ԵԿԴ/0249/01/15






ՈՐՈՇՈՒՄ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՀԱՐՑԸ ՔՆՆՈՒԹՅԱՆ ԱՌՆԵԼՈՒ ՄԱՍԻՆ

03.12.2015թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը` նախագահությամբ դատավոր Արմեն Բեկթաշյանի, քարտուղարությամբ Գեորգի Սարգսյանի, մասնակցությամբ մեղադրող Գագիկ Մարգարյանի, պաշտպան Գեղամ Հակոբյանի, ամբաստանյալ Գագիկ Հարությունյանի, դռնբաց դատական նիստում քննելով քրեական գործն ըստ մեղադրանքի Գագիկ Միխայելի Հարությունյանի (ծնված 1958 թվականի հունվարի 25-ին Երևան քաղաքում, ազգությամբ հայ, ՀՀ քաղաքացի, ամուսնացած, բարձրագույն կրթությամբ, չի աշխատել, չդատված, հաշվառված է Երևան քաղաքի Միրաքյան նրբ., 22/1 տանը)` ՀՀ քրեական օրենսգրքի 178-րդ հոդվածի 3-րդ մասի 1-ին կետով և 34-178-րդ հոդվածի 3-րդ մասի 1-ին կետով պաշտպան Գեղամ Հակոբյանի կողմից ներկայացված միջնորդությունը` քրեական հետապնդումը դադարեցնելու վերաբերյալ`



Պ Ա Ր Զ Ե Ց

2001 թվականի փետրվարի 15-ին Կենտրոն և Նորք-Մարաշ համայնքների դատախազության քննիչ Ս.Հարությունյանի կողմից որոշում է կայացվել ՀՀ քրեական օրենսգրքի 187-րդ հոդվածով թիվ 13201301 քրեական գործը հարուցելու մասին։
2001 թվականի փետրվարի 15-ին Կենտրոն և Նորք-Մարաշ համայնքների դատախազության քննիչ Ս.Հարությունյանի կողմից որոշում է կայացվել թիվ 13201300 քրեական գործով Նիկոլայ Ազատի Սաֆարյանին տուժող ճանաչելու մասին։
2001 թվականի ապրիլի 20-ին Կենտրոն և Նորք-Մարաշ համայնքների դատախազության քննիչ Ս.Հարությունյանի կողմից որոշում է կայացվել թիվ 13201301 քրեական գործով Գագիկ Միխայելի Հարությունյանին որպես մեղադրյալ ներգրավել մասին և նրան մեղադրանք է առաջադրվել` ՀՀ քրեական օրենսգրքի 89-րդ հոդվածի 4-րդ մասով այն բանի համար, որ նա հանդիսանալով <<Հայկապ>> բանկ ՍՊԸ-ի արտաժույթային գործառնությունների վարչության պետ, 2000 թվականի մարտ-նոյեմբեր ամիսների ընթացքում կեղծել է բանկի ավանդատու Նիկոլայ Ազատի Սաֆարյանի ստորագրությունը, նրա անունից կեղծ դիմումներ է ներկայացրել բանկին և չարաշհելով բանկի աշխատակիցների վստահությունը, վերջինս դեպոզիտային հաշվից խարդախությամբ ստացել և հափշտակել է 90,0 հազ. ԱՄՆ դոլար։ Բացի այդ, կեղծելով Ն.Սաֆարյանի ստորագրությունը 1999 թվականի նոյեմբեր-դեկտեմբեր ամիսների ընթացքում վերջինս քարտային հաշվից խարդախությամբ ստացել և հափշտակել է ևս 14,0 հազ. ԱՄՆ դոլար, իսկ 2000 թվականի նոյեմբերի 22-ին նույն եղանակով կատարել է Ն.Սաֆարյանի դեպոզիտային հաշվից 110,0 հազ. ԱՄՆ դոլարի հափշտակության փորձ։
