Գործ ԵԿԴ/0220/01/15

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան)`

նախագահությամբ դատավոր` Արշակ Վարդանյանի«
քարտուղարությամբ` Գևորգ Պողոսյանի«
մասնակցությամբ`

մեղադրող« Երևանի Կենտրոն և
Նորք-Մարաշ վարչական շրջանների
դատախազության դատախազ` Նարեկ Խաչատրյանի«

պաշտպաններ` Սիրանուշ Հարությունյանի (Թ.Սարգսյան),
Արմեն Խաչատրյանի (Վ.Համբարձումյան),


2015թ. հոկտեմբերի 27-ին նույն Դատարանում` դռնբաց դատական նիստում« արա¬գաց¬ված դա¬տա¬կան քննության կարգով քննեց և ավարտեց քրեական գործն ըստ մե¬ղադ¬րանքի`
1. Վարդան Սամվելի Համբարձումյանի` (ծնված 1971թ. սեպտեմբերի 29-ին« Կոտայքի մարզի Հրազդան քաղաքում« ազ¬¬¬գութ¬յամբ հայ« ՀՀ քաղաքացի« բարձրագույն կրթությամբ, ամուսնացած, չի աշխատում« սույն քրեական գործով մեղսագրված արարքը կատարելու պահին` չդա¬տա¬¬պարտ¬ված« հաշվառ¬ված է Կոտայքի մարզի Հրազդան քաղաքի Շինարարների նրբանցքի 6-րդ տանը, փաստացի բնակվում է Երևանի Սարյան 27-րդ շենքի 33-րդ բնակարանում« մեղսագրվում է ՀՀ քրեական օրենսգրքի 325-րդ հոդվածի 1-ին մասով նախատեսված հանցավոր արարքի կատարում, որպես խափանման միջոց է ընտրվել չհեռանալու մասին ստորագրություն) և
2. Թամարա Լյովայի Սարգսյանի` (ծնված 1980թ. օգոստոսի 7-ին« Արագածոտնի մարզի Կոշ գյուղում« ազ¬¬¬գութ¬յամբ հայուհի« ՀՀ քաղաքացի« բարձրագույն կրթությամբ, ամուսնալուծված, խնամքին` 10 տարեկան երեխան, աշխատում է «Աէրոմիքս տուր» ՍՊ ընկերությունում` որպես տնօրեն« նախկինում չդատապարտված, հաշվառ¬ված և բնակվում է Երևանի Ազատության պողոտայի նրբանցքի 5-րդ շենքի 62-րդ բնակարանում, մեղսագրվում է ՀՀ քրեական օրենսգրքի 325-րդ հոդվածի 1-ին մասով նախա¬տեսված հանցավոր արարքի կատարում, որպես խափանման միջոց է ընտրվել չհեռանալու մասին ստորագրություն)։

1. Գործի դատավարական նախապատմությունը.
Թիվ 13121114 քրեական գործն հարուցվել է 2015թ. փետրվարի 25-ին ՀՀ քրեական օրենսգրքի 325-րդ հոդվածի 1-ին մասի հատկանիշներով ՀՀ ոստիկանության քննչական գլխավոր վարչության Կենտրոնականի քննչական բաժնում (ներկայիս` ՀՀ քննչական կոմիտեի Երևան քաղաքի քննչա¬կան վարչության Կենտրոն և Նորք-Մարաշ վարչական շրջանների քննչական բաժին)։
2015թ. մարտի 31-ին նախաքննության մարմինը Վարդան Համբարձումյանի նկատմամբ որ¬պես խափանման միջոց է ընտրել չհե¬ռանալու մասին ստորագրութ¬յուն։
2015թ. ապրիլի 3-ին նախաքննական մարմինը Վարդան Համբարձումյանին մե¬ղադրանք է առաջադրել ՀՀ քրեական օրենսգրքի 325-րդ հոդվածի 1-ին մասով։
2015թ. ապրիլի 28-ին նախաքննական մարմինը որոշում է կայացրել թիվ 13121114 քրեական գործից Հրաչիկ Ստեփանի Աբգարյանի վերաբերյալ մաս անջատելու և նախաքննությունը թիվ 13121114/1 համարով շարունակելու մասին։
