավագ քննիչ Հ.Մանուկյանի կողմից որոշում է կայացվել թիվ 13821715 քրեական գործով Թ.Պետրոսյանին որպես տուժող ճանաչելու մասին:
2015 թվականի նոյեմբերի 05-ին ՀՀ քննչական կոմիտեի Երևան քաղաքի քննչական վարչության Կենտորն և Նորք-Մարաշ վարչական շրջանների քննչական բաժնի ավագ քննիչ Հ.Մանուկյանի կողմից որոշում է կայացվել թիվ 13821715 քրեական գործով Մանուկ Վահանի Եղիազարյանին որպես մեղադրյալ ներգրավելու մասին և նրան մեղադրանք է առաջադրվել` ՀՀ քրեական օրենսգրքի 185-րդ հոդվածի 1-ին մասով այն բանի համար, որ նա տարաձայնություններ ունենալաով իր նախկին կնոջ ` Թամարա Պետրոսյանի հետ` 2015 թվականի սեպտեմբերի 14-ին, ժամը 02:00-ի սահմաններում, Երևան քաղաքի Թամանյան 6 հասցեի մետ, վիճաբանել է վերջինիս հետ, որի ընթացքում ձեռքերով սեղմելու միջոցով դիտավորությմաբ վնասել է Թամարա Պետրոսյանին պատկանող <<Այֆոն 6>> տեսակի բջջային հեռախոսը` պատճառելով զգալի չափի 260.000 ՀՀ դրամ գույքային վնաս:
2015 թվականի նոյեմբերի 05-ին ՀՀ քննչական կոմիտեի Երևան քաղաքի քննչական վարչության Կենտորն և Նորք-Մարաշ վարչական շրջանների քննչական բաժնի ավագ քննիչ Հ.Մանուկյանի կողմից որոշում է կայացվել թիվ 13821715 քրեական գործով Մանուկ Վահանի Եղիազարյանի նկատմամբ որպես խափանման միջոց ստորագրություն չհեռանալու մասին ընտրելու վերաբերյալ:
2015 թվականի նոյեմբերի 06-ին ՀՀ քննչական կոմիտեի Երևան քաղաքի քննչական վարչության Կենտորն և Նորք-Մարաշ վարչական շրջանների քննչական բաժնի ավագ քննիչ Հ.Մանուկյանի կողմից որոշում է կայացվել թիվ 13821715 քրեական գործով <<Այֆոն 6>> մոդելի բջջային հեռախոսզը իրեղեն ապացույց ճանաչելու մասին:
2015 թվականի նոյեմբերի 12-ին Մանուկ Եղիազարյանի վերաբերյալ թիվ 13821715 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի Դատարան, որտեղ քրեական գործին շնորհվել է ԵԿԴ/0273/01/15 համարը:
2015 թվականի դեկտեմբերի 24-ի դատական նիստի ընթացքում տուժող Թամարա Պետրոսյանի կողմից գրավոր դիմում է ներկայացվել դատարան այն մասին, որ <<հայտնում եմ Ձեզ, որ Մանուկ Եղիազարյանի կողմից ամբողջությամբ հատուցվել է ինձ պատճառված գույքային վնասը, որի կապակցությամբ ես և Մ.Եղիազարյանը հաշտվել ենք, ես Մ.Եղիազարյանից որևէ պահանջ չունեմ, չունեմ բողոք և ցանկանում եմ այդ հիմքով քրեական գործով վարույթը կարճվի>>:

Դատական քննության ժամանակ տուժող Թամարա Պետրոսյանը պնդեց իր կողմից դատարան ներկայացված դիմումը:
Դատական քննության ժամանակ ամբաստանյալ Մանուկ Եղիազարյանը հայտնեց, որ ինքը նույնպես հաշտվել է տուժող Թամարա Պետրոսյանի հետ և գիտակցում է հաշտվելու հետևանքները:
Մեղադրող` Ն.Խաչատրյանը չառարկեց ներկայացված միջնորդության դեմ:
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ՀՀ քրեական դատավարության օրենսգրքով նախատեսված դեպքերում տուժողը հաշտվել է մեղադրյալի հետ:
ՀՀ քրեական դատավարության օրենսգրքի 183-րդ հոդվածի 1-ին մասի համաձայն` ՀՀ քրեական օրենսգրքի 185-րդ հոդվածի 1-ին մասով նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման: Հաշտությունը թույլատրվում է մինչև դատավճիռ կայացնելու համար դատարանի խորհրդակցական սենյակ հեռանալը:
Դատարանը, նկատի ունենալով, որ տուժող Թամարա Պետրոսյանը և ամբաստանյալ Մանուկ Եղիազարյանը հաշտվել են միմյանց հետ, գտնում է, որ թիվ ԵԿԴ/0273/01/15 քրեական գործի վարույթը պետք է կարճել և ամբաստանյալ Մանուկ Եղիազարյանի նկատմամբ ՀՀ քրեական օրենսգրքի 185-րդ հոդվածի 1-ին մասով քրեական հետապնդումը պետք է դադարեցնել:
Դատարանը գտնում է, որ ամբաստանյալ Մանուկ Եղիազարյանի նկատմամբ ընտրված խափանման միջոցը` չհեռանալու մասին ստորագրությունը, պետք է վերացնել` մինչև սույն որոշման օրինական ուժի մեջ մտնելու պահից:
Որոշումը որինական ուժի մեջ մտնելուց հետո` քրեական գործով իրեղեն ապացույց ճանաչված տուժող Մանուկ Եղիազարյանին պատկանող <<Այֆոն 6>> մոդելի բջջային հեռախոսը պետք է վերադարձնել տուժողին:

Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ, 41-րդ, 183-րդ և 313-րդ հոդվածներով` Դատարանը


ՈՐՈՇԵՑ

Թիվ ԵԿԴ/0273/01/15 քրեական գործի վարույթը կարճել և Մանուկ Եղիազարյանի նկատմամբ ՀՀ քրեական օրենսգրքի 185-րդ հոդվածի 1-ին մասով քրեական հետապնդումը դադարեցնել` տուժող Թամարա Պետրոսյանի կողմից ամբաստանյալ Մանուկ Եղիազարյանի հետ հաշտվելու հիմքով:
Ամբաստանյալ Մանուկ Եղիազարյանի նկատմամբ ընտրված խափանման միջոցը` չհեռանալու մասին ստորագրությունը, վերացնել որոշումը օրինական ուժի մեջ մտնելու պահից:
Որոշումը որինական ուժի մեջ մտնելուց հետո` քրեական գործով իրեղեն ապացույց ճանաչված տուժող Մանուկ Եղիազարյանին պատկանող Այֆոն 6 մոդելի բջջային հեռախոսը վերադարձնել տուժողին:

Սույն որոշումը կարող է բողոքարկվել Հայաստանի Հանրապետության վերաքննիչ քրեական դատարան` հրապարակման օրվանից մեկամսյա ժամկետում:


ԴԱՏԱՎՈՐ Ա.ԲԵԿԹԱՇՅԱՆ