Գործ
ԵԿԴ/0254/01/15

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ

Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

,,11,, դեկտեմբերի 2015թ. ք.Երևան

ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը
/այսուհետև` դատարան/

Նախագահությամբ դատավոր Մ. ՄԱԿՅԱՆԻ


Քարտուղարությամբ՝ Թ. Խաչատրյանի

Մասնակցությամբ`

Մեղադրող Վ. Ասատրյանի


դռնբաց դատական նիստում, Երևան քաղաքում քննեց քրեական գործն ըստ մեղադրանքի`

Նաիրա Վոլոդյայի Քամալյանի` ծնված 02.10.1970թ.-ին
ք.Երևան, ազգությամբ հայ, ՀՀ քաղաքացի, միջնակարգ
կրթությամբ, ըստ իր հայտարարության ամուսնալուծված,
չդատված, բնակվում է ք.Երևան ՀԱԹ Բաբաջանյան փող.,
21 շենք, 2-րդ բն., մեղադրվում է ՀՀ Քրեական օրենսգրքի
325-րդ հոդվածի 2-րդ մասով, որպես խափանման միջոց է
ընտրված չհեռանալու մասին ստորագրությունը։

1.Գործի դատավարական նախապատմությունը

Ըստ դատարան ստացված քրեական գործի նյութերի և մեղադրական եզրակացության՝

«Նաիրա Վոլոդյայի Քամալյանը երկար տարիներ ճանաչել է գործով մեղադրյալ, հետախուզման մեջ գտնվող «Կարմիր Ցորեն» ՍՊ ընկերության գործադիր տնօրեն և «Սաքմաշ» ՍՊ ընկերության փաստացի տնօրեն Հովհաննես Սարգսի Ֆալթաջանյանին, որի հետ գտնվել է ընկերական և գործնական հարաբերությունների մեջ։ Հովհաննես Ֆալթաջանյանը վարձավճարով աշխատեցրել է Երևան քաղաքի Սեբաստիա 155 հասցեում գործող «Արմննիա Դելուքս» ռեստորանային համալիրը, որտեղ որպես մենեջեր փաստացի աշխատել է Նաիրա Քամալյանը, ով «Արմենիա Դելուքս» ռեստորանային համալիրի վարձավճարի գումարները վճարելու նպատակով՝ միասնական դիտավորությամբ ակնհայտ կեղծ փաստաթուղթ պատրաստելու շուրջ նախնական համաձայնության է եկել ռեստորանի փաստացի տնօրեն Հովհաննես Ֆալթաջանյանի հետ, որի հետ «Արդշինինվեստբանկ» ՓԲ ընկերությունից աշխատավարձի եռապատիկի չափով վարկ ձևակերպելու համար, ձեռագիր եղանակով պատրաստել է «Արմենիա Դելուքս» ռեստորանի փաստացի աշխատակից Անահիտ Մանուչարյանի վերաբերյալ «Կարմիր Ցորեն» ՍՊ ընկերությունում աշխատելու մասին կեղծ տեղեկանք, որը Հ. Ֆալթաջանյանի պահանջով կնիքել է վերջինիս աշխատասենյակում գտնվող «Կարմիր Ցորեն» ՍՊ ընկերության կնիքով և նույն օրը Հ. Ֆալթաջանյանի հետ կեղծ տեղեկանքը ներկայացրել է «Արդշինինվեստբանկ» ՓԲ ընկերության գլխամաս։
Բացի այդ, Նաիրա Քամալյանը ձեռագիր եղանակով պատրաստել է իր ազգական Հասմիկ Մուշեղի Գրիգորյանի վերաբերյալ «Կարմիր Ցորեն» ՍՊ ընկերությունում աշխատելու մասին կեղծ տեղեկանք, որը Հ. Ֆալթաջանյանի պահանջով կնիքել Է վերջինիս աշխատասենյակում գտնվող «Կարմիր Ցորեն» ՍՊ ընկերության կնիքով և նույն օրը Հ. Ֆալթաջանյանի հետ կեղծ տեղեկանքը ներկայացրել Է «Արդշինինվեստբանկ» ՓԲ ընկերության գլխամաս։
Բացի այդ Նաիրա Քամալյանը ձեռագիր եղանակով պատրաստել Է Հովհաննես Ֆլթաջանյանի վերաբերյալ «Կարմիր Ցորեն» ՍՊ ընկերությունում որպես փոխտնօրեն աշխատելու մասին կեղծ տեղեկանք, որը Հ.Ֆալթաջանյանի պահանջով կնիքել է վերջինիս աշխատասենյակում գտնվող «Կարմիր Ցորնն» ՍՊ ընկերության կնիքով և նույն օրը Հ. Ֆալթաջանյանի հետ կեղծ տեղեկանքը ներկայացրել է «Արդշինինվեստբանկ» ՓԲ ընկերության գլխամաս։
Բացի այդ Նաիրա Քամալյանը Հովհաննես Ֆալթաջանյանի քրոջ Քրիստինե Սարգսի Ֆալթաջանյանի վերաբերյալ «Սաքմաշ» ՍՊ ընկերությունում աշխատելու մասին կեղծ տեղեկանքը Հ. Ֆալթաջանյանի պահանջով կնիքել է վերջինիս աշխատասենյակում գտնվող «Սաքմաշ» ՍՊԸ-ի կնիքով և նույն օրը Հ. Ֆալթաջանյանի հետ կեղծ տեղեկանքը ներկայացրել է «Արդշինինվեստբանկ» ՓԲ ընկերության գլխամաս։ Այնուհետև, Նաիրա Քամալյանը
«Արմենիա Դելուքս» ռեստորանի փաստացի աշխատակից Սաթիկ Սուրենի Կարատինյանի վերաբերյալ «Սաքմաշ» ՍՊ ընկերությունում աշխատելու մասին կեղծ տեղեկանքը Հ.Ֆալթաջանյանի պահանջով կնիքել է վերջինիս աշխատասենյակում գտնվող «Սաքմաշ» ՍՊԸ-ի կնիքով և նույն օրը Հ.Ֆալթաջանյանի հետ կեղծ տեղեկանքը ներկայացրել է «Արդշինինվեստբանկ» ՓԲ ընկերության գլխամաս։ Այնուհետև, Նաիրա Քամալյանն իր վերաբերյալ «Սաքմաշ» ՍՊ ընկերությունում աշխատելու մասին կեղծ տեղեկանքը Հ.Ֆալթաջանյանի պահանջով կնիքել է վերջինիս աշխատասենյակում գտնվող «Սաքմաշ» ՍՊԸ-ի կնիքով և նույն օրը Հ. Ֆալթաջանյանի հետ կեղծ տեղեկանքը ներկայացրել է «Արդշինինվեստբանկ» ՓԲ ընկերության գլխամաս»։

