ԴԱՏԱՎՃԻՌ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


ՙ02՚ դեկտեմբերի 2015թ. Ք. ԻՋԵՎԱՆ

ԵԿԴ/0233/01/15

ՀՀ Տավուշի մարզի ընդհանուր իրավասության առաջին ատյանի դատարանը`

ՆԱԽԱԳԱՀՈՒԹՅԱՄԲ` ԴԱՏԱՎՈՐ ՍԱՄՎԵԼ ՄԱՐԴԱՆՅԱՆԻ
ՔԱՐՏՈՒՂԱՐՈՒԹՅԱՄԲ` ՄԱՆԵ ՈՒԼԻԽԱՆՅԱՆԻ
ՄԱՍՆԱԿՑՈՒԹՅԱՄԲ`
ՄԵՂԱԴՐՈՂ ՆԵՐՍԵՍ ՉԻԼԻՆԳԱՐՅԱՆԻ
ՊԱՇՏՊԱՆ ԳԱԳԻԿ ՊԱՊՈՅԱՆԻ

դռնբաց դատական նիստում, դատական քննության արագացված կարգի կիրառմամբ քննեց քրեական գործն ըստ մեղադրանքի Թեհմինե Գագիկի Խաչատրյանի` ծնված 13.10.1985թ., ՀՀ Կոտայքի մարզի Եղվարդ քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատված, չի աշխատում, հաշվառված բնակվում է ՀՀ Կոտայքի մարզ, ք. Եղվարդ, Գայի փողոց, տուն 38 հասցեում:
Նրա նկատմամբ խափանման միջոց է ընտրվել ստորագրություն չհեռանալու մասին:
Մեղադրվում է ՀՀ քրեական օրենսգրքի 215-րդ հոդվածի 1-ին մասով:

ՊԱՐԶԵՑ

1. Գործի դատավարական նախապատմությունը.

09.02.2015թ. ՀՀ ֆինանսների նախարարության իրավախախտումների հայտնաբերման և վարչական վարույթների իրականացման վարչության բաժնի հետաքննիչ Գ. Սարիբեկյանի կողմից որոշում է կայացվել մաքսային հսկողությունից թաքցնելովª ՀՀ մաքսային սահմանով 1602գ բրուտտո քաշով արծաթյա զարդերի տեղափոխման փաստի առթիվ ՀՀ քրեական օրենսգրքի 215-րդ հոդվածի 1-ին մասով քրեական գործ հարուցելու և այն ըստ ենթակայությանª ՀՀ ՖՆ քննչական վարչություն ուղարկելու մասին: Գործին շնորհվել է 83150615 համարը:
11.02.2015թ. քրեական գործն ընդունվել է ՀՀ ֆինանսների նախարարության քննչական վարչության 3-րդ բաժնի ՀԿԳ քննիչ Վ. Հակոբջանյանի վարույթ:
25.09.2015թ. Թեհմինե Գագիկի Խաչատրյանը թիվ 83150615 քրեական գործով ներգրավվել է որպես մեղադրյալ, և նրան մեղադրանք է առաջադրվել ՀՀ քրեական օրենսգրքի 215-րդ հոդվածի 1-ին մասով այն բանի համար, որ նա, 2014թ. նոյեմբերի 22-ին մեկնելով Թուրքիա, Ստամբուլ քաղաքում գնել է խոշոր չափիª 1.470.000 ՀՀ դրամ շուկայական արժեքով, 1550,138 գրամ կշռով արծաթյա զարդեր և 2014թ. նոյեմբերի 27-ինª ժամը 1500-ին, հիշյալ զարդերը մաքսանենգությամբª մաքսային հսկողությունից թաքցնելու եղանակով, Գուգարքի տարածաշրջանային մաքսատան Բագրատաշենի մաքսակետով տեղափոխել է Հայաստանի Հանարապետություն, որոնք սակայն հայտնաբերվել են ՀՀ ֆինանսների նախարարության նախաբացթողումային հսկողության վարչության Գուգարքի բաժնի Բագրատաշենի բաժանմունքի աշխատակիցների կողմիցª վերջինիս պատկանող կանացի ձեռքի պայուսակի զննության ժամանակ:
01.10.2015թ. քրեական գործը մեղադրական եզրակացությամբ ուղարկվել է ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան:
02.10.2015թ. քրեական գործն ընդունվել է դատավոր Ա. Վարդանյանի վարույթ:
16.10.2015թ. որոշում է կայացվել քրեական գործը դատաքննության նշանակելու մասին:
26.10.2015թ. որոշում է կայացվել քրեական գործն ըստ տարածքային ընդդատության ուղարկելու մասին:
06.11.2015թ. քրեական գործն ընդունվել է ՀՀ Տավուշի մարզի ընդհանուր իրավասության առաջին ատյանի դատարանի դատավոր Ս. Մարդանյանի վարույթ:
17.11.2015թ. որոշում է կայացվել քրեական գործը դատաքննության նշանակելու մասին:

2. Արագացված դատական քննություն.

Մինչ դատաքննությունն սկսելն ամբաստանյալ Թեհմինե Գագիկի Խաչատրյանը միջնորդեց դատական քննությունն անցկացնել արագացված կարգով և հայտարարեց, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված կարգով դատաքննություն անցկացնելու հետևանք¬ները, առաջադրված մեղադրանքն իրեն պարզ է, համաձայն է մեղադրանքի հետ:
Ամբաստանյալի կողմից ներկայացված միջնորդությունը հաստատվեց նրա պաշտպանի ներկայությամբ:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները` մեղադրողը չի առարկում, քրեական օրենսգրքով նախատեսված պատիժը չի գերազանցում տասը տարին, ամբաստանյալը գիտակցում է ներկայացրած միջնորդության բնույթն ու հետևանքները, մեղսագրվող արարքը ճիշտ է որակված, որոշեց բավարարել ամբաստանյալի միջնորդությունը և դատական քննությունն անցկացնել արագացված կարգով:
Դատարանը հիմք ընդունելով մեղադրանքի հիմքում դրված ապացույցները` գտնում է, որ ամբաստանյալ Թեհմինե Գագիկի Խաչատրյանը կատարել է ՀՀ քրեական օրենսգրքի 215-րդ հոդվածի 1-ին մասով նախատեսված արարք և նա քրեական պատասխանատվության պետք է ենթարկվի նշված հոդվածի սանկցիայով:

3. Դատարանի իրավական վերլուծությունները.