2001 թվականի ապրիլի 20-ին Կենտրոն և Նորք-Մարաշ համայնքների դատախազության քննիչ Ս.Հարությունյանի կողմից միջնորդություն է ներկայացվել Կենտրոն և Նորք-Մարաշ համայնքների առաջին ատյանի դատարան` թիվ 13201301 քրեական գործով մեղադրյալ Գագիկ Միխայելի Հարությունյանի նկատմամբ խափանման միջոց կալանավորում կիրառելու մասին։ 2001 թվականի ապրիլի 21-ին Երևանի Կենտրոն և Նորք-Մարաշ համայնքների առաջին ատյանի դատարանի կողմից բավարարվել է քննիչի կողմից ներկայացված միջնորդությունը և մեղադրյալ Գագիկ Միխայելի Հարությունյանի նկատմամբ երկու ամիս ժամանակով որպես խափանման միջոց է ընտրվել կալանավորումը։
2000 թվականի ապրիլի 20-ին Կենտրոն և Նորք-Մարաշ համայնքների դատախազության քննիչ Ս.Հարությունյանի կողմից որոշում է կայացվել մեղադրյալ Գագիկ Հարությունյանի նկատմամբ հետախուզում հայտարարելու մասին։
2001 թվականի ապրիլի 30-ին Կենտրոն և Նորք-Մարաշ համայնքների դատախազության քննիչ Ս.Հարությունյանի կողմից որոշում է կայացվել Գագիկ Միխայելի Հարությունյանի` Երևան քաղաքի Նանսենի 5/2 շենքի 30-րդ բնակարանի, անձնական գույքի և <<Հայկապ>> բանկ ՍՊԸ-ում գտնվող նրա հաշվարկային հաշվի վրա կալանք դնելու մասին։
2004 թվականի օգոստոսի 24-ին Երևան քաղաքի դատախազի օգնական Հ.Ենոքյանի կողմից որոշում է կայացվել թիվ 13201301 քրեական գործով Գագիկ Միխայելի Հարությունյանին որպես մեղադրյալ ներգրավելու մասին որոշումը փոփոխելու և այն համապատասխանեցնելու գործող` ՀՀ քրեական օրենսգրքին։ Գագիկ Միխայելի Հարությունյանը որպես մեղադրյալ է ներգարվվել` ՀՀ քրեական օրենսգրքի 178-րդ հոդվածի 3-րդ մասի 1-ին կետով։
2004 թվականի օգոստոսի 24-ին Երևան քաղաքի դատախազի օգնական Հ.Ենոքյանի կողմից որոշում է կայացվել թիվ 13201301 քրեական գործով Գագիկ Միխայելի Հարությունյանին որպես մեղադրյալ ներգրավելու և նրան մեղադրանք է առաջադրվել ՀՀ քրեական օրենսգրքի 178-րդ հոդվածի 3-րդ մասի 1-ին կետով այն բանի համար, որ նա հանդիսանալով <<Հայկապ>> բանկ ՍՊԸ-ի արտաժույթային գործառնությունների վարչության պետ, 2000 թվականի մարտ-նոյեմբեր ամիսների ընթացքում կեղծել է բանկի ավանդատու Նիկոլայ Ազատի Սաֆարյանի ստորագրությունը, նրա անունից կեղծ դիմումներ է ներկայացրել բանկին և չարաշհելով բանկի աշխատակիցների վստահությունը, վերջինս դեպոզիտային հաշվից խարդախությամբ ստացել և հափշտակել է 90,0 հազ. ԱՄՆ դոլար։ Բացի այդ, կեղծելով Ն.Սաֆարյանի ստորագրությունը 1999 թվականի նոյեմբեր-դեկտեմբեր ամիսների ընթացքում վերջինս քարտային հաշվից խարդախությամբ ստացել և հափշտակել է ևս 14,0 հազ. ԱՄՆ դոլար, իսկ 2000 թվականի նոյեմբերի 22-ին նույն եղանակով կատարել է Ն.Սաֆարյանի դեպոզիտային հաշվից 110,0 հազ. ԱՄՆ դոլարի հափշտակության փորձ։
