ԵԿԴ/0186/01/15

Ո Ր Ո Շ ՈՒ Մ

ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ԵՎ ՔՐԵԱԿԱՆ

ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ


,,17,, դեկտեմբերի 2015թ. ք. Երևան



Նախագահությամբ դատավոր Մ. Մակյանի

Քարտուղարությամբ` Թ. Խաչատրյանի

Մասնակցությամբ `

Մեղադրողներ Հ.Սարգսյանի
Մ. Գեղամյանի

Հանրային պաշտպաններ Ա. Հակոբյանի
Ա.Եսայանի

Տուժողներ Ե.Կարապետյանի

Խ. Խաչատրյանի

ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը` նախագահությամբ դատավոր Մ.Մակյանի, խորհրդակցական սենյակում, քննության առնելով թիվ ԵԿԴ/0186/01/15 քրեական գործի նյութերն ըստ մեղադրանքի`

Ալեքսեյ Սերգեյի Ավետյանի` ծնված 04.02.1983թ.
Երևան քաղաքում, ազգությամբ հայ, ՀՀ քաղաքացի,
միջնակարգ կրթությամբ, ամուսնացած, խնամքին 2 անձ, չի
աշխատում, նախկինում դատված, բնակվում է`
ք. Երևան, 16-րդ թաղամաս, 27 շենք, բնակարան 72
մեղադրվում է ՀՀ քրեական օրենսգրքի 178-րդ հոդվածի
1-ին մասով և ՀՀ քրեական օրենսգրքի 178-րդ հոդվածի
1-ին մասով,



Պ Ա Ր Զ Ե Ց

Ըստ նախաքննական մարմնի կողմից դատարան ներկայացրած նյութերի`

«Երևան քաղաքի 16-րդ թաղամասի 27 շենքի թիվ 72 բնակարանի բնակիչ, սույն գործով մեղադրյալ Ալեքսեյ Աերգեյի Ավետյանը նախկինում 6 անգամ դատապարտվել է տարբեր հանցագործություններ կատարելու համար, վերջին անգամ՝ 29.07.2010թ. Երևանի Շենգվաիթ վարչական շրջանի ընդհանուր իրավասության դատարանի կողմի, խարդախության և գողության եղանակնեորվ գույքի հափշտակություններ կատարելու համար` 3 տարի 6 ամիս ժամկետով ազատազրկման։
Մեղադրյալ Ա.Ավետյանը 2013թ. հունիսի 21-ին պատիժն ամբողջությամբ կրելուց հետո ազատվել է պատժավայրից, դարձյալ չի ուղղվել, որևէ հանրօգուտ աշխատանքով չի զբաղվել, այլ նպատակադրվել է խաբեության եղանակով քաղաքացիների գույքի հափշտակություններ կատարել։
Մեղադրյալ Ա.Ավետյանը հանցավոր մտադրությունն իրականացնելու նպատակով «Լիստ. ամ» ինտերնետային կայքում հայտարարություն է տեղադրել այն մասին, թե իբր հանդիսանում է անշարժ գույքի գործակալ և պահանջված դեպքում կարող է համապատասխան ծառայություններ մատուցել։
Գործով տուժող Խոսրով Գագիկի Խաչատրյանը, նպատակ ունենալով հիփոթեքաքին վարկավորմամբ բնակարան ձեռք բերել, 2014թ. ապրիլ ամսին մեղադրյալ Ա.Ավետյանի տեղադրած հայտարարությունն ընթերցելուց հետո իր կողմից շահագործվող 093-25-26-07 բջջային հեռախոսահամարից զանգահարել է կայքում նշված՝ մեղադրյալ Ա.Ավետյանի 094-24-88-78 հեռախոսահամարին, ապա բնակարանի ձեռք բերման հանգամանքների շուրջ բանակցություններ վարելու համար նրա հետ հանդիպելու պայմանավորվածություն է ձեռք բերել։
Պայմանավորվածության համաձայն` մեղադրյալ Ա.Ավետյանը և տուժող Խ.Խաչատրյանը հանդիպել են Երևան քաղաքի Ֆուչիկի փողոցում, ապա զննել առաջարկվող բնակարանը, ինչից հետո Խ.Խաչատրյանը մեղադրյալ Ա.Ավետյանին խնդրել է օգնել վարկավորման գործընթացը կազմակերպելու հարցում։ Մեղադրյալ Ավետյանը, գործելով Խ.Խաչատրյանի գումարները խարդախությամբ հափշտակելու դիտավորությամբ, վերջինիս հավաստիացրել է, թե կարող է իր ծանոթների օժանդակությամբ վարկավորման հարցը լուծել, ապա 2014թ. ապրիլի 15-ին Երևան քաղաքի Կոմիտասի պողոտայի թիվ 52 հասցեի մոտակայքում, չարաշահելով Խ.Խաչատրյանի վստահությունը, մուծումներ կատարելու տրվակով ստացել և խարդախությամբ հափշտակել է նրան պատկանող զգալի չափի՝ 200.000 ՀՀ դրամ գումարը։

