Գործ
ԵԿԴ/0200/01/15

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

,,06,, մայիսի 2016թ. ք.Երևան
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը
/այսուհետև` դատարան/

Նախագահությամբ դատավոր Մ. Մակյանի
Քարտուղարությամբ Թ. Խաչատրյանի
Ա.Շուխյանի
Գ.Ավդալյանի
Մասնակցությամբ՝
Մեղադրող Վ.Պողոսյանի
Տուժողի ներկայացուցիչ Մ.Արոյանի
Պաշտպան Վ.Զուռնաչյանի
Թարգմանիչ Ջ.Թամարյանի

դռնբաց դատական նիստերում, քննեց քրեական գործն ըստ մեղադրանքի`
Պաատա Դավիթի Կինծուրաշվիլիի` ծնված
01.01.1978թ.-ին ՎՀ, ք.Սենակի, ազգությամբ վրացի,
Վրաստանի Հանրապետության քաղաքացի,
միջնակարգ կրթությամբ, չամուսնացած, աշխատում է`
ք.Թբիլիսի «ՏրանսՄշենի» ՍՊԸ-ում` որպես շինարար,
նախկինում չդատված, բնակվում է` ք.Թբիլիսի,
Քվեմոփոնիճալա թաղամաս, 36-րդ մասնաշենք, 3-րդ
մուտք, 3-րդ հարկ հասցեում,մեղադրվում է ՀՀ
քրեական օրենսգրքի 34-178-րդ հոդվածի 3-րդ
մասի 1-ին և 2-րդ կետերով, որպես խափանման
միջոց է ընտրված կալանավարումը։

