գործ ԵԿԴ/0223/01/15
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը

Նախագահությամբ դատավոր` Արմեն Բեկթաշյանի
քարտուղարությամբ` Գեորգի Սարգսյանի

մասնակցությամբ`
մեղադրող` Անդրանիկ Սիմոնյանի

պաշտպան` Լեռնիկ Հովհաննիսյանի


2015 թվականի դեկտեմբերի 30-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Սոնյա Սահակի Եղյանի` ծնված 28.03.1954 թվականին Ադրբեջյանի Հանրապետության Կիրովաբադ քաղաքում, ազգությամբ հայ, ՀՀ քաղաքացի, միջնակարգ-բարձրագույն կրթությամբ, այրի, աշխատում է «Գազպրոմ Արմենիա» Աջափնյակ-Դավիթաշեն ԱՇԾ-ում որպես հսկիչ, հասարակական կարգով կատարում է Երևանի Կենտրոն վարչական շրջանի թիվ 5 տեղամասի լիազոր ներկայացուցչի աշխատանքը, նախկինում չդատված, բնակվում է Երևան քաղաքի Կոնդի փող., 134-րդ տանը։

Սոնյա Սահակի Եղյանը մեղադրվում է ՀՀ քրեական օրենսգրքի 325-րդ հոդվածի 1-ին մասով և ՀՀ քրեական օրենսգրքի 325-րդ հոդվածի 1-ին մասով։
2015 թվականի օգոստոսի 19-ի 17-ի որոշմամբ Սոնյա Սահակի Եղյանի նկատմամբ որպես խափանման միջոց է ընտրվել ստորագրություն չհեռանալու մասին։



Գործի դատավարական նախապատմությունը.
2015 թվականի ապրիլի 28-ին ՀՀ քննչական կոմիտեի Երևան քաղաքի վարչության Երևանի Կենտրոն և Նորք-Մարաշ վարչական շրջանների քննչական բաժնի ավագ քննիչ Ռ.Նազարյանի կողմից որոշում է կայացվել ՀՀ քրեական օրենսգրքի 325-րդ հոդվածի 1-ին մասով թիվ 13144115 քրեական գործը հարուցելու մասին։
2015 թվականի օգոստոսի 19-ին ՀՀ քննչական կոմիտեի Երևան քաղաքի վարչության Երևանի Կենտրոն և Նորք-Մարաշ վարչական շրջանների քննչական բաժնի ավագ քննիչ Ռ.Նազարյանի կողմից որոշում է կայացվել թիվ 13144115 քրեական գործով Սոնյա Սահակի Եղյանին որպես մեղադրյալ ներգրավելու մասին և նրան մեղադրանք է առաջադրվել` ՀՀ քրեական օրենսգրքի 325-րդ հոդվածի 1-ին մասով և ՀՀ քրեական օրենսգրքի 325-րդ հոդվածի 1-ին մասով այն բանի համար, որ նա հանդիասանալով Երևանի Կենտրոն վարչական շրջանի թիվ 5 տեղամասի լիազոր ներկայացուցիչ, Երևանի Կոնդի փողոցի թիվ 103-րդ բնակելի տանը և հողամասի նկատմամբ Անահիտ Պետրոսյանի իրավունքները վերականգնելու նպատակով, 2014 թվականի մարտի 12-ին ք. Երևան, Կոնդի 134-րդ հասցեում գտնվող իր տանը պատրաստել է և Երևանի քաղաքապետարան ներկայացնելու համար քննությամբ չպարզված անձին իրացրել է իրավունք վերապահող, ակնհայտ կեղծ փաստաթուղթ հանդիսացող` Անահիտ Պետրոսյանի կողմից ք.Երևան, Կոնդի 103 հասցեի շինությանը փաստացի տիրապետելու վերաբերյալ տեղեկանք։ Բացի այդ Սոնյա Եղյանը Երևանի Կոնդի փողոցի թիվ 103-րդ բնակելի տան և հողամասի նկատմամբ Անահիտ Պետրոսյանի իրավունքները վերականգնելու նպատակով, 2014 թվականի ապրիլի 03-ին իր տանը պատրաստել և Երևանի քաղաքապետարան ներկայացնելու համար, քննությամբ չպարզված անձին իրացրել է իրավունք վերապահող, ակնհայտ կեղծ փաստաթուղթ հանդիսացող` Անահիտ Պետրոսյանի կողմից Երևանի Կոնդի փողոցի թիվ 103-րդ տանը բնակվելու վերաբերյալ տեղեկանք։
2015 թվականի օգոստոսի 19-ին ՀՀ քննչական կոմիտեի Երևան քաղաքի վարչության Երևանի Կենտրոն և Նորք-Մարաշ վարչական շրջանների քննչական բաժնի ավագ քննիչ Ռ.Նազարյանի կողմից որոշում է կայացվել թիվ 13144115 քրեական գործով մեղադրյալ Սոնյա Սահակի Եղյանի նկատմամբ որպես խափանման միջոց ստորագրություն չհեռանալու մասին ընտրելու վերաբերյալ։
2015 թվականի օգոստոսի 31-ին ՀՀ քննչական կոմիտեի Երևան քաղաքի վարչության Երևանի Կենտրոն և Նորք-Մարաշ վարչական շրջանների քննչական բաժնի ավագ քննիչ Ռ.Նազարյանի կողմից որոշում է կայացվել թիվ 13144115 քրեական գործով Երևանի Կենտրոն վարչական շրջանի 5 տեղամասի լիազոր ներկայացուցիչ Սոնյա Եղյանի կողմից Անահիտ Պետրոսյանին 12.03.2014 թ. և 03.04.2014թ. տրված տեղեկանքները որպես այլ փաստաթուղթ ապացույց ճանաչելու մասին։
2015 թվականի սեպտեմբերի 02-ին ՀՀ քննչական կոմիտեի Երևան քաղաքի վարչության Երևանի Կենտրոն և Նորք-Մարաշ վարչական շրջանների քննչական բաժնի ավագ քննիչ Ռ.Նազարյանի կողմից որոշում է կայացվել թիվ 13144115 քրեական գործից անհայտ անձի կողմից Երևանի Կոնդի 103 տանը Անահիտ Պետրոսյանի բնակվելու և տվյալ տանը տիրապետելու մասին Երևանի քաղաքապետարան ակնհայտ կեղծ տեղեկանքներ ներկայացնելու վերաբերյալ մասը քրեական գործից անջատելու մասին և գործին թիվ 13144115/1 համարը շնորհելու մասին։
2015 թվականի սեպտեմբերի 15-ին քրեական գործը մեղադրական եզրակացությամբ ստացվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան։