2015 թվականի մայիսի 21-ին ՀՀ քննչական կոմիտեի Երևան քաղաքի քննչական վարչության ՀԿԳ քննիչ Մ.Տիգրանյանի կողմից որոշում է կայացվել թիվ 13201301 քրեական գործի կասեցված վարույթը վերսկսելու մասին, քնաի որ 2015 թվականի փետրվարի 10-ին Երևան քաղաքի քննչական վարչություն է ստացվել Գագիկ Միխայելի Հարությունյանի դիմում-համաձայնագիր, որով հայտնել է, որ չի առարկում իր նկատմամբ հարուցված քրեական գործով վարույթի` վաղեմության ժամկետներն անցնելու հիմքով կարճելու դեմ։
2014 թվականի հոկտեմբերի 04-ին ՀՀ քննչական կոմիտեի Երևան քաղաքի քննչական վարչության ՀԿԳ քննիչ Տ.Մուրադյանի կողմից միջնորդություն է ներկայացվել Կենտրոն և Նորք-Մարաշ վարչական շրջանների ընդհանուր իրավասության դատարան թիվ 13201301 քրեական գործով մեղադրյալ Գագիկ Միխայելի Հարությունյանի նկատմամբ ընտրված խափանման միջոց կալանավորումը կրկնակի քննարկելու և ընտրված խափանման միջոցը անփոփոխ թողնելու մասին, նույն օրը Դատարանը բավարարել է քննիչի կողմից ներկայացված միջոնրդությունը։
2015 թվականի հոկտեմբերի 14-ին ՀՀ քննչական կոմիտեի Երևան քաղաքի քննչական վարչության ՀԿԳ քննիչ Տ.Մուրադյանի կողմից որոշում է կայացվել թիվ 13201301 քրեական գործով <<Հայկապբանկ>> ՍՊԸ-ի 08.03.2000թ., 24.03.2000թ., 10.04.2000թ., 10.05.2000թ., 17.05.2000թ., 08.06.2000թ., 10.07.2000թ., -2 հատ, 08.08.2000թ., -2 հատ, 08.09.2000թ., 09.10.2000թ., 08.11.2000թ., դրամարկղի ելքի օրդերները, 25.11.1999թ., 29.11.1999 թ. և 08.12.1999թ., կրեդիտ քարտից ստացված գումարների դրամարկղի ելքի օրդերները, 08.03.2000թ., 10.05.2000թ., 16.05.2000թ., 07.07.2000թ., 05.10.2000թ., 22.11.2000թ., դիմումները իրեղեն ապացույց ճանաչելու մասին։
2015 թվականի հոկտեմբերի 14-ին ՀՀ քննչական կոմիտեի Երևան քաղաքի քննչական վարչության ՀԿԳ քննիչ Տ.Մուրադյանի կողմից որոշում է կայացվել թիվ 13201301 քրեական գործով Գագիկ Հարությունյանին 04.10.2015թ. ՀՀ քրեական օրենսգրքի 178-րդ հոդվածի 3-րդ մասի 1-ին կետով առաջադրված մեղադրանքը փոփոխելու և նրան նոր մեղադրանք առաջադրելու մասին` առանձնապես խոշոր չափերով խարդախությամբ 49.991.400 ՀՀ դրամին համարժեք 90.000 ԱՄՆ դոլար, 7.419.560 ՀՀ դրամին համարժեք 14.000 ԱՄՆ դոլար հափշտալու և ՀՀ քրեական օրենսգրքի 34-178-րդ հոդվածի 3-րդ մասի 1-ին կետով` խարդախությամբ առանձնապես խոշոր չափերով 61.129.200 ՀՀ դրամին համարժեք 110.000 ԱՄՆ դոլար հափշտակության փորձ կատարելու համար։
2015 թվականի հոկտեմբերի 14-ին ՀՀ քննչական կոմիտեի Երևան քաղաքի քննչական վարչության ՀԿԳ քննիչ Տ.Մուրադյանի կողմից որոշում է կայացվել թիվ 13201301 քրեական գործով Գագիկ Միխայելի Հարությունյանին որպես մեղադրյալ ներգրավել մասին և նրան մեղադրանք է առաջադրվել` ՀՀ քրեական օրենսգրքի 178-րդ հոդվածի 3-րդ մասի 1-ին կետով և 34-178-րդ հոդվածի 3-րդ մասի 1-ին կետով։