1.Գործի դատավարական նախապատմությունը
Ըստ դատարան ուղարկված քրեական գործի նյութերի և մեղադրական եզրակացության.
«Պաատա Կինծուրաշվիլին, Կախա Ժգենտին, Պաատա Կվեկվեսկիրին, Ջումբերի Կուխիլավան և Վախթանգ Սեբուան «ՎՏԲ-Հայսատան Բանկ» ՓԲ ընկերությունից խաբեությամբ առանձնապես խոշոր չափերի գումար հափշտակելու նպատակով 2014թ. նոյեմբերին ժամանել են Հայաստանի Հանրապետություն և գործով ինքնությունը չպարզված անձի հետ ստեղծել կազմակերպված խումբ, դրա անդամների միջև կատարել դերերի բաշխում և ուղղակի դիտավորությամբ իրականացրել հանցանք կատարելուն անմիջականորեն ուղղված գործողություններ, որն արտահայտվել է հետևյալում. Պաատա Կինծուրաշվիլին, Կախա Ժգենտին, Պաատա Կվեկվեսկիրին, Ջումբերի Կուխիլավան և Վախթանգ Սեբուան «ՎՏԲ-Հայսատան Բանկ» ՓԲ ընկերությունում իրենց անուններով բացել են հաշվեհամարներ, ստացել բանկային քարտեր, քարտային հաշիվներին մուտքագրել 5.188.233 ՀՀ դրամ, որից հետո անձնագրերով բանկի մասնաճյուղերից կատարել են կանխիկացումներ, իսկ անհայտ անձը նրանց հետ միաժամանակ քարտերով բանկոմատից կատարել է կրկնակի կանխիկացում։ 2014թ. նոյեմբերի 10-ից 22-ը կազմակերպված խմբի անդամները, ըստ նախնական դերաբաշխումների, հասցրել են կրկնակի կանխիկացնել ու «ՎՏԲ-Հայսատան Բանկ» ՓԲ րնկերությունից հափշտակել927.869 ՀՀ դրամ, իսկ մնացած 4.260.364 ՀՀ դրամ գումարը չեն կարողացել կանխիկացնել, այսինքն՝ հանցագործությունն ավարտին չեն կարողացել հասցնել իրենց կամքից անկախ հանգամանքներով՝ որոշ դեպքերում շտապողականություն ցուցաբերելու, քարտից քարտ փոխանցվող գումարի թույլատրելի սահմանաչափը գերազանցելու, բանկից բանկոմատներին տրամադրվող տեղեկատվության ստույգ ժամանակագրության մասին տեղյակ չլինելու և քարտային հաշիվն արգելափակված լինելու պատճառով։ Այսպես. Պաատա Կինծուրաշվիլին 2014թ. նոյեմբերի 16-ին՝ ժամը 19.18-ին ժամանել է Հաստանի Հանրապետություն։ 2014թ. նոյեմբերի 17-ին անձնագրով ներկայացել է «ՎՏԲ-Հայսատան Բանկ» ՓԲ ընկերության Արաբկիր թիվ 15 մասնաճյուղ, որտեղ իր անվամբ բացել է հաշվեհամար՝ պլաստիկ քարտ ստանալու նպատակով, իսկ 2014թ. նոյեմբերի 18-ին ստացել է 4033190006973152 համարի VISA ELECTRON քարտը։ Նույն օրը՝ ժամը 16.24-ին, «ՎՏԲ-Հայսատան Բանկ» ՓԲ ընկերության գլխամասային գրասենյակում բանկի աշխատակցի միջոցով իր քարտային հաշվին մուտքագրել է 1.050.000 ՀՀ դրամ։ 2014թ.-ի նոյեմբերի 19-ին՝ ժամը 11։05-ից հետո Պաատա Կինծուրաշվիլին հանցավոր պայմանավորվածության համաձայն իր 4033190006973152 համարի քարտը տվել է գործով քնությանը չպարզված անձին։ Նույն օրը ժամը 11.16-ին, TelCell համակարգի միջոցով 2.700 ՀՀ դրամ է մուտքագրվել Պաատա Կինծուրաշվիլիի` 4033190006973152 համարի քարտին։ Նյույն օրը՝ ժամը 11։57-ին, Պաատա Կինծուրաշվիլին Երևան քաղաքի Բաղրամյան 56 հասցեում տեղակայված «ՎՏԲ-Հայսատան Բանկ» ՓԲ ընկերության թիվ 4 մասնաճյուղում, առանց քարտը ներկայացնելու, անձնագրով կատարել է 1.050.000 ՀՀ դրամի փողանցում, որից 3 րոպե անց՝ ժամը 12։00-ին, թիվ АТМ00109 բանկոմատի միջոցով նույն անձը Պաատա Կինծուրաշվիլիի` 4033190006973152 համարի քարտով փորձել է մեկ այլ քարտի փոխանցել 999.999 ՀՀ դրամ, սակայն գործարքը մերժվել է՝ փոխանցման գումարի սահմանաչափը՝ 250.000 ՀՀ դրամը գերազանցելու պատճառով։ Նշված փորձից մոտ 30 վայրկյան անց նույն անհայտ անձը 4033190006973152 համարի քարտով կատարել է մնացորդի հարցում, սակայն Պաատա Կինծուրաշվիլիի կողմից մասնաճյուղում կանխիկացում կատարելու պատճառով քարտային հաշվին գումար չի եղել։ Գումարը կանխիկացնելուց և 4033190006973152 համարի քարտից գումարի փոխանցման փորձ կատարելուց մոտ 25 րոպե անց՝ ժամը 12։25-ին, Պաատա Կինծուրաշվիլին Երևան քաղաքի Կիևյան 19 հասցեում տեղակայված «ՎՏԲ-Հայսատան Բանկ» ՓԲ ընկերության թիվ 3 ճյուղում կատարել է 1.050.000 ՀՀ դրամի կանխիկ մուտք իր 4033190006973152 գումարի քարտին։ Այնուհետև, ժամը 13։40-ին, Պաատա Կինծուրաշվիլին ներկայացել է Երևան քաղաքի Կորյունի 6 հասցեում տեղակայված Մյասնիկյան մասնաճյուղ, բանկի աշխատակցին հայտնել է, որ քարտն իր մոտ չէ, խնդրել է քարտային հաշվին առկա գումարը կանխիկացնել։ Պաատա Կինծուրաշվիլիի նշված գործարքին զուգահեռ, այսինքն՝ ժամը 13։41-ին անհայտ անձը Երևան քաղաքի Կորյունի 6 հասցեում տեղադրված թիվ АТМ00001 բանկոմատի միջոցով 4033190006973152 համարի քարտով կատարել է հաշվի մնացորդի դիտում, սակայն հաշվին գումար չի եղել` Պաատա Կինծուրաշվիլիի գործարքն արագ հաստատվելու պատճառով։ Գումարը կանխիկացնելուց և կրկին անգամ բանկոմատի միջոցով կանխիկացման փորձ կատարելուց մոտ 35 րոպե անց՝ ժամը 14։17-ին, Պաատա Կինծուրաշվիլին կրկին ներկայացել է «ՎՏԲ-Հայսատան Բանկ» ՓԲ ընկերության Սպանդարյան մասնաճյուղ, որտեղ բանկի աշխատակցի միջոցով իր` 4033190006973152 գումարի քարտային հաշվին կրկին մուտքագրել է 1.050.000 ՀՀ դրամ գումար։ Այնուհետև, 2 ժամ անց՝ ժամը 16։09-ին Պաատա Կինծուրաշվիլին ներկայացել է Երևան քաղաքի Դավթաշեն թաղամասի Տ.Պետրոսյան 37/7 հասցեում տեղակայված «ՎՏԲ-Հայսատան Բանկ» ՓԲ ընկերության Մաշտոց մասնաճյուղ և առանց քարտը ներկայացնելու իր անձնագրով բանկի աշխատակցից պահանջել է կանխիկացնել իր` 4033190006973152 համարի քարտային հաշվին եղած 1.050.000 ՀՀ դրամ գումարը։ Պաատա Կինծուրաշվիլիի նշված գործարքը կատարելուն զուգահեռ՝ ժամը 16։10-ին, Դավթաշեն թաղամասի Տ.Պետրոսյան հասցեում տեղադրված թիվ АТМ00019 բանկոմատից 4033190006973152 համարի քարտով դիտվել է հաշվի մնացորդ, սակայն հաշվին գումար չի եղել։ Արդեն հաջորդ օրը` 2014թ. նոյեմբերի 20-ին ժամը 14։41-ին, Պաատա Կինծուրաշվիլին «ՎՏԲ-Հայսատան Բանկ» ՓԲ ընկերության գլխամասային գրասենյակի հաճախորդների սպասարկման բաժնում բանկի աշխատակցի միջոցով կատարել է 1.000.000 ՀՀ դրամի մուտք իր 33190006973152 համարի քարտին, որից մոտ 20 րոպե անց՝ ժամը 15։04-ից սկսած մինչև 15։59-ը նույն անհայտ անձը Երևան քաղաքի Թումանյան 8/6 հասցեում տեղադրված «ՎՏԲ-Հայսատան Բանկ» ՓԲ ընկերության թիվ АТМ00109 բանկոմատում Պաատա Կինծուրաշվիլիի` 4033190006973152 համարի քարտով պարբերաբար փորձել է ստուգել հաշվի մնացորդը, սակայն չի կարողացել քարտն օգտագործել, քանի որ այն կասկածելի գործարքների պատճառով արգելափակվել է։ Նշված փորձերից րոպեներ անց 4033190006973152 համարի քարտով այլ բանկի բանկոմատից կատարվել է 150.000 ՀՀ դրամի կանխիկացման փորձ, սակայն քարտն արգելափակված լինելու պատճառով գործարքը չի կատարվել։ Այնուհետև, ժամը 16։03-ից մինչև 16։19-ը, նույն անհայտ անձը փորձել է թիվ AТМ00109 բանկոմատում Պաատա Կինծուրաշվիլիի` 4033190006973152 համարի քարտով ստուգել հաշվի մնացորդը, սակայն չի կարողացել քարտն օգտագործել՝ այն արգելափակված լինելու պատճառով։ Միևնույն ժամանակ, ժամը 16։20-ին, Պաատա Կինծուրաշվիլին գտնվել է Երևան քաղաքի Բաղրամյան 56 հասցեում տեղակայված «ՎՏԲ-Հայսատան Բանկ» ՓԲ ընկերության թիվ 4 մասնաճյուղում, առանց քարտը ներկայացնելու, անձնագրով բանկի աշխատակցի միջոցով կատարել է իր` 4033190006973152 համարի քարտային հաշվից 1.000.000 ՀՀ դրամ գումարի կանխիկացում, որից անմիջապես հետո բանկի աշխատակիցների միջոցով քարտը հանվել է արգելափակումից և ընդամենը 1-2 րոպե անց՝ .ժամը 16։22-ին, նույն անհայտ անձը թիվ АТМ00109 բանկոմատում 4033190006973152 համարի քարտով փորձել է կանխիկացնել 500.000 ՀՀ դրամ, սակայն չի կարողացել կանխիկացում կատարել՝ հաշվին գումար չլինելու պատճառով։ Բանկոմատի կողմից գործարքը մերժելուց անմիջապես հետո նույն անձը 4033190006973152 համարի քարտով կատարել է հաշվի մնացորդի ստուգում, սակայն հաշվին գումար չի եղել։ 2014թ.-ի նոյեմբերի 21-ին ժամը 13։05-ից մինչև 13։22-ը, Պաատա Կինծուրաշվիլիի` 4033190006973152 համարի քարտին Տել-Սել ապարատի միջոցով կատարվել է 974.900 ՀՀ կանխիկ դրամի մուտք։ Այնուհետև, նույն օրը ժամը 13։33-ին, նույն անհայտ անձը թիվ 4033190006973152 համարի քարտով Երևան քաղաքի Սվաճյան 32 հասցեում տեղակայված «ՎՏԲ-Հայսատան Բանկ» ՓԲ ընկերության թիվ АТМ00040 բանկոմատի միջոցով կատարել է 4033190006973152 համարի քարտային հաշվի մնացորդի ստուգում և կանխիկացրել է 500.000 ՀՀ դրամ։ Այնուհետև, նույն օրը ժամը 15։34-ին Պաատա Կինծուրաշվիլին ներկայացել է Երևան քաղաքի Սեբաստիա 14 հասցեում կայված «ՎՏԲ-Հայսատան Բանկ» ՓԲ ընկերության Շահումյան մասնաճյուղ և առանց քարտը ներկայացնելու, ցանկություն է հայտնել անձնագրով կանխիկացնել իր քարտային հաշվին եղած 970.000 ՀՀ դրամ գումարը, սակայն բանկի աշխատակիցը տեղեկացրել է, որ իր քարտային հաշվին կա ընդամենը 470.000 ՀՀ դրամ, որից հետո Պաատա Կինծուրաշվիլին առանց որևէ առարկություն ներկայացնելու, կանխիկացրել է իր հաշվին եղած հիշյալ գումարը։ Նշված գործարքի հետ գրեթե միաժամանակ` ժամը 15։36-ին, անհայտ անձը թիվ 4033190006973152 համարի քարտն օգտագործել է թիվ АТМ00079 բանկոմատում, սակայն քարտը արգելափակված լինելու պատճառով չի կարողացել գործարք կատարել։
Կախա Ժգենտին 2014թ. նոյեմբերի 4-ին ժամը 17։05-ին, ժամանել է Հայաստանի Հանրապետություն։ Վերջինս 2014թ. նոյեմբերի 5-ին ներկայացել է «ՎՏԲ-Հայսատան Բանկ» ՓԲ ընկերության թիվ 14 մասնաճյուղ, որտեղ իր անվամբ բացել է հաշվեհամար՝ պլաստիկ քարտ ստանալու նպատակով և 2014թ. նոյեմբերի 7-ին ստացել է 4033180007859385 համարի VISA GOLD քարտը։ 2014թ. նոյեմբերի 10-ին ժամը 13։22-ից մինչև 13։57-ը, ընդհանուր գործարքով Կախա ժգենտիի 4033180007859385 քարտային հաշվին կատարվել է 2.390 Եվրո և 286 դոլար գումարի մուտք։ Այնուհետև, նույն օրը` ժամը 14։02-ին, «Արարատ բանկ» ընկերության, իսկ ժամը 14։06-ին՝ «Հայբիզնես բանկ» ՓԲ ընկերության բանկոմատների միջոցով կատարվել է 4033180007859385 համարի քարտի մնացորդի ստուդում, որից հետո` ժամը 14։22-ն, Երևան քաղաքի Հովհաննիսյան 24/7 հասցեում տեղադրված «ՎՏԲ-Հայսատան Բանկ» ՓԲ ընկերության թիվ ATM00163 բանկոմատում Պաատա Կինծուրաշվիլիի քարտն օգտագործած վերը նշված անհայտ անձը հանցավոր պայմանավորվածության համաձայն Կախա ժգենտիի 4033180007859385 համարի քարտով կատարել է մնացորդի հարցում, իսկ ժամը 14։28-ին նույն քարտից կատարել է 3 Եվրո գումարի փոխանցում Կուխիլավա Ջումբերիի` 4033180007839387 համարի քարտին։ Փոխանցելուց հետո նույն բանկոմատից ժամը 14։32-ին, որից հետո ժամը 14։33-ին այլ բանկի բանկոմատից նույն անհայտ անձը թիվ 4033180007859385 քարտով կատարել է մնացորդի ստուգում։ Այնուհետև, մեկ րոպե անց՝ ժամը 14։34-ին, նա Կախա ժգենտիի` 4033180007859385 համարի քարտով նորից թիվ ATM00163 բանկոմատում կատարել է հաշվի մնացորդի ստուգում և կանխիկացրել է 500.000 ՀՀ դրամ, իսկ Կախա ժգենտին ժամը 14։43-ին Երևան աղաքի Ավան, Խուդյակովի 7/3 հասցեում տեղակայված «ՎՏԲ-Հայսատան Բանկ» ՓԲ ընկերության Խորհրդային մասնաճյուղում առանց քարտը ներկայացնելու, միայն անձնագրով իր հաշվից կատարել է 1.600 Եվրոյի կանխիկացում։ Դրանից 1 րոպե անց, ժամը 14։44-ին, Կախա ժգենտիի թիվ 4033180007859385 քարտով նույն անհայտ անձը թիվ ATM00163 բանկոմատի միջոցով կատարել է հաշվի մնացորդի ստուգում։ Նույն օրը ժամը 15։28-ին նույն անհայտ անձը Կախա Ժգենտիի 4033180007859385 համարի քարտով թիվ ATM00001 բանկոմատի միջոցով կատարել է հաշվի մնացորդի ստուգում և 40 Եվրո գումար է փոխանցել Ջումբերի Կուխիլավայի 4033180007839387 համարի քարտին, այնուհետև, նույն բանկոմատում նորից կատարել է 4033180007859385 համարի քարտի մնացորդի ստուգում։ 2014թ.-ի նոյեմբերի 11-ին ժամը 13։11-ին, «Հայբիզնես բանկ» ՓԲ ընկերության բանկոմատում 4033180007859385 համարի քարտով կատարվել է քարտի մնացորդի դիտում, իսկ ժամը 14։24-ին Ջումբերի Կուխիլավայի 4033180007839387 համարի քարտից Երևան քաղաքի Գայի պողոտա 10/3 հասցեում տեղադրված «ՎՏԲ-Հայաստան Բանկ» ՓԲ ընկերության ATM00095 բանկոմատի միջոցով 850 Եվրո գումար է փոխանցվել Կախա ժգենտիի թիվ 4033180007859385 քարտին, որից հետո ժամը 14։26-ից ժամը 14։27-ը, նույն անհայտ անձը Կախա ժգենտիի թիվ 4033180007859385 քարտով կատարել է հաշվի մնացորդի ստուգում, իսկ ժամը 14։28-ին Երևան քաղաքի Գայի պողոտայում գտնվող «Հայբիզնես բանկ» ՓԲ ընկերության բանկոմատի միջոցով Կախա ժգենտիի 4033180007859385 քարտից կանխիկացրել է 150.000 ՀՀ դրամ, որից հետո ստուգել է հաշվի մնացորդ, կանխիկացրել 50.000 ՀՀ դրամ, այնուհետև, կանխիկացրել ևս 138.000 ՀՀ դրամ։ Նույն օրը ժամը 14։33-ին, անհայտ անձը Ջումբերի Կուխիլավայի 4033180007839387 համարի քարտից թիվ ATM00095 բանկոմատի միջոցով 47 Եվրո գումար է փոխանցել Կախա ժգենտիի թիվ 4033180007859385 քարտին։ Նույն օրը ժամը 15։43-ին, նույն անհայտ անձը Երևան քաղաքի Ռուբինյանց 15/5 հասցեում տեղադրված «ՎՏԲ-Հայաստան Բանկ» ՓԲ ընկերության բանկոմատի միջոցով կատարել է մնացորդի դիտում և կանխիկացրել է 24.000 ՀՀ դրամ։ Դրանից հետո 2014թ. նոյեմբերի 19-ին ժամը 12։07-ին, Կախա ժգենտիի 4033180007859385 համարի քարտը նույն անհայտ անձը փորձել է օգտագործել թիվ ATM00109 բանկոմատում, սակայն չի կարողացել, քանի որ քարտը գտնվել է արգելափակման մեջ և բանկոմատն այն չի ընդունել։
Ջումբերի Կուխիլավան 2014թ. նոյեմբերի 4-ին ժամը 17;11-ին ժամանել է Հայաստանի Հանրապետություն։ Նա 2014թ. նոյեմբերի 5-ին ներկայացել է «ՎՏԲ-Հայաստան Բանկ» ընկերության թիվ 14 մասնաճյուղ, որտեղ իր անվամբ բացել է հաշվեհամար՝ պլաստիկ քարտ ստանալու նպատակով և 2014թ. նոյեմբերի 7-ին ստացել է 4033180007839387 համարի VISA GOLD քարտը։ 2014թ. նոյեմբերի 10-ին ժամը 16։42-ին, «Ինեկոբանկ» ՓԲ ընկերության Երևան քաղաքի Տերյան 105/1 հասցեում տեղակայված բանկոմատից դիտվել է թիվ 4033180007839387 քարտի մնացորդը, որից հետո փորձ է կատարվել կանխիկացնել 22.000 ՀՀ դրամ, բայց մերժվել է գործարքը՝ հաշվին բավարար միջոցներ չլինելու պատճառով, որից հետո կանխիկացվել է 21.000 ՀՀ դրամ։ Այնուհետև, 2014թ. նոյեմբերի 11-ին ժամը11։58-ին, Ջումբերի Կուխիլավան «ՎՏԲ-Հայսատան Բանկ» ՓԲ ընկերության թիվ 14 մասնաճյուղում իր անձնագրով իր 4033180007839387 համարի քարտին մուտք է արել 1.700 եվրո, որից հետո նույն անհայտ անձը ժամը 12։53-ին և ժամը 14։05-ին «Հայբիզնես բանկ» ՓԲ ընկերության բանկոմատից թիվ 4033180007839387 քարտով կատարել է քարտի մնացորդի դիտում։ Այնուհետև, ժամը 14։10-ին, Ջումբերի Կուխիլավան իր անձնագրով ներկայացել է Երևան քաղաքի Բ.Մուրադյան 1/92 հասցեում տեղակայված «ՎՏԲ-Հայսատան Բանկ» ՓԲ ընկերության Նորք մասնաճյուղ և աշխատակցի քարտը ներկայացնելու, միայն անձնագրով երկու իրար հաջորդող կանխիկացրել է 800 և 900 Եվրո գումար։ Միևնույն ժամանակ, այսինքն ժամը 14։10-ից մինչև 14։22-ը, նույն անհայտ անձր 4033180007839387 համարի քարտով պարբերաբար կատարել է քարտի մնացորդի ստուգում` «Արարատ բանկ» ՓԲ և «Հայբիզնես բանկ» ՓԲ ընկերությունների բանկոմատներում, իսկ ժամը 14։24-ին թիվ ATM00095 բանկոմատի նույն անհայտ անձը թիվ 4033180007839387 քարտով ստուգել է հաշվի մնացորդը, ապա կատարել նշված քարտից 850 Եվրո գումարի փոխանցում Կախա ժգենտիի թիվ 4033180007859385 քարտին։ Նույն օրը ժամը 14։25-ին, նույն անհայտ անձը թիվ ATM00095 բանկոմատում կատարել է 4033180007839387 համարի քարտի հաշվի մնացորդի ստուգում, որից հետ նորից փորձել է կատարել 50 Եվրոյի փոխանցում 4033180007859385 համարի քարտին, սակայն գործարքը մերժվել է` հաշվին բավարար միջոցներ չլինելու պատճառով։ Այնուհետև, նույն օրը` ժամը 14։31-ին նույն անհայտ անձը կատարել է թիվ 4033180007839387 մնացորդի ստուգում Երևան քաղաքի Գայի 9 հասցեում տեղակայված «Հայէկոնոմ Բանկ» ՓԲ ընկերության բանկոմատից, որից հետո, ժամը 14։32-ին փորձել է նույն բանկոմատից կանխիկացնել 25.000 ՀՀ դրամ, որը նույնպես մերժվել է` հաշվին բավարար միջոցներ չլինելու պատճառով, իսկ ժամը 14։32-ին 4033180007839387 համարի քարտով 95 բանկոմատից կատարել է 47 Եվրոյի փոխանցում Կախա ժգենտիի 4033180007859385 համարի քարտին։
Պաատա Կվեկվեսկիրին 2014թ. նոյեմբերի 17-ին ժամը 16։00-ին, ժամանել է Հայաստանի Հանրապետություն։ Վերջինս 2014թ. նոյեմբերի 20-ին ներկայացել է «ՎՏԲ- Հայաստան Բանկ» ՓԲ ընկերության գլխամասային գրասենյակի հաճախորդների սպասարկման բաժին, որտեղ իր անվամբ բացել է հաշվեհամար` պլաստիկ քարտ ստանալու նպատակով և 2014թ. նոյեմբերի 21-ին ստացել է 5502110000006113 համարի MASTERCARD քարտը։ 2014թ. նոյեմբերի 21-ին ժամը 16։21-ին, թիվ ATM70707 բանկոմատի միջոցով դիտել է իր քարտային հաշվի մնացորդը, որից հետո` ժամը 16։29-ին, 5502110000006113 քարտային հաշվին մուտքագրել է 990.000 ՀՀ դրամ։ Այնուհետև, 2014թ. նոյեմբերի 22-ին ժամը 10.23-ին, Աբովյան քաղաքի Հանրապետության 1/66 հասցեում տեղակայված «ՎՏԲ-Հայաստան Բանկ» ՓԲ ընկերության ATM00050 բանկոմատում նույն անհայտ անձը Պաատա Կվեկվեսկիրի 5502110000006113 համարի քարտով կատարել է հաշվի մնացորդի դիտում, որից ընդամենը մեկ րոպե անց` ժամը 10։24-ին, Պաատա Կվեկվեսկիրին իր անձնագրով ներկայացել է Աբովյան քաղաքի Հանրապետության 1/66/1 հասցեում տեղակայված «ՎՏԲ-Հայաստան Բանկ» ՓԲ ընկերության Կոտայք մասնաճյուղ և իր քարտային հաշվից կատարել է 950.000 ՀՀ դրամի կանխիկացում, այնուհետև, 1.153 ԱՄՆ դոլարի մուտք նույն 5502110000006113 քարտային հաշվին։ Քիչ անց, ժամը 10։35-ին, նույն այտ անձը Պաատա Կվեկվեսկիրի թիվ 5502110000006113 քարտով կատարել է 30.000 ՀՀ դրամի կանխիկացում և ժամը 10։36-ին դիտել է հաշվի մնացորդը։ Նույն օրը ժամը 12։27-ին Երևան քաղաքի Կոմիտասի 60/2 հասցեում տեղակայված «ՎՏԲ-Հայաստան Բանկ» ՓԲ ընկերության ATM00085 բանկոմատի միջոցով նույն անհայտ անձը Պաատա Կվեկվեսկիրի 5502110000006113 համարի քարտով կատարել է հաշվի մնացորդի դիտում։ Այնուհետև, ժամը 4-ին, Պաատա Կվեկվեսկիրին ներկայացել է Երևան քաղաքի Կիևյան 19 հասցեում գտնվող «ՎՏԲ-Հայսատան Բանկ» ՓԲ ընկերության թիվ 3 մասնաճյուղ և ներկայացնելով անձնագիրը՝ իր քարտային հաշվից կատարել է ելք` 1.153 դոլարի չափով, որին զուգահեռ նույն անհայտ անձը թիվ ATM00085 բանկոմատի միջոցով կատարել է Պաատա Կվեկվեսկիրի 5502110000006113 համարի քարտի մնացորդի դիտում և կատարել 490.000 ՀՀ դրամի կանխիկացում՝ հափշտակելով նշված գումարը։
Վախթանգ Սեբուան 2014թ. նոյեմբերի 17-ին ժամը 15։59-ին ժամանել է Հայաստանի Հանրապետություն, 2014թ. նոյեմբերի 20-ին ներկայացել «ՎՏԲ-Հայաստան Բանկ» ՓԲ ընկերության գլխամասային գրասենյակի հաճախորդների սպասարկման բաժին, որտեղ իր անվամբ բացել է հաշվեհամար` պլաստիկ քարտ ստանալու նպատակով և 2014թ.-ի նոյեմբերի 21-ին ստացել է 5502110000002963 համարի MASTERCARD GOLD քարտը։ 2014թ.-ի նոյեմբերի 22-ին ժամը 13։14-ին, իր 5502110000002963 համարի քարտային հաշվին մուտքագրել է 3.400 դոլար։ Նույն օրը ժամը 13։27-ին, 13։29-ին, 13։34-ին և 13։38-ին նույն անհայտ անձը «ՎՏԲ-Հայաստան Բանկ» ՓԲ ընկերության ATM00100, ATM00168 բանկոմատներում 5502110000002963 համարի քարտով կատարել է մնացորդի հարցում և 1.000 դրամի կանխիկացում։ Այնուհետև, նույն անհայտ անձը 5502110000002963 համարի քարտով փորձել կանխիկացնել 800.000 ՀՀ դրամ, սակայն գործարքը մերժվել է` մեկանգամյա կանխիկացման ենթակա գումարի սահմանաչափը գերազանցելու պատճառով, որից հետո, ժամը 14։06-ին, նույն անհայտ անձը երկու անգամյա գործարքներով կանխիկացրել է 1.000.000 ՀՀ դրամ, իսկ ժամը 14։08-ին կանխիկացրել է 420.000 ՀՀ դրամ։
Արդյունքում` Պաատա Կինծուրաշվիլին և խմբի մյուս անդամները քարտային հաշվեհամարներին գումարներ մուտքագրելու և կրկնակի կանխիկացումներ կատարելու միջոցով փորձել են հափշտակել առանձնապես խոշոր չափերի` 5.188.233 ՀՀ դրամ, սակայն իրենց կամքից անկախ հանգամանքներով չեն կարողացել հանցագործությունն ամբողջությամբ ավարտին հասցնել և հափշտակել են միայն 927.869 ՀՀ դրամ։