Արագացված դատական քննություն.

Մինչ դատաքննության սկսվելը` ամբաստանյալ Սոնյա Սահակի Եղյանը միջնորդություն է ներկայացրել` դատական քննությունն արագացված կարգով անցկացնելու` հայտարարելով, որ առաջադրված մեղադրանքն իրեն պարզ է, համաձայն է մեղադրանքի հետ և առաջադրված մեղադրանքում իրեն մեղավոր է ճանաչում, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացնում է կամավոր, պաշտպանի հետ խորհրդակցելուց հետո։
Դատարանը պարզելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, 2015 թվականի դեկտեմբերի 30-ին որոշում է կայացվել արագացված կարգով դատական քննություն անցկացնելու մասին։
Այսպիսով, քրեական գործով ձեռք բերված ապացույցների ընդհանուր կարգով սահմանված հետազոտություն չկատարելով, արագացված դատաքննությամբ հիմք ընդունելով մեղադրանքի հիմքում դրված ապացույցները, դատարանը հանգեց այն համոզման, որ ամբաստանյալ Սոնյա Սահակի Եղյանը անձամբ կեղծել և իրացրել է իրավունք վերապահող փաստաթուղթ, որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 325-րդ հոդվածի 1-ին մասով և ՀՀ քրեական օրենսգրքի 325-րդ հոդվածի 1-ին մասով։
Սոնյա Սահակի Եղյանը ենթակա է պատժի կատարած արարքի համար։

Դատարանի իրավական վերլուծությունները.
ՀՀ քրեական օրենսգրքի 61-րդ հոդվածի 2-րդ մասի համաձայն «Պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով»։
Ամբաստանյալ Սոնյա Սահակի Եղյանն առաջադրված մեղադրանքում իրեն մեղավոր է ճանաչել, զղջացել է կատարած արարքի համար, հարևանների կողմից տրված բնութագրի համաձայն բնութագրվում է դրականորեն։
Ամբաստանյալ Սոնյա Սահակի Եղյանի պատասխանատվությունը և պատիժը մեղմացնող հանգամանքներ առկա չեն։
Ամբաստանյալ Սոնյա Սահակի Եղյանի պատասխանատվությունը և պատիժը ծանրացնող հանգամանքներ առկա չեն։

