ԵԿԴ/0181/01/15


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
07 դեկտեմբերի 2015թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ն.ԹՈՒՄԱՆՅԱՆԻ
մասնակցությամբ`
մեղադրող Վ.ՀԱՐՈՒԹՅՈՒՆՅԱՆԻ
ամբաստանյալ Ա.ՄԱՆՈՒԿՅԱՆԻ
պաշտպան Ա.ՊՈՂՈՍՅԱՆԻ

դատարանում` դռնբաց դատական նիստում, քննեց գործն ըստ մեղադրանքի Արամ Աշոտի Մանուկյանի` ծնված 07.10.1984թ. ք.Երևանում, ազգությամբ հայ, ՀՀ քաղաքացի, իր հայտարարությամբ՝ ամուրի, խնամքին երեք անձ և բարձրագույն կրթությամբ, առողջ, չի աշ-խատում, չդատված, բնակվում է` ք.Երևան, Արցախի պողոտա, 8-րդ շենք, հ. 79 բնակարան, արգելանքի տակ չէ, մեղադրվում է ՀՀ քրեական օրենսգրքի 258-րդ հոդվածի 1-ին մասով։
Ամբաստանյալ Արամ Մանուկյանին ՀՀ քրեական օրենսգրքի 258-րդ հոդվածի 1-ին մասով մեղադրանք է առաջադրվել այն բանի համար, որ նա. «գտնվելով ալկոհոլի ազդեցու-թյան տակ, կոպիտ կերպով խախտել է հասարական կարգը« բացահայտ անհարգալից վերա-բերմունք դրսևորել հասարակության նկատմամբ՝ այն է.
Արամ Մանուկյանը 2015 թվականի հունիսի 3-ին` ժամը 15։00-ից 15։30-ն ընկած ժա-մանակահատվածում, Երևան քաղաքի Թաիրով 14 հասցեում գտնվող ՀՀ ոստիկանության «Ճանապարհային ոստիկանություն» ծառայության ուղեկցող վաշտի մասնաշենքի բակում իր կողմից վարվող «Օպել Աստրա Ջի 1.6» մակնիշի 34DQ637 հաշվառման համարանիշի ավ-տոմեքենան Երևան քաղաքի Ե.Թադևոսյան փողոցից ուղեկցող վաշտի մասնաշենքի բակ տեղափոխելու և վարորդի ինքնությունն ու սթափությունը ստուգելու՝ ՃՈ աշխատակիցներ Արսեն Անանյանի և Ռոման Հակոբյանի օրինական պահանջներին չի ենթարկվել և, դրսևո-րելով հասարակությանը չհարգելուց սերված իր եսամոլությունը« հասարակության շահերն անտեսելու« օրենքի և համընդհանուր ճանաչում ստացած բարոյական նորմերի պահանջ-ներն արհամարհելու ներքին բավականության զգացումով« սեփական անձի առավելությունն ընդգծելու մոլուցքից մղված՝ իրեն և իր կողմից վարվող ավտոմեքենան ՃՈ սպայական վաշ-տի մասնաշենքի բակ տեղափոխելու պատրվակով« ՃՈ աշխատակիցներ Արսեն Անանյանի և Ռոման Հակոբյանի« ինչպես նաև ոստիկանությունում ծառայողների հասցեին մոտ 20 րոպե շարունակ բարձրաձայն տվել է սեռական բնույթի հայհոյանքներ« որպիսի հակաօրինական գործողությունների հետևանքով խաթարվել է Ճանապարհային ոստիկանության ուղեկցող վաշտի աշխատակիցների բնականոն գործունեությունը« խանգարվել է նրանց անդորրը« իսկ որոշների մոտ առաջացել է զայրույթի զգացում ու վրդովմունք»։
Ամբաստանյալ Արամ Մանուկյանը` մինչև դատաքննությունն սկսվելը, միջնորդեց կի-րառել արագացված դատական քննության կարգ և հայտարարեց, որ միջնորդությունը ներ-կայացնում է կամավոր` իր պաշտպանի հետ խորհրդակցելուց հետո, առաջադրված մեղա-դըրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղավոր է ճանաչում և գիտակցում է արագացված կարգով դատական քննություն անցկացնելու հետևանքները։
Դատարանի որոշմամբ ամբաստանյալի միջնորդությունը բավարարվել է և դատական քննությունն անցկացվել է արագացված կարգով, հաշվի առնելով նաև, որ մեղադրողը մե-ղադրական եզրակացությունում չի առարկել արագացված դատական քննության կարգ կիրա-ռելու դեմ։
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքն ու հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է և հաստատվում է քրեական գործով հավաք-ված ապացույցներով, գտնում է, որ ամբաստանյալ Արամ Մանուկյանը կատարել է հան-ցանք` նախատեսված ՀՀ քրեական օրենսգրքի 258-րդ հոդվածի 1-ին մասով, որով և նա պետք է պատասխանատվության ենթարկվի։
Ամբաստանյալի նկատմամբ պատիժ նշանակելիս` պատժի տեսակն ու չափը որոշե-լիս, դատարանը հաշվի է առնում ինչպես նրա կատարած հանցագործության բնույթը, հան-րության համար վտանգավորության աստիճանը և հետևանքները, այնպես էլ արագացված կարգով անցկացված դատական քննության ընթացքում ուսումնասիրված` նրա անձը բնու-թագրող տվյալներն ու պատասխանատվությունը և պատիժը մեղմացնող ու ծանրացնող հան-գամանքները։
Որպես ամբաստանյալ Արամ Մանուկյանի պատասխանատվությունն ու պատիժը մեղմացնող հանգամանքներ` դատարանը հաշվի է առնում, որ նա համաձայնվեց մեղադը-րանքի հետ ու զղջաց կատարած հանցանքի համար։
Որպես ամբաստանյալ Արամ Մանուկյանի պատասխանատվությունն ու պատիժը ծանրացնող հանգամանք` դատարանը հաշվի է առնում նրա կողմից հանցանքն ալկոհոլի ազդեցության տակ կատարելը։
Դատարանը, քննության առնելով խափանման միջոցի հարցը, գտնում է, որ ամբաս-տանյալի նկատմամբ կիրառված խափանման միջոցը` չհեռանալու մասին ստորագրությու-նը, մինչև դատավճռի օրինական ուժի մեջ մտնելը պետք է թողնվի անփոփոխ։
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 357-րդ, 359-րդ, 360-րդ և 3753-րդ հոդվածներով՝ դատարանը

Վ Ճ Ռ Ե Ց

Արամ Աշոտի Մանուկյանին ճանաչել մեղավոր ՀՀ քրեական օրենսգրքի 258-րդ հոդ-վածի 1-ին մասով և նրան դատապարտել 50.000 (հիսուն հազար) ՀՀ դրամ տուգանքի։
Ա.Մանուկյանի նկատմամբ ընտրված խափանման միջոցը թողնել անփոփոխ` մինչև դատավճռի օրինական ուժի մեջ մտնելը։
Դատավճիռը կարող է բողոքարկվել ՀՀ վերաքննիչ քրեական դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