Փաստի առթիվ ՀՀ քննչական կոմիտեի ՀԿԳ քննության գլխավոր վարչության կողմից 2014 թվականի դեկտեմբերի 23-ին հարուցվել է քրեական գործ։
07.01.2015թ.-ին ՀՀ քննչական կոմիտեի ՀԿԳ քննության գլխավոր վարչության կողմից կայացվել է որոշում` Պաատա Դավիթի Կինծուրաշվիլիին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 34-178-րդ հոդվածի 3-րդ մասի 1-ին և 2-րդ կետով։

2015թ. հունվարի 07-ին Պաատա Դավիթի Կինծուրաշվիլիի նկատմամբ որպես խափանման միջոց է ընտրվել կալանավորումը։

Քրեական գործը Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի աշխատակազմի գրասենյակ է ստացվել և մուտքագրվել 04.08.2015թ.-ին։

2.Ապացույցների հետազոտում և գնահատում
Ամբաստանյալ Պաատա Դավիթի Կինծուրաշվիլին, դատարանում՝ ՀՀ քրեական օրենսգրքի 34-178-րդ հոդվածի 3-րդ մասի 1-ին և 2-րդ կետով առաջադրված մեղադրանքում, իրեն մեղավոր չի ճանաչել և ցուցմունք է տվել այն մասին, որ 2014թ. դեկտեմբեր ամսին առաջին անգամ ժամանել է Հայաստանի Հանրապետություն` սալիկապատման աշխատանքներ գտնելու և դրանք կատարելու նպատակով, թեև պատրաստ է եղել կատարելու նաև ցանկացած այլ աշխատանք։ ՀՀ է ժամանել ինչ-որ վաճառականների հետ։ Ժամանումից հետո նրանց հետ միասին գիշերել է ավտոկայանում։ Այդուամենայնիվ, ՀՀ-ում չի կարողացել աշխատանք գտնել, իսկ ժամանումից մի քանի օր անց իրեն ձերբակալել են։
Երբ ժամանել է ՀՀ, իր հետ միասին բերել է որոշակի գումար` մոտ 1.000.000 ՀՀ դրամի չափով, որը նախապես ձեռք էր բերել Վրաստանի Հանրապետությունից՝ փոխանակման կետում այն վրացական լարիի հետ փոխանակելով։ Ապահովության համար ցանկացել է տվյալ գումարը պահել ՀՀ-ում գործող բանկերից որևէ մեկում, հատկապես` «ՎՏԲ Հայաստան Բանկ»-ում։ Այդ նպատակով նստել է պատահական տաքսի ավտոմեքենա և խնդրել է իրեն տանել «ՎՏԲ Հայաստան Բանկ»։ Բանկում լրացրել է հայտ` բանկային քարտ ստանալու նպատակով, որից հետո իրեն տրամադրվել է այն։ Այնուհետև, բանկի աշխատակցի կողմից բացատրվել է քարտից օգտվելու կարգը, սակայն գումարի մնացորդի հաշվի ստուգման պայմաններն իրեն բանկի աշխատակցի կողմից չեն բացատրվել։ Միաժամանակ, տեղեկացրել են, որ քանի որ քարտը նոր է բացվել, այն ակտիվանալու է մի քանի ժամվա ընթացքում։ Բացի այդ, իրեն տեղեկացրել են նաև, որ քարտից գումար կանխիկացնել չկարողանալու պարագայում կարող է անձնագրով ներկայանալ բանկ և կանխիկացնել այն։ Ուստի, հաջորդ օրը գնացել է բանկ /չի մտաբերում, թե որ/ և մուտքագրել է 1.000.000 ՀՀ դրամը։ Հետագայում /օրը կոնկրետ չի մտաբերում/ ելքագրել է այն։
Ինչ վերաբերում է Կախա Ժգենտիին, Պաատա Կվեկվեսկիրիին, Ջումբերի Կուխիլավային և Վախթանգ Սեբուային, ապա նշել է, որ նախկինում նրանց չի ճանաչել, նրանց հետ որևէ առնչություն չի ունեցել։ Վերջիններիս մասին տեղեկացել է միայն սույն քրեական գործի շրջանակներում։ Վստահեցրել է, որ չի ճանաչում նաև վերարտադրված լազերային սկավառակում պատկերված` սպորտային հագուստով անձին, նրա հետ նույնպես նախկինում որևէ առնչություն չի ունեցել, ավելին, տվյալ անձի հետ որևէ գործարք չի կատարել։
TelCell ապարատից օգտվելու կարգը չգիտի, երբևէ դրանով գործարք չի կատարել։ Գումարային հաշիվ պարունակող` «ՎՏԲ Հայաստան Բանկ»-ից ստացված բանկային քարտը մշտապես գտնվել է իր մոտ, այն այլ անձի չի տրամադրել։ Ինչ վերաբերում իր կողմից հայտարարված` կորցրած քարտին, ապա այդ քարտի վրա որևէ գումար չի եղել։
Պնդել է, որ որևէ տեղեկություն չունի այն անձի վերաբերյալ, ով իրեն զուգահեռ` իր կողմից գումարի կանխիկացման ժամանակ, բանկոմատից գումարներ է կանխիկացրել։ Ավելին, պատկերացում չունի, թե ինչպես է կարող է նման բան ստացվել։ Ինչ վերաբերում է բանկ ներկայանալուն և անձնագրով գումարներ կանխիկացնելուն, նշել է, որ պարզապես ցանկացել է իր քարտից անձնագրով ստանալ գումարներ, քանի որ չի կարողացել բանկոմատներից կանխիկացնել դրանք՝ բանտոմատից օգտվելու ձևերը չիմանալու պատճառով։ Դատարանին հավաստիացրել է, որ նման կերպ որևէ հանցավոր արարք կատարելու դիտավորություն չի ունեցել։

Դատարանը գտնում է, որ ամբաստանյալ Պաատա Կինծուրաշվիլիի կողմից տրված դատաքննական ցուցմունքն անարժանահավատ է և մտացածին, դրանով նա հետապնդում քրեական պատասխանատվությունից և ակնկալվող խիստ պատժից խուսափելու նպատակ և արձանագրում, որ նրան մեղսագրված հանրորեն վտանգավոր արարքի կատարումը հիմնավորվեց իրավական պատշաճ ընթացակարգի պահպանմամբ դատարանում հետազոտված ներքոհիշյալ ապացույցների բավարար ամբողջությամբ։

/տես՝ դատական նիստի արձանագրությունը/

Տուժող կազմակերպության «ՎՏԲ-Հայաստան Բանկ» ՓԲԸ ներկայացուցիչ Մ.Արոյանի դատարանում տրված ցուցմունքով այն մասին, որ «ՎՏԲ-Հայաստան Բանկ» ՓԲԸ է ստացվել տեղեկատվություն, համաձայն որի` Վրաստանի Հանրապետության 4-5 քաղաքացիներ իրենց բանկում բացել են հաշիվներ, որոնց վրա մուտքագրում են գումարներ։ Այնուհետև, այդ նույն անձանցից մեկը գալիս է բանկ և, անձը հաստատող փաստաթուղթ ներկայացնելով, փորձում քարտային հաշվից գումար կանխիկացնել։ Ընդ որում, այդ նույն ժամանակահատվածում տվյալ խմբում ընդգրկված մեկ այլ անձը, ով արդեն իսկ գտնվում է որևէ բանկոմատի մոտ, համապատասխան ազդանշանի դեպքում փորձում է քարտի կրառմամբ նույն չափի գումար կանխիկացնել։ Տվյալ գործարքը կատարելիս վերջիններիս աշխարհագրական տեղակայումը կարող է լինել ՀՀ-ի տարբեր վայրերում։
Այդ ամենի վերաբերյալ բանկի աշխատակիցների կողմից կատարվել են մանրակրկիտ ուսումնասիրություններ, որոնցով վեր են հանվել ինչպես գումարների մուտքագրման, այնպես էլ` ելքագրման ժամանակահատվածները։ Տեսագրությունների ուսումնասիրմամբ պարզվել է, որ բանկոմատի մոտ գտնվել է սպորտային հագուստով մի անձ` երեսը ծածկված, ում մոտ էլ, իր կարծիքով, գտնվել է բանկային քարտը։ Գտնում է, որ ամբաստանյալ Պաատա Կինծուրաշվիլին և տեսախցիկում պատկերված` սպորտային հագուստով անձը միմյանց նախապես ճանաչել են, քանի որ վերջիններս բնակության հասցեն եղել է նույնը։
Ամբաստանյալ Կինծուրաշվիլիին Վրաստանի Հանրապետության այլ քաղաքացիների հետ միասին բանկում չի տեսել։
Դատարանում ներկայացնելով հայցադիմում, խնդրել է ամբաստանյալից հօգուտ «ՎՏԲ-Հայաստան Բանկ» ՓԲԸ բռնագանձել 927.869 ՀՀ դրամ՝ որպես հանցագործությամբ պատճառված նյութական վնասի փոխհատուցում։