ՀՀ քրեական օրենսգրքի 10-րդ հոդվածի 1-ին մասը սահմանում է «Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար»։
ՀՀ քրեական օրենսգրքի 48-րդ հոդվածի 2-րդ մասը սահմանում է «Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները»։
ՀՀ քրեական օրենսգրքի 61-րդ հոդվածը սահմանում է «Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում` հաշվի առնելով սույն օրենսգրքի Ընդհանուր մասի դրույթները։ (….)։ Հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները»։
Սույն քրեական գործով Սոնյա Սահակի Եղյանին մեղադրանք է առաջադրվել ՀՀ քրեական օրենսգրքի 325-րդ հոդվածի 1-ին մասով, որի սանկցիան նախատեսում է հետևյալ պատժատեսակները` տուգանք` նվազագույն աշխատավարձի երկուհարյուրապատիկից չորսհարյուրապատիկի չափով, կամ ազատազրկում` առավելագույնը երկու տարի ժամկետով։
Այլընտրանքային սանկցիաների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ. Մադաթյանի գործով որոշման մեջ, որտեղ իրավական դիրքորոշում է հայտնել այն մասին, որ. «(…) այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա։
Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ։
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը։ (…)» (տե’ս Գարուշ Նորիկի Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշումը)։
Հաշվի առնելով ամբաստանյալ Սոնյա Սահակի Եղյանի կատարած արարքի հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, հասակը, բնութագրող տվյալները, պատասխանատվությունն ու պատիժը ծանրացնող հանգամանքների բացակայությունը, այն որ առաջին անգամ կատարել է ոչ մեծ ծանրության հանցագործություն` ղեկավարվելով օրինականության, արդարության, պատժի անհատականացման ու մարդասիրության սկզբունքներով, դատարանը հանգում է այն համոզման, որ նպատակահարմար է Սոնյա Սահակի Եղյանի ՀՀ քրեական օրենսգրքի 325-րդ հոդվածի 1-ին մասով և 325-րդ հոդվածի 1-ին մասով յուրաքանչուր արարքի համար նշանակել պատիժ` տուգանքի ձևով, որով հնարավոր կլինի հասնել ՀՀ քրեական օրենսգրքի 48-րդ հոդվածով սահմանված պատժի նպատակներին` սոցիալական արդարության վերականգնմանը, պատժի ենթարկված անձի ուղղմանը և հանցագործությունների կանխմանը։
Սոնյա Սահակի Եղյանի նկատմամբ ընտրված խափանման միջոցը` ստորագրություն չհեռանալու մասին պետք է վերացնել դատավճիռն օրինական ուժի մեջ մտնելու պահից։
Քրեական գործով ապացույց ճանաչված այլ փաստաթուղթ հանդիսացող 12.03.2014թ և 03.04.2014թ տեղեկանքները պետք է պահել քրեական գործի հետ միասին։
Դատարանը գտնում է, որ դատական ծախսերն ամբաստանյալ Սոնյա Սահակի Եղյանից ենթակա չեն բռնագանձման, քանի որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից ենթակա չեն բռնագանձման։

Եզրափակիչ մաս.

Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ, 369-րդ, 372-րդ, 3751 և 3753-րդ հոդվածներով, դատարանը

Վ Ճ Ռ Ե Ց`

Սոնյա Սահակի Եղյանին մեղավոր ճանաչել ՀՀ քրեական օրենսգրքի 325-րդ հոդվածի 1-ին մասով և ՀՀ քրեական օրենսգրքի 325-րդ հոդվածի 1-ին մասով։
ՀՀ քրեական օրենսգրքի 325-րդ հոդվածի 1-ին մասով Սոնյա Սահակի Եղյանի նկատմամբ պատիժ նշանակել տուգանք` նվազագույն աշխատավարձի երկուհարյուրապատիկի` 200.000 /երկուհարյուր հազար/ ՀՀ դրամի չափով։
ՀՀ քրեական օրենսգրքի 325-րդ հոդվածի 1-ին մասով Սոնյա Սահակի Եղյանի նկատմամբ պատիժ նշանակել տուգանք` նվազագույն աշխատավարձի երկուհարյուրապատիկի` 200.000 /երկուհարյուր հազար/ ՀՀ դրամի չափով։
ՀՀ քրեական օրենսգրքի 66-րդ հոդվածի կարգով, հանցանքների համակցությամբ պատիժները մասնակի գումարելու միջոցով Սոնյա Սահակի Եղյանի նկատմամբ վերջնական պատիժ նշանակել տուգանք` նվազագույն աշխատավարձի երեքհարյուրապատիկի` 300.000 /երեք հարյուր հազար/ ՀՀ դրամի չափով։
Սոնյա Սահակի Եղյանի նկատմամբ ընտրված խափանման միջոցը` ստորագրություն չհեռանալու մասին վերացնել դատավճիռն օրինական ուժի մեջ մտնելու պահից։
Քրեական գործով ապացույց ճանաչված այլ փաստաթուղթ հանդիսացող 12.03.2014թ և 03.04.2014թ տրված տեղեկանքները պահել քրեական գործի հետ միասին։
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում։


ԴԱՏԱՎՈՐ` Ա. ԲԵԿԹԱՇՅԱՆ