Արարատի մարզի Նոր Խարբերդ գյուղի բնակիչ Եղիշե Կարապետյանը 2014թ. հունիսի 27-ին արտասահմանից ժամանող հյուրերի համար վարձակալական հիմունքներով բնակարան ձեռք բերելու նպատակով «List.am» ինտերնետային կայքում զետեղված հայտարարությունն ընթերցելով, իր կողմից շահագործվող 099-58-69-75 հեռախոսահամարից զանգահարել է կայքում տեղադրված՝ մեղադրյալ Ա.Ավետյանի 099-24-88-78 հեռախոսահամարին և հետաքրքրվել վարձակալության համար առաջարկվող՝ Երևան քաղաքի Տերյան փողոցի 42 շենքի թիվ 13 բնակարանով։

Նույն օրը, պայմանավորվածության համաձայն մեղադրյալ Ա.Ավետյանը և տուժող Ե.Կարապետյանը հանդիպել և այցելել են Տերյան փողոցի 42 շենքի թիվ 13 բնակարան, որտեղ բնակարանային պայմաններին ծանոթանալով, Ե Կարապետյանն այն վարձակալելու համաձայնություն է տվել։ Հիշյալ բնակարանում վարձակալական հիմունքներով բնակվող Աստղիկ Մովսիսյանը տեղեկացրել է, որ հաջորդ օրն ազատելու է բնակարանը, ինչից հետո Ե.Կարապետյանը նրան է տվել 20.000 ՀՀ դրամ՝ որպես կանխավճար բնակարանատիրոջը փոխանցելու համար։
Այնուհետև, 2015թ. հունիսի 29-ին, ժամը 06։00-ի սահմաններում, պայմանավորվածության համաձայն Ե.Կարապետյանը հյուրերի հետ այցելել է Տերյան փողոցի թիվ 42 շենքի թիվ 13 բնակարան, որտեղ Ա.Ավետյանը չարաշահելով Ե.Կարապետյանի վստահությունը, վարձակալության գումարը բնակարանատիրոջը փոխանցելու պատրվակով վերջինիցս ստացել և խարդախությամբ հափշտակել է նրան պատկանող զգալի չափի` 223.850 ՀՀ դրամ գումարին համարժեք 500 ԱՄՆ դոլար գումարը»։

Փաստի առթիվ ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնի կողմից 10.07.2014թ.-ին հարուցվել է քրեական գործ։

17.12.2014թ.-ին ՀՀ քննչական կոմիտեի Երևան քաղաքի քննչական վարչության Երևան քաղաքի Կենտրոն և Նորք-Մարաշ վարչական շրջանների քննչական բաժնի կողմից կայացվել է որոշում ` Ալեքսեյ Սերգեյի Ավետյանին որպես մեղադրյալ ներգրավելու մասին և նրան մեղադրանք է առաջադրվել երկու դրվագներով՝ ՀՀ քրեական օրենսգրքի 178-րդ հոդվածի 1-ին մասով։

