Գործ ԵԿԴ/0167/01/15





Ո Ր Ո Շ ՈՒ Մ
քրեական գործի վարույթը կարճելու և քրեական հետապնդումը
դադարեցնելու մասին

«22» հուլիսի 2015թ. ք. Երևան

Երևանի Կենտրոն և Նորք - Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Գևորգ Պողոսյանի,

մասնակցությամբ`

մեղադրող, Երևանի Կենտրոն և
Նորք-Մարաշ վարչական շրջանների
դատախազության դատախազ` Վահե Ասատրյանի,

տուժող` Անդրանիկ Խոսրոֆյանի,

նույն դատարանում` խորհրդակցական սենյակում, քննության առնելով քրեական գործն ըստ մեղադրանքի Վլադիմիր Վենիամինովիչի Մոլիտվինի` (ծնված 1976թ. հոկտեմբերի 13-ին, Երևա¬նում, ազ¬գութ¬յամբ ռուս, ՀՀ քա¬ղաքացի, ութամյա կրթութ¬յամբ, ամուրի, նախ¬կինում չդատա¬պարտված, վերջին հաշվառման վայրը` Երևանի Նոր Նորքի Քոչարյան փողոցի 14-րդ շենքի 25-րդ բնակարանում, ներկայումս հաշվառման և մշտական բնակության վայր չունի) և
հաշվի առնելով տուժող Անդրանիկ Խոսրոֆյանի և ամբաստանյալ Վլադիմիր Մոլիտվինի հաշ¬տության կապակցությամբ քրեա¬կան գործի վա¬րույթը բացառող հանգա¬մանքի ի հայտ գալու փաս¬տը,
Պ Ա Ր Զ Ե Ց`

