Գործ ԵԿԴ/0222/01/15


Ո Ր Ո Շ ՈՒ Մ
քրեական գործի վարույթը կարճելու և քրեական հետապնդումը
դադարեցնելու մասին

«12» հոկտեմբերի 2015թ. ք. Երևան

Երևանի Կենտրոն և Նորք - Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Գևորգ Պողոսյանի,

մասնակցությամբ`

մեղադրող, Երևանի Կենտրոն և
Նորք-Մարաշ վարչական շրջանների
դատախազության դատախազ` Մամիկոն Գեղամյանի,

տուժող` Ռոզա Սիմոնյանի,

նույն դատարանում` խորհրդակցական սենյակում, քննության առնելով քրեական գործն ըստ մեղադրանքի` Ռոբերտ Սամվելի Սիմոնյանի` (ծնված 1980թ. հունիսի 10-ին, Երևան քաղա¬քում, ազ¬գութ¬յամբ հայ, ՀՀ քա¬ղաքացի, միջնակարգ կրթութ¬յամբ, ամուսնացած, նախ¬կինում չդա¬տա¬պարտված, հաշվառված և բնակվում է Երևանի Կոնդ թաղամասի 165-րդ տանը) և
հաշվի առնելով տուժող Ռոզա Սիմոնյանի և ամբաստանյալ Ռոբերտ Սիմոնյանի հաշ¬տութ¬յան կապակցությամբ քրեա¬կան գործի վա¬րույթը բացառող հանգա¬մանքի ի հայտ գալու փաս¬տը,