Քրեական գործը ՀՀ Երևան քաղաքի Կենտրոն և Նորք-Մարաշ Վարչական շրջանների ընդհանուր իրավասության դատարանի աշխատակազմի գրասենյակ է ստացվել և մուտքագրվել 20.06.2015թ.-ին և նույն օրը կայացվել է որոշում` քրեական գործը վարույթ ընդունելու մասին։

Գործի դատական քննության նախապատրաստական մասում, 23.11.2015թ.-ին կայացած դատական նիստի ժամանակ տուժող Եղիշե Էպների Կիրակոսյանը դատարանին ներկայացրել է գրավոր դիմում, որով հայտնել է, որ Ա.Ավետյանից որպես պատճառված վնասի փոխհատուցում ստացել է 40.000 /քառասուն հազար/ ՀՀ դրամ գումար։ Պայմանավորվածության համաձայն` Ա.Ավետյանը պարտավորվել է գումարի մնացած մասը վերադարձնել մինչև 2016թ. հունվարի 20-ը, ուստի պահանջ չունի ամբաստանյալի նկատմամբ, հաշտվում է վերջինիս հետ և խնդրել է ամբասատանյալի նկատմամբ քրեական հետապնդումը դադարեցնել։ Նույնը վերջինս պնդել է նաև դատական նիստի ժամանակ։

12.11.2015թ. կայացած դատական նիստի ժամանակ տուժող Խորով Գագիկի Խաչատրյանը ներկայացրել է գրավոր դիմում, որով հայտնել է, որ ամբաստանյալ Ավետյանի նկատմամբ բողոք չունի և հաշտվել է նրա հետ։

Ամբաստանյալ Ալեքսեյ Սերգեյի Ավետյանը դատարանում նույնպես հայտարարել է, որ հաշտվել է տուժողների հետ, ընդունում է մեղքը և դեմ չէ, որպեսզի դադարեցվի իր նկատմամբ հարուցված քրեական հետապնդումը։

Գործով մեղադրող Մ.Գեղամյանը չի առարկել ամբաստանյալի և տուժողների կողմից ներկայացված միջնորդությունների դեմ, հայտարելով, որ երկու դրվագներով էլ մասնավոր մեղադրանքի է և կան օրենքով սահմանված հիմքեր՝ համապատասխան որոշում կայացնելու համար։

Դատարանը, խորհրդակցական սենյակում ուսումնասիրելով քրեական գործի նյութերը և վերլուծելով դատավարության մասնակիցների դիրքորոշումը, հանգում է այն հետևության, որ Ալեքսեյ Սերգեյի Ավետյանի նկատմամբ երկու դրվագներով՝ ՀՀ քրեական օրենսգրքի 178-րդ հոդվածի 1-ին մասով` տուժողներ Խոսրով Գագիկի Խաչատրյանի և Եղիշե Էպների Կիրակոսյանի գույքը ենթադրաբար խաբեությամբ և վստահությունը չարաշահելու միջոցով հափշտակելու վերաբերյալ հարուցված քրեական հետապնդումը ենթակա է դադարեցման, իսկ քրեական գործի վարույթը՝ կարճման, հետևյալ պատճառաբանությամբ.

Համաձայն ՀՀ քրեական դատավարության օրենսգրքի 183-րդ հոդվածի 1-ին մասի`

«ՀՀ քրեական օրենսգրքի /…/ 178-րդ հոդվածի 1-ին մասով /.../ նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է միչև դատավճիռ կայացնելու համար դատարանի խորդակցական սենյակ հեռանալը»։

Համաձայն ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի`

«Քրեական գործ չի կարող հարուցվել և, իսկ հարուցված քրեական գործի վարույթը ենթակա է կարճման, եթե. /.../

« 5. սույն օրենսգրքով նախատեսված դեպքերում տուժողը հաշտվել է կասկածյալի կամ մեղադրյալի հետ»։