Փաստի առթիվ ՀՀ ոստիկանության Երևան քաղաքի Կենտրոնականի քննչական բաժնի կողմից 24.10.2012թ.-ին հարուցվել Է թիվ 15116412 քրեական գործը։

ՀՀ ոստիկանության Երևան քաղաքի Կենտրոնականի քննչական բաժնի կողմից 24.10. 2015թ.-ին որոշում է կայացվել թիվ 15116412 քրեական գործից Հովհաննես Սարգսի Ֆալթաջանյանի վերաբերյալ մասն անջատելու մասին և նրան շնորհվել է թիվ 15116412/1 համարը։

24.10.2015թ.-ին ՀՀ ոստիկանության Երևան քղաքի Կենտրոնականի քննչական բաժնի կողմից կայացվել է որոշում` Նաիրա Վոլոդյայի Քամալյանին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 325-րդ հոդվածի 2-րդ մասով։

Քրեական գործը Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի գրասենյակ է ստացվել և մուտքագրվել 29.10.2015թ.-ին։

2. Ապացույցների հետազոտում և գնահատում

ՀՀ քրեական օրենսգրքի 325-րդ հոդվածի 2-րդ մասով առաջադրված մեղադրանքում, դատարանում, ամբաստանյալ Նաիրա Քամալյանն իրեն լիովին մեղավոր է ճանաչել և ցուցմունք է տվել այն մասին, որ աշխատել է «Արմենիա Դելուքս» ռեստորանային համալիրում՝ որպես մենեջեր։ Ռեստորանային համալիրը տնօրինել է Հովհաննես Սարգսի Ֆալթաջանյանը, ով խնդրել է իրեն մի քանի աշխատակցի անունով «Արդշինինվետսբանկ» ՓԲ ընկերությունից վերցնել վարկեր, քանի որ չի կարողացել ժամանակին մուծել համալիրի վարձավճարի գումարները։ Նշված խնդրի շուրջ զրուցել է ռեստորանային համալիրի աշխատակիցներ Անահիտ Մանուչարյանի, Սաթիկ Կարատինյանի, Հովհաննես Ֆալթաջանյանի քրոջ՝ Քրիստինե Ֆալթաջանյանի, ինչպես նաև բարեկամ Հասմիկ Գրիգորյանի հետ։ Ստացել է վերջիններիս համաձայնությունը, որից հետո, Հ.Ֆալթաջանյանի հետ՝ կեղծել է Հասմիկ Գրիգորյանի, Անահիտ Մանուչարյանի, ինչպես նաև Հովհաննես Ֆալթաջանյանի աշխատավարձի և վճարման մասին տեղեկանքները, այնտեղ ձեռագիր եղանակով լրացնելով ակնհայտ իրականությանը չհամապատասխանող տեղեկություններ, այն մասին, որ Անահիտ Մանուչարյանը աշխատել է Հովհաննես Ֆալթաջանյանին պատկանող «Կարմիր Ցորեն» ՍՊ ընկերությունում՝ որպես գնումների բաժնի պետ և ամսեկան ստացել է 307.000 ՀՀ դրամ աշխատավարձ, իսկ Հասմիկ Գրիգորյանը աշխատել է «Կարմիր Ցորեն» ՍՊ ընկերությունում՝ որպես լաբորատոր վարիչ և ամսեկան ստացել է 300.000 ՀՀ դրամ աշխատավարձ, ինպես նաև Հովհաննես Ֆալթաջանյանի աշխատանքի տեղեկանքում առկա «Կարմիր Ցորեն» ՍՊԸ տնօրեն և Կ. Մելիքյան գրառումների միջև ձեռագիր եղանակով կեղծել է ստորագրությունը։ Այնուհետև, նշված տեղեկանքները, ինչպես նաև իր, Սաթիկ Կարատինյանի և Քրիստինե Ֆալթաջանյանի աշխատավարձի և վճարման մասին կեղծ տեղեկանքները Հովհաննես Ֆալթաջանյանի պահանջով կնիքել է վերջինիս «Արմենիա Դելուքս» ռեստորանային համալիրի աշխատանքային սենյակում գնտվող «Կարմիր Ցորեն» և «Սաքմաշ» ՍՊ ընկերությունների կնիքներով, որից հետո նշված տեղեկանքները Հովհաննես Ֆալթաջանյանի հետ ներկայացրել է «Արդշինինվեստբանկ» ՓԲ ընկերություն և ստացված վարկի գումարներով՝ կատարել «Արմենիա Դելուքս» ռեստորանային համալիրի վարձավճարի մուծումները։

/տես` դատական նիստի արձանագրությունը/

Դատարանն արձանագրում է, որ բացի ամբաստանյալ Նաիրա Քամալյանի տրված խոստովանական ցուցմունքներից նրան առաջադրված մեղադրանքը հիմնավորվել է դատարանում հետազոտված ներքոհիշյալ ապացույցների բավար ամբողջությամբ.