/տես՝ դատական նիստի արձանագրությունը/
Վկա Աննա Բարսեղյանի դատարանում տրված ցուցմունքով այն մասին, որ աշխատում է Երևան քաղաքի Բաղրամյան 56 հասցեում գտնվող «ՎՏԲ Հայաստան Բանկ» ՓԲ ընկերության թիվ 4 մասնաճյուղում ` որպես մասնագետ։
2014թ. նոյեմբերի 19-ին «ՎՏԲ Հայաստան Բանկ» ՓԲ ընկերության գլխամասային գրասենյակից հրաման է ստացվել առ այն, որ Վրաստանի Հանրապետության քաղաքացիները բանկային հաշիվներից գումարի կրկնակի կանխիկացման փորձեր են կատարում և հափշտակում դրանք։
Դրանից հետո, «ՎՏԲ Հայաստան Բանկ» ՓԲ ընկերության թիվ 4 մասնաճյուղ է ներկայացել ամբաստանյալ Պաատա Կինծուրաշվիլին, մոտեցել իր կողմից սպասարկվող պատուհանին և ցանկություն հայտնել կանխիկացնել 1.050.000 ՀՀ դրամ։ Վերցրել է վերջինիս կողմից ներկայացրած անձնագիրը, պատճենահանել, գործարքը կատարելուց հետո ներկայացրել է մասնաճյուղի կառավարչի հաստատմանը, որից հետո պահանջված գումարը տրամադրել է հաճախորդին։
«ՎՏԲ Հայաստան Բանկ» ՓԲ ընկերության գլխամասային գրասենյակից ստացված հրամանին կից եղել են նկարներ։ Համեմատել է դրանք, և տեսել, որ այնտեղ կա նաև բանկ ներկայացած Պաատա Կինծուրաշվիլիի նկարը։
Հաջորդ օրը` նոյեմբերի 20-ին, Պաատա Կինծուրաշվիլին նորից եկել է թիվ 4 մասնաճյուղ, մոտեցել իր պատուհանին և ներկայացնելով անձնագիրը` ցանկություն է հայտնել կանխիկացնել մոտ 900.000 ՀՀ դրամ։ Երբ սկսել է գործարքը կատարել, պարզել է, որ Պաատա Կինծուրաշվիլիի հաշիվն արգելափակված է և հնարավոր չէ գումար ելքագրել։ Այդ կապակցությամբ զանգահարել է «ՎՏԲ Հայաստան Բանկ» ՓԲ ընկերության գլխամասային գրասենյակ` Պաատա Կինծուրաշվիլիի հաշիվը բացելու համար։ Պայմանավորվածության համաձայն` հաշիվը արգելանքից հանելուց հետո կանխիկացրել է և մասնաճյուղի կառավարչի կողմից գործարքը հաստատվելուց հետո գումարը հանձնել է նրան, որից հետո նա հեռացել է։
Նշել է, որ երկու դեպքերում էլ, մինչ Պաատա Կինծուրաշվիլիի հետ նախքան գործարք կատարելը, նայել է վերջինիս կողմից նախկինում կատարված գործարքները` գումարային շարժը։ Այդ ժամանակահատվածում հաշվից գումարների կանխիկացում թույլատրվել է անձնագրով, այսինքն, բանկային քարտ ներկայացնելը այդ ժամանակահատվածում պարտադիր բնույթ չի կրել։ Հետագայում, հասկանալով, որ հենց այդ բացից օգտվելով են անձինք նույն գումարը երկու անգամ կանխիկացրել՝ բանկի համապատասխան հրամաններով իրավիճակը շտկել են։ Ամբաստանյալը երկու դեպքերում էլ բանկ է ներկայացել միայնակ։ Կառավարչի կողմից գործարքի հաստատման նպատակը եղել է այն, որ գումար ստացող անձի անվամբ բացված քարտով մեկ այլ անձ չկարողանա բանկոմատի միջոցով գումար կանխիկացնել։

/տես՝ դատական նիստի արձանագրությունը/

Վկա Շավարշ Պողոսյանըի դատարանում տրված ցուցմունքով այն մասին, որ աշխատում է «ՎՏԲ Հայաստան Բանկ» ՓԲ ընկերության «Կոտայք» մասնաճյուղում` որպես մասնաճյուղի կառավարիչ։
«ՎՏԲ Հայաստան Բանկ» ՓԲ ընկերության գլխամասային գրասենյակից հրաման է ստացվել առ այն, որ Վրաստանի Հանրապետության քաղաքացիները բանկային հաշիվներից գումարի կրկնակի կանխիկացման փորձեր են կատարում։
«ՎՏԲ Հայաստան Բանկ» ՓԲ ընկերության «Կոտայք» մասնաճյուղ է ներկայացել Վրաստանի Հանրապետության քաղաքացի Պաատա Կվեկվեսկիրի անունով անձնավորությունը, մոտեցել հաճախորդների սպասարկման բաժին և ներկայացնելով անձնագիրը, ցանկություն է հայտնել քարտային հաշվից կանխիկացնել գումար։ Մասնաճյուղի համապատասխան աշխատակիցը սահմանված կարգով կանխիկացրել և նրան է հանձնել գումարը։ Տվյալ անձը բանկ է ներկայացել միայնակ` երկու անգամ` առաջին անգամ կատարել է հաշվի ելքագրում, երկրորդ անգամ` մուտքագրում։ Պնդել է, որ ամբաստանյալ Պաատա Կինծուրաշվիլիին նախկինում չի ճանաչել, իրենց մասնաճյուղում նա որևէ գործարք չի կատարել։

/տես՝ դատական նիստի արձանագրությունը/

Վկա Սոնա Մարտիրոսյանի դատարանում տրված ցուցմունքով այն մասին, որ աշխատում է Երևան քաղաքի Տ.Պետրոսյան 37/7 հասցեում գտնվող «ՎՏԲ Հայաստան Բանկ» ՓԲ ընկերության «Մաշտոց» մասնաճյուղում` որպես ավագ գործակալ։
«ՎՏԲ Հայաստան Բանկ» ՓԲ ընկերության գլխամասային գրասենյակից հրաման է ստացվել առ այն, որ Վրաստանի Հանրապետության քաղաքացիները բանկային հաշիվներից գումարի կրկնակի կանխիկացման փորձեր են կատարում։ Հրամանին կից եղել են նաև մի քանի անձանց անձնագրերի պատճեններ։
Հստակ օրը չի հիշում՝ ամբաստանյալ Պաատա Կինծուրաշվիլին ներկայացել է բանկի իրենց մասնաճյուղ և խնդրել առանց բանկային քարտ կիրառելու գումար կանխիկացնել։ Մինչ գործարքը կատարելը, նայել է տվյալ հրամանին կցված կասկածելի հաճախորդների վերաբերյալ ցուցակը և տեսնելով, որ տվյալ անձի վերաբերյալ որևէ նշում չկա, սպասարկել է վերջինիս։ Գործարքը կատարելու ողջ ընթացքը հսկվել է բանկի մասնաճյուղի հսկիչի կողմից։ Պաատա Կինծուրաշվիլիից պահանջել է անձնագիրը, որի պատճենը կցել է ելքի օրդերին։ Վերջինս կանխիկացրել է 1.000.000 ՀՀ դրամ։
Հաջորդ օրը «Lotus»-ի միջոցով տեղեկացել է, որ տվյալ հաճախորդը` Պաատա Կինծուրաշվիլին, գտնվում է կասկածելի հաճախորդների ցուցակում։
Պնդել է, որ տվյալ ժամանակահատվածում թույլատրվել է սպասարկել հաճախորդներին` առանց բանկային քարտ կիրառելու, սակայն ներկայումս արգելված է նման կերպ գործարք կատարելը։
Ըստ վկայի` Պաատա Կինծուրաշվիլին` որպես բանկի կասկածելի հաճախորդ լինելու հանգամանքը կայանում է նրանում, որ գումարը փոախնցված է եղել նրա «Սպանդարյան» մասնաճյուղում բացված հաշվեհամարին, սակայն վերջինս այն կանխիկացրել է իրենց մասնաճյուղում։

/տես՝ դատական նիստի արձանագրությունը/

Վկա Թամարա Պետրոսովայի դատարանում տրված ցուցմունքով այն մասին, որ աշխատում է «ՎՏԲ Հայաստան Բանկ» ՓԲ ընկերության թիվ 3 մասնաճյուղում` որպես մասնաճյուղի ավագ մասնագետ։
2014թ.-ի նոյեմբերի 22-ին իրենց բանկի մասնաճյուղ է այցելել Պաատա Կվեկվեսկիրին և ներկայացնելով անձը հաստատող փաստաթուղթ, խնդրել է բանկային հաշվից գումար կանխիկացնել։ Պատճենահանել է անձնագիրը և կցել ելքի օրդերին։ Մինչ գործարքը սկսելը, մոտեցել է բաժնի պետին, ով հսկել է գործարքի ողջ ընթացքը։ Գործարքը հաստատելուց հետո կանխիկացրել է 1153 ԱՄՆ դոլար։ Հաճախորդը բանկ է եկել միայնակ, վերջինիս հետ զրուցել են ռուսերեն։ Մի քանի օր անց բանկի կառավարչից տեղեկացել է, որ իր կողմից հաստատված գործարքով կրկնակի գումար է կանխիկացվել։
Ամբաստանյալ Պաատա Կինծուրաշվիլիին չի ճանաչում, վերջինիս` որպես բանկի հաճախորդի, չի սպասարկել։

/տես՝ դատական նիստի արձանագրությունը/

Վկա Լիլիթ Մուրադյանի դատարանում տրված ցուցմունքով այն մասին, որ աշխատում է «ՎՏԲ Հայաստան Բանկ» ՓԲ ընկերության «Սպանդարյան» մասնաճյուղում` որպես ավագ մասնագետ։
2014թ. փետրվար ամիսն ամբաստանյալ Պաատա Կինծուրաշվիլին ներկայացել է բանկի իրենց մասնաճյուղ և, ներկայացնելով անձը հաստատող փաստաթուղթ, խնդրել քարտային հաշվեհամարին մուտքագրել 1.000.000 ՀՀ դրամ գումար։ Պատճենահանել է անձնագիրը, ստուգել նրա՝ նախօրոք բացված հաշվեհամարը, ստուգել թղթադրամները, որից հետո կատարելը գործարքը։ Գործարքի ընթացքը հսկվել է։
Պնդել է, որ նման գործարք կատարելու համար նախկինում բավարար է եղել միայն անձնագիրը, քանի որ տվյալ ժամանակահատվածում թույլատրվել է գումար մուտք անել առանց քարտի առկայության։ Չի մտաբերում, թե բացի իր կողմից մուտք արած գումարից, քարտային հաշվին այլ գումարներ եղել են, թե ոչ։
Հետագայում, երբ հարուցվել է քրեական գործ, նախաքննական մարմնից տեղեկացել է, որ նույն գումարի վերաբերյալ ինչ-որ անձանց կողմից կատարվել են կրկնակի գործարքներ։ Ներկայումս քարտային հաշիվներից գումարների ելքագրումը թույլատրվում է միայն անձնագրի և քարտի առկայության պարագայում՝ նախկինում թույլ տրված թերացումները բացառելու նպատակով։

/տես՝ դատական նիստի արձանագրությունը/

Վկա Իվետա Ներսիսյանի դատարանում տրված ցուցմունքով այն մասին, որ աշխատում է «ՎՏԲ Հայաստան Բանկ» ՓԲ ընկերության «Շահումյան» մասնաճյուղում` որպես սպասարկման բաժնի պետ։
«ՎՏԲ Հայաստան Բանկ» ՓԲ ընկերության գլխամասային գրասենյակից հրաման է ստացվել առ այն, որ Վրաստանի Հանրապետության քաղաքացիները բանկային հաշիվներից գումարի կրկնակի կանխիկացման փորձեր են կատարում։ Հրամանին կից եղել են մի քանի անձանց անձնագրերի պատճեններ՝ լուսանկարներով։
Ամբաստանյալ Պաատա Կինծուրաշվիլիին տեսել է երկու անգամ։ Մասնավորապես, առաջին անգամ նա ներկայացել է բանկի իրենց մասնաճյուղ, մոտեցել սպասարկումների համար նախատեսված պատուհանին և, ներկայացնելով անձը հաստատող փաստաթուղթը, խնդրել է գումար կանխիկացնել։ Տվյալ ժամանակահատվածում սահմանված կարգի համաձայն` թույլատրվել է գումար կանխիկացնել միայն անձնագրի առկայության պարագայում՝ առանց բանկային քարտը ներկայացնելու։
Արդեն երկրորդ անգամ, երբ Պաատա Կինծուրաշվիլին այցելել է իրենց բանկ, նրա քարտը եղել է արգելափակված, ուստի ցանկացել է նոր քարտ ձեռք բերել։ Մինչ նրա գալը, բանկի մասնաճյուղ է ստացվել նրա անձնագրի պատճենը և իրենց զգուշացվել է, որ տվյալ անձի ներկայանալու դեպքում պետք է տեղեկացնեն «ՎՏԲ Հայաստան Բանկ» ՓԲ ընկերության գլխամասային գրասենյակ։ Անմիջապես զանգահարել է գլխամաս, տեղեկացրել, որ ներկայացել է տվյալ անձը։ Գլխամասի գրասենյակից իրեն հայտնել են, որ հաճախորդին պետք է «պահել» այնքան ժամանակ` մինչ գլխամասի անվտանգության աշխատակիցների մոտենալը։ Այնուհետև, երբ եկել են անվտանգության աշխատակիցները, նրան մի կողմ են հրավիրել, որից հետո հեռացել են։

