ԵԿԴ/0195/01/15

Ո Ր Ո Շ ՈՒ Մ

ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ԵՎ ՔՐԵԱԿԱՆ

ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ


,,24,, դեկտեմբերի 2015թ. ք. Երևան



Նախագահությամբ դատավոր Մ. Մակյանի

Քարտուղարությամբ` Թ. Խաչատրյանի

Մասնակցությամբ `

Մեղադրող Ա.Մանուկյանի


Հանրային պաշտպան Ժ. Համբարձումյանի


Տուժող Տ.Զաքարյանի


ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը` նախագահությամբ դատավոր Մ.Մակյանի, խորհրդակցական սենյակում, քննության առնելով թիվ ԵԿԴ/0195/01/15 քրեական գործի նյութերն ըստ մեղադրանքի`

Արման Նիկոլի Մովսիսյանի` ծնված 21.05.1977թ.
Երևան քաղաքում, ազգությամբ հայ, ՀՀ քաղաքացի,
ութամյա կրթությամբ, ամուսնացած, չի աշխատում, զբաղվում է
ավտոմեքենա վերանորոգելով, նախկինում դատված, հաշվառված
և բնակվող` Արագածոտնի մարզ, Աշտարակ, Արցախի 6 փողոց, 9
տնակ, մեղադրվում է ՀՀ քրեական օրենսգրքի 177-րդ հոդվածի
1-ին մասով

Պ Ա Ր Զ Ե Ց

Ըստ նախաքննական մարմնի կողմից դատարան ներկայացրած նյութերի`

«2015թ. հունիսի 15-ի6 Արարատի մարզի Լանջազատ գյուղի բնակիչ Տարոն Ոսկանի Զաքարյանը ՀՀ ոստիկանության Կենտրոնականի բաժնում հաղորդում է տվել այն մասին, որ նույն օրը, ժամը 08.45-ից մինչև 12.30-ն ընկած ժամանակահատվածում անհայտ անձը Երևան քաղաքի Տերյան փողոցի թիվ 74 հասցեի մոտ կայանված՝ իրեն պատկանող Վազ 21061 մակնիշի, 35 LV 989 պետհամարանիշի ավտոմեքենայից գողացել է 250.000 ՀՀ դրամ ընդհանուր արժողության նվագարկիչը, տեսանկարահանող սարքը։

Դեպքի առթիվ ՀՀ ոստիկանության Կենտրոնականի բաժնում նախապատրաստված նյութերի հիման վրա ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնում հարուցված թիվ 15119515 քրեական գործով կատարված նախաքննությամբ ձեռք բերված ապացույցներով պարզվել և հիմնավորվել է հետևյալը`

Արագածոտնի մարզի Աշտարակ քաղաքի բնակիչ, սույն գործով մեղադրյալ Արման Նիկոլի Մովսիսյանը նախկինում 4 անգամ դատապարտվել է գույքի հափշտակություններ կատարելու և ապօրինի թմրամիջոցներ ձեռք բերելու համար, վերջին անգամ՝ 16.09.2012թ. Արագածոտնի մարզի ընդհանուր իրավասության դատարանի կողմից ՀՀ քրեական օրենսգրքի 268-րդ հոդվածի 1-ին մասով նախատեսված հանցանք կատարելու համար դատապարտվել է 6 ամիս ազատազրկման և 04.02.2013թ. 1 ամիս 22 օր ժամանակով պայմանական-վաղակետ ազատվել է պատժի կրումից։
Մեղադրյալ Ա.Մովսիսյանը, չունենալով մշտական աշխատանք և զբաղմունք, նպատակադրվել է կրկին ուրիշի գույքի հափշտակություն կատարել։
Մեղադրյալ Ա.Մովսիսյանը 2015թ. հունիսի 15-ի առավոտյան գտնվելով Երևան քաղաքի Տերյան փողոցում, նկատել է թիվ 74 հասցեի մոտակայքում կայանված՝ Տարոն Զաքարյանին պատկանող «Վազ 21061» մակնիշի, 35 LV 989 պետհամարանիշի ավտոմեքենան, նպատակադրվել է հիյալ ավտոմեքենայից գաղտնի հափշտակել վերջինիս պատկանող գույքը։
Մեղադրյալ Ա.Մովսիսյանը, հանցավոր մտադրությունն իրականացնելու նպատակով, ժամը 08։45-ից մինչև ժամը 12։30-ն ընկած ժամանակահատվածում, քայլելով մոտեցել է Տարոն Զաքարյանին պատկանող «Վազ 21061» մակնիշի 35 LV 989 հաշվառման համարանիշի ավտոմեքենային, ապա առջևի աջ կողմի եռանկյունաձև պատուհանը բացելու եղանակով, ավտոմեքենայի սրահից գաղտնի հափշտակել է տուժող Տ.Զաքարյանին պատկանող, ընդհանուր զգալի չափի 250.000 ՀՀ դրամ արժողությամբ՝ «Ջի վի սի» ապրանքանիշի նվագարկիչը, «Ջի Փի Էս» սարքը և ճանապարհը տեսանկարահանող տեսախցիկը»։