վկա Անահիտ Մանուչարյանի դատաքննական ցուցմունքով այն մասին, որ աշխատանքի անցնելու կապակցությամբ դիմել է «Արմենիա Դելյուքս» ռեստորանային համալիր, որտեղ հանդիպել է Նաիրա Քամալյանին, ով ներկայացել է որպես ռեստորանի մենեջեր և վերջինս համաձայնվել է իրեն ընդունել աշխատանքի որպես մատուցող։ Աշխատավարձը եղել է օրավարձով և կազմել է 3000-ից 7000 ՀՀ դրամ։ Աշխատանքի ընդունվելու հաջորդ օրը Նաիրա Քամալյանը ծանոթացրել է Հովհաննես Ֆալթաջանյանի հետ, ում ներկայացրել է որպես «Արմենիա Դելուքս» ռեստորանային համալիրի տնօրեն։ «Արմենիա Դելուքս» ռեստորանային համալիրում որպես մատուցող աշխատանքի ընդունվելիս Հովհաննես Ֆալթաջանյանի հետ աշխատանքային պայմանագիր չի կնքել՝ որպես աշխատակից ձևակերպված չի եղել։
2012թ.-ի մարտի վերջին կամ ապրիլի սկզբին Նաիրա Քամալյանը դիմելով իրեն հայտնել է, որ ռեստորանային համալիրի վարձը չեն կարողանում վճարել և առաջարկել է իր անվամբ վարկ ձևակերպել և գումարը տրամադրել իրեն՝ խոստանալով իր փոխարեն Հովհաննես Ֆալթաջանյանի կողմից ամեն ամիս բանկում մարել վարկի գումարները։ Հաջորդ օրը անձնագիրը և սոցիալական քարտը հանձնել է Նաիրա Քամալյանին։ 2012թ.-ի մայիսի սկզբին Նաիրա Քամալյանի, Հովհաննես Ֆալթաջանյանի և Հասմիկ Գրիգորյանի հետ գնացել է «Արդշինինվեստբանկ», որտեղ բանկի աշխատակցին տրամադրել է անձնագիրը, սոցիալական քարտը և ստորագրել է պայմանագիր։ Վարկի ձևակերպումից հետո Հասմիկ Գրիգորյանի և Նաիրա Քամալյանի հետ դուրս է եկել բանկից։ Պայմանագիրը կնքելուց հետո 3-4 օր անց «Արդշինինվեստբանկ»-ի գլխամասից Հասմիկ Գրիգորյանի հետ ստացել է «Վիզա» պլաստիկ քարտեր, որը հանձնել է Հովհաննես Ֆալթաջանյանին։
«Արդշինինվեստբանկ»-ում վարկի ձևակերպման համար աշխատանքի վայրի և աշխատավարձի չափի մասին տեղեկանք չեն ներկայացրել։ «Կարմիր Ցորեն» ՍՊԸ-ում որպես գնումների պետ չի աշխատել և 249.662 ՀՀ դրամ աշխատավարձ չի ստացել։

/տես` դատական նիստի արձանագրությունը/

Վկա Սուսաննա Մալաքյանի դատաքննական ցուցմունքով այն մասին, որ Հովհաննես և Քրիստինե Ֆալթաջանյաններն իր հարազատ զավակներն են։ 2012թ.-ի հունվար ամիսն հիմնադրել Է «Սաքմաշ» ՍՊԸ-ն, ապա կնիքը հանձնել Է որդուն՝ Հովհաննես Ֆալթաջանյանին, որպեսզի վերջինս վարձակալությամբ աշխատեցնի «Արմենիա Դելուքս» ռեստորանային համալիրը, որի փաստացի տնօրենը եղել Է որդին։ Ռեստորանի վարձակալության գումարը վճարելու համար Հովհաննես Ֆալթաջանյանը Սաթիկ Կարատինյանի, Անահիտ Մանուչարյանի, Քրիստինե Ֆալթաջանյանի և Նաիրա Քամալյանի անվամբ բանկում ձևակերպել Է վարկեր և ստացել գումարներ, որոնք փոխանցվել են ռեստորանային համալիրի վարձավճարը մուծելու համար։

/տես` դատական նիստի արձանագրությունը/

Վկա Հասմիկ Գրիգորյանի դատաքննական ցուցմունքով այն մասին, որ 2012թ.-ի մայիսի սկզբին իրեն է դիմել բարեկամ Նաիրա Քամալյանը և առաջարկել իր անվամբ վարկ ձևակերպել, որպեսզի վարկի գումարով «Արմենիա Դելուքս» ռեստորանային համալիրի աշխատանքները բարելավեն՝ խոստանալով հետագայում մարել վարկի գումարը։ Համաձայնվելուց հետո, Նաիրան վերցրել է իր անձնագրի և սոցիալական քարտի տվյալները։ Այնուհետև, մի քանի օր անց՝ վարկ ձևակերպելու նպատակով, Նաիրա Քամալյանի, Հովհաննես Ֆալթաջանյանի և Անահիտ Մանուչարյանի հետ, գնացել է «Արդշինինվեստբանկ»։ Հովհաննես Ֆալթաջանյանի ձեռքին եղել են փաստաթղթեր, քանի որ Հովհաննեսն էլ է ցանկացել իր անվամբ վարկ վերցնել։ Բանկում վարկի ձևակերպման համար բանկի աշխատակցուհուն տրամադրել է իր անձնագրի և սոցիալական քարտի տվյալները, որոնք լրացվելուց հետո, ստորագրել է պայմանագիրը։ Այնուհետև, հաջորդ անգամ բանկ այցելելու ընթացքում, Հ. Ֆալթաջանյանը իրեն և Անահիտ Մանուչարյանին վարկային քարտ ստանալու նպատակով՝ տրամադրել է 5.000 ՀՀ դրամ գումար, կատարել մուծումներ և քարտը ստանալուց հետո, այն փոխանցել է Հ. Ֆալթաջանյանին։ Վարկի ձևակերպումից մի քանի օր անց Ն. Քամալյանը հայտնել է, որ իր վերաբերյալ վարկի տրամադրումը բանկը մերժել է։ Վարկի ձևակերպման համար աշխատանքի վայրի և աշխատավարձի չափի մասին տեղականք չի ներկայացրել և «Կարմիր Ցորեն» ՍՊԸ-ում երբևէ չի աշխատել։