/տես՝ դատական նիստի արձանագրությունը/


Վկա Կարեն Վարդանյանի դատարանում տրված ցուցմունքով այն մասին, որ աշխատում է «ՎՏԲ Հայաստան Բանկ» ՓԲ ընկերության գլխամասում` որպես գլխավոր մասնագետ։
Իր տեղեկացմամբ` Վրաստանի Հանրապետության որոշ քաղաքացիներ կատարել են բանկային հաշիվներից գումարի կրկնակի կանխիկացմումներ։ Մասնավորապես, գումարի կրկնակի կանխիկացումը դրսևորվել է նրանում, որ 2-3 անձինք քարտային հաշվեհամարներ են բացել «ՎՏԲ Հայաստան Բանկ» ՓԲ ընկերությունում, որից հետո գումարներ են մուտքագրել այդ հաշվեհամարին։ Ապա, հաշվեհամար բացած անձանցից մեկը՝ անձնագրով մոտեցել է բանկի համապատասխան մասնաճյուղ` գումար կանխիկացնելու նպատակով, իսկ մյուսը` քարտով սպասել է որևէ բանկոմատի մոտ։ Համապատասպան ազդանշանի դեպքում երկու անձինք, համարյա թե միաժամանակ, փորձել են նույն գումարը՝ և բանկից և բանկոմատից համարյա թե միաժամանակ ելք անել՝ ստանալ։
Ամբաստանյալ Պաատա Կինծուրաշվիլիին չի տեսել, քանի որ իր գործառույթներից ելնելով, չի առնչվում հաճախորդների սպասարկման բաժնի հետ։ Նրան տեսել է միայն լուսանկարներով` իրեն անծանոթ անձանց հետ։
Միաժամանակ նշել է, որ ամբաստանյալ Պաատա Կինծուրաշվիլին որպես հաճախորդ ներկայացել է «ՎՏԲ Հայաստան Բանկ» ՓԲ ընկերության «Սպանդարյան» և «Շահումյան» մասնաճյուղեր։ Մի մասնաճյուղում վերջինս գումար է մուտքագրել, որը կանխիկացցել է մեկ այլ մասնաճյուղից՝ լօրիվ այլ անձի կողմից։ Քարտը տվյալ պահին գտնվել է բանկոմատի մոտ կանգնած մեկ այլ անձի մոտ։ Առաջին անգամ ամբաստանյանը գումար է կանխիկացրել 2014թ.-ի նոյեմբերի սկզբին։ Հետագայում նրա քարտը արգելափակվել է, նա եկել է բանկ` քարտի հետ կապված խնդիրները լուծելու նպատակով։
Վկան դատարանում պարզաբանումներ է տվել այն մասին, որ անձինք, ովքեր զբաղվել են նույն գումարի կրկնակի կանխիկացմամբ, օգտվել են այն հանգամանքից, որ մինչև բանկի աշխատակցի կողմից գումարը հաճախորդին հանձնելը տեղի է ունենում այսպես ասած «պրոցեսսինգ» գործողությունը, որի ժամանակ, մինչև դրա ավարտը, գումարը համակարգում երևում է որպես առկա։ Հիշյալ հանգամանքից օգտվելով էլ բանկոմատի մոտ կանգնած անձնավորությունը կարողանում է նույն գումարը ստանալ բանկոմատից, ինչը մի քանի րոպե անց անում է նաև այն հաճախորդը, որը գտնվում է բանկում և սպասում իր գումարին։
Ներկայումս, սակայն, հիշյալ հափշտակություններից խուսափելու համար, բանկի ներքին հրամանների համաձայն՝ հաճախորդին քարտային հաշվից գումար է տրվում միայն անձնագիրն ու բանկային քարտը միաժամանակ ներկայացնելու դեպքում։

/տես՝ դատական նիստի արձանագրությունը/

Վկա Անահիտ Սողոմոնյանի դատարանում տրված ցուցմունքով այն մասին, որ աշխատում է «ՎՏԲ Հայաստան Բանկ» ՓԲ ընկերության «Կոտայք» մասնաճյուղում` որպես սպասարկման բաժնի ավագ մասնագետ։
ՎՏԲ Հայաստան Բանկ» ՓԲ ընկերության «Կոտայք» մասնաճյուղ միայնակ այցելել է Պաատա Կվեկվեսկիրին և ներկայացնելով անձը հաստատող փաստաթուղթը, խնդրել է բանկային հաշվին գումար մուտքագրել /գումարի չափը չի մտաբերում/։ Տվյալ ժամանակահատվածում քարտային հաշվին գումար մուտքագրելու համար քարտի առկայությունը պարտադիր չի եղել։ Ինքը Պաատա Կվեկվեսկիրին սպասարկել է մեկ անգամ։
Ամբաստանյալ Պաատա Կինծուրաշվիլիին նախկինում չի տեսել, նրան չի սպասարկել։

/տես՝ դատական նիստի արձանագրությունը/

Վկա Նարինե Սարգսյանի դատարանում տրված ցուցմունքով այն մասին, որ աշխատում է «ՎՏԲ Հայաստան Բանկ» ՓԲ ընկերության «Կոտայք» մասնաճյուղում` որպես բաժնի ավագ մասնագետ։
«ՎՏԲ Հայաստան Բանկ» ՓԲ ընկերության «Կոտայք» մասնաճյուղ է այցելել Պաատա Կվեկվեսկիրին և ներկայացնելով անձը հաստատող փաստաթուղթ, խնդրել է քարտային հաշվից կանխիկացնել 950.000 ՀՀ դրամ գումար։ Չի մտաբերում, արդյոք վերջինս քարտ ներկայացրել է, թե ոչ։ Տեղեկացել է, որ տվյալ անձը իրենց բանկում գումար է մուտքագրել, որի չափը չգիտի։
Ամբաստանյալ Պաատա Կինծուրաշվիլիին նախկինում չի տեսել, նրան չի սպասարկել։

/տես՝ դատական նիստի արձանագրությունը/

Վկա Էդուարդ Տերտերյանի դատարանում տրված ցուցմունքով այն մասին, որ աշխատում է «ՎՏԲ Հայաստան Բանկ» ՓԲ ընկերության «Շահումյան» մասնաճյուղում` որպես մասնաճյուղի կառավարիչ։
«ՎՏԲ Հայաստան Բանկ» ՓԲ ընկերության գլխամասային գրասենյակից գրություն է ստացվել առ այն, որ Վրաստանի Հանրապետության քաղաքացիները բանկային հաշիվներից գումարի կրկնակի կանխիկացման փորձեր են կատարում։ Հրամանին կից եղել են մի քանի անձանց անձնագրերի պատճեններ։
Կեղյակ է, որ ամբաստանյալ Պաատա Կինծուրաշվիլին այցելել է «ՎՏԲ Հայաստան Բանկ» ՓԲ ընկերության «Շահումյան» մասնաճյուղ, մոտեցել սպասարման բաժին և ցանկացել է գումար կանխիկացնել /գումարի չափը չի մտաբերում/։ Մասնաճյուղի համապատասխան աշխատակիցը սպասարկել է նրան, որից հետո վերջինս հեռացել է։
Հաջորդ օրը ամբաստանյալ Պաատա Կինծուրաշվիլին կրկին այցելել է բանկ և կատարել համապատասխան գործարք։ Տեսնելով, որ վերջինս ընդգրկված է ընկերության գլխամասային գրասենյակից ստացված անձանց ցուցակում, դիմել է բանկի անվտանգության աշխատակիներին, այնուհետև` «շահումյանի» ոստիկանություն։ Չի մտաբերում, բացի ամբաստանյալ Պաատա Կինծուրաշվիլիից, Վրաստանի Հանրապետության այլ քաղաքացիներ իրենց մասնաճյուղ եկել են, թե ոչ։ Հետագայում նայել են տեսախցիկները, որտեղ տեսել են, որ Պաատա Կինծուրաշվիլին և մեկ այլ անձ մոտենում են միմյանց, զրուցում միմյանց հետ և առաջանում։
Չի բացառում, որ բանկում գումարի կանխիկացման ժամանակ հնարավոր է այդ պահին բանկոմատից ելքագրել են գումար։

/տես՝ դատական նիստի արձանագրությունը/

Վկա Նունե Վարդանյանի դատարանում տրված ցուցմունքով այն մասին, որ աշխատում է «ՎՏԲ Հայաստան Բանկ» ՓԲ ընկերության «Շահումյան» մասնաճյուղում` որպես ավագ մասնագետ։
Բանկի կառավարչի կողմից տեղեկացվել է, որ Վրաստանի Հանրապետության որոշ քաղաքացիներ կրկնակի գումարի կանխիկացման փորձեր են կատարում։ Ներկայացվել են լուսանկարներ, որոնց շարքում եղել է նաև Պաատա Կինծուրաշվիլիի լուսանկարը։
Հջշում է, որ ամբաստանյալ Պաատա Կինծուրաշվիլին այցելել է իրենց բանկի մասնաճյուղ, մոտեցել իր կողմից սպասարկվող պատուհանին և խնդրել է ձևակերպել նոր պլաստիկ քարտ։ Վերջինս պատճառաբանել է, որ կորցրել է իր նախկին քարտը։ Ներկայացրել է անձնագիրը և վճարել սպասարկման գումարը։ Տեսնելով նրան, անմիջապես ճանաչել և այդ մասին տեղեկացրել է բանկի կառավարչին։ Այնուհետև, բանկի անվտանգության աշխատակիցները եկել և տարել են նրան։
Գումարի կրկնակի կանխիկացումը, դա հետևյալ գործողությունն է. Անձն անձնագրով մոտենում է բանկ, ցանկանում գումար կանխիկացնել, իսկ մեկ այլ անձ` քարտը ձեռքին, սպասում է բանկոմատի մոտ, որի ժամանակ նույնպես փորձում է կանխիկացնել նույն գումարը։ Չի մտաբերում, բացի Պաատա Կինծուրաշվիլիից, այլ անձի տվյալներ եղել են, թե ոչ։
Պնդել է, որ մինչ տվյալ միջադեպը, եղել են դեպքեր, երբ Պաատա Կինծուրաշվիլին այցելել է բանկի իրենց մասնաճյուղ և, ներկայացնելով անձը հաստատող փաստաթուղթը, գումարներ կանխիկացրել։ Չի մտաբերում, սակայն, կանխիկացված գումարի չափը։ Պաատա Կինծուրաշվիլին բանկ է եկել միայնակ, խոսել ռուսերեն։ Մասնավորապես, լսել է, թե ինչպես է մեկ անգամ զրուցում հեռախոսով, որի ժամանակ ասել է` «...գումարը կստանամ ու կգամ»։ Ենթադրում է, որ Պաատա Կինծուրաշվիլին կատարել է անօրինական գործողություններ, սակայն չգիտի, թե դրանք ինչ բնույթ են կրում։ Ներկայումս բանկի գումարները կանխիկացնել թույլատրվում է միայն անձնագրի և քարտի միաժամանակյա առկայությամբ։

Դատարանն արձանագրելով, որ վկայի դատաքննական և նախաքննական ցուցմունքների միջև առկա են էական հակասություններ՝ որոշում է կայացրել հրապարակել նրա նախաքննական ցուցմունքն այն մասին, որ`
«/…/ Պաատա Կինծուրաշվիլին ցանկություն է հայտնել իր քարտային հաշվից կանխիկացնել 900.000 ՀՀ դրամ գումար, սակայն ծրագրով երևացել է, որ նրա հաշվին այդքան գումար չկա։ Հայտնել է, որ նրա հաշվին եղած գումարը մոտ 470.000 ՀՀ դրամ է։ Պաատա Կինծուրաշվիլին ասել է, որպեսզի կանխիկացնի այդքանը, ուստի կատարել է գործաքրը։ Նա վերցրել է գումարը և հեռացել»։

Նախաքննական ցուցմունքի հրապարակումից հետո վկան ամբողջությամբ պնդել է այն և հավելել, որ ներկայումս պարզապես չէր մտաբերում գումարի չափը։ Պաատա Կինծուրաշվիլին, տեսնելով, որ 900.000 ՀՀ դրամ գումար չկա քարտի վրա, որևէ զարմանք չի հայտնել, որևէ բան չի ասել։

/տես՝ դատական նիստի արձանագրությունը/

Դատարանն արձանագրում է, որ բացի վերոգրյալ ապացույցներից ամբաստանյալ Պ.Կինծուրաշվիլիի մեղքը հիմնավորվել է նաև դատաքննությամբ հետազոտված հետևյալ ապացույցներով.