2015թ. հունիսի 25-ին որոշում է կայացվել թիվ 13121114 քրեական գործի նյութերով անհայտ անձի կողմից Վարդան Համբարձումյանին իրացնելու նպատակով իրավունք վերապահող պաշտո¬նական փաստաթղթեր կեղծելու, օգտագործելու և իրացնելու նպատակով կեղծ կնիք պատրաստելու դեպքի առթիվ ՀՀ քրեական օրենսգրքի 325-րդ հոդվածի 1-ին մասով թիվ 15120015 քրեական գործ հարուցելու և առանձին վարույթում առանձնացնելու մասին։
2015թ. օգոստոսի 29-ին որոշում է կայացվել Վարդան Համբարձումյանին առաջադրված մեղադրանքը փոփոխելու և նրան ՀՀ քրեական օրենսգրքի 325-րդ հոդվածի 1-ին մասով նոր մեղադրանք առաջադրելու մասին։
2015թ. օգոստոսի 31-ին Թամարա Սարգսյանին մեղադրանք է առաջադրվել ՀՀ քրեական օրենսգրքի 325-րդ հոդվածի 1-ին մասով, նույն օրը նրա նկատմամբ որպես խափանման միջոց է ընտրվել չհեռանալու մասին ստորագրությունը։
2015թ. սեպտեմբերի 9-ին քրեական գործը Վարդան Սամվելի Համբարձումյանի նկատմամբ ՀՀ քրեա¬կան օրենսգրքի 325-րդ հոդվածի 1-ին մասով և Թամարա Լյովայի Սարգսյանի նկատմամբ ՀՀ քրեա¬կան օրենսգրքի 325-րդ հոդվածի 1-ին մասով հաստատված մեղադրական եզրա¬կա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարան, 2015թ. սեպտեմբերի 11-ին ընդունվել վարույթ, ապա նշանակվել դատական քննության։

2. Առաջադրված մեղադրանքի բովանդակությունը.
Նախաքննական մարմինը գործով ամբաստանյալ Վարդան Համբարձումյանին ՀՀ քրեա¬կան օրենսգրքի 325-րդ հոդվածի 1-ին մասով նախատեսված հանցագործության հատկանիշ¬ներով մե¬ղադրանք է առաջադրել այն բանի համար, որ նա «Երևան քաղաքի Տպագրիչների փողոցում գործունեություն իրականացրած «Աէրոմիքս տուր» տուրիստական գործակալությունում տնօրեն Թամարա Սարգսյանի միջոցով ծանոթանալով Հրաչիկ Աբգարյանի հետ և տեղեկանալով վերջինիս՝ Շենգենյան տարածքի մուտքի արտոնագիր (վիզա) ստանալու համար բանկային փաստաթղթերի անհրաժեշտության մասին, 2014թ. հունվար ամսվա վերջին, քննությամբ չպարզված անձից ձեռք է բերել և Հրաչիկ Աբգարյանի կողմից օգտագործելու նպատակով նույն ժամանակահատվածում հիշյալ գործակալությունում Թ.Սարգսյանին է իրացրել իրավունք վերապահող պաշտոնական կեղծ փաս¬տաթղթեր հանդիսացող՝ «Էյչ-Էս-Բի-Սի Բանկ Հայաստան» ՓԲԸ-ի «Երևան» մասնաճյուղի կնիքով կնքված բանկային հաշվի վերաբերյալ տեղեկանք առ այն, որ Հ.Աբգարյանը բանկում ունի խնայո¬ղական հաշիվ, որի հաշվեկշիռը կազմում է 3.800 (երեք հազար ութ հարյուր) Եվրո, «Էյչ-Էս-Բի-Սի Բանկ Հայաստան» ՓԲԸ-ի «Երևան» մասնաճյուղի կնիքով կնքված բանկային հաշվի վերաբերյալ տեղեկանք Ալիկ Աբգարյանի անվամբ, այն մասին, որ նա բանկում ունի խնայողական հաշիվ, որի հաշվեկշիռը կազմում է 5.700 (հինգ հազար յոթ հարյուր) եվրո, ինչպես նաև Ա. Աբգարյանի հաշվի միջոցով կատարված գործարքների պատմության քաղվածք»։