ՀՀ քրեական օրենսգրքի 10-րդ հոդվածի 1-ին մասի համաձայն. ՙՀանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար՚:
ՀՀ քրեական օրենսգրքի 48-րդ հոդվածի 2-րդ մասի համաձայն. ՙՊատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել նոր հանցագործությունները՚:
ՀՀ քրեական օրենսգրքի 61-րդ հոդվածի համաձայն.
ՙ1.Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները:
2.Պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով:
3.Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները՚:
Այսպես, պատիժ նշանակելիս դատարանը հաշվի է առնում կատարված հանցագործության հանրորեն վտանգավորության աստիճանը, բնույթը, շարժառիթը, հետևանքը, ինչպես նաև ամբաստանյալի անձը բնութագրող տվյալները:
Դատարանն ամբաստանյալ Թեհմինե Գագիկի Խաչատրյանի նկատմամբ պատիժ նշանակելիս, որպես պատասխանատվությունը և պատիժը մեղմացնող հանգամանքներ հաշվի է առնում այն, որ նա խոստովանել է մեղքը և անկեղծորեն զղջում է կատարածի համար, նախկինում ոչնչով արատավորված չէ:
Պատասխանատվությունը և պատիժը ծանրացնող հանգամանքներ չկան:
ՀՀ քրեական դատավարության օրենսգրքի 3753-րդ հոդվածի 6-րդ մասի համաձայն դատարանն արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը, իսկ եթե առավել խիստ պատժի երկու երրորդը փոքր է տվյալ հանցագործության համար նախատեսված առավել մեղմ պատժից, ապա առավել մեղմ պատիժը:
Դատարանը, ղեկավարվելով ՀՀ քրեական օրենսգրքի 10-րդ հոդվածի 1-ին մասով, 48-րդ հոդվածի 2-րդ մասով և 61-րդ հոդվածի 1-ին և 2-րդ մասերով, գտնում է, որ ամբաստանյալ Թեհմինե Գագիկի Խաչատրյանի նկատմամբ ՀՀ քրեական օրենսգրքի 215-րդ հոդվածի 1-ին մասով պետք է նշանակել տուգանք տեսակի պատիժ, որը կապահովի պատժի նպատակները:
Քննության առնելով ամբաստանյալ Թեհմինե Գագիկի Խաչատրյանի նկատմամբ ընտրված խափանման միջոցի հարցը` դատարանը գտնում է, որ նրա նկատմամբ ընտրված խափանման միջոցը` ստորագրություն չհեռանալու մասին, պետք է թողնել անփոփոխ, մինչև դատավճռի օրինական ուժի մեջ մտնելը:
Քննության առնելով գործով իրեղեն ապացույց ճանաչված, մաքսանենգության առարկա հանդիսացող, քրեական գործին կցված, ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում պահվող, մաքսանենգության առարկա հանդիսացող, 1550,138գ կշռով 1.470.000 /մեկ միլիոն չորս հարյուր յոթանասուն հազար/ ՀՀ դրամ ընդհանուր արժողությամբ արծաթյա զարդերի տնօրինման հարցը, ղեկավարվելով ՀՀ քրեական դատավարության օրենսգրքի 119-րդ հոդվածով և ՀՀ քրեական օրենսգրքի 103.1-ին հոդվածի 1-ին մասով, դատարանը գտնում է, որ քրեական գործին կցված, ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում պահվող, մաքսանենգության առարկա հանդիսացող, 1550,138գ կշռով 1.470.000 /մեկ միլիոն չորս հարյուր յոթանասուն հազար/ ՀՀ դրամ ընդհանուր արժողությամբ արծաթյա զարդերըª որպես մաքսանենգության առարկա պետք է բռնագրավել հօգուտ պետության:
Ելնելով վերոգրյալներից և ղեկավարվելով ՀՀ քրեական դատավարության օրենսգրքի 357-375, 3753-րդ հոդվածներովª դատարանը

Վ Ճ Ռ Ե Ց

Ամբաստանյալ Թեհմինե Գագիկի Խաչատրյանին մեղավոր ճանաչել ՀՀ քրեական օրենսգրքի 215-րդ հոդվածի 1-ին մասով և այդ հոդվածի սանկցիայով դատապարտել տուգանքի` նվազագույն աշխատավարձի հազարապատիկի` 1.000.000 /մեկ միլիոն/ ՀՀ դրամի չափովª մաքսանենգության առարկաների բռնագրավմամբª հօգուտ պետության:
Ամբաստանյալ Թեհմինե Գագիկի Խաչատրյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո իրեղեն ապացույց ճանաչված, քրեական գործին կցված, ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում պահվող, մաքսանենգության առարկա հանդիսացող, 1550,138գ կշռով 1.470.000 /մեկ միլիոն չորս հարյուր յոթանասուն հազար/ ՀՀ դրամ ընդհանուր արժողությամբ արծաթյա զարդերը բռնագրավել հօգուտ պետության:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում, այն չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով:


Դ Ա Տ Ա Վ Ո Ր Ս. Կ. ՄԱՐԴԱՆՅԱՆ