Դատարանում հաստատաված համարվեց այն հանգամանքը, որ ամբաստանյալին մեղսագրված են արարքներ, որոնք նախատեսված են ՀՀ քրեական օրենսգրքի 178-րդ հոդվածի 1-ին մասով։

Դատարանն արձանագրում է, որ տուժողներ Խոսրով Գագիկի Խաչատրյանի, Եղիշե Էպների Կիրակոսյանի և ամբաստանյալ Ալեքսեյ Սերգեյի Ավետյանի կողմից ներկայացված հայտարարություններով և դիրքորոշումներով հիմնավորվեց, որ տուժողները, իրենց գույքը խաբեությամբ և վստահությունը չարաշահելու եղանակով ուրիշի կողմից հափշտակելու վերաբերյալ ենթադրաբար կատարված հանցավոր ոտնձգության առումով հաշտվել են ամբաստանյալ Ալեքսեյ Սերգեյի Ավետյանի հետ, իսկ վերջինս` տուժողների հետ։

Այսպիսով, դատարանը գտնում է, որ առկա են բավարար հիմքեր սույն քրեական գործով ամբաստանյալի նկատմամբ նախաքննական մարմնի կողմից հարուցված՝ երկու դրվագներով՝ ՀՀ քրեական օրենսգրքի 178-րդ հոդվածի 1-ին մասով, տուժողներ Խոսրով Գագիկի Խաչատրյանի և Եղիշե Էպների Կիրակոսյանի գույքը ենթադրարաբար խաբեությամբ և վստահությունը չարաշահելու եղանակով հափշտակելու առնչությամբ քրեական հետապնդումը դադարեցնելու և քրեական գործի վարույթը կարճելու համար` դատարանի վերը նշված պատճառաբանությամբ և հիմնավորումներով։

ՀՀ քրեական դատավարության օրենսգրքի 313-րդ հոդվածի 1-ին և 2-րդ մասերի համաձայն`

1. Այն բոլոր հարցերի առթիվ, որոնք լուծվում են դատարանի կողմից դատական քննության ժամանակ, դատարանը որոշումներ է կայացնում։
2. Գործը լրացուցիչ քննության ուղարկելու, կարճելու կամ կասեցնելու, խափանման միջոցը փոխելու կամ վերացնելու, բացարկների, փորձաքննություն նշանակելու մասին որոշումները դատարանը կայացնում է խորհրդակցական սենյակում և դրանք պետք է շարադրված լինեն առանձին փաստաթղթերի ձևով` ստորագրված դատարանի ամբողջ կազմի կողմից։

Նման պայմաններում անդրադառնալով Ալեքսեյ Սերգեյի Ավետյանի նկատմամբ ընտրված խափանման միջոցի` չհեռանալու մասին ստորագրության հարցին, դատարանը, հանգում է այն հետևության, որ այն պետք է վերացվի։


Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով, 183-րդ և 313-րդ հոդվածներով, դատարանը


Ո Ր Ո Շ Ե Ց

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանում քննված ԵԿԴ/0186/01/15 քրեական գործով ամբաստանյալ Ալեքսեյ Սերգեյի Ավետյանի նկատմամբ՝ երկու դրվագներով՝ ՀՀ քրեական օրենսգրքի 178-րդ հոդվածի 1-ին մասով հարուցված քրեական հետապնդումը դադարեցնել և քրեական գործի վարույթը կարճել` տուժողներ Խոսրով Գագիկի Խաչատրյանի և Եղիշե Էպների Կիրակոսյանի կողմից վերջինիս հետ հաշտվելու հիմքով։

Ամբաստանյալ Ալեքսեյ Սերգեյի Ավետյանի նկատմամբ ընտրված խափանման միջոցը՝ չհեռանալու մասին ստորագրությունը, վերացնել։

Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո` մեկամսյա ժամկետում։


Դ Ա Տ Ա Վ Ո Ր Մ. Մ Ա Կ Յ Ա Ն