Նախաքննական մարմինը գործով ամբաստանյալ Թամարա Սարգսյանին ՀՀ քրեա¬կան օրենսգրքի 325-րդ հոդվածի 1-ին մասով նախատեսված հանցագործության հատկանիշ¬ներով մե¬ղադրանք է առաջադրել այն բանի համար, որ նա «հանդիսանալով Երևան քաղաքի Տպագրիչների փողոցում գործունեություն իրականացրած «Աէրոմիքս տուր» տուրիստական գործակալության տնօրենը, 2014թ. հունվար ամսվա վերջին տեղեկանալով իր ծանոթ Հրաչիկ Աբգարյանի` Շենգենյան տա¬րածքի մուտքի արտոնագիր (վիզա) ստանալու համար բանկային փաստաթղթերի անհրա¬ժեշտության մասին, նույն ժամանակահատվածում, վերջինիս կողմից օգտագործելու նպատակով, իր ծանոթ Վարդան Սամվելի Համբարձումյանից ձեռք է բերել և Երևան քաղաքի Չարենցի 29 հասցեում գտնվող՝ Հայաստանի Հանրապետությունում Գերմանիայի Դաշնային Հանրապետության դեսպա¬նության մոտ Հ.Աբգարյանին է իրացրել իրավունք վերապահող պաշտոնական կեղծ փաստաթղթեր հանդիսացող՝ «Էյչ-Էս-Բի-Սի Բանկ Հայաստան» ՓԲԸ-ի «Երևան» մասնաճյուղի կնիքով կնքված բանկային հաշվի վերաբերյալ տեղեկանք առ այն, որ Հ.Աբգարյանը բանկում ունի խնայողական հա¬շիվ, որի հաշվեկշիռը կազմում է 3.800 (երեք հազար ութ հարյուր) Եվրո, «Էյչ-Էս-Բի-Սի Բանկ Հայաստան» ՓԲԸ-ի «Երևան» մասնաճյուղի կնիքով կնքված բանկային հաշվի վերաբերյալ տեղեկանք Ալիկ Աբգարյանի անվամբ, այն մասին, որ նա բանկում ունի խնայողական հաշիվ, որի հաշվեկշիռը կազմում է 5.700 (հինգ հազար յոթ հարյուր) եվրո, ինչպես նաև Ա.Աբգարյանի հաշվի միջոցով կա¬տարված գործարքների պատմության քաղվածք»։

3. Արագացված դատական քննություն.
Մինչ դատաքննություն սկսելն ամբաստանյալներ Վարդան Համբարձումյանը և Թամարա Սարգսյանը միջնորդեցին գործը քննել դա¬տա¬կան քննության արագացված կարգով` հայտարարելով« որ վերը նշված միջ¬նոր¬¬դութ¬¬յունը ներկա¬յացնում են կամավոր` նախա¬պես խորհրդակցելով իրենց պաշտպանների հետ« գիտակ¬ցում են արա¬գացված կարգով դատաքննութ¬յուն անցկացնելու իրավական հետևանք¬ները։ Ամ¬բաս¬¬¬տան¬յալները նաև հայտարարեցին« որ յուրաքանչյուրին առաջադրված մե¬ղադրանքն իրենց պարզ և հասկանալի է« հա¬¬մա¬ձայն են դրա հետ« ավելին` առա¬ջադրված մեղադրան¬ք¬ներում իրենց լիովին մեղավոր են ճանա¬չում։
Քննության առնելով ամբաստանյալներ Վարդան Համբարձումյանի և Թամարա Սարգսյանի վերոնշյալ միջնոր¬դութ¬յունը« հաշվի առ¬նելով այն, որ մեղադրողը, փոխելով սկզբնական դիրքորոշումը, Դատարանում չառար¬կեց գործն արա¬գաց¬ված դա¬տաքննութ¬յան կարգով քննելու դեմ, նկատի ունե¬նալով« որ ամ¬բաս¬տանյալները չա¬փահաս են« մեղ¬սու¬նակ« փաստելով« որ առկա են ՀՀ քրեական դատա¬վա¬րության օրենսգրքի 375.1 և 375.2 հոդված¬ներով նախա¬տեսված` գործն արագացված դա¬տաքննութ¬յան կարգով քննելու հիմ¬քն ու բոլոր պայ¬ման¬ները` Դա¬տա¬¬րա¬նը« համապա¬տաս¬¬խան որոշ¬ման կայաց¬մամբ« գործը քննեց արա¬գաց¬ված դա¬տաքննության կար¬գով։

4. Դատարանի իրավական վերլուծությունները.