22.11.2014թ.-ին, 20.11.2014թ.-ին, 11.11.2014թ.-ին, 22.11.2014թ-ին կազմված` Անհաշիվ գործարքներով /հատոր` 2, գ.թ.76-79/, 18.11.2014թ.-ին, 18.11.2014թ.-ին, 22.11.2014թ.-ին, 24.11.2014թ-ին, 20.11.2014թ-ին Սեբուա Վախթանգ Օտարիի կողմից կատարված գործառնությունների տեղեկատվությամբ /հատոր` 2, գ.թ.80-85/, Viza Electron card` 16054021199400 AMD /ելքեր/ 17.11.2014թ.-ին, 19.11.2014թ.-ին, 20.11.2014թ.-ին, 21.11.2014թ.-ին Պաատա Կինծուրաշվիլիի կողմից կատարված գործառնությունների տեղեկատվությամբ /հատոր` 2, գ.թ. 86/, Viza Electron card` 16054021199400 AMD /մուտքեր/ 17.11.2014թ-ին, 18.11.2014թ.-ին, 19.11.2014թ.-ին, 20.11.2014թ.-ին, 21.11.2014թ.-ին Պաատա Կինծուրաշվիլիի կողմից կատարված գործառնությունների տեղեկատվությամբ /հատոր` 2, գ.թ. 87/, Viza Electron card` 16054021199400 AMD /մուտքեր/ 21.11.2014թ.-ին Պաատա Կինծուրաշվիլիի կողմից կատարված գործառնությունների տեղեկատվությամբ /հատոր` 2, գ.թ. 88-89/, Viza Gold card` 16053007109302 EUR /մուտքեր/ 11.10.2014թ.-ին և 11.11.2014թ.-ին Ժգենտի Կախայի կողմից կատարված գործառնությունների տեղեկատվությամբ /հատոր` 2, գ.թ. 90-91/, Viza Gold card` 16053007109302 EUR /ելքեր/ 11.10.2014թ.-ին և 11.11.2014թ.-ին Ժգենտի Կախայի կողմից կատարված գործառնությունների տեղեկատվությամբ /հատոր` 2, գ.թ. 92/, Viza Gold card` 16053007109302 USD /մուտքեր/ 11.10.2014թ-ին Ժգենտի Կախայի կողմից կատարված գործառնությունների տեղեկատվությամբ /հատոր` 2, գ.թ. 93/, Viza Gold card` 16053007109301 USD /ելքեր/ 11.10.2014թ-ին Ժգենտի Կախայի կողմից կատարված գործառնությունների տեղեկատվությամբ /հատոր` 2, գ.թ. 94/, Viza Gold card` 16053007109300 AMD /մուտքեր/ 11.05.2014թ.-ին, 11.10.2014թ.-ին, 11.11.2014թ.-ին Ժգենտի Կախայի կողմից կատարված գործառնությունների տեղեկատվությամբ /հատոր` 2, գ.թ. 95/, Viza Gold card` 16053007109300 AMD /ելքեր/ 11.05.2014թ.-ին, 11.10.2014թ.-ին, 11.11.2014թ.-ին Ժգենտի Կախայի կողմից կատարված գործառնությունների տեղեկատվությամբ /հատոր` 2, գ.թ. 96/, MasterCard Gold 16048273603205 USD /մուտքեր/ 22.11.2014թ.-ին Կվեկվեսկիրի Պաատայի կողմից կատարված գործառնությունների տեղեկատվությամբ /հատոր` 2, գ.թ. 97/, MasterCard Gold 16048273603205 USD /ելքեր/ 22.11.2014թ-ին Կվեկվեսկիրի Պաատայի կողմից կատարված գործառնությունների տեղեկատվությամբ /հատոր` 2, գ.թ. 98/, Visa Elektron card` 16048273603200 AMD /մուտքեր/ 18.11.2014թ.-ին Կվեկվեսկիրի Պաատայի կողմից կատարված գործառնությունների տեղեկատվությամբ /հատոր` 2, գ.թ. 99/, Visa Elektron card` 16048273603200 AMD /ելքեր/ 18.11.2014թ.-ին Կվեկվեսկիրի Պաատայի կողմից կատարված գործառնությունների տեղեկատվությամբ /հատոր` 2, գ.թ. 100/, MasterCard Gold 16048273603204 AMD /մուտքեր/ 20.11.2014թ.-ին, 21.11.2014թ.-ին և 24.11.2014թ.-ին Կվեկվեսկիրի Պաատայի կողմից կատարված գործառնությունների տեղեկատվությամբ /հատոր` 2, գ.թ. 101/, MasterCard Gold 16048273603204 AMD /ելքեր/ 20.11.2014թ.-ին, 22.11.2014թ.-ին և 24.11.2014թ.-ին Կվեկվեսկիրի Պաատայի կողմից կատարված գործառնությունների տեղեկատվությամբ /հատոր` 2, գ.թ. 102/, Visa Gold Card` 16053007108501 EUR /մուտքեր/ 11.10.2014թ-ին և 11.11.2014թ.-ին Կուխիլավա Ջումբերի կողմից կատարված գործառնությունների տեղեկատվությամբ /հատոր` 2, գ.թ. 103/, Visa Gold Card` 16053007108501 EUR /ելքեր/ 11.11.2014թ.-ին Կուխիլավա Ջումբերի կողմից կատարված գործառնությունների տեղեկատվությամբ /հատոր` 2, գ.թ. 104/, Visa Gold Card` 16053007108500 AMD /մուտքեր/ 11.05.2014թ.-ին և 11.11.2014թ.-ին Կուխիլավա Ջումբերի կողմից կատարված գործառնությունների տեղեկատվությամբ /հատոր` 2, գ.թ. 105/, Visa Gold Card` 16053007108500 AMD /ելքեր/ 11.05.2014թ.-ին և 11.11.2014թ.-ին Կուխիլավա Ջումբերի կողմից կատարված գործառնությունների տեղեկատվությամբ /հատոր` 2, գ.թ. 106/, «Արարատ Բանկ» ԲԲԸ-ի կողմից 20.02.2015թ.-ին` Պաատա Կինծուրաշվիլիի վերաբերյալ «Արարատ Բանկ» ԲԲԸ-ի բանկոմատներով կատարված գործարքների վերաբերյալ տեղեկատվությամբ /հատոր` 2, գ.թ. 108/, «Կոնվերս Բանկ» ՓԲԸ-ի ֆինանսական դիտարկումների բաժնի պետի կողմից 05.02.2015թ.-ին տրամադրված` Բանկային գաղտնիք կազմող տեղեկությունների վերաբերյալ գրությամբ և Պաատա Կվեկվեսկիրիի, Պաատա Կինծուրաշվիլիի, Սեբուա Վախթանգ բանկային հաշիվների, վարկերի և գործարքների վերաբերյալ բանկային գաղտիք պարունակող տեղեկություններով /հատոր` 2, գ.թ. 110-120/, 22.04.2015թ.-ին կազմված` առգրավում կատարելու վերաբերյալ արձանագրությամբ /հատոր` 2, գ.թ. 165/, քաղվածքներում ընդգրկված ՎՏԲ-Հայաստան Բանկի բանկոմատների և մասնաճյուղերի վերաբերյալ գրությամբ /հատոր` 2, գ.թ. 167/, դիմում-պայմանագիր` դեբետային քարտի տրամադրման վերաբերյալ փաստաթղթերով /հատոր` 2, գ.թ. 170-171/, Վաղթանգ Սեբուայի կողմից PIN ծրարի ստացումը հաստատող փաստաթղթերով /հատոր` 2, գ.թ. 172/, դիմում-պայմանագիր` դեբետային քարտի տրամադրման վերաբերյալ փաստաթղթերով /հատոր` 2, գ.թ. 173-174/, Պաատա Կվեկվեսկիրիի կողմից PIN ծրարի ստացումը հաստատող փաստաթղթերով /հատոր` 2, գ.թ. 175/, դիմում-պայմանագիր` դեբետային քարտի տրամադրման վերաբերյալ փաստաթղթերով /հատոր` 2, գ.թ. 176-178/, Պաատա Կվեկվեսկիրիի` քարտային հաշվի քաղվածքի վերաբերյալ փաստաթղթերով /հատոր` 2, գ.թ. 179/, Պաատա Կվեկվեսկիրիի վերաբերյալ` բանկոմատներում կատարված գործարքների վերաբերյալ փաստաթղթերով /հատոր` 2, գ.թ. 181/, Պաատա Կինծուրաշվիլիի` քարտային հաշվի քաղվածքի վերաբերյալ փաստաթղթերով /հատոր` 2, գ.թ. 182-184/, Կախայ Ժգենտիի քարտային հաշվի քաղվածքի վերաբերյալ փաստաթղթերով /հատոր` 2, գ.թ. 187-188/, 4033180007859385 բանկային քարտի` բանկոմատներում կատարված գործարքների վերաբերյալ փաստաթղթերով /հատոր` 2, գ.թ. 189/, Ջումբերի Կուխիլավայի քարտային հաշվի քաղվածքի վերաբերյալ փաստաթղթերով /հատոր` 2, գ.թ. 191/, 4033180007839387 բանկային քարտի` բանկոմատներում կատարված գործարքների վերաբերյալ փաստաթուղթը /հատոր` 2, գ.թ. 192/, Վախթանգ Սեբուայի` քարտային հաշվի քաղվածքի վերաբերյալ փաստաթղթերով /հատոր` 2, գ.թ. 193/։
Դատարանում վերարտադրվել և հետազոտվել են են նաև բանկոմատների տեսախցիկների կողմից կատարված և նախաքննության տրամադրված կրիչներում պարունակող տեսագրությունները, որոնցում պատկերված է նույնանման հագուստներով և ակնհայտորեն իր արտաքինը բանկոմատների տեսախցիկներից թաքցնող մի անձ, ով հայտնվելով բանկերի տարբեր մասնաճյուղերի մոտակայքում իրականացնում է կասկածելի գործարքներ՝ ընդ որում, միաժամանակ Պաատա Կինծուրաշվիլիի հետ նույն այն պահին, երբ վերջինս բանկի մեկ այլ մասնաճյուղից փորձում է գումար կանխիկացնել ու ստանալ այն։ Պատկերված երկու դրվագներից էլ հստակ երևում է, որ ամբաստանյալ Պաատա Կինծուրաշվիլին նույն ժամանակ հայտնվում է բանկի այն նույն մասնաճյուղի մոտակայքում, որտեղ նաև լինում է նշված անձը։
Այսպիսով, քրեական գործի դատական քննությամբ ձեռք բերված և ուսումնասիրված, սույն դատավճռի նկարագրական մասում բերված ապացույցների ընդհանուր զանգվածում ամբաստանյալի մեղքը հիմնավորող, վերը շարադրված ապացույցներն դատարանին բերում են այնպիսի հիմնավոր եզրահանգման, որ ամբաստանյալը կատարել է իրեն մեղսագրված հանցանքը։
Դատարանն անարժանահավատ ու մտացածին է համարում ամբաստանյալի այն ցուցմունքը, թե իբր նախկինում չի ճանաչել Վրաստանի Հանրապետության քաղաքացիներ Կախա ժգենտիին, Պաատա Կվեկվեսկիրիին, Ջումբերի Կուխիլավային և Վախթանգ Սեբուային, հաշվի առնելով այն փաստը, որ նա չկարողացավ դատարանին տալ տրամաբանական պատասխաններ այն մասին, որ ինչ ճանապարհով է իր կողմից իբրև թե կորցրած քարտերը հայտնվել այդ անձանց մոտ և ինչու այդ մասին նա չի հայտնել բանկին՝ դրանց գործողությունը կասեցնելու համար։ Կամ ինչպես է պատահել, որ ինքը, ինչպես նաև տեսագրություններում պատկերված՝ իքնությունը չճշտված՝ նույնանման հագուստներով և ակնհայտ իր արտաքինը բանկոմատների տեսախցիկներից թաքցնող անձը նույն պահին հայտնվում են բանկի միևնույն մասնաճյուղի մոտակայքում, ավելին, միասին անցնում բանկի մասնաճյուղի շենքի ետեևի մասը։
Դատարանը, միանգամայն հնարովի և անարժանահավատ է դիտարկում նաև ամբաստանյալի՝ ՀՀ գալով իր մոտ եղած՝ առևտրային նպատակներով բերված գոււմարը, իբրև թե ապահովությունից դրդված բանկերին ի պահ տալու մասին վերջինիս պնդումները, հաշվի առնելով, որ Հայաստան գալու ճանապարհին էլ ավելի հավանական էր հիշյալ գումարի՝ հանցավոր ոտնձգության օբյեկտ հանդիսանալու հանգամանքը, հետևապես, ամբաստանյալընայն, իր տրամաբանության համաձայն, պետք է փոխանցման միջոցով մինչև ՀՀ գալը փոխանցեր Վրաստանից, ինչը սակայն չի արել։
Բացի այդ, դատարանում ամբաստանյալն այդպես էլ չկարողացավ ողջամտորեն կամ արժանահավատ կերպով հիմնավորել, որ եթե ընդունենք, թե իր հետ Հայաստան բերված գումարը եղել է բիզնես գործունեություն ծավալելու նպատակով, ապա ինչու է ունեցած գումարնեը նման հաճախականությամբ մուտքագրել և ելքագրել իր բանկային հաշիվների վրա և հատկապես ինչ ֆինանսական գործարքներ կնքելու կամ առևտրային փոխանցումներ կատարելու նպատակով։
Դատարանը փաստում է նաև, որ ամբաստանյալը որևէ հիմավոր պատճառաբանություն չներկայացրեց, որը կարող էր դատարանին բերել այն համոզման, որ ամբաստանյալի և գործով չբացահայտված անձի միաժամանակյա գործողությունները` կապված մի դեպքում բանկից անձնագրով գումար ստանալու, մյուս դեքում` բանկոմատից քարտի միջոցով գումար կանխիկացնելու հետ, եղել են պատահականության արդյունք։ Այս փաստը ևս վկայում է այն մասին, որ Պ.Կինծուրաշվիլիի բանկային քարտը գտնվել է ոչ թե իր, այլ` բանկոմատի մոտ գտնվող` սպորտային հագուստով, գործով չբացահայտված անձի մոտ, ով արդեն իսկ գտնվել է նախապես պայմանավորված վայրում և սպասել համապատասխան ազդանշանի՝ արդեն իսկ ստացված գումարները ևս մեկ անգամ կանխիկացնելու նպատակով, ինչը սակայն մի շարք դեպքերում նրանց չի հաջողվել՝ իրենց կամքից անկախ հանգամանքներով։
3.Դատարանի իրավական վերլուծությունները
Ամբաստանյալ Պաատա Կինծուրաշվիլին մեղադրվում է ՀՀ Քրեական օրենսգրքի 34-178-րդ հոդվածի 3-րդ մասի 1-ին և 2-րդ կետերով նախատեսված հանցագործության կատարման մեջ։
ՀՀ քրեական օրենսգրքի 178-րդ հոդվածի 3-րդ մասի 1-ին և 2-րդ կետերի համաձայն`
«Խարդախությունը խաբեության կամ վստահությունը չարաշահելու եղանակով ուրիշի գույքի հափշտակությունը կամ ուրիշի գույքի նկատմամբ իրավունք ձեռք բերելն է։
3. Խարդախությունը, որը կատարվել է՝
1) առանձնապես խոշոր չափերով,
2) կազմակերպված խմբի կողմից պատժվում է ազատազրկմամբ՝ չորսից ութ տարի ժամկետով՝ գույքի բռնագրավմամբ կամ առանց դրա»։
Քրեական գործի դատական քննության՝ դատական վիճաբանությունների մասում ամբաստանյալի պաշտպանը վիճարկելով գործի փաստերը, հայտարարել է, որ որևէ ապացույց, ինչը կվկայեր իր պաշտպանյալի՝ կազմակերպված խմբի կազմում գործելու մասին, ի հայտ չի եկել, դրա մասին ապացույցներ չկան։