/տես` դատական նիստի արձանագրությունը/

Վկա Սաթիկ Կարատինյանի դատաքննական ցուցմունքով այն մասին, որ ճանաչում է Նաիրա Քամալյանին և Հովհաննես Ֆալթաջանյանին և վերջիններիս հետ ունեցել է մտերիմ հարաբերություններ։ Հ. Ֆալթաջանյանի հետ միասին աշխատել է տարբեր վայրերում, իսկ Ն. Քամալյանին ճանաչում է վաղուց՝ հարևաններ են։ Հովհաննես Ֆալթաջանյանը աշխատել է որպես «Արմենիա Դելուքս» ռեստորանային համալիրի տնօրեն, իսկ Նաիրա Քամալյանը, որպես մենեջեր։
2012թ. հունվար ամսին Հ.Ֆալթաջանյանի հետ հեռախոսազրույցի ընթացքում հայտնել է, որ աշխատանք է փնտրում և տեղեկանալով, որ Հ. Ֆալթաջանյանը վարձակալությամբ աշխատեցնելու է «Արմենիա Դելուքս» ռեստորանային համալիրը, խնդրել է իրեն ընդունել աշխատանքի որպես խոհարար։ 2012թ. փետրվարի վերջից մինչև 2012թ. մարտի 12-ն՝ ընդհանուր 16 օր, աշխատել է «Արմենիա Դելուքս» ռեստորանային համալիրում որպես խոհարար և աշխատանքի ընունվելիս Հ. Ֆալթաջանյանի հետ աշխատանքային պայմանագիր չի կնքել՝ որպես աշխատակից ձևակերպված չի եղել։ Աշխատավարձը եղել է օրավարձով և օրեկան Հ. Ֆալթաջանյանը վճարել է 7000 ՀՀ դրամ կանխիկ գումար։ 2012թ.-ի մարտի սկզբներին Հ. Ֆալթաջանյանը և Նաիրա Քամալյանը առաջարկել են իր անվամբ վարկ ձևակերպել և գումարը տրամադրել իրենց՝ խոստանալով ամեն ամիս բանկում մարել վարկի գումարները։ 2012թ.-ի մարտի վերջին Նաիրա Քամալյանի հետ միասին գնացել է «Արդշինինվեստբանկ»-ի գլխամասային շենք, որտեղ բանկի համապատասխան բաժինը սպասարկող աշխատակցին է տրամադրել իր անձնագիրը և սոցիալական քարտը, որից հետո ստորագրել է պայմանագիր։ Պայմանագիրը կնքելուց հետո 3-4 օր անց, «Արդշինինվեստբանկի» գլխամասից ստացել է «վիզա» պլաստիկ քարտը և հանձնել Նաիրա Քամալյանին, ով բանկոմատից ստացել է վարկի գումարը։ Վարկի ձևակերպման համար «Արդշինինվեստբանկում» աշխատանքի վայրի և աշխատավարձի չափի մասին տեղեկանք չի ներկայացրել, «Սաքմաշ» ՍՊԸ-ում որպես գնումների բաժնի պետ չի աշխատել և 244.300 ՀՀ դրամ աշխատավարձ չի ստացել։

/տես` դատական նիստի արձանագրությունը/

Վկա Քրիստինե Ֆալթաջանյանի դատաքննական ցուցմունքով այն մասին, որ 2012թ.-ի մարտի վերջին եղբայրը՝ Հովհաննես Ֆալթաջանյանը, դիմել է իր անվամբ վարկ ձևակերպելու խնդրանքով՝ խոստանալով վարկի գումարը մարել, քանի որ չի կարողացել վճարել վարձակալած «Արմենիա Դելուքս» ռեստորանային համալիրի վարձը։ Համաձայնվել է և իր անվամբ վարկ է ձևակերպել և 2012թ.-ի մարտին գնացել է «Արդշինինվեստբանկ», որտեղ հանդիպել է «Արմենիա Դելուքս» ռեստորանային համալիրի աշխատակիցներ Սաթիկ Կարատինյանին և Նաիրա Քամալյանին և ձևակերպել է վարկը։ Այնուհետև, վարկը ձևակերպելուց հետո 3-4 օր անց, Նաիրա Քամալյանի և Սաթիկ Կարատինյանի հետ «Արդշինինվեստբանկ»-ի գլխամասից ստացել է «վիզա» պլաստիկ քարտ, որից հետո բանկոմատից կանխիկացրած գումարը հանձնել է Նաիրա Քամալյանին, եղբորը՝ Հովհաննես Ֆալթաջանյանին փոխանցելու համար։ Վարկի ձևակերպման համար «Արդշինինվեստբանկ» աշխատանքի վայրի և աշխատավարձի չափի մասին տեղեկանք չի ներկայացրել, «Սաքմաշ» ՍՊԸ-ում որպես պահեստապետ ձևակերպված չի եղել և 221.320 ՀՀ դրամ աշխատավարձ չի ստացել։
/տես` դատական նիստի արձանագրությունը/

Փորձագետ Հրաչուհի Հարությունյանի դատաքննական ցուցմունքով այն մասին, որ քննիչի Տոնոյանի կողմից կայացված որոշման հիման վրա երկու քրեական գործերով կատարել է ձեռագրաբանական փորձաքննություն։ Փորձաքննությունն կատարվել է ներկայացված փորձանմուշների հիման վրա։ Փորձաքննությամբ հաստատվել է, որ քրեական գործի նյութերում առկա բազմաթիվ անձանց վերաբերյալ աշխատավարձի և վճարման տեղեկանքներում տեղավորված ձեռագիր գրառումները կատարվել են միևնույն անձի կողմից։ Նշել է, որ պնդում է իր կողմից տրված եզրակացությունում առկա հետևությունները և դրան ամբողջությամբ համապատասխանում են իրականությանը։