ՀՀ քրեական օրենսգրքի 325-րդ հոդվածի 1-ին մասով Վարդան Համբարձումյանին և Թամարա Սարգսյանին առա¬ջադրված մեղադրանքները Դատարանը հաստատված համարեց` գործով ամբաս¬տանյալ Վարդան Համբարձումյանի խոստո¬վա¬նա¬կան ցուց¬մունք¬¬ներով, վկաներ Հրաչիկ, Ալիկ և Տիգրան Աբգարյանների նախաքննական ցուցմունքներով, հեռախոսազանգերի վերծանումները զննելու մասին 2015թ. ապրիլի 27-ին կազմված արձանագրություններով, որպես ապացույց ճանաչված փաստաթղթերի` հեռախոսազանգերի վերծանումներ պարունակող լազերային սկավառակների, ՀՀ-ում Գերմանիայի Դաշնային Հանրապետության դեսպանության տրամադրած 2015թ. մարտի 31-ի թվագրմամբ գրության, «Էյչ-Էս-Բի-Սի Բանկ Հայաստան» ՓԲ ընկերության 2014թ. փետրվարի 6-ի թղթային կրիչի, Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի` թիվ ԵԿԴ/0121/01/15 քրեական գործով Հրաչիկ Աբգարյանի վերաբերյալ 2015թ. մայիսի 29-ին կայացված դատավճռի առկայությամբ, իրեղեն ապա¬ցույց ճանաչված և գոր¬ծին կցված` 2014թ. հունվարի 30-ի թվագրմամբ Հրաչիկ Աբգարյանի անվամբ տրված «Էյչ-Էս-Բ-Սի Բանկ Հայաստան» ՓԲ ընկերության «Երևան» մասնաճյուղի կնիքով հաստատված բանկային հաշվի վերաբերյալ տեղեկանքի, ինչպես նաև Ալիկ Աբգարյանի անվամբ տրված բանկային հաշվի տեղեկանքը և այդ հաշվի շարժի վերաբերյալ քաղ¬վածքի առկայութ¬յամբ։
Նախաքննությամբ ձեռք բերված վերոնշյալ ապացույցները գնահատելիս` Դատարա¬նը հան¬գում է այն հետևության« որ ամբաստանյալներ Վարդան Համբարձումյանին և Թամարա Սարգսյանին առա¬ջադրված մեղադ¬րանքների հիմ¬քում դրված այդ ապա¬ցույցներն ըստ էության հա¬մա¬պա¬տաս¬խանում են ՀՀ քրեա¬կան դատա¬վա¬րութ¬¬յան օրենսգրքով սահմանված թույլատրելիության և վերա¬բերե¬լիության« իսկ համակ¬¬ցութ¬¬¬յամբ գործի ճիշտ լուծման տեսանկյու¬նով` բավարա¬րութ¬յան չափա¬նիշներին։
Դատարանը հաստատված է համարում այն, որ ամբաստանյալ Վարդան Համբարձումյանը և Թամարա Սարգսյանն իրենց մեղսագրվող արարքները` այլ անձի կողմից օգտագործելու նպատակով իրավունք վերապահող կեղծ փաստաթղթեր իրացնելը, կատարել են մեղավո¬րութ¬յամբ, այն ՀՀ քրեական օրենսգրքի 325-րդ հոդ¬վածի 1-ին մա¬սով որակված է ճիշտ, վերջիններս քրեական պատաս¬խա¬նատ¬վության ու պատժի ենթակա են այդ հոդվածի համապատասխան մա¬սով։
Ամբաստանյալներ Վարդան Համբարձումյանի և Թամարա Սարգսյանի նկատմամբ նշանակվող պատժի տեսակը և չափը որոշելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերա¬կանգ¬¬նել սոցիալական արդարությունը« ուղղել պատժի ենթարկված անձին« ինչպես նաև կանխել հան¬ցա¬¬գոր¬ծությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատա¬րած անձի նկատ¬մամբ կիրառվող պատիժը և քրեաիրավական ներ¬գոր¬ծութ¬յան այլ միջոց¬ները պետք է լինեն արդարացի« համապա¬տասխանեն հանցանքի ծան¬րությանը« այն կա¬տա¬րելու հան¬գա¬մանք¬ներին« հան¬ցավորի անձնա¬¬վորությանը« անհրա¬ժեշտ և բավարար լինեն նրան ուղղելու և նոր հանցա¬գոր¬ծությունները