Սույն բաժնում դատարանը նախ՝ ցանկանում է անդրադառնալ «կազմակերպված հանցավոր խումբ» հասկացությանն ու դրա իրավական բնորոշմանը։

Կազմակերպված հանցավոր խումբը հանցակցության բարդ ձև է, որին կարող են մասնակցել բոլոր տեսակի հանցակիցները։

Մասնավորապես, ՀՀ քրեական դատավարության օրենսգրքի 41-րդ հոդվածի 3-րդ մասի համաձայն`

«/.../ 3. Հանցանքը համարվում է կազմակերպված խմբի կողմից կատարված, եթե դա կատարվել է այնպիսի անձանց կայուն խմբի կողմից, ովքեր նախապես միավորվել են մեկ կամ մի քանի հանցանքներ կատարելու համար...»։

Հոդվածի դիսպոզիցիայի վերրլուծությամբ պարզ է դառնում, որ կազմակերպված հանցավոր խումբ կամ հանցավոր համագործակցություն ստեղծելը խմբի կամ համագործակցության անդամների ընտրությունն է, նրանց միջև կայուն կապի ստեղծումը, դերերի բաշխումը, նութական միջոցների` այդ թվում նաև տրանսպորտային միջոցների, ապահովումը, հանցավոր գործունեության ուղվածությունը, համագործակցության կառուցվածքը որոշելը։

Դատարանն ընդգծում, որ կազմակերպված խումբը նախնական համաձայնությամբ հանցակցության առավել վտանգավոր տեսակն է, որի անդամները մասնագիտացված են և միմյանց հետ գտնվում են կայուն հարաբերությունների մեջ։ Ընդ որում, ոպես կազմակերպված խմբի կարևորագույն հատկանիշ, այն առանձնանում է խմբի կայունությամբ, որն իր մեջ ընդգրկում է հետևյալ հատկանիշները`

- խմբի անդամների միջև կայուն կապ և հանցագործության նախապատրաստություն կամ կատարման առանձնահատուկ մեթոդների կիրառում,
- խմբի անդամների անխախտ համաձայնություն,
- կազմակերպվածության բարձր աստիճան՝ այն է՝ հանցագործությունների կատարման մանրակրկիտ պլանավորում, խմբի անդամների միջև դերերի բաշխում,
- հանցավոր գործունեությամբ տևական ժամանակով զբաղվելու նպատակը։

Քննվող քրեական գործով ձեռք բերված ապացույցները դատարանին թույլ են տալիս գալու այն եզրահանգման, որ Պաատա Կինծուրաշվիլիի, ինչպես նաև նրա հետ գործող մյուս անձանց կողմից ստեղծված խումբն իր կառուցվածքով, վտանգավորությամբ, դերերի և պարտականությունների բաշխմամբ, իսկ հետագայում նաև իրականացված հափշտակությունների բնույթով ոչ այլ ինչ է, քան երկու և ավելի անձանց կողմից կազմակերպված, կայուն հանցավոր խումբ։

Քննված քրեական գործով դատարանն ապացուցված համարեց, որ հանցախումբը ստեղծվել և ղեկավարվել է հատուկ «ՎՏԲ-Հայաստան Բանկ» ՓԲԸ-ից գումարներ հափշտակելու նպատակով։ Համադրելով գործով բոլոր վկաների` դատարանին հայտնած փաստական հանգամանքները, դատարանը եկավ այն եզրահանգման, որ դրանք ղեկավարող, ինչու չէ նաև՝ մանակից անձինք, սահմանել են որոշակի կանոններ, որոնց պահպանմամբ հափշտակությանը մասնակցած գործով չբացահայտված անձը իրականացրել է հափշտակություններ։ Դրանք են` բանկում հաշվեհամարներ բացելը, այդ հաշվեհամարներին գումարներ փոխանցելը, անձնագրով` առանց քարտի, բանկ ներկայանալը և գումար ելքագելը, նույն ժամանակահատվածում բանկոմատի մոտ մեկ այլ անձի գտնվելը, նշված անձին՝ բանկում գումարը փաստացի ստացողի կողմից համապատասխան ազդանշան տալը, ինչպես նաև՝ քարտով նույն պահին գումար ելքագրելը։ Ընդ որում, հարկ է նկատի ունենալ, որ բոլոր դեպքերում էլ տարբեր անձանց կողմից գումարների հափշտակումն ու դրա փորձը իրականացվել են բացառապես միևնույն սխեմայով։
Հիշյալ հանգամանքները դատարանին բերում են այն հետևության, որ գործով ամբաստանյալը և խմբի անդամները իրենց կողմից կատարվելիք հափշտակությունները ծրագրավորել և իրականացրել են մանրակրկիտ նախապատրաստական աշխատանքներ իրականացնելուց հետո, գործել են համակցված՝ դերերի հստակ տեղաբաշխմամբ։
Դատարանն արձանագրում է, որ ամենևին էլ պարտադիր չէ որ առկա լինի որևէ անձի ցուցմունք առ այն, որ հանցակիցները պայմանավորվել են կազմակերպված խումբ ստեղծել և գործել միայն դրա կազմում։ Բավական է նաև կազմակերպված խմբին բնորոշ, վերը շարադրված հատկանիշների, առկայությունը, որպեսզի հաստատված համարվի այդպիսի խմբի գործունեության փաստը։
Հետևաբար, քննվող քրեական գործով դատարանը, ՀՀ քրեական դատավարության օրենսգքրի 127-րդ հոդվածի դրույթներին համապատասխան, հետազոտելով և գնահատելով գործով ձեռք բերված ապացույցներն իրենց համակցությամբ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, ապացուցված է համարում այն, որ Պաատա Կինծուրաշվիլին՝ սույն դատավճռի նկարագրական բաժնում շարադրված մեղադրանքի ձևակերպմամբ կատարել է հանցավոր արարք` նախատեսված ՀՀ քրեական օրենսգրքի 34-178-րդ հոդվածի 3-րդ մասի 1-ին և 2-րդ կետով, ուստի վերջինս կատարած հանցավոր արարքի համար ենթակա է պատժի։