/տես` դատական նիստի արձանագրությունը/

Դատարանում, ՀՀ քրեական դատավարության օրենսգրքի 342-րդ հոդվածի համաձայն հրապարակված, վկա Էդվարդ Նալբանդյանի նախաքննական ցուցմունքով այն մասին, որ 2003թ.-ի օգոստոս ամսին Հովհաննես Ֆալթաջանյանի հետ ստեղծել է «Կարմիր Ցորեն» ՍՊ ընկերությունը։ 2006թ.-ի ամռանը որոշել է առանձին գործունեություն ծավալել և այդ իսկ պատճառով իրեն պատկանող ՍՊԸ-ում առկա 50 տոկոս բաժնեմասը առուվաճառքի պայմանագրով վաճառել է Հ. Ֆալթաջանյանին և հանձման ընդունման ակտով Հ. Ֆալթաջանյանին է հանձնել ՍՊԸ-ի փաստաթղթերը, այդ թվում նաև կլոր կնիքը։

/տես` հատոր 1, գ.թ. 167-168, դատական նիստի արձանագրությունը/

Հարություն Ավշարյանին առաջադրված մեղադրանքը հիմնավորվել է նաև դատարանում հրապարակված և հետազոտված ներքոհիշյալ փաստաթղթերով և ապացույցներով՝

Դատաձեռագրաբանական փորձաքննության թիվ 44801301 երզակացությամբ այն մասին, որ`

Ձեռագրաբանական մաս՝

դ/ Փորձաքննությանը տրամադրված Անահիտ Գեորգիի Մանուչտրյանի, Հասմիկ Մուշեղի Գրիգորյանի անվամբ լրացված աշխատավարձի և վճարման մասին տեղեկանքներում տեղավորված ձեռագիր գրառումները (բացի վերևի ձախ անկյունում տեղավորված ամսաթվերից և քարտային հաշվեհամարից ) կատարվել են միևնույն անձի կողմից /թիվ 3 ձեռագիր/։
ե/ Հայտնում ենք, որ թիվ 3 հետազոտելի ձեռագիրը կատարվել է այն անձի կողմից, ում կողմից, որ կատարված են քրեական գործի 2-րդ հատորի 138 էջում առկա 09.07.2012թ. պարտավորագրում և 140 էջում առկա բացատրությունում տեղավորված Նաիրա Քամալյանի անունից ձեռագիր գրառումները։
6 ա/ Փորձաքննությանը տրամադրված Անահիտ Գեորգիի Մանուչարյանի, Հասմիկ Մուշեղի Գրիգորյանի, Հովհաննես Սարգսի Ֆալթաջանյանի անվամբ լրացված աշխատավարձի և վճարման մասին տեղեկանքներում «Կարմիր Ցորեն» ՍՊԸ Տնօրեն և Կ.Մելիքյան ձեռագիր գրառումների միջև տեղավորված ստորագրությունները չեն կատարվել Անահիտ Մանուչարյանի, Սաթիկ Կարատինյանի, Հասմիկ Գրիգորյանի, Քրիստինե Ֆալթաջանյանի, Սուսաննա Մալաքյանի, Ալբերտ Բազյանի, Արմինե Խլոպուզյանի, Արփինե Նահապետյանի, Անի Հոկոբջանյանի, Լիլիթ Խանիկյանի, Թեհմինե Միրիջանյանի և էդգար Մալխասյանի կողմից, այլ կատարվել են մեկ այլ՝ միևնույն անձի կողմից։
բ/ Հայտնում ենք, որ «6 ա» կետում նշված հետազոտելի ստորագրությունները կատարվել են այն անձի կողմից, ում կողմից կատարված են փորձաքննությանը տրամադրված քրեական գործի 2-րդ հատորի նյութերում՝ 09.07.2012թ. պարտավորագրում, բացատրությունում նաև վարկային փաթեթում/ տես թիվ 1 աղյուսակի 13 կետ/ տեղավորված Նաիրա Քամալյանի անունից ստորագրությունները։

Փաստաթղթաբանական մաս՝

Փորձաքննությանը տրամադրված Նաիրա Վոլոդիայի Քամալյանի, Սաթիկ Սուրենի Կարատինյանի, Քրիստինե Սարգսի Ֆալթաջանյանի անուններով լրացված 26.03.2012թ. աշխատավարձի և վճարման մասին տեղեկանքներն ամբողջությամբ լրացվել և ստորագրվել են թվով 3 տարբեր գրիչներով։ Փորձաքննությանը տրամադրված Նաիրա Վոլոդիայի Քամալյանի, Սաթիկ Սուրենի Կարատինյանի, Քրիստինե Սարգսի Ֆալթաջանյանի անուններով լրացված Նաիրա Վոլոդյայի Քամալյանի, Սաթիկ Սուրենի Կարատինյանի, Քրիստինե Սարգսի Ֆալթաջանյանի անուններով լրացված 26.03.2012թ.-ի աշխատավարձի և վճարման մասին տեղեկանքներում գրառված հաշվեհամարները և մնացած ձեռագիր գրառումները/ բացառությամբ ստորին աջ անկյունում կատարված «Միրզոյան Ն» ձեռագիր գրառումների/ կատարվել են միևնույն գրիչով։
Փորձաքննությանը տրամադրված Հովհաննես Սարգսի Ֆալթաջանյանի անվամբ լրացված 02.05.2012թ. աշխատավարձի և վճարման մասին տեղեկանքն ամբողջությամբ / առանց տեղեկանքի ամսաթիվը մատնանշող գրառման /լրացվել և ստորգրվել է թվով 3 տարբեր գրիչներով։
Փորձաքննությանը տրամադրված Հովհաննես Սարգսի Ֆալթաջանյանի անվամբ 02.05.2012թ. աշխատավարձի և վճարման մասին տեղեկանքում գրառված հաշեհամարը և մնացած ձեռագիր գրառումները /առանց տեղեկանքի ամսաթիվը մատնանշող գրառմամբ/ կատարվել են տարբեր գրիչներով։
Փորձաքննությանը տրամադրված Անահիտ Գերոգիի Մանուչարյանի անվամբ լրացված 02.05.2012թ. աշխատավարձի և վճարման մասին տեղեկանքն ամբողջությամբ/ առանց տեղեկանքի ամսաթիվը մատնանշող գրառման /լրացվել և ստորագրվել է թվով 3 տարբեր գրիչներով։
Փորձաքննությանը տրամադրված Անահիտ Գեորգիի Մանուչարյանի անվամբ լրացված 02.05.2012թ. աշխատավարձի և վճարման մասին տեղեկանքում գրառված հաշվեհամարը և մնացած ձեռագիր գրառումները /առանց տեղեկանքի ամսաթիվը մատնանշող գրառման/ կատարվել են տարբեր գրիչներով։
Փորձաքննությանը տրամադրված Հասմիկ Մուշեղի Գրիգորյանի անվամբ լրացված 02.05.2012թ. աշխատավարձի և վճարման մասին տեղեկանքն ամբողջությամբ /առանց տեղեկանքի ամսաթիվը մատնանշող գրառման/ լրացվել և ստորագրվել է թվով 3 տարբեր գրիչներով։
Փորձաքննությանը տրամադրված Հասմիկ Մուշեղի Գրիգորյանի անվամբ լրացված 02.05.2012թ. աշխատավարձի և վճարման մասին տեղեկանքում գրառված հաշվեհամարը և մնացած ձեռագիր գրառումները /առանց տեղեկանքի ամսաթիվը մատնանշող գրառման/ կատարվել են տարբեր գրիչներով»։