կան¬խելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է« որ հանցա¬գոր¬ծութ¬յան համար մեղավոր ճանաչված անձի նկատմամբ նշանակվում է արդարացի պատիժ« իսկ նույն հոդ¬վածի 2-րդ մասի համաձայն՝ պատժի տեսակը և չափը որոշվում են հանցա¬գործության՝ հան¬րության համար վտան¬գա¬վո¬րության աստիճանով և բնույթով« հանցավորի անձը բնու¬թագրող տվյալներով« այդ թվում՝ պատաս¬խա¬նատ¬վությունը և պատիժը մեղմաց¬նող և/կամ ծանրացնող հան¬գա¬մանքներով։ Նույն հոդվածի 3-րդ մասի համաձայն` հանցագործության համար նա¬խա¬տեսված պատիժներից առա¬¬վել խիստը նշանակ¬վում է« եթե նվազ խիստ տեսակը չի կարող ապահովել պատժի նպա¬տակ¬ները։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վա¬րա¬կան օրենսգրքի 8-րդ հոդվածի համաձայն՝ որոշակի փաստական հանգա¬մանք¬ներ ունե¬ցող գոր¬ծով ՀՀ Վճռաբեկ դատարանի կամ Մարդու իրավունքների եվրոպա¬կան դատա¬րա¬նի դատական ակ¬տի հիմնա¬վո¬րումները« այդ թվում՝ օրենքի մեկնաբա¬նութ¬յուն¬ները« պարտադիր են դատարանի հա¬մար նույնանման փաստական հանգամանք¬ներով գործի քննության ժամա¬նակ։
ՀՀ Վճռաբեկ դատարանը Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկտեմ¬բերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մասով նախատեսված նորմը« նշել է« որ այն Դատարանին օժտել է անձի պատասխա¬նատ¬վությունը մեղմաց¬նող հանգամանքների կիրառման լայն հայեցողությամբ« քանի որ պա¬տիժ նշանակելիս Դատարանը կարող է հաշվի առնել նաև մեղմացնող այնպիսի հանգա¬մանք¬ներ« որոնք նույն հոդվածի առաջին մասում նշված չեն։
Դատարանը որպես ամբաստանյալ Վարդան Համբարձումյանի անձը դրականորեն բնու¬թագրող տվյալ է գնա¬հա¬տում` սույն գործով վերագրված արարքը կատարելու պահին դատապարտված չլինելը (ըստ ՀՀ ոստիկանության ինֆոր¬մացիոն կենտրոն 2015թ. ապրիլի 1-ին կատարված հարցման արդյունք¬ների)« ամուսնացած լինելը և խնամքին անչափահաս դստեր` 1999թ. ապրիլի 8-ին ծնված Իրինա Վարդանի Համբարձումյանի առկայությունը (համաձայն 2014թ. հունիսի 26-ին տրված AP սերիայի 0245687 համարի անձնագրի պատճենի), իսկ որպես պա¬տասխա¬նատվութ¬յունը և պատիժը մեղ¬մաց¬նող հանգամանքներ` անկեղծորեն զղջալն ու իրեն լիովին մեղավոր ճանաչելը։
Դատարանը որպես ամբաստանյալ Թամարա Սարգսյանի անձը դրականորեն բնու¬թագրող տվյալ է գնա¬հա¬տում` նախկինում դատապարտված չլինելը (ըստ ՀՀ ոստիկանության ինֆոր¬մացիոն կենտրոն 2015թ. սեպտեմբերի 3-ին կատարված հարցման արդյունքների)« իսկ որպես պա¬տասխանատվութ¬յունը և պատիժը մեղ¬մաց¬նող հանգամանքներ` խնամքին մինչև 14 տարեկան դստեր` 2005թ. օգոստոսի 22-ին ծնված Անուշ Արմենի Սարգսյանի առկայությունը (համաձայն 2014թ. դեկտեմբերի 20-ին տրված վ AP սերիայի 0310961 համարի անձնագրի պատճենի), անկեղծորեն զղջալն ու իրեն լիովին մեղավոր ճանա¬չելը։
Վերոնշյալ տվյալներն ու հանգա¬մանքներ¬ը հաստատվել են քրեական գործի նյութերում առկա փաս¬¬տա¬կան տվյալ¬¬ներով« իրական են« նվազեցնում են ամբաս¬տանյալներ Վարդան Համբարձումյանի և Թամարա Սարգսյանի անձի հան¬րային վտան¬¬գա¬վո¬րութ¬յունը։