Պատիժ նշանակելիս դատարանը հաշվի է առնում ինչպես ամբաստանյալի կողմից կատարած հանցագործության բնույթն ու հասարակական վտանգավորության աստիճանը, այնպես էլ նրա անձը բնութագրող, պատասխանատվությունը և պատիժը մեղմացնող և ծանրացնող հանգամանքները։
Դատարանն արձանագրում է, որ ամբաստանյալ Պաատա Կինծուրաշվիլիի պատասխանատվությունը և պատիժը ինչպես մեղմացնող, այնպես էլ ծանրացնող հանգամանքներ գործում առկա չեն։
/տես` քրեական գործի նյութերը և դատական նիստի արձանագրությունը/
Ելնելով գործի հանգամանքներից, հիմք ընդունելով ՀՀ Քրեական օրենսգրքի 10-րդ հոդվածի 1-ին կետի դրույթը, համաձայն որի` «Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի` համապատաuխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար», ՀՀ քրեական օրենսգրքի 48-րդ հոդվածի 2-րդ կետի դրույթը, համաձայն որի` «Պատժի նպատակն է վերականգնել uոցիալական արդարությունը, ուղղել պատժի ենթարկված անձին, ինչպեu նաև կանխել հանցագործությունները» և ՀՀ քրեական օրենսգրքի 61-րդ հոդվածի 2-րդ մասը` համաձայն որի` «Պատժի տեսակը և չափը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով», դատարանը գտնում է, որ ամբաստանյալ Պաատա Կինծուրաշվիլիի կողմից կատարված արարքի համար նրա նկատմամբ պետք է պատիժ նշանակվի ազատազրկման ձևով՝ առանց գույքի բռնագրավման։
Անդրադառնալով ամբաստանյալի նկատմամբ նշանակվելիք պատժաչափի ընտրության հարցին, դատարանն արձանագրում է հետևյալը.
ինչպես նշվեց վերևում, դատարանն անձի նկատմամբ պատիժ նշանակելիս պետք է ղեկավարվի ՀՀ քրեական օրենսգրքի 10-րդ, 48-րդ և 61-րդ հոդվածների պահանջներով` հաշվի առնելով ինչպես օրենսդրական, այնպես էլ ՀՀ Վճռաբեկ դատարանի կողմից ձևավորված նախադեպային մի շարք մոտեցումներ։
Մասնավորապես, իր ՎԲ-142/07, ՎԲ-50/07, ՎԲ-192/07, ՎԲ-201/07, ԱՎԴ2/0059/01/08 որոշումներում քննարկվող հարցի առումով ՀՀ Վճռաբեկ դատարանն արտահայտել է ներքոհիշյալ իրավական դիրքորոշումները.
«ՀՀ քրեական օրենսգրքի 10-րդ հոդվածն ամրագրել է արդարության և պատասխանատվության անհատականացման սկզբունքը։ Պատիժ նշանակելիս արդարության սկզբունքը դրսևորվում է օրենքով նախատեսված մի շարք պահանջներով։ ՀՀ քրեական օրենսգրքի 61-րդ հոդվածի 1-ին մասը սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է քրեական օրենսգրքի Հատուկ մասի համապատասխան հոդվածի սահմաններում՝ հաշվի առնելով նույն օրենսգրքի Ընդհանուր մասի դրույթները։
ՀՀ քրեական օրենսգրքի 10-րդ հոդվածի համաձայն՝ հանցանք կատարած անձի նկատմամբ կիրառվող պատիժն արդարացի է, եթե համապատասխանում է հանցանքի ծանրությանը, դա կատարելու հանգամանքներին, հանցավորի անձնավորությանը անհրաժեշտ և բավարար է անձին ուղղելու և նրա կողմից նոր հանցանքի կատարումը կանխելու համար։
Միևնույն ժամանակ, ՀՀ քրեական օրենսգրքի 48-րդ հոդվածի 2-րդ մասի համաձայն՝ հանցագործության համար մեղավոր ճանաչված անձի նկատմամբ նշանակվող պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։
Պատիժ նշանակելիս հանցավորի նկատմամբ անհատական մոտեցումն անհրաժեշտ է, որպեսզի դատարանը պատժի տեսակն ու չափը ընտրելիս համոզվի, որ դրանով կհասնի պատժի վերը նշված նպատակներին, որոնք փոխկապակցված և փոխհամաձայնեցված են (մեկ նպատակը ենթադրում է մյուսները և յուրաքանչյուրի ինքնուրույն իրականացումն օժանդակում է մյուսներին)։ Այսինքն՝ պատժի նպատակներին հասնելու երաշխիք է հանցագործություն կատարած անձի նկատմամբ արդարացի, արարքի ծանրությանը և հասարակական վտանգավորությանը համապատասխան պատիժ նշանակելը։
ՀՀ քրեական օրենսգրքի 61-րդ հոդվածի 2-րդ մասի համաձայն՝ հանցագործության՝ հանրության համար վտանգավորության աստիճանը և բնույթը, հանցավորի անձը բնութագրող տվյալները, այդ թվում՝ պատասխանատվությունը և պատիժը մեղմացնող կամ ծանրացնող հանգամանքները, որոշիչ հանգամանքներ են պատժի տեսակը և չափը որոշելու հարցում։
Այլ կերպ` դատարանը պետք է բացահայտի կատարված կոնկրետ հանցանքի առանձնահատուկ հատկանիշները, որոնք կարող են ազդել հանրության համար վտանգավորության աստիճանի վրա (հանցագործության կատարման եղանակը, հանցավոր մտադրության իրականացման աստիճանը, վնասի չափը և այլն)։
Պատիժ նշանակելիս դատարանը հաշվի է առնում ինչպես ամբաստանյալի կողմից կատարած հանցագործությունների բնույթն ու դրանց հասարակական վտանգավորության աստիճանը, այնպես էլ նրա անձը բնութագրող, պատասխանատվությունը և պատիժը մեղմացնող և ծանրացնող հանգամանքները։
Դատարանն, անդրադառնալով Պ.Կինծուրաշվիլիի նկատմամբ ընտրված խափանման միջոցի` կալանավորման հարցին, գտնում է, որ այն պետք է թողնել անփոփոխ` մինչև դատավճռի օրինական ուժի մեջ մտնելը։
Քննվող քրեական գործով տուժող կազմակերպության` քաղաքացիական հայցվոր «ՎՏԲ-Հայաստան Բանկ» ՓԲԸ, ներկայացուցիչ Մ.Արոյանը 22.02.2016թ-ին դատարանին է ներկայացրել հայցադիմում, որում խնդրել է ամբաստանյալ Պաատա Կինծուրաշվիլիից հօգուտ «ՎՏԲ-Հայաստան Բանկ» ՓԲԸ բռնագանձել 927.869 /ինն հարյուր քսանյոթ հազար ութ հարյուր վաթսունինը/ ՀՀ դրամ` որպես պատճառված նյութական վնասի հատուցում։
Դատարանը, քննության առնելով տուժող կազմակերպության` քաղաքացիական հայցվոր «ՎՏԲ-Հայաստան Բանկ» ՓԲԸ, ներկայացուցիչ Մ.Արոյանի կողմից ամբաստանյալի դեմ ներկայացված հայցապահանջը, գտնում է, որ այն հիմնավոր է և ենթակա՝ բավարարման` հետևյալ պատճառաբանությամբ.
ՀՀ քրեական դատավարության օրենսգրքի 154-րդ հոդվածի համաձայն` քրեական դատավարությունում քաղաքացիական հայցը հարուցվում, ապացուցվում և լուծվում է նույն օրենսգրքի դրույթներով սահմանված կանոններով։ Քաղաքացիական դատավարության օրենսդրության նորմերի կիրառումը թույլատրվում է, եթե դրանք չեն հակասում քրեական դատավարության օրենսգրքին, և քաղաքացիական հայցով վարույթի համար անհրաժեշտ են կանոններ, որոնք նախատեսված չեն այդ օրենսգրքով։
Քաղաքացիական հայցով որոշումն ընդունվում է քաղաքացիական օրենսդրության նորմերին համապատասխան։
ՀՀ քաղաքացիական օրենսգրքի 1058-րդ հոդվածի 1-ին մասը սահմանում է, որ քաղաքացու անձին կամ գույքին, ինչպես նաև իրավաբանական անձի գույքին պատճառված վնասը լրիվ ծավալով ենթակա է հատուցման այն պատճառած անձի կողմից։ Վնասի հատուցման պարտականությունն օրենքով կարող է դրվել վնաս չպատճառած անձի վրա։
ՀՀ քրեական դատավարության օրենսգրքի 58-րդ հոդվածի համաձայն` տուժող է ճանաչվում այն անձը, ում քրեական օրենսգրքով չթույլատրված արարքով անմիջականորեն պատճառվել է բարոյական, ֆիզիկական կամ գույքային վնաս, իսկ տուժողի իրավահաջորդը վերջինիս՝ որոշակի իրավունքներով, այդ թվում քաղ. հայց ներկայացնելու, օժտված անձն է։
ՀՀ քրեական դատավարության օրենսգրքի 60-րդ հոդվածը սահմանում է, որ քաղաքացիական հայցվոր է ճանաչվում քրեական գործով վարույթի ընթացքում հայց ներկայացրած ֆիզիկական կամ իրավաբանական անձը, որի նկատմամբ բավարար հիմքեր կան ենթադրելու, որ նրան քրեական օրենսգրքով չթույլատրված արարքով պատճառվել է քրեական դատավարության կարգով հատուցման ենթակա գույքային վնաս։
Ըստ ՀՀ քրեական դատավարության օրենսգրքի 158-րդ հոդվածի 2-րդ մասի` քաղաքացիական հայցը հարուցվում է կասկածյալի, մեղադրյալի կամ նրա դեմ, ում վրա կարող է գույքային պատասխանատվություն դրվել մեղադրյալի գործողությունների հետևանքով։
Շարադրվածից հետևում է, որ քրեական դատավարությունում քաղաքացիական հայցի առարկան է կազմում հանցագործությամբ անմիջականորեն պատճառված գույքային վնասը, որի հատուցման մասին պահանջը հայցվորը ներկայացնում է մեղադրյալին կամ նրա գործողությունների համար պատասխանատվություն կրող անձին։
Քաղաքացիական հայցի առարկայի որոշման համար անհրաժեշտ է, որպեսզի վնասն անմիջականորեն հանցագործությամբ պատճառված լինի։
Այսպիսով, վերոգրյալ արարքն ամբաստանյալի կողմից կատարելու փաստն ապացուցված համարելով և քննության առնելով տուժողի ներկայացուցչի կողմից ընդդեմ ամբաստանյալի ներկայացված քաղաքացիական հայցը, դատարանը գտնում է, որ այն ենթակա է բավարարման` 927.869 /ինն հարյուր քսանյոթ հազար ութ հարյուր վաթսունինը/ ՀՀ դրամի չափով, որպես ամբաստանյալի կողմից «ՎՏԲ-Հայաստան Բանկ» ՓԲԸ-ին հանցագործությամբ անմիջականորեն պատճառված վնասի փոխհատուցում։
Միաժամանակ, հնարավոր քաղաքացիական հայցի բռնագանձումն ապահովելու նպատակով` Պաատա Կինծուրաշվիլիի անձնական խուզարկության ժամանակ հայտնաբերված «Model։ LR301» մոդելի, «IMEI։ 351969013304598» նույնականացման համարի, «S/N։ 2012042930459» սերիկան համարի, «Model։ LR301» մոդելի «IMEI։351969013304507» նույնականացման համարի, «S/N։ 2012042930450» սերիկան համարի, «model։ Т5» մոդելի, «IMEI։ A։ 357432041003022» և «IMEI։ B357432041003023» նույնականացման համարների երեք բջջային հեռախոսսների և սև գույնի դրամապանակի վրա դրված կալանքը պետք է պահպանել՝ քրեական գործի վարույթի ավարտից հետո մեկ ամսվա ընթացքում, որից հետո՝ այն պետք է վերացնել։
Պաատա Դավիթի Կինծուրաշվիլիի անձնական խուզարկության ժամանակ հայտնաբերված 5325757300938711, 5167460029670647, 5818671100600310, 01801122206 համարների պլաստիկ քարտերը պետք է վերադարձնել ՀՀ քննչական կոմիտեի ՀԿԳ քննության գլխավոր վարչություն՝ թիվ 69113114 քրեական գործին կցելու և հետագա ընթացքն օրենքով սահմանված կարգով լուծելու համար։
Քրեական գործով այլ փաստաթղթի կարգով ապացույց ճանաչված՝ ՀՀ կենտրոնական բանկից և «ՎՏԲՀայաստան Բանկ» ՓԲ ընկերությունից առգրավված և որպես այլ փաստաթղթի կարգով ապացույց ճանաչված՝ Պաատա Կինծուրաշվիլիի, Կախա ժգենտիի, Պաատա Կվեկվեսկիրիի, Ջումբերի Կուխիլավայի և Վախթանգ Սեբուայի՝ բանկային գաղտնիք հանդիսացող փաստաթղթերը և կրիչները պետք է պահել քրեական գործի հետ միասին՝ այն պահելու ողջ ժամանակամիջոցում։

4. Եզրափակիչ մաս
Վերոգրյալի հիման վրա և ղեկավարվելով ՀՀ Քրեական դատավարության օրենսգրքի 357-360, 365, 369-373-րդ հոդվածներով, դատարանը


Վ Ճ Ռ Ե Ց

Պաատա Դավիթի Կինծուրաշվիլիին մեղավոր ճանաչել ՀՀ Քրեական օրենսգրքի 34-178-րդ հոդվածի 3-րդ մասի 1-ին և 2-րդ կետերով նախատեսված հանցագործության կատարման մեջ և նրա նկատմամբ պատիժ նշանակել ազատազրկում 5 /հինգ/ տարի ժամկետով՝ առանց գույքի բռնագրավման։
Պաատա Դավիթի Կինծուրաշվիլիի նկատմամբ ընտրված խափանման միջոցը` կալանավորումը, թողնել անփոփոխ մինչև դատավճիռն օրինական ուժի մեջ մտնելը, նշանակված պատժի կրման սկիզբը հաշվել 2015թ. հունվարի 06-ից։
Տուժող կազմակերպության՝ քաղաքացիական հայցվոր «ՎՏԲ-Հայաստան Բանկ» ՓԲԸ, ներկայացուցիչ Մ.Արոյանի կողմից ներկայացված քաղաքացիական հայցը բավարարել՝
Պաատա Դավիթի Կինծուրաշվիլիից հօգուտ «ՎՏԲ-Հայաստան Բանկ» ՓԲԸ բռնագանձել 927.869 /ինը հարյուր քսանյոթ հազար ութ հարյուր վաթսունինը/ ՀՀ դրամ՝ որպես հանցագործությամբ անմիջականորեն պատճառված վնասի փոխհատուցում։
Քաղաքացիական հայցի բռնագանձումն ապահովելու նպատակով՝ Պաատա Կինծուրաշվիլիի անձնական խուզարկության ժամանակ հայտնաբերված «Model։ LR301» մոդելի, «IMEI։ 351969013304598» նույնականացման համարի, «S/N։ 2012042930459» սերիկան համարի, «Model։ LR301» մոդելի «IMEI։351969013304507» նույնականացման համարի, «S/N։ 2012042930450» սերիկան համարի, «model։ Т5» մոդելի, «IMEI։ A։ 357432041003022» և «IMEI։ B357432041003023» նույնականացման համարների երեք բջջային հեռախոսների և սև գույնի դրամապանակի վրա դրված կալանքը պահպանել՝ քրեական գործի վարույթի ավարտից հետո մեկ ամսվա ընթացքում, որից հետո՝ այն վերացնել։
Պաատա Դավիթի Կինծուրաշվիլիի անձնական խուզարկության ժամանակ հայտնաբերված 5325757300938711, 5167460029670647, 5818671100600310, 01801122206 համարների պլաստիկ քարտերը վերադարձնել ՀՀ քննչական կոմիտեի ՀԿԳ քննության գլխավոր վարչություն՝ թիվ 69113114 քրեական գործին կցելու և հետագա ընթացքն օրենքով սահմանված կարգով լուծելու համար։
Քրեական գործով այլ փաստաթղթի կարգով ապացույց ճանաչված` ՀՀ կենտրոնական բանկից և «ՎՏԲ-Հայաստան Բանկ» ՓԲ ընկերությունից առգրավված և որպես այլ փաստաթղթի կարգով ապացույց ճանաչված՝ Պաատա Կինծուրաշվիլիի, Կախա Ժգենտիի, Պաատա Կվեկվեսկիրիի, Ջումբերի Կուխիլավայի և Վախթանգ Սեբուայի՝ բանկային գաղտնիք հանդիսացող փաստաթղթերը և կրիչները պահել քրեական գործի հետ միասին՝ այն պահելու ողջ ժամանակամիջոցում։
Դատավճիռը կարող է բողոքարկվել ՀՀ Վերաքննիչ քրեական դատարան՝ հրապարակման օրվանից հետո` մեկամսյա ժամկետում։



Դ Ա Տ Ա Վ Ո Ր Մ. Մ Ա Կ Յ Ա Ն