/տես` հատոր 5, գ.թ. 84-103, դատական նիստի արձանագրությունը/

ՀՀ «Փորձագիտական կենտրոն» պետական ոչ առևտրային կազմակերպության փորձագետ Հրաչուհի Յուբիկի Հարությունյանի ցուցմունքով, այն մասին, որ վերջինս հաստատել է իր կողմից տրված դատաձեռագրաբանական Փորձաքննության եզրակացության հավաստիությունը և հայտնել, որ Անահիտ Մանուչարյանի, Հասմիկ Գրիգորյանի աշխատանքի տեղեկանքներում առկա ձեռագիր գրառումները, բացի վերևի ձախ անկյունում տեղավորված ամսաթվերից և հաշվեհամարներից, կատարվել է պայմանականորեն թիվ 3 ձեռագիր ունեցող անձի կողմից, որը պատկանել է Նաիրա Քամալյանին, իսկ ինչ վերաբերվում է Անահիտ Մանուչարյանի, Հասմիկ Գրիգորյանի և Հովհաննես Ֆալթաջանյանի անվամբ աշխատավարձի վճարման մասին լրացված տեղեկանքներում «Կ. Մելիքյան» ձեռագիր գրառումների մոտ տեղավորված ստորագրություններին, ապա դրանք նույնպես կատարվել է Նաիրա Քամալյանի կողմից։

/տես` հատոր 6, գ.թ. 105-107, դատական նիստի արձանագրությունը/

Իրեղեն ապացույց ճանաչված՝ Անահիտ Մանուչարյանի, Հովհաննես Ֆալթաջանյանի, Հասմիկ Գրիգորյանի, Նաիրա Քամալյանի, Աաթիկ Կարատինյանի, Քրիստինե Ֆալթաջանյանի անվամբ լրացված աշխատավարձի և վճարման մասին ակնհայտ կեղծ տեղեկանքների բնօրինակների առկայությամբ, ըստ որի Հովհաննես Ֆալթաջանյանը 2009թ.-ի ապրիլի 1-ից հանդիսացել է «Կարմիր ՑորենԿ ՍՊ ընկերության փոխտնօրեն և վերջինիս դրամական բավարարման ու աշխատավարձի և դրան հավասարեցված վճարումների ամսեկան հաշվարկվող չափը կազմել է 400.000 ՀՀ դրամ, իսկ վճարման ենթակա չափը /հանած հարկային և այլ վճարներ/՝ 320.900 ՀՀ դրամ։ Անահիտ Գեորգիի Մանուչարյանը 2009թ.-ի ապրիլի 9-ից հանդիսացել է «Կարմիր Ցորեն» ՍՊ ընկերության գնումների պետ և վերջինիս դրամական բավարարման ու աշխատավարձի և դրան հավասարեցված վճարումների ամսեկան հաշվարկվող չափը կագմել է 307.000 ՀՀ դրամ, իսկ վճարման ենթակա չափը /հանած հարկային և այլ վճարներ/՝ 249.662 ՀՀ դրամ։ Հասմիկ Մուշեղի Գրիգորյանը 2009թ.-ի ապրիլի 7-ից հանդիսացել է «Կարմիր Ցորեն» ՍՊ ընկերության լաբորատորիայի վարիչ և վերջինիս դրամական բավարարման ու աշխատավարձի և դրան հավասարեցված վճարումների ամսեկան հաշվարկվող չաիը կազմել է 300.000 ՀՀ դրամ, իսկ վճարման ենթակա չափը /հանած հարկային և այլ վճարներ/՝ 244.300 ՀՀ դրամ։ Նաիրա Վոլոդյայի Քամլյանը 2010թ.-ի մարտի 1-ից հանդիսացել է «Սաքմաշ» ՍՊ ընկերության բարմեն և վերջինիս դրամական բավարարումն ու աշխատավարձի և դրան հավասարեցված վճարումների ամսեկան հաշվարկվող չափը կազմել է 285.000 ՀՀ դրամ, իսկ վճարման ենթակա չափը /հանած հարկային և այլ վճարներ/՝ 232.810 ՀՀ դրամ։ Սաթիկ Սուրենի Կարատինյանը 2008թ.-ի մայիսի 10-ից հանդիսացել է «Սաքմաշ» ՍՊ ընկերության գնումների բաժնի պետ և վերջինիս դրամական բավարարումն ու աշխատավարձի և դրան հավասարեցված վճարումների ամսեկան հաշվարկվող չափը կազմել է 300.000 ՀՀ դրամ, իսկ վճարման ենթակա չափը /հանած հարկային և այլ վճարներ/՝ 244.300 ՀՀ դրամ։ Քրիստինե Սարգսի Ֆալթաջանյանը 2009թ.-ի հուլիսի 15-ից հանդիսացել է «Սաքմաշ» ՍՊ ընկերության պահեստապետ և վերջինիս դրամական բավարարումն ու աշխատավարձի և դրան հավասարեցված վճարումների ամսեկան հաշվարկվող չափը կագմել է 270.000 ՀՀ դրամ, իսկ վճարման ենթակա չափը /հանած հարկային և այլ վճարներ/ ՝ 221.320 ՀՀ դրամ։