Դեպքի առթիվ ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի կողմից 23.06.2015թ.-ին հարուցվել է քրեական գործ։

24.07.2015թ.-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի կողմից կայացվել է որոշում ` Արման Նիկոլի Մովսիսյանին որպես մեղադրյալ ներգրավելու մասին և նրան մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով։

Քրեական գործը ՀՀ Երևան քաղաքի Կենտրոն և Նորք-Մարաշ Վարչական շրջանների ընդհանուր իրավասության դատարանի աշխատակազմի գրասենյակ է ստացվել և մուտքագրվել 30.07.2015թ.-ին և նույն օրը կայացվել է որոշում` քրեական գործը վարույթ ընդունելու մասին։

Գործի դատական քննության նախապատրաստական մասում, 24.12.2015թ.-ին կայացած դատական նիստի ժամանակ տուժող Տարոն Զաքարյանը դատարանում հայտարարել է, որ հաշտվում է ամբաստանյալ Արման Մովսիսյանի հետ, որևէ բողոք չունի նրա նկատմամբ և խնդրել է ամբասատանյալի նկատմամբ քրեական հետապնդումը դադարեցնել։

Ամբաստանյալ Արման Նիկոլի Մովսիսյանը դատարանում նույնպես հայտարարել է, որ հաշտվել է տուժողի հետ և դեմ չէ, որպեսզի դադարեցվի իր նկատմամբ հարուցված քրեական հետապնդումը։

Գործով մեղադրող Ա.Մանուկյանը չի առարկել ամբաստանյալի և տուժողի կողմից ներկայացված միջնորդությունների դեմ, հայտարելով, որ գործը մասնավոր մեղադրանքի է և կան օրենքով սահմանված հիմքեր՝ համապատասխան որոշում կայացնելու համար։

Դատարանը, խորհրդակցական սենյակում ուսումնասիրելով քրեական գործի նյութերը և վերլուծելով դատավարության մասնակիցների դիրքորոշումը, հանգում է այն հետևության, որ Արման Նիկոլի Մովսիսյանի նկատմամբ ՀՀ քրեական օրենսգրքի 177-րդ հոդվածի 1-ին մասով` տուժող Տարոն Զաքարյանի` զգալի չափերի գույքը ենթադրաբար գաղտնի հափշտակելու վերաբերյալ հարուցված քրեական հետապնդումը ենթակա է դադարեցման, իսկ քրեական գործի վարույթը՝ կարճման, հետևյալ պատճառաբանությամբ.