Դատարանը ամբաստանյալներ Վարդան Համբարձումյանի և Թամարա Սարգսյանի պատաս¬խանատվությունն ու պա¬տիժը ծանրացնող հան¬գա¬մանք¬ներ չարձանագրեց։
Պատժի նպատակներն ապահովելու տեսանկյու¬նով անդրադառնալով ամբաս¬տանյալներ Վար¬դան Համբարձումյանի և Թամարա Սարգսյանի նկատմամբ նշանակվող պատժի տե¬սակի ընտրության խնդրին` Դա¬տա¬¬րանը փաս¬¬տում է, որ ՀՀ քրեա¬կան օրենսգրքի 325-րդ հոդվածի 1-ին մասով սահման¬ված հան¬ցա¬կազմի պատ¬ժամասն այլընտ¬րան¬քային է, նախա¬տեսում է պատժատե¬սակ¬ներ տու¬գանքի կամ որոշակի ժամկետով ազատազրկման ձևով, հետևա¬բար` սույն գործով քննարկման են¬թակա են՝ նշանակվող պատ¬ժատեսակի ընտ¬րության, պատ¬ժա¬չափի, այդ թվում՝ տվյալ հոդվածով նախա¬տեսված պատժի նվազագույն չափից ավելի մեղմ պա¬տիժ կամ ավելի մեղմ պատժա¬տեսակ նշա¬նակելու (ՀՀ քրեական օրենսգրքի 64-րդ հոդվածի կիրա¬ռում), պատիժը ռեալ կրե¬լու կամ չկրելու (ՀՀ քրեական օրենսգրքի 70-րդ հոդվածի կիրառում) հար¬ցե¬րը։
Հաշվի առնելով ամբաստանյալներ Թամարա Սարգսյանին և Վարդան Համբարձումյանին վերագրվող հանցագործության բնույթն ու վտանգա¬վորության աստիճանը (ոչ մեծ ծանրության հանցագոր¬ծութ¬յուն է), նրանց անձը դրականորեն բնութագրող տվյալները, պատաս¬խա¬նատվությունն ու պատիժը մեղմացնող հանգամանքները, պատասխանատ¬վությունն ու պա¬տիժը ծանրացնող հանգա¬մանքնե¬րի, ինչպես նաև տվյալ հոդվածով նախա¬տեսված պատժի նվազագույն չափից ավելի մեղմ պատիժ նշա¬նակելու (ՀՀ քրեական օրենսգրքի 64-րդ հոդվածի կիրառում) հիմքերի բացակայությունը, ղեկա¬վարվելով ՀՀ քրեական օրենսգրքի 61-րդ հոդվածի 3-րդ մասի պա¬հանջով՝ Դատարանը գտնում է, որ ամբաստանյալների նկատմամբ ՀՀ քրեական օրենսգրքի 325-րդ հոդվածով նախատեսված այլընտրանքային պատ¬ժատե¬սակներից առավել խստի` ազա¬տազրկման նշանակումը նպատակահար¬մար չէ, ողջամտորեն չի ծառայի պատժի նպա¬տակ¬ներին։ Դատարանի համոզմամբ ամբաստանյալների նկատմամբ անհրա¬¬ժեշտ է նշա¬նակել տվյալ հոդվածի սանկցիայով նախա¬տեսված նվազ խիստ պատժա¬տեսակը` տուգանքը, այդ պատիժն է արդա¬րացի ու միա¬ժա¬¬մանակ անհրաժեշտ ամ¬բաս¬¬տան¬յալներին ուղղելու և հնարա¬վոր նոր հանցա¬գոր¬ծութ¬յունները կան¬խելու, սոցիա¬լական արդա¬րությունը վերա¬կանգ¬նելու հա¬մար։
Դատաքննության ընթացքում ուսումնասիրված ապացույցներով` դատվածության վերաբերյալ տեղե¬կանքով, դատավճռով, ինչպես նաև ՀՀ ԱՆ քրեակատարողական վարչության այլընտրանքային պատիժների կատարման բաժին պետ Լ.Ավետիսյանի 2015թ. սեպտեմբերի 22-ի թիվ Ե 40/16-Ա-202 նամակով պարզ¬վեց, որ սույն գործով ամբաստանյալ Վարդան Համբար¬ձումյանը դեռևս 2015թ. փետրվա¬րի 10-ին ԵԿԴ/0166/01/13 քրեական գործով Երևան քաղաքի Կենտրոն և Նորք-Մարաշ վարչա¬կան շրջանների ընդհանուր իրավասության դատարանի դատավճռով ՀՀ քրեական օրենսգրքի 178-րդ հոդ¬վածի 2-րդ մասի 2-րդ կետով դատապարտվել է 700.000 ՀՀ դրամ տուգանքի, որից վճարել է ընդա¬մենը 40.000 ՀՀ դրամը։ Պարզվեց նաև, որ նույն վարչական շրջանների դատարանի 2014թ. ապրիլի 10-ի որոշմամբ 660.000 ՀՀ դրամ չվճարված տուգանքի վճարումը հետաձգվել է մինչև 2015թ. ապրիլի 10-ը, որի ժամկետը սույն դատական ակտը կայացնելու պահին լրացել է։