/տես` հատոր 5, գ.թ. 72, 81, 92, 101, 111, 120, հատոր 6, գ.թ. 219-220, դատական նիստի արձանագրությունը/

Ապացույց ճանաչված, այլ փաստաթուղթ հանդիսացող՝ ՀՀ Արդարադատության նախարարության աշխատակազմի իրավաբանական անձանց պետական ռեգիստրի գործակալությունց ստացված գրության բնօրինակի առկայությամբ՝ համաձայն որի՝ «Կարմիր Ցորեն» ՍՊ ընկերության 100 տոկոսի բաժնետեր և գործադիր տնօրեն է հանդիսացել Հովհաննես Ֆալթաջանյանը, ինչպես նան ապացույց ճանաչված, այլ փաստաթուղթ հանդիսացող՝ 2006թ.-ի օգոստոսի 24-ին թվագրված բաժնեմասի առուվաճառքի պայմանագրի պատճենի առկայությամբ՝ համաձայն որի՝ Էդվարդ Նալբանդյանը վաճառել է սեփականության իրավունքով իրեն պատկանող «Կարմիր Ցորեն» ՍՊ ընկերության կանոնադրական կապիտալում իր բաժնեմասն ամբողջությամբ, իսկ Հ. Ֆալթաջանյանը գնել է բաժնեմասը, ինչպես նաև 2006թ.-ի օգոստոսի 26-ին թվագրված հանձման ընդունման մասին կազմված ակտի պատճենի առկայությամբ՝ համաձայն որի «Կարմիր Ցորեն» ՍՊ ընկերության նախկին տնօրեն Էդվարդ Նալբանդյանը «Կարմիր Ցորեն» ՍՊ ընկերության նորանշանակ տնօրեն Հովհաննես Ֆալթաջանյանին ի թիվս այլ փաստաթղթերի, հանձնել է նաև «Կարմիր Ցորեն» ՍՊ ընկերության կլոր կնիքը։ ՀՀ աշխատանքի և սոցիալական հարցերի նախարարության սոցիալական ապահովության պետական ծառայությունից ստացված գրությունների բնօրինակների առկայությամբ, համաձայն որի Հովհաննես Ֆալթաջանյանը որպես աշխատող հաշվառված է եղել «Չիպ և Դեյլ» ՍՊ ընկերությունում, Նաիրա Վոլոդյայի Քամալյանը որպես աշխատող հաշվառված է եղել «Օրիենթ Սթոուն» ՍՊ ընկերությունում, Անահիտ Գերոգիի Մանուչարյանը որպես աշխատող հաշվառված է եղել «Հայր և որդր Արամյաններ» ՍՊ ընկերությունում, Սաթիկ Սուրենի Կարատինյանը որպես աշխատող հաշվառված է եղել «Նիգալանջ» ՍՊ ընկերությունում, Քրիստինե Սարգսի Ֆալթաջանյանը որպես աշխատող հաշվառված է եղել «Երևանի թիվ 120 միջնակարգ դպրոց» ՊՈԱկ-ում, Հասմիկ Մուշեղի Գրիգորյանը որպես աշխատող հաշվառված է եղել «Ոստան» ռեստորանային համալիր» ՍՊ ընկերությունում։

/տես` հատոր 1, գ.թ. 77, 110-115, 169, 170-171, 254-255, հատոր 6, գ.թ. 117-118, դատական նիստի արձանագրությունը/

Դատարանում հետազոտվել է նաև ամբաստանյալ Նաիրա Քամալյանի վերաբերյալ ՀՀ ինֆորմացիոն կենտրոնի կողմից տրված պահանջագիրը։

/տես` հատոր 1, գ.թ. 72, դատական նիստի արձանագրությունը/

3. Դատարանի իրավական վերլուծությունները

Այսպիով, դատարանը, ՀՀ քրեական դատավարության օրենսգրքի 127-րդ հոդվածի դրույթներին համապատասխան, հետազոտելով և գնահատելով ապացույցներն իրենց վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից` հիմնված ներքին համոզմամբ, ապացուցված է համարում այն, որ ամբաստանյալ Նաիրա Քամալյանը կատարել է հանցավոր արարք՝ նապատեսված ՀՀ քրեական օրենսգրքի 325-րդ հոդվածի 2-րդ մասով, որի համար ենթակա է պատժի։

Պատիժ նշանակելիս դատարանը հաշվի է առնում ինչպես ամբաստանյալի կողմից կատարած հանցագործության բնույթն ու հասարակական վտանգավորության աստիճանը, այնպես էլ նրա անձը բնութագրող, պատասխանատվությունը և պատիժը մեղմացնող և ծանրացնող հանգամանքները։

Որպես Նաիրա Վոլոդյայի Քամալյանի անձը բնութագրող հանգամանք, դատարանը հաշվի է առնում նաև այն, որ նա ՀՀ Ոստիկանության ինֆորմացիոն կենտրոնի հաշվառումներով չի անցնում, նախկինում դատապարտված կամ այլ կերպ արատավորված չի եղել։
/տես` հատոր1, գ.թ. 72, դատական նիստի արձանագրությունը/

Դատարանը, ՀՀ քրեական օրենսգրքի 62-րդ հոդվածի 2-րդ մասի համաձայն որպես ամբաստանյալ Նաիրա Քամալյանի պատասխանատվությունը և պատիժը մեղմացնող հանգամանք է դիտում այն, որ նա զղջացել է կատարած արարքի համար, տվել է խոստովանական ցուցմունքներ։