Պ Ա Ր Զ Ե Ց`

Մասնավոր մեղադրանքի վերաբերյալ թիվ 15141915 քրեական գործն հարուցվել է 2015թ. օգոստոսի 11-ին` ՀՀ քրեական օրենսգրքի 118-րդ հոդվածի հատկանիշներով ՀՀ քննչա¬կան կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջան¬ների քննչական բաժնում` գործով տուժող Ռոզա Սիմոնյանի հաղորդման հի¬ման վրա նախա¬պատ¬րաստված նյութերի քննարկ¬ման արդյունքներով։
2015թ. օգոստոսի 26-ին Ռոբերտ Սիմոնյանի նկատմամբ որպես խափանման միջոց է ընտրվել չհե¬ռանալու վերաբերյալ ստորագրություն, 2015թ. սեպտեմբերի 2-ին նրան մեղադ¬րանք է առաջադրվել ՀՀ քրեական օրենսգրքի 118-րդ հոդվածով։
2015թ. սեպտեմբերի 11-ին սույն քրեական գործը Ռոբերտ Սիմոնյանի նկատ¬մամբ ՀՀ քրեա¬կան օրենսգրքի 118-րդ հոդվածով հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրա¬վա¬¬սութ¬յան դատա¬րան, 2015թ. սեպտեմբերի 17-ին ընդունվել է Դատարանի վարույթ, իսկ 2015թ. հոկտեմբերի 2-ին նշանակվել դատական քննության։
Համաձայն Ռոբերտ Սիմոնյանին որպես մեղադրյալ ներգրավելու որոշման, ինչպես նաև մեղադրական եզրակացության` վերջինիս ՀՀ քրեական օրենսգրքի 118-րդ հոդվածով մեղադրանք է առա¬ջադրվել այն բանի համար, որ նա « 2015թ. հուլիսի 28-ին` ժամը 12.30-ի սահմաններում Երևան քաղաքի Կոնդ 165 տանը կենցաղային հարցերի շուրջ վիճաբանել է իր կնոջ` Ռոզա Ռաֆայելի Սիմոնյանի հետ, որի ընթացքում բռնելով պարանոցից` բռունցքով 2 անգամ հարվածել է վերջինիս ձախ ձեռքի բազկի հատվածում` պատճառելով ֆիզիկական ցավ»։
2015թ. հոկտեմբերի 12-ին կայացած առաջին դատական նիստի նախապատրաստական փու¬լում տուժող Ռոզա Սիմոնյանը, իր իրավունքների վերաբերյալ պարզաբանում ստա¬նալով, հայտնեց, որ հաշտվել է ամբաստանյալ Ռոբերտ Սիմոնյանի հետ, նրա դեմ բողոք և պա¬հանջ չունի, չի ցանկանում, որ վերջինս ենթարկվի քրեական պատասխա¬նատ¬վության։
Ամբաստանյալ Ռոբերտ Սիմոնյանը հաստատեց, որ հաշտվել է տուժողի հետ և չի առար¬կում, որ իր նկատմամբ հարուցված քրեական հետապնդումը դադարեցվի ոչ արդարացնող այդ հիմքով։
Գործով մեղադրող Մամիկոն Գեղամյանը չառարկեց քրեական գործի վարույթը կարճելու և ամբաստանյալ Ռոբերտ Սիմոնյանի նկատ¬մամբ քրեական հետապնդումը դադա¬րեց¬նելու դեմ։
Դատարանը, հաշվի առնելով տուժողի և ամբաստանյալի վե¬րոնշյալ դիր¬քո¬րոշումները, գտնում է, որ ի հայտ է եկել քրեական գործի վարույթը բացառող հանգամանք (հիմք), որի պայմաններում քրեական գործի վարույթն ենթակա է կարճման, իսկ ամբաստանյալ Ռոբերտ Սիմոնյանի նկատմամբ հարուցված քրեա¬կան հետապնդումը` դադա¬րեցման, որպիսի հետևության հանգում է հետևյալ իրա¬վական վերլու¬ծութ¬յունների արդյունքներով.
ՀՀ քրեական դատավարական օրենսգրքի 33-րդ հոդվածի համաձայն` մասնավոր մե¬ղադ¬րան¬¬¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծութ¬յուն¬¬ների վերաբերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի …..(…) 118-րդ հոդվածով նախատեսված հանցագործությունների վերա¬բեր¬յալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի, մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է մինչև դատավճիռ կայացնելու համար դատարանի խորհրդակ¬ցա¬կան սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում տուժողը հաշտվել է կասկածյալի կամ մեղադրյալի հետ։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանք¬ներ, լուծում է ամբաստանյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։
ՀՀ քրեական դատավարական օրենսգրքի 64-րդ հոդվածի 2-րդ մասի համաձայն` մե¬ղադրյալը, ում վերաբերյալ գործը նշանակված է դատական քննության, կոչվում է ամբաստանյալ, հետևաբար` ՀՀ քրեական դատավարական օրենսգրքի 35-րդ և 36-րդ հոդվածների վերոնշյալ մեկ¬նաբանությունները վերաբերելի են նաև սույն գործով ամբաստանյալի կարգավիճակ ունեցող Ռոբերտ Սիմոնյանի նկատմամբ։
ՀՀ քրեական դատավարական օրենսգրքի 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոց¬ները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում` իրեղեն ապացույցների ճակատագրի վերաբերյալ։ Տվյալ հարցին անդրադառնալով` Դատարանն արձանագրում է, որ քրեական գործով իրեղեն ապացույցներ չկան, գործով ամբաս¬տանյալի գույքի վրա արգելանք կիրառելու որոշում չի կայացվել։
ՀՀ քրեական դատավարական օրենսգրքի 151-րդ հոդվածի 2-րդ մասի համաձայն` խա¬փան¬¬ման միջոցը վերացվում է, երբ վերանում է դրա անհրաժեշտությունը։ Դատարանը փաստում է, որ քրեական գործի վարույթը կարճելու պարագայում ամբաստանյալ Ռոբերտ Սիմոնյանի նկատմամբ ընտրված խափան¬ման միջոց չհեռանալու մասին ստորագրությունն ենթակա է անհապաղ վերացման։
Վերոգրյալի հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետով, 41-րդ հոդվածի 2-րդ մասի 8-րդ կետով, 183-րդ, 294-րդ և 313-րդ հոդվածներով, ինչպես նաև 379-րդ հոդվածի 1-ին մասի 1-ին կետով, Դատարանը

Ո Ր Ո Շ Ե Ց `

1. Ռոբերտ Սամվելի Սիմոնյանի նկատմամբ ՀՀ քրեական օրենսգրքի 118-րդ հոդվածով հա¬րուցված քրեա¬կան հետապնդումը դադարեցնել, ԵԿԴ/0222/01/15 քրեական գործի վա¬րույթը կարճել` վերջինիս և տուժող Ռոզա Սիմոնյանի հաշտութ¬յան հիմ¬քով։
2. Ռոբերտ Սիմոնյանի նկատմամբ որպես խափանման միջոց ընտրված չհեռա¬նալու մասին ստորագրությունն անհապաղ վերացնել։
3. Սույն որոշման օրինակներն հանձնել կողմերին` պարզաբանելով, որ այն կարող է բողո¬քարկ¬վել ՀՀ վերաքննիչ քրեական դատարան` ստացման պահից մեկամսյա ժամ¬կետում։


ԴԱՏԱՎՈՐ` Ա.ՎԱՐԴԱՆՅԱՆ