Դատարանը փաստում է, որ Վարդան Համբարձումյանը սույն գործով նրան վերագրվող հանցավոր արարք¬ը կատարել է 2014թ. հունվար ամսվա վերջին, այսինքն՝ մինչև ԵԿԴ/0166/01/13 գործով Երևանի Կենտրոն և Նորք-Մարաշ վարչական շրջանների ընդհանուր իրավասության դատա¬րանի կողմից նրա նկատմամբ 2014թ. փետրվարի 10-ին դա¬տավճիռ կայացնելը։
Նկատի ունենալով, որ գործով ամբաստանյալ Վարդան Համբարձումյանը սույն քրեական գործով մեղսագրված արարքը կատարել է նախքան նախորդ գործով դատապարտվելը՝ Դատարանը փաստում է, որ նրա նկատմամբ վերջնական պատիժը պետք է նշանակվի ՀՀ քրեական օրենսգրքի 66-րդ հոդվածի 6-րդ մասի կիրառմամբ՝ հանցագործությունների համակցությամբ` սույն դատավճռով նշա¬նակված պատժին լրիվ կամ մասնակի գումարելով առաջին դատավճռով Վարդան Համբարձումյանի նկատ¬մամբ նշանակված և չկրած (չվճարված) 660.000 ՀՀ դրամ տուգանքը։ Դատա¬րանը փաստում է, որ տվյալ իրավիճակում սույն գործով նրան վերագրված արարքը կատարելիս գործով ամբաստանյալ Վ.Համբարձումյանը դատապարտված չէր, հետևաբար` դատվա¬ծության հանգամանքով պայմանավոր¬ված քրեաիրավական հետևանքները նրա վրա չեն կարող տարած¬վել։ Դատարանը նաև փաստում է, որ գործով ամբաստանյալ Վ.Համբարձումյանը առաջին դատավճռով տուգանքի է դա¬տապարտվել միջին ծանրության հանցանք կատարելու համար, հետևաբար` սույն գործով մեղսագրված ոչ մեծ ծանրության հանցանքի կատարման համար սույն դատավճռով ազատազրկման դատապար¬տելը պատժի նպա¬տակ¬ներն ապահովելու համատեքստում ևս նպատակահարմար չէ։
Ամբաստանյալներ Վարդան Համբարձումյանի և Թամարա Սարգսյանի նկատմամբ որպես խա¬¬¬փանման միջոց ընտրված չհե¬ռա¬նալու մասին ստորագրության հարցը քննարկելիս` Դատա¬րանը գտնում է« որ այն անհրա¬ժեշտ է թողնել անփոփոխ`մինչև սույն դատավճիռն օրի¬նական ուժի մեջ մտնելը։
ՀՀ քրեական դատավարական օրենսգրքի 360-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ նաև իրեղեն ապացույց¬ների« դատական ծախ¬սե¬րի« գույքի նկատմամբ կիրառված (կիրառվելիք) արգելանքի« քաղա¬¬քա¬ցիական հայցի հարցերին« սակայն Դատարանը« պարզելով« որ սույն քրեական գործով ամբաստանյալների գույքի վրա արգելանք չի կիրառվել« նրանց դեմ քաղաքացիական հայց չի ներ¬կայացվել, սահմա¬նա¬փակվում է այդ փաստի արձանագրմամբ։
ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով թվարկված դատական ծախսերը« ՀՀ քրեական դատավարական օրենսգրքի 375.3 հոդվածի 8-րդ մասի համա¬ձայն« ամ¬բաստանյալներ Թամարա Սարգսյանից և Վարդան Համբարձումյանից բռնա¬գա¬նձ¬ման ենթակա չեն« հետևաբար` Դատարանն այդ հարցը ևս համարում է լուծված։