/տես` քրեական գործի նյութերը, դատական նիստի արձանագրությունը/

Դատարանը գտնում է, որ ՀՀ քրեական օրենսգրքի 63-րդ հոդվածի համաձայն ամբաստանյալ Նաիրա Քամալյանի արարքում նրա պատասխանատվությունը և պատիժը ծանրացնող հանգամանքներ չկան։

/տես` քրեական գործի նյութերը, դատական նիստի արձանագրությունը/

Ելնելով գործի հանգամանքներից, ինչպես նաև հիմք ընդունելով ՀՀ Քրեական օրենսգրքի 10-րդ հոդվածի 1-ին կետի դրույթը, համաձայն որի` «Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատաuխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար», ՀՀ քրեական օրենսգրքի 48-րդ հոդվածի 2-րդ կետի դրույթը, համաձայն որի` «Պատժի նպատակն է վերականգնել uոցիալական արդարությունը, ուղղել պատժի ենթարկված անձին, ինչպեu նաև կանխել հանցագործությունները» և 61-րդ հոդվածը, ըստ որի` «Պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով», դատարանը գտնում է, որ ամբաստանյալ Նաիրա Քամալյանի կողմից կատարված հանցավոր արարքի համար նրա նկատմամբ պետք է նշանակվի պատիժ՝ տուգանքի ձևով, որպիսի պատիժը նա պետք է կրի։

Նշված եզրահանգմանը գալիս դատարանն արձանագրում է հետևյալը՝

ՀՀ քրեական օրենսգրքի 325-րդ հոդվածի 2-րդ մասը նախատեսում է պատիժ՝ տուգանք` նվազագույն աշխատավարձի չորսհարյուրապատիկից ութհարյուրապատիկի չափով, կամ ազատազրկմամբ` առավելագույնը 4 տարի ժամկետով։
Այլընտրանքային սանկցիաների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ. Մադաթյանի գործով որոշման մեջ, որտեղ իրավական դիրքորոշում է հայտնել այն մասին, որ. «(…) այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա։
Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ։
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը։ (…)» (տես Գարուշ Նորիկի Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշումը)։

Հաշվի առնելով ամբաստանյալ Նաիրա Քամալյանի կատարած հանցագործության բնույթը և հանրության համար վտանգավորության աստիճանը, դրա կատարման եղանակը, հանցավոր մտադրության իրականացման աստիճանը /հանցափորձի պարագան/, հանցագործությունը կատարելուց հետո նրա դրսևորած վարքագիծը, խախտված հասարակական հարաբերության սոցիալական նշանակությունը, դրանք համադրելով նրա անձը բնութագրող և պատասխանատվությունն ու պատիժը մեղմացնող հանգամանքների հետ՝ դատարանը գտնում է, որ Նաիրա Քամալյանն իր կատարած` ՀՀ քրեական օրենսգրքի 325-րդ հոդվածի 2-րդ մասով նախատեսված, հանցագործության համար ենթակա է պատժի այդ հանցագործության համար նախատեսված պատիժներից առավել մեղմ պատժի` տուգանքի ձևով, քանի որ դատարանը եկավ այն եզրահանգման, որ պատժի նվազ խիստ տեսակը, տվյալ դեպքում, կարող է ապահովել պատժի նպատակները։

Դատարանն անդրադառնալով Նաիրա Քամալյանի նկատմամբ ընտրված խափանման միջոցի` չհեռանալու մասին ստորագրության, հարցին, գտնում է, որ այն պետք է թողնել անփոփոխ մինչև դատավճռի օրինական ուժի մեջ մտնելը։

Լուծելով իրեղեն ապացույցների տնօրինման հարցը և ղեկավարվելով ՀՀ քրեական դատավարության օրենսգրքի 119-րդ հոդվածով` դատարանը գտնում է, որ գործով իրեղեն ապացույց ճանաչված` կեղծ տեղեկանքների բնօրինակները և այլ փաստաթղթի կարգով ապացույց ճանաչված փաստաթղթերը` պետք է պահել քրեական գործի հետ միասին։

Միաժամանակ, Նաիրա Քամալյանի հոգուտ պետական բյուջեի պետք է բռնագանձել 272.025 ՀՀ դրամ` որպես դատական ծախսեր։

4. Եզրափակիչ մաս

Ելնելով վերոգրյալից և ղեկավարվելով ՀՀ Քրեական դատավարաության օրենսգրքի 357-359, 360, 365, 369-373-րդ հոդվածներով, դատարանը

Վ Ճ Ռ Ե Ց

Նաիրա Վոլոդյայի Քամալյանին մեղավոր ճանաչել ՀՀ Քրեական օրենսգրքի 325-րդ հոդվածի 2-րդ մասով նախատեսված հանցագործության կատարման մեջ և նրա նկատմամբ պատիժ նշանակել տուգանք` ՀՀ-ում սահմանված նվազագույն աշխատավարձի չորսհարյուրապատիկի` 400.000 /չորս հարյուր հազար/ ՀՀ դրամի չափով։

Նաիրա Վոլոդյայի Քամալյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ մինչև դատավճիռն օրինական ուժի մեջ մտնելը։

Քրեական գործով իրեղեն ապացույց ճանաչված կեղծ տեղեկանքների բնօրինակները և այլ փաստաթղթի կարգով ապացույց ճանաչված փաստաթղթերը՝ պահել քրեական գործի հետ միասին։

Նաիրա Վոլոդյայի Քամալյանից հօգուտ ՀՀ պետական բյուջեի բռնագանձել 272.025 ՀՀ դրամ՝ որպես դատական ծախսեր։

Դատավճիռը կարող է բողոքարկվել ՀՀ Վերաքննիչ քրեական դատարան՝ այն ստանալու օրվանից հետո` մեկամսյա ժամկետում։


Դ Ա Տ Ա Վ Ո Ր Մ. Մ Ա Կ Յ Ա Ն