2015 թվականի հոկտեմբերի 14-ին ՀՀ քննչական կոմիտեի Երևան քաղաքի քննչական վարչության ՀԿԳ քննիչ Տ.Մուրադյանի կողմից որոշում է կայացվել թիվ 13201301 քրեական գործից մեղադրյալ Գագիկ Հարությունյանի վերաբերյալ գործի մասը անջատելու մասին, որին շնորհվել է թիվ 59103515 համարը, նկատի ունենալով, որ քրեական գործով հետախուզման մեջ գտնվող Անահիտ Սիրադեղյանը դեռևս չի հայտնաբերվել, իսկ մեղադրյալ Գագիկ Հարությունյանի կողմից առանձնապես խոշոր չափերով խարդախություն կատարելու վերաբերյալ ձեռք բերված ապացույցները բավարար են մեղադրական եզրակացություն կազմելու համար, ուստի անհրաժեշտ է քրեական գործից նրա վերաբերյալ մասն անջատել , ինչը չի կարող անդրադառնալ քրեական գործի վարույթի լրիվության և օբյեկտիվության վրա։
2015 թվականի հոկտեմբերի 23-ին թիվ 59103515 քրեական գործը մեղադրական եզրակացությունով ստացվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։
2015 թվականի հոկտեմբերի 26-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Ա.Բեկթաշյանի որոշմամբ Գագիկ Հարությունյանի վերաբերյալ ՀՀ քրեական օրենսգրքի 34-178-րդ հոդվածի 3-րդ մասի 1-ին կետով, 178-րդ հոդվածի 3-րդ մասի 1-ին կետով թիվ ԵԿԴ/0249/01/15 քրեական գործն ընդունվել է վարույթ։
2015 թվականի դեկտեմբերի 03-ին նշանակված դատական նիստի ընթացքում ամբաստանյալ Գագիկ Հարությունյանի պաշտպան Գեղամ Հակոբյանի կողմից միջնորդություն է ներկայացվել դատարան, որով նա հայտնել է, որ նկատի ունենալով, որ 2015 թվականի նոյեմբերի 22-ին լրացել է Գագիկ Հարությունյանին քրեական պատասխանատվության ենթարկելու վաղեմության ժամկետը, միջնորդել է Դատարանին նշված հիմքով Գագիկ Միխայելի Հարությունյանին ազատել ՀՀ քրեական օրենսգրքի 178-րդ հոդվածի 3-րդ մասի 1-ին կետով և 34-178-րդ հոդվածի 3-րդ մասի 1-ին կետով նախատեսված քրեական պատասխանատվությունից նույն հիմքով դադարեցնել նրա նկատմամբ քրեական հետապնդումը։
Ամբաստանյալ Գագիկ Միխայելի Հարությունյանը միացավ իր պաշտպանի միջնորդությանը։
Մեղադրող Գագիկ Մարգարյանը չառարկեց ներկայացված միջնորդության դեմ։

Դատարանի իրավական վերլուծությունները.

ՀՀ քրեական դատավարության օրենսգրքի 35-րդ հոդվածի 1-ին մասի 6-րդ կետի համաձայն` <<քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե անցել են վաղեմության ժամկետները>>, իսկ նույն հոդվածի 5-րդ մասը սահմանում է, որ <<դատարանը, հայտնաբերելով քրեական հետապնդումը բացառող հանգամանքներ, լուծում է ամբաստանյալի նկատմամբ քրեական հետապնդումը դադարեցնելու հարցը>>։
ՀՀ քրեական օրենսգրքի 75-րդ հոդվածի համաձայն`
1.Անձն ազատվում է քրեական պատասխանատվությունից, եթե հանցանքն ավարտված համարելու օրվանից անցել են հետևյալ ժամկետները.
1) երկու տարի` ոչ մեծ ծանրության հանցանքն ավարտված համարելու օրվանից.