Մասնավոր մեղադրանքի վերաբերյալ թիվ 15110015 քրեական գործն հարուցվել է 2015թ. հունիսի 3-ին` ՀՀ քրեական օրենսգրքի 177-րդ հոդվածի 1-ին մասի հատկանիշներով ՀՀ քննչա¬կան կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջան¬ների քննչական բաժնում` գործով տուժող Անդրանիկ Խոսրոֆյանի հաղորդման հի¬ման վրա նա¬խա¬պատ¬րաստված նյութերի քննարկ¬ման արդյունքներով։
2015թ. հունիսի 3-ին Վլադիմիր Մոլիտվինի նկատմամբ որպես խափանման միջոց է ընտրվել չհե¬ռանալու վերաբերյալ ստորագրություն, 2015թ. հունիսի 10-ին նրան մեղադ¬րանք է առա¬ջադրվել ՀՀ քրեական օրենսգրքի 177-րդ հոդվածի 1-ին մասով։
2015թ. հունիսի 18-ին Վլադիմիր Մոլիտվինին առաջադրված մեղադրանքը փոփոխվել և նրան նոր (վերջնական) մեղադրանք է առաջադրվել ՀՀ քրեական օրենսգրքի 177-րդ հոդվածի 1-ին մասով` մեղադրանքի ծավալում ընդգրկելով փորձագետի եզրակացությամբ արձանագրված հե¬ծանիվի արժեքը։
2015թ. հունիսի 26-ին սույն քրեական գործը Վլադիմիր Վենիամինովիչի Մոլիտվինի նկատ¬մամբ ՀՀ քրեա¬կան օրենսգրքի 177-րդ հոդվածի 1-ին մասով հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրա¬վա¬¬սութ¬յան դատա¬րան, 2015թ. հուլիսի 1-ին ընդունվել է Դատարանի վարույթ, իսկ 2015թ. հուլիսի 14-ին նշանակվել դատական քննության։
Համաձայն Վլադիմիր Մոլիտվինին որպես մեղադրյալ ներգրավելու որոշման, ինչպես նաև մեղադրական եզրակացության` վերջինիս ՀՀ քրեական օրենսգրքի 177-րդ հոդվածի 1-ին մասով մեղադրանք է առա¬ջադրվել այն բանի համար, որ նա« «2015թ. մայիսի 31-ին` ժամը 08։30-ի սահ¬ման¬ներում, գողություն կատարելու դիտավորությամբ Երևան քաղաքի «Ազատության» հրապա¬րակից գաղտնի հափշտակել է Անդրանիկ Խոսրոֆյանին պատկանող, վերջինիս կողմից վարձույ¬թով տրվող «Սալկանո ՆԳ 650» մոդելի հեծանիվը` Անդրանիկ Խոսրոֆյանին պատճառելով զգալի չափի` 120.000 ՀՀ դրամի գույքային վնաս»։
2015թ. հուլիսի 22-ին կայացած առաջին դատական նիստի նախապատրաստական փու¬լում տուժող Անդրանիկ Խոսրոֆյանը, իր իրավունքների վերաբերյալ պարզաբանում ստա¬նալով, հայտ¬նեց, որ հաշտվել է ամբաստանյալ Վլադիմիր Մոլիտվինի հետ, նրա դեմ բողոք և պա¬հանջ չունի, չի ցանկանում, որ վերջինս ենթարկվի քրեական պատասխա¬նատ¬վության։
Ամբաստանյալ Վլադիմիր Մոլիտվինը հաստատեց, որ հաշտվել է տուժողի հետ և չի առար¬կում, որ իր նկատմամբ հարուցված քրեական հետապնդումը դադարեցվի ոչ արդարացնող այդ հիմ¬քով։
Գործով մեղադրող Վահե Ասատրյանը չառարկեց քրեական գործի վարույթը կարճելու և ամբաստանյալ Վլադիմիր Մոլիտվինի նկատ¬մամբ հարուցված քրեական հետապնդումը հաշտութ¬յան հիմքով դադա¬րեց¬նելու դեմ։
Դատարանը, հաշվի առնելով տուժողի և ամբաստանյալի վե¬րոնշյալ դիր¬քո¬րոշումները, գտնում է, որ ի հայտ է եկել քրեական գործի վարույթը բացառող հանգամանք (հիմք), որի պայ¬ման¬ներում քրեական գործի վարույթն ենթակա է կարճման, իսկ ամբաստանյալ Վլադիմիր Մոլիտ¬վինի նկատմամբ հարուցված քրեա¬կան հետապնդումը` դադա¬րեցման, որպիսի հետևության հանգում է հետևյալ իրա¬վական վերլու¬ծութ¬յունների արդյունքներով.
ՀՀ քրեական դատավարական օրենսգրքի 33-րդ հոդվածի համաձայն` մասնավոր մե¬ղադ¬րան¬¬¬քի գործեր են համարվում նույն օրենսգրքի 183-րդ հոդվածում նախատեսված հան¬ցագոր¬ծութ¬յուն¬¬ների վերաբերյալ գործերը։
Ի թիվս ՀՀ քրեական դատավարական օրենսգրքի 183-րդ հոդվածում թվարկվածների` ՀՀ քրեական օրենսգրքի …..(…) 177-րդ հոդվածի 1-ին մասով նախատեսված հանցագործությունների վերա¬բեր¬յալ գործերը ևս հարուցվում են ոչ այլ կերպ, քան տուժողի բողոքի հիման վրա, և կաս¬կած¬յալի, մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է մինչև դատավճիռ կայացնելու համար դատարանի խորհրդակ¬ցա¬կան սենյակ հեռանալը։
ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետի համա¬ձայն` քրեական հետապնդում չի կարող իրականացվել, իսկ հարուցված քրեական գործի վա¬րույ¬թը ենթակա է կարճման, եթե ՀՀ քրեական դատավարական օրենսգրքով հատկապես նախա¬տես¬ված դեպքերում տուժողը հաշտվել է կասկածյալի կամ մեղադրյալի հետ։ Նույն հոդվածի 5-րդ մասի համաձայն` Դատա¬րա¬նը, հայտնաբերելով քրեական հետապնդումը բացա¬ռող հանգա¬մանք¬ներ, լուծում է ամբաստանյալի նկատմամբ քրեական հետապնդումը դադարեց¬նելու հարցը։
ՀՀ քրեական դատավարական օրենսգրքի 36-րդ հոդվածի համաձայն` մասնավոր հե¬տապնդման գործերի վարույթը կարճվում է և փաստվում է քրեական հետապնդում իրակա¬նաց¬նե¬լու հրաժարում, երբ տուժողն հաշտվում է մեղադրյալի հետ։
ՀՀ քրեական դատավարական օրենսգրքի 64-րդ հոդվածի 2-րդ մասի համաձայն` մե¬ղադրյալը, ում վերաբերյալ գործը նշանակված է դատական քննության, կոչվում է ամբաստանյալ, հետևաբար` ՀՀ քրեական դատավարական օրենսգրքի 35-րդ և 36-րդ հոդվածների վերոնշյալ մեկ¬նաբանությունները վերաբերելի են նաև սույն գործով ամբաստանյալի կարգավիճակ ունեցող Վլադիմիր Մոլիտվինի նկատմամբ։
ՀՀ քրեական դատավարական օրենսգրքի 294-րդ հոդվածի 2-րդ մասի համաձայն` գործով վարույթը կարճելու և/կամ քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման և վնասի հատուցման ապահովման միջոց¬ները, քրեադատավարական հարկադրանքի այլ միջոցները վերացնելու մասին որոշում, ինչպես նաև որոշում` իրեղեն ապացույցների ճակատագրի վերաբերյալ։
Դատարանն արձանագրում է, որ գործով իրեղեն ապացույց ճանաչված և տուժող Անդրա¬նիկ Ջանիբեկի Խոսրոֆյանին ի պահ հանձնված` «Սալկանո ՆԳ 650» մոդելի հեծանիվն անհրա¬ժեշտ է թողնել նրա տնօ¬րի¬¬նութ¬յանը` սույն դատական ակտն օրինական ուժի մեջ մտնե¬լուց հետո։
ՀՀ քրեական դատավարական օրենսգրքի 151-րդ հոդվածի 2-րդ մասի համաձայն` խա¬փան¬¬ման միջոցը վերացվում է, երբ վերանում է դրա անհրաժեշտությունը։ Դատարանը փաստում է, որ քրեական գործի վարույթը կարճելու պարագայում ամբաստանյալ Վլադիմիր Մոլիտվինի նկատմամբ ընտրված խափան¬ման միջոց չհեռանալու մասին ստորագրությունն ենթակա է ան¬հապաղ վերացման։
Վերոգրյալի հիման վրա, ղեկավարվելով ՀՀ քրեական դատավարական օրենսգրքի 35-րդ հոդվածի 1-ին մասի 5-րդ կետով, 41-րդ հոդվածի 2-րդ մասի 8-րդ կետով, 183-րդ, 294-րդ և 313-րդ հոդվածներով, ինչպես նաև 379-րդ հոդվածի 1-ին մասի 1-ին կետով, Դատարանը