Անդրադառնալով իրեղեն ապացույցի տնօրինման հարցին` Դատարանը գտնում է, որ իրեղեն ապացույց ճանաչված և գործին կցված փաստաթղթերը` քաղ. Հրաչիկ Աբգարյանի անվամբ տրված բանկային հաշվի վերաբերյալ տեղեկանքը, ինչպես նաև քաղ. Ալիկ Աբգարյանի անվամբ տրված բանկային հաշվի տեղեկանքը և այդ հաշվի շարժի վերաբերյալ քաղվածքը, պետք է պահել քրեական գործում` սույն դատավճիռն օրինական ուժի մեջ մտնելուց հետո։
Գնահատելով և ամփոփելով մեղադրանքի հիմքում դրված ապացույցները, ղեկա¬վարվելով ՀՀ քրեական դատավարա¬կան օրենսգրքի 119-րդ, 357-360-րդ, 364-365-րդ, 369-373-րդ, ինչպես նաև 375.1-375.4-րդ հոդ¬ված¬ներով, Դատա¬րանը

Վ Ճ Ռ Ե Ց՝

1. Վարդան Սամվելի Համբարձումյանին ճանաչել մեղավոր ՀՀ քրեական օրենսգրքի 325-րդ հոդ¬վածի 1-ին մասով նախատեսված հանցա¬գործության կատարման մեջ, նրա նկատմամբ նշա¬նակել պատիժ` տու¬գանք` նվազագույն աշխատավարձի երեքհարյուրապատիկի` 300.000 (երեք հարյուր հազար) ՀՀ դրամի չափով։
ՀՀ քրեական օրենսգրքի 66-րդ հոդվածի 6-րդ մասի կիրառմամբ սույն դատավճռով նշանակված պատ¬ժին մասնակիորեն գումարելով ՀՀ քրեական օրենսգրքի 178-րդ հոդվածի 2-րդ մասի 2-րդ կետով նախատեսված հան¬ցագործության կատարման համար Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2014թ. փետրվարի 10-ի դատավճռով նշանակված և չկրած 660.000 ՀՀ դրամ տու¬գանքից 600.000 ՀՀ դրամը` Վարդան Սամվելի Համ¬բարձումյանի նկատմամբ որպես վերջ¬նական պատիժ նշա¬նակել տուգանք` նվա¬զագույն աշխա¬տավարձի իննհարյուրապատիկի` 900.000 (ինը հարյուր հազար) ՀՀ դրամի չափով։
Վարդան Համբարձումյանի նկատմամբ որպես խափանման միջոց ընտրված չհե¬ռանալու մա¬սին ստո¬րագրությունը թողնել անփոփոխ` մինչև սույն դատավճիռն օրի¬նական ուժի մեջ մտնելը։

2. Թամարա Լյովայի Սարգսյանին ճանաչել մեղավոր ՀՀ քրեական օրենսգրքի 325-րդ հոդ¬վածի 1-ին մասով նախատեսված հանցա¬գործության կատարման մեջ, նրա նկատմամբ նշա¬նակել պատիժ` տու¬գանք` նվազագույն աշխատավարձի երկուհարյուրապատիկի` 200.000 (երկու հարյուր հազար) ՀՀ դրամի չափով։
Թամարա Սարգսյանի նկատմամբ որպես խափանման միջոց ընտրված չհե¬ռանալու մա¬սին ստո¬րագրությունը թողնել անփոփոխ` մինչև սույն դատավճիռն օրի¬նական ուժի մեջ մտնելը։
Իրեղեն ապացույց ճանաչված և գործին կցված փաստաթղթերը` Հրաչիկ Աբգարյանի անվամբ տրված բանկային հաշվի վերաբերյալ տեղեկանքը, ինչպես նաև Ալիկ Աբգարյանի անվամբ տրված բանկային հաշվի տեղեկանքը և այդ հաշվի շարժի վերաբերյալ քաղվածքը, պահել քրեական գործում` սույն դատավճիռն օրինական ուժի մեջ մտնելուց հետո։
Դատական ծախսերի հարցն համարել լուծված` գործն արագացված դատական քննութ¬յան կար¬գով քննելու հիմքով։
Դատավճիռը հրապարակման օրվանից մե¬կամսյա ժամկետում կարող է բողո¬քարկվել ՀՀ վե¬րաքննիչ քրեական դատարան` բացառությամբ գործի փաստական հանգա¬մանք¬ների վերա¬բերյալ Դա¬տարանի հետևությունների։



ԴԱՏԱՎՈՐ՝ Ա.ՎԱՐԴԱՆՅԱՆ