2) հինգ տարի` միջին ծանրության հանցանքն ավարտված համարելու օրվանից.
3) տասը տարի` ծանր հանցանքն ավարտված համարելու օրվանից.
4) տասնհինգ տարի` առանձնապես ծանր հանցանքն ավարտված համարելու օրվանից։
2.Վաղեմության ժամկետը հաշվարկվում է հանցանքն ավարտված համարելու օրվանից մինչև դատավճռի օրինական ուժի մեջ մտնելու պահը։ Տևող հանցագործության դեպքում վաղեմության ժամկետը հաշվարկվում է արարքը դադարելու, իսկ շարունակվող հանցագործության դեպքում` վերջին արարքը կատարելու պահից։
3.Վաղեմության ժամկետի ընթացքն ընդհատվում է, եթե մինչև նշված ժամկետներն անցնելն անձը կատարում է միջին ծանրության, ծանր կամ առանձնապես ծանր նոր հանցանք։ Այս դեպքում վաղեմության ժամկետի հաշվարկն սկսվում է նոր հանցանքի ավարտված համարելու պահից։
4.Վաղեմության ժամկետի ընթացքը կասեցվում է, եթե անձը խուսափում է քննությունից կամ դատից։ Այս դեպքում վաղեմության ընթացքը վերսկսվում է անձին ձերբակալելու կամ մեղայականով նրա ներկայանալու պահից։ Ընդ որում, անձը չի կարող քրեական պատասխանատվության ենթարկվել, եթե ոչ մեծ ծանրության կամ միջին ծանրության հանցանքն ավարտված համարելու օրվանից անցել է տասը տարի, իսկ ծանր կամ առանձնապես ծանր հանցանքն ավարտված համարելու օրվանից՝ քսան տարի, և վաղեմության ժամկետի ընթացքն ընդհատված չի եղել նոր հանցագործությամբ։
Սակայն 1961 թվականին ընդունված քրեական օրենսգրքի 44-րդ հոդվածի համաձայն`
Անձը չի կարող քրեական պատասխանատվության ենթարկվել, եթե նրա կողմից հանցագործություն կատարելու օրից անցել են հետևյալ ժամկետները`
մեկ տարի` սույն օրենսգրքի 109 հոդվածի երկրորդ մասով, 132, 142, 197, 208.1, 217, 218 հոդվածներով, 219 հոդվածի առաջին մասով, 223 հոդվածով նախատեսված հանցագործություններից որևէ մեկը կատարելու օրից.
2) երեք տարի՝ այնպիսի հանցագործություն կատարելու օրից, որի համար, ըստ օրենքի կարոդ է նշանակվել ազատազրկում երկու տարուց ոչ ավելի ժամանակով, կամ այնպիսի պատիժ, որը կապված չէ ազատազրկման հետ.
3) հինգ տարի այնպիսի հանցագործություն կատարելու օրից, որի համար, ըստ օրենքի կարող է նշանակվել ազատազրկում հինգ տարուց ոչ ավելի ժամանակով.