Համաձայն ՀՀ քրեական դատավարության օրենսգրքի 183-րդ հոդվածի 1-ին մասի`

«ՀՀ քրեական օրենսգրքի /…/ 177-րդ հոդվածի 1-ին մասով /.../ նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է միչև դատավճիռ կայացնելու համար դատարանի խորդակցական սենյակ հեռանալը»։

Համաձայն ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի`

«Քրեական գործ չի կարող հարուցվել և, իսկ հարուցված քրեական գործի վարույթը ենթակա է կարճման, եթե. /.../

« 5. սույն օրենսգրքով նախատեսված դեպքերում տուժողը հաշտվել է կասկածյալի կամ մեղադրյալի հետ»։

Դատարանում հաստատված համարվեց այն հանգամանքը, որ ամբաստանյալին մեղսագրված է արարք, որը նախատեսված է ՀՀ քրեական օրենսգրքի 177-րդ հոդվածի 1-ին մասով։

Դատարանն արձանագրում է, որ տուժող Տարոն Զաքարյանի և ամբաստանյալ Արման Մովսիսյանի կողմից ներկայացված հայտարարություններով և դիրքորոշումներով հիմնավորվեց, որ տուժողը, իր զգալի չափերով գույքը գաղտնի հափշտակելու վերաբերյալ ենթադրաբար կատարված հանցավոր ոտնձգության առումով հաշտվել է ամբաստանյալ Տարոն Զաքարյանի հետ, իսկ վերջինս` տուժողի հետ։

Այսպիսով, դատարանը գտնում է, որ առկա են բավարար հիմքեր սույն քրեական գործով ամբաստանյալի նկատմամբ նախաքննական մարմնի կողմից հարուցված ՀՀ քրեական օրենսգրքի 177-րդ հոդվածի 1-ին մասով, տուժող Տարոն Զաքարյանի զգալի չափերի գույքը ենթադրարաբար գաղտնի հափշտակելու առնչությամբ քրեական հետապնդումը դադարեցնելու և քրեական գործի վարույթը կարճելու համար` դատարանի վերը նշված պատճառաբանությամբ և հիմնավորումներով։

ՀՀ քրեական դատավարության օրենսգրքի 313-րդ հոդվածի 1-ին և 2-րդ մասերի համաձայն`

1. Այն բոլոր հարցերի առթիվ, որոնք լուծվում են դատարանի կողմից դատական քննության ժամանակ, դատարանը որոշումներ է կայացնում։
2. Գործը լրացուցիչ քննության ուղարկելու, կարճելու կամ կասեցնելու, խափանման միջոցը փոխելու կամ վերացնելու, բացարկների, փորձաքննություն նշանակելու մասին որոշումները դատարանը կայացնում է խորհրդակցական սենյակում և դրանք պետք է շարադրված լինեն առանձին փաստաթղթերի ձևով` ստորագրված դատարանի ամբողջ կազմի կողմից։

Նման պայմաններում անդրադառնալով Արման Նիկոլի Մովսիսյանի նկատմամբ ընտրված խափանման միջոցի` չհեռանալու մասին ստորագրության հարցին, դատարանը, հանգում է այն հետևության, որ այն պետք է վերացվի։

Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով, 183-րդ և 313-րդ հոդվածներով, դատարանը


Ո Ր Ո Շ Ե Ց

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանում քննված ԵԿԴ/0195/01/15 քրեական գործով ամբաստանյալ Արման Նիկոլի Մովսիսյանի նկատմամբ՝ ՀՀ քրեական օրենսգրքի 177-րդ հոդվածի 1-ին մասով հարուցված քրեական հետապնդումը դադարեցնել և քրեական գործի վարույթը կարճել` տուժող Տարոն Ոսկանի Զաքարյանի կողմից վերջինիս հետ հաշտվելու հիմքով։
Ամբաստանյալ Արման Նիկոլի Մովսիսյանի նկատմամբ ընտրված խափանման միջոցը՝ չհեռանալու մասին ստորագրությունը, վերացնել։

Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում։




Դ Ա Տ Ա Վ Ո Ր Մ. Մ Ա Կ Յ Ա Ն