Ո Ր Ո Շ Ե Ց `

1. Վլադիմիր Վենիամինովիչի Մոլիտվինի նկատմամբ ՀՀ քրեական օրենսգրքի 177-րդ հոդ¬վածի 1-ին մասով հա¬րուցված քրեա¬կան հետապնդումը դադարեցնել, ԵԿԴ/0167/01/15 քրեական գործի վա¬րույթը կարճել` վերջինիս հետ տուժող Անդրանիկ Խոսրոֆյանի հաշտութ¬յան հիմ¬քով։
2. Վլադիմիր Մոլիտվինի նկատմամբ որպես խափանման միջոց ընտրված չհեռա¬նալու մասին ստորագրությունն անհապաղ վերացնել։
3.Գործով իրեղեն ապացույց ճանաչված և տուժող Անդրանիկ Ջանիբեկի Խոսրոֆյանին ի պահ հանձնված` «Սալկանո ՆԳ650» մոդելի հեծանիվը թողնել նրա տնօ¬րի¬¬նութ¬յանը` սույն դա¬տական ակտն օրինական ուժի մեջ մտնե¬լուց հետո։
4. Սույն որոշման օրինակներն հանձնել կողմերին` պարզաբանելով, որ այն կարող է բողո¬քարկ¬վել ՀՀ վերաքննիչ քրեական դատարան` ստացման պահից մեկամսյա ժամ¬կետում։


ԴԱՏԱՎՈՐ` Ա.ՎԱՐԴԱՆՅԱՆ