4) տասը տարի այնպիսի հանցագործություն կատարելու օրից, որի համար, ըստ օրենքի կարող է նշանակվել ավելի խիստ պատիժ, քան հինգ տարի ժամանակով ազատազրկումը։
Վաղեմության ընթացքն ընդհատվում է, եթե մինչև նշված ժամկետները լրանալը տվյալ անձը կատարի նոր հանցագործություն, որի համար ըստ օրենքի կարող է նշանակվել ազատազրկում երկու տարուց ավելի ժամանակով։ Այս դեպքում վաղեմության ժամկետի հաշվումն սկսվում է նոր հանցագործության կատարման պահից։
Վաղեմության ընթացքը կասեցվում է, եթե հանցագործություն կատարած անձը թաքնվում է քննությունից կամ դատից։ Այդպիսի դեպքերում վաղեմության ընթացքը վերսկսվում է անձին ձերբակա¬լելու կամ մեղայականով նրա ներկայանալու պահից։ Ընդ որում անձը չի կարող քրեական պատասխանատվության ենթարկվել, եթե ծանր հանցա¬գործությունը կատարելու ժամանակից անցել է տասնհինգ տարի և վաղեմությունն ընդհատված չի եղել նոր հանցագործության կատարմամբ։
Վաղեմության կիրառման հարցն այն անձի նկատմամբ, որն այնպիսի հանցագործություն է կատարել, որի համար ըստ օրենքի կարող է մահապատիժ նշանակվել, լուծում է դատարանը։ Եթե դատա-րանը հնարավոր չի գտնում վաղեմություն կիրառել, ապա մահապա¬տիժ չի կարող նշանակվել և այն փոխարինվում է ազատազրկմամբ։
ՀՀ քրեական օրենսգրքի 13-րդ հոդվածի համաձայն`
1. Արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն՝ տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում՝ այն անձանց վրա, ովքեր կրում են պատիժը կամ կրել են դա, սակայն ունեն դատվածություն։
2. Արարքի հանցավորությունը սահմանող, պատիժը խստացնող կամ հանցանք կատարած անձի վիճակն այլ կերպ վատթարացնող օրենքը հետադարձ ուժ չունի։
3. Պատասխանատվությունը մասնակիորեն մեղմացնող և միաժամանակ պատասխանատվությունը մասնակիորեն խստացնող օրենքը հետադարձ ուժ ունի միայն այն մասով, որը մեղմացնում է պատասխանատվությունը։

ՀՀ քրեական օրենսգրքի 178-րդ հոդվածի 3-րդ մասի 1-ին կետի սանկցիայով նախատեսում է ազատազրկում չորսից ութ տարի ժամկետով` գույքի բռնագրավմամբ կամ առանց դրա, այսինքն` Գագիկ Հարությունյանի մեղսագրվող արարքը դասվում է ծանր հանցագործությունների շարքին։ Ըստ առաջադրված մեղադրանքի` Գագիկ Հարությունյանին մեղսագրվող` ՀՀ քրեական օրենսգրքի 34-178-րդ հոդվածի 3-րդ մասի 1-ին կետով և 34-178-րդ հոդվածի 3-րդ մասի 1-ին կետով նախատեսված արարքն ավարտվել է 2000 թվականի նոյեմբերի 22-ին, այսինքն հանցագործության ավարտման պահից անցել է տասնհինգ տարի ժամանակ, ինչպես նաև համաձայն ՀՀ ոստիկանութայն ինֆորմացիոն կենտրոնի կողմից տրված տեղեկանքի` այդ ընթացքում վաղեմության ժամկետի ընթացքն ընդատված չի եղել նոր հանցագործությամբ։
Նկատի ունենալով, որ Գագիկ Հարությունյանին մեղսագրվող ծանր հանցագործությունն ավարտված համարելու օրվանից անցել է 15 տարի ժամանակ, Դատարանի տրամադրության տակ առկա չէ փաստական որևէ տվյալ այն մասին, որ քրեական պատասխանատվության ենթարկելու վաղեմության ժամկետների ընթացքն ընդհատվել է նրա կողմից միջին ծանրության, ծանր կամ առանձնապես ծանր նոր հանցանքի կատարմամբ, ինչպես նաև Գագիկ Հարությունյանը չի առարկում վաղեմության ժամկետներն անցնելու հիմքով իր վերաբերյալ քրեական գործի կարճման ու քրեական հետապնդման դադարեցման դեմ, ուստի դատարանը գտնում է, որ պետք է թիվ ԵԿԴ/0249/01/15 քրեական գործի վարույթը կարճել և Գագիկ Հարությունյանի նկատմամբ քրեական հետապնդումը դադարեցնել` քրեական պատասխանատվության ենթարկելու վաղեմության ժամկետը անցնելու հիմքով։
Դատարանը, նկատի ունենալով, որ վերը նշված հիմնավորմամբ սույն քրեական գործի վարույթը պետք է կարճել և Գագիկ Հարությունյանի նկատմամբ քրեական հետապնդումը դադարեցնել, գտնում է, որ նրա նկատմամբ խափանման միջոց կիրառելու անհրաժեշտությունը վերացել է, ուստի Գագիկ Հարությունյանի նկատմամբ ընտրված խափանման միջոցը` կալանավորումը, պետք է վերացնել և նրան անհապաղ ազատ արձակել դատական նիստերի դահլիճում։

2001 թվականի ապրիլի 30-ի որոշումով Գագիկ Միխայելի Հարությունյանի Երևան քաղաքի Նանսենի 5/2 շենքի 30-րդ բնակարանի, անձնական գույքի և <<Հայկապ>> բանկ ՍՊԸ-ում գտնվող նրա հաշվարկային հաշվի վրա դրված կալանքը պետք է, վերացնել։
2015 թվականի հոկտեմբերի 10-ի որոշմամբ իրեղեն ապացույց ճանաչված <<Հայկապբանկ>> ՍՊԸ-ի 08.03.2000թ., 24.03.2000թ., 10.04.2000թ., 10.05.2000թ., 17.05.2000թ., 08.06.2000թ., 10.07.2000թ., -2 հատ, 08.08.2000թ., -2 հատ, 08.09.2000թ., 09.10.2000թ., 08.11.2000թ., դրամարկղի ելքի օրդերները, 25.11.1999թ., 29.11.1999 թ. և 08.12.1999թ., կրեդիտ քարտից ստացված գումարների դրամարկղի ելքի օրդերները, 08.03.2000թ., 10.05.2000թ., 16.05.2000թ., 07.07.2000թ., 05.10.2000թ., 22.11.2000թ., դիմումները պետք է թողնել քրեական գործին կցված։

Ելնելով վերոգրյալից, ղեկավարվելով 1961 թվականի քրեական օրենսգրքի 44-րդ հոդվածով, ՀՀ քրեական դատավարության օրենսգրքի 35-րդ, 41-րդ, 151-րդ, 313-րդ և 379-րդ հոդվածներով` Դատարանը


Ո Ր Ո Շ Ե Ց

Թիվ ԵԿԴ/0249/01/15 քրեական գործի վարույթը կարճել և Գագիկ Միխայելի Հարությունյանի նկատմամբ քրեական հետապնդումը դադարեցնել` քրեական պատասխանատվության ենթարկելու վաղեմության ժամկետներն անցնելու հիմքով։
Գագիկ Միխայելի Հարությունյանի նկատմամբ ընտրված խափանման միջոցը` կալանավորումը վերացնել և նրան անհապաղ ազատ արձակել դատական նիստերի դահլիճում։
2001 թվականի ապրիլի 30-ի որոշումով Գագիկ Միխայելի Հարությունյանի Երևան քաղաքի Նանսենի 5/2 շենքի 30-րդ բնակարանի, անձնական գույքի և <<Հայկապ>> բանկ ՍՊԸ-ում գտնվող նրա հաշվարկային հաշվի վրա դրված կալանքը, վերացնել։
2015 թվականի հոկտեմբերի 10-ի որոշմամբ իրեղեն ապացույց ճանաչված <<Հայկապբանկ>> ՍՊԸ-ի 08.03.2000թ., 24.03.2000թ., 10.04.2000թ., 10.05.2000թ., 17.05.2000թ., 08.06.2000թ., 10.07.2000թ., -2 հատ, 08.08.2000թ., -2 հատ, 08.09.2000թ., 09.10.2000թ., 08.11.2000թ., դրամարկղի ելքի օրդերները, 25.11.1999թ., 29.11.1999 թ. և 08.12.1999թ., կրեդիտ քարտից ստացված գումարների դրամարկղի ելքի օրդերները, 08.03.2000թ., 10.05.2000թ., 16.05.2000թ., 07.07.2000թ., 05.10.2000թ., 22.11.2000թ., դիմումները թողնել քրեական գործին կցված։
Դատական ծախսերի հարցը համարել լուծված։
Սույն որոշումը կարող է բողոքարկվել Հայաստանի Հանրապետության քրեական վերաքննիչ դատարան` հրապարակման պահից մեկամսյա ժամկետում։


ԴԱՏԱՎՈՐ Ա.ԲԵԿԹԱՇՅԱՆ